यमलोक-विस्तृति-वर्णन

श्लोक 1 (garuda.2.33.1)

गरुड उवाच । उत्पत्तिलक्षणं जन्तोः कथितं मयि पुत्त्रके । यमलोकः कियन्मात्रस्त्रैलोक्ये सचराचरे । विस्तरं तस्य मे ब्रूहि अध्वा चैव कियान् स्मृतः

garuḍa uvāca utpattilakṣaṇaṁ jantoḥ kathitaṁ mayi puttrake yamalokaḥ kiyanmātrastrailokye sacarācare vistaraṁ tasya me brūhi adhvā caiva kiyān smṛtaḥ

गरुड ने कहा — प्राणी की उत्पत्ति का लक्षण मुझे बताया गया, हे प्रिय। सचराचर त्रैलोक्य में यमलोक कितना विस्तृत है, यह मुझे बताइए, तथा उसका मार्ग भी कितना स्मरण किया गया है?

श्लोक 2 (garuda.2.33.2)

कैश्च पापैः कृतैर्देव केन वा शुभकर्मणा । गच्छन्ति मानवास्तत्र कथयस्व विशेषतः

kaiśca pāpaiḥ kṛtairdeva kena vā śubhakarmaṇā gacchanti mānavāstatra kathayasva viśeṣataḥ

हे देव! किन पापों के करने से, अथवा किस शुभ कर्म से मनुष्य वहाँ जाते हैं — यह विशेष रूप से बताइए।

श्लोक 3 (garuda.2.33.3)

श्रीभगवानुवाच । षटशीतिसहस्राणि योजनानां प्रमाणतः । यमलोकस्य चाध्वानमन्तरा मानुषस्य च

śrībhagavānuvāca ṣaṭaśītisahasrāṇi yojanānāṁ pramāṇataḥ yamalokasya cādhvānamantarā mānuṣasya ca

श्रीभगवान ने कहा — छियासी हजार योजन के परिमाण में यमलोक का मार्ग मनुष्यलोक से दूरी पर है।

श्लोक 4 (garuda.2.33.4)

ध्मातताम्रमिवातप्तो ज्वलद्दुर्गो महापथः । तत्र गच्छन्ति पापिष्ठा मानवा मूढचेतसः

dhmātatāmramivātapto jvaladdurgo mahāpathaḥ tatra gacchanti pāpiṣṭhā mānavā mūḍhacetasaḥ

तपाए हुए ताँबे के समान तप्त, जलता हुआ दुर्गम महामार्ग है; वहाँ मूढ़चेता, अत्यंत पापी मनुष्य जाते हैं।

श्लोक 5 (garuda.2.33.5)

कण्टकाश्च सुतीक्ष्णा वै विविधा घोरदर्शनाः । तैस्तुवालुक्षितिर्व्याप्ता हुताशश्च तथोल्बणः

kaṇṭakāśca sutīkṣṇā vai vividhā ghoradarśanāḥ taistuvālukṣitirvyāptā hutāśaśca tatholbaṇaḥ

अत्यंत तीक्ष्ण, नाना प्रकार के भयानक दिखने वाले काँटों से वह बालू-भूमि व्याप्त है, तथा प्रचण्ड अग्नि भी है।

श्लोक 6 (garuda.2.33.6)

वृक्षच्छाया न तत्रास्ति यत्र विश्रमते नरः । गृहीतः कालपाशैश्च कृतैः कर्मभिरुल्बणैः

vṛkṣacchāyā na tatrāsti yatra viśramate naraḥ gṛhītaḥ kālapāśaiśca kṛtaiḥ karmabhirulbaṇaiḥ

वहाँ कहीं वृक्ष की छाया नहीं है जहाँ मनुष्य विश्राम कर सके; वह अपने किए हुए प्रचण्ड कर्मों के काल-पाशों से जकड़ा रहता है।

श्लोक 7 (garuda.2.33.7)

