मदालसा-वियोग

श्लोक 1 (markandeya.22.1)

पुत्रावूचतुः ततः काले वहुतिथे गते राजा पुनः सुतम् । प्राह गच्छाशु विप्राणां त्राणाय चर मेदिनीम्॥ 22.1 ॥

putrāvūcatuḥ tataḥ kāle vahutithe gate rājā punaḥ sutam prāha gacchāśu viprāṇāṁ trāṇāya cara medinīm

तत्पश्चात् बहुत समय बीत जाने पर राजा ने अपने पुत्र से पुनः कहा — 'शीघ्र जाओ और ब्राह्मणों की रक्षा के लिए पृथ्वी पर विचरण करो।'

श्लोक 2 (markandeya.22.2)

अश्वमेनं समारुह्य प्रातः प्रातर्दिने दिने । अबाधा द्विजमुख्यानामन्वेष्टव्या सदैव हि॥ 22.2 ॥

aśvamenaṁ samāruhya prātaḥ prātardine dine abādhā dvijamukhyānāmanveṣṭavyā sadaiva hi

'इस घोड़े पर सवार होकर प्रतिदिन प्रातःकाल तुम्हें सदा ही यह देखना चाहिए कि श्रेष्ठ ब्राह्मणों को कोई बाधा तो नहीं है।'

श्लोक 3 (markandeya.22.3)

दुर्वृत्ताः सन्ति शतशो दानवाः पापयोनयः । तेभ्यो न स्याद्यथा बाधा मुनीनां त्वं तथा कुरु॥ 22.3 ॥

durvṛttāḥ santi śataśo dānavāḥ pāpayonayaḥ tebhyo na syādyathā bādhā munīnāṁ tvaṁ tathā kuru

'दुष्ट स्वभाव वाले तथा पापयोनि में उत्पन्न सैकड़ों दानव हैं; तुम ऐसा करो कि मुनियों को उनसे कोई बाधा न पहुँचे।'

श्लोक 4 (markandeya.22.4)

स यथोक्तस्ततः पित्रा तथा चक्रे नृपात्मजः । परिक्रम्य महीं सर्वां ववन्दे चरणौ पितुः॥ 22.4 ॥

sa yathoktastataḥ pitrā tathā cakre nṛpātmajaḥ parikramya mahīṁ sarvāṁ vavande caraṇau pituḥ

तब पिता द्वारा जैसा कहा गया, राजकुमार ने वैसा ही किया; समस्त पृथ्वी का भ्रमण कर वह पिता के चरणों में प्रणाम करता।

श्लोक 5 (markandeya.22.5)

अहन्यहन्यनुप्राप्ते पूर्वाह्ने नृपनन्दनः । ततश्च शेषं दिवसं तया रेमे सुमध्यया॥ 22.5 ॥

ahanyahanyanuprāpte pūrvāhne nṛpanandanaḥ tataśca śeṣaṁ divasaṁ tayā reme sumadhyayā

प्रतिदिन पूर्वाह्न में यह कार्य पूरा करके वह राजकुमार शेष दिन उस सुंदरी मदालसा के साथ आनन्दपूर्वक व्यतीत करता था।

श्लोक 6 (markandeya.22.6)

एकदा तु चारन् सोऽथ ददर्श यमुनातटे । पातालकेतोरनुजं तालकेतुं कृताश्रमम्॥ 22.6 ॥

ekadā tu cāran so ’tha dadarśa yamunātaṭe pātālaketoranujaṁ tālaketuṁ kṛtāśramam

एक दिन विचरण करते हुए उसने यमुना के तट पर पातालकेतु के छोटे भाई तालकेतु को आश्रम बनाए हुए देखा।

श्लोक 7 (markandeya.22.7)

मायावी दानवः सोऽथ मुनिरूपं समास्थितः । स प्राह राजपुत्रं तं पूर्ववैरमनुस्मरन्॥ 22.7 ॥

māyāvī dānavaḥ so ’tha munirūpaṁ samāsthitaḥ sa prāha rājaputraṁ taṁ pūrvavairamanusmaran

