कृपावती-वृत्तान्त

श्लोक 1 (markandeya.112.1)

तस्मै दत्त्वा ततः शापं नलं क्रुद्धोऽब्रवीद्द्विज । प्रमतिर्भार्गवः कोपात्त्रैलोक्यं निर्दहन्निव ॥ 112.1 ॥

tasmai dattvā tataḥ śāpaṁ nalaṁ kruddho'bravīddvija pramatirbhārgavaḥ kopāttrailokyaṁ nirdahanniva

हे द्विज, उसे (सुदेव को) वह शाप देकर, भार्गव प्रमति ने, मानो क्रोध से तीनों लोकों को जला देने वाला होकर, तब क्रुद्ध होकर नल से कहा—

श्लोक 2 (markandeya.112.2)

मदोन्मत्तो यतो भार्यां भवानत्र ममाश्रमे । बलाद्गृह्णाति भस्मत्वं तस्माद्व्रजतु मा चिरम् ॥ 112.2 ॥

madonmatto yato bhāryāṁ bhavānatra mamāśrame balādgṛhṇāti bhasmatvaṁ tasmādvrajatu mā ciram

"चूँकि तुम मद में उन्मत्त होकर मेरे इस आश्रम में मेरी पत्नी को बलपूर्वक पकड़ रहे हो, इसलिए बिना विलंब के भस्म हो जाओ!"

श्लोक 3 (markandeya.112.3)

तेनोदाहृतमात्रे च वाक्ये तस्मिंस्तदा नलः । देहजेनाग्निना सद्यो भस्मपुञ्जस्तदाऽभवत् ॥ 112.3 ॥

tenodāhṛtamātre ca vākye tasmiṁstadā nalaḥ dehajenāgninā sadyo bhasmapuñjastadā'bhavat

उसके द्वारा वे वचन कहे जाते ही नल अपने ही शरीर से उत्पन्न अग्नि द्वारा तत्काल भस्म का ढेर बन गया।

श्लोक 4 (markandeya.112.4)

दृष्ट्वा प्रभावं तं तस्य सुदेवो विमदस्ततः । प्रणामनम्रः प्राहेदं क्षम्यतां क्षम्यतामिति ॥ 112.4 ॥

dṛṣṭvā prabhāvaṁ taṁ tasya sudevo vimadastataḥ praṇāmanamraḥ prāhedaṁ kṣamyatāṁ kṣamyatāmiti

उसका वह प्रभाव देखकर सुदेव का मद उतर गया; प्रणाम में झुककर उसने कहा—"क्षमा करो, क्षमा करो!

श्लोक 5 (markandeya.112.5)

यदुक्तवांस्त्वां भगवन्सुरापानमदाकुलम् । तत्क्षम्यतां प्रसीद त्वं शापोऽयं विनिवर्त्यताम् ॥ 112.5 ॥

yaduktavāṁstvāṁ bhagavansurāpānamadākulam tatkṣamyatāṁ prasīda tvaṁ śāpo'yaṁ vinivartyatām

हे भगवन्, मदिरापान के मद से व्याकुल होकर मैंने तुमसे जो कहा, उसे क्षमा किया जाए; प्रसन्न हो जाओ, यह शाप वापस लिया जाए।"

श्लोक 6 (markandeya.112.6)

एवं प्रसादितस्तेन प्रमतिः प्राह भार्गवः । गतकोपो नले दग्धे नावनीतेन चेतसा ॥ 112.6 ॥

evaṁ prasāditastena pramatiḥ prāha bhārgavaḥ gatakopo nale dagdhe nāvanītena cetasā

इस प्रकार उसके द्वारा प्रसन्न किए जाने पर भार्गव प्रमति ने कहा, नल के भस्म हो जाने से उनका क्रोध शांत हो चुका था, और उनका चित्त अब कठोर नहीं था—

श्लोक 7 (markandeya.112.7)

नान्यथा भावि तद्वाक्यं यन्मया समुदीरितम् । तथापि ते करिष्यामि प्रसन्नोऽनुग्रहं परम् ॥ 112.7 ॥

nānyathā bhāvi tadvākyaṁ yanmayā samudīritam tathāpi te kariṣyāmi prasanno'nugrahaṁ param

"जो वचन मेरे द्वारा कहा जा चुका है, वह अन्यथा नहीं होगा; फिर भी अब प्रसन्न होकर मैं तुम्हें एक और वरदान दूँगा।

श्लोक 8 (markandeya.112.8)

भविता वैश्यजातीयो भवान्नास्त्यत्र संशयः । भविता क्षत्रियो वैश्यस्तस्मिन्नेवाशु जन्मनि ॥ 112.8 ॥

bhavitā vaiśyajātīyo bhavānnāstyatra saṁśayaḥ bhavitā kṣatriyo vaiśyastasminnevāśu janmani

तुम वैश्य जाति के हो जाओगे, इसमें संदेह नहीं; परंतु उसी जन्म में तुम क्षत्रिय-जन्मा वैश्य बनोगे।

श्लोक 9 (markandeya.112.9)

