मनु औत्तम का जन्म

श्लोक 1 (markandeya.72.1)

मार्कण्डेय उवाच ततः स्वनगरं प्राप्य तं ददर्श द्विजं नृपः । समेतं भार्यया चैव शीलवत्या मुदान्वितम् ॥ 72.1 ॥

mārkaṇḍeya uvāca tataḥ svanagaraṁ prāpya taṁ dadarśa dvijaṁ nṛpaḥ sametaṁ bhāryayā caiva śīlavatyā mudānvitam

मार्कण्डेय ने कहा — फिर अपने नगर पहुँचकर राजा ने उस ब्राह्मण को देखा, जो अपनी शीलवती पत्नी के साथ हर्षयुक्त था।

श्लोक 2 (markandeya.72.2)

ब्राह्मण उवाच राजवर्य ! कृतार्थोऽस्मि यतो धर्मो हि रक्षितः । धर्मज्ञनेह भवता भार्यामानयता मम ॥ 72.2 ॥

brāhmaṇa uvāca rājavarya ! kṛtārtho'smi yato dharmo hi rakṣitaḥ dharmajñaneha bhavatā bhāryāmānayatā mama

ब्राह्मण ने कहा — हे राजश्रेष्ठ! मैं कृतार्थ हुआ, क्योंकि धर्म की रक्षा हुई; धर्मज्ञ आपने मेरी पत्नी को यहाँ ले आकर मेरा भला किया है।

श्लोक 3 (markandeya.72.3)

राजोवाच कृतार्थस्त्वं द्विजश्रेष्ठ ! निजधर्मानुपालनात् । वयं सङ्कटिनो विप्र ! येषां पत्नी न वेश्मनि ॥ 72.3 ॥

rājovāca kṛtārthastvaṁ dvijaśreṣṭha ! nijadharmānupālanāt vayaṁ saṅkaṭino vipra ! yeṣāṁ patnī na veśmani

राजा ने कहा — हे द्विजश्रेष्ठ! तुम अपने धर्म का पालन करने से कृतार्थ हुए हो; हे विप्र, हम तो संकट में हैं, जिनकी पत्नी घर में नहीं है।

श्लोक 4 (markandeya.72.4)

ब्राह्मण उवाच नरेन्द्र ! सा हि विपिने भक्षिता श्वनापदैर्यदि । अलन्तया किमन्यस्या न पाणिर्गृह्यते त्वया । क्रोधस्य वशमागम्य धर्मो न रक्षितस्त्वया ॥ 72.4 ॥

brāhmaṇa uvāca narendra ! sā hi vipine bhakṣitā śvanāpadairyadi alantayā kimanyasyā na pāṇirgṛhyate tvayā krodhasya vaśamāgamya dharmo na rakṣitastvayā

ब्राह्मण ने कहा — हे नरेन्द्र! यदि वह वन में हिंसक पशुओं द्वारा भक्षित हो गई होती, तो क्या आप किसी अन्य स्त्री का पाणिग्रहण न करते? क्रोध के वशीभूत होकर आपने धर्म की रक्षा नहीं की।

श्लोक 5 (markandeya.72.5)

राजोवाच न भक्षिता मे दयिता श्वापदैः सा हि जीवति । अविदूषितचारित्रा कथमेतत्करोम्यहम् ॥ 72.5 ॥

rājovāca na bhakṣitā me dayitā śvāpadaiḥ sā hi jīvati avidūṣitacāritrā kathametatkaromyaham

राजा ने कहा — मेरी प्रिया हिंसक पशुओं द्वारा भक्षित नहीं हुई, वह जीवित है और उसका चरित्र निर्दोष है; तो फिर मैं यह [पुनर्विवाह] कैसे करूँ?

