द्रौपदेयों की उत्पत्ति

श्लोक 1 (markandeya.7.1)

धर्मपक्षिण ऊचुः । हरिश्चन्द्रेति राजर्षिरासीत् त्रेतायुगे पुरा । धर्मात्मा पृथिवीपालः प्रोल्लसत्कीर्तिरुत्तमः ॥ 7.1 ॥

dharmapakṣiṇa ūcuḥ / hariścandreti rājarṣirāsīt tretāyuge purā / dharmātmā pṛthivīpālaḥ prollasatkīrtiruttamaḥ // 7.1 //

धर्म-पक्षी ने कहा — प्राचीन काल में, त्रेतायुग में, हरिश्चन्द्र नाम के एक राजर्षि हुए — धर्मात्मा, पृथ्वी के पालक, तथा अत्यन्त उज्ज्वल कीर्ति वाले।

श्लोक 2 (markandeya.7.2)

न दुर्भिक्षं न च व्याधिर्नाकालमरणं नृणाम् । नाधर्मरुचयः पौरास्तस्मिन् शासति पार्थिवे ॥ 7.2 ॥

na durbhikṣaṃ na ca vyādhirnākālamaraṇaṃ nṛṇām / nādharmarucayaḥ paurāstasmin śāsati pārthive // 7.2 //

जब तक वह राजा शासन करता रहा, तब तक न अकाल पड़ा, न रोग हुआ, न मनुष्यों की अकाल मृत्यु हुई, और न ही नगरवासी अधर्म की ओर झुके।

श्लोक 3 (markandeya.7.3)

बभूवुर्न तथोन्मत्ता धन-वीर्य-तपोमदैः । नाजायन्त स्त्रियश्चैव काश्चिदप्राप्तयौवनाः ॥ 7.3 ॥

babhūvurna tathonmattā dhana-vīrya-tapomadaiḥ / nājāyanta striyaścaiva kāścidaprāptayauvanāḥ // 7.3 //

कोई भी धन, बल या तप के मद से उन्मत्त नहीं हुआ, और न ही कोई स्त्री यौवन प्राप्त करने से पहले विधवा हुई।

श्लोक 4 (markandeya.7.4)

स कदाचिन्महाबाहुररण्येऽनुसरन् मृगम् । शुश्राव शब्दमसकृत् त्रायस्वेति च योषिताम् ॥ 7.4 ॥

sa kadācinmahābāhuraraṇye 'nusaran mṛgam / śuśrāva śabdamasakṛt trāyasveti ca yoṣitām // 7.4 //

एक बार वह महाबाहु राजा वन में मृग का पीछा करते हुए बारंबार स्त्रियों का यह करुण स्वर सुनने लगे — 'रक्षा करो!'

श्लोक 5 (markandeya.7.5)

स विहाय मृगं राजा मा भैषीरित्यभाषत । मयि शासति दुर्मेधाः कोऽयमन्यायवृत्तिमान् ॥ 7.5 ॥

sa vihāya mṛgaṃ rājā mā bhaiṣīrityabhāṣata / mayi śāsati durmedhāḥ ko 'yamanyāyavṛttimān // 7.5 //

मृग को छोड़कर राजा बोले — 'मत डरो! मेरे शासन में यह कौन दुर्बुद्धि है जो अन्याय का आचरण कर रहा है?'

श्लोक 6 (markandeya.7.6)

तत्क्रन्दितानुसारी च सर्वारम्भविघातकृत् । एकस्मिन्नन्तरे रौद्रो विघ्नराट् समचिन्तयत् ॥ 7.6 ॥

tatkranditānusārī ca sarvārambhavighātakṛt / ekasminnantare raudro vighnarāṭ samacintayat // 7.6 //

उस करुण-पुकार का अनुसरण करने वाला तथा हर उपक्रम को विफल कर देने वाला वह भयंकर विघ्नराज उसी क्षण यह सोचने लगा —

श्लोक 7 (markandeya.7.7)

विश्वामित्रोऽयमतुलं तप आस्थाय वीर्यवान् । प्रागसिद्धाभवादीनां विद्याः साध्यति व्रती ॥ 7.7 ॥

viśvāmitro 'yamatulaṃ tapa āsthāya vīryavān / prāgasiddhābhavādīnāṃ vidyāḥ sādhyati vratī // 7.7 //

'यह पराक्रमी विश्वामित्र अनुपम तप में स्थित होकर, व्रतधारी बना हुआ, उन विद्याओं को साध रहा है जो पहले भव (शिव) आदि को भी सिद्ध नहीं हुई थीं।'

श्लोक 8 (markandeya.7.8)

साध्यमानाः क्षमामौनचित्तसंयमिनामुना । ता वै भयार्ताः क्रन्दन्ति कथं कार्यमिदं मया ॥ 7.8 ॥

sādhyamānāḥ kṣamāmaunacittasaṃyamināmunā / tā vai bhayārtāḥ krandanti kathaṃ kāryamidaṃ mayā // 7.8 //

'क्षमा, मौन और चित्त-संयम से इसके द्वारा साधी जा रही वे विद्याएँ ही भय से पीड़ित होकर पुकार रही हैं — मैं यह कार्य कैसे करूँ?'

