पितृवरप्रदान

श्लोक 1 (markandeya.97.1)

मार्कण्डेय उवाच एवं तु स्तुवतस्तस्य तेजसो राशिरुच्छ्रितः । प्रादुर्बभूव सहसा गगनव्याप्तिकारकः ॥ 97.1 ॥

mārkaṇḍeya uvāca evaṁ tu stuvatastasya tejaso rāśirucchritaḥ prādurbabhūva sahasā gaganavyāptikārakaḥ

मार्कण्डेय ने कहा — इस प्रकार स्तुति करते हुए उसके सामने तेज की एक विशाल राशि सहसा प्रकट हुई, जो सम्पूर्ण आकाश में व्याप्त हो गई।

श्लोक 2 (markandeya.97.2)

तद्दृष्ट्वा सुमहत्तेजः समासाद्य स्थितं जगत् । जानुभ्यामवनिं गत्वा रुचिः स्तोत्रमिदं जगौ ॥ 97.2 ॥

taddṛṣṭvā sumahattejaḥ samāsādya sthitaṁ jagat jānubhyāmavaniṁ gatvā ruciḥ stotramidaṁ jagau

उस अत्यन्त महान् तेज को जगत् में व्याप्त होकर स्थित देखकर, रुचि ने घुटनों के बल पृथ्वी पर बैठकर यह स्तोत्र गाया।

श्लोक 3 (markandeya.97.3)

रुचिरुवाच अमूर्तानां च मूर्तानां पितॄणां दीप्ततेजसाम् । नमस्यामि सदा तेषां ध्यानिनां दिव्यचक्षुषाम् ॥ 97.3 ॥

ruciruvāca amūrtānāṁ ca mūrtānāṁ pitṝṇāṁ dīptatejasām namasyāmi sadā teṣāṁ dhyānināṁ divyacakṣuṣām

रुचि ने कहा — अमूर्त और मूर्त, प्रज्वलित तेज वाले, ध्यानशील तथा दिव्य-दृष्टि वाले उन पितरों को मैं सदा नमस्कार करता हूँ।

श्लोक 4 (markandeya.97.4)

इन्द्रादीनां च नेतारो दक्षमारीचयोस्तथा । सप्तर्षीणां तथान्येषां तान्नमस्यामि कामदान् ॥ 97.4 ॥

indrādīnāṁ ca netāro dakṣamārīcayostathā saptarṣīṇāṁ tathānyeṣāṁ tānnamasyāmi kāmadān

इन्द्र आदि देवताओं के, तथा दक्ष और मरीचि के, सप्तर्षियों के तथा अन्यों के भी जो अगुआ हैं, कामनाओं को पूर्ण करने वाले उन पितरों को मैं नमस्कार करता हूँ।

श्लोक 5 (markandeya.97.5)

मन्वादीनां मुनीन्द्राणां सूर्याचन्द्रमसोस्तथा । तान्नमस्याम्यहं सर्वान्पितरश्चार्णवेषु ये ॥ 97.5 ॥

manvādīnāṁ munīndrāṇāṁ sūryācandramasostathā tānnamasyāmyahaṁ sarvānpitaraścārṇaveṣu ye

मनु आदि की, मुनीन्द्रों की, तथा सूर्य और चन्द्रमा की उन समस्त पितरों को, और समुद्रों में निवास करने वाले पितरों को भी, मैं नमस्कार करता हूँ।

श्लोक 6 (markandeya.97.6)

नक्षत्राणां ग्रहाणां च वाय्वग्न्योर्नभसस्तथा । द्यावापृथिव्योश्च तथा नमस्यामि कृताञ्जलिः ॥ 97.6 ॥

nakṣatrāṇāṁ grahāṇāṁ ca vāyvagnyornabhasastathā dyāvāpṛthivyośca tathā namasyāmi kṛtāñjaliḥ

नक्षत्रों, ग्रहों, वायु, अग्नि तथा आकाश के, और द्यावा-पृथिवी के भी अधिष्ठाता पितरों को मैं हाथ जोड़कर नमस्कार करता हूँ।

श्लोक 7 (markandeya.97.7)

