चाक्षुष मनु की उत्पत्ति

श्लोक 1 (markandeya.76.1)

मार्कण्डेय उवाच इत्येतत् कथितं तुभ्यं पञ्च मन्वन्तरं तव । चाक्षुषस्य मनोः षष्ठं श्रूयतामिदमन्तरम् ॥ 76.1 ॥

mārkaṇḍeya uvāca ityetat kathitaṁ tubhyaṁ pañca manvantaraṁ tava cākṣuṣasya manoḥ ṣaṣṭhaṁ śrūyatāmidamantaram

इस प्रकार मैंने तुम्हें पाँच मन्वन्तर बताए। अब चाक्षुष मनु के इस छठे मन्वन्तर को सुनो।

श्लोक 2 (markandeya.76.2)

अन्यजन्मनि जातोऽसौ चक्षुषः परमेष्ठिनः । चाक्षुषत्वमतस्तस्य जन्मन्यस्मिन्नपि द्विज ॥ 76.2 ॥

anyajanmani jāto 'sau cakṣuṣaḥ parameṣṭhinaḥ cākṣuṣatvamatastasya janmanyasminnapi dvija

वे किसी अन्य जन्म में परमेष्ठी चक्षु के पुत्र रूप में जन्मे थे; इसीलिए, हे द्विज, इस जन्म में भी उन्हें "चाक्षुष" कहा जाता है।

श्लोक 3 (markandeya.76.3)

जातं माता निजोत्सङ्गे स्थितमुल्लाप्य तं पुनः । परिष्वजति हार्देन पुनरुल्लापयत्यथ ॥ 76.3 ॥

jātaṁ mātā nijotsaṅge sthitamullāpya taṁ punaḥ pariṣvajati hārdena punarullāpayatyatha

जन्म लेते ही माता उसे अपनी गोद में लेकर बार-बार प्रेमपूर्वक बुलाती और हृदय से आलिंगन करती, फिर पुनः बुलाती।

श्लोक 4 (markandeya.76.4)

जातिस्मरः स जातो वै मातुरुत्सङ्गमास्थितः । जहास तं तदा माता संक्रुद्धा वाक्यमब्रवीत् ॥ 76.4 ॥

jātismaraḥ sa jāto vai māturutsaṅgamāsthitaḥ jahāsa taṁ tadā mātā saṁkruddhā vākyamabravīt

वह बालक जातिस्मर होकर जन्मा था; माता की गोद में बैठे हुए वह हँस पड़ा। तब क्रुद्ध हुई माता ने उससे यह वचन कहा।

श्लोक 5 (markandeya.76.5)

भीतास्मि किमिदं वत्स ! हासो यद्वदने तव । अकालबोधः सञ्जातः कच्चित् पश्यसि शोभनम् ॥ 76.5 ॥

bhītāsmi kimidaṁ vatsa ! hāso yadvadane tava akālabodhaḥ sañjātaḥ kaccit paśyasi śobhanam

"मुझे डर लग रहा है, बेटा! तेरे मुख पर यह हँसी कैसी है? क्या तुझे असमय ही कोई ज्ञान उत्पन्न हो गया है? क्या तू कुछ शुभ देख रहा है?"

श्लोक 6 (markandeya.76.6)

पुत्र उवाच मामत्तुमिच्छति पुरो मार्जारी किम न पश्यसि । अन्तर्धानगता चेयं द्वितीया जातहारिणी ॥ 76.6 ॥

putra uvāca māmattumicchati puro mārjārī kima na paśyasi antardhānagatā ceyaṁ dvitīyā jātahāriṇī

"मेरे सामने एक बिल्ली मुझे खा जाना चाहती है — क्या तुम नहीं देख रहीं? और यह दूसरी भी है, अदृश्य, वह शिशु-हारिणी।"

श्लोक 7 (markandeya.76.7)

पुत्रप्रीत्या च भवती सहार्दा मामवेक्षती । उल्लाप्योल्लाप्य बहुशः परिष्वजति मां यतः ॥ 76.7 ॥

putraprītyā ca bhavatī sahārdā māmavekṣatī ullāpyollāpya bahuśaḥ pariṣvajati māṁ yataḥ

"पुत्र-स्नेह से तुम मुझे प्रेमपूर्वक निहारती हो, बार-बार बुलाकर मुझे आलिंगन करती हो।"

श्लोक 8 (markandeya.76.8)

