योगसिद्धि

श्लोक 1 (markandeya.40.1)

दत्तात्रेय उवाच । उपसर्गाः प्रवर्तन्ते दृष्टे ह्यात्मनि योगिनः । ये तांस्ते संप्रवक्ष्यामि समासेन निबोध मे॥ ४०.१ ॥

dattātreya uvāca upasargāḥ pravartante dṛṣṭe hyātmani yoginaḥ ye tāṁste saṁpravakṣyāmi samāsena nibodha me

दत्तात्रेय बोले - जब योगी को आत्मा का दर्शन होने लगता है, तब उसे विघ्न (उपसर्ग) उत्पन्न होते हैं। अब मैं वे विघ्न संक्षेप में बताता हूँ, मुझसे सुनो।

श्लोक 2 (markandeya.40.2)

काम्याः क्रियास्तथा कामान् मानुषानभिवाञ्छति । स्त्रियो दानफलं विद्यां मायां कुप्यं धनं दिवम्॥ ४०.२ ॥

kāmyāḥ kriyāstathā kāmān mānuṣānabhivāñchati striyo dānaphalaṁ vidyāṁ māyāṁ kupyaṁ dhanaṁ divam

वह कामनाओं की पूर्ति करने वाले कर्मों की तथा मानवीय इच्छाओं की अभिलाषा करने लगता है - स्त्रियाँ, दान का फल, विद्या, माया, धातु, धन, स्वर्ग,

श्लोक 3 (markandeya.40.3)

देवत्वममरेशत्वं रसायनचयाः क्रियाः । मरुत्प्रपतनं यज्ञं जलग्न्यावेशनन्तथा॥ ४०.३ ॥

devatvamamareśatvaṁ rasāyanacayāḥ kriyāḥ marutprapatanaṁ yajñaṁ jalagnyāveśanantathā

देवत्व, अमरों का स्वामित्व, रसायनों के भण्डार, (सिद्धि की) क्रियाएँ, वायु के समान गमन, यज्ञ, तथा जल और अग्नि में प्रवेश की शक्ति -

श्लोक 4 (markandeya.40.4)

श्राद्धानां सर्वदानानां फलानि नियमांस्तथा । तथोपवासात् पूर्ताच्च देवताभ्यर्च्चनादपि॥ ४०.४ ॥

śrāddhānāṁ sarvadānānāṁ phalāni niyamāṁstathā tathopavāsāt pūrtācca devatābhyarccanādapi

श्राद्धों और सभी प्रकार के दानों के फल, नियमों के फल, तथा उपवास, पूर्त-कर्म और देवताओं की पूजा से प्राप्त होने वाले फलों की भी (अभिलाषा करने लगता है)।

श्लोक 5 (markandeya.40.5)

तेभ्यस्तेभ्यश्च कर्मभ्य उपसृष्टोऽभिवाञ्छति । चित्तमित्थं वर्तमानं यत्नाद्योगी निवर्तयेत्॥ ४०.५ ॥

tebhyastebhyaśca karmabhya upasṛṣṭo 'bhivāñchati cittamitthaṁ vartamānaṁ yatnādyogī nivartayet

इन-इन कर्मों से घिरा हुआ वह उनकी कामना करने लगता है। इस प्रकार व्यवहार करते हुए चित्त को योगी को प्रयत्नपूर्वक रोक लेना चाहिए।

श्लोक 6 (markandeya.40.6)

ब्रह्मसङ्गिमनः कुर्वन्नुपसर्गात् प्रमुच्यते । उपसर्गैर्जितैरेभिरुपसर्गास्ततः पुनः॥ ४०.६ ॥

brahmasaṅgimanaḥ kurvannupasargāt pramucyate upasargairjitairebhirupasargāstataḥ punaḥ

मन को ब्रह्म में लगाकर वह विघ्न से मुक्त हो जाता है। परन्तु इन विघ्नों के जीत लेने पर भी, इनसे फिर अन्य विघ्न उत्पन्न होते हैं -

श्लोक 7 (markandeya.40.7)

योगिनः संप्रवर्तन्ते सात्त्वराजसतामसाः । प्रातिभिः श्रावणो दैवो भ्रमावत्तौ तथापरौ॥ ४०.७ ॥

yoginaḥ saṁpravartante sāttvarājasatāmasāḥ prātibhiḥ śrāvaṇo daivo bhramāvattau tathāparau