देवर्षीणां ग्रहाणां च सर्वलोकनमस्कृतान् । अक्षय्यस्य सदा दातॄन्नमस्येऽहं कृताञ्जलिः ॥ 97.7 ॥

devarṣīṇāṁ grahāṇāṁ ca sarvalokanamaskṛtān akṣayyasya sadā dātṝnnamasye 'haṁ kṛtāñjaliḥ

देवर्षियों तथा ग्रहों के, समस्त लोकों द्वारा वन्दित, अक्षय फल के सदा दाता उन पितरों को मैं हाथ जोड़कर नमस्कार करता हूँ।

श्लोक 8 (markandeya.97.8)

प्रजापतेः कश्यपाय सोमाय वरुणाय च । योगेश्वरेभ्यश्च सदा नमस्यामि कृताञ्जलिः ॥ 97.8 ॥

prajāpateḥ kaśyapāya somāya varuṇāya ca yogeśvarebhyaśca sadā namasyāmi kṛtāñjaliḥ

प्रजापति कश्यप, सोम तथा वरुण के, और योगेश्वरों के भी अधिष्ठाता पितरों को मैं सदा हाथ जोड़कर नमस्कार करता हूँ।

श्लोक 9 (markandeya.97.9)

नमो गणेभ्यः सप्तभ्यस्तथा लोकेषु सप्तसु । स्वयंभुवे नमस्यामि ब्रह्मणे योगचक्षुषे ॥ 97.9 ॥

namo gaṇebhyaḥ saptabhyastathā lokeṣu saptasu svayaṁbhuve namasyāmi brahmaṇe yogacakṣuṣe

सातों लोकों में स्थित सातों गणों को नमस्कार है; योग ही जिनका नेत्र है, उन स्वयंभू ब्रह्मा को मैं नमस्कार करता हूँ।

श्लोक 10 (markandeya.97.10)

सोमाधारान्पितृगणान्योगमूर्तिधरांस्तथा । नमस्यामि तथा सोमं पितरं जगतामहम् ॥ 97.10 ॥

somādhārānpitṛgaṇānyogamūrtidharāṁstathā namasyāmi tathā somaṁ pitaraṁ jagatāmaham

सोम पर आधारित पितृगणों को, तथा योग से मूर्तिमान् रूप धारण करने वाले पितरों को भी मैं नमस्कार करता हूँ; तथा जगत् के पिता सोम को भी नमस्कार करता हूँ।

श्लोक 11 (markandeya.97.11)

अग्निरूपांस्तथैवान्यान्नमस्यामि पितॄनहम् । अग्नीषोममयं विश्वं यत एतदशेषतः ॥ 97.11 ॥

agnirūpāṁstathaivānyānnamasyāmi pitṝnaham agnīṣomamayaṁ viśvaṁ yata etadaśeṣataḥ

अग्नि-रूप धारण करने वाले अन्य पितरों को भी मैं नमस्कार करता हूँ, क्योंकि यह सम्पूर्ण विश्व सर्वथा अग्नि और सोम से बना है।

श्लोक 12 (markandeya.97.12)

ये तु तेजसि ये चैते सोमसूर्याग्निमूर्त्तयः । जगत्स्वरूपिणश्चैव तथा ब्रह्मस्वरूपिणः ॥ 97.12 ॥

ye tu tejasi ye caite somasūryāgnimūrttayaḥ jagatsvarūpiṇaścaiva tathā brahmasvarūpiṇaḥ

जो तेज में स्थित हैं, और जो सोम, सूर्य तथा अग्नि के रूप धारण किए हुए हैं, जो जगत्-स्वरूप हैं और उसी प्रकार ब्रह्म-स्वरूप भी हैं —

श्लोक 13 (markandeya.97.13)

तेभ्योऽखिलेभ्यो योगिभ्यः पितृभ्यो यतमानसः । नमो नमो नमस्ते मे प्रसीदन्तु स्वधाभुजः ॥ 97.13 ॥

tebhyo 'khilebhyo yogibhyaḥ pitṛbhyo yatamānasaḥ namo namo namaste me prasīdantu svadhābhujaḥ

