दान-फल तथा नवीन देह-प्रवेश-निरूपण

श्लोक 1 (garuda.2.31.1)

श्रीविष्णुरुवाच । ये नराः पापसंयुक्तास्ते गच्छन्ति यमालयम् । नृणां मत्साक्षिकं दत्तमनन्तफलदं भवेत्

śrīviṣṇuruvāca ye narāḥ pāpasaṁyuktāste gacchanti yamālayam nṛṇāṁ matsākṣikaṁ dattamanantaphaladaṁ bhavet

श्रीविष्णु ने कहा — जो मनुष्य पापयुक्त होते हैं, वे यमलोक को जाते हैं; मुझे साक्षी मानकर मनुष्यों द्वारा दिया गया दान अनन्त फलदायी होता है।

श्लोक 2 (garuda.2.31.2)

यावद्रजः प्रमाणाब्दंस्वर्गे तिष्ठति भूमिदः । अश्वारूढाश्च ते यान्ति ददते ये ह्युपानहौ

yāvadrajaḥ pramāṇābdaṁsvarge tiṣṭhati bhūmidaḥ aśvārūḍhāśca te yānti dadate ye hyupānahau

जितने कण भूमि में हों, उतने ही वर्षों तक भूमिदाता स्वर्ग में रहता है; जो जूते दान करते हैं, वे अश्वारूढ़ होकर यमलोक जाते हैं।

श्लोक 3 (garuda.2.31.3)

आतपे श्रमयोगेन न दह्यन्ते च कुत्रचित् । छत्त्रदानेन वै प्रेता विचरन्ति सुखं पथि

ātape śramayogena na dahyante ca kutracit chattradānena vai pretā vicaranti sukhaṁ pathi

श्रम-योग से वे कहीं भी आतप में नहीं जलते; छत्र-दान से प्रेत सुखपूर्वक मार्ग में विचरण करते हैं।

श्लोक 4 (garuda.2.31.4)

यमुद्दिश्य ददात्यन्नं तेन चाप्यायितो भवेत्

yamuddiśya dadātyannaṁ tena cāpyāyito bhavet

जो किसी के उद्देश्य से अन्न देता है, उससे वह (मृतक) तृप्त होता है।

श्लोक 5 (garuda.2.31.5)

अन्धकारे महाघोरे अमूर्ते लक्ष्यवर्जिते । उद्द्योतेनैव ते यान्ति दीपदानेन मानवाः

andhakāre mahāghore amūrte lakṣyavarjite uddyotenaiva te yānti dīpadānena mānavāḥ

महाभयंकर, अमूर्त, चिह्नरहित अंधकार में मनुष्य दीपदान के प्रकाश से ही पार जाते हैं।

श्लोक 6 (garuda.2.31.6)

आश्विने कर्तिके वापि माघे मृततिथावपि । चतुर्दश्याञ्च दीयेत दीपदानं सुखाय वै

āśvine kartike vāpi māghe mṛtatithāvapi caturdaśyāñca dīyeta dīpadānaṁ sukhāya vai

आश्विन, कार्तिक अथवा माघ मास में, मृत्यु-तिथि पर, अथवा चतुर्दशी को दीपदान सुख के लिए देना चाहिए।

श्लोक 7 (garuda.2.31.7)

प्रत्यहञ्च प्रदातव्यं मार्गे सुविषमे नरैः । यावत्संवत्सरं वापि प्रेतस्य सुखलिप्सया

pratyahañca pradātavyaṁ mārge suviṣame naraiḥ yāvatsaṁvatsaraṁ vāpi pretasya sukhalipsayā

मनुष्यों को प्रेत के सुख की कामना से प्रतिदिन, अत्यंत दुर्गम मार्ग के लिए, वर्ष भर तक यह देना चाहिए।

श्लोक 8 (garuda.2.31.8)

कुले द्योतति शुद्धात्मा प्रकाशत्वं स गच्छति । ज्योतिर्मयोऽसौ पूज्योऽसौ दीपदानप्रदो नरः

kule dyotati śuddhātmā prakāśatvaṁ sa gacchati jyotirmayo'sau pūjyo'sau dīpadānaprado naraḥ

