पृषध्र की कथा

श्लोक 1 (markandeya.109.1)

मार्कण्डेय उवाच पृषध्राख्यो मनोः पुत्रो मृगयामगमद्वनम् । तत्र चंक्रममाणोऽसौ विपिने निर्जने वने ॥ 109.1 ॥

mārkaṇḍeya uvāca pṛṣadhrākhyo manoḥ putro mṛgayāmagamadvanam tatra caṁkramamāṇo'sau vipine nirjane vane

मार्कण्डेय ने कहा—मनु के पुत्र पृषध्र मृगया के लिए वन में गए; वहाँ वे निर्जन, सुनसान वन में इधर-उधर विचरण करने लगे।

श्लोक 2 (markandeya.109.2)

नाससाद मृगं कञ्चिद्भानुदीधितितापितः । क्षुत्तृट्तापपरीताङ्गः इतश्चेतश्च चंक्रमन् ॥ 109.2 ॥

nāsasāda mṛgaṁ kañcidbhānudīdhititāpitaḥ kṣuttṛṭtāpaparītāṅgaḥ itaścetaśca caṁkraman

सूर्य की किरणों से संतप्त, भूख-प्यास से पीड़ित शरीर वाले वे इधर-उधर भटकते हुए भी किसी मृग को न पा सके।

श्लोक 3 (markandeya.109.3)

स ददर्श तदा तत्र होमधेनुं मनोहराम् । लतान्तर्देहछिन्नार्धां ब्राह्मणस्याग्निहोत्रिणः ॥ 109.3 ॥

sa dadarśa tadā tatra homadhenuṁ manoharām latāntardehachinnārdhāṁ brāhmaṇasyāgnihotriṇaḥ

तभी उन्होंने वहाँ एक अत्यंत सुंदर होमधेनु देखी, जो लताओं के बीच आधे शरीर से छिपी हुई थी, और जो अग्निहोत्री ब्राह्मण की थी।

श्लोक 4 (markandeya.109.4)

स मन्यमानो गवयमिषुणा तामताडयत् । पपात सापि तद्बाणविभिन्नहृदया भुवि ॥ 109.4 ॥

sa manyamāno gavayamiṣuṇā tāmatāḍayat papāta sāpi tadbāṇavibhinnahṛdayā bhuvi

उसे नीलगाय समझकर उन्होंने बाण से उस पर प्रहार किया; उस बाण से हृदय बिंधकर वह गाय भी भूमि पर गिर पड़ी।

श्लोक 5 (markandeya.109.5)

ततोऽग्निहोत्रिणः पुत्रो ब्रह्मचारी तपोरतिः । शप्तवान्स पितुर्दृष्ट्वा होमधेनुं निपातिताम् ॥ 109.5 ॥

tato'gnihotriṇaḥ putro brahmacārī taporatiḥ śaptavānsa piturdṛṣṭvā homadhenuṁ nipātitām

तब उस अग्निहोत्री के पुत्र ने, जो तप में रत ब्रह्मचारी था, अपने पिता के समक्ष होमधेनु को मारा गया देखकर उसे शाप दे दिया।

श्लोक 6 (markandeya.109.6)

गोपालः प्रेषितः पुत्रो बाभ्रव्यो नाम नामतः । कोपामर्षपराधीनचित्तवृत्तिस्ततो मुने ॥ 109.6 ॥

gopālaḥ preṣitaḥ putro bābhravyo nāma nāmataḥ kopāmarṣaparādhīnacittavṛttistato mune

हे मुने, वह गोपालन के लिए भेजा गया पुत्र बाभ्रव्य नाम से जाना जाता था; उसका चित्त क्रोध और असहनशीलता के अधीन हो गया।

श्लोक 7 (markandeya.109.7)

चुकोप विगलत्स्वेदजललोलाविलेक्षणः । तं क्रुद्धं प्रेक्ष्य स नृपः पृषध्रो मुनिदारकम् ॥ 109.7 ॥

cukopa vigalatsvedajalalolāvilekṣaṇaḥ taṁ kruddhaṁ prekṣya sa nṛpaḥ pṛṣadhro munidārakam

