मनु तामस का जन्म

श्लोक 1 (markandeya.74.1)

मार्कण्डेय उवाच राजाभूद् विख्यातः स्वराष्ट्रो नाम वीर्यवान् । अनेकयज्ञकृत् प्राज्ञः संग्रामेष्वपराजितः ॥ 74.1 ॥

mārkaṇḍeya uvāca rājābhūd vikhyātaḥ svarāṣṭro nāma vīryavān anekayajñakṛt prājñaḥ saṁgrāmeṣvaparājitaḥ

मार्कण्डेय ने कहा — स्वराष्ट्र नामक एक विख्यात राजा हुआ, जो पराक्रमी, अनेक यज्ञ करने वाला, प्राज्ञ और युद्धों में अपराजित था।

श्लोक 2 (markandeya.74.2)

तस्यायुः सुमहत्प्रादात् मन्त्रिणाराधितो रविः । पत्नीनाञ्च शतन्तस्य धन्यानामभवद् द्विज ॥ 74.2 ॥

tasyāyuḥ sumahatprādāt mantriṇārādhito raviḥ patnīnāñca śatantasya dhanyānāmabhavad dvija

उसके मन्त्री द्वारा आराधित सूर्यदेव ने उसे बहुत बड़ी आयु प्रदान की; और हे द्विज, उसकी सौ भाग्यशालिनी पत्नियाँ थीं।

श्लोक 3 (markandeya.74.3)

तस्य दीर्घायुषः पत्न्यो नातिदीर्घायुषो मुने । कालेन जग्मुर्निधनं भृत्यमन्त्रिजनास्तथा ॥ 74.3 ॥

tasya dīrghāyuṣaḥ patnyo nātidīrghāyuṣo mune kālena jagmurnidhanaṁ bhṛtyamantrijanāstathā

हे मुने! उसकी दीर्घायु पत्नियाँ उतनी दीर्घायु नहीं थीं; कालक्रम से वे, तथा उसके सेवक और मन्त्रीजन भी, मृत्यु को प्राप्त हो गए।

श्लोक 4 (markandeya.74.4)

स भार्याभिस्तथायुक्तो भृत्यैश्च सहजन्मभिः । उद्विग्नचेताः संप्राप वीर्यहानिमहर्निशम् ॥ 74.4 ॥

sa bhāryābhistathāyukto bhṛtyaiśca sahajanmabhiḥ udvignacetāḥ saṁprāpa vīryahānimaharniśam

इस प्रकार पत्नियों और सहजन्मा सेवकों से रहित होकर, वह उद्विग्नचित्त राजा दिन-रात अपने बल का ह्रास अनुभव करने लगा।

श्लोक 5 (markandeya.74.5)

तं वीर्यहीनं निभृतैर्भृत्यैस्त्यक्तं सुदुः खितम् । अनन्तरो विमर्दाख्यो राज्याच्च्यावितवांस्तदा ॥ 74.5 ॥

taṁ vīryahīnaṁ nibhṛtairbhṛtyaistyaktaṁ suduḥ khitam anantaro vimardākhyo rājyāccyāvitavāṁstadā

बल से हीन और अपने ही विश्वस्त सेवकों द्वारा त्यागे गए, अत्यन्त दुःखी उस राजा को तब उसके छोटे भाई विमर्द ने राज्य से च्युत कर दिया।

श्लोक 6 (markandeya.74.6)

राज्याच्च्युतः सोऽपि वनं गत्वा निर्विण्णमानसः । तपस्तेपे महाभागे वितस्तापुलिने स्थितः ॥ 74.6 ॥

rājyāccyutaḥ so'pi vanaṁ gatvā nirviṇṇamānasaḥ tapastepe mahābhāge vitastāpuline sthitaḥ

राज्य से च्युत होकर वह भी वन को चला गया, उदास मन से, और वितस्ता नदी के तट पर स्थित होकर तप करने लगा।

श्लोक 7 (markandeya.74.7)

ग्रीष्मे पञ्चतमा भूत्वा वर्षास्वभ्रंकषाशिकः । जलशायी च शिशिरे निराहारो यतव्रतः ॥ 74.7 ॥

grīṣme pañcatamā bhūtvā varṣāsvabhraṁkaṣāśikaḥ jalaśāyī ca śiśire nirāhāro yatavrataḥ

ग्रीष्म में पंचाग्नि तप करता, वर्षा में मेघों के नीचे खुले आकाश में रहता, शिशिर में जल में सोता, निराहार और व्रतपरायण।

श्लोक 8 (markandeya.74.8)

