अविक्षित-चरित (३)

श्लोक 1 (markandeya.121.1)

मार्कण्डेय उवाच ततः शुश्राव तं बद्धं तनयं स करन्धमः । तस्य पत्नी तथा वीरा अन्ये चापि महीभृतः ॥ 121.1 ॥

mārkaṇḍeya uvāca tataḥ śuśrāva taṁ baddhaṁ tanayaṁ sa karandhamaḥ tasya patnī tathā vīrā anye cāpi mahībhṛtaḥ

मार्कण्डेय ने कहा—तब करन्धम ने सुना कि उसका पुत्र बाँध लिया गया है; तथा उसकी पत्नी वीरा और अन्य राजाओं ने भी यह सुना।

श्लोक 2 (markandeya.121.2)

तमधर्मेण तनयं बद्धं श्रुत्वा महीपतिः । समन्तैः पृथिवीपालैश्चिरं दध्यौ महामुने ॥ 121.2 ॥

tamadharmeṇa tanayaṁ baddhaṁ śrutvā mahīpatiḥ samantaiḥ pṛthivīpālaiściraṁ dadhyau mahāmune

हे महामुने, अपने पुत्र को अधर्मपूर्वक बाँधे जाने की बात सुनकर, वह पृथ्वीपति समस्त निकटवर्ती राजाओं के साथ बहुत देर तक विचारमग्न रहा।

श्लोक 3 (markandeya.121.3)

केचिदूचुर्महीपाला वध्याः सर्वे महीभृतः । यैरेकः संयुगे बद्धः समस्तैस्तैरधर्मतः ॥ 121.3 ॥

kecidūcurmahīpālā vadhyāḥ sarve mahībhṛtaḥ yairekaḥ saṁyuge baddhaḥ samastaistairadharmataḥ

कुछ राजाओं ने कहा—वे समस्त राजा वध के योग्य हैं, जिन्होंने मिलकर युद्ध में एक अकेले को अधर्मपूर्वक बाँध लिया।

श्लोक 4 (markandeya.121.4)

युज्यतां वाहिनी शीघ्रमूचुरन्ये किमास्यते । विशालो बध्यतां दुष्टस्तत्र येऽन्ये समागताः ॥ 121.4 ॥

yujyatāṁ vāhinī śīghramūcuranye kimāsyate viśālo badhyatāṁ duṣṭastatra ye ’nye samāgatāḥ

अन्यों ने कहा—शीघ्र सेना तैयार करो, अब क्यों बैठे हो? दुष्ट विशाल का वध किया जाए, और वहाँ जो अन्य एकत्र हुए हैं, उनका भी।

श्लोक 5 (markandeya.121.5)

अन्ये तथोचुर्धर्मोऽत्र त्यक्तः पूर्वमहीक्षिता । अन्यायेन बलाद्येन गृहीता तमवाच्छती ॥ 121.5 ॥

anye tathocurdharmo ’tra tyaktaḥ pūrvamahīkṣitā anyāyena balādyena gṛhītā tamavācchatī

अन्यों ने ऐसा कहा—यहाँ धर्म का त्याग तो पहले उस पृथ्वीपति ने ही किया था, जिसने उस अनिच्छुक कन्या को अन्यायपूर्वक बलपूर्वक ग्रहण किया।

श्लोक 6 (markandeya.121.6)

स्वयंवरेष्वशेषेषु तेन राजसुतास्तदा । खिलीकृतास्ततः सर्वे समेत्य स वशीकृतः ॥ 121.6 ॥

svayaṁvareṣvaśeṣeṣu tena rājasutāstadā khilīkṛtāstataḥ sarve sametya sa vaśīkṛtaḥ

उसी के द्वारा समस्त स्वयंवरों में राजपुत्र एक-एक करके विफल किए गए; तब एकत्र होकर उन्होंने उसे वश में किया।

श्लोक 7 (markandeya.121.7)

तेषामेतद्वचः श्रुत्वा वीरा वीरप्रजावती । वीरगोत्रसमुद्भूता वीरपत्नी प्रहर्षिता ॥ 121.7 ॥

teṣāmetadvacaḥ śrutvā vīrā vīraprajāvatī vīragotrasamudbhūtā vīrapatnī praharṣitā

उनके इन वचनों को सुनकर, वीर-प्रजा वाली, वीर-कुल में उत्पन्न, वीर-पत्नी वीरा अत्यंत हर्षित होकर—

श्लोक 8 (markandeya.121.8)

उवाच भर्त्तुः प्रत्यक्षमन्येषां च महीक्षिताम् । भद्रं कृतं भद्रभुजा मम पुत्रेण पार्थिवाः ॥ 121.8 ॥

uvāca bharttuḥ pratyakṣamanyeṣāṁ ca mahīkṣitām bhadraṁ kṛtaṁ bhadrabhujā mama putreṇa pārthivāḥ

—अपने पति और अन्य राजाओं के समक्ष बोली—हे राजाओ, मेरे भद्रभुज पुत्र ने भला ही किया है!

