मनु रैवत का जन्म

श्लोक 1 (markandeya.75.1)

मार्कण्डेय उवाच पञ्चमोऽपि मनुर्ब्रह्मन् रैवतो नाम विश्रुतः । तस्योत्पत्तिं विस्तरशः शृणुष्व कथयामि ते ॥ 75.1 ॥

mārkaṇḍeya uvāca pañcamo'pi manurbrahman raivato nāma viśrutaḥ tasyotpattiṁ vistaraśaḥ śṛṇuṣva kathayāmi te

मार्कण्डेय ने कहा — हे ब्रह्मन्! पाँचवाँ मनु भी रैवत नाम से विख्यात हुआ; उसकी उत्पत्ति को विस्तार से सुनो, जो मैं तुमसे कहता हूँ।

श्लोक 2 (markandeya.75.2)

ऋषिरासीन्महाभाग ऋतवागिति विश्रुतः । तस्यापुत्रस्य पुत्रोऽभूद्रेवत्यन्ते महात्मनः ॥ 75.2 ॥

ṛṣirāsīnmahābhāga ṛtavāgiti viśrutaḥ tasyāputrasya putro'bhūdrevatyante mahātmanaḥ

ऋतवाक् नामक एक महाभाग्यशाली ऋषि थे, जो विख्यात थे; अपुत्र उस महात्मा को रेवती नक्षत्र के अन्त में एक पुत्र प्राप्त हुआ।

श्लोक 3 (markandeya.75.3)

स तस्य विधिवच्चक्रे जातकर्मादिकाः क्रियाः । तथोपनयनादींश्च स चाशीलोऽभवन्मुने ॥ 75.3 ॥

sa tasya vidhivaccakre jātakarmādikāḥ kriyāḥ tathopanayanādīṁśca sa cāśīlo'bhavanmune

उसने विधिपूर्वक उसके जातकर्म आदि संस्कार सम्पन्न किए, तथा उपनयन आदि भी; किन्तु हे मुने, वह [पुत्र] दुःशील निकला।

श्लोक 4 (markandeya.75.4)

यतः प्रभृति जातोऽसौ ततः प्रभृति सोऽप्यृषिः । दीर्घरोगपरामर्शमवाप मुनिपुङ्गवः ॥ 75.4 ॥

yataḥ prabhṛti jāto'sau tataḥ prabhṛti so'pyṛṣiḥ dīrgharogaparāmarśamavāpa munipuṅgavaḥ

जब से वह उत्पन्न हुआ, तभी से वह मुनिश्रेष्ठ ऋषि भी एक दीर्घ रोग से पीड़ित रहने लगे।

श्लोक 5 (markandeya.75.5)

माता तस्य परामार्ति कुष्ठरोगादिपीडिता । जगाम स पिता चास्य चिन्तयामास दुः खितः ॥ 75.5 ॥

mātā tasya parāmārti kuṣṭharogādipīḍitā jagāma sa pitā cāsya cintayāmāsa duḥ khitaḥ

उसकी माता भी कुष्ठ आदि रोगों से अत्यन्त पीड़ित हो गई; और उसका पिता दुःखी होकर सोचने लगा।

श्लोक 6 (markandeya.75.6)

किमेतदिति सोऽप्यस्य पुत्रोऽप्यत्यन्तदुर्मतिः । जग्राह भार्यामन्यस्य मुनिपुत्रस्य संमुखीम् ॥ 75.6 ॥

kimetaditi so'pyasya putro'pyatyantadurmatiḥ jagrāha bhāryāmanyasya muniputrasya saṁmukhīm

'यह क्या है' — [ऐसा सोचते हुए], क्योंकि यह पुत्र भी अत्यन्त दुर्बुद्धि निकला, उसने किसी अन्य मुनिपुत्र की पत्नी को उसके सामने ही पकड़ लिया।

श्लोक 7 (markandeya.75.7)

ततो विषण्णमनसा ऋतवागिदमुक्तवान् । अपुत्रता मनुष्याणां श्रेयसे न कुपुत्रता ॥ 75.7 ॥

tato viṣaṇṇamanasā ṛtavāgidamuktavān aputratā manuṣyāṇāṁ śreyase na kuputratā

तब खिन्न मन से ऋतवाक् ने यह कहा — 'मनुष्यों के लिए अपुत्रता कल्याणकारी है, कुपुत्रता नहीं।

श्लोक 8 (markandeya.75.8)

कुपुत्रो हृदयायासं सर्वदा कुरुते पितुः । मातुश्च स्वर्गसंस्थांश्च स्वपितॄन् पातयत्यधः ॥ 75.8 ॥

kuputro hṛdayāyāsaṁ sarvadā kurute pituḥ mātuśca svargasaṁsthāṁśca svapitṝn pātayatyadhaḥ

कुपुत्र सदा पिता के हृदय को संताप देता है, और माता तथा स्वर्ग में स्थित अपने पितरों को भी नीचे गिरा देता है।

श्लोक 9 (markandeya.75.9)

सुहृदां नोपकाराय पितॄणाञ्च न तृप्तये । पित्रोर्दुः खाय धिग् जन्म तस्य दुष्कृतकर्मणः ॥ 75.9 ॥

suhṛdāṁ nopakārāya pitṝṇāñca na tṛptaye pitrorduḥ khāya dhig janma tasya duṣkṛtakarmaṇaḥ

वह न मित्रों के उपकार का कारण बनता है, न पितरों की तृप्ति का; माता-पिता को दुःख ही देता है — उस दुष्कर्मी के जन्म को धिक्कार है।

श्लोक 10 (markandeya.75.10)

धन्यास्ते तनया येषां सर्वलोकाभिसंमताः । परोपकारिणः शान्ताः साधुकर्मण्यनुव्रताः ॥ 75.10 ॥

dhanyāste tanayā yeṣāṁ sarvalokābhisaṁmatāḥ paropakāriṇaḥ śāntāḥ sādhukarmaṇyanuvratāḥ

वे धन्य हैं जिनके पुत्र समस्त लोक में सम्मानित हैं, परोपकारी, शान्त और सत्कर्म में अनुरक्त हैं।

