दिवाकर-स्तुति

श्लोक 1 (markandeya.101.1)

मार्कण्डेय उवाच सृष्ट्वा जगदिदं ब्रह्मा प्रविभागमथाकरोत् । वर्णाश्रमसमुद्राद्रिद्वीपानां पूर्ववद्यथा ॥ 101.1 ॥

mārkaṇḍeya uvāca sṛṣṭvā jagadidaṁ brahmā pravibhāgamathākarot varṇāśramasamudrādridvīpānāṁ pūrvavadyathā

मार्कण्डेय ने कहा—इस जगत् की सृष्टि करके ब्रह्मा ने पूर्ववत् वर्ण, आश्रम, समुद्र, पर्वत तथा द्वीपों का विभाग किया।

श्लोक 2 (markandeya.101.2)

देवदैत्योरगादीनां रूपस्थानानि पूर्ववत् । वेदेभ्य एव भगवानकरोत्कमलोद्भवः ॥ 101.2 ॥

devadaityoragādīnāṁ rūpasthānāni pūrvavat vedebhya eva bhagavānakarotkamalodbhavaḥ

देव, दैत्य, नाग आदि के रूप और स्थान भी पूर्ववत् — भगवान् कमलोद्भव ने यह सब वेदों से ही रचा।

श्लोक 3 (markandeya.101.3)

ब्रह्मणस्तनयो योऽभून्मरीचिरिति विश्रुतः । कश्यपस्तस्य पुत्रोऽभूत्काश्यपो नाम नामतः ॥ 101.3 ॥

brahmaṇastanayo yo ’bhūnmarīciriti viśrutaḥ kaśyapastasya putro ’bhūtkāśyapo nāma nāmataḥ

ब्रह्मा का जो पुत्र मरीचि नाम से विख्यात हुआ, उसका पुत्र कश्यप नाम से हुआ।

श्लोक 4 (markandeya.101.4)

दक्षस्य तनया ब्रह्मंस्तस्य भार्यास्त्रयोदश । बहवस्तत्सुताश्चासन्देवदैत्योरगादयः ॥ 101.4 ॥

dakṣasya tanayā brahmaṁstasya bhāryāstrayodaśa bahavastatsutāścāsandevadaityoragādayaḥ

हे ब्रह्मन्! दक्ष की तेरह कन्याएँ उनकी पत्नियाँ हुईं; उनके बहुत-से पुत्र हुए — देव, दैत्य, नाग आदि।

श्लोक 5 (markandeya.101.5)

अदितिर्जनयामास दैवांस्त्रिभुवनेश्वरान् । दैत्यान्दितिर्दनुश्चोग्रान्दानवानुरुविक्रमान् ॥ 101.5 ॥

aditirjanayāmāsa daivāṁstribhuvaneśvarān daityānditirdanuścogrāndānavānuruvikramān

अदिति ने त्रिभुवन के स्वामी देवताओं को जन्म दिया; दिति ने दैत्यों को तथा दनु ने उग्र, महापराक्रमी दानवों को जन्म दिया।

श्लोक 6 (markandeya.101.6)

गरुडारुणौ च विनता यक्षरक्षांसि वै खसा । कद्रूः सुषाव नागांश्च गन्धर्वान्सुषुवे मुनिः ॥ 101.6 ॥

garuḍāruṇau ca vinatā yakṣarakṣāṁsi vai khasā kadrūḥ suṣāva nāgāṁśca gandharvānsuṣuve muniḥ

विनता ने गरुड़ और अरुण को, खसा ने यक्ष-राक्षसों को जन्म दिया; कद्रू ने नागों को उत्पन्न किया, और स्वयं मुनि (कश्यप) ने गन्धर्वों को उत्पन्न किया।

श्लोक 7 (markandeya.101.7)

क्रोधाया जज्ञिरे कुल्या रिष्टायाश्चाप्सरोगणाः । ऐरावतादीन्मातङ्गानिरा च सुषुवे द्विज ॥ 101.7 ॥

krodhāyā jajñire kulyā riṣṭāyāścāpsarogaṇāḥ airāvatādīnmātaṅgānirā ca suṣuve dvija

