पुष्कर-माहात्म्य

श्लोक 1 (padma.1.21.1)

पुलस्त्य उवाच। आसीत्पुरा बृहत्कल्पे धर्ममूर्तिर्जनाधिपः। सुहृच्छक्रस्य निहता येन दैत्यास्सहस्रशः।

pulastya uvāca āsītpurā bṛhatkalpe dharmamūrtirjanādhipaḥ suhṛcchakrasya nihatā yena daityāssahasraśaḥ

पुलस्त्य ने कहा — प्राचीन काल में, किसी बृहत्कल्प में, धर्ममूर्ति नामक एक राजा था, जो इंद्र का मित्र था और जिसने हजारों दैत्यों का वध किया था।

श्लोक 2 (padma.1.21.2)

सोमसूर्यादयो यस्य तेजसा विगतप्रभाः। भवंति शतशो येन दानवाश्च पराजिताः।

somasūryādayo yasya tejasā vigataprabhāḥ bhavaṁti śataśo yena dānavāśca parājitāḥ

जिसके तेज से चंद्रमा, सूर्य आदि भी निष्प्रभ हो जाते थे, और जिसके द्वारा सैकड़ों दानव पराजित किए गए।

श्लोक 3 (padma.1.21.3)

यथेच्छरूपधारी च मानुषोप्यपराजितः। तस्य भानुमती भार्या सती त्रैलोक्यसुंदरी।

yatheccharūpadhārī ca mānuṣopyaparājitaḥ tasya bhānumatī bhāryā satī trailokyasuṁdarī

वह इच्छानुसार रूप धारण करने वाला और मनुष्य होते हुए भी अपराजित था। उसकी पत्नी भानुमती थी, सती और त्रिलोक-सुंदरी।

श्लोक 4 (padma.1.21.4)

लक्ष्मीसदृशरूपेण निर्जितामरसुंदरी। राज्ञस्तस्याग्रमहिषी प्राणेभ्योपि गरीयसी।

lakṣmīsadṛśarūpeṇa nirjitāmarasuṁdarī rājñastasyāgramahiṣī prāṇebhyopi garīyasī

वह लक्ष्मी के समान रूप वाली, देवांगनाओं की सुंदरता को भी जीत लेने वाली, उस राजा की पटरानी थी, जो उसे अपने प्राणों से भी अधिक प्रिय थी।

श्लोक 5 (padma.1.21.5)

दशनारीसहस्राणां मध्ये श्रीरिव राजते। नृपकोटिसहस्रेण न कदाचित्समुच्यते।

daśanārīsahasrāṇāṁ madhye śrīriva rājate nṛpakoṭisahasreṇa na kadācitsamucyate

दस हजार स्त्रियों के मध्य वह लक्ष्मी के समान सुशोभित होती थी, और करोड़ों राजाओं से भी उसकी तुलना नहीं की जा सकती थी।

श्लोक 6 (padma.1.21.6)

कदाचिदास्थानगतः पप्रच्छ स्वपुरोहितम्। विस्मयेनावृतो नत्वा वसिष्ठमृषिसत्तमम्।

kadācidāsthānagataḥ papraccha svapurohitam vismayenāvṛto natvā vasiṣṭhamṛṣisattamam

एक बार राजसभा में बैठे हुए उस राजा ने विस्मय से भरकर, ऋषिश्रेष्ठ वसिष्ठ को प्रणाम कर अपने पुरोहित से पूछा।

श्लोक 7 (padma.1.21.7)

भगवन्केन धर्मेण मम लक्ष्मीरनुत्तमा। कस्माच्च विपुलं तेजो मच्छरीरे सदोत्तमम्।

bhagavankena dharmeṇa mama lakṣmīranuttamā kasmācca vipulaṁ tejo maccharīre sadottamam

'हे भगवन्! किस धर्म से मेरा यह अनुपम ऐश्वर्य प्राप्त हुआ है, और किस कारण मेरे शरीर में यह विपुल, सदा उत्तम तेज विद्यमान है?'

श्लोक 8 (padma.1.21.8)

वसिष्ठ उवाच। पुरा लीलावती नाम वेश्या शिवपरायणा। तया दत्तश्चतुर्दश्यां पुष्करे लवणाचलः।

vasiṣṭha uvāca purā līlāvatī nāma veśyā śivaparāyaṇā tayā dattaścaturdaśyāṁ puṣkare lavaṇācalaḥ

वसिष्ठ ने कहा — पूर्वकाल में लीलावती नाम की एक वेश्या थी, जो शिव-भक्ति में तत्पर थी। उसने चतुर्दशी के दिन पुष्कर में लवण का पर्वत दान किया,

श्लोक 9 (padma.1.21.9)

हेमवृक्षामरैः सार्द्धं यथावद्विधिपूर्वकं। शूद्रः सुवर्णकारश्च कर्मकृत्सोऽभवत्तदा।

hemavṛkṣāmaraiḥ sārddhaṁ yathāvadvidhipūrvakaṁ śūdraḥ suvarṇakāraśca karmakṛtso'bhavattadā

स्वर्ण-वृक्षों सहित, विधिपूर्वक यथोचित रूप से। उस समय एक शूद्र सुवर्णकार उसका कर्मकर्ता बना।

श्लोक 10 (padma.1.21.10)

भृत्यो लीलावतीगेहे तेन हैमा विनिर्मिताः। तरवो हेमपुष्पाश्च श्रद्धायुक्तेन पार्थिव।

bhṛtyo līlāvatīgehe tena haimā vinirmitāḥ taravo hemapuṣpāśca śraddhāyuktena pārthiva

हे राजन्! वह लीलावती के घर में सेवक था। उसी ने श्रद्धापूर्वक स्वर्णमय वृक्ष और स्वर्ण-पुष्प बनाए।

श्लोक 11 (padma.1.21.11)

अतिरूपेण संपन्ना घटितास्ते सुशोभनाः। धर्मकार्यमिति ज्ञात्वा न गृहीतं च वेतनम्।

atirūpeṇa saṁpannā ghaṭitāste suśobhanāḥ dharmakāryamiti jñātvā na gṛhītaṁ ca vetanam

