आडि-बक-युद्ध-वर्णन

श्लोक 1 (markandeya.9.1)

पक्षिण ऊचुः । राज्यच्युते हरिश्चन्द्रे गते च त्रिदशालयम् । निश्चक्राम महातेजा जलवासात् पुरोहितः ॥ 9.1 ॥

pakṣiṇa ūcuḥ / rājyacyute hariścandre gate ca tridaśālayam / niścakrāma mahātejā jalavāsāt purohitaḥ // 9.1 //

पक्षियों ने कहा — हरिश्चन्द्र के राज्यभ्रष्ट होकर स्वर्गलोक चले जाने के पश्चात्, महातेजस्वी पुरोहित (वशिष्ठ) जल-निवास से बाहर निकले।

श्लोक 2 (markandeya.9.2)

वशिष्ठो द्वादशाब्दान्ते गङ्गापर्युषितो मुनिः । शुश्राव च समस्तन्तु विश्वामित्रविचेष्चितम् ॥ 9.2 ॥

vaśiṣṭho dvādaśābdānte gaṅgāparyuṣito muniḥ / śuśrāva ca samastantu viśvāmitraviceṣcitam // 9.2 //

बारह वर्षों के अन्त में गंगा-तट पर निवास करने वाले मुनि वशिष्ठ ने विश्वामित्र के उस समस्त आचरण के विषय में सुना —

श्लोक 3 (markandeya.9.3)

हरिश्चन्द्रस्य नाशञ्च राज्ञश्चोदारकर्मणः । चण्डालसम्प्रयोगञ्च भार्यातनयविक्रयम् ॥ 9.3 ॥

hariścandrasya nāśañca rājñaścodārakarmaṇaḥ / caṇḍālasamprayogañca bhāryātanayavikrayam // 9.3 //

उदार-कर्मा राजा हरिश्चन्द्र के नाश के विषय में, तथा उसे चाण्डाल के हाथ बेचे जाने और उसकी पत्नी-पुत्र के विक्रय के विषय में भी।

श्लोक 4 (markandeya.9.4)

स श्रुत्वा सुमाहभागः प्रीतिमानवनीपतौ । चकार कोपं तेजस्वी विश्वामित्रमृषिं प्रति ॥ 9.4 ॥

sa śrutvā sumāhabhāgaḥ prītimānavanīpatau / cakāra kopaṃ tejasvī viśvāmitramṛṣiṃ prati // 9.4 //

वह महाभाग तेजस्वी मुनि, जो उस भूपति के प्रति स्नेह रखते थे, यह सुनकर ऋषि विश्वामित्र पर अत्यन्त क्रुद्ध हो गये।

श्लोक 5 (markandeya.9.5)

वशिष्ठ उवाच । मम पुत्रशतं तेन विश्वामित्रेण घातितम् । तत्रापि नाभवत् क्रोधस्तादृशो यादृशोऽद्य मे ॥ 9.5 ॥

vaśiṣṭha uvāca / mama putraśataṃ tena viśvāmitreṇa ghātitam / tatrāpi nābhavat krodhastādṛśo yādṛśo 'dya me // 9.5 //

वशिष्ठ ने कहा — 'उस विश्वामित्र ने मेरे सौ पुत्रों का वध किया था, तब भी मुझे उतना क्रोध नहीं हुआ था जितना आज हो रहा है।'

श्लोक 6 (markandeya.9.6)

श्रुत्वा नराधिपमिमं स्वराज्यादवरीपितम् । महात्मानं महाभागं देवब्राह्मणपूजकम् ॥ 9.6 ॥

śrutvā narādhipamimaṃ svarājyādavarīpitam / mahātmānaṃ mahābhāgaṃ devabrāhmaṇapūjakam // 9.6 //

उस राजा के विषय में सुनकर, जो अपने राज्य से भी बढ़कर अवमानित किया गया — जो महात्मा, महाभाग तथा देव-ब्राह्मणों का पूजक था,

श्लोक 7 (markandeya.9.7)

यस्मात् स सत्यवाक् शान्तः शत्रावपि विमत्सरः । अनागाश्चैव धर्मात्मा अप्रमत्तो मदाश्रयः ॥ 9.7 ॥

yasmāt sa satyavāk śāntaḥ śatrāvapi vimatsaraḥ / anāgāścaiva dharmātmā apramatto madāśrayaḥ // 9.7 //