श्लोक 11 (markandeya.75.11)

अनिर्वृतं तथा मन्दं परलोकपराङ्मुखम् । नरकाय न सद्गत्यै कुपुत्रालम्बि जन्मनः ॥ 75.11 ॥

anirvṛtaṁ tathā mandaṁ paralokaparāṅmukham narakāya na sadgatyai kuputrālambi janmanaḥ

असन्तुष्ट, मन्दबुद्धि और परलोक से विमुख कुपुत्र के सहारे जन्म — न नरक के लिए होता है, न सद्गति के लिए।

श्लोक 12 (markandeya.75.12)

करोति सुहृदां दैन्यमहितानां तथा मुदम् । अकाले च जरां पित्रोः कुपुत्रः कुरुते ध्रुवम् ॥ 75.12 ॥

karoti suhṛdāṁ dainyamahitānāṁ tathā mudam akāle ca jarāṁ pitroḥ kuputraḥ kurute dhruvam

वह मित्रों को दैन्य और शत्रुओं को हर्ष देता है; कुपुत्र निश्चय ही माता-पिता पर असमय बुढ़ापा ले आता है।

श्लोक 13 (markandeya.75.13)

मार्कण्डेय उवाच एवं सोऽत्यन्तदुष्टस्य पुत्रस्य चरितैर्मुनिः । दह्यमानमनोवृत्तिर्वृत्तं गर्गमपृच्छत ॥ 75.13 ॥

mārkaṇḍeya uvāca evaṁ so'tyantaduṣṭasya putrasya caritairmuniḥ dahyamānamanovṛttirvṛttaṁ gargamapṛcchata

मार्कण्डेय ने कहा — इस प्रकार अपने अत्यन्त दुष्ट पुत्र के आचरण से हृदय जलाते हुए उस मुनि ने गर्ग से जो कुछ घटित हुआ था, वह पूछा।

श्लोक 14 (markandeya.75.14)

ऋतवागुवाच सुव्रतेन पुरा वेदा गृहीता विधिवन्मया । समप्य वेदान् विधिवत् कृतो दारपरिग्रहः ॥ 75.14 ॥

ṛtavāguvāca suvratena purā vedā gṛhītā vidhivanmayā samapya vedān vidhivat kṛto dāraparigrahaḥ

ऋतवाक् ने कहा — पहले मैंने सुव्रत होकर विधिपूर्वक वेदों को ग्रहण किया, और वेदों को पूर्ण कर विधिपूर्वक ही विवाह किया।

श्लोक 15 (markandeya.75.15)

सदारेण क्रियाः कार्याः श्रौताः स्मार्ता वषट्क्रियाः । न मे न्यूनाः कृताः काश्चिद्यावदद्य महामुने ॥ 75.15 ॥

sadāreṇa kriyāḥ kāryāḥ śrautāḥ smārtā vaṣaṭkriyāḥ na me nyūnāḥ kṛtāḥ kāścidyāvadadya mahāmune

पत्नी सहित मैंने श्रौत और स्मार्त वषट्कार आदि सभी कर्तव्य कर्म किए हैं; हे महामुने, आज तक मेरे द्वारा उनमें कोई कमी नहीं की गई।

श्लोक 16 (markandeya.75.16)

गर्भाधानविधानेन न काममनुरुध्यता । पुत्रार्थं जनितश्चायं पुन्नाम्नो बिभ्यता मुने ॥ 75.16 ॥

garbhādhānavidhānena na kāmamanurudhyatā putrārthaṁ janitaścāyaṁ punnāmno bibhyatā mune

गर्भाधान के विधान में मैंने कामना के वशीभूत होकर कुछ नहीं किया; हे मुने, 'पुत्' [नरक] के भय से ही मैंने पुत्र-प्राप्ति के लिए इसे उत्पन्न किया।

श्लोक 17 (markandeya.75.17)

सोऽयं किमात्मदोषेण मम दोषण वा मुने । अस्मद्दुः खवहो जातो दौः शील्याद् बन्धुशोकदः ॥ 75.17 ॥

so'yaṁ kimātmadoṣeṇa mama doṣaṇa vā mune asmadduḥ khavaho jāto dauḥ śīlyād bandhuśokadaḥ

तो क्या यह अपने ही दोष से, अथवा मेरे दोष से, हे मुने, हमारे लिए दुःखवाहक, दुःशीलता के कारण बन्धुओं को शोक देने वाला उत्पन्न हुआ है?

श्लोक 18 (markandeya.75.18)

रेवत्यन्ते मुनिश्रेष्ठ ! जातोऽयं तनयस्तव । तेन दुः खाय ते दुष्टे काले यस्मादजायत ॥ 75.18 ॥

revatyante muniśreṣṭha ! jāto'yaṁ tanayastava tena duḥ khāya te duṣṭe kāle yasmādajāyata

गर्ग ने कहा — हे मुनिश्रेष्ठ! यह तुम्हारा पुत्र रेवती नक्षत्र के अन्त में उत्पन्न हुआ है; इसीलिए, हे दुष्ट काल, जिस समय में यह उत्पन्न हुआ, उसी कारण यह तुम्हें दुःख देने वाला बना।

श्लोक 19 (markandeya.75.19)

न तेऽपचारो नैवास्य मातुर्नायं कुलस्य ते । तस्य दौः शील्यहेतुस्तु रेवत्यन्तमुपागतम् ॥ 75.19 ॥

na te'pacāro naivāsya māturnāyaṁ kulasya te tasya dauḥ śīlyahetustu revatyantamupāgatam

इसमें न तुम्हारा अपराध है, न उसकी माता का, न ही तुम्हारे कुल का; उसकी दुःशीलता का कारण तो रेवती के अन्त-काल में उत्पन्न होना ही है।

श्लोक 20 (markandeya.75.20)

ऋतवागुवाच यस्मान्ममैकपुत्रस्य रेवत्यन्तसमुद्भवम् । दौः शील्यमेतत् सा तस्मात् पततामाशु रेवती ॥ 75.20 ॥

ṛtavāguvāca yasmānmamaikaputrasya revatyantasamudbhavam dauḥ śīlyametat sā tasmāt patatāmāśu revatī

ऋतवाक् ने कहा — चूँकि मेरे इकलौते पुत्र की यह दुःशीलता रेवती के अन्त-काल से उत्पन्न हुई है, इसलिए वह रेवती अभी शीघ्र गिर पड़े!

