स्वरोचि का जन्म और मनोरमा की रक्षा

श्लोक 1 (markandeya.63.1)

मार्कण्डेय उवाच ततः सह तथा सोऽथ रराम गिरिसानुषु । फुल्लकाननहृद्येषु मनोज्ञेषु सरः सु च ॥ 63.1 ॥

tataḥ saha tathā so 'tha rarāma girisānuṣu / phullakānanahṛdyeṣu manojñeṣu saraḥ su ca

मार्कण्डेय ने कहा — तब वह उसके साथ पर्वत की उन चोटियों पर, जो खिले हुए वनों से मनोहर तथा मनोरम सरोवरों से युक्त थीं, विहार करने लगा,

श्लोक 2 (markandeya.63.2)

कन्दरेषु च रम्येषु निम्नगापुलिनेषु च । मनोज्ञेषु तथान्येषु देशेषु मुदितो द्विज ॥ 63.2 ॥

kandareṣu ca ramyeṣu nimnagāpulineṣu ca / manojñeṣu tathānyeṣu deśeṣu mudito dvija

सुन्दर गुफाओं में, नदियों के तटों पर, तथा अन्य मनोरम स्थानों में भी, हे द्विज, आनन्दित होते हुए।

श्लोक 3 (markandeya.63.3)

वह्निनाधिष्ठितस्यासीद् यद्रूपन्तस्य तेजसा । अचिन्तयद्भोगकाले निमीलितविलोचना ॥ 63.3 ॥

vahninādhiṣṭhitasyāsīd yadrūpantasya tejasā / acintayadbhogakāle nimīlitavilocanā

अग्नि से अधिष्ठित होने पर उसका जो तेजोमय रूप था, उसी का उसने आँखें मूँदकर मिलन के समय ध्यान किया।

श्लोक 4 (markandeya.63.4)

ततः कालेन सा गर्भमवाप मुनिसत्तम । गन्धर्ववीर्यतो रूपचिन्तनाच्च द्विजन्मनः ॥ 63.4 ॥

tataḥ kālena sā garbhamavāpa munisattama / gandharvavīryato rūpacintanācca dvijanmanaḥ

हे मुनिश्रेष्ठ, समय आने पर वह गर्भवती हुई — गन्धर्व के वीर्य से, किन्तु ब्राह्मण के रूप के ध्यान से।

श्लोक 5 (markandeya.63.5)

तां गर्भधारिणीं सोऽथ सान्त्वयित्वा वरूथिनीम् । विप्ररूपधरो यातस्तया प्रीत्या विसर्जितः ॥ 63.5 ॥

tāṁ garbhadhāriṇīṁ so 'tha sāntvayitvā varūthinīm / viprarūpadharo yātastayā prītyā visarjitaḥ

तब वह ब्राह्मण-रूपधारी, गर्भवती वरूथिनी को सान्त्वना देकर, उसके प्रीतिपूर्वक विदा किए जाने पर वहाँ से चला गया।

श्लोक 6 (markandeya.63.6)

जज्ञे स बालो द्युतिमान ज्वलन्निव विभावसुः । स्वरोचिभैर्यथा सूर्यो भासयन् सकला दिशः ॥ 63.6 ॥

jajñe sa bālo dyutimāna jvalanniva vibhāvasuḥ / svarocibhairyathā sūryo bhāsayan sakalā diśaḥ

तेजस्वी बालक जन्मा, अग्नि के समान प्रज्वलित, सूर्य के समान अपनी किरणों से सभी दिशाओं को प्रकाशित करता हुआ।

श्लोक 7 (markandeya.63.7)

स्वरोचिभिर्यतो भाति भास्वानिव स बालकः । ततः स्वरोचिरित्येवं नाम्ना ख्यातो बभूत सः ॥ 63.7 ॥

svarocibhiryato bhāti bhāsvāniva sa bālakaḥ / tataḥ svarocirityevaṁ nāmnā khyāto babhūta saḥ

चूँकि वह बालक अपनी किरणों से सूर्य के समान चमकता था, इसलिए वह 'स्वरोचि' इस नाम से विख्यात हुआ।

श्लोक 8 (markandeya.63.8)

ववृधे च महाभागो वयसानुदिनन्तथा । गुणौघैश्च यथा बालः कलाभिः शशलाञ्छनः ॥ 63.8 ॥

vavṛdhe ca mahābhāgo vayasānudinantathā / guṇaughaiśca yathā bālaḥ kalābhiḥ śaśalāñchanaḥ

वह महाभाग दिन-प्रतिदिन वय में बढ़ता गया, जैसे चन्द्रमा कलाओं से, वैसे ही वह बालक गुणों की बाढ़ से बढ़ता गया।

श्लोक 9 (markandeya.63.9)

स जग्राह धनुर्वेदं वेदांश्चैव यथाक्रमम् । विद्याश्चैव महाभागस्तदा यौवनगोचरः ॥ 63.9 ॥

sa jagrāha dhanurvedaṁ vedāṁścaiva yathākramam / vidyāścaiva mahābhāgastadā yauvanagocaraḥ

