इन्द्र-विक्रिया

श्लोक 1 (markandeya.5.1)

पक्षिण ऊचुः त्वष्टृपुत्रे हते पूर्वं ब्रह्मन्निन्द्रस्य तेजसः । ब्रह्महत्याभिभूतस्य परा हानिरजायत ॥ 5.1 ॥

pakṣiṇa ūcuḥ tvaṣṭṛputre hate pūrvaṁ brahmannindrasya tejasaḥ brahmahatyābhibhūtasya parā hānirajāyata

हे ब्रह्मन्, पूर्वकाल में त्वष्टा के पुत्र के मारे जाने पर, ब्रह्महत्या से अभिभूत इन्द्र के तेज की बड़ी हानि हुई।

श्लोक 2 (markandeya.5.2)

तद्धमं प्रविवेशाथ शाक्रतेजोऽपचारतः । निस्तेजाश्चाभवच्छक्रो धर्मे तेजसि निर्गते ॥ 5.2 ॥

taddhamaṁ praviveśātha śākratejo ’pacārataḥ nistejāścābhavacchakro dharme tejasi nirgate

उस अपराध के कारण शक्र का तेज धर्म में प्रविष्ट हो गया, और तेज के निकल जाने पर शक्र तेजहीन हो गए।

श्लोक 3 (markandeya.5.3)

ततः पुत्रं हतं श्रुत्वा त्वष्टा क्रुद्धः प्रजापतिः । अवलुञ्च्य जटामेकामिदं वचनमब्रवीत् ॥ 5.3 ॥

tataḥ putraṁ hataṁ śrutvā tvaṣṭā kruddhaḥ prajāpatiḥ avaluñcya jaṭāmekāmidaṁ vacanamabravīt

तब अपने पुत्र के मारे जाने का समाचार सुनकर क्रोधित प्रजापति त्वष्टा ने अपनी एक जटा उखाड़कर यह वचन कहा—

श्लोक 4 (markandeya.5.4)

अद्य पश्यन्तु मे वीर्यं त्रयो लोकाः सदेवताः । स च पश्यतु दुर्बुद्धिर्ब्रह्महा पाकशासनः ॥ 5.4 ॥

adya paśyantu me vīryaṁ trayo lokāḥ sadevatāḥ sa ca paśyatu durbuddhirbrahmahā pākaśāsanaḥ

'आज देवताओं सहित तीनों लोक मेरा पराक्रम देखें! और वह दुर्बुद्धि ब्रह्महत्यारा पाकशासन भी इसे देखे —

श्लोक 5 (markandeya.5.5)

स्वकर्माभिरतो येन मत्सुतो विनपातितः । इत्युक्त्वा कोपरक्ताक्षो जटामग्नौ जुहाव ताम् ॥ 5.5 ॥

svakarmābhirato yena matsuto vinapātitaḥ ityuktvā koparaktākṣo jaṭāmagnau juhāva tām

जिसने अपने ही स्वार्थ में लीन होकर मेरे पुत्र को गिरा दिया।' यह कहकर क्रोध से लाल नेत्रों वाले उन्होंने वह जटा अग्नि में हवन कर दी।

श्लोक 6 (markandeya.5.6)

ततो वृत्रः समुत्तस्थौ ज्वालामाली महासुरः । महाकायो महादंष्ट्रो भिन्नाञ्जनचयप्रभः ॥ 5.6 ॥

tato vṛtraḥ samuttasthau jvālāmālī mahāsuraḥ mahākāyo mahādaṁṣṭro bhinnāñjanacayaprabhaḥ

तब ज्वालामाला से युक्त, विशाल शरीर वाला, विशाल दाढ़ों वाला, टूटे हुए अंजन-समूह के समान कान्तिवान महासुर वृत्र उत्पन्न हुआ।

श्लोक 7 (markandeya.5.7)