श्लोक 21 (markandeya.75.21)

मार्कण्डेय उवाच तेनैवं व्याहृते शापे रेवत्यृक्षं पपात ह । पश्यतः सर्वलोकस्य विस्मयाविष्टचेतसः ॥ 75.21 ॥

mārkaṇḍeya uvāca tenaivaṁ vyāhṛte śāpe revatyṛkṣaṁ papāta ha paśyataḥ sarvalokasya vismayāviṣṭacetasaḥ

मार्कण्डेय ने कहा — उसके ऐसा शाप उच्चारण करते ही, समस्त लोगों के देखते-देखते, आश्चर्यचकित मन वाले सबके सामने, रेवती नक्षत्र गिर पड़ा।

श्लोक 22 (markandeya.75.22)

रेवत्यृक्षञ्च पतितं कुमुदाद्रौ समन्ततः । भावयामास सहसा वनकन्दरनिर्झरम् ॥ 75.22 ॥

revatyṛkṣañca patitaṁ kumudādrau samantataḥ bhāvayāmāsa sahasā vanakandaranirjharam

और वह गिरा हुआ रेवती नक्षत्र कुमुद पर्वत पर सब ओर से गिरकर, अचानक ही उसे वन-कन्दराओं और झरनों से युक्त कर गया।

श्लोक 23 (markandeya.75.23)

कुमुदाद्रिश्च तत्पातात् ख्यातो रैवतकोऽभवत् । अतीव रम्यः सर्वस्यां पृथिव्यां पृथिवीधरः ॥ 75.23 ॥

kumudādriśca tatpātāt khyāto raivatako'bhavat atīva ramyaḥ sarvasyāṁ pṛthivyāṁ pṛthivīdharaḥ

उसके गिरने से ही कुमुदाद्रि पर्वत 'रैवतक' नाम से विख्यात हुआ — सम्पूर्ण पृथ्वी पर अत्यन्त रमणीय पर्वत के रूप में।

श्लोक 24 (markandeya.75.24)

तस्यर्क्षस्य तु या कान्तिर्जाता पङ्कजिनी सरः । ततो जज्ञे तदा कन्या रूपेणातीव शोभना ॥ 75.24 ॥

tasyarkṣasya tu yā kāntirjātā paṅkajinī saraḥ tato jajñe tadā kanyā rūpeṇātīva śobhanā

उस नक्षत्र की जो कान्ति थी, उससे एक कमलों से भरा सरोवर बना; और उस [सरोवर] से तब एक अत्यन्त सुन्दर रूप वाली कन्या उत्पन्न हुई।

श्लोक 25 (markandeya.75.25)

रेवतीकान्तिसम्भूतां तां दृष्ट्वा प्रमुचो मुनिः । तस्या नाम चकारेत्थं रेवती नाम भागुरे ॥ 75.25 ॥

revatīkāntisambhūtāṁ tāṁ dṛṣṭvā pramuco muniḥ tasyā nāma cakāretthaṁ revatī nāma bhāgure

रेवती की कान्ति से उत्पन्न उस कन्या को देखकर प्रमुच मुनि ने, हे भागुरे, उसका नाम उसी प्रकार 'रेवती' रखा।

श्लोक 26 (markandeya.75.26)

पोषयामास चैवैतां स्वाश्रमाभ्याससम्भवाम् । प्रमुचः स महाभागस्तस्मिन्नेव महाचले ॥ 75.26 ॥

poṣayāmāsa caivaitāṁ svāśramābhyāsasambhavām pramucaḥ sa mahābhāgastasminneva mahācale

उस महाभाग्यशाली प्रमुच ने, अपने ही आश्रम के निकट जन्मी उस कन्या का, उसी महान पर्वत पर पालन-पोषण किया।

श्लोक 27 (markandeya.75.27)

तान्तु यौवनिनीं दृष्ट्वा कान्यकां रूपशालिनीम् । स मुनिश्चिन्तमामास कोऽस्या भर्ता भवेदिति ॥ 75.27 ॥

tāntu yauvaninīṁ dṛṣṭvā kānyakāṁ rūpaśālinīm sa muniścintamāmāsa ko'syā bhartā bhavediti

यौवन को प्राप्त, सुन्दर रूप वाली उस कन्या को देखकर वह मुनि सोचने लगा — 'इसका पति कौन होगा?'

श्लोक 28 (markandeya.75.28)

एवं चिन्तयतस्तस्य ययौ कालो महान् मुने । न चाससाद सदृशं वरं तस्या महामुनिः ॥ 75.28 ॥

evaṁ cintayatastasya yayau kālo mahān mune na cāsasāda sadṛśaṁ varaṁ tasyā mahāmuniḥ

इस प्रकार सोचते-सोचते, हे मुने, बहुत बड़ा काल बीत गया; और उस महामुनि को उसके योग्य कोई वर नहीं मिल सका।

श्लोक 29 (markandeya.75.29)

ततस्तस्या वरं प्रष्टुमग्निं स प्रमुचो मुनिः । विवेश वह्निशालां वै प्रष्टारं प्राह हव्यभुक् ॥ 75.29 ॥

tatastasyā varaṁ praṣṭumagniṁ sa pramuco muniḥ viveśa vahniśālāṁ vai praṣṭāraṁ prāha havyabhuk

तब उसके लिए वर के विषय में पूछने को वह प्रमुच मुनि अग्निशाला में गया, और हव्यभुक् [अग्नि] ने उस पूछने वाले से कहा —

श्लोक 30 (markandeya.75.30)

महाबलो महावीर्यः प्रियवाग् धर्मवत्सलः । दुर्गमो नाम भविता भर्ता ह्यस्य महीपतिः ॥ 75.30 ॥

mahābalo mahāvīryaḥ priyavāg dharmavatsalaḥ durgamo nāma bhavitā bhartā hyasya mahīpatiḥ

