सौभाग्यशयन-व्रत

श्लोक 1 (padma.1.29.1)

पुलस्त्य उवाच। तथैवान्यत्प्रवक्ष्यामि सर्वकामफलप्रदम्। सौभाग्यशयनंनाम यत्पुराणविदो विदुः॥

pulastya uvāca tathaivānyatpravakṣyāmi sarvakāmaphalapradam saubhāgyaśayanaṁnāma yatpurāṇavido viduḥ

पुलस्त्य ने कहा — इसी प्रकार अब मैं एक अन्य व्रत बताऊँगा, जो सभी कामनाओं का फल देने वाला है, जिसे सौभाग्यशयन नाम से पुराण-वेत्ता जानते हैं।

श्लोक 2 (padma.1.29.2)

पुरा दग्धेषु लोकेषु भूर्भुवः स्वर्महादिषु। सौभाग्यं सर्वभूतानामेकस्थमभवत्तदा॥

purā dagdheṣu lokeṣu bhūrbhuvaḥ svarmahādiṣu saubhāgyaṁ sarvabhūtānāmekasthamabhavattadā

प्राचीन काल में जब भूः, भुवः, स्वः, महः आदि लोक भस्म हो गए थे, तब समस्त प्राणियों का सौभाग्य एक ही स्थान में एकत्रित हो गया था।

श्लोक 3 (padma.1.29.3)

वैकुंठं सर्वमासाद्य विष्णोर्वक्षस्थले स्थितम्। ततः कालेन कियता पुनः सर्गविधौ नृपः॥

vaikuṁṭhaṁ sarvamāsādya viṣṇorvakṣasthale sthitam tataḥ kālena kiyatā punaḥ sargavidhau nṛpaḥ

सब कुछ वैकुंठ में पहुँचकर विष्णु के वक्षःस्थल पर स्थित हो गया। तत्पश्चात् कुछ काल बीतने पर, हे राजन्, पुनः सृष्टि के समय —

श्लोक 4 (padma.1.29.4)

अहंकारवृतेलोके प्रधानपुरुषान्विते। स्पर्द्धायां च प्रवृद्धायां कमलासनकृष्णयोः॥

ahaṁkāravṛtelokepra dhānapuruṣānvite spardhāyāṁ ca pravṛddhāyāṁ kamalāsanakṛṣṇayoḥ

— जब लोक अहंकार से आवृत था, प्रधान और पुरुष से युक्त था, और कमलासन (ब्रह्मा) तथा कृष्ण (विष्णु) के बीच स्पर्धा बढ़ने लगी —

श्लोक 5 (padma.1.29.5)

पिंगाकारा समुद्भूता वह्निज्वालातिभीषणा। तयाभितप्तस्य हरेर्वक्षसस्तद्विनिःसृतम्॥

piṁgākārā samudbhūtā vahnijvālātibhīṣaṇā tayābhitaptasya harervakṣasastadviniḥsṛtam

— तब एक तांबई रंग की, अत्यंत भीषण अग्नि-ज्वाला उत्पन्न हुई। उससे संतप्त हरि के वक्षःस्थल से वह सौभाग्य बाहर निकला।

श्लोक 6 (padma.1.29.6)

यद्वक्षःस्थलमाश्रित्य विष्णोः सौभाग्यमास्थितम्। रसरूपं न तद्यावदाप्नोति वसुधातले॥

yadvakṣaḥsthalamāśritya viṣṇoḥ saubhāgyamāsthitam rasarūpaṁ na tadyāvadāpnoti vasudhātale

जो सौभाग्य विष्णु के वक्षःस्थल का आश्रय लेकर वहाँ रस-रूप में स्थित था, वह अभी तक पृथ्वी तल पर नहीं पहुँचा था।

श्लोक 7 (padma.1.29.7)

उत्क्षिप्तमंतरिक्षात्तु ब्रह्मपुत्रेण धीमता। दक्षेण पीतमात्रं तद्रूपलावण्यकारकम्॥

utkṣiptamaṁtarikṣāttu brahmaputreṇa dhīmatā dakṣeṇa pītamātraṁ tadrūpalāvaṇyakārakam

वह आकाश में उछाला गया, और ब्रह्मा के बुद्धिमान पुत्र दक्ष द्वारा पान किए जाते ही, वह रूप और लावण्य का कारण बन गया।