श्लोक 9 (markandeya.121.9)

गृहीता यद्बलात्कन्या जित्वा सर्वमहीक्षितः । तदर्थं युध्यमानोऽयं बद्ध एको न धर्मतः ॥ 121.9 ॥

gṛhītā yadbalātkanyā jitvā sarvamahīkṣitaḥ tadarthaṁ yudhyamāno ’yaṁ baddha eko na dharmataḥ

यह कि उसने समस्त राजाओं को जीतकर बलपूर्वक कन्या ग्रहण की, तथा उसी के लिए अकेला युद्ध करता हुआ बँध गया — इसमें कोई अधर्म नहीं हुआ।

श्लोक 10 (markandeya.121.10)

तदप्यस्मत्सुतस्याजौ मन्ये नापचयप्रदम् । एतदेवहि पौरुष्यं यदमर्षवशान्नरः ॥ 121.10 ॥

tadapyasmatsutasyājau manye nāpacayapradam etadevahi pauruṣyaṁ yadamarṣavaśānnaraḥ

इससे भी मेरे पुत्र के युद्ध में कोई हानि नहीं हुई, ऐसा मैं मानती हूँ; क्योंकि यही सच्चा पौरुष है कि मनुष्य आक्रोशवश—

श्लोक 11 (markandeya.121.11)

नीतिं न गणयत्येवं जिघांसुरिव केसरी । स्वयंवराय विन्यस्ता मम पुत्रेण कन्यका ॥ 121.11 ॥

nītiṁ na gaṇayatyevaṁ jighāṁsuriva kesarī svayaṁvarāya vinyastā mama putreṇa kanyakā

—मारने को उद्यत सिंह के समान परिणाम की गणना नहीं करता। मेरे पुत्र द्वारा एक कन्या स्वयंवर के लिए प्रस्तुत की गई थी—

श्लोक 12 (markandeya.121.12)

बह्व्यो गृहीता भूपानां पश्यतामतिमानिनाम् । क्व क्षत्रियकुले जन्म क्व याञ्चा हीनसेविता ॥ 121.12 ॥

bahvyo gṛhītā bhūpānāṁ paśyatāmatimāninām kva kṣatriyakule janma kva yāñcā hīnasevitā

—और अत्यंत मानी राजाओं के देखते-देखते अनेक कन्याएँ प्राप्त कीं; कहाँ क्षत्रियकुल में जन्म, और कहाँ हीन याचना का अनुसरण?

श्लोक 13 (markandeya.121.13)

बलादेव समादत्ते क्षत्रियो बलिनां पुरः । लोहशृंखलबद्धा वा न वशं यान्ति कातराः ॥ 121.13 ॥

balādeva samādatte kṣatriyo balināṁ puraḥ lohaśṛṁkhalabaddhā vā na vaśaṁ yānti kātarāḥ

क्षत्रिय बलवानों के समक्ष बल से ही ग्रहण करता है; कातर पुरुष लौह-श्रृंखलाओं से बँधे होने पर भी वश में नहीं आते।

श्लोक 14 (markandeya.121.14)

प्रसह्यकारिणो यान्ति राजानो धर्मशालिनः । तदलं दौर्मनस्येन श्लाघ्यमेवास्य बन्धनम् ॥ 121.14 ॥

prasahyakāriṇo yānti rājāno dharmaśālinaḥ tadalaṁ daurmanasyena ślāghyamevāsya bandhanam

धर्मशाली राजा बलपूर्वक ही आगे बढ़ते हैं; अतः इस खिन्नता को छोड़ो — उसका यह बन्धन तो प्रशंसनीय ही है।

श्लोक 15 (markandeya.121.15)

युष्माकमपि ये पूर्वे कृत्वारीणां निपातनम् । हृत्वैव पृथिवीशानां पृथ्वीपुत्रादिकं वसु ॥ 121.15 ॥

yuṣmākamapi ye pūrve kṛtvārīṇāṁ nipātanam hṛtvaiva pṛthivīśānāṁ pṛthvīputrādikaṁ vasu

तुम में से भी जिन्होंने पहले शत्रुओं का वध करके, पृथ्वीपतियों से पृथ्वीपुत्र-जन्य धन का हरण किया—

श्लोक 16 (markandeya.121.16)

भार्यावीर्यनिमित्तानि ततो यातातिगौरवम् । तत्त्वर्यतां रणायाशु स्यन्दनान्यधिरोहत ॥ 121.16 ॥

bhāryāvīryanimittāni tato yātātigauravam tattvaryatāṁ raṇāyāśu syandanānyadhirohata

—पत्नी या पराक्रम के निमित्त अत्यंत गुरुतर संकट का सामना करने गए थे — अतः शीघ्र युद्ध के लिए उठो, अपने रथों पर आरूढ़ हो जाओ।

श्लोक 17 (markandeya.121.17)

सज्जीकुरुत नागाश्वमचिरेण ससारथिम् । मन्यध्वं किं महीपालैर्बहुभिः सह विग्रहम् ॥ 121.17 ॥

sajjīkuruta nāgāśvamacireṇa sasārathim manyadhvaṁ kiṁ mahīpālairbahubhiḥ saha vigraham

बिना विलम्ब के हाथी और घोड़ों को उनके सारथियों सहित सुसज्जित करो; क्या तुम अनेक राजाओं के साथ युद्ध करना कोई बड़ी बात मानते हो?