वे अत्यंत सुंदर रूप से गढ़े गए, अतीव शोभायमान थे। इसे धर्मकार्य जानकर उसने उसका कोई वेतन नहीं लिया।

श्लोक 12 (padma.1.21.12)

उज्ज्वालिताश्च ते पत्न्या सुवर्णमयपादपाः। लीलावतीगृहे चापि परिचर्या च पार्थिव।

ujjvālitāśca te patnyā suvarṇamayapādapāḥ līlāvatīgṛhe cāpi paricaryā ca pārthiva

उसकी पत्नी ने उन स्वर्णमय वृक्षों को चमकाया, और हे राजन्! लीलावती के घर में उसने भी सेवा की।

श्लोक 13 (padma.1.21.13)

कृता ताभ्यामशाठ्येन द्विजशुश्रूषणादिका। सा च लीलावती वेश्या कालेन महतानघ।

kṛtā tābhyāmaśāṭhyena dvijaśuśrūṣaṇādikā sā ca līlāvatī veśyā kālena mahatānagha

हे निष्पाप! उन दोनों ने निष्कपट भाव से ब्राह्मणों की सेवा आदि की। और वह वेश्या लीलावती दीर्घकाल के पश्चात्,

श्लोक 14 (padma.1.21.14)

सर्वपापविनिर्मुक्ता जगाम शिवमंदिरम्। योऽसौ सुवर्णकारश्च दरिद्रोप्यतिसत्त्ववान्।

sarvapāpavinirmuktā jagāma śivamaṁdiram yo'sau suvarṇakāraśca daridropyatisattvavān

समस्त पापों से मुक्त होकर शिवमंदिर को प्राप्त हुई। और जो वह दरिद्र किंतु अत्यंत सत्त्वशाली सुवर्णकार था,

श्लोक 15 (padma.1.21.15)

न मूल्यमादाद्वेश्यातः स भवानिह सांप्रतम्। सप्तद्वीपपतिर्जातः सूर्यायुतसमप्रभः।

na mūlyamādādveśyātaḥ sa bhavāniha sāṁpratam saptadvīpapatirjātaḥ sūryāyutasamaprabhaḥ

क्योंकि उसने वेश्या से कोई मूल्य नहीं लिया था, वही तुम अब इस जन्म में सप्तद्वीपों के स्वामी, सूर्य के समान दस सहस्र गुना तेजस्वी होकर उत्पन्न हुए हो।

श्लोक 16 (padma.1.21.16)

यया सुवर्णकारस्य तरवो हेमनिर्मिताः। सम्यगुज्ज्वलिताः पत्न्या सेयं भानुमती तव।

yayā suvarṇakārasya taravo hemanirmitāḥ samyagujjvalitāḥ patnyā seyaṁ bhānumatī tava

और जिसने सुवर्णकार के स्वर्णमय वृक्षों को भलीभाँति चमकाया था, वही पत्नी अब तुम्हारी यह भानुमती है।

श्लोक 17 (padma.1.21.17)

तस्मान्नृलोकेष्वपराजितस्त्वमारोग्यसौभाग्ययुता च लक्ष्मीः। तस्मात्त्वमप्यत्र विधानपूर्वं धान्याचलादीन्नृपते कुरुष्व।

tasmānnṛlokeṣvaparājitastvamārogyasaubhāgyayutā ca lakṣmīḥ tasmāttvamapyatra vidhānapūrvaṁ dhānyācalādīnnṛpate kuruṣva

इसीलिए तुम मनुष्यलोक में अपराजित हो, और तुम्हारी लक्ष्मी आरोग्य तथा सौभाग्य से युक्त है। अतः हे राजन्! तुम भी यहाँ विधिपूर्वक धान्याचल आदि पर्वतों का दान करो।

श्लोक 18 (padma.1.21.18)

पुलस्त्य उवाच। तथेति संपूज्य सुधर्ममूर्तिर्वचो वसिष्ठस्य ददौ च सर्वान्। धान्याचलादीन्विधिनास्मरारेर्लोकं गतोसौ सुरपूज्यमानः।

pulastya uvāca tatheti saṁpūjya sudharmamūrtirvaco vasiṣṭhasya dadau ca sarvān dhānyācalādīnvidhināsmarārerlokaṁ gatosau surapūjyamānaḥ

पुलस्त्य ने कहा — 'ऐसा ही हो' कहकर, सुधर्ममूर्ति ने वसिष्ठ के वचन का सम्मान कर, विधिपूर्वक धान्याचल आदि सभी पर्वतों का दान किया, और देवताओं द्वारा पूजित होकर वह कामारि शिव के लोक को प्राप्त हुआ।

श्लोक 19 (padma.1.21.19)

पश्येद्यदीमानुपनीयमानान्स्पृशेन्मनुष्यैरिह दीयमानान्। शृणोति भक्त्याथ मतिं ददाति विकल्मषः सोपि दिवं प्रयाति।

paśyedyadīmānupanīyamānānspṛśenmanuṣyairiha dīyamānān śṛṇoti bhaktyātha matiṁ dadāti vikalmaṣaḥ sopi divaṁ prayāti

जो इन पर्वतों को दान होते देखता है, या मनुष्यों द्वारा दिए जाते समय उन्हें छूता है, या भक्तिपूर्वक सुनता है, अथवा इसकी प्रेरणा देता है, वह भी पापरहित होकर स्वर्ग को जाता है।

श्लोक 20 (padma.1.21.20)

दुःस्वप्नप्रशममुपैति पठ्यमानैः शैलेंद्रैर्भवभयभेदनैर्मनुष्यः। यः कुर्यात्किमु नृपपुंगवेह सम्यक्शांतात्मा सकलगिरींद्रसंप्रदानम्।

duḥsvapnapraśamamupaiti paṭhyamānaiḥ śaileṁdrairbhavabhayabhedanairmanuṣyaḥ yaḥ kuryātkimu nṛpapuṁgaveha samyakśāṁtātmā sakalagirīṁdrasaṁpradānam

भवभय को नष्ट करने वाले इन गिरींद्रों के पठनमात्र से मनुष्य दुःस्वप्न से मुक्त हो जाता है — फिर हे नरश्रेष्ठ! जो शांतचित्त होकर स्वयं समस्त गिरींद्रों का सम्यक् दान करे, उसकी तो बात ही क्या!

