पितृमाहात्म्य-कथन (ब्रह्मदत्त-आख्यान)

श्लोक 1 (padma.1.10.1)

पुलस्त्य उवाच। एकोद्दिष्टं ततो वक्ष्ये यदुक्तं ब्रह्मणा पुरा। मृते पुत्रैर्यथाकार्यमाशौचं च पितुर्यदि।

pulastya uvāca ekoddiṣṭaṁ tato vakṣye yaduktaṁ brahmaṇā purā mṛte putrairyathākāryamāśaucaṁ ca pituryadi

पुलस्त्य ने कहा — अब मैं एकोद्दिष्ट श्राद्ध बताऊँगा, जैसा पूर्वकाल में ब्रह्मा ने कहा था — पिता के मरने पर पुत्रों को जो करना चाहिए, तथा अशौच (सूतक) की अवधि।

श्लोक 2 (padma.1.10.2)

दशाहं शावमाशौचं ब्राह्मणस्य विधीयते। क्षत्रियेषु दश द्वे च पक्षं वैश्येषु चैव हि।

daśāhaṁ śāvamāśaucaṁ brāhmaṇasya vidhīyate kṣatriyeṣu daśa dve ca pakṣaṁ vaiśyeṣu caiva hi

ब्राह्मण के लिए दस दिन का शव-अशौच विहित है। क्षत्रियों में बारह दिन, तथा वैश्यों में पन्द्रह दिन (एक पक्ष)।

श्लोक 3 (padma.1.10.3)

शूद्रेषु मासमाशौचं सपिंडेषु विधीयते। नैशमाचूडमाशौचं त्रिरात्रं परतः स्मृतम्।

śūdreṣu māsamāśaucaṁ sapiṁḍeṣu vidhīyate naiśamācūḍamāśaucaṁ trirātraṁ parataḥ smṛtam

शूद्रों में सपिण्डों के मध्य एक मास का अशौच विहित है। मुण्डन से पहले (शिशु का) अशौच रात्रिभर का है, उसके बाद तीन रात्रि स्मरण की गई है।

श्लोक 4 (padma.1.10.4)

जननेप्येवमेव स्यात्सर्ववर्णेषु सर्वदा। अस्थिसंचयनादूर्ध्वमङ्गस्पर्शो विधीयते।

jananepyevameva syātsarvavarṇeṣu sarvadā asthisaṁcayanādūrdhvamaṅgasparśo vidhīyate

जन्म में भी सभी वर्णों में सदा यही (अनुपात) होता है। अस्थि-संचयन के बाद अंग-स्पर्श (सामान्य कार्य पुनः आरम्भ) विहित है।

श्लोक 5 (padma.1.10.5)

प्रेताय पिंडदानं तु द्वादशाहं समाचरेत्। पाथेयं तस्य तत्प्रोक्तं यतः प्रीतिकरं महत्।

pretāya piṁḍadānaṁ tu dvādaśāhaṁ samācaret pātheyaṁ tasya tatproktaṁ yataḥ prītikaraṁ mahat

मृतक के लिए पिण्ड-दान बारह दिनों तक करना चाहिए। वह उसका पाथेय (यात्रा-भोजन) कहा गया है, जो अत्यन्त प्रीतिकर होता है।

श्लोक 6 (padma.1.10.6)

यस्मात्प्रेतपुरं प्रेतो द्वादशाहेन नीयते। गृहे पुत्रकलत्रं च द्वादशाहं प्रपश्यति।

yasmātpretapuraṁ preto dvādaśāhena nīyate gṛhe putrakalatraṁ ca dvādaśāhaṁ prapaśyati

क्योंकि प्रेत बारह दिनों में प्रेत-नगरी को ले जाया जाता है। घर में पुत्र-पत्नी को वह बारह दिनों तक देखता रहता है।

श्लोक 7 (padma.1.10.7)

तस्मान्निधेयमाकाशे दशरात्रं पयस्तथा। सर्वदाहोपशांत्यर्थमध्वश्रमविनाशनम्।

tasmānnidheyamākāśe daśarātraṁ payastathā sarvadāhopaśāṁtyarthamadhvaśramavināśanam

इसलिए दस रात्रि तक आकाश में दूध रखना चाहिए, सम्पूर्ण दाह की शान्ति के लिए तथा मार्ग-श्रम के नाश के लिए।

श्लोक 8 (padma.1.10.8)

ततस्त्वेकादशाहेपि द्विजानेकादशैव तु। गोत्रादिसूतकांते च भोजयेन्मनुजो द्विजान्।

tatastvekādaśāhepi dvijānekādaśaiva tu gotrādisūtakāṁte ca bhojayenmanujo dvijān

फिर ग्यारहवें दिन ग्यारह द्विजों को, तथा गोत्र आदि के सूतक की समाप्ति पर भी मनुष्य को द्विजों को भोजन कराना चाहिए।

श्लोक 9 (padma.1.10.9)

द्वितीयेह्नि पुनस्तद्वदेकोद्दिष्टं समाचरेत्। नावाहनाग्नौकरणं दैवहीनं विधानतः।

dvitīyehni punastadvadekoddiṣṭaṁ samācaret nāvāhanāgnaukaraṇaṁ daivahīnaṁ vidhānataḥ

दूसरे दिन पुनः उसी प्रकार एकोद्दिष्ट (श्राद्ध) करना चाहिए — बिना आवाहन, बिना अग्नि-कार्य, विधिपूर्वक देवता-रहित।

श्लोक 10 (padma.1.10.10)

एकं पवित्रमेकोर्घ एकः पिंडो विधीयते। उपतिष्ठतामिति वदेद्देयं पश्चात्तिलोदकं।

ekaṁ pavitramekorgha ekaḥ piṁḍo vidhīyate upatiṣṭhatāmiti vadeddeyaṁ paścāttilodakaṁ

एक पवित्रक, एक अर्घ्य, एक ही पिण्ड विहित है। 'वे समीप आएँ' कहना चाहिए, फिर तिल-जल देना चाहिए।

श्लोक 11 (padma.1.10.11)

स्वास्ति ब्रूयाद्विप्रकरे विसर्गे चाभिरम्यताम्। शेषं पूर्ववदत्रापि कार्यं वेदविदो विदुः।

svāsti brūyādviprakare visarge cābhiramyatām śeṣaṁ pūrvavadatrāpi kāryaṁ vedavido viduḥ

विप्र के हाथ में 'तुम्हारा कल्याण हो' कहना चाहिए, तथा विसर्जन में 'वहाँ आनन्दित हों'। शेष सब पहले की तरह ही करना चाहिए, ऐसा वेदवेत्ता जानते हैं।

श्लोक 12 (padma.1.10.12)

अनेन विधिना सर्वमनुमासं समाचरेत्। सूतकांते द्वितीयेह्नि शय्यां दद्याद्विलक्षणाम्।

anena vidhinā sarvamanumāsaṁ samācaret sūtakāṁte dvitīyehni śayyāṁ dadyādvilakṣaṇām

इसी विधि से यह हर मास करना चाहिए। सूतक की समाप्ति पर, दूसरे दिन, एक विशिष्ट शय्या का दान करना चाहिए।

श्लोक 13 (padma.1.10.13)

कांचनं पुरुषं तद्वत्फलवस्त्रसमन्वितम्। प्रपूज्य द्विजदांपत्यं नानाभरणभूषितम्।

kāṁcanaṁ puruṣaṁ tadvatphalavastrasamanvitam prapūjya dvijadāṁpatyaṁ nānābharaṇabhūṣitam

सोने का पुरुष भी उसी प्रकार, फल-वस्त्र सहित; द्विज-दम्पति की पूजा करके, नाना आभूषणों से विभूषित,

श्लोक 14 (padma.1.10.14)

उपवेश्य तु शय्यायां मधुपर्कं ततो ददेत्। रजतस्य तु पात्रेण दधिदुग्धसमन्वितम्।

upaveśya tu śayyāyāṁ madhuparkaṁ tato dadet rajatasya tu pātreṇa dadhidugdhasamanvitam

उन्हें शय्या पर बिठाकर तब मधुपर्क देना चाहिए, चाँदी के पात्र में दधि-दूध सहित।

श्लोक 15 (padma.1.10.15)

अस्थिलालाटिकं गृह्य सूक्ष्मं कृत्वा विमिश्रयेत्। पाययेदिद्वजदांपत्यं पितृभक्त्या समन्वितः।

asthilālāṭikaṁ gṛhya sūkṣmaṁ kṛtvā vimiśrayet pāyayedidvajadāṁpatyaṁ pitṛbhaktyā samanvitaḥ

(मृतक के) ललाट की अस्थि लेकर सूक्ष्म बनाकर मिश्रित कर, पितृ-भक्ति से युक्त होकर द्विज-दम्पति को पिलाना चाहिए।

श्लोक 16 (padma.1.10.16)

एष एव विधिर्दृष्टः पार्वतीयैर्द्विजोतमैः। तेन दुष्टा तु सा शय्या न ग्राह्या द्विजसत्तमैः।

eṣa eva vidhirdṛṣṭaḥ pārvatīyairdvijotamaiḥ tena duṣṭā tu sā śayyā na grāhyā dvijasattamaiḥ

