पिता-पुत्र-संवाद

श्लोक 1 (markandeya.10.1)

जैमिनिरुवाच । संशयं द्विजशार्दूलाः प्रब्रूत मम पृच्छतः । आविर्भाव-तिरोभावौ भूतानां यत्र संस्थितौ ॥ 10.1 ॥

jaiminiruvāca / saṃśayaṃ dvijaśārdūlāḥ prabrūta mama pṛcchataḥ / āvirbhāva-tirobhāvau bhūtānāṃ yatra saṃsthitau // 10.1 //

जैमिनि ने कहा — हे द्विजश्रेष्ठो, मेरे इस संशय का समाधान करो, जहाँ प्राणियों का प्रकट होना और लुप्त होना अवस्थित है।

श्लोक 2 (markandeya.10.2)

कथं सञ्जायते जन्तुः कथं वा सविवर्धते । कथं वोदरमध्यस्थस्तिष्ठत्यङ्गनिपीडितः ॥ 10.2 ॥

kathaṃ sañjāyate jantuḥ kathaṃ vā savivardhate / kathaṃ vodaramadhyasthastiṣṭhatyaṅganipīḍitaḥ // 10.2 //

प्राणी कैसे उत्पन्न होता है, कैसे बढ़ता है, और अंगों से दबा हुआ वह गर्भ के मध्य में कैसे स्थित रहता है?

श्लोक 3 (markandeya.10.3)

निष्क्रान्तिमुदरात् प्राप्य कथं वा वृद्धिमृच्छति । उत्क्रान्तिकाले च कथञ्चिद्भावेन वियुज्यते ॥ 10.3 ॥

niṣkrāntimudarāt prāpya kathaṃ vā vṛddhimṛcchati / utkrāntikāle ca kathañcidbhāvena viyujyate // 10.3 //

गर्भ से बाहर निकलकर वह कैसे वृद्धि को प्राप्त होता है, और उत्क्रमण-काल (मृत्यु) में वह किस प्रकार शरीर से वियुक्त होता है?

श्लोक 4 (markandeya.10.4)

कृत्स्नो मृतस्तथाश्नाति उभे सुकृत-दुष्कृते । कथं ते च तथा तस्य फलं सम्पादयन्त्युत ॥ 10.4 ॥

kṛtsno mṛtastathāśnāti ubhe sukṛta-duṣkṛte / kathaṃ te ca tathā tasya phalaṃ sampādayantyuta // 10.4 //

मृत होने पर वह प्राणी कैसे अपने पुण्य और पाप दोनों को पूर्णतः भोगता है, और वे कर्म उसे किस प्रकार अपना फल पहुँचाते हैं?

श्लोक 5 (markandeya.10.5)

कथं न जीर्यते तत्र पिण्डीकृत इवाशये । स्त्रीकोष्ठे यत्र जीर्यन्ते भुक्तानि सुगुरूण्यपि । भक्ष्याणि यत्र नो जन्तुर्जोर्यते कथमल्पकः ॥ 10.5 ॥

kathaṃ na jīryate tatra piṇḍīkṛta ivāśaye / strīkoṣṭhe yatra jīryante bhuktāni sugurūṇyapi / bhakṣyāṇi yatra no janturjoryate kathamalpakaḥ // 10.5 //

गर्भ में पिण्डरूप में स्थित वह वहाँ क्यों नहीं गलता — जबकि स्त्री के उदर में भारी भोजन भी पच जाता है? वहाँ भोजन न पाकर भी वह छोटा प्राणी कैसे जीर्ण नहीं होता?

श्लोक 6 (markandeya.10.6)

एतन्मे ब्रूत सकलं सन्देहोक्तिविवर्जितम् । तदेतत् परम गुह्यं यत्र मुह्यन्ति जन्तवः ॥ 10.6 ॥

etanme brūta sakalaṃ sandehoktivivarjitam / tadetat parama guhyaṃ yatra muhyanti jantavaḥ // 10.6 //

मुझे यह सब बिना किसी संदेह-शेष के कह सुनाओ; यह अत्यन्त गूढ़ रहस्य है, जिसमें बड़े-बड़े प्राणी भी मोहित हो जाते हैं।

श्लोक 7 (markandeya.10.7)

पक्षिण ऊचुः । प्रश्नभारोऽयमतुलस्त्वयास्मासु निवेशितः । दुर्भाव्यः सर्वभूतानां भावाभावसमाश्रितः ॥ 10.7 ॥

pakṣiṇa ūcuḥ / praśnabhāro 'yamatulastvayāsmāsu niveśitaḥ / durbhāvyaḥ sarvabhūtānāṃ bhāvābhāvasamāśritaḥ // 10.7 //

पक्षियों ने कहा — तुमने हम पर यह अनुपम प्रश्नों का भार डाल दिया है; समस्त प्राणियों के अस्तित्व और अनस्तित्व से जुड़ा यह विषय समझना अत्यन्त कठिन है।

श्लोक 8 (markandeya.10.8)

तं शृणुष्व महाभाग यथा प्राह पितुः पुरा । पुत्रः परमधर्मात्मा सुमतिर्नाम नामतः ॥ 10.8 ॥

taṃ śṛṇuṣva mahābhāga yathā prāha pituḥ purā / putraḥ paramadharmātmā sumatirnāma nāmataḥ // 10.8 //

हे महाभाग, उसे सुनो, जैसा कि पूर्वकाल में सुमति नामक एक परम धर्मात्मा पुत्र ने अपने पिता से कहा था।

श्लोक 9 (markandeya.10.9)

ब्राह्मणो भार्गवः कश्चित् सुतमाह महामतिः । कृतोपनयनं शान्तं सुमतिं जडरूपिणम् ॥ 10.9 ॥

brāhmaṇo bhārgavaḥ kaścit sutamāha mahāmatiḥ / kṛtopanayanaṃ śāntaṃ sumatiṃ jaḍarūpiṇam // 10.9 //

किसी महाबुद्धिमान भार्गव ब्राह्मण ने अपने उपनयन-संस्कार प्राप्त, शान्त, किन्तु जड़-सा दिखने वाले पुत्र सुमति से कहा —

श्लोक 10 (markandeya.10.10)

वेदानधीष्व सुमते ! यथानुक्रममादितः । गुरुशुश्रूषणे व्यग्रो भैक्षान्नकृतभोजनः ॥ 10.10 ॥

vedānadhīṣva sumate ! yathānukramamāditaḥ / guruśuśrūṣaṇe vyagro bhaikṣānnakṛtabhojanaḥ // 10.10 //

'हे सुमते, वेदों को क्रमानुसार आरम्भ से पढ़ो; गुरु की सेवा में तत्पर रहो, और केवल भिक्षा में मिले अन्न से ही भोजन करो।'

श्लोक 11 (markandeya.10.11)

ततो गार्हस्थ्यमास्थाय चेष्ट्वा यज्ञाननुत्तमान् । इष्टमुत्पादयापत्यमाश्रयेथा वनं ततः ॥ 10.11 ॥

tato gārhasthyamāsthāya ceṣṭvā yajñānanuttamān / iṣṭamutpādayāpatyamāśrayethā vanaṃ tataḥ // 10.11 //

'फिर गृहस्थ-आश्रम में स्थित होकर, उत्तम यज्ञ करके, इच्छित सन्तान उत्पन्न करके, तत्पश्चात् वन का आश्रय लेना।'

श्लोक 12 (markandeya.10.12)

वनस्थश्च ततो वत्स परिव्राड् निष्परिग्रहः । एवमाप्स्यसि तद्ब्रह्म यत्र गत्वा न शोचसि ॥ 10.12 ॥

vanasthaśca tato vatsa parivrāḍ niṣparigrahaḥ / evamāpsyasi tadbrahma yatra gatvā na śocasi // 10.12 //

