आनन्द का तारतम्य तथा नीला के व्रत का वर्णन

श्लोक 1 (garuda.2.68.1)

गरुड उवाच । त्वयोक्तं कृष्ण गोविन्द रुद्राच्छतगुणादपि । ब्रह्माणी भारती चोभे अधिके देवसत्तम

garuḍa uvāca tvayoktaṁ kṛṣṇa govinda rudrācchataguṇādapi brahmāṇī bhāratī cobhe adhike devasattama

गरुड ने कहा — हे कृष्ण गोविन्द! आपने कहा कि ब्रह्माणी और भारती दोनों ही रुद्र के सौ गुण से भी अधिक हैं, हे देवश्रेष्ठ!

श्लोक 2 (garuda.2.68.2)

मया श्रुतं विरिञ्चेन उमापर्यन्तमेव च । अनन्तांशैर्विहीनत्वं विरिञ्चोक्तं सुराधिप

mayā śrutaṁ viriñcena umāparyantameva ca anantāṁśairvihīnatvaṁ viriñcoktaṁ surādhipa

मैंने विरिंचि से यह भी सुना है, उमा तक, कि अनन्त (शेष) की अपेक्षा सबमें अंशों की न्यूनता है — यह स्वयं विरिंचि ने कहा है, हे सुराधिप!

श्लोक 3 (garuda.2.68.3)

सहस्रांशैर्विहीनत्वं त्वयोक्तं कृष्ण माधव । सर्वेषां चैव पूर्वेषामवेक्ष्यैव हरे विभो

sahasrāṁśairvihīnatvaṁ tvayoktaṁ kṛṣṇa mādhava sarveṣāṁ caiva pūrveṣāmavekṣyaiva hare vibho

हे कृष्ण माधव! आपने कहा कि इन सब पूर्ववर्तियों की अपेक्षा हजार अंशों की न्यूनता है, हे विभो हरि!

श्लोक 4 (garuda.2.68.4)

ज्ञानानन्दबलादीनां वायुपर्यन्तमेव च । सहस्रांशैर्विहीनत्वं ज्ञानादीनां महेश्वर

jñānānandabalādīnāṁ vāyuparyantameva ca sahasrāṁśairvihīnatvaṁ jñānādīnāṁ maheśvara

हे महेश्वर! ज्ञान, आनन्द, बल आदि में, वायु तक, ज्ञानादि की हजार अंशों की न्यूनता है।

श्लोक 5 (garuda.2.68.5)

निर्णयं ब्रृहि गोविन्द सर्वज्ञोसि न संशयः । गरुडेनैवमुक्तस्तु वासुदेवोब्रवीद्ध्रुवम्

nirṇayaṁ brṛhi govinda sarvajñosi na saṁśayaḥ garuḍenaivamuktastu vāsudevobravīddhruvam

हे गोविन्द! इसका निर्णय बताइए, आप निःसंदेह सर्वज्ञ हैं। गरुड के ऐसा कहने पर वासुदेव ने निश्चयपूर्वक कहा—

श्लोक 6 (garuda.2.68.6)

श्रीकृष्ण उवाच । आनन्दांशैर्विहीनत्वमपेक्ष्यैव खगाधिप । उत्तरेषामुत्तरेषां योगादेवमिति स्फुटम्

śrīkṛṣṇa uvāca ānandāṁśairvihīnatvamapekṣyaiva khagādhipa uttareṣāmuttareṣāṁ yogādevamiti sphuṭam

श्रीकृष्ण ने कहा — हे खगाधिप! आनन्द के अंशों में यह न्यूनता प्रत्येक उत्तरोत्तर के सापेक्ष ही समझनी चाहिए — यह स्पष्ट है।

श्लोक 7 (garuda.2.68.7)

परिमाणे शतगुणे आनन्दे स्फुटतावशात् । अनन्तगुणवत्त्वं च ब्रह्मणा समुदीरितम्

parimāṇe śataguṇe ānande sphuṭatāvaśāt anantaguṇavattvaṁ ca brahmaṇā samudīritam

परिमाण में शतगुण आनन्द को स्पष्टता के लिए ब्रह्मा ने अनन्त-गुणित कहकर वर्णन किया।

श्लोक 8 (garuda.2.68.8)

सहस्रगुणितत्वं च वायुना समुदीरितम् । यथानन्दे तथा ज्ञाने विष्णौ भक्तौ बलाधिके

sahasraguṇitatvaṁ ca vāyunā samudīritam yathānande tathā jñāne viṣṇau bhaktau balādhike

और वायु ने उसे सहस्र-गुणित कहकर वर्णन किया; जैसे आनन्द में, वैसे ही ज्ञान में, विष्णु-भक्ति में तथा श्रेष्ठ बल में भी।

श्लोक 9 (garuda.2.68.9)

सर्वे गुणैः शतगुणाः क्रमेणोक्ता नु तेऽखिलाः । भारत्याश्च शतं ज्ञानं सुखं भक्तिबलाधिके

sarve guṇaiḥ śataguṇāḥ krameṇoktā nu te'khilāḥ bhāratyāśca śataṁ jñānaṁ sukhaṁ bhaktibalādhike

ये सब गुणों में क्रमशः शतगुण अधिक कहे गए हैं; भारती का ज्ञान, सुख, भक्ति और बल (अपने से नीचे वालों की अपेक्षा) सौ गुना है।

श्लोक 10 (garuda.2.68.10)

एवं ज्ञानं सुविज्ञेयं मारुतेस्तु बलादिकम् । एवं ज्ञानं शतं ज्ञेयं मारुते नात्र संशयः

evaṁ jñānaṁ suvijñeyaṁ mārutestu balādikam evaṁ jñānaṁ śataṁ jñeyaṁ mārute nātra saṁśayaḥ

इस प्रकार मारुत का ज्ञान, बल आदि भलीभाँति समझना चाहिए; उनका ज्ञान सौ गुना जानना चाहिए — इसमें संदेह नहीं।

श्लोक 11 (garuda.2.68.11)

भारत्याश्च शतं ज्ञानं बलं च समुदाहृतम् । एवमेव च वायोश्च ज्ञानं चैवमिति स्फुटम्

bhāratyāśca śataṁ jñānaṁ balaṁ ca samudāhṛtam evameva ca vāyośca jñānaṁ caivamiti sphuṭam

