खनित्र-चरित

श्लोक 1 (markandeya.114.1)

मार्कण्डेय उवाच तस्य तस्यां सुनन्दायां पुत्रा द्वादश जज्ञिरे । प्रांशुः प्रवीरः शूरश्च सुचक्रो विक्रमः क्रमः ॥ 114.1 ॥

mārkaṇḍeya uvāca tasya tasyāṁ sunandāyāṁ putrā dvādaśa jajñire prāṁśuḥ pravīraḥ śūraśca sucakro vikramaḥ kramaḥ

मार्कण्डेय ने कहा—उस वत्सप्री को उस सुनन्दा से बारह पुत्र उत्पन्न हुए—प्रांशु, प्रवीर, शूर, सुचक्र, विक्रम, क्रम,

श्लोक 2 (markandeya.114.2)

बली बलाकश्चण्डश्च प्रचण्डश्च सुविक्रमः । सुनयश्च महाभागाः सर्वे संग्रामजित्तमाः ॥ 114.2 ॥

balī balākaścaṇḍaśca pracaṇḍaśca suvikramaḥ sunayaśca mahābhāgāḥ sarve saṁgrāmajittamāḥ

बली, बलाक, चण्ड, प्रचण्ड, सुविक्रम, और सुनय—सभी महाभाग्यशाली, संग्राम में विजय पाने वालों में श्रेष्ठ।

श्लोक 3 (markandeya.114.3)

तेषां ज्येष्ठो महावीर्यः प्रांशुरासीन्नराधिपः । इतरे भृत्यवत्तस्य बभूवुर्वशवर्त्तिनः ॥ 114.3 ॥

teṣāṁ jyeṣṭho mahāvīryaḥ prāṁśurāsīnnarādhipaḥ itare bhṛtyavattasya babhūvurvaśavarttinaḥ

उनमें सबसे बड़ा, महापराक्रमी प्रांशु राजा बना; अन्य सब उसके सेवक के समान उसके अधीन हो गए।

श्लोक 4 (markandeya.114.4)

तस्य यज्ञे द्विजत्यक्तैरनेकैर्द्रव्यराशिभिः । न्यूनवर्णविसृष्टैश्च सत्यनामा वसुन्धरा ॥ 114.4 ॥

tasya yajñe dvijatyaktairanekairdravyarāśibhiḥ nyūnavarṇavisṛṣṭaiśca satyanāmā vasundharā

उसके यज्ञ में ब्राह्मणों द्वारा छोड़े गए और निम्न वर्णों को भी बाँटे गए अनेक द्रव्य-राशियों से पृथ्वी अपने नाम (वसुन्धरा) को सार्थक करने वाली बनी।

श्लोक 5 (markandeya.114.5)

सम्यक्पालयतस्तस्य प्रजाः पुत्रानिवौरसान् । योऽभूद्धनचयः कोशे तेन निष्पादितास्तु ये ॥ 114.5 ॥

samyakpālayatastasya prajāḥ putrānivaurasān yo'bhūddhanacayaḥ kośe tena niṣpāditāstu ye

अपनी प्रजा को औरस पुत्रों के समान भलीभाँति पालने वाले उसके कोश में जो भी धन-संचय था, उसी से ये सम्पन्न हुए—

श्लोक 6 (markandeya.114.6)

क्रतवः शतं सहस्रास्ते तेषां संख्या न विद्यते । अयुताद्येन कोटीभिर्न च पद्मादिभिर्मुने ॥ 114.6 ॥

kratavaḥ śataṁ sahasrāste teṣāṁ saṁkhyā na vidyate ayutādyena koṭībhirna ca padmādibhirmune

एक लाख क्रतु (यज्ञ), जिनकी संख्या ज्ञात नहीं है—न अयुत से, न करोड़ों से, और न ही पद्म आदि संख्याओं से भी, हे मुने।

श्लोक 7 (markandeya.114.7)

