पितृस्तवन

श्लोक 1 (markandeya.96.1)

मार्कण्डेय उवाच स तेन पितृवाक्येन भृशमुद्विग्नमानसः । कन्याभिलाषी विप्रर्षिः परिबभ्राम मेदिनीम् ॥ 96.1 ॥

mārkaṇḍeya uvāca sa tena pitṛvākyena bhṛśamudvignamānasaḥ kanyābhilāṣī viprarṣiḥ paribabhrāma medinīm

मार्कण्डेय ने कहा — पितरों के उन वचनों से अत्यन्त उद्विग्न-चित्त होकर, कन्या की अभिलाषा रखने वाले वे विप्रर्षि पृथ्वी पर भटकते फिरे।

श्लोक 2 (markandeya.96.2)

कन्यामलभमानोऽसौ पितृवाक्याग्निदीपितः । चिन्तामवाप महतीमतीवोद्विग्नमानसः ॥ 96.2 ॥

kanyāmalabhamāno 'sau pitṛvākyāgnidīpitaḥ cintāmavāpa mahatīmatīvodvignamānasaḥ

कन्या न पाते हुए, और पितरों के वचन-रूपी अग्नि से जलते हुए, वे अत्यन्त उद्विग्न-चित्त होकर घोर चिन्ता में पड़ गए।

श्लोक 3 (markandeya.96.3)

किं करोमि क्व गच्छामि कथं मे दारसंग्रहः । क्षिप्रं भवेत्पितॄणां यो ममाभ्युदयकारकः ॥ 96.3 ॥

kiṁ karomi kva gacchāmi kathaṁ me dārasaṁgrahaḥ kṣipraṁ bhavetpitṝṇāṁ yo mamābhyudayakārakaḥ

मैं क्या करूँ, कहाँ जाऊँ, किस प्रकार मेरा विवाह हो, जिससे शीघ्र ही पितरों का अभ्युदय करने वाला यह कार्य सिद्ध हो?

श्लोक 4 (markandeya.96.4)

इति चिन्तयतस्तस्य मतिर्जाता महात्मनः । तपसाराधयाम्येनं ब्रह्माणं कमलोद्भवम् ॥ 96.4 ॥

iti cintayatastasya matirjātā mahātmanaḥ tapasārādhayāmyenaṁ brahmāṇaṁ kamalodbhavam

इस प्रकार चिन्तन करते हुए उस महात्मा के मन में यह निश्चय हुआ — मैं तप द्वारा कमल से उत्पन्न ब्रह्मा की आराधना करूँगा।

श्लोक 5 (markandeya.96.5)

ततो वर्षशतं दिव्यं तपस्तेपे स वेधसम् । दिदृक्षुः सुचिरं कालं परं नियममास्थितः ॥ 96.5 ॥

tato varṣaśataṁ divyaṁ tapastepe sa vedhasam didṛkṣuḥ suciraṁ kālaṁ paraṁ niyamamāsthitaḥ

तब उन्होंने ब्रह्मा के दर्शन की इच्छा से दिव्य सौ वर्षों तक परम नियम में स्थित रहकर तप किया।

श्लोक 6 (markandeya.96.6)

ततः स्वं दर्शयामास ब्रह्मा लोकपितामहः । उवाच तं प्रसन्नोऽस्मीत्युच्यतामभिवाञ्छितम् ॥ 96.6 ॥

tataḥ svaṁ darśayāmāsa brahmā lokapitāmahaḥ uvāca taṁ prasanno 'smītyucyatāmabhivāñchitam

तब लोकपितामह ब्रह्मा ने उन्हें दर्शन दिया और कहा — मैं प्रसन्न हूँ, अपनी अभिलषित वस्तु माँगो।

श्लोक 7 (markandeya.96.7)

ततोऽसौ प्रणिपत्याह ब्रह्माणं जगतो गतिम् । पितॄणां वचनात्तेन यत्कर्तुमभिवाञ्छितम् । । ब्रह्मा चाह रुचिं विप्रं श्रुत्वा तस्याभिवाच्छितम् ॥ 96.7 ॥

tato 'sau praṇipatyāha brahmāṇaṁ jagato gatim pitṝṇāṁ vacanāttena yatkartumabhivāñchitam | brahmā cāha ruciṁ vipraṁ śrutvā tasyābhivācchitam

