करन्धम-चरित

श्लोक 1 (markandeya.118.1)

मार्कण्डेय उवाच ततः स नृपतिर्गत्वा गोमतीं पापनाशिनीम् । तत्र तुष्टाव नियतो भूत्वा देवं पुरन्दरम् ॥ 118.1 ॥

mārkaṇḍeya uvāca tataḥ sa nṛpatirgatvā gomatīṁ pāpanāśinīm tatra tuṣṭāva niyato bhūtvā devaṁ purandaram

मार्कण्डेय ने कहा—तब वह राजा पापनाशिनी गोमती नदी के तट पर गया; वहाँ नियमपूर्वक रहकर उसने देवराज पुरन्दर की आराधना की।

श्लोक 2 (markandeya.118.2)

तप्यमानस्तपश्चोग्रं यतवाक्कायमानसः । तुष्टाव प्रयतः शक्रमपत्यार्थं महीपतिः ॥ 118.2 ॥

tapyamānastapaścograṁ yatavākkāyamānasaḥ tuṣṭāva prayataḥ śakramapatyārthaṁ mahīpatiḥ

उग्र तप करते हुए, वाणी-काया-मन को संयत रखकर, संयमी राजा ने पुत्र-प्राप्ति हेतु शक्र की आराधना की।

श्लोक 3 (markandeya.118.3)

तस्य स्तोत्रेण तपसा भक्त्या चापि सुरेश्वरः । तुतोष भगवानिन्द्रः प्राह चैनं महामुने ॥ 118.3 ॥

tasya stotreṇa tapasā bhaktyā cāpi sureśvaraḥ tutoṣa bhagavānindraḥ prāha cainaṁ mahāmune

उसके स्तोत्र, तप और भक्ति से देवेश्वर संतुष्ट हुए; हे महामुने, भगवान् इन्द्र प्रसन्न होकर उससे बोले।

श्लोक 4 (markandeya.118.4)

अनेन तपसा भक्त्या स्तोत्रेणोच्चारितेन च । परितुष्टोऽस्मि ते भूप व्रियतां भवता वरः ॥ 118.4 ॥

anena tapasā bhaktyā stotreṇoccāritena ca parituṣṭo ’smi te bhūpa vriyatāṁ bhavatā varaḥ

"इस तप, भक्ति और उच्चारित स्तोत्र से मैं तुमसे अत्यंत प्रसन्न हूँ, हे राजन्; अपना वरदान माँगो।"

श्लोक 5 (markandeya.118.5)

राजोवाच अपुत्रस्य सुतो मेऽस्तु सर्वशस्त्रभृतां वरः । सदा चाव्याहतैश्वर्यो धर्मकृद्धर्मवित्कृती ॥ 118.5 ॥

rājovāca aputrasya suto me ’stu sarvaśastrabhṛtāṁ varaḥ sadā cāvyāhataiśvaryo dharmakṛddharmavitkṛtī

राजा ने कहा—मैं पुत्रहीन हूँ, अतः मुझे ऐसा पुत्र प्राप्त हो जो समस्त शस्त्रधारियों में श्रेष्ठ हो, जिसका ऐश्वर्य सदा अबाध रहे, जो धर्म करने वाला, धर्मज्ञ और कुशल हो।

श्लोक 6 (markandeya.118.6)

मार्कण्डेय उवाच तथेति चोक्तः शक्रेण राजा प्राप्तमनोरथः । प्रजाः पालयितुं भूप आजगाम निजं पुरम् ॥ 118.6 ॥

mārkaṇḍeya uvāca tatheti coktaḥ śakreṇa rājā prāptamanorathaḥ prajāḥ pālayituṁ bhūpa ājagāma nijaṁ puram

मार्कण्डेय ने कहा—शक्र द्वारा 'तथास्तु' कहे जाने पर, अपनी मनोकामना पूर्ण कर राजा प्रजा-पालन हेतु अपनी नगरी को लौट आया।

श्लोक 7 (markandeya.118.7)

तत्रास्य कुर्वतो यज्ञं सम्यक्पालयतः प्रजाः । अजायत सुतो विप्र तदा शक्रप्रसादतः ॥ 118.7 ॥

tatrāsya kurvato yajñaṁ samyakpālayataḥ prajāḥ ajāyata suto vipra tadā śakraprasādataḥ

हे विप्र, वहाँ यज्ञ करते हुए तथा प्रजा का भलीभाँति पालन करते हुए, शक्र की कृपा से तब उसे एक पुत्र उत्पन्न हुआ।

श्लोक 8 (markandeya.118.8)