'महाबली, महापराक्रमी, प्रियवाणी वाला, धर्मवत्सल — दुर्गम नाम का एक भूपाल ही इसका पति होगा।'

श्लोक 31 (markandeya.75.31)

मार्कण्डेय उवाच अनन्तरञ्च मृगयाप्रसङ्गेनागतो मुने । तस्याश्रमपदं धीमान् दुर्गमः स नराधिपः ॥ 75.31 ॥

mārkaṇḍeya uvāca anantarañca mṛgayāprasaṅgenāgato mune tasyāśramapadaṁ dhīmān durgamaḥ sa narādhipaḥ

मार्कण्डेय ने कहा — इसके पश्चात्, हे मुने, मृगया के प्रसंग से बुद्धिमान राजा दुर्गम उस आश्रम-स्थल में आ गया —

श्लोक 32 (markandeya.75.32)

प्रियव्रतान्वयभवो महाबलपराक्रमः । पुत्रो विक्रमशीलस्य कालिन्दीजठरोद्भवः ॥ 75.32 ॥

priyavratānvayabhavo mahābalaparākramaḥ putro vikramaśīlasya kālindījaṭharodbhavaḥ

प्रियव्रत के वंश में उत्पन्न, महापराक्रमी, विक्रमशील का पुत्र, कालिन्दी के गर्भ से जन्मा हुआ।

श्लोक 33 (markandeya.75.33)

स प्रविश्याश्रमपदं तां तन्वीं जगतीपतिः । अपश्यमानस्तमृषिं प्रियेत्यामन्त्र्य पृष्टवान् ॥ 75.33 ॥

sa praviśyāśramapadaṁ tāṁ tanvīṁ jagatīpatiḥ apaśyamānastamṛṣiṁ priyetyāmantrya pṛṣṭavān

उस आश्रम-स्थल में प्रवेश कर, उस सुन्दरी कन्या को देखकर वह पृथ्वीपति, वहाँ ऋषि को न पाकर, उसे 'प्रिये' कहकर सम्बोधित करते हुए पूछ बैठा।

श्लोक 34 (markandeya.75.34)

राजोवाच क्व गतो भगवानस्मादाश्रमान्मुनिपुङ्गवः । तं प्रणेतुमिहेच्छामि तत् त्वं प्रब्रूहि शोभने ॥ 75.34 ॥

rājovāca kva gato bhagavānasmādāśramānmunipuṅgavaḥ taṁ praṇetumihecchāmi tat tvaṁ prabrūhi śobhane

राजा ने कहा — 'भगवान् वह मुनिश्रेष्ठ इस आश्रम से कहाँ चले गए? हे शोभने, मैं यहीं उनके प्रति अपना आदर प्रकट करना चाहता हूँ — मुझे बताइए।'

श्लोक 35 (markandeya.75.35)

मार्कण्डेय उवाच अग्निसालां गतो विप्रस्तच्छ्रुत्वा तस्य भाषितम् । प्रियेत्यामन्त्रणञ्चैव निश्चक्राम त्वरान्वितः ॥ 75.35 ॥

mārkaṇḍeya uvāca agnisālāṁ gato viprastacchrutvā tasya bhāṣitam priyetyāmantraṇañcaiva niścakrāma tvarānvitaḥ

मार्कण्डेय ने कहा — वह ब्राह्मण अग्निशाला में गया हुआ था; उसका [राजा का] वचन और 'प्रिये' सम्बोधन सुनकर वह शीघ्रता से बाहर निकल आया।

श्लोक 36 (markandeya.75.36)

स ददर्श महात्मानं राजानं दुर्गमं मुनिः । नरेन्द्रचिह्नसहितं प्रश्रयावनतं पुरः ॥ 75.36 ॥

sa dadarśa mahātmānaṁ rājānaṁ durgamaṁ muniḥ narendracihnasahitaṁ praśrayāvanataṁ puraḥ

उस मुनि ने राजचिह्नों से युक्त, विनयपूर्वक झुके हुए, महात्मा राजा दुर्गम को अपने सामने खड़ा देखा।

श्लोक 37 (markandeya.75.37)

तस्मिन् दृष्टे ततः शिष्यमुवाच स तु गौतमम् । गौतमानीयतां शीघ्रमर्घोऽस्य जगतीपतेः ॥ 75.37 ॥

tasmin dṛṣṭe tataḥ śiṣyamuvāca sa tu gautamam gautamānīyatāṁ śīghramargho'sya jagatīpateḥ

उसे देखते ही उसने अपने शिष्य गौतम से कहा — 'हे गौतम! इस राजा के लिए शीघ्र अर्घ्य ले आओ।

श्लोक 38 (markandeya.75.38)

एकस्तावदयं भूपश्चिरकालादुपागतः. जामाता च विशेषेण योग्योर्ऽघस्य मतो मम ॥ 75.38 ॥

ekastāvadayaṁ bhūpaścirakālādupāgataḥ. jāmātā ca viśeṣeṇa yogyor'ghasya mato mama

एक तो यह राजा दीर्घकाल के बाद आया है, और विशेष रूप से मेरी दृष्टि में यह अर्घ्य के योग्य जामाता है।'

श्लोक 39 (markandeya.75.39)

मार्कण्डेय उवाच ततः स चिन्तयामास राजा जामातृकारणम् । विवेद च न तन्मौनी जगृहेर्ऽघञ्च तं नृपः ॥ 75.39 ॥

mārkaṇḍeya uvāca tataḥ sa cintayāmāsa rājā jāmātṛkāraṇam viveda ca na tanmaunī jagṛher'ghañca taṁ nṛpaḥ

मार्कण्डेय ने कहा — तब उस राजा ने 'जामाता' [शब्द] का कारण सोचा, किन्तु मौन रहकर वह इसे समझ नहीं सका, और अर्घ्य ग्रहण कर लिया।

श्लोक 40 (markandeya.75.40)

तमासनगतं विप्रो गृहीतार्घं महामुनिः । स्वागतं प्राह राजेन्द्रमपि ते कुशलं गृहे ॥ 75.40 ॥

tamāsanagataṁ vipro gṛhītārghaṁ mahāmuniḥ svāgataṁ prāha rājendramapi te kuśalaṁ gṛhe

आसन पर बैठे और अर्घ्य ग्रहण किए हुए उस राजा से उस महामुनि विप्र ने कहा — 'स्वागत है! क्या आपके घर में सब कुशल है?