संयत मन से उन समस्त योगी पितरों को नमस्कार, नमस्कार, नमस्कार है; स्वधा का भक्षण करने वाले वे मुझ पर प्रसन्न हों।

श्लोक 14 (markandeya.97.14)

मार्कण्डेय उवाच एव स्तुतास्ततस्तेन तेजसा मुनिसत्तम । निश्चक्रमुस्तेऽपि ततो भासयन्तो दिशो दश ॥ 97.14 ॥

mārkaṇḍeya uvāca eva stutāstatastena tejasā munisattama niścakramuste 'pi tato bhāsayanto diśo daśa

मार्कण्डेय ने कहा — हे मुनिश्रेष्ठ! इस प्रकार उस तेज द्वारा स्तुति किए जाने पर, वे पितर उस तेज-राशि से प्रकट हुए, दसों दिशाओं को प्रकाशित करते हुए।

श्लोक 15 (markandeya.97.15)

निवेदितं च यत्तेन पुष्पगन्धानुलेपनम् । तद्भूषितानथ स तान्ददृशे पुरतः स्थितान् ॥ 97.15 ॥

niveditaṁ ca yattena puṣpagandhānulepanam tadbhūṣitānatha sa tāndadṛśe purataḥ sthitān

और उन्होंने उनके द्वारा निवेदित पुष्प, गन्ध तथा अनुलेपन से विभूषित उन पितरों को अपने सामने खड़ा हुआ देखा।

श्लोक 16 (markandeya.97.16)

प्रणिपत्य पुनर्भक्तया पुनरेव कृताञ्जलिः । नमस्तुभ्यं नमस्तुभ्यमित्याह पृथगादृतः ॥ 97.16 ॥

praṇipatya punarbhaktayā punareva kṛtāñjaliḥ namastubhyaṁ namastubhyamityāha pṛthagādṛtaḥ

पुनः भक्तिपूर्वक प्रणाम कर, फिर हाथ जोड़कर, वे प्रत्येक को अलग-अलग आदरपूर्वक 'तुम्हें नमस्कार है, तुम्हें नमस्कार है' कहते रहे।

श्लोक 17 (markandeya.97.17)

ततः प्रसन्नाः पितरस्तमूचुर्मुनिसत्तमम् । वरं वृणीष्वेति स तानुवाचानतकन्धरः ॥ 97.17 ॥

tataḥ prasannāḥ pitarastamūcurmunisattamam varaṁ vṛṇīṣveti sa tānuvācānatakandharaḥ

तब प्रसन्न हुए पितरों ने उस मुनिश्रेष्ठ से कहा — 'वर माँगो'; तब उन्होंने ग्रीवा झुकाकर उनसे यह कहा।

श्लोक 18 (markandeya.97.18)

रुचिरुवाच साम्प्रतं सर्गकर्तृत्वमादिष्टं ब्रह्मणा मम । सोऽहं पुत्रीमभीप्सामि धन्यां दिव्यां प्रजावतीम् ॥ 97.18 ॥

ruciruvāca sāmprataṁ sargakartṛtvamādiṣṭaṁ brahmaṇā mama so 'haṁ putrīmabhīpsāmi dhanyāṁ divyāṁ prajāvatīm

रुचि ने कहा — अभी हाल में ब्रह्मा ने मुझे सृष्टि-कार्य का आदेश दिया है; अतः मैं धन्य, दिव्य तथा सन्तानवती एक कन्या चाहता हूँ।

श्लोक 19 (markandeya.97.19)

पितर ऊचुः अद्यैव सद्यः पत्नी ते भवत्वतिमनोरमा । तस्यां च पुत्रो भविता भवतो मनुरुत्तमः ॥ 97.19 ॥

pitara ūcuḥ adyaiva sadyaḥ patnī te bhavatvatimanoramā tasyāṁ ca putro bhavitā bhavato manuruttamaḥ

पितरों ने कहा — आज ही, तत्काल, तुम्हें एक अत्यन्त सुन्दर पत्नी प्राप्त हो; और उसमें तुम्हारा पुत्र उत्पन्न होगा, जो श्रेष्ठ मनु होगा।