ततस्तपस्यतस्तस्य प्रावृट्काले महाप्लवः । बभूवानुदिनं मेघैर्वर्षद्भिरनुसन्ततम् ॥ 74.8 ॥

tatastapasyatastasya prāvṛṭkāle mahāplavaḥ babhūvānudinaṁ meghairvarṣadbhiranusantatam

इस प्रकार तप करते हुए उसे, वर्षाकाल में एक महान बाढ़ आई, दिन-प्रतिदिन निरन्तर बरसते हुए मेघों से।

श्लोक 9 (markandeya.74.9)

न दिग्विज्ञायते पूर्वा दक्षिणा वा न पश्चिमा । नोत्तरा तमसा सर्वमनुलिप्तमिवाभवत् ॥ 74.9 ॥

na digvijñāyate pūrvā dakṣiṇā vā na paścimā nottarā tamasā sarvamanuliptamivābhavat

पूर्व, दक्षिण अथवा पश्चिम — कोई भी दिशा नहीं पहचानी जाती थी, न उत्तर; सब कुछ मानो अन्धकार से लिप्त हो गया था।

श्लोक 10 (markandeya.74.10)

ततोऽतिपूरेण नृपः स नद्याः प्रेरितस्तटम् । प्रार्थयन्नापि नावाप ह्रियमाणो महीपतिः ॥ 74.10 ॥

tato'tipūreṇa nṛpaḥ sa nadyāḥ preritastaṭam prārthayannāpi nāvāpa hriyamāṇo mahīpatiḥ

उस अत्यधिक बाढ़ से वह राजा नदी के तट से बहा दिया गया; प्रार्थना करते हुए भी उसे कोई नाव न मिली, और वह बहता ही चला गया।

श्लोक 11 (markandeya.74.11)

अथ दूरे जलौघेन ह्रियमाणो महीपतिः । आससाद जले रौहीं स पुच्छे जगृहे च ताम् ॥ 74.11 ॥

atha dūre jalaughena hriyamāṇo mahīpatiḥ āsasāda jale rauhīṁ sa pucche jagṛhe ca tām

फिर जलराशि द्वारा दूर तक बहाया गया वह राजा जल में एक हरिणी को पा गया, और उसकी पूँछ पकड़ ली।

श्लोक 12 (markandeya.74.12)

तेन प्लवेन स ययावूह्यमानो महीतले । इतश्चेतश्चान्धकारे आससाद तटन्ततः ॥ 74.12 ॥

tena plavena sa yayāvūhyamāno mahītale itaścetaścāndhakāre āsasāda taṭantataḥ

उस बेड़े [की सहायता] से वह पृथ्वी पर इधर-उधर बहता हुआ चला, अन्धकार में, और अन्ततः एक तट पर पहुँच गया।

श्लोक 13 (markandeya.74.13)

विस्तारि पङ्कमत्यर्थं दुस्तरं स नृपस्तरन् । तथैव कृष्यमाणोऽन्यद्रम्यं वनमवाप सः ॥ 74.13 ॥

vistāri paṅkamatyarthaṁ dustaraṁ sa nṛpastaran tathaiva kṛṣyamāṇo'nyadramyaṁ vanamavāpa saḥ

अत्यन्त विस्तृत और दुस्तर कीचड़ को पार करता हुआ वह राजा, इसी प्रकार खींचा जाता हुआ, एक अन्य रमणीय वन में पहुँचा।

श्लोक 14 (markandeya.74.14)

तत्रान्धकारे सा रौही चकर्ष वसुधाधिपम् । पुच्छे लग्नं महाभागं कृशं धमनिसन्ततौ ॥ 74.14 ॥

tatrāndhakāre sā rauhī cakarṣa vasudhādhipam pucche lagnaṁ mahābhāgaṁ kṛśaṁ dhamanisantatau

वहाँ अन्धकार में उस हरिणी ने उस महाभाग्यशाली, कृश और नसों से उभरे हुए पृथ्वीपति को अपनी पूँछ से बाँधे हुए खींचा।

श्लोक 15 (markandeya.74.15)

तस्याश्च स्पर्शसंभूतामवापमुदमुत्तमाम् । सोऽन्धकारे भ्रमन् भूयो मदनाकृष्टमानसः ॥ 74.15 ॥

tasyāśca sparśasaṁbhūtāmavāpamudamuttamām so'ndhakāre bhraman bhūyo madanākṛṣṭamānasaḥ

उसके स्पर्श से उसने एक उत्कृष्ट आनन्द का अनुभव किया; अन्धकार में पुनः विचरण करते हुए, कामातुर मन वाला वह राजा।

श्लोक 16 (markandeya.74.16)