श्लोक 9 (markandeya.7.9)

तेजस्वी कौशिकश्वेष्ठो वयमस्य सुदुर्बलाः । क्रोशन्त्येतास्तथा भीता दुष्पारं प्रतिभाति मे ॥ 7.9 ॥

tejasvī kauśikaśveṣṭho vayamasya sudurbalāḥ / krośantyetāstathā bhītā duṣpāraṃ pratibhāti me // 7.9 //

'कौशिक तेजस्वी और श्रेष्ठ है, हम उसके सामने अत्यन्त दुर्बल हैं। ये भयभीत स्त्रियाँ इस प्रकार चीख रही हैं, यह कार्य मुझे असम्भव प्रतीत होता है।'

श्लोक 10 (markandeya.7.10)

अथवायं नृपः प्राप्तो मा भैरिति वदन् मुहुः । इममेव प्रविश्याशु साधयिष्ये यथेप्सितम् ॥ 7.10 ॥

athavāyaṃ nṛpaḥ prāpto mā bhairiti vadan muhuḥ / imameva praviśyāśu sādhayiṣye yathepsitam // 7.10 //

'परन्तु यह राजा आ पहुँचा है, जो बारंबार ‘मत डरो’ कह रहा है — मैं इसी में प्रवेश करके शीघ्र ही अपना अभीष्ट सिद्ध कर लूँगा।'

श्लोक 11 (markandeya.7.11)

इति संचिन्त्य रौद्रेण विघ्नराजेन वै ततः । तेनाविष्टो नृपः कोपादिदं वचनमब्रवीत् ॥ 7.11 ॥

iti saṃcintya raudreṇa vighnarājena vai tataḥ / tenāviṣṭo nṛpaḥ kopādidaṃ vacanamabravīt // 7.11 //

ऐसा विचार कर उस भयंकर विघ्नराज ने राजा में प्रवेश किया; और उससे आविष्ट होकर राजा ने क्रोधपूर्वक यह वचन कहा —

श्लोक 12 (markandeya.7.12)

कोऽयं बघ्नाति वस्त्रान्ते पावकं पापकृन्नरः । बलोष्णतेजसा दीप्ते मयि पत्यावुपस्थिते ॥ 7.12 ॥

ko 'yaṃ baghnāti vastrānte pāvakaṃ pāpakṛnnaraḥ / baloṣṇatejasā dīpte mayi patyāvupasthite // 7.12 //

'यह कौन पापी मनुष्य अपने वस्त्र के छोर में आग बाँध रहा है, जबकि मैं, अपने बल और तेज की ऊष्मा से दीप्त, उनका रक्षक, यहाँ उपस्थित हूँ?'

श्लोक 13 (markandeya.7.13)

सोऽद्य मत्कार्मुकाक्षेप-विदीपितदिगन्तरैः । शरैर्विभिन्नसर्वाङ्गो दीर्घनिद्रां प्रवेक्ष्यति ॥ 7.13 ॥

so 'dya matkārmukākṣepa-vidīpitadigantaraiḥ / śarairvibhinnasarvāṅgo dīrghanidrāṃ pravekṣyati // 7.13 //

'यह आज ही मेरे धनुष के टंकार से दिशाओं को प्रज्वलित करने वाले बाणों से सर्वांग बिंधकर दीर्घ-निद्रा में प्रवेश करेगा।'

श्लोक 14 (markandeya.7.14)

विश्वामित्रस्ततः क्रुद्धः श्रुत्वा तन्नृपतेर्वचः । क्रुद्धे चर्षिवरे तस्मिन् नेशुर्विद्याः क्षणेन ताः ॥ 7.14 ॥

viśvāmitrastataḥ kruddhaḥ śrutvā tannṛpatervacaḥ / kruddhe carṣivare tasmin neśurvidyāḥ kṣaṇena tāḥ // 7.14 //

राजा के ये वचन सुनकर विश्वामित्र क्रोधित हो उठे; और उस श्रेष्ठ ऋषि के क्रोधित होते ही वे सारी विद्याएँ क्षणभर में नष्ट हो गयीं।

श्लोक 15 (markandeya.7.15)

स चापि राजा तं दृष्ट्वा विश्वामित्रं तपोनिधिम् । भीतः प्रावेपतात्यर्थं सहसाश्वत्थपर्णवत् ॥ 7.15 ॥

sa cāpi rājā taṃ dṛṣṭvā viśvāmitraṃ taponidhim / bhītaḥ prāvepatātyarthaṃ sahasāśvatthaparṇavat // 7.15 //

तपोनिधि विश्वामित्र को देखकर राजा भी भयभीत हो गये और पीपल के पत्ते के समान सहसा अत्यधिक काँपने लगे।

श्लोक 16 (markandeya.7.16)

स दुरात्मन्निति यदा मुनिस्तिष्ठेति चाब्रवीत् । ततः स राजा विनयात् प्रणिपत्याभ्यभाषत ॥ 7.16 ॥

sa durātmanniti yadā munistiṣṭheti cābravīt / tataḥ sa rājā vinayāt praṇipatyābhyabhāṣata // 7.16 //

जब मुनि ने कहा — 'रुक जा, ओ दुरात्मन्!' — तब राजा ने विनयपूर्वक प्रणाम करके यह कहा —

श्लोक 17 (markandeya.7.17)

भगवन्नेष धर्मो मे नापराधो मम प्रभो । न क्रोद्धुमर्हसि मुने निजधर्मरतस्य मे ॥ 7.17 ॥

bhagavanneṣa dharmo me nāparādho mama prabho / na kroddhumarhasi mune nijadharmaratasya me // 7.17 //

'भगवन्, यह तो मेरा धर्म है, प्रभो, मेरा कोई अपराध नहीं है। हे मुने, अपने ही धर्म में रत मुझ पर क्रोध करना आपको शोभा नहीं देता।'

श्लोक 18 (markandeya.7.18)

दातव्यं रक्षितव्यं च धर्मज्ञेन महीक्षिता । चापं चोद्यम्य योद्धव्यं धर्मशास्त्रानुसारतः ॥ 7.18 ॥

dātavyaṃ rakṣitavyaṃ ca dharmajñena mahīkṣitā / cāpaṃ codyamya yoddhavyaṃ dharmaśāstrānusārataḥ // 7.18 //

'धर्मज्ञ राजा को दान देना और रक्षा करना चाहिए, तथा धर्मशास्त्र के अनुसार धनुष उठाकर युद्ध भी करना चाहिए।'

श्लोक 19 (markandeya.7.19)