'हे वत्स, वन में रहकर फिर परिव्राजक बनकर, सर्वस्व-त्याग करके — इस प्रकार तुम उस ब्रह्म को पाओगे, जिसे पाकर मनुष्य शोक नहीं करता।'

श्लोक 13 (markandeya.10.13)

पक्षिण ऊचुः । इत्येवमुक्तो बहुशो जडत्वान्नाह किञ्चन । पितापि तं सुबहुशः प्राह प्रीत्या पुनः पुनः ॥ 10.13 ॥

pakṣiṇa ūcuḥ / ityevamukto bahuśo jaḍatvānnāha kiñcana / pitāpi taṃ subahuśaḥ prāha prītyā punaḥ punaḥ // 10.13 //

पक्षियों ने कहा — बारंबार ऐसा कहे जाने पर भी वह अपनी जड़ता के कारण कुछ नहीं बोला; पिता ने भी उसे बहुत बार स्नेहपूर्वक बारंबार समझाया।

श्लोक 14 (markandeya.10.14)

इति पित्रा सुतस्नेहात् प्रलोभि मधुराक्षरम् । स चोद्यमानो बहुशः प्रहस्येदमथाब्रवीत् ॥ 10.14 ॥

iti pitrā sutasnehāt pralobhi madhurākṣaram / sa codyamāno bahuśaḥ prahasyedamathābravīt // 10.14 //

इस प्रकार पुत्र-स्नेह से पिता द्वारा मधुर वचनों से बारंबार प्रलोभित किए जाने पर, वह पुत्र हँसकर यह बोला —

श्लोक 15 (markandeya.10.15)

तातैतद्बहुशोऽभ्यस्तं यत् त्वयाद्योपदिश्यते । तथैवान्यानि शास्त्राणि शिल्पानि विविधानि च ॥ 10.15 ॥

tātaitadbahuśo 'bhyastaṃ yat tvayādyopadiśyate / tathaivānyāni śāstrāṇi śilpāni vividhāni ca // 10.15 //

'हे तात, जो आप आज मुझे उपदेश दे रहे हैं, वह मैं पहले भी अनेक बार अभ्यास कर चुका हूँ — इसी प्रकार अन्य शास्त्र और नाना कलाएँ भी।'

श्लोक 16 (markandeya.10.16)

जन्मनामयुतं साग्रं मम स्मृतिपथं गतम् । निर्वेदाः परितोषाश्च क्षयवृद्ध्युदये गताः ॥ 10.16 ॥

janmanāmayutaṃ sāgraṃ mama smṛtipathaṃ gatam / nirvedāḥ paritoṣāśca kṣayavṛddhyudaye gatāḥ // 10.16 //

'दस हजार से भी अधिक जन्म मेरी स्मृति के मार्ग में आ चुके हैं; उनमें विरक्तियाँ और सन्तोष, हानि और वृद्धि के उदय में — सभी आ चुके हैं।'

श्लोक 17 (markandeya.10.17)

शत्रुमित्रकलत्राणां वियोगाः सङ्गमास्तथा । मातरो विवधा दृष्टाः पितरो विवधास्तथा ॥ 10.17 ॥

śatrumitrakalatrāṇāṃ viyogāḥ saṅgamāstathā / mātaro vivadhā dṛṣṭāḥ pitaro vivadhāstathā // 10.17 //

'शत्रु, मित्र और पत्नियों के वियोग और संयोग भी मैंने देखे हैं; नाना प्रकार की माताएँ और नाना प्रकार के पिता भी देखे हैं।'

श्लोक 18 (markandeya.10.18)

अनुभूतानि सौख्यनि दुः खानि च सहस्रशः । बान्धवा बहवः प्राप्ताः पितरश्च पृथग्विधाः ॥ 10.18 ॥

anubhūtāni saukhyani duḥ khāni ca sahasraśaḥ / bāndhavā bahavaḥ prāptāḥ pitaraśca pṛthagvidhāḥ // 10.18 //

'हजारों सुख और दुःख मैंने भोगे हैं; अनेक बान्धव मुझे प्राप्त हुए हैं, और भाँति-भाँति के पिता भी।'

श्लोक 19 (markandeya.10.19)

विण्मूत्रपिच्छिले स्त्रीणां तथा कोष्ठे मयोषितम् । पीडाश्च सुभृशं प्राप्ता रोगाणाञ्च सहस्रशः ॥ 10.19 ॥

viṇmūtrapicchile strīṇāṃ tathā koṣṭhe mayoṣitam / pīḍāśca subhṛśaṃ prāptā rogāṇāñca sahasraśaḥ // 10.19 //

'मैं स्त्रियों के मल-मूत्र से भरे उदर में भी बहुत समय तक रह चुका हूँ; मुझे अत्यन्त पीड़ाएँ भी मिली हैं, और सहस्रों रोग भी।'

श्लोक 20 (markandeya.10.20)

गर्भदुः खान्यनेकानि बालत्वे यौवने तथा । वृद्धतायां तथाप्तानि तानि सर्वाणि संस्मरे ॥ 10.20 ॥

garbhaduḥ khānyanekāni bālatve yauvane tathā / vṛddhatāyāṃ tathāptāni tāni sarvāṇi saṃsmare // 10.20 //

'गर्भ के अनेक दुःख, तथा बाल्यावस्था, यौवन और वृद्धावस्था में प्राप्त हुए वे सभी दुःख — मुझे सब स्मरण हैं।'

श्लोक 21 (markandeya.10.21)

ब्राह्मण-क्षत्रिय-विशां शूद्राणाञ्चापि योनिषु । पुनश्च पुशुकीटानां मृगाणामथ पक्षिणाम् ॥ 10.21 ॥

brāhmaṇa-kṣatriya-viśāṃ śūdrāṇāñcāpi yoniṣu / punaśca puśukīṭānāṃ mṛgāṇāmatha pakṣiṇām // 10.21 //

'ब्राह्मण, क्षत्रिय, वैश्य और शूद्रों की योनियों में, तथा पुनः पशु-कीटों, मृगों और पक्षियों की योनियों में भी मैं उत्पन्न हुआ हूँ,'

श्लोक 22 (markandeya.10.22)

तथैव राजभृत्यानां राज्ञाञ्चाहवशालिनाम् । समुत्पन्नोऽस्मि गेहेषु तथैव तव वेश्मनि ॥ 10.22 ॥

tathaiva rājabhṛtyānāṃ rājñāñcāhavaśālinām / samutpanno 'smi geheṣu tathaiva tava veśmani // 10.22 //

'तथा राजसेवकों और युद्धकुशल राजाओं के घरों में भी, और उसी प्रकार आपके घर में भी मैं उत्पन्न हुआ हूँ।'

श्लोक 23 (markandeya.10.23)

भृत्यतां दासताञ्चैव गतोऽस्मि बहुशो नृणाम् । स्वामित्वमीश्वरत्वं च दरिद्रत्वं तथा गतः ॥ 10.23 ॥

bhṛtyatāṃ dāsatāñcaiva gato 'smi bahuśo nṛṇām / svāmitvamīśvaratvaṃ ca daridratvaṃ tathā gataḥ // 10.23 //

'मनुष्यों में मैं बहुत बार सेवक और दास की स्थिति को भी प्राप्त हुआ हूँ, तथा स्वामित्व, ऐश्वर्य और दरिद्रता को भी।'

श्लोक 24 (markandeya.10.24)

हतं मया हतश्चान्यैर्हतं मे घातितं तथा । दत्तं ममान्यैरन्येभ्यो मया दत्तमनेकशाः ॥ 10.24 ॥

hataṃ mayā hataścānyairhataṃ me ghātitaṃ tathā / dattaṃ mamānyairanyebhyo mayā dattamanekaśāḥ // 10.24 //

'मैंने वध किया है, दूसरों द्वारा मारा भी गया हूँ, तथा दूसरों से मरवाया भी है; मुझे औरों ने दिया है, और मैंने भी अनेक बार औरों को दिया है।'

