तीर्थावतार

श्लोक 1 (padma.1.32.1)

भीष्म उवाच। केन कर्मविपाकेन प्रेतत्वं जायते पुनः। केन वात्र प्रमुच्येत तन्मे ब्रूहि महामते।

bhīṣma uvāca kena karmavipākena pretatvaṁ jāyate punaḥ kena vātra pramucyeta tanme brūhi mahāmate

भीष्म ने कहा — किस कर्म-विपाक से प्रेतत्व प्राप्त होता है? और इससे कैसे मुक्ति मिलती है? हे महामते! यह मुझे बताइए।

श्लोक 2 (padma.1.32.2)

पुलस्त्य उवाच। अहं ते कथयिष्यामि सर्वमेतदशेषतः। यच्छ्रुत्वा न पुनर्मोहं यास्यते नृपसत्तम।

pulastya uvāca ahaṁ te kathayiṣyāmi sarvametadaśeṣataḥ yacchrutvā na punarmohaṁ yāsyate nṛpasattama

पुलस्त्य ने कहा — मैं तुम्हें यह सब पूर्ण रूप से बताता हूँ; इसे सुनकर, हे नृपसत्तम! तुम पुनः मोह को प्राप्त नहीं होगे।

श्लोक 3 (padma.1.32.3)

येन जायेत प्रेतत्वं येन चास्मात्प्रमुच्यते। प्राप्नोति नरकं घोरं दुस्तरं त्रिदशैरपि।

yena jāyeta pretatvaṁ yena cāsmātpramucyate prāpnoti narakaṁ ghoraṁ dustaraṁ tridaśairapi

जिससे प्रेतत्व प्राप्त होता है और जिससे उससे मुक्ति मिलती है — वह ऐसे घोर नरक को प्राप्त होता है जो देवताओं के लिए भी दुस्तर है।

श्लोक 4 (padma.1.32.4)

सतां संभाषणे चैव पुण्यतीर्थानुकीर्त्तने। मानवास्तु प्रमुच्यंत आपन्नाः प्रेतयोनिषु।

satāṁ saṁbhāṣaṇe caiva puṇyatīrthānukīrttane mānavāstu pramucyaṁta āpannāḥ pretayoniṣu

सज्जनों के साथ वार्तालाप और पुण्य तीर्थों के कीर्तन से प्रेत-योनि में पड़े हुए मनुष्य भी मुक्त हो जाते हैं।

श्लोक 5 (padma.1.32.5)

श्रूयते हि पुरा भीष्म ब्राह्मणः संशितव्रतः। पृथुस्सर्वत्र विख्यातः संतोषे च सदा स्थितः।

śrūyate hi purā bhīṣma brāhmaṇaḥ saṁśitavrataḥ pṛthussarvatra vikhyātaḥ saṁtoṣe ca sadā sthitaḥ

हे भीष्म! सुना जाता है कि पूर्वकाल में एक दृढ़व्रती ब्राह्मण था, जो सर्वत्र विख्यात था और सदा संतोष में स्थित रहता था।

श्लोक 6 (padma.1.32.6)

स्वाध्याययुक्तो गेहेषु नित्ययोगश्च योगवित्। जपयज्ञविधानेन युक्तं कालं क्षिपेच्च सः।

svādhyāyayukto geheṣu nityayogaśca yogavit japayajñavidhānena yuktaṁ kālaṁ kṣipecca saḥ

वह घर में स्वाध्याय में लीन रहता था, नित्य योगयुक्त और योगवेत्ता था; जप-यज्ञ की विधि से वह अपना समय व्यतीत करता था।

श्लोक 7 (padma.1.32.7)

युक्तः क्षमादयाभ्यां च क्षांत्यायुक्तश्च तत्त्ववित्। अहिंसाहितचित्तश्च मार्द्दवे च तथास्थितः।

yuktaḥ kṣamādayābhyāṁ ca kṣāṁtyāyuktaśca tattvavit ahiṁsāhitacittaśca mārddave ca tathāsthitaḥ

क्षमा और दया से युक्त, सहनशील तथा तत्त्वज्ञ था; उसका चित्त अहिंसा में रत था और वह सदा कोमलता में स्थित था।

श्लोक 8 (padma.1.32.8)

ब्रह्मचर्यसमायुक्तस्तपोयोगसमन्वितः। युक्तः स पितृकार्येषु युक्तो वैदिककर्मसु।

brahmacaryasamāyuktastapoyogasamanvitaḥ yuktaḥ sa pitṛkāryeṣu yukto vaidikakarmasu

ब्रह्मचर्य में संलग्न, तप-योग से युक्त; पितृकार्यों में तथा वैदिक कर्मों में तत्पर था।

श्लोक 9 (padma.1.32.9)

परलोकभयेयुक्तो युक्तस्सत्यवचः प्रति। युक्तो मधुरवाक्येषु युक्तश्चातिथिपूजने।

paralokabhayeyukto yuktassatyavacaḥ prati yukto madhuravākyeṣu yuktaścātithipūjane

परलोक के भय से युक्त, सत्यवचन में तत्पर; मधुरवाणी में और अतिथि-पूजा में तत्पर था।

श्लोक 10 (padma.1.32.10)

इष्टापूर्तसमायुक्तो युक्तो द्वंद्वविवर्जने। स्वकर्मविधिसंयुक्तो युक्तः स्वाध्यायकर्मसु।

iṣṭāpūrtasamāyukto yukto dvaṁdvavivarjane svakarmavidhisaṁyukto yuktaḥ svādhyāyakarmasu

इष्ट-पूर्त कर्मों में तत्पर, द्वंद्वों के त्याग में तत्पर; अपने कर्म-विधान में तथा स्वाध्याय-कर्म में संलग्न था।

श्लोक 11 (padma.1.32.11)

एवं कर्माणि कुर्वंतस्संसारविजिगीषया। बहून्यब्दान्यतीतानि ब्राह्मणस्य गृहे सतः।

evaṁ karmāṇi kurvaṁtassaṁsāravijigīṣayā bahūnyabdānyatītāni brāhmaṇasya gṛhe sataḥ

इस प्रकार संसार पर विजय पाने की इच्छा से कर्म करते हुए, उस ब्राह्मण के गृहस्थ जीवन में अनेक वर्ष बीत गए।

श्लोक 12 (padma.1.32.12)

तस्य बुद्धिरियं जाता तीर्थाभिगमनं प्रति। पुण्यैस्तीर्थजलैरेतत्क्लिन्नं कुर्यां कलेवरम्।

tasya buddhiriyaṁ jātā tīrthābhigamanaṁ prati puṇyaistīrthajalairetatklinnaṁ kuryāṁ kalevaram

उसके मन में यह विचार उत्पन्न हुआ कि तीर्थयात्रा करूँ: 'मैं इस शरीर को पवित्र तीर्थ-जल से सिक्त करूँ।'

श्लोक 13 (padma.1.32.13)

प्रयतः पुष्करे स्नात्वा भास्करस्योदयं प्रति। कृतजप्यनमस्कारोप्यद्ध्वानं प्रत्यपद्यत।

prayataḥ puṣkare snātvā bhāskarasyodayaṁ prati kṛtajapyanamaskāropyaddhvānaṁ pratyapadyata

पुष्कर में शुद्ध होकर सूर्योदय के समय स्नान करके, जप और नमस्कार करके वह मार्ग पर आगे बढ़ा।

श्लोक 14 (padma.1.32.14)

अग्रतः पंचपुरुषानपश्यत्सोति भीषणान्। वने कंटकवृक्षाढ्ये निर्जने पक्षिवर्जिते।

agrataḥ paṁcapuruṣānapaśyatsoti bhīṣaṇān vane kaṁṭakavṛkṣāḍhye nirjane pakṣivarjite

आगे उसने पाँच अत्यंत भयंकर पुरुषों को देखा, एक ऐसे वन में जो काँटेदार वृक्षों से भरा, निर्जन और पक्षियों से रहित था।

श्लोक 15 (padma.1.32.15)

तान्दृष्ट्वा विकृताकारान्सुघोरान्पापदर्शनान्। ईषत्संत्रस्तहृदयो व्यतिष्ठन्निश्चलाकृतिः।

tāndṛṣṭvā vikṛtākārānsughorānpāpadarśanān īṣatsaṁtrastahṛdayo vyatiṣṭhanniścalākṛtiḥ

उनके विकृत रूप, अत्यंत घोर तथा पापमय स्वरूप को देखकर उसका हृदय कुछ काँप उठा, और वह स्तब्ध होकर खड़ा रह गया।

श्लोक 16 (padma.1.32.16)

अवलंब्य ततो धैर्य्यं भयमुत्सृज्य दूरतः। पप्रच्छ मधुराभाषी के यूयं विकृताः कुतः।

avalaṁbya tato dhairyyaṁ bhayamutsṛjya dūrataḥ papraccha madhurābhāṣī ke yūyaṁ vikṛtāḥ kutaḥ

तब धैर्य धारण कर और भय को दूर छोड़कर उसने मधुर वाणी में पूछा: 'तुम कौन हो, इस प्रकार विकृत, और कहाँ से आए हो?'

श्लोक 17 (padma.1.32.17)

किं वा चैव कृतं कर्म ये नप्राप्ताश्च वैकृतम्। कथमेवंविधाः सर्वे प्रस्थिताः कुत्र चाध्वनि।

kiṁ vā caiva kṛtaṁ karma ye naprāptāśca vaikṛtam kathamevaṁvidhāḥ sarve prasthitāḥ kutra cādhvani

'तुमने ऐसा कौन-सा कर्म किया कि यह विकृति प्राप्त हुई? तुम सब इस प्रकार क्यों हो, और इस मार्ग पर कहाँ जा रहे हो?'

श्लोक 18 (padma.1.32.18)

प्रेता ऊचुः। क्षुत्पिपासान्विता नित्यं महादुःखसमावृताः। हृतप्रज्ञा वयं सर्वे नष्टसञ्ज्ञाविचेतसः।

pretā ūcuḥ kṣutpipāsānvitā nityaṁ mahāduḥkhasamāvṛtāḥ hṛtaprajñā vayaṁ sarve naṣṭasañjñāvicetasaḥ

प्रेतों ने कहा — 'हम सब सदा भूख-प्यास से पीड़ित, महादुःख से घिरे हुए हैं; हमारी बुद्धि हर ली गई है, संज्ञा और चेतना नष्ट हो चुकी है।'

श्लोक 19 (padma.1.32.19)

न जानीमो दिशं चापि प्रदिशं चापि कां च न। नांतरिक्षं महीं चापि न जानीमो दिवं तथा।

na jānīmo diśaṁ cāpi pradiśaṁ cāpi kāṁ ca na nāṁtarikṣaṁ mahīṁ cāpi na jānīmo divaṁ tathā

'हमें न कोई दिशा ज्ञात है, न कोई उपदिशा; न आकाश, न पृथ्वी, न स्वर्ग का ही हमें ज्ञान है।'

श्लोक 20 (padma.1.32.20)

यदेतद्दुःखमाख्यातमेतदेव सुखं भवेत्। प्रभातमिदमाभाति भास्करोदयदर्शनात्।

yadetadduḥkhamākhyātametadeva sukhaṁ bhavet prabhātamidamābhāti bhāskarodayadarśanāt

'जो यह दुःख कहा गया है, वही मानो सुख हो जाए। यह प्रभात सूर्योदय के दर्शन से प्रकाशित हो रहा है।'

श्लोक 21 (padma.1.32.21)

अहं पर्युषितो नाम सूचीमुखस्तथाऽपरः। शीघ्रगो रोहकश्चैव पंचमो लेखकस्तथा।

ahaṁ paryuṣito nāma sūcīmukhastathā'paraḥ śīghrago rohakaścaiva paṁcamo lekhakastathā

'मैं पर्युषित नामक हूँ; दूसरा सूचीमुख; शीघ्रग और रोहक; पाँचवाँ लेखक नामक है।'

श्लोक 22 (padma.1.32.22)

ब्राह्मण उवाच। प्रेतानां कर्मजातानां नाम्ना वै संभवः कुतः। किं तत्कारणमुद्दिश्य यतो यूयं सनामकाः।

brāhmaṇa uvāca pretānāṁ karmajātānāṁ nāmnā vai saṁbhavaḥ kutaḥ kiṁ tatkāraṇamuddiśya yato yūyaṁ sanāmakāḥ

ब्राह्मण ने कहा — 'हे कर्मजात प्रेतो! तुम्हारे इन नामों की उत्पत्ति कहाँ से हुई? किस कारण से तुम इन नामों वाले हो?'