विज्ञाय सानुरागं तं पृष्ठस्पर्शनतत्परम् । नरेन्द्रं तद्वनस्यान्तः सा मृगी तमुवाच ह ॥ 74.16 ॥

vijñāya sānurāgaṁ taṁ pṛṣṭhasparśanatatparam narendraṁ tadvanasyāntaḥ sā mṛgī tamuvāca ha

उसके अनुराग को और पीठ स्पर्श करने की उसकी उत्सुकता को जानकर, उस वन के भीतर उस हरिणी ने राजा से यह कहा।

श्लोक 17 (markandeya.74.17)

किं पृष्ठं वेपथुमता करेण स्पृशसे मम । अन्यथैवास्य कार्यस्य सञ्जाता नृपते गतिः ॥ 74.17 ॥

kiṁ pṛṣṭhaṁ vepathumatā kareṇa spṛśase mama anyathaivāsya kāryasya sañjātā nṛpate gatiḥ

'आप काँपते हुए हाथ से मेरी पीठ का स्पर्श क्यों करते हैं? अन्यथा इस कार्य की गति ही कुछ और होती।

श्लोक 18 (markandeya.74.18)

नास्थाने वो मनो यातं नागम्याहं तवेश्वर । किन्तु त्वत्सङ्गमे विघ्नमेष लोलः करोति मे ॥ 74.18 ॥

nāsthāne vo mano yātaṁ nāgamyāhaṁ taveśvara kintu tvatsaṅgame vighnameṣa lolaḥ karoti me

आपका मन अनुचित स्थान पर नहीं गया है, न ही मैं आपके लिए अगम्य हूँ, हे स्वामी; किन्तु आपके साथ मेरे संगम में यह चंचल [लोल] विघ्न डाल रहा है।'

श्लोक 19 (markandeya.74.19)

मार्कण्डेय उवाच इति श्रुत्वा वचस्तस्या मृग्याश्च जगतीपतिः । जातकौतूहलो रौहीमिदं वचनमब्रवीत् ॥ 74.19 ॥

mārkaṇḍeya uvāca iti śrutvā vacastasyā mṛgyāśca jagatīpatiḥ jātakautūhalo rauhīmidaṁ vacanamabravīt

मार्कण्डेय ने कहा — उस हरिणी की यह वाणी सुनकर, कुतूहल से भरे उस पृथ्वीपति ने उस हरिणी रौही से यह वचन कहा।

श्लोक 20 (markandeya.74.20)

का त्वं ब्रूहि मृगी वाक्यं कथं मानुषवद्वदेत् । कश्चैव लोलो यो विघ्नं त्वत्सङ्गे कुरुते मम ॥ 74.20 ॥

kā tvaṁ brūhi mṛgī vākyaṁ kathaṁ mānuṣavadvadet kaścaiva lolo yo vighnaṁ tvatsaṅge kurute mama

'तुम कौन हो? बताओ — हरिणी होकर मनुष्य के समान वाणी कैसे बोल रही हो? और वह कौन चंचल है, जो हमारे संगम में विघ्न डाल रहा है?'

श्लोक 21 (markandeya.74.21)

मृग्युवाच अहन्ते दयिता भूप ! प्रागासमुत्पलावती । भार्या शताग्रमहिषी दुहिता दृढधन्वनः ॥ 74.21 ॥

mṛgyuvāca ahante dayitā bhūpa ! prāgāsamutpalāvatī bhāryā śatāgramahiṣī duhitā dṛḍhadhanvanaḥ

हरिणी ने कहा — हे भूप! पहले मैं आपकी प्रिया थी, उत्पलावती नाम की, दृढ़धन्वा की कन्या, सौ रानियों में प्रमुख।

श्लोक 22 (markandeya.74.22)

राजोवाच किन्तु यावत् कृतं कर्म येनेमां योनिमागता । पतिव्रता धर्मपरा सा चेत्थं कथमीदृशी ॥ 74.22 ॥

rājovāca kintu yāvat kṛtaṁ karma yenemāṁ yonimāgatā pativratā dharmaparā sā cetthaṁ kathamīdṛśī

राजा ने कहा — किन्तु ऐसा कौन-सा कर्म तुमने किया था, जिससे तुम इस [पशु] योनि को प्राप्त हुई? तुम पतिव्रता और धर्मपरायण थीं, फिर ऐसी कैसे हुईं?