श्लोक 25 (markandeya.10.25)

पितृ-मातृ-सुहृद्-भ्रातृ-कलत्रादिकृतेन च । तुष्टोऽसकृत् तथा दैन्यमश्रुधौताननो गतः ॥ 10.25 ॥

pitṛ-mātṛ-suhṛd-bhrātṛ-kalatrādikṛtena ca / tuṣṭo 'sakṛt tathā dainyamaśrudhautānano gataḥ // 10.25 //

'पिता, माता, मित्र, भाई और पत्नी आदि के कारण मैं बारंबार सन्तुष्ट हुआ हूँ, और आँसुओं से मुख धोते हुए दीनता को भी बारंबार प्राप्त हुआ हूँ।'

श्लोक 26 (markandeya.10.26)

एवं संसारचक्रेऽस्मिन् भ्रमता तात सङ्कटे । ज्ञानमेतन्मया प्राप्तं मोक्षसम्प्राप्तिकारकम् ॥ 10.26 ॥

evaṃ saṃsāracakre 'smin bhramatā tāta saṅkaṭe / jñānametanmayā prāptaṃ mokṣasamprāptikārakam // 10.26 //

'हे तात, इस प्रकार इस संसार-चक्र के संकट में भटकते हुए, मुझे मोक्ष-प्राप्ति कराने वाला यह ज्ञान प्राप्त हुआ है।'

श्लोक 27 (markandeya.10.27)

विज्ञाते यत्र सर्वोऽयमृग्यजुः सामसंज्ञितः । क्रियाकलापो विगुणो न सम्यक् प्रतिभाति मे ॥ 10.27 ॥

vijñāte yatra sarvo 'yamṛgyajuḥ sāmasaṃjñitaḥ / kriyākalāpo viguṇo na samyak pratibhāti me // 10.27 //

'यह जान लेने पर, ऋग्, यजुः और साम कहलाने वाला यह सम्पूर्ण क्रिया-कलाप मुझे दोषपूर्ण और अपूर्ण-सा प्रतीत होता है।'

श्लोक 28 (markandeya.10.28)

तस्मादुत्पन्नबोधस्य वेदैः किं मे प्रयोजनम् । गुरुविज्ञानतृप्तस्य निरीहस्य सदात्मनः ॥ 10.28 ॥

tasmādutpannabodhasya vedaiḥ kiṃ me prayojanam / guruvijñānatṛptasya nirīhasya sadātmanaḥ // 10.28 //

'अतः जिसे यह बोध हो चुका है, उसे वेदों से क्या प्रयोजन — मुझे, जो सद्गुरु के ज्ञान से तृप्त, निष्काम, तथा सदा एक-सा आत्मा हूँ?'

श्लोक 29 (markandeya.10.29)

षट् प्रकारक्रिया-दुःख-सुख-हर्ष-रसैश्च यत् । गुणैश्च वर्जितं ब्रह्म तत् प्राप्स्यामि परं पदम् ॥ 10.29 ॥

ṣaṭ prakārakriyā-duḥkha-sukha-harṣa-rasaiśca yat / guṇaiśca varjitaṃ brahma tat prāpsyāmi paraṃ padam // 10.29 //

'छह प्रकार की क्रियाओं से, तथा दुःख-सुख-हर्ष-रस से, और गुणों से भी रहित जो ब्रह्म है, उस परम पद को मैं प्राप्त करूँगा।'

श्लोक 30 (markandeya.10.30)

रस-हर्ष-भयोद्वेग-क्रोधामर्ष-जरातुराम् । विज्ञातां स्वमृगग्राहिसंघपाशशताकुलम् ॥ 10.30 ॥

rasa-harṣa-bhayodvega-krodhāmarṣa-jarāturām / vijñātāṃ svamṛgagrāhisaṃghapāśaśatākulam // 10.30 //

'यह संसार रस, हर्ष, भय, उद्वेग, क्रोध और असहिष्णुता से आतुर और जरा से पीड़ित जाना गया है, तथा अपने ही समान प्राणियों के शिकारियों के सैकड़ों पाशों से व्याप्त।'

श्लोक 31 (markandeya.10.31)

तस्माद्यास्याम्यहं तात त्यक्त्वेमां दुः खसन्ततिम् । त्रयीधर्ममधर्माढ्यं किं पापफलसन्निभम् ॥ 10.31 ॥

tasmādyāsyāmyahaṃ tāta tyaktvemāṃ duḥ khasantatim / trayīdharmamadharmāḍhyaṃ kiṃ pāpaphalasannibham // 10.31 //

'इसलिए, हे तात, मैं इस दुःख-परम्परा को त्यागकर चला जाऊँगा — त्रयी-धर्म को भी, जो अधर्म से भरा हुआ है और पापफल के समान प्रतीत होता है।'

श्लोक 32 (markandeya.10.32)

पक्षिण ऊचुः । तस्य तद्वचनं श्रुत्वा हर्षविस्मयगद्गदम् । पिता प्राह महाभागः स्वसुतं हृष्टमानसः ॥ 10.32 ॥

pakṣiṇa ūcuḥ / tasya tadvacanaṃ śrutvā harṣavismayagadgadam / pitā prāha mahābhāgaḥ svasutaṃ hṛṣṭamānasaḥ // 10.32 //

पक्षियों ने कहा — उसके इस वचन को सुनकर, हर्ष और विस्मय से गद्गद हुए, मन में प्रसन्न उस महाभाग पिता ने अपने पुत्र से कहा —

श्लोक 33 (markandeya.10.33)

पितोवाच । किमेतद्वदसे वत्स कुतस्ते ज्ञानसम्भवः । केन ते जडता पूर्वमिदानीञ्च प्रबुद्धता ॥ 10.33 ॥

pitovāca / kimetadvadase vatsa kutaste jñānasambhavaḥ / kena te jaḍatā pūrvamidānīñca prabuddhatā // 10.33 //

पिता ने कहा — 'हे वत्स, यह तुम क्या कह रहे हो? तुम्हें यह ज्ञान कहाँ से प्राप्त हुआ? पहले तुम्हारी जड़ता किस कारण थी, और अब यह जागृति किस कारण से है?'

श्लोक 34 (markandeya.10.34)

किन्नु शापविकारोऽयं मुनिदेवकृतस्तव । यत्ते ज्ञानं तिरोभूतमाविर्भावमुपागतम् ॥ 10.34 ॥

kinnu śāpavikāro 'yaṃ munidevakṛtastava / yatte jñānaṃ tirobhūtamāvirbhāvamupāgatam // 10.34 //

'क्या यह किसी मुनि या देवता के शाप का ही कोई विकार है — कि तुम्हारा छिपा हुआ ज्ञान अब इस प्रकार प्रकट हो उठा है?'