श्लोक 6 (markandeya.72.6)

ब्राह्मण उवाच यदि जीवति ते भार्या न चैव व्यभिचारिणी । तदपत्नीकताजन्म किं पापं क्रियते त्वया ॥ 72.6 ॥

brāhmaṇa uvāca yadi jīvati te bhāryā na caiva vyabhicāriṇī tadapatnīkatājanma kiṁ pāpaṁ kriyate tvayā

ब्राह्मण ने कहा — यदि आपकी पत्नी जीवित है और व्यभिचारिणी भी नहीं है, तो पत्नीरहित रहकर आप क्या पाप कर रहे हैं?

श्लोक 7 (markandeya.72.7)

राजोवाच आनीतापि हि सा विप्र ! प्रतिकूला सदैव मे । दुः खाय न सुखायालं तस्या मैत्री न वै मयि । तथा त्वं कुरु यत्नं मे यथा सा वशगामिनी ॥ 72.7 ॥

rājovāca ānītāpi hi sā vipra ! pratikūlā sadaiva me duḥ khāya na sukhāyālaṁ tasyā maitrī na vai mayi tathā tvaṁ kuru yatnaṁ me yathā sā vaśagāminī

राजा ने कहा — हे विप्र! उसे लाने पर भी वह सदा मेरे प्रति प्रतिकूल ही रहती है; इससे मुझे सुख नहीं, दुःख ही होता है, उसकी मुझसे मैत्री नहीं है — इसलिए ऐसा प्रयत्न करो कि वह मेरे वश में हो जाए।

श्लोक 8 (markandeya.72.8)

ब्राह्मण उवाच तव संप्रीतये तस्या वरेष्टिरुपकारिणी । क्रियते मित्रकामैर्या मित्रविन्दां करोमि ताम् ॥ 72.8 ॥

brāhmaṇa uvāca tava saṁprītaye tasyā vareṣṭirupakāriṇī kriyate mitrakāmairyā mitravindāṁ karomi tām

ब्राह्मण ने कहा — आपकी प्रसन्नता के लिए, मित्रता चाहने वालों द्वारा किया जाने वाला जो उपकारी वरेष्टि यज्ञ है, उसे मैं करता हूँ, जिससे मैं उसे 'मित्रविन्दा' बना दूँगा।

श्लोक 9 (markandeya.72.9)

अप्रीतयोः प्रीतिकरो सा हि संजननी परम् । भार्यापत्योर्मनुष्येन्द्र ! तान्तवेष्टिं करोम्यहम् ॥ 72.9 ॥

aprītayoḥ prītikaro sā hi saṁjananī param bhāryāpatyormanuṣyendra ! tāntaveṣṭiṁ karomyaham

हे मनुष्येन्द्र! यह रीति अप्रीति में पड़े हुए दोनों के बीच प्रीति उत्पन्न करने वाली परम जननी है; मैं पति-पत्नी के लिए वह विस्तृत इष्टि करूँगा।

श्लोक 10 (markandeya.72.10)

यत्र तिष्ठति सा सुभ्रूस्तव भार्या महीपते । तस्मादानोयतां सा ते परां प्रीतिमुपैष्यति ॥ 72.10 ॥

yatra tiṣṭhati sā subhrūstava bhāryā mahīpate tasmādānoyatāṁ sā te parāṁ prītimupaiṣyati

हे महीपते! आपकी सुभ्रू पत्नी जहाँ भी हो, वहाँ से उसे लाया जाए — इससे वह आपके प्रति परम प्रीति को प्राप्त होगी।

श्लोक 11 (markandeya.72.11)

मार्कण्डेय उवाच इत्युक्तः स तु सम्भारानशेषानवनीपतिः । आनिनाय चकारेष्टिं स च तां द्विजसत्तमः ॥ 72.11 ॥

mārkaṇḍeya uvāca ityuktaḥ sa tu sambhārānaśeṣānavanīpatiḥ ānināya cakāreṣṭiṁ sa ca tāṁ dvijasattamaḥ