तब उन्होंने प्रणाम कर जगत् के आश्रय ब्रह्मा से, पितरों के वचनानुसार जो कुछ करने की इच्छा थी, वह निवेदन किया; और ब्रह्मा ने विप्र रुचि की अभिलाषा सुनकर उनसे कहा।

श्लोक 8 (markandeya.96.8)

ब्रह्मोवाच प्रजापतिस्त्वं भविता स्रष्टव्या भवता प्रजाः । सृष्ट्वा प्रजाः सुतान्विप्र समुत्पाद्य क्रियास्तथा ॥ 96.8 ॥

brahmovāca prajāpatistvaṁ bhavitā sraṣṭavyā bhavatā prajāḥ sṛṣṭvā prajāḥ sutānvipra samutpādya kriyāstathā

ब्रह्मा ने कहा — तुम प्रजापति बनोगे, और तुम्हारे द्वारा प्रजा की सृष्टि होगी। हे विप्र! प्रजा तथा पुत्रों को उत्पन्न कर, और यज्ञादि कर्मों को सम्पन्न करके,

श्लोक 9 (markandeya.96.9)

कृत्वा कृताधिकारस्त्वं ततः सिद्धिमवाप्स्यसि । स त्वं यथोक्तं पितृभिः कुरु दारपरिग्रहम् ॥ 96.9 ॥

kṛtvā kṛtādhikārastvaṁ tataḥ siddhimavāpsyasi sa tvaṁ yathoktaṁ pitṛbhiḥ kuru dāraparigraham

अपने अधिकार को पूर्ण करके तब तुम सिद्धि प्राप्त करोगे। अतः तुम पितरों के कहे अनुसार विवाह करो।

श्लोक 10 (markandeya.96.10)

कामं चेममभिध्याय क्रियतां पितृपूजनम् । त एव तुष्टाः पितरः प्रदास्यन्ति तवेप्सितान् । । पत्नीं सुतांश्च सन्तुष्टाः किं न दद्युः पितामहाः ॥ 96.10 ॥

kāmaṁ cemamabhidhyāya kriyatāṁ pitṛpūjanam ta eva tuṣṭāḥ pitaraḥ pradāsyanti tavepsitān | patnīṁ sutāṁśca santuṣṭāḥ kiṁ na dadyuḥ pitāmahāḥ

इसी इच्छा को ध्यान में रखकर पितृ-पूजन करो; प्रसन्न होकर वे ही पितर तुम्हें अभीष्ट वस्तु प्रदान करेंगे। सन्तुष्ट होकर पितामह पत्नी और पुत्र — क्या नहीं देंगे?

श्लोक 11 (markandeya.96.11)

मार्कण्डेय उवाच इत्यृषेर्वचनं श्रुत्या ब्रह्मणोऽव्यक्तजन्मनः । नद्या विविक्ते पुलिने चकार पितृतर्पणम् ॥ 96.11 ॥

mārkaṇḍeya uvāca ityṛṣervacanaṁ śrutyā brahmaṇo 'vyaktajanmanaḥ nadyā vivikte puline cakāra pitṛtarpaṇam

मार्कण्डेय ने कहा — अव्यक्त-जन्मा ब्रह्मा का यह वचन सुनकर, उस ऋषि ने नदी के एकान्त तट पर पितृ-तर्पण किया।

श्लोक 12 (markandeya.96.12)

तुष्टाव च पितॄन्विप्रः स्तवैरेभिस्तथादृतः । एकाग्रः प्रयतो भूत्वा भक्तिनम्रात्मकन्धरः ॥ 96.12 ॥

tuṣṭāva ca pitṝnvipraḥ stavairebhistathādṛtaḥ ekāgraḥ prayato bhūtvā bhaktinamrātmakandharaḥ

और उस आदरणीय विप्र ने एकाग्रचित्त, पवित्र तथा भक्तिपूर्वक झुके हुए ग्रीवा वाले होकर इन स्तोत्रों से पितरों की स्तुति की।

श्लोक 13 (markandeya.96.13)

रुचिरुवाच नमस्येऽहं पितॄञ्छ्राद्धे ये वसन्त्यधिदेवताः । देवैरपि हि तर्प्यन्ते ये च श्राद्धे स्वधोत्तरैः ॥ 96.13 ॥

ruciruvāca namasye 'haṁ pitṝñchrāddhe ye vasantyadhidevatāḥ devairapi hi tarpyante ye ca śrāddhe svadhottaraiḥ

