गन्धर्व कलि का छल

श्लोक 1 (markandeya.62.1)

मार्कण्डेय उवाच एवन्तु वदतस्तस्य द्विजपुत्रस्य पावकः । गार्हपत्यः शरीरे तु सन्निधानमथाकरोत् ॥ 62.1 ॥

evantu vadatastasya dvijaputrasya pāvakaḥ / gārhapatyaḥ śarīre tu sannidhānamathākarot

मार्कण्डेय ने कहा — उस ब्राह्मण-पुत्र के ऐसा कहते ही गार्हपत्य अग्नि ने उसके शरीर में निवास कर लिया।

श्लोक 2 (markandeya.62.2)

तेन चाधिष्ठितः सोऽथ प्रभामण्डलमध्यगः । व्यदीपयत तं देशं मूर्तिमानिव हव्यवाट् ॥ 62.2 ॥

tena cādhiṣṭhitaḥ so 'tha prabhāmaṇḍalamadhyagaḥ / vyadīpayata taṁ deśaṁ mūrtimāniva havyavāṭ

उस अग्नि से अधिष्ठित होकर, तेज के मण्डल के मध्य खड़ा वह, मानो साक्षात अग्निदेव हो, उस स्थान को प्रकाशित करने लगा।

श्लोक 3 (markandeya.62.3)

तस्यास्तु सुतरां तत्र तादृग्रूपे द्विजन्मनि । अनुरागोऽभवद्विप्रं पश्यन्त्या देवयोषितः ॥ 62.3 ॥

tasyāstu sutarāṁ tatra tādṛgrūpe dvijanmani / anurāgo 'bhavadvipraṁ paśyantyā devayoṣitaḥ

उस तेजोमय रूप में ब्राह्मण को देखकर उस देवस्त्री का अनुराग और भी अधिक बढ़ गया।

श्लोक 4 (markandeya.62.4)

ततः सोऽधिष्ठितस्तेन हव्यवाहेन तत्क्षणात् । यथापूर्वं तथा गन्तुं प्रवृत्तो द्विजनन्दनः ॥ 62.4 ॥

tataḥ so 'dhiṣṭhitastena havyavāhena tatkṣaṇāt / yathāpūrvaṁ tathā gantuṁ pravṛtto dvijanandanaḥ

तब उसी अग्नि से अधिष्ठित होकर वह ब्राह्मण-पुत्र तत्क्षण पहले की भाँति जाने को उद्यत हुआ।

श्लोक 5 (markandeya.62.5)

जगाम च त्वरायुक्तस्तया देव्या निरीक्षितः । आदृष्टिपातात्तन्वङ्ग्या निश्वासोत्कम्पिकन्धरम् ॥ 62.5 ॥

jagāma ca tvarāyuktastayā devyā nirīkṣitaḥ / ādṛṣṭipātāttanvaṅgyā niśvāsotkampikandharam

वह उस देवी के देखते-देखते शीघ्रता से चला गया, जिसकी कोमल देह उसकी दृष्टि पड़ते ही निःश्वासों से कँपने लगी थी।

श्लोक 6 (markandeya.62.6)

ततः क्षणेनैव तदा निजगेहमवाप्य सः । यथाप्रोक्तं द्विजश्रेष्ठश्चकार सकलाः क्रियाः ॥ 62.6 ॥

tataḥ kṣaṇenaiva tadā nijagehamavāpya saḥ / yathāproktaṁ dvijaśreṣṭhaścakāra sakalāḥ kriyāḥ

क्षणमात्र में ही अपने घर पहुँचकर उस श्रेष्ठ ब्राह्मण ने विधिपूर्वक अपने सारे कर्म सम्पन्न किए।

श्लोक 7 (markandeya.62.7)

अथ सा चारुसर्वाङ्गी तत्रासक्तात्ममानसा । निश्वासपरमा निन्ये दिनशेषं तथा निशाम् ॥ 62.7 ॥

atha sā cārusarvāṅgī tatrāsaktātmamānasā / niśvāsaparamā ninye dinaśeṣaṁ tathā niśām

किन्तु वह सर्वांग सुन्दरी, मन उसी में आसक्त होने से, शेष दिन और रात केवल निःश्वास लेते हुए बिताने लगी।

श्लोक 8 (markandeya.62.8)

निश्वसन्त्यनवद्याङ्गी हाहेति रुदती मुहुः । मन्दभाग्येति चात्मानं निनिन्द मदिरेक्षणा ॥ 62.8 ॥

niśvasantyanavadyāṅgī hāheti rudatī muhuḥ / mandabhāgyeti cātmānaṁ nininda madirekṣaṇā

