योगिचर्या

श्लोक 1 (markandeya.41.1)

अलर्क उवाच भगवन् ! योगिनश्चर्यां श्रोतुमिच्छामि तत्त्वतः । ब्रह्मवर्त्मन्यनुसरन् यथा योगी न सीदति ॥ 41.1 ॥

alarka uvāca bhagavan ! yoginaścaryāṁ śrotumicchāmi tattvataḥ brahmavartmanyanusaran yathā yogī na sīdati

अलर्क ने कहा — हे भगवन्! मैं यथार्थ रूप से योगी के आचरण को सुनना चाहता हूँ, जिसका अनुसरण करते हुए ब्रह्म-मार्ग पर चलने वाला योगी विचलित नहीं होता।

श्लोक 2 (markandeya.41.2)

दत्तात्रेय उवाच मानापमानौ यावेतौ प्रत्युद्वेगकरौ नृणाम् । तावेव विपरीतार्थौ योगिनः सिद्धिकारकौ ॥ 41.2 ॥

dattātreya uvāca mānāpamānau yāvetau pratyudvegakarau nṛṇām tāveva viparītārthau yoginaḥ siddhikārakau

दत्तात्रेय ने कहा — मान और अपमान, ये दोनों मनुष्यों को उद्विग्न करने वाले हैं; किन्तु योगी के लिए ये ही दोनों विपरीत अर्थ में सिद्धि के कारण बन जाते हैं।

श्लोक 3 (markandeya.41.3)

मानापमानौ यावेतौ तावेवाहुर्विषामृते । अपमानोऽमृतं तत्र मानस्तु विषमं विषम् ॥ 41.3 ॥

mānāpamānau yāvetau tāvevāhurviṣāmṛte apamāno'mṛtaṁ tatra mānastu viṣamaṁ viṣam

मान और अपमान — इन दोनों को ही ज्ञानीजन विष और अमृत कहते हैं; उनमें अपमान अमृत है, जबकि मान वस्तुतः विष है, घोर विष है।

श्लोक 4 (markandeya.41.4)

चक्षुः पूतं न्यसेत्पादं वस्त्रपूतं जलं पिबेत् । सत्यपूतां वदेद्वाणीं बुद्धिपूतञ्च चिन्तयेत् ॥ 41.4 ॥

cakṣuḥ pūtaṁ nyasetpādaṁ vastrapūtaṁ jalaṁ pibet satyapūtāṁ vadedvāṇīṁ buddhipūtañca cintayet

पैर को देखकर ही रखे, वस्त्र से छाना हुआ जल पिए, सत्य से शुद्ध वाणी बोले, और बुद्धि से शुद्ध किए हुए विचार का ही चिंतन करे।

श्लोक 5 (markandeya.41.5)

आतिथ्यश्राद्धयज्ञेषु देवयात्रोत्सवेषु च । महाजनञ्च सिद्ध्यर्थं न गच्छेद्योगवित् क्वचित् ॥ 41.5 ॥

ātithyaśrāddhayajñeṣu devayātrotsaveṣu ca mahājanañca siddhyarthaṁ na gacchedyogavit kvacit

अतिथि-सत्कार, श्राद्ध और यज्ञों में, देवयात्राओं तथा उत्सवों में, और बड़ी जनसभाओं में — सिद्धि चाहने वाला योगवेत्ता कभी न जाए।

श्लोक 6 (markandeya.41.6)

व्यस्ते विधूमे व्यङ्गारे सर्वस्मिन् भुक्तवज्जने । अटेत योगविद् भैक्ष्यं न तु त्रिष्वेव नित्यशः ॥ 41.6 ॥

vyaste vidhūme vyaṅgāre sarvasmin bhuktavajjane aṭeta yogavid bhaikṣyaṁ na tu triṣveva nityaśaḥ

जब घर की अग्नि बुझ चुकी हो, धुआँ शान्त हो चुका हो, अंगारे बुझ चुके हों, और घर के सभी लोग भोजन कर चुके हों — तभी योगवेत्ता भिक्षा के लिए घूमे; परन्तु नियमपूर्वक प्रतिदिन तीनों प्रमुख भोजन-वेलाओं में कभी न जाए।

श्लोक 7 (markandeya.41.7)

यथैवमवमन्यन्ते जनाः परिभवन्ति च । तथा युक्तश्चरेद्योगी सतां वर्त्म न दूषयन् ॥ 41.7 ॥

yathaivamavamanyante janāḥ paribhavanti ca tathā yuktaścaredyogī satāṁ vartma na dūṣayan