रुचि ने कहा — मैं उन पितरों को नमस्कार करता हूँ जो श्राद्ध में अधिदेवता रूप से निवास करते हैं, और जो देवताओं द्वारा भी तथा श्राद्ध में स्वधा-शब्द से युक्त हविष्य द्वारा तृप्त किए जाते हैं।

श्लोक 14 (markandeya.96.14)

नमस्येऽहं पितॄन्स्वर्गे ये तर्प्यन्ते महर्षिभिः । श्राद्धैर्मनोमयैर्भक्त्या भुक्तिमुक्तिमभीप्सुभिः ॥ 96.14 ॥

namasye 'haṁ pitṝnsvarge ye tarpyante maharṣibhiḥ śrāddhairmanomayairbhaktyā bhuktimuktimabhīpsubhiḥ

मैं उन पितरों को नमस्कार करता हूँ जो स्वर्ग में हैं, जिन्हें महर्षिजन भक्तिपूर्वक मनःकल्पित श्राद्धों द्वारा तृप्त करते हैं — भोग और मोक्ष दोनों की कामना करते हुए।

श्लोक 15 (markandeya.96.15)

नमस्येऽहं पितॄन्स्वर्गे सिद्धाः सन्तर्पयन्ति यान् । श्राद्धेषु दिव्यैः सकलैरुपहारैरनुत्तमैः ॥ 96.15 ॥

namasye 'haṁ pitṝnsvarge siddhāḥ santarpayanti yān śrāddheṣu divyaiḥ sakalairupahārairanuttamaiḥ

मैं उन पितरों को नमस्कार करता हूँ जो स्वर्ग में हैं, जिन्हें सिद्धजन श्राद्धों में दिव्य तथा सर्वोत्तम उपहारों से तृप्त करते हैं।

श्लोक 16 (markandeya.96.16)

नमस्येऽहं पितॄन्भक्त्या येऽर्च्यन्ते गुह्यकैरपि । तन्मयत्वेन वाञ्छद्भिर्ऋद्धिमात्यन्तिकीं पराम् ॥ 96.16 ॥

namasye 'haṁ pitṝnbhaktyā ye 'rcyante guhyakairapi tanmayatvena vāñchadbhirṛddhimātyantikīṁ parām

मैं उन पितरों को नमस्कार करता हूँ जिनकी गुह्यकगण भी भक्तिपूर्वक अर्चा करते हैं, जो उनमें तन्मय होकर परम अन्तिम समृद्धि की कामना करते हैं।

श्लोक 17 (markandeya.96.17)

नमस्येऽहं पितॄन्मर्त्यैरर्च्यन्ते भुवि ये सदा । श्राद्धेषु श्रद्धयाभीष्टलोकप्राप्तिप्रदायिनः ॥ 96.17 ॥

namasye 'haṁ pitṝnmartyairarcyante bhuvi ye sadā śrāddheṣu śraddhayābhīṣṭalokaprāptipradāyinaḥ

मैं उन पितरों को नमस्कार करता हूँ जिनकी पृथ्वी पर मनुष्य सदा श्राद्धों में श्रद्धापूर्वक अर्चा करते हैं — जो अभीष्ट लोक की प्राप्ति देने वाले हैं।

श्लोक 18 (markandeya.96.18)

नमस्येऽहं पितॄन्विप्रैरर्च्यन्ते भुवि ये सदा । वाञ्छिताभीष्टालाभाय प्राजापत्यप्रदायिनः ॥ 96.18 ॥

namasye 'haṁ pitṝnviprairarcyante bhuvi ye sadā vāñchitābhīṣṭālābhāya prājāpatyapradāyinaḥ

मैं उन पितरों को नमस्कार करता हूँ जिनकी पृथ्वी पर ब्राह्मणजन सदा अपनी वांछित वस्तु की प्राप्ति के लिए अर्चा करते हैं — जो प्राजापत्य-पद देने वाले हैं।

श्लोक 19 (markandeya.96.19)

नमस्येऽहं पितॄन्ये वै तर्प्यन्तेऽरण्यवासिभिः । वन्यैः श्राद्धैर्यताहारैस्तपोनिर्धूतकिल्बिषैः ॥ 96.19 ॥

namasye 'haṁ pitṝnye vai tarpyante 'raṇyavāsibhiḥ vanyaiḥ śrāddhairyatāhāraistaponirdhūtakilbiṣaiḥ