उस महाभाग ने यौवन की अवस्था में धनुर्वेद, वेदों तथा अन्य विद्याओं को यथाक्रम प्राप्त किया।

श्लोक 10 (markandeya.63.10)

मन्दराद्रौ कदाचित् स विचरंश्चारुचेष्टितः । ददर्शैकां तदा कन्यां गिरिप्रस्थे भयातुराम् ॥ 63.10 ॥

mandarādrau kadācit sa vicaraṁścāruceṣṭitaḥ / dadarśaikāṁ tadā kanyāṁ giriprasthe bhayāturām

एक बार मन्दराचल पर सुन्दर चेष्टाओं से विचरण करते हुए उसने पर्वत की सानु पर भय से पीड़ित एक कन्या देखी।

श्लोक 11 (markandeya.63.11)

त्रायस्वेति निरीक्ष्यैनं सा तदा वाक्यमब्रवीत् । मा भैषीरिति स प्राह भयविप्लुतलोचनाम् ॥ 63.11 ॥

trāyasveti nirīkṣyainaṁ sā tadā vākyamabravīt / mā bhaiṣīriti sa prāha bhayaviplutalocanām

उसे देखकर वह 'रक्षा करो' कहकर पुकार उठी। भय से व्याकुल नेत्रों वाली उससे उसने कहा — 'भयभीत मत हो।'

श्लोक 12 (markandeya.63.12)

किमेतदिति तेनोक्ते वीरवाक्ये महात्मना । ततः सा कथयामास श्वासाक्षेपप्लुताक्षरम् ॥ 63.12 ॥

kimetaditi tenokte vīravākye mahātmanā / tataḥ sā kathayāmāsa śvāsākṣepaplutākṣaram

उस महात्मा के वीरतापूर्ण वचन पूछने पर — 'यह क्या है?' — उसने सिसकियों से टूटे स्वर में अपनी कथा कही।

श्लोक 13 (markandeya.63.13)

कन्योवाच अहमिन्दीवराख्यस्य सुता विद्याधरस्य वै । नाम्ना मनोरमा जाता सुतायां मरुधन्वनः ॥ 63.13 ॥

kanyovāca ahamindīvarākhyasya sutā vidyādharasya vai / nāmnā manoramā jātā sutāyāṁ marudhanvanaḥ

कन्या ने कहा — मैं इन्दीवर नामक विद्याधर की पुत्री हूँ, मरुधन्वा की पुत्री से उत्पन्न, मेरा नाम मनोरमा है।

श्लोक 14 (markandeya.63.14)

मन्दारविद्याधरजा सखी मम विभावरी । कलावती चाप्यपरा सुता पारस्य वै मुनेः ॥ 63.14 ॥

mandāravidyādharajā sakhī mama vibhāvarī / kalāvatī cāpyaparā sutā pārasya vai muneḥ

मन्दार विद्याधर की पुत्री विभावरी मेरी सखी है, और कलावती नाम की दूसरी सखी पार नामक मुनि की पुत्री है।

श्लोक 15 (markandeya.63.15)

ताभ्यां सह मया यातं कैलासतटमुत्तमम् । तत्र दृष्टो मुनिः कश्चित्तपसातिकृशाकृतिः ॥ 63.15 ॥

tābhyāṁ saha mayā yātaṁ kailāsataṭamuttamam / tatra dṛṣṭo muniḥ kaścittapasātikṛśākṛtiḥ

उन दोनों के साथ मैं उत्तम कैलास पर्वत के तट पर गई थी; वहाँ हमने तपस्या से अत्यन्त कृशकाय एक मुनि को देखा,

श्लोक 16 (markandeya.63.16)

क्षुत्क्षामकण्ठो निस्तेजा दूरपाताक्षितारकः । मयावहसितः क्रुद्धः स तदा मां शशाप ह ॥ 63.16 ॥

kṣutkṣāmakaṇṭho nistejā dūrapātākṣitārakaḥ / mayāvahasitaḥ kruddhaḥ sa tadā māṁ śaśāpa ha

जिसका कण्ठ भूख से सूख गया था, जो निस्तेज था, जिसकी आँखें भीतर धँसी थीं। मैंने उसका उपहास किया, तो क्रुद्ध होकर उसने मुझे शाप दिया।

श्लोक 17 (markandeya.63.17)

क्षामक्षामस्वरः किञ्चित्कल्पिताधरपल्लवः । त्वयावहसितो यस्मादनार्ये दुष्टतापसि ॥ 63.17 ॥

kṣāmakṣāmasvaraḥ kiñcitkalpitādharapallavaḥ / tvayāvahasito yasmādanārye duṣṭatāpasi

क्षीण स्वर में, अधरों को कुछ कँपाते हुए वह बोला — 'चूँकि तुमने, हे अनार्ये दुष्ट तापसी, मेरा उपहास किया है,'