श्लोक 35 (markandeya.10.35)

पुत्र उवाच । शृणु तात ! यथा वृत्तं ममेदं सुख-दुःखदम् । यश्चाहमासमन्यस्मिन् जन्मन्यस्मत्परन्तु यत् ॥ 10.35 ॥

putra uvāca / śṛṇu tāta ! yathā vṛttaṃ mamedaṃ sukha-duḥkhadam / yaścāhamāsamanyasmin janmanyasmatparantu yat // 10.35 //

पुत्र ने कहा — 'हे तात, सुनिए, यह मेरा सुख-दुःखमय वृत्तान्त कैसे घटित हुआ, तथा मैं किसी अन्य जन्म में — इस जन्म से भिन्न — कौन था।'

श्लोक 36 (markandeya.10.36)

अहमासं पुरा विप्रो न्यस्तात्मा परमात्मनि । आत्मविद्याविचारेषु परां निष्ठामुपागतः ॥ 10.36 ॥

ahamāsaṃ purā vipro nyastātmā paramātmani / ātmavidyāvicāreṣu parāṃ niṣṭhāmupāgataḥ // 10.36 //

'मैं पूर्वकाल में एक ब्राह्मण था, जिसने अपने आत्मा को परमात्मा में समर्पित कर दिया था, और आत्मविद्या के चिन्तन में परम निष्ठा को प्राप्त हो चुका था।'

श्लोक 37 (markandeya.10.37)

सततं योगयुक्तस्य सतताभ्याससङ्गमात् । सत्संयोगात् स्वस्वभावाद्विचारविधिशोधनात् ॥ 10.37 ॥

satataṃ yogayuktasya satatābhyāsasaṅgamāt / satsaṃyogāt svasvabhāvādvicāravidhiśodhanāt // 10.37 //

'सतत योग में लगे रहने से, निरन्तर अभ्यास के संयोग से, सत्संग से, अपने ही स्वभाव से, तथा विचार-विधि द्वारा शुद्धिकरण से —'

श्लोक 38 (markandeya.10.38)

तस्मिन्नवे परा प्रीतिर्ममासीद् युञ्जतः सदा । आचार्यताञ्च सम्प्राप्तः शिष्यसन्देहहृत्तमः ॥ 10.38 ॥

tasminnave parā prītirmamāsīd yuñjataḥ sadā / ācāryatāñca samprāptaḥ śiṣyasandehahṛttamaḥ // 10.38 //

'— उस मार्ग में सदा लगे रहने वाले मुझे परम प्रीति प्राप्त हुई थी, और मैं आचार्य-पद को भी प्राप्त हुआ, शिष्यों के संशय को दूर करने में सर्वश्रेष्ठ।'

श्लोक 39 (markandeya.10.39)

ततः कालेन महता ऐकान्तिकमुपगतः । अज्ञानाकृष्टसद्भावो विपन्नश्च प्रमादतः ॥ 10.39 ॥

tataḥ kālena mahatā aikāntikamupagataḥ / ajñānākṛṣṭasadbhāvo vipannaśca pramādataḥ // 10.39 //

'फिर बहुत काल बीतने पर मैं एकान्त-निष्ठा को प्राप्त हुआ; किन्तु अज्ञान द्वारा मेरा सद्भाव खींच लिया गया, और मैं प्रमाद के कारण नष्ट हो गया।'

श्लोक 40 (markandeya.10.40)

उत्क्रान्तिकालादारभ्य स्मृतिलोपो न मेऽभवत् । यावदब्दं गतं चैव जन्मनां स्मृतिमागतम् ॥ 10.40 ॥

utkrāntikālādārabhya smṛtilopo na me 'bhavat / yāvadabdaṃ gataṃ caiva janmanāṃ smṛtimāgatam // 10.40 //

'मृत्यु के क्षण से लेकर मुझे कभी स्मृति का लोप नहीं हुआ; चाहे जितने वर्ष बीत गए हों, मेरे सभी जन्मों की स्मृति मुझे बनी रही।'

श्लोक 41 (markandeya.10.41)

पूर्वाभ्यासेन तेनैव सोऽहं तात ! जितेन्द्रियः । यतिष्यामि तथा कर्तुं न भविष्ये यथा पुनः ॥ 10.41 ॥

pūrvābhyāsena tenaiva so 'haṃ tāta ! jitendriyaḥ / yatiṣyāmi tathā kartuṃ na bhaviṣye yathā punaḥ // 10.41 //

'उसी पूर्व-अभ्यास के कारण, हे तात, मैं आज जितेन्द्रिय हूँ; मैं ऐसा प्रयत्न करूँगा कि मैं फिर कभी वैसा प्रमाद न करूँ।'

श्लोक 42 (markandeya.10.42)

ज्ञानदानफलं ह्येतद्यज्जातिस्मरणं मम । न ह्येतत् प्राप्यते तात त्रयीधर्माश्रितैर्नरैः ॥ 10.42 ॥

jñānadānaphalaṃ hyetadyajjātismaraṇaṃ mama / na hyetat prāpyate tāta trayīdharmāśritairnaraiḥ // 10.42 //

'यह जो मुझे अपने पूर्व जन्मों की स्मृति है, यह ज्ञान-दान का ही फल है; हे तात, त्रयी-धर्म का आश्रय लेने वाले मनुष्यों को यह प्राप्त नहीं होता।'

श्लोक 43 (markandeya.10.43)

सोऽहं पूर्वाश्रमादेव निष्ठाधर्ममुपाश्रितः । एकान्तित्वमुपागम्य यतिष्याम्यात्ममोक्षणे ॥ 10.43 ॥

so 'haṃ pūrvāśramādeva niṣṭhādharmamupāśritaḥ / ekāntitvamupāgamya yatiṣyāmyātmamokṣaṇe // 10.43 //

'इसलिए मैं इसी वर्तमान आश्रम से ही निष्ठा-धर्म का आश्रय लेकर, एकान्तता को प्राप्त होकर, अपने ही मोक्ष के लिए प्रयत्न करूँगा।'

श्लोक 44 (markandeya.10.44)

तद्ब्रूहि त्वं महाभाग ! यत् ते संशयिकं हृदि । एतावतापि ते प्रीतिमुत्पाद्यानृण्यमाप्नुयाम् ॥ 10.44 ॥

tadbrūhi tvaṃ mahābhāga ! yat te saṃśayikaṃ hṛdi / etāvatāpi te prītimutpādyānṛṇyamāpnuyām // 10.44 //

'इसलिए, हे महाभाग, आपके हृदय में जो भी संशय हो, वह मुझसे कहिए; इतने से भी मैं आपको प्रसन्न करके आपके ऋण से मुक्त हो सकूँ।'

श्लोक 45 (markandeya.10.45)

पक्षिण ऊचुः । पिता प्राह ततः पुत्रं श्रद्दधत् तस्य तद्वचः । भवता यद्वयं पृष्टाः संसारग्रहणाश्रयम् ॥ 10.45 ॥

pakṣiṇa ūcuḥ / pitā prāha tataḥ putraṃ śraddadhat tasya tadvacaḥ / bhavatā yadvayaṃ pṛṣṭāḥ saṃsāragrahaṇāśrayam // 10.45 //

पक्षियों ने कहा — तब पिता ने अपने पुत्र के उस वचन पर विश्वास करके पुत्र से कहा — 'तुमने जो हमसे यह पूछने का अवसर दिया, तो सुनो — यह है कि संसार-चक्र में प्राणी किस प्रकार बँधता है।'

श्लोक 46 (markandeya.10.46)

पुत्र उवाच । शृणु तात ! यथा तत्त्वमनुभूतं मयासकृत् । संसारचक्रमजरं स्थितिर्यस्य न विद्यते ॥ 10.46 ॥

putra uvāca / śṛṇu tāta ! yathā tattvamanubhūtaṃ mayāsakṛt / saṃsāracakramajaraṃ sthitiryasya na vidyate // 10.46 //

पुत्र ने कहा — 'हे तात, सुनिए, वह तत्त्व जिसका मैंने बारंबार अनुभव किया है — यह संसार-चक्र जरा-रहित है, जिसकी कोई स्थिर अवस्था नहीं है।'

श्लोक 47 (markandeya.10.47)

सोऽहं वदामि ते सर्वं तवैवानुज्ञया पितः । उत्क्रान्तिकालादारभ्य यथा नान्यो वदिष्यति ॥ 10.47 ॥

so 'haṃ vadāmi te sarvaṃ tavaivānujñayā pitaḥ / utkrāntikālādārabhya yathā nānyo vadiṣyati // 10.47 //

'हे पिता, आपकी ही आज्ञा से मैं आपको यह सब बताता हूँ, मृत्यु के क्षण से आरम्भ करके — जैसा अन्य कोई नहीं बताएगा।'

श्लोक 48 (markandeya.10.48)

