दत्तात्रेय के वरदान

श्लोक 1 (markandeya.19.1)

पुत्र उवाच इत्यृषेर्वचनं श्रुत्वा कार्तवीर्यो नरेश्वरः । दत्तात्रेयाश्रमं गत्त्वा तं भक्त्या समपूजयत्॥ 19.1 ॥

putra uvāca ityṛṣervacanaṁ śrutvā kārtavīryo nareśvaraḥ dattātreyāśramaṁ gattvā taṁ bhaktyā samapūjayat

पुत्र ने कहा: ऋषि गर्ग के इस वचन को सुनकर, नरेश्वर कार्तवीर्य दत्तात्रेय के आश्रम में जाकर भक्तिपूर्वक उनकी पूजा करने लगा।

श्लोक 2 (markandeya.19.2)

पादसंवाहनाद्येन मध्वाद्याहरणेन च । स्त्रक्चन्दनादिगन्धाम्बु-फलाद्यनयनेन च॥ 19.2 ॥

pādasaṁvāhanādyena madhvādyāharaṇena ca strakcandanādigandhāmbu-phalādyanayanena ca

उनके पैर दबाकर, मधु आदि लाकर, माला, चन्दन आदि सुगन्ध, जल और फल आदि लाकर,

श्लोक 3 (markandeya.19.3)

तथान्नसाधनैस्तस्य उच्छिष्टापोहनेन च । परितुष्टो मुनिर्भूतं तमुवाच तथैव सः॥ 19.3 ॥

tathānnasādhanaistasya ucchiṣṭāpohanena ca parituṣṭo munirbhūtaṁ tamuvāca tathaiva saḥ

तथा उनके लिए अन्न तैयार करके और उनका जूठन साफ करके — इस प्रकार पूर्णतः संतुष्ट हुए उस मुनि ने उस राजकुमार से कहा —

श्लोक 4 (markandeya.19.4)

यथैवोक्ताः पुरा देवा मद्यभोगादिकुत्सनम् । स्त्री चेयं मम पार्श्वस्थेत्येतद्भोगाच्च कुत्सितम्॥ 19.4 ॥

yathaivoktāḥ purā devā madyabhogādikutsanam strī ceyaṁ mama pārśvasthetyetadbhogācca kutsitam

जिस प्रकार पहले देवताओं ने मेरे मद्यपान आदि की निन्दा करते हुए कहा था कि यह स्त्री भी सदा मेरे पास बैठी रहती है, और इस भोग की निन्दा की थी,

श्लोक 5 (markandeya.19.5)

सदैवाहं न मामेवमुपरोद्धुं त्वमर्हसि । अशक्तमुपकाराय शक्तमाराधयस्व भोः॥ 19.5 ॥

sadaivāhaṁ na māmevamuparoddhuṁ tvamarhasi aśaktamupakārāya śaktamārādhayasva bhoḥ

मैं सदा ऐसा ही रहता हूँ; तुम्हें मुझे इस प्रकार बाध्य नहीं करना चाहिए। जो सहायता करने में असमर्थ हो, उसकी नहीं, अपितु जो समर्थ हो, उसी की आराधना करो, हे भद्र!

श्लोक 6 (markandeya.19.6)

जड उवाच तेनैवमुक्तो मुनिना स्मृत्वा गर्गवचश्च तत् । प्रत्युवाच प्रणम्यैनं सार्तवीर्यार्जुनस्तदा॥ 19.6 ॥

jaḍa uvāca tenaivamukto muninā smṛtvā gargavacaśca tat pratyuvāca praṇamyainaṁ sārtavīryārjunastadā

जड़ ने कहा: उस मुनि द्वारा इस प्रकार कहे जाने पर, गर्ग के उन वचनों का स्मरण करके, कार्तवीर्य अर्जुन ने उन्हें प्रणाम करके उत्तर दिया —

श्लोक 7 (markandeya.19.7)

