कुवलयाश्व का पातालगमन

श्लोक 1 (markandeya.23.1)

पुत्रावूचतुः स राजपुत्रः संप्राप्य वेगादात्मपुरं ततः । पित्रोर्ववन्दिषुः पादौ दिदृक्षुश्च मदालसाम्॥ 23.1 ॥

putrāvūcatuḥ sa rājaputraḥ saṁprāpya vegādātmapuraṁ tataḥ pitrorvavandiṣuḥ pādau didṛkṣuśca madālasām

वह राजकुमार वेगपूर्वक अपने नगर पहुँचकर, माता-पिता के चरणों में प्रणाम करने तथा मदालसा को देखने की इच्छा से आगे बढ़ा।

श्लोक 2 (markandeya.23.2)

ददर्श जनमुद्विग्नमप्रहृष्टमुखं पुरः । पुनश्च विस्मिताकारं प्रहृष्टवदनं ततः॥ 23.2 ॥

dadarśa janamudvignamaprahṛṣṭamukhaṁ puraḥ punaśca vismitākāraṁ prahṛṣṭavadanaṁ tataḥ

उसने नगर में कुछ लोगों को उद्विग्न और उदास मुख वाला देखा, तो कुछ को आश्चर्यचकित और प्रसन्नमुख देखा।

श्लोक 3 (markandeya.23.3)

अन्यमुत्फुल्लनयनं दिष्ट्या दिष्ट्येतिवादिनम् । परिष्वजन्तमन्योन्यमतिकौतूहलान्वितम्॥ 23.3 ॥

anyamutphullanayanaṁ diṣṭyā diṣṭyetivādinam pariṣvajantamanyonyamatikautūhalānvitam

कुछ लोग खिले हुए नेत्रों से 'भाग्य से! भाग्य से!' कहते हुए, अत्यंत कौतूहल से परस्पर एक-दूसरे का आलिंगन कर रहे थे।

श्लोक 4 (markandeya.23.4)

चिरं जीवोरुकल्याण ! हतास्ते परिपन्थिनः । पित्रोः प्रह्लादय मनस्तथास्माकमकण्टकम्॥ 23.4 ॥

ciraṁ jīvorukalyāṇa ! hatāste paripanthinaḥ pitroḥ prahlādaya manastathāsmākamakaṇṭakam

'हे महान् कल्याण के अधिकारी! चिरंजीवी रहो, तुम्हारे शत्रु मारे गए हैं; अपने माता-पिता के मन को प्रसन्न करो, और हमें भी निष्कण्टक बनाओ।'

श्लोक 5 (markandeya.23.5)

पुत्रावूचतुः इत्येवं वादिभिः पौरैः पुरः पृष्ठे च संवृतः । तत्क्षणप्रभवानन्दः प्रविवेश पितुर्गृहम्॥ 23.5 ॥

putrāvūcatuḥ ityevaṁ vādibhiḥ pauraiḥ puraḥ pṛṣṭhe ca saṁvṛtaḥ tatkṣaṇaprabhavānandaḥ praviveśa piturgṛham

इस प्रकार बोलते हुए नगरवासियों से आगे-पीछे घिरा हुआ, तत्क्षण उत्पन्न आनन्द से भरा वह पिता के घर में प्रविष्ट हुआ।

श्लोक 6 (markandeya.23.6)

पिता च तं परिष्वज्य माता चान्ये च बान्धवाः । चिरं जीवेति कल्याणीर्ददुस्तस्मै तदाशिषः॥ 23.6 ॥

pitā ca taṁ pariṣvajya mātā cānye ca bāndhavāḥ ciraṁ jīveti kalyāṇīrdadustasmai tadāśiṣaḥ

पिता ने उसे आलिंगन किया, माता ने भी, और अन्य बान्धवों ने भी; सभी ने उसे 'चिरंजीवी रहो' कहते हुए मंगलमय आशीर्वाद दिए।

श्लोक 7 (markandeya.23.7)

प्रणिपत्य ततः सोऽथ किमेतदिति विस्मितः । पप्रच्छ पितरं तात ! सोऽस्मै सम्यक् तदुक्तवान्॥ 23.7 ॥

praṇipatya tataḥ so ’tha kimetaditi vismitaḥ papraccha pitaraṁ tāta ! so ’smai samyak taduktavān

प्रणाम करने के बाद विस्मित होकर उसने पिता से पूछा — 'हे तात! यह सब क्या है?' तब पिता ने उसे सब कुछ ठीक-ठीक बता दिया।

श्लोक 8 (markandeya.23.8)

स भार्यां तां मृतां श्रुत्वा हृदयेष्टां मदालसाम् । पितरौ च पुरो दृष्ट्वा लज्जाशोकाब्धिमध्यगः॥ 23.8 ॥

sa bhāryāṁ tāṁ mṛtāṁ śrutvā hṛdayeṣṭāṁ madālasām pitarau ca puro dṛṣṭvā lajjāśokābdhimadhyagaḥ

अपनी हृदयप्रिय पत्नी मदालसा को मृत सुनकर, तथा माता-पिता को अपने सामने देखकर, वह लज्जा और शोक के सागर में डूब गया।

श्लोक 9 (markandeya.23.9)

चिन्तयामास सा बाला मां श्रुत्वा निधनं गतम् । तत्याज जीवितं साध्वी धिङ्मां निष्ठुरमानसम्॥ 23.9 ॥

cintayāmāsa sā bālā māṁ śrutvā nidhanaṁ gatam tatyāja jīvitaṁ sādhvī dhiṅmāṁ niṣṭhuramānasam

वह सोचने लगा — 'मेरी मृत्यु का समाचार सुनकर उस साध्वी बाला ने अपने प्राण त्याग दिए; धिक्कार है मेरे इस निष्ठुर हृदय को।'

श्लोक 10 (markandeya.23.10)

नृशंसोऽहमनार्योऽहं विना तां मृगलोचनाम् । मत्कृते निधनं प्राप्तां यज्जीवाम्यतिनिर्घृणः॥ 23.10 ॥

nṛśaṁso ’hamanāryo ’haṁ vinā tāṁ mṛgalocanām matkṛte nidhanaṁ prāptāṁ yajjīvāmyatinirghṛṇaḥ

'मैं क्रूर हूँ, मैं अनार्य हूँ, कि मेरे ही कारण मृत्यु को प्राप्त हुई उस मृगनयनी के बिना, अत्यंत निर्दयी होकर मैं अभी भी जीवित हूँ।'

श्लोक 11 (markandeya.23.11)

पुनः स चिन्तयामास परिसंस्तभ्य मानसम् । मोहोद्गममपास्याशु निः श्वस्योच्छवस्य चातरः॥ 23.11 ॥

punaḥ sa cintayāmāsa parisaṁstabhya mānasam mohodgamamapāsyāśu niḥ śvasyocchavasya cātaraḥ

फिर उसने अपने मन को स्थिर करते हुए और मोह के उभार को शीघ्र दूर करते हुए, व्याकुल होकर लम्बी साँस लेते हुए पुनः सोचा —

श्लोक 12 (markandeya.23.12)

मृतेति सा मन्नमित्तं त्यजामि यदि जीवितम् । किं मयोपकृतं तस्याः श्लाघ्यमेतत्तु योषिताम्॥ 23.12 ॥

mṛteti sā mannamittaṁ tyajāmi yadi jīvitam kiṁ mayopakṛtaṁ tasyāḥ ślāghyametattu yoṣitām

'यदि मैं भी "वह मर गई" यह सोचकर अपने प्राण त्याग दूँ, तो मैंने उसका क्या भला किया? स्त्रियों के लिए तो यह प्रशंसनीय है, पुरुषों के लिए नहीं।'

श्लोक 13 (markandeya.23.13)

यदि रोदिमि वा दीनो हा प्रियेति ! वदन्मुहुः । तथाप्यश्लाघ्यमेतन्नो वयं हि पुरुषाः किल॥ 23.13 ॥

yadi rodimi vā dīno hā priyeti ! vadanmuhuḥ tathāpyaślāghyametanno vayaṁ hi puruṣāḥ kila

'यदि मैं दीन होकर बारंबार "हा प्रिये!" कहते हुए रोता भी रहूँ, तो भी यह हम पुरुषों के लिए प्रशंसनीय नहीं है, क्योंकि हम तो पुरुष हैं।'

श्लोक 14 (markandeya.23.14)

अथ शोकजडो दीनो स्त्रजा हीनो मलान्वितः । विपक्षस्य भविष्यामि ततः परिभवास्पदम्॥ 23.14 ॥

atha śokajaḍo dīno strajā hīno malānvitaḥ vipakṣasya bhaviṣyāmi tataḥ paribhavāspadam

'और यदि मैं शोक से जड़ होकर, दीन होकर, मालाओं से रहित, मैले-कुचैले रहूँ, तो मैं अपने विपक्षियों के लिए उपहास का पात्र बन जाऊँगा।'

श्लोक 15 (markandeya.23.15)

मयारिशातनं कार्यं राज्ञः शुश्रुषणं पितुः । जीवितं तस्य चायत्तं सन्त्याज्यं तत्कथं मया॥ 23.15 ॥

mayāriśātanaṁ kāryaṁ rājñaḥ śuśruṣaṇaṁ pituḥ jīvitaṁ tasya cāyattaṁ santyājyaṁ tatkathaṁ mayā

'मुझे तो शत्रुओं का नाश करना है और राजा — अपने पिता की सेवा भी करनी है; उन्हीं पर मेरा जीवन आश्रित है; तो भला मैं उसे कैसे त्याग सकता हूँ?'