इन्द्रशत्रुरमेयात्मा त्वष्टृतेजोपबृंहितः । अहन्यहनि सोऽवर्धदिषुपातं महाबलः ॥ 5.7 ॥

indraśatrurameyātmā tvaṣṭṛtejopabṛṁhitaḥ ahanyahani so ’vardhadiṣupātaṁ mahābalaḥ

इन्द्र का वह शत्रु, अपरिमेय सत्ता वाला, त्वष्टा के तेज से पुष्ट, वह महाबली प्रतिदिन बाण-गति के बराबर बढ़ता गया।

श्लोक 8 (markandeya.5.8)

वधाय चात्मनो दृष्ट्वा वृत्रं शक्रो महासुरम् । प्रेषयामास सप्तर्षोन् सन्धिमिच्छन् भयातुरः ॥ 5.8 ॥

vadhāya cātmano dṛṣṭvā vṛtraṁ śakro mahāsuram preṣayāmāsa saptarṣon sandhimicchan bhayāturaḥ

अपने ही विनाश पर तुले हुए उस महासुर वृत्र को देखकर, भय से व्याकुल शक्र ने संधि की इच्छा से सप्तर्षियों को भेजा।

श्लोक 9 (markandeya.5.9)

सख्यञ्चक्रुस्ततस्तस्य वृत्रेण समयांस्तथा । ऋषयः प्रीतमनसः सर्वभूतहिते रताः ॥ 5.9 ॥

sakhyañcakrustatastasya vṛtreṇa samayāṁstathā ṛṣayaḥ prītamanasaḥ sarvabhūtahite ratāḥ

सभी प्राणियों के हित में रत, प्रसन्न मन वाले उन ऋषियों ने वृत्र के साथ मित्रता और कुछ शर्तें निश्चित कीं।

श्लोक 10 (markandeya.5.10)

समयस्थितिमुल्लङ्घ्य यदा शक्रेण घातितः । वृत्रो हत्याभिभूतस्य तदा बलमशीर्यत ॥ 5.10 ॥

samayasthitimullaṅghya yadā śakreṇa ghātitaḥ vṛtro hatyābhibhūtasya tadā balamaśīryata

जब उस संधि की शर्त का उल्लंघन करके शक्र ने उसे मार डाला, तब उस हत्या से अभिभूत शक्र का बल क्षीण हो गया।

श्लोक 11 (markandeya.5.11)

तच्छक्रदेहविभ्रष्टं बलं मारुतमाविशत् । सर्वव्यापिनमव्यक्तं बलस्यैवाधिदैवतम् ॥ 5.11 ॥

tacchakradehavibhraṣṭaṁ balaṁ mārutamāviśat sarvavyāpinamavyaktaṁ balasyaivādhidaivatam

शक्र के शरीर से च्युत वह बल, बल का ही सर्वव्यापी और अव्यक्त अधिष्ठाता देवता, मारुत (वायु) में प्रविष्ट हो गया।

श्लोक 12 (markandeya.5.12)

अहल्याञ्च यदा शक्रो गौतमं रूपमास्थितः । धर्षयामास देवेन्द्रस्तदा रूपमहीयत ॥ 5.12 ॥

ahalyāñca yadā śakro gautamaṁ rūpamāsthitaḥ dharṣayāmāsa devendrastadā rūpamahīyata

और जब गौतम का रूप धारण करके देवेन्द्र ने अहल्या का धर्षण किया, तब उनका रूप-सौन्दर्य क्षीण हो गया।

श्लोक 13 (markandeya.5.13)

अङ्गप्रत्यङ्गलावण्यं यदतीव मनोरम् । विहाय दुष्टं देवेन्द्रं नासत्यावगमत् ततः ॥ 5.13 ॥

aṅgapratyaṅgalāvaṇyaṁ yadatīva manoram vihāya duṣṭaṁ devendraṁ nāsatyāvagamat tataḥ