योगी के लिए सात्त्विक, राजस और तामस विघ्न उत्पन्न होते हैं - प्रातिभ, श्रावण, दैव, तथा भ्रम और आवर्त नाम के दो अन्य।

श्लोक 8 (markandeya.40.8)

पञ्चैते योगिनां योगविघ्राय कटुकोदयाः । वेदार्थाः काव्यशास्त्रार्था विद्याशिल्पान्यशेषतः॥ ४०.८ ॥

pañcaite yogināṁ yogavighrāya kaṭukodayāḥ vedārthāḥ kāvyaśāstrārthā vidyāśilpānyaśeṣataḥ

ये पाँच योगियों के योग में बाधा डालने के लिए कटु परिणाम वाले होते हैं - वेदों के अर्थ, काव्य-शास्त्रों के अर्थ, तथा सम्पूर्ण विद्याएँ और शिल्प -

श्लोक 9 (markandeya.40.9)

प्रतिभान्ति यदस्येति प्रातिभः स तु योगिनः । शब्दार्थानाखिलान् वेत्ति शब्दं गृह्णाति चैव यत्॥ ४०.९ ॥

pratibhānti yadasyeti prātibhaḥ sa tu yoginaḥ śabdārthānākhilān vetti śabdaṁ gṛhṇāti caiva yat

जिस योगी को ये सब स्वयं प्रतीत होने लगें, उसे प्रातिभ (विघ्न) कहते हैं। इससे वह सभी शब्दों के अर्थों को जान लेता है, तथा जो भी सुनता है उसे ग्रहण कर लेता है।

श्लोक 10 (markandeya.40.10)

योजनानां सहस्रेभ्यः श्रावणः सोऽभिधीयते । ममन्ताद्वीक्षते चाष्टौ स यदा देवतोपमः॥ ४०.१० ॥

yojanānāṁ sahasrebhyaḥ śrāvaṇaḥ so 'bhidhīyate mamantādvīkṣate cāṣṭau sa yadā devatopamaḥ

हजारों योजन दूर से सुन लेना श्रावण (विघ्न) कहलाता है। और जब वह देवता के समान सभी आठों दिशाओं में एक साथ देखने लगे,

श्लोक 11 (markandeya.40.11)

उपसर्गन्तमप्याहुर्दैवमुन्मत्तवद् बुधाः । भ्राम्यते यन्निरालम्बं मनो दोषेण योगिनः॥ ४०.११ ॥

upasargantamapyāhurdaivamunmattavad budhāḥ bhrāmyate yannirālambaṁ mano doṣeṇa yoginaḥ

तो ज्ञानी जन उस विघ्न को भी दैव कहते हैं, जो उन्मत्त के समान होता है। जिस दोष से योगी का निराश्रय मन भटकने लगता है,

श्लोक 12 (markandeya.40.12)

समस्ताचारविभ्रांशाद् भ्रमः स परिकीर्तितः । आवर्त इव तोयस्य ज्ञानावर्तो यदाकुलः॥ ४०.१२ ॥

samastācāravibhrāṁśād bhramaḥ sa parikīrtitaḥ āvarta iva toyasya jñānāvarto yadākulaḥ

तथा समस्त आचार से भ्रष्ट हो जाने से जो होता है, उसे भ्रम कहा गया है। जब जल के भँवर के समान ज्ञान का भी भँवर उत्पन्न होकर व्याकुल करने लगे,

श्लोक 13 (markandeya.40.13)

नाशयेच्चित्तमावर्त उपसर्गः स उच्यते । एतैर्नाशितयोगास्तु सकला देवयोनयः॥ ४०.१३ ॥

nāśayeccittamāvarta upasargaḥ sa ucyate etairnāśitayogāstu sakalā devayonayaḥ

और चित्त को नष्ट कर दे, तो उस भँवर को विघ्न कहा गया है। इन्हीं के द्वारा देवताओं की समस्त योनियों का भी योग नष्ट हो चुका है,

श्लोक 14 (markandeya.40.14)

उपसर्गैर्महाघोरैरावर्तन्ते पुनः पुनः । प्रावृत्य कम्बलं शुक्लं योगी तस्मान्मनोमयम्॥ ४०.१४ ॥

upasargairmahāghorairāvartante punaḥ punaḥ prāvṛtya kambalaṁ śuklaṁ yogī tasmānmanomayam

