तटाक-प्रतिष्ठा-विधि

श्लोक 1 (padma.1.27.1)

भीष्म उवाच। तटाकारामकूपेषु वापीषु नलिनीषु च। विधिं वदस्व मे ब्रह्मन्देवतायतनेषु च॥

bhīṣma uvāca taṭākārāmakūpeṣu vāpīṣu nalinīṣu ca vidhiṁ vadasva me brahmandevatāyataneṣu ca

भीष्म ने कहा — हे ब्रह्मन्! तालाबों, उद्यानों, कुओं, बावड़ियों और कमल-सरोवरों में, तथा देवालयों में भी, विधि मुझे बताइए।

श्लोक 2 (padma.1.27.2)

के तत्र ऋत्विजो विप्रा वेदी वा कीदृशी भवेत्। दक्षिणाबलयः कालः स्थानमाचार्य एव च॥

ke tatra ṛtvijo viprā vedī vā kīdṛśī bhavet dakṣiṇābalayaḥ kālaḥ sthānamācārya eva ca

वहाँ ऋत्विक् ब्राह्मण कौन हों? वेदी कैसी हो? दक्षिणा, बलि, काल, स्थान और आचार्य कैसे हों?

श्लोक 3 (padma.1.27.3)

द्रव्याणि कानि शस्तानि सर्वमाचक्ष्व सुव्रत॥

dravyāṇi kāni śastāni sarvamācakṣva suvrata

कौन-से द्रव्य श्रेष्ठ माने गए हैं — हे सुव्रत! यह सब मुझे बताइए।

श्लोक 4 (padma.1.27.4)

पुलस्त्य उवाच। शृणु राजन्महाबाहो तटाकादिषु यो विधिः॥

pulastya uvāca śṛṇu rājanmahābāho taṭākādiṣu yo vidhiḥ

पुलस्त्य ने कहा — हे महाबाहु राजन्! तालाब आदि के लिए जो विधि है, उसे सुनो।

श्लोक 5 (padma.1.27.5)

पुराणेष्वितिहासोयं पठ्यते राजसत्तम। प्राप्य पक्षं शुभं शुक्लं संप्राप्ते चोत्तरायणे॥

purāṇeṣvitihāsoyaṁ paṭhyate rājasattama prāpya pakṣaṁ śubhaṁ śuklaṁ saṁprāpte cottarāyaṇe

हे राजश्रेष्ठ! यह इतिहास पुराणों में पढ़ा जाता है। शुभ शुक्ल पक्ष प्राप्त होने पर और उत्तरायण आने पर —

श्लोक 6 (padma.1.27.6)

पुण्येह्नि विप्रैः कथिते कृत्वा ब्राह्मणवाचनम्। अशुभैर्वर्जिते देशे तटाकस्य समीपतः॥

puṇyehni vipraiḥ kathite kṛtvā brāhmaṇavācanam aśubhairvarjite deśe taṭākasya samīpataḥ

— ब्राह्मणों द्वारा बताए गए पुण्य दिन पर, ब्राह्मण-वाचन करके, अशुभताओं से रहित स्थान में, तालाब के समीप —

श्लोक 7 (padma.1.27.7)

चतुर्हस्तां समां वेदीं चतुरश्रां चतुर्मुखीम्। तथा षोडशहस्तः स्यान्मंडपश्च चतुर्मुखः॥

caturhastāṁ samāṁ vedīṁ caturaśrāṁ caturmukhīm tathā ṣoḍaśahastaḥ syānmaṁḍapaśca caturmukhaḥ

चार हाथ की समतल, चतुष्कोण, चतुर्मुखी वेदी बनाए; तथा मंडप सोलह हाथ का और चतुर्मुख हो।

श्लोक 8 (padma.1.27.8)

वेद्यास्तु परितो गर्तारत्निमात्रास्त्रिमेखलाः। नव सप्ताथ वा पंच ऋजुवक्त्रा नृपात्मज॥

vedyāstu parito gartāratnimātrāstrimekhalāḥ nava saptātha vā paṁca ṛjuvaktrā nṛpātmaja

हे राजपुत्र! वेदी के चारों ओर एक-एक हाथ के, त्रि-मेखलायुक्त, सीधे मुखवाले नौ, सात अथवा पाँच गड्ढे बनाए।

श्लोक 9 (padma.1.27.9)