विश्वामित्र उवाच । दातव्यं कस्य के रक्ष्याः कैर्योद्धव्यं च ते नृप । क्षिप्रमेतत् समाचक्ष्व यद्यधर्मभयं तव ॥ 7.19 ॥

viśvāmitra uvāca / dātavyaṃ kasya ke rakṣyāḥ kairyoddhavyaṃ ca te nṛpa / kṣiprametat samācakṣva yadyadharmabhayaṃ tava // 7.19 //

विश्वामित्र ने कहा — 'किसे देना है, किसकी रक्षा करनी है, और किससे युद्ध करना है, हे राजन्? यदि तुझे अधर्म का भय है तो शीघ्र यह बता।'

श्लोक 20 (markandeya.7.20)

हरिश्चन्द्र उवाच । दातव्यं विप्रमुख्येभ्यो ये चान्ये कृशवृत्तयः । रक्ष्या भीताः सदा युद्धं कर्तव्यं परिपन्थिभिः ॥ 7.20 ॥

hariścandra uvāca / dātavyaṃ vipramukhyebhyo ye cānye kṛśavṛttayaḥ / rakṣyā bhītāḥ sadā yuddhaṃ kartavyaṃ paripanthibhiḥ // 7.20 //

हरिश्चन्द्र ने कहा — 'श्रेष्ठ ब्राह्मणों को तथा अन्य दीन-हीन जनों को दान देना चाहिए, भयभीतों की सदा रक्षा करनी चाहिए, और शत्रुओं से युद्ध करना चाहिए।'

श्लोक 21 (markandeya.7.21)

विश्वामित्र उवाच । यदि राजा भवान् सम्यग्राजधर्ममवेक्षते । निर्वेष्टुकामो विप्रोऽहं दीयतामिष्टदक्षिणा ॥ 7.21 ॥

viśvāmitra uvāca / yadi rājā bhavān samyagrājadharmamavekṣate / nirveṣṭukāmo vipro 'haṃ dīyatāmiṣṭadakṣiṇā // 7.21 //

विश्वामित्र ने कहा — 'यदि तू राजा होकर राजधर्म का सम्यक् पालन करता है, तो मैं एक ब्राह्मण हूँ जो अपना कार्य पूरा करना चाहता है — मुझे अभीष्ट दक्षिणा दे दे।'

श्लोक 22 (markandeya.7.22)

पक्षिण ऊचुः । एतद्राजा वचः श्रुत्वा प्रहृष्टेनान्तरात्मना । पुनर्जातमिवात्मानं मेने प्राह च कौशिकम् ॥ 7.22 ॥

pakṣiṇa ūcuḥ / etadrājā vacaḥ śrutvā prahṛṣṭenāntarātmanā / punarjātamivātmānaṃ mene prāha ca kauśikam // 7.22 //

पक्षियों ने कहा — यह वचन सुनकर राजा का अन्तःकरण हर्ष से भर गया, वे मानो पुनर्जन्म पा गये हों ऐसा मानने लगे, और कौशिक से बोले —

श्लोक 23 (markandeya.7.23)

उच्यतां भगवन् यत्ते दातव्यमविशङ्कितम् । दत्तमित्येव तद्विद्धि यद्यपि स्यात् सुदुर्लभम् ॥ 7.23 ॥

ucyatāṃ bhagavan yatte dātavyamaviśaṅkitam / dattamityeva tadviddhi yadyapi syāt sudurlabham // 7.23 //

'हे भगवन्, आपको जो कुछ देना है, वह निःशंक होकर कहिए। उसे मैं दिया हुआ ही समझूँ, चाहे वह कितना भी दुर्लभ क्यों न हो —'

श्लोक 24 (markandeya.7.24)

हिरण्यं वा सुवर्णं वा पुत्रः पत्नी कलेवरम् । प्राणा राज्यं पुरं लक्ष्मीर्यदभिप्रेतमात्मनः ॥ 7.24 ॥

hiraṇyaṃ vā suvarṇaṃ vā putraḥ patnī kalevaram / prāṇā rājyaṃ puraṃ lakṣmīryadabhipretamātmanaḥ // 7.24 //

'— चाहे रजत हो या स्वर्ण, पुत्र हो, पत्नी हो, या मेरा शरीर, प्राण, राज्य, नगर अथवा राजलक्ष्मी — जो भी आपको अभीष्ट हो।'

श्लोक 25 (markandeya.7.25)

विश्वामित्र उवाच । राजन् प्रतिगृहीतोऽयं यस्ते दत्तः प्रतिग्रहः । प्रयच्छ प्रथमं तावद् दक्षिणां राजसूयिकीम् ॥ 7.25 ॥

viśvāmitra uvāca / rājan pratigṛhīto 'yaṃ yaste dattaḥ pratigrahaḥ / prayaccha prathamaṃ tāvad dakṣiṇāṃ rājasūyikīm // 7.25 //

विश्वामित्र ने कहा — 'हे राजन्, तूने जो यह दान दिया, वह स्वीकार किया गया। पहले तो राजसूय की दक्षिणा ही मुझे दे दे।'

श्लोक 26 (markandeya.7.26)

राजोवाच । ब्रह्मंस्तामपि दास्यामि दक्षिणां भवतो ह्यहम् । व्रियतां द्विजशार्दूल यस्तवेष्टः प्रतिग्रहः ॥ 7.26 ॥

rājovāca / brahmaṃstāmapi dāsyāmi dakṣiṇāṃ bhavato hyaham / vriyatāṃ dvijaśārdūla yastaveṣṭaḥ pratigrahaḥ // 7.26 //

राजा ने कहा — 'हे ब्रह्मन्, वह दक्षिणा भी मैं आपको दूँगा। हे द्विजश्रेष्ठ, जो भी दान आपको प्रिय हो, वह माँग लीजिए।'

श्लोक 27 (markandeya.7.27)

