नरिष्यन्त चरित

श्लोक 1 (markandeya.129.1)

क्रौष्टुकिरुवाच मरुत्तचरितं कृत्स्नं भगवन्कथितं त्वया । तत्सन्ततिमशेषेण श्रोतुमिच्छा प्रवर्तते ॥ 129.1 ॥

krauṣṭukiruvāca maruttacaritaṁ kṛtsnaṁ bhagavankathitaṁ tvayā tatsantatimaśeṣeṇa śrotumicchā pravartate

क्रौष्टुकि ने कहा — हे भगवन्, आपने मुझे मरुत्त का सम्पूर्ण चरित्र सुनाया है। अब मैं उनकी सम्पूर्ण सन्तति को सुनना चाहता हूँ।

श्लोक 2 (markandeya.129.2)

तत्सन्ततौ क्षितीशा ये राज्यार्हा वीर्यशालिनः । तानहं श्रोतुमिच्छामि त्वया ख्यातान्महामुने ॥ 129.2 ॥

tatsantatau kṣitīśā ye rājyārhā vīryaśālinaḥ tānahaṁ śrotumicchāmi tvayā khyātānmahāmune

उस वंश में जो पराक्रमी राजा राज्य के योग्य हुए, हे महामुने, उन्हें मैं आपसे विख्यात रूप में सुनना चाहता हूँ।

श्लोक 3 (markandeya.129.3)

मार्कण्डेय उवाच नरिष्यन्त इति ख्यातो मरुत्तस्याभवत्सुतः । अष्टादशानां पुत्राणां स ज्येष्ठः श्रेष्ठ एव च ॥ 129.3 ॥

mārkaṇḍeya uvāca nariṣyanta iti khyāto maruttasyābhavatsutaḥ aṣṭādaśānāṁ putrāṇāṁ sa jyeṣṭhaḥ śreṣṭha eva ca

मार्कण्डेय ने कहा — मरुत्त के अठारह पुत्रों में जो ज्येष्ठ और श्रेष्ठ था, वह नरिष्यन्त नाम से विख्यात हुआ।

श्लोक 4 (markandeya.129.4)

वर्षाणां च सहस्राणि सप्ततिं दश पञ्च च । बुभुजै पृथिवीं कृत्स्नां मरुत्तः क्षत्रियर्षभः ॥ 129.4 ॥

varṣāṇāṁ ca sahasrāṇi saptatiṁ daśa pañca ca bubhujai pṛthivīṁ kṛtsnāṁ maruttaḥ kṣatriyarṣabhaḥ

क्षत्रियश्रेष्ठ मरुत्त ने पचहत्तर सहस्र वर्षों तक सम्पूर्ण पृथ्वी का भोग किया।

श्लोक 5 (markandeya.129.5)

कृत्वा राज्यं स्वधर्मेण इष्ट्वा यज्ञाननुत्तमान् । नरिष्यन्तसुतं ज्येष्ठमभिषिच्य ययौ वनम् ॥ 129.5 ॥

kṛtvā rājyaṁ svadharmeṇa iṣṭvā yajñānanuttamān nariṣyantasutaṁ jyeṣṭhamabhiṣicya yayau vanam

अपने धर्म के अनुसार राज्य करके और अनुपम यज्ञों का अनुष्ठान करके, उसने ज्येष्ठ पुत्र नरिष्यन्त का राज्याभिषेक किया और वन को चला गया।

श्लोक 6 (markandeya.129.6)

एकाग्रचित्तः स नृपस्तप्त्वा तत्र तपो महत् । आरुरोह दिवं विप्र यशसावृत्य रोदसी ॥ 129.6 ॥

ekāgracittaḥ sa nṛpastaptvā tatra tapo mahat āruroha divaṁ vipra yaśasāvṛtya rodasī

वहाँ एकाग्रचित्त होकर महान् तप करके, हे विप्र, वह राजा अपनी कीर्ति से आकाश और पृथ्वी को आवृत्त करते हुए स्वर्गलोक को प्राप्त हुआ।

श्लोक 7 (markandeya.129.7)

नरिष्यन्तः सुतः सोऽस्य चिन्तयामास बुद्धिमान् । पितुर्वृत्तं समालोक्य तथान्येषां च भूभृताम् ॥ 129.7 ॥

nariṣyantaḥ sutaḥ so’sya cintayāmāsa buddhimān piturvṛttaṁ samālokya tathānyeṣāṁ ca bhūbhṛtām