ग्रहीष्यति बलात्कन्यां यदा ते क्षत्रसम्भवः । तदा त्वं क्षत्रियो वैश्यः स्वगृहीतो भविष्यसि ॥ 112.9 ॥

grahīṣyati balātkanyāṁ yadā te kṣatrasambhavaḥ tadā tvaṁ kṣatriyo vaiśyaḥ svagṛhīto bhaviṣyasi

जब कोई क्षत्रिय-वंशज तुम्हारी कन्या को बलपूर्वक ग्रहण करेगा, तब तुम, वैश्य बना हुआ क्षत्रिय, अपने (मूल स्वरूप) को पुनः प्राप्त कर लोगे।"

श्लोक 10 (markandeya.112.10)

एवं स वैश्यो भूपाल सुदेवोऽस्मत्पिताभवत् । अहं च या महाभाग तत्सर्वं श्रूयतां त्वया ॥ 112.10 ॥

evaṁ sa vaiśyo bhūpāla sudevo'smatpitābhavat ahaṁ ca yā mahābhāga tatsarvaṁ śrūyatāṁ tvayā

हे भूपाल, इस प्रकार वह सुदेव वैश्य होकर हमारा पिता (पूर्वज) बना; और मैं जो हूँ, हे महाभाग, वह सब भी तुम मुझसे सुनो।

श्लोक 11 (markandeya.112.11)

सुरतो नाम राजर्षिः प्रागासीद्गन्धमादने । तपस्वी नियताहारस्त्यक्तसङ्गो वनाश्रयः ॥ 112.11 ॥

surato nāma rājarṣiḥ prāgāsīdgandhamādane tapasvī niyatāhārastyaktasaṅgo vanāśrayaḥ

पूर्वकाल में गन्धमादन पर्वत पर सुरत नाम का एक राजर्षि था—नियमित आहार वाला तपस्वी, आसक्ति-रहित, वन में निवास करने वाला।

श्लोक 12 (markandeya.112.12)

ततः श्येनमुखभ्रष्टां दृष्ट्वैकां शारिकां भुवि । कृपाऽभूज्जनिता मूर्च्छा तथा तस्य महात्मनः ॥ 112.12 ॥

tataḥ śyenamukhabhraṣṭāṁ dṛṣṭvaikāṁ śārikāṁ bhuvi kṛpā'bhūjjanitā mūrcchā tathā tasya mahātmanaḥ

तब भूमि पर एक बाज के मुख से गिरी हुई एक मैना को देखकर उस महात्मा के मन में करुणा उत्पन्न हुई, और वे मूर्च्छित हो गए।

श्लोक 13 (markandeya.112.13)

ततो मूर्च्छावसानेऽहं तस्योत्पन्ना शरीरतः । स मां दृष्ट्वा च जग्राह स्निह्यमानेन चेतसा ॥ 112.13 ॥

tato mūrcchāvasāne'haṁ tasyotpannā śarīrataḥ sa māṁ dṛṣṭvā ca jagrāha snihyamānena cetasā

उस मूर्च्छा के अंत में मैं उनके शरीर से उत्पन्न हुई; मुझे देखकर उन्होंने स्नेहयुक्त चित्त से मुझे उठा लिया।

श्लोक 14 (markandeya.112.14)

यस्मात्कृपाभिभूतस्य मम जातेयमात्मजा । तस्मात्कृपावती नाम्ना भविष्यत्याह स प्रभो ॥ 112.14 ॥

yasmātkṛpābhibhūtasya mama jāteyamātmajā tasmātkṛpāvatī nāmnā bhaviṣyatyāha sa prabho

"चूँकि करुणा से अभिभूत हुए मुझसे यह मेरी पुत्री उत्पन्न हुई है, इसलिए यह कृपावती नाम से प्रसिद्ध होगी"—ऐसा उन्होंने कहा, हे प्रभो।

श्लोक 15 (markandeya.112.15)

ततोऽहमाश्रमे तस्य वर्धमाना दिवानिशम् । सखीभिः सह तुल्याभिर्विचरामि वनानि च ॥ 112.15 ॥

tato'hamāśrame tasya vardhamānā divāniśam sakhībhiḥ saha tulyābhirvicarāmi vanāni ca

तब मैं उनके आश्रम में रात-दिन बढ़ती हुई अपने समान सखियों के साथ वनों में विचरण करती थी।

श्लोक 16 (markandeya.112.16)

ततो मुनेरगस्त्यस्य भ्रातागस्त्य इति श्रुतः । स चिन्वन्कानने वन्यं सखीभिः कोपितोऽशपत् ॥ 112.16 ॥

tato muneragastyasya bhrātāgastya iti śrutaḥ sa cinvankānane vanyaṁ sakhībhiḥ kopito'śapat

एक बार मुनि अगस्त्य के भाई ने, जो अगस्त्य नाम से ही प्रसिद्ध था, वन में वन्य-पदार्थ बटोरते हुए, मेरी सखियों द्वारा कुपित होकर मुझे शाप दे दिया—

श्लोक 17 (markandeya.112.17)