क्रोधा से कुल्या नामक प्राणी उत्पन्न हुए और रिष्टा से अप्सराओं के समूह; हे द्विज! इरा ने ऐरावत आदि हाथियों को जन्म दिया।

श्लोक 8 (markandeya.101.8)

ताम्रा च सुषुवे श्येनीप्रमुखाः कन्यका द्विज । यासां प्रसूताः खगमाः श्येनभासशुकादयः ॥ 101.8 ॥

tāmrā ca suṣuve śyenīpramukhāḥ kanyakā dvija yāsāṁ prasūtāḥ khagamāḥ śyenabhāsaśukādayaḥ

हे द्विज! ताम्रा ने श्येनी आदि कन्याओं को जन्म दिया, जिनसे श्येन, भास, शुक आदि पक्षी उत्पन्न हुए।

श्लोक 9 (markandeya.101.9)

इलायाः पादपा जाताः प्रधाया यादसां गणाः । अदित्यां या समुत्पन्ना कश्यपस्येति सन्ततिः ॥ 101.9 ॥

ilāyāḥ pādapā jātāḥ pradhāyā yādasāṁ gaṇāḥ adityāṁ yā samutpannā kaśyapasyeti santatiḥ

इला से वृक्ष उत्पन्न हुए और प्रधा से जलचर प्राणियों के समूह — यह अदिति के द्वारा कश्यप की सन्तति है।

श्लोक 10 (markandeya.101.10)

तस्याश्च पुत्रदौहित्रैः पौत्रदौहित्रिकादिभिः । व्याप्तमेतज्जगत्सूत्या तेषां तासां च वै मुने ॥ 101.10 ॥

tasyāśca putradauhitraiḥ pautradauhitrikādibhiḥ vyāptametajjagatsūtyā teṣāṁ tāsāṁ ca vai mune

हे मुने! उन (अदिति) के पुत्र-पौत्रों, दौहित्रों तथा उनकी आगे की सन्तति से यह सम्पूर्ण जगत् व्याप्त हो गया।

श्लोक 11 (markandeya.101.11)

तेषां कश्यपपुत्राणां प्रधाना देवतागणाः । सात्त्विका राजसास्त्वेते तामसाश्च मुने गणाः ॥ 101.11 ॥

teṣāṁ kaśyapaputrāṇāṁ pradhānā devatāgaṇāḥ sāttvikā rājasāstvete tāmasāśca mune gaṇāḥ

उन कश्यप-पुत्रों में प्रधान देवताओं के गण हैं; हे मुने! उनमें कुछ सात्त्विक, कुछ राजस तथा कुछ तामस गण हैं।

श्लोक 12 (markandeya.101.12)

देवान्यज्ञभुजश्चक्रे तथा त्रिभुवनेश्वरान् । ब्रह्मा ब्रह्मविदां श्रेष्ठः परमेष्ठी प्रजापतिः ॥ 101.12 ॥

devānyajñabhujaścakre tathā tribhuvaneśvarān brahmā brahmavidāṁ śreṣṭhaḥ parameṣṭhī prajāpatiḥ

ब्रह्मविदों में श्रेष्ठ, परमेष्ठी प्रजापति ब्रह्मा ने देवताओं को यज्ञभोक्ता तथा त्रिभुवन का स्वामी बनाया।

श्लोक 13 (markandeya.101.13)

तानबाधन्त सहिताः सपत्ना दैत्यदानवाः । राक्षसाश्च तथा युद्धं तेषामासीत्सुदारुणम् ॥ 101.13 ॥

tānabādhanta sahitāḥ sapatnā daityadānavāḥ rākṣasāśca tathā yuddhaṁ teṣāmāsītsudāruṇam

उनके शत्रु दैत्य और दानव, राक्षसों सहित मिलकर उन्हें पीड़ित करने लगे, और उनके बीच अत्यन्त भयंकर युद्ध हुआ।

श्लोक 14 (markandeya.101.14)

दिव्यं वर्षसहस्रं तु पराजीयन्त देवताः । जयिनश्चाभवन्विप्र बलिनो दैत्यदानवाः ॥ 101.14 ॥

divyaṁ varṣasahasraṁ tu parājīyanta devatāḥ jayinaścābhavanvipra balino daityadānavāḥ