भारती का ज्ञान और बल भी सौ गुना कहा गया है; इसी प्रकार वायु का ज्ञान भी स्पष्टतः वैसा ही है।

श्लोक 12 (garuda.2.68.12)

यथा दीपाच्छतगुणा अग्निज्वाला न दीपवत् । स्फुटीभवेद्यथैवाग्निर्बहुलोपि न सूर्यवत्

yathā dīpācchataguṇā agnijvālā na dīpavat sphuṭībhavedyathaivāgnirbahulopi na sūryavat

जैसे दीपक से सौ गुना अग्नि-ज्वाला होते हुए भी वह दीपक जैसी नहीं होती, जैसे प्रचुर अग्नि भी सूर्य जैसी नहीं होती—

श्लोक 13 (garuda.2.68.13)

यथैव सूर्याद्द्विगुणश्चन्द्रो नैव स्फुटीभवेत् । आनन्दतारतम्यं च यथोक्तं तु मया तव

yathaiva sūryāddviguṇaścandro naiva sphuṭībhavet ānandatāratamyaṁ ca yathoktaṁ tu mayā tava

—जैसे सूर्य से दुगुना होते हुए भी चन्द्रमा सूर्य जैसा प्रकाशित नहीं होता — वैसे ही आनन्द का तारतम्य मैंने तुम्हें बताया है।

श्लोक 14 (garuda.2.68.14)

तथैव जानीहि खग नान्यथा तु कथञ्चन । अहं विजानामि मयि स्थितान् गुणान्सर्वैर्विशेषैश्च खगेन्द्र संयुतान्

tathaiva jānīhi khaga nānyathā tu kathañcana ahaṁ vijānāmi mayi sthitān guṇānsarvairviśeṣaiśca khagendra saṁyutān

हे खग! इसे वैसे ही समझो, किसी अन्य प्रकार से कदापि नहीं। मैं अपने में स्थित समस्त विशेषताओं से युक्त गुणों को जानता हूँ, हे खगेन्द्र!

श्लोक 15 (garuda.2.68.15)

सुसूक्ष्मरूपांश्च सदा खगेन्द्र मयाप्यदृष्टो नास्ति नास्त्येव कश्चित्

susūkṣmarūpāṁśca sadā khagendra mayāpyadṛṣṭo nāsti nāstyeva kaścit

—उन्हें सदा सूक्ष्मतम रूप में भी जानता हूँ, हे खगेन्द्र! मुझसे अदृष्ट कुछ भी नहीं है।

श्लोक 16 (garuda.2.68.16)

सर्वावतारेष्वपि विद्यमानं हरिं विजानाति रमापि देवी

sarvāvatāreṣvapi vidyamānaṁ hariṁ vijānāti ramāpi devī

रमा देवी भी हरि को उनके समस्त अवतारों में विद्यमान रूप में भलीभाँति जानती हैं।

श्लोक 17 (garuda.2.68.17)

हरेर्गुणान्सर्वविशेषसंयुतानखण्डरूपान्सा विजानाति देवी । सुसूक्ष्मरूपान्सा विजानाति देवी ब्रह्मादिभ्यो मत्प्रसादाधिकं च

harerguṇānsarvaviśeṣasaṁyutānakhaṇḍarūpānsā vijānāti devī susūkṣmarūpānsā vijānāti devī brahmādibhyo matprasādādhikaṁ ca

वह देवी हरि के समस्त विशेषताओं से युक्त, अखण्ड गुणों को जानती हैं; मेरी ही कृपा से ब्रह्मादि से भी अधिक वह सूक्ष्मतम रूपों को जानती हैं।

श्लोक 18 (garuda.2.68.18)

स्वात्मस्वरूपं प्रविजानाति देवी सुसूक्ष्मरूपं सुविशेषैश्च युक्तम् । स्वान्यं प्रपञ्चं प्रविजानाति लक्ष्मीस्तथाप्यशेषैः सुविशेषैश्च युक्तम्

svātmasvarūpaṁ pravijānāti devī susūkṣmarūpaṁ suviśeṣaiśca yuktam svānyaṁ prapañcaṁ pravijānāti lakṣmīstathāpyaśeṣaiḥ suviśeṣaiśca yuktam

वह देवी अपने सूक्ष्म एवं विशेषतायुक्त स्वरूप को भलीभाँति जानती हैं; लक्ष्मी अपने से भिन्न समस्त सृष्टि को भी उसकी सम्पूर्ण विशेषताओं सहित जानती हैं।

श्लोक 19 (garuda.2.68.19)

ब्रह्मापि पश्येत्सर्वगं वासुदेवं वाय्वादिभ्यो ह्यधिकान्सद्गुणांश्च । श्रोत्रं न जानाति हरेर्गुणांश्च सुसूक्ष्मरूपांश्च विशेषसंयुतान्

brahmāpi paśyetsarvagaṁ vāsudevaṁ vāyvādibhyo hyadhikānsadguṇāṁśca śrotraṁ na jānāti harerguṇāṁśca susūkṣmarūpāṁśca viśeṣasaṁyutān

ब्रह्मा भी सर्वव्यापी वासुदेव को वायु आदि से अधिक श्रेष्ठ गुणों सहित देखते हैं; परन्तु उनके कान हरि के सूक्ष्मतम, समस्त विशेषताओं से युक्त गुणों को नहीं जानते।

श्लोक 20 (garuda.2.68.20)

स्पष्टस्वरूपेण यथा विदुः सुरा मुक्त्वा ब्रह्माणं न तथा तेप्यमुक्ताः । स्वात्मानमन्यच्च सदा विशेषर्युक्तं विजानाति विधिश्च मारुतः

spaṣṭasvarūpeṇa yathā viduḥ surā muktvā brahmāṇaṁ na tathā tepyamuktāḥ svātmānamanyacca sadā viśeṣaryuktaṁ vijānāti vidhiśca mārutaḥ

जैसे देवगण स्पष्ट रूप में जानते हैं, ब्रह्मा को छोड़कर वे अन्य अमुक्त हैं; ब्रह्मा और मारुत सदा अपने और अन्य के स्वरूप को उसकी विशेषताओं सहित जानते हैं।

श्लोक 21 (garuda.2.68.21)

वाणी विजानाति हरेर्गुणांश्च स्वयंभुवो नैव तावद्विशेषान् । त्रैगुण्यरूपात्परतः सदैव पश्येद्विष्णुं कृष्णरूपं खगेन्द्र

vāṇī vijānāti harerguṇāṁśca svayaṁbhuvo naiva tāvadviśeṣān traiguṇyarūpātparataḥ sadaiva paśyedviṣṇuṁ kṛṣṇarūpaṁ khagendra

वाणी हरि के गुणों को जानती हैं, परन्तु स्वयंभू (ब्रह्मा) की विशेषताओं को उतना नहीं; त्रिगुण-रूप से परे विष्णु को वह सदा कृष्ण-रूप में देखती हैं, हे खगेन्द्र!

