संज्ञा और यम-शाप

श्लोक 1 (markandeya.77.1)

मार्कण्डेय उवाच मार्तण्ड रस्यवेर्भार्या तनया विश्वकर्मणः । संज्ञा नाम महाभाग तस्यां भानुरजीजनत् ॥ 77.1 ॥

mārkaṇḍeya uvāca mārtaṇḍa rasyaverbhāryā tanayā viśvakarmaṇaḥ saṁjñā nāma mahābhāga tasyāṁ bhānurajījanat

मार्तण्ड (सूर्य) की पत्नी विश्वकर्मा की पुत्री थी, जिसका नाम संज्ञा था, हे महाभाग; उससे तेजस्वी सूर्य ने सन्तान उत्पन्न की।

श्लोक 2 (markandeya.77.2)

मनुं प्रख्यातयशसमनेकज्ञानपारगम् । विवस्वतः सुतो यस्मात्तस्माद्वैवस्वतस्तु सः ॥ 77.2 ॥

manuṁ prakhyātayaśasamanekajñānapāragam vivasvataḥ suto yasmāttasmādvaivasvatastu saḥ

अनेक विद्याओं में पारंगत, प्रख्यात यशस्वी मनु को — विवस्वान् का पुत्र होने से वह वैवस्वत कहलाया।

श्लोक 3 (markandeya.77.3)

संज्ञा च रविणा दृष्टा निमीलयति लोचने । यतस्ततः सरोषोर्ऽकः संज्ञां निष्ठुरमब्रवीत् ॥ 77.3 ॥

saṁjñā ca raviṇā dṛṣṭā nimīlayati locane yatastataḥ saroṣor'kaḥ saṁjñāṁ niṣṭhuramabravīt

संज्ञा जब भी सूर्य द्वारा देखी जाती, तो अपनी आँखें मूँद लेती थी; इससे क्रुद्ध होकर सूर्य ने संज्ञा से कठोर वचन कहा।

श्लोक 4 (markandeya.77.4)

मयि दृष्टे सदा यस्मात् कुरुषे नेत्रसंयमम् । तस्माज्जनिष्यसे मूढे प्रजासंयमनं यमम् ॥ 77.4 ॥

mayi dṛṣṭe sadā yasmāt kuruṣe netrasaṁyamam tasmājjaniṣyase mūḍhe prajāsaṁyamanaṁ yamam

"चूँकि तुम मुझे देखते ही सदा अपनी आँखें बन्द कर लेती हो, इसलिए हे मूढ़े! तुम प्रजा को संयमित करने वाले यम को जन्म दोगी।"

श्लोक 5 (markandeya.77.5)

मार्कण्डेय उवाच ततः सा चपलां दृष्टिं देवी चक्रे भयाकुला । विलोलितदृशं दृष्ट्वा पुनराह च तां रविः ॥ 77.5 ॥

mārkaṇḍeya uvāca tataḥ sā capalāṁ dṛṣṭiṁ devī cakre bhayākulā vilolitadṛśaṁ dṛṣṭvā punarāha ca tāṁ raviḥ

तब भयभीत देवी ने अपनी दृष्टि चंचल कर ली; उसकी चलायमान आँखें देखकर सूर्य ने पुनः उससे कहा।

श्लोक 6 (markandeya.77.6)

यस्माद्विलोलिता दृष्टिर्मयि दृष्टे त्वयाधुना । तस्माद्विलोलां तनयां नदीं त्वं प्रसविष्यसि ॥ 77.6 ॥

yasmādvilolitā dṛṣṭirmayi dṛṣṭe tvayādhunā tasmādvilolāṁ tanayāṁ nadīṁ tvaṁ prasaviṣyasi

"चूँकि अब तुम्हारी दृष्टि मुझे देखकर चंचल हो उठी है, इसलिए तुम एक चंचल पुत्री, अर्थात् एक नदी, को जन्म दोगी।"

श्लोक 7 (markandeya.77.7)

मार्कण्डेय उवाच ततस्तस्यान्तु संजज्ञे भर्तृशापेन तेन वै । यमश्च यमुना चेयं प्रख्याता सुमहानदी ॥ 77.7 ॥

mārkaṇḍeya uvāca tatastasyāntu saṁjajñe bhartṛśāpena tena vai yamaśca yamunā ceyaṁ prakhyātā sumahānadī