श्लोक 18 (markandeya.63.18)

तस्मात् त्वामचिरेणैव राक्षसोऽभिभविष्यसि । दत्ते शापे मत्सखीभ्यां स तु निर्भत्सितो मुनिः ॥ 63.18 ॥

tasmāt tvāmacireṇaiva rākṣaso 'bhibhaviṣyasi / datte śāpe matsakhībhyāṁ sa tu nirbhatsito muniḥ

'इसलिए शीघ्र ही एक राक्षस तुझ पर आक्रमण करेगा।' — शाप देते ही मेरी दोनों सखियों ने उस मुनि को फटकारा।

श्लोक 19 (markandeya.63.19)

धिक् ते ब्राह्मण्यमक्षान्त्या हृतन्ते निखिलन्तपः । अमर्षणैर्धर्षितोऽसि तपसा नातिकर्षितः ॥ 63.19 ॥

dhik te brāhmaṇyamakṣāntyā hṛtante nikhilantapaḥ / amarṣaṇairdharṣito 'si tapasā nātikarṣitaḥ

उन्होंने कहा — 'धिक्कार है तुम्हारे ब्राह्मणत्व पर, जो असहिष्णुता से तुम्हारी सारी तपस्या नष्ट हो गई! क्रोध से पराजित हुए तुम, तप से अधिक शुद्ध नहीं हो।'

श्लोक 20 (markandeya.63.20)

क्षान्त्यास्पदं वै ब्राह्मण्यं क्रोधसंयमनन्तपः । एतच्छ्रुत्वा ददौ शापं तयोरप्यमितद्युतिः ॥ 63.20 ॥

kṣāntyāspadaṁ vai brāhmaṇyaṁ krodhasaṁyamanantapaḥ / etacchrutvā dadau śāpaṁ tayorapyamitadyutiḥ

'सहिष्णुता ही सच्चे ब्राह्मणत्व का आधार है, क्रोध का संयम ही सच्ची तपस्या है।' यह सुनकर उस अपार तेज वाले मुनि ने उन दोनों को भी शाप दे दिया।

श्लोक 21 (markandeya.63.21)

एकस्याः कुष्ठमङ्गेषु भाव्यन्यस्यास्तथा क्षयः । तयोस्तथैव तज्जातं यथोक्तं तेन तत्क्षणात् ॥ 63.21 ॥

ekasyāḥ kuṣṭhamaṅgeṣu bhāvyanyasyāstathā kṣayaḥ / tayostathaiva tajjātaṁ yathoktaṁ tena tatkṣaṇāt

'एक के अंगों में कुष्ठ हो जाए, दूसरी को क्षय-रोग हो' — उसी क्षण वैसा ही हुआ जैसा उसने कहा था।

श्लोक 22 (markandeya.63.22)

ममाप्येवं महद्रक्षः समुपैति पदानुगम् । न शृणोषि महानादं तस्यादूरेऽपि गर्जतः ॥ 63.22 ॥

mamāpyevaṁ mahadrakṣaḥ samupaiti padānugam / na śṛṇoṣi mahānādaṁ tasyādūre 'pi garjataḥ

'और अब मेरे पीछे भी एक विशाल राक्षस मेरे पद-चिह्नों पर आ रहा है — क्या तुम पास ही उसकी भयंकर गर्जना नहीं सुन रहे?'

श्लोक 23 (markandeya.63.23)

तृतीयमद्य दिवसं यन्मे पृष्ठन्न मुञ्चति । अस्त्रग्रामस्य सर्वस्य हृदज्ञाहमद्य ते ॥ 63.23 ॥

tṛtīyamadya divasaṁ yanme pṛṣṭhanna muñcati / astragrāmasya sarvasya hṛdajñāhamadya te

'आज तीसरा दिन है कि वह मेरा पीछा नहीं छोड़ रहा। मैं सभी अस्त्रों के हृदय-मन्त्र को जानती हूँ — वह आज तुम्हें देती हूँ —'

श्लोक 24 (markandeya.63.24)

ते प्रयच्छामि मां रक्ष रक्षसोऽस्मान्महामते । प्रादात् स्वायम्भुवस्यादौ स्वयं रुद्रः पिनाकधृक् ॥ 63.24 ॥

te prayacchāmi māṁ rakṣa rakṣaso 'smānmahāmate / prādāt svāyambhuvasyādau svayaṁ rudraḥ pinākadhṛk

'यह मैं तुम्हें देती हूँ, मेरी रक्षा करो इस राक्षस से, हे महामते। इसे सर्वप्रथम स्वयं पिनाकधारी रुद्र ने स्वायम्भुव युग के आरम्भ में दिया था।'

श्लोक 25 (markandeya.63.25)

स्वायम्भुवो वसिष्ठाय सिद्धवर्याय दत्तवान् । तेनापि दत्तं मन्मातुः पित्रे चित्रायुधाय वै ॥ 63.25 ॥

svāyambhuvo vasiṣṭhāya siddhavaryāya dattavān / tenāpi dattaṁ manmātuḥ pitre citrāyudhāya vai