एक हजार दिव्य वर्षों तक देवता पराजित होते रहे, और हे विप्र! बलशाली दैत्य-दानव विजयी हुए।

श्लोक 15 (markandeya.101.15)

ततो निराकृतान्पुत्रान्दैतेयैर्दानवैस्तथा । हृतत्रिभुवनान्दृष्ट्वा ह्यदितिर्मुनिसत्तम ॥ 101.15 ॥

tato nirākṛtānputrāndaiteyairdānavaistathā hṛtatribhuvanāndṛṣṭvā hyaditirmunisattama

हे मुनिसत्तम! तब अदिति ने अपने पुत्रों को दैत्यों और दानवों द्वारा तिरस्कृत तथा त्रिभुवन को उनसे छीना हुआ देखकर,

श्लोक 16 (markandeya.101.16)

आच्छिन्नयज्ञभागांश्च शुचा संपीडिता भृशम् । आराधनाय सवितुः परं यत्नं प्रचक्रमे ॥ 101.16 ॥

ācchinnayajñabhāgāṁśca śucā saṁpīḍitā bhṛśam ārādhanāya savituḥ paraṁ yatnaṁ pracakrame

तथा उनके यज्ञभाग को कटा हुआ देखकर, शोक से अत्यन्त पीड़ित होकर, सूर्य की आराधना के लिए परम प्रयत्न किया।

श्लोक 17 (markandeya.101.17)

एकाग्रा नियताहारा परं नियममास्थिता । तुष्टाव तेजसां राशिं गगनस्थं दिवाकरम् ॥ 101.17 ॥

ekāgrā niyatāhārā paraṁ niyamamāsthitā tuṣṭāva tejasāṁ rāśiṁ gaganasthaṁ divākaram

एकाग्रचित्त तथा नियताहार होकर, परम नियम में स्थित रहकर, उसने आकाशस्थ तेजोराशि दिवाकर की स्तुति की।

श्लोक 18 (markandeya.101.18)

अदितिरुवाच नमस्तुभ्यं परां सूक्ष्मां सौवर्णीं बिभ्रते तनुम् । धाम धामवतामीश धाम्नामाधार शाश्वत ॥ 101.18 ॥

aditiruvāca namastubhyaṁ parāṁ sūkṣmāṁ sauvarṇīṁ bibhrate tanum dhāma dhāmavatāmīśa dhāmnāmādhāra śāśvata

अदिति ने कहा—हे ईश! सुवर्णमयी परम सूक्ष्म देह धारण करने वाले आपको नमस्कार है; आप तेजस्वियों के तेज तथा शाश्वत आधार हैं।

श्लोक 19 (markandeya.101.19)

जगतामुपकाराय तथापस्तव गोपते । आददानस्य यद्रूपं तीव्रं तस्मै नमाम्यहम् ॥ 101.19 ॥

jagatāmupakārāya tathāpastava gopate ādadānasya yadrūpaṁ tīvraṁ tasmai namāmyaham

हे गोपते! जगत् के उपकार के लिए आप जल का भी ग्रहण करते हैं; जिस तीव्र रूप से आप उसे ग्रहण करते हैं, उसे मैं नमस्कार करती हूँ।

श्लोक 20 (markandeya.101.20)

ग्रहीतुमष्टमासेन कालेनेन्दुमयं रसम् । बिभ्रतस्तव यद्रूपमतितीव्रं नतास्मि तत् ॥ 101.20 ॥

grahītumaṣṭamāsena kālenendumayaṁ rasam bibhratastava yadrūpamatitīvraṁ natāsmi tat

आठ महीनों के काल में चन्द्रमा को पुष्ट करने वाले रस को ग्रहण करने के लिए आपका जो अत्यन्त तीव्र रूप है, उसे मैं नमन करती हूँ।

श्लोक 21 (markandeya.101.21)