उद्भूतपुलका स्नेहसम्भवास्त्राविलेक्षणा । ततो ममागतो हासः शृणु चाप्यत्र कारणम् ॥ 76.8 ॥

udbhūtapulakā snehasambhavāstrāvilekṣaṇā tato mamāgato hāsaḥ śṛṇu cāpyatra kāraṇam

"तुम्हारा शरीर स्नेह से रोमांचित है, आँखें प्रेमाश्रुओं से धुँधली हैं — इसीलिए मुझे हँसी आई; अब इसका कारण सुनो।"

श्लोक 9 (markandeya.76.9)

स्वार्थे प्रसक्ता मार्जारी प्रसक्तं मामवेक्षते । तथान्तर्धानगा चैव द्वितीया जातहारिणी ॥ 76.9 ॥

svārthe prasaktā mārjārī prasaktaṁ māmavekṣate tathāntardhānagā caiva dvitīyā jātahāriṇī

"वह बिल्ली अपने स्वार्थ में लगी हुई मुझे टकटकी लगाकर देखती है, और वैसे ही वह दूसरी, अदृश्य शिशु-हारिणी भी।"

श्लोक 10 (markandeya.76.10)

स्वार्थाय स्निग्धहृदया यथैवैते ममोपरि । प्रवृत्ते स्वार्थमास्थाय तथैव प्रतिभासि मे ॥ 76.10 ॥

svārthāya snigdhahṛdayā yathaivaite mamopari pravṛtte svārthamāsthāya tathaiva pratibhāsi me

"ये दोनों मेरे प्रति स्नेहिल हृदय होकर भी अपने ही स्वार्थ के लिए प्रवृत्त हैं; तुम भी मुझे वैसी ही प्रतीत होती हो — अपने स्वार्थ में स्थित।"

श्लोक 11 (markandeya.76.11)

किन्तु मदुपभोगाय मार्जारी जातहारिणी । त्वन्तु क्रमेणोपभोग्यं मत्तः फलमभीप्ससि ॥ 76.11 ॥

kintu madupabhogāya mārjārī jātahāriṇī tvantu krameṇopabhogyaṁ mattaḥ phalamabhīpsasi

"किन्तु बिल्ली और वह शिशु-हारिणी मुझे केवल खा जाने के लिए, अपने भोग के लिए चाहती हैं; तुम तो मुझसे क्रमशः भोग्य फल की कामना करती हो।"

श्लोक 12 (markandeya.76.12)

न मां जानासि कोऽप्येष न चैवापकृतं मया । सङ्गतं नातिकालीनं पञ्चसप्तदिनात्मकम् ॥ 76.12 ॥

na māṁ jānāsi ko 'pyeṣa na caivāpakṛtaṁ mayā saṅgataṁ nātikālīnaṁ pañcasaptadinātmakam

"तुम मुझे सच में जानती तक नहीं कि मैं कौन हूँ, न ही मैंने तुम्हारा कोई भला किया है। हमारा साथ अभी अधिक पुराना नहीं, बस पाँच-सात दिनों का है।"

श्लोक 13 (markandeya.76.13)

तथापि स्त्रिह्यसे सास्त्रा परिष्वजसि चाप्यति । तातेति वत्स ! भद्रेति निर्व्यलीकं ब्रवीषि माम् ॥ 76.13 ॥

tathāpi strihyase sāstrā pariṣvajasi cāpyati tāteti vatsa ! bhadreti nirvyalīkaṁ bravīṣi mām

"फिर भी तुम स्नेह से आर्द्र होकर, आँसू भरी आँखों से मुझे बारंबार आलिंगन करती हो, और बिना किसी छल के मुझे 'तात', 'वत्स', 'भद्र' कहकर पुकारती हो।"

श्लोक 14 (markandeya.76.14)

मातोवाच न त्वाहमुपकारार्थं वत्स ! प्रीत्या परिष्वजे । न चेदेतद्भवत्प्रीत्यै परित्यक्तास्म्यहं त्वया ॥ 76.14 ॥

mātovāca na tvāhamupakārārthaṁ vatsa ! prītyā pariṣvaje na cedetadbhavatprītyai parityaktāsmyahaṁ tvayā

"मैं तुझे किसी लाभ के लिए प्रेम से आलिंगन नहीं करती, वत्स! यदि यह तेरे हित के लिए न होता, तो तू मुझे बहुत पहले त्याग चुका होता।"

श्लोक 15 (markandeya.76.15)

स्वार्थो मया परित्यक्तो यस्त्वत्तो मे भविष्यति । इत्युक्त्वा सा तमुत्सृज्य निष्क्रान्ता सूतिकागृहात् ॥ 76.15 ॥

svārtho mayā parityakto yastvatto me bhaviṣyati ityuktvā sā tamutsṛjya niṣkrāntā sūtikāgṛhāt