यस्मान्मां वैश्य इत्याह भवती तेन ते शपे । वैश्या भविष्यसीत्युक्ते प्रसाद्योक्तो मया मुनिः । । नापराधं कृतवती तवाहं द्विजसत्तम । अन्यासामपराधेन किमर्थं शप्तवानसि ॥ 112.17 ॥

yasmānmāṁ vaiśya ityāha bhavatī tena te śape vaiśyā bhaviṣyasītyukte prasādyokto mayā muniḥ | nāparādhaṁ kṛtavatī tavāhaṁ dvijasattama anyāsāmaparādhena kimarthaṁ śaptavānasi

"चूँकि तुमने मुझे वैश्य कहा है, इसलिए मैं तुम्हें शाप देता हूँ—तुम वैश्य-कन्या हो जाओगी!" ऐसा कहे जाने पर मैंने उस मुनि को प्रसन्न करते हुए कहा—"हे द्विजसत्तम, मैंने तुम्हारा कोई अपराध नहीं किया; दूसरों के अपराध के लिए तुमने मुझे क्यों शाप दिया?"

श्लोक 18 (markandeya.112.18)

ऋषिरुवाच दुष्टतां दुष्टसंसर्गाददुष्टमपि गच्छति । सुराबिन्दुनिपातेन पञ्चगव्यघटो यथा ॥ 112.18 ॥

ṛṣiruvāca duṣṭatāṁ duṣṭasaṁsargādaduṣṭamapi gacchati surābindunipātena pañcagavyaghaṭo yathā

ऋषि ने कहा—"दुष्टों के संसर्ग से अदुष्ट भी दुष्टता को प्राप्त हो जाता है, जैसे मदिरा की एक बूँद गिरने से पंचगव्य का घड़ा भी दूषित हो जाता है।

श्लोक 19 (markandeya.112.19)

प्रणिपत्य ह्यनिष्टोऽपि यत्त्वयाहं प्रसादितः । तस्मादनुग्रहं बाले शृणुष्व च करोम्यहम् ॥ 112.19 ॥

praṇipatya hyaniṣṭo'pi yattvayāhaṁ prasāditaḥ tasmādanugrahaṁ bāle śṛṇuṣva ca karomyaham

फिर भी, चूँकि तुमने प्रणिपात करके, यद्यपि मैं अनिच्छुक था, मुझे प्रसन्न कर लिया है, इसलिए हे बाले, सुनो, मैं तुम्हें अनुग्रह प्रदान करता हूँ।

श्लोक 20 (markandeya.112.20)

वैश्ययोनौ यदा जाता त्वं पुत्रं बोधयिष्यसि । राज्याय जातिस्मरतां तदा त्वं समवाप्स्यसि ॥ 112.20 ॥

vaiśyayonau yadā jātā tvaṁ putraṁ bodhayiṣyasi rājyāya jātismaratāṁ tadā tvaṁ samavāpsyasi

जब तुम वैश्य-योनि में जन्म लेकर राज्य-प्राप्ति के लिए अपने पुत्र को (पूर्वजन्म का) बोध कराओगी, तब तुम स्वयं भी जातिस्मरता (पूर्वजन्म-स्मृति) को प्राप्त कर लोगी।

श्लोक 21 (markandeya.112.21)

ततो भूयः क्षत्रजातिं प्राप्ता त्वं पतिना सह । दिव्यानवाप्स्यसे भोगान्गच्छ भीतिरपैतु ते ॥ 112.21 ॥

tato bhūyaḥ kṣatrajātiṁ prāptā tvaṁ patinā saha divyānavāpsyase bhogāngaccha bhītirapaitu te

उसके बाद पति सहित पुनः क्षत्रिय-जाति को प्राप्त होकर तुम दिव्य भोगों को प्राप्त करोगी; जाओ, तुम्हारा भय दूर हो।"

श्लोक 22 (markandeya.112.22)

एवं शप्तास्मि राजेन्द्र तेन पूर्वं महर्षिणा । पिता च मे पूर्वमेवं शप्तः प्रमतिनाऽभवत् ॥ 112.22 ॥

evaṁ śaptāsmi rājendra tena pūrvaṁ maharṣiṇā pitā ca me pūrvamevaṁ śaptaḥ pramatinā'bhavat

हे राजेन्द्र, इस प्रकार मैं पूर्वकाल में उस महर्षि द्वारा शापित हुई थी; और मेरे पिता भी पहले इसी प्रकार प्रमति द्वारा शापित हुए थे।

श्लोक 23 (markandeya.112.23)

एवं वैश्यो न राजंस्त्वं न च वैश्यः पिता मम । न त्वं हि मय्यदुष्टायामदुष्टो दुष्यसे कथम् ॥ 112.23 ॥

evaṁ vaiśyo na rājaṁstvaṁ na ca vaiśyaḥ pitā mama na tvaṁ hi mayyaduṣṭāyāmaduṣṭo duṣyase katham

इस प्रकार, हे राजन्, न तो तुम वैश्य हो और न मेरे पिता वैश्य थे; और जब मैं स्वयं दोषरहित हूँ, तो तुम, जो निर्दोष हो, मुझसे कैसे दूषित हो सकते हो?"