श्लोक 20 (markandeya.97.20)

मन्वन्तराधिपो धीमांस्त्वन्नाम्नैवोपलक्षितः । रुचे रौच्य इति ख्यातिं यो यास्यति जगत्त्रये ॥ 97.20 ॥

manvantarādhipo dhīmāṁstvannāmnaivopalakṣitaḥ ruce raucya iti khyātiṁ yo yāsyati jagattraye

हे रुचि! वह बुद्धिमान् मन्वन्तराधिपति तुम्हारे ही नाम से चिह्नित होकर तीनों लोकों में 'रौच्य' नाम से विख्यात होगा।

श्लोक 21 (markandeya.97.21)

तस्यापि बहवः पुत्रा महाबलपराक्रमाः । भविष्यन्ति महात्मानः पृथिवीपरिपालकाः ॥ 97.21 ॥

tasyāpi bahavaḥ putrā mahābalaparākramāḥ bhaviṣyanti mahātmānaḥ pṛthivīparipālakāḥ

उसके भी महाबली, महापराक्रमी, महात्मा, पृथ्वी के पालक बहुत से पुत्र होंगे।

श्लोक 22 (markandeya.97.22)

त्वं च प्रजापतिर्भूत्वा प्रजाः सृष्ट्वा चतुर्विधाः । क्षीणाधिकारो धर्मज्ञ ततः सिद्धिमवाप्स्यसि ॥ 97.22 ॥

tvaṁ ca prajāpatirbhūtvā prajāḥ sṛṣṭvā caturvidhāḥ kṣīṇādhikāro dharmajña tataḥ siddhimavāpsyasi

और तुम भी प्रजापति होकर चार प्रकार की प्रजा उत्पन्न करके, हे धर्मज्ञ! अपने अधिकार को पूर्ण करके तब सिद्धि प्राप्त करोगे।

श्लोक 23 (markandeya.97.23)

स्तोत्रेणानेन च नरो योऽस्मांस्तोष्यति भक्तितः । तस्य तुष्टा वयं भोगानात्मज्ञानं तथोत्तमम् ॥ 97.23 ॥

stotreṇānena ca naro yo 'smāṁstoṣyati bhaktitaḥ tasya tuṣṭā vayaṁ bhogānātmajñānaṁ tathottamam

और जो मनुष्य इस स्तोत्र से भक्तिपूर्वक हमें प्रसन्न करेगा, उससे प्रसन्न होकर हम उसे भोग तथा उत्तम आत्मज्ञान भी प्रदान करेंगे,

श्लोक 24 (markandeya.97.24)

शरीरारोग्यमर्थं च पुत्रपौत्रादिकं तथा । प्रदास्यामो न सन्देहो यच्चान्यदभिवाच्छितम् ॥ 97.24 ॥

śarīrārogyamarthaṁ ca putrapautrādikaṁ tathā pradāsyāmo na sandeho yaccānyadabhivācchitam

शरीर का आरोग्य, धन, तथा पुत्र-पौत्रादि भी; निःसन्देह हम यह सब देंगे, और जो कुछ और भी वह चाहे।

श्लोक 25 (markandeya.97.25)

तस्मात्पुण्यफलं लोके वाञ्छद्भिः सततं नरैः । पितॄणां चाक्षया तृप्तिं स्तव्याः स्तोत्रेण मानवैः ॥ 97.25 ॥

tasmātpuṇyaphalaṁ loke vāñchadbhiḥ satataṁ naraiḥ pitṝṇāṁ cākṣayā tṛptiṁ stavyāḥ stotreṇa mānavaiḥ

इसलिए इस लोक में पुण्य-फल की सतत कामना करने वाले मनुष्यों द्वारा, तथा पितरों की अक्षय तृप्ति चाहने वाले मनुष्यों द्वारा, इस स्तोत्र से हमारी स्तुति की जानी चाहिए।

श्लोक 26 (markandeya.97.26)