यह विधि पर्वतीय श्रेष्ठ द्विजों द्वारा देखी गई है। इसी कारण वह शय्या दूषित हो जाती है, और श्रेष्ठ द्विजों को स्वीकार नहीं करनी चाहिए।

श्लोक 17 (padma.1.10.17)

गृहीतायां तु तस्यां हि पुनः संस्कारमर्हति। वेदे चैव पुराणे च शय्या सर्वत्र गर्हिता।

gṛhītāyāṁ tu tasyāṁ hi punaḥ saṁskāramarhati vede caiva purāṇe ca śayyā sarvatra garhitā

यदि वह ग्रहण कर ली जाए, तो पुनः संस्कार के योग्य होती है। वेद और पुराण दोनों में ऐसी शय्या सर्वत्र निन्दित है।

श्लोक 18 (padma.1.10.18)

ग्रहीतारस्तु जायन्ते सर्वे नरकगामिनः। ग्रथितां वसुजालेन शय्यां दांपत्यसेविताम्।

grahītārastu jāyante sarve narakagāminaḥ grathitāṁ vasujālena śayyāṁ dāṁpatyasevitām

उसे लेने वाले सभी नरकगामी होते हैं। धन-सूत्रों से गूँथी, दम्पति द्वारा उपयोग की गई उस शय्या को,

श्लोक 19 (padma.1.10.19)

ये स्पृशंति न जानंतः सर्वे नरकगामिनः। नवश्राद्धेन भोक्तव्यं भुक्त्वा चांद्रायणं चरेत्।

ye spṛśaṁti na jānaṁtaḥ sarve narakagāminaḥ navaśrāddhena bhoktavyaṁ bhuktvā cāṁdrāyaṇaṁ caret

जो अनजाने में भी स्पर्श करते हैं, वे सभी नरकगामी होते हैं। इसके बजाय नव-श्राद्ध के अन्न से ही भोजन करना चाहिए; और यदि (भूलवश) खा लिया जाए, तो चान्द्रायण व्रत करना चाहिए।

श्लोक 20 (padma.1.10.20)

पितृभक्त्या तु पुत्राणां कार्यमेव सदा भवेत्। वृषोत्सर्गं च कुर्वीत देया च कपिला शुभा।

pitṛbhaktyā tu putrāṇāṁ kāryameva sadā bhavet vṛṣotsargaṁ ca kurvīta deyā ca kapilā śubhā

पितृ-भक्ति से पुत्रों को यह सदा ही करना चाहिए। वृषोत्सर्ग (बैल छोड़ना) करना चाहिए, तथा एक शुभ भूरी गाय दान करनी चाहिए।

श्लोक 21 (padma.1.10.21)

उदकुंभश्च दातव्यो भक्ष्यभोज्यफलान्वितः। यावदब्दं नरश्रेष्ठ सतिलोदकपूर्वकम्।

udakuṁbhaśca dātavyo bhakṣyabhojyaphalānvitaḥ yāvadabdaṁ naraśreṣṭha satilodakapūrvakam

हे नरश्रेष्ठ! एक वर्ष तक भक्ष्य-भोज्य-फलों सहित जल का घड़ा भी तिल-जल-पूर्वक देना चाहिए।

श्लोक 22 (padma.1.10.22)

ततः संवत्सरे पूर्णे सपिंडीकरणं भवेत्। सपिंडीकरणादूर्द्ध्वं प्रेतः पार्वणभुग्यतः।

tataḥ saṁvatsare pūrṇe sapiṁḍīkaraṇaṁ bhavet sapiṁḍīkaraṇādūrddhvaṁ pretaḥ pārvaṇabhugyataḥ

तत्पश्चात् वर्ष पूर्ण होने पर सपिण्डीकरण होना चाहिए। सपिण्डीकरण के बाद प्रेत पार्वण-श्राद्ध का भागी बन जाता है,

श्लोक 23 (padma.1.10.23)

वृद्धिपूर्वेषु कार्येषु गृहस्थस्य भवेत्ततः। सपिंडीकरणं श्राद्धं देवपूर्वं नियोजयेत्।

vṛddhipūrveṣu kāryeṣu gṛhasthasya bhavettataḥ sapiṁḍīkaraṇaṁ śrāddhaṁ devapūrvaṁ niyojayet

और तब वह गृहस्थ के वृद्धि-कार्यों में भी सम्मिलित होने लगता है। सपिण्डीकरण-श्राद्ध देव-कार्य से पहले करना चाहिए।

श्लोक 24 (padma.1.10.24)

पितॄनावाहयेत्तत्र पृथक्प्रेतं विनिर्दिशेत्। गंधोदकतिलैर्युक्तं कुर्यात्पात्रचतुष्टयम्।

pitṝnāvāhayettatra pṛthakpretaṁ vinirdiśet gaṁdhodakatilairyuktaṁ kuryātpātracatuṣṭayam

वहाँ पितरों का आवाहन करके प्रेत को अलग से निर्दिष्ट करना चाहिए। गन्ध-जल-तिल सहित चार पात्र बनाने चाहिए।

श्लोक 25 (padma.1.10.25)

अर्घ्यार्थं पितृपात्रेषु प्रेतपात्रं प्रसेचयेत्। तद्वत्संकल्प्य चतुरः पिंडान्पितृपरस्तदा।

arghyārthaṁ pitṛpātreṣu pretapātraṁ prasecayet tadvatsaṁkalpya caturaḥ piṁḍānpitṛparastadā

अर्घ्य के लिए पितृ-पात्रों में प्रेत-पात्र (की सामग्री) उंडेल देनी चाहिए। इसी प्रकार संकल्प कर पितृ-परायण व्यक्ति चार पिण्ड बनाए,

श्लोक 26 (padma.1.10.26)

ये समाना इति द्वाभ्यामन्नं तु विभजेत्त्रिधा। अनेन विधिना चार्घ्यं पूर्वमेव प्रदापयेत्।

ye samānā iti dvābhyāmannaṁ tu vibhajettridhā anena vidhinā cārghyaṁ pūrvameva pradāpayet

'ये समाना' इन दो मंत्रों से अन्न को तीन भागों में बाँटे। इस विधि से पहले ही अर्घ्य दिलवा देना चाहिए।

श्लोक 27 (padma.1.10.27)

ततः पितृत्वमापन्नस्स चतुर्थस्तदा त्वनु। अग्निष्वात्तादि मध्ये तु प्राप्नोत्यमृतमुत्तमम्।

tataḥ pitṛtvamāpannassa caturthastadā tvanu agniṣvāttādi madhye tu prāpnotyamṛtamuttamam

तब पितृत्व को प्राप्त वह चौथा (पिण्ड) तत्पश्चात् अग्निष्वात्तों आदि के मध्य उत्तम अमृत को प्राप्त करता है।

श्लोक 28 (padma.1.10.28)

सपिण्डीकरणादूर्ध्वं पृथक्तस्मै न दीयते। पितृष्वेव च दातव्यं तत्पिंडं येषु संस्थितम्।

sapiṇḍīkaraṇādūrdhvaṁ pṛthaktasmai na dīyate pitṛṣveva ca dātavyaṁ tatpiṁḍaṁ yeṣu saṁsthitam

सपिण्डीकरण के बाद उसे अलग से नहीं दिया जाता; उसका पिण्ड उन्हीं पितरों में देना चाहिए, जिनमें वह अब स्थित है।

श्लोक 29 (padma.1.10.29)

ततः प्रभृति संक्रान्तावुपरागादि पर्वसु। त्रिपिंडमाचरेच्छ्राद्धमेकोद्दिष्टं मृतेहनि।

tataḥ prabhṛti saṁkrāntāvuparāgādi parvasu tripiṁḍamācarecchrāddhamekoddiṣṭaṁ mṛtehani

तब से संक्रान्ति में, ग्रहणादि पर्वों पर त्रिपिण्ड श्राद्ध करना चाहिए, तथा मृत्यु-तिथि पर एकोद्दिष्ट।

श्लोक 30 (padma.1.10.30)

एकोद्दिष्टं परित्यज्य मृताहे यः समाचरेत्। स दैवं पितृहा स स्यात्तथा भ्रातृविनाशकः।

ekoddiṣṭaṁ parityajya mṛtāhe yaḥ samācaret sa daivaṁ pitṛhā sa syāttathā bhrātṛvināśakaḥ

जो एकोद्दिष्ट को त्यागकर मृत्यु-तिथि पर (पार्वण श्राद्ध) करता है, वह दैव-पितृ-घातक होता है, तथा भाइयों का विनाशक भी।

श्लोक 31 (padma.1.10.31)

मृताहे पार्वणं कुर्वन्नधो याति स मानवः। संपृक्ते स्वर्गती भावे प्रेतमोक्षो यतो भवेत्।

mṛtāhe pārvaṇaṁ kurvannadho yāti sa mānavaḥ saṁpṛkte svargatī bhāve pretamokṣo yato bhavet

मृत्यु-तिथि पर पार्वण करने वाला मनुष्य अधोगति को जाता है। सही क्रम जुड़ने पर ही स्वर्ग-गति और प्रेत-मुक्ति होती है।

श्लोक 32 (padma.1.10.32)

आमश्राद्धं तदा कुर्याद्विधिज्ञः श्राद्धदस्ततः। तेनाग्नौकरणं कुर्यात्पिंडांस्तेनैव निर्वपेत्।