मार्कण्डेय ने कहा — यह सुनकर उस पृथ्वीपति ने सारी सामग्री मँगवाई, और उस श्रेष्ठ द्विज ने वह इष्टि सम्पन्न की।

श्लोक 12 (markandeya.72.12)

सप्तकृत्वः स तु तदा चकारेष्टिं पुनः पुनः । तस्य राज्ञो द्विजश्रेष्ठो भार्यासम्पादनाय वै ॥ 72.12 ॥

saptakṛtvaḥ sa tu tadā cakāreṣṭiṁ punaḥ punaḥ tasya rājño dvijaśreṣṭho bhāryāsampādanāya vai

हे द्विजश्रेष्ठ! उस राजा की पत्नी को प्राप्त कराने के लिए उसने वह इष्टि पुनः-पुनः, सात बार सम्पन्न की।

श्लोक 13 (markandeya.72.13)

यदारोपितमैत्रीन्ताममन्यत महामुनिः । स्वभर्तरि तदा विप्रस्तमुवाच नराधिपम् ॥ 72.13 ॥

yadāropitamaitrīntāmamanyata mahāmuniḥ svabhartari tadā viprastamuvāca narādhipam

जब उस महामुनि ने समझा कि मैत्री का बन्धन स्थापित हो चुका है, तब उस विप्र ने राजा से, उसकी पत्नी के विषय में, यह कहा।

श्लोक 14 (markandeya.72.14)

आनीयतां नरश्रेष्ठ ! या तवेष्टात्मनोऽन्तिकम् । भुङ्क्ष्व भोगांस्तया सार्धं यज यज्ञांस्तथादृतः ॥ 72.14 ॥

ānīyatāṁ naraśreṣṭha ! yā taveṣṭātmano'ntikam bhuṅkṣva bhogāṁstayā sārdhaṁ yaja yajñāṁstathādṛtaḥ

'हे नरश्रेष्ठ! जो आपको प्रिय है, उसे अपने पास लाइए; उसके साथ भोगों का उपभोग कीजिए तथा श्रद्धापूर्वक यज्ञ भी सम्पन्न कीजिए।'

श्लोक 15 (markandeya.72.15)

मार्कण्डेय उवाच इत्युक्तस्तेन विप्रेण भूपालो विस्मितस्तदा । सस्मार तं महावीर्यं सत्यसन्धं निशाचरम् ॥ 72.15 ॥

mārkaṇḍeya uvāca ityuktastena vipreṇa bhūpālo vismitastadā sasmāra taṁ mahāvīryaṁ satyasandhaṁ niśācaram

मार्कण्डेय ने कहा — उस ब्राह्मण द्वारा यह कहे जाने पर राजा विस्मित हो गया, और उसे उस महापराक्रमी, सत्यप्रतिज्ञ निशाचर का स्मरण हो आया।

श्लोक 16 (markandeya.72.16)

स्मृतस्तेन तदा सद्यः समुपेत्य नराधिपम् । किं करोमीति सोऽप्याह प्रणिपत्य महामुने ॥ 72.16 ॥

smṛtastena tadā sadyaḥ samupetya narādhipam kiṁ karomīti so'pyāha praṇipatya mahāmune

उसके स्मरण करते ही वह तुरन्त राजा के समीप आया और प्रणाम करके बोला — 'मैं क्या करूँ?'

श्लोक 17 (markandeya.72.17)

ततस्तेन नरेन्द्रेण विस्तरेण निवेदिते । गत्वा पातालमादाय राजपत्नीमुपाययौ ॥ 72.17 ॥

tatastena narendreṇa vistareṇa nivedite gatvā pātālamādāya rājapatnīmupāyayau

तब उस राजा द्वारा सब कुछ विस्तार से बताए जाने पर, वह पाताल जाकर राजपत्नी को लेकर लौट आया।

श्लोक 18 (markandeya.72.18)

आनीता चातिहार्देन सा ददर्श तदा पतिम् । उवाच च प्रसीदेति भूयोभूयो मुदान्विता ॥ 72.18 ॥