प्रजातिस्तस्य षुत्रोऽभूद्यस्य यज्ञे शतक्रतुः । अवाप्य तृप्तिमतुलां यज्ञभागैः सुरैः सह ॥ 114.7 ॥

prajātistasya ṣutro'bhūdyasya yajñe śatakratuḥ avāpya tṛptimatulāṁ yajñabhāgaiḥ suraiḥ saha

प्रांशु का पुत्र प्रजाति हुआ, जिसके यज्ञ में शतक्रतु (इन्द्र) ने देवताओं सहित यज्ञ-भाग से अनुपम तृप्ति प्राप्त करके,

श्लोक 8 (markandeya.114.8)

दानवानां सुवीर्याणां जघान नवतीर्नव । बलं च बलिनां श्रेष्ठो जम्भं चासुरसत्तमम् ॥ 114.8 ॥

dānavānāṁ suvīryāṇāṁ jaghāna navatīrnava balaṁ ca balināṁ śreṣṭho jambhaṁ cāsurasattamam

अत्यंत पराक्रमी निन्यानबे दानवों का वध किया; और बलशालियों में श्रेष्ठ उसने असुरश्रेष्ठ जम्भ का भी वध किया।

श्लोक 9 (markandeya.114.9)

अन्यांश्च सुमहावीर्यानाजघानामरद्विषः । प्रजातेस्तनयाः पञ्च खनित्रप्रमुखा मुने ॥ 114.9 ॥

anyāṁśca sumahāvīryānājaghānāmaradviṣaḥ prajātestanayāḥ pañca khanitrapramukhā mune

और उसने देवताओं के अन्य महापराक्रमी शत्रुओं का भी वध किया। हे मुने, प्रजाति के पाँच पुत्र हुए, जिनमें खनित्र प्रमुख था।

श्लोक 10 (markandeya.114.10)

तेषां खनित्रो राजाभूत्प्रख्यातो निजविक्रमैः । स शान्तः सत्यवाक्छूरः सर्वप्राणिहिते रतः ॥ 114.10 ॥

teṣāṁ khanitro rājābhūtprakhyāto nijavikramaiḥ sa śāntaḥ satyavākchūraḥ sarvaprāṇihite rataḥ

उनमें खनित्र राजा बना, जो अपने पराक्रम से विख्यात था; वह शांत, सत्यवादी, शूर, और समस्त प्राणियों के हित में रत था।

श्लोक 11 (markandeya.114.11)

स्वधर्माभिरतो नित्यं वृद्धसेवी बहुश्रुतः । वाग्मी विनयसम्पन्नः कृतास्त्रोऽप्यविकत्थनः ॥ 114.11 ॥

svadharmābhirato nityaṁ vṛddhasevī bahuśrutaḥ vāgmī vinayasampannaḥ kṛtāstro'pyavikatthanaḥ

वह सदा अपने धर्म में रत, वृद्धों की सेवा करने वाला, बहुश्रुत, वाक्पटु, विनयसंपन्न था; अस्त्रकुशल होते हुए भी अहंकारहीन था।

श्लोक 12 (markandeya.114.12)

सर्वलोकप्रियो नित्यमुवाचैतदहर्निशम् । नन्दन्तु सर्वभूतानि स्निह्यन्तु विजनेष्वपि ॥ 114.12 ॥

sarvalokapriyo nityamuvācaitadaharniśam nandantu sarvabhūtāni snihyantu vijaneṣvapi

समस्त लोक का प्रिय वह सदा दिन-रात यह कहा करता था—"समस्त प्राणी आनंदित हों, वे अकेले (मित्रहीन) लोगों पर भी स्नेह करें;

श्लोक 13 (markandeya.114.13)

स्वस्त्यस्तु सर्वभूतेषु निरातङ्कानि सन्तु च । मा व्याधिरस्तु भूतानामाधयो न भवन्तु च ॥ 114.13 ॥

svastyastu sarvabhūteṣu nirātaṅkāni santu ca mā vyādhirastu bhūtānāmādhayo na bhavantu ca

समस्त प्राणियों का कल्याण हो, वे भय-रहित हों; प्राणियों को व्याधि न हो, और उन्हें मानसिक पीड़ा भी न हो।