āmaśrāddhaṁ tadā kuryādvidhijñaḥ śrāddhadastataḥ tenāgnaukaraṇaṁ kuryātpiṁḍāṁstenaiva nirvapet

विधिज्ञ श्राद्धदाता को तब आम-श्राद्ध (कच्चे अन्न का) करना चाहिए; उसी से अग्नि-कार्य करे, उसी से पिण्ड अर्पित करे।

श्लोक 33 (padma.1.10.33)

त्रिभिः सपिंडीकरणं मासैक्ये त्रितये तथा। यदा प्राप्स्यति कालेन तदा मुच्येत बंधनात्।

tribhiḥ sapiṁḍīkaraṇaṁ māsaikye tritaye tathā yadā prāpsyati kālena tadā mucyeta baṁdhanāt

तीन (मासिक श्राद्धों) से सपिण्डीकरण एक ही मास में या तीन मास में होता है। जब समय पर यह प्राप्त होता है, तब (मृतक) बन्धन से मुक्त होता है।

श्लोक 34 (padma.1.10.34)

मुक्तोपि लेपभागित्वं प्राप्नोति कुशमार्जनात्। लेपभाजश्चतुर्थाद्यास्त्रयः स्युः पिंडभागिनः।

muktopi lepabhāgitvaṁ prāpnoti kuśamārjanāt lepabhājaścaturthādyāstrayaḥ syuḥ piṁḍabhāginaḥ

मुक्त होकर भी वह कुश के मार्जन से लेप-भागी बनता है। चौथी पीढ़ी से आरम्भ करके तीन लेप-भागी होते हैं, (निकटतर) तीन पिण्ड-भागी होते हैं।

श्लोक 35 (padma.1.10.35)

पिण्डदः सप्तमस्तेषां सपिंडाः सप्तपूरुषाः। भीष्म उवाच। कथं हव्यानि देयानि कव्यानि च जनैरिह।

piṇḍadaḥ saptamasteṣāṁ sapiṁḍāḥ saptapūruṣāḥ bhīṣma uvāca kathaṁ havyāni deyāni kavyāni ca janairiha

उनमें सातवाँ पिण्ड-दाता होता है; इस प्रकार सात पीढ़ियाँ सपिण्ड होती हैं। भीष्म ने कहा — यहाँ लोगों द्वारा हव्य और कव्य कैसे दिए जाने चाहिए?

श्लोक 36 (padma.1.10.36)

गृह्णंति पितृलोके वा प्रायः के कैर्निगद्यते। यदि मर्त्ये द्विजो भुंक्ते हूयते यदि वानले।

gṛhṇaṁti pitṛloke vā prāyaḥ ke kairnigadyate yadi martye dvijo bhuṁkte hūyate yadi vānale

पितृलोक में उन्हें प्रायः कौन ग्रहण करता है, यह किनके द्वारा कहा जाता है? यदि मृत्युलोक में द्विज भोजन करे, या अग्नि में हवन किया जाए,

श्लोक 37 (padma.1.10.37)

शुभाशुभात्मकाः प्रेतास्तदन्नं भुंजते कथम्। पुलस्त्य उवाच। वसुस्वरूपाः पितरो रुद्राश्चैव पितामहाः।

śubhāśubhātmakāḥ pretāstadannaṁ bhuṁjate katham pulastya uvāca vasusvarūpāḥ pitaro rudrāścaiva pitāmahāḥ

शुभ-अशुभ स्वभाव वाले प्रेतगण वह अन्न कैसे भोगते हैं? पुलस्त्य ने कहा — पिता वसु-स्वरूप हैं, पितामह रुद्र-स्वरूप,

श्लोक 38 (padma.1.10.38)

प्रपितामहास्तथादित्या इत्येषा वैदिकी श्रुतिः। नामगोत्रं पितॄणां तु प्रापकं हव्यकव्ययोः।

prapitāmahāstathādityā ityeṣā vaidikī śrutiḥ nāmagotraṁ pitṝṇāṁ tu prāpakaṁ havyakavyayoḥ

तथा प्रपितामह आदित्य-स्वरूप — यही वैदिक श्रुति है। पितरों का नाम-गोत्र ही हव्य-कव्य को उन तक पहुँचाने वाला है,

श्लोक 39 (padma.1.10.39)

श्राद्धस्य मन्त्रतस्तत्वमुपलभ्येत भक्तितः। अग्निष्वात्तादयस्तेषामाधिपत्ये व्यवस्थिताः।

śrāddhasya mantratastatvamupalabhyeta bhaktitaḥ agniṣvāttādayasteṣāmādhipatye vyavasthitāḥ

श्राद्ध के मंत्रों द्वारा भक्तिपूर्वक यह तत्त्व प्राप्त किया जाता है। अग्निष्वात्त आदि उनके अधिपत्य में स्थापित हैं,

श्लोक 40 (padma.1.10.40)

नामगोत्रास्तदा देशा भवंत्युद्भवतामपि। प्राणिनः प्रीणयत्येतदर्हणं समुपागतं।

nāmagotrāstadā deśā bhavaṁtyudbhavatāmapi prāṇinaḥ prīṇayatyetadarhaṇaṁ samupāgataṁ

और नाम-गोत्र से ही वह उत्पन्न होने वाले प्राणियों के लिए भी (उपयुक्त) स्थान पाता है। यह अर्पित यज्ञ-भाग प्राणी को प्रसन्न करता है,

श्लोक 41 (padma.1.10.41)

दिव्यो यदि पिता माता गुरुः कर्मानुयोगतः। तस्यान्नममृतं भूत्वा दिव्यत्त्वेप्यनुगच्छति।

divyo yadi pitā mātā guruḥ karmānuyogataḥ tasyānnamamṛtaṁ bhūtvā divyattvepyanugacchati

यदि पिता, माता या गुरु अपने कर्मानुसार देवत्व को प्राप्त हों, तो उनका अन्न अमृत बनकर देवत्व में भी उनका अनुगमन करता है,

श्लोक 42 (padma.1.10.42)

दैत्यत्वे भोगरूपेण पशुत्वेपि तृणं भवेत्। श्राद्धान्नं वायुरूपेण नागत्वेप्युपतिष्ठति।

daityatve bhogarūpeṇa paśutvepi tṛṇaṁ bhavet śrāddhānnaṁ vāyurūpeṇa nāgatvepyupatiṣṭhati

दैत्य-योनि में भोग-रूप से, पशु-योनि में तृण बन जाता है; श्राद्ध का अन्न वायु-रूप से नाग-योनि में भी पहुँचता है,

श्लोक 43 (padma.1.10.43)

पानं भवति यक्षत्वे राक्षसत्वे तथामिषं। दानवत्वे तथा पानं प्रेतत्वे रुधिरोदकम्।

pānaṁ bhavati yakṣatve rākṣasatve tathāmiṣaṁ dānavatve tathā pānaṁ pretatve rudhirodakam

यक्ष-योनि में पान बन जाता है, राक्षस-योनि में मांस; दानव-योनि में भी पान, प्रेत-योनि में रक्त-मिश्रित जल बनता है।

श्लोक 44 (padma.1.10.44)

मनुष्यत्वेन्नपानादि नानाभोगवतां भवेत्। रतिशक्तिस्त्रियः कान्तेऽन्येषां भोजनशक्तिता।

manuṣyatvennapānādi nānābhogavatāṁ bhavet ratiśaktistriyaḥ kānte'nyeṣāṁ bhojanaśaktitā

मनुष्य-योनि में अन्न-पान आदि नाना भोगों का रूप ले लेता है। स्त्रियों के लिए यह प्रियतम में रति-शक्ति, अन्यों के लिए भोजन-शक्ति बन जाता है,

श्लोक 45 (padma.1.10.45)

दानशक्तिः स विभवा रूपमारोग्यमेव च। श्राद्धपुष्पमिदं प्रोक्तं फलं ब्रह्मसमागमः।

dānaśaktiḥ sa vibhavā rūpamārogyameva ca śrāddhapuṣpamidaṁ proktaṁ phalaṁ brahmasamāgamaḥ

अन्यों के लिए दान-शक्ति, सम्पत्ति, रूप तथा आरोग्य भी। यह श्राद्ध का 'पुष्प' कहा गया है; इसका फल ब्रह्म-मिलन है।

श्लोक 46 (padma.1.10.46)

आयुः पुत्रान्धनं विद्यां स्वर्गं मोक्षं सुखानि च। प्रयच्छन्ति तथा राज्यं प्रीताः पितृगणा नृप।

āyuḥ putrāndhanaṁ vidyāṁ svargaṁ mokṣaṁ sukhāni ca prayacchanti tathā rājyaṁ prītāḥ pitṛgaṇā nṛpa

हे नृप! आयु, पुत्र, धन, विद्या, स्वर्ग, मोक्ष और सुख, तथा राज्य भी — प्रसन्न होकर पितृगण मनुष्यों को यह सब प्रदान करते हैं।

श्लोक 47 (padma.1.10.47)

श्रूयते च पुरा मोक्षं प्राप्ताः कौशिकसूनवः। पंचभिर्जन्मसंबंधैः प्राप्ता ब्रह्मपरं पदम्।

śrūyate ca purā mokṣaṁ prāptāḥ kauśikasūnavaḥ paṁcabhirjanmasaṁbaṁdhaiḥ prāptā brahmaparaṁ padam

और सुना जाता है कि पूर्वकाल में कौशिक के पुत्र मोक्ष को प्राप्त हुए; पाँच जन्मों के सम्बन्ध से वे ब्रह्म के परम पद को प्राप्त हुए।

श्लोक 48 (padma.1.10.48)

भीष्म उवाच। कथं कौशिकदायादाः प्राप्ता योगमनुत्तमम्। पंचभिर्जन्मसंबन्धैः कथं कर्मक्षयो भवेत्।

bhīṣma uvāca kathaṁ kauśikadāyādāḥ prāptā yogamanuttamam paṁcabhirjanmasaṁbandhaiḥ kathaṁ karmakṣayo bhavet

भीष्म ने कहा — कौशिक के पुत्र किस प्रकार उत्तम योग को प्राप्त हुए? पाँच जन्मों के सम्बन्ध से उनके कर्म का क्षय कैसे हुआ?

