वर्तमान मन्वन्तर के देवता और पुत्र

श्लोक 1 (markandeya.79.1)

मार्कण्डेय उवाच आदित्या वसवो रुद्राः साध्या विश्वे मरुद्गणाः । भृगवोऽङ्गिरसश्चाष्टौ यत्र देवगणाः स्मृताः ॥ 79.1 ॥

mārkaṇḍeya uvāca ādityā vasavo rudrāḥ sādhyā viśve marudgaṇāḥ bhṛgavo 'ṅgirasaścāṣṭau yatra devagaṇāḥ smṛtāḥ

आदित्य, वसु, रुद्र, साध्य, विश्वेदेव, मरुद्गण, भृगु, और आठ अंगिरा — इस मन्वन्तर के इन देवगणों को स्मरण किया जाता है।

श्लोक 2 (markandeya.79.2)

आदित्या वसवो रुद्रा विज्ञेयाः कश्यपात्मजाः । साध्याश्च मरुतो विश्वे धर्मपुत्रगणास्त्रयः ॥ 79.2 ॥

ādityā vasavo rudrā vijñeyāḥ kaśyapātmajāḥ sādhyāśca maruto viśve dharmaputragaṇāstrayaḥ

आदित्य, वसु और रुद्र कश्यप के पुत्र जानने चाहिए; साध्य, मरुत और विश्वेदेव — ये तीन गण धर्म के पुत्र हैं।

श्लोक 3 (markandeya.79.3)

भृगोस्तु भृगवो देवाः पुत्रा ह्यङ्गिरसः सुताः । एष सर्गश्च मारीचो विज्ञेयः साम्प्रताधिपः ॥ 79.3 ॥

bhṛgostu bhṛgavo devāḥ putrā hyaṅgirasaḥ sutāḥ eṣa sargaśca mārīco vijñeyaḥ sāmpratādhipaḥ

भृगु के पुत्र भृगु-देव हैं, और अंगिरा के पुत्र अंगिरस हैं। यह सृष्टि मारीच-वंश से उत्पन्न जाननी चाहिए — यही वर्तमान युग की अधिपति-परम्परा है।

श्लोक 4 (markandeya.79.4)

ऊर्जस्वी नाम चैवेन्द्रो महात्मा यज्ञभागभुक् । अतीतानागता ये च वर्तन्ते साम्प्रतञ्च ये ॥ 79.4 ॥

ūrjasvī nāma caivendro mahātmā yajñabhāgabhuk atītānāgatā ye ca vartante sāmpratañca ye

उर्जस्वी नामक महात्मा, यज्ञभाग-भोक्ता इस युग का इन्द्र है — जैसे भूतकाल में, भविष्य में, और वर्तमान में भी इन्द्र होते हैं।

श्लोक 5 (markandeya.79.5)

सर्वे ते त्रिदशेन्द्रास्तु विज्ञेयास्तुल्यलक्षणाः । सहस्राक्षाः कुलिशिनः सर्व एव पुरन्दराः ॥ 79.5 ॥

sarve te tridaśendrāstu vijñeyāstulyalakṣaṇāḥ sahasrākṣāḥ kuliśinaḥ sarva eva purandarāḥ

वे सभी देवराज समान लक्षण वाले जानने चाहिए — सहस्राक्ष, वज्रधारी, सभी "पुरन्दर" कहलाने वाले।

श्लोक 6 (markandeya.79.6)

मघवन्तो वृषाः सर्वे शृङ्गिणो गजगामिनः । ते शतक्रतवः सर्वे भूताभिभवतेजसः ॥ 79.6 ॥

maghavanto vṛṣāḥ sarve śṛṅgiṇo gajagāminaḥ te śatakratavaḥ sarve bhūtābhibhavatejasaḥ

सभी मघवान्, वृषभ के समान, सींग वाले, हाथी के समान चाल वाले; वे सभी शतक्रतु, समस्त प्राणियों के तेज को दबाने वाले।

श्लोक 7 (markandeya.79.7)

धर्माद्यैः कारणैः सुद्धैराधिपत्यगुणान्विताः । भूतभव्यभवन्नाथाः शृणु चैतत् त्रयं द्विज ॥ 79.7 ॥

dharmādyaiḥ kāraṇaiḥ suddhairādhipatyaguṇānvitāḥ bhūtabhavyabhavannāthāḥ śṛṇu caitat trayaṁ dvija