वह मदिरेक्षणा बार-बार निःश्वास लेती, 'हाय-हाय' कहकर रोती और स्वयं को अभागी कहकर निन्दा करने लगी।

श्लोक 9 (markandeya.62.9)

न विहारे न चाहारे रमणीये न वा वने । न कन्दरेषु रम्येषु सा बबन्ध तदा रतिम् ॥ 62.9 ॥

na vihāre na cāhāre ramaṇīye na vā vane / na kandareṣu ramyeṣu sā babandha tadā ratim

न विहार में, न भोजन में, न रमणीय वन में, न सुन्दर गुफाओं में उसने तब कोई रति पाई।

श्लोक 10 (markandeya.62.10)

चकार रममाणे च चक्रवाकयुगे स्पृहाम् । मुक्ता तेन वरारोहा निनिन्द निजयौवनम् ॥ 62.10 ॥

cakāra ramamāṇe ca cakravākayuge spṛhām / muktā tena varārohā nininda nijayauvanam

रमण करते चक्रवाक-युगल को देखकर उसे लालसा हुई, और उससे विरहित होकर उस सुन्दरी ने अपने ही यौवन की निन्दा की।

श्लोक 11 (markandeya.62.11)

क्वागताहमिमं शैलं दुष्टदैवबलात्कृता । क्व च प्राप्तः स मे दृष्टेर्गोचरं तादृशो नरः ॥ 62.11 ॥

kvāgatāhamimaṁ śailaṁ duṣṭadaivabalātkṛtā / kva ca prāptaḥ sa me dṛṣṭergocaraṁ tādṛśo naraḥ

'दुष्ट भाग्य के बल से मैं इस पर्वत पर कहाँ से आ गई? और वह ऐसा पुरुष मेरी दृष्टि में कहाँ से आ पहुँचा?'

श्लोक 12 (markandeya.62.12)

यद्यद्य स महाभागो न मे सङ्गमुपैष्यति । तत्कामाग्निरवश्यं मां क्षपयिष्यति दुः सहः ॥ 62.12 ॥

yadyadya sa mahābhāgo na me saṅgamupaiṣyati / tatkāmāgniravaśyaṁ māṁ kṣapayiṣyati duḥ sahaḥ

'यदि आज वह महाभाग मुझसे नहीं मिलेगा, तो यह असह्य काम-अग्नि निश्चय ही मुझे भस्म कर देगी।'

श्लोक 13 (markandeya.62.13)

रमणीयमभूद्यत्तत्पुंस्कोकिलनिनादितम् । तेन हीनन्तदेवैतद्दहतीवाद्य मामलम् ॥ 62.13 ॥

ramaṇīyamabhūdyattatpuṁskokilanināditam / tena hīnantadevaitaddahatīvādya māmalam

'जो पुंस्कोकिल की ध्वनि पहले रमणीय लगती थी, वही आज उससे विहीन होकर मुझे जलाती-सी प्रतीत होती है।'

श्लोक 14 (markandeya.62.14)

मार्कण्डेय उवाच इत्थं सा मदनाविष्टा जगाम मुनिसत्तम । ववृधे च तदा रागस्तस्यास्तस्मिन् प्रतिक्षणम् ॥ 62.14 ॥

itthaṁ sā madanāviṣṭā jagāma munisattama / vavṛdhe ca tadā rāgastasyāstasmin pratikṣaṇam

मार्कण्डेय ने कहा — इस प्रकार काम से आविष्ट होकर, हे मुनिश्रेष्ठ, उसका समय बीतता गया, और उसका अनुराग क्षण-क्षण बढ़ता ही गया।

श्लोक 15 (markandeya.62.15)

कलिर्नाम्ना तु गन्धर्वः सानुरागो निराकृतः । तया पूर्वमभूत्सोऽथ तदवस्थां ददर्श ताम् ॥ 62.15 ॥

kalirnāmnā tu gandharvaḥ sānurāgo nirākṛtaḥ / tayā pūrvamabhūtso 'tha tadavasthāṁ dadarśa tām

कलि नामक एक गन्धर्व, जो पहले उससे प्रेम रखता था पर उसके द्वारा तिरस्कृत हो चुका था, उसने अब उसकी यह दशा देखी।

श्लोक 16 (markandeya.62.16)

स चिन्तयामास तदा किं न्वेषा गजगामिनी । निश्वासपवनम्लाना गिरावत्र वरूथिनी ॥ 62.16 ॥

sa cintayāmāsa tadā kiṁ nveṣā gajagāminī / niśvāsapavanamlānā girāvatra varūthinī

उसने सोचा — 'यह क्या है? गजगामिनी वरूथिनी अपने ही निःश्वासों की वायु से इस पर्वत पर क्यों मुरझा गई है?'