ānītā cātihārdena sā dadarśa tadā patim uvāca ca prasīdeti bhūyobhūyo mudānvitā

अत्यन्त हार्दिकता से लाई गई उस स्त्री ने अपने पति को देखा और बार-बार हर्षपूर्वक 'प्रसन्न होइए' कहा।

श्लोक 19 (markandeya.72.19)

ततः स राजा रभसा परिष्वज्याह मानिनीम् । प्रिये ! प्रसन्न एवाहं भूयोऽप्येवं ब्रवीषि किम् ॥ 72.19 ॥

tataḥ sa rājā rabhasā pariṣvajyāha māninīm priye ! prasanna evāhaṁ bhūyo'pyevaṁ bravīṣi kim

तब राजा ने आवेगपूर्वक उस स्वाभिमानिनी को आलिंगन करते हुए कहा — 'प्रिये! मैं तो प्रसन्न ही हूँ, फिर भी बार-बार यह क्यों कहती हो?'

श्लोक 20 (markandeya.72.20)

पत्न्युवाच यदि प्रिसादप्रवणं नरेन्द्र ! मयि ते मनः । तदेतदभियाचे त्वां तत् कुरुष्व ममार्हणम् ॥ 72.20 ॥

patnyuvāca yadi prisādapravaṇaṁ narendra ! mayi te manaḥ tadetadabhiyāce tvāṁ tat kuruṣva mamārhaṇam

पत्नी ने कहा — हे नरेन्द्र! यदि मेरे प्रति आपका मन प्रसाद देने को उन्मुख है, तो मैं आपसे यह याचना करती हूँ — मेरी यह प्रार्थना पूर्ण कीजिए।

श्लोक 21 (markandeya.72.21)

राजोवाच निः शङ्कं ब्रूहि मत्तो यद्भवात्या किञ्चिदीप्सितम् । तदलभ्यं न ते भीरु ! तवायत्तोऽस्मि नान्यथा ॥ 72.21 ॥

rājovāca niḥ śaṅkaṁ brūhi matto yadbhavātyā kiñcidīpsitam tadalabhyaṁ na te bhīru ! tavāyatto'smi nānyathā

राजा ने कहा — निःसंकोच कहो, तुम्हें मुझसे जो कुछ भी अभीष्ट हो; हे भीरु, तुम्हारे लिए कुछ भी अलभ्य नहीं है, मैं पूर्णतः तुम्हारे अधीन हूँ, अन्यथा नहीं।

श्लोक 22 (markandeya.72.22)

पत्न्युवाच मदर्थं तेन नागेन सुता शप्ता सखी मम । मूका भविष्यसीत्याह सा च मूकत्वमागता ॥ 72.22 ॥

patnyuvāca madarthaṁ tena nāgena sutā śaptā sakhī mama mūkā bhaviṣyasītyāha sā ca mūkatvamāgatā

पत्नी ने कहा — मेरे ही कारण उस नाग ने मेरी सखी, उसकी पुत्री को शाप दिया था — 'तू गूँगी हो जाएगी' — और वह गूँगी हो गई।

श्लोक 23 (markandeya.72.23)

तस्याः प्रतिक्रियां प्रीत्या मम शक्नोति चेद्भवान् । वाग्विघातप्रशान्त्यर्थं ततः किं न कृतं मम ॥ 72.23 ॥

tasyāḥ pratikriyāṁ prītyā mama śaknoti cedbhavān vāgvighātapraśāntyarthaṁ tataḥ kiṁ na kṛtaṁ mama

यदि आप प्रेमपूर्वक उसका प्रतिकार कर सकें, तो [कीजिए]; उसकी वाणी के अवरोध को शान्त करने के लिए मेरे कारण क्या नहीं किया जा सकता?