तमेव मुञ्चतः सर्वं रसं वै वर्षणाय यत् । रूपमाप्यायकं भास्वंस्तस्मै मेधाय ते नमः ॥ 101.21 ॥

tameva muñcataḥ sarvaṁ rasaṁ vai varṣaṇāya yat rūpamāpyāyakaṁ bhāsvaṁstasmai medhāya te namaḥ

हे भास्वन्! उस समस्त रस को वर्षा के लिए फिर से त्यागने वाले आपके तृप्तिकारक रूप को नमस्कार है।

श्लोक 22 (markandeya.101.22)

वार्युत्सर्गविनिष्पन्नमशेषं चौषधीगणम् । पाकाय तव यद्रूपं भास्करं तं नमाम्यहम् ॥ 101.22 ॥

vāryutsargaviniṣpannamaśeṣaṁ cauṣadhīgaṇam pākāya tava yadrūpaṁ bhāskaraṁ taṁ namāmyaham

वृष्टि से उत्पन्न सम्पूर्ण औषधि-समूह को पकाने वाले हे भास्कर! आपके उस रूप को मैं नमस्कार करती हूँ।

श्लोक 23 (markandeya.101.23)

यच्च रूपं तवातीतं हिमोत्सर्गादिशीतलम् । तत्कालसस्यपोषाय तरणे तस्य ते नमः ॥ 101.23 ॥

yacca rūpaṁ tavātītaṁ himotsargādiśītalam tatkālasasyapoṣāya taraṇe tasya te namaḥ

और हिमोत्सर्ग आदि से अत्यन्त शीतल आपका जो अतीत रूप है, जिससे उस ऋतु की फसलें पुष्ट होती हैं, उस तरणिरूप को नमस्कार है।

श्लोक 24 (markandeya.101.24)

नातितीव्रं च यद्रूपं नातिशीतं च यत्तव । वसन्तर्त्तौ रवे सौम्यं तस्मै देव नमो नमः ॥ 101.24 ॥

nātitīvraṁ ca yadrūpaṁ nātiśītaṁ ca yattava vasantarttau rave saumyaṁ tasmai deva namo namaḥ

हे देव! न अत्यन्त तीव्र और न अत्यन्त शीतल, वसन्त ऋतु में आपका जो सौम्य रूप है, हे रवे! उसे बार-बार नमस्कार है।

श्लोक 25 (markandeya.101.25)

आप्यायनमशेषाणां देवानां च तथापरम् । पितॄणां च नमस्तस्मै सस्यानां पाकहेतवे ॥ 101.25 ॥

āpyāyanamaśeṣāṇāṁ devānāṁ ca tathāparam pitṝṇāṁ ca namastasmai sasyānāṁ pākahetave

समस्त देवताओं की तथा पितरों की तृप्ति के तथा फसलों को पकाने के कारणभूत आपके उस रूप को नमस्कार है।

श्लोक 26 (markandeya.101.26)

यद्रूपं जीवनायैकं वीरुधाममृतात्मकम् । पीयते देवपितृभिस्तस्मै सोमात्मने नमः ॥ 101.26 ॥

yadrūpaṁ jīvanāyaikaṁ vīrudhāmamṛtātmakam pīyate devapitṛbhistasmai somātmane namaḥ

जीवन के लिए एकमात्र, लताओं के अमृतस्वरूप, जिसे देव और पितर पान करते हैं, आपके उस सोमात्मक रूप को नमस्कार है।

श्लोक 27 (markandeya.101.27)

आप्यायदाहरूपाभ्यां रूपं विश्वमयं तव । समेतमग्नीषोमाभ्यां नमस्तस्मै गुणात्मने ॥ 101.27 ॥

āpyāyadāharūpābhyāṁ rūpaṁ viśvamayaṁ tava sametamagnīṣomābhyāṁ namastasmai guṇātmane

आर्द्रता तथा दाह — दोनों रूपों से युक्त, अग्नि और सोम से मिला हुआ, आपका जो विश्वमय रूप है, उस गुणात्मक रूप को नमस्कार है।

श्लोक 28 (markandeya.101.28)

