राजा नरिष्यन्त का वध

श्लोक 1 (markandeya.131.1)

मार्कण्डेय उवाच स तां लब्ध्वा तथा पत्नीं सुमनां सुमहामुने । प्रणम्य स पितुः पादौ मातुश्च क्षितिपात्मजः ॥ 131.1 ॥

mārkaṇḍeya uvāca sa tāṁ labdhvā tathā patnīṁ sumanāṁ sumahāmune praṇamya sa pituḥ pādau mātuśca kṣitipātmajaḥ

मार्कण्डेय ने कहा — हे महामुने, उस पत्नी सुमना को पाकर वह राजकुमार अपने पिता-माता के चरणों में प्रणाम करने गया।

श्लोक 2 (markandeya.131.2)

सा च तौ श्वशुरौ सूभ्रूर्ननाम सुमना तदा । ताभ्यां तौ च तदा विप्र आशीर्भिरभिनन्दितौ ॥ 131.2 ॥

sā ca tau śvaśurau sūbhrūrnanāma sumanā tadā tābhyāṁ tau ca tadā vipra āśīrbhirabhinanditau

सुन्दर भौहों वाली सुमना ने भी उन दोनों श्वसुर-सास को प्रणाम किया, और हे विप्र, उन दोनों ने उन्हें आशीर्वादों से अभिनन्दित किया।

श्लोक 3 (markandeya.131.3)

महोत्सवश्च सञ्जज्ञे नरिष्यन्तस्य वै पुरे । कृतदारे च सम्प्राप्ते दशार्णाधिपतेः पुरात् ॥ 131.3 ॥

mahotsavaśca sañjajñe nariṣyantasya vai pure kṛtadāre ca samprāpte daśārṇādhipateḥ purāt

जब वह विवाहित युगल दशार्णाधिपति के नगर से लौट आया, तब नरिष्यन्त के नगर में महान् उत्सव मनाया गया।

श्लोक 4 (markandeya.131.4)

सम्बन्धिनं दशार्णेशं जितांश्च पृथिवीश्वरान् । श्रुत्या पुत्रेण मुमुदे नरिष्यन्तो महीपतिः ॥ 131.4 ॥

sambandhinaṁ daśārṇeśaṁ jitāṁśca pṛthivīśvarān śrutyā putreṇa mumude nariṣyanto mahīpatiḥ

दशार्णेश को सम्बन्धी के रूप में तथा पराजित हुए राजाओं के समाचार को सुनकर, राजा नरिष्यन्त अपने पुत्र के कारण अत्यन्त हर्षित हुआ।

श्लोक 5 (markandeya.131.5)

सोऽपि रेमे सुमनया महाराजसुतो दमः । वरोद्यानवनोद्देशे प्रसादगिरिसानुषु ॥ 131.5 ॥

so’pi reme sumanayā mahārājasuto damaḥ varodyānavanoddeśe prasādagirisānuṣu

महाराजपुत्र दम भी सुमना के साथ उत्तम उद्यानों, वनों और प्रसादगिरि की चोटियों पर विहार करने लगा।

श्लोक 6 (markandeya.131.6)

अथ कालेन महता रममाणा दमेन सा । अवाप गर्भे सुमना दशार्णाधिपतेः सुता ॥ 131.6 ॥

atha kālena mahatā ramamāṇā damena sā avāpa garbhe sumanā daśārṇādhipateḥ sutā

तत्पश्चात् दीर्घ काल तक दम के साथ रमण करती हुई दशार्णाधिपति की पुत्री सुमना गर्भवती हुई।

श्लोक 7 (markandeya.131.7)

सोऽपि राजा नरिष्यन्तो भुक्तभोगो महीपतिः । वयः परिणतिं प्राप्य दमं राज्येऽभिषिच्य च ॥ 131.7 ॥

so’pi rājā nariṣyanto bhuktabhogo mahīpatiḥ vayaḥ pariṇatiṁ prāpya damaṁ rājye’bhiṣicya ca

राजा नरिष्यन्त भी, भोगों को भोग चुका हुआ, वृद्धावस्था को प्राप्त होकर, दम का राज्याभिषेक करके —

श्लोक 8 (markandeya.131.8)

वनं जगामेन्द्रसेना पत्नी चास्य तपस्विनी । वानप्रस्थविधानेन स तत्र समतिष्ठत ॥ 131.8 ॥

vanaṁ jagāmendrasenā patnī cāsya tapasvinī vānaprasthavidhānena sa tatra samatiṣṭhata

अपनी तपस्विनी पत्नी इन्द्रसेना के साथ वन को चला गया, और वहाँ वानप्रस्थ की विधि से रहने लगा।