श्लोक 23 (markandeya.74.23)

मृग्युवाच अहं पितृगृहे बाला सखीभिः सहिता वनम् । रन्तुं गता ददर्शैकं मृगं मृग्या समागतम् ॥ 74.23 ॥

mṛgyuvāca ahaṁ pitṛgṛhe bālā sakhībhiḥ sahitā vanam rantuṁ gatā dadarśaikaṁ mṛgaṁ mṛgyā samāgatam

हरिणी ने कहा — मैं बचपन में अपने पिता के घर में सखियों के साथ वन में क्रीड़ा करने गई, और वहाँ एक हिरण को एक हरिणी के पास आते देखा।

श्लोक 24 (markandeya.74.24)

ततः समीपवर्तिन्या मया सा ताडिता मृगी । मया त्रस्ता गतान्यत्र क्रुद्धः प्राह ततो मृगः ॥ 74.24 ॥

tataḥ samīpavartinyā mayā sā tāḍitā mṛgī mayā trastā gatānyatra kruddhaḥ prāha tato mṛgaḥ

तब निकट खड़ी मैंने उस हरिणी को छेड़ दिया; भयभीत होकर वह अन्यत्र भाग गई, और तब उस क्रुद्ध हिरण ने कहा —

श्लोक 25 (markandeya.74.25)

मूढे किमेवं मत्तासि धिक्ते दौःशील्यमीदृशम् । आधानकालो येनायं त्वया मे विफलीकृतः ॥ 74.25 ॥

mūḍhe kimevaṁ mattāsi dhikte dauḥśīlyamīdṛśam ādhānakālo yenāyaṁ tvayā me viphalīkṛtaḥ

'मूढ़े! तू ऐसी उन्मत्त क्यों है? तेरे इस दुःशीलता को धिक्कार है, जिसके कारण मेरा यह गर्भाधान-काल निष्फल कर दिया गया।'

श्लोक 26 (markandeya.74.26)

वाचं श्रुत्वा ततस्तस्य मानुषस्येव भाषतः । भीता तमब्रुवं कोऽसीत्येतां योनिमुपागतः ॥ 74.26 ॥

vācaṁ śrutvā tatastasya mānuṣasyeva bhāṣataḥ bhītā tamabruvaṁ ko'sītyetāṁ yonimupāgataḥ

मनुष्य के समान बोलती हुई उसकी वह वाणी सुनकर, भयभीत होकर मैंने उससे कहा — 'तुम कौन हो, जो इस पशुयोनि को प्राप्त हुए?'

श्लोक 27 (markandeya.74.27)

ततः स प्राह पुत्रोऽहमृषेर्निर्वृतिचक्षुषः । सुतपा नाम मृग्यान्तु साभिलाषो मृगोऽभवम् ॥ 74.27 ॥

tataḥ sa prāha putro'hamṛṣernirvṛticakṣuṣaḥ sutapā nāma mṛgyāntu sābhilāṣo mṛgo'bhavam

तब उसने कहा — 'मैं शान्तदृष्टि ऋषि सुतपा का पुत्र हूँ; एक हरिणी में आसक्त होकर मैं हिरण बना।

श्लोक 28 (markandeya.74.28)

इमाञ्चानुगतः प्रेम्णा वाञ्छितश्चानया वने । त्वया वियोजिता दुष्टे तस्माच्छापं ददामि ते ॥ 74.28 ॥

imāñcānugataḥ premṇā vāñchitaścānayā vane tvayā viyojitā duṣṭe tasmācchāpaṁ dadāmi te

प्रेमवश उसका अनुगमन करता और उसके द्वारा वन में चाहा जाता हुआ मैं, तूने हमें अलग कर दिया, हे दुष्टे — इसलिए मैं तुझे शाप देता हूँ।'

श्लोक 29 (markandeya.74.29)

मया चोक्तं तवाज्ञानादपराधः कृतो मुने । प्रसादं कुरु शापं मे न भवान् दातुमर्हति ॥ 74.29 ॥

mayā coktaṁ tavājñānādaparādhaḥ kṛto mune prasādaṁ kuru śāpaṁ me na bhavān dātumarhati

मैंने कहा — यह अपराध मुनि, मुझसे अज्ञानवश हुआ है; कृपा कीजिए, आपको मुझे शाप नहीं देना चाहिए।

श्लोक 30 (markandeya.74.30)

इत्युक्तः प्राह मां सोऽपि मुनिरित्थं महीपते । न प्रयच्छामि शापं ते यद्यात्मानं ददासि मे ॥ 74.30 ॥

ityuktaḥ prāha māṁ so'pi muniritthaṁ mahīpate na prayacchāmi śāpaṁ te yadyātmānaṁ dadāsi me

मेरे ऐसा कहने पर उस मुनि ने भी, हे राजन्, मुझसे इस प्रकार कहा — 'यदि तू स्वयं को मुझे दे दे, तो मैं तुझे शाप नहीं दूँगा।'

श्लोक 31 (markandeya.74.31)

मया चोक्तं मृगी नाहं मृगरूपधरा वने । लप्स्यसेऽन्यां मृगीन्तावन्मयि भावो निवर्त्यताम् ॥ 74.31 ॥

mayā coktaṁ mṛgī nāhaṁ mṛgarūpadharā vane lapsyase'nyāṁ mṛgīntāvanmayi bhāvo nivartyatām

