मदालसा-प्राप्ति

श्लोक 1 (markandeya.24.1)

जड उवाच कृताहारं महात्मनामधिपं पवनाशिनाम् । उपासाञ्चक्रिरे पुत्रौ भूपालतनयस्तथा॥ 24.1 ॥

jaḍa uvāca kṛtāhāraṁ mahātmanāmadhipaṁ pavanāśinām upāsāñcakrire putrau bhūpālatanayastathā

भोजन कर चुके उस महात्मा, वायुभक्षी नागों के स्वामी की, दोनों पुत्रों तथा राजकुमार ने सेवा-सुश्रुषा की।

श्लोक 2 (markandeya.24.2)

कथाभिरनुरूपाभिः स महात्मा भुजङ्गमः । प्रीतिं सञ्जनयामास पुत्रसख्युरुवाच च॥ 24.2 ॥

kathābhiranurūpābhiḥ sa mahātmā bhujaṅgamaḥ prītiṁ sañjanayāmāsa putrasakhyuruvāca ca

उस महात्मा नाग ने उचित बातों से अपने पुत्रों के मित्र में स्नेह उत्पन्न किया, और फिर उससे कहा —

श्लोक 3 (markandeya.24.3)

तव भद्र ! सुखं ब्रूहि गेहमभ्यागतस्य यत् । कर्तव्यमुत्सृजाशङ्कां पितरीव सुतो मयि॥ 24.3 ॥

tava bhadra ! sukhaṁ brūhi gehamabhyāgatasya yat kartavyamutsṛjāśaṅkāṁ pitarīva suto mayi

'हे भद्र! जो कुछ भी सुखकर घर में आए हुए अतिथि के लिए किया जाना चाहिए, वह बताओ; शंका को त्यागकर मुझमें ऐसा विश्वास रखो जैसे पुत्र अपने पिता में रखता है।'

श्लोक 4 (markandeya.24.4)

रजतं वा सुवर्णं वा वस्त्रं वाहनमासनम् । यद्वाभिमतमत्यर्थं दुर्लभं तद्वृणुष्व माम्॥ 24.4 ॥

rajataṁ vā suvarṇaṁ vā vastraṁ vāhanamāsanam yadvābhimatamatyarthaṁ durlabhaṁ tadvṛṇuṣva mām

'चाहे चाँदी हो, या सोना, वस्त्र, वाहन अथवा आसन, या जो भी तुम्हें अत्यंत अभीष्ट और दुर्लभ प्रतीत हो, मुझसे वही माँगो।'

श्लोक 5 (markandeya.24.5)

कुवलयाश्व उवाच तव प्रसादाद्भगवन् ! सुवर्णादि गृहे मम । पितुरस्ति ममाद्यापिन किञ्चित् कार्यमीदृशम्॥ 24.5 ॥

kuvalayāśva uvāca tava prasādādbhagavan ! suvarṇādi gṛhe mama piturasti mamādyāpina kiñcit kāryamīdṛśam

'हे भगवन्! आपकी कृपा से मेरे पिता के घर में स्वर्ण आदि सब कुछ है; अतः मुझे आज ऐसी किसी वस्तु का कोई प्रयोजन नहीं है।'

श्लोक 6 (markandeya.24.6)

ताते वर्षसहस्राणि शासतीमां वसुन्धराम् । तथैव त्वयि पातालं न मे याञ्चोन्मुकं मनः॥ 24.6 ॥

tāte varṣasahasrāṇi śāsatīmāṁ vasundharām tathaiva tvayi pātālaṁ na me yāñconmukaṁ manaḥ

'जब तक मेरे पिता सहस्रों वर्षों तक इस पृथ्वी का शासन करते रहेंगे, और आप पाताल का, तब तक मेरा मन याचना की ओर उन्मुख नहीं होगा।'

श्लोक 7 (markandeya.24.7)