तस्मिन्मार्गे न चान्नाद्यं येन प्राणान् प्रपोषयेत् । न जलं दृश्यते तत्र तृषा येन विलीयते

tasminmārge na cānnādyaṁ yena prāṇān prapoṣayet na jalaṁ dṛśyate tatra tṛṣā yena vilīyate

उस मार्ग में न तो कोई अन्न है जिससे प्राण पोषित हो सकें, न वहाँ जल दिखाई देता है जिससे प्यास बुझाई जा सके।

श्लोक 8 (garuda.2.33.8)

क्षुधया पीडितो याति तृष्णया च महापथे । शीतेन कम्पते क्वापि यममार्गेऽतिदुर्गमे

kṣudhayā pīḍito yāti tṛṣṇayā ca mahāpathe śītena kampate kvāpi yamamārge'tidurgame

वह उस महामार्ग में भूख और प्यास से पीड़ित होकर चलता है; अत्यंत दुर्गम यम-मार्ग में कहीं शीत से काँपता है।

श्लोक 9 (garuda.2.33.9)

यद्यस्य यादृशं पापं स पन्थास्तस्य तादृशः । सुदीनाः कृपणा मूढा दुः खैर्व्याप्तास्तरन्ति तम्

yadyasya yādṛśaṁ pāpaṁ sa panthāstasya tādṛśaḥ sudīnāḥ kṛpaṇā mūḍhā duḥ khairvyāptāstaranti tam

जिसका जैसा पाप हो, उसका मार्ग वैसा ही होता है; अत्यंत दीन, कृपण, मूढ़ तथा दुःखों से व्याप्त लोग उसे पार करते हैं।

श्लोक 10 (garuda.2.33.10)

रुदन्ति दारुणं केचित्केचिद्द्रोहं वदन्ति च । आत्मकर्मकृतैर्देषैः पच्यमाना मुहुर्मुहुः

rudanti dāruṇaṁ kecitkeciddrohaṁ vadanti ca ātmakarmakṛtairdeṣaiḥ pacyamānā muhurmuhuḥ

कुछ भयंकर विलाप करते हैं, कुछ द्रोह की बातें कहते हैं, अपने ही कर्मों से उत्पन्न दोषों से बार-बार पकाए जाते हुए।

श्लोक 11 (garuda.2.33.11)

ईदृग्विधः स वै पन्था विज्ञेयो दारुणः खग । वितृष्णा ये नरा लोके सुखं तस्मिन् व्रजन्ति ते

īdṛgvidhaḥ sa vai panthā vijñeyo dāruṇaḥ khaga vitṛṣṇā ye narā loke sukhaṁ tasmin vrajanti te

हे खग! ऐसा ही वह भयंकर मार्ग जानना चाहिए; परन्तु जो मनुष्य संसार में तृष्णारहित हैं, वे उस पर सुखपूर्वक जाते हैं।

श्लोक 12 (garuda.2.33.12)

यानियानि च दानानि दत्तानि भुवि मानवैः । तानितान्युपतिष्ठन्ति यमलोके पुरः पथि

yāniyāni ca dānāni dattāni bhuvi mānavaiḥ tānitānyupatiṣṭhanti yamaloke puraḥ pathi

मनुष्यों द्वारा पृथ्वी पर जो-जो दान दिए गए होते हैं, वे-वे यमलोक के मार्ग में आगे उपस्थित हो जाते हैं।

श्लोक 13 (garuda.2.33.13)

पापिनो नोपतिष्ठन्ति दाहश्राद्धजलाञ्जलि । भ्रमन्ति वायुभूतास्ते ये क्षुद्राः पापकर्मिणः

pāpino nopatiṣṭhanti dāhaśrāddhajalāñjali bhramanti vāyubhūtāste ye kṣudrāḥ pāpakarmiṇaḥ

पापियों के लिए दाह-श्राद्ध और जलांजलि उपस्थित नहीं होते; वे क्षुद्र पापकर्मी वायुभूत होकर भटकते रहते हैं।

श्लोक 14 (garuda.2.33.14)