वह मायावी दानव मुनि का रूप धारण किए हुए था; पूर्व वैर का स्मरण करते हुए उसने उस राजकुमार से कहा —

श्लोक 8 (markandeya.22.8)

राजपुत्र ब्रीवीमि त्वां तत् कुरुष्व यदीच्छसि । न च ते प्रार्थनाभङ्गः कार्यः सत्यप्रतिश्रव॥ 22.8 ॥

rājaputra brīvīmi tvāṁ tat kuruṣva yadīcchasi na ca te prārthanābhaṅgaḥ kāryaḥ satyapratiśrava

'हे राजपुत्र! मैं तुमसे कुछ कहता हूँ, यदि चाहो तो वह करो; हे सत्यप्रतिज्ञ! तुम्हें मेरी प्रार्थना भंग नहीं करनी चाहिए।'

श्लोक 9 (markandeya.22.9)

यक्ष्ये यज्ञेन धर्माय कर्तव्याश्च तथेष्टयः । चितयस्तत्र कर्तव्या नास्ति मे दक्षैणा यतः॥ 22.9 ॥

yakṣye yajñena dharmāya kartavyāśca tatheṣṭayaḥ citayastatra kartavyā nāsti me dakṣaiṇā yataḥ

'मुझे धर्म के लिए यज्ञ करना है और अनेक इष्टियाँ भी करनी हैं, जिनके लिए चितियाँ बनानी आवश्यक हैं; परन्तु मेरे पास दक्षिणा के लिए कुछ भी नहीं है।'

श्लोक 10 (markandeya.22.10)

अतः प्रयच्छ मे वीर हिरण्यार्थं स्वभूषणम् । यदेतत् कण्ठलग्नं ते रक्ष चेमं माश्रमम्॥ 22.10 ॥

ataḥ prayaccha me vīra hiraṇyārthaṁ svabhūṣaṇam yadetat kaṇṭhalagnaṁ te rakṣa cemaṁ māśramam

'अतः, हे वीर! सोने के बदले मुझे अपना यह गले का आभूषण दे दो, और जब तक मैं न लौटूँ, मेरे इस आश्रम की रक्षा करो।'

श्लोक 11 (markandeya.22.11)

यावदन्तर्जले देवं वरुणं यादसां पतिम् । वैदिकैर्वारुणैर्मन्त्रैः प्रजानां पुष्टिहेतुकैः॥ 22.11 ॥

yāvadantarjale devaṁ varuṇaṁ yādasāṁ patim vaidikairvāruṇairmantraiḥ prajānāṁ puṣṭihetukaiḥ

'जब तक मैं जल के भीतर जल-जन्तुओं के स्वामी देवता वरुण को, प्रजा की समृद्धि के लिए वैदिक वारुण मन्त्रों द्वारा —'

श्लोक 12 (markandeya.22.12)

अभिष्टूय त्वरायुक्तः समभ्येमीति वादिनम् । तं प्रणम्य ततः प्रादात् स तस्मै कण्ठभूषणम्॥ 22.12 ॥

abhiṣṭūya tvarāyuktaḥ samabhyemīti vādinam taṁ praṇamya tataḥ prādāt sa tasmai kaṇṭhabhūṣaṇam

'—स्तुति कर, शीघ्रतापूर्वक लौट आऊँगा' यह कहने वाले उस मायावी को प्रणाम कर, तब राजकुमार ने उसे अपना कण्ठाभूषण दे दिया।

श्लोक 13 (markandeya.22.13)

प्राह यैनं भवान् यातु निर्व्यलीकेन चेतसा । स्थास्यामि तावदत्रैव तवाश्रमसमीपतः॥ 22.13 ॥

prāha yainaṁ bhavān yātu nirvyalīkena cetasā sthāsyāmi tāvadatraiva tavāśramasamīpataḥ