शुद्धात्मा व्यक्ति अपने कुल में देदीप्यमान होता है और प्रकाश को प्राप्त होता है; दीपदान करने वाला मनुष्य ज्योतिर्मय और पूज्य होता है।

श्लोक 9 (garuda.2.31.9)

प्राङ्मुखोदङ्मुखं दीपं देवागारे द्विजातये । कुर्याद्याम्यमुखं पित्रे अद्भिः सङ्कल्प्य सुस्थिरम्

prāṅmukhodaṅmukhaṁ dīpaṁ devāgāre dvijātaye kuryādyāmyamukhaṁ pitre adbhiḥ saṅkalpya susthiram

द्विजाति के लिए देवालय में पूर्वाभिमुख या उत्तराभिमुख दीपक रखना चाहिए; पितर के लिए दक्षिणाभिमुख दीपक जल से संकल्पपूर्वक स्थिर रखकर रखना चाहिए।

श्लोक 10 (garuda.2.31.10)

सर्वोपहारयुक्तानि पदान्यत्र त्रयोदश । यो ददाति मृतस्येह जीवन्नप्यात्महेतवे । स गच्छति महामार्गे महाकष्टविवर्जितः

sarvopahārayuktāni padānyatra trayodaśa yo dadāti mṛtasyeha jīvannapyātmahetave sa gacchati mahāmārge mahākaṣṭavivarjitaḥ

जो कोई जीवित रहते हुए भी अपने हित के लिए, यहाँ मृतक के निमित्त, सभी उपहारों सहित तेरह पदार्थ देता है, वह महामार्ग पर महाकष्ट से मुक्त होकर चलता है।

श्लोक 11 (garuda.2.31.11)

आसनं भाजनं भोज्यं दीयते यद्द्विजायते । सुखे न भुञ्जमानस्तु देन गच्छत्यलं पथि

āsanaṁ bhājanaṁ bhojyaṁ dīyate yaddvijāyate sukhe na bhuñjamānastu dena gacchatyalaṁ pathi

जो आसन, पात्र और भोजन ब्राह्मण को दिया जाता है, वह (मृतक) सुखपूर्वक न भोगते हुए भी उस दान से पूरी तरह मार्ग तय कर लेता है।

श्लोक 12 (garuda.2.31.12)

कमण्डलुप्रदानेन तृषितः पिबते जलम्

kamaṇḍalupradānena tṛṣitaḥ pibate jalam

कमण्डलु के दान से प्यासा जल पीता है।

श्लोक 13 (garuda.2.31.13)

भाजनं वस्त्रदानञ्च कुसुमञ्चाङ्गुलीयकम् । एकादशा हे दातव्यं प्रेतोद्धरणहेतवे

bhājanaṁ vastradānañca kusumañcāṅgulīyakam ekādaśā he dātavyaṁ pretoddharaṇahetave

पात्र, वस्त्र-दान, पुष्प तथा अंगूठी — ये सम्मिलित रूप से ग्यारह पदार्थ प्रेत के उद्धार के लिए देने चाहिए।

श्लोक 14 (garuda.2.31.14)

त्रयोदश पदानीत्थं प्रेतस्य शुभमिच्छता । दातव्यानि यथाशक्त्या प्रेतोऽसौ प्रीणितो भवेत्

trayodaśa padānītthaṁ pretasya śubhamicchatā dātavyāni yathāśaktyā preto'sau prīṇito bhavet

इस प्रकार प्रेत का शुभ चाहने वाले को यथाशक्ति ये तेरह पदार्थ देने चाहिए, जिससे वह प्रेत प्रसन्न होता है।

श्लोक 15 (garuda.2.31.15)

भोजना नि तिलांश्चैव उदकुम्भांस्त्रयोदश । मुद्रिकां वस्त्रयुग्मञ्च तया याति परां गतिम्

bhojanā ni tilāṁścaiva udakumbhāṁstrayodaśa mudrikāṁ vastrayugmañca tayā yāti parāṁ gatim