श्लोक 21 (padma.1.21.21)

भीष्म उवाच। किमभीष्टवियोगशोकसंधानलमुद्धर्तुमुपोषणं व्रतं वा। विभवध्रुवकारिभूतलेस्मिन्भवभीतेरपि सूदनं च पुंसः।

bhīṣma uvāca kimabhīṣṭaviyogaśokasaṁdhānalamuddhartumupoṣaṇaṁ vrataṁ vā vibhavadhruvakāribhūtalesminbhavabhīterapi sūdanaṁ ca puṁsaḥ

भीष्म ने कहा — क्या कोई ऐसा व्रत या उपवास है जो इष्ट-वियोग के शोक को दूर कर सके, इस भूतल पर स्थायी ऐश्वर्य दे सके, और पुरुष के संसार-भय का भी नाश कर सके?

श्लोक 22 (padma.1.21.22)

पुलस्त्य उवाच। परिपृष्टमिदं जगत्प्रियं ते विबुधानामपि दुर्लभं महत्त्वात्। तव भक्तिमतस्तथापि वक्ष्ये व्रतमिंद्रासुरमानवेषु गुह्यम्।

pulastya uvāca paripṛṣṭamidaṁ jagatpriyaṁ te vibudhānāmapi durlabhaṁ mahattvāt tava bhaktimatastathāpi vakṣye vratamiṁdrāsuramānaveṣu guhyam

पुलस्त्य ने कहा — यह प्रश्न संसार को अतिप्रिय है, और अपनी महत्ता के कारण देवताओं के लिए भी दुर्लभ है। फिर भी, तुम्हारी भक्ति के कारण मैं वह व्रत बताऊँगा, जो देव, असुर और मनुष्यों में गुह्य है।

श्लोक 23 (padma.1.21.23)

पुण्यमाश्वयुजे मासि विशोकद्वादशीव्रतम्। दशम्यां लघुभुग्विद्वान्प्रारभेत यमेन तु।

puṇyamāśvayuje māsi viśokadvādaśīvratam daśamyāṁ laghubhugvidvānprārabheta yamena tu

आश्विन मास में विशोक-द्वादशी नामक पवित्र व्रत होता है। दशमी को विद्वान पुरुष अल्प भोजन कर, संयमपूर्वक इसका आरंभ करे।

श्लोक 24 (padma.1.21.24)

उदङ्मुखः प्राङ्मुखो वा दंतधावनपूर्वकम्। एकादश्यां निराहारः सम्यगभ्यर्च्य केशवम्।

udaṅmukhaḥ prāṅmukho vā daṁtadhāvanapūrvakam ekādaśyāṁ nirāhāraḥ samyagabhyarcya keśavam

उत्तर या पूर्व की ओर मुख कर, पहले दंतधावन करके, एकादशी को निराहार रहकर भलीभाँति केशव की पूजा करे,

श्लोक 25 (padma.1.21.25)

श्रियं चाभ्यर्च्य विधिवद्भोक्ष्येऽहं चापरेहनि। एवं नियमकृत्सुप्त्वा प्रातरुत्थाय मानवः।

śriyaṁ cābhyarcya vidhivadbhokṣye'haṁ cāparehani evaṁ niyamakṛtsuptvā prātarutthāya mānavaḥ

और विधिपूर्वक श्री (लक्ष्मी) की भी पूजा कर संकल्प करे कि 'मैं अगले दिन भोजन करूँगा'। इस प्रकार नियमपालन कर सोए हुए मनुष्य को प्रातः उठना चाहिए।

श्लोक 26 (padma.1.21.26)

स्नानं सर्वौषधैः कुर्यात्पंचगव्यजलेन तु। शुभ्रमाल्यांबरधरःपूजयेच्छ्रीशमुत्पलैः।

snānaṁ sarvauṣadhaiḥ kuryātpaṁcagavyajalena tu śubhramālyāṁbaradharaḥpūjayecchrīśamutpalaiḥ

सब औषधियों तथा पंचगव्य-मिश्रित जल से स्नान करे। शुभ्र माला और वस्त्र धारण कर, नीलकमलों से श्रीपति की पूजा करे।

श्लोक 27 (padma.1.21.27)

विशोकाय नमः पादौ जंघे च वरदाय वै। श्रीशाय जानुनी तद्वदूरू च जलशायिने।

viśokāya namaḥ pādau jaṁghe ca varadāya vai śrīśāya jānunī tadvadūrū ca jalaśāyine

'विशोक को नमस्कार' कहकर चरणों की, 'वरद को' कहकर जंघाओं की, 'श्रीश को' कहकर घुटनों की, तथा 'जलशायी को' कहकर जंघाओं (ऊरुओं) की पूजा करे।

श्लोक 28 (padma.1.21.28)

कंदर्पाय नमो गुह्यं माधवाय नमः कटिं। दामोदरायेत्युदरं पार्श्वे च विपुलायवै।

kaṁdarpāya namo guhyaṁ mādhavāya namaḥ kaṭiṁ dāmodarāyetyudaraṁ pārśve ca vipulāyavai

'कंदर्प को नमस्कार' कहकर गुह्य अंग की, 'माधव को' कहकर कटि की, 'दामोदर को' कहकर उदर की, तथा 'विपुल को' कहकर दोनों पार्श्वों की पूजा करे।

श्लोक 29 (padma.1.21.29)

नाभिं च पद्मनाभाय हृदयं मन्मथाय वै। श्रीधराय विभोर्वक्षः करौ मधुभिदे नमः।

nābhiṁ ca padmanābhāya hṛdayaṁ manmathāya vai śrīdharāya vibhorvakṣaḥ karau madhubhide namaḥ