'स्वायम्भुव ने सिद्धश्रेष्ठ वसिष्ठ को दिया, उन्होंने भी मेरी माता के पिता चित्रायुध को दिया।'

श्लोक 26 (markandeya.63.26)

प्रादादौद्वाहिकं सोऽपि मत्पित्रे श्वशुरः स्वयम् । मयापि शिक्षितं वीर ! सकाशाद् बालया पितुः ॥ 63.26 ॥

prādādaudvāhikaṁ so 'pi matpitre śvaśuraḥ svayam / mayāpi śikṣitaṁ vīra ! sakāśād bālayā pituḥ

'उन्होंने ही विवाह में स्वयं मेरे पिता को श्वशुर के रूप में दिया; और मैंने भी, हे वीर, बचपन में पिता से यह सीखा।'

श्लोक 27 (markandeya.63.27)

हृदयं सकलास्त्राणामशेषरिपुनाशनम् । तदिदं गृह्यतां शीघ्रमशेषास्त्रपरायणम् ॥ 63.27 ॥

hṛdayaṁ sakalāstrāṇāmaśeṣaripunāśanam / tadidaṁ gṛhyatāṁ śīghramaśeṣāstraparāyaṇam

'यह समस्त अस्त्रों का हृदय है, प्रत्येक शत्रु का नाशक। इसे शीघ्र ग्रहण करो — यह सभी अस्त्रों की पराकाष्ठा है।'

श्लोक 28 (markandeya.63.28)

ततो जहि दुरात्मानमेनं राक्षसमागतम् ॥ 63.28 ॥

tato jahi durātmānamenaṁ rākṣasamāgatam

'इससे इस आते हुए दुष्ट-आत्मा राक्षस को मार डालो।'

श्लोक 29 (markandeya.63.29)

मार्कण्डेय उवाच तथैत्युक्ते ततस्तेन वार्युपस्पृश्य तस्य तत् । अस्त्राणां हृदयं प्रादात् सरहस्यनिवर्तनम् ॥ 63.29 ॥

tathaityukte tatastena vāryupaspṛśya tasya tat / astrāṇāṁ hṛdayaṁ prādāt sarahasyanivartanam

मार्कण्डेय ने कहा — 'ऐसा ही हो' कहने पर उसने जल का स्पर्श करके उसे अस्त्रों का वह हृदय-मन्त्र, उसकी निवृत्ति-विधि सहित, प्रदान किया।

श्लोक 30 (markandeya.63.30)

एतस्मिन्नन्तरे रक्षस्तत्तदा भीषणाकृति । नर्दमानं महानादमाजगाम त्वरान्वितम् ॥ 63.30 ॥

etasminnantare rakṣastattadā bhīṣaṇākṛti / nardamānaṁ mahānādamājagāma tvarānvitam

इसी बीच वह भयंकर आकृति वाला राक्षस, भारी गर्जना करता हुआ, शीघ्रता से वहाँ आ पहुँचा।

श्लोक 31 (markandeya.63.31)

मयाभिभूता किं त्राणमुपैषि द्रुतमेहि मे । भक्षामि किञ्चिरेणेति ब्रुवाणं तं ददर्श सः ॥ 63.31 ॥

mayābhibhūtā kiṁ trāṇamupaiṣi drutamehi me / bhakṣāmi kiñcireṇeti bruvāṇaṁ taṁ dadarśa saḥ

उसने राक्षस को यह कहते देखा — 'मुझसे पराजित होकर किस रक्षा की खोज में हो? शीघ्र मेरे पास आओ, मैं तुम्हें अभी खा जाऊँगा।'

श्लोक 32 (markandeya.63.32)

स्वरोचिश्चिन्तयामास दृष्ट्वा तं समुपागतम् । गृह्णात्वेष वचः सत्यं तस्यास्त्विति महामुनेः ॥ 63.32 ॥

svarociścintayāmāsa dṛṣṭvā taṁ samupāgatam / gṛhṇātveṣa vacaḥ satyaṁ tasyāstviti mahāmuneḥ

उसे समीप आते देख स्वरोचि ने सोचा — 'उस महामुनि के वचन सत्य सिद्ध हों।'

श्लोक 33 (markandeya.63.33)

जग्राह समुपेत्यैनां त्वरया सोऽपि राक्षसः । त्राहि त्राहीति करुणं विलपन्तीं सुमध्यमाम् ॥ 63.33 ॥

jagrāha samupetyaināṁ tvarayā so 'pi rākṣasaḥ / trāhi trāhīti karuṇaṁ vilapantīṁ sumadhyamām

वह राक्षस भी शीघ्रता से आगे बढ़कर उस सुमध्यमा को पकड़ लिया, जो करुण स्वर में 'बचाओ, बचाओ' पुकार रही थी।