तब पति के उस शाप से उससे यम, और यह प्रसिद्ध महानदी यमुना उत्पन्न हुई।

श्लोक 8 (markandeya.77.8)

सापि संज्ञा रवेस्तेजः सेहे दुः खेन भामिनी । असहन्ती च सा तेजश्चिन्तयामास वै तदा ॥ 77.8 ॥

sāpi saṁjñā ravestejaḥ sehe duḥ khena bhāminī asahantī ca sā tejaścintayāmāsa vai tadā

वह सुन्दरी संज्ञा सूर्य के तेज को बड़े दुःख से सहती रही; उस तेज को न सह पाने पर उसने चिन्तन किया।

श्लोक 9 (markandeya.77.9)

किङ्करोमि क्व गच्छामि क्व गतायाश्च निर्वृतिः । भवेन्मम कथं भर्ता कोपमर्कश्च नैष्यति ॥ 77.9 ॥

kiṅkaromi kva gacchāmi kva gatāyāśca nirvṛtiḥ bhavenmama kathaṁ bhartā kopamarkaśca naiṣyati

"मैं क्या करूँ, कहाँ जाऊँ? कहाँ जाकर मुझे शान्ति मिलेगी? मेरे पति क्रुद्ध भी न हों, यह कैसे हो?"

श्लोक 10 (markandeya.77.10)

इति संचिन्त्य बहुधा प्रजापतिसुता तदा । बहु मेने महाभागा पितृसंश्रयमेव सा ॥ 77.10 ॥

iti saṁcintya bahudhā prajāpatisutā tadā bahu mene mahābhāgā pitṛsaṁśrayameva sā

इस प्रकार बहुत सोच-विचार करके वह प्रजापति-पुत्री महाभागा अपने पिता की शरण लेने का ही निश्चय करने लगी।

श्लोक 11 (markandeya.77.11)

ततः पितृगृहे गन्तुं कृतबुद्धिर्यशस्विनी । छायामयीमात्मतनुं निर्ममे दयितां रवेः ॥ 77.11 ॥

tataḥ pitṛgṛhe gantuṁ kṛtabuddhiryaśasvinī chāyāmayīmātmatanuṁ nirmame dayitāṁ raveḥ

तब पिता के घर जाने का निश्चय करके उस यशस्विनी ने अपने ही शरीर से एक छाया-प्रतिरूप रचा, जो सूर्य को प्रिय हो।

श्लोक 12 (markandeya.77.12)

ताञ्चोवाच त्वया वेश्मन्यत्र भानोर्यथा मया । तथा सम्यगपत्येषु वर्तितव्यं यथा रवौ ॥ 77.12 ॥

tāñcovāca tvayā veśmanyatra bhānoryathā mayā tathā samyagapatyeṣu vartitavyaṁ yathā ravau

उससे उसने कहा — "इस घर में तुझे सूर्य के प्रति और उनकी सन्तानों के प्रति ठीक वैसा ही व्यवहार करना है, जैसा मैं करती।"

श्लोक 13 (markandeya.77.13)

पृष्टयापि न वाच्यन्ते तथैतद्गमनं मम । सैवास्मि नाम संज्ञेति वाच्यमेतत्सदा वचः ॥ 77.13 ॥

pṛṣṭayāpi na vācyante tathaitadgamanaṁ mama saivāsmi nāma saṁjñeti vācyametatsadā vacaḥ

"पूछे जाने पर भी मेरे इस चले जाने की बात प्रकट न करना। सदा यही कहना — 'मैं ही संज्ञा हूँ।'"

श्लोक 14 (markandeya.77.14)

छायसंज्ञोवाच आकेशग्रहणाद् देवि ! आशापाच्च वचस्तव । करिष्ये कथयिष्यामि वृत्तन्तु शापकर्षणात् ॥ 77.14 ॥

chāyasaṁjñovāca ākeśagrahaṇād devi ! āśāpācca vacastava kariṣye kathayiṣyāmi vṛttantu śāpakarṣaṇāt