उसका बुद्धिमान् पुत्र नरिष्यन्त, अपने पिता के तथा अन्य राजाओं के आचरण को देखकर, इस प्रकार विचार करने लगा।

श्लोक 8 (markandeya.129.8)

अत्र वंशे महात्मानो राजानो मम पूर्वजाः । यज्विनो धर्मतः पृथ्वीं पालयामासुरूर्जिताः ॥ 129.8 ॥

atra vaṁśe mahātmāno rājāno mama pūrvajāḥ yajvino dharmataḥ pṛthvīṁ pālayāmāsurūrjitāḥ

'इस वंश में मेरे महात्मा पूर्वज बलशाली राजा थे, जो यज्ञ करने वाले और धर्मपूर्वक पृथ्वी का पालन करने वाले थे।'

श्लोक 9 (markandeya.129.9)

दातारश्चापि वित्तानां संग्रामेष्वनिवर्तिनः । तेषां कश्चरितं शक्तस्त्वनुयातुं महात्मनाम् ॥ 129.9 ॥

dātāraścāpi vittānāṁ saṁgrāmeṣvanivartinaḥ teṣāṁ kaścaritaṁ śaktastvanuyātuṁ mahātmanām

'वे धन के दाता थे और संग्राम से कभी पीछे न हटने वाले थे — उन महात्माओं के आचरण का अनुसरण करने में कौन समर्थ है?'

श्लोक 10 (markandeya.129.10)

किन्तु तैर्यत्कृतं कर्म धर्म्यमाहवनादिभिः । तदहं कर्तुमिच्छामि तच्च नास्ति करोमि किम् ॥ 129.10 ॥

kintu tairyatkṛtaṁ karma dharmyamāhavanādibhiḥ tadahaṁ kartumicchāmi tacca nāsti karomi kim

'किन्तु यज्ञ, युद्ध आदि से युक्त जो धर्मानुकूल कर्म उन्होंने किया, वही मैं करना चाहता हूँ — क्या वह मेरी पहुँच में है? तो फिर मैं क्या करूँ?'

श्लोक 11 (markandeya.129.11)

धर्मात्पालयतः पृथ्वीं को गणोऽत्र महीपतेः । असम्यक्पालनात्पापी नरेन्द्रो नरकं व्रजेत् ॥ 129.11 ॥

dharmātpālayataḥ pṛthvīṁ ko gaṇo’tra mahīpateḥ asamyakpālanātpāpī narendro narakaṁ vrajet

'धर्मपूर्वक पृथ्वी का पालन करने वाले राजा की यहाँ क्या विशेष गणना है? किन्तु ठीक से पालन न करने वाला पापी नरेन्द्र तो नरक में जाता ही है।'

श्लोक 12 (markandeya.129.12)

सति वित्ते महायज्ञाः कर्तव्या एव भूभृता । दातव्यं चात्र किं चित्रं सीदतामीश्वरो गतिः ॥ 129.12 ॥

sati vitte mahāyajñāḥ kartavyā eva bhūbhṛtā dātavyaṁ cātra kiṁ citraṁ sīdatāmīśvaro gatiḥ

'धन रहते हुए राजा को महायज्ञ करने ही चाहिए — इसमें कौन-सा आश्चर्य है, और दान देने में क्या विचित्रता है? [असली गौरव तो] संकट में डूबते हुओं के लिए शरण बनने में है।'

श्लोक 13 (markandeya.129.13)

आभिजात्यं तथा लज्जा कोपश्चारि जनाश्रयः । कारयन्ति स्वधर्मश्च सङ्ग्रामादपलायनम् ॥ 129.13 ॥

ābhijātyaṁ tathā lajjā kopaścāri janāśrayaḥ kārayanti svadharmaśca saṅgrāmādapalāyanam

'कुलीनता, लज्जा, शत्रुओं के प्रति क्रोध, और आश्रित प्रजा के प्रति दायित्व, तथा अपना स्वधर्म — ये ही संग्राम से पीठ न फेरने के कारण बनते हैं।'

श्लोक 14 (markandeya.129.14)

एतत्सर्वं यथा सम्यङ्मत्पूर्वैः पुरुषैः कृतम् । पित्रा च मे मरुत्तेन तथा तत्केन शक्यते ॥ 129.14 ॥

etatsarvaṁ yathā samyaṅmatpūrvaiḥ puruṣaiḥ kṛtam pitrā ca me maruttena tathā tatkena śakyate

'यह सब जिस प्रकार मेरे पूर्वजों ने और मेरे पिता मरुत्त ने भलीभाँति किया, वैसा मुझसे किस उपाय से हो सकेगा?'