पसीने की बूँदों से डबडबाई, विचलित दृष्टि वाला वह अत्यंत क्रुद्ध हो उठा; उसे क्रुद्ध देखकर राजा पृषध्र ने उस मुनिपुत्र से कहा—

श्लोक 8 (markandeya.109.8)

प्रसीदेति जगौ कस्माच्छूद्रवत्कुरुषे रुषम् । न क्षत्रियो न वा वैश्य एवं क्रोधमुपैति वै । । यथा त्वं शूद्रवज्जातो विशिष्टे ब्रह्मणः कुले ॥ 109.8 ॥

prasīdeti jagau kasmācchūdravatkuruṣe ruṣam na kṣatriyo na vā vaiśya evaṁ krodhamupaiti vai | yathā tvaṁ śūdravajjāto viśiṣṭe brahmaṇaḥ kule

"शांत हो जाओ! तुम शूद्र के समान क्रोध क्यों करते हो? न कोई क्षत्रिय और न वैश्य इस प्रकार क्रोध करता है; तुम तो श्रेष्ठ ब्राह्मण कुल में जन्मे होकर भी मानो शूद्र के समान उत्पन्न हुए हो।"

श्लोक 9 (markandeya.109.9)

मार्कण्डेय उवाच इति निर्भत्सितस्तेन स राज्ञा मौलिनः सुतः । शशाप तं दुरात्मानं शूद्र एव भविष्यसि ॥ 109.9 ॥

mārkaṇḍeya uvāca iti nirbhatsitastena sa rājñā maulinaḥ sutaḥ śaśāpa taṁ durātmānaṁ śūdra eva bhaviṣyasi

मार्कण्डेय ने कहा—इस प्रकार उसके द्वारा फटकारे जाने पर उस मुनिकुमार ने उस दुरात्मा राजा को शाप दिया—"तुम अवश्य ही शूद्र हो जाओगे,

श्लोक 10 (markandeya.109.10)

प्रयास्यति क्षयं ब्रह्मन्यत्तेऽधीतं गुरोर्मुखात् । होमधेनुर्मम गुरोर्यदियं हिंसिता त्वया ॥ 109.10 ॥

prayāsyati kṣayaṁ brahmanyatte'dhītaṁ gurormukhāt homadhenurmama guroryadiyaṁ hiṁsitā tvayā

और हे ब्राह्मण, तुमने गुरु के मुख से जो कुछ भी अध्ययन किया है, वह सब नष्ट हो जाएगा—क्योंकि तुमने मेरे गुरु की यह होमधेनु मार डाली है।"

श्लोक 11 (markandeya.109.11)

एवं शप्तो नृपः क्रुद्धस्तच्छापपरिपीडितः । प्रतिशापपरो विप्र तोयं जग्राह पाणिना ॥ 109.11 ॥

evaṁ śapto nṛpaḥ kruddhastacchāpaparipīḍitaḥ pratiśāpaparo vipra toyaṁ jagrāha pāṇinā

इस प्रकार शापित होकर वह राजा भी क्रुद्ध और उस शाप से पीड़ित हो, हे विप्र, प्रतिशाप देने के लिए हाथ में जल ले बैठा।

श्लोक 12 (markandeya.109.12)

सोऽपि राज्ञो विनाशाय कोपं चक्रे द्विजोत्तमः । तमभ्येत्य त्वरायुक्तो वारयामास वै पिता ॥ 109.12 ॥

so'pi rājño vināśāya kopaṁ cakre dvijottamaḥ tamabhyetya tvarāyukto vārayāmāsa vai pitā

उस श्रेष्ठ द्विज ने भी राजा के विनाश के लिए क्रोध कर लिया; तब उसका पिता शीघ्र वहाँ आकर उसे रोकने लगा।

श्लोक 13 (markandeya.109.13)