ते स्वर्ग्याश्च सुपुण्याश्च येषां पितरि जीवति । तृणकोटिसमं वित्तं तारुण्याद्वित्तकोटिषु॥ 24.7 ॥

te svargyāśca supuṇyāśca yeṣāṁ pitari jīvati tṛṇakoṭisamaṁ vittaṁ tāruṇyādvittakoṭiṣu

'वे ही स्वर्गयोग्य और परम पुण्यशाली हैं, जिनके पिता के जीवित रहते, करोड़ों धन में भी युवावस्था के कारण धन तिनके के समान तुच्छ प्रतीत होता है।'

श्लोक 8 (markandeya.24.8)

मित्राणि तुल्यशिष्टानि तद्वद्देहमनामयम् । जनिता ध्रियते वित्तं यौवनं किन्नु नास्ति मे॥ 24.8 ॥

mitrāṇi tulyaśiṣṭāni tadvaddehamanāmayam janitā dhriyate vittaṁ yauvanaṁ kinnu nāsti me

'समान शिष्टाचार वाले मित्र, स्वस्थ शरीर, जन्मदाता पिता का जीवित होना, धन का संचय, यौवन — इनमें से मुझे भला किसकी कमी है?'

श्लोक 9 (markandeya.24.9)

असत्यर्थे नृणां याञ्चाप्रवणं जायते मनः । सत्यशेषे कथं याञ्चां मम जिह्वा करिष्यति॥ 24.9 ॥

asatyarthe nṛṇāṁ yāñcāpravaṇaṁ jāyate manaḥ satyaśeṣe kathaṁ yāñcāṁ mama jihvā kariṣyati

'जब कोई वस्तु न हो, तभी मनुष्यों का मन याचना की ओर प्रवृत्त होता है; जब सब कुछ शेष है, तो मेरी जिह्वा भला याचना कैसे करेगी?'

श्लोक 10 (markandeya.24.10)

यैर्न चिन्त्यं धनं किञ्चिन्मम गेहेऽस्ति नास्ति वा । पितृबाहुतरुच्छायां संश्रिताः सुखिनो हि ते॥ 24.10 ॥

yairna cintyaṁ dhanaṁ kiñcinmama gehe ’sti nāsti vā pitṛbāhutarucchāyāṁ saṁśritāḥ sukhino hi te

'जिन्हें यह चिन्ता ही नहीं करनी पड़ती कि मेरे घर में धन है या नहीं, वे ही सुखी हैं, जो अपने पिता की भुजारूपी वृक्ष की छाया का आश्रय लिए हुए हैं।'

श्लोक 11 (markandeya.24.11)

ये तु बाल्यात् प्रभृत्येव विना पित्रा कुटुम्बिनः । ते सुखास्वादविभ्रंशान्मन्ये धात्रैव वञ्चिताः॥ 24.11 ॥

ye tu bālyāt prabhṛtyeva vinā pitrā kuṭumbinaḥ te sukhāsvādavibhraṁśānmanye dhātraiva vañcitāḥ

'परन्तु जो बचपन से ही पिता के बिना गृहस्थ बन जाते हैं, वे सुख के स्वाद से वंचित रहने के कारण, मेरी दृष्टि में, विधाता द्वारा ही ठगे गए हैं।'

श्लोक 12 (markandeya.24.12)

तद्वयं त्वत्प्रसादेन धनरत्नादिसञ्चयान् । पितृमुक्तान् प्रयच्छामः कामतो नित्यमर्थिनाम्॥ 24.12 ॥

tadvayaṁ tvatprasādena dhanaratnādisañcayān pitṛmuktān prayacchāmaḥ kāmato nityamarthinām

'इसलिए आपकी ही कृपा से हम अपने पिता द्वारा दिए गए धन-रत्न आदि के संचय को नित्य याचकों को यथेच्छा दान करते रहते हैं।'

श्लोक 13 (markandeya.24.13)

तत् सर्वमिह संप्राप्तं यदङ्घ्रियुगलं तव । मच्चूडामणिना स्पृष्टं यच्चाङ्गस्पर्शमाप्तवान्॥ 24.13 ॥

tat sarvamiha saṁprāptaṁ yadaṅghriyugalaṁ tava maccūḍāmaṇinā spṛṣṭaṁ yaccāṅgasparśamāptavān

