लक्ष्मणा के विवाह का कारण तथा भगवान के लक्षणों का वर्णन

श्लोक 1 (garuda.2.71.1)

श्रीकृष्ण उवाच । या लक्ष्मणा पूर्वसर्गे खगेन्द्र पुत्री ह्यभूद्वह्निवेदस्य वेत्तुः । सुलक्षणैः संयुतत्वाद्यतः सा सुलक्ष्मणेति प्रथिता खगेन्द्र

śrīkṛṣṇa uvāca yā lakṣmaṇā pūrvasarge khagendra putrī hyabhūdvahnivedasya vettuḥ sulakṣaṇaiḥ saṁyutatvādyataḥ sā sulakṣmaṇeti prathitā khagendra

श्रीकृष्ण ने कहा — हे खगेन्द्र! जो पूर्व सृष्टि में अग्नि-वेद के ज्ञाता की पुत्री थी, उत्तम लक्षणों से युक्त होने के कारण वह 'सुलक्ष्मणा' नाम से प्रसिद्ध हुई, हे खगेन्द्र!

श्लोक 2 (garuda.2.71.2)

यथा लक्ष्मीर्लक्षणैः सा सुपूर्णा यथा हरिर्लक्षणैर्वै सुपूर्णः । यथा वायुर्लक्षणैः पूर्ण एव यथा गायत्री लक्षणैः सा सुपूर्णा

yathā lakṣmīrlakṣaṇaiḥ sā supūrṇā yathā harirlakṣaṇairvai supūrṇaḥ yathā vāyurlakṣaṇaiḥ pūrṇa eva yathā gāyatrī lakṣaṇaiḥ sā supūrṇā

जैसे लक्ष्मी अपने लक्षणों में पूर्ण हैं, जैसे हरि अपने लक्षणों में पूर्ण हैं; जैसे वायु लक्षणों में पूर्ण हैं, जैसे गायत्री लक्षणों में पूर्ण हैं—

श्लोक 3 (garuda.2.71.3)

यथा रुद्राद्या लक्षणैर्वै प्रपूर्णा रुद्रादिल्लक्ष्मणा चैव पूर्णा । गुणेनैवं धर्मतः किञ्चिदेव तथानुसंधानाद्व्रियते नाम चापि

yathā rudrādyā lakṣaṇairvai prapūrṇā rudrādillakṣmaṇā caiva pūrṇā guṇenaivaṁ dharmataḥ kiñcideva tathānusaṁdhānādvriyate nāma cāpi

—जैसे रुद्र आदि अपने लक्षणों में पूर्ण हैं, वैसे ही लक्ष्मणा भी उनके समान पूर्ण हैं; इसी गुण-धर्म के अनुसार यह नाम भी चुना गया।

श्लोक 4 (garuda.2.71.4)

तस्मादाहुर्लक्ष्मणेत्येव सर्वे तल्लक्षणं शृणु चादौ खगेन्द्र । नारायणे पूर्णगुणे रमेशे द्वात्रिंशत्संख्यानि सुलक्षणानि

tasmādāhurlakṣmaṇetyeva sarve tallakṣaṇaṁ śṛṇu cādau khagendra nārāyaṇe pūrṇaguṇe rameśe dvātriṁśatsaṁkhyāni sulakṣaṇāni

इसीलिए सब उसे 'लक्ष्मणा' कहते हैं; अब उन लक्षणों को सुनो, हे खगेन्द्र! सर्वगुणसम्पन्न, रमापति नारायण में बत्तीस उत्तम लक्षण—

श्लोक 5 (garuda.2.71.5)

संत्येव पक्षीन्द्र वदाम्यनुक्रमान्मत्तः श्रुत्वा मोक्षमाप्नोति नित्यम् । यः सप्तपादः षण्णवत्यङ्गुलोङ्गश्चतुर्हस्तः पुरुषस्तीक्ष्णदन्तः

saṁtyeva pakṣīndra vadāmyanukramānmattaḥ śrutvā mokṣamāpnoti nityam yaḥ saptapādaḥ ṣaṇṇavatyaṅguloṅgaścaturhastaḥ puruṣastīkṣṇadantaḥ

—विद्यमान हैं, हे पक्षीन्द्र! मैं उन्हें क्रमशः बताता हूँ — मुझसे सुनकर मनुष्य सदा मोक्ष प्राप्त करता है। जो सात पद ऊँचे, छियानबे अंगुल के, चार भुजाओं वाले, तीक्ष्ण दाँतों वाले पुरुष हैं—

श्लोक 6 (garuda.2.71.6)

य एतत्सर्वं मिलितं चैकमेव हरेर्विष्णोर्लक्षणं चाहुरार्याः । मुखं स्त्रिग्धं वर्तुलं पुष्टिरूपं द्वितीयं तल्लक्षणं चाहुरार्याः

ya etatsarvaṁ militaṁ caikameva harerviṣṇorlakṣaṇaṁ cāhurāryāḥ mukhaṁ strigdhaṁ vartulaṁ puṣṭirūpaṁ dvitīyaṁ tallakṣaṇaṁ cāhurāryāḥ

—इस सम्पूर्ण मिलित रूप को ही आर्यजन हरि-विष्णु का प्रथम लक्षण कहते हैं। स्निग्ध, गोल, पुष्ट मुख को द्वितीय लक्षण कहते हैं।

श्लोक 7 (garuda.2.71.7)

हनुर्यस्यानुन्नतं चास्ति वीन्द्र तल्लक्षणं प्राहुरार्यास्तृतीयम् । यद्दन्ता वै तीक्ष्णसूक्ष्माश्च संति तल्लक्षणं चाहुरार्याश्चतुर्थम्

hanuryasyānunnataṁ cāsti vīndra tallakṣaṇaṁ prāhurāryāstṛtīyam yaddantā vai tīkṣṇasūkṣmāśca saṁti tallakṣaṇaṁ cāhurāryāścaturtham

हे वीन्द्र! जिनकी ठुड्डी उभरी हुई नहीं है, उसे आर्यजन तृतीय लक्षण कहते हैं; तीक्ष्ण और सूक्ष्म दाँतों को चतुर्थ लक्षण कहते हैं।

श्लोक 8 (garuda.2.71.8)

यस्याधरे रक्तिमा त्वस्ति वीन्द्र तल्लक्षणं पञ्चमं चाहुरार्याः । यस्य हस्ता अतिरक्ताः खगेन्द्र तल्लक्षणं प्राहुरार्याश्च षष्ठम्

yasyādhare raktimā tvasti vīndra tallakṣaṇaṁ pañcamaṁ cāhurāryāḥ yasya hastā atiraktāḥ khagendra tallakṣaṇaṁ prāhurāryāśca ṣaṣṭham

हे वीन्द्र! जिनके अधरोष्ठ में लालिमा है, उसे पंचम लक्षण कहते हैं; हे खगेन्द्र! जिनके हाथ अत्यन्त रक्तवर्ण हैं, उसे षष्ठ लक्षण कहते हैं।

श्लोक 9 (garuda.2.71.9)

यस्मिन्नखाः संति रक्ताः सुशोभास्तल्लक्षणं सप्तमं चाहुरार्याः । यस्मिन्कपोले रक्तिमा त्वस्ति वीन्द्र तल्लक्षणं ह्यष्टमं प्राहुरार्या

yasminnakhāḥ saṁti raktāḥ suśobhāstallakṣaṇaṁ saptamaṁ cāhurāryāḥ yasminkapole raktimā tvasti vīndra tallakṣaṇaṁ hyaṣṭamaṁ prāhurāryā