अर्जुन उवाच किं मां मोहयसे देव ! स्वां मायां समुपाश्रितः । अनघस्त्वं तथैवेयं देवी सर्वभवारणिः॥ 19.7 ॥

arjuna uvāca kiṁ māṁ mohayase deva ! svāṁ māyāṁ samupāśritaḥ anaghastvaṁ tathaiveyaṁ devī sarvabhavāraṇiḥ

अर्जुन ने कहा: हे देव! अपनी माया का सहारा लेकर मुझे क्यों मोहित करते हैं? आप निष्पाप हैं, और यह देवी भी उसी प्रकार समस्त सृष्टि का मूल कारण है।

श्लोक 8 (markandeya.19.8)

इत्युक्तः प्रीतिमान् देवस्ततस्तं प्रत्युवाच ह । कार्तवीर्यं महाभागं वशीकृतमहीतलम्॥ 19.8 ॥

ityuktaḥ prītimān devastatastaṁ pratyuvāca ha kārtavīryaṁ mahābhāgaṁ vaśīkṛtamahītalam

यह सुनकर, प्रसन्न होकर उस देव ने उस महाभाग कार्तवीर्य से कहा, जो समस्त पृथ्वी को अपने वश में करने वाला था —

श्लोक 9 (markandeya.19.9)

वरं वृणीष्व गुह्यं मे यत् त्वया समुदीरितम् । तेन तुष्टिः परा जाता त्वय्यद्य मम पार्थिव॥ 19.9 ॥

varaṁ vṛṇīṣva guhyaṁ me yat tvayā samudīritam tena tuṣṭiḥ parā jātā tvayyadya mama pārthiva

तुमने जो मेरा गुह्य रहस्य प्रकट किया है, उससे मुझे तुम पर आज परम संतोष हुआ है; हे राजन! कोई वर माँग लो।

श्लोक 10 (markandeya.19.10)

ये च मां पूजयिष्यन्ति गन्धमाल्यादिभिर्नराः । मांसमद्योपहारैश्च मिष्टान्नैश्चाज्यसंयुतैः॥ 19.10 ॥

ye ca māṁ pūjayiṣyanti gandhamālyādibhirnarāḥ māṁsamadyopahāraiśca miṣṭānnaiścājyasaṁyutaiḥ

जो मनुष्य मुझे गन्ध-माल्य आदि से, मांस और मदिरा की भेंट से, घी-सहित मिष्टान्नों से पूजेंगे,

श्लोक 11 (markandeya.19.11)

लक्ष्मीसमेतं गीतैश्च ब्राह्मणानां तथार्च्चनैः । वाद्यैर्मनोरमैर्वोणा-वेणु-शङ्कादिभिस्तथा॥ 19.11 ॥

lakṣmīsametaṁ gītaiśca brāhmaṇānāṁ tathārccanaiḥ vādyairmanoramairvoṇā-veṇu-śaṅkādibhistathā

लक्ष्मी सहित मुझे गीतों से, ब्राह्मणों के पूजन से, तथा वीणा, वेणु, शंख आदि मनोहर वाद्यों से पूजेंगे,

श्लोक 12 (markandeya.19.12)

तेषामहं परां तुष्टिं पुत्रदारधनादिकम् । प्रदास्याम्यवघातञ्च हनिष्याम्यवमन्यताम्॥ 19.12 ॥

teṣāmahaṁ parāṁ tuṣṭiṁ putradāradhanādikam pradāsyāmyavaghātañca haniṣyāmyavamanyatām

उन्हें मैं परम संतोष, पुत्र, पत्नी, धन आदि प्रदान करूँगा, और जो अपमान करेंगे उनका विनाश करूँगा।

श्लोक 13 (markandeya.19.13)

स त्वं वरय भद्रं ते वरं यन्मसेप्सितम् । प्रसादसुमुखस्तेऽहं गुह्यनामप्रकीर्तनात्॥ 19.13 ॥

sa tvaṁ varaya bhadraṁ te varaṁ yanmasepsitam prasādasumukhaste’haṁ guhyanāmaprakīrtanāt