श्लोक 22 (garuda.2.68.22)

शेषो रुद्रो वीन्द्र एतैश्च सर्वे तमो मात्रे प्रविजानन्ति संस्थम् । वाणीदृष्टान्सविशेषान् गुणांस्ते जानन्ति नो सत्यमेवोक्तमङ्ग

śeṣo rudro vīndra etaiśca sarve tamo mātre pravijānanti saṁstham vāṇīdṛṣṭānsaviśeṣān guṇāṁste jānanti no satyamevoktamaṅga

हे वीन्द्र! शेष, रुद्र तथा इन सबके साथ अन्य सब हरि को केवल तम-तत्त्व में स्थित रूप में ही जानते हैं; वाणी द्वारा देखे गए विशेष गुणों को वे नहीं जानते — यह सत्य कहा गया है, हे अंग!

श्लोक 23 (garuda.2.68.23)

उमा सुपर्णा वारुणी चेति तिस्रः सहैव तः प्रविजानन्ति सुस्थम् । हरेर्विशेषानरुद्र दृष्टान्खगेन्द्र जानन्ति नैताः क्वापि देशे च काले

umā suparṇā vāruṇī ceti tisraḥ sahaiva taḥ pravijānanti sustham harerviśeṣānarudra dṛṣṭānkhagendra jānanti naitāḥ kvāpi deśe ca kāle

उमा, सुपर्णा और वारुणी — ये तीनों साथ मिलकर उन्हें भलीभाँति स्थापित रूप में जानती हैं; परन्तु रुद्र द्वारा भी न देखे गए हरि के विशेष गुणों को ये कभी, कहीं नहीं जानतीं, हे खगेन्द्र!

श्लोक 24 (garuda.2.68.24)

इन्द्रादयः प्रविजानन्ति वीन्द्र अहङ्कारे व्याप्तरूपं हरिं च । दक्षाद्या वै बुद्धितत्त्वे स्थितं तं जानन्ति ते सोमसूर्यादयश्च

indrādayaḥ pravijānanti vīndra ahaṅkāre vyāptarūpaṁ hariṁ ca dakṣādyā vai buddhitattve sthitaṁ taṁ jānanti te somasūryādayaśca

हे वीन्द्र! इन्द्र आदि हरि को अहंकार-तत्त्व में व्याप्त रूप में जानते हैं; दक्ष आदि, तथा सोम-सूर्य आदि, उन्हें बुद्धि-तत्त्व में स्थित जानते हैं।

श्लोक 25 (garuda.2.68.25)

विष्णुं हरिं भूततत्त्वे स्थितं च ये चान्ये च प्रविजानन्ति नित्यम् । अन्ये च पश्यन्ति यथा स्वयोग्यमण्डान्तरस्थं हरिरूपं खगेन्द्र

viṣṇuṁ hariṁ bhūtatattve sthitaṁ ca ye cānye ca pravijānanti nityam anye ca paśyanti yathā svayogyamaṇḍāntarasthaṁ harirūpaṁ khagendra

अन्य कुछ नित्य ही विष्णु-हरि को भूत-तत्त्व में स्थित रूप में जानते हैं; और अन्य लोग अपनी-अपनी योग्यता के अनुसार ब्रह्माण्ड के भीतर स्थित हरि-रूप को देखते हैं, हे खगेन्द्र!

श्लोक 26 (garuda.2.68.26)

केचित्प्रपश्यन्ति हरेश्च रूपं त्वदीयहृत्स्थं हृदि केचित्सदैव । एवंप्रकारं प्रविजानीहि वीन्द्र ह्यथो शृणु त्वंमम भार्याः षडेताः

kecitprapaśyanti hareśca rūpaṁ tvadīyahṛtsthaṁ hṛdi kecitsadaiva evaṁprakāraṁ pravijānīhi vīndra hyatho śṛṇu tvaṁmama bhāryāḥ ṣaḍetāḥ

कुछ हरि के उस रूप को देखते हैं जो सदा तुम्हारे हृदय में स्थित है, कुछ अपने ही हृदय में। हे वीन्द्र! इस प्रकार को समझो; अब मेरी इन छह पत्नियों के विषय में सुनो।

श्लोक 27 (garuda.2.68.27)

रुक्मिण्याद्याः षण्महिष्यो ममश्रीर्नीला च या मम भार्या खगेन्द्र । सर्गे पूर्वस्मिन्हव्यवाहस्य पुत्री तास्ता भजे सद्य एवा विशेषात्

rukmiṇyādyāḥ ṣaṇmahiṣyo mamaśrīrnīlā ca yā mama bhāryā khagendra sarge pūrvasminhavyavāhasya putrī tāstā bhaje sadya evā viśeṣāt

रुक्मिणी आदि मेरी छह रानियाँ हैं — मेरी श्री, तथा नीला भी मेरी पत्नी हैं, हे खगेन्द्र! पूर्व सृष्टि में वे हव्यवाह (अग्नि) की पुत्री थीं; इन सबको मैं विशेष कारण से तत्काल ही वरण करता हूँ।

श्लोक 28 (garuda.2.68.28)

कन्यैव सा कृष्णपत्नी च कामांस्तांस्तान् भजेन्मनसा चिन्तितांश्च । अतीव यत्नं कव्यवाहं खगेन्द्र पितृष्वेकः सर्वदा वै चकार

kanyaiva sā kṛṣṇapatnī ca kāmāṁstāṁstān bhajenmanasā cintitāṁśca atīva yatnaṁ kavyavāhaṁ khagendra pitṛṣvekaḥ sarvadā vai cakāra

वह कन्या, जो कृष्ण की पत्नी होने वाली थी, मन में उन्हीं इच्छाओं को संजोए रहती थी। हव्यवाह ने पितरों में अकेले सदा अत्यधिक प्रयत्न किया—

श्लोक 29 (garuda.2.68.29)