'पद्मनाभ को' कहकर नाभि की, 'मन्मथ को' कहकर हृदय की, 'श्रीधर को' कहकर वक्षःस्थल की, तथा 'मधुभिद् को नमस्कार' कहकर हाथों की पूजा करे।

श्लोक 30 (padma.1.21.30)

वैकुण्ठाय नमः कंठमास्यं पद्ममुखायवै। नासामशोकनिधये वासुदेवाय चाक्षिणी।

vaikuṇṭhāya namaḥ kaṁṭhamāsyaṁ padmamukhāyavai nāsāmaśokanidhaye vāsudevāya cākṣiṇī

'वैकुण्ठ को नमस्कार' कहकर कंठ की, 'पद्ममुख को' कहकर मुख की, 'अशोकनिधि को' कहकर नासिका की, तथा 'वासुदेव को' कहकर दोनों नेत्रों की पूजा करे।

श्लोक 31 (padma.1.21.31)

ललाटं वामनायेति हरये च पुनर्भ्रुवौ। अलकं माधवायेति किरीटं विश्वरूपिणे।

lalāṭaṁ vāmanāyeti haraye ca punarbhruvau alakaṁ mādhavāyeti kirīṭaṁ viśvarūpiṇe

'वामन को' कहकर ललाट की, पुनः 'हरि को' कहकर भौंहों की, 'माधव को' कहकर अलकों (केश) की, तथा 'विश्वरूपी को' कहकर मुकुट की पूजा करे।

श्लोक 32 (padma.1.21.32)

नमः सर्वात्मने तद्वच्छिर इत्यभिपूजयेत्। एवं संपूज्य गोविंदं धूपमाल्यानुलेपनैः।

namaḥ sarvātmane tadvacchira ityabhipūjayet evaṁ saṁpūjya goviṁdaṁ dhūpamālyānulepanaiḥ

उसी प्रकार 'सर्वात्मा को नमस्कार' कहकर सिर की पूजा करे। इस प्रकार गोविंद की धूप, माल्य और अनुलेपन से पूजा करके,

श्लोक 33 (padma.1.21.33)

ततस्तु मंडलं कृत्वा स्थंडिलं कारयेन्मृदा। चतुरश्रं समंताच्च रत्निमात्रमुदक्प्लवम्।

tatastu maṁḍalaṁ kṛtvā sthaṁḍilaṁ kārayenmṛdā caturaśraṁ samaṁtācca ratnimātramudakplavam

फिर मंडल बनाकर मिट्टी से स्थंडिल (वेदी) बनाए — चारों ओर से चतुष्कोण, एक हाथ परिमाण, तथा उत्तर की ओर जल-प्रवाह हेतु ढालयुक्त।

श्लोक 34 (padma.1.21.34)

श्लक्ष्णं हृद्यं च परितो वप्रत्रयसमावृतम्। त्रिरंगुलोच्छ्रितावप्रास्तद्विस्तारो द्विरंगुलः।

ślakṣṇaṁ hṛdyaṁ ca parito vapratrayasamāvṛtam triraṁgulocchritāvaprāstadvistāro dviraṁgulaḥ

वह चिकनी और मनोहर हो, चारों ओर तीन मेंड़ों से घिरी हो; वे मेंड़ें तीन अंगुल ऊँची तथा दो अंगुल चौड़ी हों।

श्लोक 35 (padma.1.21.35)

स्थंडिलस्योपरिष्टात्तु भित्तिरष्टांगुला भवेत्। नदी वालुकया सूर्ये लक्ष्म्याः प्रतिकृतिं न्यसेत्।

sthaṁḍilasyopariṣṭāttu bhittiraṣṭāṁgulā bhavet nadī vālukayā sūrye lakṣmyāḥ pratikṛtiṁ nyaset

स्थंडिल के ऊपर आठ अंगुल की दीवार (मेंड़) हो। नदी की बालू से सूर्य के साथ लक्ष्मी की प्रतिकृति बनाए।

श्लोक 36 (padma.1.21.36)

स्थंडिले सूर्यमध्यस्थ लक्ष्मीमभ्यर्चयेद्बुधः। नमो देव्यै नमः शांत्यै नमो लक्ष्म्यै नमः श्रिये।

sthaṁḍile sūryamadhyastha lakṣmīmabhyarcayedbudhaḥ namo devyai namaḥ śāṁtyai namo lakṣmyai namaḥ śriye

स्थंडिल पर सूर्य के मध्य स्थित लक्ष्मी की विद्वान पुरुष पूजा करे — 'देवी को नमस्कार, शांति को नमस्कार, लक्ष्मी को नमस्कार, श्री को नमस्कार,

श्लोक 37 (padma.1.21.37)

नमस्तुष्ट्यै नमः पुष्ट्यै सृष्ट्यै दृष्ट्यै नमो नमः। विशोका दुःखनाशा यविशोका वरदास्तु ते।

namastuṣṭyai namaḥ puṣṭyai sṛṣṭyai dṛṣṭyai namo namaḥ viśokā duḥkhanāśā yaviśokā varadāstu te

तुष्टि को नमस्कार, पुष्टि को नमस्कार, सृष्टि तथा दृष्टि को बारंबार नमस्कार' — 'हे शोकनाशिनी विशोके! तुम वरदायिनी हो,

श्लोक 38 (padma.1.21.38)

विशोका मेस्तु संपत्त्यै विशोका सर्वसिद्धये। ततः शुभ्रांबरैः सूर्यं वेष्ट्य संपूजयेत्फलैः।

viśokā mestu saṁpattyai viśokā sarvasiddhaye tataḥ śubhrāṁbaraiḥ sūryaṁ veṣṭya saṁpūjayetphalaiḥ

विशोका मेरी संपत्ति के लिए हो, विशोका सर्वसिद्धि के लिए हो।' फिर श्वेत वस्त्रों से सूर्य को आवृत कर फलों से पूजा करे,