भोजन, तिल, तेरह जल-कुम्भ, अंगूठी तथा वस्त्र-युगल — इनसे वह परम गति को प्राप्त होता है।

श्लोक 16 (garuda.2.31.16)

योऽश्वं नावं गजं वापि ब्राह्मणे प्रतिपादयेत् । स महिम्नोऽनुसारेण तत्तत्सुखमुपाश्नुते

yo'śvaṁ nāvaṁ gajaṁ vāpi brāhmaṇe pratipādayet sa mahimno'nusāreṇa tattatsukhamupāśnute

जो ब्राह्मण को अश्व, नौका अथवा हाथी दान करता है, वह उसकी महिमा के अनुसार वही सुख प्राप्त करता है।

श्लोक 17 (garuda.2.31.17)

नानालोकान् विचरति महिषीञ्च ददाति यः । यमपुत्त्रस्य या माता महिषी सुगतिप्रदा

nānālokān vicarati mahiṣīñca dadāti yaḥ yamaputtrasya yā mātā mahiṣī sugatipradā

जो भैंस दान करता है, वह नाना लोकों में विचरण करता है; भैंस, जो यमपुत्र (यम का वाहन) की माता है, सुगति देने वाली है।

श्लोक 18 (garuda.2.31.18)

ताम्बूलं कुसुमं देयं याम्यानां हर्षवर्धनम् । तेन सम्प्रीणिताः सर्वे तस्मिन् क्लेशं न कुर्वते

tāmbūlaṁ kusumaṁ deyaṁ yāmyānāṁ harṣavardhanam tena samprīṇitāḥ sarve tasmin kleśaṁ na kurvate

याम्य लोक के प्राणियों का हर्ष बढ़ाने वाले पान-पुष्प देने चाहिए; इससे प्रसन्न होकर वे सब उसे (मृतक को) कष्ट नहीं देते।

श्लोक 19 (garuda.2.31.19)

गोभूतिलहिरण्यानि दानान्याहुः स्वशक्तितः

gobhūtilahiraṇyāni dānānyāhuḥ svaśaktitaḥ

गौ, भूमि, तिल तथा स्वर्ण — ये दान अपनी शक्ति के अनुसार कहे गए हैं।

श्लोक 20 (garuda.2.31.20)

मृतोद्देशेन यो यद्याज्जलपात्रञ्च मृन्मयम् । उदपात्रसहस्रस्य फलमाप्नोति मानवः

mṛtoddeśena yo yadyājjalapātrañca mṛnmayam udapātrasahasrasya phalamāpnoti mānavaḥ

मृतक के उद्देश्य से जो मिट्टी का जलपात्र भी दान करता है, वह मनुष्य सहस्र जलपात्रों का फल प्राप्त करता है।

श्लोक 21 (garuda.2.31.21)

यमदूता महारौद्राः करालाः कृष्णपिङ्गलाः । न भीषयन्ति तं याम्या वस्त्रदाने कृते सति

yamadūtā mahāraudrāḥ karālāḥ kṛṣṇapiṅgalāḥ na bhīṣayanti taṁ yāmyā vastradāne kṛte sati

वस्त्र-दान होने पर वे भयंकर, विकराल, काले-भूरे यमदूत उसे भयभीत नहीं करते।

श्लोक 22 (garuda.2.31.22)

मार्गे हि गच्छमानस्तु तृष्णार्तः श्रमपीडितः । घटान्नदानयोगेन सुखी भवति निश्चितम्

mārge hi gacchamānastu tṛṣṇārtaḥ śramapīḍitaḥ ghaṭānnadānayogena sukhī bhavati niścitam

मार्ग में जाते हुए प्यास से पीड़ित तथा श्रम से थका हुआ व्यक्ति घट-अन्न के दान से निश्चय ही सुखी होता है।

श्लोक 23 (garuda.2.31.23)

शय्या दक्षिणया युक्ता आयुधाम्बरसंयुता । हैमश्रीपतिना युक्ता देया विप्राय शर्मणे । तथा प्रेतत्वमुक्तोऽसौ मोदते सह दैवतैः