श्लोक 41 (markandeya.75.41)

कोषे बलेऽथ मित्रेषु भृत्यामात्ये नरेश्वर । तथात्मनि महाबाहो यत्र सर्वं प्रतिष्ठितम् ॥ 75.41 ॥

koṣe bale'tha mitreṣu bhṛtyāmātye nareśvara tathātmani mahābāho yatra sarvaṁ pratiṣṭhitam

हे नरेश्वर! कोष, बल, मित्रों, सेवकों और मन्त्रियों में, और हे महाबाहो, स्वयं आपमें भी, जिनमें सब कुछ प्रतिष्ठित रहता है?

श्लोक 42 (markandeya.75.42)

पत्नी च ते कुशलिनी यत एवानुतिष्ठति । पृच्छाम्यस्यास्ततो नाहं कुशलिन्योऽपरास्तव ॥ 75.42 ॥

patnī ca te kuśalinī yata evānutiṣṭhati pṛcchāmyasyāstato nāhaṁ kuśalinyo'parāstava

और क्या आपकी पत्नी कुशल है, जिससे ही सब कुछ सुव्यवस्थित रहता है? मैं विशेष रूप से उसी के विषय में पूछता हूँ; आपकी अन्य पत्नियों के विषय में नहीं।'

श्लोक 43 (markandeya.75.43)

राजोवाच त्वत्प्रसादादकुशलं न क्वचिन्मम सुव्रत । जातकौतूहलश्चास्मि मम भार्यात्र का मुने ॥ 75.43 ॥

rājovāca tvatprasādādakuśalaṁ na kvacinmama suvrata jātakautūhalaścāsmi mama bhāryātra kā mune

राजा ने कहा — हे सुव्रत! आपकी कृपा से मेरे यहाँ कुछ भी अकुशल नहीं है; किन्तु मुझे कुतूहल हो रहा है — हे मुने, यहाँ मेरी पत्नी कौन है?

श्लोक 44 (markandeya.75.44)

ऋषिरुवाच रेवती सुमहाभागा त्रैलोक्यस्यापि सुन्दरी । तव भर्या वरारोहा तां त्वं राजन्न वेत्सि किम् ॥ 75.44 ॥

ṛṣiruvāca revatī sumahābhāgā trailokyasyāpi sundarī tava bharyā varārohā tāṁ tvaṁ rājanna vetsi kim

ऋषि ने कहा — रेवती, अत्यन्त भाग्यशालिनी, त्रिलोक की भी सुन्दरी — वह आपकी श्रेष्ठ पत्नी है; हे राजन्! क्या आप उसे नहीं जानते?

श्लोक 45 (markandeya.75.45)

राजोवाच सुभद्रां शान्ततनयां कावेरीतनयां विभो । सुराष्ट्रजां सुजाताञ्च कदम्बाञ्च वरूथजाम् ॥ 75.45 ॥

rājovāca subhadrāṁ śāntatanayāṁ kāverītanayāṁ vibho surāṣṭrajāṁ sujātāñca kadambāñca varūthajām

राजा ने कहा — सुभद्रा, शान्ततनया, कावेरीतनया, हे विभो, सुराष्ट्रजा, सुजाता, कदम्बा तथा वरूथजा —

श्लोक 46 (markandeya.75.46)

विपाठां नन्दिनीञ्चैव वेद्मि भार्यां गृहे द्विज । तिष्ठन्ति मे न भगवन् रेवतीं वेद्मि कान्वियम् ॥ 75.46 ॥

vipāṭhāṁ nandinīñcaiva vedmi bhāryāṁ gṛhe dvija tiṣṭhanti me na bhagavan revatīṁ vedmi kānviyam

विपाठा और नन्दिनी को भी, हे द्विज, मैं अपने घर में पत्नियों के रूप में जानता हूँ; किन्तु हे भगवन्, रेवती मेरे यहाँ नहीं है — बताइए, यह कौन है?

श्लोक 47 (markandeya.75.47)

ऋषिरुवाच प्रियेति साम्प्रतं येयं त्वयोक्ता वरवर्णिनी । किं विस्मृतन्ते भूपाल ! श्लाघ्येयं गृहिणी तव ॥ 75.47 ॥

ṛṣiruvāca priyeti sāmprataṁ yeyaṁ tvayoktā varavarṇinī kiṁ vismṛtante bhūpāla ! ślāghyeyaṁ gṛhiṇī tava

ऋषि ने कहा — यही वह सुन्दरी है, जिसे अभी आपने 'प्रिये' कहकर सम्बोधित किया; हे भूपाल! क्या आप भूल गए? यह आपकी श्लाघ्य [प्रशंसनीय] गृहिणी है।

श्लोक 48 (markandeya.75.48)

राजोवाच सत्यमुक्तं मया किन्तु भावो दुष्टो न मे मुने । नात्र कोपं भवान् कर्तुमर्हत्यस्मासु याचितः ॥ 75.48 ॥

rājovāca satyamuktaṁ mayā kintu bhāvo duṣṭo na me mune nātra kopaṁ bhavān kartumarhatyasmāsu yācitaḥ

राजा ने कहा — मैंने सत्य ही कहा था, किन्तु हे मुने, मेरा भाव दूषित नहीं था; आपको इस पर, हमारे द्वारा याचना किए जाने पर भी, क्रोध नहीं करना चाहिए।

श्लोक 49 (markandeya.75.49)

ऋषिरुवाच तत्त्वं ब्रवीषि भूपाल ! न भावस्तव दूषितः । व्याजहार भवानेतद्वह्निना नृप चोदितः ॥ 75.49 ॥