वितस्तिमात्रा योनिः स्यात्षट्सप्तांगुलि विस्तृता। गर्ताश्च हस्तमात्राः स्युस्त्रिपर्वोच्छ्रितमेखलाः॥

vitastimātrā yoniḥ syātṣaṭsaptāṁguli vistṛtā gartāśca hastamātrāḥ syustriparvocchritamekhalāḥ

योनि एक वितस्ति (बित्ता) मात्र की हो, छह से सात अंगुल चौड़ी हो; तथा गड्ढे एक हाथ के हों, तीन पर्वों में ऊँची मेखला वाले हों।

श्लोक 10 (padma.1.27.10)

सर्वतस्तु सवर्णाः स्युः पताकाध्वजसंयुताः। अश्वत्थोदुंबरप्लक्षवटशाखाकृतानि तु॥

sarvatastu savarṇāḥ syuḥ patākādhvajasaṁyutāḥ aśvatthoduṁbaraplakṣavaṭaśākhākṛtāni tu

चारों ओर वे समान वर्ण के हों, पताका-ध्वजाओं से युक्त हों; तथा अश्वत्थ, उदुंबर, प्लक्ष और वट की शाखाओं से बने हों।

श्लोक 11 (padma.1.27.11)

मंडपस्य प्रतिदिशं द्वाराण्येतानि कारयेत्। शुभास्तत्राष्टहोतारो द्वारपालास्तथाष्ट वै॥

maṁḍapasya pratidiśaṁ dvārāṇyetāni kārayet śubhāstatrāṣṭahotāro dvārapālāstathāṣṭa vai

मंडप की प्रत्येक दिशा में ये द्वार बनवाए। वहाँ आठ शुभ होता तथा आठ द्वारपाल भी नियुक्त करे।

श्लोक 12 (padma.1.27.12)

अष्टौ तु जापकाः कार्या ब्राह्मणा वेदपारगाः। सर्वलक्षणसंपूर्णान्मंत्रज्ञान्विजितेंद्रियान्॥

aṣṭau tu jāpakāḥ kāryā brāhmaṇā vedapāragāḥ sarvalakṣaṇasaṁpūrṇānmaṁtrajñānvijitendriyān

आठ जापक ब्राह्मण नियुक्त करे, जो वेदपारंगत, सभी शुभ लक्षणों से युक्त, मंत्रज्ञ और जितेंद्रिय हों।

श्लोक 13 (padma.1.27.13)

कुलशीलसमायुक्तान्स्थापयेद्वै द्विजोत्तमान्। प्रतिगर्तेषु कलशा यज्ञोपकरणानि च॥

kulaśīlasamāyuktānsthāpayedvai dvijottamān pratigarteṣu kalaśā yajñopakaraṇāni ca

कुल और शील से युक्त उत्तम द्विजों को नियुक्त करे; प्रत्येक गड्ढे में कलश और यज्ञ की सामग्री रखे।

श्लोक 14 (padma.1.27.14)

व्यजने चासनं शुभ्रं ताम्रपात्रं सुविस्तरम्। ततस्त्वनेकवर्णास्युर्बलयः प्रतिदैवतम्॥

vyajane cāsanaṁ śubhraṁ tāmrapātraṁ suvistaram tatastvanekavarṇāsyurbalayaḥ pratidaivatam

पंखा, उज्ज्वल आसन, विस्तृत ताम्रपात्र रखे; तत्पश्चात् प्रत्येक देवता के लिए अनेक प्रकार की दक्षिणा-बलियाँ हों।

श्लोक 15 (padma.1.27.15)

आचार्यः प्रक्षिपेद्भूमावनुमंत्र्य विचक्षणः। अरत्निमात्रो यूपः स्यात्क्षीरवृक्षविनिर्मितः॥

ācāryaḥ prakṣipedbhūmāvanumaṁtrya vicakṣaṇaḥ aratnimātro yūpaḥ syātkṣīravṛkṣavinirmitaḥ

विद्वान् आचार्य मंत्र से अभिमंत्रित करके उन्हें भूमि पर स्थापित करे। यूप (यज्ञ-स्तंभ) एक हाथ का हो, दूधवाले वृक्ष की लकड़ी से बना हो।

श्लोक 16 (padma.1.27.16)

यजमानप्रमाणो वा संस्थाप्यो भूतिमिच्छता। हेमालंकारिणः कार्याः पंचविंशति ऋत्विजः॥

yajamānapramāṇo vā saṁsthāpyo bhūtimicchatā hemālaṁkāriṇaḥ kāryāḥ paṁcaviṁśati ṛtvijaḥ