तथैव सा नैव भर्तारमाप यतस्तु सा कृष्णनिष्ठैकचित्ता

tathaiva sā naiva bhartāramāpa yatastu sā kṛṣṇaniṣṭhaikacittā

—फिर भी उसे पति प्राप्त न हुआ, क्योंकि उसका चित्त केवल कृष्ण में ही लीन था।

श्लोक 30 (garuda.2.68.30)

तदाब्रवीत्कव्यवाहश्च पुत्रीं पतिं किमर्थं नेच्छसि मूढबुद्धे । तदाब्रवीत्कव्यवाहं च पुत्त्री हरिं विना सर्वगुणोपपन्ने । जन्मन्यस्मिन् भर्तृता नास्ति देव यतो भर्ता हरिरेवैक एव

tadābravītkavyavāhaśca putrīṁ patiṁ kimarthaṁ necchasi mūḍhabuddhe tadābravītkavyavāhaṁ ca puttrī hariṁ vinā sarvaguṇopapanne janmanyasmin bhartṛtā nāsti deva yato bhartā harirevaika eva

तब हव्यवाह ने पुत्री से कहा — 'हे मूढ़बुद्धे! तुम पति क्यों नहीं चाहतीं?' तब पुत्री ने हव्यवाह से कहा — 'हे सर्वगुणसम्पन्न! हरि के बिना इस जन्म में मेरे लिए कोई पतित्व नहीं है, क्योंकि हरि ही एकमात्र सच्चा पति हैं।'

श्लोक 31 (garuda.2.68.31)

यतो लोके सुस्त्रियः सर्व एव संदा ज्ञेया विधवास्ते हि नित्यम् । अनादिनित्यं भुवनैकसारं सुसुंदरं मोक्षदं कामदं च

yato loke sustriyaḥ sarva eva saṁdā jñeyā vidhavāste hi nityam anādinityaṁ bhuvanaikasāraṁ susuṁdaraṁ mokṣadaṁ kāmadaṁ ca

'क्योंकि संसार में सारी सुशील स्त्रियाँ भी, जब तक अनादि-नित्य, जगत के एकमात्र सारभूत, परम सुन्दर, मोक्षदाता और कामनापूर्ति करने वाले (हरि) को नहीं पातीं, तब तक सदा विधवा ही मानी जानी चाहिए।

श्लोक 32 (garuda.2.68.32)

एतादृशं न विजानन्ति यास्तु सर्वास्ता वै विधवाः सर्वदैव । निमित्तभूतं भर्तृरूपं च जीवं दैवोपेतं हरिभक्त्या विहीनम्

etādṛśaṁ na vijānanti yāstu sarvāstā vai vidhavāḥ sarvadaiva nimittabhūtaṁ bhartṛrūpaṁ ca jīvaṁ daivopetaṁ haribhaktyā vihīnam

जो इसे नहीं जानतीं, वे सब सदा विधवा ही हैं — भले ही उनके पास निमित्तमात्र, भाग्य-प्राप्त, हरि-भक्ति-रहित पति-रूपी जीव हो,

श्लोक 33 (garuda.2.68.33)

सुकश्मलं नवरन्ध्रैः स्रवन्तं दुर्गन्धयुक्तं सर्वदा कुत्सितं च । एतादृशे भर्तृजीवे नु तात प्रयोजनं नास्ति कृष्णं विहाय

sukaśmalaṁ navarandhraiḥ sravantaṁ durgandhayuktaṁ sarvadā kutsitaṁ ca etādṛśe bhartṛjīve nu tāta prayojanaṁ nāsti kṛṣṇaṁ vihāya

—जो नौ छिद्रों से मलिन पदार्थ बहाता, दुर्गन्धयुक्त और सदा निन्दित है। ऐसे पति-रूपी जीव से, हे पिता, कृष्ण के अतिरिक्त कोई प्रयोजन नहीं है।'

श्लोक 34 (garuda.2.68.34)

देवस्त्रियो निजभर्तॄन्विहाय तत्र स्थितं प्रीणयन्त्येव नित्यम् । अतश्च ताः सधवाः सर्वदैव लोकैर्वन्द्या नात्र विचार्यमस्ति

devastriyo nijabhartṝnvihāya tatra sthitaṁ prīṇayantyeva nityam ataśca tāḥ sadhavāḥ sarvadaiva lokairvandyā nātra vicāryamasti

देवियाँ अपने बाह्य पतियों को छोड़कर, वहाँ स्थित (हरि) को ही सदा प्रसन्न करती हैं; इसीलिए वे सदा सधवा हैं और लोक द्वारा वन्दनीय हैं — इसमें कोई विचार नहीं।

श्लोक 35 (garuda.2.68.35)

भर्तास्ते हरिभक्ता यदि स्युरासां स्त्रीणां जन्मसाफल्यमेव । अनेकजन्मार्जितपुण्यसंचयैस्तद्भर्तारो हरिभक्ता भवेयुः

bhartāste haribhaktā yadi syurāsāṁ strīṇāṁ janmasāphalyameva anekajanmārjitapuṇyasaṁcayaistadbhartāro haribhaktā bhaveyuḥ

यदि उनके पति हरि-भक्त हों, तो उन स्त्रियों का जन्म सफल है; अनेक जन्मों के संचित पुण्य से ही उनके पति हरि-भक्त बन सकते हैं।

श्लोक 36 (garuda.2.68.36)

यद्भर्तारो हरिभक्ता न संति ताभिस्त्याज्यं स्वीयगात्रं भृशं हि । स्वभर्तृतं कृष्णरूपं हरिं च स्मृत्वा सम्यग्यदि गात्रं त्यजेयुः

yadbhartāro haribhaktā na saṁti tābhistyājyaṁ svīyagātraṁ bhṛśaṁ hi svabhartṛtaṁ kṛṣṇarūpaṁ hariṁ ca smṛtvā samyagyadi gātraṁ tyajeyuḥ

यदि उनके पति हरि-भक्त नहीं हैं, तो उन्हें अपना शरीर सर्वथा त्याग देना चाहिए; यदि वे कृष्ण-रूपी हरि को अपना सच्चा पति मानकर भलीभाँति स्मरण करते हुए शरीर त्यागें—

श्लोक 37 (garuda.2.68.37)