श्लोक 24 (markandeya.72.24)

मार्कण्डेय उवाच ततः स राजा तं विप्रमाहास्मिन् कीदृशी क्रिया । तन्मूकतापनोदाय स च तं प्राह पार्थिवम् ॥ 72.24 ॥

mārkaṇḍeya uvāca tataḥ sa rājā taṁ vipramāhāsmin kīdṛśī kriyā tanmūkatāpanodāya sa ca taṁ prāha pārthivam

मार्कण्डेय ने कहा — तब राजा ने उस ब्राह्मण से पूछा कि उसकी गूँगेपन को दूर करने के लिए कैसा अनुष्ठान करना होगा; और उसने राजा को यह बताया।

श्लोक 25 (markandeya.72.25)

ब्राह्मण उवाच भूप ! सारस्वतीमिष्टिं करोमि वचनात्तव । पत्नी तवेयमानृण्यं यातु तद्वाक्प्रवर्तनात् ॥ 72.25 ॥

brāhmaṇa uvāca bhūpa ! sārasvatīmiṣṭiṁ karomi vacanāttava patnī taveyamānṛṇyaṁ yātu tadvākpravartanāt

ब्राह्मण ने कहा — हे भूप! आपके कहने पर मैं सारस्वत इष्टि सम्पन्न करता हूँ; आपकी पत्नी उसकी वाणी के पुनः प्रवृत्त होने से ऋणमुक्त हो जाएगी।

श्लोक 26 (markandeya.72.26)

मार्कण्डेय उवाच इष्टिं सारस्वतीं चक्रे तदर्थं स द्विजोत्तमः । सारस्वतानि सूक्तानि जजाप च समाहितः ॥ 72.26 ॥

mārkaṇḍeya uvāca iṣṭiṁ sārasvatīṁ cakre tadarthaṁ sa dvijottamaḥ sārasvatāni sūktāni jajāpa ca samāhitaḥ

मार्कण्डेय ने कहा — उस उद्देश्य से उस श्रेष्ठ द्विज ने सारस्वत इष्टि की, और एकाग्रचित्त होकर सारस्वत सूक्तों का जप किया।

श्लोक 27 (markandeya.72.27)

ततः प्रवृत्तवाक्यान्तां गर्गः प्राह रसातले । उपकारः सखीभर्त्रा कृतोऽयमतिदुष्करः ॥ 72.27 ॥

tataḥ pravṛttavākyāntāṁ gargaḥ prāha rasātale upakāraḥ sakhībhartrā kṛto'yamatiduṣkaraḥ

तब गर्ग ने, रसातल में, वाणी प्राप्त कर चुकी उस कन्या से कहा — 'सखी के पति द्वारा किया गया यह उपकार अत्यन्त दुष्कर है।'

श्लोक 28 (markandeya.72.28)

इत्थं ज्ञानं समासाद्य नन्दा शीघ्रगतिः पुरम् । ततो राज्ञीं परिष्वज्य स्वसखीमुरगात्मजा ॥ 72.28 ॥

itthaṁ jñānaṁ samāsādya nandā śīghragatiḥ puram tato rājñīṁ pariṣvajya svasakhīmuragātmajā

इस प्रकार यह जानकर, शीघ्रगामिनी नन्दा नगर की ओर चली, और अपनी सखी रानी को नागकन्या ने आलिंगन किया।

श्लोक 29 (markandeya.72.29)

तञ्च संस्तूय भूपालं कल्याणोक्त्या पुनः पुनः । उवाच मधुरं नागी कृतासनपरिग्रहा ॥ 72.29 ॥

tañca saṁstūya bhūpālaṁ kalyāṇoktyā punaḥ punaḥ uvāca madhuraṁ nāgī kṛtāsanaparigrahā

फिर बार-बार शुभ वचनों से उस राजा की स्तुति करके, आसन ग्रहण किए हुए उस नागी ने मधुर वाणी में कहा।

श्लोक 30 (markandeya.72.30)