श्लोक 34 (markandeya.63.34)

ततः स्वरोचिः संक्रुद्धश्चण्डास्त्रमतिभैरवम् । दृष्ट्यां निवेश्य तद्रक्षो ददर्शानिमिषेक्षणः ॥ 63.34 ॥

tataḥ svarociḥ saṁkruddhaścaṇḍāstramatibhairavam / dṛṣṭyāṁ niveśya tadrakṣo dadarśānimiṣekṣaṇaḥ

तब स्वरोचि ने अत्यन्त क्रुद्ध होकर उस अति भयंकर चण्ड अस्त्र को अपनी दृष्टि में स्थापित कर, अपलक नेत्रों से उस राक्षस को देखा।

श्लोक 35 (markandeya.63.35)

तदाभिभूतः स तदा तामुत्सृज्य निशाचरः । प्रसीद शाम्यतामस्त्रं श्रूयताञ्चेत्यभाषत ॥ 63.35 ॥

tadābhibhūtaḥ sa tadā tāmutsṛjya niśācaraḥ / prasīda śāmyatāmastraṁ śrūyatāñcetyabhāṣata

उससे अभिभूत होकर वह निशाचर उसे तत्काल छोड़कर बोला — 'प्रसन्न हो जाओ! अस्त्र शान्त हो! मेरी बात सुनो!'

श्लोक 36 (markandeya.63.36)

मोक्षितोषऽहं त्वया शापादतिघोरान्महाद्युते । प्रदत्तादतितीव्रेण ब्रह्ममित्रेण धीमता ॥ 63.36 ॥

mokṣitoṣa'haṁ tvayā śāpādatighorānmahādyute / pradattādatitīvreṇa brahmamitreṇa dhīmatā

'हे महातेजस्वी, मैं तुम्हारे द्वारा बुद्धिमान ब्रह्ममित्र मुनि के दिए हुए एक अत्यन्त घोर शाप से मुक्त हुआ हूँ।'

श्लोक 37 (markandeya.63.37)

उपकारी न मे त्वत्तो महाभागाधिकोऽपरः । येनाहं सुमहाकष्टान्महाशापाद्विमोक्षितः ॥ 63.37 ॥

upakārī na me tvatto mahābhāgādhiko 'paraḥ / yenāhaṁ sumahākaṣṭānmahāśāpādvimokṣitaḥ

'हे महाभाग, तुमसे बढ़कर मेरा कोई उपकारी नहीं है, जिसने मुझे इस महाकष्ट, इस महाशाप से मुक्त कर दिया।'

श्लोक 38 (markandeya.63.38)

स्वरोचिरुवाच ब्रह्ममित्रेण मुनिना किन्निमित्तं महात्मना । शप्तस्त्वं कीदृशश्चैव शापो दत्तोऽभवत् पुरा ॥ 63.38 ॥

brahmamitreṇa muninā kinnimittaṁ mahātmanā / śaptastvaṁ kīdṛśaścaiva śāpo datto 'bhavat purā

स्वरोचि ने कहा — किस कारण से महात्मा ब्रह्ममित्र मुनि ने तुम्हें शाप दिया, तथा वह शाप कैसा था, यह पहले बताओ।

श्लोक 39 (markandeya.63.39)

राक्षसा उवाच ब्रह्ममित्रोऽष्टधा भिन्नमायुर्वेदमधीतवान् । त्रयोदशाधिकारञ्च प्रगृह्याथर्वणो द्विजः ॥ 63.39 ॥

brahmamitro 'ṣṭadhā bhinnamāyurvedamadhītavān / trayodaśādhikārañca pragṛhyātharvaṇo dvijaḥ

राक्षस ने कहा — अथर्ववेदी ब्राह्मण ब्रह्ममित्र ने आठ भागों में विभक्त आयुर्वेद को उसके तेरह अधिकारों सहित अध्ययन किया था।

श्लोक 40 (markandeya.63.40)

अहञ्चेन्दीवराख्येति ख्यातोऽस्या जनकोऽभवम् । विद्याधरपतेः पुत्रो नलनाभस्य खङ्गिनः ॥ 63.40 ॥

ahañcendīvarākhyeti khyāto 'syā janako 'bhavam / vidyādharapateḥ putro nalanābhasya khaṅginaḥ

मैं इन्दीवर नाम से विख्यात, इसका पिता था — तलवारधारी विद्याधरपति नलनाभ का पुत्र।

श्लोक 41 (markandeya.63.41)

मया च याचितः पुर्वं ब्रह्ममित्रोऽभवन्मुनिः । आयुर्वेदमशेषं मे भगवन् ! दातुमर्हसि ॥ 63.41 ॥

mayā ca yācitaḥ purvaṁ brahmamitro 'bhavanmuniḥ / āyurvedamaśeṣaṁ me bhagavan ! dātumarhasi

पहले मैंने ब्रह्ममित्र मुनि से याचना की थी — 'हे भगवन्, मुझे सम्पूर्ण आयुर्वेद देना उचित है।'