श्लोक 16 (markandeya.23.16)

किन्त्वत्र मन्ये कर्तव्यस्त्यागो भागस्य योषितः । स चापि नोपकाराय तन्वङ्ग्याः किन्तु सर्वथा॥ 23.16 ॥

kintvatra manye kartavyastyāgo bhāgasya yoṣitaḥ sa cāpi nopakārāya tanvaṅgyāḥ kintu sarvathā

'परन्तु मैं मानता हूँ कि यहाँ मुझे स्त्री-सुख के अपने भाग का त्याग करना ही चाहिए, यद्यपि इससे उस कृशांगी का कोई उपकार भी नहीं होगा।'

श्लोक 17 (markandeya.23.17)

मया नृशंस्यं कर्तव्यं नोपकार्यपकारि च । या मदर्थेऽत्यजत् प्राणांस्तदर्थेऽल्पमिदं मम॥ 23.17 ॥

mayā nṛśaṁsyaṁ kartavyaṁ nopakāryapakāri ca yā madarthe ’tyajat prāṇāṁstadarthe ’lpamidaṁ mama

'मुझे भी अपने प्रति यह कठोरता करनी चाहिए, चाहे इससे उसका न कोई भला हो और न बुरा; जिसने मेरे लिए अपने प्राण त्याग दिए, उसके लिए मेरा यह त्याग अत्यंत तुच्छ है।'

श्लोक 18 (markandeya.23.18)

पुत्रावूचतुः इति कृत्वा मतिं सोऽथ निष्पाद्योदकदानिकम् । क्रियाश्चानन्तरं कृत्वा प्रत्युवाच ऋतध्वजः॥ 23.18 ॥

putrāvūcatuḥ iti kṛtvā matiṁ so ’tha niṣpādyodakadānikam kriyāścānantaraṁ kṛtvā pratyuvāca ṛtadhvajaḥ

ऐसा निश्चय कर, जलांजलि का कर्तव्य पूरा कर तथा अन्य क्रियाएँ सम्पन्न कर, ऋतध्वज ने यह कहा —

श्लोक 19 (markandeya.23.19)

ऋतध्वज उवाच यदि सा मम तन्वङ्गी न स्याद्भार्या मदालसा । अस्मिन् जन्मनि नान्या मे भवित्री सहचारिणी॥ 23.19 ॥

ṛtadhvaja uvāca yadi sā mama tanvaṅgī na syādbhāryā madālasā asmin janmani nānyā me bhavitrī sahacāriṇī

'यदि वह मेरी कृशांगी पत्नी मदालसा नहीं होगी, तो इस जन्म में मेरी कोई और सहचरी नहीं होगी।'

श्लोक 20 (markandeya.23.20)

तामृते मृगशावाक्षीं गन्धर्वतनयामहम् । न भोक्ष्ये योषितं काञ्चिदिति सत्यं मयोदितम्॥ 23.20 ॥

tāmṛte mṛgaśāvākṣīṁ gandharvatanayāmaham na bhokṣye yoṣitaṁ kāñciditi satyaṁ mayoditam

'उस मृगशावाक्षी गन्धर्वकन्या के बिना मैं किसी भी अन्य स्त्री का भोग नहीं करूँगा — यह मैंने सत्य वचन कहा है।'

श्लोक 21 (markandeya.23.21)

सद्धर्मचारिणीं पत्नीं तां मुक्त्वा गजगामिनीम्,। काञ्चिन्नाङ्गीकरिष्यामीत्येतत् सत्यं मयोदितम्॥ 23.21 ॥

saddharmacāriṇīṁ patnīṁ tāṁ muktvā gajagāminīm, kāñcinnāṅgīkariṣyāmītyetat satyaṁ mayoditam

'सद्धर्मपरायणा, गजगामिनी उस पत्नी को छोड़कर मैं किसी को भी अपनी पत्नी के रूप में स्वीकार नहीं करूँगा — यह मैंने सत्य वचन कहा है।'

श्लोक 22 (markandeya.23.22)

पुत्रावूचतुः परित्यज्य च स्त्रीभोगान् तात ! सर्वंस्तया विना । क्रीडन्नास्ते समं तुल्यैर्वयस्यैः शीलसम्पदा॥ 23.22 ॥

putrāvūcatuḥ parityajya ca strībhogān tāta ! sarvaṁstayā vinā krīḍannāste samaṁ tulyairvayasyaiḥ śīlasampadā

हे तात! उसके बिना सभी स्त्री-सुखों का त्याग कर, वह केवल अपने शील-सम्पन्न समवयस्क मित्रों के साथ ही रमण करते हुए रहने लगा।

श्लोक 23 (markandeya.23.23)

एतत्तस्य परं कार्यं तात ! तत् केन शक्यते । कर्तुमत्यर्थदुष्प्राप्यमीश्वरैः किमुतेतरैः॥ 23.23 ॥

etattasya paraṁ kāryaṁ tāta ! tat kena śakyate kartumatyarthaduṣprāpyamīśvaraiḥ kimutetaraiḥ

हे तात! उसके लिए यह परम कार्य है — बड़े-बड़े ऐश्वर्यशाली भी इसे कौन कर सकते हैं, साधारण जनों की तो बात ही क्या!

श्लोक 24 (markandeya.23.24)

जड उवाच इति वाक्यं तयोः श्रुत्वा विमर्शमगमत्पिता । विमृश्य चाह तौ पुत्रौ नागराट् प्रहसन्निव॥ 23.24 ॥

jaḍa uvāca iti vākyaṁ tayoḥ śrutvā vimarśamagamatpitā vimṛśya cāha tau putrau nāgarāṭ prahasanniva

उन दोनों की यह बात सुनकर पिता विचारमग्न हो गया; और विचार कर, मानो हँसते हुए, उस नागराज ने अपने दोनों पुत्रों से कहा —

श्लोक 25 (markandeya.23.25)

नागराडश्वतर उवाच यद्यशक्यमिति ज्ञात्वा न करिष्यन्ति मानवाः । कर्मण्युद्यममुद्योगहान्या हानिस्ततः परम्॥ 23.25 ॥

nāgarāḍaśvatara uvāca yadyaśakyamiti jñātvā na kariṣyanti mānavāḥ karmaṇyudyamamudyogahānyā hānistataḥ param

'यदि मनुष्य यह जानकर कि कार्य असम्भव है, प्रयत्न ही न करें, तो उद्योग के त्याग से उससे भी बड़ी हानि होती है।'

श्लोक 26 (markandeya.23.26)

आरभेत नरः कर्म स्वपौरुषमहापयन् । निष्पत्तिः कर्मणो दैवे पौरुषे च व्यवसथिता॥ 23.26 ॥

ārabheta naraḥ karma svapauruṣamahāpayan niṣpattiḥ karmaṇo daive pauruṣe ca vyavasathitā

'मनुष्य को अपने पुरुषार्थ को कम किए बिना ही कार्य आरम्भ करना चाहिए; कार्य की सिद्धि दैव और पुरुषार्थ दोनों पर ही निर्भर है।'

श्लोक 27 (markandeya.23.27)

तस्मादहं तथा यत्नं करिष्ये पुत्रकावितः । तपश्चर्यां समास्थाय यथैतत् साध्यतेऽचिरात्॥ 23.27 ॥

tasmādahaṁ tathā yatnaṁ kariṣye putrakāvitaḥ tapaścaryāṁ samāsthāya yathaitat sādhyate ’cirāt

'इसलिए, हे पुत्रो! मैं भी तप का आचरण करके ऐसा प्रयत्न करूँगा, जिससे यह कार्य शीघ्र ही सिद्ध हो सके।'

श्लोक 28 (markandeya.23.28)

जड उवाच एवमुक्त्वा स नागेन्द्रः प्लक्षावतरणं गिरेः । तीर्थं हिमवतो गत्वा तपस्तेपे सुदुश्चरम्॥ 23.28 ॥

jaḍa uvāca evamuktvā sa nāgendraḥ plakṣāvataraṇaṁ gireḥ tīrthaṁ himavato gatvā tapastepe suduścaram

ऐसा कहकर वह नागराज हिमालय के प्लक्षावतरण नामक तीर्थ में जाकर अत्यंत दुष्कर तप करने लगा।

श्लोक 29 (markandeya.23.29)

तुष्टाव गीर्भिश्च ततस्तत्र देवीं सरस्वतीम् । तन्मना नियताहारो भूत्वा त्रिषवणाप्लुतः॥ 23.29 ॥

tuṣṭāva gīrbhiśca tatastatra devīṁ sarasvatīm tanmanā niyatāhāro bhūtvā triṣavaṇāplutaḥ

वहाँ वह अपना मन उसी में लगाकर, नियमित आहार करते हुए, प्रतिदिन तीनों समय स्नान करते हुए, अपनी वाणी से देवी सरस्वती की स्तुति करने लगा।