śayyā dakṣiṇayā yuktā āyudhāmbarasaṁyutā haimaśrīpatinā yuktā deyā viprāya śarmaṇe tathā pretatvamukto'sau modate saha daivataiḥ

दक्षिणा सहित, आयुध और वस्त्रों से युक्त, स्वर्ण-निर्मित लक्ष्मीपति (विष्णु) की मूर्ति सहित शय्या ब्राह्मण को सुख के लिए देनी चाहिए; इससे वह प्रेतत्व से मुक्त होकर देवताओं के साथ आनन्द मनाता है।

श्लोक 24 (garuda.2.31.24)

एतत्ते कथितं तार्क्ष्य दानमन्त्येष्टिकर्मजम् । अधुना कथयिष्येऽहमन्यदेहप्रवेशनम्

etatte kathitaṁ tārkṣya dānamantyeṣṭikarmajam adhunā kathayiṣye'hamanyadehapraveśanam

हे तार्क्ष्य! यह मैंने तुम्हें अन्त्येष्टि-कर्म से उत्पन्न दान के विषय में बताया। अब मैं तुम्हें अन्य शरीर में प्रवेश के विषय में बताऊँगा।

श्लोक 25 (garuda.2.31.25)

जातस्य मृत्युलोके वै प्राणिनो मरणं ध्रुवम् । मृतिः कुर्यात्स्वधर्मेण यास्यतश्च परन्तप

jātasya mṛtyuloke vai prāṇino maraṇaṁ dhruvam mṛtiḥ kuryātsvadharmeṇa yāsyataśca parantapa

हे परन्तप! मृत्युलोक में जन्मे प्राणी की मृत्यु निश्चित है; मृत्यु अपने धर्म के अनुसार जाने वाले के साथ अपना कार्य करती है।

श्लोक 26 (garuda.2.31.26)

पूर्वकाले मृतानाञ्च प्राणिनाञ्च खगेश्वर । सूक्ष्मोभूत्वा त्वसौ वायुर्निर्गच्छत्यास्यमण्डलात्

pūrvakāle mṛtānāñca prāṇināñca khageśvara sūkṣmobhūtvā tvasau vāyurnirgacchatyāsyamaṇḍalāt

हे खगेश्वर! पूर्व काल में मरने वाले प्राणियों का वह (सूक्ष्म तत्व) वायु बनकर मुख-मण्डल से बाहर निकलता है।

श्लोक 27 (garuda.2.31.27)

नवद्वारै रोमभिश्च जनानां तालुरन्ध्रके । पापिष्ठानामपानेन जीवो निष्क्रामति ध्रुवम्

navadvārai romabhiśca janānāṁ tālurandhrake pāpiṣṭhānāmapānena jīvo niṣkrāmati dhruvam

नौ द्वारों से, रोमकूपों से, तथा मनुष्यों के तालु-रन्ध्र से; अत्यंत पापियों का जीव अपान (गुदा) मार्ग से ही निश्चय ही निकलता है।

श्लोक 28 (garuda.2.31.28)

शरीरञ्च पतेत्पश्चान्निर्गते मरुतीश्वरे । वाताहतः पतत्येव निराधारो यथा द्रुमः

śarīrañca patetpaścānnirgate marutīśvare vātāhataḥ patatyeva nirādhāro yathā drumaḥ

प्राणवायु के निकल जाने पर शरीर बाद में गिर पड़ता है; जैसे आधाररहित वृक्ष वायु से टकराकर गिर जाता है।

श्लोक 29 (garuda.2.31.29)

पृथिव्यां लीयते पृथ्वी आपश्चैव तथाप्सु च । तेजस्तेजसि लीयते समीरणः समीरणे । आकाशे च तथा काशः सर्वव्यापी च शङ्करे

pṛthivyāṁ līyate pṛthvī āpaścaiva tathāpsu ca tejastejasi līyate samīraṇaḥ samīraṇe ākāśe ca tathā kāśaḥ sarvavyāpī ca śaṅkare