इसलिए तुम्हारा कल्याण हो — जो वर तुम चाहते हो वह माँग लो; तुमने मेरा गुह्य नाम प्रकट किया है, इसलिए मैं तुम पर प्रसन्न-मुख हूँ।

श्लोक 14 (markandeya.19.14)

कार्तवीर्य उवाच यदि देव प्रसन्नस्त्वं तत् प्रयच्छर्धिमुत्तमाम् । यया प्रजाः पालयेऽहं न चाधर्ममवाप्नुयाम्॥ 19.14 ॥

kārtavīrya uvāca yadi deva prasannastvaṁ tat prayacchardhimuttamām yayā prajāḥ pālaye’haṁ na cādharmamavāpnuyām

कार्तवीर्य ने कहा: हे देव! यदि आप प्रसन्न हैं, तो मुझे वह उत्तम ऐश्वर्य प्रदान करें, जिससे मैं प्रजा का पालन कर सकूँ और अधर्म को प्राप्त न होऊँ।

श्लोक 15 (markandeya.19.15)

परानुसरणे ज्ञानमप्रतिद्वन्द्वतां रणे । सहस्रमाप्तुमिच्छामि बाहूनां लघुतागुणम्॥ 19.15 ॥

parānusaraṇe jñānamapratidvandvatāṁ raṇe sahasramāptumicchāmi bāhūnāṁ laghutāguṇam

शत्रु का पीछा करने में ज्ञान, युद्ध में अप्रतिद्वन्द्विता, सहस्र भुजाएँ, और उनमें लघुता (फुर्ती) का गुण — यही मैं प्राप्त करना चाहता हूँ।

श्लोक 16 (markandeya.19.16)

असङ्गा गतयः सन्तु शैलाकाशाम्बु-भूमिषु । पातालेषु च सर्वेषु वधश्चाप्यधिकान्नरात्॥ 19.16 ॥

asaṅgā gatayaḥ santu śailākāśāmbu-bhūmiṣu pātāleṣu ca sarveṣu vadhaścāpyadhikānnarāt

पर्वत, आकाश, जल और पृथ्वी पर, तथा समस्त पातालों में मेरी गति निर्बाध हो, और मुझसे बढ़कर किसी के भी हाथों मेरा वध न हो।

श्लोक 17 (markandeya.19.17)

तथोन्मार्गप्रवृत्तस्य चास्तु सन्मार्गदेशकः । सन्तु मेऽतिथयः श्लाघ्या वित्तदाने तथाक्षये॥ 19.17 ॥

tathonmārgapravṛttasya cāstu sanmārgadeśakaḥ santu me’tithayaḥ ślāghyā vittadāne tathākṣaye

यदि कभी मैं कुमार्ग पर चलूँ, तो कोई मुझे सन्मार्ग दिखाने वाला मिले; मुझे प्रशंसनीय अतिथि प्राप्त हों, और मेरा धन दान करने से भी कभी क्षीण न हो।

श्लोक 18 (markandeya.19.18)

अनष्टद्रव्यता राष्ट्रे ममानुस्मरणेन च । त्वयि भक्तिर्ममैवास्तु नित्यमव्यभिचारिणी॥ 19.18 ॥

anaṣṭadravyatā rāṣṭre mamānusmaraṇena ca tvayi bhaktirmamaivāstu nityamavyabhicāriṇī

मेरे राज्य में मेरे स्मरण मात्र से किसी वस्तु का नाश न हो, और आपके प्रति मेरी भक्ति सदा अविचल बनी रहे।

श्लोक 19 (markandeya.19.19)

दत्तात्रेय उवाच यत्र ते कीर्तिताः सर्वे तान् वरान् समवाप्स्यसि । मत्प्रसादाच्च भविता चक्रवर्तो त्वमीश्वरः॥ 19.19 ॥

dattātreya uvāca yatra te kīrtitāḥ sarve tān varān samavāpsyasi matprasādācca bhavitā cakravarto tvamīśvaraḥ