मैंने कहा — मैं हरिणी नहीं हूँ, केवल वन में हरिणी का रूप धारण किए हूँ; तुम्हें दूसरी हरिणी मिल जाएगी, अतः मुझमें अपना यह भाव हटा लो।

श्लोक 32 (markandeya.74.32)

इत्युक्तः कोपरक्ताक्षः स प्राह स्फुरिताधरः । नाहं मृगी त्वयेत्युक्तं मृगी मूढे भविष्यसि ॥ 74.32 ॥

ityuktaḥ koparaktākṣaḥ sa prāha sphuritādharaḥ nāhaṁ mṛgī tvayetyuktaṁ mṛgī mūḍhe bhaviṣyasi

मेरे ऐसा कहने पर, क्रोध से लाल आँखों वाला, फड़कते हुए होठों वाला वह बोला — 'तूने कहा, मैं हरिणी नहीं हूँ — मूढ़े, अब तू हरिणी ही बनेगी!'

श्लोक 33 (markandeya.74.33)

ततो भृशं प्रव्यथिता प्रणम्य मुनिमब्रुवम् । स्वरूपस्थमतिक्रुद्धं प्रसीदेति पुनः पुनः ॥ 74.33 ॥

tato bhṛśaṁ pravyathitā praṇamya munimabruvam svarūpasthamatikruddhaṁ prasīdeti punaḥ punaḥ

तब अत्यन्त व्यथित होकर मैंने उस मुनि को प्रणाम करते हुए, अपने स्वरूप में स्थित, अत्यन्त क्रुद्ध उन्हें बार-बार कहा — 'प्रसन्न होइए।'

श्लोक 34 (markandeya.74.34)

बालानभिज्ञा वाक्यानां ततः प्रोक्तमिदं मया । पितर्यसति नारीभिर्व्रियते हि पतिः स्वयम् ॥ 74.34 ॥

bālānabhijñā vākyānāṁ tataḥ proktamidaṁ mayā pitaryasati nārībhirvriyate hi patiḥ svayam

बालपन के कारण वचनों से अनभिज्ञ होकर मैंने तब यह कहा — 'पिता के न रहने पर स्त्रियों द्वारा स्वयं ही पति चुन लिया जाता है।'

श्लोक 35 (markandeya.74.35)

सति ताते कथञ्चाहं वृणोमि मुनिसत्तम । सापराधाथवा पादौ प्रसीदेश नमाम्यहम् ॥ 74.35 ॥

sati tāte kathañcāhaṁ vṛṇomi munisattama sāparādhāthavā pādau prasīdeśa namāmyaham

हे मुनिसत्तम! पिता के जीवित रहते मैं कैसे [स्वयं] वरण करूँ? चाहे मैं अपराधिनी हूँ या नहीं, मैं आपके चरणों में प्रसाद के लिए नमन करती हूँ।

श्लोक 36 (markandeya.74.36)

प्रसीदेति प्रसीदेति प्रणताया महामते । इत्थं लालप्यमानायाः स प्राह मुनिपुङ्गवः ॥ 74.36 ॥

prasīdeti prasīdeti praṇatāyā mahāmate itthaṁ lālapyamānāyāḥ sa prāha munipuṅgavaḥ

हे महामते! 'प्रसन्न होइए, प्रसन्न होइए' — इस प्रकार बार-बार प्रणत होकर विलाप करती हुई मुझसे उस मुनिश्रेष्ठ ने कहा।

श्लोक 37 (markandeya.74.37)

न भवत्यन्यथा प्रोक्तं मम वाक्यं कदाचन । मृगी भविष्यसि मृता वनेऽस्मिन्नेव जन्मनि ॥ 74.37 ॥

na bhavatyanyathā proktaṁ mama vākyaṁ kadācana mṛgī bhaviṣyasi mṛtā vane'sminneva janmani

'मेरा कहा हुआ वचन कभी अन्यथा नहीं होता; तू इसी जन्म में, इसी वन में हरिणी होकर मरेगी।

श्लोक 38 (markandeya.74.38)

मृगत्वे च महाबाहुस्तव गर्भमुपैष्यति । लोलो नाम मुनेः पुत्रः सिद्धवीर्यस्य भामिनि ॥ 74.38 ॥

mṛgatve ca mahābāhustava garbhamupaiṣyati lolo nāma muneḥ putraḥ siddhavīryasya bhāmini

हरिणी-अवस्था में, हे भामिनि, तुझे गर्भ रहेगा — सिद्धवीर्य मुनि का पुत्र, नाम लोल, [उत्पन्न होगा]।