उनके प्रत्येक अंग की वह अत्यंत मनोहर सुंदरता, उस दुष्ट देवेन्द्र को त्यागकर, तब दोनों नासत्यों (अश्विनीकुमारों) में चली गई।

श्लोक 14 (markandeya.5.14)

धर्मेण तेजसा त्यक्तं बलहीनमरूपिणम् । ज्ञात्वा सुरेशं दैतेयास्तज्जये चक्रुरुद्यमम् ॥ 5.14 ॥

dharmeṇa tejasā tyaktaṁ balahīnamarūpiṇam jñātvā sureśaṁ daiteyāstajjaye cakrurudyamam

देवराज को धर्म और तेज से त्यक्त, बलहीन और रूपहीन जानकर दैत्यों ने उन्हें जीतने का प्रयत्न किया।

श्लोक 15 (markandeya.5.15)

राज्ञामुद्रिक्तवीर्याणां देवेन्द्रं विजिगीषवः । कुलेष्वतिबला दैत्या अजायन्त महामुने ॥ 5.15 ॥

rājñāmudriktavīryāṇāṁ devendraṁ vijigīṣavaḥ kuleṣvatibalā daityā ajāyanta mahāmune

हे महामुने, देवेन्द्र को जीतने की इच्छा रखने वाले अत्यंत बलशाली दैत्य, अत्यधिक पराक्रमी राजाओं के कुलों में उत्पन्न हुए।

श्लोक 16 (markandeya.5.16)

कस्यचित्त्वथ कालस्य धरणी भारपीडिता । जगाम मेरुशिखरं सदो यत्र दिवौकसाम् ॥ 5.16 ॥

kasyacittvatha kālasya dharaṇī bhārapīḍitā jagāma meruśikharaṁ sado yatra divaukasām

कुछ काल बीतने पर, भार से पीड़ित पृथ्वी मेरु के शिखर पर, जहाँ देवताओं की सभा थी, गई।

श्लोक 17 (markandeya.5.17)

तेषां सा कथयामास भूरिभारावपीडिता । दनुजात्मजदैत्योत्थं खेदकारणमात्मनः ॥ 5.17 ॥

teṣāṁ sā kathayāmāsa bhūribhārāvapīḍitā danujātmajadaityotthaṁ khedakāraṇamātmanaḥ

अत्यधिक भार से पीड़ित उस पृथ्वी ने उन्हें दानव और दैत्यों के पुत्रों से उत्पन्न अपने दुःख का कारण बताया।

श्लोक 18 (markandeya.5.18)

एते भवद्भिरसुरा निहताः पृथुलौजसः । ते सर्वे मानुषे लोके जाता गेहेषु भूभृताम् ॥ 5.18 ॥

ete bhavadbhirasurā nihatāḥ pṛthulaujasaḥ te sarve mānuṣe loke jātā geheṣu bhūbhṛtām

'आपके द्वारा मारे गए ये विशाल बल वाले असुर, अब सब मनुष्य-लोक में राजाओं के घरों में जन्म ले चुके हैं।

श्लोक 19 (markandeya.5.19)

अक्षौहिण्यो हि बहुलास्तद्भारार्ता व्रजाम्यधः । तथा कुरुध्वं त्रिदशा यथा शान्तिर्भवेन्मम ॥ 5.19 ॥

akṣauhiṇyo hi bahulāstadbhārārtā vrajāmyadhaḥ tathā kurudhvaṁ tridaśā yathā śāntirbhavenmama

अनेक अक्षौहिणी सेनाएँ उनके भार से पीड़ित होकर मैं नीचे धँसती जा रही हूँ; अतः हे देवगण, वैसा करें जिससे मुझे शान्ति मिले।'

श्लोक 20 (markandeya.5.20)