श्लोक 49 (padma.1.10.49)

पुलस्त्य उवाच। कौशिको नाम धर्मात्मा कुरुक्षेत्रे महानृषिः। नामतः कर्मतस्तस्य पुत्राणां तन्निबोध मे।

pulastya uvāca kauśiko nāma dharmātmā kurukṣetre mahānṛṣiḥ nāmataḥ karmatastasya putrāṇāṁ tannibodha me

पुलस्त्य ने कहा — कुरुक्षेत्र में कौशिक नामक एक धर्मात्मा महर्षि थे। उनके पुत्रों के नाम और कर्म मुझसे जानो।

श्लोक 50 (padma.1.10.50)

स्वसृपः क्रोधनो हिंस्रः पिशुनः कविरेव च। वाग्दुष्टः पितृवर्ती च गर्गशिष्यास्तदाभवन्।

svasṛpaḥ krodhano hiṁsraḥ piśunaḥ kavireva ca vāgduṣṭaḥ pitṛvartī ca gargaśiṣyāstadābhavan

स्वसृप, क्रोधन, हिंस्र, पिशुन तथा कवि, वाग्दुष्ट और पितृवर्ती — ये तब गर्ग के शिष्य थे।

श्लोक 51 (padma.1.10.51)

पितर्युपरते तेषामभूद्दुर्भिक्षमुल्बणं। अनावृष्टिश्च महती सर्वलोकभयंकरी।

pitaryuparate teṣāmabhūddurbhikṣamulbaṇaṁ anāvṛṣṭiśca mahatī sarvalokabhayaṁkarī

पिता के निधन पर उन्हें भयंकर दुर्भिक्ष का सामना करना पड़ा। भारी अनावृष्टि हुई, जो सम्पूर्ण जगत् के लिए भयंकर थी।

श्लोक 52 (padma.1.10.52)

गर्गादेशाद्वने दोग्ध्रीं रक्षंति च तपोधनाः। खादामः कपिलामेतां वयं क्षुत्पीडिता भृशं।

gargādeśādvane dogdhrīṁ rakṣaṁti ca tapodhanāḥ khādāmaḥ kapilāmetāṁ vayaṁ kṣutpīḍitā bhṛśaṁ

गर्ग के आदेश से वे तपस्वी वन में एक दुधारू गाय की रक्षा कर रहे थे। (भूख से पीड़ित होकर उन्होंने सोचा:) 'हम इस भूरी गाय को खा लें, हम तीव्र क्षुधा से पीड़ित हैं।'

श्लोक 53 (padma.1.10.53)

इति चिंतयतां पापं लघुः प्राह तदानुजः। यद्यवश्यमियं वध्या श्राद्धरूपेण योज्यतां।

iti ciṁtayatāṁ pāpaṁ laghuḥ prāha tadānujaḥ yadyavaśyamiyaṁ vadhyā śrāddharūpeṇa yojyatāṁ

इस पापपूर्ण विचार के समय, उनमें सबसे छोटे भाई ने कहा — 'यदि इसे अवश्य ही मारना है, तो इसे श्राद्ध के रूप में किया जाए।'

श्लोक 54 (padma.1.10.54)

श्राद्धे नियोज्यमानायां पापं नश्यति नो ध्रुवं। एवं कुर्वित्यनुज्ञातः पितृवर्ती तदानुजैः।

śrāddhe niyojyamānāyāṁ pāpaṁ naśyati no dhruvaṁ evaṁ kurvityanujñātaḥ pitṛvartī tadānujaiḥ

'श्राद्ध में नियोजित करने पर हमारा पाप निश्चय ही नष्ट हो जाएगा।' 'ऐसा ही करो' — भाइयों की इस अनुमति से पितृवर्ती (सबसे बड़े भाई) ने,

श्लोक 55 (padma.1.10.55)

चक्रे समाहितः श्राद्धमुपयुज्याथ तां पुनः। द्वौ दैवे भ्रातरो कृत्वा पित्र्ये त्रींश्चापरान्क्रमात्।

cakre samāhitaḥ śrāddhamupayujyātha tāṁ punaḥ dvau daive bhrātaro kṛtvā pitrye trīṁścāparānkramāt

मन को एकाग्र कर उसे (गाय को) प्रयुक्त करके पुनः श्राद्ध किया। दो भाइयों को देव-कार्य में, तीन को क्रमशः पितृ-कार्य में नियुक्त कर,

श्लोक 56 (padma.1.10.56)

तथैकमतिथिं कृत्वा श्राद्धदः स्वयमेव तु। चकार मंत्रवच्छ्राद्धं स्मरन्पितृपरायणः।

tathaikamatithiṁ kṛtvā śrāddhadaḥ svayameva tu cakāra maṁtravacchrāddhaṁ smaranpitṛparāyaṇaḥ

तथा एक को अतिथि बनाकर, श्राद्ध देने वाला स्वयं ही, स्मरण करते हुए और पितरों में परायण होकर, मंत्रपूर्वक श्राद्ध किया।

श्लोक 57 (padma.1.10.57)

तदा गत्वा विशंकास्ते गुरवे च न्यवेदयन्। व्याघ्रेण निहता धेनुर्वत्सोयं प्रतिगृह्यतां।

tadā gatvā viśaṁkāste gurave ca nyavedayan vyāghreṇa nihatā dhenurvatsoyaṁ pratigṛhyatāṁ

तब जाकर, बिना किसी शंका के, उन्होंने गुरु से निवेदन किया — 'गाय को बाघ ने मार डाला; यह बछड़ा स्वीकार किया जाए।'

श्लोक 58 (padma.1.10.58)

एवं सा भक्षिता धेनुः सप्तभिस्तैस्तपोधनैः। वैदिकं बलमाश्रित्य क्रूरे कर्मणि निर्भयाः।

evaṁ sā bhakṣitā dhenuḥ saptabhistaistapodhanaiḥ vaidikaṁ balamāśritya krūre karmaṇi nirbhayāḥ

इस प्रकार वह गाय उन सात तपस्वियों द्वारा खाई गई, जो वैदिक बल का आश्रय लेकर इस क्रूर कर्म में निर्भय हो गए थे।

श्लोक 59 (padma.1.10.59)

ततः काले प्रणष्टास्ते व्याधा दश पुरेभवन्। जातिस्मरत्वं प्राप्तास्ते पितृभावेन भाविताः।

tataḥ kāle praṇaṣṭāste vyādhā daśa purebhavan jātismaratvaṁ prāptāste pitṛbhāvena bhāvitāḥ

तत्पश्चात् समय आने पर वे मरकर एक नगर में दस व्याध (शिकारी) बने। पितृ-कर्म के भाव से पूर्ण होने के कारण उन्हें जातिस्मरत्व (पूर्वजन्म-स्मृति) प्राप्त हुआ।

श्लोक 60 (padma.1.10.60)

तत्र विज्ञाय वैराग्यं प्राणानुत्सृज्य धर्मतः। लोकैरवीक्ष्यमाणास्ते तीर्थांतेनशनेन तु।

tatra vijñāya vairāgyaṁ prāṇānutsṛjya dharmataḥ lokairavīkṣyamāṇāste tīrthāṁtenaśanena tu

वहाँ यह जानकर वैराग्य को प्राप्त होकर, धर्मपूर्वक प्राण त्यागकर, लोगों की दृष्टि से दूर तीर्थ में अनशन द्वारा,

श्लोक 61 (padma.1.10.61)

संजाता मृगरूपास्ते सप्त कालंजरे गिरौ। प्राप्तविज्ञानयोगास्ते तत्यजुस्तां निजां तनुम्।

saṁjātā mṛgarūpāste sapta kālaṁjare girau prāptavijñānayogāste tatyajustāṁ nijāṁ tanum

वे कालंजर पर्वत पर सात मृग बने। सम्यक् ज्ञान-योग प्राप्त कर उन्होंने अपने उस शरीर को त्याग दिया,

श्लोक 62 (padma.1.10.62)

मम्रुः प्रपतनेनाथ जातवैराग्यमानसाः। मानसे चक्रव्राकास्ते संजाताः सप्तयोगिनः।

mamruḥ prapatanenātha jātavairāgyamānasāḥ mānase cakravrākāste saṁjātāḥ saptayoginaḥ

वैराग्य-चित्त होकर गिरकर मर गए। मानस सरोवर में वे सात योगी चक्रवाक पक्षी बने।

श्लोक 63 (padma.1.10.63)