लोग उसका जैसा भी अनादर या तिरस्कार करें, फिर भी संयमी योगी उसी प्रकार आचरण करे, सज्जनों के मार्ग को दूषित न करते हुए।

श्लोक 8 (markandeya.41.8)

भैक्ष्यञ्चरेद् गृहस्थेषु यायावरगृहेषु च । श्रेष्ठा तु प्रथमा चेति वृत्तिरस्योपदिश्यते ॥ 41.8 ॥

bhaikṣyañcared gṛhastheṣu yāyāvaragṛheṣu ca śreṣṭhā tu prathamā ceti vṛttirasyopadiśyate

भिक्षा गृहस्थों के घरों में तथा यायावर (अल्प-संचयी) गृहों में माँगे; इनमें प्रथम अर्थात् गृहस्थों से भिक्षा ही श्रेष्ठ वृत्ति बताई गई है।

श्लोक 9 (markandeya.41.9)

अथ नित्यं गृहस्थेषु शालीनेषु चरेद्यतिः । श्रद्दधानेषु दान्तेषु श्रोत्रियेषु महात्मसु ॥ 41.9 ॥

atha nityaṁ gṛhastheṣu śālīneṣu caredyatiḥ śraddadhāneṣu dānteṣu śrotriyeṣu mahātmasu

तत्पश्चात् संन्यासी नित्य ही सुव्यवस्थित गृहस्थों के यहाँ, श्रद्धावानों, जितेन्द्रियों, श्रोत्रियों तथा महात्माओं के यहाँ जाए।

श्लोक 10 (markandeya.41.10)

अत ऊर्ध्वं पुश्चापि अदुष्टापतितेषु च । भैक्ष्यचर्या विवर्णेषु जघन्या वृत्तिरिष्यते ॥ 41.10 ॥

ata ūrdhvaṁ puścāpi aduṣṭāpatiteṣu ca bhaikṣyacaryā vivarṇeṣu jaghanyā vṛttiriṣyate

इससे आगे, जो दोषरहित तथा पतित न हों उनमें भी भिक्षा ली जा सकती है; परन्तु निम्न वर्ण वालों में भिक्षाचर्या को निकृष्टतम वृत्ति माना गया है।

श्लोक 11 (markandeya.41.11)

भैक्ष्यं यवागूं तक्रं वा पयो यावकमेव वा । फलं मूलं प्रियङ्गुं वा कणपिण्याकसक्तवः ॥ 41.11 ॥

bhaikṣyaṁ yavāgūṁ takraṁ vā payo yāvakameva vā phalaṁ mūlaṁ priyaṅguṁ vā kaṇapiṇyākasaktavaḥ

भिक्षा में यवागू (कांजी) अथवा तक्र (छाछ), दूध अथवा जौ की लपसी, फल, कन्द-मूल, प्रियंगु, अथवा खल और सत्तू ले सकता है।

श्लोक 12 (markandeya.41.12)

इत्येते च शुभाहारा योगिनः सिद्धिकारकाः । तत् प्रयुञ्ज्यान्मुनिर्भक्त्या परमेण समाधिना ॥ 41.12 ॥

ityete ca śubhāhārā yoginaḥ siddhikārakāḥ tat prayuñjyānmunirbhaktyā parameṇa samādhinā

ये सभी योगियों के लिए शुभ आहार हैं जो सिद्धि प्रदान करते हैं; मुनि इन्हें भक्तिपूर्वक तथा परम समाधि के साथ ग्रहण करे।

श्लोक 13 (markandeya.41.13)

अपः पूर्वं सकृत् प्राश्य तूष्णीं भूत्वा समाहितः । प्राणायेति ततस्तस्य प्रथमा ह्याहुतिः स्मृता ॥ 41.13 ॥

apaḥ pūrvaṁ sakṛt prāśya tūṣṇīṁ bhūtvā samāhitaḥ prāṇāyeti tatastasya prathamā hyāhutiḥ smṛtā

पहले एक बार जल का आचमन करके, मौन एवं समाहित होकर — उस भोजन की पहली आहुति 'प्राण के लिए' मानी गई है।

श्लोक 14 (markandeya.41.14)