श्लोक 18 (markandeya.121.18)

प्रभूता एव तोषाय शूरस्याल्परणे क्रियाः । कस्य नाल्पेषु सामर्थ्यं नरेन्द्रादिषु जायते ॥ 121.18 ॥

prabhūtā eva toṣāya śūrasyālparaṇe kriyāḥ kasya nālpeṣu sāmarthyaṁ narendrādiṣu jāyate

वीर के लिए तो छोटे युद्ध में किए गए कर्म भी संतोष के लिए पर्याप्त हैं; राजाओं आदि में छोटे कार्यों में भी सामर्थ्य किसमें नहीं उत्पन्न होती?

श्लोक 19 (markandeya.121.19)

येभ्यो न विद्यते भीतिर्विक्रान्तस्यापि शत्रुषु । व्याप्य लोभान्समस्तान्यो ह्यभिभूय यतो नरः । व्यरोचतेऽतिशूरः स तमांसीव दिवाकरः ॥ 121.19 ॥

yebhyo na vidyate bhītirvikrāntasyāpi śatruṣu vyāpya lobhānsamastānyo hyabhibhūya yato naraḥ vyarocate ’tiśūraḥ sa tamāṁsīva divākaraḥ

जिनसे शत्रुओं में, चाहे वे पराक्रमी ही क्यों न हों, कोई भय उत्पन्न नहीं होता — जो समस्त लोभी शत्रुओं को व्याप्त कर तथा पराभूत कर, अंधकार में सूर्य के समान अत्यंत शूरवीर होकर शोभायमान होता है।

श्लोक 20 (markandeya.121.20)

मार्कण्डेय उवाच इत्थमुद्धर्षितो राजाऽनया पत्न्या करन्धमः । चकार स बलोद्योगं हन्तुं पुत्राहितान्मुने ॥ 121.20 ॥

mārkaṇḍeya uvāca itthamuddharṣito rājā ’nayā patnyā karandhamaḥ cakāra sa balodyogaṁ hantuṁ putrāhitānmune

मार्कण्डेय ने कहा—हे मुने, अपनी पत्नी के इस वचन से इस प्रकार उत्साहित होकर, राजा करन्धम ने अपने पुत्र के अपराधियों का वध करने के लिए सेना जुटाई।

श्लोक 21 (markandeya.121.21)

ततस्तस्य समं भूपैर्विशालेन च सङ्गरः । बभूव बद्धपुत्रस्य तैरशेषैर्महामुने ॥ 121.21 ॥

tatastasya samaṁ bhūpairviśālena ca saṅgaraḥ babhūva baddhaputrasya tairaśeṣairmahāmune

हे महामुने, तब उसके पुत्र के बँधे होने के कारण, उसके और राजा विशाल तथा उन समस्त राजाओं के बीच घोर संग्राम छिड़ गया।

श्लोक 22 (markandeya.121.22)

दिनत्रयमभूद्युद्धं तेन राज्ञा समं तदा । करन्धमेन भूपानां विशालस्यानुकुर्वताम् ॥ 121.22 ॥

dinatrayamabhūdyuddhaṁ tena rājñā samaṁ tadā karandhamena bhūpānāṁ viśālasyānukurvatām

तब उस राजा करन्धम और विशाल का समर्थन करने वाले राजाओं के बीच तीन दिनों तक युद्ध चलता रहा।

श्लोक 23 (markandeya.121.23)

यदा पराजितप्रायं तत्सर्वं भूपमण्डलम् । तदा विशालोऽर्घ्यकरः करन्धममुपस्थितः ॥ 121.23 ॥

yadā parājitaprāyaṁ tatsarvaṁ bhūpamaṇḍalam tadā viśālo ’rghyakaraḥ karandhamamupasthitaḥ

जब वह सम्पूर्ण राजमण्डल प्रायः पराजित हो गया, तब विशाल अर्घ्य लिए हुए करन्धम के पास उपस्थित हुआ।

श्लोक 24 (markandeya.121.24)

करन्धमोऽपि सम्प्रीत्या तेन राज्ञाभिपूजितः । विमुक्ते तनये तत्र निशान्तां सुखमावसत् ॥ 121.24 ॥

karandhamo ’pi samprītyā tena rājñābhipūjitaḥ vimukte tanaye tatra niśāntāṁ sukhamāvasat

करन्धम भी उस राजा द्वारा प्रीतिपूर्वक सम्मानित होकर, अपने पुत्र के मुक्त हो जाने पर, वहीं रात्रि सुखपूर्वक व्यतीत की।

श्लोक 25 (markandeya.121.25)

तां च कन्यामुपादाय विशालं समुपस्थितम् । अविक्षित्प्राह विप्रर्षे विवाहार्थं पितुः पुरः ॥ 121.25 ॥

tāṁ ca kanyāmupādāya viśālaṁ samupasthitam avikṣitprāha viprarṣe vivāhārthaṁ pituḥ puraḥ