ऊष्मा प्रकुपितः काये तीव्रवायुसमीरितः । भिनत्ति मर्मस्थानानि दीप्यमानो निरिन्धनः ॥ 10.48 ॥

ūṣmā prakupitaḥ kāye tīvravāyusamīritaḥ / bhinatti marmasthānāni dīpyamāno nirindhanaḥ // 10.48 //

'शरीर में कुपित हुआ ऊष्मा, तीव्र वायु से प्रेरित, बिना ईंधन के ही प्रज्वलित होता हुआ, मर्म-स्थानों को विदीर्ण कर देता है।'

श्लोक 49 (markandeya.10.49)

उदानो नाम पवनस्ततश्चोर्ध्वं प्रवर्तते । भुक्तानामम्बुभक्ष्याणामधोगतिनिरोधकृत् ॥ 10.49 ॥

udāno nāma pavanastataścordhvaṃ pravartate / bhuktānāmambubhakṣyāṇāmadhogatinirodhakṛt // 10.49 //

'तब उदान नामक वायु ऊपर की ओर प्रवृत्त होती है, और खाए-पिए हुए अन्न-जल को नीचे जाने से रोक देती है।'

श्लोक 50 (markandeya.10.50)

ततो येनाम्बुदानानि कृतान्यन्नरसास्तथा । दत्ताः स तस्य आह्लादमापदि प्रतिपद्यते ॥ 10.50 ॥

tato yenāmbudānāni kṛtānyannarasāstathā / dattāḥ sa tasya āhlādamāpadi pratipadyate // 10.50 //

'तब जिसने जल और अन्न-रस का दान किया है, वह उस संकट-काल में शान्ति और आह्लाद को प्राप्त होता है।'

श्लोक 51 (markandeya.10.51)

अन्नानि येन दत्तानि श्रद्धापूतेन चेतसा । सोऽपि तृप्तिमवाप्नोति विनाप्यन्नेन वै तदा ॥ 10.51 ॥

annāni yena dattāni śraddhāpūtena cetasā / so 'pi tṛptimavāpnoti vināpyannena vai tadā // 10.51 //

'जिसने श्रद्धा से पवित्र चित्त से अन्न-दान किया है, वह भी उस समय बिना अन्न के ही तृप्ति को प्राप्त होता है।'

श्लोक 52 (markandeya.10.52)

येनानृतानि नोक्तानि प्रीतिभेदः कृतो न च । आस्तिकः श्रद्दधानश्च स सुखं मृत्युमृच्छति ॥ 10.52 ॥

yenānṛtāni noktāni prītibhedaḥ kṛto na ca / āstikaḥ śraddadhānaśca sa sukhaṃ mṛtyumṛcchati // 10.52 //

'जिसने कभी असत्य नहीं बोला, और किसी के स्नेह में भेद नहीं डाला — वह आस्तिक और श्रद्धावान् व्यक्ति सुखपूर्वक मृत्यु को प्राप्त होता है।'

श्लोक 53 (markandeya.10.53)

देवब्राह्मणपूजायां ये रता नानसूयवः । शुक्ला वदान्या ह्रीमन्तस्ते नराः सुखमृत्यवः ॥ 10.53 ॥

devabrāhmaṇapūjāyāṃ ye ratā nānasūyavaḥ / śuklā vadānyā hrīmantaste narāḥ sukhamṛtyavaḥ // 10.53 //

'देव और ब्राह्मणों की पूजा में रत, ईर्ष्या-रहित, शुद्ध, उदार तथा लज्जाशील मनुष्य — उनकी मृत्यु सुखद होती है।'

श्लोक 54 (markandeya.10.54)

यो न कामान्न संरम्भान्न द्वेषाद्धर्ममुत्सृजेत् । यथोक्तकारी सोम्यश्च स सुखं मृत्युमृच्छति ॥ 10.54 ॥

yo na kāmānna saṃrambhānna dveṣāddharmamutsṛjet / yathoktakārī somyaśca sa sukhaṃ mṛtyumṛcchati // 10.54 //

'जो न काम से, न क्रोध से, न द्वेष से धर्म का त्याग करता है, जो शास्त्रोक्त आचरण करने वाला और सौम्य स्वभाव का है — वह भी सुखपूर्वक मृत्यु को प्राप्त होता है।'

श्लोक 55 (markandeya.10.55)

अवारिदायिनो दाहं क्षुधाञ्चानन्नदायिनः । प्राप्नुवन्ति नराः काले तस्मिन् मृत्यावुपस्थिते ॥ 10.55 ॥

avāridāyino dāhaṃ kṣudhāñcānannadāyinaḥ / prāpnuvanti narāḥ kāle tasmin mṛtyāvupasthite // 10.55 //

'जल न देने वाले को उस मृत्यु-काल के आने पर जलन का, और अन्न न देने वाले को भूख का अनुभव होता है।'

श्लोक 56 (markandeya.10.56)

शीतं जयन्तीन्धनदास्तापं चन्दनदायिनः । प्राणघ्नीं वेदनां कष्टां ये चानुद्वेगकारिणः ॥ 10.56 ॥

śītaṃ jayantīndhanadāstāpaṃ candanadāyinaḥ / prāṇaghnīṃ vedanāṃ kaṣṭāṃ ye cānudvegakāriṇaḥ // 10.56 //

'ईंधन देने वालों को शीत नहीं सताता, चन्दन देने वालों को ताप नहीं सताता, तथा जो किसी को उद्वेग नहीं पहुँचाते, उन्हें प्राणघातक कष्टदायक पीड़ा नहीं होती।'

श्लोक 57 (markandeya.10.57)

मोहाज्ञानप्रदातारः प्राप्नुवन्ति महद्भयम् । वेदनाभिरुदग्राभिः प्रपीड्यन्तेऽधमा नराः ॥ 10.57 ॥

mohājñānapradātāraḥ prāpnuvanti mahadbhayam / vedanābhirudagrābhiḥ prapīḍyante 'dhamā narāḥ // 10.57 //

'जिन्होंने मोह और मिथ्या ज्ञान दिया है, वे महाभय को प्राप्त होते हैं; ऐसे नीच मनुष्य उग्र वेदनाओं से पीड़ित होते हैं।'

श्लोक 58 (markandeya.10.58)

कूटसाक्षी मृषावादी यश्चासदनुशास्ति वै । ते मोहमृत्यवः सर्वे तथा वेदविनिन्दकाः ॥ 10.58 ॥

kūṭasākṣī mṛṣāvādī yaścāsadanuśāsti vai / te mohamṛtyavaḥ sarve tathā vedavinindakāḥ // 10.58 //

'झूठी गवाही देने वाला, असत्यभाषी, और जो असत् का उपदेश देता है — ये सब, तथा वेद-निन्दक भी, मोहग्रस्त होकर ही मरते हैं।'

श्लोक 59 (markandeya.10.59)

विभीषणाः पूतिगन्धाः कूटमुद्गरपाणयः । आगच्छन्ति दुरात्मानो यमस्य पुरुषास्तदा ॥ 10.59 ॥

vibhīṣaṇāḥ pūtigandhāḥ kūṭamudgarapāṇayaḥ / āgacchanti durātmāno yamasya puruṣāstadā // 10.59 //

'तब यम के भयंकर, दुर्गन्धयुक्त, हाथों में लौह-मुद्गर लिए हुए पुरुष उस दुरात्मा के पास आ पहुँचते हैं।'

श्लोक 60 (markandeya.10.60)

प्राप्तेषु दृक्पथं तेषु जायते तस्य वेपथुः । क्रान्दत्यविरतं सोऽथ भ्रातृ-मातृसुतानथ ॥ 10.60 ॥

prāpteṣu dṛkpathaṃ teṣu jāyate tasya vepathuḥ / krāndatyavirataṃ so 'tha bhrātṛ-mātṛsutānatha // 10.60 //