उसने कहा — 'आप निष्कपट हृदय से जाइए; तब तक मैं आपके इस आश्रम के समीप ही यहीं ठहरूँगा।'

श्लोक 14 (markandeya.22.14)

तवादेशान्महाभाग यावदागमनं तव । न तेऽत्र कश्चिदाबाधां करिष्यति मयि स्थिते । विश्रब्धश्चात्वरन् ब्रह्मन् कुरुष्व त्वं मनोगतम्॥ 22.14 ॥

tavādeśānmahābhāga yāvadāgamanaṁ tava na te ’tra kaścidābādhāṁ kariṣyati mayi sthite viśrabdhaścātvaran brahman kuruṣva tvaṁ manogatam

'हे महाभाग, आपकी आज्ञा से जब तक आप न लौटें, मेरे यहाँ रहते हुए कोई भी आपको बाधा नहीं पहुँचाएगा। हे ब्राह्मण! निश्चिन्त और शीघ्रतापूर्वक अपना अभीष्ट कार्य पूर्ण करें।'

श्लोक 15 (markandeya.22.15)

पुत्रावूचतुः एकमुक्तस्ततस्तेन स ममज्ज नदीजले । ररक्ष सोऽपि तस्यैव मायाविहितमाश्रमम्॥ 22.15 ॥

putrāvūcatuḥ ekamuktastatastena sa mamajja nadījale rarakṣa so ’pi tasyaiva māyāvihitamāśramam

इतना कहकर वह मुनि नदी के जल में डूब गया; और राजकुमार भी उसके उसी माया से रचे हुए आश्रम की रक्षा करने लगा।

श्लोक 16 (markandeya.22.16)

गत्वा जलाशयात् तस्मात् तालकेतुश्च तत्परम् । मदालसायाः प्रत्यक्षमन्येषाञ्चैतदुक्तवान्॥ 22.16 ॥

gatvā jalāśayāt tasmāt tālaketuśca tatparam madālasāyāḥ pratyakṣamanyeṣāñcaitaduktavān

उस जलाशय से निकलकर तालकेतु ने तुरन्त ही मदालसा के सामने तथा अन्य लोगों के सामने भी यह कहा —

श्लोक 17 (markandeya.22.17)

तालकेतुरुवाच वीरः कुवलयाश्वोऽसौ ममाश्रमसमीपतः । केनापि दुष्टदैत्येन कुर्वन् रक्षां तपस्विनाम्॥ 22.17 ॥

tālaketuruvāca vīraḥ kuvalayāśvo ’sau mamāśramasamīpataḥ kenāpi duṣṭadaityena kurvan rakṣāṁ tapasvinām

'यह वीर कुवलयाश्व मेरे आश्रम के समीप तपस्वियों की रक्षा करते हुए किसी दुष्ट दैत्य द्वारा —'

श्लोक 18 (markandeya.22.18)

युध्यमानो यथाशक्ति निघ्नन् ब्रह्मद्विषो युधि । मायामाश्रित्य पापेन भिन्नः शूलेन वक्षसी॥ 22.18 ॥

yudhyamāno yathāśakti nighnan brahmadviṣo yudhi māyāmāśritya pāpena bhinnaḥ śūlena vakṣasī

'—यथाशक्ति युद्ध करते हुए और ब्राह्मणों के शत्रुओं को युद्ध में मारते हुए, उस पापी ने माया का आश्रय लेकर उसकी छाती को शूल से बींध दिया।'

श्लोक 19 (markandeya.22.19)

म्रियमाणेन तेनेदं दत्तं मे कण्ठभूषणम् । प्रापितश्चाग्निसंयोगं स वने शूद्रतापसैः॥ 22.19 ॥

mriyamāṇena tenedaṁ dattaṁ me kaṇṭhabhūṣaṇam prāpitaścāgnisaṁyogaṁ sa vane śūdratāpasaiḥ

'मरते हुए उसने मुझे यह कण्ठाभूषण दिया; और वन में शूद्र तपस्वियों ने उसे अग्नि-संस्कार कर दिया।'