ṛṣiruvāca tattvaṁ bravīṣi bhūpāla ! na bhāvastava dūṣitaḥ vyājahāra bhavānetadvahninā nṛpa coditaḥ

ऋषि ने कहा — हे राजन्! तुमने जो सत्य कहा है, उसमें तुम्हारा भाव दूषित नहीं है; तुमने यह अग्नि द्वारा प्रेरित होकर ही कहा है।

श्लोक 50 (markandeya.75.50)

मया पृष्टो हुतवहः कोऽस्या भर्तेति पार्थिव । भविता तेन चाप्युक्तो भवानेवाद्य वै वरः ॥ 75.50 ॥

mayā pṛṣṭo hutavahaḥ ko'syā bharteti pārthiva bhavitā tena cāpyukto bhavānevādya vai varaḥ

हे पृथ्वीपते! मेरे द्वारा पूछे जाने पर अग्नि ने कहा था कि इसका पति कौन होगा; और उन्होंने ही यह बताया था कि आप ही आज उसके वर होंगे।

श्लोक 51 (markandeya.75.51)

तद्गृह्यतां मया दत्ता तुभ्यं कन्या नराधिप । प्रियेत्यामन्त्रिता चेयं विचारं कुरुषे कथम् ॥ 75.51 ॥

tadgṛhyatāṁ mayā dattā tubhyaṁ kanyā narādhipa priyetyāmantritā ceyaṁ vicāraṁ kuruṣe katham

अतः, हे नराधिप! मेरे द्वारा दी गई यह कन्या स्वीकार कीजिए; इसे तो आपने स्वयं 'प्रिये' कहकर सम्बोधित किया है — फिर आप क्यों विचार कर रहे हैं?

श्लोक 52 (markandeya.75.52)

मार्कण्डेय उवाच ततोऽसावभवन्मौनी तेनोक्तः पृथिवीपतिः । ऋषिस्तथोद्यतः कर्तुं तस्या वैवाहिकं विधिम् ॥ 75.52 ॥

mārkaṇḍeya uvāca tato'sāvabhavanmaunī tenoktaḥ pṛthivīpatiḥ ṛṣistathodyataḥ kartuṁ tasyā vaivāhikaṁ vidhim

मार्कण्डेय ने कहा — तब उस [कथन] से सम्बोधित वह पृथ्वीपति मौन हो गया, और उस ऋषि ने उसके विवाह की विधि सम्पन्न करने की तैयारी की।

श्लोक 53 (markandeya.75.53)

तमुद्यतं सा पितरं विवाहाय महामुने । उवाच कन्या यत्किञ्चित् प्रश्रयावनतानना ॥ 75.53 ॥

tamudyataṁ sā pitaraṁ vivāhāya mahāmune uvāca kanyā yatkiñcit praśrayāvanatānanā

विवाह के लिए तत्पर उस पिता से, विनयपूर्वक मुख झुकाए हुए उस कन्या ने, हे महामुने, कुछ यह कहा।

श्लोक 54 (markandeya.75.54)

यदि मे प्रीतिमांस्तात प्रिसादं कर्तुमर्हसि । रेवत्यृक्षे विवाहं मे तत्करोतु प्रसादितः ॥ 75.54 ॥

yadi me prītimāṁstāta prisādaṁ kartumarhasi revatyṛkṣe vivāhaṁ me tatkarotu prasāditaḥ

'हे तात! यदि आप मुझ पर स्नेह रखते हैं और मुझ पर कृपा करने योग्य हैं, तो मैं यह याचना करती हूँ कि रेवती नक्षत्र में ही, प्रसन्न होकर, मेरा विवाह सम्पन्न कीजिए।'

श्लोक 55 (markandeya.75.55)

ऋषिरुवाच रेवत्यृक्षं न वै भद्रे चन्द्रयोगि व्यवस्थितम् । अन्यानि सन्ति ऋक्षाणि सुभ्रु वैवाहिकानि ते ॥ 75.55 ॥

ṛṣiruvāca revatyṛkṣaṁ na vai bhadre candrayogi vyavasthitam anyāni santi ṛkṣāṇi subhru vaivāhikāni te

ऋषि ने कहा — हे भद्रे! रेवती नक्षत्र अभी चन्द्रमा के साथ योग में स्थित नहीं है; हे सुभ्रु, तुम्हारे विवाह के लिए और भी नक्षत्र उपलब्ध हैं।

श्लोक 56 (markandeya.75.56)

कन्योवाच तात तेन विना कालो विफलः प्रतिभाति मे । विवाहो विफले काले मद्विधायाः कथं भवेत् ॥ 75.56 ॥

kanyovāca tāta tena vinā kālo viphalaḥ pratibhāti me vivāho viphale kāle madvidhāyāḥ kathaṁ bhavet

कन्या ने कहा — हे तात! उसके बिना यह समय मुझे निष्फल प्रतीत होता है; मुझ जैसी के लिए निष्फल समय में विवाह कैसे हो सकता है?

श्लोक 57 (markandeya.75.57)

ऋषिरुवाच ऋतवागिति विख्यातस्तपस्वी रेवतीं प्रति । चकार कोपं क्रुद्धेन तेनर्क्षं विनिपातितम् ॥ 75.57 ॥

ṛṣiruvāca ṛtavāgiti vikhyātastapasvī revatīṁ prati cakāra kopaṁ kruddhena tenarkṣaṁ vinipātitam

ऋषि ने कहा — ऋतवाक् नामक विख्यात तपस्वी ने रेवती के प्रति क्रुद्ध होकर, क्रोध में आकर, वह नक्षत्र गिरा दिया था।

श्लोक 58 (markandeya.75.58)

मया चास्मै प्रतिज्ञाता भर्येति मदिरेक्षणा । न चेच्छसि विवाहं त्वं सङ्कटं नः समागतम् ॥ 75.58 ॥

mayā cāsmai pratijñātā bharyeti madirekṣaṇā na cecchasi vivāhaṁ tvaṁ saṅkaṭaṁ naḥ samāgatam

और मैंने ही उससे [दुर्गम से] यह प्रतिज्ञा की है कि यह मधुरनयना तुम्हारी पत्नी होगी; यदि तुम विवाह नहीं चाहतीं, तो हम पर संकट आ खड़ा हुआ है।

श्लोक 59 (markandeya.75.59)

कन्योवाच ऋतवाक् स मुनिस्तात किमेवं तप्तवांस्तपः । न त्वया मम तातेन ब्रह्मबन्धोः सुतास्मि किम् ॥ 75.59 ॥

kanyovāca ṛtavāk sa munistāta kimevaṁ taptavāṁstapaḥ na tvayā mama tātena brahmabandhoḥ sutāsmi kim

कन्या ने कहा — हे तात! वह ऋषि ऋतवाक् ऐसी कैसी तपस्या करता रहा है? क्या मैं आपकी, अपने पिता की ही, पुत्री नहीं हूँ — किसी साधारण ब्रह्मबन्धु की नहीं?