पक्षिण ऊचुः तेजोभागैस्ततो देवा अवतेरुर्दिवो महीम् । प्रजानामुपकारार्थं भूभारहरणाय च ॥ 5.20 ॥

pakṣiṇa ūcuḥ tejobhāgaistato devā avaterurdivo mahīm prajānāmupakārārthaṁ bhūbhāraharaṇāya ca

तब देवता प्राणियों के उपकार और पृथ्वी का भार दूर करने के लिए अपने-अपने तेज के अंशों सहित स्वर्ग से पृथ्वी पर उतरे।

श्लोक 21 (markandeya.5.21)

यदिन्द्रदेहजं तेजस्तन्मुमोच स्वयं वृषः । कुन्त्या जातो महातेजास्ततो राजा युधिष्ठिरः ॥ 5.21 ॥

yadindradehajaṁ tejastanmumoca svayaṁ vṛṣaḥ kuntyā jāto mahātejāstato rājā yudhiṣṭhiraḥ

इन्द्र के शरीर से उत्पन्न जो तेज था, उसे उस वृषभ (धर्म) ने स्वयं छोड़ा; उससे कुन्ती से उत्पन्न महातेजस्वी राजा युधिष्ठिर हुए।

श्लोक 22 (markandeya.5.22)

बलं मुमोच पवनस्ततो भीमो व्यजायत । शक्रवीर्यार्धतश्चैव जज्ञे पार्थो धनञ्जयः ॥ 5.22 ॥

balaṁ mumoca pavanastato bhīmo vyajāyata śakravīryārdhataścaiva jajñe pārtho dhanañjayaḥ

पवन ने अपना बल छोड़ा, उससे भीम उत्पन्न हुए; और शक्र के आधे पराक्रम से पार्थ धनञ्जय (अर्जुन) उत्पन्न हुए।

श्लोक 23 (markandeya.5.23)

उत्पन्नौ यमजौ माद्रयां शक्ररूपौ महाद्युती । पञ्चधा भगवानित्थमवतीर्णः शतक्रतुः ॥ 5.23 ॥

utpannau yamajau mādrayāṁ śakrarūpau mahādyutī pañcadhā bhagavānitthamavatīrṇaḥ śatakratuḥ

माद्री से शक्र के समान रूप वाले, महाद्युतिमान् दो जुड़वाँ पुत्र उत्पन्न हुए; इस प्रकार भगवान् शतक्रतु पाँच रूपों में अवतीर्ण हुए।

श्लोक 24 (markandeya.5.24)

तस्योत्पन्ना महाभागा पत्नी कृष्णा हुताशनात् ॥ 5.24 ॥

tasyotpannā mahābhāgā patnī kṛṣṇā hutāśanāt

उनकी वह महाभागा पत्नी कृष्णा (द्रौपदी) अग्नि से उत्पन्न हुई।

श्लोक 25 (markandeya.5.25)

शक्रस्यैकस्य सा पत्नी कृष्णा नान्यस्य कस्यचित् । योगीश्वराः शरीराणि कुर्वन्ति बहुलान्यपि ॥ 5.25 ॥

śakrasyaikasya sā patnī kṛṣṇā nānyasya kasyacit yogīśvarāḥ śarīrāṇi kurvanti bahulānyapi

कृष्णा एक ही शक्र की पत्नी है, किसी अन्य की नहीं; क्योंकि योगीश्वर अनेक शरीर भी धारण कर सकते हैं।

श्लोक 26 (markandeya.5.26)

पञ्चानामेकपत्नीत्वमित्येतत् कथितं तव । श्रूयतां बलदेवोऽपि यथा यातः सरस्वतीम् ॥ 5.26 ॥

pañcānāmekapatnītvamityetat kathitaṁ tava śrūyatāṁ baladevo ’pi yathā yātaḥ sarasvatīm

इस प्रकार पाँचों की एक ही पत्नी होने का यह रहस्य तुम्हें बताया गया; अब यह भी सुनो कि बलदेव किस प्रकार सरस्वती-तीर्थयात्रा पर गए।