हे विप्रर्षे, उस कन्या को साथ लेकर उपस्थित हुए विशाल के समक्ष, अविक्षित ने अपने पिता के सामने विवाह के विषय में कहा।

श्लोक 26 (markandeya.121.26)

नाहमेतां ग्रहीष्यामि न चान्यां योषितं नृप । परैर्यस्या निरीक्षन्त्याः संग्रामेऽहं पराजितः ॥ 121.26 ॥

nāhametāṁ grahīṣyāmi na cānyāṁ yoṣitaṁ nṛpa parairyasyā nirīkṣantyāḥ saṁgrāme ’haṁ parājitaḥ

हे राजन्, मैं इसे स्वीकार नहीं करूँगा, न किसी अन्य स्त्री को; क्योंकि मैं उसके देखते हुए, अन्यों के समक्ष युद्ध में पराजित हुआ—

श्लोक 27 (markandeya.121.27)

अन्यस्मै सम्प्रयच्छेमामियं चान्यं वृणोतु तम् । अखण्डितयशो वीर्यो यः परैर्नापमानितः ॥ 121.27 ॥

anyasmai samprayacchemāmiyaṁ cānyaṁ vṛṇotu tam akhaṇḍitayaśo vīryo yaḥ parairnāpamānitaḥ

—इसे किसी अन्य को दे दिया जाए, और यह उसी अन्य को वरण करे, जिसकी कीर्ति और पराक्रम अखण्डित हैं, जो अन्यों से अपमानित नहीं हुआ।

श्लोक 28 (markandeya.121.28)

परैः पराजितोऽहं यत्कातरेयं यथाऽबला । किमत्र मानुषत्वं मे नैतस्या मम चान्तरम् ॥ 121.28 ॥

paraiḥ parājito ’haṁ yatkātareyaṁ yathā ’balā kimatra mānuṣatvaṁ me naitasyā mama cāntaram

चूँकि मैं अन्यों से पराजित हुआ, एक असहाय स्त्री के समान कातर — तो मुझमें कैसी मनुष्यता? तब मुझमें और इसमें कोई अन्तर नहीं रहा।

श्लोक 29 (markandeya.121.29)

स्वतन्त्रता मनुष्याणां परतन्त्रा सदाऽबला । नरोऽपि परतन्त्रो यस्तस्य कीदृङ्मनुष्यता ॥ 121.29 ॥

svatantratā manuṣyāṇāṁ paratantrā sadā ’balā naro ’pi paratantro yastasya kīdṛṅmanuṣyatā

स्वतन्त्रता मनुष्यों की होती है; स्त्री सदा परतन्त्र होती है। परन्तु जो पुरुष भी परतन्त्र हो, उसकी मनुष्यता कैसी?

श्लोक 30 (markandeya.121.30)

सोऽहमस्या मुखं भूयो दृष्टं दर्शयिता कथम् । योऽहमस्याः पुरो भूमौ परैर्भूपैः खिलीकृतः ॥ 121.30 ॥

so ’hamasyā mukhaṁ bhūyo dṛṣṭaṁ darśayitā katham yo ’hamasyāḥ puro bhūmau parairbhūpaiḥ khilīkṛtaḥ

मैं, जो अन्य राजाओं द्वारा इसके सामने भूमि पर विफल किया गया, अब पुनः इसे अपना मुख कैसे दिखाऊँ?

श्लोक 31 (markandeya.121.31)

इत्युक्ते तेन तनयामुवाच जगतीपतिः । श्रुतं ते वचनं वत्से वदतोऽस्य महात्मनः । वरयान्यं पतिं यत्र मनस्ते रमते शुभे ॥ 121.31 ॥

ityukte tena tanayāmuvāca jagatīpatiḥ śrutaṁ te vacanaṁ vatse vadato ’sya mahātmanaḥ varayānyaṁ patiṁ yatra manaste ramate śubhe

मार्कण्डेय ने कहा—इस प्रकार कहे जाने पर, उस पृथ्वीपति ने अपनी पुत्री से कहा—हे वत्से, इस महात्मा के कहे हुए वचन तुमने सुन लिए; हे शुभे, तुम्हारा मन जहाँ रमे, वहीं अन्य पति वरण करो।

श्लोक 32 (markandeya.121.32)

वयं वा सम्प्रयच्छामो यस्मिंस्तस्मिंस्तवादृतिः । एतयोर्ह्येकमातिष्ठ मार्गयो रुचिरानने ॥ 121.32 ॥

vayaṁ vā samprayacchāmo yasmiṁstasmiṁstavādṛtiḥ etayorhyekamātiṣṭha mārgayo rucirānane

अथवा हम तुम्हें उसे ही समर्पित कर देंगे, जिसके प्रति तुम्हारा आदर हो; हे रुचिरानने, इन दोनों में से एक मार्ग अपनाओ।

श्लोक 33 (markandeya.121.33)

कन्योवाच पराजितोऽयं बहुभिर्न सम्यक्सम्यगाचरन् । संग्रामे तद्यशो वीर्यहानिकारि न पार्थिव ॥ 121.33 ॥

kanyovāca parājito ’yaṁ bahubhirna samyaksamyagācaran saṁgrāme tadyaśo vīryahānikāri na pārthiva