तस्य नाम पिता चक्रे बलाश्व इति भूपतिः । अस्त्रग्राममशेषं च ग्राहयामास तं सुतम् ॥ 118.8 ॥

tasya nāma pitā cakre balāśva iti bhūpatiḥ astragrāmamaśeṣaṁ ca grāhayāmāsa taṁ sutam

उसके पिता, उस राजा ने उसका नाम बलाश्व रखा, और उस पुत्र को समस्त अस्त्र-शस्त्रों का ज्ञान दिलवाया।

श्लोक 9 (markandeya.118.9)

पितर्युपरते विप्र सोऽधिराज्ये स्थितो नृपः । स बलाश्वो वशं निन्ये भुवि सर्वमहीक्षितः ॥ 118.9 ॥

pitaryuparate vipra so ’dhirājye sthito nṛpaḥ sa balāśvo vaśaṁ ninye bhuvi sarvamahīkṣitaḥ

हे विप्र, पिता के परलोकगमन पर राज्य पर प्रतिष्ठित होकर, उस बलाश्व ने पृथ्वी के समस्त राजाओं को अपने वश में कर लिया।

श्लोक 10 (markandeya.118.10)

करं च दापयामास सारग्रहणपूर्वकम् । स सर्वभूमिपान्राजा पालयामास च प्रजाः ॥ 118.10 ॥

karaṁ ca dāpayāmāsa sāragrahaṇapūrvakam sa sarvabhūmipānrājā pālayāmāsa ca prajāḥ

उसने पहले सारभूत वस्तुओं को ग्रहण करते हुए उनसे कर दिलवाया; उस राजा ने समस्त भूपतियों तथा प्रजा दोनों का पालन किया।

श्लोक 11 (markandeya.118.11)

अथाखिलनरेन्द्रास्ते दायादास्तस्य दुर्मदाः । न चाभ्युत्थाय सततं त चास्मै प्रददुः करान् ॥ 118.11 ॥

athākhilanarendrāste dāyādāstasya durmadāḥ na cābhyutthāya satataṁ ta cāsmai pradaduḥ karān

तब वे समस्त उद्दण्ड राजपुत्र न तो निरंतर उसके प्रति आदर से उठते थे और न ही उसे कर देते थे।

श्लोक 12 (markandeya.118.12)

व्युत्थिताः स्वेषु राष्ट्रेषु न सन्तोषपरास्ततः । भुवं तस्य नरेन्द्रस्य जगृहुस्ते नराधिपाः ॥ 118.12 ॥

vyutthitāḥ sveṣu rāṣṭreṣu na santoṣaparāstataḥ bhuvaṁ tasya narendrasya jagṛhuste narādhipāḥ

अपने-अपने राज्यों में विद्रोह करते हुए तथा असंतुष्ट होकर, उन राजाओं ने उस नरेश की भूमि को छीन लिया।

श्लोक 13 (markandeya.118.13)

स गृहीत्वा स्वकं राज्यं पृथिवीशो बलान्मुने । तस्थौ स्वनगरे भूपैर्विरोधो बहुभिः कृतः ॥ 118.13 ॥

sa gṛhītvā svakaṁ rājyaṁ pṛthivīśo balānmune tasthau svanagare bhūpairvirodho bahubhiḥ kṛtaḥ

हे मुने, उस पृथ्वीपति ने बलपूर्वक अपना राज्य पुनः ग्रहण कर अपनी नगरी में निवास किया; परन्तु अनेक राजाओं ने उसका घोर विरोध किया।

श्लोक 14 (markandeya.118.14)

समेत्य सुमहावीर्याः ससाधनधनास्ततः । रुरुधुस्तं महीपालं पुरे तत्र नरेश्वराः ॥ 118.14 ॥

sametya sumahāvīryāḥ sasādhanadhanāstataḥ rurudhustaṁ mahīpālaṁ pure tatra nareśvarāḥ

तब वे अत्यंत महाबली राजा, अपनी सेना और धन सहित एकत्र होकर, उस पृथ्वीपति को उसकी ही नगरी में घेर बैठे।

श्लोक 15 (markandeya.118.15)

पुररोधेन तेनाथ कुपितः स महीपतिः । स्वल्पकोशोऽल्पदण्डश्च वैक्लव्यं परमं गतः ॥ 118.15 ॥

purarodhena tenātha kupitaḥ sa mahīpatiḥ svalpakośo ’lpadaṇḍaśca vaiklavyaṁ paramaṁ gataḥ

तब नगर की उस घेराबन्दी से क्रुद्ध होकर, अल्प कोष और अल्प सेना वाला वह राजा अत्यधिक व्याकुलता को प्राप्त हुआ।

श्लोक 16 (markandeya.118.16)