मैं उन पितरों को नमस्कार करता हूँ जो वनवासियों द्वारा, संयत आहार वाले तथा तप से पापरहित हुए पुरुषों के वन्य श्राद्धों से तृप्त किए जाते हैं।

श्लोक 20 (markandeya.96.20)

नमस्येऽहं पितॄन्विप्रैर्नैष्ठिकव्रतचारिभिः । ये संयतात्मभिर्नित्यं सन्तर्प्यन्ते समाधिभिः ॥ 96.20 ॥

namasye 'haṁ pitṝnviprairnaiṣṭhikavratacāribhiḥ ye saṁyatātmabhirnityaṁ santarpyante samādhibhiḥ

मैं उन पितरों को नमस्कार करता हूँ जो नैष्ठिक व्रत का पालन करने वाले, संयतात्मा ब्राह्मणों द्वारा समाधि-पूर्वक सदा तृप्त किए जाते हैं।

श्लोक 21 (markandeya.96.21)

नमस्येऽहं पितॄञ्छ्राद्धै राजन्यास्तर्पयन्ति यान् । कव्यैरशेषैर्विधिवल्लोकत्रयफलप्रदान् ॥ 96.21 ॥

namasye 'haṁ pitṝñchrāddhai rājanyāstarpayanti yān kavyairaśeṣairvidhivallokatrayaphalapradān

मैं उन पितरों को नमस्कार करता हूँ जिन्हें क्षत्रिय पूर्ण विधिपूर्वक समस्त हव्यों से श्राद्ध में तृप्त करते हैं — जो त्रिलोक के फल देने वाले हैं।

श्लोक 22 (markandeya.96.22)

नमस्येऽहं पितॄन्वैश्यैरर्च्यन्ते भुवि ये सदा । स्वकर्माभिरतैर्नित्यं पुष्पधूपान्नवारिभिः ॥ 96.22 ॥

namasye 'haṁ pitṝnvaiśyairarcyante bhuvi ye sadā svakarmābhiratairnityaṁ puṣpadhūpānnavāribhiḥ

मैं उन पितरों को नमस्कार करता हूँ जिनकी पृथ्वी पर स्वकर्मरत वैश्यगण सदा फूल, धूप, अन्न तथा जल से अर्चा करते हैं।

श्लोक 23 (markandeya.96.23)

नमस्येऽहं पितॄञ्छ्राद्धैर्ये शूद्रैरपि भक्तितः । सन्तर्प्यन्ते जगत्यत्र नाम्ना ख्याताः सुकालिनः ॥ 96.23 ॥

namasye 'haṁ pitṝñchrāddhairye śūdrairapi bhaktitaḥ santarpyante jagatyatra nāmnā khyātāḥ sukālinaḥ

मैं उन 'सुकालिन्' नाम से विख्यात पितरों को नमस्कार करता हूँ, जो इस जगत् में शूद्रों द्वारा भी भक्तिपूर्वक श्राद्धों से तृप्त किए जाते हैं।

श्लोक 24 (markandeya.96.24)

नमस्येऽहं पितॄञ्छ्राद्धैः पाताले या महासुरैः । सन्तर्प्यन्ते स्वधाहारास्त्यक्तदम्भमदैः सदा ॥ 96.24 ॥

namasye 'haṁ pitṝñchrāddhaiḥ pātāle yā mahāsuraiḥ santarpyante svadhāhārāstyaktadambhamadaiḥ sadā

मैं उन स्वधा-भक्षी पितरों को नमस्कार करता हूँ जिन्हें पाताल में महान् असुर, दम्भ और मद त्यागकर, श्राद्धों से सदा तृप्त करते हैं।

श्लोक 25 (markandeya.96.25)

नमस्येऽहं पितॄञ्छ्राद्धैरर्च्यन्ते ये रसातले । भोगैरशेषैर्विधिवन्नागैः कामानभीप्सुभिः ॥ 96.25 ॥

namasye 'haṁ pitṝñchrāddhairarcyante ye rasātale bhogairaśeṣairvidhivannāgaiḥ kāmānabhīpsubhiḥ

मैं उन पितरों को नमस्कार करता हूँ जिनकी रसातल में नागगण श्राद्धों से अर्चा करते हैं — जो कामनाओं की इच्छा रखते हुए विधिपूर्वक समस्त भोग अर्पित करते हैं।

श्लोक 26 (markandeya.96.26)

