आदित्य-स्तव

श्लोक 1 (markandeya.100.1)

मार्कण्डेय उवाच तस्य सन्ताप्यमाने तु तेजसोर्ध्वमधस्यथा । सिसृक्षुश्चिन्तयामास पद्मयोनिः पितामहः ॥ 100.1 ॥

mārkaṇḍeya uvāca tasya santāpyamāne tu tejasordhvamadhasyathā sisṛkṣuścintayāmāsa padmayoniḥ pitāmahaḥ

मार्कण्डेय ने कहा—तब उस (सूर्य) के तेज से ऊपर और नीचे सन्तप्त होने पर, सृष्टि करने की इच्छा वाले पद्मयोनि पितामह ब्रह्मा ने विचार किया।

श्लोक 2 (markandeya.100.2)

सृष्टिः कृतापि मे नाशं प्रयास्यत्यभितेजसा । भास्वतः सृष्टिसंहारस्थितिहेतोर्महात्मनः ॥ 100.2 ॥

sṛṣṭiḥ kṛtāpi me nāśaṁ prayāsyatyabhitejasā bhāsvataḥ sṛṣṭisaṁhārasthitihetormahātmanaḥ

सृष्टि, स्थिति और संहार के कारणभूत उस महात्मा भास्वान् के अत्यधिक तेज से, बनायी गयी यह सृष्टि भी नष्ट हो जायेगी।

श्लोक 3 (markandeya.100.3)

अप्राणाः प्राणिनः सर्व आपः शुष्यन्ति तेजसा । न चाम्भसा विना सृष्टिर्विश्वस्यास्य भविष्यति ॥ 100.3 ॥

aprāṇāḥ prāṇinaḥ sarva āpaḥ śuṣyanti tejasā na cāmbhasā vinā sṛṣṭirviśvasyāsya bhaviṣyati

उसके तेज से सम्पूर्ण प्राणी निष्प्राण हो जायेंगे तथा सारा जल सूख जायेगा; और जल के बिना इस विश्व की सृष्टि सम्भव नहीं होगी।

श्लोक 4 (markandeya.100.4)

इति सञ्चिन्त्य भगवान्स्तोत्रं भगवतो रवेः । चकार तन्मये भूत्वा ब्रह्मा लोकपितामहः ॥ 100.4 ॥

iti sañcintya bhagavānstotraṁ bhagavato raveḥ cakāra tanmaye bhūtvā brahmā lokapitāmahaḥ

ऐसा विचार करके भगवान् लोकपितामह ब्रह्मा ने, उनमें तन्मय होकर, भगवान् सूर्य की स्तुति की।

श्लोक 5 (markandeya.100.5)

ब्रह्मोवाच नमस्ये यन्मयं सर्वमेतत्सर्वमयश्च यः । विश्वमूर्तिः परं ज्योतिर्यत्तद्ध्यायन्ति योगिनः ॥ 100.5 ॥

brahmovāca namasye yanmayaṁ sarvametatsarvamayaśca yaḥ viśvamūrtiḥ paraṁ jyotiryattaddhyāyanti yoginaḥ

ब्रह्मा ने कहा—मैं उन्हें नमस्कार करता हूँ, जिनसे यह सम्पूर्ण जगत् बना है और जो सर्वमय हैं—वे विश्वमूर्ति, परम ज्योति हैं, जिनका योगीजन ध्यान करते हैं।

श्लोक 6 (markandeya.100.6)

य ऋङ्मयो यो यजुषां निधानं साम्नां च यो योनिरचिन्त्यशक्तिः । त्रयीमयः स्थूलतयार्धमात्रा परस्वरूपो गुणपारयोग्यः ॥ 100.6 ॥

ya ṛṅmayo yo yajuṣāṁ nidhānaṁ sāmnāṁ ca yo yoniracintyaśaktiḥ trayīmayaḥ sthūlatayārdhamātrā parasvarūpo guṇapārayogyaḥ

जो ऋङ्मय हैं, यजुर्मन्त्रों के निधान हैं तथा सामवेद के उद्गम हैं, जिनकी शक्ति अचिन्त्य है; जो त्रयीमय हैं, स्थूल रूप से अर्धमात्रा-प्रमाण हैं, तथा जिनका परम स्वरूप गुणों के पार पहुँचकर ही प्राप्त होता है।

श्लोक 7 (markandeya.100.7)

त्वां सर्वहेतुं परमं च वेद्यमाद्यं परं ज्योतिरवेद्यरूपम् । स्थूलं च देवात्मतया नमस्ते भास्वन्तमाद्यं परमं परेभ्यः ॥ 100.7 ॥

tvāṁ sarvahetuṁ paramaṁ ca vedyamādyaṁ paraṁ jyotiravedyarūpam sthūlaṁ ca devātmatayā namaste bhāsvantamādyaṁ paramaṁ parebhyaḥ

हे सर्वहेतु, परम एवं वेद्य, आद्य, परम ज्योति, जिनका स्वरूप अवेद्य है — देवात्मरूप से स्थूल भी आप ही हैं; हे भास्वान्, आद्य, समस्त से परम — आपको नमस्कार है।

श्लोक 8 (markandeya.100.8)

सृष्टिं करोमि यदहं तव शक्तिराद्या तत्प्रेरितो जलमहीपवनाग्निरूपाम् । तद्देवतादिविषयां प्रणवाद्यशेषां नात्मेच्छया स्थितिलयावपि तद्वदेव ॥ 100.8 ॥

sṛṣṭiṁ karomi yadahaṁ tava śaktirādyā tatprerito jalamahīpavanāgnirūpām taddevatādiviṣayāṁ praṇavādyaśeṣāṁ nātmecchayā sthitilayāvapi tadvadeva