श्लोक 30 (markandeya.23.30)

अश्वतर उवाच जगद्धात्रीमहं देवीमारिराधयिषुः शुभाम् । स्तोष्ये प्रणम्य शिरसा ब्रह्मयोनिं सरस्वतीम्॥ 23.30 ॥

aśvatara uvāca jagaddhātrīmahaṁ devīmārirādhayiṣuḥ śubhām stoṣye praṇamya śirasā brahmayoniṁ sarasvatīm

'जगत् को धारण करने वाली उस शुभ देवी की आराधना की इच्छा से, मैं ब्रह्मा की उत्पत्ति-स्थान सरस्वती को सिर झुकाकर प्रणाम कर स्तुति करता हूँ।'

श्लोक 31 (markandeya.23.31)

सदसद्देवि ! सय् किञ्चिन्मोक्षवच्चार्थवत् पदम् । तत्सर्वं त्वय्यसंयोगं योगवद्देवि ! संस्थितम्॥ 23.31 ॥

sadasaddevi ! say kiñcinmokṣavaccārthavat padam tatsarvaṁ tvayyasaṁyogaṁ yogavaddevi ! saṁsthitam

'हे देवि! जो कुछ भी सत् या असत् है, जो कुछ भी मोक्ष जैसा अथवा अर्थपूर्ण पद है — वह सब, यद्यपि तुझसे असंयुक्त प्रतीत होता है, फिर भी हे देवि! मानो योगपूर्वक तुझमें ही स्थित है।'

श्लोक 32 (markandeya.23.32)

त्वमक्षरं परं देवि ! यत्र सर्वं प्रतिष्ठितम् । अक्षरं परमं देवि ! संस्थितं परमाणुवत्॥ 23.32 ॥

tvamakṣaraṁ paraṁ devi ! yatra sarvaṁ pratiṣṭhitam akṣaraṁ paramaṁ devi ! saṁsthitaṁ paramāṇuvat

'हे देवि! तू ही वह परम अक्षर है जिसमें सब कुछ प्रतिष्ठित है; हे देवि! वह परम अक्षर परमाणु के समान सूक्ष्म रूप से स्थित है।'

श्लोक 33 (markandeya.23.33)

अक्षरं परमं ब्रह्म विश्वञ्चैतत् क्षरात्मकम् । दारुण्यवस्थितो वह्निर्भौमाश्च परमाणवः॥ 23.33 ॥

akṣaraṁ paramaṁ brahma viśvañcaitat kṣarātmakam dāruṇyavasthito vahnirbhaumāśca paramāṇavaḥ

'वह परम अक्षर ही ब्रह्म है, और यह सम्पूर्ण विश्व क्षर स्वरूप है — जैसे लकड़ी में अग्नि छिपी रहती है और पृथ्वी में परमाणु व्याप्त रहते हैं।'

श्लोक 34 (markandeya.23.34)

तथा त्वयि स्थितं ब्रह्म जगच्चेदमशेषतः । ओङ्काराक्षरसंस्थानं यत्तु देवि ! स्थिरास्थिरम्॥ 23.34 ॥

tathā tvayi sthitaṁ brahma jagaccedamaśeṣataḥ oṅkārākṣarasaṁsthānaṁ yattu devi ! sthirāsthiram

'उसी प्रकार यह सम्पूर्ण ब्रह्म और यह सारा जगत् तुझमें ही स्थित है; हे देवि! जो कुछ भी स्थिर और अस्थिर है, वह सब ओंकार-रूप अक्षर में ही अवस्थित है।'

श्लोक 35 (markandeya.23.35)

तत्र मात्रात्रयं सर्वमस्ति यद्देवि नास्ति च । त्रयो लोकास्त्रयो वेदास्त्रैविद्यं पावकत्रयम्॥ 23.35 ॥

tatra mātrātrayaṁ sarvamasti yaddevi nāsti ca trayo lokāstrayo vedāstraividyaṁ pāvakatrayam

'हे देवि! उसी में यह तीनों मात्राएँ समाहित हैं, जिनमें सब कुछ है और कुछ भी नहीं है — तीनों लोक, तीनों वेद, त्रयी-विद्या और तीनों अग्नियाँ।'

श्लोक 36 (markandeya.23.36)

त्रीणि ज्योतींषि वर्णाश्च त्रयो धर्मागमास्तथा । त्रयो गुणास्त्रयः शब्दस्त्रयो वेदास्तथाश्रमाः॥ 23.36 ॥

trīṇi jyotīṁṣi varṇāśca trayo dharmāgamāstathā trayo guṇāstrayaḥ śabdastrayo vedāstathāśramāḥ

'तीनों ज्योतियाँ, तीनों वर्ण, तीनों धर्मशास्त्र, तीनों गुण, तीनों स्वर, तीनों वेद और तीनों आश्रम —'

श्लोक 37 (markandeya.23.37)

त्रयः कालास्तथावस्थाः पितरोऽहर्निशादयः । एतन्मात्रात्रयं देवि ! तव रूपं सरस्वति॥ 23.37 ॥

trayaḥ kālāstathāvasthāḥ pitaro ’harniśādayaḥ etanmātrātrayaṁ devi ! tava rūpaṁ sarasvati

'—तीनों काल, तीनों अवस्थाएँ, पितर, दिन-रात्रि आदि — यह सब कुछ, हे देवि सरस्वती! तेरा ही त्रिमात्रिक स्वरूप है।'

श्लोक 38 (markandeya.23.38)

विभिन्नदर्शिनामाद्या ब्रह्मणो हि सनातनाः । सोमसंस्था हविः संस्थाः पाकसंस्थाश्च सप्त याः॥ 23.38 ॥

vibhinnadarśināmādyā brahmaṇo hi sanātanāḥ somasaṁsthā haviḥ saṁsthāḥ pākasaṁsthāśca sapta yāḥ

'भिन्न-भिन्न दृष्टिकोण रखने वालों के लिए तू ही आदि, सनातन ब्रह्म है; और जो सोमसंस्था, हविःसंस्था तथा पाकसंस्था नाम की सात यज्ञ-विधियाँ हैं —'

श्लोक 39 (markandeya.23.39)

तास्त्वदुच्चारणाद्देवि ! क्रियन्ते ब्रह्मवादिभिः । अनिर्देश्यं तथा चान्यदर्धमात्रान्वितं परम्॥ 23.39 ॥

tāstvaduccāraṇāddevi ! kriyante brahmavādibhiḥ anirdeśyaṁ tathā cānyadardhamātrānvitaṁ param

'—हे देवि! वे सब तेरे ही उच्चारण से वेदपाठी ब्राह्मणों द्वारा सम्पन्न की जाती हैं; और इससे परे जो अर्धमात्रा से युक्त तत्त्व है, वह अनिर्देश्य है।'

श्लोक 40 (markandeya.23.40)

अविकार्यक्षयं दिव्यं परिणामविवर्जितम् । तवैतत्परमं रूपं यन्न शक्यं मयोदितुम्॥ 23.40 ॥

avikāryakṣayaṁ divyaṁ pariṇāmavivarjitam tavaitatparamaṁ rūpaṁ yanna śakyaṁ mayoditum

'अपरिवर्तनीय, अक्षय, दिव्य और परिणाम से रहित — यह तेरा वह परम रूप है, जिसे मैं वर्णन करने में असमर्थ हूँ।'

श्लोक 41 (markandeya.23.41)

न चास्ये न च तज्जिह्वा ताम्रोष्ठादिभिरुच्यते । इन्द्रोऽपि वसवो ब्रह्मा चन्द्राकौ ज्योतिरेव च॥ 23.41 ॥

na cāsye na ca tajjihvā tāmroṣṭhādibhirucyate indro ’pi vasavo brahmā candrākau jyotireva ca

'न मुख से, न जिह्वा से, न लाल ओठों आदि से उसका वर्णन किया जा सकता है — इन्द्र, वसुगण, ब्रह्मा, चन्द्र-सूर्य और समस्त ज्योतियाँ भी उसी के रूप हैं।'

श्लोक 42 (markandeya.23.42)

विश्वावासं विश्वरूपं विश्वेशं परमेश्वरम् । सांख्यवेदान्तवादोक्तं बहुशाखास्थिरीकृतम्॥ 23.42 ॥

viśvāvāsaṁ viśvarūpaṁ viśveśaṁ parameśvaram sāṁkhyavedāntavādoktaṁ bahuśākhāsthirīkṛtam

'वह विश्व का आवास है, विश्वरूप है, विश्व का स्वामी है, परमेश्वर है; वही सांख्य और वेदान्त के सिद्धान्तों में वर्णित है, और अनेक शाखाओं द्वारा स्थिर किया गया है।'

श्लोक 43 (markandeya.23.43)

अनादिमध्यनिधनं सदसन्न सदेव यत् । एकन्त्वनेकं नाप्येकं भवभेदसमाश्रैतम्॥ 23.43 ॥

anādimadhyanidhanaṁ sadasanna sadeva yat ekantvanekaṁ nāpyekaṁ bhavabhedasamāśraitam