श्लोक 14 (markandeya.114.14)

मैत्रीमशेषभूतानि पुष्यन्तु सकले जने । शिवमस्तु द्विजातीनां प्रीतिरस्तु परस्परम् ॥ 114.14 ॥

maitrīmaśeṣabhūtāni puṣyantu sakale jane śivamastu dvijātīnāṁ prītirastu parasparam

समस्त प्राणी सभी लोगों में मैत्री को पुष्ट करें; द्विजों का कल्याण हो, और सबका परस्पर स्नेह हो।

श्लोक 15 (markandeya.114.15)

समृद्धिः सर्ववर्णानां सिद्धिरस्तु च कर्मणाम् । भो लोकाः सर्वभूतेषु शिवा वोऽस्तु सदा मतिः ॥ 114.15 ॥

samṛddhiḥ sarvavarṇānāṁ siddhirastu ca karmaṇām bho lokāḥ sarvabhūteṣu śivā vo'stu sadā matiḥ

सभी वर्णों की समृद्धि हो, और कर्मों की सिद्धि हो; हे लोगो, समस्त प्राणियों के प्रति तुम्हारी बुद्धि सदा कल्याणकारी हो।

श्लोक 16 (markandeya.114.16)

यथात्मनि यथा पुत्रे हितमिच्छथ सर्वदा । तथा समस्तभूतेषु वर्त्तध्वं हितबुद्धयः ॥ 114.16 ॥

yathātmani yathā putre hitamicchatha sarvadā tathā samastabhūteṣu varttadhvaṁ hitabuddhayaḥ

जैसे तुम सदा अपने और अपने पुत्र के हित की इच्छा करते हो, वैसे ही समस्त प्राणियों के प्रति हितकारी बुद्धि रखकर आचरण करो।

श्लोक 17 (markandeya.114.17)

एतद्वो हितमत्यन्तं को वा कस्यापराध्यते । यत्करोत्यहितं किञ्चित्कस्यचिन्मूढमानसः ॥ 114.17 ॥

etadvo hitamatyantaṁ ko vā kasyāparādhyate yatkarotyahitaṁ kiñcitkasyacinmūḍhamānasaḥ

यही तुम्हारा परम हित है—वस्तुतः कौन किसका अपराधी है, जब कोई मूढ़-चित्त व्यक्ति ही किसी का कुछ अहित करता है?

श्लोक 18 (markandeya.114.18)

तं समभ्येति तन्न्यूनं कर्तृगामिफलं यतः । इति मत्वा समस्तेषु भो लोका हितबुद्धयः ॥ 114.18 ॥

taṁ samabhyeti tannyūnaṁ kartṛgāmiphalaṁ yataḥ iti matvā samasteṣu bho lokā hitabuddhayaḥ

वह न्यूनता (हानि) उसी को प्राप्त होती है, क्योंकि फल कर्ता के पास ही लौटता है; ऐसा जानकर, हे लोगो, समस्त प्राणियों के प्रति हितकारी बुद्धि रखो।

श्लोक 19 (markandeya.114.19)

सन्तु मा लौकिकं पापं लोकाः प्राप्स्यथ वै बुधाः । यो मेऽद्य स्निह्यते तस्य शिवमस्तु सदा भुवि ॥ 114.19 ॥

santu mā laukikaṁ pāpaṁ lokāḥ prāpsyatha vai budhāḥ yo me'dya snihyate tasya śivamastu sadā bhuvi

लौकिक पाप न हो, हे बुधजनो, तुम शुभ लोकों को प्राप्त करोगे; जो आज मुझसे स्नेह करता है, उसका इस पृथ्वी पर सदा कल्याण हो,

श्लोक 20 (markandeya.114.20)

यश्च मां द्वेष्टि लोकेऽस्मिन्सोऽपि भद्राणि पश्यतु । एवं स्वरूपः पुत्रोऽभूत्खनित्रस्तस्य भूपते ॥ 114.20 ॥

yaśca māṁ dveṣṭi loke'sminso'pi bhadrāṇi paśyatu evaṁ svarūpaḥ putro'bhūtkhanitrastasya bhūpate