श्लोक 8 (padma.1.29.8)

बलंतेजोमहज्जातं दक्षस्य परमेष्ठिनः। शेषं यदपतद्भूमावष्टधा तद्व्यजायत॥

balaṁtejomahajjātaṁ dakṣasya parameṣṭhinaḥ śeṣaṁ yadapatadbhūmāvaṣṭadhā tadvyajāyata

प्रजापति दक्ष में महान् बल और तेज उत्पन्न हुआ। जो शेष भाग पृथ्वी पर गिरा, वह आठ प्रकार से विभक्त हो गया।

श्लोक 9 (padma.1.29.9)

ततस्त्वोषधयो जाताः सप्त सौभाग्यदायिकाः। इक्षवस्तरुराजश्च निष्पवावश्शालिधान्यकम्॥

tatastvoṣadhayo jātāḥ sapta saubhāgyadāyikāḥ ikṣavastarurājaśca niṣpavāvaśśālidhānyakam

उससे सात सौभाग्यदायक औषधियाँ उत्पन्न हुईं — ईख, वृक्षराज, निष्पाव (सेम), और शालि धान्य —

श्लोक 10 (padma.1.29.10)

विकारवच्च गोक्षीरं कुसुंभं कुसुमं तथा। लवणं चाष्टमं तद्वत्सौभाग्याष्टकमुच्यते॥

vikāravacca gokṣīraṁ kusuṁbhaṁ kusumaṁ tathā lavaṇaṁ cāṣṭamaṁ tadvatsaubhāgyāṣṭakamucyate

— तथा उसका विकार गोदुग्ध, कुसुंभ और उसका पुष्प; तथा आठवाँ लवण — इस प्रकार यह सौभाग्याष्टक कहलाता है।

श्लोक 11 (padma.1.29.11)

पीतं यद्ब्रह्मपुत्रेण योगज्ञानविदा पुरा। दुहिता साभवत्तस्माद्या सतीत्यभिधीयते॥

pītaṁ yadbrahmaputreṇa yogajñānavidā purā duhitā sābhavattasmādyā satītyabhidhīyate

जो पूर्वकाल में योग-ज्ञान के ज्ञाता ब्रह्मपुत्र (दक्ष) द्वारा पान किया गया था, उससे एक कन्या उत्पन्न हुई, जो सती कहलाती है।

श्लोक 12 (padma.1.29.12)

लोकानतीत्य लालित्याल्ललिता तेन चोच्यते। त्रैलोक्यसुंदरीं देवीमुपयेमे पिनाकधृत्॥

lokānatītya lālityāllalitā tena cocyate trailokyasuṁdarīṁ devīmupayeme pinākadhṛt

सभी लोकों को लालित्य में लाँघकर वह ललिता कहलाई। पिनाकधारी (शिव) ने उस त्रैलोक्य-सुंदरी देवी से विवाह किया।

श्लोक 13 (padma.1.29.13)

त्रिविश्वसौभाग्यमयीं भुक्तिमुक्तिफलप्रदाम्। तामाराध्य पुमान्भक्त्या नारी वा किं न विंदति॥

triviśvasaubhāgyamayīṁ bhuktimuktiphalapradām tāmārādhya pumānbhaktyā nārī vā kiṁ na viṁdati

वह त्रिलोक के सौभाग्य से युक्त, भुक्ति और मुक्ति दोनों फल देने वाली हैं — उनकी भक्तिपूर्वक आराधना करके पुरुष अथवा स्त्री क्या नहीं प्राप्त करता?

श्लोक 14 (padma.1.29.14)

भीष्म उवाच। कथमाराधनं तस्या ललिताया मुने वद। यद्विधानं च जगतः शांतये तद्वदस्व मे॥

bhīṣma uvāca kathamārādhanaṁ tasyā lalitāyā mune vada yadvidhānaṁ ca jagataḥ śāṁtaye tadvadasva me

भीष्म ने कहा — हे मुने! उस ललिता की आराधना किस प्रकार की जाती है, यह बताइए। तथा जगत् की शांति के लिए जो विधान है, वह भी मुझे बताइए।

श्लोक 15 (padma.1.29.15)