'वह आदि, मध्य और अन्त से रहित है, सत् भी है और असत् भी, फिर भी न केवल सत् है; वह एक भी है और अनेक भी, फिर भी न केवल एक है — वह जन्मों के भेदों में ही आश्रित प्रतीत होता है।'

श्लोक 44 (markandeya.23.44)

अनाख्यं षड्गुणाख्यञ्च वर्गाख्यं त्रिगुणाश्रयम् । नानाशक्तिमतामेकं शक्तिवैभविकं परम्॥ 23.44 ॥

anākhyaṁ ṣaḍguṇākhyañca vargākhyaṁ triguṇāśrayam nānāśaktimatāmekaṁ śaktivaibhavikaṁ param

'वह अनाम है, फिर भी षड्गुण नाम से पुकारा जाता है; वर्ग-नाम से भी जाना जाता है और त्रिगुणों का आश्रय भी है; अनेक शक्तिमानों में वह एक है, और शक्तियों के ऐश्वर्य से परम है।'

श्लोक 45 (markandeya.23.45)

सुखासुखं महासौख्यरूपं त्वयि विभाव्यते । एवं देवि ! त्वया व्याप्तं सकलं निष्कलञ्च यत् । अद्वैतावस्थितं ब्रह्म यच्च द्वैते व्यवस्थितम्॥ 23.45 ॥

sukhāsukhaṁ mahāsaukhyarūpaṁ tvayi vibhāvyate evaṁ devi ! tvayā vyāptaṁ sakalaṁ niṣkalañca yat advaitāvasthitaṁ brahma yacca dvaite vyavasthitam

'सुख-दुःख तथा महासुख का स्वरूप भी तुझी में प्रकट होता है। हे देवि! इस प्रकार जो कुछ भी सकल है और निष्कल है, वह सब तुझसे ही व्याप्त है — अद्वैत में स्थित ब्रह्म भी, और जो द्वैत में स्थित है, वह भी।'

श्लोक 46 (markandeya.23.46)

येर्ऽथा नित्या ये विनश्यन्ति चान्ये ये वा स्थूला ये च सूक्ष्मातिसूक्ष्माः । ये वा भूमौ येऽन्तरीक्षेऽन्यतो वा तेषां तेषां त्वत्त एवोपलब्धिः॥ 23.46 ॥

yer ’thā nityā ye vinaśyanti cānye ye vā sthūlā ye ca sūkṣmātisūkṣmāḥ ye vā bhūmau ye ’ntarīkṣe ’nyato vā teṣāṁ teṣāṁ tvatta evopalabdhiḥ

'जो पदार्थ नित्य हैं, और जो नष्ट होने वाले हैं, जो स्थूल हैं और जो अत्यंत सूक्ष्म हैं, जो पृथ्वी पर हैं, अन्तरिक्ष में हैं अथवा अन्यत्र कहीं भी हैं — उन सब का ज्ञान तुझसे ही होता है।'

श्लोक 47 (markandeya.23.47)

यच्चामूर्तं यच्च मूर्तं समस्तं यद्वा भूतेष्वेकमेकञ्च किञ्चित् । यद्दिव्यस्ति क्ष्मातले खेऽन्यतो वा त्वत्सम्बद्धं त्वत्स्वरैर्व्यञ्जनैश्च॥ 23.47 ॥

yaccāmūrtaṁ yacca mūrtaṁ samastaṁ yadvā bhūteṣvekamekañca kiñcit yaddivyasti kṣmātale khe ’nyato vā tvatsambaddhaṁ tvatsvarairvyañjanaiśca

'जो कुछ भी निराकार है और जो कुछ साकार है, जो कुछ भी प्राणियों में एक-एक करके विद्यमान है, जो कुछ भी दिव्य है, पृथ्वीतल पर है, आकाश में अथवा अन्यत्र है — वह सब तुझसे ही जुड़ा हुआ है, तेरे ही स्वरों और व्यंजनों से बना हुआ है।'

श्लोक 48 (markandeya.23.48)

जड उवाच एवं स्तुता तदा देवी विष्णोर्जिह्वा सरस्वती । प्रत्युवाच महात्मानं नागमश्वतरं ततः॥ 23.48 ॥

jaḍa uvāca evaṁ stutā tadā devī viṣṇorjihvā sarasvatī pratyuvāca mahātmānaṁ nāgamaśvataraṁ tataḥ

इस प्रकार स्तुति की गई विष्णु की जिह्वा-स्वरूपा देवी सरस्वती ने तब उस महात्मा नाग अश्वतर को उत्तर दिया —

श्लोक 49 (markandeya.23.49)

सरस्वत्युवाच वरं ते कम्बलभ्रातः प्रयच्छाम्युरगाधिप ! । तदुच्यतां प्रदास्यामि यत्ते मनसि वर्तते॥ 23.49 ॥

sarasvatyuvāca varaṁ te kambalabhrātaḥ prayacchāmyuragādhipa ! taducyatāṁ pradāsyāmi yatte manasi vartate

'हे कम्बल के भाई, हे उरगाधिप! मैं तुम्हें वर देती हूँ; जो कुछ भी तुम्हारे मन में है, वह कहो, मैं उसे प्रदान करूँगी।'

श्लोक 50 (markandeya.23.50)

अश्वतर उवाच सहायं देहि देवि ! त्वं पूर्वं कम्बलमेव मे । समस्तस्वरसम्बन्धमुभयोः संप्रयच्छ च॥ 23.50 ॥

aśvatara uvāca sahāyaṁ dehi devi ! tvaṁ pūrvaṁ kambalameva me samastasvarasambandhamubhayoḥ saṁprayaccha ca

'हे देवि! पहले मुझे मेरे भाई कम्बल को ही सहायक के रूप में दे दो, और हम दोनों को समस्त स्वरों का सम्बन्ध प्रदान करो।'

श्लोक 51 (markandeya.23.51)

सरस्वत्युवाच सप्त स्वरा ग्रामरागाः सप्त पन्नगसत्तम ! । कीतकानि च सप्तैव तावतीश्चापि मूर्च्छनाः॥ 23.51 ॥

sarasvatyuvāca sapta svarā grāmarāgāḥ sapta pannagasattama ! kītakāni ca saptaiva tāvatīścāpi mūrcchanāḥ

'हे श्रेष्ठ नाग! सात स्वर, सात ग्राम-राग, सात ही कीतक और उतनी ही मूर्च्छनाएँ —'

श्लोक 52 (markandeya.23.52)

तालाश्चैकोनपञ्चाशत्तथा ग्रामत्रयञ्च यत् । एतत्सर्वं भवान् गाता कम्बलश्च तथानघ !॥ 23.52 ॥

tālāścaikonapañcāśattathā grāmatrayañca yat etatsarvaṁ bhavān gātā kambalaśca tathānagha !

'—उनचास ताल तथा तीनों ग्राम — हे निष्पाप! यह सब कुछ तुम और कम्बल, दोनों ही, गायक बनकर जानोगे।'

श्लोक 53 (markandeya.23.53)

ज्ञास्यसे मत्प्रसादेन भुजगेन्द्रापरं तथा । चतुर्विधं पदं तालं त्रिः प्रकारं लयत्रयम्॥ 23.53 ॥

jñāsyase matprasādena bhujagendrāparaṁ tathā caturvidhaṁ padaṁ tālaṁ triḥ prakāraṁ layatrayam

'हे भुजगेन्द्र! तुम मेरी कृपा से इसके अतिरिक्त भी सब कुछ जान सकोगे — चार प्रकार के पद, तीन प्रकार के ताल, और तीन प्रकार की लय।'

श्लोक 54 (markandeya.23.54)

यदित्रयं तथाऽतोद्यं मया दत्तं चतुर्विधम् । एतद्भवान् मत्प्रसादात् पन्नगेन्द्रापरञ्च यत्॥ 23.54 ॥

yaditrayaṁ tathā ’todyaṁ mayā dattaṁ caturvidham etadbhavān matprasādāt pannagendrāparañca yat

'जो यह तीन प्रकार का है, तथा जो मैंने चार प्रकार का वाद्य प्रदान किया है — हे नागेन्द्र! यह सब तुम मेरी कृपा से, और इससे भी अधिक जानोगे।'

श्लोक 55 (markandeya.23.55)

अस्यान्तर्गतमायत्तं स्वरव्यञ्जनसंमितम् । तदशेषं मया दत्तं भवतः कम्बलस्य च॥ 23.55 ॥

asyāntargatamāyattaṁ svaravyañjanasaṁmitam tadaśeṣaṁ mayā dattaṁ bhavataḥ kambalasya ca

'जो कुछ भी इसके भीतर स्वरों और व्यंजनों से सम्बद्ध है, वह सब कुछ मैंने तुम्हें और कम्बल को, बिना किसी अपवाद के, प्रदान कर दिया है।'

श्लोक 56 (markandeya.23.56)

तथा नान्यस्य भूर्लोके पाताले चापि पन्नग । प्रणेतारौ भवन्तौ च सर्वस्यास्य भविष्यतः । पाताले देवलोके च भूर्लोके चैव पन्नगौ॥ 23.56 ॥

tathā nānyasya bhūrloke pātāle cāpi pannaga praṇetārau bhavantau ca sarvasyāsya bhaviṣyataḥ pātāle devaloke ca bhūrloke caiva pannagau