जो सत्यवादी, शान्त, शत्रु के प्रति भी द्वेष-रहित, निर्दोष, धर्मात्मा, सावधान तथा मेरा ही आश्रित था —

श्लोक 8 (markandeya.9.8)

सपत्नीभृत्यपुत्रस्तु प्रापितोऽन्त्यां दशां नृपः । स राज्याच्च्यावितोऽनेन बहुशश्च खिलीकृतः ॥ 9.8 ॥

sapatnībhṛtyaputrastu prāpito 'ntyāṃ daśāṃ nṛpaḥ / sa rājyāccyāvito 'nena bahuśaśca khilīkṛtaḥ // 9.8 //

वह राजा पत्नी और पुत्र सहित सेवक बनाया जाकर जीवन की अन्तिम दशा को पहुँचाया गया; इसने उसे राज्य से भी च्युत किया और बारंबार अपमानित किया।

श्लोक 9 (markandeya.9.9)

तस्माद् दुरात्मा ब्रह्मद्विट् प्राज्ञानामवरोपितः । मच्छापोपहतो मूढः स बकत्वमवाप्स्यति ॥ 9.9 ॥

tasmād durātmā brahmadviṭ prājñānāmavaropitaḥ / macchāpopahato mūḍhaḥ sa bakatvamavāpsyati // 9.9 //

इसलिए वह दुरात्मा, ब्राह्मणों से द्वेष रखने वाला, बुद्धिमानों के बीच से गिराया हुआ, मेरे शाप से आहत मूढ़, बगुला (बक) बन जाएगा।

श्लोक 10 (markandeya.9.10)

पक्षिण ऊचुः । श्रुत्वा शापं महातेजा विश्वामित्रोऽपि कौशिकः । त्वमप्याडिर्भवस्तेवति प्रतिशापमयच्छत ॥ 9.10 ॥

pakṣiṇa ūcuḥ / śrutvā śāpaṃ mahātejā viśvāmitro 'pi kauśikaḥ / tvamapyāḍirbhavastevati pratiśāpamayacchata // 9.10 //

पक्षियों ने कहा — यह शाप सुनकर कौशिक-वंशी महातेजस्वी विश्वामित्र ने भी 'तू भी आडि बनेगा' कहकर प्रतिशाप दे दिया।

श्लोक 11 (markandeya.9.11)

अन्योऽन्यशापात् तौ प्राप्तौ तिर्यक्त्वं परमद्युती । वशिष्ठः स महातेजा विश्वामित्रश्च कौशिकः ॥ 9.11 ॥

anyo 'nyaśāpāt tau prāptau tiryaktvaṃ paramadyutī / vaśiṣṭhaḥ sa mahātejā viśvāmitraśca kauśikaḥ // 9.11 //

परस्पर के शाप से, अत्यन्त तेजस्वी वे दोनों — महातेजस्वी वशिष्ठ तथा कौशिक विश्वामित्र — पशु-पक्षी-योनि को प्राप्त हो गये।

श्लोक 12 (markandeya.9.12)

अन्यजातिसमायोगं गतावप्यमितौजसौ । युयुधातेऽतिसंरब्धौ महाबलपराक्रमौ ॥ 9.12 ॥

anyajātisamāyogaṃ gatāvapyamitaujasau / yuyudhāte 'tisaṃrabdhau mahābalaparākramau // 9.12 //

असीम तेजस्वी होते हुए भी अन्य योनि को प्राप्त होकर वे दोनों, महाबली और पराक्रमी, अत्यन्त क्रुद्ध होकर आपस में युद्ध करने लगे।

श्लोक 13 (markandeya.9.13)

योजनानां सहस्रे द्वे प्रमाणेनाडिरुच्छ्रितः । यन्नवत्यधिकं ब्रह्मन् ! सहस्रत्रितयं बकः ॥ 9.13 ॥

yojanānāṃ sahasre dve pramāṇenāḍirucchritaḥ / yannavatyadhikaṃ brahman ! sahasratritayaṃ bakaḥ // 9.13 //

आडि की ऊँचाई दो हजार योजन नापी गयी, हे ब्रह्मन्, और बगुला तीन हजार नब्बे योजन का था।

श्लोक 14 (markandeya.9.14)