रक्तवर्ण, सुशोभित नखों को सप्तम लक्षण कहते हैं; हे वीन्द्र! जिनके कपोलों में लालिमा है, उसे अष्टम लक्षण कहते हैं।

श्लोक 10 (garuda.2.71.10)

यस्मिन्करे शङ्खचक्रादिरेखा वर्तन्ते तन्नवमं प्राहुरार्याः । यस्योदरं तन्तुरूपं सुपुष्टं वलित्रयैरङ्कितं सुंदरं च

yasminkare śaṅkhacakrādirekhā vartante tannavamaṁ prāhurāryāḥ yasyodaraṁ tanturūpaṁ supuṣṭaṁ valitrayairaṅkitaṁ suṁdaraṁ ca

जिस हाथ में शंख-चक्र आदि की रेखाएँ हैं, उसे नवम लक्षण कहते हैं; जिनका उदर पतला, पुष्ट, तीन रेखाओं से अंकित तथा सुन्दर है—

श्लोक 11 (garuda.2.71.11)

तल्लक्षणं दशमं प्राहुरार्या एकादशं निम्ननाभिं तदाहुः । ऊरुद्वयं यस्य च मांसलं वै तल्लक्षणं द्वादशं प्राहुरार्याः

tallakṣaṇaṁ daśamaṁ prāhurāryā ekādaśaṁ nimnanābhiṁ tadāhuḥ ūrudvayaṁ yasya ca māṁsalaṁ vai tallakṣaṇaṁ dvādaśaṁ prāhurāryāḥ

—उसे दशम लक्षण कहते हैं; गहरी नाभि को एकादश कहते हैं। जिनकी दोनों जंघाएँ पुष्ट हैं, उसे द्वादश लक्षण कहते हैं।

श्लोक 12 (garuda.2.71.12)

कटिर्हि दीर्घा पृथुलास्ति यस्य त्रयोदशं लक्ष्म तदाहुरार्याः । यस्यास्ति मुष्को सुपरिष्ठितो वै चतुर्दशं लक्ष्म तदाहुरार्याः

kaṭirhi dīrghā pṛthulāsti yasya trayodaśaṁ lakṣma tadāhurāryāḥ yasyāsti muṣko supariṣṭhito vai caturdaśaṁ lakṣma tadāhurāryāḥ

जिनकी कमर लम्बी और चौड़ी है, उसे त्रयोदश लक्षण कहते हैं; जिनके सुगठित अण्डकोश हैं, उसे चतुर्दश लक्षण कहते हैं।

श्लोक 13 (garuda.2.71.13)

समुन्नतं शिश्नमथो हि लक्ष्म यस्यास्ति तत्पञ्चदशं वदन्ति । सुताम्रकं पादतलं खगेन्द्र तल्लक्षणं षोडशं प्राहुरार्याः

samunnataṁ śiśnamatho hi lakṣma yasyāsti tatpañcadaśaṁ vadanti sutāmrakaṁ pādatalaṁ khagendra tallakṣaṇaṁ ṣoḍaśaṁ prāhurāryāḥ

समुन्नत लिंग को पंचदश लक्षण कहते हैं; हे खगेन्द्र! ताम्रवर्ण चरण-तल को षोडश लक्षण कहते हैं।

श्लोक 14 (garuda.2.71.14)

निम्नौ च गुल्फौ सप्तदशं तदाहुर्ग्रीवारूपं प्राहुरष्टादशं च । एकोनविंशं त्वक्षिपद्मं सुरक्तं प्राहुर्बाहुं जानु विंशं तथैव

nimnau ca gulphau saptadaśaṁ tadāhurgrīvārūpaṁ prāhuraṣṭādaśaṁ ca ekonaviṁśaṁ tvakṣipadmaṁ suraktaṁ prāhurbāhuṁ jānu viṁśaṁ tathaiva

धँसे हुए टखनों को सप्तदश, गर्दन के रूप को अष्टादश कहते हैं; रक्तवर्ण कमल-नेत्रों को उन्नीसवाँ, भुजाओं और घुटनों को बीसवाँ कहते हैं।

श्लोक 15 (garuda.2.71.15)

विस्तीर्णोरश्चैकविंशं तदाहुः सिंहास्कन्धं द्व्युत्तरं विंशमाहुः । त्रयोविंशं सूक्ष्ममास्यं तदाहुश्चतुर्विंशं सुप्रसन्ने च दृष्टी

vistīrṇoraścaikaviṁśaṁ tadāhuḥ siṁhāskandhaṁ dvyuttaraṁ viṁśamāhuḥ trayoviṁśaṁ sūkṣmamāsyaṁ tadāhuścaturviṁśaṁ suprasanne ca dṛṣṭī

विस्तृत वक्ष को इक्कीसवाँ, सिंह-सदृश कंधों को बाईसवाँ कहते हैं; सूक्ष्म मुख को तेईसवाँ, सदा प्रसन्न दृष्टि को चौबीसवाँ कहते हैं।

श्लोक 16 (garuda.2.71.16)

ह्रस्वं लिङ्गं मार्दवं चापि वीन्द्र तल्लक्षणं पञ्चविंशं वदन्ति । समौ च पादौ कटिजानु चोरू षड्विंशमाहुश्च समे च जङ्घे

hrasvaṁ liṅgaṁ mārdavaṁ cāpi vīndra tallakṣaṇaṁ pañcaviṁśaṁ vadanti samau ca pādau kaṭijānu corū ṣaḍviṁśamāhuśca same ca jaṅghe

हे वीन्द्र! छोटे, कोमल लिंग को पच्चीसवाँ कहते हैं; समान पैर, कमर, घुटने, जंघा को छब्बीसवाँ, समान पिंडलियों को (सत्ताईसवाँ) कहते हैं।

श्लोक 17 (garuda.2.71.17)

समानहस्तौ समकर्णौ मिलित्वा द्वात्रिंशत्कं लक्षणं प्राहुरार्याः । द्वात्रिंशत्कं लक्षणं वै मुकुन्दे द्वात्रिंशत्कं लक्षणं वै रमायाम्

samānahastau samakarṇau militvā dvātriṁśatkaṁ lakṣaṇaṁ prāhurāryāḥ dvātriṁśatkaṁ lakṣaṇaṁ vai mukunde dvātriṁśatkaṁ lakṣaṇaṁ vai ramāyām

समान हाथों और समान कानों को मिलाकर आर्यजन बत्तीसवाँ लक्षण कहते हैं। इस प्रकार मुकुन्द में बत्तीस लक्षण, रमा में भी बत्तीस लक्षण—

श्लोक 18 (garuda.2.71.18)

द्वात्रिंशत्कं लक्षणं ब्रह्मणोपि तद्भारत्याः प्रवदन्त्येव सत्यम् । तथा च शङ्का सममेव चक्रिणेत्येवं सदामा कुरु निर्णयं ब्रुवे

dvātriṁśatkaṁ lakṣaṇaṁ brahmaṇopi tadbhāratyāḥ pravadantyeva satyam tathā ca śaṅkā samameva cakriṇetyevaṁ sadāmā kuru nirṇayaṁ bruve

—ब्रह्मा में भी बत्तीस लक्षण, तथा भारती में भी सत्य ही यह कहा गया है। इसमें कुछ शंका हो सकती है कि ये चक्रधारी के समान ही हैं — इस विषय में सदा निर्णय बताता हूँ।