श्लोक 39 (markandeya.74.39)

जातिस्मरा भवित्री त्वं तस्मिन् गर्भमुपागते । स्मृतिं प्राप्य तथा वाचं मानुषीमीरयिष्यसि ॥ 74.39 ॥

jātismarā bhavitrī tvaṁ tasmin garbhamupāgate smṛtiṁ prāpya tathā vācaṁ mānuṣīmīrayiṣyasi

उस गर्भ के आते ही तू जातिस्मरा हो जाएगी; स्मृति को प्राप्त कर तू मानवीय वाणी बोलने लगेगी।

श्लोक 40 (markandeya.74.40)

तस्मिन् जाते मृगीत्वात् त्वं विमुक्ता पतिनार्चिता । लोकानवाप्स्यसि प्राप्या ये न दुष्कृतकर्मभिः ॥ 74.40 ॥

tasmin jāte mṛgītvāt tvaṁ vimuktā patinārcitā lokānavāpsyasi prāpyā ye na duṣkṛtakarmabhiḥ

उसके जन्म लेते ही तू हरिणी-भाव से मुक्त हो जाएगी, अपने पति द्वारा सम्मानित होकर उन लोकों को प्राप्त करेगी, जो दुष्कर्मियों को प्राप्त नहीं होते।

श्लोक 41 (markandeya.74.41)

सोऽपि लोलो महावीर्यः पितृशत्रून् निपात्य वै । जित्वा वसुन्धरां कृत्स्त्रां भविष्यति ततो मनुः ॥ 74.41 ॥

so'pi lolo mahāvīryaḥ pitṛśatrūn nipātya vai jitvā vasundharāṁ kṛtstrāṁ bhaviṣyati tato manuḥ

वह महापराक्रमी लोल, अपने पिता के शत्रुओं को मारकर और सम्पूर्ण पृथ्वी को जीतकर, तत्पश्चात् मनु बनेगा।'

श्लोक 42 (markandeya.74.42)

एवं शापमहं लब्ध्वा मृता तिर्यक्त्वमागता । त्वत्संस्पर्शाच्च गर्भोऽसौ संभूतो जठरे मम ॥ 74.42 ॥

evaṁ śāpamahaṁ labdhvā mṛtā tiryaktvamāgatā tvatsaṁsparśācca garbho'sau saṁbhūto jaṭhare mama

इस प्रकार मैं यह शाप पाकर मृत्यु को प्राप्त हुई और तिर्यक् [पशु] योनि में आ गई; और आपके स्पर्श से ही मेरे गर्भ में यह सन्तान उत्पन्न हुआ है।

श्लोक 43 (markandeya.74.43)

अतो ब्रवीमि नास्थाने तव यातं मनो मयि । न चाप्यगम्या गर्भस्थो लोलो विघ्नं करोत्यसौ ॥ 74.43 ॥

ato bravīmi nāsthāne tava yātaṁ mano mayi na cāpyagamyā garbhastho lolo vighnaṁ karotyasau

इसीलिए मैं कहती हूँ कि आपका मन अनुचित स्थान पर नहीं गया है, न ही मैं आपके लिए अगम्य हूँ; किन्तु गर्भस्थ यह लोल ही विघ्न डाल रहा है।

श्लोक 44 (markandeya.74.44)

मार्कण्डेय उवाच एवमुक्तस्ततः सोऽपि राजा प्राप्य परां मुदम् । पुत्रो ममारीञ्जित्वेति पृथिव्यां भविता मनुः ॥ 74.44 ॥

mārkaṇḍeya uvāca evamuktastataḥ so'pi rājā prāpya parāṁ mudam putro mamārīñjitveti pṛthivyāṁ bhavitā manuḥ

मार्कण्डेय ने कहा — यह सुनकर वह राजा भी परम हर्ष को प्राप्त हुआ — 'मेरा पुत्र, शत्रुओं को जीतकर, पृथ्वी पर मनु बनेगा' [ऐसा सोचकर]।

श्लोक 45 (markandeya.74.45)

ततस्तं सुषुवे पुत्रं सा मृगी लक्षणान्वितम् । तस्मिन् जाते च भूतानि सर्वाणि प्रययुर्मुदम् ॥ 74.45 ॥

tatastaṁ suṣuve putraṁ sā mṛgī lakṣaṇānvitam tasmin jāte ca bhūtāni sarvāṇi prayayurmudam

तत्पश्चात् उस हरिणी ने शुभ लक्षणों से युक्त उस पुत्र को जन्म दिया; उसके जन्म पर समस्त प्राणी हर्ष को प्राप्त हुए।

श्लोक 46 (markandeya.74.46)