नमस्येऽहं पितॄ्ञ्छ्राद्धैः सर्पैः सन्तर्पितान्सदा । तत्रैव विधिवन्मन्त्रभोगसम्पत्समन्वितैः ॥ 96.26 ॥

namasye 'haṁ pitṝñchrāddhaiḥ sarpaiḥ santarpitānsadā tatraiva vidhivanmantrabhogasampatsamanvitaiḥ

मैं उन पितरों को नमस्कार करता हूँ जो उसी रसातल में सर्पों द्वारा विधिपूर्वक मन्त्र और सम्पूर्ण भोग-सामग्री से युक्त श्राद्धों से सदा तृप्त किए जाते हैं।

श्लोक 27 (markandeya.96.27)

पितॄन्नमस्ये निवसन्ति साक्षाद्ये देवलोके च तथान्तरिक्षे । महीतले ये च सुरादिपूज्यास्ते मे प्रतीच्छन्तु मयोपनीतम् ॥ 96.27 ॥

pitṝnnamasye nivasanti sākṣādye devaloke ca tathāntarikṣe mahītale ye ca surādipūjyāste me pratīcchantu mayopanītam

मैं उन पितरों को नमस्कार करता हूँ जो साक्षात् देवलोक में, अन्तरिक्ष में, और पृथ्वीतल पर भी निवास करते हैं तथा देवादिकों द्वारा पूज्य हैं — वे मेरे द्वारा अर्पित यह उपहार स्वीकार करें।

श्लोक 28 (markandeya.96.28)

पितॄन्नमस्ये परमात्मभूता ये वै विमाने निवसन्ति मूर्ताः । यजन्ति यानस्तमलैर्मनोभिर्योगीश्वराः क्लेशविमुक्तिहेतून् ॥ 96.28 ॥

pitṝnnamasye paramātmabhūtā ye vai vimāne nivasanti mūrtāḥ yajanti yānastamalairmanobhiryogīśvarāḥ kleśavimuktihetūn

मैं उन पितरों को नमस्कार करता हूँ जो परमात्म-स्वरूप होकर विमानों में मूर्तिमान् निवास करते हैं, जिन्हें योगीश्वर निर्मल मन से क्लेश-विमुक्ति के हेतु रूप में पूजते हैं।

श्लोक 29 (markandeya.96.29)

पितॄन्नमस्ये दिवि ये च मूर्ताः स्वधाभुजः काम्यफलाभिसन्धौ । प्रदानशक्ताः सकलेप्सितानां विभुक्तिदा येऽनभिसंहितेषु ॥ 96.29 ॥

pitṝnnamasye divi ye ca mūrtāḥ svadhābhujaḥ kāmyaphalābhisandhau pradānaśaktāḥ sakalepsitānāṁ vibhuktidā ye 'nabhisaṁhiteṣu

मैं उन स्वधा-भक्षी, स्वर्ग में मूर्तिमान् पितरों को नमस्कार करता हूँ, जो कामना-फल में आसक्त पुरुषों की समस्त इच्छाएँ पूर्ण करने में समर्थ हैं, और निष्काम पुरुषों को पूर्ण भोग प्रदान करते हैं।

श्लोक 30 (markandeya.96.30)

तृप्यन्तु तेऽस्मिन्पितरः समस्ता इच्छावतां ये प्रदिशन्ति कामान् । सुरत्वमिन्द्रत्वमतोऽधिकं वा सुतान्पशून्स्वानि बलं गृहाणि ॥ 96.30 ॥

tṛpyantu te 'sminpitaraḥ samastā icchāvatāṁ ye pradiśanti kāmān suratvamindratvamato 'dhikaṁ vā sutānpaśūnsvāni balaṁ gṛhāṇi

इस अर्पण से वे समस्त पितर तृप्त हों, जो इच्छुक जनों की कामनाएँ पूर्ण करते हैं — देवत्व, इन्द्रत्व, अथवा उससे भी अधिक, पुत्र, पशु, अपना बल तथा गृह।

श्लोक 31 (markandeya.96.31)

सोमस्य ये रश्मिषु येऽर्कबिम्बे शुक्ले विमाने च सदा वसन्ति । तृप्यन्तु तेऽस्मिन्पितरोऽन्नतोयैर्गन्धादिना पुष्टिमितो व्रजन्तु ॥ 96.31 ॥

somasya ye raśmiṣu ye 'rkabimbe śukle vimāne ca sadā vasanti tṛpyantu te 'sminpitaro 'nnatoyairgandhādinā puṣṭimito vrajantu