वत्सालमलमत्यर्थं कोपेनातीव वैरिणा । ऐहिकामुष्मिकहितः शम एव द्विजन्मनाम् ॥ 109.13 ॥

vatsālamalamatyarthaṁ kopenātīva vairiṇā aihikāmuṣmikahitaḥ śama eva dvijanmanām

"बस करो पुत्र, इस अत्यंत वैरपूर्ण क्रोध से बस करो! द्विजों के लिए इहलोक और परलोक दोनों में हितकारी शांति ही है।

श्लोक 14 (markandeya.109.14)

कोपस्तपो नाशयति क्रुद्धो भ्रश्यत्यथायुषः । क्रुद्धस्य गलते ज्ञानं क्रुद्धश्चार्थाच्च हीयते ॥ 109.14 ॥

kopastapo nāśayati kruddho bhraśyatyathāyuṣaḥ kruddhasya galate jñānaṁ kruddhaścārthācca hīyate

क्रोध तप को नष्ट कर देता है, क्रुद्ध व्यक्ति अपनी आयु से भी च्युत हो जाता है; क्रुद्ध का ज्ञान गल जाता है, और क्रुद्ध व्यक्ति धन से भी हीन हो जाता है।

श्लोक 15 (markandeya.109.15)

न धर्मः क्रोधशीलस्य नार्थं चाप्नोति रोषणः । नालं सुखाय कामास्ति कोपेनाविष्टचेतसाम् ॥ 109.15 ॥

na dharmaḥ krodhaśīlasya nārthaṁ cāpnoti roṣaṇaḥ nālaṁ sukhāya kāmāsti kopenāviṣṭacetasām

क्रोधशील का न कोई धर्म रहता है और न रोषी अर्थ को प्राप्त करता है; क्रोध से आविष्ट चित्त वालों के लिए काम-सुख भी पर्याप्त नहीं होता।

श्लोक 16 (markandeya.109.16)

यदि राज्ञा हता धेनुरियं विज्ञानिना सता । युक्तमत्र दयां कर्तुमात्मनो हितबोधिना ॥ 109.16 ॥

yadi rājñā hatā dhenuriyaṁ vijñāninā satā yuktamatra dayāṁ kartumātmano hitabodhinā

यदि इस गाय को राजा ने सब कुछ जानते हुए, समझबूझकर मारा है, तो अपने हित को समझने वाले को यहाँ दया करना ही उचित है।

श्लोक 17 (markandeya.109.17)

अथवाऽजानता धेनुरियं व्यापादिता मम । तत्कथं शापयोग्योऽयं दुष्टं नास्य मनो यतः ॥ 109.17 ॥

athavā'jānatā dhenuriyaṁ vyāpāditā mama tatkathaṁ śāpayogyo'yaṁ duṣṭaṁ nāsya mano yataḥ

अथवा यदि यह गाय मुझसे ही अनजाने में मारी गई है, तो यह कैसे शाप के योग्य है, जबकि इसका मन दुष्ट नहीं था?

श्लोक 18 (markandeya.109.18)

आत्मनो हितमन्विच्छन्बाधते योऽपरं नरः । कर्तव्या मूढविज्ञाने दया तत्र दयालुभिः ॥ 109.18 ॥

ātmano hitamanvicchanbādhate yo'paraṁ naraḥ kartavyā mūḍhavijñāne dayā tatra dayālubhiḥ

जो मनुष्य अपने हित की इच्छा से किसी दूसरे को कष्ट पहुँचाता है, दयालु पुरुषों को ऐसे भ्रमवश हुए अज्ञान में दया ही करनी चाहिए।

श्लोक 19 (markandeya.109.19)

अज्ञानतः कृते दण्डं पातयन्ति बुधा यदि । बुधेभ्यस्तमहं मन्ये वरमज्ञानिनो नराः ॥ 109.19 ॥

ajñānataḥ kṛte daṇḍaṁ pātayanti budhā yadi budhebhyastamahaṁ manye varamajñānino narāḥ