छाया-संज्ञा ने कहा — "हे देवी! केश खींचे जाने तक और शाप न दिए जाने तक तुम्हारे वचन का पालन करूँगी; किन्तु शाप के आने पर वास्तविक स्थिति कह दूँगी।"

श्लोक 15 (markandeya.77.15)

इत्युक्ता सा तदा देवी जगाम भवनं पितुः । ददर्श तत्र त्वष्टारं तपसा धूतकल्मषम् ॥ 77.15 ॥

ityuktā sā tadā devī jagāma bhavanaṁ pituḥ dadarśa tatra tvaṣṭāraṁ tapasā dhūtakalmaṣam

ऐसा कहकर वह देवी अपने पिता के घर चली गई, और वहाँ उसने तप से समस्त पाप धो चुके त्वष्टा को देखा।

श्लोक 16 (markandeya.77.16)

बहुमानाच्च तेनापि पूजिता विश्वकर्मणा । तस्थौ पितृगृहे सा तु कञ्चित्कालमनिन्दिता ॥ 77.16 ॥

bahumānācca tenāpi pūjitā viśvakarmaṇā tasthau pitṛgṛhe sā tu kañcitkālamaninditā

विश्वकर्मा द्वारा अत्यंत सम्मान से पूजित होकर वह निर्दोष कुछ काल तक अपने पिता के घर रही।

श्लोक 17 (markandeya.77.17)

ततस्तां प्राह चार्वङ्गी पिता नातिचिरोषिताम् । स्तुत्वा च तनयां प्रेमबहुमानपुरः सरम् ॥ 77.17 ॥

tatastāṁ prāha cārvaṅgī pitā nāticiroṣitām stutvā ca tanayāṁ premabahumānapuraḥ saram

फिर, अधिक समय न रुकी हुई अपनी सुन्दर-अंगी पुत्री से पिता ने प्रेम और सम्मानपूर्वक स्तुति करते हुए कहा।

श्लोक 18 (markandeya.77.18)

त्वान्तु मे पश्यतो वत्से दिनानि सुबहून्यपि । मुहूर्तार्धसमानि स्युः किन्तु धर्मो विलुप्यते ॥ 77.18 ॥

tvāntu me paśyato vatse dināni subahūnyapi muhūrtārdhasamāni syuḥ kintu dharmo vilupyate

"हे वत्से! तुझे देखते हुए मुझे कई दिन भी आधे मुहूर्त के समान लगेंगे, किन्तु इससे धर्म का लोप होता है।"

श्लोक 19 (markandeya.77.19)

बान्धवेषु चिरं वासो नारीणां न यशस्करः । मनोरथो बान्धवानां नार्या भर्तृगृहे स्थितिः ॥ 77.19 ॥

bāndhaveṣu ciraṁ vāso nārīṇāṁ na yaśaskaraḥ manoratho bāndhavānāṁ nāryā bhartṛgṛhe sthitiḥ

"बन्धुजनों के बीच स्त्रियों का दीर्घकाल तक रहना यश देने वाला नहीं है; बन्धुजनों की तो यही कामना होती है कि स्त्री अपने पति के घर में रहे।"

श्लोक 20 (markandeya.77.20)

सा त्वं त्रैलोक्यनाथेन भर्त्रा सूर्येण सङ्गता । पितृगेहे चिरं कालं वस्तुं नार्हसि पुत्रिके ॥ 77.20 ॥

sā tvaṁ trailokyanāthena bhartrā sūryeṇa saṅgatā pitṛgehe ciraṁ kālaṁ vastuṁ nārhasi putrike

"तू त्रैलोक्य के स्वामी पति सूर्य से जुड़ी है; हे पुत्री, तुझे पिता के घर अधिक समय तक रहना उचित नहीं।"

श्लोक 21 (markandeya.77.21)

सा त्वं भर्तृगृहं गच्छ तुष्टोऽहं पूजितासि मे । पुनरागमनं कार्यं दर्शनाय शुभे मम ॥ 77.21 ॥

sā tvaṁ bhartṛgṛhaṁ gaccha tuṣṭo 'haṁ pūjitāsi me punarāgamanaṁ kāryaṁ darśanāya śubhe mama

"तू अपने पति के घर जा; मैं संतुष्ट हूँ, तूने मेरा सम्मान किया है। किन्तु हे शुभे, मुझे दर्शन देने फिर से आना।"