और वे इन भयंकर विघ्नों के कारण बार-बार भ्रमण करते रहते हैं। इसलिए योगी मन को श्वेत कम्बल के समान ढककर,

श्लोक 15 (markandeya.40.15)

चिन्तयेत् परमं ब्रह्म कृत्वा तत्प्रवणं मनः । योगयुक्तः सदा योगी लघ्वाहारो जितेन्द्रियः॥ ४०.१५ ॥

cintayet paramaṁ brahma kṛtvā tatpravaṇaṁ manaḥ yogayuktaḥ sadā yogī laghvāhāro jitendriyaḥ

मन को उसी की ओर एकाग्र करके परब्रह्म का चिन्तन करे। योग में सदा युक्त योगी अल्प आहार करने वाला और जितेन्द्रिय होना चाहिए।

श्लोक 16 (markandeya.40.16)

सूक्ष्मास्तु धारणाः सप्त भूराद्या मूर्घ्नि धारयेत् । धरित्रीं धारयेद्योगी तत् सौक्ष्म्यं प्रतिपद्यते॥ ४०.१६ ॥

sūkṣmāstu dhāraṇāḥ sapta bhūrādyā mūrghni dhārayet dharitrīṁ dhārayedyogī tat saukṣmyaṁ pratipadyate

पृथ्वी आदि से आरम्भ होने वाली सात सूक्ष्म धारणाएँ हैं, जिन्हें मस्तक में धारण करना चाहिए। योगी पृथ्वी को धारण करके उसकी सूक्ष्मता को प्राप्त करता है।

श्लोक 17 (markandeya.40.17)

आत्मानं मन्यते चोर्वों तद्गन्धञ्च जहाति सः । यथैवाप्सु रसं सूक्ष्मं तद्वद्रूपञ्च तेजसि॥ ४०.१७ ॥

ātmānaṁ manyate corvoṁ tadgandhañca jahāti saḥ yathaivāpsu rasaṁ sūkṣmaṁ tadvadrūpañca tejasi

वह अपने को पृथ्वी-रूप मानने लगता है और उसकी गन्ध को त्याग देता है। इसी प्रकार जल में सूक्ष्म रस को, तथा तेज में रूप को (धारण करता है),

श्लोक 18 (markandeya.40.18)

स्पर्शं वायो तथा तद्वद्विभ्रतस्तस्य धारणाम् । व्योम्रः सूक्ष्मां प्रवृत्तिञ्च शब्दं तद्वज्जहाति सः॥ ४०.१८ ॥

sparśaṁ vāyo tathā tadvadvibhratastasya dhāraṇām vyomraḥ sūkṣmāṁ pravṛttiñca śabdaṁ tadvajjahāti saḥ

तथा वायु में स्पर्श को, इस प्रकार उसकी धारणा को धारण करते हुए। आकाश की सूक्ष्म प्रवृत्ति अर्थात् शब्द को भी वह उसी प्रकार त्याग देता है।

श्लोक 19 (markandeya.40.19)

मनसा सर्वभूतानां मनस्याविशते यदा । मानसीं धारणां बिभ्रन्मनः सूक्ष्मञ्च जायते॥ ४०.१९ ॥

manasā sarvabhūtānāṁ manasyāviśate yadā mānasīṁ dhāraṇāṁ bibhranmanaḥ sūkṣmañca jāyate

जब वह मन के द्वारा समस्त प्राणियों के मन में प्रवेश करता है, मानसिक धारणा को धारण करते हुए, तब मन भी सूक्ष्म हो जाता है।

श्लोक 20 (markandeya.40.20)

तद्वद् बुद्धिमशेषाणां सत्त्वानामेत्य योगवित् । परित्यजति सम्प्राप्य बुद्धिसौक्ष्म्यमनुत्तमम्॥ ४०.२० ॥

tadvad buddhimaśeṣāṇāṁ sattvānāmetya yogavit parityajati samprāpya buddhisaukṣmyamanuttamam

इसी प्रकार योगज्ञ सम्पूर्ण प्राणियों की बुद्धि में प्रवेश करके, बुद्धि की अनुपम सूक्ष्मता को प्राप्त कर, उसे भी त्याग देता है।

श्लोक 21 (markandeya.40.21)

परित्यजति सूक्ष्माणि सप्त त्वेतानि योगवित् । सम्यग्विज्ञाय योऽलर्क ! तस्यावृत्तिर्न विद्यते॥ ४०.२१ ॥

parityajati sūkṣmāṇi sapta tvetāni yogavit samyagvijñāya yo 'larka ! tasyāvṛttirna vidyate