'वह सब कुछ मुझे यहाँ प्राप्त हो चुका है, कि आपके दोनों चरण मेरे मुकुटमणि से स्पृष्ट हुए और मुझे आपके अंग-स्पर्श का सौभाग्य भी मिला।'

श्लोक 14 (markandeya.24.14)

जड उवाच इत्येवं प्रसृतं वाक्यमुक्तः पन्नगसत्तमः । प्राह राजसुतं प्रीत्या पुत्रयोरुपकारिणम्॥ 24.14 ॥

jaḍa uvāca ityevaṁ prasṛtaṁ vākyamuktaḥ pannagasattamaḥ prāha rājasutaṁ prītyā putrayorupakāriṇam

इस प्रकार विस्तारपूर्वक कहे गए वचन को सुनकर, उस श्रेष्ठ नाग ने अपने पुत्रों के उस उपकारी राजकुमार से प्रेमपूर्वक कहा —

श्लोक 15 (markandeya.24.15)

नाग उवाच यदि रत्नसुवर्णादि मत्तोऽवाप्तुं न ते मनः । यदन्यन्मनसः प्रीत्यै तद्ब्रूहि त्वं ददाम्यहम्॥ 24.15 ॥

nāga uvāca yadi ratnasuvarṇādi matto ’vāptuṁ na te manaḥ yadanyanmanasaḥ prītyai tadbrūhi tvaṁ dadāmyaham

'यदि तुम्हारा मन मुझसे रत्न, सोना आदि पाने का नहीं है, तो जो भी तुम्हारे मन को प्रिय हो, वह बताओ, मैं तुम्हें वह अवश्य दूँगा।'

श्लोक 16 (markandeya.24.16)

कुवलयाश्व उवाच भगवंस्त्वत्प्रसादेन प्रार्थितस्य गृहे मम । सर्वमस्ति विशेषेण सम्प्राप्तं तव दर्शनात्॥ 24.16 ॥

kuvalayāśva uvāca bhagavaṁstvatprasādena prārthitasya gṛhe mama sarvamasti viśeṣeṇa samprāptaṁ tava darśanāt

'हे भगवन्! आपकी कृपा से मेरे घर में जो कुछ भी अभीष्ट है, वह सब है ही; और विशेष रूप से आपके दर्शन से मुझे वह सब कुछ प्राप्त हो चुका है।'

श्लोक 17 (markandeya.24.17)

कृतकृत्योऽस्मि चैतेन सफलं जीवितञ्च मे । यदङ्गसंश्लेषमितस्तव देवस्य मानुषः॥ 24.17 ॥

kṛtakṛtyo ’smi caitena saphalaṁ jīvitañca me yadaṅgasaṁśleṣamitastava devasya mānuṣaḥ

'इससे मैं कृतार्थ हो गया हूँ, और मेरा जीवन सफल हो गया है, कि मुझ जैसे मनुष्य को आप जैसे देवतुल्य का आलिंगन प्राप्त हुआ है।'

श्लोक 18 (markandeya.24.18)

ममोत्तमाङ्गे त्वत्पादरजसा यदिहास्पदम् । कृतं तेनैव न प्राप्तं किं मया पन्नगेश्वर॥ 24.18 ॥

mamottamāṅge tvatpādarajasā yadihāspadam kṛtaṁ tenaiva na prāptaṁ kiṁ mayā pannageśvara

'हे नागेश्वर! जब आपके चरणों की धूलि ने मेरे सिर पर अपना स्थान बना ही लिया है, तो उससे भला मुझे और क्या प्राप्त होना शेष रह गया है?'