विश्वामित्र उवाच । ससागरां धरामेतां सभूभृद्ग्रामपत्तनाम् । राज्यं च सकलं वीर रथाश्व-गजसङ्कुलम् ॥ 7.27 ॥

viśvāmitra uvāca / sasāgarāṃ dharāmetāṃ sabhūbhṛdgrāmapattanām / rājyaṃ ca sakalaṃ vīra rathāśva-gajasaṅkulam // 7.27 //

विश्वामित्र ने कहा — 'सागर सहित यह पृथ्वी, पर्वतों, ग्रामों और नगरों सहित, तथा रथ-अश्व-गजों से भरा सम्पूर्ण राज्य, हे वीर —'

श्लोक 28 (markandeya.7.28)

कोष्ठागारं च कोषं च यच्चान्यद्विद्यते तव । विना भार्यां च पुत्रं च शरीरं च तवानघ ॥ 7.28 ॥

koṣṭhāgāraṃ ca koṣaṃ ca yaccānyadvidyate tava / vinā bhāryāṃ ca putraṃ ca śarīraṃ ca tavānagha // 7.28 //

'— तेरा कोष्ठागार और कोष, तथा जो कुछ और तेरे पास है — केवल तेरी पत्नी, पुत्र और शरीर को छोड़कर, हे निष्पाप —'

श्लोक 29 (markandeya.7.29)

धर्मं च सर्वधर्मज्ञ यो यान्तमनुगच्छति । बहुना वा किमुक्तेन सर्वमेतत् प्रदीयताम् ॥ 7.29 ॥

dharmaṃ ca sarvadharmajña yo yāntamanugacchati / bahunā vā kimuktena sarvametat pradīyatām // 7.29 //

'— तथा हे सर्वधर्मज्ञ, वह धर्म भी जो जाते हुए मनुष्य का अनुसरण करता है। अधिक कहने से क्या लाभ — यह सब मुझे दे दिया जाए।'

श्लोक 30 (markandeya.7.30)

पक्षिण ऊचुः । प्रहृष्टेनैव मनसा सोऽविकारमुखो नृपः । तस्यर्षेर्वचनं श्रुत्वा तथेत्याह कृताञ्जलिः ॥ 7.30 ॥

pakṣiṇa ūcuḥ / prahṛṣṭenaiva manasā so 'vikāramukho nṛpaḥ / tasyarṣervacanaṃ śrutvā tathetyāha kṛtāñjaliḥ // 7.30 //

पक्षियों ने कहा — प्रसन्न मन से, किन्तु मुख पर कोई विकार लाए बिना, राजा ने उस ऋषि का वचन सुनकर हाथ जोड़कर 'तथास्तु' कहा।

श्लोक 31 (markandeya.7.31)

विश्वामित्र उवाच । सर्वस्वं यदि मे दत्तं राज्यमुर्वो बलं धनम् । प्रभुत्वं कस्य राजर्षे राज्यस्थे तापसे मयि ॥ 7.31 ॥

viśvāmitra uvāca / sarvasvaṃ yadi me dattaṃ rājyamurvo balaṃ dhanam / prabhutvaṃ kasya rājarṣe rājyasthe tāpase mayi // 7.31 //

विश्वामित्र ने कहा — 'हे राजर्षे, यदि राज्य, पृथ्वी, बल और धन — सब कुछ मुझे दे दिया गया, तो अब जब मैं तपस्वी ही राज्य में स्थित हूँ, तो प्रभुत्व किसका है?'

श्लोक 32 (markandeya.7.32)

हरिश्चन्द्र उवाच । यस्मिन्नपि मया काले ब्राह्मन् दत्ता वसुन्धरा । तस्मिन्नपि भवान् स्वामी किमुताद्य महीपतिः ॥ 7.32 ॥

hariścandra uvāca / yasminnapi mayā kāle brāhman dattā vasundharā / tasminnapi bhavān svāmī kimutādya mahīpatiḥ // 7.32 //

हरिश्चन्द्र ने कहा — 'हे ब्राह्मण, जिस क्षण से मैंने यह पृथ्वी आपको दी, उसी क्षण से आप उसके स्वामी हैं — फिर आज तो और भी अधिक, हे महीपति!'

श्लोक 33 (markandeya.7.33)

विश्वामित्र उवाच । यदि राजंस्त्वया दत्ता मम सर्वा वसुन्धरा । यत्र मे विषये स्वाम्यं तस्मान्निष्क्रान्तुमर्हसि ॥ 7.33 ॥

viśvāmitra uvāca / yadi rājaṃstvayā dattā mama sarvā vasundharā / yatra me viṣaye svāmyaṃ tasmānniṣkrāntumarhasi // 7.33 //

विश्वामित्र ने कहा — 'हे राजन्, यदि तूने यह सारी पृथ्वी मुझे दे दी है, तो जिस प्रदेश में मेरा स्वामित्व है, उससे तुझे बाहर निकल जाना चाहिए।'

श्लोक 34 (markandeya.7.34)

श्रोणीसूत्रादिसकलं मुक्त्वा भूषणसंग्रहम् । तरुवल्कलमाबध्य सह पत्न्या सुतेन च ॥ 7.34 ॥

śroṇīsūtrādisakalaṃ muktvā bhūṣaṇasaṃgraham / taruvalkalamābadhya saha patnyā sutena ca // 7.34 //

'कटिसूत्र आदि समस्त आभूषणों का त्याग करके तथा वृक्ष-वल्कल धारण करके, अपनी पत्नी और पुत्र सहित —'

श्लोक 35 (markandeya.7.35)

पक्षिण ऊचुः । तथेति चोक्त्वा कृत्वा च राजा गन्तुं प्रचक्रमे । स्वपत्न्या शैव्यया सार्धं बालकेनात्मजेन च ॥ 7.35 ॥

pakṣiṇa ūcuḥ / tatheti coktvā kṛtvā ca rājā gantuṃ pracakrame / svapatnyā śaivyayā sārdhaṃ bālakenātmajena ca // 7.35 //