तौ तु पक्षप्रहाराभ्यामन्योन्यस्योरुविक्रमौ । प्रहरन्तौ भयं तीव्रं प्रजानाञ्चक्रतुस्तदा ॥ 9.14 ॥

tau tu pakṣaprahārābhyāmanyonyasyoruvikramau / praharantau bhayaṃ tīvraṃ prajānāñcakratustadā // 9.14 //

वे दोनों अपार पराक्रमी पक्षी अपने पंखों के प्रहारों से एक-दूसरे पर वार करते हुए प्रजाओं में उस समय घोर भय उत्पन्न कर रहे थे।

श्लोक 15 (markandeya.9.15)

विधूय पक्षाणि बको रक्तोद्वृत्ताक्षिराहनत् । आडिं सोऽप्युन्नतग्रीवो बकं पद्भ्यामताडयत् ॥ 9.15 ॥

vidhūya pakṣāṇi bako raktodvṛttākṣirāhanat / āḍiṃ so 'pyunnatagrīvo bakaṃ padbhyāmatāḍayat // 9.15 //

बगुले ने अपने पंख फड़फड़ाकर, लाल-लाल घूमती आँखों से आडि पर प्रहार किया; और उन्नत गर्दन वाले आडि ने भी अपने पैरों से बगुले पर आघात किया।

श्लोक 16 (markandeya.9.16)

तयोः पक्षानिलापास्ताः प्रपेतुर्गिरयो भुवि । गिरिप्रपाताभिहता चकम्पे च वसुन्धरा ॥ 9.16 ॥

tayoḥ pakṣānilāpāstāḥ prapeturgirayo bhuvi / giriprapātābhihatā cakampe ca vasundharā // 9.16 //

उन दोनों के पंखों की हवा से पर्वत पृथ्वी पर गिर पड़े, और पर्वतों के गिरने से आहत होकर वसुन्धरा काँप उठी।

श्लोक 17 (markandeya.9.17)

क्ष्मा कम्पमाना जलधीनुद्वृत्ताम्बूंश्चकार च । ननाम चैकपार्श्वेन पातालगमनोन्मुखी ॥ 9.17 ॥

kṣmā kampamānā jaladhīnudvṛttāmbūṃścakāra ca / nanāma caikapārśvena pātālagamanonmukhī // 9.17 //

काँपती हुई पृथ्वी ने समुद्रों को उमड़ा दिया, तथा वह एक ओर झुककर पाताल में जाने के लिए उन्मुख हो गयी।

श्लोक 18 (markandeya.9.18)

केचिदिगरिनिपातेन केचिदम्भोधिवारिणा । केचिन्महीसञ्चलनात् प्रययुः प्राणिनः क्षयम् ॥ 9.18 ॥

kecidigarinipātena kecidambhodhivāriṇā / kecinmahīsañcalanāt prayayuḥ prāṇinaḥ kṣayam // 9.18 //

कुछ प्राणी पर्वतों के गिरने से, कुछ समुद्र के जल से, और कुछ पृथ्वी के हिलने से नष्ट हो गये।

श्लोक 19 (markandeya.9.19)

इति सर्वं परित्रस्तं हाहाभूतमचेतनम् । जगदासीत् सुसम्भ्रान्तं पर्यस्तक्षितिमण्डलम् ॥ 9.19 ॥

iti sarvaṃ paritrastaṃ hāhābhūtamacetanam / jagadāsīt susambhrāntaṃ paryastakṣitimaṇḍalam // 9.19 //

इस प्रकार सम्पूर्ण जगत् भयभीत, त्राहि-त्राहि करता हुआ तथा चेतनाशून्य हो गया, और पृथ्वी-मण्डल उलट-सा गया — वह अत्यन्त उद्विग्न था।

श्लोक 20 (markandeya.9.20)

हा वत्स ! हा कान्त ! शिशो ! प्रयाह्येषोऽस्मि संस्थितः । हा प्रिये ! कान्त ! शैलोऽयं पतत्याशु पलायताम् ॥ 9.20 ॥

hā vatsa ! hā kānta ! śiśo ! prayāhyeṣo 'smi saṃsthitaḥ / hā priye ! kānta ! śailo 'yaṃ patatyāśu palāyatām // 9.20 //

'हाय वत्स! हाय प्रिय! हे शिशु, भाग चल, मैं यहीं रह जाता हूँ!' 'हाय प्रिये! हाय प्रियतम! यह पर्वत अभी गिरने वाला है, शीघ्र भाग चलो!'