श्लोक 23 (padma.1.32.23)

प्रेता ऊचुः। अहं स्वादु सदा भुंजे दद्यां पर्युषितं द्विजे। एतत्कारणमासाद्य नाम पर्युषितो मम।

pretā ūcuḥ ahaṁ svādu sadā bhuṁje dadyāṁ paryuṣitaṁ dvije etatkāraṇamāsādya nāma paryuṣito mama

प्रेतों ने कहा — 'मैं सदा स्वयं स्वादिष्ट भोजन करता था और ब्राह्मण को बासी भोजन देता था — इसी कारण मेरा नाम पर्युषित पड़ा।'

श्लोक 24 (padma.1.32.24)

सूचिता बहवोऽनेन विप्राश्चान्नाद्यकांक्षिणः। एतत्कारणमुद्दिश्य सूचीमुखाभिधो मतः।

sūcitā bahavo'nena viprāścānnādyakāṁkṣiṇaḥ etatkāraṇamuddiśya sūcīmukhābhidho mataḥ

'इसके द्वारा भोजन के इच्छुक अनेक विप्रों को केवल इशारा भर किया गया — इसी कारण यह सूचीमुख नाम से जाना जाता है।'

श्लोक 25 (padma.1.32.25)

शीघ्रं गतोऽस्मि विप्रेण याचितः क्षुधितेन च। एतत्कारणमुद्दिश्य शीघ्रगो द्विजसत्तम।

śīghraṁ gato'smi vipreṇa yācitaḥ kṣudhitena ca etatkāraṇamuddiśya śīghrago dvijasattama

'जब कोई भूखा ब्राह्मण मुझसे याचना करता, तो मैं शीघ्र वहाँ से चला जाता था — हे द्विजसत्तम, इसी कारण मैं शीघ्रग कहलाया।'

श्लोक 26 (padma.1.32.26)

गृहोपरि सदा स्वादु भुंक्ते द्विजभयेन हि। उद्विग्नमानसस्तत्र तेनासौ रोहकः स्मृतः।

gṛhopari sadā svādu bhuṁkte dvijabhayena hi udvignamānasastatra tenāsau rohakaḥ smṛtaḥ

'ब्राह्मण के भय से यह सदा घर की छत पर चढ़कर स्वादिष्ट भोजन करता था, वहाँ उद्विग्नचित्त रहता था — इसी से यह रोहक कहलाया।'

श्लोक 27 (padma.1.32.27)

मौने चापि स्थितो नित्यं याचितो विलिखन्महीम्। अस्माकमपि पापिष्ठो लेखको नाम नामतः।

maune cāpi sthito nityaṁ yācito vilikhanmahīm asmākamapi pāpiṣṭho lekhako nāma nāmataḥ

'याचना किए जाने पर वह सदा मौन रहकर केवल भूमि कुरेदता रहता था — हम सबमें यह अत्यंत पापी लेखक नामधारी है।'

श्लोक 28 (padma.1.32.28)

कृच्छ्रेण लेखको याति रोहकस्तु अवाक्शिराः। शीघ्रगः पंगुतां प्राप्तः सूची सूचीमुखोऽभवत्।

kṛcchreṇa lekhako yāti rohakastu avākśirāḥ śīghragaḥ paṁgutāṁ prāptaḥ sūcī sūcīmukho'bhavat

लेखक कठिनाई से चलता है; रोहक सिर झुकाए रहता है; शीघ्रग लंगड़ा हो गया है; सूची सूचीमुख हो गया है।

श्लोक 29 (padma.1.32.29)

पर्युषितो लम्बग्रीवो लंबोदर उदाहृतः। बृहद्वृषणलंबोष्ठः पापादस्मादजायत।

paryuṣito lambagrīvo laṁbodara udāhṛtaḥ bṛhadvṛṣaṇalaṁboṣṭhaḥ pāpādasmādajāyata

पर्युषित लंबी गर्दन वाला, लंबोदर कहलाने वाला हो गया, बड़े वृषणों और लटकते ओंठों वाला — यह उस पाप से उत्पन्न हुआ।

श्लोक 30 (padma.1.32.30)

एतत्ते सर्वमाख्यातमात्मवृत्तं सहेतुकम्। पृच्छस्व यदि ते श्रद्धा पृष्टाश्च कथयामहे।

etatte sarvamākhyātamātmavṛttaṁ sahetukam pṛcchasva yadi te śraddhā pṛṣṭāśca kathayāmahe

'यह हमारा सारा वृत्तांत, कारण सहित, तुम्हें बताया गया। यदि तुम्हारी श्रद्धा हो तो और पूछो, हम पूछे जाने पर बताएँगे।'

श्लोक 31 (padma.1.32.31)

ब्राह्मण उवाच। ये जीवा भुवि तिष्ठंति सर्वेप्याहारमूलकाः। युष्माकमपि चाहारं श्रोतुमिच्छामि तत्त्वतः।

brāhmaṇa uvāca ye jīvā bhuvi tiṣṭhaṁti sarvepyāhāramūlakāḥ yuṣmākamapi cāhāraṁ śrotumicchāmi tattvataḥ

ब्राह्मण ने कहा — 'पृथ्वी पर रहने वाले सभी जीव आहार-मूलक हैं; मैं तुम्हारे आहार के विषय में भी यथार्थ रूप से सुनना चाहता हूँ।'

श्लोक 32 (padma.1.32.32)

प्रेता ऊचुः। शृणुष्वाहारमस्माकं सर्वसत्वविगर्हितम्। यच्छ्रुत्वा निंदसे विप्र भूयोभूयश्च नित्यशः।

pretā ūcuḥ śṛṇuṣvāhāramasmākaṁ sarvasatvavigarhitam yacchrutvā niṁdase vipra bhūyobhūyaśca nityaśaḥ

प्रेतों ने कहा — 'हमारा आहार सुनो, जो सभी प्राणियों द्वारा निंदित है; इसे सुनकर, हे विप्र, तुम बार-बार सदा इसकी निंदा करोगे।'

श्लोक 33 (padma.1.32.33)

श्लेष्ममूत्रपुरीषेण योषिदङ्गमलेन च। गृहाणि त्यक्तशौचानि प्रेता भुंजंति तत्र वै।

śleṣmamūtrapurīṣeṇa yoṣidaṅgamalena ca gṛhāṇi tyaktaśaucāni pretā bhuṁjaṁti tatra vai

'कफ, मूत्र, मल तथा स्त्रियों के अंग-मल से युक्त — जो घर शौच-रहित हो गए हैं, वहाँ प्रेत भोजन करते हैं।'

श्लोक 34 (padma.1.32.34)

स्त्रीभिर्दग्धानि कीर्णानि प्रकीर्णोच्छिष्टकानि च। मलेनापि जुगुप्स्यानि प्रेता भुंजंति तत्र वै।

strībhirdagdhāni kīrṇāni prakīrṇocchiṣṭakāni ca malenāpi jugupsyāni pretā bhuṁjaṁti tatra vai

'स्त्रियों द्वारा जलाए, बिखराए हुए तथा फैलाए गए जूठन, मल से भी घृणित — वहाँ प्रेत उन्हें खाते हैं।'

श्लोक 35 (padma.1.32.35)

चित्तलज्जाविहीनानि होमहीनानि यानि च। व्रतैश्चैव विहीनानि प्रेता भुंजंति तत्र वै।

cittalajjāvihīnāni homahīnāni yāni ca vrataiścaiva vihīnāni pretā bhuṁjaṁti tatra vai

'जो चित्त-लज्जा से रहित, हवन-रहित तथा व्रतों से रहित हों — वहाँ प्रेत उन्हें खाते हैं।'

श्लोक 36 (padma.1.32.36)

गुरवो नैव पूज्यंते स्त्रीजितानि गृहाणि च। क्रोधलोभगृहीतानि प्रेता भुंजंति तत्र वै।

guravo naiva pūjyaṁte strījitāni gṛhāṇi ca krodhalobhagṛhītāni pretā bhuṁjaṁti tatra vai

'जहाँ गुरुजनों की पूजा नहीं होती, जो घर स्त्री के वश में हैं, जो क्रोध और लोभ से ग्रस्त हैं — वहाँ प्रेत भोजन करते हैं।'

श्लोक 37 (padma.1.32.37)

त्रपा मे जायते तात कथ्यमाने स्वभोजने। अस्मात्परतरं चान्यन्न वक्तुमपि शक्यते।

trapā me jāyate tāta kathyamāne svabhojane asmātparataraṁ cānyanna vaktumapi śakyate

'हे तात! अपने भोजन का वर्णन करते हुए मुझे लज्जा होती है; इससे आगे कुछ और कहा भी नहीं जा सकता।'

श्लोक 38 (padma.1.32.38)

निवृत्तिं प्रेतभावस्य पृच्छामस्त्वां दृढव्रत। यथा न भवति प्रेतस्तन्मे वद तपोधन।

nivṛttiṁ pretabhāvasya pṛcchāmastvāṁ dṛḍhavrata yathā na bhavati pretastanme vada tapodhana

'हे दृढ़व्रत! हम आपसे प्रेत-भाव से निवृत्ति के विषय में पूछते हैं। हे तपोधन! बताइए, प्रेत कैसे नहीं होता।'

श्लोक 39 (padma.1.32.39)

ब्राह्मण उवाच। एकरात्र द्विरात्रादि कृच्छ्रचांद्रायणदिभिः। व्रतैरन्यैः कृतैर्नित्यं न प्रेतो जायते नरः।

brāhmaṇa uvāca ekarātra dvirātrādi kṛcchracāṁdrāyaṇadibhiḥ vratairanyaiḥ kṛtairnityaṁ na preto jāyate naraḥ

ब्राह्मण ने कहा — 'एक रात्रि, दो रात्रि आदि के उपवास से, कृच्छ्र-चांद्रायण आदि व्रतों से तथा अन्य व्रतों के नित्य पालन से मनुष्य प्रेत नहीं होता।'

श्लोक 40 (padma.1.32.40)