कन्या ने कहा—यह अनेकों द्वारा पराजित हुआ, अपने किसी दोष के कारण नहीं; हे राजन्, युद्ध में वह पराजय इसकी कीर्ति और पराक्रम को हानि नहीं पहुँचाती।

श्लोक 34 (markandeya.121.34)

एको बहूनां युद्धाय गजानामिव केसरी । यत्संस्थितः परं शौर्यं तेनास्य प्रकटीकृतम् ॥ 121.34 ॥

eko bahūnāṁ yuddhāya gajānāmiva kesarī yatsaṁsthitaḥ paraṁ śauryaṁ tenāsya prakaṭīkṛtam

अनेकों के विरुद्ध अकेला युद्ध के लिए, हाथियों के समक्ष सिंह के समान — उसका इस प्रकार डटे रहना ही इसके परम शौर्य को प्रकट करता है।

श्लोक 35 (markandeya.121.35)

न केवलमयं तस्थौ युद्धे तेप्यखिला जिताः । बहुशोऽनेन यत्नेन विक्रमोऽपि प्रकाशितः ॥ 121.35 ॥

na kevalamayaṁ tasthau yuddhe tepyakhilā jitāḥ bahuśo ’nena yatnena vikramo ’pi prakāśitaḥ

वह युद्ध में केवल डटा ही नहीं रहा — इसी प्रयास से, यद्यपि वे सभी विजयी हुए, इसका पराक्रम भी बारम्बार प्रकट हुआ।

श्लोक 36 (markandeya.121.36)

शौर्यविक्रमसंयुक्तमिमं सर्वमहीक्षितः । धर्मयुद्धमधर्मेण जितवन्तोऽत्र का त्रपा ॥ 121.36 ॥

śauryavikramasaṁyuktamimaṁ sarvamahīkṣitaḥ dharmayuddhamadharmeṇa jitavanto ’tra kā trapā

शौर्य और पराक्रम से युक्त इस धर्मयोद्धा को समस्त राजाओं ने मिलकर अधर्म से जीता — इसमें इसके लिए क्या लज्जा है?

श्लोक 37 (markandeya.121.37)

न चापि रूपमात्रेऽहं लोभमस्य गता पितः । शौर्यविक्रमधैर्याणि हरन्त्यस्य मनो मम ॥ 121.37 ॥

na cāpi rūpamātre ’haṁ lobhamasya gatā pitaḥ śauryavikramadhairyāṇi harantyasya mano mama

हे पिता, मैं इसके मात्र रूप के प्रति लोभ से आकृष्ट नहीं हुई हूँ; इसका शौर्य, पराक्रम और धैर्य ही मेरे मन को हर लेते हैं।

श्लोक 38 (markandeya.121.38)

तत्किमुक्तेन बहुना याच्यतां मत्कृते नृपः । त्वया महानुभावोऽयं नान्यो मे भविता पतिः ॥ 121.38 ॥

tatkimuktena bahunā yācyatāṁ matkṛte nṛpaḥ tvayā mahānubhāvo ’yaṁ nānyo me bhavitā patiḥ

अधिक कहने से क्या लाभ? इस राजा से मेरे लिए याचना की जाए; यह महानुभाव ही, और कोई नहीं, मेरा पति होगा।

श्लोक 39 (markandeya.121.39)

विशाल उवाच राजपुत्रसुता प्राह ममैतच्छोभनं वचः । एवं चैव त्वया तुल्यः कुमारो न महीतले ॥ 121.39 ॥

viśāla uvāca rājaputrasutā prāha mamaitacchobhanaṁ vacaḥ evaṁ caiva tvayā tulyaḥ kumāro na mahītale

विशाल ने कहा—राजपुत्री ने मुझसे यह शुभ वचन कहा है; और सचमुच पृथ्वी पर तुम्हारे समान कोई राजकुमार नहीं है।

श्लोक 40 (markandeya.121.40)

अविसंवादिते शौर्यमतीव च पराक्रमः । पावयास्मत्कुलं वीर दुहितुर्मे परिग्रहात् ॥ 121.40 ॥

avisaṁvādite śauryamatīva ca parākramaḥ pāvayāsmatkulaṁ vīra duhiturme parigrahāt

तुम्हारा शौर्य और पराक्रम अत्यंत निर्विवाद है; हे वीर, मेरी पुत्री को स्वीकार करके हमारे कुल को पवित्र करो।

श्लोक 41 (markandeya.121.41)

राजपुत्र उवाच नाहमेतां ग्रहाष्यामि न चान्यां योषितं नृप । आत्मन्येव हि मे बुद्धिः स्त्रीमयी मनुजेश्वर ॥ 121.41 ॥

rājaputra uvāca nāhametāṁ grahāṣyāmi na cānyāṁ yoṣitaṁ nṛpa ātmanyeva hi me buddhiḥ strīmayī manujeśvara

राजपुत्र ने कहा—हे राजन्, मैं इसे स्वीकार नहीं करूँगा, न किसी अन्य स्त्री को; हे मनुजेश्वर, स्त्रियों के विषय में मेरा निश्चय पूर्णतः मुझ पर ही निर्भर है।