श्लोक 19 (markandeya.24.19)

यदि त्ववश्यं दातव्यो वरो मम यथेप्सितः । तत्पुण्यकर्मसंस्कारो हृदयान्मा व्यपैतु मे॥ 24.19 ॥

yadi tvavaśyaṁ dātavyo varo mama yathepsitaḥ tatpuṇyakarmasaṁskāro hṛdayānmā vyapaitu me

'फिर भी यदि मुझे अनिवार्यतः अपनी इच्छानुसार कोई वर लेना ही होगा, तो यही चाहता हूँ कि पुण्य-कर्म का संस्कार मेरे हृदय से कभी दूर न हो।'

श्लोक 20 (markandeya.24.20)

सुवर्णमणिरत्नादि वाहनं गृहमासनम् । स्त्रियोऽन्नपानं पुत्राश्च चारुमाल्यानुलेपन्॥ 24.20 ॥

suvarṇamaṇiratnādi vāhanaṁ gṛhamāsanam striyo ’nnapānaṁ putrāśca cārumālyānulepan

'सोना, मणि, रत्न आदि, वाहन, घर, आसन, स्त्रियाँ, अन्न-पान, पुत्र, सुंदर माला और चन्दन आदि —'

श्लोक 21 (markandeya.24.21)

एते च विविधाः कामा गीतवाद्यादिकञ्च यत् । सर्वमेतन्मम मतं फलं पुण्यवनस्पतेः॥ 24.21 ॥

ete ca vividhāḥ kāmā gītavādyādikañca yat sarvametanmama mataṁ phalaṁ puṇyavanaspateḥ

'—और ये विविध भोग, गीत-वाद्य आदि — यह सब मेरे मत में पुण्यरूपी वृक्ष का ही फल है।'

श्लोक 22 (markandeya.24.22)

तस्मान्नरेण तन्मुलः कार्यो यत्नः कृतात्मना । कर्तव्यः पुण्यसक्तानां न किञ्चिद्भुवि दुर्लभम्॥ 24.22 ॥

tasmānnareṇa tanmulaḥ kāryo yatnaḥ kṛtātmanā kartavyaḥ puṇyasaktānāṁ na kiñcidbhuvi durlabham

'इसलिए मनुष्य को संयतचित्त होकर उसी की जड़ यानि पुण्य के लिए प्रयत्न करना चाहिए; पुण्य में लगे हुए लोगों के लिए इस पृथ्वी पर कुछ भी दुर्लभ नहीं है।'

श्लोक 23 (markandeya.24.23)

अश्वतर उवाच एवं भविष्यति प्राज्ञ ! तव धर्माश्रिता मतिः । सत्यञ्चैतत् फलं सर्वं धर्मस्योक्तं यथा त्वया॥ 24.23 ॥

aśvatara uvāca evaṁ bhaviṣyati prājña ! tava dharmāśritā matiḥ satyañcaitat phalaṁ sarvaṁ dharmasyoktaṁ yathā tvayā

'हे प्राज्ञ! ऐसा ही होगा, तुम्हारी बुद्धि धर्म का आश्रय लेने वाली है। यह सब जो तुमने कहा — कि यह सब कुछ धर्म का ही फल है — सत्य है।'

श्लोक 24 (markandeya.24.24)

तथाप्यवश्यं मद्गेहमागतेन त्वयाधुना । ग्राह्यं यन्मानुषे लोके दुष्प्राप्तं भवतो मतम्॥ 24.24 ॥

tathāpyavaśyaṁ madgehamāgatena tvayādhunā grāhyaṁ yanmānuṣe loke duṣprāptaṁ bhavato matam

'फिर भी, अब मेरे घर आए हुए तुम्हें अवश्य ही वह ग्रहण करना चाहिए, जो तुम्हारे मत में मनुष्यलोक में दुष्प्राप्य है।'

श्लोक 25 (markandeya.24.25)

जड उवाच तस्यैतद्वचनं श्रुत्वा स तदा नृपनन्दनः । मुकावलोकनञ्चक्रे पन्नगेश्वरपुत्रयोः॥ 24.25 ॥

jaḍa uvāca tasyaitadvacanaṁ śrutvā sa tadā nṛpanandanaḥ mukāvalokanañcakre pannageśvaraputrayoḥ