पुलस्त्य उवाच। वसंतमासमासाद्य तृतीयायां जनप्रियः। शुक्लपक्षस्य पूर्वाह्णे तिलैः स्नानं समाचरेत्॥

pulastya uvāca vasaṁtamāsamāsādya tṛtīyāyāṁ janapriyaḥ śuklapakṣasya pūrvāhṇe tilaiḥ snānaṁ samācaret

पुलस्त्य ने कहा — वसंत मास में तृतीया तिथि को, शुक्ल पक्ष के पूर्वाह्न में, जनप्रिय पुरुष तिलों से स्नान करे।

श्लोक 16 (padma.1.29.16)

तस्मिन्नहनि सा देवी किल विश्वात्मना सती। पाणिग्रहणिकैर्मंत्रैरुदूढा वरवर्णिनी॥

tasminnahani sā devī kila viśvātmanā satī pāṇigrahaṇikairmaṁtrairudūḍhā varavarṇinī

उस दिन ही वह देवी सती, अत्युत्तम वर्णवाली, विश्वात्मा (शिव) द्वारा पाणिग्रहण-मंत्रों से विवाहित हुई थीं।

श्लोक 17 (padma.1.29.17)

तया सहैव विश्वेशं तृतीयायामथार्चयेत्। फलैर्नानाविधैर्दीपैर्धूपैर्नैवेद्यसंयुतैः॥

tayā sahaiva viśveśaṁ tṛtīyāyāmathārcayet phalairnānāvidhairdīpairdhūpairnaivedyasaṁyutaiḥ

उस तृतीया को विश्वेश्वर की उन्हीं के साथ पूजा करे — विविध फलों, दीपों, धूप और नैवेद्य के साथ।

श्लोक 18 (padma.1.29.18)

प्रतिमां पंचगव्येन तथा गंधोदकेन च। स्नापयित्वार्चयेद्गौरीमिंदुशेखरसंयुताम्॥

pratimāṁ paṁcagavyena tathā gaṁdhodakena ca snāpayitvārcayedgaurīmiṁduśekharasaṁyutām

प्रतिमा को पंचगव्य से तथा गंधोदक से स्नान कराकर, चंद्रशेखर सहित गौरी की पूजा करे।

श्लोक 19 (padma.1.29.19)

नमोस्तु पाटलायै तु पादौ देव्याः शिवस्य च। शिवायेति च संकीर्त्य जयायै गुल्फयोर्द्वयोः॥

namostu pāṭalāyai tu pādau devyāḥ śivasya ca śivāyeti ca saṁkīrtya jayāyai gulphayordvayoḥ

'पाटलायै नमः' कहते हुए देवी और शिव के दोनों चरणों पर; 'शिवाय' कहकर दोनों टखनों पर 'जयायै' अर्पित करे।

श्लोक 20 (padma.1.29.20)

त्र्यंबकायेति रुद्रस्य भवान्यै जंघयोर्युगम्। शिरो रुद्रेश्वरायेति विजयायै च जानुनी॥

tryaṁbakāyeti rudrasya bhavānyai jaṁghayoryugam śiro rudreśvarāyeti vijayāyai ca jānunī

रुद्र के लिए 'त्र्यंबकाय' कहे, भवानी के लिए दोनों जंघाओं पर; सिर पर 'रुद्रेश्वराय' कहे, और दोनों घुटनों पर 'विजयायै'।

श्लोक 21 (padma.1.29.21)

संकीर्त्य हरिकेशाय तथोरुवरदे नमः। ईशायेति कटिं रत्यै शंकरायेति शंकरम्॥

saṁkīrtya harikeśāya tathoruvarade namaḥ īśāyeti kaṭiṁ ratyai śaṁkarāyeti śaṁkaram

'हरिकेशाय' कहकर, तथा दोनों उरुओं पर 'वरदे नमः'; 'ईशाय' कहते हुए कटि पर, 'रत्यै' कहते हुए, और शंकर के लिए 'शंकराय'।

श्लोक 22 (padma.1.29.22)

कुक्षिद्वयं च कोटव्यै शूलिनं शूलपाणये। मंगलायै नमस्तुभ्यमुदरं चाभिभूजयेत्॥

kukṣidvayaṁ ca koṭavyai śūlinaṁ śūlapāṇaye maṁgalāyai namastubhyamudaraṁ cābhibhūjayet