विशेषतश्च राजासौ पुत्रे जाते महाबले । सा विमुक्ता मृगी शापात् प्राप लोकाननुत्तमान् ॥ 74.46 ॥

viśeṣataśca rājāsau putre jāte mahābale sā vimuktā mṛgī śāpāt prāpa lokānanuttamān

विशेषतः उस महापराक्रमी पुत्र के जन्म पर वह राजा हर्षित हुआ; और वह हरिणी, शाप से मुक्त होकर, सर्वोत्तम लोकों को प्राप्त हुई।

श्लोक 47 (markandeya.74.47)

ततस्तस्यर्षयः सर्वे समेत्य मुनिसत्तम । अवेक्ष्य भाविनीमृद्धिं नाम चक्रुर्महात्मनः ॥ 74.47 ॥

tatastasyarṣayaḥ sarve sametya munisattama avekṣya bhāvinīmṛddhiṁ nāma cakrurmahātmanaḥ

तब उसके सभी ऋषिगण एकत्र होकर, हे मुनिसत्तम, उस महात्मा की भावी महिमा को देखकर, उसका नाम रखा।

श्लोक 48 (markandeya.74.48)

तामसीं भजमानायां योनिं मातर्यजायत । तमसा चावृते लोके तामसोऽयं भविष्यति ॥ 74.48 ॥

tāmasīṁ bhajamānāyāṁ yoniṁ mātaryajāyata tamasā cāvṛte loke tāmaso'yaṁ bhaviṣyati

'चूँकि यह तामसी योनि का आश्रय लेने वाली माता से उत्पन्न हुआ है, और अन्धकार से आवृत लोक में उत्पन्न हुआ है, इसलिए यह तामस कहलाएगा।'

श्लोक 49 (markandeya.74.49)

ततः स तामसस्तेन पित्रा संवर्धितो वने । जातबुद्धिरुवाचेदं पितरं मुनिसत्तम ॥ 74.49 ॥

tataḥ sa tāmasastena pitrā saṁvardhito vane jātabuddhiruvācedaṁ pitaraṁ munisattama

तब वह तामस, अपने पिता द्वारा वन में पालित होकर, बुद्धि प्राप्त कर, हे मुनिसत्तम, अपने पिता से इस प्रकार बोला।

श्लोक 50 (markandeya.74.50)

कस्त्वं तात कथं वाहं पुत्रो माता च का मम । किमर्थमागतश्च त्वमेतत् सत्यं ब्रवीहि मे ॥ 74.50 ॥

kastvaṁ tāta kathaṁ vāhaṁ putro mātā ca kā mama kimarthamāgataśca tvametat satyaṁ bravīhi me

'हे तात! आप कौन हैं? मैं आपका पुत्र कैसे हूँ, और मेरी माता कौन है? आप किस उद्देश्य से यहाँ आए, मुझे यह सत्य बताइए।'

श्लोक 51 (markandeya.74.51)

मार्कण्डेय उवाच ततः पिता यथावृत्तं स्वराज्यच्यावनादिकम् । तस्याचष्टे महाबहुः पुत्रस्य जगतीपतिः ॥ 74.51 ॥

mārkaṇḍeya uvāca tataḥ pitā yathāvṛttaṁ svarājyacyāvanādikam tasyācaṣṭe mahābahuḥ putrasya jagatīpatiḥ

मार्कण्डेय ने कहा — तब उस महाबाहु पृथ्वीपति पिता ने अपने पुत्र को अपने राज्य-भ्रष्ट होने आदि का सारा वृत्तान्त, जैसा घटित हुआ था, कह सुनाया।

श्लोक 52 (markandeya.74.52)

श्रुत्वा तत् सकलं सोऽपि समाराध्य च भास्करम् । अवाप दिव्यान्यस्त्राणि ससंहाराण्यशेषतः ॥ 74.52 ॥

śrutvā tat sakalaṁ so'pi samārādhya ca bhāskaram avāpa divyānyastrāṇi sasaṁhārāṇyaśeṣataḥ

यह सब सुनकर उसने भी सूर्यदेव की आराधना कर, संहार-विधि सहित सभी दिव्य अस्त्रों को प्राप्त किया।

श्लोक 53 (markandeya.74.53)

कृतास्त्रस्तानरीन् जित्वा पितुरानीय चान्तिकम् । अनुज्ञातान् मुनोचाथ तेन स्वं धर्ममास्थितः ॥ 74.53 ॥

kṛtāstrastānarīn jitvā piturānīya cāntikam anujñātān munocātha tena svaṁ dharmamāsthitaḥ

अस्त्रों को प्राप्त कर, अपने पिता को पराजित करने वाले शत्रुओं को जीतकर, उन्हें पिता के समीप ले आया, और मुनि की अनुमति पाकर अपने धर्म में स्थित हो गया।