"मैंने तुझसे जो भी स्वार्थ प्राप्त होना था, उसे त्याग दिया है।" ऐसा कहकर वह उसे छोड़कर सूतिकागृह से बाहर निकल गई।

श्लोक 16 (markandeya.76.16)

जडाङ्गबाह्यकरणं शुद्धान्तः करणात्मकम् । जहार तं परित्यक्तं सा तदा जातहारिणी ॥ 76.16 ॥

jaḍāṅgabāhyakaraṇaṁ śuddhāntaḥ karaṇātmakam jahāra taṁ parityaktaṁ sā tadā jātahāriṇī

तभी उस शिशु-हारिणी ने उस त्यक्त बालक को — जो बाहरी अंगों से जड़ किन्तु अंतःकरण से शुद्ध था — चुरा लिया।

श्लोक 17 (markandeya.76.17)

सा हृत्वा तं तदा बालं विक्रान्तस्य महीभृतः । प्रसूतपत्नीशयने न्यस्य तस्याददे सुतम् ॥ 76.17 ॥

sā hṛtvā taṁ tadā bālaṁ vikrāntasya mahībhṛtaḥ prasūtapatnīśayane nyasya tasyādade sutam

उसे चुराकर उस शिशु-हारिणी ने विक्रान्त राजा की पत्नी की प्रसव-शय्या पर रख दिया, और उसका पुत्र उठा ले गई।

श्लोक 18 (markandeya.76.18)

तमप्यन्यगृहे नीत्वा गृहीत्वा तस्य चात्मजम् । तृतीयं भक्षयामास सा क्रमाज्जातहारिणी ॥ 76.18 ॥

tamapyanyagṛhe nītvā gṛhītvā tasya cātmajam tṛtīyaṁ bhakṣayāmāsa sā kramājjātahāriṇī

उसे भी किसी अन्य घर में ले जाकर, वहाँ के पुत्र को लेकर उस निर्दय शिशु-हारिणी ने क्रमशः तीसरे बालक को खा लिया।

श्लोक 19 (markandeya.76.19)

हृत्वा हृत्वा तृतीयन्तु भक्षयत्यतिनिर्घृणा । करोत्यनुदिनं सा नु परिवर्तन्तथान्ययोः ॥ 76.19 ॥

hṛtvā hṛtvā tṛtīyantu bhakṣayatyatinirghṛṇā karotyanudinaṁ sā nu parivartantathānyayoḥ

वह अत्यंत निर्दयतापूर्वक चुरा-चुराकर हर बार तीसरे बालक को खा जाती है, और प्रतिदिन शेष दो के बीच यह अदला-बदली करती रहती है।

श्लोक 20 (markandeya.76.20)

विक्रान्तोऽपि ततस्तस्य सुतस्यैव महीपतिः । कारयामास संस्कारान् राजन्यस्य भवन्ति ये ॥ 76.20 ॥

vikrānto 'pi tatastasya sutasyaiva mahīpatiḥ kārayāmāsa saṁskārān rājanyasya bhavanti ye

विक्रान्त राजा ने भी उस [अपने पास आए] पुत्र के लिए राजपुत्रों के योग्य सभी संस्कार संपन्न कराए।

श्लोक 21 (markandeya.76.21)

आनन्देति च नामास्य पिता चक्रे विधानतः । मुदा परमया युक्तो विक्रान्तः स नराधिपः ॥ 76.21 ॥

ānandeti ca nāmāsya pitā cakre vidhānataḥ mudā paramayā yukto vikrāntaḥ sa narādhipaḥ

अत्यंत प्रसन्न होकर उसके पिता विक्रान्त राजा ने विधिपूर्वक उसका नाम आनन्द रखा।

श्लोक 22 (markandeya.76.22)

कृतोपनयनं तन्तु गुरुराह कुमारकम् । जनन्याः प्रागुपस्थानं क्रियताञ्चाभिवादनम् ॥ 76.22 ॥

kṛtopanayanaṁ tantu gururāha kumārakam jananyāḥ prāgupasthānaṁ kriyatāñcābhivādanam

जब उसका उपनयन संस्कार हो चुका, तब गुरु ने उस बालक से कहा — "पहले अपनी माता के समक्ष जाकर उन्हें प्रणाम करो।"

श्लोक 23 (markandeya.76.23)

स गुरोस्तद्वचः श्रुत्वा विहस्यैवमथाब्रवीत् । वन्द्या मे कतमा माता जननी पालनी नु किम् ॥ 76.23 ॥

sa gurostadvacaḥ śrutvā vihasyaivamathābravīt vandyā me katamā mātā jananī pālanī nu kim

गुरु के ये वचन सुनकर वह हँस पड़ा और बोला — "मुझे किस माता को प्रणाम करना चाहिए — जन्म देने वाली को, या पालने वाली को?"