दत्तात्रेय ने कहा: जो वर तुमने गिनाए हैं, वे सब तुम्हें प्राप्त होंगे; और मेरी कृपा से तुम एक चक्रवर्ती सम्राट बनोगे।

श्लोक 20 (markandeya.19.20)

जड उवाच प्रणिपत्य ततस्तस्मै दत्तात्रेयाय सोऽर्जुनः । आनाय्य प्रकृतीः सम्यगभिषेकमगृह्णत॥ 19.20 ॥

jaḍa uvāca praṇipatya tatastasmai dattātreyāya so’rjunaḥ ānāyya prakṛtīḥ samyagabhiṣekamagṛhṇata

जड़ ने कहा: उस दत्तात्रेय को प्रणाम करके, अर्जुन ने अपने मन्त्रियों को बुलाकर विधिपूर्वक राज्याभिषेक ग्रहण किया।

श्लोक 21 (markandeya.19.21)

आघोषयामास तदा स्थितो राज्ये स हैहयः । दत्तात्रेयात् परामृद्धिमवाप्यातिबलान्वितः॥ 19.21 ॥

āghoṣayāmāsa tadā sthito rājye sa haihayaḥ dattātreyāt parāmṛddhimavāpyātibalānvitaḥ

तब राज्य में स्थित उस हैहयराज ने, दत्तात्रेय से परम ऋद्धि प्राप्त करके, अत्यन्त बलशाली होकर यह उद्घोषणा कर दी —

श्लोक 22 (markandeya.19.22)

अद्यप्रभृति यः शस्त्रं मामृतेऽन्यो ग्रहीष्यति । हन्तव्यः स मया दस्युः परिहंसारतोऽपि वा॥ 19.22 ॥

adyaprabhṛti yaḥ śastraṁ māmṛte’nyo grahīṣyati hantavyaḥ sa mayā dasyuḥ parihaṁsārato’pi vā

आज से जो कोई मेरे अतिरिक्त अन्य शस्त्र धारण करेगा, वह चाहे परिव्राजक-साधना में रत क्यों न हो, मेरे द्वारा दस्यु के समान मार डाला जाएगा।

श्लोक 23 (markandeya.19.23)

इत्याज्ञप्तेन तद्राष्ट्रे कश्चिदायुधधृङ्नरः । तमृते पुरुषव्याघ्रं बभूवोरुपराक्रमः॥ 19.23 ॥

ityājñaptena tadrāṣṭre kaścidāyudhadhṛṅnaraḥ tamṛte puruṣavyāghraṁ babhūvoruparākramaḥ

इस आज्ञा के कारण उस राज्य में उस पुरुषश्रेष्ठ महापराक्रमी के अतिरिक्त कोई भी अस्त्रधारी पुरुष नहीं रहा।

श्लोक 24 (markandeya.19.24)

स एव ग्रामपालोऽभूत् पशुपालः स एव च । क्षेत्रपालः स एवासीद् द्विजातीनाञ्च रक्षिता॥ 19.24 ॥

sa eva grāmapālo’bhūt paśupālaḥ sa eva ca kṣetrapālaḥ sa evāsīd dvijātīnāñca rakṣitā

वही ग्रामों का रक्षक बना, वही पशुओं का रक्षक हुआ, वही खेतों का रक्षक हुआ और वही ब्राह्मणों की रक्षा करने वाला बना।

श्लोक 25 (markandeya.19.25)

तपस्विनां पालयिता सार्थपालस्तु सोऽभवत् । द्स्यु-व्यालाग्रि-शस्त्रादि-भयेष्वब्धौ निमज्जताम्॥ 19.25 ॥

tapasvināṁ pālayitā sārthapālastu so’bhavat dsyu-vyālāgri-śastrādi-bhayeṣvabdhau nimajjatām