श्लोक 15 (markandeya.129.15)

तदहं किं करिष्यामि यत्तु तैः पूर्वजैः कृतम् । ये यज्विनो वरा दान्ताः सङ्ग्रामाच्चानिवर्तिनः ॥ 129.15 ॥

tadahaṁ kiṁ kariṣyāmi yattu taiḥ pūrvajaiḥ kṛtam ye yajvino varā dāntāḥ saṅgrāmāccānivartinaḥ

'तो फिर मैं क्या करूँ, जो उन पूर्वजों ने किया — जो श्रेष्ठ यज्ञकर्ता, संयमी और संग्राम से कभी पीछे न हटने वाले थे,'

श्लोक 16 (markandeya.129.16)

महत्सङ्ग्रामसंमर्देष्वविसंवादिपौरुषाः । क्रमेणाहं यतिष्यामि कस्मै तानभिसन्धितुम् ॥ 129.16 ॥

mahatsaṅgrāmasaṁmardeṣvavisaṁvādipauruṣāḥ krameṇāhaṁ yatiṣyāmi kasmai tānabhisandhitum

'जिनका पराक्रम महान् युद्धों की भीषण भिड़न्त में भी कभी विचलित नहीं हुआ — मैं धीरे-धीरे प्रयत्न करूँगा, परन्तु किसके सम्मुख मैं उनकी तुलना करूँ?'

श्लोक 17 (markandeya.129.17)

अथवा तैः स्वयं यज्ञाः कृताः पूर्वजनेश्वरैः । अविश्रमद्भिर्नान्यैस्तु कारितास्तत्करोम्यहम् ॥ 129.17 ॥

athavā taiḥ svayaṁ yajñāḥ kṛtāḥ pūrvajaneśvaraiḥ aviśramadbhirnānyaistu kāritāstatkaromyaham

'अथवा, उन पूर्वज नरेशों ने स्वयं ही निरन्तर यज्ञ किए थे, दूसरों से नहीं करवाए थे — वही मैं स्वयं करूँगा।'

श्लोक 18 (markandeya.129.18)

मार्कण्डेय उवाच इति सञ्चिंत्य यज्ञं स चकारैकं नरेश्वरः । यादृशं न चकारान्यो वित्तोत्सर्गोपशोभितम् ॥ 129.18 ॥

mārkaṇḍeya uvāca iti sañciṁtya yajñaṁ sa cakāraikaṁ nareśvaraḥ yādṛśaṁ na cakārānyo vittotsargopaśobhitam

मार्कण्डेय ने कहा — इस प्रकार विचार करके उस राजा ने एक ऐसा यज्ञ किया, जैसा धन के उदार त्याग से सुशोभित यज्ञ अन्य किसी ने नहीं किया था।

श्लोक 19 (markandeya.129.19)

द्विजानां जीवनायालं दत्त्वा तु सुमहाधनम् । ततः शतगुणं तेषां यज्ञार्थमददान्नृपः ॥ 129.19 ॥

dvijānāṁ jīvanāyālaṁ dattvā tu sumahādhanam tataḥ śataguṇaṁ teṣāṁ yajñārthamadadānnṛpaḥ

ब्राह्मणों की जीविका के लिए पर्याप्त महाधन देकर, राजा ने उससे भी सौ गुना अधिक धन उन्हें यज्ञ के निमित्त प्रदान किया।

श्लोक 20 (markandeya.129.20)

गावो वस्त्राण्यलङ्कारं धान्यागारादिकं तथा । प्रत्येकमददात्तेषां सर्वपृथ्वीनिवासिनाम् ॥ 129.20 ॥

gāvo vastrāṇyalaṅkāraṁ dhānyāgārādikaṁ tathā pratyekamadadātteṣāṁ sarvapṛthvīnivāsinām

गौएँ, वस्त्र, आभूषण, तथा धान्य के भण्डार आदि — पृथ्वी पर बसने वाले उन सबको उसने प्रत्येक को अलग-अलग प्रदान किया।

श्लोक 21 (markandeya.129.21)

ततस्तेन यदा यज्ञः प्रारब्धो भूभुजा पुनः । प्रारब्धे स मखे यष्टुं ततो नालभत द्विजान् ॥ 129.21 ॥

tatastena yadā yajñaḥ prārabdho bhūbhujā punaḥ prārabdhe sa makhe yaṣṭuṁ tato nālabhata dvijān