श्लोक 22 (markandeya.77.22)

मार्कण्डेय उवाच इत्युक्ता सा तदा पित्रा तथेत्युक्त्वा च सा मुने । संपूजयित्वा पितरं जगामाथोत्तरान् कुरून् ॥ 77.22 ॥

mārkaṇḍeya uvāca ityuktā sā tadā pitrā tathetyuktvā ca sā mune saṁpūjayitvā pitaraṁ jagāmāthottarān kurūn

पिता द्वारा ऐसा कहे जाने पर उसने "ऐसा ही हो" कहकर, हे मुनि, पिता का सम्यक् सम्मान करके उत्तर कुरु प्रदेश की ओर प्रस्थान किया।

श्लोक 23 (markandeya.77.23)

सूर्यतापमनिच्छन्ती तेजसस्तस्य बिभ्यती । तपश्चचार तत्रापि वडवारूपधारिणी ॥ 77.23 ॥

sūryatāpamanicchantī tejasastasya bibhyatī tapaścacāra tatrāpi vaḍavārūpadhāriṇī

सूर्य के ताप की इच्छा न रखते हुए, उसके तेज से भयभीत होकर, वह वहाँ भी घोड़ी का रूप धारण कर तप करने लगी।

श्लोक 24 (markandeya.77.24)

संज्ञेयमिति मन्वानो द्वितीयायामहस्पतिः । जनयामास तनयौ कन्याञ्चैकां मनोरमाम् ॥ 77.24 ॥

saṁjñeyamiti manvāno dvitīyāyāmahaspatiḥ janayāmāsa tanayau kanyāñcaikāṁ manoramām

उस दूसरी को ही संज्ञा मानकर सूर्य ने उससे दो पुत्र और एक अत्यंत सुन्दर कन्या उत्पन्न की।

श्लोक 25 (markandeya.77.25)

छायासंज्ञा त्वपत्येषु यथा स्वेष्वतिवत्सला । तथा न संज्ञाकन्यायां पुत्रयोश्चान्ववर्तत ॥ 77.25 ॥

chāyāsaṁjñā tvapatyeṣu yathā sveṣvativatsalā tathā na saṁjñākanyāyāṁ putrayoścānvavartata

किन्तु छाया-संज्ञा अपनी सन्तानों के प्रति जितनी वत्सल थी, उतनी संज्ञा की पुत्री और उसके दोनों पुत्रों के प्रति नहीं थी।

श्लोक 26 (markandeya.77.26)

लालनाद्युपभोगेषु विशेषमनुवासरम् । मनुस्तत् क्षान्तवानस्य यमस्तस्या न चक्षमे ॥ 77.26 ॥

lālanādyupabhogeṣu viśeṣamanuvāsaram manustat kṣāntavānasya yamastasyā na cakṣame

लाड़-प्यार और अन्य सुविधाओं में वह प्रतिदिन भेद-भाव करती थी। मनु ने इसे सहन किया, पर यम इसे सह नहीं सका।

श्लोक 27 (markandeya.77.27)

ताडनाय च वै कोपात् पादस्तेन समुद्यतः । तस्याः पुनः क्षान्तिमता न तु देहे निपातितः ॥ 77.27 ॥

tāḍanāya ca vai kopāt pādastena samudyataḥ tasyāḥ punaḥ kṣāntimatā na tu dehe nipātitaḥ

क्रोध में उसने उसे मारने के लिए पैर उठाया, किन्तु फिर संयम रखते हुए उसने उसे उसके शरीर पर नहीं गिराया।

श्लोक 28 (markandeya.77.28)

ततः शशाप तं कोपाच्छायासंज्ञा यमं द्विज । किञ्चित् प्रस्फुरमाणौष्ठी विचलत्पाणिपल्लवा ॥ 77.28 ॥

tataḥ śaśāpa taṁ kopācchāyāsaṁjñā yamaṁ dvija kiñcit prasphuramāṇauṣṭhī vicalatpāṇipallavā

तब हे द्विज, छाया-संज्ञा ने क्रोध में, कुछ काँपते होठों और थरथराते हाथों से यम को शाप दिया।

श्लोक 29 (markandeya.77.29)