ईदृशं वर्त्म तद्रौद्रं कथितं तव सुव्रत । पुनश्च कथयिष्यामि यममार्गस्य या स्थितिः

īdṛśaṁ vartma tadraudraṁ kathitaṁ tava suvrata punaśca kathayiṣyāmi yamamārgasya yā sthitiḥ

हे सुव्रत! ऐसा वह भयंकर मार्ग तुम्हें बताया; अब मैं पुनः यम-मार्ग की संरचना बताऊँगा।

श्लोक 15 (garuda.2.33.15)

याम्यनैरृतयोर्मध्ये पुरं वैवस्वतस्य तु । सर्वं वज्रमयं दिव्यमभेद्यं तत्सुरासुरैः

yāmyanairṛtayormadhye puraṁ vaivasvatasya tu sarvaṁ vajramayaṁ divyamabhedyaṁ tatsurāsuraiḥ

दक्षिण और नैऋत्य दिशा के मध्य वैवस्वत (यम) का नगर है; वह पूर्ण रूप से वज्रमय, दिव्य तथा देव-दानवों द्वारा भी अभेद्य है।

श्लोक 16 (garuda.2.33.16)

चतुरश्रं चतुर्द्वारं सप्तप्राकारतोरणम् । स्वयं तिष्ठति वै यस्यां यमो दूतैः समन्वितः

caturaśraṁ caturdvāraṁ saptaprākāratoraṇam svayaṁ tiṣṭhati vai yasyāṁ yamo dūtaiḥ samanvitaḥ

चतुष्कोण, चार द्वारों वाला, सात प्राकार-तोरणों से युक्त — वहाँ स्वयं यम अपने दूतों के साथ विराजमान रहते हैं।

श्लोक 17 (garuda.2.33.17)

योजनानां सहस्रं वै प्रमाणेन तदुच्यते । सर्वरत्नमयं दिव्यं विद्युज्ज्वालार्कतैजसम्

yojanānāṁ sahasraṁ vai pramāṇena taducyate sarvaratnamayaṁ divyaṁ vidyujjvālārkataijasam

वह सहस्र योजन के परिमाण में कहा जाता है; सर्वरत्नमय, दिव्य, विद्युत-ज्वाला तथा सूर्य के समान तेजस्वी है।

श्लोक 18 (garuda.2.33.18)

तद्गुहं धर्मराजस्य विस्तीर्णं काञ्चनप्रभम् । योजनानां पञ्चशतप्रमाणेन समुच्छ्रितम्

tadguhaṁ dharmarājasya vistīrṇaṁ kāñcanaprabham yojanānāṁ pañcaśatapramāṇena samucchritam

धर्मराज का वह भवन विस्तीर्ण, स्वर्ण के समान चमकीला, पाँच सौ योजन ऊँचा है।

श्लोक 19 (garuda.2.33.19)

वृतं स्तम्भसहस्रैस्तु वैदूर्यमणिमण्डितम् । मुक्ताजालगवाक्षं च पताकाशतभूषितम्

vṛtaṁ stambhasahasraistu vaidūryamaṇimaṇḍitam muktājālagavākṣaṁ ca patākāśatabhūṣitam

सहस्र स्तंभों से घिरा, वैदूर्य मणियों से सुशोभित, मुक्ता-जालों वाले गवाक्षों तथा सैकड़ों पताकाओं से भूषित है।

श्लोक 20 (garuda.2.33.20)

घण्टाशतनिनादाढ्यं तोरणानां शतैर्वृतम् । एवमादिभिरन्यैश्च भूषणैर्भूषितं सदा

ghaṇṭāśataninādāḍhyaṁ toraṇānāṁ śatairvṛtam evamādibhiranyaiśca bhūṣaṇairbhūṣitaṁ sadā

सैकड़ों घंटियों की ध्वनि से समृद्ध, सैकड़ों तोरणों से घिरा, इसी प्रकार अन्य आभूषणों से सदा सुसज्जित है।

श्लोक 21 (garuda.2.33.21)