श्लोक 42 (markandeya.63.42)

यदा तु बहुशो वीर ! प्रश्रयावनतस्य मे । न प्रादाद्याचितो विद्यामायुर्वेदात्मिकां मम ॥ 63.42 ॥

yadā tu bahuśo vīra ! praśrayāvanatasya me / na prādādyācito vidyāmāyurvedātmikāṁ mama

किन्तु हे वीर, बार-बार विनम्रतापूर्वक याचना करने पर भी उसने मुझे आयुर्वेद-सम्बन्धी वह विद्या नहीं दी।

श्लोक 43 (markandeya.63.43)

शिष्येभ्यो ददतस्तस्य मयान्तर्धानगेन हि । आयुर्वेदात्मिका विद्या गृहीताभूत्तदानघ ॥ 63.43 ॥

śiṣyebhyo dadatastasya mayāntardhānagena hi / āyurvedātmikā vidyā gṛhītābhūttadānagha

हे अनघ, इसलिए जब वह अपने शिष्यों को पढ़ा रहा था, तब मैंने अन्तर्धान होकर उस आयुर्वेदमयी विद्या को चुरा लिया।

श्लोक 44 (markandeya.63.44)

गृहीतायान्तु विद्यायां मासैरष्टाभिरन्तरात् । ममातिहर्षादभवद्धासोऽतीव पुनः पुनः ॥ 63.44 ॥

gṛhītāyāntu vidyāyāṁ māsairaṣṭābhirantarāt / mamātiharṣādabhavaddhāso 'tīva punaḥ punaḥ

वह विद्या ग्रहण करने के आठ मास बाद, अत्यधिक हर्ष से मुझे बार-बार हँसी आने लगी।

श्लोक 45 (markandeya.63.45)

प्रत्यभिज्ञाय मां हासान्मुनिः कोपसमन्वितः । विकम्पिकन्धरः प्राह मामिदं परुषाक्षरम् ॥ 63.45 ॥

pratyabhijñāya māṁ hāsānmuniḥ kopasamanvitaḥ / vikampikandharaḥ prāha māmidaṁ paruṣākṣaram

मेरी हँसी से मुझे पहचानकर वह मुनि क्रोध से भर उठा, और गर्दन काँपते हुए मुझसे यह कठोर वचन बोला —

श्लोक 46 (markandeya.63.46)

राक्षसेनैव यस्मान्मे त्वयादृश्येन दुर्मते । हृता विद्यावहासश्च मामवज्ञाय वै कृतः ॥ 63.46 ॥

rākṣasenaiva yasmānme tvayādṛśyena durmate / hṛtā vidyāvahāsaśca māmavajñāya vai kṛtaḥ

'चूँकि तुमने राक्षस के समान अदृश्य रहकर, हे दुर्मते, मेरी विद्या चुराई और अपनी हँसी से मेरा अपमान किया है,'

श्लोक 47 (markandeya.63.47)

तस्मात्त्वं राक्षसः पाप ! मच्छापेन निराकृतः । भविष्यसि न सन्देहः सप्तरात्रेण दारुणः ॥ 63.47 ॥

tasmāttvaṁ rākṣasaḥ pāpa ! macchāpena nirākṛtaḥ / bhaviṣyasi na sandehaḥ saptarātreṇa dāruṇaḥ

'इसलिए, हे पापी, मेरे शाप से भ्रष्ट होकर तुम निश्चय ही सात रात्रियों में एक भयंकर राक्षस बन जाओगे।'

श्लोक 48 (markandeya.63.48)

इत्युक्ते प्रणिपाताद्यैरुपचारैः प्रसादितः । स मामाह पुनर्विप्रस्तत्क्षणान्मृदुमानसः ॥ 63.48 ॥

ityukte praṇipātādyairupacāraiḥ prasāditaḥ / sa māmāha punarviprastatkṣaṇānmṛdumānasaḥ

यह कहे जाने पर, प्रणाम आदि उपचारों से प्रसन्न होकर, उस ब्राह्मण ने कोमल मन से पुनः मुझसे तत्काल कहा —

श्लोक 49 (markandeya.63.49)

यन्मयोक्तमवश्यन्तद्भावि गन्धर्व ! नान्यथा । किन्तु त्वं राक्षसो भूत्वा पुनः स्वं प्राप्स्यसे वपुः ॥ 63.49 ॥

yanmayoktamavaśyantadbhāvi gandharva ! nānyathā / kintu tvaṁ rākṣaso bhūtvā punaḥ svaṁ prāpsyase vapuḥ

'हे गन्धर्व, जो मैंने कहा है वह अवश्य होकर रहेगा, अन्यथा नहीं; किन्तु राक्षस बनकर तुम पुनः अपने ही स्वरूप को प्राप्त कर लोगे।'

श्लोक 50 (markandeya.63.50)