श्लोक 39 (padma.1.21.39)

भक्ष्यैर्नानाविधैस्तद्वत्सुवर्णकमलेन च। राजतीषु च पात्रीषु न्यसेद्दर्भोदकं बुधः।

bhakṣyairnānāvidhaistadvatsuvarṇakamalena ca rājatīṣu ca pātrīṣu nyaseddarbhodakaṁ budhaḥ

नाना प्रकार के भक्ष्य पदार्थों से, तथा स्वर्णकमल से भी। और विद्वान पुरुष रजत पात्रों में दर्भ-मिश्रित जल रखे।

श्लोक 40 (padma.1.21.40)

ततस्तु नृत्यगीतानि कारयेत्सकलां निशाम्। यामत्रये व्यतीते तु तत उत्थाय मानवः।

tatastu nṛtyagītāni kārayetsakalāṁ niśām yāmatraye vyatīte tu tata utthāya mānavaḥ

फिर सारी रात्रि नृत्य-गान कराए। तीन प्रहर बीत जाने पर मनुष्य उठकर —

श्लोक 41 (padma.1.21.41)

अभिगम्य च विप्राणां मिथुनानि च पूजयेत्। शक्तितस्त्रीणि चैकं वा वस्त्रमाल्यानुलेपनैः।

abhigamya ca viprāṇāṁ mithunāni ca pūjayet śaktitastrīṇi caikaṁ vā vastramālyānulepanaiḥ

फिर ब्राह्मण-दंपतियों के पास जाकर उनकी पूजा करे — शक्ति के अनुसार तीन या कम से कम एक जोड़े की, वस्त्र, माला और अनुलेपन से।

श्लोक 42 (padma.1.21.42)

शयनस्थानि पूज्यानि नमोस्तु जलशायिने। ततस्तु गीतवाद्येन रात्र्यां जागरणे कृते।

śayanasthāni pūjyāni namostu jalaśāyine tatastu gītavādyena rātryāṁ jāgaraṇe kṛte

शयन में स्थित उन्हें पूज्य मानकर 'जलशायी को नमस्कार' कहे। फिर रात्रि में गीत-वाद्य सहित जागरण करने के बाद,

श्लोक 43 (padma.1.21.43)

प्रभाते च ततः स्नानं कृत्वा दांपत्यमर्चयेत्। भोजयेच्च यथाशक्ति वित्तशाठ्येन वर्जितः।

prabhāte ca tataḥ snānaṁ kṛtvā dāṁpatyamarcayet bhojayecca yathāśakti vittaśāṭhyena varjitaḥ

प्रातःकाल स्नान कर उस दंपति की पूजा करे, और कृपणता त्यागकर यथाशक्ति उन्हें भोजन कराए।

श्लोक 44 (padma.1.21.44)

भक्त्याश्रुत्वापुराणानितद्दिनंचातिवाहयेत्। अनेन विधिना सर्वं मासिमासि समाचरेत्।

bhaktyāśrutvāpurāṇānitaddinaṁcātivāhayet anena vidhinā sarvaṁ māsimāsi samācaret

भक्तिपूर्वक पुराण-श्रवण करते हुए वह दिन बिताए। इसी विधि से प्रतिमास सब कुछ आचरण करे।

श्लोक 45 (padma.1.21.45)

व्रतांते शयनं दद्याद्गुडधेनुसमन्वितं। सोपधानं सविश्रामं स्वास्तरावरणं शुभं।

vratāṁte śayanaṁ dadyādguḍadhenusamanvitaṁ sopadhānaṁ saviśrāmaṁ svāstarāvaraṇaṁ śubhaṁ

व्रत की समाप्ति पर तकिया, विश्रामयुक्त बिछौना और शुभ आवरण सहित एक शय्या, गुड़-धेनु के साथ दान करे।

श्लोक 46 (padma.1.21.46)

यथालक्ष्मीर्नरेश त्वां न परित्यज्य गच्छति। तथा सुरूपतारोग्यमशोकं चास्तु मे सदा।

yathālakṣmīrnareśa tvāṁ na parityajya gacchati tathā surūpatārogyamaśokaṁ cāstu me sadā

'हे राजन् (सूर्य)! जैसे लक्ष्मी तुम्हें छोड़कर नहीं जाती, वैसे ही सुंदर रूप, आरोग्य और शोकरहितता सदा मुझे प्राप्त हो।'

श्लोक 47 (padma.1.21.47)

यथा देवेन रहिता न लक्ष्मीर्जायते क्वचित्। तथा विशोकता मेऽस्तु भक्तिरग्य्रा च केशवे।

yathā devena rahitā na lakṣmīrjāyate kvacit tathā viśokatā me'stu bhaktiragyrā ca keśave

'जैसे लक्ष्मी देव (विष्णु) से रहित कभी नहीं होती, वैसे ही मुझे शोकरहितता तथा केशव में उत्तम भक्ति प्राप्त हो।'

श्लोक 48 (padma.1.21.48)

मंत्रेणानेन शयनं गुडधेनुसमन्वितं। सूर्यश्च लक्ष्म्या सहितो दातव्यो भूतिमिच्छता।

maṁtreṇānena śayanaṁ guḍadhenusamanvitaṁ sūryaśca lakṣmyā sahito dātavyo bhūtimicchatā

इस मंत्र से शय्या को गुड़-धेनु सहित, तथा सूर्य को लक्ष्मी सहित, ऐश्वर्य चाहने वाले को दान करना चाहिए।

श्लोक 49 (padma.1.21.49)

उत्पलं करवीरं वाप्यम्लानं चैव कुंकुमं। केतकं सिंधुवारं च मल्लिकागंधपाटला।

utpalaṁ karavīraṁ vāpyamlānaṁ caiva kuṁkumaṁ ketakaṁ siṁdhuvāraṁ ca mallikāgaṁdhapāṭalā

नीलकमल, कनेर, अम्लान कुंकुम-पुष्प, केतकी, निर्गुंडी, मल्लिका, सुगंधित पाटला —

श्लोक 50 (padma.1.21.50)