पितुः पत्नीममर्यादं यन्मां तर्जयसे पदा । भुवि तस्मादयं पदास्तवाद्यैव पतिष्यति ॥ 77.29 ॥

pituḥ patnīmamaryādaṁ yanmāṁ tarjayase padā bhuvi tasmādayaṁ padāstavādyaiva patiṣyati

"चूँकि तूने मर्यादा भूलकर अपने पिता की पत्नी अर्थात् मुझे पैर से डराने का साहस किया, इसलिए आज ही तेरा यह पैर पृथ्वी पर गिर जाएगा।"

श्लोक 30 (markandeya.77.30)

मार्कण्डेय उवाच इत्याकर्ण्य यमः शापं मात्रा दत्तं भयातुरः । अभ्येत्य पितरं प्राह प्रणिपातपुरः सरम् ॥ 77.30 ॥

mārkaṇḍeya uvāca ityākarṇya yamaḥ śāpaṁ mātrā dattaṁ bhayāturaḥ abhyetya pitaraṁ prāha praṇipātapuraḥ saram

माता द्वारा दिए गए इस शाप को सुनकर भयातुर यम अपने पिता के पास गया और पहले प्रणाम करके यह कहा।

श्लोक 31 (markandeya.77.31)

यम उवाच तातैतन्महदाश्चर्यं न दृष्टमिति केनचित् । माता वात्सल्यमुत्सृज्य शापं पुत्रे प्रयच्छति ॥ 77.31 ॥

yama uvāca tātaitanmahadāścaryaṁ na dṛṣṭamiti kenacit mātā vātsalyamutsṛjya śāpaṁ putre prayacchati

यम ने कहा — "हे तात! यह बड़ा ही आश्चर्य है, जो किसी ने पहले कभी नहीं देखा — माता ने वात्सल्य त्यागकर अपने ही पुत्र को शाप दे दिया!"

श्लोक 32 (markandeya.77.32)

यथा मनुर्ममाचष्टे नेयं मता तथा मम । विगुणेष्वपि पुत्रेषु न माता विगुणा भवेत् ॥ 77.32 ॥

yathā manurmamācaṣṭe neyaṁ matā tathā mama viguṇeṣvapi putreṣu na mātā viguṇā bhavet

"जैसा मनु मुझसे इसके विषय में कहते हैं, यह उसका वास्तविक स्वभाव मुझे नहीं लगता — गुणहीन पुत्रों के प्रति भी माता स्नेहरहित नहीं होनी चाहिए।"

श्लोक 33 (markandeya.77.33)

मार्कण्डेय उवाच यमस्यैतद्वचः श्रुत्वा भगवांस्तिमिरापहः । छायासंज्ञां समाहूय पप्रच्छ क्व गतेति सा ॥ 77.33 ॥

mārkaṇḍeya uvāca yamasyaitadvacaḥ śrutvā bhagavāṁstimirāpahaḥ chāyāsaṁjñāṁ samāhūya papraccha kva gateti sā

यम के इन वचनों को सुनकर अन्धकार को दूर करने वाले भगवान सूर्य ने छाया-संज्ञा को बुलाकर पूछा — "वह कहाँ गई है?"

श्लोक 34 (markandeya.77.34)

सा चाह तनया त्वष्टुरहं संज्ञा विभावसो । पत्नी तव त्वयापत्यान्येतानि जनितानि मे ॥ 77.34 ॥

sā cāha tanayā tvaṣṭurahaṁ saṁjñā vibhāvaso patnī tava tvayāpatyānyetāni janitāni me

उसने कहा — "हे तेजस्वी! मैं त्वष्टा की पुत्री संज्ञा ही हूँ, तुम्हारी अपनी पत्नी; ये सन्तानें तुमने मुझसे ही उत्पन्न की हैं।"

श्लोक 35 (markandeya.77.35)

इत्थं विवस्वतः सा तु बहुशः पृच्छतो यदा । नाचचक्षे ततः क्रुद्धो भास्वांस्तां शप्तुमुद्यतः ॥ 77.35 ॥

itthaṁ vivasvataḥ sā tu bahuśaḥ pṛcchato yadā nācacakṣe tataḥ kruddho bhāsvāṁstāṁ śaptumudyataḥ