त्रीनग्नीन्पञ्च चैकं वा योऽहन्यहनि सेवते। स वै भूतदयापन्नो न प्रेतो जायते नरः।

trīnagnīnpañca caikaṁ vā yo'hanyahani sevate sa vai bhūtadayāpanno na preto jāyate naraḥ

'जो प्रतिदिन तीन अग्नियों की, या पाँच की, या एक की भी सेवा करता है, और प्राणियों पर दया रखता है, वह प्रेत नहीं होता।'

श्लोक 41 (padma.1.32.41)

तुल्यो मानेऽपमाने च तुल्यः कांचनलोष्टयोः। तुल्यः शत्रौ च मित्रे च न प्रेतो जायते नरः।

tulyo māne'pamāne ca tulyaḥ kāṁcanaloṣṭayoḥ tulyaḥ śatrau ca mitre ca na preto jāyate naraḥ

'जो मान और अपमान में समान है, स्वर्ण और मिट्टी के ढेले में समान है, शत्रु और मित्र में समान है, वह प्रेत नहीं होता।'

श्लोक 42 (padma.1.32.42)

देवताऽतिथिपूजासु गुरुपूजासु नित्यशः। रतो वै पितृपूजासु न प्रेतो जायते नरः।

devatā'tithipūjāsu gurupūjāsu nityaśaḥ rato vai pitṛpūjāsu na preto jāyate naraḥ

'जो सदा देवता-अतिथि पूजा में, गुरु-पूजा में तथा पितृ-पूजा में रत रहता है, वह प्रेत नहीं होता।'

श्लोक 43 (padma.1.32.43)

शुक्लांगारकसंयुक्ता चतुर्थी जायते यदा। श्रद्धया श्राद्धकृत्तस्यां न प्रेतो जायते नरः।

śuklāṁgārakasaṁyuktā caturthī jāyate yadā śraddhayā śrāddhakṛttasyāṁ na preto jāyate naraḥ

'जब शुक्ल पक्ष की चतुर्थी मंगलवार को पड़ती है, उस दिन श्रद्धापूर्वक श्राद्ध करने वाला मनुष्य प्रेत नहीं होता।'

श्लोक 44 (padma.1.32.44)

जितक्रोधविमर्शोयस्तृष्णासंगविवर्जितः। क्षमावान्दानशीलश्च न प्रेतो जायते नरः।

jitakrodhavimarśoyastṛṣṇāsaṁgavivarjitaḥ kṣamāvāndānaśīlaśca na preto jāyate naraḥ

'जो विवेकपूर्वक क्रोध को जीत चुका है, तृष्णा-आसक्ति से रहित है, क्षमाशील और दानशील है, वह प्रेत नहीं होता।'

श्लोक 45 (padma.1.32.45)

गोब्राह्मणांश्च तीर्थानि पर्वतांश्च नदीस्तथा। देवांश्चैव तु यो वन्द्यान्न प्रेतो जायते नरः।

gobrāhmaṇāṁśca tīrthāni parvatāṁśca nadīstathā devāṁścaiva tu yo vandyānna preto jāyate naraḥ

'जो गौओं और ब्राह्मणों को, तीर्थों को, पर्वतों और नदियों को तथा देवताओं को वंदन करता है, वह प्रेत नहीं होता।'

श्लोक 46 (padma.1.32.46)

प्रेता ऊचुः। श्रुताश्च विविधा धर्माः पृच्छामो दुःखिता मुने। येन वै जायते प्रेतस्तन्नो वद महामते।

pretā ūcuḥ śrutāśca vividhā dharmāḥ pṛcchāmo duḥkhitā mune yena vai jāyate pretastanno vada mahāmate

प्रेतों ने कहा — 'हमने विविध धर्मों को सुना; परंतु हे मुने, हम दुःखी होकर पूछते हैं — हे महामते! बताइए, किससे मनुष्य प्रेत होता है।'

श्लोक 47 (padma.1.32.47)

ब्राह्मण उवाच। शूद्रान्नेन तु भुक्तेन ब्राह्मणेन विशेषतः। म्रियते ह्युदरस्थेन स वै प्रेतो भवेन्नरः।

brāhmaṇa uvāca śūdrānnena tu bhuktena brāhmaṇena viśeṣataḥ mriyate hyudarasthena sa vai preto bhavennaraḥ

ब्राह्मण ने कहा — 'यदि कोई ब्राह्मण विशेष रूप से शूद्र का अन्न खाकर उसके पेट में स्थित रहते हुए ही मर जाए, तो वह प्रेत होता है।'

श्लोक 48 (padma.1.32.48)

मातरं पितरं भ्रातॄन्भगिनीं सुतमेव च। अदृष्टदोषांस्त्यजति स प्रेतो जायते नरः।

mātaraṁ pitaraṁ bhrātṝnbhaginīṁ sutameva ca adṛṣṭadoṣāṁstyajati sa preto jāyate naraḥ

'जो माता, पिता, भाइयों, बहन तथा पुत्र को, बिना किसी दोष के भी, त्याग देता है, वह प्रेत होता है।'

श्लोक 49 (padma.1.32.49)

अयाज्ययाजनाच्चैव याज्यस्य च विवर्जनात्। रतो वै शूद्रसेवासु स प्रेतो जायते नरः।

ayājyayājanāccaiva yājyasya ca vivarjanāt rato vai śūdrasevāsu sa preto jāyate naraḥ

'अयाज्य का यजन कराने से, याज्य का त्याग करने से, और शूद्रों की सेवा में रत रहने से मनुष्य प्रेत होता है।'

श्लोक 50 (padma.1.32.50)

न्यासापहर्ता मित्रध्रुक्शूद्रपाकरतः सदा। विस्रंभघाती कूटस्थः स प्रेतो जायते नरः।

nyāsāpahartā mitradhrukśūdrapākarataḥ sadā visraṁbhaghātī kūṭasthaḥ sa preto jāyate naraḥ

'धरोहर का अपहरण करने वाला, मित्रद्रोही, सदा शूद्र के बनाए भोजन में रत, विश्वासघाती, कपटी — ऐसा मनुष्य प्रेत होता है।'

श्लोक 51 (padma.1.32.51)

ब्रह्महा गोघ्नकः स्तेनः सुरापो गुरुतल्पगः। भूमिकन्यापहर्त्ता च स प्रेतो जायते नरः।

brahmahā goghnakaḥ stenaḥ surāpo gurutalpagaḥ bhūmikanyāpaharttā ca sa preto jāyate naraḥ

'ब्रह्महत्यारा, गोहत्यारा, चोर, मद्यपायी, गुरुपत्नीगामी, तथा भूमि या कन्या का अपहरण करने वाला — ऐसा मनुष्य प्रेत होता है।'

श्लोक 52 (padma.1.32.52)

सामान्यां दक्षिणां लब्ध्वा एक एव निगूहति। नास्तिकीभावनिरतः स वै प्रेतोभिजायते।

sāmānyāṁ dakṣiṇāṁ labdhvā eka eva nigūhati nāstikībhāvanirataḥ sa vai pretobhijāyate

'सामूहिक रूप से प्राप्त दक्षिणा को अकेला छिपा लेने वाला, तथा नास्तिकता में रत मनुष्य प्रेत होता है।'

श्लोक 53 (padma.1.32.53)

एवं ब्रुवाणे विप्रेन्द्र आकाशे दुंदुभिस्वनः। पुष्पवृष्टिः पपातोर्व्यां देवैर्मुक्ता सहस्रशः।

evaṁ bruvāṇe viprendra ākāśe duṁdubhisvanaḥ puṣpavṛṣṭiḥ papātorvyāṁ devairmuktā sahasraśaḥ

उस श्रेष्ठ ब्राह्मण के इस प्रकार कहने पर आकाश में दुंदुभि-ध्वनि हुई, और देवताओं द्वारा छोड़े गए सहस्रों पुष्प पृथ्वी पर बरसे।

श्लोक 54 (padma.1.32.54)

प्रेतानां तु विमानानि आगतानि समंततः। अस्य विप्रस्य संभाषात्पुण्यसंकीर्तनेन च।

pretānāṁ tu vimānāni āgatāni samaṁtataḥ asya viprasya saṁbhāṣātpuṇyasaṁkīrtanena ca

इस विप्र के साथ वार्तालाप और पुण्य-कीर्तन के प्रभाव से चारों ओर से प्रेतों के लिए विमान आ गए।

श्लोक 55 (padma.1.32.55)

तस्मात्सर्वप्रयत्नेन सतां संभाषणं कुरु। यदि ते श्रेयसा कार्यं गंगासुत अतंद्रितः।

tasmātsarvaprayatnena satāṁ saṁbhāṣaṇaṁ kuru yadi te śreyasā kāryaṁ gaṁgāsuta ataṁdritaḥ

इसलिए, हे गंगासुत! यदि तुम्हें अपने कल्याण से प्रयोजन हो, तो अथक होकर पूर्ण प्रयास से सज्जनों के साथ वार्तालाप करो।

श्लोक 56 (padma.1.32.56)

तिलकं सर्वधर्मस्य पञ्चप्रेतकथामिमाम्। पठेल्लक्षं योऽस्य कुले न प्रेतो जायते नरः।

tilakaṁ sarvadharmasya pañcapretakathāmimām paṭhellakṣaṁ yo'sya kule na preto jāyate naraḥ

यह पंच-प्रेत-कथा समस्त धर्म का तिलक है; जो इसे एक लाख बार पढ़ता है, उसके कुल में कोई मनुष्य प्रेत नहीं होता।

श्लोक 57 (padma.1.32.57)

शृणोति वाप्यभीक्ष्णं वा श्रद्धया परयान्वितः। भक्त्या समन्वितो वापि न प्रेतो जायते नरः।

śṛṇoti vāpyabhīkṣṇaṁ vā śraddhayā parayānvitaḥ bhaktyā samanvito vāpi na preto jāyate naraḥ

अथवा जो परम श्रद्धा के साथ इसे बार-बार सुनता है, या भक्तियुक्त होकर सुनता है, वह भी प्रेत नहीं होता।

श्लोक 58 (padma.1.32.58)

भीष्म उवाच। अंतरिक्षे किमर्थं तु पुष्करं परिकीर्त्यते। मुनिभिर्धर्मशीलैश्च लभ्यते तत्कथं त्विह।

bhīṣma uvāca aṁtarikṣe kimarthaṁ tu puṣkaraṁ parikīrtyate munibhirdharmaśīlaiśca labhyate tatkathaṁ tviha

भीष्म ने कहा — पुष्कर आकाश में क्यों कहा जाता है, और धर्मशील मुनियों द्वारा वह यहाँ किस प्रकार प्राप्त किया जाता है?