उपकारः कृतो वीर ! भवता यो ममाधुना । तेनास्म्याकृष्टहृदया यद्ब्रवीमि शृणुष्व तत् ॥ 72.30 ॥

upakāraḥ kṛto vīra ! bhavatā yo mamādhunā tenāsmyākṛṣṭahṛdayā yadbravīmi śṛṇuṣva tat

'हे वीर! आपने अभी मेरे लिए जो उपकार किया है, उससे मेरा हृदय आकृष्ट हो गया है; मैं जो कहती हूँ, उसे सुनिए।

श्लोक 31 (markandeya.72.31)

तव पुत्रो महावीर्यो भविष्यति नराधिप । तस्माप्रतिहतं चक्रमस्यां भुवि भविष्यति ॥ 72.31 ॥

tava putro mahāvīryo bhaviṣyati narādhipa tasmāpratihataṁ cakramasyāṁ bhuvi bhaviṣyati

हे नराधिप! आपका पुत्र महापराक्रमी होगा, और उसका चक्र [शासन] इस पृथ्वी पर अप्रतिहत रहेगा।

श्लोक 32 (markandeya.72.32)

सर्वार्थशास्त्रतत्त्वज्ञो धर्मानुष्ठानतत्परः । मन्वन्तरेश्वरो धीमान् ! भविष्यति स वै मनुः ॥ 72.32 ॥

sarvārthaśāstratattvajño dharmānuṣṭhānatatparaḥ manvantareśvaro dhīmān ! bhaviṣyati sa vai manuḥ

वह सर्वार्थ-शास्त्रों के तत्व का ज्ञाता, धर्म के अनुष्ठान में तत्पर, बुद्धिमान मन्वन्तर का स्वामी होगा — वह साक्षात् मनु ही बनेगा।'

श्लोक 33 (markandeya.72.33)

मार्कण्डेय उवाच इति दत्वा वरं तस्मै नागराजसुता ततः । सखीं तां संपरिष्वज्य पातालमगमन्मुने ॥ 72.33 ॥

mārkaṇḍeya uvāca iti datvā varaṁ tasmai nāgarājasutā tataḥ sakhīṁ tāṁ saṁpariṣvajya pātālamagamanmune

मार्कण्डेय ने कहा — उसे यह वरदान देकर, नागराज-पुत्री ने अपनी सखी का आलिंगन किया और पाताल को चली गई, हे मुने।

श्लोक 34 (markandeya.72.34)

तत्र तस्य तया सार्धं रमतः पृथिवीपतेः । जगाम कालः सुमहान् प्रजाः पालयतस्तथा ॥ 72.34 ॥

tatra tasya tayā sārdhaṁ ramataḥ pṛthivīpateḥ jagāma kālaḥ sumahān prajāḥ pālayatastathā

वहाँ उस पृथ्वीपति का, अपनी पत्नी के साथ रमण करते हुए, प्रजा का पालन करते हुए, बहुत बड़ा काल व्यतीत हो गया।

श्लोक 35 (markandeya.72.35)

ततः स तस्यान्तनयो जज्ञे राज्ञो महात्मनः । पौर्णमास्यां यथा कान्तश्चन्द्रः संपूर्णमण्डलः ॥ 72.35 ॥

tataḥ sa tasyāntanayo jajñe rājño mahātmanaḥ paurṇamāsyāṁ yathā kāntaścandraḥ saṁpūrṇamaṇḍalaḥ

फिर उस महात्मा राजा के एक पुत्र उत्पन्न हुआ, पूर्णिमा के परिपूर्ण मण्डल वाले सुन्दर चन्द्रमा के समान मनोहर।

श्लोक 36 (markandeya.72.36)

तस्मिन् जाते मुदं प्रापुः प्रजाः सर्वा महात्मनि । देवदुन्दुभयो नेदुः पुष्पवृष्टिः पपात च ॥ 72.36 ॥

tasmin jāte mudaṁ prāpuḥ prajāḥ sarvā mahātmani devadundubhayo neduḥ puṣpavṛṣṭiḥ papāta ca