श्लोक 9 (markandeya.131.9)

दाक्षिणात्यः सुदुर्वृत्तः संक्रन्दनसुतो वने । वपुष्मान्स मृगान्हन्तुं ययावल्पपदानुगः ॥ 131.9 ॥

dākṣiṇātyaḥ sudurvṛttaḥ saṁkrandanasuto vane vapuṣmānsa mṛgānhantuṁ yayāvalpapadānugaḥ

उधर, दुष्ट आचरण वाला दाक्षिणात्य वपुष्मान् (संक्रन्दन का पुत्र), थोड़े ही अनुचरों के साथ मृगों का वध करने के लिए वन में गया।

श्लोक 10 (markandeya.131.10)

स तं दृष्ट्वा नरिष्यन्तं तापसं मलपङ्किनम् । इन्द्रसेनां च तत्पत्नीं तपसातिसुदुर्बलाम् ॥ 131.10 ॥

sa taṁ dṛṣṭvā nariṣyantaṁ tāpasaṁ malapaṅkinam indrasenāṁ ca tatpatnīṁ tapasātisudurbalām

उसने वहाँ मैल से लिपटे तपस्वी नरिष्यन्त को और तप से अत्यन्त क्षीण हुई उसकी पत्नी इन्द्रसेना को देखा।

श्लोक 11 (markandeya.131.11)

पप्रच्छ कस्त्वं भो विप्रः क्षत्रियो वा वनेचरः । वानप्रस्थमनुप्राप्तो वैश्यो वा मम कथ्यताम् ॥ 131.11 ॥

papraccha kastvaṁ bho vipraḥ kṣatriyo vā vanecaraḥ vānaprasthamanuprāpto vaiśyo vā mama kathyatām

उसने पूछा — 'हे विप्र, तुम कौन हो — क्षत्रिय हो या वनवासी? क्या तुम वानप्रस्थ को प्राप्त वैश्य हो? मुझे बताओ।'

श्लोक 12 (markandeya.131.12)

ततो मौनव्रती भूपो नहि तस्योत्तरं ददौ । इन्द्रसेना च तत्सर्वमाचष्टास्मै यथातथम् ॥ 131.12 ॥

tato maunavratī bhūpo nahi tasyottaraṁ dadau indrasenā ca tatsarvamācaṣṭāsmai yathātatham

मौनव्रतधारी राजा ने उसे कोई उत्तर नहीं दिया; तब इन्द्रसेना ने उसे यथावत् सब कुछ बता दिया।

श्लोक 13 (markandeya.131.13)

मार्कण्डेय उवाच ज्ञात्वा तं च नरिष्यन्तं वपुष्मान्पितरं रिपोः । प्राप्तोऽसीति वदन्कोपाज्जटासु परिगृह्य च ॥ 131.13 ॥

mārkaṇḍeya uvāca jñātvā taṁ ca nariṣyantaṁ vapuṣmānpitaraṁ ripoḥ prāpto’sīti vadankopājjaṭāsu parigṛhya ca

मार्कण्डेय ने कहा — यह जानकर कि यह नरिष्यन्त ही अपने शत्रु [दम] का पिता है, वपुष्मान् ने क्रोधवश 'तू ही मिल गया' कहकर उनकी जटाएँ पकड़ लीं,

श्लोक 14 (markandeya.131.14)

हाहेति चन्द्रसेनायां रुदन्त्यां बाष्पगद्गदम् । चकर्ष कोपात्सङ्गं च वाक्यं चेदमुवाच ह ॥ 131.14 ॥

hāheti candrasenāyāṁ rudantyāṁ bāṣpagadgadam cakarṣa kopātsaṅgaṁ ca vākyaṁ cedamuvāca ha

और इन्द्रसेना के 'हा-हा' कहकर अश्रुगद्गद विलाप करते रहते हुए भी, उसे क्रोधपूर्वक घसीटा और यह वचन कहा —

श्लोक 15 (markandeya.131.15)

निर्जितः समरे येन येन मे सुमना हृता । दमस्य तस्य पितरं हनिष्येऽवतु तं दमः ॥ 131.15 ॥

nirjitaḥ samare yena yena me sumanā hṛtā damasya tasya pitaraṁ haniṣye’vatu taṁ damaḥ

'जिसने मुझे युद्ध में परास्त किया, जिसने मेरी सुमना को हर लिया — उसी दम के पिता को मैं मार डालूँगा। दम अब उसकी रक्षा करे तो करे!'