श्लोक 19 (garuda.2.71.19)

एकस्य वै लक्षणस्यापि विष्णोर्लक्ष्मीरन्तं नैव सम्यक्प्रपेदे । अतोनन्तैर्लक्षणैः संयुतं च हरिं चाहुर्लक्षणज्ञाः सदैव

ekasya vai lakṣaṇasyāpi viṣṇorlakṣmīrantaṁ naiva samyakprapede atonantairlakṣaṇaiḥ saṁyutaṁ ca hariṁ cāhurlakṣaṇajñāḥ sadaiva

विष्णु के एक भी लक्षण का अन्त लक्ष्मी भी भलीभाँति नहीं पा सकीं; इसलिए लक्षण-ज्ञानी सदा हरि को अनन्त लक्षणों से युक्त कहते हैं।

श्लोक 20 (garuda.2.71.20)

जानाति लक्ष्मीर्लक्षणं वायुरूपे स्वापेक्षया ह्यतिरिक्तं खगेन्द्र । स्वलक्षणापेक्षया भारती तु शतैर्गुणैरधिका वेधसोपि

jānāti lakṣmīrlakṣaṇaṁ vāyurūpe svāpekṣayā hyatiriktaṁ khagendra svalakṣaṇāpekṣayā bhāratī tu śatairguṇairadhikā vedhasopi

लक्ष्मी वायु-रूप में अपनी अपेक्षा अधिक लक्षण जानती हैं, हे खगेन्द्र! भारती भी अपने लक्षणों की अपेक्षा ब्रह्मा से सौ गुना अधिक हैं।

श्लोक 21 (garuda.2.71.21)

खगेन्द्र तस्माल्लक्षणे साम्यचित्तं विश्वादीनां सर्वदा मा कुरुष्व । अष्टाविंशतिं प्राहू रुद्रादिकानां भ्रूनेत्रयोर्लक्षणेनैव हीनाः

khagendra tasmāllakṣaṇe sāmyacittaṁ viśvādīnāṁ sarvadā mā kuruṣva aṣṭāviṁśatiṁ prāhū rudrādikānāṁ bhrūnetrayorlakṣaṇenaiva hīnāḥ

हे खगेन्द्र! इसलिए विश्व आदि के लक्षणों में समानता का भाव कभी मत रखो। रुद्र आदि के लिए अट्ठाईस लक्षण कहे गए हैं — भ्रू और नेत्रों के लक्षण से रहित।

श्लोक 22 (garuda.2.71.22)

अलक्षणं मन्यते यद्धि तस्य दुर्लक्षणं नैव तच्चिन्तनीयम् । अष्टाविंशतिं लक्षणं वै हरस्य न भारतीवच्चिन्तनीयं खगेन्द्र

alakṣaṇaṁ manyate yaddhi tasya durlakṣaṇaṁ naiva taccintanīyam aṣṭāviṁśatiṁ lakṣaṇaṁ vai harasya na bhāratīvaccintanīyaṁ khagendra

जिसे केवल लक्षण का अभाव माना जाता है, उसे दुर्लक्षण नहीं समझना चाहिए। हर के अट्ठाईस लक्षणों को भारती की न्यूनता जैसा नहीं समझना चाहिए, हे खगेन्द्र!

श्लोक 23 (garuda.2.71.23)

अतो हरः क्रोधरूपी सदैव तयोरभावात्सत्यमुक्तं तथैतत् । अतो द्वयं नास्ति रुद्रे खगेन्द्र शिश्नोदरे किञ्चिदाधिक्यमस्ति

ato haraḥ krodharūpī sadaiva tayorabhāvātsatyamuktaṁ tathaitat ato dvayaṁ nāsti rudre khagendra śiśnodare kiñcidādhikyamasti

इसीलिए हर सदा क्रोध-स्वरूप हैं, क्योंकि उन दो (भ्रू-नेत्र लक्षणों) का अभाव है — यह सत्य कहा गया है। इसलिए रुद्र में ये दोनों नहीं हैं, हे खगेन्द्र! किन्तु लिंग और उदर में कुछ अधिकता है।

श्लोक 24 (garuda.2.71.24)

सप्ताधिकैर्विंशतिलक्षणैस्तु समायुताः स्वस्त्रियो लक्ष्मणाद्याः । षड्विंशत्या लक्षणैश्चापि युक्ता वारुण्याद्या पञ्चविंशैश्च चन्द्रः

saptādhikairviṁśatilakṣaṇaistu samāyutāḥ svastriyo lakṣmaṇādyāḥ ṣaḍviṁśatyā lakṣaṇaiścāpi yuktā vāruṇyādyā pañcaviṁśaiśca candraḥ

लक्ष्मणा आदि उनकी अपनी पत्नियाँ सत्ताईस लक्षणों से युक्त हैं; वारुणी आदि छब्बीस लक्षणों से, तथा चन्द्रमा पच्चीस लक्षणों से युक्त हैं।

श्लोक 25 (garuda.2.71.25)

अर्थश्चतुर्विंशतिभिश्चैव युक्तो नासावायोर्द्व्यधिका विंशतिश्च लक्षणैश्चैकविंशत्या शची युक्ता न संशयः

arthaścaturviṁśatibhiścaiva yukto nāsāvāyordvyadhikā viṁśatiśca lakṣaṇaiścaikaviṁśatyā śacī yuktā na saṁśayaḥ

अर्थ चौबीस लक्षणों से युक्त हैं, नासावायु बाईस लक्षणों से; शची इक्कीस लक्षणों से युक्त हैं — इसमें संदेह नहीं।

श्लोक 26 (garuda.2.71.26)

प्रवाहा विंशकैर्युक्ता यम एकोनविंशकैः । पाश्यष्टादशभिर्युक्तो दशसप्तयुतोऽनलः

pravāhā viṁśakairyuktā yama ekonaviṁśakaiḥ pāśyaṣṭādaśabhiryukto daśasaptayuto'nalaḥ

प्रवाह बीस लक्षणों से युक्त हैं, यम उन्नीस से; पाशी (वरुण) अठारह से युक्त हैं, अनल सत्रह से।

श्लोक 27 (garuda.2.71.27)

वैवस्वतः षोडशभिमित्रः पञ्चदशैर्युतः । चतुर्दशैस्तु(चतुर्विंशैस्तु?) धनपः पावकस्तु त्रयोदशैः

vaivasvataḥ ṣoḍaśabhimitraḥ pañcadaśairyutaḥ caturdaśaistu(caturviṁśaistu?) dhanapaḥ pāvakastu trayodaśaiḥ

वैवस्वत सोलह से, मित्र पंद्रह से युक्त हैं; धनप चौदह से, पावक तेरह से।

श्लोक 28 (garuda.2.71.28)

गङ्गा द्वादशभिर्युक्ता बुध एकादशैर्युतः । शनिस्तु दशसंख्याकैः पुष्करो नवभिर्युतः

gaṅgā dvādaśabhiryuktā budha ekādaśairyutaḥ śanistu daśasaṁkhyākaiḥ puṣkaro navabhiryutaḥ

गंगा बारह से युक्त हैं, बुध ग्यारह से; शनि दस से, पुष्कर नौ से युक्त हैं।

श्लोक 29 (garuda.2.71.29)