'जब वे उसकी दृष्टि के मार्ग में आ जाते हैं, तो उसे कँपकँपी छूट जाती है; वह भाई, माता और पुत्रों को पुकारते हुए निरन्तर विलाप करने लगता है।'

श्लोक 61 (markandeya.10.61)

सास्य वागस्फुटा तात एकवर्णा विभाव्यते । दृष्टिश्च भ्राम्यते त्रासाच्छ्वासाच्छुष्यत्यथाननम् ॥ 10.61 ॥

sāsya vāgasphuṭā tāta ekavarṇā vibhāvyate / dṛṣṭiśca bhrāmyate trāsācchvāsācchuṣyatyathānanam // 10.61 //

'हे तात, उसकी वाणी अस्पष्ट और एक ही स्वर में सुनाई देती है; भय से उसकी दृष्टि भटकने लगती है, और श्वास से उसका मुख सूख जाता है।'

श्लोक 62 (markandeya.10.62)

ऊर्ध्वश्वासान्वितः सोऽथ दृष्टिभङ्गसमन्वितः । ततः स वेदनाविष्टस्तच्छरीरं विमुञ्चति ॥ 10.62 ॥

ūrdhvaśvāsānvitaḥ so 'tha dṛṣṭibhaṅgasamanvitaḥ / tataḥ sa vedanāviṣṭastaccharīraṃ vimuñcati // 10.62 //

'तब ऊपर की ओर उठती श्वास से युक्त, दृष्टि-भंग से युक्त वह वेदना से आविष्ट होकर अन्ततः अपने उस शरीर को त्याग देता है।'

श्लोक 63 (markandeya.10.63)

वाय्वग्रसारी तद्रूपं देहमन्यत् प्रपद्यते । तत्कर्मजं यातनार्थं न मातृ-पितृसम्भवम् । तत्प्रमाणवयोऽवस्था-संस्थानैः प्राग्भवं यथा ॥ 10.63 ॥

vāyvagrasārī tadrūpaṃ dehamanyat prapadyate / tatkarmajaṃ yātanārthaṃ na mātṛ-pitṛsambhavam / tatpramāṇavayo 'vasthā-saṃsthānaiḥ prāgbhavaṃ yathā // 10.63 //

'मुख्यतः वायु द्वारा धारण किया हुआ वह उसी रूप का दूसरा शरीर धारण करता है — जो अपने ही कर्म से उत्पन्न, यातना के लिए बना है, न कि माता-पिता से उत्पन्न — जो प्रमाण, आयु, अवस्था और आकृति में पूर्व-जन्म के शरीर के समान होता है।'

श्लोक 64 (markandeya.10.64)

ततो दूतो यमस्याशु पाशैर्बध्नाति दारुणैः । दण्डप्रहारसम्भ्रान्तं कर्षते दक्षिणां दिशम् ॥ 10.64 ॥

tato dūto yamasyāśu pāśairbadhnāti dāruṇaiḥ / daṇḍaprahārasambhrāntaṃ karṣate dakṣiṇāṃ diśam // 10.64 //

'तब यम का दूत उसे शीघ्र ही भयंकर पाशों से बाँध देता है, और दण्ड के प्रहारों से भयभीत उसे दक्षिण दिशा की ओर खींचता है।'

श्लोक 65 (markandeya.10.65)

कुश-कण्टक-वलमीक-शङ्कु-पाषाणकर्कशे । तथा प्रदीप्तज्वलने क्वचिच्छृभ्रशतोत्कटे ॥ 10.65 ॥

kuśa-kaṇṭaka-valamīka-śaṅku-pāṣāṇakarkaśe / tathā pradīptajvalane kvacicchṛbhraśatotkaṭe // 10.65 //

'कुश, काँटों, बाँबियों, खूँटों और पत्थरों से कठोर भूमि पर, तथा कहीं प्रज्वलित अग्नि पर, कहीं सैकड़ों नुकीले काँटों से भरी भूमि पर —'

श्लोक 66 (markandeya.10.66)

प्रदीप्तादित्यतप्ते च दह्यमाने तदंशुभिः । कृष्यते यमदूतैश्चाशिवसन्नादभीषणैः ॥ 10.66 ॥

pradīptādityatapte ca dahyamāne tadaṃśubhiḥ / kṛṣyate yamadūtaiścāśivasannādabhīṣaṇaiḥ // 10.66 //

'तथा प्रचण्ड सूर्य से तपे हुए, उसकी किरणों से जलते हुए मार्ग पर — अमंगल-सूचक भीषण गर्जना करने वाले यमदूतों द्वारा वह घसीटा जाता है।'

श्लोक 67 (markandeya.10.67)

विकृष्यमाणस्तैर्घोरैर्भक्ष्यमाणः शिवाशतैः । प्रयाति दारुणे मार्गे पापकर्मा यमक्षयम् ॥ 10.67 ॥

vikṛṣyamāṇastairghorairbhakṣyamāṇaḥ śivāśataiḥ / prayāti dāruṇe mārge pāpakarmā yamakṣayam // 10.67 //

'उन भयंकरों द्वारा घसीटा जाता, सैकड़ों सियारों द्वारा नोचा जाता वह पापकर्मा उस भीषण मार्ग से यम के नगर की ओर जाता है।'

श्लोक 68 (markandeya.10.68)

छत्रोपानत्प्रदातारो ये च वस्त्रप्रदा नराः । ये यान्ति मनुजा मार्गं तं सुखेन तथान्नदाः ॥ 10.68 ॥

chatropānatpradātāro ye ca vastrapradā narāḥ / ye yānti manujā mārgaṃ taṃ sukhena tathānnadāḥ // 10.68 //

'किन्तु जिन मनुष्यों ने छाता और जूते दिए हैं, जिन्होंने वस्त्र दिए हैं, और जिन्होंने अन्न दिया है — वे उस मार्ग पर सुखपूर्वक जाते हैं।'

श्लोक 69 (markandeya.10.69)

एवं क्लेशाननुभवन्नवशः पापपीडितः । नीयते द्वादशाहेन धर्मराजपुरं नरः ॥ 10.69 ॥

evaṃ kleśānanubhavannavaśaḥ pāpapīḍitaḥ / nīyate dvādaśāhena dharmarājapuraṃ naraḥ // 10.69 //

'इस प्रकार क्लेश भोगते हुए, असहाय, पाप से पीड़ित वह मनुष्य बारह दिनों में धर्मराज की नगरी को ले जाया जाता है।'

श्लोक 70 (markandeya.10.70)

कलेवरे दह्यमाने महान्तं दाहमृच्छति । ताड्यमाने तथैवार्ति छिद्यमाने च दारुणाम् ॥ 10.70 ॥

kalevare dahyamāne mahāntaṃ dāhamṛcchati / tāḍyamāne tathaivārti chidyamāne ca dāruṇām // 10.70 //

'उसका शरीर जलाए जाने पर उसे भारी दाह का अनुभव होता है; इसी प्रकार वह पीटे जाने पर पीड़ा, और काटे जाने पर भी भयंकर पीड़ा अनुभव करता है।'

श्लोक 71 (markandeya.10.71)

क्लिद्यमाने चिरतरं जन्तुर्दुःखमवाप्नुते । स्वेन कर्मविपाकेन देहान्तरगतोऽपि सन् ॥ 10.71 ॥

klidyamāne cirataraṃ janturduḥkhamavāpnute / svena karmavipākena dehāntaragato 'pi san // 10.71 //

'शरीर के गलने पर वह प्राणी दीर्घकाल तक दुःख भोगता रहता है — भले ही वह अपने कर्मफल के कारण दूसरे शरीर को प्राप्त हो चुका हो।'

श्लोक 72 (markandeya.10.72)