श्लोक 42 (markandeya.121.42)

मार्कण्डेय उवाच ततः करन्धमः प्राह पुत्रेयं गृह्यतां त्वया । विशालतनया सुभ्रूस्त्वयि हार्दवती दृढम् ॥ 121.42 ॥

mārkaṇḍeya uvāca tataḥ karandhamaḥ prāha putreyaṁ gṛhyatāṁ tvayā viśālatanayā subhrūstvayi hārdavatī dṛḍham

मार्कण्डेय ने कहा—तब करन्धम ने कहा—हे पुत्र, इसे स्वीकार करो; विशाल की यह भ्रूयुक्त पुत्री हृदय से दृढ़तापूर्वक तुम्हारे प्रति समर्पित है।

श्लोक 43 (markandeya.121.43)

राजपुत्र उवाच नाज्ञाभङ्गः कदाचित्ते कृतः पूर्वं मया प्रभो । तथाऽऽज्ञापय मां तात यथाज्ञां करवाणि ते ॥ 121.43 ॥

rājaputra uvāca nājñābhaṅgaḥ kadācitte kṛtaḥ pūrvaṁ mayā prabho tathā ’ ’jñāpaya māṁ tāta yathājñāṁ karavāṇi te

राजपुत्र ने कहा—हे प्रभो, मैंने पहले कभी आपकी आज्ञा भंग नहीं की; अतः हे तात, अब भी आज्ञा दीजिए, जैसी आपकी आज्ञा हो, वैसा ही मैं करूँगा।

श्लोक 44 (markandeya.121.44)

मार्कण्डेय उवाच अत्यन्तनिश्चितमतौ तस्मिन्राजसुते सुताम् । तामुवाच विशालोऽपि व्याकुलीकृतमानसः ॥ 121.44 ॥

mārkaṇḍeya uvāca atyantaniścitamatau tasminrājasute sutām tāmuvāca viśālo ’pi vyākulīkṛtamānasaḥ

मार्कण्डेय ने कहा—जब उस राजपुत्र का मन इस प्रकार पूर्णतः दृढ़ हो गया, तब विशाल ने भी व्याकुल मन से अपनी पुत्री से कहा।

श्लोक 45 (markandeya.121.45)

निवर्त्यतां मनः पुत्रि एतस्माच्च प्रयोजनात् । अन्यं वरय भर्त्तारं सन्त्यनेके नृपात्मजाः ॥ 121.45 ॥

nivartyatāṁ manaḥ putri etasmācca prayojanāt anyaṁ varaya bharttāraṁ santyaneke nṛpātmajāḥ

हे पुत्री, इस विषय से अपना मन हटा लो; कोई अन्य पति वरण करो — अनेक राजकुमार विद्यमान हैं।

श्लोक 46 (markandeya.121.46)

कन्योवाच वरं वृणोम्यहं तात मामेष यदि नेच्छति । तपसाऽन्यो न मे भर्त्ता जन्मन्यस्मिन्भविष्यति ॥ 121.46 ॥

kanyovāca varaṁ vṛṇomyahaṁ tāta māmeṣa yadi necchati tapasā ’nyo na me bharttā janmanyasminbhaviṣyati

कन्या ने कहा—हे पिता, मैं अपना वर वरण कर चुकी हूँ; यदि यह मुझे नहीं चाहता, तो तप के द्वारा ही सही, इस जन्म में कोई अन्य मेरा पति नहीं होगा।

श्लोक 47 (markandeya.121.47)

मार्कण्डेय उवाच ततः करन्धमो राजा विशालेन समं मुदा । स्थित्वा दिनत्रयं तत्र निजमभ्याययौ पुरम् ॥ 121.47 ॥

mārkaṇḍeya uvāca tataḥ karandhamo rājā viśālena samaṁ mudā sthitvā dinatrayaṁ tatra nijamabhyāyayau puram

मार्कण्डेय ने कहा—तब राजा करन्धम, विशाल के साथ, वहाँ तीन दिनों तक हर्षपूर्वक रहकर, अपनी नगरी को लौट गया।

श्लोक 48 (markandeya.121.48)

अविक्षितोपि तेनैव पित्रान्यैश्च नराधिपैः । निदर्शनैः पुरावृत्तैः सान्त्वितोऽभ्यागमत्पुरम् ॥ 121.48 ॥

avikṣitopi tenaiva pitrānyaiśca narādhipaiḥ nidarśanaiḥ purāvṛttaiḥ sāntvito ’bhyāgamatpuram

अविक्षित भी अपने पिता और अन्य राजाओं द्वारा पूर्वकाल के उदाहरणों से सांत्वना दिए जाने पर नगरी को लौट आया।

श्लोक 49 (markandeya.121.49)

सापि कन्या वनं गत्वा निसृष्टा निजबान्धवैः । तपस्तेपे निराहारा वैराग्यं परमास्थिता ॥ 121.49 ॥

sāpi kanyā vanaṁ gatvā nisṛṣṭā nijabāndhavaiḥ tapastepe nirāhārā vairāgyaṁ paramāsthitā