अथवा ऐश्वर्य की कामना करने वाले द्वारा यजमान की ऊँचाई के बराबर स्थापित किया जाए। पच्चीस ऋत्विजों को स्वर्णाभूषणों से सज्जित किया जाए।

श्लोक 17 (padma.1.27.17)

कुंडलानि च हैमानि केयूरकटकानि च। तथांगुलिपवित्राणि वासांसि विविधानि च॥

kuṁḍalāni ca haimāni keyūrakaṭakāni ca tathāṁgulipavitrāṇi vāsāṁsi vividhāni ca

उन्हें स्वर्ण के कुंडल, केयूर और कटक दें; तथा अंगुलियों के पवित्र (कुश-मुद्रिका) और विविध प्रकार के वस्त्र भी दें।

श्लोक 18 (padma.1.27.18)

दद्यात्समानि सर्वेषामाचार्ये द्विगुणं स्मृतम्। दद्याच्छयनसंयुक्तमात्मनश्चापि यत्प्रियम्॥

dadyātsamāni sarveṣāmācārye dviguṇaṁ smṛtam dadyācchayanasaṁyuktamātmanaścāpi yatpriyam

सबको समान रूप से दे; आचार्य के लिए दुगुना देना स्मृत है। शय्या सहित वह भी दे जो स्वयं को प्रिय हो।

श्लोक 19 (padma.1.27.19)

सौवर्णौ कूर्ममकरौ राजतौ मत्स्यडुण्डुभौ। ताम्रौ कुंभीरमंडूका वायसः शिंशुमारकः॥

sauvarṇau kūrmamakarau rājatau matsyaḍuṇḍubhau tāmrau kuṁbhīramaṁḍūkā vāyasaḥ śiṁśumārakaḥ

स्वर्ण के कच्छप और मकर; चाँदी की मछली और डुंडुभ (जल-सर्प); ताँबे के मगर और मेंढक; एक कौआ; और एक शिशुमार (सूँस) — ये बनवाए।

श्लोक 20 (padma.1.27.20)

एवमासाद्य तत्सर्वमादावेव विशांपते। शुक्लमाल्याम्बरधरः शुक्लंगंधानुलेपनः॥

evamāsādya tatsarvamādāveva viśāṁpate śuklamālyāmbaradharaḥ śuklaṁgaṁdhānulepanaḥ

हे राजन्! इस प्रकार यह सब पहले ही एकत्र करके, श्वेत माला और वस्त्र धारण किए हुए, श्वेत सुगंधित अनुलेपन से युक्त —

श्लोक 21 (padma.1.27.21)

सर्वौषध्युदकैः सर्वैः स्नापितो वेदपारगैः। यजमानः सपत्नीकः पुत्रपौत्रसमन्वितः॥

sarvauṣadhyudakaiḥ sarvaiḥ snāpito vedapāragaiḥ yajamānaḥ sapatnīkaḥ putrapautrasamanvitaḥ

— यजमान, सभी औषधियों के जल से वेदपारंगतों द्वारा स्नान कराया गया, पत्नी सहित, पुत्र-पौत्रों सहित —

श्लोक 22 (padma.1.27.22)

पश्चिमद्वारमासाद्य प्रविशेद्यागमंडपम्। ततो मंगलशब्देन भेरीणां निःस्वनेन च॥

paścimadvāramāsādya praviśedyāgamaṁḍapam tato maṁgalaśabdena bherīṇāṁ niḥsvanena ca

— पश्चिम द्वार से यज्ञ-मंडप में प्रवेश करे; तत्पश्चात् मंगल-ध्वनि और भेरियों की गूँज के साथ —

श्लोक 23 (padma.1.27.23)

रजसा मंडलं कुर्यात्पंचवर्णेन तत्त्ववित्। षोडशारं ततश्चक्रं पद्मगर्भं चतुर्मुखम्॥

rajasā maṁḍalaṁ kuryātpaṁcavarṇena tattvavit ṣoḍaśāraṁ tataścakraṁ padmagarbhaṁ caturmukham

तत्त्वज्ञ पंचरंगी रज (रंगीन चूर्ण) से मंडल बनाए; फिर सोलह अरों वाला, पद्म-गर्भयुक्त, चतुर्मुख चक्र बनाए —

श्लोक 24 (padma.1.27.24)

चतुरश्रं तु परितो वृत्तं मध्ये सुशोभनम्। वेद्याश्चोपरितः कृत्वा ग्रहान्लोकपतींस्ततः॥

caturaśraṁ tu parito vṛttaṁ madhye suśobhanam vedyāścoparitaḥ kṛtvā grahānlokapatīṁstataḥ