श्लोक 20 (markandeya.22.20)

कृतार्तह्रेषाशब्दो वै त्रस्तः साश्रुविलोचनः । नीतः सोऽश्वश्च तेनैव दानवेन दुरात्मना॥ 22.20 ॥

kṛtārtahreṣāśabdo vai trastaḥ sāśruvilocanaḥ nītaḥ so ’śvaśca tenaiva dānavena durātmanā

'उसका घोड़ा भी भयभीत होकर करुण हिनहिनाहट करता, आँसुओं से भरे नेत्रों वाला, उसी दुरात्मा दानव द्वारा ले जाया गया।'

श्लोक 21 (markandeya.22.21)

एतन्मया नृशंसेन दृष्टं दुष्कृतकारिणा । यदत्रानन्तरं कृत्यं क्रियतां तदकालिकम्॥ 22.21 ॥

etanmayā nṛśaṁsena dṛṣṭaṁ duṣkṛtakāriṇā yadatrānantaraṁ kṛtyaṁ kriyatāṁ tadakālikam

'यह सब मैंने, इस क्रूर पापकर्मा ने, देखा है। अब यहाँ जो भी अन्तिम कर्तव्य शेष है, वह अकाल में ही सम्पन्न कर लो।'

श्लोक 22 (markandeya.22.22)

हृदयाश्वासनञ्चैतद् गृह्यतां कण्ठभूषणम् । नास्माकं हि सुवर्णेन कृत्यमस्ति तपस्विनाम्॥ 22.22 ॥

hṛdayāśvāsanañcaitad gṛhyatāṁ kaṇṭhabhūṣaṇam nāsmākaṁ hi suvarṇena kṛtyamasti tapasvinām

'हृदय को शान्ति देने के लिए यह कण्ठाभूषण ग्रहण करो; हम तपस्वियों को सोने से भला क्या प्रयोजन?'

श्लोक 23 (markandeya.22.23)

पुत्रावूचतुः इत्युक्त्वोत्सृज्य दत्भूमौ स जगाम यथागतम् । निपपात जनः सोऽथ शोकार्तो मूर्च्छयाऽतुरः॥ 22.23 ॥

putrāvūcatuḥ ityuktvotsṛjya datbhūmau sa jagāma yathāgatam nipapāta janaḥ so ’tha śokārto mūrcchayā ’turaḥ

यह कहकर, उसे भूमि पर छोड़कर, वह जैसे आया था वैसे ही चला गया। तब शोक से पीड़ित लोग मूर्च्छा से व्याकुल होकर गिर पड़े।

श्लोक 24 (markandeya.22.24)

तत्क्षणात् चेतनां प्राप्य सर्वास्ता नृपयोषितः । राजपत्न्यश्च राजा च विलेपुरतिदुः खिताः॥ 22.24 ॥

tatkṣaṇāt cetanāṁ prāpya sarvāstā nṛpayoṣitaḥ rājapatnyaśca rājā ca vilepuratiduḥ khitāḥ

उसी क्षण चेतना प्राप्त कर, वे सभी राजमहिलाएँ, रानियाँ और राजा भी अत्यंत दुःखी होकर विलाप करने लगे।

श्लोक 25 (markandeya.22.25)

मदालसा तु द् दृष्ट्वा तदीयं कण्ठभूषणम् । तत्याजाशु प्रियान् प्राणान् श्रुत्वा च निहन्त पतिम्॥ 22.25 ॥

madālasā tu d dṛṣṭvā tadīyaṁ kaṇṭhabhūṣaṇam tatyājāśu priyān prāṇān śrutvā ca nihanta patim

परन्तु मदालसा तो उसका वह कण्ठाभूषण देखते ही और अपने पति के वध की बात सुनते ही तुरन्त अपने प्रिय प्राणों को त्याग बैठी।

श्लोक 26 (markandeya.22.26)