तत्पश्चात् जब उस राजा ने पुनः यज्ञ आरम्भ किया, तो उस आरम्भ किए गए यज्ञ में हवन करने के लिए उसे ब्राह्मण ही नहीं मिले।

श्लोक 22 (markandeya.129.22)

यान्यान्वृणोति स नृपो विप्रानार्त्विज्यकर्मणि । ते ते तमूचुर्यज्ञाय वयमप्यत्र दीक्षिताः ॥ 129.22 ॥

yānyānvṛṇoti sa nṛpo viprānārtvijyakarmaṇi te te tamūcuryajñāya vayamapyatra dīkṣitāḥ

जिन-जिन ब्राह्मणों को राजा ऋत्विक् कर्म के लिए चुनता, वे-वे उससे कहते — 'हम भी यहाँ यज्ञ में दीक्षित हैं [अतः यजमान हैं, ऋत्विक् नहीं]।'

श्लोक 23 (markandeya.129.23)

अन्यं वरय यद्वित्तं त्वयास्माकं विसर्जितम् । तस्यान्तो नास्ति यज्ञेषु दद्यास्त्वं नृपते कथम् ॥ 129.23 ॥

anyaṁ varaya yadvittaṁ tvayāsmākaṁ visarjitam tasyānto nāsti yajñeṣu dadyāstvaṁ nṛpate katham

'किसी और को चुनिए। जो धन आपने हमें दिया है, उसका कोई अन्त नहीं है — यज्ञों में उसे आप कैसे और दें, हे नृपते?'

श्लोक 24 (markandeya.129.24)

मार्कण्डेय उवाच न चाप ऋत्विजो विप्रांस्तदाशेषक्षितीश्वरः । बहिर्वेद्यां तदा दानं स दातुमुपचक्रमे ॥ 129.24 ॥

mārkaṇḍeya uvāca na cāpa ṛtvijo viprāṁstadāśeṣakṣitīśvaraḥ bahirvedyāṁ tadā dānaṁ sa dātumupacakrame

मार्कण्डेय ने कहा — तब उस समस्त पृथ्वी के स्वामी को ब्राह्मण ऋत्विक् के रूप में प्राप्त न हुए, तो उसने वेदी के बाहर ही दान देना आरम्भ किया।

श्लोक 25 (markandeya.129.25)

तथापि जगृहुर्नैव धनसम्पूर्णमन्दिराः । द्विजाय दातुं भूयोऽसौ निर्विण्ण इदमब्रवीत् ॥ 129.25 ॥

tathāpi jagṛhurnaiva dhanasampūrṇamandirāḥ dvijāya dātuṁ bhūyo’sau nirviṇṇa idamabravīt

फिर भी, जिनके घर पहले ही धन से परिपूर्ण थे, वे ब्राह्मणों को और अधिक देने के लिए इसे ग्रहण नहीं करते थे। तब वह खिन्न होकर यह बोला —

श्लोक 26 (markandeya.129.26)

अहोऽतिशोभनं पृथ्व्यां यद्विप्रो नाधनः क्वचित् । अशोभनं च यत्कोशो विफलोयमयज्विनः ॥ 129.26 ॥

aho’tiśobhanaṁ pṛthvyāṁ yadvipro nādhanaḥ kvacit aśobhanaṁ ca yatkośo viphaloyamayajvinaḥ

'अहा, पृथ्वी पर यह कितना शोभनीय है कि कोई भी ब्राह्मण कहीं निर्धन नहीं है! किन्तु यह अशोभनीय है कि मेरा कोष व्यर्थ पड़ा है — यह तो यज्ञहीन के समान है।'

श्लोक 27 (markandeya.129.27)

नार्त्विज्यं कुरुते कश्चिद्यजमानोऽखिलो जनः । द्विजानां न च नो दानं ददतां सम्प्रतीच्छते ॥ 129.27 ॥

nārtvijyaṁ kurute kaścidyajamāno’khilo janaḥ dvijānāṁ na ca no dānaṁ dadatāṁ sampratīcchate

'सारी प्रजा ही यजमान बन गई है, कोई भी ऋत्विक् कर्म नहीं करता; और ब्राह्मण भी दान देने वालों से हमारा दान अब स्वीकार नहीं करते।'

श्लोक 28 (markandeya.129.28)