चारों ओर चतुष्कोण, मध्य में सुंदर वृत्ताकार; इसे वेदी के ऊपर बनाकर, फिर ग्रहों और लोकपालों को —

श्लोक 25 (padma.1.27.25)

संन्यसेन्मंत्रतः सर्वान्प्रतिदिक्षु विचक्षणः। कलशं स्थापयेन्मध्ये वारुणं मंत्रमाश्रितम्॥

saṁnyasenmaṁtrataḥ sarvānpratidikṣu vicakṣaṇaḥ kalaśaṁ sthāpayenmadhye vāruṇaṁ maṁtramāśritam

विद्वान् इन सबको मंत्रपूर्वक प्रत्येक दिशा में स्थापित करे; और मध्य में वारुण-मंत्र से अभिमंत्रित कलश स्थापित करे।

श्लोक 26 (padma.1.27.26)

ब्रह्माणं च शिवं विष्णुं तत्रैव स्थापयेद्बुधः। विनायकं च विन्यस्य कमलामंबिकां तथा॥

brahmāṇaṁ ca śivaṁ viṣṇuṁ tatraiva sthāpayedbudhaḥ vināyakaṁ ca vinyasya kamalāmaṁbikāṁ tathā

विद्वान् वहीं ब्रह्मा, शिव और विष्णु को स्थापित करे; तथा विनायक को, और कमला (लक्ष्मी) व अंबिका को भी स्थापित करे।

श्लोक 27 (padma.1.27.27)

शांत्यर्थं सर्वलोकानां भूतग्रामं न्यसेत्ततः। पुष्पभक्ष्यफलैर्युक्तमेवं कृत्वाधिवासनम्॥

śāṁtyarthaṁ sarvalokānāṁ bhūtagrāmaṁ nyasettataḥ puṣpabhakṣyaphalairyuktamevaṁ kṛtvādhivāsanam

समस्त लोकों की शांति के लिए तत्पश्चात् भूत-गण को स्थापित करे; इस प्रकार पुष्प, भक्ष्य और फलों सहित अधिवासन करके —

श्लोक 28 (padma.1.27.28)

कुंभांश्च रत्नगर्भांस्तान्वासोभिः परिवेष्टयेत्। पुष्पगंधैरलंकृत्य द्वारपालान्समंततः॥

kuṁbhāṁśca ratnagarbhāṁstānvāsobhiḥ pariveṣṭayet puṣpagaṁdhairalaṁkṛtya dvārapālānsamaṁtataḥ

— उन रत्नगर्भ कलशों को वस्त्रों से लपेटे; तथा द्वारपालों को चारों ओर पुष्प-गंध से अलंकृत करके —

श्लोक 29 (padma.1.27.29)

यजद्ध्वमिति तान्ब्रूयादाचार्यमभिपूजयेत्। बह्वृचौ पूर्वतः स्थाप्यौ दक्षिणेन यजुर्विदौ॥

yajaddhvamiti tānbrūyādācāryamabhipūjayet bahvṛcau pūrvataḥ sthāpyau dakṣiṇena yajurvidau

— उनसे कहे 'यजन करो' और आचार्य का पूजन करे। पूर्व दिशा में दो ऋग्वेदी (बह्वृच) स्थापित हों, दक्षिण में दो यजुर्वेदी।

श्लोक 30 (padma.1.27.30)

सामगौ पश्चिमे स्थाप्यावुत्तरेण अथर्वणौ। उदङ्मुखो दक्षिणतो यजमान उपाविशेत्॥

sāmagau paścime sthāpyāvuttareṇa atharvaṇau udaṅmukho dakṣiṇato yajamāna upāviśet

पश्चिम में दो सामवेदी, उत्तर में दो अथर्ववेदी स्थापित हों। यजमान दक्षिण दिशा में उत्तराभिमुख होकर बैठे।

श्लोक 31 (padma.1.27.31)

यजध्वमिति तान्ब्रूयाद्याजकान्पुनरेव तान्। उत्कृष्टमंत्रजाप्येन तिष्ठध्वमिति जापकान्॥

yajadhvamiti tānbrūyādyājakānpunareva tān utkṛṣṭamaṁtrajāpyena tiṣṭhadhvamiti jāpakān

वह उन याजकों से पुनः कहे 'यजन करो', तथा जापकों से कहे 'उत्कृष्ट मंत्र-जप में स्थिर रहो।'