जब वह विवस्वान् के बारंबार पूछने पर भी सत्य नहीं बता रही थी, तब क्रुद्ध होकर तेजस्वी सूर्य ने उसे शाप देने की तैयारी की।

श्लोक 36 (markandeya.77.36)

ततः सा कथयामास यथावृत्तं विवस्वतः । विदितार्थश्च भगवान् जगाम त्वष्टुरालयम् ॥ 77.36 ॥

tataḥ sā kathayāmāsa yathāvṛttaṁ vivasvataḥ viditārthaśca bhagavān jagāma tvaṣṭurālayam

तब उसने विवस्वान् को यथार्थ वृत्तान्त बता दिया; और वास्तविकता जानकर भगवान त्वष्टा के घर गए।

श्लोक 37 (markandeya.77.37)

ततः स पूजयामास तदा त्रैलोक्यपूजितम् । भास्वन्तं परया भक्त्या निजगेहमुपागतम् ॥ 77.37 ॥

tataḥ sa pūjayāmāsa tadā trailokyapūjitam bhāsvantaṁ parayā bhaktyā nijagehamupāgatam

फिर उन्होंने त्रैलोक्य में पूजित, अपने घर आए हुए उस तेजस्वी सूर्य का परम भक्तिपूर्वक सम्मान किया।

श्लोक 38 (markandeya.77.38)

संज्ञां पृष्टस्तदा तस्मै कथयामास विश्वकृत् । आगतैवेह मे वेश्म भवतः प्रेषितेति वै ॥ 77.38 ॥

saṁjñāṁ pṛṣṭastadā tasmai kathayāmāsa viśvakṛt āgataiveha me veśma bhavataḥ preṣiteti vai

संज्ञा के विषय में पूछे जाने पर विश्वकर्मा ने उन्हें बताया — "वह यहाँ आई थी, और कहा था कि तुम्हीं ने उसे भेजा है।"

श्लोक 39 (markandeya.77.39)

दिवाकरः समाधिस्थो वडवारूपधारिणीम् । तपश्चरन्तीं ददृशे उत्तरेषु कुरुष्वथ ॥ 77.39 ॥

divākaraḥ samādhistho vaḍavārūpadhāriṇīm tapaścarantīṁ dadṛśe uttareṣu kuruṣvatha

तब सूर्य समाधिस्थ होकर उत्तर कुरु प्रदेश में घोड़ी का रूप धारण कर तप करती हुई संज्ञा को देख लिया।

श्लोक 40 (markandeya.77.40)

सौम्यमूर्तिः शुभाकारो मम भर्ता भवेदिति । अभिसन्धिञ्च तपसो बुबुधेऽस्या दिवाकरः ॥ 77.40 ॥

saumyamūrtiḥ śubhākāro mama bhartā bhavediti abhisandhiñca tapaso bubudhe 'syā divākaraḥ

सूर्य ने उस तप के पीछे उसका उद्देश्य समझ लिया — कि उसका पति सौम्य और शुभ रूप वाला हो।

श्लोक 41 (markandeya.77.41)

शातनं तेजसो मेऽद्य क्रियतामिति भास्करः । तञ्चाह विश्वकर्माणं संज्ञायाः पितरं द्विज ॥ 77.41 ॥

śātanaṁ tejaso me 'dya kriyatāmiti bhāskaraḥ tañcāha viśvakarmāṇaṁ saṁjñāyāḥ pitaraṁ dvija

"अब मेरे तेज का शमन किया जाए" — ऐसा कहकर, हे द्विज, सूर्य ने संज्ञा के पिता विश्वकर्मा से यह कहा।

श्लोक 42 (markandeya.77.42)

संवत्सरभ्रमेस्तस्य विश्वकर्मा करवेस्ततः । तेजसः शातनञ्चक्रे स्तूयमानश्च दैवतैः ॥ 77.42 ॥

saṁvatsarabhramestasya viśvakarmā karavestataḥ tejasaḥ śātanañcakre stūyamānaśca daivataiḥ

तब विश्वकर्मा ने वर्ष भर की परिक्रमा के दौरान, देवताओं द्वारा स्तुति किए जाते हुए, सूर्य के तेज का शमन कर दिया।