अपश्यमानः शरणं सबलो द्विजसत्तम । करौ मुखाग्रतः कृत्वा निशश्वासार्तमानसः ॥ 118.16 ॥

apaśyamānaḥ śaraṇaṁ sabalo dvijasattama karau mukhāgrataḥ kṛtvā niśaśvāsārtamānasaḥ

हे द्विजश्रेष्ठ, सेना सहित होते हुए भी कोई शरण न देखकर, उसने अपने हाथों को मुख के आगे रखकर, व्याकुल मन से दीर्घ श्वास लिया।

श्लोक 17 (markandeya.118.17)

ततोऽस्य हस्तविवरान्मुखानिलसमाहताः । निर्जग्मुः शतशो योधा रथनागतुरङ्गमाः ॥ 118.17 ॥

tato ’sya hastavivarānmukhānilasamāhatāḥ nirjagmuḥ śataśo yodhā rathanāgaturaṅgamāḥ

तब उसके हाथों के छिद्रों से मुख की वायु से प्रेरित होकर, सैकड़ों योद्धा, हाथी, रथ और घोड़े प्रकट हो गए।

श्लोक 18 (markandeya.118.18)

ततः क्षणेन तत्सर्वं नगरं तस्य भूपतेः । व्याप्तमासीद्बलौघेन सारेणातिबलान्मुने ॥ 118.18 ॥

tataḥ kṣaṇena tatsarvaṁ nagaraṁ tasya bhūpateḥ vyāptamāsīdbalaughena sāreṇātibalānmune

हे महामुने, तब क्षण भर में उस राजा की वह सम्पूर्ण नगरी उस अत्यंत बलशाली, सारवान् सेना-समूह से व्याप्त हो गई।

श्लोक 19 (markandeya.118.19)

अथ सोऽतिबलौघेन महता तेन संवृतः । निर्मथ्यनगरात्तस्मात्तान्विजिग्ये नराधिपः ॥ 118.19 ॥

atha so ’tibalaughena mahatā tena saṁvṛtaḥ nirmathyanagarāttasmāttānvijigye narādhipaḥ

तब उस महान् बलशाली सेना-समूह से घिरा हुआ वह नरेश उस नगर से निकलकर उन्हें विजित कर लिया।

श्लोक 20 (markandeya.118.20)

जित्वा च वशमानीय चकार करदान्पुनः । यथापूर्वं महाभाग महाभाग्यो नरेश्वरः ॥ 118.20 ॥

jitvā ca vaśamānīya cakāra karadānpunaḥ yathāpūrvaṁ mahābhāga mahābhāgyo nareśvaraḥ

उन्हें जीतकर और वश में लाकर, उस अत्यंत भाग्यशाली नरेश ने उन्हें पूर्व की भाँति पुनः करदाता बना दिया।

श्लोक 21 (markandeya.118.21)

धुतयोः करयोर्जज्ञे यतस्तस्यारिदाहदम् । बलं करन्धमस्तस्मात्स बलाश्वोऽभिधीयते ॥ 118.21 ॥

dhutayoḥ karayorjajñe yatastasyāridāhadam balaṁ karandhamastasmātsa balāśvo ’bhidhīyate

चूँकि उसके हिलाए गए हाथों से वह शत्रु-दाहक तेजस्वी बल उत्पन्न हुआ, इसी कारण वह बलाश्व करन्धम कहलाया।

श्लोक 22 (markandeya.118.22)

स धर्मात्मा महात्मा च स मैत्रः सर्वजन्तुषु । करन्धमोऽभवद्भूपस्त्रिषु लोकेषु विश्रुतः ॥ 118.22 ॥

sa dharmātmā mahātmā ca sa maitraḥ sarvajantuṣu karandhamo ’bhavadbhūpastriṣu lokeṣu viśrutaḥ

वह धर्मात्मा, महात्मा तथा समस्त प्राणियों के प्रति मैत्रीभाव रखने वाला राजा करन्धम के नाम से तीनों लोकों में विख्यात हुआ।

श्लोक 23 (markandeya.118.23)

सम्प्रास्तस्य परामार्त्तिं ददावरिविनाशनम् । बलं धर्मेण चाक्षिप्तमभ्युपेत्य स्वयं नृपम् ॥ 118.23 ॥

samprāstasya parāmārttiṁ dadāvarivināśanam balaṁ dharmeṇa cākṣiptamabhyupetya svayaṁ nṛpam

जब उस पर परम विपत्ति आई, तब धर्म के द्वारा आकर्षित वह शत्रु-नाशक बल स्वयं ही उस राजा की सहायता के लिए उपस्थित हो गया।