ततस्तथा महाक्रन्दः पौराणां भवनेष्वभूत् । यथैव तस्य नृपतेः स्वगेहे समवर्तत॥ 22.26 ॥

tatastathā mahākrandaḥ paurāṇāṁ bhavaneṣvabhūt yathaiva tasya nṛpateḥ svagehe samavartata

तब नगरवासियों के घरों में भी वैसा ही महाक्रन्दन हुआ, जैसा उस राजा के अपने भवन में हो रहा था।

श्लोक 27 (markandeya.22.27)

राजा च तां मृतां दृष्ट्वा विना भर्त्रा मदालसाम् । प्रत्युवाच जनं सर्वं विमृश्य सुस्थमानसः॥ 22.27 ॥

rājā ca tāṁ mṛtāṁ dṛṣṭvā vinā bhartrā madālasām pratyuvāca janaṁ sarvaṁ vimṛśya susthamānasaḥ

राजा ने पति-रहित मृत मदालसा को देखकर, गंभीरता से विचार कर, स्वस्थचित्त होकर समस्त प्रजा को उत्तर दिया —

श्लोक 28 (markandeya.22.28)

न रोदितव्यं पश्यामि भवतामात्मनस्तथा । सर्वेषामेव संचिन्त्य सम्बन्धानामनित्यताम्॥ 22.28 ॥

na roditavyaṁ paśyāmi bhavatāmātmanastathā sarveṣāmeva saṁcintya sambandhānāmanityatām

'मुझे नहीं लगता कि तुम्हें अथवा मुझे स्वयं भी रोना चाहिए, यह सोचकर कि सभी सम्बन्ध ही अनित्य हैं।'

श्लोक 29 (markandeya.22.29)

किन्नु शोचामि तनयं किन्नु शोचाम्यहं स्नुषाम् । विमृश्य कृतकृत्यत्वाम्नम्येऽशोच्यावुभावपि॥ 22.29 ॥

kinnu śocāmi tanayaṁ kinnu śocāmyahaṁ snuṣām vimṛśya kṛtakṛtyatvāmnamye ’śocyāvubhāvapi

'मैं अपने पुत्र के लिए शोक करूँ या अपनी पुत्रवधू के लिए? दोनों के ही कृतार्थ हो जाने पर विचार कर मैं दोनों को ही अशोच्य मानता हूँ।'

श्लोक 30 (markandeya.22.30)

मच्छ्रु श्रुपुर्मद्वचनाद्द्विजरक्षणतत्परः । प्राप्तो मे यः सुतो मृत्युं कथं शोच्यः स धीमताम्॥ 22.30 ॥

macchru śrupurmadvacanāddvijarakṣaṇatatparaḥ prāpto me yaḥ suto mṛtyuṁ kathaṁ śocyaḥ sa dhīmatām

'जो मेरा पुत्र मेरी ही बात सुनकर ब्राह्मणों की रक्षा में तत्पर होकर मृत्यु को प्राप्त हुआ, वह बुद्धिमानों के लिए भला शोच्य कैसे हो सकता है?'

श्लोक 31 (markandeya.22.31)

अवश्यं याति यद्देहं तद्द्विजानां कृते यदि । मम पुत्रेण संत्यक्तं नन्वभ्युदयकारि तत्॥ 22.31 ॥

avaśyaṁ yāti yaddehaṁ taddvijānāṁ kṛte yadi mama putreṇa saṁtyaktaṁ nanvabhyudayakāri tat

यह शरीर तो अवश्य ही नष्ट होने वाला है; यदि मेरे पुत्र ने इसे ब्राह्मणों के लिए त्याग दिया, तो निःसन्देह यह कल्याणकारी ही है।

श्लोक 32 (markandeya.22.32)

इयञ्च सत्कुलोत्पन्ना भर्तर्येवमनुव्रतां । कथन्नु शोच्या नारीणां भर्तुरन्यन्न दैवतम्॥ 22.32 ॥

iyañca satkulotpannā bhartaryevamanuvratāṁ kathannu śocyā nārīṇāṁ bharturanyanna daivatam