वही तपस्वियों का पालक और व्यापारिक काफिलों का रक्षक बना; चोर, सर्प, अग्नि, शस्त्र आदि के भय में तथा समुद्र में डूबते हुए लोगों के लिए,

श्लोक 26 (markandeya.19.26)

अन्यासु चैव मग्रानामापत्सु परवीरहा । स एव संस्मृतः सद्यः समुद्धर्ताभवन्नृणाम्॥ 19.26 ॥

anyāsu caiva magrānāmāpatsu paravīrahā sa eva saṁsmṛtaḥ sadyaḥ samuddhartābhavannṛṇām

तथा अन्य संकटों में पड़े हुए दुःखी लोगों के लिए भी, शत्रु-वीरों का संहार करने वाला वही स्मरण किए जाने पर तत्काल मनुष्यों का उद्धारक बन जाता था।

श्लोक 27 (markandeya.19.27)

अनष्टद्रव्यता चासीत् तस्मिन् शासति पार्थिवे । तेनेष्टं बहुभिर्यज्ञैः समाप्तवरदक्षिणैः॥ 19.27 ॥

anaṣṭadravyatā cāsīt tasmin śāsati pārthive teneṣṭaṁ bahubhiryajñaiḥ samāptavaradakṣiṇaiḥ

उस राजा के शासनकाल में किसी वस्तु का नाश नहीं होता था; उसने पूर्ण दक्षिणा से सम्पन्न अनेक यज्ञ किए।

श्लोक 28 (markandeya.19.28)

तेनैव च तपस्तप्तं संग्रामेष्वभिचेष्टितम् । तस्यार्धिमतिमानञ्च दृष्ट्वा प्राहाङ्गिरा मुनिः॥ 19.28 ॥

tenaiva ca tapastaptaṁ saṁgrāmeṣvabhiceṣṭitam tasyārdhimatimānañca dṛṣṭvā prāhāṅgirā muniḥ

उसी ने युद्धों में महान पराक्रम किया और तप भी तपा; उसकी उस अनुपम समृद्धि और महिमा को देखकर अंगिरा मुनि ने कहा —

श्लोक 29 (markandeya.19.29)

न नूनं कार्तवीर्यस्य गतिं यास्यन्ति पार्थिवाः । यज्ञैर्दानैस्तपोभिर्वा संग्रामे चातिचेष्चितैः॥ 19.29 ॥

na nūnaṁ kārtavīryasya gatiṁ yāsyanti pārthivāḥ yajñairdānaistapobhirvā saṁgrāme cāticeṣcitaiḥ

निश्चय ही कोई भी राजा यज्ञों, दानों, तपस्याओं अथवा युद्ध में की गई अत्यधिक चेष्टा से भी कार्तवीर्य की गति को प्राप्त नहीं कर पाएँगे,

श्लोक 30 (markandeya.19.30)

दत्तात्रेयाद्दिन् यस्मिन् स प्रापर्धि नरेश्वरः । तस्मिंस्तस्मिन् दिने यागं दत्तात्रेयस्य सोऽकरोत्॥ 19.30 ॥

dattātreyāddin yasmin sa prāpardhi nareśvaraḥ tasmiṁstasmin dine yāgaṁ dattātreyasya so’karot

क्योंकि जिस दिन उस नरेश्वर ने दत्तात्रेय से यह समृद्धि प्राप्त की थी, उसी तिथि को वह प्रतिवर्ष दत्तात्रेय का यज्ञ किया करता था।

श्लोक 31 (markandeya.19.31)

तत्रैव च प्रजाः सर्वास्तस्मिन्नहनि भूपतेः । तस्यर्धि परमां दृष्ट्वा यागं चक्रुः समाधिना॥ 19.31 ॥

tatraiva ca prajāḥ sarvāstasminnahani bhūpateḥ tasyardhi paramāṁ dṛṣṭvā yāgaṁ cakruḥ samādhinā