अथ षोडशसाहस्रं भार्यास्तु मम वल्लभाः । अष्टभिश्चैव संयुक्ताः सप्तभिः पितरस्तथा

atha ṣoḍaśasāhasraṁ bhāryāstu mama vallabhāḥ aṣṭabhiścaiva saṁyuktāḥ saptabhiḥ pitarastathā

अब मेरी सोलह हजार प्रिय पत्नियाँ आठ लक्षणों से युक्त हैं, पितर सात लक्षणों से।

श्लोक 30 (garuda.2.71.30)

षड्भिश्च देवगन्धर्वाः पञ्चभिस्तदनन्तराः । चतुर्भिः क्षितिपाः प्रोक्तास्त्रिभिरन्ये च संयुताः

ṣaḍbhiśca devagandharvāḥ pañcabhistadanantarāḥ caturbhiḥ kṣitipāḥ proktāstribhiranye ca saṁyutāḥ

देव-गन्धर्व छह से, उनके पश्चात्वर्ती पाँच से युक्त हैं; राजा चार से, अन्य तीन से कहे गए हैं।

श्लोक 31 (garuda.2.71.31)

उदरे किञ्चिदाधिक्ये ह्रस्वे पादे च कर्णयोः । शिखाधिक्यं विना विप्र भार्यायां च शिवस्य च

udare kiñcidādhikye hrasve pāde ca karṇayoḥ śikhādhikyaṁ vinā vipra bhāryāyāṁ ca śivasya ca

उदर में कुछ अधिकता, पैर और कानों में लघुता — हे विप्र! शिखा की अधिकता के अतिरिक्त, शिव की पत्नी (पार्वती) में भी—

श्लोक 32 (garuda.2.71.32)

लक्ष्मणायां पञ्च दोषाः शिरोगुल्फादिकं विना । नाभ्याधिक्ये सहैवाष्टौ दोषाः संत्यतिवाहिके

lakṣmaṇāyāṁ pañca doṣāḥ śirogulphādikaṁ vinā nābhyādhikye sahaivāṣṭau doṣāḥ saṁtyativāhike

—लक्ष्मणा में सिर-टखने आदि के अतिरिक्त पाँच दोष हैं। नाभि की अधिकता सहित अतिवाहिक में आठ दोष हैं।

श्लोक 33 (garuda.2.71.33)

जङ्घाधिक्ये सहैवाष्टौ दोषाः शच्याः सदा स्मृताः । एवमेव हि दोषाश्चाप्यूहनीयाः खगेश्वर

jaṅghādhikye sahaivāṣṭau doṣāḥ śacyāḥ sadā smṛtāḥ evameva hi doṣāścāpyūhanīyāḥ khageśvara

जंघा की अधिकता सहित शची में सदा आठ दोष स्मरण किए जाते हैं। इसी प्रकार शेष दोषों का भी अनुमान करना चाहिए, हे खगेश्वर!

श्लोक 34 (garuda.2.71.34)

दुर्लक्षणैः सदा वीन्द्र संश्रुतैस्तत्त्वविद्भवेत् । महोदरो लंबनाभिरीषामात्रोग्रदंष्ट्रकः

durlakṣaṇaiḥ sadā vīndra saṁśrutaistattvavidbhavet mahodaro laṁbanābhirīṣāmātrogradaṁṣṭrakaḥ

हे वीन्द्र! इन दुर्लक्षणों को सुनकर मनुष्य तत्त्वज्ञ बनता है। (कलि का वर्णन:) महाउदर, लटकती नाभि, हल के फाल जैसे भयंकर दाँत—

श्लोक 35 (garuda.2.71.35)

अन्धकूपगभीराक्षो लंबकर्णौष्ठनासिकः । लंबगुल्फो वक्रपादः कुनखी श्यावदन्तकः

andhakūpagabhīrākṣo laṁbakarṇauṣṭhanāsikaḥ laṁbagulpho vakrapādaḥ kunakhī śyāvadantakaḥ

—अंधे कुएँ जैसी गहरी आँखें, लटकते कान-होंठ-नाक; लटकते टखने, टेढ़े पैर, विकृत नख, मैले दाँत—

श्लोक 36 (garuda.2.71.36)

दीर्घजङ्घो दीर्घशिश्नस्त्वेकाण्डश्चैकनासिकः । रक्तश्मश्रू रक्तरोमा वक्रास्यः संप्रकीर्तितः

dīrghajaṅgho dīrghaśiśnastvekāṇḍaścaikanāsikaḥ raktaśmaśrū raktaromā vakrāsyaḥ saṁprakīrtitaḥ

—लम्बी जंघाएँ, लम्बा लिंग, एक अण्डकोश, संकीर्ण नासिका, लाल दाढ़ी, लाल रोम, टेढ़ा मुख — इस प्रकार वर्णित हैं।

श्लोक 37 (garuda.2.71.37)

दग्धपर्वतसंकाशो रक्तपृष्ठः कलिः स्मृतः । अलोमांसोऽलोमशिरा रक्तगण्डकपोलकः

dagdhaparvatasaṁkāśo raktapṛṣṭhaḥ kaliḥ smṛtaḥ alomāṁso'lomaśirā raktagaṇḍakapolakaḥ

जले हुए पर्वत जैसा, लाल पीठ वाला — इस प्रकार कलि स्मरण किए जाते हैं; रोमहीन मांस-सिर, लाल गाल-कपोल—

श्लोक 38 (garuda.2.71.38)

ललाटे पाण्डुता नित्यं वामस्कन्धे करे खग । क्रूरदृष्टिर्दृष्टिपादस्तथा वै घर्घरस्वरः

lalāṭe pāṇḍutā nityaṁ vāmaskandhe kare khaga krūradṛṣṭirdṛṣṭipādastathā vai ghargharasvaraḥ

—ललाट पर सदा पीलापन, बाएँ कंधे और हाथ में भी, हे खग! क्रूर दृष्टि, दृष्टि पर ही मानो टिके पैर, घर्घर स्वर—

श्लोक 39 (garuda.2.71.39)

अत्याशी चातिपानश्च स्तनौ शुष्कफलोपमौ । ऊरौ नवाञ्जिकारोमः तथा पृष्ठे च मस्तके

atyāśī cātipānaśca stanau śuṣkaphalopamau ūrau navāñjikāromaḥ tathā pṛṣṭhe ca mastake

—अत्यधिक खाने-पीने वाला, सूखे फल जैसे स्तन; जंघाओं पर, पीठ और सिर पर भी नए अंकुरित रोम—

श्लोक 40 (garuda.2.71.40)

ललाटे त्रीणि दीर्घे तु समे द्वौ संप्रकीर्तितौ । सर्पाकारस्तु यो मत्स्यस्तस्य शिश्ने प्रकीर्तितः

lalāṭe trīṇi dīrghe tu same dvau saṁprakīrtitau sarpākārastu yo matsyastasya śiśne prakīrtitaḥ

—ललाट पर तीन लम्बी और दो समान रेखाएँ कही गई हैं। उसके लिंग पर सर्पाकार मत्स्य कहा गया है—

श्लोक 41 (garuda.2.71.41)

पादत्राणोपमो मत्स्यो रसनाग्रे प्रकीर्तितः । शिश्नाकारश्च यो मत्स्यो गुदे तस्य प्रशस्यते

pādatrāṇopamo matsyo rasanāgre prakīrtitaḥ śiśnākāraśca yo matsyo gude tasya praśasyate

—जिह्वा के अग्रभाग पर जूते जैसा मत्स्य कहा गया है; उसके गुदा में लिंगाकार मत्स्य वर्णित है—