नामतः कर्मतः सर्वे सुमनाः कुसुमोवसुः। चित्तदर्शी सुदर्शी च ज्ञाता ज्ञानस्य पारगः।

nāmataḥ karmataḥ sarve sumanāḥ kusumovasuḥ cittadarśī sudarśī ca jñātā jñānasya pāragaḥ

नाम और कर्म से वे सब थे — सुमना, कुसुमावसु, चित्तदर्शी, सुदर्शी, ज्ञाता, तथा ज्ञान के पारगामी,

श्लोक 64 (padma.1.10.64)

ज्येष्ठानुरक्ताः श्रेष्ठास्ते सप्तैते योगपावनाः। योगभ्रष्टास्त्रयस्तेषां बभूवुश्चलचेतसः।

jyeṣṭhānuraktāḥ śreṣṭhāste saptaite yogapāvanāḥ yogabhraṣṭāstrayasteṣāṁ babhūvuścalacetasaḥ

ज्येष्ठ के प्रति अनुरक्त, वे श्रेष्ठ — ये सात योग से पवित्र हुए। इनमें से तीन योग से भ्रष्ट होकर चंचल-चित्त हो गए,

श्लोक 65 (padma.1.10.65)

दृष्ट्वा विभ्राजमानं तमणुहं स्त्रीभिरन्वितम्। क्रीडंतं विविधैर्भोगैर्महाबलपराक्रमम्।

dṛṣṭvā vibhrājamānaṁ tamaṇuhaṁ strībhiranvitam krīḍaṁtaṁ vividhairbhogairmahābalaparākramam

उस देदीप्यमान, स्त्रियों से घिरे, नाना भोगों में क्रीड़ा करते, महाबली पराक्रमी अणुह को देखकर,

श्लोक 66 (padma.1.10.66)

पञ्चालान्वयसंभूतं प्रभूतबलवाहनम्। राज्यकामोभवत्त्वेकस्तेषां मध्ये जलौकसाम्।

pañcālānvayasaṁbhūtaṁ prabhūtabalavāhanam rājyakāmobhavattvekasteṣāṁ madhye jalaukasām

पंचाल-वंश में उत्पन्न, प्रचुर बल-वाहन से युक्त — उन जलचरों में से एक को राज्य की कामना हुई,

श्लोक 67 (padma.1.10.67)

पितृवर्ती च यो विप्रः श्राद्धकृत्पितृवत्सलः। अपरौ मंत्रिणौ दृष्ट्वा प्रभूतबलवाहनौ।

pitṛvartī ca yo vipraḥ śrāddhakṛtpitṛvatsalaḥ aparau maṁtriṇau dṛṣṭvā prabhūtabalavāhanau

तथा श्राद्धकर्ता, पितृवत्सल विप्र पितृवर्ती ने, दो प्रभावशाली, बलवान-वाहन वाले मंत्रियों को देखकर,

श्लोक 68 (padma.1.10.68)

मंत्रित्वे चक्रतुश्चेच्छामस्मिन्मर्त्यौ द्विजोत्तमौ। विभ्राजपुत्रस्त्वेकोभूद्ब्रह्मदत्त इति स्मृतः।

maṁtritve cakratuścecchāmasminmartyau dvijottamau vibhrājaputrastvekobhūdbrahmadatta iti smṛtaḥ

उन दोनों श्रेष्ठ द्विजों ने इस मर्त्यलोक में मंत्री बनने की इच्छा की। वैभ्राज-पुत्र (अणुह-पुत्र) बनने वाला एक ब्रह्मदत्त नाम से स्मरण किया गया,

श्लोक 69 (padma.1.10.69)

मंत्रिपुत्रौ तथा चैव पुंडरीकसुबालकौ। ब्रह्मदत्तोभिषिक्तस्तु कांपिल्ये नगरोत्तमे।

maṁtriputrau tathā caiva puṁḍarīkasubālakau brahmadattobhiṣiktastu kāṁpilye nagarottame

तथा दोनों मंत्री-पुत्र पुण्डरीक और सुबालक बने। ब्रह्मदत्त उत्तम नगरी काम्पिल्य में अभिषिक्त हुए,

श्लोक 70 (padma.1.10.70)

पंचालराजो विक्रांतः श्राद्धकृत्पितृवत्सलः। योगवित्सर्वजंतूनां चित्तवेत्ताभवत्तदा।

paṁcālarājo vikrāṁtaḥ śrāddhakṛtpitṛvatsalaḥ yogavitsarvajaṁtūnāṁ cittavettābhavattadā

पराक्रमी, श्राद्धकर्ता, पितृवत्सल पंचाल के राजा के रूप में। योगवेत्ता वे तब सभी प्राणियों के मन को जानने वाले बने।

श्लोक 71 (padma.1.10.71)

तस्य राज्ञोभवद्भार्या सुदेवस्यात्मजा तदा। सन्नतिर्नाम विख्याता कपिलायाभवत्पुरा।

tasya rājñobhavadbhāryā sudevasyātmajā tadā sannatirnāma vikhyātā kapilāyābhavatpurā

उस राजा की पत्नी तब सुदेव की पुत्री थी, सन्नति नाम से विख्यात, जो पूर्वकाल में वह भूरी गाय थी।

श्लोक 72 (padma.1.10.72)

पितृकार्ये नियुक्तत्वादभवद्ब्रह्मवादिनी। तया चकार सहितः स राज्यं राजनंदनः।

pitṛkārye niyuktatvādabhavadbrahmavādinī tayā cakāra sahitaḥ sa rājyaṁ rājanaṁdanaḥ

पितृ-कार्य में नियुक्त होने के कारण वह ब्रह्मवादिनी बन गई थी। उसके साथ उस राजकुमार ने राज्य किया।

श्लोक 73 (padma.1.10.73)

कदाचिद्गतउद्यानं तया सह स पार्थिवः। ददर्श कीटमिथुनमनंगकलहान्वितम्।

kadācidgataudyānaṁ tayā saha sa pārthivaḥ dadarśa kīṭamithunamanaṁgakalahānvitam

एक बार उस राजा ने उसके साथ उद्यान में जाकर, कामकलह में लीन एक कीट-युगल (चींटी-जोड़े) को देखा।

श्लोक 74 (padma.1.10.74)

पिपीलिकामधोवक्त्रां पुरतः कीटकामुकः। पंचबाणाभितप्तांगः सगद्गदमुवाच ह।

pipīlikāmadhovaktrāṁ purataḥ kīṭakāmukaḥ paṁcabāṇābhitaptāṁgaḥ sagadgadamuvāca ha

नीचे मुँह किए हुई चींटी के सामने, कामातुर नर-कीट, कामदेव के बाणों से जले अंगों वाला, गद्गद वाणी से बोला —

श्लोक 75 (padma.1.10.75)

न त्वया सदृशी लोके कामिनी विद्यते क्वचित्। मध्ये क्षीणातिजघना बृहद्वक्त्रातिगामिनी।

na tvayā sadṛśī loke kāminī vidyate kvacit madhye kṣīṇātijaghanā bṛhadvaktrātigāminī

'लोक में तुम्हारे समान कामिनी कहीं भी विद्यमान नहीं है। कमर में क्षीण, जाँघों में विशाल, विशाल मुख वाली, सुन्दर चाल वाली,

श्लोक 76 (padma.1.10.76)

सुवर्णवर्णसदृशी सद्वक्त्रा चारुहासिनी। आलक्ष्यते च वदनं गुडशर्करवत्सलं।

suvarṇavarṇasadṛśī sadvaktrā cāruhāsinī ālakṣyate ca vadanaṁ guḍaśarkaravatsalaṁ

स्वर्ण-वर्ण के समान, सुन्दर मुख वाली, मधुर हास वाली। तुम्हारा मुख गुड़-शक्कर के समान मधुर प्रतीत होता है।'

श्लोक 77 (padma.1.10.77)

भोक्ष्यसे मयि भुक्ते त्वं स्नासि स्नाते तथा मयि। प्रोषिते मयि दीना त्वं क्रुद्धे च भयचंचला।

bhokṣyase mayi bhukte tvaṁ snāsi snāte tathā mayi proṣite mayi dīnā tvaṁ kruddhe ca bhayacaṁcalā

'मेरे भोजन करने पर ही तुम भोजन करती हो, मेरे स्नान करने पर स्नान करती हो; मेरे दूर जाने पर दीन हो जाती हो, और मेरे क्रुद्ध होने पर भय से काँपती हो।'

श्लोक 78 (padma.1.10.78)

किमर्थं वद कल्याणि सदाधोवदनास्थिता। सा तमाह ज्वलत्कोपा किमालपसि रे शठ।

kimarthaṁ vada kalyāṇi sadādhovadanāsthitā sā tamāha jvalatkopā kimālapasi re śaṭha

'हे कल्याणी! फिर क्यों तुम सदा मुख नीचे किए बैठी रहती हो, बताओ।' वह क्रोध से जलती हुई बोली — 'क्या बकवास कर रहे हो, रे धूर्त!'