श्लोक 16 (markandeya.131.16)

येनाखिलमहीपालपुत्राः कन्यार्थमागताः । अवधूता हनिष्येऽहं पितरं तस्य दुर्मतेः ॥ 131.16 ॥

yenākhilamahīpālaputrāḥ kanyārthamāgatāḥ avadhūtā haniṣye’haṁ pitaraṁ tasya durmateḥ

'जिसके कारण सभी राजपुत्र कन्या के लिए आए और तिरस्कृत होकर लौटे, उसी दुर्बुद्धि के पिता को मैं मार डालूँगा।'

श्लोक 17 (markandeya.131.17)

यौवनास्त्रस्वरूपेषु मदे यस्य दुरात्मनः । स दमो वारयत्वेष हन्मि तस्या रिपोर्गुरुम् ॥ 131.17 ॥

yauvanāstrasvarūpeṣu made yasya durātmanaḥ sa damo vārayatveṣa hanmi tasyā riporgurum

'जिस दुरात्मा के अस्त्र-चातुर्य के मद में यौवन का यह घमण्ड है, उस शत्रु का यह गुरु [पिता] है — दम रोके तो रोक ले, मैं इसे मार ही डालूँगा।'

श्लोक 18 (markandeya.131.18)

मार्कण्डेय उवाच इत्युक्त्वा स दुराचारो वपुष्मानवनीपतिः । क्रंदन्त्यामिन्द्रसेनायां शिरश्चिच्छेद तस्य च ॥ 131.18 ॥

mārkaṇḍeya uvāca ityuktvā sa durācāro vapuṣmānavanīpatiḥ kraṁdantyāmindrasenāyāṁ śiraściccheda tasya ca

मार्कण्डेय ने कहा — यह कहकर उस दुराचारी राजा वपुष्मान् ने, इन्द्रसेना के रुदन के बीच ही, उनका सिर काट डाला।

श्लोक 19 (markandeya.131.19)

ततो धिग्धिङ्मुनिजना अन्ये च वनवासिनः । तमूचुः स च तं हत्वा जगाम स्वपुरं वनात् ॥ 131.19 ॥

tato dhigdhiṅmunijanā anye ca vanavāsinaḥ tamūcuḥ sa ca taṁ hatvā jagāma svapuraṁ vanāt

तब अन्य मुनिजन और वनवासी 'धिक्कार है, धिक्कार है' कहकर उसकी निन्दा करने लगे; और वह उसे मारकर वन से अपने नगर को चला गया।

श्लोक 20 (markandeya.131.20)

गते तस्मिन्विनिश्वस्य सेन्द्रसेना वपुष्मति । प्रेषयामास पुत्रस्य समीपं शूद्रतापसम् ॥ 131.20 ॥

gate tasminviniśvasya sendrasenā vapuṣmati preṣayāmāsa putrasya samīpaṁ śūdratāpasam

उसके चले जाने पर, दीर्घ नि:श्वास लेती हुई इन्द्रसेना ने वपुष्मान् के पास ही अपने पुत्र दम के पास एक शूद्र तपस्वी को दूत बनाकर भेजा।

श्लोक 21 (markandeya.131.21)

गच्छेथा आशु मे पुत्रं दमं ब्रूहि वचो मम । अभिज्ञो ह्यसि मद्भर्तृवृत्तान्तं प्रोच्यतेऽत्र किम् ॥ 131.21 ॥

gacchethā āśu me putraṁ damaṁ brūhi vaco mama abhijño hyasi madbhartṛvṛttāntaṁ procyate’tra kim

[उसने कहा—] 'तुम शीघ्र जाओ और मेरे पुत्र दम से मेरा यह सन्देश कहो — तुम मेरे पति की सारी वृत्तान्त जानते ही हो, यहाँ और क्या कहा जाए?'

श्लोक 22 (markandeya.131.22)

तथापि वाच्यः पुत्रो मे यद्ब्रवीम्यतिदुःखिता । लंघनामीदृशीं प्राप्तां विलोक्यतां महीपतेः ॥ 131.22 ॥

tathāpi vācyaḥ putro me yadbravīmyatiduḥkhitā laṁghanāmīdṛśīṁ prāptāṁ vilokyatāṁ mahīpateḥ

'तो भी मेरे पुत्र से यह कहना चाहिए, जो मैं अत्यन्त दुःखित होकर कहती हूँ — राजा को चाहिए कि वह ऐसी अपमानजनक घटना पर ध्यान दे।'

श्लोक 23 (markandeya.131.23)

मद्भर्त्राऽधिकृतो राजा चतुर्णां परिपालकः । त्वमाश्रमाणां किं युक्तं तापसान्यन्न रक्षसि ॥ 131.23 ॥

madbhartrā’dhikṛto rājā caturṇāṁ paripālakaḥ tvamāśramāṇāṁ kiṁ yuktaṁ tāpasānyanna rakṣasi

'मेरे पति के द्वारा जो राजा चारों आश्रमों की रक्षा के लिए नियुक्त था, हे तपस्वियों के आश्रयदाता, क्या यह उचित है कि तुम उनकी रक्षा नहीं करते?'