इस प्रकार योगज्ञ इन सातों सूक्ष्म तत्त्वों को क्रमशः त्याग देता है। हे अलर्क! जो इसे भली-भाँति जान लेता है, उसका पुनरागमन नहीं होता।

श्लोक 22 (markandeya.40.22)

एतासां धारणानान्तु सप्तानां सौक्ष्म्यमात्मवान् । दृष्ट्वा दृष्ट्वा ततः सिद्धिं त्यक्त्वा त्यक्त्वा परां व्रजेत्॥ ४०.२२ ॥

etāsāṁ dhāraṇānāntu saptānāṁ saukṣmyamātmavān dṛṣṭvā dṛṣṭvā tataḥ siddhiṁ tyaktvā tyaktvā parāṁ vrajet

इन सातों धारणाओं की सूक्ष्मता को देख-देखकर, आत्मवान् योगी प्राप्त हुई सिद्धि को भी त्याग-त्यागकर आगे परम पद की ओर बढ़ता जाए।

श्लोक 23 (markandeya.40.23)

यस्मिन् यस्मिंश्च कुरुते भूते रागं महीपते । तस्मिंस्तस्मिन् समासक्तिं संप्राप्य स विनश्यति॥ ४०.२३ ॥

yasmin yasmiṁśca kurute bhūte rāgaṁ mahīpate tasmiṁstasmin samāsaktiṁ saṁprāpya sa vinaśyati

क्योंकि हे राजन्! वह जिस-जिस भूत में आसक्ति करता है, उसी-उसी में समासक्ति को प्राप्त होकर वह (आगे बढ़ने से) नष्ट हो जाता है।

श्लोक 24 (markandeya.40.24)

तस्माद्विदित्वा सूक्ष्माणि संसक्तानि परस्परम् । परित्यजति यो देही स परं प्राप्नुयात् पदम्॥ ४०.२४ ॥

tasmādviditvā sūkṣmāṇi saṁsaktāni parasparam parityajati yo dehī sa paraṁ prāpnuyāt padam

इसलिए इन सूक्ष्म तत्त्वों को परस्पर एक-दूसरे से जुड़ा हुआ जानकर, जो देहधारी इन्हें भी त्याग देता है, वही परम पद को प्राप्त करता है।

श्लोक 25 (markandeya.40.25)

एतान्येव तु सन्धाय सप्त सूक्ष्माणि पार्थिव ! । भूतादीनां विरागोऽत्र सद्भावज्ञस्य मुक्तये॥ ४०.२५ ॥

etānyeva tu sandhāya sapta sūkṣmāṇi pārthiva ! bhūtādīnāṁ virāgo 'tra sadbhāvajñasya muktaye

हे राजन्! इन्हीं सातों सूक्ष्म तत्त्वों को जोड़कर देखने पर, भूतों आदि से विराग ही सद्भाव के ज्ञाता के लिए मुक्ति का साधन है।

श्लोक 26 (markandeya.40.26)

गन्धादिषु समासक्तिं सम्प्राप्य स विनश्यति । पुनरावर्तते भूप ! स ब्रह्मापरमानुषम्॥ ४०.२६ ॥

gandhādiṣu samāsaktiṁ samprāpya sa vinaśyati punarāvartate bhūpa ! sa brahmāparamānuṣam

परन्तु गन्ध आदि (विषयों) में आसक्ति को प्राप्त होकर वह नष्ट हो जाता है, और हे राजन्! वह ब्रह्मलोक से भी पुनः लौट आता है, जो मनुष्येतर लोक है।

श्लोक 27 (markandeya.40.27)

सप्तैता धारणा योगी समतीत्य यदिच्छति । तस्मिंस्तस्मिंल्लयं सूक्ष्मे भूते याति नरेश्वर !॥ ४०.२७ ॥

saptaitā dhāraṇā yogī samatītya yadicchati tasmiṁstasmiṁllayaṁ sūkṣme bhūte yāti nareśvara !