यद्रूपमृग्यजुःसाम्नामैक्येन तपते तव । विश्वमेतत्त्रयीसंज्ञं नमस्तस्मै विभावसो ॥ 101.28 ॥

yadrūpamṛgyajuḥsāmnāmaikyena tapate tava viśvametattrayīsaṁjñaṁ namastasmai vibhāvaso

हे विभावसो! ऋक्, यजुः और साम की एकता से जो आपका रूप तपता है, उस त्रयीसंज्ञक विश्वमय रूप को नमस्कार है।

श्लोक 29 (markandeya.101.29)

मार्कण्डेय उवाच यत्तु तस्मात्परं रूपमोमित्युक्त्वाभिशब्दितम् । अस्थूलानन्तममलं नमस्तस्मै सदात्मने ॥ 101.29 ॥

mārkaṇḍeya uvāca yattu tasmātparaṁ rūpamomityuktvābhiśabditam asthūlānantamamalaṁ namastasmai sadātmane

मार्कण्डेय ने कहा—और उससे भी परे जो रूप 'ॐ' इस प्रकार कहकर उच्चारित किया जाता है — अस्थूल, अनन्त, निर्मल — उस सदात्मक रूप को नमस्कार है।

श्लोक 30 (markandeya.101.30)

एवं स नियता देवी चक्रे स्तोत्रमहर्निशम् । निराहारा विवस्वन्तमारिराधयिषुर्मुने ॥ 101.30 ॥

evaṁ sa niyatā devī cakre stotramaharniśam nirāhārā vivasvantamārirādhayiṣurmune

हे मुने! इस प्रकार वह संयमित देवी निराहार रहकर दिन-रात स्तोत्र करती रही, विवस्वान् को प्रसन्न करने की इच्छा से।

श्लोक 31 (markandeya.101.31)

ततः कालेन महता भगवांस्तपनोऽम्बरे । प्रत्यक्षतामगादस्या दाक्षायण्या द्विजोत्तम ॥ 101.31 ॥

tataḥ kālena mahatā bhagavāṁstapano ’mbare pratyakṣatāmagādasyā dākṣāyaṇyā dvijottama

हे द्विजोत्तम! तब बहुत काल बीतने पर भगवान् तपन आकाश में उस दाक्षायणी के प्रत्यक्ष हो गये।

श्लोक 32 (markandeya.101.32)

सा ददर्श महाकूटं तेजसोऽम्बरसंश्रितम् । जगाद मे प्रसीदेति न त्वां पश्यामि गोपते ॥ 101.32 ॥

sā dadarśa mahākūṭaṁ tejaso ’mbarasaṁśritam jagāda me prasīdeti na tvāṁ paśyāmi gopate

उसने आकाश में स्थित एक महान् तेजःपुंज देखा और कहा—'मुझ पर प्रसन्न हों; हे गोपते! मैं आपको देख नहीं पा रही हूँ।'

श्लोक 33 (markandeya.101.33)

यथा दृष्टवती पूर्वमम्बरस्थं सुदुर्दृशम् । निराहारा विवस्वन्तं तपन्तं तदनन्तरम् ॥ 101.33 ॥

yathā dṛṣṭavatī pūrvamambarasthaṁ sudurdṛśam nirāhārā vivasvantaṁ tapantaṁ tadanantaram

जिस प्रकार पूर्व में निराहार रहते हुए उसने आकाशस्थ, दुर्दर्श, तपते हुए विवस्वान् को देखा था, उसके बाद —

श्लोक 34 (markandeya.101.34)

संघातं तेजसां तद्वदिह पश्यामि भूतले । प्रसादं कुरु पश्येयं यद्रूपं ते दिवाकर । भक्तानुकम्पक विभो भक्ताहं पाहि मे सुतान् ॥ 101.34 ॥

saṁghātaṁ tejasāṁ tadvadiha paśyāmi bhūtale prasādaṁ kuru paśyeyaṁ yadrūpaṁ te divākara bhaktānukampaka vibho bhaktāhaṁ pāhi me sutān

'वैसा ही तेजःसमूह मैं यहाँ पृथ्वी पर देख रही हूँ; हे दिवाकर! प्रसन्न होइए, मैं आपका रूप देखना चाहती हूँ। हे भक्तवत्सल विभो! मैं आपकी भक्त हूँ, मेरे पुत्रों की रक्षा कीजिए।'