श्लोक 79 (padma.1.10.79)

त्वया मोदकचूर्णं तु मां विहायापि भक्षितम्। प्रादास्त्वं तदतिक्रम्य मामन्यस्यै समन्मथः।

tvayā modakacūrṇaṁ tu māṁ vihāyāpi bhakṣitam prādāstvaṁ tadatikramya māmanyasyai samanmathaḥ

'तुमने लड्डू का चूरा मुझे छोड़कर भी खा लिया। और मुझे लाँघकर, कामातुर होकर, तुमने वह किसी अन्य को दे दिया।'

श्लोक 80 (padma.1.10.80)

पिपीलक उवाच। त्वत्सादृश्यान्मया दत्तमन्यस्यै वरवर्णिनि। तदेकमपराधं मे क्षंतुमर्हसि भामिनि।

pipīlaka uvāca tvatsādṛśyānmayā dattamanyasyai varavarṇini tadekamaparādhaṁ me kṣaṁtumarhasi bhāmini

चींटे ने कहा — 'हे सुन्दरी! तुम्हारी सादृश्यता के कारण ही मैंने उसे किसी अन्य को दिया। हे भामिनि! उस एक अपराध के लिए मुझे क्षमा करो।'

श्लोक 81 (padma.1.10.81)

नैवं पुनः करिष्यामि त्यज कोपं च सुस्तनि। स्पृशामि पादौ सत्येन प्रणतस्य प्रसीद मे।

naivaṁ punaḥ kariṣyāmi tyaja kopaṁ ca sustani spṛśāmi pādau satyena praṇatasya prasīda me

'मैं फिर ऐसा नहीं करूँगा, हे सुस्तनि! क्रोध त्याग दो। मैं सत्य से तुम्हारे पैर छूता हूँ; प्रणत मुझ पर प्रसन्न होओ।'

श्लोक 82 (padma.1.10.82)

रुष्टायां त्वयि सुश्रोणि मृत्युर्मे पुरतो भवेत्। तुष्टायां त्वयि वामोरु पूर्णाः सर्वमनोरथाः।

ruṣṭāyāṁ tvayi suśroṇi mṛtyurme purato bhavet tuṣṭāyāṁ tvayi vāmoru pūrṇāḥ sarvamanorathāḥ

'हे सुश्रोणि! तुम्हारे रुष्ट होने पर मेरी मृत्यु सामने आ जाएगी। हे वामोरु! तुम्हारे प्रसन्न होने पर सभी मनोरथ पूर्ण हो जाएँगे।'

श्लोक 83 (padma.1.10.83)

पूर्णचंद्रोपमं वक्त्रं स्वादेमृतरसोपमम्। निर्भरं पिब सुश्रोणि कामासक्तस्य मे सदा।

pūrṇacaṁdropamaṁ vaktraṁ svādemṛtarasopamam nirbharaṁ piba suśroṇi kāmāsaktasya me sadā

'तुम्हारा मुख पूर्णचन्द्र के समान है, अमृत-रस के स्वाद के समान मधुर है। हे सुश्रोणि! कामासक्त मुझे सदा पूरी तरह से पान करो।'

श्लोक 84 (padma.1.10.84)

एतन्मत्वा शुभे कार्या सर्वदा तु कृपा मयि। इति सा वचनं श्रुत्वा प्रसन्ना चाभवत्ततः।

etanmatvā śubhe kāryā sarvadā tu kṛpā mayi iti sā vacanaṁ śrutvā prasannā cābhavattataḥ

'हे शुभे! इसे समझकर मुझ पर सदा कृपा करनी चाहिए।' उसकी यह बात सुनकर वह तब प्रसन्न हो गई,

श्लोक 85 (padma.1.10.85)

आत्मानमर्पयामास मोहनाय पिपीलिका। ब्रह्मदत्तोपि तत्सर्वं ज्ञात्वा सस्मयमाहसत्।

ātmānamarpayāmāsa mohanāya pipīlikā brahmadattopi tatsarvaṁ jñātvā sasmayamāhasat

और चींटी ने प्रेम-आवेश में अपने आपको समर्पित कर दिया। ब्रह्मदत्त भी यह सब समझकर विस्मयपूर्वक हँस पड़े,

श्लोक 86 (padma.1.10.86)

सर्वसत्वरुतज्ञानी प्रभावात्पूर्वकर्मणः। भीष्म उवाच। कथं सर्वरुतज्ञोभूद्ब्रह्मदत्तो नराधिपः।

sarvasatvarutajñānī prabhāvātpūrvakarmaṇaḥ bhīṣma uvāca kathaṁ sarvarutajñobhūdbrahmadatto narādhipaḥ

क्योंकि वे पूर्वकर्म के प्रभाव से सभी प्राणियों की भाषा जानने वाले थे। भीष्म ने कहा — राजा ब्रह्मदत्त सभी प्राणियों की भाषा जानने वाले कैसे बने?

श्लोक 87 (padma.1.10.87)

तच्चापि चाभवत्कुत्र चक्रवाकचतुष्टयं। तन्मे कथय सर्वज्ञ कुले कस्य च सुव्रतम्।

taccāpi cābhavatkutra cakravākacatuṣṭayaṁ tanme kathaya sarvajña kule kasya ca suvratam

और वे चारों चक्रवाक कहाँ हुए? हे सर्वज्ञ! मुझे यह बताइए, तथा किस के कुल में यह सुव्रत हुआ।

श्लोक 88 (padma.1.10.88)

पुलस्त्य उवाच। तस्मिन्नेव पुरे जाताश्चक्रवाका अथो नृप।

pulastya uvāca tasminneva pure jātāścakravākā atho nṛpa

पुलस्त्य ने कहा — हे नृप! उसी नगर में वे चक्रवाक (शेष तीन) उत्पन्न हुए —

श्लोक 89 (padma.1.10.89)

वृद्धद्विजस्य दायादा विप्रा जातिस्मरा बुधाः। धृतिमांस्तत्त्वदर्शी च विद्यावर्णस्तपोधिकः।

vṛddhadvijasya dāyādā viprā jātismarā budhāḥ dhṛtimāṁstattvadarśī ca vidyāvarṇastapodhikaḥ

एक वृद्ध द्विज के उत्तराधिकारी, जातिस्मर, बुद्धिमान् विप्र — धृतिमान्, तत्त्वदर्शी, विद्यावर्ण तथा तपोधिक,

श्लोक 90 (padma.1.10.90)

नामतः कर्मतश्चैव सुदरिद्रस्य ते सुताः। तपसे बुद्धिरभवत्तेषां वै द्विजजन्मनां।

nāmataḥ karmataścaiva sudaridrasya te sutāḥ tapase buddhirabhavatteṣāṁ vai dvijajanmanāṁ

नाम और कर्म से, वे सुदरिद्र के पुत्र थे। उन द्विज-सन्तानों को तप की ओर बुद्धि हुई।

श्लोक 91 (padma.1.10.91)

यास्यामः परमां सिद्धिमूचुस्ते द्विजसत्तमाः। तत्तेषां वचनं श्रुत्वा सुदरिद्रो महातपाः।

yāsyāmaḥ paramāṁ siddhimūcuste dvijasattamāḥ tatteṣāṁ vacanaṁ śrutvā sudaridro mahātapāḥ

'हम परम सिद्धि को प्राप्त करेंगे' — उन श्रेष्ठ द्विजों ने ऐसा कहा। उनकी यह बात सुनकर महातपस्वी सुदरिद्र ने,

श्लोक 92 (padma.1.10.92)

उवाच दीनया वाचा किमेतदिति पुत्रकाः। अधर्म एष वः पुत्रा पिता तानित्युवाच ह।

uvāca dīnayā vācā kimetaditi putrakāḥ adharma eṣa vaḥ putrā pitā tānityuvāca ha

दीन वाणी में कहा — 'यह क्या है, पुत्रो?' 'यह तुम्हारे लिए अधर्म है, पुत्रो' — पिता ने उनसे यह कहा।

श्लोक 93 (padma.1.10.93)

वृद्धं पितरमुत्सृज्य दरिद्रं वनवासिनम्। क्व नु धर्मोत्र भविता मां त्यक्त्वा गतिमेव च।

vṛddhaṁ pitaramutsṛjya daridraṁ vanavāsinam kva nu dharmotra bhavitā māṁ tyaktvā gatimeva ca

'वृद्ध, दरिद्र, वनवासी पिता को त्यागकर — मुझे और (मेरी) गति को त्यागकर यहाँ धर्म कहाँ होगा?'