श्लोक 21 (markandeya.9.21)

इत्याकुलीकृते लोके संत्रासविमुखे तदा । सुरैः परिवृतः सर्वैराजगाम पितामहः ॥ 9.21 ॥

ityākulīkṛte loke saṃtrāsavimukhe tadā / suraiḥ parivṛtaḥ sarvairājagāma pitāmahaḥ // 9.21 //

जब लोक इस प्रकार व्याकुल होकर भय से विमुख हो गया, तब सभी देवताओं से घिरे हुए पितामह ब्रह्मा वहाँ आ पहुँचे।

श्लोक 22 (markandeya.9.22)

प्रत्युवाच च विश्वेशास्तावुभावतिकोपितौ । युद्धं वा विरमत्वेतल्लोकाः स्वास्थ्यं व्रजन्तु च ॥ 9.22 ॥

pratyuvāca ca viśveśāstāvubhāvatikopitau / yuddhaṃ vā viramatvetallokāḥ svāsthyaṃ vrajantu ca // 9.22 //

सबके स्वामी ब्रह्मा ने अत्यन्त क्रुद्ध उन दोनों से कहा — 'या तो यह युद्ध बन्द करो, या फिर सब लोक अपनी स्वस्थता को प्राप्त हों।'

श्लोक 23 (markandeya.9.23)

शृण्वन्तावपि तौ वाक्यं ब्रह्मणोऽव्यक्तजन्मनः । कोपामर्षसमाविष्टो युयुधाते न तस्थतुः ॥ 9.23 ॥

śṛṇvantāvapi tau vākyaṃ brahmaṇo 'vyaktajanmanaḥ / kopāmarṣasamāviṣṭo yuyudhāte na tasthatuḥ // 9.23 //

अव्यक्त-जन्मा ब्रह्मा के इस वचन को सुनते हुए भी वे दोनों क्रोध और असहनशीलता से भरे हुए युद्ध करते ही रहे, रुके नहीं।

श्लोक 24 (markandeya.9.24)

ततः पितामहो देवस्तं दृष्ट्वा लोकसंक्षयम् । तयोश्च हितमन्विच्छन् तिर्यग्भावमपानुदत् ॥ 9.24 ॥

tataḥ pitāmaho devastaṃ dṛṣṭvā lokasaṃkṣayam / tayośca hitamanvicchan tiryagbhāvamapānudat // 9.24 //

तब पितामह देव ने उस लोक-संहार को देखकर, तथा उन दोनों का हित चाहते हुए, उनके पशु-पक्षी-रूप को दूर कर दिया।

श्लोक 25 (markandeya.9.25)

ततस्तौ पूर्वदेहस्थौ प्राह देवः प्रजापतिः । व्युदस्ते तामसे भावे वशिष्ठ०-कौशिकर्षभौ ॥ 9.25 ॥

tatastau pūrvadehasthau prāha devaḥ prajāpatiḥ / vyudaste tāmase bhāve vaśiṣṭha0-kauśikarṣabhau // 9.25 //

तब उन दोनों को, जो अपने पूर्व शरीर में स्थित हो गये थे, देव प्रजापति ने कहा — 'हे वशिष्ठ और कौशिक-श्रेष्ठ, अपने तामस भाव को त्याग दो —'

श्लोक 26 (markandeya.9.26)

जहि वत्स वशिष्ठ त्वं त्वञ्च कौशिक सत्तम । तामसं भावमाश्रित्य ईदृग्युद्धं चिकीर्षितम् ॥ 9.26 ॥

jahi vatsa vaśiṣṭha tvaṃ tvañca kauśika sattama / tāmasaṃ bhāvamāśritya īdṛgyuddhaṃ cikīrṣitam // 9.26 //

'— हे वत्स वशिष्ठ, और हे उत्तम कौशिक, इस तामस भाव का आश्रय लेकर तुम दोनों ने ऐसा युद्ध करने की इच्छा की, यह त्याग दो।'

श्लोक 27 (markandeya.9.27)