श्लोक 59 (padma.1.32.59)

येन तल्लभ्यते लब्धं लब्धं चैव फलप्रदम्। तन्मे सर्वं समाचक्ष्व कौतुकादेव पृच्छतः।

yena tallabhyate labdhaṁ labdhaṁ caiva phalapradam tanme sarvaṁ samācakṣva kautukādeva pṛcchataḥ

जिससे वह प्राप्त होता है, और प्राप्त होकर जो फल देता है, वह सब मुझे बताइए, क्योंकि मैं कौतुकवश पूछ रहा हूँ।

श्लोक 60 (padma.1.32.60)

पुलस्त्य उवाच। ऋषिकोटिस्समायाता दक्षिणापथवासिनी। स्नानार्थं पुष्करे राजन्पुष्करं च वियद्गतम्।

pulastya uvāca ṛṣikoṭissamāyātā dakṣiṇāpathavāsinī snānārthaṁ puṣkare rājanpuṣkaraṁ ca viyadgatam

पुलस्त्य ने कहा — हे राजन्! दक्षिणापथ में रहने वाले करोड़ों ऋषि स्नान के लिए पुष्कर में एकत्र हुए, और पुष्कर आकाश में चला गया था।

श्लोक 61 (padma.1.32.61)

मत्वाते मुनयः सर्वे प्राणायामपरायणाः। ध्यायमानाः परं ब्रह्म स्थिता द्वादशवत्सरान्।

matvāte munayaḥ sarve prāṇāyāmaparāyaṇāḥ dhyāyamānāḥ paraṁ brahma sthitā dvādaśavatsarān

यह जानकर वे सभी मुनि प्राणायाम में तत्पर होकर, परब्रह्म का ध्यान करते हुए, बारह वर्षों तक वहीं स्थित रहे।

श्लोक 62 (padma.1.32.62)

ब्रह्मा महर्षयस्तत्र देवास्सेन्द्रास्समागताः। ऋषयोंतर्हिताः प्रोचुर्नियमांस्ते सुदुष्करान्।

brahmā maharṣayastatra devāssendrāssamāgatāḥ ṛṣayoṁtarhitāḥ procurniyamāṁste suduṣkarān

वहाँ ब्रह्मा, महर्षिगण, तथा इंद्र सहित देवगण एकत्र हुए; अंतर्हित ऋषियों ने उन्हें अत्यंत कठिन नियम बताए।

श्लोक 63 (padma.1.32.63)

आकारणं पुष्करस्य मंत्रेण क्रियतां द्विजाः। आपोहिष्ठेति तिसृभिर्ऋग्भिः सांनिध्यमेष्यति।

ākāraṇaṁ puṣkarasya maṁtreṇa kriyatāṁ dvijāḥ āpohiṣṭheti tisṛbhirṛgbhiḥ sāṁnidhyameṣyati

'हे द्विजो! पुष्कर का आवाहन मंत्र से किया जाए; "आपो हिष्ठा" इन तीन ऋचाओं से उसकी सांनिध्यता प्राप्त होगी।'

श्लोक 64 (padma.1.32.64)

अघमर्षणजप्येन भवेद्वै फलदायकम्। विप्रैर्वाक्यावसाने तु सर्वैस्तैस्तु तथा कृतम्।

aghamarṣaṇajapyena bhavedvai phaladāyakam viprairvākyāvasāne tu sarvaistaistu tathā kṛtam

'अघमर्षण-जप से यह फलदायक होगा।' मुनियों के इस वचन के अंत में उन सभी ने वैसा ही किया।

श्लोक 65 (padma.1.32.65)

कृतेन पुण्यतां प्राप्ता ये निदेशाच्च ते द्विजाः। गर्हिता धर्मशास्त्रेषु ते विप्रा दक्षिणोत्तराः।

kṛtena puṇyatāṁ prāptā ye nideśācca te dvijāḥ garhitā dharmaśāstreṣu te viprā dakṣiṇottarāḥ

इस प्रकार करने से उस निर्देश का पालन करने वाले वे द्विज पुण्य को प्राप्त हुए; परंतु दक्षिण-उत्तर के जो विप्र धर्मशास्त्रों में निंदित हैं—

श्लोक 66 (padma.1.32.66)

ये चान्ये पार्वतीयाश्च श्राद्धेनार्हंति केतनम्। एतस्मात्कारणाद्राजन्वियत्येवं समास्थितम्।

ye cānye pārvatīyāśca śrāddhenārhaṁti ketanam etasmātkāraṇādrājanviyatyevaṁ samāsthitam

—तथा अन्य पर्वतीय जन, वे केवल श्राद्ध से ही निवास के अधिकारी होते हैं। इसी कारण, हे राजन्! वह इस प्रकार आकाश में स्थित है।

श्लोक 67 (padma.1.32.67)

कार्तिक्यां पुष्करं स्नानात्पूततामभियच्छति। ब्रह्मणा सहितं राजन्सर्वेषां पुण्यदायकम्।

kārtikyāṁ puṣkaraṁ snānātpūtatāmabhiyacchati brahmaṇā sahitaṁ rājansarveṣāṁ puṇyadāyakam

कार्तिक पूर्णिमा को स्नान के द्वारा पुष्कर, ब्रह्मा सहित, पवित्रता को प्राप्त होता है, हे राजन्, और सभी को पुण्य प्रदान करता है।

श्लोक 68 (padma.1.32.68)

तत्रागतास्तु ये वर्णाः सर्वे ते पुण्यभाजनाः। द्विजैस्तुल्या न संदेहो विना मंत्रेण ते नृप।

tatrāgatāstu ye varṇāḥ sarve te puṇyabhājanāḥ dvijaistulyā na saṁdeho vinā maṁtreṇa te nṛpa

वहाँ आने वाले सभी वर्ण पुण्य के भाजन बन जाते हैं; हे राजन्! बिना मंत्र के भी वे द्विजों के तुल्य हो जाते हैं, इसमें संदेह नहीं।

श्लोक 69 (padma.1.32.69)

आग्नेयं तु यदा ऋक्षं कार्तिक्यां भवति क्वचित्। महती सा तिथिर्ज्ञेया स्नाने दाने तथोत्तमा।

āgneyaṁ tu yadā ṛkṣaṁ kārtikyāṁ bhavati kvacit mahatī sā tithirjñeyā snāne dāne tathottamā

जब कार्तिक पूर्णिमा को कृत्तिका नक्षत्र पड़े, वह तिथि महान् जाननी चाहिए, स्नान और दान के लिए सर्वोत्तम।

श्लोक 70 (padma.1.32.70)

यदा याम्यं तु भवति ऋक्षं तस्यां तिथौ क्वचित्। तिथिः सापि महापुण्या यतिभिः परिकीर्तिता।

yadā yāmyaṁ tu bhavati ṛkṣaṁ tasyāṁ tithau kvacit tithiḥ sāpi mahāpuṇyā yatibhiḥ parikīrtitā

जब उस तिथि पर भरणी नक्षत्र पड़े, वह तिथि भी संन्यासियों द्वारा महापुण्यदायी बताई गई है।

श्लोक 71 (padma.1.32.71)

प्राजापत्यं यदा ऋक्षं तिथौ तस्यां नराधिप। सा महाकार्तिकी प्रोक्ता देवानामपि दुर्लभा।

prājāpatyaṁ yadā ṛkṣaṁ tithau tasyāṁ narādhipa sā mahākārtikī proktā devānāmapi durlabhā

हे नराधिप! जब उस तिथि पर रोहिणी नक्षत्र पड़े, वह महाकार्तिकी कही गई है, जो देवताओं को भी दुर्लभ है।

श्लोक 72 (padma.1.32.72)

यदा चार्के गुरौ सोमे वारेष्वेतेषु वै त्रिषु। त्रीण्येतानि च ऋक्षाणि स्वयं प्रोक्तानि ब्रह्मणा।

yadā cārke gurau some vāreṣveteṣu vai triṣu trīṇyetāni ca ṛkṣāṇi svayaṁ proktāni brahmaṇā

और जब रविवार, गुरुवार या सोमवार — इन तीन वारों में से किसी पर ये तीनों नक्षत्र पड़ें, तो यह स्वयं ब्रह्मा द्वारा कहा गया है।

श्लोक 73 (padma.1.32.73)

अत्राश्वमेधिकं पुण्यं स्नातस्य भवति ध्रुवम्। दानमक्षयतां याति पितॄणां तर्पणं तथा।

atrāśvamedhikaṁ puṇyaṁ snātasya bhavati dhruvam dānamakṣayatāṁ yāti pitṝṇāṁ tarpaṇaṁ tathā

तब स्नान करने वाले को अश्वमेध-यज्ञ का पुण्य निश्चित रूप से प्राप्त होता है; दान अक्षय हो जाता है, और वैसे ही पितरों का तर्पण भी।

श्लोक 74 (padma.1.32.74)

विशाखासु यदा भानुः कृत्तिकासु च चंद्रमाः। स योगः पुष्करो नाम पुष्करेष्वतिदुर्लभः।

viśākhāsu yadā bhānuḥ kṛttikāsu ca caṁdramāḥ sa yogaḥ puṣkaro nāma puṣkareṣvatidurlabhaḥ

जब सूर्य विशाखा में और चंद्रमा कृत्तिका में हो, वह पुष्कर नामक योग, पुष्कर में भी अत्यंत दुर्लभ है।

श्लोक 75 (padma.1.32.75)

अंतरिक्षावतीर्णे तु तीर्थे पैतामहे शुभे। स्नानं येऽत्र करिष्यंति तेषां लोका महोदयाः।

aṁtarikṣāvatīrṇe tu tīrthe paitāmahe śubhe snānaṁ ye'tra kariṣyaṁti teṣāṁ lokā mahodayāḥ

आकाश से उतरे हुए उस शुभ पैतामह तीर्थ में जो यहाँ स्नान करेंगे, उनके लोक महान् उत्कर्ष को प्राप्त होंगे।

श्लोक 76 (padma.1.32.76)

न स्पृहांतेन्यपुण्यस्य कृतस्याप्यकृतस्य च। करिष्यंति महाराज सत्यमेतदुदाहृतम्।

na spṛhāṁtenyapuṇyasya kṛtasyāpyakṛtasya ca kariṣyaṁti mahārāja satyametadudāhṛtam

हे महाराज! वे अन्य किसी पुण्य की, किए या न किए हुए की, इच्छा नहीं करेंगे — यह सत्य कहा गया है।

श्लोक 77 (padma.1.32.77)

तीर्थानां प्रवरं तीर्थं पृथिव्यामिह पठ्यते। नास्मात्परं पुण्यतीर्थं लोकेषु नृप पठ्यते।

tīrthānāṁ pravaraṁ tīrthaṁ pṛthivyāmiha paṭhyate nāsmātparaṁ puṇyatīrthaṁ lokeṣu nṛpa paṭhyate

यह पृथ्वी पर तीर्थों में श्रेष्ठ तीर्थ कहा गया है; हे राजन्! इससे बढ़कर पुण्य-तीर्थ लोकों में नहीं कहा गया।

श्लोक 78 (padma.1.32.78)

कार्तिक्यां तु विशेषेण पुण्या पापहरा शुभा। उदुंबरवनात्तस्मादागता च सरस्वती।

kārtikyāṁ tu viśeṣeṇa puṇyā pāpaharā śubhā uduṁbaravanāttasmādāgatā ca sarasvatī

विशेष रूप से कार्तिक में यह पुण्यदायी, पापहारी और शुभ है; और उसी उदुंबर-वन से सरस्वती वहाँ आई।

श्लोक 79 (padma.1.32.79)

तया तत्पूरितं तीर्थं पुष्करं मुनिसेवितम्। दक्षिणे शिखरं भाति पर्वतस्याविदूरतः।

tayā tatpūritaṁ tīrthaṁ puṣkaraṁ munisevitam dakṣiṇe śikharaṁ bhāti parvatasyāvidūrataḥ