श्लोक 17 (markandeya.62.17)

मुनिशापक्षता किंनु केनचित् किं विमानिता । वाष्पवारिपरिक्लिन्नमियन्धत्ते यतो मुखम् ॥ 62.17 ॥

muniśāpakṣatā kiṁnu kenacit kiṁ vimānitā / vāṣpavāripariklinnamiyandhatte yato mukham

'क्या किसी मुनि के शाप ने इसे घायल किया है, या किसी ने इसका अपमान किया है, कि इसका मुख आँसुओं से इस प्रकार भीगा है?'

श्लोक 18 (markandeya.62.18)

ततः स दध्यौ सुचिरं तमर्थं कौतुकात् कलिः । ज्ञातवांश्च प्रभावेण समाधेः स यथातथम् ॥ 62.18 ॥

tataḥ sa dadhyau suciraṁ tamarthaṁ kautukāt kaliḥ / jñātavāṁśca prabhāveṇa samādheḥ sa yathātatham

तब कलि ने कौतुकवश उस विषय पर दीर्घ समय तक ध्यान किया, और अपनी समाधि के प्रभाव से यथार्थ बात जान ली।

श्लोक 19 (markandeya.62.19)

पुनः स चिन्तयामास तद्विज्ञाय मुनेः कलिः । ममोपपादितं साधु भाग्यैरेतत्पुराकृतैः ॥ 62.19 ॥

punaḥ sa cintayāmāsa tadvijñāya muneḥ kaliḥ / mamopapāditaṁ sādhu bhāgyairetatpurākṛtaiḥ

मुनि की बात जानकर कलि ने पुनः सोचा — 'यह मेरे लिए पूर्वजन्म के भाग्य से भली-भाँति उपलब्ध हुआ है।'

श्लोक 20 (markandeya.62.20)

मयैषा सानुरागेण बहुशः प्रार्थिता सती । निराकृतवती सेयमद्य प्राप्या भविष्यति ॥ 62.20 ॥

mayaiṣā sānurāgeṇa bahuśaḥ prārthitā satī / nirākṛtavatī seyamadya prāpyā bhaviṣyati

'यह सती स्त्री, जिसे मैंने अनुराग से बार-बार याचना की और जिसने मुझे तिरस्कृत किया, आज मुझे प्राप्त होने वाली है।'

श्लोक 21 (markandeya.62.21)

मानुषे सानुरागेयं तत्र तद्रूपधारिणि । रंस्यते मय्यसन्दिग्धं किं कालेन करोमि तत् ॥ 62.21 ॥

mānuṣe sānurāgeyaṁ tatra tadrūpadhāriṇi / raṁsyate mayyasandigdhaṁ kiṁ kālena karomi tat

'यह उस मनुष्य से अनुरक्त है; उसी का रूप धारण किए हुए यह निःसंदेह मुझसे रमण करेगी — काल की प्रतीक्षा क्यों करूँ? मैं यह अभी कर लूँ।'

श्लोक 22 (markandeya.62.22)

मार्कण्डेय उवाच आत्मप्रभावेण ततस्तस्य रूपं द्विजन्मनः । कृत्वा चचार यत्रास्ते निषण्णा सा वरूथिनी ॥ 62.22 ॥

ātmaprabhāveṇa tatastasya rūpaṁ dvijanmanaḥ / kṛtvā cacāra yatrāste niṣaṇṇā sā varūthinī

मार्कण्डेय ने कहा — तब अपने प्रभाव से उस ब्राह्मण-पुत्र का रूप धारण कर वह वहाँ गया जहाँ वरूथिनी बैठी थी।

श्लोक 23 (markandeya.62.23)

सा तं दृष्ट्वा वरारोहा किञ्चिदुत्फुल्ललोचना । समेत्य प्राह तन्वङ्गी प्रसीदेति पुनः पुनः ॥ 62.23 ॥

sā taṁ dṛṣṭvā varārohā kiñcidutphullalocanā / sametya prāha tanvaṅgī prasīdeti punaḥ punaḥ

उसे देखते ही वह सुन्दरी, हर्ष से नेत्र खोलकर, समीप जाकर बार-बार कहने लगी — 'मुझ पर प्रसन्न हो जाओ।'

श्लोक 24 (markandeya.62.24)

त्वया त्यक्ता न सन्देहः परित्यक्ष्यामि जीवितम् । तत्राधर्मः कष्टतरः क्रियालोपो भविष्यति ॥ 62.24 ॥

tvayā tyaktā na sandehaḥ parityakṣyāmi jīvitam / tatrādharmaḥ kaṣṭataraḥ kriyālopo bhaviṣyati