दोनों कुक्षियों (पार्श्वों) पर 'कोटव्यै'; शूली (शिव) को 'शूलपाणये' कहकर पूजे। 'मंगलायै नमस्तुभ्यम्' कहते हुए उदर की पूजा करे।

श्लोक 23 (padma.1.29.23)

सर्वात्मने नमो रुद्रमीशान्यै च कुचद्वयम्। शिवं वेदात्मने तद्वद्रुद्राण्यै कंठमर्चयेत्॥

sarvātmane namo rudramīśānyai ca kucadvayam śivaṁ vedātmane tadvadrudrāṇyai kaṁṭhamarcayet

'सर्वात्मने नमः' कहकर रुद्र की, और दोनों स्तनों पर 'ईशान्यै' की पूजा करे। शिव की 'वेदात्मने' कहकर, तथा कंठ की 'रुद्राण्यै' कहकर पूजा करे।

श्लोक 24 (padma.1.29.24)

त्रिपुरघ्नाय विश्वेशमनंतायै करद्वयम्। त्रिलोचनायेति हरं बाहू कालानलप्रिये॥

tripuraghnāya viśveśamanaṁtāyai karadvayam trilocanāyeti haraṁ bāhū kālānalapriye

'त्रिपुरघ्नाय' कहकर विश्वेश की, दोनों हाथों पर 'अनंतायै' की पूजा करे। 'त्रिलोचनाय' कहकर हर की, दोनों भुजाओं पर 'कालानलप्रिये' की पूजा करे।

श्लोक 25 (padma.1.29.25)

सौभाग्यभवनायेति भूषणानि सदार्चयेत्। स्वाहास्वधायै च मुखमीश्वरायेति शूलिनम्॥

saubhāgyabhavanāyeti bhūṣaṇāni sadārcayet svāhāsvadhāyai ca mukhamīśvarāyeti śūlinam

'सौभाग्यभवनाय' कहकर आभूषणों की सदा पूजा करे। 'स्वाहास्वधायै' कहकर मुख की, 'ईश्वराय' कहकर शूली की पूजा करे।

श्लोक 26 (padma.1.29.26)

अशोकवनवासिन्यै पूज्यावोष्ठौ च भूतिदौ। स्थाणवे च हरं तद्वदास्यं चंद्रमुखप्रिये॥

aśokavanavāsinyai pūjyāvoṣṭhau ca bhūtidau sthāṇave ca haraṁ tadvadāsyaṁ caṁdramukhapriye

'अशोकवनवासिन्यै' कहकर सौभाग्यदायक दोनों ओठों की पूजा करे। 'स्थाणवे' कहकर हर की, तथा मुख की 'चंद्रमुखप्रिये' कहकर पूजा करे।

श्लोक 27 (padma.1.29.27)

नमोर्धनारीशहरमसितांगीति नासिकाम्। नम उग्राय लोकेशं ललितेति पुनर्भ्रुवौ॥

namordhanārīśaharamasitāṁgīti nāsikām nama ugrāya lokeśaṁ laliteti punarbhruvau

'अर्धनारीश्वराय नमः' कहकर हर की, 'असितांग्यै' कहकर नासिका की पूजा करे। 'उग्राय नमः' कहकर लोकेश की, पुनः 'ललितायै' कहकर दोनों भौंहों की पूजा करे।

श्लोक 28 (padma.1.29.28)

शर्वाय पुरहर्त्तारं वासुदेव्यै तथालकम्। नमः श्रीकंठनाथाय शिवकेशांस्तथार्चयेत्॥

śarvāya purahartāraṁ vāsudevyai tathālakam namaḥ śrīkaṁṭhanāthāya śivakeśāṁstathārcayet

'शर्वाय' कहकर पुरहर्ता (शिव) की, 'वासुदेव्यै' कहकर अलकों (केशों) की पूजा करे। 'श्रीकंठनाथाय नमः' कहकर, तथा शिव के केशों की भी पूजा करे।

श्लोक 29 (padma.1.29.29)

भीमोग्रभीमरूपिण्यै शिरः सर्वात्मने नमः। हरमभ्यर्च्य विधिवत्सौभाग्याष्टकमग्रतः॥

bhīmograbhīmarūpiṇyai śiraḥ sarvātmane namaḥ haramabhyarcya vidhivatsaubhāgyāṣṭakamagrataḥ