और जो इस लोक में मुझसे द्वेष करता है, वह भी शुभ ही देखे।" ऐसे स्वभाव वाला वह पुत्र, हे राजन्, प्रजाति का खनित्र हुआ।

श्लोक 21 (markandeya.114.21)

समस्तगुणसम्पन्नः श्रीमानब्जदलेक्षणः । तेन ते भ्रातरः प्रीत्या पृथग्राज्येषु योजिताः ॥ 114.21 ॥

samastaguṇasampannaḥ śrīmānabjadalekṣaṇaḥ tena te bhrātaraḥ prītyā pṛthagrājyeṣu yojitāḥ

समस्त गुणों से संपन्न, श्रीमान्, कमल-दल के समान नेत्रों वाला—उसने अपने भाइयों को प्रेमपूर्वक अलग-अलग राज्यों में स्थापित किया,

श्लोक 22 (markandeya.114.22)

स्वयं च पृथिवीमेतां बुभुजे सागराम्बराम् । प्राच्यां तेन कृतः शौरिर्दक्षिणस्यामुदावसुः ॥ 114.22 ॥

svayaṁ ca pṛthivīmetāṁ bubhuje sāgarāmbarām prācyāṁ tena kṛtaḥ śaurirdakṣiṇasyāmudāvasuḥ

और स्वयं इस समुद्र-वसना पृथ्वी को भोगता रहा। उसने पूर्व दिशा में शौरि को, और दक्षिण दिशा में उदावसु को स्थापित किया।

श्लोक 23 (markandeya.114.23)

दिशि प्रतीच्यां मुनय उत्तरस्यां महारथाः । तेषां तस्य च भूपस्य पृथग्गोत्राः पुरोहिताः ॥ 114.23 ॥

diśi pratīcyāṁ munaya uttarasyāṁ mahārathāḥ teṣāṁ tasya ca bhūpasya pṛthaggotrāḥ purohitāḥ

पश्चिम दिशा में मुनियों को, और उत्तर दिशा में महारथियों को स्थापित किया। उनके तथा उस राजा के भी अलग-अलग गोत्रों के पुरोहित थे,

श्लोक 24 (markandeya.114.24)

बभूवुर्मुनयश्चैव मन्त्रिवंशक्रमागताः । शौरेरत्रिकुलोद्भूतः सुहोत्रो नाम वै द्विजः ॥ 114.24 ॥

babhūvurmunayaścaiva mantrivaṁśakramāgatāḥ śaureratrikulodbhūtaḥ suhotro nāma vai dvijaḥ

जो मुनि भी थे और मन्त्रि-वंश-परंपरा से चले आए भी थे। शौरि का पुरोहित अत्रि-कुल में उत्पन्न सुहोत्र नामक द्विज था।

श्लोक 25 (markandeya.114.25)

उदावसोः कुशावर्त्तो गौतमान्वयजोऽभवत् । काश्यपः प्रमतिर्नाम सुनयस्य पुरोहितः ॥ 114.25 ॥

udāvasoḥ kuśāvartto gautamānvayajo'bhavat kāśyapaḥ pramatirnāma sunayasya purohitaḥ

उदावसु का पुरोहित गौतम वंश में उत्पन्न कुशावर्त था। सुनय का पुरोहित काश्यप गोत्र का प्रमति नामक ब्राह्मण था।

श्लोक 26 (markandeya.114.26)

महारथस्य वासिष्ठः पुरोधाऽभून्महीभृतः । बुभुजुस्ते स्वराज्यानि चत्वारोऽपि नराधिपाः ॥ 114.26 ॥

mahārathasya vāsiṣṭhaḥ purodhā'bhūnmahībhṛtaḥ bubhujuste svarājyāni catvāro'pi narādhipāḥ

महारथ का पुरोहित उस राजा का वासिष्ठ (वसिष्ठ-वंशी) पुरोहित था। इस प्रकार वे चारों ही राजा अपने-अपने राज्यों को भोगते थे।

श्लोक 27 (markandeya.114.27)