तदा नैव ह्यात्महत्यादिदोषाः स्त्रीणामेवं निर्णयोयं हि शास्त्रे । यद्भर्तारो न विजानन्ति विष्णुं तासां संगो नैव कार्यः कदापि

tadā naiva hyātmahatyādidoṣāḥ strīṇāmevaṁ nirṇayoyaṁ hi śāstre yadbhartāro na vijānanti viṣṇuṁ tāsāṁ saṁgo naiva kāryaḥ kadāpi

—तो उन्हें आत्महत्या आदि का कोई दोष नहीं लगता; शास्त्र में स्त्रियों के लिए यही निर्णय है। जिनके पति विष्णु को नहीं जानते, उनका संग कभी नहीं करना चाहिए।

श्लोक 38 (garuda.2.68.38)

अनेक जन्मार्जितपुण्यसंचयात्तद्भर्तारो विष्णुभक्ता भवेयुः । कलौ युगे दुर्लभा विष्णुभक्ता हरेभक्तिर्दुर्लभा सर्वदैव

aneka janmārjitapuṇyasaṁcayāttadbhartāro viṣṇubhaktā bhaveyuḥ kalau yuge durlabhā viṣṇubhaktā harebhaktirdurlabhā sarvadaiva

अनेक जन्मों के संचित पुण्य से ही पति विष्णु-भक्त बन सकते हैं; कलियुग में विष्णु-भक्त दुर्लभ हैं, हरि की भक्ति सदा दुर्लभ है।

श्लोक 39 (garuda.2.68.39)

हरेः कथा दुर्लभा मर्त्यलोके हरेर्दीक्षा दुर्लभा दुर्लभा च । हरेस्तत्त्वे निर्णयो दुर्लभो हि हरेर्दासैः संगमो दुर्लभश्च

hareḥ kathā durlabhā martyaloke harerdīkṣā durlabhā durlabhā ca harestattve nirṇayo durlabho hi harerdāsaiḥ saṁgamo durlabhaśca

मर्त्यलोक में हरि की कथा दुर्लभ है, हरि की दीक्षा अत्यन्त दुर्लभ है, हरि के तत्त्व का निर्णय दुर्लभ है, हरि के दासों का संग दुर्लभ है।

श्लोक 40 (garuda.2.68.40)

प्रदक्षिणं दुर्लभं वै मुरारेर्नमस्कारो दुर्लभो वै कलौ च । तद्भक्तानां पालनं दुर्लभं च सद्वैष्णवानां दुर्लभं ह्यन्नदानम्

pradakṣiṇaṁ durlabhaṁ vai murārernamaskāro durlabho vai kalau ca tadbhaktānāṁ pālanaṁ durlabhaṁ ca sadvaiṣṇavānāṁ durlabhaṁ hyannadānam

मुरारि की प्रदक्षिणा दुर्लभ है, कलियुग में उन्हें नमस्कार करना भी दुर्लभ है; उनके भक्तों का पालन दुर्लभ है, सद्वैष्णवों को अन्नदान दुर्लभ है।

श्लोक 41 (garuda.2.68.41)

तन्त्रोक्तपूजा दुर्लभा वै मुरारेर्नामग्रहो दुर्लभश्चव विष्णोः । सुवैष्णवानां पुजनं दुर्लभं हि सद्वैष्णवानां भाषणं दुर्लभं च

tantroktapūjā durlabhā vai murārernāmagraho durlabhaścava viṣṇoḥ suvaiṣṇavānāṁ pujanaṁ durlabhaṁ hi sadvaiṣṇavānāṁ bhāṣaṇaṁ durlabhaṁ ca

मुरारि की तन्त्रोक्त पूजा दुर्लभ है, विष्णु का नामोच्चारण भी दुर्लभ है; उत्तम वैष्णवों की पूजा दुर्लभ है, सद्वैष्णवों से वार्तालाप दुर्लभ है।

श्लोक 42 (garuda.2.68.42)

शालग्रामस्पर्शनं दुर्लभं च सद्वैष्णवानां दर्शनं दुर्लभं हि । गोस्पर्शनं दुर्लभं मर्त्यलोके सद्गायनं दुर्लभं सद्गुरुञ्च

śālagrāmasparśanaṁ durlabhaṁ ca sadvaiṣṇavānāṁ darśanaṁ durlabhaṁ hi gosparśanaṁ durlabhaṁ martyaloke sadgāyanaṁ durlabhaṁ sadguruñca

शालग्राम का स्पर्श दुर्लभ है, सद्वैष्णवों का दर्शन दुर्लभ है; मर्त्यलोक में गौ का स्पर्श दुर्लभ है, सद्गायन और सद्गुरु दुर्लभ हैं।

श्लोक 43 (garuda.2.68.43)

सद्भार्याः सत्पुत्रका दुर्लभा हि शेषाचलस्थस्य हरेश्च दर्शनम् । सुदुर्लभं रङ्गनाथस्य तीरे कावेर्या वै दर्शनं विष्णुपद्याः

sadbhāryāḥ satputrakā durlabhā hi śeṣācalasthasya hareśca darśanam sudurlabhaṁ raṅganāthasya tīre kāveryā vai darśanaṁ viṣṇupadyāḥ

सद्भार्या और सत्पुत्र दुर्लभ हैं, शेषाचल पर स्थित हरि का दर्शन दुर्लभ है; कावेरी के तट पर रंगनाथ का, विष्णु-पदी के दर्शन अत्यन्त दुर्लभ हैं।

श्लोक 44 (garuda.2.68.44)

काञ्चीक्षेत्रे वरदराजस्य सेवा सुदुर्लभा दर्शनं चैव लोके । सुदुर्लभं दर्शनं रामसेतोः सुदुर्लभा मध्वशास्त्रे च शक्तिः

kāñcīkṣetre varadarājasya sevā sudurlabhā darśanaṁ caiva loke sudurlabhaṁ darśanaṁ rāmasetoḥ sudurlabhā madhvaśāstre ca śaktiḥ

काञ्ची क्षेत्र में वरदराज की सेवा और दर्शन अत्यन्त दुर्लभ हैं; रामसेतु का दर्शन अत्यन्त दुर्लभ है, मध्व-शास्त्र में सामर्थ्य अत्यन्त दुर्लभ है।

श्लोक 45 (garuda.2.68.45)

भीमातीरे संस्थितस्यापि विष्णोः सुदुर्लभं दर्शनं चाहुरार्याः । रेवातीरे संस्थितस्यापि विष्णोर्गयाक्षेत्रे विष्णुपादस्य चैव

bhīmātīre saṁsthitasyāpi viṣṇoḥ sudurlabhaṁ darśanaṁ cāhurāryāḥ revātīre saṁsthitasyāpi viṣṇorgayākṣetre viṣṇupādasya caiva