श्लोक 32 (padma.1.27.32)

एवमादिश्य तान्सर्वान्संधुक्ष्याग्निं समंत्रवित्। जुहुयादाहुतीर्मंत्रैराज्यं च समिधस्तथा॥

evamādiśya tānsarvānsaṁdhukṣyāgniṁ samaṁtravit juhuyādāhutīrmaṁtrairājyaṁ ca samidhastathā

इस प्रकार सबको आदेश देकर, मंत्रज्ञ अग्नि प्रज्वलित करे, और मंत्रों सहित घृत तथा समिधाओं की आहुति दे।

श्लोक 33 (padma.1.27.33)

ऋत्विग्भिश्चैव होतव्यं वारुणैरेव सर्वतः। ग्रहेभ्यो विधिवद्धुत्वा तथेंद्रायेश्वराय च॥

ṛtvigbhiścaiva hotavyaṁ vāruṇaireva sarvataḥ grahebhyo vidhivaddhutvā tatheṁdrāyeśvarāya ca

ऋत्विजों द्वारा सभी दिशाओं में वारुण-मंत्रों से हवन किया जाए; ग्रहों को विधिपूर्वक हवन देकर, तथा इंद्र और ईश्वर को भी।

श्लोक 34 (padma.1.27.34)

मरुद्भ्यो लोकपालेभ्यो विधिवद्विश्वकर्मणे। शान्तिसूक्तं च रौद्रं च पावमानं च मंगलम्॥

marudbhyo lokapālebhyo vidhivadviśvakarmaṇe śāntisūktaṁ ca raudraṁ ca pāvamānaṁ ca maṁgalam

मरुद्गणों को, लोकपालों को विधिवत, तथा विश्वकर्मा को हवन दे; और शांति-सूक्त, रौद्र, पावमान तथा मंगल का पाठ करे।

श्लोक 35 (padma.1.27.35)

जपेच्च पौरुषं सूक्तं पूर्वतो बह्वृचः पृथक्। शाक्रं रौद्रं च सौम्यं च कौश्मांडं जातवेदसम्॥

japecca pauruṣaṁ sūktaṁ pūrvato bahvṛcaḥ pṛthak śākraṁ raudraṁ ca saumyaṁ ca kauśmāṁḍaṁ jātavedasam

तथा पुरुष-सूक्त का जप करे; पूर्व दिशा में पृथक् रूप से ऋग्वेदी शाक्र, रौद्र, सौम्य, कौश्मांड और जातवेदस् का जप करें।

श्लोक 36 (padma.1.27.36)

सौरं सूक्तं जपेयुस्ते दक्षिणेन यजुर्विदः। वैराजं पौरुषं सूक्तं सौपर्णं रुद्रसंहितम्॥

sauraṁ sūktaṁ japeyuste dakṣiṇena yajurvidaḥ vairājaṁ pauruṣaṁ sūktaṁ sauparṇaṁ rudrasaṁhitam

दक्षिण में स्थित यजुर्वेदी सौर सूक्त, वैराज, पुरुष सूक्त, सौपर्ण और रुद्र-संहिता का जप करें।

श्लोक 37 (padma.1.27.37)

शैशवं पंचनिधनं गायत्रं ज्येष्ठसाम च। वामदेव्यं बृहत्साम रौरवं च रथंतरम्॥

śaiśavaṁ paṁcanidhanaṁ gāyatraṁ jyeṣṭhasāma ca vāmadevyaṁ bṛhatsāma rauravaṁ ca rathaṁtaram

शैशव, पंच-निधनयुक्त गायत्र और ज्येष्ठसाम; वामदेव्य, बृहत्साम, रौरव और रथंतर —

श्लोक 38 (padma.1.27.38)

गवां व्रतं विकीर्णं च रक्षोघ्नं च यमं तथा। गायेयुः सामगा राजन्पश्चिमद्वारमाश्रिताः॥

gavāṁ vrataṁ vikīrṇaṁ ca rakṣoghnaṁ ca yamaṁ tathā gāyeyuḥ sāmagā rājanpaścimadvāramāśritāḥ

— गवां व्रत, विकीर्ण, रक्षोघ्न तथा यम — हे राजन्! पश्चिम द्वार पर स्थित सामवेदी इन्हें गाएँ।

श्लोक 39 (padma.1.27.39)