श्लोक 94 (padma.1.10.94)

ऊचुस्ते कल्पिता वृत्तिस्तव तात वचश्शृणु। व्रतमेतत्पुरा राज्ञः स ते दास्यति पुष्कलं।

ūcuste kalpitā vṛttistava tāta vacaśśṛṇu vratametatpurā rājñaḥ sa te dāsyati puṣkalaṁ

उन्होंने कहा — 'हे तात! आपके लिए वृत्ति की व्यवस्था कर दी गई है, हमारा वचन सुनिए। यह पूर्वकाल में राजा से किया गया व्रत है, वे आपको प्रचुर धन देंगे,'

श्लोक 95 (padma.1.10.95)

धनं ग्राम सहस्राणि प्रभाते पठतस्तव। कुरुक्षेत्रे तु ये विप्रा व्याधा दशपुरे तु ये।

dhanaṁ grāma sahasrāṇi prabhāte paṭhatastava kurukṣetre tu ye viprā vyādhā daśapure tu ye

'सहस्रों गाँव तथा धन, जब आप प्रातः यह पढ़ेंगे — "जो कुरुक्षेत्र में विप्र थे, दशपुर में व्याध बने,"'

श्लोक 96 (padma.1.10.96)

कालंजरे मृगा भूताश्चक्रवाकास्तु मानसे। इत्युक्त्वा पितरं जग्मुस्ते वनं तपसे पुनः।

kālaṁjare mṛgā bhūtāścakravākāstu mānase ityuktvā pitaraṁ jagmuste vanaṁ tapase punaḥ

'"कालंजर में मृग बने, और अब मानस सरोवर में चक्रवाक हैं।"' ऐसा कहकर वे पिता को छोड़कर तप के लिए पुनः वन को चले गए।

श्लोक 97 (padma.1.10.97)

वृद्धोपि स द्विजो राजन्जगाम स्वार्थसिद्धये। अणुहो नाम वैभ्राजः पञ्चालाधिपतिः पुरा।

vṛddhopi sa dvijo rājanjagāma svārthasiddhaye aṇuho nāma vaibhrājaḥ pañcālādhipatiḥ purā

वह वृद्ध द्विज भी, हे राजन्! अपने प्रयोजन की सिद्धि के लिए (राजा के पास) चला गया। पूर्वकाल में वैभ्राज (अणुह) नामक पंचाल का अधिपति था,

श्लोक 98 (padma.1.10.98)

पुत्रार्थी देवदेवेशं पद्मयोनिं पितामहम्। आराधयामास विभुं तीव्रव्रतपरायणः।

putrārthī devadeveśaṁ padmayoniṁ pitāmaham ārādhayāmāsa vibhuṁ tīvravrataparāyaṇaḥ

जिसने पुत्र की कामना से देवाधिदेव, कमलजन्मा पितामह की, तीव्र व्रत में तत्पर होकर आराधना की।

श्लोक 99 (padma.1.10.99)

ततः कालेन महता तुष्टस्तस्य पितामहः। वरं वरय भद्रं ते हृदयेभीप्सितं नृप।

tataḥ kālena mahatā tuṣṭastasya pitāmahaḥ varaṁ varaya bhadraṁ te hṛdayebhīpsitaṁ nṛpa

तब बहुत समय बाद प्रसन्न होकर पितामह ने कहा — 'हे राजन्! तुम्हारा कल्याण हो, हृदय से जो अभीष्ट हो, वह वर माँगो।'

श्लोक 100 (padma.1.10.100)

अणुह उवाच। पुत्रं मे देहि देवेश महाबलपराक्रमम्। पारगं सर्वविद्यानां धार्मिकं योगिनां वरम्।

aṇuha uvāca putraṁ me dehi deveśa mahābalaparākramam pāragaṁ sarvavidyānāṁ dhārmikaṁ yogināṁ varam

अणुह ने कहा — 'हे देवेश! मुझे महाबली-पराक्रमी पुत्र दीजिए, समस्त विद्याओं में पारंगत, धार्मिक, योगियों में श्रेष्ठ,'

श्लोक 101 (padma.1.10.101)

सर्वसत्वरुतज्ञं मे देहि योगिनमात्मजम्। एवमस्त्विति विश्वात्मा तमाह परमेश्वरः।

sarvasatvarutajñaṁ me dehi yoginamātmajam evamastviti viśvātmā tamāha parameśvaraḥ

'सभी प्राणियों की भाषा जानने वाला योगी पुत्र मुझे दीजिए।' 'ऐसा ही हो' कहकर विश्वात्मा परमेश्वर ने उससे कहा,

श्लोक 102 (padma.1.10.102)

पश्यतां सर्वभूतानां तत्रैवांतरधीयत। ततः स तस्य पुत्रोभूद्ब्रह्मदत्तः प्रतापवान्।

paśyatāṁ sarvabhūtānāṁ tatraivāṁtaradhīyata tataḥ sa tasya putrobhūdbrahmadattaḥ pratāpavān

और सभी प्राणियों के देखते-देखते वहीं अन्तर्धान हो गए। तत्पश्चात् उसका वह प्रतापी पुत्र ब्रह्मदत्त हुआ,

श्लोक 103 (padma.1.10.103)

सर्वसत्वानुकंपी च सर्वसत्वबलाधिकः। सर्वसत्वरुतज्ञश्च सर्वसत्वेश्वरेश्वरः।

sarvasatvānukaṁpī ca sarvasatvabalādhikaḥ sarvasatvarutajñaśca sarvasatveśvareśvaraḥ

सभी प्राणियों पर दया करने वाला, सभी प्राणियों से बल में अधिक, सभी प्राणियों की भाषा जानने वाला, सभी प्राणियों के स्वामियों का स्वामी।

श्लोक 104 (padma.1.10.104)

अथ सत्वेन योगात्मा स पिपीलकमागतः। यत्र तत्कीटमिथुनं रममाणमवस्थितम्।

atha satvena yogātmā sa pipīlakamāgataḥ yatra tatkīṭamithunaṁ ramamāṇamavasthitam

फिर उस शक्ति से युक्त, योगात्मा वे उन चींटियों के पास आए, जहाँ वह कीट-युगल क्रीड़ारत खड़ा था।

श्लोक 105 (padma.1.10.105)

ततः सा सन्नतिर्दृष्ट्वा प्रहसंतं सुविस्मितं। किमप्याशंकमाना सा तमपृच्छन्नरेश्वरम्।

tataḥ sā sannatirdṛṣṭvā prahasaṁtaṁ suvismitaṁ kimapyāśaṁkamānā sā tamapṛcchannareśvaram

तब सन्नति ने उन्हें हँसते हुए देखकर, अत्यन्त विस्मित होकर, कुछ आशंकित होकर उस नरेश्वर से पूछा —

श्लोक 106 (padma.1.10.106)

सन्नतिरुवाच। अकस्मादतिहासोयं किमर्थमभवन्नृप। हास्यहेतुं न जानामि यदकाले कृतं त्वया।

sannatiruvāca akasmādatihāsoyaṁ kimarthamabhavannṛpa hāsyahetuṁ na jānāmi yadakāle kṛtaṁ tvayā

सन्नति ने कहा — 'हे राजन्! यह अचानक हँसी किस लिए हुई? आपने जो असमय हँसी की, उसका कारण मैं नहीं जानती।'

श्लोक 107 (padma.1.10.107)

अवदद्राजपुत्रोसौ तं पिपीलिकभाषितम्। रागवद्विरसोत्पन्नमेतद्धास्यं वरानने।

avadadrājaputrosau taṁ pipīlikabhāṣitam rāgavadvirasotpannametaddhāsyaṁ varānane

राजकुमार ने उसे चींटियों की बातचीत बताई — 'हे वरानने! यह हँसी प्रेम-कलह से उत्पन्न, रसयुक्त-रसहीन घटना से हुई है।'

श्लोक 108 (padma.1.10.108)

न चान्यत्कारणं किंचिद्धास्यहेतुः शुचिस्मिते। न सामन्यततं देवी प्राहालीकमिदं तव।

na cānyatkāraṇaṁ kiṁciddhāsyahetuḥ śucismite na sāmanyatataṁ devī prāhālīkamidaṁ tava

'हे शुचिस्मिते! इसका कोई अन्य कारण नहीं है।' रानी ने उस पर विश्वास न करते हुए कहा — 'यह तुम्हारा झूठ है,'

श्लोक 109 (padma.1.10.109)

अहमेवेह हसिता न जीविष्ये त्वयाधुना। कथं पिपीलिकालापं मर्त्यो वेत्ति सुरादृते।

ahameveha hasitā na jīviṣye tvayādhunā kathaṁ pipīlikālāpaṁ martyo vetti surādṛte

'तुमने अभी मुझ पर ही हँसी की है, अब मैं जीवित नहीं रहूँगी। देवता के अतिरिक्त कोई मर्त्य चींटी की भाषा कैसे जान सकता है?'