पृथ्वी पृथ्वी में, जल जल में, तेज तेज में, वायु वायु में लीन हो जाता है; तथा आकाश आकाश में, सर्वव्यापी शंकर में लीन हो जाता है।

श्लोक 30 (garuda.2.31.30)

तत्र कामस्तथा क्रोधः काये पञ्चेन्द्रियाणि च । एते तार्क्ष्य समाख्याता देहे तिष्ठन्ति तस्कराः

tatra kāmastathā krodhaḥ kāye pañcendriyāṇi ca ete tārkṣya samākhyātā dehe tiṣṭhanti taskarāḥ

वहाँ काम और क्रोध, तथा शरीर में पाँच इन्द्रियाँ भी — हे तार्क्ष्य! ये सब शरीर में रहने वाले चोर कहे गए हैं।

श्लोक 31 (garuda.2.31.31)

कामः क्रोधो ह्यहङ्कारो मनस्तत्रैव नायकः । संहारकश्च कालोऽयं पुण्यपापसमन्वितः

kāmaḥ krodho hyahaṅkāro manastatraiva nāyakaḥ saṁhārakaśca kālo'yaṁ puṇyapāpasamanvitaḥ

काम, क्रोध, अहंकार, और वहीं उनका नायक मन; तथा पुण्य-पाप से युक्त यह संहारकारी काल —

श्लोक 32 (garuda.2.31.32)

जगतश्च स्वरूपन्तु निर्मितं स्वेन कर्मणा । पुनर्देहान्तरं याति सुकृतैर्दुष्कृतैर्नरः

jagataśca svarūpantu nirmitaṁ svena karmaṇā punardehāntaraṁ yāti sukṛtairduṣkṛtairnaraḥ

और अपने ही कर्म से निर्मित इस जगत का स्वरूप — मनुष्य अपने सुकृत-दुष्कृत के अनुसार पुनः अन्य शरीर को प्राप्त होता है।

श्लोक 33 (garuda.2.31.33)

पञ्चेन्द्रियसमायुक्तं सकलैर्विष्यैः सह । प्रविशेत्स नवं देहं गृहे दग्धे यथा गृही

pañcendriyasamāyuktaṁ sakalairviṣyaiḥ saha praviśetsa navaṁ dehaṁ gṛhe dagdhe yathā gṛhī

पाँचों इन्द्रियों से युक्त, सभी विषयों सहित, वह नए शरीर में प्रवेश करता है, जैसे गृहस्थ जलते हुए घर से (नए घर में जाता है)।

श्लोक 34 (garuda.2.31.34)

शरीरे ये समासीना सम्भवेत्सर्वधातवः । षाट्कौशिको ह्ययं कायो माता पित्रोश्च धातवः

śarīre ye samāsīnā sambhavetsarvadhātavaḥ ṣāṭkauśiko hyayaṁ kāyo mātā pitrośca dhātavaḥ

शरीर में जो सब धातुएँ एकत्रित होती हैं, वह छह कोशों वाला यह शरीर माता-पिता की धातुओं से बनता है।

श्लोक 35 (garuda.2.31.35)

सम्भवेयुस्तथा तार्क्ष्य सर्वे वाताश्च देहिनाम् । मूत्रं पुरीषं तद्योगा ये चान्ये व्याधयस्तथा

sambhaveyustathā tārkṣya sarve vātāśca dehinām mūtraṁ purīṣaṁ tadyogā ye cānye vyādhayastathā

हे तार्क्ष्य! उसी प्रकार देहधारियों के सभी वात (शारीरिक तत्व), मूत्र, मल तथा उनके संयोग से उत्पन्न अन्य व्याधियाँ भी उत्पन्न होती हैं।

श्लोक 36 (garuda.2.31.36)

अस्थि शुक्रं तथा स्नायुः देहेन सह दह्यते । एष ते कथितस्तार्क्ष्य विनाशः सर्वदेहिनाम्

asthi śukraṁ tathā snāyuḥ dehena saha dahyate eṣa te kathitastārkṣya vināśaḥ sarvadehinām