हे नरेश्वर! यदि योगी इन सातों धारणाओं को पार करके इच्छा करे, तो वह उस-उस सूक्ष्म भूत में लय को प्राप्त कर सकता है,

श्लोक 28 (markandeya.40.28)

देवानामसुराणां वा गन्धर्वोरगरक्षसाम् । देहेषु लयमायाति सङ्गं नाप्रोति च क्वचित्॥ ४०.२८ ॥

devānāmasurāṇāṁ vā gandharvoragarakṣasām deheṣu layamāyāti saṅgaṁ nāproti ca kvacit

अथवा देवताओं, असुरों, गन्धर्वों, नागों या राक्षसों के शरीरों में भी लय को प्राप्त हो सकता है, और कहीं भी आसक्ति को प्राप्त नहीं होता।

श्लोक 29 (markandeya.40.29)

अणिमा लघिमा चैव महिमा प्राप्तिरेव च । प्राकाम्यं च तथेशित्वं वशित्वञ्च तथापरम्॥ ४०.२९ ॥

aṇimā laghimā caiva mahimā prāptireva ca prākāmyaṁ ca tatheśitvaṁ vaśitvañca tathāparam

अणिमा, लघिमा, महिमा, प्राप्ति, प्राकाम्य, तथा ईशित्व और वशित्व - ये (आठ सिद्धियाँ हैं),

श्लोक 30 (markandeya.40.30)

यत्रकामावसायित्वं गुणानेतांस्तथैश्वरान् । प्राप्नोत्यष्टौ नरव्याघ्र ! परं निर्वाणसूचकान्॥ ४०.३० ॥

yatrakāmāvasāyitvaṁ guṇānetāṁstathaiśvarān prāpnotyaṣṭau naravyāghra ! paraṁ nirvāṇasūcakān

तथा यत्रकामावसायित्व - इन आठ ऐश्वर्य-गुणों को, हे नरश्रेष्ठ! वह प्राप्त करता है, जो परम निर्वाण के सूचक हैं।

श्लोक 31 (markandeya.40.31)

सूक्ष्मात् सूक्ष्मतमोऽणीयान् शीघ्रत्वं लघिमा गुणः । महिमाशेषपूज्यत्वात् प्राप्तिर्नाप्राप्यमस्य यत्॥ ४०.३१ ॥

sūkṣmāt sūkṣmatamo 'ṇīyān śīghratvaṁ laghimā guṇaḥ mahimāśeṣapūjyatvāt prāptirnāprāpyamasya yat

सूक्ष्म से भी सूक्ष्मतम और अणु हो जाना अणिमा है; शीघ्रता ही लघिमा गुण है; सबसे पूज्य होने के कारण महिमा है; तथा जिसके लिए कुछ भी अप्राप्य न रहे, वह प्राप्ति है।

श्लोक 32 (markandeya.40.32)

प्राकाम्यमस्य व्यापित्वादीशित्वञ्चेश्वरो यतः । वखित्वाद्वशिमा नाम योगिनः सप्तमो गुणः॥ ४०.३२ ॥

prākāmyamasya vyāpitvādīśitvañceśvaro yataḥ vakhitvādvaśimā nāma yoginaḥ saptamo guṇaḥ

व्यापक होने के कारण उसका प्राकाम्य है, और स्वयं ईश्वर हो जाने के कारण ईशित्व है; तथा वश में करने की शक्ति से योगी का सातवाँ गुण वशित्व कहलाता है।

श्लोक 33 (markandeya.40.33)

यत्रेच्छास्थानमप्युक्तं यत्रकामावसायिता । ऐश्वर्यकारणैरेभिर्योगिनः प्रोक्तमष्टधा॥ ४०.३३ ॥

yatrecchāsthānamapyuktaṁ yatrakāmāvasāyitā aiśvaryakāraṇairebhiryoginaḥ proktamaṣṭadhā

जहाँ इच्छा का स्थान भी कहा गया है, वही यत्रकामावसायिता है। इन ऐश्वर्य के कारणों से योगी की (सिद्धि) आठ प्रकार की कही गई है।

श्लोक 34 (markandeya.40.34)

मुक्तिसंसूचकं भूप ! परं निर्वाणमात्मनः । ततो न जायते नैव वर्धते न विनश्यति॥ ४०.३४ ॥

muktisaṁsūcakaṁ bhūpa ! paraṁ nirvāṇamātmanaḥ tato na jāyate naiva vardhate na vinaśyati

हे राजन्! ये आत्मा के परम निर्वाण अर्थात् मुक्ति के सूचक हैं। उसके बाद (आत्मा) न जन्म लेता है, न बढ़ता है, न नष्ट होता है,

श्लोक 35 (markandeya.40.35)