कदंबं कुब्जकं जाती शस्तान्येतानि सर्वदा। भीष्म उवाच। गुडधेनुविधानं च समाचक्ष्व मुनीश्वर।

kadaṁbaṁ kubjakaṁ jātī śastānyetāni sarvadā bhīṣma uvāca guḍadhenuvidhānaṁ ca samācakṣva munīśvara

कदंब, कुब्जक और जाती — ये सदा प्रशस्त माने गए हैं। भीष्म ने कहा — हे मुनीश्वर! अब गुड़-धेनु की विधि बताइए —

श्लोक 51 (padma.1.21.51)

किं रूपा केन मंत्रेण दातव्या तदिहोच्यतां। पुलस्त्य उवाच। गुडधेनुविधानस्य यद्रूपमिह यत्फलम्।

kiṁ rūpā kena maṁtreṇa dātavyā tadihocyatāṁ pulastya uvāca guḍadhenuvidhānasya yadrūpamiha yatphalam

वह किस रूप की और किस मंत्र से दी जाए, यह यहाँ बताइए। पुलस्त्य ने कहा — गुड़-धेनु-विधि का जो रूप और जो फल है,

श्लोक 52 (padma.1.21.52)

तदिदानीं प्रवक्ष्यामि सर्वपापविनाशनम्। कृष्णाजिनं चतुर्हस्तं प्राग्ग्रीवं विन्यसेद्भुवि।

tadidānīṁ pravakṣyāmi sarvapāpavināśanam kṛṣṇājinaṁ caturhastaṁ prāggrīvaṁ vinyasedbhuvi

वह अब मैं बताता हूँ, जो सर्वपाप-नाशक है। पूर्व की ओर गर्दन किए हुए चार हाथ का कृष्णमृगचर्म भूमि पर बिछाए,

श्लोक 53 (padma.1.21.53)

गोमयेनानुलिप्तायां दर्भानास्तीर्य सर्वतः। लघ्वेणकाजिनं तद्वत्वत्सं च परिकल्पयेत्।

gomayenānuliptāyāṁ darbhānāstīrya sarvataḥ laghveṇakājinaṁ tadvatvatsaṁ ca parikalpayet

गोबर से लीपी हुई भूमि पर, चारों ओर कुश बिछाकर। उसी प्रकार छोटे मृगचर्म से बछड़ा भी बनाए।

श्लोक 54 (padma.1.21.54)

प्राङ्मुखीं कल्पयेद्धेनुं मृदा वा गां सवत्सकां। उत्तमा गुडधेनुः स्यात्सदा भारचतुष्टयं।

prāṅmukhīṁ kalpayeddhenuṁ mṛdā vā gāṁ savatsakāṁ uttamā guḍadhenuḥ syātsadā bhāracatuṣṭayaṁ

पूर्वाभिमुख गाय, बछड़े सहित, मृगचर्म से या मिट्टी से बनाए। उत्तम गुड़-धेनु सदा चार भार परिमाण की होनी चाहिए।

श्लोक 55 (padma.1.21.55)

वत्सं भारेण कुर्वीत भाराभ्यां मध्यमा स्मृता। अर्द्धभारेण वत्सस्स्यात्कनिष्ठा भारकेण तु।

vatsaṁ bhāreṇa kurvīta bhārābhyāṁ madhyamā smṛtā arddhabhāreṇa vatsassyātkaniṣṭhā bhārakeṇa tu

एक भार से बछड़ा बनाए; दो भार वाली मध्यम मानी गई है। आधे भार से बछड़ा हो तो वह कनिष्ठ ग्रेड, और एक छोटे भारक से —

श्लोक 56 (padma.1.21.56)

चतुर्थांशे नवत्सः स्याद्गृहवित्तानुसारतः। धेनुवत्सौ कृतौ चोभौ सितसूक्ष्मांबरावृतौ।

caturthāṁśe navatsaḥ syādgṛhavittānusārataḥ dhenuvatsau kṛtau cobhau sitasūkṣmāṁbarāvṛtau

चौथाई भाग में बछड़ा नहीं होता, गृहस्थ की आर्थिक स्थिति के अनुसार। गाय और बछड़ा दोनों बनाकर उन्हें बारीक श्वेत वस्त्र से आवृत करे,

श्लोक 57 (padma.1.21.57)

शुक्तिकर्णाविक्षुपादौ शुचिमुक्ताफलेक्षणौ। सितसूत्रसिराजालौ सितकंबलकंबलौ।

śuktikarṇāvikṣupādau śucimuktāphalekṣaṇau sitasūtrasirājālau sitakaṁbalakaṁbalau

सीप के कान, गन्ने के पैर, शुद्ध मुक्ताफल के नेत्र, श्वेत सूत्र की शिरा-जाल, तथा श्वेत कंबल का आवरण दें।

श्लोक 58 (padma.1.21.58)

ताम्रगंडकपृष्ठौ द्वौ सितचामरलोमकौ। विद्रुमभ्रूयुगावेतौ नवनीतस्तनान्वितौ।

tāmragaṁḍakapṛṣṭhau dvau sitacāmaralomakau vidrumabhrūyugāvetau navanītastanānvitau

दोनों के गंड और पीठ तांबे के हों, बाल श्वेत चंवर के हों; मूँगे की भौंहों की जोड़ी, तथा मक्खन के थन युक्त हों।

श्लोक 59 (padma.1.21.59)

काञ्चनाक्षियुगोपेताविन्द्रनीलकनीनिकौ। क्षौमपुच्छौ कांस्यदोहौ शुभ्रातिकमनीयकौ।

kāñcanākṣiyugopetāvindranīlakanīnikau kṣaumapucchau kāṁsyadohau śubhrātikamanīyakau

स्वर्ण के नेत्र-युगल इंद्रनील की पुतलियों सहित हों, रेशम की पूँछ, कांसे का दोहन-पात्र, अत्यंत श्वेत व मनोहर हों।