नष्टस्मृतिर्यदा क्रुद्धः स्वमपत्यञ्चिखादिषुः । निशाचरत्वं गन्तासि तदस्त्रानलतापितः ॥ 63.50 ॥

naṣṭasmṛtiryadā kruddhaḥ svamapatyañcikhādiṣuḥ / niśācaratvaṁ gantāsi tadastrānalatāpitaḥ

'जब स्मृति खोकर क्रुद्ध होकर तुम अपनी ही सन्तान को खाने का प्रयास करोगे, तब अस्त्र की अग्नि से तप्त होकर निशाचरत्व से मुक्त हो जाओगे।'

श्लोक 51 (markandeya.63.51)

पुनः संज्ञामवाप्य स्वामवाप्स्यसि निजं वपुः । तथैव स्वमधिष्ठानं लोके गन्धर्वसंज्ञिते ॥ 63.51 ॥

punaḥ saṁjñāmavāpya svāmavāpsyasi nijaṁ vapuḥ / tathaiva svamadhiṣṭhānaṁ loke gandharvasaṁjñite

'फिर चेतना पाकर अपना ही स्वरूप, तथा उसी प्रकार गन्धर्व-लोक में अपना ही स्थान, पुनः प्राप्त कर लोगे।'

श्लोक 52 (markandeya.63.52)

सोऽहं त्वया महाभाग ! मोक्षितोऽस्मान्महाभयात् । निशाचरत्वाद् यद्वीर ! तेन मे प्रार्थनां कुरु ॥ 63.52 ॥

so 'haṁ tvayā mahābhāga ! mokṣito 'smānmahābhayāt / niśācaratvād yadvīra ! tena me prārthanāṁ kuru

'हे महाभाग, मैं वही हूँ जिसे तुमने इस महाभय से, इस निशाचरत्व से मुक्त किया है; अतः हे वीर, मुझसे कुछ याचना करो।'

श्लोक 53 (markandeya.63.53)

इमान्ते तनयां भार्यां प्रयच्छामि प्रतीच्छ ताम् । आयुर्वेदश्च सकलस्त्वष्टाङ्गो यो मया ततः । मुनेः सकाशात् संप्राप्तस्तं गृह्णीष्व महामते ॥ 63.53 ॥

imānte tanayāṁ bhāryāṁ prayacchāmi pratīccha tām / āyurvedaśca sakalastvaṣṭāṅgo yo mayā tataḥ / muneḥ sakāśāt saṁprāptastaṁ gṛhṇīṣva mahāmate

'यह अपनी पुत्री मैं तुम्हें पत्नी रूप में देता हूँ, इसे स्वीकार करो; और उस मुनि से प्राप्त सम्पूर्ण अष्टांग आयुर्वेद भी, हे महामते, ग्रहण करो।'

श्लोक 54 (markandeya.63.54)

मार्कण्डेय उवाच इत्युक्त्वा प्रददौ विद्यां स च दिव्याम्बरोज्जवलः । स्त्रग्भूषणधरो दिव्यं पुराणं वपुरास्थितः ॥ 63.54 ॥

ityuktvā pradadau vidyāṁ sa ca divyāmbarojjavalaḥ / stragbhūṣaṇadharo divyaṁ purāṇaṁ vapurāsthitaḥ

मार्कण्डेय ने कहा — यह कहकर उसने वह विद्या दी, और दिव्य वस्त्रों से देदीप्यमान, माला-आभूषण धारण किए हुए, अपने पूर्व दिव्य रूप में स्थित हो गया।

श्लोक 55 (markandeya.63.55)

दत्त्वा विद्यां ततः कन्यां स दातुमुपचक्रमे । तमाह सा तदा कन्या जनितारं स्वरूपिणम् ॥ 63.55 ॥

dattvā vidyāṁ tataḥ kanyāṁ sa dātumupacakrame / tamāha sā tadā kanyā janitāraṁ svarūpiṇam

विद्या देकर उसने फिर कन्या को देने का उपक्रम किया; तब उस कन्या ने अपने स्वरूपधारी पिता से कहा —

श्लोक 56 (markandeya.63.56)

अनुरागो ममाप्यत्र तातातीव महात्मनि । दर्शनादेव संजातो विशेषेणोपकारिणि ॥ 63.56 ॥

anurāgo mamāpyatra tātātīva mahātmani / darśanādeva saṁjāto viśeṣeṇopakāriṇi

'हे तात, इस महात्मा के प्रति मेरा भी अनुराग है, दर्शन मात्र से ही उत्पन्न हुआ, विशेषतः क्योंकि यह हमारा उपकारी है।'

श्लोक 57 (markandeya.63.57)

किन्त्वेषा मे सखी सा च मत्कृते दुः खपीडिते । अतो नाभिलषे भोगान् भोक्तुमेतेन वै समम् ॥ 63.57 ॥

kintveṣā me sakhī sā ca matkṛte duḥ khapīḍite / ato nābhilaṣe bhogān bhoktumetena vai samam