नापि क्षयमवाप्रोति परिणामं न गच्छति । छेदं क्लेदं तथा दाहं शोषं भूरादितो न च॥ ४०.३५ ॥

nāpi kṣayamavāproti pariṇāmaṁ na gacchati chedaṁ kledaṁ tathā dāhaṁ śoṣaṁ bhūrādito na ca

न ही क्षय को प्राप्त होता है, न परिणाम को प्राप्त होता है। पृथ्वी आदि से उत्पन्न छेदन, गलन, दहन और शोषण भी उसे नहीं होते,

श्लोक 36 (markandeya.40.36)

भूतवर्गादवाप्नोति शब्दाद्यैः ह्रियते न च । न चास्य सन्ति शब्दाद्यास्तद्भोक्ता तैर्न युज्यते॥ ४०.३६ ॥

bhūtavargādavāpnoti śabdādyaiḥ hriyate na ca na cāsya santi śabdādyāstadbhoktā tairna yujyate

न भूतों के समूह से उसे कोई पीड़ा प्राप्त होती है, न शब्द आदि विषय उसे हर सकते हैं; और उसके शब्द आदि विषय भी नहीं हैं, इसलिए उनका भोक्ता न होने से वह उनसे बँधता नहीं।

श्लोक 37 (markandeya.40.37)

यथाहि कनकं खण्डमपद्रव्यवदग्निना । दग्धदोषं द्वितीयेन खण्डेनैक्यं व्रजेन्नृप॥ ४०.३७ ॥

yathāhi kanakaṁ khaṇḍamapadravyavadagninā dagdhadoṣaṁ dvitīyena khaṇḍenaikyaṁ vrajennṛpa

हे राजन्! जैसे सोने का एक टुकड़ा, अग्नि से उसका दोष (मैल) जो अतिरिक्त पदार्थ के समान था, जल जाने पर, दूसरे टुकड़े के साथ एकत्व को प्राप्त हो जाता है,

श्लोक 38 (markandeya.40.38)

न विशेषमवाप्रोति तद्वद्योगाग्निना यतिः । निर्दग्धदोषस्तेनैक्यं प्रयाति ब्रह्मणा सह॥ ४०.३८ ॥

na viśeṣamavāproti tadvadyogāgninā yatiḥ nirdagdhadoṣastenaikyaṁ prayāti brahmaṇā saha

और उन दोनों में कोई भेद नहीं रह जाता, वैसे ही योग रूपी अग्नि से यति के दोष जल जाने पर, वह ब्रह्म के साथ अभेद रूप से एकत्व को प्राप्त हो जाता है।

श्लोक 39 (markandeya.40.39)

यथाग्निरग्नौ संक्षिप्तः समानत्वमनुव्रजेत् । तदाख्यस्तन्मयो भूतो न गृह्येत विशेषतः॥ ४०.३९ ॥

yathāgniragnau saṁkṣiptaḥ samānatvamanuvrajet tadākhyastanmayo bhūto na gṛhyeta viśeṣataḥ

जैसे अग्नि में डाली गई अग्नि उसके साथ समानता को प्राप्त हो जाती है - उसी नाम की और उसी रूप की होकर, फिर अलग से पहचानी नहीं जा सकती,

श्लोक 40 (markandeya.40.40)

परेण ब्रह्मणा तद्वत् प्राप्यैक्यं दग्धकिल्विषः । योगी याति पृथग्भावं न कदाचिन्महीपते !॥ ४०.४० ॥

pareṇa brahmaṇā tadvat prāpyaikyaṁ dagdhakilviṣaḥ yogī yāti pṛthagbhāvaṁ na kadācinmahīpate !

वैसे ही हे राजन्! अपने पापों को जलाकर परम ब्रह्म के साथ एकत्व को प्राप्त हुआ योगी फिर कभी पृथक् सत्ता को प्राप्त नहीं होता।

श्लोक 41 (markandeya.40.41)

यथा जलं जलेनैक्यं निक्षिप्तमुपगच्छति । तथात्मा साम्यमभ्येति योगिनः परमात्मनि॥ ४०.४१ ॥

yathā jalaṁ jalenaikyaṁ nikṣiptamupagacchati tathātmā sāmyamabhyeti yoginaḥ paramātmani

जैसे जल में डाला हुआ जल उसी के साथ एकत्व को प्राप्त हो जाता है, वैसे ही योगी की आत्मा परमात्मा में समता को प्राप्त हो जाती है।