श्लोक 54 (markandeya.74.54)

पितापि तस्य स्वान् लोकांस्तपोयज्ञसमार्जितान् । विसृष्टदेहः संप्राप्तो दृष्ट्वा पुत्रमुखं सुखम् ॥ 74.54 ॥

pitāpi tasya svān lokāṁstapoyajñasamārjitān visṛṣṭadehaḥ saṁprāpto dṛṣṭvā putramukhaṁ sukham

उसका पिता भी अपने पुत्र का सुखी मुख देखकर, तप और यज्ञ से अर्जित अपने लोकों को शरीर त्यागकर प्राप्त हो गया।

श्लोक 55 (markandeya.74.55)

जित्वा समस्तां पृथिवीं तामसाख्यः स पार्थिवः । तामसाख्यो मनुरभूत्तस्य मन्वन्तरं शृणु ॥ 74.55 ॥

jitvā samastāṁ pṛthivīṁ tāmasākhyaḥ sa pārthivaḥ tāmasākhyo manurabhūttasya manvantaraṁ śṛṇu

सम्पूर्ण पृथ्वी को जीतकर वह तामस नामक राजा, तामस मनु बना — अब उसका मन्वन्तर सुनिए।

श्लोक 56 (markandeya.74.56)

ये देवा यत्पतिर्यश्च देवेन्द्रो ये तथर्षयः । ये पुत्राश्च मनोस्तस्य पृथिवीपरिपालकाः ॥ 74.56 ॥

ye devā yatpatiryaśca devendro ye tatharṣayaḥ ye putrāśca manostasya pṛthivīparipālakāḥ

जो देवता थे, उनका जो स्वामी था, जो देवेन्द्र था, और जो ऋषि थे; और जो उस मनु के पुत्र, पृथ्वी के रक्षक थे —

श्लोक 57 (markandeya.74.57)

सत्यास्तथान्ये सुधियः सुरूपा हरयस्तथा । एते देवगणास्तत्र सप्तविंशतिका मुने ॥ 74.57 ॥

satyāstathānye sudhiyaḥ surūpā harayastathā ete devagaṇāstatra saptaviṁśatikā mune

हे मुने! सत्य, अन्य सुधीजन, सुरूप तथा हरय — ये सत्ताईस देवगण वहाँ थे।

श्लोक 58 (markandeya.74.58)

महाबलो महावीर्यः शतयज्ञोपलक्षितः । शिखिरिन्द्रस्तथा तेषां देवानामभवद्विभुः ॥ 74.58 ॥

mahābalo mahāvīryaḥ śatayajñopalakṣitaḥ śikhirindrastathā teṣāṁ devānāmabhavadvibhuḥ

महाबली, महापराक्रमी, सौ यज्ञों से चिह्नित शिखी उन देवताओं का स्वामी हुआ।

श्लोक 59 (markandeya.74.59)

ज्योतिर्धर्मा पृथुः काव्यश्चैत्रोऽग्निर्वलकस्तथा । पीवरश्च तथा ब्रह्मन् ! सप्त सप्तर्षयोऽभवन् ॥ 74.59 ॥

jyotirdharmā pṛthuḥ kāvyaścaitro'gnirvalakastathā pīvaraśca tathā brahman ! sapta saptarṣayo'bhavan

ज्योतिर्धर्मा, पृथु, काव्य, चैत्र, अग्नि, वलक, तथा हे ब्रह्मन्, पीवर भी — ये सात सप्तर्षि हुए।

श्लोक 60 (markandeya.74.60)

नरः क्षान्तिः शान्तदान्तजानुजङ्घादयस्तथा । पुत्रास्तु तामसस्यासन् राजानः सुमहाबलाः ॥ 74.60 ॥

naraḥ kṣāntiḥ śāntadāntajānujaṅghādayastathā putrāstu tāmasasyāsan rājānaḥ sumahābalāḥ

नर, क्षान्ति, शान्त, दान्त, जानुजंघ आदि — ये तामस के पुत्र, अत्यन्त बलशाली राजा हुए।

श्लोक 61 (markandeya.74.61)

इत्येतत्तामसं विप्र मन्वन्तरमुदाहृतम् । यः पठेत् शृणुयाद्वापि तमसा सन बाध्यते ॥ 74.61 ॥

ityetattāmasaṁ vipra manvantaramudāhṛtam yaḥ paṭhet śṛṇuyādvāpi tamasā sana bādhyate

हे विप्र! इस प्रकार यह तामस मन्वन्तर वर्णित हुआ; जो इसे पढ़ता या सुनता है, वह अन्धकार [तम] से बाधित नहीं होता।