'भीमोग्रभीमरूपिण्यै' कहकर सिर की, 'सर्वात्मने नमः' कहकर पूजा करे। इस प्रकार विधिपूर्वक हर की पूजा करके, सामने सौभाग्याष्टक रखे।

श्लोक 30 (padma.1.29.30)

स्थापयेत्स्निग्धनिष्पावान्कुसुंभक्षीरजीरकम्। तरुराजेक्षुलवणं कुस्तुंबुरुमथाष्टमम्॥

sthāpayetsnigdhaniṣpāvānkusuṁbhakṣīrajīrakam tarurājekṣulavaṇaṁ kustuṁburumathāṣṭamam

स्निग्ध निष्पाव (सेम), कुसुंभ, दूध, जीरा; तरुराज (नारियल), ईख, लवण, तथा आठवाँ कुस्तुंबुरु (धनिया) रखे।

श्लोक 31 (padma.1.29.31)

दद्यात्सौभाग्यकृद्यस्मात्सौभाग्याष्टकमित्युत। एवंनिवेद्य तत्सर्वमग्रतः शिवयोः पुनः॥

dadyātsaubhāgyakṛdyasmātsaubhāgyāṣṭakamityuta evaṁnivedya tatsarvamagrataḥ śivayoḥ punaḥ

यह सौभाग्यकारी होने के कारण इसे 'सौभाग्याष्टक' कहा गया है, ऐसा दे। इस प्रकार यह सब शिव-पार्वती के आगे निवेदित करके —

श्लोक 32 (padma.1.29.32)

चैत्रे शृंगाटकान्प्राश्य स्वपेद्भूमावरिंदम। पुनः प्रभाते च तथा कृतस्नानजपः शुचिः॥

caitre śṛṁgāṭakānprāśya svapedbhūmāvariṁdama punaḥ prabhāte ca tathā kṛtasnānajapaḥ śuciḥ

— हे शत्रुदमन! शृंगाटक (सिंघाड़ा) खाकर भूमि पर सोए; तथा पुनः प्रातःकाल स्नान और जप करके शुद्ध होकर —

श्लोक 33 (padma.1.29.33)

संपूज्य द्विजदांपत्यं माल्यवस्त्रं विभूषणैः। सौभाग्याष्टकसंयुक्त सौवर्णं प्रतिमाद्वयम्॥

saṁpūjya dvijadāṁpatyaṁ mālyavastraṁ vibhūṣaṇaiḥ saubhāgyāṣṭakasaṁyukta sauvarṇaṁ pratimādvayam

— एक ब्राह्मण-दंपती को माला, वस्त्र और आभूषणों से, सौभाग्याष्टक सहित, तथा स्वर्ण की दो प्रतिमाओं के साथ पूजकर —

श्लोक 34 (padma.1.29.34)

प्रीयतां मेत्र ललिता ब्राह्मणाय निवेदयेत्। एवं संवत्सरं यावत्तृतीयायां सदा नृप॥

prīyatāṁ metra lalitā brāhmaṇāya nivedayet evaṁ saṁvatsaraṁ yāvattṛtīyāyāṁ sadā nṛpa

— 'यहाँ ललिता मुझ पर प्रसन्न हों' ऐसी प्रार्थना करते हुए ब्राह्मण को निवेदित करे। हे राजन्! इस प्रकार एक वर्ष तक सदा तृतीया को —

श्लोक 35 (padma.1.29.35)

प्राशने दानमंत्रे च विशेषोयं निबोध मे। गोशृंगांबु मधौ प्रोक्तं वैशाखे गोमयं पुनः॥

prāśane dānamaṁtre ca viśeṣoyaṁ nibodha me gośṛṁgāṁbu madhau proktaṁ vaiśākhe gomayaṁ punaḥ

— भोजन और दान-मंत्र में यह विशेष नियम मुझसे समझो। मधु मास (चैत्र) में गोशृंग-जल कहा गया है, वैशाख में पुनः गोमय (गोबर-जल)।

श्लोक 36 (padma.1.29.36)