आर्यजन कहते हैं कि भीमा नदी के तट पर स्थित विष्णु का दर्शन अत्यन्त दुर्लभ है; तथा रेवा के तट पर, और गया क्षेत्र में विष्णु-पद का दर्शन भी।

श्लोक 46 (garuda.2.68.46)

तथा बद्रौ संस्थित स्यापि विष्णोः सुदुर्लभं मर्त्यलोके स्थितानाम् । शेषाचले श्रीनिवासाश्रमे च तपस्विनो दुर्लभा मर्त्यलोके

tathā badrau saṁsthita syāpi viṣṇoḥ sudurlabhaṁ martyaloke sthitānām śeṣācale śrīnivāsāśrame ca tapasvino durlabhā martyaloke

इसी प्रकार बद्री में स्थित विष्णु का दर्शन मर्त्यलोकवासियों के लिए अत्यन्त दुर्लभ है; शेषाचल पर श्रीनिवास के आश्रम में सच्चे तपस्वी भी मर्त्यलोक में दुर्लभ हैं।

श्लोक 47 (garuda.2.68.47)

प्रयागाख्ये माधवस्यापि नित्यं सुदर्शनं दुर्लभं वै नृणां हि

prayāgākhye mādhavasyāpi nityaṁ sudarśanaṁ durlabhaṁ vai nṛṇāṁ hi

प्रयाग में स्थित माधव का नित्य सच्चा दर्शन मनुष्यों के लिए अत्यन्त दुर्लभ है।

श्लोक 48 (garuda.2.68.48)

अतो नेच्छामि भर्तारं कृष्णादन्यं कदाचन । एवमुक्त्वा सा पितरं ययौ शेषाचलं प्रति

ato necchāmi bhartāraṁ kṛṣṇādanyaṁ kadācana evamuktvā sā pitaraṁ yayau śeṣācalaṁ prati

अतः मैं कृष्ण के अतिरिक्त किसी अन्य को कभी पति नहीं चाहती।' — ऐसा कहकर वह अपने पिता से (विदा लेकर) शेषाचल की ओर चली गई।

श्लोक 49 (garuda.2.68.49)

कपिलाख्यमहातीर्थे आरुरोह महागिरिम् । तत्रस्थं श्रीनिवासं च दृष्ट्वा नत्वा महासती

kapilākhyamahātīrthe āruroha mahāgirim tatrasthaṁ śrīnivāsaṁ ca dṛṣṭvā natvā mahāsatī

कपिल नामक महातीर्थ में उस महासती ने महापर्वत पर आरोहण किया; वहाँ स्थित श्रीनिवास को देखकर और नमन कर—

श्लोक 50 (garuda.2.68.50)

त्रिदिनं समुपोष्याथ गत्वा पापविनाशनम् । तत्रस्नात्वा विवाहार्थमेकान्तं प्रययावथ

tridinaṁ samupoṣyātha gatvā pāpavināśanam tatrasnātvā vivāhārthamekāntaṁ prayayāvatha

—तीन दिन उपवास कर, फिर पापविनाशन तीर्थ में जाकर वहाँ स्नान कर, विवाह के लिए एकान्त स्थान की ओर चली गई।

श्लोक 51 (garuda.2.68.51)

तस्या उत्तरदिग्भागे क्रोशयुग्मे महातले । गर्तभूते च एकान्ते चचार तप उत्तमम्

tasyā uttaradigbhāge krośayugme mahātale gartabhūte ca ekānte cacāra tapa uttamam

उसके उत्तर दिशा में दो कोस दूर, एक बड़ी गुफा में, एकान्त गर्तस्थान में उसने उत्तम तप किया।

श्लोक 52 (garuda.2.68.52)

ध्यात्वा नारायणं देवं तत्रासीच्च कुमारिका । दिव्यवर्षसहस्रान्ते स्तोतुं समुपचक्रमे

dhyātvā nārāyaṇaṁ devaṁ tatrāsīcca kumārikā divyavarṣasahasrānte stotuṁ samupacakrame

भगवान नारायण का ध्यान करती हुई वह कुमारी वहाँ बैठी रही; एक हजार दिव्य वर्षों के अन्त में उसने स्तुति करना आरम्भ किया।

श्लोक 53 (garuda.2.68.53)

कुमार्युवाच । त्वमेव माता च पिता त्वमेव भर्ता च सखात्वमेव । त्वमेव पुत्रश्च गुरुर्गरीयान्मित्रं स्वसा त्वं मम वल्लभश्च

kumāryuvāca tvameva mātā ca pitā tvameva bhartā ca sakhātvameva tvameva putraśca gururgarīyānmitraṁ svasā tvaṁ mama vallabhaśca

कुमारी ने कहा — तुम ही मेरी माता-पिता हो, तुम ही पति और सखा हो; तुम ही पुत्र, गुरु, श्रेष्ठ मित्र, बहिन तथा प्रियतम हो।

श्लोक 54 (garuda.2.68.54)

अनाद्यनन्तेष्वपि जन्मसु प्रभो विचार्यमाणा न विजानेप्यहं च । एतै हि सर्वे च निमित्तमात्रतः पित्रादयस्त्वं ह्यनिमित्तमात्रतः

anādyananteṣvapi janmasu prabho vicāryamāṇā na vijānepyahaṁ ca etai hi sarve ca nimittamātrataḥ pitrādayastvaṁ hyanimittamātrataḥ

हे प्रभो! अनादि-अनन्त जन्मों में भी विचार करने पर मुझे कोई (तुम्हारे समान) नहीं मिलता; ये पिता आदि सब निमित्तमात्र हैं, तुम ही अनिमित्त-कारण हो।

श्लोक 55 (garuda.2.68.55)

अतो मुरारेश्च तवैव भार्या भूयासमित्येव तदा व्रतं मे । दुः संगमात्रादिसमागमं न संसिद्धिरित्येव वदान्यमूर्ते

ato murāreśca tavaiva bhāryā bhūyāsamityeva tadā vrataṁ me duḥ saṁgamātrādisamāgamaṁ na saṁsiddhirityeva vadānyamūrte

अतः मेरा व्रत यही है कि मैं मुरारि की, तुम्हारी ही, पत्नी बनूँ। हे उदार-मूर्ति! अयोग्य संग से कोई सिद्धि नहीं मिलती।