श्लोक 24 (markandeya.76.24)

गुरुरुवाच न त्वियं ते महाभाग ! जनयित्री रुथात्मजा । विक्रान्तस्याग्रमहिषी हैमिनी नाम नामतः ॥ 76.24 ॥

gururuvāca na tviyaṁ te mahābhāga ! janayitrī ruthātmajā vikrāntasyāgramahiṣī haiminī nāma nāmataḥ

गुरु ने कहा — "हे महाभाग! यह तुम्हारी जन्मदात्री नहीं है... यह तो विक्रान्त की अग्रमहिषी है, जिसका नाम हैमिनी है।"

श्लोक 25 (markandeya.76.25)

आनन्द उवाच इयं जनित्री चैत्रस्य विशालग्रमवासिनः । विप्राग्र्यबोधपुत्रस्य योऽस्यां जातोऽन्यतो वचम् ॥ 76.25 ॥

ānanda uvāca iyaṁ janitrī caitrasya viśālagramavāsinaḥ viprāgryabodhaputrasya yo 'syāṁ jāto 'nyato vacam

आनन्द ने कहा — "यह विशाल ग्राम के निवासी चैत्र की माता है, जो श्रेष्ठ ब्राह्मण बोध के पुत्र रूप में पाला गया, यद्यपि जन्मा किसी अन्य से था।"

श्लोक 26 (markandeya.76.26)

गुरुरुवाच कुतस्त्वं कथयानन्द ! चैत्रः को वा त्वयोच्यते । सङ्कटं महदाभाति क्व जातोऽत्र ब्रवीषि किम् ॥ 76.26 ॥

gururuvāca kutastvaṁ kathayānanda ! caitraḥ ko vā tvayocyate saṅkaṭaṁ mahadābhāti kva jāto 'tra bravīṣi kim

गुरु ने कहा — "हे आनन्द! तुम सच में कहाँ से आए हो, यह बताओ। यह चैत्र कौन है, जिसका तुम उल्लेख कर रहे हो? यहाँ तो बड़ा भारी उलझाव प्रतीत होता है — तुम कहाँ जन्मे थे, स्पष्ट कहो।"

श्लोक 27 (markandeya.76.27)

आनन्द उवाच जातोऽहमवनीन्द्रस्य क्षत्रियस्य गृहे द्विज । तत्पत्न्यां गिरिभद्रायामाददे जातहारिणी ॥ 76.27 ॥

ānanda uvāca jāto 'hamavanīndrasya kṣatriyasya gṛhe dvija tatpatnyāṁ giribhadrāyāmādade jātahāriṇī

आनन्द ने कहा — "हे द्विज! मैं एक क्षत्रिय राजा के घर, उसकी पत्नी गिरिभद्रा से जन्मा था। उस शिशु-हारिणी ने मुझे वहाँ से चुराया।"

श्लोक 28 (markandeya.76.28)

तयात्र मुक्तो हैमिन्या गृहीत्वा च सुतञ्च सा । बोधस्य द्विजमुख्यस्य गृहे नीतवती पुनः ॥ 76.28 ॥

tayātra mukto haiminyā gṛhītvā ca sutañca sā bodhasya dvijamukhyasya gṛhe nītavatī punaḥ

"उसने मुझे यहाँ हैमिनी के पास छोड़ दिया, और उसके पुत्र को लेकर आगे श्रेष्ठ ब्राह्मण बोध के घर ले गई।"

श्लोक 29 (markandeya.76.29)

भक्षयामास च सुतं तस्य बोधद्विजन्मनः । स तत्र द्विजसंस्कारैः संस्कृतो हैमिनीसुतः ॥ 76.29 ॥

bhakṣayāmāsa ca sutaṁ tasya bodhadvijanmanaḥ sa tatra dvijasaṁskāraiḥ saṁskṛto haiminīsutaḥ

"उसने बोध ब्राह्मण से उत्पन्न पुत्र को खा लिया; और वहाँ हैमिनी का ही पुत्र, उसके स्थान पर, ब्राह्मण के संस्कारों से संस्कारित हुआ।"

श्लोक 30 (markandeya.76.30)

वयमत्र महाभाग ! संस्कृता गुरुणा त्वया । मया तव वचः कार्यमुपैमि कतमां गुरो ॥ 76.30 ॥

vayamatra mahābhāga ! saṁskṛtā guruṇā tvayā mayā tava vacaḥ kāryamupaimi katamāṁ guro

"हे महाभाग! इस प्रकार हम दोनों यहाँ आपके द्वारा संस्कारित हुए हैं। अब आपके वचन का पालन करना ही मेरा कर्तव्य है — हे गुरो, बताइए, अब मैं किस माता के पास जाऊँ?"