वह कन्या भी वन में जाकर, अपने ही बन्धुजनों द्वारा त्याग दी गई-सी, निराहार तप करती हुई, परम वैराग्य में स्थित हो गई।

श्लोक 50 (markandeya.121.50)

निराहारा यदा सा तु मासत्रयमवस्थिता । सम्प्राप परमामार्त्तिं कृशाधमनिसन्तता ॥ 121.50 ॥

nirāhārā yadā sā tu māsatrayamavasthitā samprāpa paramāmārttiṁ kṛśādhamanisantatā

जब वह तीन मास तक निराहार रही, तब उसका शरीर कृश हो गया, नाड़ियाँ सूख गईं, और वह परम पीड़ा को प्राप्त हुई।

श्लोक 51 (markandeya.121.51)

मन्दोत्साहातितन्वङ्गी मुमूर्षुरपि बालिका । देहत्यागाय सा चक्रे तदा बुद्धिं नृपात्मजा ॥ 121.51 ॥

mandotsāhātitanvaṅgī mumūrṣurapi bālikā dehatyāgāya sā cakre tadā buddhiṁ nṛpātmajā

मन्द उत्साह वाली, अत्यंत क्षीण शरीर वाली, मृत्युप्राय वह बालिका, वह राजकुमारी, तब शरीर त्यागने का निश्चय करने लगी।

श्लोक 52 (markandeya.121.52)

आत्मत्यागाय तां ज्ञात्वा कृतबुद्धिं सुरास्ततः । समेत्य प्रेषयामासुर्देवदूतं तदन्तिकम् ॥ 121.52 ॥

ātmatyāgāya tāṁ jñātvā kṛtabuddhiṁ surāstataḥ sametya preṣayāmāsurdevadūtaṁ tadantikam

उसे आत्मत्याग का निश्चय किए जान, तब देवताओं ने एकत्र होकर एक देवदूत को उसके पास भेजा।

श्लोक 53 (markandeya.121.53)

समुपेत्य स तां प्राह दूतोऽहं पार्थिवात्मजे । प्रेषितस्त्रिदशैस्तुभ्यं यत्कार्यं तन्निशामय ॥ 121.53 ॥

samupetya sa tāṁ prāha dūto ’haṁ pārthivātmaje preṣitastridaśaistubhyaṁ yatkāryaṁ tanniśāmaya

उसके पास आकर उस दूत ने कहा—हे राजपुत्री, मैं देवताओं द्वारा तुम्हारे पास भेजा गया दूत हूँ; जो कार्य है, उसे सुनो।

श्लोक 54 (markandeya.121.54)

न भवत्या परित्याज्यं शरीरमतिदुर्लभम् । त्वं भविष्यसि कल्याणि जननी चक्रवर्तिनः ॥ 121.54 ॥

na bhavatyā parityājyaṁ śarīramatidurlabham tvaṁ bhaviṣyasi kalyāṇi jananī cakravartinaḥ

तुम्हारा यह अत्यंत दुर्लभ शरीर तुम्हारे द्वारा त्यागा नहीं जाना चाहिए; हे कल्याणी, तुम एक चक्रवर्ती सम्राट् की जननी बनोगी।

श्लोक 55 (markandeya.121.55)

पुत्रेण च महाभागे भोक्तव्यानि हतारिणा । अव्याहताज्ञेन चिरं सप्तद्वीपवती मही ॥ 121.55 ॥

putreṇa ca mahābhāge bhoktavyāni hatāriṇā avyāhatājñena ciraṁ saptadvīpavatī mahī

और हे महाभागे, तुम्हारे उस पुत्र के द्वारा, जो शत्रुओं का वध करने वाला और अबाध आज्ञा वाला होगा, सप्तद्वीपवती पृथ्वी दीर्घकाल तक भोगी जाएगी।

श्लोक 56 (markandeya.121.56)

हन्तव्यस्तेन तरुजिद्देवानां पुरतो रिपुः । अयःशंकुस्तथा क्रूरो धर्मे स्थाप्यास्ततः प्रजाः ॥ 121.56 ॥

hantavyastena tarujiddevānāṁ purato ripuḥ ayaḥśaṁkustathā krūro dharme sthāpyāstataḥ prajāḥ

उसके द्वारा वृक्ष-विजयी, क्रूर, लौह-कील समान देवताओं का शत्रु वध किया जाएगा; और तत्पश्चात् प्रजा धर्म में स्थापित की जाएगी।

श्लोक 57 (markandeya.121.57)

परिपालनीयमखिलं चातुर्वर्ण्यं स्वधर्मतः । हन्तव्या दस्यवो म्लेच्छा ये चान्ये दुष्टचेष्टिताः ॥ 121.57 ॥

paripālanīyamakhilaṁ cāturvarṇyaṁ svadharmataḥ hantavyā dasyavo mlecchā ye cānye duṣṭaceṣṭitāḥ

समस्त चातुर्वर्ण्य का उनके अपने-अपने धर्म के अनुसार पालन किया जाएगा; डाकुओं, म्लेच्छों, तथा अन्य दुष्ट आचरण वालों का वध किया जाएगा।