श्लोक 42 (garuda.2.71.42)

वृश्चिकाकारमत्स्यस्तु पदोस्तस्य प्रशस्यते । श्वाकारश्चापि मत्स्यो वै मुखे तस्य प्रकीर्तितः

vṛścikākāramatsyastu padostasya praśasyate śvākāraścāpi matsyo vai mukhe tasya prakīrtitaḥ

—उसके पैरों में बिच्छू-आकार मत्स्य वर्णित है; उसके मुख में कुत्ते के आकार का मत्स्य कहा गया है।

श्लोक 43 (garuda.2.71.43)

हस्ते तु बहुरेखाः स्युर्लोम नासापुटे स्मृतम् । अतिदीर्घं तु चाङ्गुष्ठं कनिष्ठं चातिदीर्घकम्

haste tu bahurekhāḥ syurloma nāsāpuṭe smṛtam atidīrghaṁ tu cāṅguṣṭhaṁ kaniṣṭhaṁ cātidīrghakam

हाथ में बहुत सी रेखाएँ हैं, नासिका-छिद्रों में रोम कहे गए हैं; उसका अंगूठा अत्यन्त लम्बा, तथा कनिष्ठिका भी अत्यन्त लम्बी है।

श्लोक 44 (garuda.2.71.44)

दुर्लक्षणं त्वेवमादि कलावस्ति ह्यनेकशः । सुलक्षणान्यनेकानि मयि संति खगेश्वर

durlakṣaṇaṁ tvevamādi kalāvasti hyanekaśaḥ sulakṣaṇānyanekāni mayi saṁti khageśvara

ऐसे दुर्लक्षण कलियुग में अनेकों हैं; परन्तु हे खगेश्वर! मुझमें अनेक उत्तम लक्षण विद्यमान हैं।

श्लोक 45 (garuda.2.71.45)

द्वात्रिंशल्लक्षणं विष्णोर्ब्रह्माद्यापेक्षयैव तत् । सहाभिप्राय गर्भेण ब्रह्मणोक्तं तव प्रभो

dvātriṁśallakṣaṇaṁ viṣṇorbrahmādyāpekṣayaiva tat sahābhiprāya garbheṇa brahmaṇoktaṁ tava prabho

विष्णु के बत्तीस लक्षण ब्रह्मा आदि की अपेक्षा से ही कहे गए हैं; यह ब्रह्मा द्वारा गहन अभिप्राय के साथ ही कहा गया था, हे प्रभो!

श्लोक 46 (garuda.2.71.46)

ब्रह्मोक्तस्य मयोक्तस्य विरोधो नास्ति सत्तम । मयोक्तस्यैव स व्यासः कंबुग्रीवः प्रदर्श्यते

brahmoktasya mayoktasya virodho nāsti sattama mayoktasyaiva sa vyāsaḥ kaṁbugrīvaḥ pradarśyate

हे सत्तम! ब्रह्मा द्वारा कहे गए और मेरे द्वारा कहे गए में कोई विरोध नहीं है; मेरे कथन के अनुसार ही व्यास कम्बुग्रीव (शंख जैसे कंठ वाले) दिखाए जाते हैं।

श्लोक 47 (garuda.2.71.47)

रक्ताधरं रक्त तालु चैकीकृत्य मयोदितम् । अतो विरोधो नास्त्येव तथा ज्ञानात्प्रतीयते

raktādharaṁ rakta tālu caikīkṛtya mayoditam ato virodho nāstyeva tathā jñānātpratīyate

लाल अधरोष्ठ और लाल तालु को एक करके मैंने यह वर्णित किया है; इसलिए कोई विरोध नहीं है — यह ज्ञान से समझा जा सकता है।

श्लोक 48 (garuda.2.71.48)

सप्ताधिकैर्विंशतिलक्षणैस्तु समायुता याः स्त्रियो लक्ष्मणाद्याः

saptādhikairviṁśatilakṣaṇaistu samāyutā yāḥ striyo lakṣmaṇādyāḥ

जैसा कहा गया, लक्ष्मणा आदि स्त्रियाँ सत्ताईस लक्षणों से युक्त हैं।

श्लोक 49 (garuda.2.71.49)

भगे नेत्रे च हस्ते च स्तने कुक्षौ तथैव च । भारत्यपेक्षया पञ्चभिर्न्यूना त्वस्ति लक्षणैः

bhage netre ca haste ca stane kukṣau tathaiva ca bhāratyapekṣayā pañcabhirnyūnā tvasti lakṣaṇaiḥ

भग, नेत्र, हाथ, स्तन, तथा कुक्षि में — भारती की अपेक्षा वह पाँच लक्षणों से न्यून हैं।

श्लोक 50 (garuda.2.71.50)

न रुद्रवन्न चान्यानि लक्षणानि खगेश्वर । षड्विंशत्या लक्षणैश्चापि युक्ता वारुण्याः षड्लक्षणैश्चैव हीना

na rudravanna cānyāni lakṣaṇāni khageśvara ṣaḍviṁśatyā lakṣaṇaiścāpi yuktā vāruṇyāḥ ṣaḍlakṣaṇaiścaiva hīnā

न रुद्र के समान, न अन्य किसी के समान लक्षण हैं, हे खगेश्वर! वारुणी छब्बीस लक्षणों से युक्त हैं, छह लक्षणों से न्यून।

श्लोक 51 (garuda.2.71.51)

कर्णे कुक्षौ नासिकाकेशपाशे गुल्फे भगे किञ्चिदाधिक्यमस्ति । इन्द्रो युक्तः पञ्चविंशत्या खगेन्द्र सदा हीनो लक्षणैः सप्तसंख्यैः

karṇe kukṣau nāsikākeśapāśe gulphe bhage kiñcidādhikyamasti indro yuktaḥ pañcaviṁśatyā khagendra sadā hīno lakṣaṇaiḥ saptasaṁkhyaiḥ

कान, कुक्षि, नासिका, केश-गुच्छ, टखने और भग में कुछ अधिकता है। इन्द्र पच्चीस लक्षणों से युक्त हैं, हे खगेन्द्र, सदा सात लक्षणों से न्यून।

श्लोक 52 (garuda.2.71.52)

हस्ते पादे उदरे कर्णयोश्च शिश्ने गुल्फे त्वधरोष्ठेधिकं च । चतुर्विंशत्या लक्षणैश्चापि युक्तो नास्तिक्यवायुस्तद्वदेवाष्टभिश्च

haste pāde udare karṇayośca śiśne gulphe tvadharoṣṭhedhikaṁ ca caturviṁśatyā lakṣaṇaiścāpi yukto nāstikyavāyustadvadevāṣṭabhiśca

हाथ, पैर, उदर, कान, लिंग, टखने, अधरोष्ठ में अधिकता है। नास्तिक्य-वायु चौबीस लक्षणों से युक्त हैं, आठ से न्यून।

श्लोक 53 (garuda.2.71.53)

नाभ्यां गुल्फे हनुरर्ङ्घ्योश्च स्कन्धे द्विजे नेत्रे त्वधरोष्ठेधिकं च । त्रयोविंशत्या लक्षणैश्चापि युक्ता शची तथा नवदोषैश्च युक्ता

nābhyāṁ gulphe hanurarṅghyośca skandhe dvije netre tvadharoṣṭhedhikaṁ ca trayoviṁśatyā lakṣaṇaiścāpi yuktā śacī tathā navadoṣaiśca yuktā

नाभि, टखने, ठुड्डी, पैर, कंधे, दाँत, नेत्र, अधरोष्ठ में अधिकता है। शची तेईस लक्षणों से युक्त, नौ दोषों सहित हैं।

श्लोक 54 (garuda.2.71.54)

भगे केशे ह्यधरोष्ठे च कर्णे जङ्घे गण्डे वक्षसि गुल्फयोश्च । तथोत्तरोष्ठे किञ्चिदाधिक्यमस्ति एवं विजानीहि खगेन्द्रसत्तम

bhage keśe hyadharoṣṭhe ca karṇe jaṅghe gaṇḍe vakṣasi gulphayośca tathottaroṣṭhe kiñcidādhikyamasti evaṁ vijānīhi khagendrasattama

भग, केश, अधरोष्ठ, कान, जंघा, गाल, वक्ष, टखनों तथा उत्तरोष्ठ में कुछ अधिकता है — इस प्रकार समझो, हे खगेन्द्र-श्रेष्ठ!