खनित्रश्चाधिपस्तेषामशेषवसुधाधिपः । तेषु भ्रातृष्वशेषेषु खनित्रः स महीपतिः ॥ 114.27 ॥

khanitraścādhipasteṣāmaśeṣavasudhādhipaḥ teṣu bhrātṛṣvaśeṣeṣu khanitraḥ sa mahīpatiḥ

और खनित्र उनका अधिपति था, समस्त पृथ्वी का स्वामी। उन सभी भाइयों में, वह खनित्र, पृथ्वी का वह स्वामी,

श्लोक 28 (markandeya.114.28)

प्रजासु च समस्तासु पुत्रेष्विव सदा हितः । एकदा मन्त्रिणा शौरिः स प्रोक्तो विश्ववेदिना ॥ 114.28 ॥

prajāsu ca samastāsu putreṣviva sadā hitaḥ ekadā mantriṇā śauriḥ sa prokto viśvavedinā

समस्त प्रजा के प्रति सदा पुत्रों के समान हितकारी था। एक बार उस शौरि को उसके मन्त्री विश्ववेदी ने कहा—

श्लोक 29 (markandeya.114.29)

विविक्ते पृथिवीपाल किञ्चिद्वक्तव्यमस्ति नः । यस्येयं पृथिवी कृत्स्ना यस्य भूपा वशानुगाः ॥ 114.29 ॥

vivikte pṛthivīpāla kiñcidvaktavyamasti naḥ yasyeyaṁ pṛthivī kṛtsnā yasya bhūpā vaśānugāḥ

"हे पृथ्वीपाल, एकांत में हमें कुछ कहना है। जिसकी यह समस्त पृथ्वी है, जिसके अधीन सभी राजा हैं,

श्लोक 30 (markandeya.114.30)

स राजा तस्य पुत्रश्च तत्पौत्राश्चान्वयस्ततः । इतरे भ्रातरस्तस्य प्राक्त्वल्पविषयाधिपाः ॥ 114.30 ॥

sa rājā tasya putraśca tatpautrāścānvayastataḥ itare bhrātarastasya prāktvalpaviṣayādhipāḥ

वही राजा है, और उसका पुत्र, और उससे आगे उसके पौत्र भी वंश-क्रम से (उसी पद के अधिकारी हैं)। उसके अन्य भाई तो पहले से ही छोटे-छोटे प्रदेशों के स्वामी थे;

श्लोक 31 (markandeya.114.31)

तत्पुत्राश्चाल्पकास्तस्मात्तत्पौत्राश्चाल्पकाल्पकाः । कालेन ह्रासमासाद्य पुरुषात्पुरुषान्तरम् ॥ 114.31 ॥

tatputrāścālpakāstasmāttatpautrāścālpakālpakāḥ kālena hrāsamāsādya puruṣātpuruṣāntaram

उनके पुत्र उससे भी छोटे, और उनके पौत्र उससे भी अधिक छोटे—समय के साथ ह्रास को प्राप्त होते हुए, एक पुरुष से दूसरे पुरुष तक।

श्लोक 32 (markandeya.114.32)

कृष्योपजीविनो भूप भवन्तीति तदन्वयाः । नोद्धारं कुरुते भ्राता भ्रातृस्नेहबलार्पणः ॥ 114.32 ॥

kṛṣyopajīvino bhūpa bhavantīti tadanvayāḥ noddhāraṁ kurute bhrātā bhrātṛsnehabalārpaṇaḥ

हे राजन्, इस प्रकार उनकी संतानें कृषि पर जीवन-निर्वाह करने वाली बन जाती हैं। भाई केवल भाई-स्नेह के बल पर ही भाई का उद्धार नहीं करता।

श्लोक 33 (markandeya.114.33)

स्नेहः कः पृथिवीपाल परयोर्भ्रातृपुत्रयोः । तत्पुत्रयोः परतरा मतिर्भवति पार्थिव ॥ 114.33 ॥

snehaḥ kaḥ pṛthivīpāla parayorbhrātṛputrayoḥ tatputrayoḥ paratarā matirbhavati pārthiva