श्लोक 60 (padma.1.21.60)

सुवर्णशृंगाभरणौ राजताढ्य खुरौ च तौ। नानाफलसमायुक्तौ घ्राणगंधकरंडकौ।

suvarṇaśṛṁgābharaṇau rājatāḍhya khurau ca tau nānāphalasamāyuktau ghrāṇagaṁdhakaraṁḍakau

स्वर्ण-सींगों से अलंकृत तथा चाँदी-जड़े खुरों वाली हों, नाना फलों से युक्त, और नासिका में सुगंध-पिटारी हो।

श्लोक 61 (padma.1.21.61)

इत्येवं रचयित्वा तु धूपदीपैस्तथार्चयेत्। या लक्ष्मीस्सर्वभूतानां या च देवेष्ववस्थिता।

ityevaṁ racayitvā tu dhūpadīpaistathārcayet yā lakṣmīssarvabhūtānāṁ yā ca deveṣvavasthitā

इस प्रकार बनाकर धूप-दीप से पूजा करे — 'जो लक्ष्मी सब भूतों में और देवताओं में स्थित है,

श्लोक 62 (padma.1.21.62)

धेनुरूपेण सा देवी मम पापं व्यपोहतु। विष्णोर्वक्षसि या लक्ष्मीः स्वाहा या च विभावसौ।

dhenurūpeṇa sā devī mama pāpaṁ vyapohatu viṣṇorvakṣasi yā lakṣmīḥ svāhā yā ca vibhāvasau

वही देवी गौ के रूप में मेरे पाप का नाश करे। जो लक्ष्मी विष्णु के वक्षःस्थल पर है, जो अग्नि में स्वाहा है,

श्लोक 63 (padma.1.21.63)

चंद्रार्कशक्रशक्तिर्या सा धेनुर्वरदास्तु मे। स्वधा त्वं पितृमुख्यानां स्वाहा यज्ञभुजां यतः।

caṁdrārkaśakraśaktiryā sā dhenurvaradāstu me svadhā tvaṁ pitṛmukhyānāṁ svāhā yajñabhujāṁ yataḥ

जो चंद्र-सूर्य-इंद्र की शक्ति है, वह गौ मुझे वरदान देने वाली हो। तुम पितरों के लिए स्वधा हो, यज्ञभोक्ताओं के लिए स्वाहा हो,

श्लोक 64 (padma.1.21.64)

सर्वपापहरा धेनुस्तस्माद्भूतिं प्रयच्छ मे। एवमामंत्र्य तां धेनुं ब्राह्मणाय निवेदयेत्।

sarvapāpaharā dhenustasmādbhūtiṁ prayaccha me evamāmaṁtrya tāṁ dhenuṁ brāhmaṇāya nivedayet

हे सर्वपापहारिणी गौ! इसलिए मुझे ऐश्वर्य प्रदान करो।' इस प्रकार उस गौ का आमंत्रण कर उसे ब्राह्मण को अर्पित करे।

श्लोक 65 (padma.1.21.65)

विधानमेतद्धेनूनां सर्वासामपि पठ्यते। यास्तु पापविनाशिन्यः पठ्यंते दश धेनवः।

vidhānametaddhenūnāṁ sarvāsāmapi paṭhyate yāstu pāpavināśinyaḥ paṭhyaṁte daśa dhenavaḥ

यह विधि सभी धेनुओं के लिए समान रूप से कही जाती है। जो पाप-विनाशिनी दस धेनुएँ कही गई हैं,

श्लोक 66 (padma.1.21.66)

तासां स्वरूपं वक्ष्यामि नामानि च नराधिप। प्रथमा गुडधेनुः स्याद्घृतधेनुरथापरा।

tāsāṁ svarūpaṁ vakṣyāmi nāmāni ca narādhipa prathamā guḍadhenuḥ syādghṛtadhenurathāparā

हे नराधिप! मैं उनका स्वरूप और नाम बताता हूँ। पहली गुड़-धेनु है, दूसरी घृत-धेनु,

श्लोक 67 (padma.1.21.67)

तिलधेनुस्तृतीया च चतुर्थी जलनामिका। क्षीरधेनुः पंचमी च मधुधेनुस्तथापरा।

tiladhenustṛtīyā ca caturthī jalanāmikā kṣīradhenuḥ paṁcamī ca madhudhenustathāparā

तीसरी तिल-धेनु, चौथी जल-नामक धेनु। पाँचवीं क्षीर-धेनु, फिर मधु-धेनु,

श्लोक 68 (padma.1.21.68)

सप्तमी शर्कराधेनुरष्टमी दधिकल्पिता। रसधेनुश्च नवमी दशमी स्यात्स्वरूपतः।

saptamī śarkarādhenuraṣṭamī dadhikalpitā rasadhenuśca navamī daśamī syātsvarūpataḥ

सातवीं शर्करा-धेनु, आठवीं दधि से बनी धेनु। नौवीं रस-धेनु, और दसवीं स्वरूपतः स्वर्ण-धेनु है।

श्लोक 69 (padma.1.21.69)

कुंभास्स्यू रसधेनूनामितरासां स्वराशयः। सुवर्णधेनुं चाप्यत्र केचिदिच्छंति मानवाः।

kuṁbhāssyū rasadhenūnāmitarāsāṁ svarāśayaḥ suvarṇadhenuṁ cāpyatra kecidicchaṁti mānavāḥ

रस-धेनुओं के लिए पात्र ही आकार होते हैं, शेष के लिए अपनी-अपनी सामग्री का ढेर। यहाँ कुछ मनुष्य स्वर्ण-धेनु की भी इच्छा करते हैं,

श्लोक 70 (padma.1.21.70)

नवनीतेन तैलैश्च तथान्येपि महर्षयः। एतदेवविधानं स्यात्त एवोपस्करास्स्मृताः।

navanītena tailaiśca tathānyepi maharṣayaḥ etadevavidhānaṁ syātta evopaskarāssmṛtāḥ