उनके इस वचन को सुनकर, उस राजकुमार ने उस समय नागेश्वर के दोनों पुत्रों की ओर मौन दृष्टि से देखा।

श्लोक 26 (markandeya.24.26)

ततस्तौ प्रणिपत्योभौ राजपुत्रस्य यन्मतम् । तत् पितुः सकलं वीरौ कथयामासतुः स्फुटम्॥ 24.26 ॥

tatastau praṇipatyobhau rājaputrasya yanmatam tat pituḥ sakalaṁ vīrau kathayāmāsatuḥ sphuṭam

तब उन दोनों वीरों ने अपने पिता को प्रणाम कर, राजकुमार के मन में जो कुछ था, वह सब स्पष्ट रूप से बता दिया।

श्लोक 27 (markandeya.24.27)

पुत्रापूचतुः ततोऽस्य पत्नी दयिता श्रुत्वेमं विनिपातितम् । अत्यजद्दयितान् प्राणान् विप्रलब्धा दुरात्मना॥ 24.27 ॥

putrāpūcatuḥ tato ’sya patnī dayitā śrutvemaṁ vinipātitam atyajaddayitān prāṇān vipralabdhā durātmanā

'उस दुरात्मा द्वारा ठगे जाने पर, इसकी प्रिय पत्नी ने इसके मारे जाने का समाचार सुनकर अपने प्राण त्याग दिए —'

श्लोक 28 (markandeya.24.28)

केनापि कृतवैरेण दानवेन कुबुद्धिना । गन्धर्वराजस्य सुता नाम्ना ख्याता मदालसा॥ 24.28 ॥

kenāpi kṛtavaireṇa dānavena kubuddhinā gandharvarājasya sutā nāmnā khyātā madālasā

'—किसी पूर्ववैरी, दुर्बुद्धि दानव द्वारा। वह गन्धर्वराज की पुत्री थी, जिसका नाम मदालसा के नाम से विख्यात था।'

श्लोक 29 (markandeya.24.29)

कुतज्ञोऽयं ततस्तात ! प्रतिज्ञां कृतवानिमाम् । नान्या भार्या भवित्रीति वर्जयित्वा मदालसाम्॥ 24.29 ॥

kutajño ’yaṁ tatastāta ! pratijñāṁ kṛtavānimām nānyā bhāryā bhavitrīti varjayitvā madālasām

'हे तात! तब से यह कृतज्ञ यह प्रतिज्ञा कर चुका है कि मदालसा को छोड़कर कोई और उसकी पत्नी नहीं होगी।'

श्लोक 30 (markandeya.24.30)

द्रष्टुं तां चारुसर्वाङ्गीमयं वीर ! ऋतध्वजः । तात ! वाञ्छति यद्येतत् क्रियते तत् कृतं भवेत्॥ 24.30 ॥

draṣṭuṁ tāṁ cārusarvāṅgīmayaṁ vīra ! ṛtadhvajaḥ tāta ! vāñchati yadyetat kriyate tat kṛtaṁ bhavet

'हे तात! यह वीर ऋतध्वज उस सर्वांगसुंदरी को देखना चाहता है; यदि यह हो सके, तो यही इसके लिए सबसे बड़ा उपकार होगा।'

श्लोक 31 (markandeya.24.31)

अश्वतर उवाच भूतैर्वियोगिनो योगस्तादृशैरेव तादृशः । कथमेतद्विना स्वप्नं मायां वा शम्बरोदिताम्॥ 24.31 ॥

aśvatara uvāca bhūtairviyogino yogastādṛśaireva tādṛśaḥ kathametadvinā svapnaṁ māyāṁ vā śambaroditām

'जो प्राणी एक बार वियुक्त हो चुके हैं, उनका पुनर्मिलन वैसे ही रूप में केवल स्वप्न में या शम्बर द्वारा रचित माया के बिना भला कैसे सम्भव हो सकता है?'