अपानाय द्वितीया तु समानायते चापरा । उदानाय चतुर्थो स्याद्व्यानायेति च पञ्चमी ॥ 41.14 ॥

apānāya dvitīyā tu samānāyate cāparā udānāya caturtho syādvyānāyeti ca pañcamī

दूसरी आहुति अपान के लिए, तीसरी समान के लिए; चौथी उदान के लिए तथा पाँचवीं व्यान के लिए कही गई है।

श्लोक 15 (markandeya.41.15)

प्राणायामैः पृथक् कृत्वा शेषं भुञ्जीत कामतः । अपः पुनः सकृत् प्रश्य आचम्य हृदयं स्पृशेत् ॥ 41.15 ॥

prāṇāyāmaiḥ pṛthak kṛtvā śeṣaṁ bhuñjīta kāmataḥ apaḥ punaḥ sakṛt praśya ācamya hṛdayaṁ spṛśet

इन पाँचों को प्राणायाम-पूर्वक पृथक्-पृथक् करके, शेष भोजन इच्छानुसार करे; पुनः एक बार जलाचमन करके तथा आचमन के पश्चात् हृदय का स्पर्श करे।

श्लोक 16 (markandeya.41.16)

अस्तेयं ब्रह्मचर्यञ्च त्यागोऽलोभस्तथैव च । व्रतानि पञ्च भिक्षूणामहिंसापरमाणि वै ॥ 41.16 ॥

asteyaṁ brahmacaryañca tyāgo'lobhastathaiva ca vratāni pañca bhikṣūṇāmahiṁsāparamāṇi vai

अस्तेय (चोरी न करना) और ब्रह्मचर्य, तथा त्याग और अलोभ — ये भिक्षुओं के पाँच व्रत हैं, जिनमें अहिंसा सर्वोपरि है।

श्लोक 17 (markandeya.41.17)

अक्रोधो गुरुशुश्रूषा शौचमाहारलाघवम् । नित्यस्वाध्याय इत्येते नियमाः पञ्च कीर्तिताः ॥ 41.17 ॥

akrodho guruśuśrūṣā śaucamāhāralāghavam nityasvādhyāya ityete niyamāḥ pañca kīrtitāḥ

क्रोध का न होना, गुरु की सेवा, शौच, आहार में मितव्ययता, तथा नित्य स्वाध्याय — ये पाँच नियम कहे गए हैं।

श्लोक 18 (markandeya.41.18)

सारभूतमुपासीत ज्ञानं यत्कार्यसाधकम् । ज्ञानानां बहुता येयं योगविघ्रकरा हि सा ॥ 41.18 ॥

sārabhūtamupāsīta jñānaṁ yatkāryasādhakam jñānānāṁ bahutā yeyaṁ yogavighrakarā hi sā

जो ज्ञान सारभूत हो और प्रयोजन को सिद्ध करने वाला हो, उसी की उपासना करे; ज्ञानों की यह बहुलता योग में विघ्न उत्पन्न करने वाली है।

श्लोक 19 (markandeya.41.19)

इदं ज्ञेयमिदं ज्ञेयमिति यस्तृषितश्चरेत् । अपि कल्पसहस्रेषु नैव ज्ञेयमवाप्नुयात् ॥ 41.19 ॥

idaṁ jñeyamidaṁ jñeyamiti yastṛṣitaścaret api kalpasahasreṣu naiva jñeyamavāpnuyāt

'यह जानने योग्य है, यह जानने योग्य है' — इस प्रकार तृष्णा से भटकने वाला व्यक्ति सहस्र कल्पों में भी परम ज्ञेय तत्त्व को प्राप्त नहीं कर सकता।

श्लोक 20 (markandeya.41.20)

त्यक्तसङ्गो जितक्रोधो लघ्वाहारो जितेन्द्रियः । पिधाय बुद्ध्या द्वाराणि मनो ध्याने निवेशयेत् ॥ 41.20 ॥

tyaktasaṅgo jitakrodho laghvāhāro jitendriyaḥ pidhāya buddhyā dvārāṇi mano dhyāne niveśayet

आसक्ति त्यागकर, क्रोध पर विजय पाकर, अल्प आहार करते हुए, जितेन्द्रिय होकर — बुद्धि द्वारा इन्द्रिय-द्वारों को बंद करके मन को ध्यान में लगाए।

श्लोक 21 (markandeya.41.21)

शून्येष्वेवावकाशेषु गुहासु च वनेषु च । नित्ययुक्तः सदा योगी ध्यानं सम्यगुपक्रमेत् ॥ 41.21 ॥