श्लोक 31 (markandeya.76.31)

गुरुरुवाच अतीव गहनं वत्स ! सङ्कटं महदागतम् । न वेद्मि किञ्चिन्मोहेन भ्रमन्तीव हि बुद्धयः ॥ 76.31 ॥

gururuvāca atīva gahanaṁ vatsa ! saṅkaṭaṁ mahadāgatam na vedmi kiñcinmohena bhramantīva hi buddhayaḥ

गुरु ने कहा — "हे वत्स! यह अत्यंत गहन और बड़ा उलझाव सामने आया है। मैं मोहवश अब कुछ भी नहीं जानता — मेरी बुद्धि मानो भ्रमित हो रही है।"

श्लोक 32 (markandeya.76.32)

आनन्द उवाच मोहस्यावसरः कोऽत्र जगत्येवं व्यवस्थिते । कः कस्य पुत्रो विप्रर्षे ! को वा कस्य नु बान्धवः ॥ 76.32 ॥

ānanda uvāca mohasyāvasaraḥ ko 'tra jagatyevaṁ vyavasthite kaḥ kasya putro viprarṣe ! ko vā kasya nu bāndhavaḥ

आनन्द ने कहा — "हे विप्रर्षे! जब संसार की व्यवस्था ही ऐसी है, तो यहाँ मोह का अवसर ही कहाँ है? कौन किसका पुत्र है, और कौन किसका बन्धु है?"

श्लोक 33 (markandeya.76.33)

आरभ्य जन्मनो नॄणां सम्बन्धित्वमुपैति यः । अन्ये सम्बन्धिनो विप्र ! मृत्युना सन्निवर्तिताः ॥ 76.33 ॥

ārabhya janmano nṝṇāṁ sambandhitvamupaiti yaḥ anye sambandhino vipra ! mṛtyunā sannivartitāḥ

"मनुष्यों का जो सम्बन्ध जन्म से आरंभ होकर बनता है, हे विप्र, वह भी थोड़े समय के लिए ही रहता है; अन्य सभी सम्बन्ध तो मृत्यु से पुनः समाप्त हो जाते हैं।"

श्लोक 34 (markandeya.76.34)

अत्रापि जातस्य सतः सम्बन्धोयोऽस्य बान्धवैः । सोऽप्यस्तङ्गते देहे प्रयात्येषोऽखिलक्रमः ॥ 76.34 ॥

atrāpi jātasya sataḥ sambandhoyo 'sya bāndhavaiḥ so 'pyastaṅgate dehe prayātyeṣo 'khilakramaḥ

"यहाँ भी जन्म लेने वाले प्राणी का अपने बन्धुओं के साथ जो सम्बन्ध बनता है, वह भी शरीर के अस्त होते ही चला जाता है — यही सब की गति है।"

श्लोक 35 (markandeya.76.35)

अतो ब्रवीमि संसारे वसतः को न बान्धवः । को वापि सततं बन्धुः किं वो विभ्राम्यते मतिः ॥ 76.35 ॥

ato bravīmi saṁsāre vasataḥ ko na bāndhavaḥ ko vāpi satataṁ bandhuḥ kiṁ vo vibhrāmyate matiḥ

"इसीलिए मैं कहता हूँ — इस संसार में रहने वाले का कौन बन्धु नहीं है? और कौन ही सदा के लिए बन्धु है? आपकी बुद्धि क्यों भ्रमित हो रही है?"

श्लोक 36 (markandeya.76.36)

पितृद्वयं मया प्राप्तमस्मिन्नेव हि जन्मनि । मातृद्वयञ्च किञ्चित्रं यदन्यद् देहसम्भवे ॥ 76.36 ॥

pitṛdvayaṁ mayā prāptamasminneva hi janmani mātṛdvayañca kiñcitraṁ yadanyad dehasambhave

"इसी एक जन्म में मुझे दो पिता, और कुछ भिन्न प्रकार से दो माताएँ भी प्राप्त हुई हैं — देह की यह उत्पत्ति कैसी विचित्र है!"