जो सदा सोम की किरणों में, सूर्य के मण्डल में, और श्वेत विमान में निवास करते हैं — वे पितर इस अन्न-जल से तृप्त हों, और सुगन्ध आदि से पुष्टि को प्राप्त हों।

श्लोक 32 (markandeya.96.32)

येषां हतेऽग्नौ हविषा च तृप्तिर्ये भुञ्जते विप्रशरीरसंस्थाः । ये पिण्दानेन मुदं प्रयान्ति तृप्यन्तु तेऽस्मिन्पितरोऽन्नतोयैः ॥ 96.32 ॥

yeṣāṁ hate 'gnau haviṣā ca tṛptirye bhuñjate vipraśarīrasaṁsthāḥ ye piṇdānena mudaṁ prayānti tṛpyantu te 'sminpitaro 'nnatoyaiḥ

जिनकी तृप्ति अग्नि में डाले गए हविष्य से होती है, जो ब्राह्मणों के शरीर में स्थित होकर भोजन करते हैं, तथा जो पिण्ड-दान से आनन्द प्राप्त करते हैं — वे पितर इस अन्न-जल से तृप्त हों।

श्लोक 33 (markandeya.96.33)

ये खड्गिमांसेन सुरैरभीष्टैः कृष्णैस्तिलैर्दिव्यमनोहरैश्च । कालेन शाकेन महर्षिवर्यैः सम्प्रीणितास्ते मुदमत्र यान्तु ॥ 96.33 ॥

ye khaḍgimāṁsena surairabhīṣṭaiḥ kṛṣṇaistilairdivyamanoharaiśca kālena śākena maharṣivaryaiḥ samprīṇitāste mudamatra yāntu

जो देवताओं को प्रिय खड्गी-मांस से, दिव्य तथा मनोहर काले तिलों से, और महर्षिश्रेष्ठों द्वारा दिए गए ऋतु-शाक से प्रसन्न होते हैं — वे यहाँ आनन्द को प्राप्त हों।

श्लोक 34 (markandeya.96.34)

कव्यान्यशेषाणि च यान्यभीष्टान्यतीव तेषाममरार्चितानाम् । तेषां तु सान्निध्यमिहास्तु पुष्पगन्धान्नभोज्येषु मया कृतेषु ॥ 96.34 ॥

kavyānyaśeṣāṇi ca yānyabhīṣṭānyatīva teṣāmamarārcitānām teṣāṁ tu sānnidhyamihāstu puṣpagandhānnabhojyeṣu mayā kṛteṣu

उन देवताओं द्वारा भी पूजित पितरों के जो भी अत्यन्त अभीष्ट सम्पूर्ण हव्य हैं — मेरे द्वारा अर्पित इन पुष्प, गन्ध, अन्न तथा भोज्य पदार्थों में उनकी सांनिध्यता यहाँ बनी रहे।

श्लोक 35 (markandeya.96.35)

दिने दिने ये प्रतिगृह्णतेऽर्च्चां मासांतपूज्यां भुवि येऽष्टकासु । ये वत्सरान्तेऽभ्युदये च पूज्याः प्रयान्तु ते मे पितरोऽत्र तृप्तिम् ॥ 96.35 ॥

dine dine ye pratigṛhṇate 'rccāṁ māsāṁtapūjyāṁ bhuvi ye 'ṣṭakāsu ye vatsarānte 'bhyudaye ca pūjyāḥ prayāntu te me pitaro 'tra tṛptim

जो प्रतिदिन अर्चा ग्रहण करते हैं, जो पृथ्वी पर मासान्त तथा अष्टका-पर्वों में पूज्य हैं, और जो वर्षान्त और अभ्युदय के अवसरों पर पूजनीय हैं — वे मेरे पितर यहाँ तृप्ति को प्राप्त हों।

श्लोक 36 (markandeya.96.36)

पूज्या द्विजानां कुमुदेन्दुभासो ये क्षत्रियाणां च नवार्कवर्णाः । तथा विशां ये कनकावदाता नीलीनिभाः शूद्रजनस्य ये च ॥ 96.36 ॥

pūjyā dvijānāṁ kumudendubhāso ye kṣatriyāṇāṁ ca navārkavarṇāḥ tathā viśāṁ ye kanakāvadātā nīlīnibhāḥ śūdrajanasya ye ca