और यह उत्तम कुल में उत्पन्न, अपने पति के प्रति ऐसी अनुरक्त रहने वाली स्त्री भला शोच्य कैसे हो सकती है? स्त्रियों के लिए पति के अतिरिक्त कोई देवता नहीं है।

श्लोक 33 (markandeya.22.33)

अस्माकं बान्धवानाञ्च तथान्येषां दयावताम् । शोच्या ह्येषा भवेदेवं यदि भर्त्रा वियोगिनी॥ 22.33 ॥

asmākaṁ bāndhavānāñca tathānyeṣāṁ dayāvatām śocyā hyeṣā bhavedevaṁ yadi bhartrā viyoginī

यह हमारे और हमारे बान्धवों तथा दयालु जनों के लिए तभी शोच्य होती, यदि यह अपने पति से वियुक्त होकर जीवित रहती।

श्लोक 34 (markandeya.22.34)

या तु भर्तुर्वधं श्रुत्वा तत्क्षणादेव भामिनी । भर्तारमनुयातेयं न शोच्यातो विपश्चिताम्॥ 22.34 ॥

yā tu bharturvadhaṁ śrutvā tatkṣaṇādeva bhāminī bhartāramanuyāteyaṁ na śocyāto vipaścitām

परन्तु जो सुंदरी अपने पति के वध का समाचार सुनते ही उसी क्षण अपने पति का अनुगमन कर गई, वह बुद्धिमानों के लिए शोच्य नहीं है।

श्लोक 35 (markandeya.22.35)

ताः शोच्या या वियोगिन्यो न शोच्या या मृताः सह । भर्त्रा वियोगस्त्वनया नानुभूतः कृतज्ञया॥ 22.35 ॥

tāḥ śocyā yā viyoginyo na śocyā yā mṛtāḥ saha bhartrā viyogastvanayā nānubhūtaḥ kṛtajñayā

शोच्य वे स्त्रियाँ हैं जो वियुक्त होकर जीवित रहती हैं, न कि वे जो पति के साथ ही मर जाती हैं। इस कृतज्ञ स्त्री ने तो अपने पति से वियोग का दुःख भोगा ही नहीं।

श्लोक 36 (markandeya.22.36)

दातारं सर्वसौख्यानामिह चामुत्र चोभयोः । लोकयोः का हि भर्तारं नारी मन्येत मानुषम्॥ 22.36 ॥

dātāraṁ sarvasaukhyānāmiha cāmutra cobhayoḥ lokayoḥ kā hi bhartāraṁ nārī manyeta mānuṣam

इस लोक और परलोक — दोनों लोकों में समस्त सुखों को देने वाले अपने पति को कौन सी स्त्री मात्र मनुष्य समझ सकती है?

श्लोक 37 (markandeya.22.37)

नासौ शोच्यो न चैवेयं नाहं तज्जननी न च । त्यजता ब्राह्मणार्थाय प्राणान् सर्वे स्म तारिताः॥ 22.37 ॥

nāsau śocyo na caiveyaṁ nāhaṁ tajjananī na ca tyajatā brāhmaṇārthāya prāṇān sarve sma tāritāḥ

न वह शोच्य है, न यह, न मैं, और न ही उसकी माता ही; ब्राह्मणों के लिए अपने प्राणों को त्यागने वाले उस पुत्र ने हम सबका उद्धार कर दिया है।

श्लोक 38 (markandeya.22.38)

विप्राणं मम धर्मस्य गतः स हि महामतिः । आनृण्यमर्धभुक्तस्य त्यागाद् देहस्य मे सुतः॥ 22.38 ॥

viprāṇaṁ mama dharmasya gataḥ sa hi mahāmatiḥ ānṛṇyamardhabhuktasya tyāgād dehasya me sutaḥ

उस महान बुद्धि वाले मेरे पुत्र ने अपने आधे-अधूरे भोगे गए शरीर का त्याग कर ब्राह्मणों के प्रति तथा मेरे धर्म के प्रति ऋण से मुक्ति पा ली।