श्लोक 35 (markandeya.101.35)

त्वं धाता विसृजसि विश्वमेतत्त्वं पासि स्थितिकरणाय सप्रवृत्तः । त्वय्यन्ते लयमखिलं प्रयाति तत्त्वं त्वत्तोऽन्या न हि गतिरस्ति सर्वलोके ॥ 101.35 ॥

tvaṁ dhātā visṛjasi viśvametattvaṁ pāsi sthitikaraṇāya sapravṛttaḥ tvayyante layamakhilaṁ prayāti tattvaṁ tvatto ’nyā na hi gatirasti sarvaloke

'आप ही धाता हैं, आप ही इस सम्पूर्ण विश्व की सृष्टि करते हैं; आप ही इसकी स्थिति के लिए सदा प्रवृत्त रहकर इसकी रक्षा करते हैं; अन्त में सम्पूर्ण जगत् आप में ही लीन हो जाता है — सम्पूर्ण लोक में आपसे भिन्न कोई अन्य गति नहीं है।'

श्लोक 36 (markandeya.101.36)

त्वं ब्रह्मा हरिरजसंज्ञितस्त्वमिन्द्रो वित्तेशः पितृपतिरप्पतिः समीरः । सोमोऽग्निर्गगनपतिर्महीधरोऽब्धिः किं स्तव्यं तव सकलात्मरूपधाम्नः ॥ 101.36 ॥

tvaṁ brahmā harirajasaṁjñitastvamindro vitteśaḥ pitṛpatirappatiḥ samīraḥ somo ’gnirgaganapatirmahīdharo ’bdhiḥ kiṁ stavyaṁ tava sakalātmarūpadhāmnaḥ

'आप ब्रह्मा हैं, अजसंज्ञक हरि हैं, आप इन्द्र हैं, कुबेर हैं, पितृपति (यम) हैं, वरुण हैं और वायु हैं; आप सोम हैं, अग्नि हैं, आकाश के स्वामी, पर्वत और समुद्र हैं — सर्वात्मरूप आपकी क्या स्तुति की जाए?'

श्लोक 37 (markandeya.101.37)

यज्ञेश त्वामनुदिनमात्मकर्मसक्ताः स्तुन्वन्तो विविधपदैर्द्विजा यजन्ति । ध्यायन्तो विनियतचेतसो भवन्तं योगस्थाः परमपदं प्रयान्ति मर्त्याः ॥ 101.37 ॥

yajñeśa tvāmanudinamātmakarmasaktāḥ stunvanto vividhapadairdvijā yajanti dhyāyanto viniyatacetaso bhavantaṁ yogasthāḥ paramapadaṁ prayānti martyāḥ

'हे यज्ञेश! अपने-अपने कर्म में निरत द्विजगण प्रतिदिन नाना पदों से आपकी स्तुति करते हुए आपका यजन करते हैं; तथा नियतचित्त योगस्थ यति आपका ध्यान करते हुए परम पद को प्राप्त होते हैं।'

श्लोक 38 (markandeya.101.38)

तपसि पचसि विश्वं पासि भस्मीकरोषि प्रकटयसि मयूखैर्ह्रादयस्यम्बुगर्भैः । सृजसि कमलजन्मा पालयस्यच्युताख्यः क्षपयसि च युगान्ते रुद्ररूपस्त्वमेकः ॥ 101.38 ॥

tapasi pacasi viśvaṁ pāsi bhasmīkaroṣi prakaṭayasi mayūkhairhrādayasyambugarbhaiḥ sṛjasi kamalajanmā pālayasyacyutākhyaḥ kṣapayasi ca yugānte rudrarūpastvamekaḥ

'आप ही तप्त कर सृष्टि को पकाते हैं, आप ही रक्षा करते हैं, आप ही भस्म करते हैं, जलगर्भ किरणों से प्रकट करते हैं; कमलजन्मा होकर सृष्टि करते हैं, अच्युत होकर पालन करते हैं, तथा युगान्त में अकेले रुद्ररूप से संहार करते हैं।'