उसी दिन राजा की उस परम समृद्धि को देखकर, वहाँ की समस्त प्रजा भी उसी दिन एकाग्र चित्त से यज्ञ किया करती थी।

श्लोक 32 (markandeya.19.32)

इत्येतत् तस्य माहात्म्यं दत्तात्रेयस्य धीमतः । विष्णोश्चराचरगुरोरनन्तस्य महात्मनः॥ 19.32 ॥

ityetat tasya māhātmyaṁ dattātreyasya dhīmataḥ viṣṇoścarācaraguroranantasya mahātmanaḥ

इस प्रकार यह उन बुद्धिमान दत्तात्रेय की महिमा है — जो चराचर जगत् के गुरु, अनन्त तथा महात्मा भगवान विष्णु ही हैं।

श्लोक 33 (markandeya.19.33)

प्रादुर्भावाः पुराणेषु कथ्यन्ते शार्ड्गधन्विनः । अनन्तस्याप्रमेयस्य शङ्ख-चक्र-गदाभृतः॥ 19.33 ॥

prādurbhāvāḥ purāṇeṣu kathyante śārḍgadhanvinaḥ anantasyāprameyasya śaṅkha-cakra-gadābhṛtaḥ

शार्ङ्ग धनुष धारण करने वाले, अनन्त, अप्रमेय, शंख-चक्र-गदा धारण करने वाले उनके ऐसे अवतार पुराणों में वर्णित किए जाते हैं।

श्लोक 34 (markandeya.19.34)

एतस्य परमं रूपं यश्चिन्तयति मानवः । स सुखी स च संसारात् समुत्तीर्णोऽचिराद्भवेत्॥ 19.34 ॥

etasya paramaṁ rūpaṁ yaścintayati mānavaḥ sa sukhī sa ca saṁsārāt samuttīrṇo’cirādbhavet

जो मनुष्य उनके इस परम रूप का चिन्तन करता है, वह सुखी होता है और शीघ्र ही संसार-सागर से पार हो जाता है।

श्लोक 35 (markandeya.19.35)

सदैव वैष्णवानाञ्च भक्त्याहं सुलभोऽस्मि भोः । इत्येवं यस्य वै वाचस्तं कथं नाश्रयेज्जनः॥ 19.35 ॥

sadaiva vaiṣṇavānāñca bhaktyāhaṁ sulabho’smi bhoḥ ityevaṁ yasya vai vācastaṁ kathaṁ nāśrayejjanaḥ

मैं अपने भक्तों के लिए सदा भक्ति के द्वारा ही सुलभ हूँ — जिनका ऐसा स्वयं का वचन हो, उनका आश्रय भला मनुष्य क्यों नहीं लेगा?

श्लोक 36 (markandeya.19.36)

अधर्मस्य विनाशाय धर्माचारार्थमेव च । अनादिनिधनो देवः करोति स्थिति-पालनम्॥ 19.36 ॥

adharmasya vināśāya dharmācārārthameva ca anādinidhano devaḥ karoti sthiti-pālanam

अधर्म के विनाश के लिए और धर्माचरण की स्थापना के लिए ही, वह अनादि-अनन्त भगवान जगत् की स्थिति और पालन करते हैं।

श्लोक 37 (markandeya.19.37)

तथैव जन्म चाख्यातमलर्कं कथयामि ते । तथा च योगः कथितो दत्तात्रेयेण तस्य वै । पितृभक्तस्य राजर्षेरलर्कस्य महात्मनः॥ 19.37 ॥

tathaiva janma cākhyātamalarkaṁ kathayāmi te tathā ca yogaḥ kathito dattātreyeṇa tasya vai pitṛbhaktasya rājarṣeralarkasya mahātmanaḥ

इसी प्रकार अब मैं तुमसे अलर्क के जन्म का वर्णन करूँगा, तथा यह भी बताऊँगा कि दत्तात्रेय ने पितृभक्त, महात्मा राजर्षि अलर्क को किस प्रकार योग का उपदेश दिया।