श्लोक 58 (markandeya.121.58)

यष्टव्यं विविधैर्यज्ञैः समाप्तवरदक्षिणैः । वाजिमेधादिभिर्भद्रे षट्सहस्रैश्च संख्यया ॥ 121.58 ॥

yaṣṭavyaṁ vividhairyajñaiḥ samāptavaradakṣiṇaiḥ vājimedhādibhirbhadre ṣaṭsahasraiśca saṁkhyayā

हे भद्रे, वह वाजिमेध आदि विविध यज्ञों से, उत्तम दक्षिणाओं सहित पूर्ण, संख्या में छह हजार यज्ञों द्वारा यजन करेगा।

श्लोक 59 (markandeya.121.59)

मार्कण्डेय उवाच तं दृष्ट्वा साऽन्तरिक्षस्थं दिव्यस्रगनुलेपनम् । देवदूतमुवाचेदं राजपुत्री ततो मृदु ॥ 121.59 ॥

mārkaṇḍeya uvāca taṁ dṛṣṭvā sā ’ntarikṣasthaṁ divyasraganulepanam devadūtamuvācedaṁ rājaputrī tato mṛdu

मार्कण्डेय ने कहा—आकाश में स्थित, दिव्य माला और अनुलेपन से सुशोभित उस दूत को देखकर, राजपुत्री ने तब उस देवदूत से मृदुतापूर्वक यह कहा।

श्लोक 60 (markandeya.121.60)

सत्यं त्वमागतः स्वर्गाद्देवदूतो न संशयः । किन्तु भर्त्रा विना पुत्रः स कथं मे भविष्यति ॥ 121.60 ॥

satyaṁ tvamāgataḥ svargāddevadūto na saṁśayaḥ kintu bhartrā vinā putraḥ sa kathaṁ me bhaviṣyati

यह सत्य है कि तुम स्वर्ग से आए हुए देवदूत हो, इसमें संदेह नहीं; परन्तु पति के बिना वह मेरा पुत्र कैसे होगा?

श्लोक 61 (markandeya.121.61)

अविक्षितमृते भर्त्ता मम नान्योऽत्र जन्मनि । भवितेति प्रतिज्ञातं मयैतत्सन्निधौ पितुः ॥ 121.61 ॥

avikṣitamṛte bharttā mama nānyo ’tra janmani bhaviteti pratijñātaṁ mayaitatsannidhau pituḥ

अविक्षित के अतिरिक्त इस जन्म में मेरा कोई अन्य पति नहीं होगा — यह मैंने अपने पिता के समक्ष प्रतिज्ञा की है।

श्लोक 62 (markandeya.121.62)

स च नेच्छति मां प्रोक्तो मत्पित्रा जनकेन च । करन्धमेनाथ सम्यग्याचितश्च मया तथा ॥ 121.62 ॥

sa ca necchati māṁ prokto matpitrā janakena ca karandhamenātha samyagyācitaśca mayā tathā

और मेरे पिता द्वारा, करन्धम द्वारा कहे जाने पर, तथा मेरे द्वारा भलीभाँति याचना किए जाने पर भी, वह मुझे नहीं चाहता।

श्लोक 63 (markandeya.121.63)

देवदूत उवाच किमनेन महाभागे बहुनोक्तेन ते सुतः । समुत्पत्स्यति मा त्याक्षीस्त्वमात्मानमधर्मतः ॥ 121.63 ॥

devadūta uvāca kimanena mahābhāge bahunoktena te sutaḥ samutpatsyati mā tyākṣīstvamātmānamadharmataḥ

देवदूत ने कहा—हे महाभागे, इस विषय में अधिक कहने से क्या लाभ? तुम्हारा पुत्र अवश्य उत्पन्न होगा; अधर्मपूर्वक अपने आपको मत त्यागो।

श्लोक 64 (markandeya.121.64)

अत्रैव कानने तिष्ठ तनुं क्षीणां च पोषय । तपःप्रभावादेतत्ते सर्वं साधु भविष्यति ॥ 121.64 ॥

atraiva kānane tiṣṭha tanuṁ kṣīṇāṁ ca poṣaya tapaḥprabhāvādetatte sarvaṁ sādhu bhaviṣyati

इसी वन में रहो, और अपने क्षीण शरीर का पोषण करो; तुम्हारे तप के प्रभाव से यह सब तुम्हारे लिए भलीभाँति सिद्ध होगा।

श्लोक 65 (markandeya.121.65)

मार्कण्डेय उवाच इत्युक्त्वा देवदूतोऽसौ यथागतमगच्छत । चकारानुदिनं सुभ्रूः साप्यात्मतनुपोषणम् ॥ 121.65 ॥

mārkaṇḍeya uvāca ityuktvā devadūto ’sau yathāgatamagacchata cakārānudinaṁ subhrūḥ sāpyātmatanupoṣaṇam

मार्कण्डेय ने कहा—ऐसा कहकर वह देवदूत जैसे आया था वैसे ही चला गया; और वह भ्रूयुक्त राजकुमारी भी प्रतिदिन अपने शरीर का पोषण करने लगी।