श्लोक 55 (garuda.2.71.55)

द्वाविंशत्या लक्षणैः संयुतस्तु दशभिर्देषैः प्रवहो नाम वायुः । तथाङ्गुष्ठे किञ्चिदाधिक्यमस्ति विंशत्येकादशभिर्देषतोर्कः

dvāviṁśatyā lakṣaṇaiḥ saṁyutastu daśabhirdeṣaiḥ pravaho nāma vāyuḥ tathāṅguṣṭhe kiñcidādhikyamasti viṁśatyekādaśabhirdeṣatorkaḥ

प्रवाह नामक वायु बाईस लक्षणों और दस दोषों से युक्त हैं, अंगूठे में भी कुछ अधिकता है। सूर्य बीस लक्षणों और ग्यारह दोषों से युक्त हैं।

श्लोक 56 (garuda.2.71.56)

तद्विंशत्या लक्षणैः संयुतस्तु तदा दोषेर्द्वादशभिश्च युक्तः । एकोनविंशत्या लक्षणैश्चापि युक्तस्त्रयोदशभिस्तदभावैर्युतोग्निः

tadviṁśatyā lakṣaṇaiḥ saṁyutastu tadā doṣerdvādaśabhiśca yuktaḥ ekonaviṁśatyā lakṣaṇaiścāpi yuktastrayodaśabhistadabhāvairyutogniḥ

एक अन्य बीस लक्षणों और बारह दोषों से युक्त हैं। अग्नि उन्नीस लक्षणों और तेरह न्यूनताओं से युक्त हैं।

श्लोक 57 (garuda.2.71.57)

अष्टादशभिर्लक्षणैः संयुतस्तु वैवस्वतस्तदभावैश्चतुर्दशभिः । मित्रस्तु सप्तदशभिर्लक्षणैः संयुतः खग

aṣṭādaśabhirlakṣaṇaiḥ saṁyutastu vaivasvatastadabhāvaiścaturdaśabhiḥ mitrastu saptadaśabhirlakṣaṇaiḥ saṁyutaḥ khaga

वैवस्वत अठारह लक्षणों और चौदह न्यूनताओं से युक्त हैं। मित्र सत्रह लक्षणों से युक्त हैं, हे खग—

श्लोक 58 (garuda.2.71.58)

सदोषैः पञ्चदशभिः संयुक्तो नात्र संशयः । तैश्च षोडशभिर्युक्तो धनपो नात्र संशयः

sadoṣaiḥ pañcadaśabhiḥ saṁyukto nātra saṁśayaḥ taiśca ṣoḍaśabhiryukto dhanapo nātra saṁśayaḥ

—और पंद्रह दोषों से युक्त हैं, इसमें संदेह नहीं। धनप सोलह से युक्त हैं, इसमें संदेह नहीं।

श्लोक 59 (garuda.2.71.59)

तदभावैः षोडशभिः संयुक्तः संप्रकीर्तितः । तैः पञ्चदशभिश्चैव युक्तोग्रेज्येष्ठपुत्रकः

tadabhāvaiḥ ṣoḍaśabhiḥ saṁyuktaḥ saṁprakīrtitaḥ taiḥ pañcadaśabhiścaiva yuktogrejyeṣṭhaputrakaḥ

वे सोलह न्यूनताओं से भी युक्त कहे गए हैं। ज्येष्ठ पुत्र पंद्रह लक्षणों से युक्त हैं—

श्लोक 60 (garuda.2.71.60)

तैः सप्तदशभिर्दोषैः संयुक्तो नात्र संशयः । तैश्चतुर्दशभिश्चैव गङ्गा संपरिकीर्तिता

taiḥ saptadaśabhirdoṣaiḥ saṁyukto nātra saṁśayaḥ taiścaturdaśabhiścaiva gaṅgā saṁparikīrtitā

—और सत्रह दोषों से युक्त हैं, इसमें संदेह नहीं। गंगा चौदह लक्षणों से युक्त कही गई हैं—

श्लोक 61 (garuda.2.71.61)

तथाष्टादशभिर्दोषैः संयुता नात्र संशयः । तैस्त्रयोदशभिश्चैव संयुतो बुध एव तु

tathāṣṭādaśabhirdoṣaiḥ saṁyutā nātra saṁśayaḥ taistrayodaśabhiścaiva saṁyuto budha eva tu

—और अठारह दोषों से युक्त हैं, इसमें संदेह नहीं। बुध तेरह लक्षणों से युक्त हैं—

श्लोक 62 (garuda.2.71.62)

दोषैरेकोनविंशत्या संयुतो नात्र संशयः । शनिर्विंशतिदोषेण युतो द्वादशलक्षणैः

doṣairekonaviṁśatyā saṁyuto nātra saṁśayaḥ śanirviṁśatidoṣeṇa yuto dvādaśalakṣaṇaiḥ

—और उन्नीस दोषों से युक्त हैं, इसमें संदेह नहीं। शनि बारह लक्षणों और बीस दोषों से युक्त हैं।

श्लोक 63 (garuda.2.71.63)

लक्षणैश्चैकादशभिः पुष्करः परिकीर्तितः । एकविंशतिसंख्याकैरसद्भावैः प्रकीर्तितः

lakṣaṇaiścaikādaśabhiḥ puṣkaraḥ parikīrtitaḥ ekaviṁśatisaṁkhyākairasadbhāvaiḥ prakīrtitaḥ

पुष्कर ग्यारह लक्षणों से कहे गए हैं, और इक्कीस न्यूनताओं से भी कहे गए हैं।

श्लोक 64 (garuda.2.71.64)

दशभिर्लक्षणैर्युक्ताः पितरो ये चिराः खग । त्रयोविंशतिदोषैश्च संयुता नात्र संशयः

daśabhirlakṣaṇairyuktāḥ pitaro ye cirāḥ khaga trayoviṁśatidoṣaiśca saṁyutā nātra saṁśayaḥ

हे खग! प्राचीन पितर दस लक्षणों से युक्त हैं, तेईस दोषों से युक्त, इसमें संदेह नहीं।

श्लोक 65 (garuda.2.71.65)

अष्टभिर्लक्षणैर्युक्ता देवगन्धर्वसत्तमाः । दोषैश्चतुर्विंशतिभिः संयुक्ताः परिकीर्तिताः

aṣṭabhirlakṣaṇairyuktā devagandharvasattamāḥ doṣaiścaturviṁśatibhiḥ saṁyuktāḥ parikīrtitāḥ