śūnyeṣvevāvakāśeṣu guhāsu ca vaneṣu ca nityayuktaḥ sadā yogī dhyānaṁ samyagupakramet

शून्य एकांत स्थानों में, गुफाओं में तथा वनों में — सदा अनुशासित रहते हुए योगी सम्यक् रूप से ध्यान का अभ्यास करे।

श्लोक 22 (markandeya.41.22)

वाग्दण्डः कर्मदण्डश्च मनोदण्डश्च ते त्रयः । यस्यैते नियता दण्डाः स त्रिदण्डी महायतिः ॥ 41.22 ॥

vāgdaṇḍaḥ karmadaṇḍaśca manodaṇḍaśca te trayaḥ yasyaite niyatā daṇḍāḥ sa tridaṇḍī mahāyatiḥ

वाणी का संयम, कर्म का संयम, तथा मन का संयम — ये तीन दण्ड; जिसके ये तीनों दण्ड नियंत्रित हैं, वही त्रिदण्डी महायति कहलाता है।

श्लोक 23 (markandeya.41.23)

सर्वमात्ममयं यस्य सदसज्जगदीदृशम् । गुणागुणमयन्तस्य कः प्रियः को नृपाप्रियः ॥ 41.23 ॥

sarvamātmamayaṁ yasya sadasajjagadīdṛśam guṇāguṇamayantasya kaḥ priyaḥ ko nṛpāpriyaḥ

जिसके लिए यह सम्पूर्ण जगत् — सत् और असत् दोनों — आत्मस्वरूप ही है, तथा जो गुण और अगुण दोनों से परे है — हे राजन्, उसके लिए फिर कौन प्रिय है और कौन अप्रिय?

श्लोक 24 (markandeya.41.24)

विसुद्धबुद्धिः समलोष्टकाञ्चनः समस्तभूतेषु च तत्समाहितः । स्थानं परं शाश्वतमव्ययञ्च परं हि मत्वा न पुनः प्रजायते ॥ 41.24 ॥

visuddhabuddhiḥ samaloṣṭakāñcanaḥ samastabhūteṣu ca tatsamāhitaḥ sthānaṁ paraṁ śāśvatamavyayañca paraṁ hi matvā na punaḥ prajāyate

शुद्ध बुद्धि वाला, मिट्टी के ढेले और सोने को समान समझने वाला, समस्त प्राणियों में समभाव से समाहित — उस परम, शाश्वत, अव्यय पद को परम जानकर वह पुनः जन्म नहीं लेता।

श्लोक 25 (markandeya.41.25)

वेदाच्छ्रेष्ठाः सर्वयज्ञक्रियाश्च यज्ञाज्जप्यं ज्ञानमार्गश्च जप्यात् । ज्ञानाद्ध्यानं सङ्गरागव्यपेतं तस्मिन् प्राप्ते शाश्वतस्योपलब्धिः ॥ 41.25 ॥

vedācchreṣṭhāḥ sarvayajñakriyāśca yajñājjapyaṁ jñānamārgaśca japyāt jñānāddhyānaṁ saṅgarāgavyapetaṁ tasmin prāpte śāśvatasyopalabdhiḥ

वेद से श्रेष्ठ हैं समस्त यज्ञ-क्रियाएँ, यज्ञ से श्रेष्ठ है जप, और जप से श्रेष्ठ है ज्ञान-मार्ग। ज्ञान से श्रेष्ठ है आसक्ति और राग से रहित ध्यान; उसे प्राप्त होने पर शाश्वत तत्त्व की उपलब्धि होती है।

श्लोक 26 (markandeya.41.26)

समाहितो ब्रह्मपरोऽप्रमादी सुचिस्तथैकान्तरतिर्यतेन्द्रियः । समाप्नुयाद्योगमिमं महात्मा विमुक्तिमाप्रोति ततः स्वयोगतः ॥ 41.26 ॥

samāhito brahmaparo'pramādī sucistathaikāntaratiryatendriyaḥ samāpnuyādyogamimaṁ mahātmā vimuktimāproti tataḥ svayogataḥ

जो समाहितचित्त, ब्रह्मपरायण, अप्रमादी, पवित्र, एकांत में ही रमण करने वाला तथा जितेन्द्रिय है — वह महात्मा इस योग को सिद्ध कर लेता है और अपने ही योग के द्वारा मुक्ति प्राप्त करता है।