श्लोक 24 (markandeya.131.24)

भर्ता मम नरिष्यन्तस्तापसस्तपसि स्थितः । विलपन्त्यास्तथा नाथो यथा नासि तथा त्वयि ॥ 131.24 ॥

bhartā mama nariṣyantastāpasastapasi sthitaḥ vilapantyāstathā nātho yathā nāsi tathā tvayi

'मेरे पति नरिष्यन्त तपस्वी होकर तप में स्थित थे। मैं विलाप करती हूँ कि जैसे उनका कोई स्वामी नहीं था, वैसे ही मानो तुम भी नहीं हो।'

श्लोक 25 (markandeya.131.25)

आकृष्य केशेषु बलादपराधं विना ततः । हतो वपुष्मता ख्यातिमिति ते भूपतिर्गता ॥ 131.25 ॥

ākṛṣya keśeṣu balādaparādhaṁ vinā tataḥ hato vapuṣmatā khyātimiti te bhūpatirgatā

'बलपूर्वक जटाओं से घसीटकर, बिना किसी अपराध के, वपुष्मान् द्वारा वे मार डाले गए — यह बात अब राजा तक ख्याति के रूप में पहुँच चुकी है।'

श्लोक 26 (markandeya.131.26)

एवं स्थिते तत्क्रियतां यथा धर्मो न लुप्यते । तथा च नैव वस्तव्यं माताहं तापसी यतः ॥ 131.26 ॥

evaṁ sthite tatkriyatāṁ yathā dharmo na lupyate tathā ca naiva vastavyaṁ mātāhaṁ tāpasī yataḥ

'ऐसी स्थिति में वह किया जाए जिससे धर्म नष्ट न हो; और मुझे भी अब यहाँ नहीं रहना है, क्योंकि मैं भी अब एक तपस्विनी हूँ, हे पुत्र।'

श्लोक 27 (markandeya.131.27)

पिता वृद्धस्तपस्वी च नापराधेन दूषितः । निहतो येन यत्तस्य कर्तव्यं तद्विचिन्त्यताम् ॥ 131.27 ॥

pitā vṛddhastapasvī ca nāparādhena dūṣitaḥ nihato yena yattasya kartavyaṁ tadvicintyatām

'पिता वृद्ध थे, तपस्वी थे, किसी अपराध से दूषित नहीं थे, फिर भी जिसके द्वारा वे मार डाले गए, उसके लिए जो करणीय है, उस पर विचार करो।'

श्लोक 28 (markandeya.131.28)

सन्ति ते मन्त्रिणो वीराः सर्वशास्त्रार्थवेदिनः । तैः सहालोच्य यत्कार्यमेवंभूते कुरुष्व तत् ॥ 131.28 ॥

santi te mantriṇo vīrāḥ sarvaśāstrārthavedinaḥ taiḥ sahālocya yatkāryamevaṁbhūte kuruṣva tat

'तुम्हारे वीर मन्त्री हैं, जो समस्त शास्त्रों के अर्थ को जानने वाले हैं — उनके साथ विचार-विमर्श करके जो करणीय है, वह करो।'

श्लोक 29 (markandeya.131.29)

नास्माकमधिकारोऽत्र तापसानां नराधिप । कुरुष्वैतदितीत्थं त्वमेवं भूपतिभाषितम् ॥ 131.29 ॥

nāsmākamadhikāro’tra tāpasānāṁ narādhipa kuruṣvaitaditītthaṁ tvamevaṁ bhūpatibhāṣitam

'तपस्वियों के विषय में यह हमारा अधिकार-क्षेत्र नहीं है, हे नराधिप — यह तुम स्वयं ही तय करो' — इस प्रकार राजा [नरिष्यन्त] ने पहले ही कहा था।

श्लोक 30 (markandeya.131.30)

विदूरथस्य जनको यवनेन यथा हतः । तथायं तव पुत्रस्य कुलं तेन विनाशितम् ॥ 131.30 ॥

vidūrathasya janako yavanena yathā hataḥ tathāyaṁ tava putrasya kulaṁ tena vināśitam