तत्रस्थो भगवान् धर्म आसने तु समे शुभे । दशयो जनविस्तीर्णे नीलजीमूतसन्निभे

tatrastho bhagavān dharma āsane tu same śubhe daśayo janavistīrṇe nīlajīmūtasannibhe

वहाँ भगवान धर्म समतल, शुभ, दस योजन विस्तृत, नीले मेघ के समान आसन पर विराजमान हैं।

श्लोक 22 (garuda.2.33.22)

धर्मज्ञो धर्मशीलश्च धर्मयुक्तो हितो यमः । भयदः पापयुक्तानां धार्मिकाणां सुखप्रदः

dharmajño dharmaśīlaśca dharmayukto hito yamaḥ bhayadaḥ pāpayuktānāṁ dhārmikāṇāṁ sukhapradaḥ

यम धर्मज्ञ, धर्मशील, धर्मयुक्त तथा हितकारी हैं; वे पापियों के लिए भयदायक और धार्मिकों के लिए सुखदायक हैं।

श्लोक 23 (garuda.2.33.23)

मन्दमारु तसंयोगैरुत्सवैर्विविधैस्तथा । व्याख्यानैर्विविधैर्युक्तः शङ्खवादित्रनिः स्वनैः

mandamāru tasaṁyogairutsavairvividhaistathā vyākhyānairvividhairyuktaḥ śaṅkhavāditraniḥ svanaiḥ

मन्द वायु के संयोग से, नाना उत्सवों से, नाना व्याख्यानों से, तथा शंख-वाद्यों की ध्वनियों से युक्त वह भवन है।

श्लोक 24 (garuda.2.33.24)

पुरमध्यप्रवेशे तु चित्रगुप्तस्य वै गृहम् । पञ्चविंशतिसंख्यानां योजनानां सुविस्तरम्

puramadhyapraveśe tu citraguptasya vai gṛham pañcaviṁśatisaṁkhyānāṁ yojanānāṁ suvistaram

नगर के मध्य में प्रवेश करते ही चित्रगुप्त का भवन है, जो पच्चीस योजन के विस्तार में सुविस्तृत है।

श्लोक 25 (garuda.2.33.25)

दशोच्छ्रितं महादिव्यं लोहप्राकारवोष्टितम् । प्रतोलीशतसंचारं पतताकाशतशोभितम्

daśocchritaṁ mahādivyaṁ lohaprākāravoṣṭitam pratolīśatasaṁcāraṁ patatākāśataśobhitam

दस योजन ऊँचा, महादिव्य, लोहे की प्राकार से घिरा, सैकड़ों मार्गों वाला, सैकड़ों पताकाओं से शोभित है।

श्लोक 26 (garuda.2.33.26)

दीपिकाशतसङ्कीर्णं गीतध्वनिसमाकुलम् । विचित्रचित्रकुशलैश्चित्रगुप्तस्य वै गृहम्

dīpikāśatasaṅkīrṇaṁ gītadhvanisamākulam vicitracitrakuśalaiścitraguptasya vai gṛham

सैकड़ों दीपिकाओं से भरा, गीत-ध्वनि से व्याकुल, विचित्र चित्रकला में कुशल चितेरों द्वारा चित्रित — ऐसा चित्रगुप्त का भवन है।

श्लोक 27 (garuda.2.33.27)

मणिमुक्तामये दिव्ये आसने परमाद्भुते । तत्रस्थो गणयत्यायुर्मानुषेष्वितरेषु च

maṇimuktāmaye divye āsane paramādbhute tatrastho gaṇayatyāyurmānuṣeṣvitareṣu ca

मणि-मुक्ता से निर्मित परम अद्भुत दिव्य आसन पर बैठे हुए वे मनुष्यों तथा अन्य प्राणियों की आयु की गणना करते हैं।

श्लोक 28 (garuda.2.33.28)

न मुह्यति कदाचित्स सुकृते दुष्कृतेऽपि वा । यद्येनोपार्जितं यावत्तावद्वै वेत्ति तस्य तत्

na muhyati kadācitsa sukṛte duṣkṛte'pi vā yadyenopārjitaṁ yāvattāvadvai vetti tasya tat