पक्षियों ने कहा — 'तथास्तु' कहकर तथा वैसा करके राजा जाने के लिए उद्यत हुए, अपनी पत्नी शैव्या तथा छोटे पुत्र के साथ।

श्लोक 36 (markandeya.7.36)

व्रजतः स ततो रुद्ध्वा पन्थानं प्राह तं नृपम् । क्व यास्यसीत्यदत्त्वा मे दक्षिणां राजसूयिकीम् ॥ 7.36 ॥

vrajataḥ sa tato ruddhvā panthānaṃ prāha taṃ nṛpam / kva yāsyasītyadattvā me dakṣiṇāṃ rājasūyikīm // 7.36 //

जाते हुए उस राजा का मार्ग रोककर विश्वामित्र ने कहा — 'कहाँ जा रहा है? मुझे राजसूय की दक्षिणा दिए बिना?'

श्लोक 37 (markandeya.7.37)

हरिश्चन्द्र उवाच । भगवन् राज्यमेतत् ते दत्तं निहतकण्टकम् । अवशिष्टमिदं ब्रह्मन्नद्य देहत्रयं मम ॥ 7.37 ॥

hariścandra uvāca / bhagavan rājyametat te dattaṃ nihatakaṇṭakam / avaśiṣṭamidaṃ brahmannadya dehatrayaṃ mama // 7.37 //

हरिश्चन्द्र ने कहा — 'भगवन्, यह काँटे-रहित किया गया राज्य आपको दे दिया गया है। हे ब्रह्मन्, अब तो केवल यह तीन शरीर ही मेरे पास शेष हैं।'

श्लोक 38 (markandeya.7.38)

विश्वामित्र उवाच । तथापि खलु दातव्या त्वया मे यज्ञदक्षिणा । विशेषतो ब्राह्मणानं हन्त्यदत्तं प्रतिश्रुतम् ॥ 7.38 ॥

viśvāmitra uvāca / tathāpi khalu dātavyā tvayā me yajñadakṣiṇā / viśeṣato brāhmaṇānaṃ hantyadattaṃ pratiśrutam // 7.38 //

विश्वामित्र ने कहा — 'फिर भी तुझे मुझे यज्ञ-दक्षिणा अवश्य देनी होगी। प्रतिज्ञा करके न देना, विशेषकर ब्राह्मणों के प्रति, मनुष्य का नाश कर देता है।'

श्लोक 39 (markandeya.7.39)

यावत् तोषो राजसूये ब्राह्मणानां तभवेन्नृप । तावदेव तु दातव्या दक्षिणा राजसूयिकी ॥ 7.39 ॥

yāvat toṣo rājasūye brāhmaṇānāṃ tabhavennṛpa / tāvadeva tu dātavyā dakṣiṇā rājasūyikī // 7.39 //

'हे राजन्, जितने से राजसूय में ब्राह्मणों को सन्तोष होता है, उतनी ही राजसूय-दक्षिणा तुझे अवश्य देनी होगी।'

श्लोक 40 (markandeya.7.40)

प्रतिश्रुत्य च दातव्यं योद्धव्यं चाततायिभिः । रक्षितव्यास्तथा चार्तास्त्वयैव प्राक् प्रतिश्रुतम् ॥ 7.40 ॥

pratiśrutya ca dātavyaṃ yoddhavyaṃ cātatāyibhiḥ / rakṣitavyāstathā cārtāstvayaiva prāk pratiśrutam // 7.40 //

'प्रतिज्ञा करके देना चाहिए, आक्रमणकारियों से युद्ध करना चाहिए, तथा पीड़ितों की रक्षा करनी चाहिए — यह तूने स्वयं पहले कहा था।'

श्लोक 41 (markandeya.7.41)

हरिश्चन्द्र उवाच । भगवन् साम्प्रतं नास्ति दास्ये कालक्रमेण ते । प्रसादं कुरु विप्रर्षे सद्भावमनुचिन्त्य च ॥ 7.41 ॥

hariścandra uvāca / bhagavan sāmprataṃ nāsti dāsye kālakrameṇa te / prasādaṃ kuru viprarṣe sadbhāvamanucintya ca // 7.41 //

हरिश्चन्द्र ने कहा — 'भगवन्, इस समय मेरे पास कुछ नहीं है, मैं आपको समय आने पर दूँगा। हे विप्रर्षे, मेरी सद्भावना का ध्यान रखते हुए कृपा कीजिए।'

श्लोक 42 (markandeya.7.42)

विश्वामित्र उवाच । किम्प्रमाणो मया कालः प्रतीक्ष्यस्ते जनाधिप । शीघ्रमाचक्ष्व शापाग्निरन्यथा त्वां प्रधक्ष्यति ॥ 7.42 ॥

viśvāmitra uvāca / kimpramāṇo mayā kālaḥ pratīkṣyaste janādhipa / śīghramācakṣva śāpāgniranyathā tvāṃ pradhakṣyati // 7.42 //

विश्वामित्र ने कहा — 'हे जनाधिप, मैं कितने समय तक तेरी प्रतीक्षा करूँ? शीघ्र बता, अन्यथा मेरे शाप की अग्नि तुझे भस्म कर देगी।'

श्लोक 43 (markandeya.7.43)

हरिचन्द्र उवाच । मासेन तव विप्रर्षे प्रदास्ये दक्षिणाधनम् । साम्प्रतं नास्ति मे वित्तमनुज्ञां दातुमर्हसि ॥ 7.43 ॥

haricandra uvāca / māsena tava viprarṣe pradāsye dakṣiṇādhanam / sāmprataṃ nāsti me vittamanujñāṃ dātumarhasi // 7.43 //

हरिश्चन्द्र ने कहा — 'हे विप्रर्षे, एक मास में मैं आपको दक्षिणा का धन दे दूँगा। इस समय मेरे पास धन नहीं है, कृपया मुझे अनुमति दीजिए।'