मार्कण्डेय उवाच ततः कांश्चिद्द्विजान्भक्त्या प्रणिपत्य पुनः पुनः । स्वयज्ञे ऋत्विजश्चक्रे ते प्रचक्रुर्महामखम् ॥ 129.28 ॥

mārkaṇḍeya uvāca tataḥ kāṁściddvijānbhaktyā praṇipatya punaḥ punaḥ svayajñe ṛtvijaścakre te pracakrurmahāmakham

मार्कण्डेय ने कहा — तब उसने कुछ ब्राह्मणों को भक्तिपूर्वक बार-बार प्रणाम करके अपने यज्ञ में ऋत्विक् बनाया, और उन्होंने वह महायज्ञ सम्पन्न किया।

श्लोक 29 (markandeya.129.29)

अत्यद्भुतमिदं चासीद्यदा तस्य महीपतेः । स यज्ञोऽभूत्तदा पृथ्व्यां यजमानोऽखिलो जनः ॥ 129.29 ॥

atyadbhutamidaṁ cāsīdyadā tasya mahīpateḥ sa yajño’bhūttadā pṛthvyāṁ yajamāno’khilo janaḥ

यह अत्यन्त अद्भुत बात हुई कि जब उस राजा का वह यज्ञ हुआ, तब पृथ्वी पर समस्त प्रजा ही यजमान बनी हुई थी।

श्लोक 30 (markandeya.129.30)

द्विजन्मनामभून्नासीत्सदस्यस्तत्र कश्चन । यजमाना द्विजाः केचित्केचित्तेषां तु याजकाः ॥ 129.30 ॥

dvijanmanāmabhūnnāsītsadasyastatra kaścana yajamānā dvijāḥ kecitkecitteṣāṁ tu yājakāḥ

वहाँ कोई भी ब्राह्मण मात्र सभासद् (साक्षी-श्रोता) नहीं रह गया था — कुछ द्विज यजमान थे और उन्हीं में से कुछ उनके ऋत्विक् थे।

श्लोक 31 (markandeya.129.31)

नरिष्यन्तो नरपतिरियाज स यदा तदा । तत्प्रदातुर्धनैर्यागं कुर्युः पृथ्व्यामशेषतः ॥ 129.31 ॥

nariṣyanto narapatiriyāja sa yadā tadā tatpradāturdhanairyāgaṁ kuryuḥ pṛthvyāmaśeṣataḥ

जब-जब राजा नरिष्यन्त यज्ञ करता, तब-तब उसके द्वारा दिए गए धन से लोग पृथ्वी भर में सर्वत्र यज्ञ किया करते थे।

श्लोक 32 (markandeya.129.32)

प्राच्यां कोट्यस्तु यज्ञानामासन्नष्टादशाधिकाः । प्रतीच्यां सप्त वै कोट्यो दक्षिणस्यां चतुर्दश ॥ 129.32 ॥

prācyāṁ koṭyastu yajñānāmāsannaṣṭādaśādhikāḥ pratīcyāṁ sapta vai koṭyo dakṣiṇasyāṁ caturdaśa

पूर्व दिशा में यज्ञों की संख्या अठारह करोड़ से अधिक हुई, पश्चिम में सात करोड़, तथा दक्षिण में चौदह करोड़ यज्ञ हुए।

श्लोक 33 (markandeya.129.33)

उत्तरस्यां च पञ्चाशदेककालं तदाभवन् । मुने ब्राह्मणयज्ञानां नरिष्यन्तो यदाऽयजत् ॥ 129.33 ॥

uttarasyāṁ ca pañcāśadekakālaṁ tadābhavan mune brāhmaṇayajñānāṁ nariṣyanto yadā’yajat

और उत्तर दिशा में पचास करोड़ यज्ञ एक ही समय हुए, हे मुने, जब नरिष्यन्त ब्राह्मणों के यज्ञों का आयोजन करता था।

श्लोक 34 (markandeya.129.34)

एवं स राजा धर्मात्मा नरिष्यन्तोऽभवत्पुरा । मरुत्ततनयो विप्र विख्यातबलपौरुषः ॥ 129.34 ॥

evaṁ sa rājā dharmātmā nariṣyanto’bhavatpurā maruttatanayo vipra vikhyātabalapauruṣaḥ

इस प्रकार, हे विप्र, मरुत्त का वह पुत्र नरिष्यन्त प्राचीन काल में एक धर्मात्मा राजा हुआ, जो अपने बल और पराक्रम के लिए विख्यात था।