वे कभी भ्रमित नहीं होते, चाहे सुकृत हो या दुष्कृत; जिसने जो कुछ जितना अर्जित किया हो, वे उसे पूर्णतः जानते हैं।

श्लोक 29 (garuda.2.33.29)

दशाष्टदोषरहितं कृत कर्म लिखत्यसौ । चित्रगुप्तालयाताच्यां ज्वरस्यास्ति महागृहम्

daśāṣṭadoṣarahitaṁ kṛta karma likhatyasau citraguptālayātācyāṁ jvarasyāsti mahāgṛham

वे अठारह दोषों से रहित होकर किए गए कर्म को लिखते हैं। चित्रगुप्त के भवन के निकट ज्वर का महाभवन है।

श्लोक 30 (garuda.2.33.30)

दक्षिणे चापि शूलस्य लताविस्फोटकस्य च । पश्चिमे काल पाशस्य अजीर्णस्यारुचेस्तथा

dakṣiṇe cāpi śūlasya latāvisphoṭakasya ca paścime kāla pāśasya ajīrṇasyārucestathā

दक्षिण में शूल तथा फोड़ों (चेचक) का भवन है; पश्चिम में मृत्यु-पाश, अजीर्ण तथा अरुचि का।

श्लोक 31 (garuda.2.33.31)

मध्यपीठोत्तरे ज्ञेयो तथा चान्या विषचिका । ऐशन्यां वै शिरोऽर्तिश्च आग्नेय्याञ्चैव मृकता

madhyapīṭhottare jñeyo tathā cānyā viṣacikā aiśanyāṁ vai śiro'rtiśca āgneyyāñcaiva mṛkatā

मध्य पीठ के उत्तर में विषूचिका (हैजा) जाननी चाहिए; ईशान में शिरोवेदना, तथा आग्नेय में मूकता-बधिरता।

श्लोक 32 (garuda.2.33.32)

अतिसारश्च नैरृत्यां वायव्यां दाहसंज्ञकः । एभिः परिवृतो नित्यं चित्रगुप्तः स तिष्ठति

atisāraśca nairṛtyāṁ vāyavyāṁ dāhasaṁjñakaḥ ebhiḥ parivṛto nityaṁ citraguptaḥ sa tiṣṭhati

नैऋत्य में अतिसार, वायव्य में दाह-नामक रोग — इनसे सदा घिरे हुए चित्रगुप्त निवास करते हैं।

श्लोक 33 (garuda.2.33.33)

यत्कर्म कुरुते कश्चित्तत्सर्वं विलखत्यसौ । धर्मराजगृहद्वारि दूतास्तार्क्ष्य तथा निशि । तिष्ठन्ति पापकर्माणः पच्यमाना नराधमाः

yatkarma kurute kaścittatsarvaṁ vilakhatyasau dharmarājagṛhadvāri dūtāstārkṣya tathā niśi tiṣṭhanti pāpakarmāṇaḥ pacyamānā narādhamāḥ

जो भी कर्म कोई करता है, वह सब उसे लिखते हैं। हे तार्क्ष्य! धर्मराज के भवन-द्वार पर तथा रात्रि में भी दूत खड़े रहते हैं; वहाँ पापकर्मी अधम मनुष्य पकाए जाते रहते हैं।

श्लोक 34 (garuda.2.33.34)

यमदूतैर्महापाशैर्हन्यमानाश्च मुद्गरैः । वध्यन्ते विविधैः पापैः पूर्वकर्मकृतैर्नराः

yamadūtairmahāpāśairhanyamānāśca mudgaraiḥ vadhyante vividhaiḥ pāpaiḥ pūrvakarmakṛtairnarāḥ

यमदूतों द्वारा महापाशों से बाँधे जाकर तथा मुद्गरों से मारे जाकर, पूर्वजन्म में किए गए विविध पापों के अनुसार मनुष्य दण्डित होते हैं।