'किन्तु यह मेरी सखी मेरे ही कारण दुःख से पीड़ित है; अतः मैं इसके साथ भोग भोगने की इच्छा नहीं करती।'

श्लोक 58 (markandeya.63.58)

पुरुषैरपि नो शक्या कर्तुमित्थं नृशंसता । स्वभावरुचिरैर्मादृक् कथं योषित् करिष्यति ॥ 63.58 ॥

puruṣairapi no śakyā kartumitthaṁ nṛśaṁsatā / svabhāvarucirairmādṛk kathaṁ yoṣit kariṣyati

'पुरुष भी ऐसी निर्दयता नहीं कर सकते — तो स्वभाव से सरल मुझ जैसी स्त्री यह कैसे करेगी?'

श्लोक 59 (markandeya.63.59)

साहं यथा ते दुः खार्ते मत्कृते कन्यके पितः । तथा स्थास्यामि तद्दुः खे तच्छोकानलतापिता ॥ 63.59 ॥

sāhaṁ yathā te duḥ khārte matkṛte kanyake pitaḥ / tathā sthāsyāmi tadduḥ khe tacchokānalatāpitā

'हे पिता, जैसे यह कन्या मेरे कारण दुःखी है, वैसे ही मैं भी उसके शोक की अग्नि से जलती हुई उसी दुःख में रहूँगी।'

श्लोक 60 (markandeya.63.60)

स्वरोचिरुवाच आयुर्वेदप्रसादेन ते करिष्ये पुनर्नवे । सख्यौ तव महाशोकं समुत्सृज सुमध्यमे ॥ 63.60 ॥

āyurvedaprasādena te kariṣye punarnave / sakhyau tava mahāśokaṁ samutsṛja sumadhyame

स्वरोचि ने कहा — आयुर्वेद की कृपा से मैं तुम्हारी दोनों सखियों को पुनः स्वस्थ कर दूँगा। हे सुमध्यमे, यह महाशोक त्याग दो।

श्लोक 61 (markandeya.63.61)

मार्कण्डेय उवाच ततः पित्रा स्वयं दत्तां तां कन्यां स विधानतः । उपयेमे गिरौ तस्मिन् स्वरोचिश्चारुलोचवनाम् ॥ 63.61 ॥

tataḥ pitrā svayaṁ dattāṁ tāṁ kanyāṁ sa vidhānataḥ / upayeme girau tasmin svarociścārulocavanām

मार्कण्डेय ने कहा — तब पिता द्वारा स्वयं विधिपूर्वक दी गई उस सुन्दर-नेत्रा कन्या से स्वरोचि ने उसी पर्वत पर विवाह किया।

श्लोक 62 (markandeya.63.62)

दत्तान्तु तां तदा कन्यामभिशान्त्य च भामिनीम् । जगाम दिव्यया गत्यागन्धर्वः स्वपुरन्ततः ॥ 63.62 ॥

dattāntu tāṁ tadā kanyāmabhiśāntya ca bhāminīm / jagāma divyayā gatyāgandharvaḥ svapurantataḥ

कन्या को देकर तथा अपनी पुत्री को सान्त्वना देकर वह गन्धर्व अपनी दिव्य गति से अपने नगर को चला गया।

श्लोक 63 (markandeya.63.63)

स चापि सहितस्तन्व्या सदुद्यानन्तदा ययौ । कन्यकायुगलं यत्र तच्छापोत्थगदातुरम् ॥ 63.63 ॥

sa cāpi sahitastanvyā sadudyānantadā yayau / kanyakāyugalaṁ yatra tacchāpotthagadāturam

वह भी उस सुन्दरी के साथ तब उस उद्यान में गया जहाँ शाप से उत्पन्न रोग से पीड़ित वे दोनों कन्याएँ थीं।

श्लोक 64 (markandeya.63.64)

ततस्तयोः स तत्त्वज्ञो रोगघ्नैरौषधै रसैः । चकार नीरुजौ देहौ स्वरोचिरपराजितः ॥ 63.64 ॥

tatastayoḥ sa tattvajño rogaghnairauṣadhai rasaiḥ / cakāra nīrujau dehau svarociraparājitaḥ

तब तत्त्वज्ञ, अपराजित स्वरोचि ने रोगनाशक औषधियों और रसों से उन दोनों के शरीर को नीरोग कर दिया।

श्लोक 65 (markandeya.63.65)

ततोऽतिशोभने कन्ये विमुक्ते व्याधितः शुभे । स्वकान्त्योद्योति दिग्भागं चक्राते तन्महीधरम् ॥ 63.65 ॥

tato 'tiśobhane kanye vimukte vyādhitaḥ śubhe / svakāntyodyoti digbhāgaṁ cakrāte tanmahīdharam

तब रोग से मुक्त वे दोनों अत्यन्त सुन्दर, शुभ कन्याएँ अपनी ही कान्ति से पर्वत की उस दिशा को उद्भासित करने लगीं।