'हे नाग! भूलोक और पाताल में इसका ऐसा ज्ञान अन्य किसी को नहीं होगा; तुम दोनों ही इस समस्त विद्या के भावी प्रवर्तक होंगे — पाताल में, देवलोक में और भूलोक में भी।'

श्लोक 57 (markandeya.23.57)

जड उवाच इत्युक्त्वा सा तदा देवी सर्वजिह्वा सरस्वती । जगामादर्शनं सद्यो नागस्य कमलेक्षणा॥ 23.57 ॥

jaḍa uvāca ityuktvā sā tadā devī sarvajihvā sarasvatī jagāmādarśanaṁ sadyo nāgasya kamalekṣaṇā

यह कहकर वह सर्वजिह्वा, कमलनयना देवी सरस्वती उस नाग की दृष्टि से तत्काल ओझल हो गई।

श्लोक 58 (markandeya.23.58)

तयोश्च तद्यथावृत्तं भ्रात्रोः सर्वमजायत । विज्ञानमुभयोरग्र्यं पदतालस्वरादिकम्॥ 23.58 ॥

tayośca tadyathāvṛttaṁ bhrātroḥ sarvamajāyata vijñānamubhayoragryaṁ padatālasvarādikam

और उन दोनों भाइयों को वैसा ही सब कुछ हो गया जैसा वर्णन किया गया था — दोनों को ही पद, ताल, स्वर आदि का सर्वोत्तम ज्ञान प्राप्त हो गया।

श्लोक 59 (markandeya.23.59)

ततः कैलासशैलेन्द्र-शिखरस्थितमीश्वरम् । गीतकैः स्प्तभिर्नागौ तन्त्रीलयसमन्वितौ॥ 23.59 ॥

tataḥ kailāsaśailendra-śikharasthitamīśvaram gītakaiḥ sptabhirnāgau tantrīlayasamanvitau

तब कैलास पर्वत के शिखर पर स्थित ईश्वर को, वे दोनों नाग वीणा और लय से युक्त सातों गीतों द्वारा —

श्लोक 60 (markandeya.23.60)

आरिराधयिषू देवमनङ्गाङ्गहरं हरम् । प्रचक्रतुः परं यत्नमुभौ संहतवाक्कलौ॥ 23.60 ॥

ārirādhayiṣū devamanaṅgāṅgaharaṁ haram pracakratuḥ paraṁ yatnamubhau saṁhatavākkalau

—अनंग के शरीर को भस्म करने वाले देव हर की आराधना की इच्छा से, दोनों ने मिलकर अपनी संगीत-कला में परम प्रयत्न किया।

श्लोक 61 (markandeya.23.61)

प्रातर्निशायां मध्याह्ने सन्ध्ययोश्चापि तत्परौ । तयोः कालेन महता स्तूयमानो वृषध्वजः॥ 23.61 ॥

prātarniśāyāṁ madhyāhne sandhyayoścāpi tatparau tayoḥ kālena mahatā stūyamāno vṛṣadhvajaḥ

प्रातःकाल, रात्रि, मध्याह्न तथा दोनों सन्ध्याओं में भी तत्पर रहकर, दीर्घकाल तक उन दोनों द्वारा स्तुति किए जाते हुए वृषभध्वज शिव —

श्लोक 62 (markandeya.23.62)

तुतोष गीतकैस्तौ च प्राहेशो गृह्यतां वरः । ततः प्रणम्याश्वतरः कम्बलेन समं तदा॥ 23.62 ॥

tutoṣa gītakaistau ca prāheśo gṛhyatāṁ varaḥ tataḥ praṇamyāśvataraḥ kambalena samaṁ tadā

—उनके गीतों से प्रसन्न हो गए और उन ईश्वर ने कहा, 'वर माँगो।' तब अश्वतर ने कम्बल के साथ प्रणाम करके —

श्लोक 63 (markandeya.23.63)

व्यज्ञापयन्महादेवं शितिकण्ठमुमापतिम् । यदि नौ भगवान् प्रीतो देवदेवस्त्रिलोचनः॥ 23.63 ॥

vyajñāpayanmahādevaṁ śitikaṇṭhamumāpatim yadi nau bhagavān prīto devadevastrilocanaḥ

—और नीलकण्ठ, उमापति महादेव से यह प्रार्थना की — 'यदि देवाधिदेव त्रिलोचन भगवान् हम दोनों से प्रसन्न हैं —'

श्लोक 64 (markandeya.23.64)

ततो यथाभिलषितं वरमेनं प्रयच्छ नौ । मृता कुवलयाश्वस्य पत्नी देव ! मदालसा॥ 23.64 ॥

tato yathābhilaṣitaṁ varamenaṁ prayaccha nau mṛtā kuvalayāśvasya patnī deva ! madālasā

'—तो हे देव, हमें यह अभीष्ट वर प्रदान कीजिए — कुवलयाश्व की पत्नी मदालसा मृत हो गई है —'

श्लोक 65 (markandeya.23.65)

तेनैव वयसा सद्यो दुहितृत्वं प्रयातु मे । जातिस्मरा यथा पूर्वं तद्वत्कान्तिसमन्विता । योगिनी योगमाता च मद्गेहे जायतां भव॥ 23.65 ॥

tenaiva vayasā sadyo duhitṛtvaṁ prayātu me jātismarā yathā pūrvaṁ tadvatkāntisamanvitā yoginī yogamātā ca madgehe jāyatāṁ bhava

'—वही उसी आयु के साथ, तुरन्त ही मेरी पुत्री के रूप में जन्म ले; जैसे वह पहले थी वैसी ही जातिस्मरा और कान्तिमती हो, और योगिनी तथा योगमाता के रूप में मेरे घर में जन्म ले, हे भगवन्!'

श्लोक 66 (markandeya.23.66)

महादेव उवाच यथोक्तं पन्नगश्रेष्ठ ! सर्वेमेतद्भविष्यति । मत्प्रसादादसन्दिग्धं श्रुणु चेदं भुजङ्गम॥ 23.66 ॥

mahādeva uvāca yathoktaṁ pannagaśreṣṭha ! sarvemetadbhaviṣyati matprasādādasandigdhaṁ śruṇu cedaṁ bhujaṅgama

'हे श्रेष्ठ नाग! जैसा तुमने कहा, यह सब मेरी कृपा से निःसन्देह हो जाएगा; हे नाग! अब यह भी सुनो —'

श्लोक 67 (markandeya.23.67)

श्राद्धे तु समनुप्राप्ते मध्यमं पिण्डमात्मना । भक्षयेथाः फणिश्रेष्ठ ! शुचिः प्रयतमानसः॥ 23.67 ॥

śrāddhe tu samanuprāpte madhyamaṁ piṇḍamātmanā bhakṣayethāḥ phaṇiśreṣṭha ! śuciḥ prayatamānasaḥ

'हे फणीश्रेष्ठ! जब श्राद्ध का अवसर आए, तब पवित्र और संयतचित्त होकर तुम स्वयं मध्यम पिण्ड को खा लेना।'

श्लोक 68 (markandeya.23.68)

भक्षिते तु ततस्तस्मिन् भवतो मध्यमात् फणात् । समुत्पत्स्यति कल्याणी तथारूपा यथामृता॥ 23.68 ॥

bhakṣite tu tatastasmin bhavato madhyamāt phaṇāt samutpatsyati kalyāṇī tathārūpā yathāmṛtā

'उस पिण्ड के भक्षण के बाद तुम्हारे मध्यम फण से वह कल्याणी उत्पन्न होगी, ठीक वैसे ही रूप में जैसे वह मृत्यु से पूर्व थी।'

श्लोक 69 (markandeya.23.69)

कामञ्चेममभिध्याय कुरु त्वं पितृतर्पणम् । तत्क्षणादेव सा सुभ्रूः श्वसतो मध्यमात् फणात्॥ 23.69 ॥

kāmañcemamabhidhyāya kuru tvaṁ pitṛtarpaṇam tatkṣaṇādeva sā subhrūḥ śvasato madhyamāt phaṇāt

'इस इच्छा का ध्यान करते हुए तुम पितृ-तर्पण करना; उसी क्षण, तुम्हारे साँस लेते हुए मध्यम फण से वह सुंदर भौंहों वाली —'

श्लोक 70 (markandeya.23.70)

समुत्पत्स्यति कल्याणी तथारूपा यथामृता । एतच्छ्रुत्वा ततस्तौ तु प्रणिपत्य महेश्वरम्॥ 23.70 ॥

samutpatsyati kalyāṇī tathārūpā yathāmṛtā etacchrutvā tatastau tu praṇipatya maheśvaram

'—वह कल्याणी उसी रूप में उत्पन्न होगी, जैसी वह मृत्यु से पूर्व थी।' यह सुनकर वे दोनों महेश्वर को प्रणाम कर —

श्लोक 71 (markandeya.23.71)