हे पृथ्वीपाल, दूर के दो भाई-पुत्रों (चचेरे भाइयों) में भी क्या स्नेह होता है? उनके पुत्रों में तो, हे राजन्, वह भावना और भी दूर हो जाती है।

श्लोक 34 (markandeya.114.34)

तत्पुत्रः केन कार्येण प्रीतियुक्तो भविष्यति । अथवा येन तेनैव सन्तोषं कुरुते नृपः ॥ 114.34 ॥

tatputraḥ kena kāryeṇa prītiyukto bhaviṣyati athavā yena tenaiva santoṣaṁ kurute nṛpaḥ

उस (दूर के) पुत्र में किस कारण से स्नेह उत्पन्न होगा? अथवा जो कुछ भी उसे मिलता है, उसी में राजा संतोष कर लेता है।

श्लोक 35 (markandeya.114.35)

क्रियते तत्किमर्थं तु भूपैर्मन्त्रिपरिग्रहः । भुज्यते सकलं राज्यं मया ते मन्त्रिणा सता ॥ 114.35 ॥

kriyate tatkimarthaṁ tu bhūpairmantriparigrahaḥ bhujyate sakalaṁ rājyaṁ mayā te mantriṇā satā

तो फिर राजाओं द्वारा मन्त्रियों को नियुक्त क्यों किया जाता है? सम्पूर्ण राज्य तो मुझ, आपके निष्ठावान मन्त्री, द्वारा ही भोगा जा रहा है—

श्लोक 36 (markandeya.114.36)

तत्किं मुधा धारयसे सन्तोषं कुरुते यदि । कार्यनिष्पादकं राज्यं करणं कर्तुरिष्यते ॥ 114.36 ॥

tatkiṁ mudhā dhārayase santoṣaṁ kurute yadi kāryaniṣpādakaṁ rājyaṁ karaṇaṁ karturiṣyate

तो फिर तुम इसे व्यर्थ ही क्यों धारण करते हो? यदि इसी से संतोष होता है, तो सोचिए: राज्य तो कार्य-सिद्धि का साधन माना जाता है, और साधन कर्ता के लिए ही होता है।

श्लोक 37 (markandeya.114.37)

राज्यलब्धुश्च ते कार्यं त्वं कर्त्ता करणं वयम् । सोऽस्माभिः करणै राज्यं पितृपैतामहं कुरु । । फलप्रदा भविष्यामः परलोकेन ते वयम् ॥ 114.37 ॥

rājyalabdhuśca te kāryaṁ tvaṁ karttā karaṇaṁ vayam so'smābhiḥ karaṇai rājyaṁ pitṛpaitāmahaṁ kuru | phalapradā bhaviṣyāmaḥ paralokena te vayam

राज्य पाने वाले का ही प्रयोजन है, आप ही कर्ता हैं, हम तो केवल साधन हैं। तो हमें साधन बनाकर पितरों-पितामहों का यह राज्य अपने अधीन कर लीजिए—फिर हम आपके लिए परलोक में फलदाता बनेंगे।"

श्लोक 38 (markandeya.114.38)

राजोवाच ज्येष्ठो भ्राता महीपालो वयं तस्यानुजा यतः । ततः स भुङ्क्ते पृथिवीं वयं चाल्पवसुन्धराम् ॥ 114.38 ॥

rājovāca jyeṣṭho bhrātā mahīpālo vayaṁ tasyānujā yataḥ tataḥ sa bhuṅkte pṛthivīṁ vayaṁ cālpavasundharām

राजा ने कहा—"ज्येष्ठ भ्राता ही पृथ्वी का स्वामी है, क्योंकि हम उसके अनुज हैं; इसलिए वही समस्त पृथ्वी भोगता है और हम केवल एक छोटा-सा भूभाग।

श्लोक 39 (markandeya.114.39)

वयं तु भ्रातरः पञ्च पृथ्वी चैका महामते । अतोऽस्याः पृथगैश्वर्यं कथं कृत्स्नं भविष्यति ॥ 114.39 ॥

vayaṁ tu bhrātaraḥ pañca pṛthvī caikā mahāmate ato'syāḥ pṛthagaiśvaryaṁ kathaṁ kṛtsnaṁ bhaviṣyati

हे महामते, हम तो पाँच भाई हैं और पृथ्वी एक ही है; तो फिर इसका पृथक्-पृथक् सम्पूर्ण ऐश्वर्य कैसे संभव होगा?"