'तुम्हारे द्वारा त्याग दी जाने पर मैं निश्चय ही प्राण त्याग दूँगी; उसमें तुम्हें भी अधिक कष्टकर अधर्म — कर्मों का लोप — प्राप्त होगा।'

श्लोक 25 (markandeya.62.25)

मया समेत्य रम्येऽस्मिन् महाकन्दरकन्दरे । मत्परित्राणजं धर्ममवश्यं प्रतिपत्स्यसे ॥ 62.25 ॥

mayā sametya ramye 'smin mahākandarakandare / matparitrāṇajaṁ dharmamavaśyaṁ pratipatsyase

'मुझसे मिलकर इस रमणीय महाकन्दरा में तुम अवश्य ही मेरी रक्षा से उत्पन्न धर्म का लाभ पाओगे।'

श्लोक 26 (markandeya.62.26)

आयुषः सावशेषं मे नृनमस्ति महामते । निवृत्तस्तेन नूनं त्वं हृदयाह्लादकारकः ॥ 62.26 ॥

āyuṣaḥ sāvaśeṣaṁ me nṛnamasti mahāmate / nivṛttastena nūnaṁ tvaṁ hṛdayāhlādakārakaḥ

'हे महामते, मेरी आयु का कुछ अंश अवश्य शेष है; तुम्हारे लौट आने से ही तुम मेरे हृदय को आह्लादित करने वाले सिद्ध हुए हो।'

श्लोक 27 (markandeya.62.27)

कलिरुवाच किं करोमि क्रियाहानिर्भवत्यत्र सतो मम । त्वमप्येवंविधं वाक्यं ब्रवीषि तनुमध्यमे ॥ 62.27 ॥

kiṁ karomi kriyāhānirbhavatyatra sato mama / tvamapyevaṁvidhaṁ vākyaṁ bravīṣi tanumadhyame

कलि ने कहा — मैं क्या करूँ? यहाँ तो मेरे भी नित्यकर्मों की हानि हो रही है; फिर भी तुम मुझसे ऐसी बात कह रही हो, हे तनुमध्यमे।

श्लोक 28 (markandeya.62.28)

तदहं सङ्कटं प्राप्तो यद्ब्रवीमि करोषि तत् । यदि स्यात् सङ्गमो मेऽद्य भवत्या सह नान्यथा ॥ 62.28 ॥

tadahaṁ saṅkaṭaṁ prāpto yadbravīmi karoṣi tat / yadi syāt saṅgamo me 'dya bhavatyā saha nānyathā

'अतः मैं संकट में पड़ गया हूँ — जो मैं कहूँ, तुम वही करो, यदि आज तुम्हारे साथ मेरा मिलन हो सके, अन्यथा नहीं।'

श्लोक 29 (markandeya.62.29)

वरूथिनी उवाच प्रसीद यद्ब्रवीषि त्वं तत्करोमि न ते मृषा । ब्रवीम्येतदनाशङ्कं यत्ते कार्यं मयाधुना ॥ 62.29 ॥

prasīda yadbravīṣi tvaṁ tatkaromi na te mṛṣā / bravīmyetadanāśaṅkaṁ yatte kāryaṁ mayādhunā

वरूथिनी ने कहा — प्रसन्न हो जाओ। जो तुम कहोगे, वही मैं करूँगी, झूठ नहीं कहती। मैं निःसंकोच कहती हूँ — अब जो तुम्हें मुझसे चाहिए, वही मैं करूँगी।

श्लोक 30 (markandeya.62.30)

कलिरुवाच नाद्य संभोगसमये द्रष्टव्योऽहं त्वया वने । निमीलिताक्ष्याः संसर्गस्तव सुभ्रु मया सह ॥ 62.30 ॥

nādya saṁbhogasamaye draṣṭavyo 'haṁ tvayā vane / nimīlitākṣyāḥ saṁsargastava subhru mayā saha

कलि ने कहा — इस वन में मिलन के समय तुम्हें मुझे नहीं देखना है; हे सुभ्रु, तुम्हारा संसर्ग मुझसे आँखें मूँदकर ही होगा।

श्लोक 31 (markandeya.62.31)

वरूथिन्युवाच एवं भवतु भद्रन्ते यथेच्छसि तथास्तु तत् । मया सर्वप्रकारं हि वशे स्थेयं तवाधुना ॥ 62.31 ॥

evaṁ bhavatu bhadrante yathecchasi tathāstu tat / mayā sarvaprakāraṁ hi vaśe stheyaṁ tavādhunā

वरूथिनी ने कहा — ऐसा ही हो, तुम्हारा कल्याण हो; जैसी तुम्हारी इच्छा है, वैसा ही हो। अब मैं हर प्रकार से तुम्हारे वश में रहूँगी।