आथर्वणाश्चोत्तरतः शांतिकं पौष्टिकं तथा। जपेयुर्मनसा देवमाश्रिता वरुणं प्रभुम्॥

āthar vaṇāścottarataḥ śāṁtikaṁ pauṣṭikaṁ tathā japeyurmanasā devamāśritā varuṇaṁ prabhum

उत्तर दिशा में स्थित अथर्ववेदी शांतिक और पौष्टिक मंत्रों का जप करें, मन से प्रभु वरुण की शरण लेते हुए।

श्लोक 40 (padma.1.27.40)

पूर्वे द्युरभितो रात्रावेवं कृत्वाधिवासनम्। गजाश्वरथवल्मीक संगमाद्व्रजगोकुलात्॥

pūrve dyurabhito rātrāvevaṁ kṛtvādhivāsanam gajāśvarathavalmīka saṁgamādvrajagokulāt

पूर्व दिन, रात्रि भर इस प्रकार अधिवासन करके — हाथी, घोड़े और रथ के मार्गों के संगम-स्थल से, वल्मीक (बाँबी) से, और गोकुल से —

श्लोक 41 (padma.1.27.41)

मृदमादाय कुंभेषु प्रक्षिपेदोषधीस्तथा। रोचनां च ससिद्धार्थां गंधान्गुग्गुलुमेव च॥

mṛdamādāya kuṁbheṣu prakṣipedoṣadhīstathā rocanāṁ ca sasiddhārthāṁ gaṁdhāngugguluṁ eva ca

— मिट्टी लेकर कलशों में डाले, साथ ही औषधियाँ, सफेद सरसों सहित गोरोचन, सुगंधित द्रव्य और गुग्गुल भी डाले।

श्लोक 42 (padma.1.27.42)

स्नापनं तस्य कर्त्तव्यं पंचगव्यसमन्वितं। पूर्वं कर्तुर्महामंत्रैरेवं कृत्वा विधानतः॥

snāpanaṁ tasya karttavyaṁ paṁcagavyasamanvitaṁ pūrvaṁ karturmahāmaṁtrairevaṁ kṛtvā vidhānataḥ

उसका स्नपन पंचगव्य सहित करना चाहिए; पहले कर्ता का महामंत्रों से — इस प्रकार विधिपूर्वक करके —

श्लोक 43 (padma.1.27.43)

अतिवाह्य क्षपामेवं विधियुक्तेन कर्मणा। ततः प्रभाते विमले संजाते तु शतं गवां॥

ativāhya kṣapāmevaṁ vidhiyuktena karmaṇā tataḥ prabhāte vimale saṁjāte tu śataṁ gavāṁ

— इस प्रकार विधिपूर्वक कर्म से रात्रि व्यतीत करके — तत्पश्चात् जब निर्मल प्रभात हो जाए, तब सौ गौएँ —

श्लोक 44 (padma.1.27.44)

ब्राह्मणेभ्यः प्रदातव्यमष्टषष्ट्यथवा पुनः। पंचाशद्वाथ षट्त्रिंशत्पंचविंशति वा पुनः॥

brāhmaṇebhyaḥ pradātavyamaṣṭaṣaṣṭyathavā punaḥ paṁcāśadvātha ṣaṭtriṁśatpaṁcaviṁśati vā punaḥ

— ब्राह्मणों को दान की जाएँ, अथवा अड़सठ, या पचास, या छत्तीस, अथवा पच्चीस गौएँ दी जाएँ।

श्लोक 45 (padma.1.27.45)

ततश्चावसरप्राप्ते शुद्धे लग्ने सुशोभने। वेदशब्दैः सगंधर्वैर्वाद्यैश्च विविधैः पुनः॥

tataścāvasaraprāpte śuddhe lagne suśobhane vedaśabdaiḥ sagaṁdharvairvādyaiśca vividhaiḥ punaḥ

तत्पश्चात् अवसर प्राप्त होने पर, शुद्ध और सुंदर लग्न में, वेद-ध्वनि, गंधर्व-संगीत तथा विविध वाद्यों के साथ —

श्लोक 46 (padma.1.27.46)

कनकालंकृतां कृत्वा जले गामवतारयेत्। सामगाय च सा देया ब्राह्मणाय विशांपते॥

kanakālaṁkṛtāṁ kṛtvā jale gāmavatārayet sāmagāya ca sā deyā brāhmaṇāya viśāṁpate

— गौ को स्वर्ण से अलंकृत करके जल में उतारे। हे राजन्! वह गौ सामवेदी ब्राह्मण को दी जाए।

श्लोक 47 (padma.1.27.47)