तत्र यद्वान्धवास्तोयं प्रयच्छन्ति तिलैः सह । यच्च पिण्डं प्रयच्छन्ति नीयमानस्तदश्नुते ॥ 10.72 ॥

tatra yadvāndhavāstoyaṃ prayacchanti tilaiḥ saha / yacca piṇḍaṃ prayacchanti nīyamānastadaśnute // 10.72 //

'वहाँ जो जल तिल के साथ उसके बान्धव अर्पित करते हैं, तथा जो पिण्ड वे अर्पित करते हैं, ले जाया जाता हुआ वह उसी को ग्रहण करता है।'

श्लोक 73 (markandeya.10.73)

तैलाभ्यङ्गो बान्धवानामङ्गसंवाहनञ्च यत् । तेन चाप्याय्यते जन्तुर्यच्चाश्नन्ति सबान्धवाः ॥ 10.73 ॥

tailābhyaṅgo bāndhavānāmaṅgasaṃvāhanañca yat / tena cāpyāyyate janturyaccāśnanti sabāndhavāḥ // 10.73 //

'बान्धवों द्वारा किया गया तेल-अभ्यंग तथा अंग-संवाहन, और जो बान्धव-जन स्वयं भोजन करते हैं, उससे भी वह प्राणी तृप्त होता है।'

श्लोक 74 (markandeya.10.74)

भूमौ स्वपद्भिर्नात्यन्तं क्लेशमाप्नोति बान्धवैः । दानं ददद्भिश्च तथा जन्तुराप्याय्यते मृतः ॥ 10.74 ॥

bhūmau svapadbhirnātyantaṃ kleśamāpnoti bāndhavaiḥ / dānaṃ dadadbhiśca tathā janturāpyāyyate mṛtaḥ // 10.74 //

'यदि बान्धवजन भूमि पर सोते हैं, तो उसे अत्यधिक कष्ट नहीं होता; और इसी प्रकार दान देने से भी वह मृत प्राणी तृप्त होता है।'

श्लोक 75 (markandeya.10.75)

नीयमानः स्वकं गेहं द्वादशाहं स पश्यति । उपभुङ्क्ते तथा दत्तं तोयपिण्डादिकं भुवि ॥ 10.75 ॥

nīyamānaḥ svakaṃ gehaṃ dvādaśāhaṃ sa paśyati / upabhuṅkte tathā dattaṃ toyapiṇḍādikaṃ bhuvi // 10.75 //

'ले जाया जाता हुआ वह बारह दिनों तक अपने ही घर को देखता रहता है, और भूमि पर अर्पित जल, पिण्ड आदि को भी वहीं ग्रहण करता है।'

श्लोक 76 (markandeya.10.76)

द्वादशाहात् परं घोरमायसं भीषणाकृतिम् । याम्यं पश्यत्यथो जन्तुः कृष्यमाणः पुरं ततः ॥ 10.76 ॥

dvādaśāhāt paraṃ ghoramāyasaṃ bhīṣaṇākṛtim / yāmyaṃ paśyatyatho jantuḥ kṛṣyamāṇaḥ puraṃ tataḥ // 10.76 //

'बारह दिनों के पश्चात् वह प्राणी घसीटा जाता हुआ लौह-निर्मित, भयंकर आकृति वाली, घोर यम-नगरी को देखता है।'

श्लोक 77 (markandeya.10.77)

गतमात्रोऽतिरक्ताक्षं भिन्नाञ्जनचयप्रभम् । मृत्युकालान्तकादीनां मध्ये पश्यति वै यमम् ॥ 10.77 ॥

gatamātro 'tiraktākṣaṃ bhinnāñjanacayaprabham / mṛtyukālāntakādīnāṃ madhye paśyati vai yamam // 10.77 //

'वहाँ पहुँचते ही वह अत्यन्त रक्त-नेत्र वाले, टूटे हुए अंजन-समूह के समान कान्ति वाले, मृत्यु-काल-अन्तक आदि से घिरे हुए यम को देखता है।'

श्लोक 78 (markandeya.10.78)

दंष्ट्राकरालवदनं भ्रकुटीदारुणाकृतिम् । विरूपैर्भोषणैर्वक्त्रैर्वृतं व्याधिशतैः प्रभुम् ॥ 10.78 ॥

daṃṣṭrākarālavadanaṃ bhrakuṭīdāruṇākṛtim / virūpairbhoṣaṇairvaktrairvṛtaṃ vyādhiśataiḥ prabhum // 10.78 //

'दाढ़ों से भयंकर मुख वाले, भौंहों से डरावनी आकृति वाले, तथा विकृत और भीषण मुख वाले सैकड़ों रोगों से घिरे उस प्रभु को —'

श्लोक 79 (markandeya.10.79)

दण्डासक्तं महाबाहुं पाशहस्तं सुभैरवम् । तन्निर्दिष्टां ततो याति गतिं जन्तुः शुभाशुभाम् ॥ 10.79 ॥

daṇḍāsaktaṃ mahābāhuṃ pāśahastaṃ subhairavam / tannirdiṣṭāṃ tato yāti gatiṃ jantuḥ śubhāśubhām // 10.79 //

'— दण्ड थामे हुए महाबाहु को, हाथ में पाश लिए हुए अत्यन्त भयंकर उस यम को [वह देखता है]। फिर उसके द्वारा निर्दिष्ट शुभ या अशुभ गति को वह प्राणी प्राप्त होता है।'

श्लोक 80 (markandeya.10.80)

रौरवे कूटसाक्षी तु याति यश्चानृतो नरः । तस्य स्वरूपं गदतो रौरवस्य निशामय ॥ 10.80 ॥

raurave kūṭasākṣī tu yāti yaścānṛto naraḥ / tasya svarūpaṃ gadato rauravasya niśāmaya // 10.80 //

'झूठी गवाही देने वाला तथा असत्यभाषी मनुष्य रौरव नामक नरक में जाता है। उस रौरव का स्वरूप कहता हूँ, उसे सुनो।'

श्लोक 81 (markandeya.10.81)

योजनानां सहस्रे द्वे रौरवो हि प्रमाणतः । जानुमात्रप्रमाणश्च ततः श्वभ्रः सुदुस्तरः ॥ 10.81 ॥

yojanānāṃ sahasre dve rauravo hi pramāṇataḥ / jānumātrapramāṇaśca tataḥ śvabhraḥ sudustaraḥ // 10.81 //

'रौरव विस्तार में दो हजार योजन का है, और उससे आगे घुटने तक गहरा एक अत्यन्त दुस्तर गड्ढा है,'

श्लोक 82 (markandeya.10.82)

तत्राङ्गारचयोपेतं कृतञ्च धरणीसमम् । जाज्वल्यमानस्तीव्रेण तापिताङ्गारभूमिना ॥ 10.82 ॥

tatrāṅgāracayopetaṃ kṛtañca dharaṇīsamam / jājvalyamānastīvreṇa tāpitāṅgārabhūminā // 10.82 //

'जो वहाँ अंगारों के ढेर से भरा है, भूमि के समान समतल बना हुआ है, तथा तीव्र गरम अंगार-भूमि से प्रज्वलित होता रहता है।'

श्लोक 83 (markandeya.10.83)

तन्मध्ये पापकर्माणं विमुञ्चन्ति यमानुगाः । स दह्यमानस्तीव्रेण वह्निना तत्र धावति ॥ 10.83 ॥

tanmadhye pāpakarmāṇaṃ vimuñcanti yamānugāḥ / sa dahyamānastīvreṇa vahninā tatra dhāvati // 10.83 //

'उसके मध्य में यम के अनुचर पापकर्मा को छोड़ देते हैं; और वह तीव्र अग्नि से जलता हुआ वहाँ इधर-उधर दौड़ता है।'

श्लोक 84 (markandeya.10.84)

पदे पदे च पादोऽस्य शीर्यते जीर्यते पुनः । अहोरात्रेणोद्धरणं पादन्यासं च गच्छति ॥ 10.84 ॥

pade pade ca pādo 'sya śīryate jīryate punaḥ / ahorātreṇoddharaṇaṃ pādanyāsaṃ ca gacchati // 10.84 //