श्लोक 44 (markandeya.7.44)

विश्वामित्र उवाच । गच्छ गच्छ नृपश्रेष्ठ स्वधर्ममनुपालय । शिवश्च तेऽध्वा भवतु मा सन्तु परिपन्थिनः ॥ 7.44 ॥

viśvāmitra uvāca / gaccha gaccha nṛpaśreṣṭha svadharmamanupālaya / śivaśca te 'dhvā bhavatu mā santu paripanthinaḥ // 7.44 //

विश्वामित्र ने कहा — 'जा, जा, हे नृपश्रेष्ठ, अपने धर्म का पालन कर। तेरा मार्ग मंगलमय हो, तेरे मार्ग में कोई विघ्न न आए।'

श्लोक 45 (markandeya.7.45)

पक्षिण ऊचुः । अनुज्ञातश्च गच्छेति जगाम वसुधाधिपः । पद्भ्यामनुचिता गन्तुमन्वगच्छत तं प्रिया ॥ 7.45 ॥

pakṣiṇa ūcuḥ / anujñātaśca gaccheti jagāma vasudhādhipaḥ / padbhyāmanucitā gantumanvagacchata taṃ priyā // 7.45 //

पक्षियों ने कहा — अनुमति पाकर 'जाओ' यह सुनते ही राजा चल पड़े। पैदल चलने की अभ्यस्त न रहते हुए भी उनकी प्रियतमा उनके पीछे-पीछे चलीं।

श्लोक 46 (markandeya.7.46)

तं सभार्यं नृपश्रेष्ठं निर्यान्तं ससुतं पुरात् । दृष्ट्वा प्रचुक्रुशुः पौरा राज्ञश्चैवानुयायिनः ॥ 7.46 ॥

taṃ sabhāryaṃ nṛpaśreṣṭhaṃ niryāntaṃ sasutaṃ purāt / dṛṣṭvā pracukruśuḥ paurā rājñaścaivānuyāyinaḥ // 7.46 //

पत्नी और पुत्र सहित नगर से निकलते हुए उस श्रेष्ठ राजा को देखकर नगरवासी तथा राजा के अनुयायी विलाप करने लगे —

श्लोक 47 (markandeya.7.47)

हानाथ किं जहास्यस्मान् नित्यार्तिपरिपीडितान् । त्वं धर्मतत्परो राजन् पौरानुग्रहकृत् तथा ॥ 7.47 ॥

hānātha kiṃ jahāsyasmān nityārtiparipīḍitān / tvaṃ dharmatatparo rājan paurānugrahakṛt tathā // 7.47 //

'हे रक्षक, आप हमें, जो सदा दुःख से पीड़ित हैं, क्यों छोड़ रहे हैं? हे राजन्, आप तो धर्मपरायण और प्रजा पर अनुग्रह करने वाले हैं।'

श्लोक 48 (markandeya.7.48)

नयास्मानपि राजर्षे यदि धर्ममवेक्षसे । मुहूर्तं तिष्ठ राजेन्द्र भवतो मुखपङ्कजम् ॥ 7.48 ॥

nayāsmānapi rājarṣe yadi dharmamavekṣase / muhūrtaṃ tiṣṭha rājendra bhavato mukhapaṅkajam // 7.48 //

'हे राजर्षे, यदि आप धर्म का ध्यान रखते हैं तो हमें भी साथ ले चलिए। हे राजेन्द्र, क्षणभर रुक जाइए, ताकि हम आपके मुखकमल को —'

श्लोक 49 (markandeya.7.49)

पिबामो नेत्रभ्रमरैः कदा द्रक्ष्यामहे पुनः । यस्य प्रयातस्य पुरो यान्ति पृष्ठे च पार्थिवाः ॥ 7.49 ॥

pibāmo netrabhramaraiḥ kadā drakṣyāmahe punaḥ / yasya prayātasya puro yānti pṛṣṭhe ca pārthivāḥ // 7.49 //

'— नेत्ररूपी भ्रमरों से पी सकें। हम आपको फिर कब देखेंगे — जिनके प्रस्थान करते समय राजा लोग आगे-पीछे चलते थे,'

श्लोक 50 (markandeya.7.50)

तस्यानुयाति भार्येयं गृहीत्वा बालकं सुतम् । यस्य भृत्याः प्रयातस्य यान्तयग्रे कुञ्जचरस्थिताः ॥ 7.50 ॥

tasyānuyāti bhāryeyaṃ gṛhītvā bālakaṃ sutam / yasya bhṛtyāḥ prayātasya yāntayagre kuñjacarasthitāḥ // 7.50 //

'उन्हीं के पीछे अब यह पत्नी अपने बालक पुत्र को लिए चल रही है। जिनके प्रस्थान करते समय सेवक आगे-आगे कुंजों में तैनात रहते थे,'

श्लोक 51 (markandeya.7.51)

स एष पद्भ्यां राजेन्द्रो हरिश्चन्द्रोऽद्य गच्छति । हा राजन् सुकुमारं ते सुभ्रु सुत्वचमुन्नसम् ॥ 7.51 ॥

sa eṣa padbhyāṃ rājendro hariścandro 'dya gacchati / hā rājan sukumāraṃ te subhru sutvacamunnasam // 7.51 //

'वे ही राजेन्द्र हरिश्चन्द्र आज पैदल चल रहे हैं! हाय राजन्, आपके सुकुमार, सुभ्रू, कोमल-त्वचा तथा उन्नत नासिका वाले पुत्र का —'

श्लोक 52 (markandeya.7.52)

पथि पांशुपरिक्लिष्टं मुखं कीदृग्भविष्यति । तिष्ठ तिष्ठ नृपश्रेष्ठ स्वधर्ममनुपालय ॥ 7.52 ॥

pathi pāṃśuparikliṣṭaṃ mukhaṃ kīdṛgbhaviṣyati / tiṣṭha tiṣṭha nṛpaśreṣṭha svadharmamanupālaya // 7.52 //