ज्येष्ठे मंदारकुसुमं बिल्वपत्रं शुचौ स्मृतम्। श्रावणे दधिसंप्राश्यं नभस्ये तु कुशोदकम्॥

jyeṣṭhe maṁdārakusumaṁ bilvapatraṁ śucau smṛtam śrāvaṇe dadhisaṁprāśyaṁ nabhasye tu kuśodakam

ज्येष्ठ में मंदार-पुष्प, आषाढ़ में बिल्वपत्र स्मृत है। श्रावण में दधि खाना चाहिए, भाद्रपद में कुश-जल।

श्लोक 37 (padma.1.29.37)

क्षीरं चाश्वयुजे मासि कार्त्तिके पृषदाज्यकम्। मार्गशीर्षे तु गोमूत्रं पौषे संप्राशयेद्घृतम्॥

kṣīraṁ cāśvayuje māsi kārttike pṛṣadājyakam mārgaśīrṣe tu gomūtraṁ pauṣe saṁprāśayedghṛtam

आश्विन मास में दूध, कार्तिक में पृषदाज्य (दधि-मिश्रित घृत)। मार्गशीर्ष में गोमूत्र, पौष में घृत का सेवन कराए।

श्लोक 38 (padma.1.29.38)

माघे कृष्णतिलांस्तद्वत्पंचगव्यं च फाल्गुने। ललिता विजया भद्रा भवानी कुमुदा शिवा॥

māghe kṛṣṇatilāṁstadvatpaṁcagavyaṁ ca phālgune lalitā vijayā bhadrā bhavānī kumudā śivā

माघ में कृष्ण तिल, तथा फाल्गुन में पंचगव्य। ललिता, विजया, भद्रा, भवानी, कुमुदा, शिवा —

श्लोक 39 (padma.1.29.39)

वासुदेवी तथा गौरी मंगला कमला सती। उमा च दानकाले तु प्रीयतामिति कीर्त्तयेत्॥

vāsudevī tathā gaurī maṁgalā kamalā satī umā ca dānakāle tu prīyatāmiti kīrttayet

— वासुदेवी, तथा गौरी, मंगला, कमला, सती और उमा — दान के समय 'प्रसन्न हों' कहकर इनका कीर्तन करे।

श्लोक 40 (padma.1.29.40)

तस्मिंस्तु द्वादशे मासि द्वादश्यां कृष्णमर्चयेत्। तथा लक्ष्मीं च तत्रैव भर्त्रा सार्धमथार्चयेत्॥

tasmiṁstu dvādaśe māsi dvādaśyāṁ kṛṣṇamarcayet tathā lakṣmīṁ ca tatraiva bhartrā sārdhamathārcayet

उस बारहवें महीने में, द्वादशी को कृष्ण की पूजा करे; तथा वहीं लक्ष्मी की भी उनके पति सहित पूजा करे।

श्लोक 41 (padma.1.29.41)

पौर्णमास्यामतस्तद्वत्सपत्नीकः पितामहः। उपासनीयो विदुषा परत्रा भीतिमिच्छता॥

paurṇamāsyāmatastadvatsapatnīkaḥ pitāmahaḥ upāsanīyo viduṣā paratrā bhītimicchatā

उसी प्रकार पूर्णिमा को, पितामह (ब्रह्मा) की उनकी पत्नी सहित, परलोक में निर्भयता चाहने वाले विद्वान् द्वारा उपासना करनी चाहिए।

श्लोक 42 (padma.1.29.42)

सौभाग्याष्टकं तद्वच्च दातव्यं भूतिमिच्छता। मल्लिकाशोककमलं कदंबोत्पलचंपकम्॥

saubhāgyāṣṭakaṁ tadvacca dātavyaṁ bhūtimicchatā mallikāśokakamalaṁ kadaṁbotpalacaṁpakam

सौभाग्याष्टक भी ऐश्वर्य चाहने वाले द्वारा उसी प्रकार दिया जाए। मल्लिका, अशोक, कमल, कदंब, नीलकमल, चंपक —

श्लोक 43 (padma.1.29.43)

कुब्जकं करवीरं च बाणमम्लानपंकजम्। सिंदुवारं च सर्वेषु मासेषु कुसुमं स्मृतम्॥

kubjakaṁ karavīraṁ ca bāṇamamlānapaṁkajam siṁduvāraṁ ca sarveṣu māseṣu kusumaṁ smṛtam