धर्म आदि शुद्ध कारणों से आधिपत्य-गुण से युक्त, वे भूत, भविष्य और वर्तमान के स्वामी हैं — हे द्विज, इन तीनों लोकों को सुनो।

श्लोक 8 (markandeya.79.8)

भूर्लोकोऽयं स्मृता भूमिरन्तरिक्षं दिवः स्मृतम् । दिव्याख्याश्च तथा स्वर्गस्त्रैलोक्यमिति गद्यते ॥ 79.8 ॥

bhūrloko 'yaṁ smṛtā bhūmirantarikṣaṁ divaḥ smṛtam divyākhyāśca tathā svargastrailokyamiti gadyate

यह भू-लोक पृथ्वी कहलाती है, इनके बीच का अन्तरिक्ष आकाश का लोक कहलाता है, तथा दिव्य नामक स्वर्ग भी — इन तीनों को मिलाकर त्रैलोक्य कहा जाता है।

श्लोक 9 (markandeya.79.9)

अत्रिश्चैव वसिष्ठश्च काश्यपश्च महानृषिः । गौतमश्च भरद्वाजौ विश्वामित्रोऽथ कौशिकः ॥ 79.9 ॥

atriścaiva vasiṣṭhaśca kāśyapaśca mahānṛṣiḥ gautamaśca bharadvājau viśvāmitro 'tha kauśikaḥ

अत्रि, वसिष्ठ, महर्षि काश्यप, गौतम, भरद्वाज, और विश्वामित्र अर्थात् कौशिक —

श्लोक 10 (markandeya.79.10)

तथैव पुत्रो भगवानृचीकस्य महात्मनः । जमदग्निस्तु सप्तैते मुनयोऽत्र नथान्तरे ॥ 79.10 ॥

tathaiva putro bhagavānṛcīkasya mahātmanaḥ jamadagnistu saptaite munayo 'tra nathāntare

और उसी प्रकार महात्मा ऋचीक के भगवान पुत्र, अर्थात् जमदग्नि — ये सात इस अन्तर के ऋषि हैं।

श्लोक 11 (markandeya.79.11)

इक्ष्वाकुर्नाभगश्चैव धृष्टः शर्यातिरेव च । नरिष्यन्तश्च विख्यातो नाभागारिष्ट एव च ॥ 79.11 ॥

ikṣvākurnābhagaścaiva dhṛṣṭaḥ śaryātireva ca nariṣyantaśca vikhyāto nābhāgāriṣṭa eva ca

इक्ष्वाकु, नाभग, धृष्ट, शर्याति, विख्यात नरिष्यन्त, नाभागारिष्ट,

श्लोक 12 (markandeya.79.12)

करूषश्च पृषध्रश्च वसुमान् लोकविश्रुतः । मनोर्वैवस्वतस्यैते नव पुत्राः प्रकीर्तिताः ॥ 79.12 ॥

karūṣaśca pṛṣadhraśca vasumān lokaviśrutaḥ manorvaivasvatasyaite nava putrāḥ prakīrtitāḥ

और करूष, पृषध्र, तथा लोकविख्यात वसुमान् — ये नौ वैवस्वत मनु के पुत्र कहे गए हैं।

श्लोक 13 (markandeya.79.13)

वैवस्वतमिदं ब्रह्मन् ! कथितन्ते मयान्तरम् । अस्मिन् श्रुते नरः सद्यः पठिते चैव सत्तम । मुच्यते पातकैः सर्वैः पुण्यञ्च महदश्नते ॥ 79.13 ॥

vaivasvatamidaṁ brahman ! kathitante mayāntaram asmin śrute naraḥ sadyaḥ paṭhite caiva sattama mucyate pātakaiḥ sarvaiḥ puṇyañca mahadaśnate

हे ब्रह्मन्! इस प्रकार मैंने तुम्हें यह वैवस्वत अन्तर बताया। इसे सुनने या पढ़ने मात्र से, हे सत्तम, मनुष्य तत्काल समस्त पापों से मुक्त होकर महान पुण्य प्राप्त करता है।