श्लोक 37 (markandeya.76.37)

सोऽहं तपः करिष्यामि त्वया यो ह्यस्य भूपतेः । विशालग्रामतः पुत्रश्चैत्र आनीयतामिह ॥ 76.37 ॥

so 'haṁ tapaḥ kariṣyāmi tvayā yo hyasya bhūpateḥ viśālagrāmataḥ putraścaitra ānīyatāmiha

"अब मैं तप करूँगा। किन्तु आप इस राजा के उस पुत्र चैत्र को विशाल ग्राम से यहाँ मँगवा लीजिए।"

श्लोक 38 (markandeya.76.38)

मार्कण्डेय उवाच ततः स विस्मितो राजा सभार्यः सह बन्धुभिः । तस्मान्निवर्त्य ममतामनुमेने वनाय तम् ॥ 76.38 ॥

mārkaṇḍeya uvāca tataḥ sa vismito rājā sabhāryaḥ saha bandhubhiḥ tasmānnivartya mamatāmanumene vanāya tam

तब आश्चर्यचकित राजा ने अपनी रानी और बन्धुजनों सहित आनन्द से ममता हटाकर उसे वन जाने की अनुमति दे दी।

श्लोक 39 (markandeya.76.39)

चैत्रमानीय तनयं राज्ययोग्यं चकार सः । संमान्य ब्राह्मणं येन पुत्रबुद्ध्या स पालितः ॥ 76.39 ॥

caitramānīya tanayaṁ rājyayogyaṁ cakāra saḥ saṁmānya brāhmaṇaṁ yena putrabuddhyā sa pālitaḥ

उसने चैत्र को, अपने वास्तविक पुत्र को, बुलाकर उसे राज्य के योग्य बनाया, और जिस ब्राह्मण [बोध] ने पुत्रवत् उसका पालन किया था, उसका सम्मान किया।

श्लोक 40 (markandeya.76.40)

सोऽप्यानन्दस्तपस्तेपे बाल एव महावने । कर्मणां क्षुपणार्थाय विमुक्तेः परिपन्थिनाम् ॥ 76.40 ॥

so 'pyānandastapastepe bāla eva mahāvane karmaṇāṁ kṣupaṇārthāya vimukteḥ paripanthinām

आनन्द ने भी बालक अवस्था में ही महावन में तप करना आरम्भ किया, ताकि मुक्ति में बाधक कर्मों का क्षय हो सके।

श्लोक 41 (markandeya.76.41)

तपस्यन्तं ततस्तञ्च प्राह देवः प्रजापतिः । किमर्थं तप्यसे वत्स ! तपस्तीव्रं वदस्व तत् ॥ 76.41 ॥

tapasyantaṁ tatastañca prāha devaḥ prajāpatiḥ kimarthaṁ tapyase vatsa ! tapastīvraṁ vadasva tat

तप करते हुए उस बालक से देव प्रजापति ने कहा — "वत्स! तुम किसलिए इतनी तीव्र तपस्या कर रहे हो, बताओ।"

श्लोक 42 (markandeya.76.42)

आनन्द उवाच आत्मनः शुद्धिकामोऽहं करोमि भगवंस्तपः । बन्धाय मम कर्माणि यानि तत्क्षपणोन्मुखः ॥ 76.42 ॥

ānanda uvāca ātmanaḥ śuddhikāmo 'haṁ karomi bhagavaṁstapaḥ bandhāya mama karmāṇi yāni tatkṣapaṇonmukhaḥ

आनन्द ने कहा — "हे भगवन्! मैं अपनी आत्मा की शुद्धि की कामना से यह तप कर रहा हूँ, जिससे बन्धनकारी मेरे कर्मों का क्षय हो सके।"

श्लोक 43 (markandeya.76.43)

ब्रह्मोवाच क्षीणाधिकारो भवति मुक्तियोग्यो न कर्मवान् । सत्त्वाधिकारवान् मुक्तिमवाप्स्यति ततो भवान् ॥ 76.43 ॥

brahmovāca kṣīṇādhikāro bhavati muktiyogyo na karmavān sattvādhikāravān muktimavāpsyati tato bhavān

ब्रह्मा ने कहा — "जिसका कर्म-अधिकार क्षीण हो चुका है, वही मुक्ति के योग्य होता है, कर्मशेष वाला नहीं। तुम अभी सत्त्वाधिकार से युक्त हो, इसलिए उसके बाद ही मुक्ति पाओगे।"

श्लोक 44 (markandeya.76.44)