'— मार्ग की धूल से मलिन हुआ मुख कैसा दिखेगा? रुकिए, रुकिए, हे नृपश्रेष्ठ — किन्तु फिर भी अपने ही धर्म का पालन कीजिए —'

श्लोक 53 (markandeya.7.53)

आनृशंस्यं परो धर्मः क्षत्रियाणां विशेषतः । किं दारैः किं सुतैर्नाथ धनैर्धान्यैरथापि वा ॥ 7.53 ॥

ānṛśaṃsyaṃ paro dharmaḥ kṣatriyāṇāṃ viśeṣataḥ / kiṃ dāraiḥ kiṃ sutairnātha dhanairdhānyairathāpi vā // 7.53 //

'— विशेषकर क्षत्रियों के लिए तो निष्ठुरता का अभाव ही परम धर्म है। हे स्वामी, पत्नी, पुत्र, धन अथवा अन्न से क्या लाभ,'

श्लोक 54 (markandeya.7.54)

सर्वमेतत् परित्यज्य छायाभूता वयं तव । हानाथ हा महाराज हा स्वामिन् किं जहासि नः ॥ 7.54 ॥

sarvametat parityajya chāyābhūtā vayaṃ tava / hānātha hā mahārāja hā svāmin kiṃ jahāsi naḥ // 7.54 //

'जब हम, यह सब त्यागकर, आपकी छाया-मात्र बनकर रह गये हैं? हाय रक्षक, हाय महाराज, हाय स्वामिन्, आप हमें क्यों त्याग रहे हैं?'

श्लोक 55 (markandeya.7.55)

यत्र त्वं तत्र हि वयं तत् सुखं यत्र वै भवान् । नगरं तद्भवान् यत्र स स्वर्गो यत्र नो नृपः ॥ 7.55 ॥

yatra tvaṃ tatra hi vayaṃ tat sukhaṃ yatra vai bhavān / nagaraṃ tadbhavān yatra sa svargo yatra no nṛpaḥ // 7.55 //

'जहाँ आप हैं वहीं हम हैं, जहाँ आप हैं वहीं सुख है। जहाँ आप हैं वही नगर है, जहाँ हमारा राजा है वही स्वर्ग है।'

श्लोक 56 (markandeya.7.56)

इति पौरवचः श्रुत्वा राजा शोकपरिप्लुतः । अतिष्ठत् स तदा मार्गे तेषामेवानुकम्पया ॥ 7.56 ॥

iti pauravacaḥ śrutvā rājā śokapariplutaḥ / atiṣṭhat sa tadā mārge teṣāmevānukampayā // 7.56 //

नगरवासियों के ये वचन सुनकर शोक में डूबे राजा उन पर करुणावश उस मार्ग में ही रुक गये।

श्लोक 57 (markandeya.7.57)

विश्वामित्रोऽपि तं दृष्ट्वा पौरवाक्याकुलीकृतम् । रोषमर्षविवृत्ताक्षः समागम्य वचोऽब्रवीत् ॥ 7.57 ॥

viśvāmitro 'pi taṃ dṛṣṭvā pauravākyākulīkṛtam / roṣamarṣavivṛttākṣaḥ samāgamya vaco 'bravīt // 7.57 //

नगरवासियों के वचनों से व्याकुल हुए उस राजा को देखकर विश्वामित्र भी क्रोध और असहनशीलता से आँखें फेरते हुए पास आकर बोले —

श्लोक 58 (markandeya.7.58)

धिक् त्वां दुष्टसमाचारमनृतं जिह्मभाषणम् । मम राज्यं च दत्वा यः पुनः प्राक्रष्टुमिच्छसि ॥ 7.58 ॥

dhik tvāṃ duṣṭasamācāramanṛtaṃ jihmabhāṣaṇam / mama rājyaṃ ca datvā yaḥ punaḥ prākraṣṭumicchasi // 7.58 //

'धिक्कार है तुझ दुष्ट-आचरण वाले, असत्य और कुटिल वचन बोलने वाले पर, जो मुझे अपना राज्य देकर भी उसे फिर से खींच लेना चाहता है!'

श्लोक 59 (markandeya.7.59)

इत्युक्तः परुषं तेन गच्छामीति सवेपथुः । ब्रुवन्नेवं ययौ शीघ्रमाकर्षन् दयितां करे ॥ 7.59 ॥

ityuktaḥ paruṣaṃ tena gacchāmīti savepathuḥ / bruvannevaṃ yayau śīghramākarṣan dayitāṃ kare // 7.59 //

उसके इस कठोर वचन को सुनकर, काँपते हुए, केवल 'मैं जा रहा हूँ' यह कहते हुए, वे अपनी प्रियतमा को हाथ से खींचते हुए शीघ्रता से चल पड़े।

श्लोक 60 (markandeya.7.60)

कर्षतस्तां ततो भार्यां सुकुमारीं श्रमातुराम् । सहसा दण्डकाष्ठेन ताडयामास कौशिकः ॥ 7.60 ॥

karṣatastāṃ tato bhāryāṃ sukumārīṃ śramāturām / sahasā daṇḍakāṣṭhena tāḍayāmāsa kauśikaḥ // 7.60 //

जब वे थकान से पीड़ित अपनी सुकुमारी पत्नी को खींच रहे थे, तभी कौशिक ने सहसा उसे दण्ड की लकड़ी से मार दिया।

श्लोक 61 (markandeya.7.61)

तां तथा ताडितां दृष्ट्वा हरिश्चन्द्रो महीपतिः । गच्छामीत्याह दुः खार्तो नान्यत् किञ्चिदुदाहरत् ॥ 7.61 ॥

tāṃ tathā tāḍitāṃ dṛṣṭvā hariścandro mahīpatiḥ / gacchāmītyāha duḥ khārto nānyat kiñcidudāharat // 7.61 //