श्लोक 56 (garuda.2.68.56)

त्वद्दूषकाणां तव दासवर्य विदूषकाणां दर्शनं छिन्धि देव । गुरुद्रुहां दर्शनं छिन्धि विष्णो भक्तद्रुहां मित्रतां छिन्धि कृष्ण

tvaddūṣakāṇāṁ tava dāsavarya vidūṣakāṇāṁ darśanaṁ chindhi deva gurudruhāṁ darśanaṁ chindhi viṣṇo bhaktadruhāṁ mitratāṁ chindhi kṛṣṇa

हे देव! हे अपने दासों में श्रेष्ठ! तुम्हारी निन्दा करने वालों, उपहास करने वालों के दर्शन को काट दो; हे विष्णु! गुरु-द्रोहियों के दर्शन को काट दो, हे कृष्ण! भक्त-द्रोहियों की मित्रता को काट दो।

श्लोक 57 (garuda.2.68.57)

तव ध्रुग्भिर्भाषणं छिन्धि देव त्वं संगमं देहि पदारविन्दे । श्रीशैलवासाय नमोनमस्ते नमोनमः श्रीनिवासाय तुभ्यम्

tava dhrugbhirbhāṣaṇaṁ chindhi deva tvaṁ saṁgamaṁ dehi padāravinde śrīśailavāsāya namonamaste namonamaḥ śrīnivāsāya tubhyam

हे देव! तुम्हारे द्रोहियों से वार्तालाप को काट दो; अपने चरण-कमल में मुझे संयोग दो। श्रीशैलवासी को नमस्कार है, श्रीनिवास को बार-बार नमस्कार है।

श्लोक 58 (garuda.2.68.58)

स्वामिन् परावर रमेश निदानमूर्ते कालो महानपि गतश्च निदर्शनन्ते । अनन्तजन्मार्जितसाधनैश्च त्वद्दर्शनं स्याच्च चतुर्भुजस्य

svāmin parāvara rameśa nidānamūrte kālo mahānapi gataśca nidarśanante anantajanmārjitasādhanaiśca tvaddarśanaṁ syācca caturbhujasya

हे स्वामी! हे पर-अपर, हे रमेश, हे मूल कारण-मूर्ति! विशाल काल बीत गया है तुम्हारी झलक के बिना; अनन्त जन्मों के अर्जित साधनों से ही मुझे तुम्हारे चतुर्भुज रूप का दर्शन प्राप्त हो।

श्लोक 59 (garuda.2.68.59)

कथं मम स्यात्तव दर्शनं प्रभो सर्वैश्च दोषैश्च सुसंगतायाः । दास्यास्पदायास्तव दासदास्याः प्रसीद देवेश जगन्निवास

kathaṁ mama syāttava darśanaṁ prabho sarvaiśca doṣaiśca susaṁgatāyāḥ dāsyāspadāyāstava dāsadāsyāḥ prasīda deveśa jagannivāsa

हे प्रभो! समस्त दोषों से युक्त, तुम्हारी दासी की भी दासी मुझे तुम्हारा दर्शन कैसे प्राप्त हो? हे देवेश! हे जगन्निवास! प्रसन्न हों।

श्लोक 60 (garuda.2.68.60)

एवं स्तुतस्तथा विष्णुः श्रीनिवासो दयानिधिः । प्रादुरासीद्वरदराट्भक्त्या तस्या जनार्दनः

evaṁ stutastathā viṣṇuḥ śrīnivāso dayānidhiḥ prādurāsīdvaradarāṭbhaktyā tasyā janārdanaḥ

इस प्रकार स्तुति किए जाने पर, करुणानिधि श्रीनिवास विष्णु — वरदराज जनार्दन — उसकी भक्ति से प्रसन्न होकर वहीं प्रकट हो गए।

श्लोक 61 (garuda.2.68.61)

वरं वरय भद्रं ते वरदोहमिहागतः । हरिणोदीरितं वाक्यं श्रुत्वा प्राह स्मितानना

varaṁ varaya bhadraṁ te varadohamihāgataḥ hariṇodīritaṁ vākyaṁ śrutvā prāha smitānanā

'वर माँगो, तुम्हारा कल्याण हो; मैं वर देने के लिए यहाँ आया हूँ।' हरि द्वारा कहे गए इन वचनों को सुनकर वह मुस्काती हुई बोली—

श्लोक 62 (garuda.2.68.62)

उवाच परया भक्त्या श्रीनिवासं जगत्प्रभुम् । अहं हि भार्या भूयासं तव माधव सुंदर

uvāca parayā bhaktyā śrīnivāsaṁ jagatprabhum ahaṁ hi bhāryā bhūyāsaṁ tava mādhava suṁdara

—परम भक्तिपूर्वक जगत्प्रभु श्रीनिवास से बोली — 'हे सुन्दर माधव! मैं तुम्हारी ही पत्नी बनूँ।'

श्लोक 63 (garuda.2.68.63)

इति तस्या वचः श्रुत्वा श्रीनिवासोऽब्रवीद्वचः । श्रीभगवानुवाच । अहं कुमारि सुभगे कृष्णजन्मनि भूतले

iti tasyā vacaḥ śrutvā śrīnivāso'bravīdvacaḥ śrībhagavānuvāca ahaṁ kumāri subhage kṛṣṇajanmani bhūtale

उसके ये वचन सुनकर श्रीनिवास ने कहा। भगवान ने कहा — 'हे सुन्दरी कुमारी! कृष्ण-जन्म में पृथ्वी पर—

श्लोक 64 (garuda.2.68.64)

भवामि तव भर्ताहं नात्र कार्या विचारणा । एवमुक्ता सुता कन्या पुरण्यराशिं हरिं परम्

bhavāmi tava bhartāhaṁ nātra kāryā vicāraṇā evamuktā sutā kanyā puraṇyarāśiṁ hariṁ param

—मैं तुम्हारा पति बनूँगा, इसमें कोई संदेह मत करो।' यह सुनकर उस कन्या-पुत्री ने परम हरि से—

श्लोक 65 (garuda.2.68.65)

उवाच परमप्रीता हर्षगद्गदया गिरा । कन्योवाच । कृष्णजन्मन्यहं पत्नी भूयासं प्रथमेहनि

uvāca paramaprītā harṣagadgadayā girā kanyovāca kṛṣṇajanmanyahaṁ patnī bhūyāsaṁ prathamehani