रसातलं पुनः प्राप्तौ परितोषसमन्वितौ । तथा च कृतवान् श्राद्धं स नागः कम्बलानुजः॥ 23.71 ॥

rasātalaṁ punaḥ prāptau paritoṣasamanvitau tathā ca kṛtavān śrāddhaṁ sa nāgaḥ kambalānujaḥ

—और सन्तुष्ट होकर पुनः रसातल को लौट आए। तब कम्बल के छोटे भाई उस नाग ने विधिपूर्वक श्राद्ध सम्पन्न किया।

श्लोक 72 (markandeya.23.72)

पिण्डञ्च मध्यमं तद्वद्यथावदुपभुक्तवान् । तञ्चापि ध्यायः कामं ततः सा तनुमध्यमा॥ 23.72 ॥

piṇḍañca madhyamaṁ tadvadyathāvadupabhuktavān tañcāpi dhyāyaḥ kāmaṁ tataḥ sā tanumadhyamā

उसने विधिपूर्वक मध्यम पिण्ड को खा लिया, और उस इच्छा का ध्यान करते हुए, तब वह कृशांगी —

श्लोक 73 (markandeya.23.73)

जज्ञे निश्वसतः सद्यस्तद्रूपा मध्यमात् फणात् । न चापि कथयामास कंस्यचित् स भुजङ्गमः॥ 23.73 ॥

jajñe niśvasataḥ sadyastadrūpā madhyamāt phaṇāt na cāpi kathayāmāsa kaṁsyacit sa bhujaṅgamaḥ

—उसी क्षण उसके साँस लेते हुए मध्यम फण से उसी रूप में जन्मी; और उस नाग ने यह बात किसी से भी नहीं कही।

श्लोक 74 (markandeya.23.74)

अन्तर्गृहे तां सुदतीं स्त्रीभिर्गुप्तामधारयत् । तौ चानुदिनमागम्य पुत्रौ नागपतेः सुखम्॥ 23.74 ॥

antargṛhe tāṁ sudatīṁ strībhirguptāmadhārayat tau cānudinamāgamya putrau nāgapateḥ sukham

उसने उस सुदन्ती को अन्तःपुर में स्त्रियों की रखवाली में गुप्त रखा। और नागराज के दोनों पुत्र प्रतिदिन आकर सुखपूर्वक —

श्लोक 75 (markandeya.23.75)

ऋतध्वजेन सहितौ चिक्रीडातेऽमराविव । एकदा तु सुतौ प्राह नागराजौ मुदान्वितः॥ 23.75 ॥

ṛtadhvajena sahitau cikrīḍāte ’marāviva ekadā tu sutau prāha nāgarājau mudānvitaḥ

—ऋतध्वज के साथ देवताओं के समान क्रीड़ा करने लगे। एक दिन नागराज ने प्रसन्न होकर अपने दोनों पुत्रों से कहा —

श्लोक 76 (markandeya.23.76)

यन्मया पूर्वमुक्तन्तु क्रियते किं न तत्तथा । स राजपुत्रो युवयोरुपकारी ममान्तिकम्॥ 23.76 ॥

yanmayā pūrvamuktantu kriyate kiṁ na tattathā sa rājaputro yuvayorupakārī mamāntikam

'जो मैंने पहले कहा था, क्या वह वैसे ही किया जा रहा है? वह राजकुमार तुम दोनों का उपकारी है, और मेरे भी निकट है —'

श्लोक 77 (markandeya.23.77)

कस्मान्नानीयते वत्सावुपकाराय मानदः । एवमुक्तौ ततस्तेन पित्रा स्नेहवता तु तौ॥ 23.77 ॥

kasmānnānīyate vatsāvupakārāya mānadaḥ evamuktau tatastena pitrā snehavatā tu tau

'—हे पुत्रो! उस उपकारी, माननीय व्यक्ति को यहाँ क्यों नहीं लाया जा रहा?' स्नेहशील पिता द्वारा ऐसा कहे जाने पर वे दोनों —

श्लोक 78 (markandeya.23.78)

गत्वा तस्य पुरं सख्यू रेमाते तेन धीमता । ततः कुवलयाश्वं तौ कृत्वा किञ्चित्कथान्तरम्॥ 23.78 ॥

gatvā tasya puraṁ sakhyū remāte tena dhīmatā tataḥ kuvalayāśvaṁ tau kṛtvā kiñcitkathāntaram

—उन दोनों मित्रों ने उसके नगर में जाकर उस बुद्धिमान् के साथ रमण किया। फिर उन्होंने कुवलयाश्व से कुछ बातचीत करने के बाद —

श्लोक 79 (markandeya.23.79)

अब्रूतां प्रणयोपेतं स्वगेहगमनं प्रति । तावाह नृपपुत्रोऽसौ नन्विदं भवतोर्गृहम्॥ 23.79 ॥

abrūtāṁ praṇayopetaṁ svagehagamanaṁ prati tāvāha nṛpaputro ’sau nanvidaṁ bhavatorgṛham

—स्नेहपूर्वक अपने घर चलने के लिए उनसे निवेदन किया। उस राजपुत्र ने उनसे कहा — 'यह तो तुम दोनों का ही घर है।'

श्लोक 80 (markandeya.23.80)

धनवाहनवस्त्रादि यन्मदीयं तदेव वाम् । यत्तु वां वाञ्छितं दातुं धनं रत्नमथापि वा॥ 23.80 ॥

dhanavāhanavastrādi yanmadīyaṁ tadeva vām yattu vāṁ vāñchitaṁ dātuṁ dhanaṁ ratnamathāpi vā

'धन, वाहन, वस्त्र आदि जो कुछ भी मेरा है, वह तुम दोनों का ही है; और जो धन या रत्न तुम्हें अभीष्ट हो, वह भी दिया जा सकता है —'

श्लोक 81 (markandeya.23.81)

तद्दोयतां द्विजसुतौ यदि वां प्रणयो मयि । एतावताहं दैवेन वञ्चितोऽस्मि दुरात्मना॥ 23.81 ॥

taddoyatāṁ dvijasutau yadi vāṁ praṇayo mayi etāvatāhaṁ daivena vañcito ’smi durātmanā

'—हे ब्राह्मणपुत्रो! वह भी दिया जाए, यदि तुम दोनों को मुझसे प्रेम है। इतने से ही मुझे लगता है कि मैं दुष्ट दैव द्वारा ठगा गया हूँ —'

श्लोक 82 (markandeya.23.82)

यद्भवद्भ्यां ममत्वं नो मदीये क्रियते गृहे । यदि वां मत्प्रियं कार्यमनुग्राह्योऽस्मि वां यदि॥ 23.82 ॥

yadbhavadbhyāṁ mamatvaṁ no madīye kriyate gṛhe yadi vāṁ matpriyaṁ kāryamanugrāhyo ’smi vāṁ yadi

'—कि तुम दोनों मेरे घर को अपना नहीं समझते। यदि तुम्हें मेरा प्रिय करना है, यदि मैं तुम्हारी कृपा का पात्र हूँ —'

श्लोक 83 (markandeya.23.83)

तद्धने मम गेहे च ममत्वमनुकल्प्यताम् । युवयोर्यन्मदीयं तन्मामकं युवयोः स्वकम्॥ 23.83 ॥

taddhane mama gehe ca mamatvamanukalpyatām yuvayoryanmadīyaṁ tanmāmakaṁ yuvayoḥ svakam

'—तो मेरे धन और मेरे घर में भी अपनापन माना जाए। तुम दोनों का जो कुछ है, वह मेरा है; और जो मेरा है, वह तुम दोनों का अपना है।'

श्लोक 84 (markandeya.23.84)

एतत् सत्यं विजानीतं युवां प्राणा बहिश्चराः । पुनर्नैवं विभिन्नार्थं वक्तव्यं द्विजसत्तमौ॥ 23.84 ॥

etat satyaṁ vijānītaṁ yuvāṁ prāṇā bahiścarāḥ punarnaivaṁ vibhinnārthaṁ vaktavyaṁ dvijasattamau

'यह सत्य जानो कि तुम दोनों मेरे बाहर विचरण करने वाले प्राण ही हो। हे श्रेष्ठ ब्राह्मणो! फिर कभी ऐसी भिन्नता की बात मत कहना।'

श्लोक 85 (markandeya.23.85)

मत्प्रसादपरौ प्रीत्या शापितौ हृदयेन मे । ततः स्नेहार्द्रवदनौ तावुभौ नागनन्दनौ॥ 23.85 ॥

matprasādaparau prītyā śāpitau hṛdayena me tataḥ snehārdravadanau tāvubhau nāganandanau

'मेरी प्रसन्नता चाहते हो तो प्रेमपूर्वक मेरे इस हृदय की सौगन्ध खाओ।' तब स्नेह से भीगे मुख वाले वे दोनों नागकुमार —

श्लोक 86 (markandeya.23.86)

ऊचतुर्नृपतेः पुत्रं किञ्चित् प्रणयकोपितौ । ऋतध्वज ! न सन्देहो यथैवाह भवानिदम्॥ 23.86 ॥

ūcaturnṛpateḥ putraṁ kiñcit praṇayakopitau ṛtadhvaja ! na sandeho yathaivāha bhavānidam

—प्रेमवश कुछ कुपित होकर उस राजकुमार से बोले — 'हे ऋतध्वज! जो कुछ तुमने कहा, उसमें कोई सन्देह नहीं —'