उससे मुनि-सेवित वह पुष्कर तीर्थ भर गया; दक्षिण में पर्वत के निकट ही एक शिखर सुशोभित होता है।

श्लोक 80 (padma.1.32.80)

नीलांजनचयप्रख्यं वर्णतो नीलशाद्वलम्। तया तच्छिखरं तस्य खस्थितं पुष्करं यथा।

nīlāṁjanacayaprakhyaṁ varṇato nīlaśādvalam tayā tacchikharaṁ tasya khasthitaṁ puṣkaraṁ yathā

वर्ण में नीले अंजन के समूह जैसा, नीली दूब से युक्त वह शिखर, मानो आकाश में स्थित पुष्कर के समान भासित होता है।

श्लोक 81 (padma.1.32.81)

प्रावृट्काले वियत्पूर्णं घनवृंदमिवोच्छ्रितम्। कदंबपुष्पगंधाढ्यं कुटजार्जुनभूषितम्।

prāvṛṭkāle viyatpūrṇaṁ ghanavṛṁdamivocchritam kadaṁbapuṣpagaṁdhāḍhyaṁ kuṭajārjunabhūṣitam

वर्षाकाल में आकाश को भरने वाले मेघ-समूह के समान ऊँचा उठा हुआ, कदंब-पुष्पों की सुगंध से भरा, कुटज और अर्जुन वृक्षों से सुशोभित।

श्लोक 82 (padma.1.32.82)

रथमार्गमिवारोढुं रवेस्तच्छिखरं स्थितम्। वृत्तैस्सपुलकैस्स्निग्धैः स्त्रीणामिव पयोधरैः।

rathamārgamivāroḍhuṁ ravestacchikharaṁ sthitam vṛttaissapulakaissnigdhaiḥ strīṇāmiva payodharaiḥ

वह शिखर मानो सूर्य के रथमार्ग पर चढ़ने के लिए खड़ा हो, अपनी गोल, चिकनी, रोमांचित सतहों सहित मानो स्त्रियों के वक्षस्थलों के समान।

श्लोक 83 (padma.1.32.83)

श्रीफलैः शिखरं भाति समन्तात्सुमनोहरैः। गुंजद्भिः षट्पदकुलैः समंतादुपशोभितम्।

śrīphalaiḥ śikharaṁ bhāti samantātsumanoharaiḥ guṁjadbhiḥ ṣaṭpadakulaiḥ samaṁtādupaśobhitam

वह शिखर चारों ओर अत्यंत मनोहर श्रीफलों से सुशोभित है, तथा गुंजार करते भ्रमर-समूहों से चारों ओर सुशोभित है।

श्लोक 84 (padma.1.32.84)

कोकिलारावरुचिरं शिखि केका रवाकुलम्। शृंगे मनोहरे तस्मिन्नुद्गतासु मनोरमा।

kokilārāvaruciraṁ śikhi kekā ravākulam śṛṁge manohare tasminnudgatāsu manoramā

कोकिल के कूजन से मनोहर, मोरों की केका-ध्वनि से भरा हुआ — उस मनोहर शिखर पर उदित होकर वह मनोरम—

श्लोक 85 (padma.1.32.85)

पुण्यापुण्यजलोपेता नदीयं ब्रह्मणस्सुता। वंशस्तंबात्सुविपुला प्रवृत्ता चोत्तरामुखी।

puṇyāpuṇyajalopetā nadīyaṁ brahmaṇassutā vaṁśastaṁbātsuvipulā pravṛttā cottarāmukhī

—ब्रह्मा की पुत्री यह नदी, पवित्र जल से युक्त, बाँस के झुरमुट से अत्यंत विशाल होकर उत्तरमुखी होकर प्रवाहित हुई।

श्लोक 86 (padma.1.32.86)

गत्वा ततो नातिदूरात्पुनर्याति पराङ्मुखी। ततः प्रभृति सा देवी प्रसन्ना प्रकटास्थिता।

gatvā tato nātidūrātpunaryāti parāṅmukhī tataḥ prabhṛti sā devī prasannā prakaṭāsthitā

वहाँ से न अधिक दूर जाकर वह पुनः विपरीत मुख होकर बहने लगती है; तभी से वह देवी प्रसन्न होकर प्रकट रूप में स्थित हुईं।

श्लोक 87 (padma.1.32.87)

अन्तर्धानं परित्यज्य प्राणिनामनुकम्पया। कनका सुप्रभा चैव नन्दा प्राची सरस्वती।

antardhānaṁ parityajya prāṇināmanukampayā kanakā suprabhā caiva nandā prācī sarasvatī

प्राणियों पर अनुकंपा करके अंतर्धान त्यागकर — कनका, सुप्रभा, नंदा और प्राची सरस्वती के रूप में—

श्लोक 88 (padma.1.32.88)

पंचस्रोताः पुष्करेषु ब्रह्मणा परिभाषिता। तस्यास्तीरे सुरम्याणि तीर्थान्यायतनानि च।

paṁcasrotāḥ puṣkareṣu brahmaṇā paribhāṣitā tasyāstīre suramyāṇi tīrthānyāyatanāni ca

—पंचस्रोता कहलाकर ब्रह्मा द्वारा पुष्कर में वर्णित हुईं। उनके तट पर अत्यंत रमणीय तीर्थ और मंदिर हैं।

श्लोक 89 (padma.1.32.89)

संसेवितानि मुनिभिः सिद्धैश्चापि समंततः। तेषु सर्वेषु भविता धर्महेतुः सरस्वती।

saṁsevitāni munibhiḥ siddhaiścāpi samaṁtataḥ teṣu sarveṣu bhavitā dharmahetuḥ sarasvatī

—जो चारों ओर मुनियों और सिद्धों द्वारा सेवित हैं। उन सबमें सरस्वती धर्म का हेतु बनेंगी।

श्लोक 90 (padma.1.32.90)

हाटकक्षितिगौरीणां तत्तीर्थेषु महोदयम्। दानं दत्तं नरैः स्नातैर्जनयत्यक्षयं फलम्।

hāṭakakṣitigaurīṇāṁ tattīrtheṣu mahodayam dānaṁ dattaṁ naraiḥ snātairjanayatyakṣayaṁ phalam

उन तीर्थों में स्नान किए हुए मनुष्यों द्वारा दिया गया स्वर्ण, भूमि या गौ का महान् दान अक्षय फल उत्पन्न करता है।

श्लोक 91 (padma.1.32.91)

धान्यप्रदानं प्रवरं वदंति तिलप्रदानं च तथा मुनींद्राः । यैस्तेषु तीर्थेषु नरैः प्रदत्तं तद्धर्महेतु प्रवरं प्रदिष्टम्।

dhānyapradānaṁ pravaraṁ vadaṁti tilapradānaṁ ca tathā munīṁdrāḥ yaisteṣu tīrtheṣu naraiḥ pradattaṁ taddharmahetu pravaraṁ pradiṣṭam

श्रेष्ठ मुनि धान्य-दान को तथा तिल-दान को भी उत्तम बताते हैं; उन तीर्थों में मनुष्यों द्वारा जो कुछ दिया जाता है, वह धर्म का श्रेष्ठ हेतु बताया गया है।

श्लोक 92 (padma.1.32.92)

प्रायोपवेशं प्रयतः प्रयत्नाद्यस्तेषु कुर्यात्प्रमदा पुमान्वा। तीर्थेपि संयोज्य मनोपि चेत्थं भुंक्ते फलं ब्रह्मगृहे यथेष्टम्।

prāyopaveśaṁ prayataḥ prayatnādyasteṣu kuryātpramadā pumānvā tīrthepi saṁyojya manopi cetthaṁ bhuṁkte phalaṁ brahmagṛhe yatheṣṭam

जो भी स्त्री या पुरुष शुद्ध होकर, प्रयत्नपूर्वक उन स्थानों में प्रायोपवेशन करता है, और मन को तीर्थ में एकाग्र करता है, वह ब्रह्मलोक में यथेच्छ फल भोगता है।

श्लोक 93 (padma.1.32.93)

तस्योपकंठे म्रियते हि यैस्तु कर्मक्षयात्स्थावरजंगमैश्च। ते चापि सर्वे सकलं प्रसह्य लभंति यज्ञस्य फलं दुरापम्।

tasyopakaṁṭhe mriyate hi yaistu karmakṣayātsthāvarajaṁgamaiśca te cāpi sarve sakalaṁ prasahya labhaṁti yajñasya phalaṁ durāpam

जो भी स्थावर या जंगम प्राणी अपने कर्म के क्षीण होने पर उसके समीप मरते हैं, वे सभी बलपूर्वक यज्ञ का दुर्लभ संपूर्ण फल प्राप्त करते हैं।

श्लोक 94 (padma.1.32.94)

ततस्तु सा धर्मफलारणी च जन्मादिदुःखार्दितचेतसां तु। सर्वात्मना चारुफला सरस्वती सेव्या प्रयत्नात्पुरुषैर्महानदी।

tatastu sā dharmaphalāraṇī ca janmādiduḥkhārditacetasāṁ tu sarvātmanā cāruphalā sarasvatī sevyā prayatnātpuruṣairmahānadī

इस प्रकार वह धर्मफल की उत्पादक, जन्म आदि दुःखों से पीड़ित चित्त वालों के लिए, सर्वथा सुंदर फल देने वाली सरस्वती, वह महानदी, मनुष्यों द्वारा प्रयत्नपूर्वक सेवनीय है।

श्लोक 95 (padma.1.32.95)

तत्र ये सलिलं पूतं पिबंति सततं नराः। न ते मनुष्या देवास्ते जगत्यामिह संस्थिताः।

tatra ye salilaṁ pūtaṁ pibaṁti satataṁ narāḥ na te manuṣyā devāste jagatyāmiha saṁsthitāḥ

वहाँ जो मनुष्य सतत उस पवित्र जल का पान करते हैं, वे मनुष्य नहीं, वे इस लोक में स्थित देवता ही हैं।

श्लोक 96 (padma.1.32.96)

यज्ञैर्दानैस्तपोभिश्च यत्फलं प्राप्यते द्विजैः। तदत्र स्नानमात्रेण शूद्रैरपि स्वभावजैः।

yajñairdānaistapobhiśca yatphalaṁ prāpyate dvijaiḥ tadatra snānamātreṇa śūdrairapi svabhāvajaiḥ

यज्ञों, दानों और तपों से द्विजों को जो फल प्राप्त होता है, वही फल यहाँ केवल स्नान मात्र से स्वाभाविक रूप से जन्मे शूद्रों को भी प्राप्त होता है।

श्लोक 97 (padma.1.32.97)

दर्शनात्पुष्करस्यापि महापातकिनोपि ये। तेपि तत्पापनिर्मुक्ताः स्वर्गं यांति तनुक्षये।

darśanātpuṣkarasyāpi mahāpātakinopi ye tepi tatpāpanirmuktāḥ svargaṁ yāṁti tanukṣaye

पुष्कर के दर्शनमात्र से महापातकी लोग भी उस पाप से मुक्त होकर शरीर छूटने पर स्वर्ग को जाते हैं।

श्लोक 98 (padma.1.32.98)

तत्रोपवासी यज्ञस्य पुंडरीकस्य यत्फलम्। तत्प्राप्नोति नरः क्षिप्रमल्पायासेन पुष्करे।

tatropavāsī yajñasya puṁḍarīkasya yatphalam tatprāpnoti naraḥ kṣipramalpāyāsena puṣkare