और अन्य महर्षि मक्खन तथा तेल की भी। यही विधि इनके लिए भी है; ये ही उपकरण माने गए हैं।

श्लोक 71 (padma.1.21.71)

मंत्रावाहनसंयुक्ताः सदा पर्वणि पर्वणि। यथा श्राद्धं प्रदातव्या भुक्तिमुक्तिफलप्रदाः।

maṁtrāvāhanasaṁyuktāḥ sadā parvaṇi parvaṇi yathā śrāddhaṁ pradātavyā bhuktimuktiphalapradāḥ

मंत्र और आवाहन सहित, प्रत्येक पर्व पर ये सदा दी जानी चाहिए — जैसे श्राद्ध में — भोग तथा मोक्ष का फल देने वाली।

श्लोक 72 (padma.1.21.72)

गुडधेनुप्रसंगेन सर्वास्तव मयोदिताः। अशेषयज्ञफलदाः सर्वपापहराः शुभाः।

guḍadhenuprasaṁgena sarvāstava mayoditāḥ aśeṣayajñaphaladāḥ sarvapāpaharāḥ śubhāḥ

गुड़-धेनु के प्रसंग से ये सब मैंने तुम्हें बताईं — समस्त यज्ञ का फल देने वाली, सर्वपापहारिणी, शुभ।

श्लोक 73 (padma.1.21.73)

व्रतानामुत्तमं यस्माद्विशोकद्वादशीव्रतम्। तदंगत्वेन चैवात्र गुडधेनुः प्रशस्यते।

vratānāmuttamaṁ yasmādviśokadvādaśīvratam tadaṁgatvena caivātra guḍadhenuḥ praśasyate

चूँकि व्रतों में विशोक-द्वादशी व्रत सर्वोत्तम है, अतः इसके अंग रूप में यहाँ गुड़-धेनु की प्रशंसा की जाती है।

श्लोक 74 (padma.1.21.74)

अयने विषुवे पुण्ये व्यतीपाते तथा पुनः। गुडधेन्वादयो देया उपरागादिपर्वसु।

ayane viṣuve puṇye vyatīpāte tathā punaḥ guḍadhenvādayo deyā uparāgādiparvasu

अयन, पवित्र विषुव, तथा व्यतीपात के समय, तथा ग्रहण आदि पर्वों पर भी गुड़-धेनु आदि दी जानी चाहिए।

श्लोक 75 (padma.1.21.75)

विशोकद्वादशी चैषा सर्वपापहरा शुभा। यामुपोष्य नरो याति तद्विष्णोः परमं पदम्।

viśokadvādaśī caiṣā sarvapāpaharā śubhā yāmupoṣya naro yāti tadviṣṇoḥ paramaṁ padam

यह विशोक-द्वादशी सर्वपापहारिणी और शुभ है — इसका उपवास कर मनुष्य विष्णु के परम पद को प्राप्त होता है।

श्लोक 76 (padma.1.21.76)

इहलोके स सौभाग्यमायुरारोग्यमेव च। वैष्णवं पुरमाप्नोति मरणे स्मरणं हरेः।

ihaloke sa saubhāgyamāyurārogyameva ca vaiṣṇavaṁ puramāpnoti maraṇe smaraṇaṁ hareḥ

इस लोक में वह सौभाग्य, आयु और आरोग्य पाता है; वैष्णव पुर को प्राप्त होता है, और मरण-काल में हरि का स्मरण पाता है।

श्लोक 77 (padma.1.21.77)

नवार्बुदसहस्राणि दश चाष्टौ च धर्मवित्। न शोकदुःखदौर्गत्यं तस्य संजायते नृप।

navārbudasahasrāṇi daśa cāṣṭau ca dharmavit na śokaduḥkhadaurgatyaṁ tasya saṁjāyate nṛpa

हे धर्मज्ञ! नौ अर्बुद सहस्र और अठारह वर्षों तक — हे राजन्! उसे शोक, दुःख और दुर्गति कभी नहीं होते।

श्लोक 78 (padma.1.21.78)

नारी वा कुरुते या तु विशोकद्वादशीमिमां। नृत्यगीतपरा नित्यं सापि तत्फलमाप्नुयात्।

nārī vā kurute yā tu viśokadvādaśīmimāṁ nṛtyagītaparā nityaṁ sāpi tatphalamāpnuyāt

जो स्त्री भी नित्य नृत्य-गीत में तत्पर रहकर इस विशोक-द्वादशी को करती है, वह भी वही फल प्राप्त करती है।

श्लोक 79 (padma.1.21.79)

यस्मादग्रे हरेर्नृत्यमनन्तं गीतवादनम्। इति पठति य इत्थं यः शृणोतीह सम्यक्। मधुमुरनरकारेरर्चनं वाथ पश्येत्।

yasmādagre harernṛtyamanantaṁ gītavādanam iti paṭhati ya itthaṁ yaḥ śṛṇotīha samyak madhumuranarakārerarcanaṁ vātha paśyet

क्योंकि हरि के आगे अनंत नृत्य और गीत-वादन होता है। जो इस प्रकार इसे पढ़ता है, या जो इसे भलीभाँति सुनता है, अथवा जो मधु-मुर-नरकारि (विष्णु) की पूजा को देखता है,

श्लोक 80 (padma.1.21.80)

मतिमपि च जनानां यो ददातीन्द्रलोके। स वसति विबुधौघैः पूज्यते कल्पमेकम्। भीष्म उवाच। भगवन्श्रोतुमिच्छामि दानमाहात्म्यमुत्तमम्।

matimapi ca janānāṁ yo dadātīndraloke sa vasati vibudhaughaiḥ pūjyate kalpamekam bhīṣma uvāca bhagavanśrotumicchāmi dānamāhātmyamuttamam

अथवा जो लोगों को यह प्रेरणा देता है, वह इंद्रलोक में देवसमूहों द्वारा पूजित होकर एक कल्प तक निवास करता है। भीष्म ने कहा — हे भगवन्! अब मैं दान की उत्तम महिमा सुनना चाहता हूँ —