श्लोक 32 (markandeya.24.32)

जड उवाच प्रणिपत्य भुजङ्गेशं पुत्रः शत्रुजितस्ततः । प्रत्युवाच महात्मानं प्रेमलज्जासमन्वितः॥ 24.32 ॥

jaḍa uvāca praṇipatya bhujaṅgeśaṁ putraḥ śatrujitastataḥ pratyuvāca mahātmānaṁ premalajjāsamanvitaḥ

तब शत्रुजित् के पुत्र ने नागेश्वर को प्रणाम कर, प्रेम और लज्जा से युक्त होकर उस महात्मा से यह कहा —

श्लोक 33 (markandeya.24.33)

मायामयीमप्यधुना मम तात ! मदालसाम् । यदि दर्शयते मन्ये परं कृतमनुग्रहम्॥ 24.33 ॥

māyāmayīmapyadhunā mama tāta ! madālasām yadi darśayate manye paraṁ kṛtamanugraham

'हे तात! यदि अभी मुझे माया से रचित ही मदालसा दिखा दी जाए, तो भी मैं इसे आप द्वारा किया गया परम अनुग्रह मानूँगा।'

श्लोक 34 (markandeya.24.34)

अश्वतर उवाच तस्मात् पश्येह वत्स ! त्वं मायाञ्चेद् द्रष्टुमिच्छसि । अनुग्राह्यो भवान् गेहं बालोऽप्यभ्यागतो गुरुः॥ 24.34 ॥

aśvatara uvāca tasmāt paśyeha vatsa ! tvaṁ māyāñced draṣṭumicchasi anugrāhyo bhavān gehaṁ bālo ’pyabhyāgato guruḥ

'तो हे वत्स! यदि तुम माया देखना ही चाहते हो, तो देख लो; तुम मेरे घर में आए हुए अतिथि हो, बालक होते हुए भी मेरे लिए गुरुतुल्य अनुग्रह-योग्य हो।'

श्लोक 35 (markandeya.24.35)

जड उवाच आनयामास नागेन्द्रो गृहगुप्तां मदालसाम् । तेषां संमोहनार्थाय ज्जल्प च ततः स्फुटम्॥ 24.35 ॥

jaḍa uvāca ānayāmāsa nāgendro gṛhaguptāṁ madālasām teṣāṁ saṁmohanārthāya jjalpa ca tataḥ sphuṭam

नागराज ने घर में छिपाकर रखी गई मदालसा को वहाँ लाया, और उन्हें मोहित करने के लिए स्पष्ट रूप से यह कहा —

श्लोक 36 (markandeya.24.36)

दर्शयामास च तदा राजपुत्राय तां शुभाम् । सेयं न वेति ते भार्या राजपुत्र ! मदालसा॥ 24.36 ॥

darśayāmāsa ca tadā rājaputrāya tāṁ śubhām seyaṁ na veti te bhāryā rājaputra ! madālasā

उसने उस समय उस शुभ स्त्री को राजकुमार के सामने दिखाकर कहा — 'हे राजकुमार! क्या यही तुम्हारी पत्नी मदालसा है, या नहीं?'

श्लोक 37 (markandeya.24.37)

जड उवाच स दृष्ट्वा तां तदा तन्वीं तत्क्षणात् विगतत्रपः । प्रियेति तामभिमुखं ययौ वाचमुदीरयन् । निवारयामास च तं नागः सोऽश्वतरस्त्वरन्॥ 24.37 ॥

jaḍa uvāca sa dṛṣṭvā tāṁ tadā tanvīṁ tatkṣaṇāt vigatatrapaḥ priyeti tāmabhimukhaṁ yayau vācamudīrayan nivārayāmāsa ca taṁ nāgaḥ so ’śvatarastvaran

उस कृशांगी को देखते ही वह तत्काल लज्जा भूलकर 'हे प्रिये!' कहते हुए उसकी ओर बढ़ा; परन्तु अश्वतर नाग ने शीघ्रता से उसे रोक दिया।