वहाँ उपवास करने वाला मनुष्य पुंडरीक यज्ञ का जो फल है, उसे पुष्कर में अल्प प्रयास से शीघ्र ही प्राप्त कर लेता है।

श्लोक 99 (padma.1.32.99)

माघमासे तिलान्यस्तु प्रयच्छति च स द्द्विजे। यथाशक्ति च भक्त्या च स विष्णुभवने वसेत्।

māghamāse tilānyastu prayacchati ca sa ddvije yathāśakti ca bhaktyā ca sa viṣṇubhavane vaset

जो माघ मास में यथाशक्ति भक्तिपूर्वक ब्राह्मण को तिल दान करता है, वह विष्णु के धाम में निवास करता है।

श्लोक 100 (padma.1.32.100)

तत्रोपवासं स्नानं च पंचगव्याशनं तथा। यः करोति नरः सोपि देहांते स्वर्गमाप्नुयात्।

tatropavāsaṁ snānaṁ ca paṁcagavyāśanaṁ tathā yaḥ karoti naraḥ sopi dehāṁte svargamāpnuyāt

जो मनुष्य वहाँ उपवास, स्नान तथा पंचगव्य-भक्षण करता है, वह भी शरीरांत होने पर स्वर्ग प्राप्त करता है।

श्लोक 101 (padma.1.32.101)

वसंति तत्समीपस्था येपि तस्करजातयः। तेपि तस्यानुभावेन स्वर्यांति च न संशयः।

vasaṁti tatsamīpasthā yepi taskarajātayaḥ tepi tasyānubhāvena svaryāṁti ca na saṁśayaḥ

उसके समीप निवास करने वाले चोर-जाति के लोग भी उसके प्रभाव से स्वर्ग को जाते हैं, इसमें संदेह नहीं।

श्लोक 102 (padma.1.32.102)

ये पुनः शूद्रवृत्तिस्थास्त्रिरात्रोपोषिता नराः। प्रयच्छंति द्विजेष्वर्थं ब्रह्मशक्तिसमन्विताः।

ye punaḥ śūdravṛttisthāstrirātropoṣitā narāḥ prayacchaṁti dvijeṣvarthaṁ brahmaśaktisamanvitāḥ

और जो शूद्र-वृत्ति में रहने वाले मनुष्य तीन रात्रि उपवास करके, ब्रह्मशक्ति से युक्त होकर, द्विजों को धन प्रदान करते हैं—

श्लोक 103 (padma.1.32.103)

ते मृता यानमारूढाः पद्मासनचतुर्भुजाः। ब्रह्मणा सह सायुज्यं प्राप्नुवंत्यपुनर्भवम्।

te mṛtā yānamārūḍhāḥ padmāsanacaturbhujāḥ brahmaṇā saha sāyujyaṁ prāpnuvaṁtyapunarbhavam

—वे मरने पर विमान पर आरूढ़, पद्मासन में स्थित, चतुर्भुज होकर ब्रह्मा के साथ सायुज्य प्राप्त करते हैं और पुनर्जन्म से मुक्त हो जाते हैं।

श्लोक 104 (padma.1.32.104)

गंगोद्भेदं यत्र गंगा संप्राप्ता सरितां वराम्। सरस्वतीं द्रष्टुकामा सांत्वार्थे प्रोद्गतांऽबरात्।

gaṁgodbhedaṁ yatra gaṁgā saṁprāptā saritāṁ varām sarasvatīṁ draṣṭukāmā sāṁtvārthe prodgatāṁ'barāt

जहाँ गंगा का उद्गम है, वहाँ नदियों में श्रेष्ठ गंगा, सरस्वती को देखने की इच्छा से, उसे सांत्वना देने के लिए आकाश से उतरीं।

श्लोक 105 (padma.1.32.105)

तत्र गत्वा पयःपूतं सुरसिद्धनिषेवितम्। सारस्वतं च विमलं विद्याधरगणार्चितम्।

tatra gatvā payaḥpūtaṁ surasiddhaniṣevitam sārasvataṁ ca vimalaṁ vidyādharagaṇārcitam

वहाँ जाकर उन्होंने देवों और सिद्धों द्वारा सेवित, निर्मल सारस्वत जल पाया, जो विद्याधर-गणों द्वारा पूजित था।

श्लोक 106 (padma.1.32.106)

पीतमेकांजलिमितं येनाप्तं तेन तत्परं। अवलोक्य दिशं पूर्वामाह गंगे सखि त्वया।

pītamekāṁjalimitaṁ yenāptaṁ tena tatparaṁ avalokya diśaṁ pūrvāmāha gaṁge sakhi tvayā

जिसे उसका एक अंजलि भर भी पान प्राप्त हो जाए, उसके लिए वह परम है। पूर्व दिशा की ओर देखकर सरस्वती ने कहा — 'हे सखी गंगे! तुमने—'

श्लोक 107 (padma.1.32.107)

एकाकिनी वियुक्तास्मि क्व यास्येहमबांधवा। तां विज्ञाय ततो गंगा रुदंतीं शोककर्शिताम्।

ekākinī viyuktāsmi kva yāsyehamabāṁdhavā tāṁ vijñāya tato gaṁgā rudaṁtīṁ śokakarśitām

'—मैं अकेली हूँ, बिछुड़ी हुई हूँ; बंधुहीन होकर मैं कहाँ जाऊँ?' उसे इस प्रकार शोक से क्षीण, रोती हुई जानकर गंगा—

श्लोक 108 (padma.1.32.108)

पूर्वदेशात्समायाता द्रष्टुं तां दीनमानसाम्। दृष्ट्वा च तां महाभागां परिष्वज्य तु पीडिताम्।

pūrvadeśātsamāyātā draṣṭuṁ tāṁ dīnamānasām dṛṣṭvā ca tāṁ mahābhāgāṁ pariṣvajya tu pīḍitām

—पूर्व देश से उस दीनमना सरस्वती को देखने आईं। उस महाभागा, पीड़ित सरस्वती को देखकर उसे आलिंगन कर—

श्लोक 109 (padma.1.32.109)

नेत्रे प्रमृज्य चैतस्याः प्राह गंगा वचस्तदा। मा रोदीस्त्वं महाभागे दुःष्करं ते कृतं सखि।

netre pramṛjya caitasyāḥ prāha gaṁgā vacastadā mā rodīstvaṁ mahābhāge duḥṣkaraṁ te kṛtaṁ sakhi

—और उसके नेत्र पोंछकर गंगा ने तब यह वचन कहा: 'हे महाभागे! मत रोओ; हे सखी! तुमने अत्यंत दुष्कर कार्य किया है।'

श्लोक 110 (padma.1.32.110)

देवकार्यं यदन्येन कर्तुं शक्येत नैव हि। एतस्मात्ते महाभागे द्रष्टुं देवाः समागताः।

devakāryaṁ yadanyena kartuṁ śakyeta naiva hi etasmātte mahābhāge draṣṭuṁ devāḥ samāgatāḥ

'देवकार्य जो अन्य किसी से नहीं हो सकता था — इसी कारण, हे महाभागे! तुम्हें देखने देवगण आए हैं।'

श्लोक 111 (padma.1.32.111)

एषां च क्रियतां पूजा वाङ्मनः काय कर्मणा। सरस्वती सुरेंद्राणां कृत्त्वा पूजा विधिक्रमम्।

eṣāṁ ca kriyatāṁ pūjā vāṅmanaḥ kāya karmaṇā sarasvatī sureṁdrāṇāṁ kṛttvā pūjā vidhikramam

'इनकी पूजा वाणी, मन और शरीर के कर्म से करो।' सरस्वती ने देवेंद्रों की विधिपूर्वक पूजा करके—

श्लोक 112 (padma.1.32.112)

क्रमेण ब्रह्मजा पश्चात्संगता तु सखीजनम्। ज्येष्ठमध्यमयोर्मध्ये संगमो लोकविश्रुतः।

krameṇa brahmajā paścātsaṁgatā tu sakhījanam jyeṣṭhamadhyamayormadhye saṁgamo lokaviśrutaḥ

—तत्पश्चात् ब्रह्मपुत्री क्रमशः अपनी सखियों से मिलीं; ज्येष्ठ और मध्यम धाराओं के बीच का संगम लोक में विख्यात है।

श्लोक 113 (padma.1.32.113)

पश्चान्मुखी ब्रह्मसुता जाह्नवी तु उदङ्मुखी। ततस्ते विबुधाः सर्वे पुष्करं ये समागताः।

paścānmukhī brahmasutā jāhnavī tu udaṅmukhī tataste vibudhāḥ sarve puṣkaraṁ ye samāgatāḥ

ब्रह्मपुत्री पश्चिममुखी हैं, जाह्नवी (गंगा) उत्तरमुखी हैं। तब पुष्कर में एकत्र हुए वे सभी देवगण—

श्लोक 114 (padma.1.32.114)

विदित्वा दुष्करं कर्म तस्या स्तुतिमकारयन्। त्वं बुद्धिस्त्वं मतिर्लक्ष्मीस्त्वं विद्या त्वं गतिः परा।

viditvā duṣkaraṁ karma tasyā stutimakārayan tvaṁ buddhistvaṁ matirlakṣmīstvaṁ vidyā tvaṁ gatiḥ parā

—उनके दुष्कर कार्य को जानकर उनकी स्तुति करने लगे: 'तुम बुद्धि हो, तुम मति हो, तुम लक्ष्मी हो, तुम विद्या हो, तुम परम गति हो—'

श्लोक 115 (padma.1.32.115)

त्वं श्रद्धा त्त्वं परा निष्ठा बुद्धिर्मेधा रतिः क्षमा। त्वं सिद्धिस्त्वं स्वधा स्वाहा त्वं पवित्रं मतं महत्।

tvaṁ śraddhā ttvaṁ parā niṣṭhā buddhirmedhā ratiḥ kṣamā tvaṁ siddhistvaṁ svadhā svāhā tvaṁ pavitraṁ mataṁ mahat

'—तुम श्रद्धा हो, तुम परम निष्ठा, बुद्धि, मेधा, रति, क्षमा हो। तुम सिद्धि हो, तुम स्वधा-स्वाहा हो, तुम पवित्र महान् मानी गई हो—'

श्लोक 116 (padma.1.32.116)

संध्या रात्रिः प्रभा भूतिर्मेधा श्रद्धा सरस्वती। यज्ञ विद्या महाविद्या गुह्यविद्या च शोभना।

saṁdhyā rātriḥ prabhā bhūtirmedhā śraddhā sarasvatī yajña vidyā mahāvidyā guhyavidyā ca śobhanā

'—तुम संध्या, रात्रि, प्रभा, भूति, मेधा, श्रद्धा, सरस्वती हो। तुम यज्ञविद्या, महाविद्या और सुंदर गुह्यविद्या हो—'

श्लोक 117 (padma.1.32.117)

आन्वीक्षिकी तु या वार्ता दंडनीतिश्च कथ्यते। नमोस्तु ते पुण्यजले नमः सागरगामिनि।

ānvīkṣikī tu yā vārtā daṁḍanītiśca kathyate namostu te puṇyajale namaḥ sāgaragāmini

'—तुम आन्वीक्षिकी, वार्ता और दंडनीति कही जाती हो। हे पुण्यजले! तुम्हें नमस्कार, हे सागरगामिनी! तुम्हें नमस्कार!'