भवता मनुना भाव्यं षष्ठेन व्रज तत् कुरु । अलन्ते तपसा तस्मिन् कृते मुक्तिमवाप्स्यसि ॥ 76.44 ॥

bhavatā manunā bhāvyaṁ ṣaṣṭhena vraja tat kuru alante tapasā tasmin kṛte muktimavāpsyasi

"तुम्हें छठे मनु बनना है — जाओ, वही करो। उस कार्य के पूर्ण होने पर, इस तप के फलस्वरूप तुम अंततः मुक्ति प्राप्त करोगे।"

श्लोक 45 (markandeya.76.45)

मार्कण्डेय उवाच इत्युक्तो ब्रह्मणा सोऽपि तथेत्युक्त्वा महामतिः । तत्कर्माभिमुखो यातस्तपसो विरराम ह ॥ 76.45 ॥

mārkaṇḍeya uvāca ityukto brahmaṇā so 'pi tathetyuktvā mahāmatiḥ tatkarmābhimukho yātastapaso virarāma ha

ब्रह्मा के ऐसा कहने पर उस महामति ने "ऐसा ही हो" कहकर उस कर्तव्य की ओर प्रस्थान किया और तप से विरत हो गया।

श्लोक 46 (markandeya.76.46)

चाक्षुषेत्याह तं ब्रह्मा तपसो विनिवर्तयन् । पूर्वनाम्ना बभूवाथ प्रख्यातश्चाक्षुषो मनुः ॥ 76.46 ॥

cākṣuṣetyāha taṁ brahmā tapaso vinivartayan pūrvanāmnā babhūvātha prakhyātaścākṣuṣo manuḥ

तप से निवृत्त करते हुए ब्रह्मा ने उसे "चाक्षुष" नाम से पुकारा, और अपने पूर्व नाम से ही वह चाक्षुष मनु के नाम से विख्यात हुआ।

श्लोक 47 (markandeya.76.47)

उपयेमे विदर्भां स सुतामुग्रस्य भूभृतः । तस्याञ्चोत्पादयामास पुत्रान् प्रख्यातविक्रमान् ॥ 76.47 ॥

upayeme vidarbhāṁ sa sutāmugrasya bhūbhṛtaḥ tasyāñcotpādayāmāsa putrān prakhyātavikramān

उसने उग्र राजा की पुत्री विदर्भा से विवाह किया, और उससे प्रख्यात पराक्रमी पुत्र उत्पन्न किए।

श्लोक 48 (markandeya.76.48)

तस्य मन्वन्तरेशस्य येऽन्तरे त्रिदशा द्विज । ये चर्षयस्तथैवेन्द्रो ये सुताश्चास्य तान् शृणु ॥ 76.48 ॥

tasya manvantareśasya ye 'ntare tridaśā dvija ye carṣayastathaivendro ye sutāścāsya tān śṛṇu

हे द्विज! उस मन्वन्तराधिपति के उस अन्तर में जो देवगण, ऋषिगण, इन्द्र तथा उसके पुत्र थे, उन्हें सुनो।

श्लोक 49 (markandeya.76.49)

आप्या नाम सुरास्तत्र तेषामेकोऽष्टको गणः । प्रख्यातकर्मणां विप्र ! यज्ञे हव्यभुजामयम् ॥ 76.49 ॥

āpyā nāma surāstatra teṣāmeko 'ṣṭako gaṇaḥ prakhyātakarmaṇāṁ vipra ! yajñe havyabhujāmayam

हे विप्र! वहाँ यज्ञ में हविष्य ग्रहण करने वाला, प्रसिद्ध कर्मों वाला आठ देवताओं का एक समूह "आप्य" कहलाता था।

श्लोक 50 (markandeya.76.50)

प्रख्यातबलवीर्याणां प्रभामण्डलदुर्दृशाम् । द्वितीयश्च प्रसूताख्यो देवानामष्टको गणः ॥ 76.50 ॥

prakhyātabalavīryāṇāṁ prabhāmaṇḍaladurdṛśām dvitīyaśca prasūtākhyo devānāmaṣṭako gaṇaḥ

प्रसिद्ध बल-पराक्रम वाला, अपने तेजोमण्डल के कारण दुर्दर्श, दूसरा आठ देवताओं का समूह "प्रसूत" कहलाता था।

श्लोक 51 (markandeya.76.51)

तथैवाष्टक एवान्यो भव्याख्यो देवतागणः । चतुर्थश्च गणस्तत्र यूथगाख्यस्तथाष्टकः ॥ 76.51 ॥

tathaivāṣṭaka evānyo bhavyākhyo devatāgaṇaḥ caturthaśca gaṇastatra yūthagākhyastathāṣṭakaḥ