श्लोक 38 (markandeya.24.38)

अश्वतर उवाच मायेयं पुत्र ! मा स्प्राक्षीः प्रागेव कथितं तव । अन्तर्धानमुपैत्याशु माया संस्पर्शनादिभिः॥ 24.38 ॥

aśvatara uvāca māyeyaṁ putra ! mā sprākṣīḥ prāgeva kathitaṁ tava antardhānamupaityāśu māyā saṁsparśanādibhiḥ

'हे पुत्र! यह माया है, इसे मत छूना; मैंने पहले ही तुमसे यह कह दिया था। स्पर्श आदि करते ही यह माया शीघ्र ही अन्तर्धान हो जाएगी।'

श्लोक 39 (markandeya.24.39)

ततः पपात मेदिन्यां स तु मूर्च्छापरिप्लुतः । हा प्रियेति वदन् सोऽथ चिन्तयामास भामिनीम्॥ 24.39 ॥

tataḥ papāta medinyāṁ sa tu mūrcchāpariplutaḥ hā priyeti vadan so ’tha cintayāmāsa bhāminīm

तब वह मूर्च्छा से व्याकुल होकर पृथ्वी पर गिर पड़ा, 'हा प्रिये!' कहते हुए वह उस सुंदरी का ही ध्यान करने लगा।

श्लोक 40 (markandeya.24.40)

अहो स्नेहोऽस्य नृपतेर्ममोपर्यचलं मनः । येनायं पातनोऽरीणां विना शस्त्रेण पातितः॥ 24.40 ॥

aho sneho ’sya nṛpatermamoparyacalaṁ manaḥ yenāyaṁ pātano ’rīṇāṁ vinā śastreṇa pātitaḥ

'अहो! इस राजकुमार का मेरे प्रति स्नेह कितना अटल है, जिससे शत्रुओं को गिराने वाला यह मनुष्य बिना किसी शस्त्र के ही गिर पड़ा।'

श्लोक 41 (markandeya.24.41)

मायेति दर्शिता तेन मिथ्या मायेति यत्स्फुटम् । वाय्वम्बुतेजसां भुमेराकाशस्य च चेष्टया॥ 24.41 ॥

māyeti darśitā tena mithyā māyeti yatsphuṭam vāyvambutejasāṁ bhumerākāśasya ca ceṣṭayā

जो कुछ भी वायु, जल, अग्नि, पृथ्वी और आकाश की चेष्टा से मिथ्या माया के रूप में स्पष्टतः दिखाया गया था, वह भी —

श्लोक 42 (markandeya.24.42)

जड उवाच ततः कुवलयाश्वं तं समाश्वास्य भुजङ्गमः । कथयामास तत् सर्वं मृतसञ्जीवनादिकम्॥ 24.42 ॥

jaḍa uvāca tataḥ kuvalayāśvaṁ taṁ samāśvāsya bhujaṅgamaḥ kathayāmāsa tat sarvaṁ mṛtasañjīvanādikam

—तब उस नाग ने कुवलयाश्व को सान्त्वना देकर, मृतक के पुनर्जीवित होने आदि की वह सारी कथा उसे सुनाई।

श्लोक 43 (markandeya.24.43)

ततः प्रहृष्टः प्रतिलभ्य कान्तां प्रणम्य नागं निजगाम सोऽथ । सुशोभमानः स्वपुरं तमश्वम् आरुह्य संचिन्तितमभ्युपतेम्॥ 24.43 ॥

tataḥ prahṛṣṭaḥ pratilabhya kāntāṁ praṇamya nāgaṁ nijagāma so ’tha suśobhamānaḥ svapuraṁ tamaśvam āruhya saṁcintitamabhyupatem

तब अपनी प्रियतमा को पुनः पाकर अत्यंत प्रसन्न हुआ वह नाग को प्रणाम कर, अपने उसी घोड़े पर सवार होकर सुशोभित होता हुआ, अपने ही अभीष्ट नगर की ओर चल पड़ा।