श्लोक 60 (markandeya.75.60)

ऋषिरुवाच ब्रह्मबन्धोः सुता न त्वं बाले नैव तपस्विनः । सुता त्वं मम यो देवान् कर्तुमन्यान् समुत्सहे ॥ 75.60 ॥

ṛṣiruvāca brahmabandhoḥ sutā na tvaṁ bāle naiva tapasvinaḥ sutā tvaṁ mama yo devān kartumanyān samutsahe

ऋषि ने कहा — हे बाले! तुम किसी सामान्य ब्रह्मबन्धु की पुत्री नहीं हो, न ही किसी [साधारण] तपस्वी की; तुम मेरी पुत्री हो, जो अन्य देवताओं तक को रचने में समर्थ हूँ।

श्लोक 61 (markandeya.75.61)

कन्योवाच तपस्वी यदि मे तातस्तत्किमृक्षमिदं दिवि । समारोप्य विवाहो मे तदृक्षे क्रियते न तु ॥ 75.61 ॥

kanyovāca tapasvī yadi me tātastatkimṛkṣamidaṁ divi samāropya vivāho me tadṛkṣe kriyate na tu

कन्या ने कहा — यदि मेरे पिता ऐसे तपस्वी हैं, तो आकाश में स्थित यह नक्षत्र भी क्यों नहीं पुनः स्थापित कर, उसी नक्षत्र में मेरा विवाह सम्पन्न किया जाता?

श्लोक 62 (markandeya.75.62)

ऋषिरुवाच एवं भवतु भद्रन्ते भद्रे प्रीतिमती भव । आरोपयामीन्दुमार्गे रेवत्यृक्षं कृते तव ॥ 75.62 ॥

ṛṣiruvāca evaṁ bhavatu bhadrante bhadre prītimatī bhava āropayāmīndumārge revatyṛkṣaṁ kṛte tava

ऋषि ने कहा — 'ऐसा ही हो, हे भद्रे! तुम्हारा कल्याण हो, प्रसन्नचित्त रहो; मैं तुम्हारे लिए रेवती नक्षत्र को चन्द्रमा के मार्ग में पुनः स्थापित करता हूँ।'

श्लोक 63 (markandeya.75.63)

मार्कण्डेय उवाच ततस्तपः प्रभावेण रेवत्यृक्षं महामुनिः । यथापूर्वन्तथा चक्रे सोमयोगि द्विजोत्तम ॥ 75.63 ॥

mārkaṇḍeya uvāca tatastapaḥ prabhāveṇa revatyṛkṣaṁ mahāmuniḥ yathāpūrvantathā cakre somayogi dvijottama

मार्कण्डेय ने कहा — तब तप के प्रभाव से उस महामुनि ने, हे द्विजोत्तम, रेवती नक्षत्र को पूर्ववत् चन्द्रमा के साथ पुनः योग में स्थापित कर दिया।

श्लोक 64 (markandeya.75.64)

विवाहञ्चैव दुहितुर्विधिवद् मन्त्रयोगिनम् । निष्पाद्य प्रीतिमान् भूयो जामातारमथाब्रवीत् ॥ 75.64 ॥

vivāhañcaiva duhiturvidhivad mantrayoginam niṣpādya prītimān bhūyo jāmātāramathābravīt

मन्त्रविधि से अपनी पुत्री का विवाह विधिपूर्वक सम्पन्न कराकर, अत्यन्त प्रसन्न होकर उसने पुनः अपने जामाता से कहा।

श्लोक 65 (markandeya.75.65)

औद्वाहिकन्ते भूपाल कथ्यतां किं ददाम्यहम् । दुर्लभ्यमपि दास्यामि ममाप्रतिहतन्तपः ॥ 75.65 ॥

audvāhikante bhūpāla kathyatāṁ kiṁ dadāmyaham durlabhyamapi dāsyāmi mamāpratihatantapaḥ

'हे भूपाल! विवाह के उपलक्ष्य में बताइए, मैं आपको क्या दूँ? दुर्लभ वस्तु भी दूँगा, क्योंकि मेरा तप अप्रतिहत है।'

श्लोक 66 (markandeya.75.66)

राजोवाच मनोः स्वयम्भुवस्याहमुत्पन्नः सन्ततौ मुने । मन्वन्तराधिपं पुत्रं त्वत्प्रसादाद् वृणोम्यहम् ॥ 75.66 ॥

rājovāca manoḥ svayambhuvasyāhamutpannaḥ santatau mune manvantarādhipaṁ putraṁ tvatprasādād vṛṇomyaham

राजा ने कहा — हे मुने! मैं स्वयंभुव मनु की सन्तान परम्परा में उत्पन्न हुआ हूँ; आपकी कृपा से मैं मन्वन्तर के अधिपति पुत्र की याचना करता हूँ।

श्लोक 67 (markandeya.75.67)

ऋषिरुवाच भविष्यत्येष ते कामो मनुस्त्वत्तनयो महीम् । सकलां भोक्ष्यते भूप धर्मविच्च भविष्यति ॥ 75.67 ॥

ṛṣiruvāca bhaviṣyatyeṣa te kāmo manustvattanayo mahīm sakalāṁ bhokṣyate bhūpa dharmavicca bhaviṣyati