— कुब्जक, करवीर, बाण, अम्लान (अकुम्हलाया) कमल, और सिंदुवार — ये पुष्प सभी महीनों में स्मृत हैं।

श्लोक 44 (padma.1.29.44)

जपाकुसुंभकुसुमं मालती शतपत्रिका। यथालाभं प्रशस्तानि करवीरं च सर्वदा॥

japākusuṁbhakusumaṁ mālatī śatapatrikā yathālābhaṁ praśastāni karavīraṁ ca sarvadā

जपा (गुड़हल) और कुसुंभ के पुष्प, मालती, शतपत्रिका — जैसा उपलब्ध हो, वे प्रशस्त हैं; तथा करवीर सदा।

श्लोक 45 (padma.1.29.45)

एवं संवत्सरं यावदुपोष्य विधिवन्नरः। स्त्री च नक्तं कुमारी च शिवमभ्यर्च्य भक्तितः॥

evaṁ saṁvatsaraṁ yāvadupoṣya vidhivannaraḥ strī ca naktaṁ kumārī ca śivamabhyarcya bhaktitaḥ

इस प्रकार एक वर्ष तक विधिपूर्वक उपवास करके — पुरुष, नक्त-भोजन करने वाली स्त्री, और कुमारी भी — भक्तिपूर्वक शिव की पूजा करके —

श्लोक 46 (padma.1.29.46)

व्रतांते शयनं दद्यात्सर्वोपस्करसंयुतम्। उमामहेश्वरौ हैमौ वृषभं च गवा सह॥

vratāṁte śayanaṁ dadyātsarvopaskarasaṁyutam umāmaheśvarau haimau vṛṣabhaṁ ca gavā saha

— व्रत की समाप्ति पर सभी उपकरणों सहित शय्या दान करे; स्वर्ण की उमा-महेश्वर प्रतिमा, वृषभ, तथा गौ भी।

श्लोक 47 (padma.1.29.47)

स्थापयित्वा च शयनं ब्राह्मणाय निवेदयेत्। द्वादश्यां वत्सरं त्वेकं महालक्ष्म्या च केशवम्॥

sthāpayitvā ca śayanaṁ brāhmaṇāya nivedayet dvādaśyāṁ vatsaraṁ tvekaṁ mahālakṣmyā ca keśavam

शय्या स्थापित करके ब्राह्मण को निवेदित करे। द्वादशी को एक वर्ष तक महालक्ष्मी सहित केशव की —

श्लोक 48 (padma.1.29.48)

ब्रह्माणं सह सावित्र्या पूजयित्वा नरस्त्विह। सर्वान्कामानवाप्नोति मनसा समभीप्सितान्॥

brahmāṇaṁ saha sāvitryā pūjayitvā narastviha sarvānkāmānavāpnoti manasā samabhīpsitān

— तथा सावित्री सहित ब्रह्मा की पूजा करके, मनुष्य यहाँ मन में इच्छित समस्त कामनाओं को प्राप्त करता है।

श्लोक 49 (padma.1.29.49)

अन्यान्यपि यथाशक्ति मिथुनान्यंबरादिभिः। धान्यालङ्कारगोदानैरन्यैश्च धनसञ्चयैः॥

anyānyapi yathāśakti mithunānyaṁbarādibhiḥ dhānyālaṅkāragodānairanyaiśca dhanasañcayaiḥ

अन्य देव-युगलों की भी यथाशक्ति वस्त्र आदि से, अन्न, आभूषण और गौ-दान से, तथा अन्य संचित धन से पूजा करे।

श्लोक 50 (padma.1.29.50)

वित्तशाठयेन रहितः पूजयेद्गतविस्मयः। एवं करोति यः सम्यक्सौभाग्यशयनव्रतम्॥

vittaśāṭhyena rahitaḥ pūjayedgatavismayaḥ evaṁ karoti yaḥ samyaksaubhāgyaśayanavratam

धन के प्रति कपटरहित, अभिमानरहित होकर पूजा करे। जो इस प्रकार सम्यक् रूप से सौभाग्यशयन-व्रत करता है —

श्लोक 51 (padma.1.29.51)

सर्वान्कामानवाप्नोति पदं वा नित्यमश्नुते। फलस्यैकस्य च त्यागमेतत्कुर्वन्समाचरेत्॥

sarvānkāmānavāpnoti padaṁ vā nityamaśnute phalasyaikasya ca tyāgametatkurvansamācaret