—परम प्रसन्न होकर हर्ष-गद्गद वाणी में कहा। कन्या ने कहा — 'कृष्ण-जन्म में मैं तुम्हारी पहली पत्नी बनूँ,

श्लोक 66 (garuda.2.68.66)

संस्कारात्प्रथमं चाहमं गनाभ्यः समावृणे । ओमित्युक्तः पुनर्वाक्यमुवाच मधुसूदनः

saṁskārātprathamaṁ cāhamaṁ ganābhyaḥ samāvṛṇe omityuktaḥ punarvākyamuvāca madhusūdanaḥ

—और संस्कार से पहले ही, सब स्त्रियों से पहले, मुझे वर लो।' 'ॐ' कहकर स्वीकृति देने पर मधुसूदन ने पुनः कहा—

श्लोक 67 (garuda.2.68.67)

श्रीभगवानुवाच । कुमार्या विधृतत्वाच्च मत्प्रदानाच्च भामिनि । तेषां मनोभीष्टसिद्धिर्भविष्यति न संशयः

śrībhagavānuvāca kumāryā vidhṛtatvācca matpradānācca bhāmini teṣāṁ manobhīṣṭasiddhirbhaviṣyati na saṁśayaḥ

भगवान ने कहा — 'हे भामिनि! तुम्हारे कुमारी-भाव में स्थित रहने तथा मेरे वरदान के कारण, उनके मनोऽभीष्ट की सिद्धि अवश्य होगी — इसमें संदेह नहीं।'

श्लोक 68 (garuda.2.68.68)

इति तस्यै वरं दत्त्वा तत्रैवान्तरधीयत । देहं तत्रैव संत्यज्य कुमारी चैव पुत्रिका

iti tasyai varaṁ dattvā tatraivāntaradhīyata dehaṁ tatraiva saṁtyajya kumārī caiva putrikā

यह वर देकर वे वहीं अन्तर्धान हो गए; वह कुमारी पुत्री भी वहीं देह त्यागकर—

श्लोक 69 (garuda.2.68.69)

कुम्भ कस्य गृहे जाता नीला नाम्ना तु सा स्मृता । कुंभकस्तु महाभाग नन्दशोभस्य शालकः

kumbha kasya gṛhe jātā nīlā nāmnā tu sā smṛtā kuṁbhakastu mahābhāga nandaśobhasya śālakaḥ

—कुम्भक के घर उत्पन्न हुई, वहाँ वह 'नीला' नाम से स्मरण की गई। हे महाभाग! कुम्भक नन्दशोभ का साला था।

श्लोक 70 (garuda.2.68.70)

कल्पवाहः स विज्ञेयः पितॄणां प्रथमः स्मृतः । तस्य गत्वा गृहमहं वृषभाचलवासिनः । शिवस्य वरतश्चैव त्वजेयः खगसत्तम

kalpavāhaḥ sa vijñeyaḥ pitṝṇāṁ prathamaḥ smṛtaḥ tasya gatvā gṛhamahaṁ vṛṣabhācalavāsinaḥ śivasya varataścaiva tvajeyaḥ khagasattama

वे कल्पवाह जानने चाहिए, पितरों में प्रथम माने गए हैं। 'उनके घर जाकर मैं, वृषभाचल-निवासी शिव के वरदान से ही अजेय होकर—

श्लोक 71 (garuda.2.68.71)

दितिजान्विनिहत्यैव नीला प्राप्ता खगेश्वर । ततो नाग्निजितो राज्ञो गृहे जाता कुमारिका

ditijānvinihatyaiva nīlā prāptā khageśvara tato nāgnijito rājño gṛhe jātā kumārikā

—दितिपुत्रों का वध कर, नीला को प्राप्त किया, हे खगेश्वर!' तत्पश्चात् वे नाग्नजित् राजा के घर कन्या रूप में उत्पन्न हुईं।

श्लोक 72 (garuda.2.68.72)

नाग्निजित्कव्यवाहोभूत्कन्या नीलाह्वयाभवत् । तस्याः स्वयंवरे चाहं गोवृषान्सप्तसंख्यकान्

nāgnijitkavyavāhobhūtkanyā nīlāhvayābhavat tasyāḥ svayaṁvare cāhaṁ govṛṣānsaptasaṁkhyakān

नाग्नजित् ही कव्यवाह (अग्नि) थे; उनकी कन्या 'नीला' नाम से जानी गई। उसके स्वयंवर में मैंने सात वृषभों को—

श्लोक 73 (garuda.2.68.73)

शिवस्य वरतश्चैवाप्यवध्यान्देवमानुषैः । बद्ध्वा वृषान्नृपाञ्जित्वा प्राप्ता नीला महाखग

śivasya varataścaivāpyavadhyāndevamānuṣaiḥ baddhvā vṛṣānnṛpāñjitvā prāptā nīlā mahākhaga

—शिव के वरदान से देव-मानवों द्वारा भी अवध्य उन वृषभों को बाँधकर, राजाओं को जीतकर, हे महाखग! मैंने नीला को प्राप्त किया।

श्लोक 74 (garuda.2.68.74)

कुंभकस्य सुता नीला देहस्थाः प्राविशन् भृशम् । एकावयवतो यस्मात्तस्मात्तत्रैव साविशत्

kuṁbhakasya sutā nīlā dehasthāḥ prāviśan bhṛśam ekāvayavato yasmāttasmāttatraiva sāviśat

कुम्भक की पुत्री नीला में उस देहधारी (पूर्वजन्म की आत्मा) ने पूर्णतः प्रवेश किया; चूँकि वे एक ही अंश की थीं, इसलिए वे वहीं समा गईं।

श्लोक 75 (garuda.2.68.75)

भूमौ द्विधा संप्रजाता कुमार्येव न संशयः । भद्राजन्म प्रवक्ष्यामि शृणु पक्षीन्द्रसत्तम

bhūmau dvidhā saṁprajātā kumāryeva na saṁśayaḥ bhadrājanma pravakṣyāmi śṛṇu pakṣīndrasattama

पृथ्वी पर वे दो बार उत्पन्न हुईं, फिर भी वे वही एक कुमारी रहीं — इसमें संदेह नहीं। अब भद्रा के जन्म का वर्णन करूँगा, सुनो हे पक्षीन्द्र-श्रेष्ठ!