वाञ्छद्भिः सततं स्तव्याः स्तोत्रेणानेन वै यतः । श्राद्धे च इमं भक्त्या अस्मत्प्रीतिकरं स्तवम् ॥ 97.26 ॥

vāñchadbhiḥ satataṁ stavyāḥ stotreṇānena vai yataḥ śrāddhe ca imaṁ bhaktyā asmatprītikaraṁ stavam

जो सतत इसकी कामना करते हैं, उनके द्वारा हम इसी स्तोत्र से सदा स्तुत्य हैं; और श्राद्ध में भक्तिपूर्वक हमें प्रिय करने वाले इस स्तोत्र को —

श्लोक 27 (markandeya.97.27)

पठिष्यन्ति द्विजाग्र्याणां भुञ्जतां पुरतः स्थितः । स्तोत्रश्रवणसम्प्रीत्या सन्निधाने परे कृते ॥ 97.27 ॥

paṭhiṣyanti dvijāgryāṇāṁ bhuñjatāṁ purataḥ sthitaḥ stotraśravaṇasamprītyā sannidhāne pare kṛte

जो लोग भोजन करते हुए श्रेष्ठ द्विजों के सामने खड़े होकर पढ़ेंगे, उनके द्वारा स्तोत्र-श्रवण के आनन्द से हमारी परम सांनिध्यता स्थापित होने पर,

श्लोक 28 (markandeya.97.28)

अस्माकमक्षयं श्राद्धं तद्भविष्यत्यसंशयम् । यद्यप्यश्रोत्रियं श्राद्धं यद्यप्युपहतं भवेत् ॥ 97.28 ॥

asmākamakṣayaṁ śrāddhaṁ tadbhaviṣyatyasaṁśayam yadyapyaśrotriyaṁ śrāddhaṁ yadyapyupahataṁ bhavet

वह श्राद्ध निःसन्देह हमारे लिए अक्षय हो जाएगा — चाहे वह श्राद्ध वेदाध्ययन-रहित पुरुष द्वारा किया गया हो, चाहे वह त्रुटिपूर्ण ही क्यों न हो,

श्लोक 29 (markandeya.97.29)

अन्यायोपात्तवित्तेन यदि वा कृतमन्यथा । अश्राद्धार्हैरुपहतैरुपहारैस्तथा कृतम् ॥ 97.29 ॥

anyāyopāttavittena yadi vā kṛtamanyathā aśrāddhārhairupahatairupahāraistathā kṛtam

चाहे अन्यायपूर्वक अर्जित धन से किया गया हो, या और किसी प्रकार अनुचित रूप से किया गया हो, चाहे अश्राद्ध-योग्य दूषित उपहारों से किया गया हो,

श्लोक 30 (markandeya.97.30)

अकालेऽप्यथवाऽदेशे विधिहीनमथापि वा । अश्रद्धया वा पुरुषैर्दम्भमाश्रित्य वा कृतम् ॥ 97.30 ॥

akāle 'pyathavā 'deśe vidhihīnamathāpi vā aśraddhayā vā puruṣairdambhamāśritya vā kṛtam

चाहे असमय में या अनुचित स्थान पर हो, चाहे विधि-रहित हो, या मनुष्यों द्वारा श्रद्धा-रहित होकर या दम्भ का सहारा लेकर किया गया हो —

श्लोक 31 (markandeya.97.31)

अस्माकं तृप्तये श्राद्धं तथाप्येतदुदीरणात् । यत्रैतत्पठ्यते श्राद्धे स्तोत्रमस्मत्सुखावहम् ॥ 97.31 ॥

asmākaṁ tṛptaye śrāddhaṁ tathāpyetadudīraṇāt yatraitatpaṭhyate śrāddhe stotramasmatsukhāvaham

फिर भी, इस स्तोत्र के उच्चारण मात्र से वह श्राद्ध हमारी तृप्ति के लिए हो जाएगा, जहाँ कहीं भी श्राद्ध में हमें सुख देने वाला यह स्तोत्र पढ़ा जाता है।

श्लोक 32 (markandeya.97.32)

अस्माकं जायते तृप्तिस्तत्र द्वादशवार्षिकी । हेमन्ते द्वादशाब्दानि तृप्तिमेतत्प्रयच्छति ॥ 97.32 ॥

asmākaṁ jāyate tṛptistatra dvādaśavārṣikī hemante dvādaśābdāni tṛptimetatprayacchati