श्रेष्ठ देव-गन्धर्व आठ लक्षणों से युक्त हैं, और चौबीस दोषों से युक्त कहे गए हैं।

श्लोक 66 (garuda.2.71.66)

सप्तलक्षणसंयुक्ता गन्धर्वा मानुषात्मकाः । यैस्तु पञ्चविंशतिभिर्दोषैः संयुक्ताः प्रकीर्तिताः

saptalakṣaṇasaṁyuktā gandharvā mānuṣātmakāḥ yaistu pañcaviṁśatibhirdoṣaiḥ saṁyuktāḥ prakīrtitāḥ

मानव-प्रकृति के गन्धर्व सात लक्षणों से युक्त हैं, तथा पच्चीस दोषों से युक्त कहे गए हैं।

श्लोक 67 (garuda.2.71.67)

षद्गुणैः क्षितिपा युक्ता षड्विंशत्या च दोषतः । तदन्ये पञ्चभिर्युक्ताश्चतुर्भिः केचिदेव च

ṣadguṇaiḥ kṣitipā yuktā ṣaḍviṁśatyā ca doṣataḥ tadanye pañcabhiryuktāścaturbhiḥ kecideva ca

राजा छह गुणों तथा छब्बीस दोषों से युक्त हैं; इनमें से कुछ पाँच से, कुछ चार से युक्त हैं।

श्लोक 68 (garuda.2.71.68)

त्रिभिः केच्चित्ततो हीना न संति खगसत्तम । यस्मिन्नरे क्षितिपे वा खगेन्द्र आधिक्यं यद्दृश्यते लक्षणस्य

tribhiḥ keccittato hīnā na saṁti khagasattama yasminnare kṣitipe vā khagendra ādhikyaṁ yaddṛśyate lakṣaṇasya

कुछ तीन से युक्त हैं, इससे कम कोई नहीं है, हे खगसत्तम! जिस मनुष्य या राजा में, हे खगेन्द्र, लक्षण की अधिकता दिखाई देती है—

श्लोक 69 (garuda.2.71.69)

न ते नरा नैव ते वै क्षितीशाः सर्वे नैव ह्युत्तमाः सर्वदैव । ये देवा ये च दैत्याश्च सर्वेप्येवं खगाधिप

na te narā naiva te vai kṣitīśāḥ sarve naiva hyuttamāḥ sarvadaiva ye devā ye ca daityāśca sarvepyevaṁ khagādhipa

—वे न तो सच्चे मनुष्य हैं, न सच्चे राजा; कोई भी सदा सर्वोत्तम नहीं होता। जो भी देव, जो भी दैत्य हैं, सभी इसी प्रकार, हे खगाधिप—

श्लोक 70 (garuda.2.71.70)

लक्षणालक्षणैश्चैव क्रमेणोक्ता न संशयः । लक्षणैः सप्तविंशत्यालक्षणैः संयुताः खग

lakṣaṇālakṣaṇaiścaiva krameṇoktā na saṁśayaḥ lakṣaṇaiḥ saptaviṁśatyālakṣaṇaiḥ saṁyutāḥ khaga

—लक्षण और अलक्षण के क्रम से कहे गए हैं, इसमें संदेह नहीं। सत्ताईस लक्षणों के साथ ही कुछ अलक्षण भी युक्त हैं, हे खग—

श्लोक 71 (garuda.2.71.71)

अतः सलक्षणा ज्ञेया द्वात्रिंशल्लक्षणैर्न हि । पितुर्गृहे वर्धमाना सदापि स्वकुटुंबं श्रेष्ठयितुं खगेन्द्र

ataḥ salakṣaṇā jñeyā dvātriṁśallakṣaṇairna hi piturgṛhe vardhamānā sadāpi svakuṭuṁbaṁ śreṣṭhayituṁ khagendra

—इसलिए वह सलक्षणा जाननी चाहिए, बत्तीस लक्षणों वाली नहीं। पिता के घर में बढ़ती हुई, सदा अपने कुटुम्ब को श्रेष्ठ बनाने की इच्छा से, हे खगेन्द्र—

श्लोक 72 (garuda.2.71.72)

उवाच सा पितरं दीयमानमन्नादिकं त्रमित्रादिकेषु । सदापि ये त्वनुसंधानेन युक्ता अन्तर्गते तत्रतत्र स्थिते च

uvāca sā pitaraṁ dīyamānamannādikaṁ tramitrādikeṣu sadāpi ye tvanusaṁdhānena yuktā antargate tatratatra sthite ca

—उसने पिता से कहा, जब मित्रों आदि को अन्न आदि दिया जा रहा था — 'जो लोग सदा सर्वत्र स्थित अन्तर्यामी का अनुसंधान करते हुए ही—

श्लोक 73 (garuda.2.71.73)

अज्ञातत्वे चान्नपानादिकं च दत्तं संतो व्यर्थमेवं वदन्ति । हरिं वक्ष्ये तत्रतत्र स्थितं चं तं वै शृणु त्वादरेणाद्य नित्यम्

ajñātatve cānnapānādikaṁ ca dattaṁ saṁto vyarthamevaṁ vadanti hariṁ vakṣye tatratatra sthitaṁ caṁ taṁ vai śṛṇu tvādareṇādya nityam

—अन्न-पान आदि देते हैं, उसे सज्जन सफल कहते हैं; अज्ञान में दिया गया दान व्यर्थ ही कहा जाता है। मैं आपको सर्वत्र स्थित हरि के विषय में बताती हूँ, आदरपूर्वक सुनिए, सदा—

श्लोक 74 (garuda.2.71.74)

बालो हरिर्बालरूपेण कृष्णः क्षीरादिकं नवनीतं घृतं च । गृह्णाति नित्यं भूषणं वस्त्रजातमेवं दद्यात्सर्वदा विष्णुतुष्ट्यै

bālo harirbālarūpeṇa kṛṣṇaḥ kṣīrādikaṁ navanītaṁ ghṛtaṁ ca gṛhṇāti nityaṁ bhūṣaṇaṁ vastrajātamevaṁ dadyātsarvadā viṣṇutuṣṭyai

—बालक हरि, बालरूप कृष्ण, दूध, मक्खन और घी नित्य ग्रहण करते हैं; आभूषण और वस्त्र भी विष्णु की प्रसन्नता के लिए ही सदा देने चाहिए।

श्लोक 75 (garuda.2.71.75)

मित्रैर्हरिः केशवाख्यो मुकुन्दो भुङ्क्ते दत्तं त्वन्नप्रानादिकं च । पूर्वं दद्यात्सर्वदा वै गृहस्थो धन्यो भवेदन्यथा व्यर्थमेव

mitrairhariḥ keśavākhyo mukundo bhuṅkte dattaṁ tvannaprānādikaṁ ca pūrvaṁ dadyātsarvadā vai gṛhastho dhanyo bhavedanyathā vyarthameva

—मित्रों में केशव नामक मुकुन्द हरि, उन्हें दिया गया अन्न-पान ग्रहण करते हैं; जो गृहस्थ पहले उन्हें देता है, वह सदा धन्य होता है, अन्यथा सब व्यर्थ है।

श्लोक 76 (garuda.2.71.76)

गृह्णाति नित्यं माधवाख्यो हरिश्चेत्येवं ज्ञात्वा देयमन्नादिकं च । एवं ज्ञात्वा दीयमानेन नित्यं प्रीणाति विष्णुर्नान्यथा व्यर्थमेव

gṛhṇāti nityaṁ mādhavākhyo hariścetyevaṁ jñātvā deyamannādikaṁ ca evaṁ jñātvā dīyamānena nityaṁ prīṇāti viṣṇurnānyathā vyarthameva