पात्रीमादाय सौवर्णी पंचरत्नसमन्विताम्। ततो निक्षिप्य मकरान्मत्स्यादींश्चैव सर्वशः॥

pātrīmādāya sauvarṇī paṁcaratnasamanvitām tato nikṣipya makarānmatsyādīṁścaiva sarvaśaḥ

पंचरत्नयुक्त स्वर्ण-पात्र लेकर, उसमें मकर, मछली आदि सभी प्रकार के प्रतीक रखकर —

श्लोक 48 (padma.1.27.48)

धृतां चतुर्भिर्विप्रैश्च वेदवेदांगपारगैः। महानदीजलोपेतां दध्यक्षतविभूषिताम्॥

dhṛtāṁ caturbhirvipraiśca vedavedāṁgapāragaiḥ mahānadījalopetāṁ dadhyakṣatavibhūṣitām

— वेद-वेदांगपारंगत चार ब्राह्मणों द्वारा धारण की गई, महानदी के जल से युक्त, दधि और अक्षत से सुशोभित उस पात्री को —

श्लोक 49 (padma.1.27.49)

उत्तराभिमुखां न्युब्जां जलमध्ये तु कारयेत्। आथर्वणेन सुस्नातां पुनर्मायां तथैव च॥

uttarābhimukhāṁ nyubjāṁ jalamadhye tu kārayet āthar vaṇena susnātāṁ punarmāyāṁ tathaiva ca

— उत्तराभिमुख करके जल के बीच में औंधा करे, अथर्व-मंत्र से भलीभाँति स्नपित, तथा पुनः माया-मंत्र से भी।

श्लोक 50 (padma.1.27.50)

आपोहिष्ठेति मंत्रेण क्षिप्त्वागत्य च मंडपं। पूजयित्वा सदस्यान्वै बलिं दद्यात्समंततः॥

āpohiṣṭheti maṁtreṇa kṣiptvāgatya ca maṁḍapaṁ pūjayitvā sadasyānvai baliṁ dadyātsamaṁtataḥ

'आपो हि ष्ठा' मंत्र से जल में छोड़कर और मंडप में लौटकर, सभासदों की पूजा करके, चारों ओर बलि अर्पित करे।

श्लोक 51 (padma.1.27.51)

पुनर्दिनानि होतव्यं चत्वारि राजसत्तम। चतुर्थीकर्म कर्त्तव्यं देयं तत्रापि शक्तितः॥

punardināni hotavyaṁ catvāri rājasattama caturthīkarma karttavyaṁ deyaṁ tatrāpi śaktitaḥ

हे राजश्रेष्ठ! पुनः चार दिनों तक हवन करना चाहिए। चतुर्थी-कर्म करना चाहिए, और वहाँ भी यथाशक्ति दान देना चाहिए।

श्लोक 52 (padma.1.27.52)

कृत्वा तु यज्ञपात्राणि यज्ञोपकरणानि च। ऋत्विग्भ्यस्तु समं दद्यान्मंडपं विभजेत्पुनः॥

kṛtvā tu yajñapātrāṇi yajñopakaraṇāni ca ṛtvigbhyastu samaṁ dadyānmaṁḍapaṁ vibhajetpunaḥ

यज्ञ-पात्र और यज्ञ-सामग्री बनवाकर, उन्हें ऋत्विजों में समान रूप से बाँटे; तथा मंडप को भी पुनः विभाजित करे।

श्लोक 53 (padma.1.27.53)

हेमपात्रीं च शय्यां च विप्राय च निवेदयेत्। ततः सहस्रं विप्राणामथवाऽष्टशतं तथा॥

hemapātrīṁ ca śayyāṁ ca viprāya ca nivedayet tataḥ sahasraṁ viprāṇāmathavā'ṣṭaśataṁ tathā

स्वर्ण-पात्री और शय्या ब्राह्मण को निवेदित करे। तत्पश्चात् एक सहस्र ब्राह्मणों को, अथवा आठ सौ —

श्लोक 54 (padma.1.27.54)

भोजनीयं यथाशक्ति पंचाशद्वाथ विंशतिः। एवमेष पुराणेषु तटाकविधिरुच्यते॥

bhojanīyaṁ yathāśakti paṁcāśadvātha viṁśatiḥ evameṣa purāṇeṣu taṭākavidhirucyate

— यथाशक्ति भोजन कराए, अथवा पचास या बीस को। इस प्रकार पुराणों में यह तटाक-विधि कही गई है।

श्लोक 55 (padma.1.27.55)