उसी प्रकार "भव्य" नामक अन्य आठ देवताओं का समूह था; और वहाँ चौथा समूह भी आठ का, "यूथग" नाम से जाना जाता था।

श्लोक 52 (markandeya.76.52)

लेखसंज्ञास्तथैवान्ये तत्र मन्वन्तरे द्विज । पञ्चमे च गणे देवास्तत्संज्ञा ह्यमृताशिनः ॥ 76.52 ॥

lekhasaṁjñāstathaivānye tatra manvantare dvija pañcame ca gaṇe devāstatsaṁjñā hyamṛtāśinaḥ

हे द्विज! उस मन्वन्तर में इसी प्रकार अन्य देव "लेख" नाम से थे; और पाँचवें समूह में अमृतभक्षी देव उसी नाम से जाने जाते थे।

श्लोक 53 (markandeya.76.53)

शतं क्रतूनामाहृत्य यस्तेषामधिपोऽभवत् । मनोजवस्तथैवेन्द्रः संख्यातो यज्ञभागभुक् ॥ 76.53 ॥

śataṁ kratūnāmāhṛtya yasteṣāmadhipo 'bhavat manojavastathaivendraḥ saṁkhyāto yajñabhāgabhuk

सौ यज्ञ सम्पन्न करके जो उनका अधिपति बना और यज्ञभाग भोक्ता इन्द्र गिना गया, वह मनोजव था।

श्लोक 54 (markandeya.76.54)

सुमेधा विरजाश्चैव हविष्मानुन्नतो मधुः । अतिनामा सहिष्णुश्च सप्तासन्निति चर्षयः ॥ 76.54 ॥

sumedhā virajāścaiva haviṣmānunnato madhuḥ atināmā sahiṣṇuśca saptāsanniti carṣayaḥ

सुमेधा, विरजा, हविष्मान्, उन्नत, मधु, अतिनामा और सहिष्णु — ये सात उस काल के ऋषि थे।

श्लोक 55 (markandeya.76.55)

ऊरु-पुरु-शतद्युम्नप्रमुखाः सुमहाबलाः । चाक्षुषस्य मनोः पुत्राः पृथिवीपतयोऽभवन् ॥ 76.55 ॥

ūru-puru-śatadyumnapramukhāḥ sumahābalāḥ cākṣuṣasya manoḥ putrāḥ pṛthivīpatayo 'bhavan

उरु, पुरु, शतद्युम्न आदि अत्यंत बलशाली पुत्र चाक्षुष मनु के पुत्र थे, जो पृथ्वी के अधिपति बने।

श्लोक 56 (markandeya.76.56)

एतत्ते कथितं षष्ठं मया मन्वन्तरं द्विज । चाक्षुषस्य तथा जन्म चरितञ्च महात्मनः ॥ 76.56 ॥

etatte kathitaṁ ṣaṣṭhaṁ mayā manvantaraṁ dvija cākṣuṣasya tathā janma caritañca mahātmanaḥ

हे द्विज! इस प्रकार मैंने तुम्हें यह छठा मन्वन्तर, तथा महात्मा चाक्षुष का जन्म और चरित्र बताया।

श्लोक 57 (markandeya.76.57)

साम्प्रतं वर्तते योऽयं नाम्ना वैवस्वतो मनुः । सप्तमीयेऽन्तरे तस्य देवाद्यास्तान् शृणुष्व मे ॥ 76.57 ॥

sāmprataṁ vartate yo 'yaṁ nāmnā vaivasvato manuḥ saptamīye 'ntare tasya devādyāstān śṛṇuṣva me

अब वह जो वर्तमान में विद्यमान है, वैवस्वत नाम का मनु, उसके इस सातवें अन्तर में जो देवादि हैं, उन्हें मुझसे सुनो।

श्लोक 58 (markandeya.76.58)

य इदं कीर्तयेद् धीमान् चाक्षुषस्यान्तरं भुवि । शृणुते च लभेत् पुत्रानारोग्यसुखसम्पदम् ॥ 76.58 ॥

ya idaṁ kīrtayed dhīmān cākṣuṣasyāntaraṁ bhuvi śṛṇute ca labhet putrānārogyasukhasampadam

जो बुद्धिमान इस पृथ्वी पर चाक्षुष के इस अन्तर को कीर्तन करे या सुने, वह पुत्र, आरोग्य, सुख और सम्पदा प्राप्त करता है।