—माधव नामक हरि नित्य ग्रहण करते हैं; यह जानकर अन्न आदि देना चाहिए। इस प्रकार जानकर दिए जाने से विष्णु सदा प्रसन्न होते हैं, अन्यथा सब व्यर्थ है।

श्लोक 77 (garuda.2.71.77)

गृहे नित्यं वासुदेवो हरिस्तु प्रीणाति नित्यं तत्र तिष्ठन्सुपर्ण । एवं ज्ञात्वा स्वगृहं सर्वदैव अलङ्कुर्याद्धातुरूपैः सदैव

gṛhe nityaṁ vāsudevo haristu prīṇāti nityaṁ tatra tiṣṭhansuparṇa evaṁ jñātvā svagṛhaṁ sarvadaiva alaṅkuryāddhāturūpaiḥ sadaiva

—घर में वासुदेव हरि नित्य वहाँ स्थित रहकर प्रसन्न होते हैं, हे सुपर्ण! यह जानकर अपने घर को सदा धातु-मूर्तियों से अलंकृत करना चाहिए।

श्लोक 78 (garuda.2.71.78)

गोविन्दाख्यस्तिष्ठति वैष्णवानां पुत्रैर्युतस्तिष्ठति वासुदेवः । मित्रे मुकुन्दः शालके चानिरूद्धो नारायणो द्विजवर्ये सदास्ति

govindākhyastiṣṭhati vaiṣṇavānāṁ putrairyutastiṣṭhati vāsudevaḥ mitre mukundaḥ śālake cānirūddho nārāyaṇo dvijavarye sadāsti

—गोविन्द नामक हरि वैष्णवों में स्थित रहते हैं, वासुदेव रूप में पुत्रों में स्थित हैं; मुकुन्द रूप में मित्र में, अनिरुद्ध रूप में साले में, नारायण सदा श्रेष्ठ ब्राह्मण में स्थित हैं।

श्लोक 79 (garuda.2.71.79)

गोष्ठे च नित्यं विष्णुरूपी हरिस्तु अश्वे सदा तिष्ठति वामनाख्यः । संकर्षणः शूद्रवर्णे सदास्ति वैश्ये प्रद्युम्नस्तिष्ठति सर्वदैव

goṣṭhe ca nityaṁ viṣṇurūpī haristu aśve sadā tiṣṭhati vāmanākhyaḥ saṁkarṣaṇaḥ śūdravarṇe sadāsti vaiśye pradyumnastiṣṭhati sarvadaiva

—गोशाला में हरि विष्णु-रूप में सदा स्थित हैं, अश्व में सदा वामन नामक; शूद्र वर्ण में सदा संकर्षण स्थित हैं, वैश्य में सदा प्रद्युम्न स्थित हैं।

श्लोक 80 (garuda.2.71.80)

जनार्दनः क्षत्त्रजातौ सदास्ति दाशेषु नित्यं महिदासो हरिस्तु । मह्यां नित्यं तिष्ठति सर्वदैव ह्युपेन्द्राख्यो हरिरेकः सुपर्ण

janārdanaḥ kṣattrajātau sadāsti dāśeṣu nityaṁ mahidāso haristu mahyāṁ nityaṁ tiṣṭhati sarvadaiva hyupendrākhyo harirekaḥ suparṇa

—जनार्दन क्षत्रिय जाति में सदा स्थित हैं, मछुआरों में महिदास हरि नित्य स्थित हैं; पृथ्वी में सदा उपेन्द्र नामक हरि अकेले ही स्थित हैं, हे सुपर्ण!

श्लोक 81 (garuda.2.71.81)

गजे सदा तिष्ठति चक्रपाणिः सदान्तरे तिष्ठति विश्वरूपः । नित्यं शुनि तिष्ठति भूतभावनः पिपीलकायामपि सर्वदैव

gaje sadā tiṣṭhati cakrapāṇiḥ sadāntare tiṣṭhati viśvarūpaḥ nityaṁ śuni tiṣṭhati bhūtabhāvanaḥ pipīlakāyāmapi sarvadaiva

—हाथी में सदा चक्रपाणि स्थित हैं, सबके भीतर विश्वरूप स्थित हैं; कुत्ते में सदा भूतभावन स्थित हैं, चींटी में भी सदा।

श्लोक 82 (garuda.2.71.82)

त्रिविक्रमो हरिरूप्यन्तरिक्षे सर्वजातावनन्तरूपी हरिश्च । हरेर्न वर्णोस्ति न गोत्रमस्ति न जातिरीशे सर्वरूपे विचित्रे

trivikramo harirūpyantarikṣe sarvajātāvanantarūpī hariśca harerna varṇosti na gotramasti na jātirīśe sarvarūpe vicitre

—त्रिविक्रम हरि आकाश में भी स्थित हैं, हर जाति में हरि के अनन्त रूप हैं; हरि का न कोई वर्ण है, न गोत्र, न जाति — ईश्वर सर्वरूप और विचित्र हैं।'

श्लोक 83 (garuda.2.71.83)

एवं ज्ञात्वा सर्वदा लक्ष्मणा तु हरिं सदा प्रीणयामास देवी । सपर्यया वै क्रियमाणया हरिः पतिर्मम स्यादिति चिन्तयाना

evaṁ jñātvā sarvadā lakṣmaṇā tu hariṁ sadā prīṇayāmāsa devī saparyayā vai kriyamāṇayā hariḥ patirmama syāditi cintayānā

इस प्रकार सदा जानकर देवी लक्ष्मणा सदा हरि को प्रसन्न करती रहीं; अपनी उपासना से यह सोचते हुए कि 'हरि ही मेरे पति बनें'—

श्लोक 84 (garuda.2.71.84)

तत्याज देहं विष्णुपतित्वकामा मद्रेषु वै वीन्द्र पुत्री प्रजाता । स्वयंवरे लक्ष्मणाया अहं च भित्त्वा लक्ष्यं भूपतीन्द्रावयित्वा

tatyāja dehaṁ viṣṇupatitvakāmā madreṣu vai vīndra putrī prajātā svayaṁvare lakṣmaṇāyā ahaṁ ca bhittvā lakṣyaṁ bhūpatīndrāvayitvā

—विष्णु को पति रूप में पाने की इच्छा से उसने शरीर त्याग दिया, और, हे वीन्द्र! मद्र देश में पुत्री के रूप में जन्म लिया; लक्ष्मणा के स्वयंवर में मैंने लक्ष्य को भेदकर, राजाओं को पराजित कर—

श्लोक 85 (garuda.2.71.85)

पाणिग्रहं लक्ष्मणायाश्च कृत्वा गत्वा पुरीं रमयामास देवी । तथैवाहं जांबवत्या विवाहं मत्पत्नीत्वे कारणं त्वां ब्रवीमि

pāṇigrahaṁ lakṣmaṇāyāśca kṛtvā gatvā purīṁ ramayāmāsa devī tathaivāhaṁ jāṁbavatyā vivāhaṁ matpatnītve kāraṇaṁ tvāṁ bravīmi

—लक्ष्मणा का पाणिग्रहण किया, और नगरी में जाकर वह देवी सुखपूर्वक रहीं। इसी प्रकार मैं जाम्बवती के विवाह का, मेरी पत्नी बनने का कारण भी बताता हूँ।