ऋषि ने कहा — तुम्हारी यह कामना पूर्ण होगी; तुम्हारा पुत्र मनु बनकर सम्पूर्ण पृथ्वी का भोग करेगा, हे भूप, और धर्मज्ञ होगा।

श्लोक 68 (markandeya.75.68)

मार्कण्डेय उवाच तामादाय ततो भूपः स्वमेव नगरं ययौ । तस्मादजायत सुतो रेवत्या रैवतो मनुः ॥ 75.68 ॥

mārkaṇḍeya uvāca tāmādāya tato bhūpaḥ svameva nagaraṁ yayau tasmādajāyata suto revatyā raivato manuḥ

मार्कण्डेय ने कहा — तब वह राजा उसे लेकर अपने ही नगर को चला गया; उससे रेवती से पुत्र उत्पन्न हुआ — रैवत मनु।

श्लोक 69 (markandeya.75.69)

समेतः सकलैर्धर्मैर्मानवैरपराजितः । विज्ञाताखिलशास्त्रार्थो वेदविद्यार्थशास्त्रवित् ॥ 75.69 ॥

sametaḥ sakalairdharmairmānavairaparājitaḥ vijñātākhilaśāstrārtho vedavidyārthaśāstravit

समस्त धर्मों से युक्त, मनुष्यों द्वारा अपराजित, समस्त शास्त्रों के अर्थ का ज्ञाता, वेद-विद्या-अर्थशास्त्र में निपुण।

श्लोक 70 (markandeya.75.70)

तस्य मन्वन्तरे देवान् मुनिदेवेन्द्रपार्थिवान् । कथ्यमानान् मया ब्रह्मन् निबोध सुसमाहितः ॥ 75.70 ॥

tasya manvantare devān munidevendrapārthivān kathyamānān mayā brahman nibodha susamāhitaḥ

हे ब्रह्मन्! अब उसके मन्वन्तर के मुनियों, देवताओं, इन्द्र और राजाओं को, मेरे द्वारा कहे जाने पर, ध्यानपूर्वक सुनो।

श्लोक 71 (markandeya.75.71)

सुमेधसस्तत्र देवास्तथा भूपतयो द्विज । वैकुण्ठश्चामिताभश्च चतुर्दश चतुर्दश ॥ 75.71 ॥

sumedhasastatra devāstathā bhūpatayo dvija vaikuṇṭhaścāmitābhaśca caturdaśa caturdaśa

हे द्विज! वहाँ सुमेधा नामक देवगण और भूपति [नामक दूसरा गण] थे; तथा वैकुण्ठ और अमिताभ, चौदह-चौदह की संख्या में।

श्लोक 72 (markandeya.75.72)

तेषां देवगणानान्तु चतुर्णामपि चेश्चरः । नाम्ना विभुरभूदिन्द्रः शतयज्ञोपलक्षकः ॥ 75.72 ॥

teṣāṁ devagaṇānāntu caturṇāmapi ceścaraḥ nāmnā vibhurabhūdindraḥ śatayajñopalakṣakaḥ

उन चारों देवगणों का एक ही स्वामी था — नाम से विभु, जो सौ यज्ञों से चिह्नित इन्द्र हुआ।

श्लोक 73 (markandeya.75.73)

हिरण्यलोमा वेदश्रीरूर्ध्वबाहुस्तथापरः । वेदबाहुः सुधामा च पर्जन्यश्च महामुनिः ॥ 75.73 ॥

hiraṇyalomā vedaśrīrūrdhvabāhustathāparaḥ vedabāhuḥ sudhāmā ca parjanyaśca mahāmuniḥ

हिरण्यलोमा, वेदश्री, ऊर्ध्वबाहु, और भी एक अन्य — वेदबाहु, सुधामा, तथा महामुनि पर्जन्य —

श्लोक 74 (markandeya.75.74)

वसिष्ठश्च महाभागो वेदवेदान्तपारगः । एते सप्तर्षयश्चासन् रैवतस्यान्तरे मनोः ॥ 75.74 ॥

vasiṣṭhaśca mahābhāgo vedavedāntapāragaḥ ete saptarṣayaścāsan raivatasyāntare manoḥ

और वेद-वेदान्त के पारगामी महाभाग्यशाली वसिष्ठ — ये ही मनु रैवत के अन्तर में सप्तर्षि हुए।

श्लोक 75 (markandeya.75.75)

बलबन्धुर्महावीर्यः सुयष्टव्यस्तथापरः । सत्यकाद्यास्तथैवासन् रैवतस्य मनोः सुताः ॥ 75.75 ॥

balabandhurmahāvīryaḥ suyaṣṭavyastathāparaḥ satyakādyāstathaivāsan raivatasya manoḥ sutāḥ

बलबन्धु, महापराक्रमी, सुयष्टव्य, और भी एक अन्य — तथा सत्यक आदि भी — ये मनु रैवत के पुत्र हुए।

श्लोक 76 (markandeya.75.76)

रैवतान्तास्तु मनवः कथिता ये मया तव । स्वायम्भुवाश्रया ह्येते स्वारोचिषमृते मनुम् ॥ 75.76 ॥

raivatāntāstu manavaḥ kathitā ye mayā tava svāyambhuvāśrayā hyete svārociṣamṛte manum

मैंने तुम्हें रैवत तक के जो मनु बताए, वे सब — स्वारोचिष को छोड़कर — स्वायम्भुव [मनु] के ही आश्रित हैं।

श्लोक 77 (markandeya.75.77)

(य एषां शृणुयान्नित्यं पठेदाख्यानमुत्तमम् । विमुक्तः सर्वपापेभ्यो लोकं प्राप्नोत्यभीप्सितम् ॥ 75.77 ॥

(ya eṣāṁ śṛṇuyānnityaṁ paṭhedākhyānamuttamam vimuktaḥ sarvapāpebhyo lokaṁ prāpnotyabhīpsitam

(जो कोई इस उत्तम आख्यान को सदा सुनता या पढ़ता है, वह समस्त पापों से मुक्त होकर अपने अभीष्ट लोक को प्राप्त करता है।)