श्लोक 40 (markandeya.114.40)

विश्ववेद्युवाच एवमेतद्भवत्वत्र यद्येका वसुधा नृप । तां त्वमेवाभिपद्यस्व ज्येष्ठः शास्तु यथा भवान् ॥ 114.40 ॥

viśvavedyuvāca evametadbhavatvatra yadyekā vasudhā nṛpa tāṁ tvamevābhipadyasva jyeṣṭhaḥ śāstu yathā bhavān

विश्ववेदी ने कहा—"हे राजन्, ऐसा ही हो—यदि पृथ्वी एक ही है, तो तुम ही इसे अपने अधीन कर लो; ज्येष्ठ होने के कारण तुम्हीं इसका शासन करो, जैसा उचित हो।

श्लोक 41 (markandeya.114.41)

सर्वाधिपत्यः सर्वेभ्यो भव त्वमखिलेश्वरः । यतन्ते च यथाहं ते तेषामपि हि मन्त्रिणः ॥ 114.41 ॥

sarvādhipatyaḥ sarvebhyo bhava tvamakhileśvaraḥ yatante ca yathāhaṁ te teṣāmapi hi mantriṇaḥ

तुम सबके अधिपति, समस्त के स्वामी बन जाओ; और उनके मन्त्री भी वैसे ही प्रयत्न करेंगे जैसे मैं करता हूँ।"

श्लोक 42 (markandeya.114.42)

राजोवाच ज्येष्ठो राजा यथा प्रीत्या भजतेऽस्मान्सुतानिव । कथं तस्य करिष्यामि ममत्वं जगतीगतम् ॥ 114.42 ॥

rājovāca jyeṣṭho rājā yathā prītyā bhajate'smānsutāniva kathaṁ tasya kariṣyāmi mamatvaṁ jagatīgatam

राजा ने कहा—"ज्येष्ठ राजा जिस प्रकार प्रेमपूर्वक हमें पुत्रों के समान मानता है, उसकी वस्तु के प्रति मैं ममत्व कैसे रखूँ जो सारे जगत् की है?"

श्लोक 43 (markandeya.114.43)

विश्ववेद्युवाच राज्ये स्थितः पूजयेथा ज्येष्ठं भूपार्हणैर्धनैः । कनिष्ठज्येष्ठता केयं राज्यं प्रार्थयतां नृणाम् ॥ 114.43 ॥

viśvavedyuvāca rājye sthitaḥ pūjayethā jyeṣṭhaṁ bhūpārhaṇairdhanaiḥ kaniṣṭhajyeṣṭhatā keyaṁ rājyaṁ prārthayatāṁ nṛṇām

विश्ववेदी ने कहा—"अपने ही राज्य में स्थित रहते हुए तुम राजोचित उपहारों और धन से ज्येष्ठ का सम्मान करते रहो। राज्य चाहने वालों के लिए यह छोटे-बड़े का भेद ही क्या है?"

श्लोक 44 (markandeya.114.44)

मार्कण्डेय उवाच तथेति च प्रतिज्ञाते भूभुजा तेन सत्तम । विश्ववेदी ततो मन्त्री तद् भ्रातॄननयद्वशम् ॥ 114.44 ॥

mārkaṇḍeya uvāca tatheti ca pratijñāte bhūbhujā tena sattama viśvavedī tato mantrī tad bhrātṝnanayadvaśam

मार्कण्डेय ने कहा—हे सत्तम, इस प्रकार उस राजा द्वारा "तथास्तु" कहे जाने पर मन्त्री विश्ववेदी ने तब अन्य भाइयों को भी अपने वश में कर लिया।

श्लोक 45 (markandeya.114.45)