श्लोक 39 (markandeya.22.39)

मातुः सतीत्वं मद्वंशवैमल्यं शौर्यमात्मनः । संग्रामे संत्यजन् प्राणान् नात्यजद् द्विजरक्षणम्॥ 22.39 ॥

mātuḥ satītvaṁ madvaṁśavaimalyaṁ śauryamātmanaḥ saṁgrāme saṁtyajan prāṇān nātyajad dvijarakṣaṇam

युद्ध में प्राणों को त्यागते हुए भी उसने अपनी माता की सतीत्व, मेरे वंश की निर्मलता तथा अपने पराक्रम को — इनमें से किसी को भी नहीं छोड़ा, न ही ब्राह्मणों की रक्षा को त्यागा।

श्लोक 40 (markandeya.22.40)

पुत्रावूचतुः ततः कुवलयाश्वस्य माता भर्तुरनन्तरम् । श्रुत्वा पुत्रवधं तादृक् प्राह दृष्ट्वा तु तं पतिम्॥ 22.40 ॥

putrāvūcatuḥ tataḥ kuvalayāśvasya mātā bharturanantaram śrutvā putravadhaṁ tādṛk prāha dṛṣṭvā tu taṁ patim

तब कुवलयाश्व की माता ने अपने पुत्र के इस प्रकार वध होने का समाचार सुनकर, अपने पति की बात सुनकर और उसे देखकर यह कहा —

श्लोक 41 (markandeya.22.41)

मातोवाच न मे मात्रा न मे स्वस्त्रा प्राप्ता प्रीतिर्नृपेदृशी । श्रुत्वा मुनिपरित्राणे हतं पुत्रं यथा मया॥ 22.41 ॥

mātovāca na me mātrā na me svastrā prāptā prītirnṛpedṛśī śrutvā muniparitrāṇe hataṁ putraṁ yathā mayā

'हे राजन्! मुझे कभी न तो माता से और न बहन से ऐसा सन्तोष प्राप्त हुआ, जैसा मुझे यह सुनकर हुआ है कि मेरा पुत्र मुनियों की रक्षा करते हुए मारा गया।'

श्लोक 42 (markandeya.22.42)

शोचतां बान्धवानां ये निः श्वसन्तोऽतिदुः खिताः । म्रियन्ते व्याधिना क्लिष्टास्तेषां माता वृथाप्रजा॥ 22.42 ॥

śocatāṁ bāndhavānāṁ ye niḥ śvasanto ’tiduḥ khitāḥ mriyante vyādhinā kliṣṭāsteṣāṁ mātā vṛthāprajā

जो पुत्र अपने बान्धवों को शोकसंतप्त छोड़कर, दीर्घ श्वास लेते हुए अत्यंत दुःखी होकर, व्याधि से पीड़ित होकर मरते हैं, उनकी माता का पुत्रवती होना व्यर्थ ही है।

श्लोक 43 (markandeya.22.43)

संग्रामे युध्यमाना येऽभीता गोद्विजरक्षणे । क्षुण्णाः शस्त्रैर्विपद्यन्ते त एव भुवि मानवाः॥ 22.43 ॥

saṁgrāme yudhyamānā ye ’bhītā godvijarakṣaṇe kṣuṇṇāḥ śastrairvipadyante ta eva bhuvi mānavāḥ

जो निर्भय होकर गौओं तथा ब्राह्मणों की रक्षा करते हुए युद्ध में शस्त्रों से घायल होकर वीरगति को प्राप्त होते हैं, वे ही इस पृथ्वी पर सच्चे मनुष्य हैं।

श्लोक 44 (markandeya.22.44)

अर्थिनां मित्रवर्गस्य विद्विषाञ्च पराङ्मुखः । यो न याति पिता तेन पुत्री माता च वीरसूः॥ 22.44 ॥

arthināṁ mitravargasya vidviṣāñca parāṅmukhaḥ yo na yāti pitā tena putrī mātā ca vīrasūḥ