'हर कदम पर उसका पैर गल जाता है और पुनः बन जाता है; एक दिन-रात में ही वह उसे उठाकर पुनः रखने का एक ही कदम पूरा कर पाता है।'

श्लोक 85 (markandeya.10.85)

एवं सहस्रमुत्तीर्णो योजनानां विमुच्यते । ततोऽन्यं पापशुद्ध्यर्थं तादृङ्निरयमृच्छति ॥ 10.85 ॥

evaṃ sahasramuttīrṇo yojanānāṃ vimucyate / tato 'nyaṃ pāpaśuddhyarthaṃ tādṛṅnirayamṛcchati // 10.85 //

'इस प्रकार हजार योजन पार करके वह मुक्त होता है; फिर शेष पाप के शोधन के लिए वह वैसे ही किसी अन्य नरक को प्राप्त होता है।'

श्लोक 86 (markandeya.10.86)

ततः सर्वेषु निस्तीर्णः पापी तिर्यकत्वमश्नुते । कृमि-कीट-पतङ्गेषु श्वापदे मशकादिषु ॥ 10.86 ॥

tataḥ sarveṣu nistīrṇaḥ pāpī tiryakatvamaśnute / kṛmi-kīṭa-pataṅgeṣu śvāpade maśakādiṣu // 10.86 //

'फिर इन सभी नरकों को पार करके वह पापी तिर्यक्-योनि (पशु-योनि) को प्राप्त होता है — कृमि, कीट, पतंगे, हिंसक पशु, मच्छर आदि की योनियों में।'

श्लोक 87 (markandeya.10.87)

गत्वा गजद्रुमाद्येषु गोष्वश्वेषु तथैव च । अन्यासु चैव पापासु दुः खदासु च योनिषु ॥ 10.87 ॥

gatvā gajadrumādyeṣu goṣvaśveṣu tathaiva ca / anyāsu caiva pāpāsu duḥ khadāsu ca yoniṣu // 10.87 //

'फिर हाथी, वृक्ष आदि की, तथा गाय और घोड़ों की, और अन्य भी पापमय दुःखदायी योनियों में जाकर,'

श्लोक 88 (markandeya.10.88)

मानुषं प्राप्य कुब्जो वा कुत्सितो वामनोऽपि वा । चण्डालपुक्कसाद्यासु नरो योनिषु जायते ॥ 10.88 ॥

mānuṣaṃ prāpya kubjo vā kutsito vāmano 'pi vā / caṇḍālapukkasādyāsu naro yoniṣu jāyate // 10.88 //

'मनुष्य-योनि प्राप्त करके भी वह कुबड़ा, कुरूप अथवा बौना बनता है, अथवा चण्डाल-पुक्कस आदि नीच योनियों में मनुष्य बनकर जन्म लेता है।'

श्लोक 89 (markandeya.10.89)

अवशिष्टेन पापेन पुण्येन च समन्वितः । ततश्चारोहणीं जातिं शूद्र-वैश्य-नृपादिकाम् ॥ 10.89 ॥

avaśiṣṭena pāpena puṇyena ca samanvitaḥ / tataścārohaṇīṃ jātiṃ śūdra-vaiśya-nṛpādikām // 10.89 //

'शेष बचे हुए पाप और साथ में संचित पुण्य से युक्त होकर, तत्पश्चात् वह क्रमशः ऊँची जातियों — शूद्र, वैश्य, राजा आदि — को प्राप्त होता है,'

श्लोक 90 (markandeya.10.90)

विप्रदेवेन्द्रतां चापि कदाचिदवरोहणीम् । एवन्तु पापकर्माणे नरकेषु पतन्त्यधः ॥ 10.90 ॥

vipradevendratāṃ cāpi kadācidavarohaṇīm / evantu pāpakarmāṇe narakeṣu patantyadhaḥ // 10.90 //

'तथा कभी-कभी ब्राह्मण और देवराज इन्द्र के पद को भी — यह अवरोहण [और आरोहण] का क्रम है। इस प्रकार पापकर्मी नीचे नरकों में गिरते हैं।'

श्लोक 91 (markandeya.10.91)

यथा पुण्यकृतो यान्ति तन्मे निगतदः शृणु । ते यमेन विनिर्दिष्टां यान्ति पुण्यां गतिं नराः ॥ 10.91 ॥

yathā puṇyakṛto yānti tanme nigatadaḥ śṛṇu / te yamena vinirdiṣṭāṃ yānti puṇyāṃ gatiṃ narāḥ // 10.91 //

'अब सुनो मुझसे कि पुण्यकर्मी किस प्रकार जाते हैं — वे मनुष्य यम के ही द्वारा निर्दिष्ट पुण्य-गति को प्राप्त होते हैं।'

श्लोक 92 (markandeya.10.92)

प्रगीतगन्धर्वगणाः प्रवृत्ताप्सरसाङ्गणाः । हारनूपुरमादुर्य-शोभितान्युत्तमानि च ॥ 10.92 ॥

pragītagandharvagaṇāḥ pravṛttāpsarasāṅgaṇāḥ / hāranūpuramādurya-śobhitānyuttamāni ca // 10.92 //

'गायन में मग्न गन्धर्वों के समूहों के साथ, विचरण करती अप्सराओं के झुंडों के साथ, हार और नूपुरों की मधुर ध्वनि से सुशोभित उत्तम विमान —'

श्लोक 93 (markandeya.10.93)

प्रयान्त्याशु विमानानि नानादिव्यस्त्रगुज्ज्वलाः । तस्माच्च प्रच्युता राज्ञामन्येषां च महात्मनाम् ॥ 10.93 ॥

prayāntyāśu vimānāni nānādivyastragujjvalāḥ / tasmācca pracyutā rājñāmanyeṣāṃ ca mahātmanām // 10.93 //

'— नाना दिव्य मालाओं से उज्ज्वल वे विमान शीघ्र ही वहाँ आ पहुँचते हैं। और वहाँ से च्युत होकर वे राजाओं तथा अन्य महात्माओं के कुलों में —'

श्लोक 94 (markandeya.10.94)

जायन्ते च कुले तत्र सद्वृत्तपरिपालकाः । भोगान् सम्प्राप्नुवन्त्युग्रांस्ततो यान्त्यूर्ध्वमन्यथा ॥ 10.94 ॥

jāyante ca kule tatra sadvṛttaparipālakāḥ / bhogān samprāpnuvantyugrāṃstato yāntyūrdhvamanyathā // 10.94 //

'— सद्-आचरण के पालक बनकर जन्म लेते हैं। वे उग्र (प्रचुर) भोगों को प्राप्त करते हैं, और उसके पश्चात् ऊपर की ओर जाते हैं, अथवा अन्यथा [नीचे की ओर]।'

श्लोक 95 (markandeya.10.95)

अवरोहणीं च सम्प्राप्य पूर्ववद्यान्ति मानवाः । एतत् ते सर्वमाख्यातं यथा जन्तुर्विपद्यते । अतः शृणुष्व विप्रर्षे यथा गर्भं प्रपद्यते ॥ 10.95 ॥

avarohaṇīṃ ca samprāpya pūrvavadyānti mānavāḥ / etat te sarvamākhyātaṃ yathā janturvipadyate / ataḥ śṛṇuṣva viprarṣe yathā garbhaṃ prapadyate // 10.95 //

'तथा अवरोहण-मार्ग को प्राप्त होकर मनुष्य पूर्ववत् [नीचे की योनियों में] चले जाते हैं। यह तुम्हें सब बता दिया गया कि प्राणी किस प्रकार मरता है; अब सुनो, हे विप्रर्षे, कि वह किस प्रकार गर्भ को प्राप्त होता है।'