श्लोक 87 (markandeya.23.87)

तथैव चास्मन्मनसि नात्र चिन्त्यमतोऽन्यथा । किन्त्वावयोः स्वयं पित्रा प्रोक्तमेतन्महात्मना॥ 23.87 ॥

tathaiva cāsmanmanasi nātra cintyamato ’nyathā kintvāvayoḥ svayaṁ pitrā proktametanmahātmanā

'—और हमारे मन में भी वैसा ही भाव है; इसे अन्यथा मत सोचो। परन्तु हम दोनों से स्वयं हमारे महात्मा पिता ने यह कहा है —'

श्लोक 88 (markandeya.23.88)

द्रष्टुं कुवलयाश्वं तमिच्छामीति पुनः पुनः । ततः कुवलयाश्वोऽसौ समुत्थाय वरासनात् । यथाह तातेति वदन् प्रणाममकरोद्भुवि॥ 23.88 ॥

draṣṭuṁ kuvalayāśvaṁ tamicchāmīti punaḥ punaḥ tataḥ kuvalayāśvo ’sau samutthāya varāsanāt yathāha tāteti vadan praṇāmamakarodbhuvi

'—बार-बार यह कहा है कि "मैं कुवलयाश्व को देखना चाहता हूँ।"' तब कुवलयाश्व अपने उत्तम आसन से उठकर 'जैसी पिताजी की आज्ञा' कहते हुए भूमि पर प्रणाम करने लगा।

श्लोक 89 (markandeya.23.89)

कुवलयाश्व उवाच धन्योऽहमतिपुण्योऽहं कोऽन्योऽस्ति सदृशो मया । यत्तातो मामभिद्रष्टुं करोति प्रवणं मनः॥ 23.89 ॥

kuvalayāśva uvāca dhanyo ’hamatipuṇyo ’haṁ ko ’nyo ’sti sadṛśo mayā yattāto māmabhidraṣṭuṁ karoti pravaṇaṁ manaḥ

'मैं धन्य हूँ, मैं अत्यंत पुण्यवान् हूँ; मेरे समान और कौन है, कि आपके पिताश्री ही मुझे देखने के लिए इतने उत्सुक हैं?'

श्लोक 90 (markandeya.23.90)

तदुत्तिष्ठत गच्छामस्ताताज्ञां क्षणमप्यहम् । नातिक्रान्तुमिहेच्छामि पदेभ्यां तस्य शपाम्यहम्॥ 23.90 ॥

taduttiṣṭhata gacchāmastātājñāṁ kṣaṇamapyaham nātikrāntumihecchāmi padebhyāṁ tasya śapāmyaham

'तो उठो, हम चलें; मैं आपके पिताश्री की आज्ञा का एक क्षण के लिए भी उल्लंघन नहीं करना चाहता — उनके चरणों की सौगन्ध खाकर कहता हूँ।'

श्लोक 91 (markandeya.23.91)

जड उवाच एवमुक्त्वा ययौ सोऽथ सह ताभ्यां नृपात्मजः । प्राप्तश्च गोमतीं पुण्यां निर्गम्य नगराद्वहिः॥ 23.91 ॥

jaḍa uvāca evamuktvā yayau so ’tha saha tābhyāṁ nṛpātmajaḥ prāptaśca gomatīṁ puṇyāṁ nirgamya nagarādvahiḥ

ऐसा कहकर वह राजकुमार उन दोनों के साथ चल पड़ा, और नगर से बाहर निकलकर पवित्र गोमती नदी तक पहुँचा।

श्लोक 92 (markandeya.23.92)

तन्मध्येन ययुस्ते वे नागेन्द्रनृपनन्दनाः । मेने च राजपुत्रोऽसौ पारे तस्यास्तयोर्गृहम्॥ 23.92 ॥

tanmadhyena yayuste ve nāgendranṛpanandanāḥ mene ca rājaputro ’sau pāre tasyāstayorgṛham

उसी के बीच से वे दोनों नागराज-पुत्र तथा राजकुमार चले; और राजकुमार ने सोचा कि उनका घर नदी के उस पार है।

श्लोक 93 (markandeya.23.93)

ततश्चाकृष्य पातालं ताभ्यां नीतो नृपात्मजः । पाताले ददृशे चोभौ स पन्नगकुमारकौ॥ 23.93 ॥

tataścākṛṣya pātālaṁ tābhyāṁ nīto nṛpātmajaḥ pātāle dadṛśe cobhau sa pannagakumārakau

तब उन दोनों ने उस राजकुमार को खींचकर पाताल में ले जाकर, वहाँ उसने उन दोनों नागकुमारों को देखा —

श्लोक 94 (markandeya.23.94)

फणामणिकृतोद्योतौ व्यक्तस्वस्तिकलक्षणौ । विलोक्य तौ सुरूपाङ्गौ विस्मयोत्फुल्ललोचनः॥ 23.94 ॥

phaṇāmaṇikṛtodyotau vyaktasvastikalakṣaṇau vilokya tau surūpāṅgau vismayotphullalocanaḥ

—अपने फणों के मणियों से प्रकाशमान, स्पष्ट स्वस्तिक-चिह्नों से युक्त, सुंदर अंगों वाले उन दोनों को देखकर, विस्मय से चकित नेत्रों वाला वह राजकुमार —

श्लोक 95 (markandeya.23.95)

विहस्य चाब्रवीत् प्रेम्णा साधु भो द्विजसत्तमौ । कथयामासतुस्तौ च पितरं पन्नगेश्वरम्॥ 23.95 ॥

vihasya cābravīt premṇā sādhu bho dvijasattamau kathayāmāsatustau ca pitaraṁ pannageśvaram

—हँसते हुए स्नेहपूर्वक बोला, 'अरे, यह तो बड़ी अच्छी बात है, हे श्रेष्ठ ब्राह्मणो!' तब उन दोनों ने अपने पिता, नागेश्वर —

श्लोक 96 (markandeya.23.96)

शान्तमश्वतरं नाम माननीयं दिवौकसाम् । रमणीयं ततोऽपस्यत् पातालं स नृपात्मजः॥ 23.96 ॥

śāntamaśvataraṁ nāma mānanīyaṁ divaukasām ramaṇīyaṁ tato ’pasyat pātālaṁ sa nṛpātmajaḥ

—शान्त, अश्वतर नामक, देवताओं द्वारा भी माननीय, उसके बारे में उसे बताया। तब राजकुमार ने रमणीय पाताल को देखा —

श्लोक 97 (markandeya.23.97)

कुमारैस्तरुणैर्वृद्धैरुरगैरुपशोभितम् । तथैव नागकन्याभिः क्रीडन्तीभिरितस्ततः॥ 23.97 ॥

kumāraistaruṇairvṛddhairuragairupaśobhitam tathaiva nāgakanyābhiḥ krīḍantībhiritastataḥ

—जो युवा तथा वृद्ध नागकुमारों से सुशोभित था, तथा इधर-उधर क्रीड़ा करती हुई नाग-कन्याओं से भी अलंकृत था —

श्लोक 98 (markandeya.23.98)

चारुकुण्डलहाराभिस्ताराभिर्गगनं यथा । गीतशब्दैस्तथान्यत्र वीणावेणुस्वनानुगैः॥ 23.98 ॥

cārukuṇḍalahārābhistārābhirgaganaṁ yathā gītaśabdaistathānyatra vīṇāveṇusvanānugaiḥ

—सुंदर कुण्डलों और हारों से सुशोभित, मानो तारों से सुशोभित आकाश हो; और अन्यत्र वीणा तथा वंशी की ध्वनियों से युक्त गीतों के शब्दों से भी —

श्लोक 99 (markandeya.23.99)

मृदङ्गपणवातोद्यं हारिवेश्मशताकुलम् । वीक्षमाणः स पातालं ययौ शत्रुजितः सुतः॥ 23.99 ॥

mṛdaṅgapaṇavātodyaṁ hāriveśmaśatākulam vīkṣamāṇaḥ sa pātālaṁ yayau śatrujitaḥ sutaḥ

—मृदंग और पणव के बाजों से युक्त, सैकड़ों मनोहर भवनों से भरा हुआ। इसी प्रकार देखते-देखते शत्रुजित् का वह पुत्र पाताल में आगे बढ़ता गया —

श्लोक 100 (markandeya.23.100)

सह ताभ्यामभीष्टाभ्यां पन्नगाभ्यामरिन्दमः । ततः प्रविश्य ते सर्वे नागराजनिवेशनम्॥ 23.100 ॥

saha tābhyāmabhīṣṭābhyāṁ pannagābhyāmarindamaḥ tataḥ praviśya te sarve nāgarājaniveśanam

—उन दोनों प्रिय नागों के साथ, वह शत्रुदमन। फिर वे सब नागराज के भवन में प्रविष्ट हुए —

श्लोक 101 (markandeya.23.101)

ददृशुस्ते महात्मानमुरगाधिपतिं स्थितम् । दिव्यमाल्याम्बरधरं मणिकुण्डलभूषणम्॥ 23.101 ॥

dadṛśuste mahātmānamuragādhipatiṁ sthitam divyamālyāmbaradharaṁ maṇikuṇḍalabhūṣaṇam