अस्थि, शुक्र तथा स्नायु शरीर के साथ ही जल जाते हैं; हे तार्क्ष्य! यह मैंने तुम्हें सभी देहधारियों के विनाश के विषय में बताया।

श्लोक 37 (garuda.2.31.37)

कथयामि पुनस्तेषां शरीरञ्च यथा भवेत् । एकस्तम्भं स्नायुबद्धं स्थूणाद्वयसमुद्धृतम्

kathayāmi punasteṣāṁ śarīrañca yathā bhavet ekastambhaṁ snāyubaddhaṁ sthūṇādvayasamuddhṛtam

अब मैं पुनः बताता हूँ कि उनका शरीर कैसा होता है — स्नायुओं से बँधा एक ही स्तम्भ, दो खम्भों (पैरों) पर टिका हुआ,

श्लोक 38 (garuda.2.31.38)

इन्द्रियैश्च समायुक्तं नवद्वारं शरीरकम् । विषयैश्च समाक्रान्तं कामक्रोधसमाकुलम्

indriyaiśca samāyuktaṁ navadvāraṁ śarīrakam viṣayaiśca samākrāntaṁ kāmakrodhasamākulam

इन्द्रियों से युक्त, नौ द्वारों वाला यह शरीर, विषयों से आक्रान्त, काम-क्रोध से व्याकुल,

श्लोक 39 (garuda.2.31.39)

रागद्वेषसमाकीर्णं तृष्णादुर्गसुदुस्तरम् । लोभजालसमायुक्तं पुरं पुरुषसंज्ञितम्

rāgadveṣasamākīrṇaṁ tṛṣṇādurgasudustaram lobhajālasamāyuktaṁ puraṁ puruṣasaṁjñitam

राग-द्वेष से भरा, तृष्णा के दुर्गम मार्ग से अत्यंत दुस्तर, लोभ के जाल से युक्त — यह नगर 'पुरुष' कहलाता है।

श्लोक 40 (garuda.2.31.40)

एतद्गुणसमायुक्तं शरीरं सर्वदेहिनाम् । तिष्ठन्ति देवताः सर्वा भुवनानि चतुर्दश

etadguṇasamāyuktaṁ śarīraṁ sarvadehinām tiṣṭhanti devatāḥ sarvā bhuvanāni caturdaśa

यह गुणों से युक्त शरीर सभी देहधारियों का है; इसमें सभी देवता तथा चौदह भुवन निवास करते हैं।

श्लोक 41 (garuda.2.31.41)

आत्मानं ये न जानन्ति ते नराः पशवः स्मृताः । एवमेतन्मयाख्यातं शरीरं ते चतुर्विधम्

ātmānaṁ ye na jānanti te narāḥ paśavaḥ smṛtāḥ evametanmayākhyātaṁ śarīraṁ te caturvidham

जो आत्मा को नहीं जानते, वे मनुष्य पशु ही कहे गए हैं। इस प्रकार मैंने तुम्हें इस चतुर्विध शरीर के बारे में बताया।

श्लोक 42 (garuda.2.31.42)

चतुरशीतिलक्षाणि निर्मिता योनयः पुरा । उद्भिज्जाः स्वेदजाश्चैव अण्डजाश्च जरायुजाः

caturaśītilakṣāṇi nirmitā yonayaḥ purā udbhijjāḥ svedajāścaiva aṇḍajāśca jarāyujāḥ

प्राचीन काल में चौरासी लाख योनियाँ बनाई गईं — उद्भिज्ज (अंकुर से जन्मे), स्वेदज (पसीने से जन्मे), अण्डज (अंडे से जन्मे) तथा जरायुज (गर्भ से जन्मे)।

श्लोक 43 (garuda.2.31.43)

एतत्ते सर्वमाख्यातं यत्पृष्टोहं त्वयानघ

etatte sarvamākhyātaṁ yatpṛṣṭohaṁ tvayānagha

हे अनघ! जो कुछ तुमने मुझसे पूछा, वह सब मैंने तुम्हें बता दिया।