श्लोक 118 (padma.1.32.118)

नमस्ते पापनिर्मोके नमो देवि जगत्प्रिये। एवं स्तुता हि सा देवी दिव्या स्वार्थपरायणैः।

namaste pāpanirmoke namo devi jagatpriye evaṁ stutā hi sā devī divyā svārthaparāyaṇaiḥ

'हे पापनिर्मोचिनी! तुम्हें नमस्कार। हे जगत्प्रिये देवि! तुम्हें नमस्कार।' अपने-अपने स्वार्थ में तत्पर उन देवताओं द्वारा इस प्रकार स्तुत होकर वह दिव्य देवी—

श्लोक 119 (padma.1.32.119)

एवं सा प्राङ्मुखी तत्र स्थिता देवी सरस्वती। सर्वतीर्थमयी देवी सर्वामरसमन्विता।

evaṁ sā prāṅmukhī tatra sthitā devī sarasvatī sarvatīrthamayī devī sarvāmarasamanvitā

—इस प्रकार वह देवी सरस्वती वहाँ पूर्वमुखी होकर स्थित रहीं; समस्त तीर्थमयी देवी, समस्त देवताओं सहित।

श्लोक 120 (padma.1.32.120)

प्राची सेति बुधैर्ज्ञेया ब्रह्मणो वचनं तथा। तत्र शुद्धावटंनाम तीर्थं पैतामहं स्मृतम्।

prācī seti budhairjñeyā brahmaṇo vacanaṁ tathā tatra śuddhāvaṭaṁnāma tīrthaṁ paitāmahaṁ smṛtam

ब्रह्मा के वचन के अनुसार उन्हें विद्वानों द्वारा 'प्राची' के नाम से जाना जाता है; वहाँ शुद्धावट नामक तीर्थ स्मरण किया जाता है, जो पैतामह है।

श्लोक 121 (padma.1.32.121)

दर्शनेनापि वै तस्य महापातकिनोपि ये। भोगिभोगान्समश्नंति विशुद्धा ब्रह्मणोंतिके।

darśanenāpi vai tasya mahāpātakinopi ye bhogibhogānsamaśnaṁti viśuddhā brahmaṇoṁtike

उसके दर्शनमात्र से ही महापातकी जन भी विशुद्ध होकर, ब्रह्मा के समीप भोगियों के भोगों को भोगते हैं।

श्लोक 122 (padma.1.32.122)

प्रायोपवेशं ये तत्र प्रकुर्वंति नरोत्तमाः। ते मृता ब्रह्मयानेन दिवं यांत्यकुतोभयाः।

prāyopaveśaṁ ye tatra prakurvaṁti narottamāḥ te mṛtā brahmayānena divaṁ yāṁtyakutobhayāḥ

जो श्रेष्ठ पुरुष वहाँ प्रायोपवेशन करते हैं, वे मरने पर ब्रह्मा के विमान द्वारा निर्भय होकर स्वर्ग जाते हैं।

श्लोक 123 (padma.1.32.123)

तत्राल्पमपि यैर्दानं दत्तं ब्रह्मविदात्मनाम्। जन्मांतरशतं तेषां तैर्दत्तं भावितात्मनाम्।

tatrālpamapi yairdānaṁ dattaṁ brahmavidātmanām janmāṁtaraśataṁ teṣāṁ tairdattaṁ bhāvitātmanām

जो पवित्रात्मा वहाँ ब्रह्मवेत्ताओं को थोड़ा भी दान देते हैं, उनके लिए यह मानो सौ जन्मों तक दिया हुआ है।

श्लोक 124 (padma.1.32.124)

खण्डस्फुटितसंस्कारं तत्र कुर्वन्ति ये नराः। ते ब्रह्मलोकमासाद्य मोदन्ते सुखिनस्सदा।

khaṇḍasphuṭitasaṁskāraṁ tatra kurvanti ye narāḥ te brahmalokamāsādya modante sukhinassadā

जो मनुष्य वहाँ खंडित वस्तुओं का जीर्णोद्धार-संस्कार करते हैं, वे ब्रह्मलोक को प्राप्त होकर सदा सुखी होकर आनंदित होते हैं।

श्लोक 125 (padma.1.32.125)

योऽत्र पूजाजपोहोमः कृतो भवति देहिनाम्। अनन्तं तत्फलं सर्वं ब्रह्मभक्तिरतात्मनाम्।

yo'tra pūjājapohomaḥ kṛto bhavati dehinām anantaṁ tatphalaṁ sarvaṁ brahmabhaktiratātmanām

यहाँ प्राणियों द्वारा जो भी पूजा, जप या होम किया जाता है, ब्रह्मभक्ति में रत आत्माओं के लिए उसका फल अनंत होता है।

श्लोक 126 (padma.1.32.126)

तत्र दीपप्रदानेन ज्ञानचक्षुरतींद्रियः। प्राप्नोति धूपदानेन स्थानं ब्रह्मनिषेवितम्।

tatra dīpapradānena jñānacakṣuratīṁdriyaḥ prāpnoti dhūpadānena sthānaṁ brahmaniṣevitam

वहाँ दीपदान से अतींद्रिय ज्ञान-चक्षु प्राप्त होता है; धूपदान से ब्रह्मा द्वारा सेवित स्थान प्राप्त होता है।

श्लोक 127 (padma.1.32.127)

अथ किं बहुनोक्तेन संगमे यत्प्रदीयते। तदनंतफलं प्रोक्तं जीवतो वा मृतस्य च।

atha kiṁ bahunoktena saṁgame yatpradīyate tadanaṁtaphalaṁ proktaṁ jīvato vā mṛtasya ca

अब अधिक कहने से क्या? संगम में जो कुछ भी दिया जाता है, जीवित या मृत के लिए, उसका फल अनंत कहा गया है।

श्लोक 128 (padma.1.32.128)

स्नानाज्जपात्तथा होमादनंतफलसाधकम्। रामेणागत्य वै तत्र पिंडं दशरथस्य च।

snānājjapāttathā homādanaṁtaphalasādhakam rāmeṇāgatya vai tatra piṁḍaṁ daśarathasya ca

स्नान, जप तथा होम से अनंत फल की सिद्धि होती है; राम स्वयं वहाँ आकर दशरथ को पिंडदान किया।

श्लोक 129 (padma.1.32.129)

दत्तं श्राद्धं तत्र तेन मार्कंडेयेन दर्शिते। तत्र वापी चतुःकोणा तत्र पिंडप्रदा नराः।

dattaṁ śrāddhaṁ tatra tena mārkaṁḍeyena darśite tatra vāpī catuḥkoṇā tatra piṁḍapradā narāḥ

मार्कंडेय द्वारा दिखाए गए उस स्थान पर उन्होंने श्राद्ध किया; वहाँ एक चतुष्कोण बावड़ी है, और वहाँ पिंडदान करने वाले मनुष्य—

श्लोक 130 (padma.1.32.130)

हंसयुक्तेन यानेन सर्वे यांति त्रिविष्टपम्। तस्यां वाप्यां तु वै ब्रह्मा पितृमेधं चकार ह।

haṁsayuktena yānena sarve yāṁti triviṣṭapam tasyāṁ vāpyāṁ tu vai brahmā pitṛmedhaṁ cakāra ha

—सभी हंसयुक्त विमान द्वारा स्वर्ग को जाते हैं। और उसी बावड़ी में ब्रह्मा ने पितृमेध-यज्ञ किया था।

श्लोक 131 (padma.1.32.131)

यज्ञं यज्ञविदां श्रेष्ठः समाप्तवरदक्षिणम्। वसवः पितरो ज्ञेया रुद्राश्चैव पितामहाः।

yajñaṁ yajñavidāṁ śreṣṭhaḥ samāptavaradakṣiṇam vasavaḥ pitaro jñeyā rudrāścaiva pitāmahāḥ

यज्ञवेत्ताओं में श्रेष्ठ ब्रह्मा ने उत्तम दक्षिणा सहित यज्ञ पूर्ण किया; वसुओं को पितर तथा रुद्रों को पितामह जानना चाहिए।

श्लोक 132 (padma.1.32.132)

आदित्याश्च ततस्तेषां विहिताः प्रपितामहाः। त्रिविधा अपि आहूय पुनरुक्ता विरिंचिना।

ādityāśca tatasteṣāṁ vihitāḥ prapitāmahāḥ trividhā api āhūya punaruktā viriṁcinā

और आदित्यों को उनका प्रपितामह नियत किया गया; इन तीनों प्रकार के पितरों को आवाहन कर विरिंचि ने पुनः कहा।

श्लोक 133 (padma.1.32.133)

भवद्भिः पिंडदानाद्यं ग्राह्यमत्र स्थितैस्सदा। यत्कृतं पितृकार्यं च तदनंतफलं भवेत्।

bhavadbhiḥ piṁḍadānādyaṁ grāhyamatra sthitaissadā yatkṛtaṁ pitṛkāryaṁ ca tadanaṁtaphalaṁ bhavet

'यहाँ स्थित तुम सभी को सदा पिंडदान आदि ग्रहण करना चाहिए; यहाँ किया गया पितृकार्य अनंत फलदायी होता है।'

श्लोक 134 (padma.1.32.134)

वृत्यर्थं पितरस्तेषां तुष्टाश्चैव पितामहाः। लभंते तर्पणात्तृप्तिं पिंडदानात्त्रिविष्टपम्।

vṛtyarthaṁ pitarasteṣāṁ tuṣṭāścaiva pitāmahāḥ labhaṁte tarpaṇāttṛptiṁ piṁḍadānāttriviṣṭapam

अपनी वृत्ति के लिए वे संतुष्ट पितर और पितामह तर्पण से तृप्ति तथा पिंडदान से स्वर्ग प्राप्त करते हैं।

श्लोक 135 (padma.1.32.135)

तस्मात्सर्वं परित्यज्य प्राचीने पिंडदो भवेत्। दत्वा पुत्रः प्रयत्नेन पितॄन्सर्वांश्च तर्पयेत्।

tasmātsarvaṁ parityajya prācīne piṁḍado bhavet datvā putraḥ prayatnena pitṝnsarvāṁśca tarpayet

इसलिए सब कुछ त्यागकर प्राची में पिंडदान करना चाहिए; पुत्र को प्रयत्नपूर्वक दान देकर सभी पितरों को तृप्त करना चाहिए।

श्लोक 136 (padma.1.32.136)

प्राचीनेश्वरदेवस्य पुरोभूतं प्रतिष्ठितम्। आदितीर्थं तदित्युक्तं दर्शनादपि मुक्तिदम्।

prācīneśvaradevasya purobhūtaṁ pratiṣṭhitam āditīrthaṁ tadityuktaṁ darśanādapi muktidam

प्राचीनेश्वर देव के सम्मुख प्रतिष्ठित वह तीर्थ आदितीर्थ कहलाता है, जो दर्शनमात्र से भी मुक्तिदायक है।

श्लोक 137 (padma.1.32.137)

स्पृष्ट्वा तु सलिलं तत्र मुच्यते जन्मबंधनात्। अवगाहनाद्ब्रह्मणोऽसौ भवत्यनुचरः सदा।

spṛṣṭvā tu salilaṁ tatra mucyate janmabaṁdhanāt avagāhanādbrahmaṇo'sau bhavatyanucaraḥ sadā