उसे इस प्रकार मारा जाता देखकर राजा हरिश्चन्द्र ने दुःख से पीड़ित होकर केवल 'मैं जा रहा हूँ' कहा, और कुछ न कहा।

श्लोक 62 (markandeya.7.62)

अथ विश्वे तदा देवाः पञ्च प्राहुः कृपालवः । विश्वामित्रः सुपापोऽयं लोकान् कान् समवाप्स्यति ॥ 7.62 ॥

atha viśve tadā devāḥ pañca prāhuḥ kṛpālavaḥ / viśvāmitraḥ supāpo 'yaṃ lokān kān samavāpsyati // 7.62 //

तब उस समय करुणालु विश्वेदेवों ने कहा — 'यह विश्वामित्र महापापी है, यह कौन-से लोकों को प्राप्त करेगा,'

श्लोक 63 (markandeya.7.63)

येनायां यज्वनां श्रेष्ठः स्वराज्यादवरोपितः । कस्य वा श्रद्धया पूतं सुतं सोमं महाध्वरे । पीत्वा वयं प्रयास्यामो मुदं मन्त्रपुरः सरम् ॥ 7.63 ॥

yenāyāṃ yajvanāṃ śreṣṭhaḥ svarājyādavaropitaḥ / kasya vā śraddhayā pūtaṃ sutaṃ somaṃ mahādhvare / pītvā vayaṃ prayāsyāmo mudaṃ mantrapuraḥ saram // 7.63 //

'जिसके द्वारा यज्ञकर्ताओं में श्रेष्ठ यह राजा अपने ही राज्य से उतार दिया गया है। अब किसकी श्रद्धा से पवित्र किया गया सोमरस पीकर हम महायज्ञ में मंत्रपूर्वक आनन्द को प्राप्त होंगे?'

श्लोक 64 (markandeya.7.64)

पक्षिण ऊचुः । इति तेषां वचः श्रुत्वा कौशिकोऽतिरुषान्वितः । शशाप तान् मनुष्यत्वं सर्वे यूयमवाप्स्यथ ॥ 7.64 ॥

pakṣiṇa ūcuḥ / iti teṣāṃ vacaḥ śrutvā kauśiko 'tiruṣānvitaḥ / śaśāpa tān manuṣyatvaṃ sarve yūyamavāpsyatha // 7.64 //

पक्षियों ने कहा — उनके ये वचन सुनकर अत्यन्त क्रोधित हुए कौशिक ने उन्हें शाप दिया — 'तुम सब मनुष्यत्व को प्राप्त होगे!'

श्लोक 65 (markandeya.7.65)

प्रसादितश्च तैः प्राह पुनरेव महामुनिः. मानुषत्वेऽपि भवतां भवित्री नैव सन्ततिः ॥ 7.65 ॥

prasāditaśca taiḥ prāha punareva mahāmuniḥ. mānuṣatve 'pi bhavatāṃ bhavitrī naiva santatiḥ // 7.65 //

उनके द्वारा प्रसन्न किए जाने पर उस महामुनि ने फिर कहा — 'मनुष्य होने पर भी तुम्हारी सामान्य सन्तान कभी नहीं होगी।'

श्लोक 66 (markandeya.7.66)

न दारसंग्रहश्चैव भविता न च मत्सरः । कामक्रोधविनिर्मुक्ता भविष्यथ सुराः पुनः ॥ 7.66 ॥

na dārasaṃgrahaścaiva bhavitā na ca matsaraḥ / kāmakrodhavinirmuktā bhaviṣyatha surāḥ punaḥ // 7.66 //

'तुम्हें अलग-अलग पत्नियों का संग्रह नहीं होगा, और न ही आपस में ईर्ष्या होगी; तथा काम-क्रोध से मुक्त होकर तुम पुनः देवता बन जाओगे।'

श्लोक 67 (markandeya.7.67)

ततोऽवतेरुरंशैः स्वैर्देवास्ते कुरुवेश्मनि । द्रौपदीगर्भसम्भूताः पञ्च वै पाण्डुनन्दनाः ॥ 7.67 ॥

tato 'vateruraṃśaiḥ svairdevāste kuruveśmani / draupadīgarbhasambhūtāḥ pañca vai pāṇḍunandanāḥ // 7.67 //

तब वे देवता अपने-अपने अंशों से कुरु-कुल के घर में अवतरित हुए, और द्रौपदी के गर्भ से पाण्डु के पाँचों पुत्रों के रूप में उत्पन्न हुए।

श्लोक 68 (markandeya.7.68)

एतस्मात् कारणात् पञ्च पाण्डवेया महारथाः । न दारसंग्रहं प्राप्ताः शापात् तस्य महामुनेः ॥ 7.68 ॥

etasmāt kāraṇāt pañca pāṇḍaveyā mahārathāḥ / na dārasaṃgrahaṃ prāptāḥ śāpāt tasya mahāmuneḥ // 7.68 //

इसी कारण से पाण्डु के वे पाँचों महारथी पुत्र, उस महामुनि के शाप के कारण, अलग-अलग पत्नियों का संग्रह नहीं कर सके।

श्लोक 69 (markandeya.7.69)

एतत्ते सर्वमाख्यातं पाण्डवेयकथाश्रयम् । प्रश्नं चतुष्टयं गीतं किमन्यच्छ्रोतुमिच्छसि ॥ 7.69 ॥

etatte sarvamākhyātaṃ pāṇḍaveyakathāśrayam / praśnaṃ catuṣṭayaṃ gītaṃ kimanyacchrotumicchasi // 7.69 //

यह तुम्हें पाण्डवों की कथा से सम्बन्धित सम्पूर्ण वृत्तान्त कह दिया गया, और चारों प्रश्नों का उत्तर भी दिया गया — अब और क्या सुनना चाहते हो?