जो पुत्र याचकों, मित्रों तथा शत्रुओं से कभी विमुख नहीं होता, उसी से पिता 'पुत्रवान्' और माता 'वीरप्रसू' कहलाती है।

श्लोक 45 (markandeya.22.45)

गर्भक्लेशः स्त्रियो मन्ये साफल्यं भजते तदा । यदारिविजयी वा स्यात् संग्रामे वा हतः सुतः॥ 22.45 ॥

garbhakleśaḥ striyo manye sāphalyaṁ bhajate tadā yadārivijayī vā syāt saṁgrāme vā hataḥ sutaḥ

मैं मानती हूँ कि स्त्री का गर्भधारण-कष्ट तभी सफल होता है, जब उसका पुत्र या तो शत्रुओं का विजेता बने अथवा युद्ध में वीरगति को प्राप्त हो।

श्लोक 46 (markandeya.22.46)

पुत्रावूचतुः ततः स राजा संस्कारं पुत्रपत्नीमलम्भयत् । निर्गम्य च बहिः स्नातो ददौ पुत्राय चोदकम्॥ 22.46 ॥

putrāvūcatuḥ tataḥ sa rājā saṁskāraṁ putrapatnīmalambhayat nirgamya ca bahiḥ snāto dadau putrāya codakam

तब राजा ने अपनी पुत्रवधू के अन्तिम संस्कार कराए; और स्वयं बाहर जाकर स्नान कर, अपने पुत्र को जलांजलि दी।

श्लोक 47 (markandeya.22.47)

तालकेतुश्च निर्गम्य तथैव यमुनाजलात् । राजपुत्रमुवाचेदं प्रणयान्मधुरं वचः॥ 22.47 ॥

tālaketuśca nirgamya tathaiva yamunājalāt rājaputramuvācedaṁ praṇayānmadhuraṁ vacaḥ

और तालकेतु भी उसी प्रकार यमुना के जल से बाहर निकलकर, स्नेहपूर्वक राजकुमार से यह मधुर वचन बोला —

श्लोक 48 (markandeya.22.48)

गच्छ भूपालपुत्र ! त्वं कृतार्थोऽहं कृतस्त्वया । कार्यं चिराभिलषितं त्वय्यत्राविचले स्थिते॥ 22.48 ॥

gaccha bhūpālaputra ! tvaṁ kṛtārtho ’haṁ kṛtastvayā kāryaṁ cirābhilaṣitaṁ tvayyatrāvicale sthite

'हे राजपुत्र! अब जाओ; तुमने मुझे कृतार्थ कर दिया। तुम्हारे यहाँ अटल भाव से स्थित रहने के कारण मेरा चिरकांक्षित कार्य सम्पन्न हो गया।'

श्लोक 49 (markandeya.22.49)

वारुणं यज्ञकार्यञ्च जलेशस्य महात्मनः । तन्मया साधितं सर्वं यन्ममासीदभीप्सितम्॥ 22.49 ॥

vāruṇaṁ yajñakāryañca jaleśasya mahātmanaḥ tanmayā sādhitaṁ sarvaṁ yanmamāsīdabhīpsitam

'महात्मा जलेश्वर वरुण का यज्ञकार्य — जो कुछ भी मुझे अभीष्ट था, वह सब मैंने सिद्ध कर लिया।'

श्लोक 50 (markandeya.22.50)

प्रणिपत्य स तं प्रायाद्राजपुत्रः पुरं पितुः । समारुह्य तमेवाश्वं सुपर्णानिलविक्रमम्॥ 22.50 ॥

praṇipatya sa taṁ prāyādrājaputraḥ puraṁ pituḥ samāruhya tamevāśvaṁ suparṇānilavikramam

उसे प्रणाम कर वह राजकुमार अपने उसी गरुड़ और वायु के समान वेगवान् घोड़े पर सवार होकर पिता के नगर की ओर चल पड़ा।