—और उन्होंने उस महात्मा सर्पराज को वहाँ विराजमान देखा, जो दिव्य माला और वस्त्र धारण किए हुए, मणि-कुण्डलों से अलंकृत थे —

श्लोक 102 (markandeya.23.102)

स्वच्छमुक्ताफललताहारिहारोपशोभितम् । केयूरिणं महाभागमासने सर्वकाञ्चने॥ 23.102 ॥

svacchamuktāphalalatāhārihāropaśobhitam keyūriṇaṁ mahābhāgamāsane sarvakāñcane

—स्वच्छ मोतियों की लता जैसी सुंदर मालाओं से सुशोभित, बाजूबंद पहने हुए, उस महाभाग को सर्वस्वर्णमय आसन पर बैठे हुए —

श्लोक 103 (markandeya.23.103)

मणिविद्रुमवैदूर्य-जालान्तरितरूपके । स ताभ्यां दर्शितस्तस्य तातोऽस्माकमसाविति॥ 23.103 ॥

maṇividrumavaidūrya-jālāntaritarūpake sa tābhyāṁ darśitastasya tāto ’smākamasāviti

—जो मणि, मूँगे और वैदूर्य के जालों से जड़े आसन पर विराजमान था। उन दोनों ने उसे दिखाते हुए कहा — 'यही हमारे पिताश्री हैं।'

श्लोक 104 (markandeya.23.104)

वीरः कुवलयाश्वोऽयं पित्रे चासौ निवेदितः । ततो ननाम चरणौ नागेन्द्रस्य ऋतध्वजः॥ 23.104 ॥

vīraḥ kuvalayāśvo ’yaṁ pitre cāsau niveditaḥ tato nanāma caraṇau nāgendrasya ṛtadhvajaḥ

और उन्होंने अपने पिता से भी कहा — 'यह वीर कुवलयाश्व है।' तब ऋतध्वज ने नागराज के चरणों में प्रणाम किया।

श्लोक 105 (markandeya.23.105)

तमुत्थाप्य बलाद्गाढं नागेन्द्रः परीषस्वजे । मूर्ध्नि चैनमुपाघ्राय चिरं जीवेत्युवाच सः॥ 23.105 ॥

tamutthāpya balādgāḍhaṁ nāgendraḥ parīṣasvaje mūrdhni cainamupāghrāya ciraṁ jīvetyuvāca saḥ

उस नागराज ने उसे बलपूर्वक उठाकर दृढ़ता से आलिंगन किया, और उसके सिर को सूँघकर कहा — 'चिरंजीवी रहो।'

श्लोक 106 (markandeya.23.106)

निहतामित्रवर्गश्च पित्रोः सुश्रूषणं कुरु । वत्स ! धन्यस्य कथ्यन्ते परोक्षस्यापि ते गुणाः॥ 23.106 ॥

nihatāmitravargaśca pitroḥ suśrūṣaṇaṁ kuru vatsa ! dhanyasya kathyante parokṣasyāpi te guṇāḥ

'अपने शत्रुवर्ग का नाश कर, अपने माता-पिता की सेवा करते रहो। हे वत्स! धन्य पुरुष के गुण उसकी अनुपस्थिति में भी वर्णित किए जाते हैं।'

श्लोक 107 (markandeya.23.107)

भवतो मम पुत्राभ्यामसामान्या निवेदिताः । त्वमेवानेन वर्धेथा मनोवाक्कायचेष्टितैः॥ 23.107 ॥

bhavato mama putrābhyāmasāmānyā niveditāḥ tvamevānena vardhethā manovākkāyaceṣṭitaiḥ

'मेरे इन दोनों पुत्रों ने तुम्हारे असाधारण गुणों का वर्णन किया है। तुम इसी प्रकार मन, वचन और कर्म से समृद्ध होते रहो।'

श्लोक 108 (markandeya.23.108)

जीवितं गुणिनः श्लाघ्यं जीवन्नेव मृतोऽगुणः । गुणवान् निर्वृतिं पित्रोः शत्रुणां हृदयज्वरम्॥ 23.108 ॥

jīvitaṁ guṇinaḥ ślāghyaṁ jīvanneva mṛto ’guṇaḥ guṇavān nirvṛtiṁ pitroḥ śatruṇāṁ hṛdayajvaram

'गुणवान् पुरुष का जीवन ही प्रशंसनीय है; गुणहीन तो जीवित रहते हुए भी मृतक के समान है। गुणवान् पुरुष ही अपने माता-पिता को सन्तोष और शत्रुओं के हृदय में ज्वर उत्पन्न करता है —'

श्लोक 109 (markandeya.23.109)

करोत्यात्महितं कुर्वन् विश्वासञ्च महाजने । देवताः पितरो विप्रा मित्रार्थिविकलादयः॥ 23.109 ॥

karotyātmahitaṁ kurvan viśvāsañca mahājane devatāḥ pitaro viprā mitrārthivikalādayaḥ

'—और अपना कल्याण करते हुए ही वह महाजनों में विश्वास भी उत्पन्न करता है। देवता, पितर, ब्राह्मण, मित्र, याचक, असहाय जन आदि —'

श्लोक 110 (markandeya.23.110)

बान्धवाश्च तथेच्छन्ति जीवितं गुणिनश्चिरम् । परिवादनिवृत्तानां दुर्गतेषु दयावताम् । गुणिनां सफलं जन्म संश्रितानां विपद्गतैः॥ 23.110 ॥

bāndhavāśca tathecchanti jīvitaṁ guṇinaściram parivādanivṛttānāṁ durgateṣu dayāvatām guṇināṁ saphalaṁ janma saṁśritānāṁ vipadgataiḥ

'—तथा बान्धव भी गुणवान् पुरुष का दीर्घ जीवन चाहते हैं। जो निन्दा से दूर रहते हैं, विपत्तिग्रस्तों पर दया करते हैं, और शरणागतों की रक्षा करते हैं — ऐसे गुणवानों का जन्म ही सफल है।'

श्लोक 111 (markandeya.23.111)

जड उवाच एवमुक्त्वा स तं वीरं पुत्राविदमथाब्रवीत् । पूजां कुवलयाश्वस्य कर्तुकामो भुजङ्गमः॥ 23.111 ॥

jaḍa uvāca evamuktvā sa taṁ vīraṁ putrāvidamathābravīt pūjāṁ kuvalayāśvasya kartukāmo bhujaṅgamaḥ

ऐसा कहकर, कुवलयाश्व का सम्मान करने की इच्छा से, उस नाग ने उस वीर तथा अपने दोनों पुत्रों से यह कहा —

श्लोक 112 (markandeya.23.112)

स्नानादिकक्रमं कृत्वा सर्वमेव यथाक्रमम् । मधुपानादिसम्भोगमाहारञ्च यथेप्सितम्॥ 23.112 ॥

snānādikakramaṁ kṛtvā sarvameva yathākramam madhupānādisambhogamāhārañca yathepsitam

'सबसे पहले स्नान आदि विधिपूर्वक सम्पन्न करो; फिर मधुपान आदि भोग तथा जैसी इच्छा हो वैसा भोजन करो।'

श्लोक 113 (markandeya.23.113)

ततः कुवलयाश्वेन हृदयोत्सवभूतया । कथया स्वल्पकं कालं स्थास्यामो हृष्टचेतसः॥ 23.113 ॥

tataḥ kuvalayāśvena hṛdayotsavabhūtayā kathayā svalpakaṁ kālaṁ sthāsyāmo hṛṣṭacetasaḥ

'फिर हम सब कुवलयाश्व की हृदय को उल्लसित करने वाली बातों के साथ, प्रसन्नचित्त होकर कुछ काल तक ठहरेंगे।'

श्लोक 114 (markandeya.23.114)

अनुमेन च तन्मौनो वचः शत्रुजितः सुतः । तथा चकार नृपतिः पन्नगानामुदारधीः॥ 23.114 ॥

anumena ca tanmauno vacaḥ śatrujitaḥ sutaḥ tathā cakāra nṛpatiḥ pannagānāmudāradhīḥ

इसे मौन रहकर स्वीकार करते हुए शत्रुजित् के उस पुत्र ने वैसा ही किया, और उदारबुद्धि नागराज ने भी वैसा ही किया।

श्लोक 115 (markandeya.23.115)

समेत्य तैरात्मजभूपनन्दनैर् महोरगाणामधिपः स सत्यवाक् । मुदान्वितोऽन्नानि मधूनि चात्मवान् यथोपयोगं बुभुजे स भोगभुक्॥ 23.115 ॥

sametya tairātmajabhūpanandanair mahoragāṇāmadhipaḥ sa satyavāk mudānvito ’nnāni madhūni cātmavān yathopayogaṁ bubhuje sa bhogabhuk

उन सत्यवादी, महासर्पों के स्वामी नागराज ने अपने पुत्रों तथा उस राजपुत्र के साथ मिलकर, प्रसन्नतापूर्वक तथा संयमित होकर, यथोचित रूप से अन्न और मधु का भोग किया, जैसे कोई भोग-विलास का ज्ञाता ही करे।