उसके जन्म पर समस्त प्रजा को हर्ष प्राप्त हुआ, देवताओं की दुन्दुभियाँ बज उठीं, और पुष्पों की वर्षा हुई।

श्लोक 37 (markandeya.72.37)

तस्य दृष्ट्वा वपुः कान्तं भविष्यं शीलमेव च । औत्तमश्चेति मुनयो नाम चक्रुः समागताः ॥ 72.37 ॥

tasya dṛṣṭvā vapuḥ kāntaṁ bhaviṣyaṁ śīlameva ca auttamaśceti munayo nāma cakruḥ samāgatāḥ

उसके मनोहर शरीर और उसके भावी शील को देखकर, वहाँ एकत्र हुए मुनियों ने उसका नाम 'औत्तम' रखा।

श्लोक 38 (markandeya.72.38)

जातोऽयमुत्तमे वंशे तत्र काले तथोत्तमे । उत्तमावयवस्तेन औत्तमोऽयं भविष्यति ॥ 72.38 ॥

jāto'yamuttame vaṁśe tatra kāle tathottame uttamāvayavastena auttamo'yaṁ bhaviṣyati

'यह उत्तम वंश में, उत्तम काल में उत्पन्न हुआ है, और उत्तम अंगों वाला है — इसीलिए यह औत्तम कहलाएगा।'

श्लोक 39 (markandeya.72.39)

मार्कण्डेय उवाच उत्तमस्य सुतः सोऽथ नाम्ना ख्यातस्तथौत्तमः । मनुरासीत्तत्प्रभावो भागुरे श्रूयतां मम ॥ 72.39 ॥

mārkaṇḍeya uvāca uttamasya sutaḥ so'tha nāmnā khyātastathauttamaḥ manurāsīttatprabhāvo bhāgure śrūyatāṁ mama

मार्कण्डेय ने कहा — इस प्रकार उत्तम का पुत्र औत्तम नाम से विख्यात हुआ और मनु बना; हे भागुरे! उसका प्रभाव सुनिए, जो मैं कहता हूँ।

श्लोक 40 (markandeya.72.40)

उत्तमाख्यानमखिलं जन्म चैवोत्तमस्य च । नित्यं शृणोति विद्वेषं स कदाचिन्न गच्छति ॥ 72.40 ॥

uttamākhyānamakhilaṁ janma caivottamasya ca nityaṁ śṛṇoti vidveṣaṁ sa kadācinna gacchati

जो कोई भी औत्तम के जन्म सहित उसका सम्पूर्ण आख्यान सदा सुनता है, वह कभी विद्वेष को प्राप्त नहीं होता।

श्लोक 41 (markandeya.72.41)

इष्टैर्दारैस्तथा पुत्रैर्बन्धुभिर्वा कदाचन । वियोगो नास्य भविता शृण्वतः पठतोऽपि वा ॥ 72.41 ॥

iṣṭairdāraistathā putrairbandhubhirvā kadācana viyogo nāsya bhavitā śṛṇvataḥ paṭhato'pi vā

जो इसे सुनता या पढ़ता है, उसे कभी भी प्रिय पत्नी, पुत्रों अथवा बन्धुओं से वियोग नहीं होता।

श्लोक 42 (markandeya.72.42)

तस्य मन्वन्तरं ब्रह्मन् ! वदतो मे निशामय । श्रूयतां तत्र यश्चेन्द्रो ये च देवास्तथर्षयः ॥ 72.42 ॥

tasya manvantaraṁ brahman ! vadato me niśāmaya śrūyatāṁ tatra yaścendro ye ca devāstatharṣayaḥ

हे ब्रह्मन्! अब मुझसे कहे जाने वाले उसके मन्वन्तर को सुनो — कि वहाँ इन्द्र कौन था, और देवता तथा ऋषि कौन थे।