ब्राह्मणों के पितर कुमुद और चन्द्रमा के समान वर्ण वाले पूज्य हैं, क्षत्रियों के नवोदित सूर्य के समान वर्ण वाले, वैश्यों के स्वर्ण के समान उज्ज्वल, तथा शूद्रजन के नीलकमल के समान श्याम वर्ण वाले हैं।

श्लोक 37 (markandeya.96.37)

तेऽस्मिन्समस्ता मम पुण्यगन्धधूपान्नतोयादिनिवेदनेन । तथाग्निहोमेन च यान्तु तृप्तिं सदा पितृभ्यः प्रणतोऽस्मि तेभ्यः ॥ 96.37 ॥

te 'sminsamastā mama puṇyagandhadhūpānnatoyādinivedanena tathāgnihomena ca yāntu tṛptiṁ sadā pitṛbhyaḥ praṇato 'smi tebhyaḥ

मेरे द्वारा अर्पित पवित्र गन्ध, धूप, अन्न, जल आदि के निवेदन से, तथा अग्निहोम से भी, वे सब यहाँ सदा तृप्ति को प्राप्त हों; मैं उन पितरों को सदा प्रणाम करता हूँ।

श्लोक 38 (markandeya.96.38)

ये देवपूर्वाण्यतितृप्तिहेतोरञ्जन्ति कव्यानि शुभाहुतानि । तृप्ताश्च ये भूतिसृजो भवन्ति तृप्यन्तु तेऽस्मिन्प्रणतोऽस्मि तेभ्यः ॥ 96.38 ॥

ye devapūrvāṇyatitṛptihetorañjanti kavyāni śubhāhutāni tṛptāśca ye bhūtisṛjo bhavanti tṛpyantu te 'sminpraṇato 'smi tebhyaḥ

जो देवताओं और पूर्वजों की अतिशय तृप्ति के लिए शुभ आहुतियों से युक्त हव्यों में अनुरक्त होते हैं, और तृप्त होकर ऐश्वर्य के सृजक बनते हैं — वे इससे तृप्त हों; मैं उन्हें प्रणाम करता हूँ।

श्लोक 39 (markandeya.96.39)

रक्षांसि भूतान्यसुरांस्तथोग्रान्निर्नाशयन्तस्त्वशिवं प्रजानाम् । आद्याः सुराणाममरेशपूज्या तृप्यन्तु तेऽस्मिन् प्रणतोऽस्मि तेभ्यः ॥ 96.39 ॥

rakṣāṁsi bhūtānyasurāṁstathogrānnirnāśayantastvaśivaṁ prajānām ādyāḥ surāṇāmamareśapūjyā tṛpyantu te 'smin praṇato 'smi tebhyaḥ

जो राक्षसों, भूतों तथा भयंकर असुरों का, प्रजा के अमंगल का नाश करते हुए, विनाश करते हैं, जो देवताओं में प्रथम तथा देवेश्वर द्वारा पूजित हैं — वे इससे तृप्त हों; मैं उन्हें प्रणाम करता हूँ।

श्लोक 40 (markandeya.96.40)

अग्निष्वात्ता बर्हिषद आज्यपाः सोमपास्तथा । व्रजन्तु तृप्तिं श्राद्धेऽस्मिन्पितरस्तर्पिता मया ॥ 96.40 ॥

agniṣvāttā barhiṣada ājyapāḥ somapāstathā vrajantu tṛptiṁ śrāddhe 'sminpitarastarpitā mayā

अग्निष्वात्त, बर्हिषद्, आज्यप तथा सोमप — मेरे द्वारा तर्पित ये पितृगण इस श्राद्ध में तृप्ति को प्राप्त हों।

श्लोक 41 (markandeya.96.41)

अग्निष्वात्ताः पितृगणाः प्राचीं रक्षन्तु मे दिशम् । तथा बर्हिषदः पान्तु याम्यां ये पितरः स्मृताः ॥ 96.41 ॥

agniṣvāttāḥ pitṛgaṇāḥ prācīṁ rakṣantu me diśam tathā barhiṣadaḥ pāntu yāmyāṁ ye pitaraḥ smṛtāḥ

अग्निष्वात्त पितृगण मेरी पूर्व दिशा की रक्षा करें, और जो बर्हिषद् नाम से स्मरण किए गए पितर हैं, वे दक्षिण दिशा की रक्षा करें।