कूपवापीषु सर्वासु तथा पुष्करिणीषु च। एष एव विधिर्दृष्टः प्रतिष्ठासु तथैव च॥

kūpavāpīṣu sarvāsu tathā puṣkariṇīṣu ca eṣa eva vidhirdṛṣṭaḥ pratiṣṭhāsu tathaiva ca

सभी कुओं और बावड़ियों में, तथा पुष्करिणियों में भी यही विधि दृष्ट है, और प्रतिष्ठाओं में भी इसी प्रकार।

श्लोक 56 (padma.1.27.56)

मंत्रतस्तु विशेषः स्यात्प्रासादोद्यानभूमिषु। अयं त्वशक्तावर्धेन विधिर्दृष्टः स्वयंभुवा॥

maṁtratastu viśeṣaḥ syātprāsādodyānabhūmiṣu ayaṁ tvaśaktāvardhena vidhirdṛṣṭaḥ svayaṁbhuvā

परंतु मंदिर, उद्यान और भूमि में मंत्र की दृष्टि से भेद होता है। किंतु असमर्थ के लिए स्वयंभू (ब्रह्मा) द्वारा यह विधि आधे रूप में भी मान्य दृष्ट है।

श्लोक 57 (padma.1.27.57)

स्वल्पेष्वेकाग्निवत्कार्यो वित्तशाठ्यविवर्जितैः। प्रावृट्काले स्थितं तोयमग्निष्टोमसमं स्मृतम्॥

svalpeṣvekāgnivatkāryo vittaśāṭhyavivarjitaiḥ prāvṛṭkāle sthitaṁ toyamagniṣṭomasamaṁ smṛtam

छोटे जलाशयों में धन के प्रति कपटरहित होकर एकाग्नि-रीति से यह किया जाए। वर्षा-काल में स्थित जल अग्निष्टोम के समान माना गया है।

श्लोक 58 (padma.1.27.58)

शरत्कालस्थितं यत्स्यात्तदुक्तफलदायकम्। वाजपेयातिरात्राभ्यां हेमंते शिशिरे स्थितम्॥

śaratkālasthitaṁ yatsyāttaduktaphaladāyakam vājapeyātirātrābhyāṁ hemaṁte śiśire sthitam

शरत्काल में स्थित जल उक्त फल देने वाला है। हेमंत और शिशिर में स्थित जल वाजपेय और अतिरात्र के समान है।

श्लोक 59 (padma.1.27.59)

अश्वमेधसमं प्राहुर्वसंतसमये स्थितम्। ग्रीष्मेपि यत्स्थितं तोयं राजसूयाद्विशिष्यते॥

aśvamedhasamaṁ prāhurvasaṁtasamaye sthitam grīṣmepi yatsthitaṁ toyaṁ rājasūyādviśiṣyate

वसंत ऋतु में स्थित जल को अश्वमेध के समान कहा गया है। ग्रीष्म में भी स्थित जल राजसूय से भी बढ़कर है।

श्लोक 60 (padma.1.27.60)

एतान्महाराज विशेषधर्मान्करोति चोर्व्यामतिशुद्धबुद्धिः। स याति ब्रह्मालयमेव शुद्धः कल्पाननेकान्दिवि मोदते च॥

etānmahārāja viśeṣadharmānkaroti corvyāmatiśuddhabuddhiḥ sa yāti brahmālayameva śuddhaḥ kalpānanekāndivi modate ca

हे महाराज! जो अत्यंत शुद्ध बुद्धिवाला पुरुष पृथ्वी पर इन विशेष धर्म-कार्यों को करता है, वह शुद्ध होकर ब्रह्मलोक को ही प्राप्त होता है और अनेक कल्पों तक स्वर्ग में आनंद भोगता है।

श्लोक 61 (padma.1.27.61)

अनेकलोकान्विचरन्स्वरादीन्भुक्त्वा परार्धद्वयमङ्गनाभिः। सहैव विष्णोः परमं पदं यत्प्राप्नोति तद्योगबलेन भूयः॥

anekalokānvicaransvarādīnbhuktvā parārdhadvayamaṅganābhiḥ sahaiva viṣṇoḥ paramaṁ padaṁ yatprāpnoti tadyogabalena bhūyaḥ

स्वर्लोक आदि अनेक लोकों में विचरण करते हुए, दो पराद्र्धों तक अप्सराओं सहित भोग करके, वह योगबल से पुनः भगवान् विष्णु के उस परम पद को प्राप्त करता है।