श्लोक 110 (padma.1.10.110)

तस्मात्त्वयाहमेवाद्य हसिता किमतः परम्। ततो निरुत्तरो राजा जिज्ञासुस्तद्वचो हरेः।

tasmāttvayāhamevādya hasitā kimataḥ param tato niruttaro rājā jijñāsustadvaco hareḥ

'इसलिए आज तुमने मुझ पर ही हँसी की है, इससे अधिक और क्या कहूँ?' तब निरुत्तर राजा, सत्य जानने की इच्छा से हरि से (प्रार्थना कर),

श्लोक 111 (padma.1.10.111)

आस्थाय नियमं तस्थौ सप्तरात्रमकल्मषः। स्वप्नान्ते प्राह तं ब्रह्मा प्रभाते पर्यटन्पुरम्।

āsthāya niyamaṁ tasthau saptarātramakalmaṣaḥ svapnānte prāha taṁ brahmā prabhāte paryaṭanpuram

नियम धारण कर निष्पाप होकर सात रात्रि तक रहे। स्वप्न के अन्त में ब्रह्मा ने उनसे कहा — 'प्रातःकाल नगर में घूमते हुए,'

श्लोक 112 (padma.1.10.112)

वृद्धद्विजोत्तमाद्वाक्यं सर्वं ज्ञास्यति ते प्रिया। इत्युक्त्वांतर्दधे ब्रह्मा प्रभाते च नृपः पुरात्।

vṛddhadvijottamādvākyaṁ sarvaṁ jñāsyati te priyā ityuktvāṁtardadhe brahmā prabhāte ca nṛpaḥ purāt

'तुम्हारी प्रिया एक वृद्ध श्रेष्ठ द्विज के वचन से सब कुछ जान जाएगी।' ऐसा कहकर ब्रह्मा अन्तर्धान हो गए, और प्रातःकाल राजा नगर से,

श्लोक 113 (padma.1.10.113)

निर्गच्छन्मन्त्रिसहितः सभार्यो वृद्धमग्रतः। गदंतं विप्रमायांतं वृद्धं च स ददर्श ह।

nirgacchanmantrisahitaḥ sabhāryo vṛddhamagrataḥ gadaṁtaṁ vipramāyāṁtaṁ vṛddhaṁ ca sa dadarśa ha

मंत्रियों सहित, पत्नी के साथ आगे निकलते हुए, बोलते हुए आते हुए एक वृद्ध विप्र को देखा।

श्लोक 114 (padma.1.10.114)

ब्राह्मण उवाच। ये विप्रमुख्याः कुरुजांगलेषु दाशास्तथा दाशपुरे मृगाश्च। कालंजरे सप्त च चक्रवाका ये मानसे तेत्र वसंति सिद्धाः।

brāhmaṇa uvāca ye vipramukhyāḥ kurujāṁgaleṣu dāśāstathā dāśapure mṛgāśca kālaṁjare sapta ca cakravākā ye mānase tetra vasaṁti siddhāḥ

ब्राह्मण ने कहा — 'जो कुरुजांगल में श्रेष्ठ विप्र थे, वे दशपुर में व्याध बने और मृग बने; कालंजर में सात, तथा जो मानस में चक्रवाक हैं, वे वहाँ सिद्ध होकर रहते हैं।'

श्लोक 115 (padma.1.10.115)

इत्याकर्ण्य वचस्तस्य स पपात शुचान्वितः। जातिस्मरत्वमगमत्तौ च मंत्रिवरात्मजौ।

ityākarṇya vacastasya sa papāta śucānvitaḥ jātismaratvamagamattau ca maṁtrivarātmajau

यह वचन सुनकर वे शोक से भरकर गिर पड़े। और उन दोनों श्रेष्ठ मंत्री-पुत्रों को भी जातिस्मरत्व प्राप्त हुआ।

श्लोक 116 (padma.1.10.116)

कामशास्त्रप्रणेता तु बाभ्रव्यः स तु बालकः। पंचाल इति लोकेषु विश्रुतः सर्वशास्त्रवित्।

kāmaśāstrapraṇetā tu bābhravyaḥ sa tu bālakaḥ paṁcāla iti lokeṣu viśrutaḥ sarvaśāstravit

कामशास्त्र के प्रणेता, बाभ्रव्य नामक वह बालक, लोक में 'पांचाल' नाम से विख्यात, समस्त शास्त्रों का ज्ञाता,

श्लोक 117 (padma.1.10.117)

पुंडरीकोपि धर्मात्मा वेदशास्त्रप्रवर्तकः। भूत्वा जातिस्मरौ शोकात्पतितावग्रतस्तथा।

puṁḍarīkopi dharmātmā vedaśāstrapravartakaḥ bhūtvā jātismarau śokātpatitāvagratastathā

तथा धर्मात्मा पुण्डरीक भी, वेदशास्त्र के प्रवर्तक, जातिस्मर होकर शोक से उसी प्रकार सामने गिर पड़े,

श्लोक 118 (padma.1.10.118)

हा वयं कर्मविभ्रष्टाः कामतः कर्मबंधनात्। एवं विलप्य बहुशस्त्रयस्ते योगपारगाः।

hā vayaṁ karmavibhraṣṭāḥ kāmataḥ karmabaṁdhanāt evaṁ vilapya bahuśastrayaste yogapāragāḥ

'हाय! हम कामवश कर्म-बन्धन से (अपने योग-)कर्म से भ्रष्ट हो गए!' इस प्रकार बार-बार विलाप कर वे तीनों योग के पारगामी,

श्लोक 119 (padma.1.10.119)

विस्मयाच्छ्राद्धमाहाम्यमभिनंद्य पुनः पुनः। स तु तस्मै धनं दत्त्वा प्रभूतग्रामसंयुतम्।

vismayācchrāddhamāhāmyamabhinaṁdya punaḥ punaḥ sa tu tasmai dhanaṁ dattvā prabhūtagrāmasaṁyutam

विस्मयपूर्वक श्राद्ध की महिमा का बार-बार अभिनन्दन करने लगे। राजा ने उस (वृद्ध ब्राह्मण) को बहुत गाँवों सहित धन देकर,

श्लोक 120 (padma.1.10.120)

विसृज्य ब्राह्मणं तं च वृद्धं धनमदान्वितम्। आत्मीयं नृपतिः पुत्रं नृपलक्षणसंयुतम्।

visṛjya brāhmaṇaṁ taṁ ca vṛddhaṁ dhanamadānvitam ātmīyaṁ nṛpatiḥ putraṁ nṛpalakṣaṇasaṁyutam

उस धनयुक्त वृद्ध ब्राह्मण को विदा करके, राजा ने अपने राज-लक्षणों से युक्त पुत्र को,

श्लोक 121 (padma.1.10.121)

विष्वक्सेनाभिधानं च राजाराज्येभ्यषेचयत्। मानसे सलिले सर्वे ततस्ते योगिनां वराः।

viṣvaksenābhidhānaṁ ca rājārājyebhyaṣecayat mānase salile sarve tataste yogināṁ varāḥ

विष्वक्सेन नामक, राज्य पर अभिषिक्त किया। तब मानस सरोवर के जल में वे सभी योगियों में श्रेष्ठ,

श्लोक 122 (padma.1.10.122)

ब्रह्मदत्तादयस्तस्मिन्पितृभक्ता विमत्सराः। सन्नतिश्चाभवद्धृष्टा मयैव तव दर्शितम्।

brahmadattādayastasminpitṛbhaktā vimatsarāḥ sannatiścābhavaddhṛṣṭā mayaiva tava darśitam

ब्रह्मदत्त आदि, पितृ-भक्त, ईर्ष्यारहित (एकत्र हुए); और सन्नति ने साहस करके कहा — 'यह सब मैंने ही तुम्हें दिखाया है —

श्लोक 123 (padma.1.10.123)

राजन्योगफलं सर्वं यदेतदभिलक्ष्यते। तथेति प्राह राजापि पुरस्तादभिनंदयन्।

rājanyogaphalaṁ sarvaṁ yadetadabhilakṣyate tatheti prāha rājāpi purastādabhinaṁdayan

'हे राजन्! योग का यह सम्पूर्ण फल जो देखा जा रहा है।' 'ऐसा ही है' राजा ने भी उसकी सबके सामने प्रशंसा करते हुए कहा।

श्लोक 124 (padma.1.10.124)

त्वत्प्रसादादिदं सर्वं मयैवं प्राप्यते फलम्।

tvatprasādādidaṁ sarvaṁ mayaivaṁ prāpyate phalam

'तुम्हारी ही कृपा से मुझे यह सम्पूर्ण फल प्राप्त हुआ है।'

श्लोक 125 (padma.1.10.125)

ततस्ते योगमास्थाय सर्व एव वनौकसः। ब्रह्मरंध्रेण परमं पदमापुस्तपोबलात्।

tataste yogamāsthāya sarva eva vanaukasaḥ brahmaraṁdhreṇa paramaṁ padamāpustapobalāt

तत्पश्चात् वे सभी वनवासी योग का आश्रय लेकर, तप के बल से ब्रह्मरन्ध्र द्वारा परम पद को प्राप्त हुए।

श्लोक 126 (padma.1.10.126)

एवमायुर्धनं विद्यां स्वर्गमोक्षसुखानि च। प्रयच्छंति सुतं राज्यं नृणां तुष्टाः पितामहाः।

evamāyurdhanaṁ vidyāṁ svargamokṣasukhāni ca prayacchaṁti sutaṁ rājyaṁ nṛṇāṁ tuṣṭāḥ pitāmahāḥ

इस प्रकार आयु, धन, विद्या, स्वर्ग, मोक्ष, सुख, तथा पुत्र और राज्य — प्रसन्न होकर पितर मनुष्यों को यह सब प्रदान करते हैं।

श्लोक 127 (padma.1.10.127)

इदं च पितृमाहात्म्यं ब्रह्मदत्तस्य वै नृप। द्विजेभ्यः श्रावयेद्विद्वान्शृणोति पठतेपि वा। कल्पकोटिशतं साग्रं ब्रह्मलोके महीयते।

idaṁ ca pitṛmāhātmyaṁ brahmadattasya vai nṛpa dvijebhyaḥ śrāvayedvidvānśṛṇoti paṭhatepi vā kalpakoṭiśataṁ sāgraṁ brahmaloke mahīyate

हे राजन्! यह ब्रह्मदत्त का पितृ-माहात्म्य है। जो विद्वान् इसे द्विजों को सुनाता है, अथवा सुनता या पढ़ता भी है, वह सौ करोड़ से भी अधिक कल्पों तक ब्रह्मलोक में सम्मानित होता है।