वहाँ जल का स्पर्श करने से जन्म-बंधन से मुक्ति मिलती है; उसमें स्नान करने से मनुष्य सदा के लिए ब्रह्मा का अनुचर बन जाता है।

श्लोक 138 (padma.1.32.138)

आदितीर्थे नरः स्नात्वा यः प्रदद्यात्समाधिना। अन्नमल्पमपि प्रायः प्रायशस्स्वर्गमाप्नुयात्।

āditīrthe naraḥ snātvā yaḥ pradadyātsamādhinā annamalpamapi prāyaḥ prāyaśassvargamāpnuyāt

आदितीर्थ में स्नान करके जो मनुष्य समाधानपूर्वक थोड़ा-सा भी अन्न दान करता है, वह प्रायः स्वर्ग प्राप्त करता है।

श्लोक 139 (padma.1.32.139)

यस्तत्र ब्रह्मभक्तानां नरः स्नात्वा ददेद्धनम्। कृसेरणापि हेम्ना च स स्वर्गे मोदते सुखी।

yastatra brahmabhaktānāṁ naraḥ snātvā dadeddhanam kṛseraṇāpi hemnā ca sa svarge modate sukhī

जो मनुष्य वहाँ स्नान करके ब्रह्मभक्तों को थोड़े भी स्वर्ण सहित धन देता है, वह स्वर्ग में सुखपूर्वक आनंदित होता है।

श्लोक 140 (padma.1.32.140)

प्राचीसरस्वती तत्र नरैः किं मृग्यते परम्। तस्यां स्नानात्फलं तृप्त्यै तपोयज्ञादिलक्षणम्।

prācīsarasvatī tatra naraiḥ kiṁ mṛgyate param tasyāṁ snānātphalaṁ tṛptyai tapoyajñādilakṣaṇam

प्राची सरस्वती के अतिरिक्त वहाँ मनुष्यों को और क्या खोजना है? उसमें स्नान से तृप्ति के लिए तप-यज्ञ आदि के लक्षण वाला फल मिलता है।

श्लोक 141 (padma.1.32.141)

ये पिबंति नराः पुण्यां प्राचीं देवीं सरस्वतीम्। न ते नराः सुरा ज्ञेया मार्कंडेयर्षिरब्रवीत्।

ye pibaṁti narāḥ puṇyāṁ prācīṁ devīṁ sarasvatīm na te narāḥ surā jñeyā mārkaṁḍeyarṣirabravīt

जो मनुष्य पुण्यमयी प्राची देवी सरस्वती का जल पीते हैं, वे मनुष्य नहीं, देवता जानने चाहिए — ऐसा मार्कंडेय ऋषि ने कहा।

श्लोक 142 (padma.1.32.142)

सरस्वती नदीं प्राप्य न स्नाने नियमः क्वचित्। भुक्ते वा न च वा भुक्ते दिवा वा यदि वा निशि।

sarasvatī nadīṁ prāpya na snāne niyamaḥ kvacit bhukte vā na ca vā bhukte divā vā yadi vā niśi

सरस्वती नदी को पाकर स्नान के लिए कोई नियम नहीं है — चाहे भोजन किया हो या न किया हो, चाहे दिन में हो या रात्रि में।

श्लोक 143 (padma.1.32.143)

तत्तीर्थं सर्वत्तीर्थानां प्राचीनं प्रवरं स्मृतत्। पापघ्नं पुण्यजननं प्राणिनां परिकीर्तितम्।

tattīrthaṁ sarvattīrthānāṁ prācīnaṁ pravaraṁ smṛtat pāpaghnaṁ puṇyajananaṁ prāṇināṁ parikīrtitam

वह तीर्थ समस्त तीर्थों में सबसे प्राचीन और श्रेष्ठ माना गया है, जो पापनाशक और प्राणियों के लिए पुण्यजनक कहा गया है।

श्लोक 144 (padma.1.32.144)

ये पुनर्भावितात्मानस्तत्र स्नात्वा जनार्दनम्। पूजयन्ति यथाशक्ति ते प्रयांति त्रिविष्टपम्।

ye punarbhāvitātmānastatra snātvā janārdanam pūjayanti yathāśakti te prayāṁti triviṣṭapam

और जो पवित्रात्मा वहाँ स्नान करके यथाशक्ति जनार्दन की पूजा करते हैं, वे स्वर्ग को जाते हैं।

श्लोक 145 (padma.1.32.145)

देवानां प्रवरो विष्णुस्तेन यत्र सरस्वती। सेविता तत्परं तीर्थं क्षितौ ब्रह्मसुतोऽब्रवीत्।

devānāṁ pravaro viṣṇustena yatra sarasvatī sevitā tatparaṁ tīrthaṁ kṣitau brahmasuto'bravīt

विष्णु देवताओं में श्रेष्ठ हैं; इसलिए जहाँ उनके द्वारा सरस्वती सेवित हैं, वह पृथ्वी पर परम तीर्थ है — ऐसा ब्रह्मपुत्र ने कहा।

श्लोक 146 (padma.1.32.146)

ततस्तस्मान्महातीर्थं मन्यमाना महोदयम्। मंदाकिनीमुदीक्षंती स्थिता तत्र सरस्वती।

tatastasmānmahātīrthaṁ manyamānā mahodayam maṁdākinīmudīkṣaṁtī sthitā tatra sarasvatī

तत्पश्चात् उसे महातीर्थ और महान् उत्कर्ष वाला मानकर, सरस्वती वहाँ मंदाकिनी की ओर देखती हुई स्थित रहीं।

श्लोक 147 (padma.1.32.147)

तत्तीर्थं सर्वतीर्थानां परं स्वायंभुवोऽब्रवीत्। मंदाकिन्यासमं यत्र प्राप्य पुण्यसमागमम्।

tattīrthaṁ sarvatīrthānāṁ paraṁ svāyaṁbhuvo'bravīt maṁdākinyāsamaṁ yatra prāpya puṇyasamāgamam

स्वायंभुव ने उस तीर्थ को समस्त तीर्थों में श्रेष्ठ बताया, जहाँ मंदाकिनी के समान पुण्य-संगम प्राप्त कर—

श्लोक 148 (padma.1.32.148)

तत्रस्थाने स्थिता देवैः स्तुता देवी सरस्वती। मत्वा चैकाकिनीं तां तु दीनास्यां दीनमानसां।

tatrasthāne sthitā devaiḥ stutā devī sarasvatī matvā caikākinīṁ tāṁ tu dīnāsyāṁ dīnamānasāṁ

—देवी सरस्वती उस स्थान पर देवताओं द्वारा स्तुत होकर स्थित रहीं। उन्हें अकेली, उदास मुख और उदास मन वाली जानकर—

श्लोक 149 (padma.1.32.149)

सखीं तदाऽसृजद्ब्रह्मा रूपिणीं विमलेक्षणाम्। हरिणीं हरिरप्याशु जज्ञे कमललोचनाम्।

sakhīṁ tadā'sṛjadbrahmā rūpiṇīṁ vimalekṣaṇām hariṇīṁ harirapyāśu jajñe kamalalocanām

—तब ब्रह्मा ने उनके लिए एक सुंदर, निर्मल नेत्रों वाली सखी उत्पन्न की; और हरि ने भी शीघ्र ही कमललोचना हरिणी को उत्पन्न किया।

श्लोक 150 (padma.1.32.150)

वज्रिणीमपि देवेशो वज्रपाणिर्विसृष्टवान्। सुकुरंगरुचिं देवो नीलकंठो वृषध्वजः।

vajriṇīmapi deveśo vajrapāṇirvisṛṣṭavān sukuraṁgaruciṁ devo nīlakaṁṭho vṛṣadhvajaḥ

वज्रपाणि देवेश ने भी वज्रिणी को उत्पन्न किया; और नीलकंठ, वृषभध्वज देव—

श्लोक 151 (padma.1.32.151)

सखीं संजनयामास सरस्वत्यास्त्रिलोचनः। विलोक्यमाना सा राजन्सखीभिः सुरसुंदरी।

sakhīṁ saṁjanayāmāsa sarasvatyāstrilocanaḥ vilokyamānā sā rājansakhībhiḥ surasuṁdarī

—त्रिलोचन ने सुंदर मृगनयनी सखी उत्पन्न की। हे राजन्! अपनी सखियों द्वारा निहारी जाती हुई वह सुरसुंदरी—

श्लोक 152 (padma.1.32.152)

प्रहृष्टा यातुमारब्धा देवादेशान्महानदी। ततः सखीभिः सार्द्धं सा प्राचीनागंतुमुद्यता।

prahṛṣṭā yātumārabdhā devādeśānmahānadī tataḥ sakhībhiḥ sārddhaṁ sā prācīnāgaṁtumudyatā

—अत्यंत प्रसन्न होकर वह महानदी देवाज्ञा से प्रस्थान करने लगीं। तत्पश्चात् अपनी सखियों सहित वे प्राची के रूप में आने को उद्यत हुईं।

श्लोक 153 (padma.1.32.153)

सरस्वती समस्तानां तासां श्रेष्ठतमा स्मृता। प्राचीसरस्वतीतोयं ये पिबंति मृगा भुवि।

sarasvatī samastānāṁ tāsāṁ śreṣṭhatamā smṛtā prācīsarasvatītoyaṁ ye pibaṁti mṛgā bhuvi

सरस्वती उन सबमें सर्वश्रेष्ठ मानी गई हैं। पृथ्वी पर जो मृग भी प्राची सरस्वती का जल पीते हैं—

श्लोक 154 (padma.1.32.154)

तेपि स्वर्गं गमिष्यंति यज्ञैर्द्विजवरा यथा। चिंतामणिरिवात्रैषा प्राची ज्ञेया सरस्वती।

tepi svargaṁ gamiṣyaṁti yajñairdvijavarā yathā ciṁtāmaṇirivātraiṣā prācī jñeyā sarasvatī

—वे भी स्वर्ग को प्राप्त होंगे, जैसे यज्ञों से श्रेष्ठ द्विज होते हैं। यहाँ यह प्राची सरस्वती चिंतामणि के समान जाननी चाहिए।

श्लोक 155 (padma.1.32.155)

तथा कामफलस्येयं हेतुभूता महानदी। दक्षिणां दिशमालोक्य पुनः पश्चान्मुखी गता।

tathā kāmaphalasyeyaṁ hetubhūtā mahānadī dakṣiṇāṁ diśamālokya punaḥ paścānmukhī gatā

इस प्रकार यह महानदी इच्छित फल की हेतुभूता है। दक्षिण दिशा की ओर देखकर वह पुनः पश्चिममुखी होकर बहने लगीं।

श्लोक 156 (padma.1.32.156)

उक्ता तया तथा गंगा दिशं प्राचीं व्रजस्व ह। विस्मर्तव्या न चाहं ते व्रज देवि यथागतम्।

uktā tayā tathā gaṁgā diśaṁ prācīṁ vrajasva ha vismartavyā na cāhaṁ te vraja devi yathāgatam

उसके द्वारा गंगा से यह कहा गया: 'तुम पूर्व दिशा की ओर जाओ; मुझे मत भुलाना। हे देवी! जैसे आई थीं, वैसे ही जाओ।'