वहाँ हमारी तृप्ति बारह वर्षों तक बनी रहती है; हेमन्त ऋतु में पढ़े जाने पर यह बारह वर्षों की तृप्ति प्रदान करता है।

श्लोक 33 (markandeya.97.33)

शिशिरे द्विगुणाब्दांश्च तृप्तिं स्तोत्रमिदं शुभम् । वसन्ते षोडश समास्तृप्तये श्राद्धकर्मणि ॥ 97.33 ॥

śiśire dviguṇābdāṁśca tṛptiṁ stotramidaṁ śubham vasante ṣoḍaśa samāstṛptaye śrāddhakarmaṇi

शिशिर ऋतु में यह शुभ स्तोत्र दुगुने वर्षों की तृप्ति देता है; वसन्त में श्राद्ध-कर्म में सोलह वर्षों की तृप्ति के लिए होता है।

श्लोक 34 (markandeya.97.34)

ग्रीष्मे षोडशैवैतत्पठितं तृप्तिकारकम् । विकलेऽपि कृते श्राद्धे स्तोत्रेणानेन साधिते ॥ 97.34 ॥

grīṣme ṣoḍaśaivaitatpaṭhitaṁ tṛptikārakam vikale 'pi kṛte śrāddhe stotreṇānena sādhite

ग्रीष्म में पढ़े जाने पर भी यह सोलह वर्षों की ही तृप्ति देने वाला है; त्रुटिपूर्ण ढंग से किए गए श्राद्ध में भी यह स्तोत्र उसे सफल बना देता है।

श्लोक 35 (markandeya.97.35)

वर्षासु तृप्तिरस्माकमक्षया जायते रुचे । शरत्कालेऽपि पठितं श्राद्धकाले प्रयच्छति ॥ 97.35 ॥

varṣāsu tṛptirasmākamakṣayā jāyate ruce śaratkāle 'pi paṭhitaṁ śrāddhakāle prayacchati

हे रुचि! वर्षा ऋतु में हमारी तृप्ति अक्षय हो जाती है; शरद् काल में भी श्राद्ध के समय पढ़ा जाने पर यह वही फल देता है।

श्लोक 36 (markandeya.97.36)

अस्माकमेतत्पुरुषस्तृप्तिं पञ्चदशाब्दिकीम् । यस्मिन्गृहे च लिखितमेतत्तिष्ठति नित्यदा ॥ 97.36 ॥

asmākametatpuruṣastṛptiṁ pañcadaśābdikīm yasmingṛhe ca likhitametattiṣṭhati nityadā

यह मनुष्य को पन्द्रह वर्षों की हमारी तृप्ति प्रदान करता है; और जिस घर में यह लिखित रूप में सदा रखा रहता है,

श्लोक 37 (markandeya.97.37)

सन्निधानं कृते श्राद्धे तत्रास्माकं भविष्यति । तस्मादेतत्त्वया श्राद्धे विप्राणां भुञ्जतः पुरः ॥ 97.37 ॥

sannidhānaṁ kṛte śrāddhe tatrāsmākaṁ bhaviṣyati tasmādetattvayā śrāddhe viprāṇāṁ bhuñjataḥ puraḥ

वहाँ श्राद्ध किए जाने पर हमारी सांनिध्यता बनी रहेगी। इसलिए तुम्हें श्राद्ध में, भोजन करते हुए ब्राह्मणों के सामने,

श्लोक 38 (markandeya.97.38)

श्रवणीयं महाभाग अस्माकं पुष्टिहेतुकम् । इत्युक्त्वा पितरस्तस्य स्वर्गता मुनिसत्तम ॥ 97.38 ॥

śravaṇīyaṁ mahābhāga asmākaṁ puṣṭihetukam ityuktvā pitarastasya svargatā munisattama

इसे श्रवण कराना चाहिए, हे महाभाग! क्योंकि यह हमारी पुष्टि का कारण है। ऐसा कहकर, हे मुनिश्रेष्ठ! वे पितर स्वर्ग को चले गए।