श्लोक 35 (garuda.2.33.35)

नानाप्रहारणाग्रैश्च नानायन्त्रैस्तथा परे । छिद्यन्ते पापकर्माणः क्रकचैः काष्ठवद्द्विधा

nānāprahāraṇāgraiśca nānāyantraistathā pare chidyante pāpakarmāṇaḥ krakacaiḥ kāṣṭhavaddvidhā

नाना तीक्ष्ण अस्त्रों तथा नाना यन्त्रों से पापकर्मी लकड़ी की भाँति आरी से दो टुकड़े किए जाते हैं।

श्लोक 36 (garuda.2.33.36)

अन्ये ज्वलद्भिरङ्गारैर्वेष्टिताः परितो भृशम् । पूर्वकर्मविपाकेन ध्मायन्ते लोहपिण्डवत्

anye jvaladbhiraṅgārairveṣṭitāḥ parito bhṛśam pūrvakarmavipākena dhmāyante lohapiṇḍavat

अन्य लोग जलते हुए अंगारों से चारों ओर घिरे हुए, पूर्वकर्म के फल से लोहे के पिण्ड की भाँति फूँके जाते हैं।

श्लोक 37 (garuda.2.33.37)

क्षिप्त्वान्ये च धरापृष्ठे कुठारेणावकर्तिताः । क्रन्दमानाश्च दृश्यन्ते पूर्वकर्मविपाकतः

kṣiptvānye ca dharāpṛṣṭhe kuṭhāreṇāvakartitāḥ krandamānāśca dṛśyante pūrvakarmavipākataḥ

अन्य लोगों को भूमि पर पटककर कुल्हाड़ी से काटा जाता है; वे पूर्वकर्म के फलस्वरूप विलाप करते हुए दिखाई देते हैं।

श्लोक 38 (garuda.2.33.38)

केचिद्गुडमयैः पाकैस्तैलपाकैस्तथा परे । पीड्यन्ते यमदूतैश्च पापिष्ठाः सुभृशं नराः

kecidguḍamayaiḥ pākaistailapākaistathā pare pīḍyante yamadūtaiśca pāpiṣṭhāḥ subhṛśaṁ narāḥ

कुछ पापी मनुष्य गुड़ के पाकों तथा तेल के पाकों में यमदूतों द्वारा अत्यंत पीड़ित किए जाते हैं।

श्लोक 39 (garuda.2.33.39)

क्षणाह्नि प्रार्थयन्त्यन्ये देहिदेहीति कोटिशः । यमलोके मया दृष्टा ममस्वं भक्षितं त्वया

kṣaṇāhni prārthayantyanye dehidehīti koṭiśaḥ yamaloke mayā dṛṣṭā mamasvaṁ bhakṣitaṁ tvayā

अन्य लोग क्षण-क्षण में करोड़ों बार 'दो, दो' कहकर याचना करते हैं। मैंने यमलोक में देखा है कि कोई कह रहा था — 'तुमने मेरा धन खा लिया।'

श्लोक 40 (garuda.2.33.40)

इत्येवं बहुशस्तार्क्ष्य नरकाः पापिनां स्मृताः । कर्मभिर्बहुभिः प्रोक्तैः सर्वशास्त्रेषु भाषितैः । दानोपकारं वक्ष्यामि यथा तत्र सुखं भवेत्

ityevaṁ bahuśastārkṣya narakāḥ pāpināṁ smṛtāḥ karmabhirbahubhiḥ proktaiḥ sarvaśāstreṣu bhāṣitaiḥ dānopakāraṁ vakṣyāmi yathā tatra sukhaṁ bhavet

हे तार्क्ष्य! इस प्रकार पापियों के अनेक नरक स्मरण किए गए हैं, जो सभी शास्त्रों में कहे गए अनेक कर्मों के अनुसार बताए गए हैं। अब मैं दान के उपकार के विषय में बताऊँगा, जिससे वहाँ भी सुख प्राप्त हो सके।