'जैसे विदूरथ का पिता यवन द्वारा मारा गया था, वैसे ही तुम्हारे इस कुल का भी विनाश उसी [वपुष्मान्] के द्वारा किया गया है।'

श्लोक 31 (markandeya.131.31)

जम्भस्यासुरराजस्य पिता दष्टो भुजङ्गमैः । तेनाप्यखिलपातालवासिनः पन्नगाः हताः ॥ 131.31 ॥

jambhasyāsurarājasya pitā daṣṭo bhujaṅgamaiḥ tenāpyakhilapātālavāsinaḥ pannagāḥ hatāḥ

'असुरराज जम्भ का पिता सर्पों द्वारा डस लिया गया था; उसके कारण ही पाताल में रहने वाले समस्त नागों का वध हुआ।'

श्लोक 32 (markandeya.131.32)

पराशरेण पितरं शक्तिं तं रक्षसाऽऽहतम् । श्रुत्वाऽग्नौ पातितं कृत्स्नं रक्षसामभवत्कुलम् ॥ 131.32 ॥

parāśareṇa pitaraṁ śaktiṁ taṁ rakṣasā’’hatam śrutvā’gnau pātitaṁ kṛtsnaṁ rakṣasāmabhavatkulam

'पराशर ने भी, अपने पिता शक्ति को राक्षस द्वारा मारा गया सुनकर, राक्षसों का सम्पूर्ण कुल अग्नि में झोंक दिया था।'

श्लोक 33 (markandeya.131.33)

अन्यस्यापि स्ववंशस्य लंघना क्रियते हि या । तां नालं क्षत्रियः सोढुं कि पुनः पितृमारणम् ॥ 131.33 ॥

anyasyāpi svavaṁśasya laṁghanā kriyate hi yā tāṁ nālaṁ kṣatriyaḥ soḍhuṁ ki punaḥ pitṛmāraṇam

'अपने वंश का जो अपमान दूसरों द्वारा भी किया जाता है, उसे सहन करना क्षत्रिय के लिए उचित नहीं — फिर पिता की हत्या को तो और भी नहीं!'

श्लोक 34 (markandeya.131.34)

नायं पिता ते निहतो नास्मिञ्छस्त्रं निपातितम् । त्वामत्र निहतं मन्ये त्वयि शस्त्रं निपातितम् ॥ 131.34 ॥

nāyaṁ pitā te nihato nāsmiñchastraṁ nipātitam tvāmatra nihataṁ manye tvayi śastraṁ nipātitam

'तुम्हारे लिए यह पिता मारा नहीं गया, न ही उन पर कोई शस्त्र गिराया गया — बल्कि मैं तो मानती हूँ कि तुम ही यहाँ मारे गए, तुम पर ही शस्त्र गिराया गया है।'

श्लोक 35 (markandeya.131.35)

बिभेत्यस्य हि कः शस्त्रं न्यस्तं येन वनौकसाम् । तव नृपस्य पुत्रस्य मा बिभेतु बिभेतु वा ॥ 131.35 ॥

bibhetyasya hi kaḥ śastraṁ nyastaṁ yena vanaukasām tava nṛpasya putrasya mā bibhetu bibhetu vā

'जिसके शस्त्र से वनवासियों को भी भय होता है, उससे कौन नहीं डरता? तुम्हारे राजपुत्र से — वह डरे या न डरे [उसे परवाह नहीं]!'

श्लोक 36 (markandeya.131.36)

तवेयं लङ्घनायुक्ता यदस्मिंस्तत्समाचर । वपुष्मति महाराज सभृत्यज्ञातिबान्धवे ॥ 131.36 ॥

taveyaṁ laṅghanāyuktā yadasmiṁstatsamācara vapuṣmati mahārāja sabhṛtyajñātibāndhave

'यह अपमान तुम्हारा ही है — इसके प्रति जो करना उचित हो, वह करो, हे महाराज, उस वपुष्मान् के विरुद्ध, जो अपने सेवकों, ज्ञातिजनों और बन्धुओं सहित है।'

श्लोक 37 (markandeya.131.37)

मार्कण्डेय उवाच इति संक्रान्तसन्देशमिन्द्रसेना विसृज्य तम् । पतिदेहमुपाश्लिष्य विवेशाग्निं मनस्विनी ॥ 131.37 ॥

mārkaṇḍeya uvāca iti saṁkrāntasandeśamindrasenā visṛjya tam patidehamupāśliṣya viveśāgniṁ manasvinī

मार्कण्डेय ने कहा — यह सन्देश भेजकर, मनस्विनी इन्द्रसेना ने अपने पति के शरीर को गले लगाकर स्वयं अग्नि में प्रवेश किया।