जब मैं सृष्टि करता हूँ, तब वह आपकी ही आद्य शक्ति है, जिससे प्रेरित होकर मैं जल, पृथ्वी, वायु और अग्निरूप तथा देवता आदि से युक्त प्रणव-पर्यन्त इस सम्पूर्ण जगत् की रचना करता हूँ, तथा उसी प्रकार उसकी स्थिति और प्रलय भी करता हूँ — अपनी स्वतन्त्र इच्छा से नहीं।

श्लोक 9 (markandeya.100.9)

वह्निस्त्वमेव जलशोषणतः पृथिव्याः सृष्टिं करोषि जगतां च तथाद्य पाकम् । व्यापी त्वमेव भगवन्गगनस्वरूपं त्वं पञ्चधा जगदिदं परिपासि विश्वम् ॥ 100.9 ॥

vahnistvameva jalaśoṣaṇataḥ pṛthivyāḥ sṛṣṭiṁ karoṣi jagatāṁ ca tathādya pākam vyāpī tvameva bhagavangaganasvarūpaṁ tvaṁ pañcadhā jagadidaṁ paripāsi viśvam

आप ही अग्नि हैं और पृथ्वी के जल को सुखाकर सृष्टि करते हैं तथा आज भी लोकों का पाक करते हैं; हे भगवन्! आप ही व्यापक आकाशस्वरूप हैं; आप ही पाँच प्रकार से इस सम्पूर्ण विश्व की रक्षा करते हैं।

श्लोक 10 (markandeya.100.10)

यज्ञैर्यजन्ति परमात्मविदो भवन्तं विष्णुस्वरूपमखिलेष्टिमयं विवस्वन् । ध्यायन्ति चापि यतयो नियतात्मचित्ताः सर्वेश्वरं परममात्मविमुक्तिकामा ॥ 100.10 ॥

yajñairyajanti paramātmavido bhavantaṁ viṣṇusvarūpamakhileṣṭimayaṁ vivasvan dhyāyanti cāpi yatayo niyatātmacittāḥ sarveśvaraṁ paramamātmavimuktikāmā

हे विवस्वन्! परमात्मा को जानने वाले पुरुष यज्ञों द्वारा आपकी, समस्त इष्टियों से युक्त विष्णुस्वरूप में, आराधना करते हैं; तथा संयतचित्त यति भी आत्ममुक्ति की कामना से आप सर्वेश्वर का ध्यान करते हैं।

श्लोक 11 (markandeya.100.11)

नमस्ते देवरूपाय यज्ञरूपाय ते नमः । परब्रह्मस्वरूपाय चिन्त्यमानाय योगिभिः ॥ 100.11 ॥

namaste devarūpāya yajñarūpāya te namaḥ parabrahmasvarūpāya cintyamānāya yogibhiḥ

हे देवरूप! आपको नमस्कार है; हे यज्ञरूप! आपको नमस्कार है; हे परब्रह्मस्वरूप, योगियों द्वारा चिन्तन किये जाने वाले! आपको नमस्कार है।

श्लोक 12 (markandeya.100.12)

उपसंहर तेजो यत्तेजसः संहतिस्तव । सृष्टेर्विधाताय विभो सृष्टौ चाहं समुद्यतः ॥ 100.12 ॥

upasaṁhara tejo yattejasaḥ saṁhatistava sṛṣṭervidhātāya vibho sṛṣṭau cāhaṁ samudyataḥ

आप अपने तेज के इस समूहरूप तेज को समेट लीजिए; हे विभो! मैं सृष्टि के लिए उद्यत हूँ, आप सृष्टि के विधाता बनिए।

श्लोक 13 (markandeya.100.13)

मार्कण्डेय उवाच इत्येवं संस्तुतो भास्वान्ब्रह्मणा सर्गकर्तृणा । उपसंहृतवांस्तेजः परं स्वल्पमधारयत् ॥ 100.13 ॥

mārkaṇḍeya uvāca ityevaṁ saṁstuto bhāsvānbrahmaṇā sargakartṛṇā upasaṁhṛtavāṁstejaḥ paraṁ svalpamadhārayat

मार्कण्डेय ने कहा—सृष्टिकर्ता ब्रह्मा द्वारा इस प्रकार स्तुत हुए भास्वान् ने अपने तेज को समेट लिया और केवल थोड़ा-सा उत्तम तेज धारण किया।

श्लोक 14 (markandeya.100.14)

चकार च ततः सृष्टिं जगतः पद्मसम्भवः । तथा तेषु महाभागः पूर्वकल्पान्तरेषु वै ॥ 100.14 ॥

cakāra ca tataḥ sṛṣṭiṁ jagataḥ padmasambhavaḥ tathā teṣu mahābhāgaḥ pūrvakalpāntareṣu vai

तब पद्मसम्भव ब्रह्मा ने जगत् की सृष्टि की; और हे महाभाग! जिस प्रकार पूर्वकल्पों में हुआ था, उसी प्रकार —

श्लोक 15 (markandeya.100.15)

देवासुरादीन्मर्त्त्यांश्च पश्वादीन्वृक्षवीरुधः । ससर्ज पूर्ववद्ब्रह्मा नरकांश्च महामुने ॥ 100.15 ॥

devāsurādīnmarttyāṁśca paśvādīnvṛkṣavīrudhaḥ sasarja pūrvavadbrahmā narakāṁśca mahāmune

हे महामुने! ब्रह्मा ने पहले की भाँति देव-असुर आदि, मनुष्यों, पशु आदि, वृक्ष-लताओं तथा नरकों की भी सृष्टि की।