राजसूयविपाकोऽयं हरिश्चन्द्रस्य भूपतेः । युवयोर्विग्रहश्चायं पृथिवीक्षयकारकः ॥ 9.27 ॥

rājasūyavipāko 'yaṃ hariścandrasya bhūpateḥ / yuvayorvigrahaścāyaṃ pṛthivīkṣayakārakaḥ // 9.27 //

'यह राजा हरिश्चन्द्र के राजसूय-यज्ञ का ही विपाक है, और तुम दोनों का यह विग्रह भी पृथ्वी के विनाश का कारण बन रहा है।'

श्लोक 28 (markandeya.9.28)

न चापि कौशिकश्रेष्ठस्तस्य राज्ञोऽपरध्यते । स्वर्गप्राप्तिकरो ब्रह्मन्नपकारपदे स्थितः ॥ 9.28 ॥

na cāpi kauśikaśreṣṭhastasya rājño 'paradhyate / svargaprāptikaro brahmannapakārapade sthitaḥ // 9.28 //

'श्रेष्ठ कौशिक का उस राजा के प्रति कोई अपराध भी नहीं है, हे ब्रह्मन्, वह तो अपकार के स्थान पर रहते हुए भी उसे स्वर्ग-प्राप्ति कराने वाला ही सिद्ध हुआ।'

श्लोक 29 (markandeya.9.29)

तपो विघ्नस्य कर्तारौ कामक्रोधवशं गतौ । परित्यजत भद्रं वो ब्रह्म हि प्रचुरं बलम् ॥ 9.29 ॥

tapo vighnasya kartārau kāmakrodhavaśaṃ gatau / parityajata bhadraṃ vo brahma hi pracuraṃ balam // 9.29 //

'तुम दोनों काम और क्रोध के वशीभूत होकर तप में विघ्न डालने वाले बन गये हो; इसे त्याग दो, तुम्हारा कल्याण हो — ब्रह्म ही सबसे बड़ा बल है।'

श्लोक 30 (markandeya.9.30)

एवमुक्तौ ततस्तेन लज्जितौ तावुभावपि । क्षमयामासतुः प्रीत्या परिष्वज्य परस्परम् ॥ 9.30 ॥

evamuktau tatastena lajjitau tāvubhāvapi / kṣamayāmāsatuḥ prītyā pariṣvajya parasparam // 9.30 //

ब्रह्मा के इस प्रकार कहने पर वे दोनों लज्जित हो गये, और प्रेमपूर्वक एक-दूसरे को गले लगाकर उन्होंने परस्पर क्षमा माँगी।

श्लोक 31 (markandeya.9.31)

ततः सुरैर्वन्द्यमानो ब्रह्मा लोकं निजं ययौ । वशिष्ठोऽप्यात्मनः स्थानं कौशिकोऽपि स्वामाश्रयम् ॥ 9.31 ॥

tataḥ surairvandyamāno brahmā lokaṃ nijaṃ yayau / vaśiṣṭho 'pyātmanaḥ sthānaṃ kauśiko 'pi svāmāśrayam // 9.31 //

तब देवताओं द्वारा वन्दित होकर ब्रह्मा अपने लोक को चले गये; वशिष्ठ भी अपने ही स्थान को गये, और कौशिक भी अपने आश्रम को।

श्लोक 32 (markandeya.9.32)

एतदाडिबकं युद्धं हरिश्चन्द्रकथां तथा । कथयिष्यन्ति ये मर्त्याः सम्यक् श्रोष्यन्ति चैव ये ॥ 9.32 ॥

etadāḍibakaṃ yuddhaṃ hariścandrakathāṃ tathā / kathayiṣyanti ye martyāḥ samyak śroṣyanti caiva ye // 9.32 //

जो मनुष्य इस आडि-बक-युद्ध तथा हरिश्चन्द्र की कथा को भली-भाँति सुनाएँगे तथा जो इसे सम्यक् रूप से सुनेंगे,

श्लोक 33 (markandeya.9.33)

तेषां पापापनोदन्तु श्रुतं ह्येव करिष्यति । न चैव विघ्नकार्याणि भविष्यन्ति कदाचन ॥ 9.33 ॥

teṣāṃ pāpāpanodantu śrutaṃ hyeva kariṣyati / na caiva vighnakāryāṇi bhaviṣyanti kadācana // 9.33 //

उन सबके पापों को यह श्रवण दूर कर देगा, और उनके कार्यों में कभी कोई विघ्न उत्पन्न नहीं होगा।