तेषां पुरोहितांश्चैव आत्मनः शान्तिकादिषु । नियोजयामास ततः खनित्रस्याभिचारके ॥ 114.45 ॥

teṣāṁ purohitāṁścaiva ātmanaḥ śāntikādiṣu niyojayāmāsa tataḥ khanitrasyābhicārake

उसने उनके पुरोहितों को भी अपनी शांति आदि क्रियाओं में, और फिर खनित्र के विरुद्ध अभिचार (मारण-प्रयोग) में नियुक्त कर दिया।

श्लोक 46 (markandeya.114.46)

विभेद तस्य निभृतान्सामदानादिभिस्तथा । चक्रे च परमोद्योगं निजदण्डप्रभावने ॥ 114.46 ॥

vibheda tasya nibhṛtānsāmadānādibhistathā cakre ca paramodyogaṁ nijadaṇḍaprabhāvane

उसने सामनीति और दान आदि उपायों से उसके विश्वस्त सेवकों में फूट डाली, और अपने दण्ड (शक्ति) के प्रभाव को बढ़ाने में परम प्रयत्न किया।

श्लोक 47 (markandeya.114.47)

आभिचारिकमत्युग्रमहन्यहनि कुर्वताम् । पुरोधसां चतुर्णां च जज्ञे कृत्याचतुष्टयम् ॥ 114.47 ॥

ābhicārikamatyugramahanyahani kurvatām purodhasāṁ caturṇāṁ ca jajñe kṛtyācatuṣṭayam

जब वे चारों पुरोहित प्रतिदिन अत्यंत उग्र अभिचार-कर्म करते रहे, तब उनसे एक चतुर्विध कृत्या (अभिचार-देवी) उत्पन्न हुई—

श्लोक 48 (markandeya.114.48)

विकरालं महावक्त्रमतिभीषणदर्शनम् । समुद्यतमहाशूलं प्रभूतमतिदारुणम् ॥ 114.48 ॥

vikarālaṁ mahāvaktramatibhīṣaṇadarśanam samudyatamahāśūlaṁ prabhūtamatidāruṇam

विकराल, विशाल मुख वाली, अत्यंत भयानक दिखने वाली, विशाल त्रिशूल उठाए हुए, प्रचंड और अत्यंत भयावह।

श्लोक 49 (markandeya.114.49)

ततस्तदागतं तत्र खनित्रो यत्र पार्थिवः । निरस्तं चाप्यदुष्टस्य तस्य पुण्यचयेन तत् ॥ 114.49 ॥

tatastadāgataṁ tatra khanitro yatra pārthivaḥ nirastaṁ cāpyaduṣṭasya tasya puṇyacayena tat

तब वह वहाँ आई, जहाँ राजा खनित्र थे; परंतु उस निर्दोष के पुण्य-संचय के कारण वह वहाँ से निरस्त हो गई।

श्लोक 50 (markandeya.114.50)

कृत्याचतुष्टयं तेषु निपपात दुरात्मसु । पुरोहितेषु भूपानां तथा वै विश्ववेदिनि ॥ 114.50 ॥

kṛtyācatuṣṭayaṁ teṣu nipapāta durātmasu purohiteṣu bhūpānāṁ tathā vai viśvavedini

वह चतुर्विध कृत्या तब उन्हीं दुरात्माओं पर—राजाओं के उन पुरोहितों पर, तथा विश्ववेदी पर भी—जा गिरी।

श्लोक 51 (markandeya.114.51)

ततो निहन्त्या निर्दग्धाः कृत्यया ते पुरोहिताः । विश्ववेदी तथा मन्त्री स शौरेर्दुष्टमन्त्रदः ॥ 114.51 ॥

tato nihantyā nirdagdhāḥ kṛtyayā te purohitāḥ viśvavedī tathā mantrī sa śaurerduṣṭamantradaḥ

तब वे पुरोहित उसी कृत्या द्वारा भस्म कर दिए गए, और वैसे ही शौरि को दुष्ट सलाह देने वाला वह मन्त्री विश्ववेदी भी।