— वह समस्त कामनाओं को प्राप्त करता है, अथवा नित्य पद को प्राप्त होता है। इसे करते हुए किसी एक फल के त्याग का भी आचरण करे।

श्लोक 52 (padma.1.29.52)

यशः कीर्तिमवाप्नोति प्रतिमासं नराधिप। सौभाग्यारोग्यरूपैश्च वस्त्रालंकारभूषणैः॥

yaśaḥ kīrtimavāpnoti pratimāsaṁ narādhipa saubhāgyārogyarūpaiśca vastrālaṁkārabhūṣaṇaiḥ

हे नराधिप! वह प्रतिमास यश और कीर्ति प्राप्त करता है; तथा सौभाग्य, आरोग्य, रूप, वस्त्र और आभूषणों से युक्त —

श्लोक 53 (padma.1.29.53)

न वियुक्तो भवेद्राजन्सौभाग्यशयनप्रदः। यस्तु द्वादशवर्षाणि सौभाग्यशयनव्रतम्॥

na viyukto bhavedrājansaubhāgyaśayanapradaḥ yastu dvādaśavarṣāṇi saubhāgyaśayanavratam

— हे राजन्! वह कभी वियुक्त नहीं होता, क्योंकि सौभाग्यशयन ही यह सब प्रदान करने वाला है। और जो बारह वर्षों तक सौभाग्यशयन-व्रत करता है —

श्लोक 54 (padma.1.29.54)

करोति सप्त चाष्टौ वा ब्रह्मलोके महीयते। पूज्यमानो वसेत्सम्यक्यावत्कल्पायुतं नरः॥

karoti sapta cāṣṭau vā brahmaloke mahīyate pūjyamāno vasetsamyakyāvatkalpāyutaṁ naraḥ

— अथवा सात या आठ वर्षों तक करता है, वह ब्रह्मलोक में महिमामंडित होता है। पूजित होता हुआ मनुष्य वहाँ दस सहस्र कल्पों तक निवास करता है।

श्लोक 55 (padma.1.29.55)

विष्णोर्लोकमथासाद्य शिवलोकगतस्तथा। नारी वा कुरुते या तु कुमारी वा नरेश्वर॥

viṣṇorlokamathāsādya śivalokagatastathā nārī vā kurute yā tu kumārī vā nareśvara

तत्पश्चात् वह विष्णु के लोक को, तथा उसी प्रकार शिवलोक को भी प्राप्त होता है। और हे नरेश्वर, जो स्त्री अथवा कुमारी इसे करती है —

श्लोक 56 (padma.1.29.56)

सापि तत्फलमाप्नोति देव्यनुग्रहलालिता। शृणुयादपि यश्चैव प्रदद्यादथवा मतिम्॥

sāpi tatphalamāpnoti devyanugrahalālitā śṛṇuyādapi yaścaiva pradadyādathavā matim

— वह भी देवी की कृपा से पालित होकर उसी फल को प्राप्त करती है। और जो भी इसे सुनता है, अथवा इसकी समझ दूसरों को देता है —

श्लोक 57 (padma.1.29.57)

सोपि विद्याधरो भूत्वा स्वर्गलोके चिरं वसेत्। इदमिह मदनेन पूर्वसृष्टं शतधनुषा च कृतं नरेण तद्वत्॥

sopi vidyādharo bhūtvā svargaloke ciraṁ vaset idamiha madanena pūrvasṛṣṭaṁ śatadhanuṣā ca kṛtaṁ nareṇa tadvat

— वह भी विद्याधर बनकर दीर्घकाल तक स्वर्गलोक में निवास करता है। यह यहाँ पहले काम (मदन) ने किया था, तथा उसी प्रकार शतधनु नामक पुरुष ने भी किया था।

श्लोक 58 (padma.1.29.58)

कृतमथ पवनेन नंदिना च किमु जननाथमहाद्भुतं न वा स्यात्॥

kṛtamatha pavanena naṁdinā ca kimu jananāthamahādbhutaṁ na vā syāt

यह पवन (वायुदेव) और नंदी ने भी किया था — तो फिर, हे राजन्, इससे क्या महान् अद्भुत फल प्राप्त न होगा?