श्लोक 42 (markandeya.96.42)

प्रतीचीमाज्यपास्तद्वदुदीचीमपि सोमपाः । रक्षोभूतपिशाचेभ्यस्तथैवासुरदोषतः ॥ 96.42 ॥

pratīcīmājyapāstadvadudīcīmapi somapāḥ rakṣobhūtapiśācebhyastathaivāsuradoṣataḥ

आज्यप पितर पश्चिम दिशा की, और उसी प्रकार सोमप पितर उत्तर दिशा की — राक्षस, भूत, पिशाच तथा असुरों के दोष से — रक्षा करें।

श्लोक 43 (markandeya.96.43)

सर्वतश्चाधिपस्तेषां यमो रक्षां करोतु मे । विश्वो विश्वभुगाराध्यो धर्मो धन्यः शुभाननः ॥ 96.43 ॥

sarvataścādhipasteṣāṁ yamo rakṣāṁ karotu me viśvo viśvabhugārādhyo dharmo dhanyaḥ śubhānanaḥ

और उन सबके अधिपति यम सब ओर से मेरी रक्षा करें। विश्व, विश्वभुक्, आराध्य, धर्म, धन्य तथा शुभानन —

श्लोक 44 (markandeya.96.44)

भूतिदो भूतिकृद्भूतिः पितॄणां ये गणा नव । कल्याणः कल्यताकर्त्ता कल्यः कल्यतराश्रयः ॥ 96.44 ॥

bhūtido bhūtikṛdbhūtiḥ pitṝṇāṁ ye gaṇā nava kalyāṇaḥ kalyatākarttā kalyaḥ kalyatarāśrayaḥ

भूतिद, भूतिकृत् तथा भूति — ये पितरों के नौ गण हैं। तथा कल्याण, कल्यताकर्ता, कल्य, कल्यतराश्रय,

श्लोक 45 (markandeya.96.45)

कल्यताहेतुरनघः षडिमे ते गणाः स्मृताः । वरो वरेण्यो वरदः पुष्टिदस्तुष्टिदस्तथा ॥ 96.45 ॥

kalyatāheturanaghaḥ ṣaḍime te gaṇāḥ smṛtāḥ varo vareṇyo varadaḥ puṣṭidastuṣṭidastathā

कल्यताहेतु तथा अनघ — ये छह गण स्मरण किए गए हैं। और वर, वरेण्य, वरद, पुष्टिद, तथा तुष्टिद —

श्लोक 46 (markandeya.96.46)

विश्वपाता तथा धाता सप्तैवैते तथा गणाः । महान्महात्मा महितो महिमावान्महाबलः ॥ 96.46 ॥

viśvapātā tathā dhātā saptaivaite tathā gaṇāḥ mahānmahātmā mahito mahimāvānmahābalaḥ

तथा विश्वपाता और धाता — ये सात गण हैं। महान्, महात्मा, महित, महिमावान् तथा महाबल —

श्लोक 47 (markandeya.96.47)

गणाः पञ्च तथैवैते पितॄणां पापनाशनाः । सुखदो धनदश्चान्यो धर्मदोऽन्यश्च भूतिदः ॥ 96.47 ॥

gaṇāḥ pañca tathaivaite pitṝṇāṁ pāpanāśanāḥ sukhado dhanadaścānyo dharmado 'nyaśca bhūtidaḥ

ये भी पितरों के पाँच पापनाशक गण हैं। सुखद, धनद, धर्मद तथा भूतिद —

श्लोक 48 (markandeya.96.48)

पितॄणां कथ्यते चैतत्तथा गणचतुष्टयम् । एकत्रिंशत्पितृगणा यैर्व्याप्तमखिलं जगत् । । ते मेऽनुतृप्तास्तुष्यन्तु यच्छन्तु च सदा हितम् ॥ 96.48 ॥

pitṝṇāṁ kathyate caitattathā gaṇacatuṣṭayam ekatriṁśatpitṛgaṇā yairvyāptamakhilaṁ jagat | te me 'nutṛptāstuṣyantu yacchantu ca sadā hitam

यह भी पितरों का एक चतुष्टय-गण कहा जाता है। इस प्रकार इकतीस पितृगण हैं, जिनसे यह सम्पूर्ण जगत् व्याप्त है। वे मुझसे तृप्त होकर सन्तुष्ट हों, और सदा मेरा हित करें।