यदि विद्वान लोग अज्ञानवश किए गए कर्म पर भी दंड दें, तो मैं विद्वानों से अज्ञानी मनुष्यों को ही श्रेष्ठ मानता हूँ।

श्लोक 20 (markandeya.109.20)

नाद्य शापस्त्वया देयः पार्थिवस्यास्य पुत्रक । स्वकर्मणैव पतिता गौरेषा दुःखमृत्युना ॥ 109.20 ॥

nādya śāpastvayā deyaḥ pārthivasyāsya putraka svakarmaṇaiva patitā gaureṣā duḥkhamṛtyunā

"हे पुत्र, आज इस राजा को तुम्हें शाप नहीं देना चाहिए था; यह गाय तो अपने ही पूर्वकर्म से दुःखमय मृत्यु को प्राप्त हुई है।"

श्लोक 21 (markandeya.109.21)

मार्कण्डेय उवाच पृषध्रोऽपि मुनेः पुत्रं प्रणम्यानम्रकन्धरः । प्रसीदेति जगादोच्चैरज्ञानाद्घातितेति च ॥ 109.21 ॥

mārkaṇḍeya uvāca pṛṣadhro'pi muneḥ putraṁ praṇamyānamrakandharaḥ prasīdeti jagādoccairajñānādghātiteti ca

मार्कण्डेय ने कहा—पृषध्र ने भी सिर झुकाकर मुनिपुत्र को प्रणाम करते हुए ऊँचे स्वर में कहा—"प्रसन्न होओ, यह अज्ञानवश ही मारी गई थी,

श्लोक 22 (markandeya.109.22)

मया गवयबुद्ध्या गौरवध्या घातिता मुने । अज्ञानाद्धोमधेनुस्ते प्रसीद त्वं च नो मुने ॥ 109.22 ॥

mayā gavayabuddhyā gauravadhyā ghātitā mune ajñānāddhomadhenuste prasīda tvaṁ ca no mune

हे मुने, मैंने नीलगाय समझकर अनजाने में तुम्हारी होमधेनु को मार डाला है; तुम भी प्रसन्न हो जाओ, हे मुने।"

श्लोक 23 (markandeya.109.23)

ऋषिपुत्र उवाच आजन्मनो महीपाल न मया व्याहतं मृषा । क्रोधश्चाद्य महाभाग नान्यथा मे कदाचन ॥ 109.23 ॥

ṛṣiputra uvāca ājanmano mahīpāla na mayā vyāhataṁ mṛṣā krodhaścādya mahābhāga nānyathā me kadācana

ऋषिपुत्र ने कहा—"हे राजन्, मैंने जन्म से लेकर आज तक कभी झूठ नहीं बोला है, और आज का यह क्रोध भी अन्यथा नहीं है—

श्लोक 24 (markandeya.109.24)

तन्नाहमेनं शक्नोमि शापं कर्तुं नृपान्न्यथा । यस्ते समुद्यतः शापो द्वितीयः स निवर्तितः ॥ 109.24 ॥

tannāhamenaṁ śaknomi śāpaṁ kartuṁ nṛpānnyathā yaste samudyataḥ śāpo dvitīyaḥ sa nivartitaḥ

इसलिए, हे राजन्, मैं इस शाप को अन्यथा करने में समर्थ नहीं हूँ; परंतु तुमने जो दूसरा शाप देने के लिए उद्यत किया था, वह मैंने निवृत्त कर दिया है।"

श्लोक 25 (markandeya.109.25)

इत्युक्तवन्तं तं बालमादाय स पिता ततः । जगाम स्वाश्रमं सोऽपि पृषध्रः शूद्रतामगात् ॥ 109.25 ॥

ityuktavantaṁ taṁ bālamādāya sa pitā tataḥ jagāma svāśramaṁ so'pi pṛṣadhraḥ śūdratāmagāt

ऐसा कहने वाले उस बालक को लेकर वह पिता तब अपने आश्रम को चला गया, और वे पृषध्र भी शूद्रता को प्राप्त हो गए।