शूद्रतापसवध

श्लोक 1 (padma.1.35.1)

भीष्म उवाच। उक्तं भगवता सर्वं पुराणाश्रयसंयुतं। तथा श्वेतेन ब्रह्मांडं गुरवे प्रतिपादितं।

bhīṣma uvāca uktaṁ bhagavatā sarvaṁ purāṇāśrayasaṁyutaṁ tathā śvetena brahmāṁḍaṁ gurave pratipāditaṁ

भीष्म ने कहा — भगवान् द्वारा यह सब पुराण के आधार सहित कहा गया, तथा जैसे श्वेत ने ब्रह्मांड गुरु को अर्पित किया।

श्लोक 2 (padma.1.35.2)

श्रुत्वैतत्कौतुकं जातं यथा तेनास्थिलेहनं। कृतं क्षुधापनोदार्थे अन्नदानाद्विना द्विज।

śrutvaitatkautukaṁ jātaṁ yathā tenāsthilehanaṁ kṛtaṁ kṣudhāpanodārthe annadānādvinā dvija

यह सुनकर मुझे यह कौतुक हुआ कि हे द्विज! अन्न-दान के बिना भूख-निवारण के लिए उसने हड्डियाँ क्यों चाटीं।

श्लोक 3 (padma.1.35.3)

तदहं श्रोतुमिच्छामि पृथिव्यां ये च पार्थिवाः। अन्नदानाद्दिवं प्राप्ताः क्रतवश्चान्नमूलकाः।

tadahaṁ śrotumicchāmi pṛthivyāṁ ye ca pārthivāḥ annadānāddivaṁ prāptāḥ kratavaścānnamūlakāḥ

इसलिए मैं यह सुनना चाहता हूँ कि पृथ्वी पर जो राजा अन्न-दान से स्वर्ग को प्राप्त हुए, और जिनके यज्ञ अन्न-मूलक थे—

श्लोक 4 (padma.1.35.4)

कथं तस्य मतिर्नष्टा श्वेतस्य च महात्मनः। न दत्तं तेनान्नदानमृषिभिर्वा न दर्शितम्।

kathaṁ tasya matirnaṣṭā śvetasya ca mahātmanaḥ na dattaṁ tenānnadānamṛṣibhirvā na darśitam

—उस महात्मा श्वेत की बुद्धि कैसे नष्ट हुई? क्या उसे ऋषियों ने अन्न-दान नहीं दिखाया था, न स्वयं उसने वह दिया?

श्लोक 5 (padma.1.35.5)

अहो माहात्म्यमन्नस्य इह दत्तस्य यत्फलम्। परत्र भुज्यते पुंभिः स्वर्गश्चाक्षयतां व्रजेत्।

aho māhātmyamannasya iha dattasya yatphalam paratra bhujyate puṁbhiḥ svargaścākṣayatāṁ vrajet

अहो! अन्न की महिमा — यहाँ दिए गए अन्न का जो फल परलोक में पुरुषों द्वारा भोगा जाता है, वह अक्षय स्वर्ग तक पहुँचाता है।

श्लोक 6 (padma.1.35.6)

अन्नदानं परं विप्राः कीर्तयंति सदोत्थिताः। अन्नदानात्सुरेद्रेण त्रैलोक्यमिह भुज्यते।

annadānaṁ paraṁ viprāḥ kīrtayaṁti sadotthitāḥ annadānātsuredreṇa trailokyamiha bhujyate

सदा उद्यत विप्रगण अन्न-दान को ही परम कीर्तित करते हैं। अन्न-दान से ही इंद्र इस त्रैलोक्य को भोगता है।

श्लोक 7 (padma.1.35.7)

शतक्रतुरिति प्रोक्तः सर्वैरेव द्विजोत्तमैः। तेनावस्थां तत्सदृशीं प्राप्तवांस्त्रिदशेश्वरः।

śatakraturiti proktaḥ sarvaireva dvijottamaiḥ tenāvasthāṁ tatsadṛśīṁ prāptavāṁstridaśeśvaraḥ

समस्त द्विजश्रेष्ठों ने उसे 'शतक्रतु' कहा है; उसी से त्रिदशेश्वर ने वह उसके समान पद प्राप्त किया।

श्लोक 8 (padma.1.35.8)

दानदेवगतः स्वर्गं त्वत्तः सर्वं श्रुतं मया। अपरं च पुरावृत्तं निवृत्तं यदि कर्हिचित्।

dānadevagataḥ svargaṁ tvattaḥ sarvaṁ śrutaṁ mayā aparaṁ ca purāvṛttaṁ nivṛttaṁ yadi karhicit

दान से देवत्व प्राप्तकर स्वर्ग को गया — यह सब मैंने आपसे सुना। अब यदि कोई अन्य प्राचीन आख्यान भी शेष हो—

श्लोक 9 (padma.1.35.9)

भूयोपि श्रोतुमिच्छामि तन्मे वद महामते। पुलस्त्य उवाच। एतदाख्यानकं पूर्वमगस्त्येन महात्मना।

bhūyopi śrotumicchāmi tanme vada mahāmate pulastya uvāca etadākhyānakaṁ pūrvamagastyena mahātmanā

—तो हे महामते! उसे भी मैं फिर से सुनना चाहता हूँ, वह मुझे बताइए। पुलस्त्य ने कहा — यह आख्यान पहले महात्मा अगस्त्य द्वारा—

श्लोक 10 (padma.1.35.10)

रामाय कथितं राजंस्तत्ते वक्ष्यामि सांप्रतम्। भीष्म उवाच। कस्मिन्वंशे समुत्पन्नो रामोऽसौ नृपसत्तमः।

rāmāya kathitaṁ rājaṁstatte vakṣyāmi sāṁpratam bhīṣma uvāca kasminvaṁśe samutpanno rāmo'sau nṛpasattamaḥ

—हे राजन्! राम को कहा गया था, वही मैं अब तुम्हें सुनाता हूँ। भीष्म ने कहा — वह राम, श्रेष्ठ राजा, किस वंश में उत्पन्न हुए—

श्लोक 11 (padma.1.35.11)

यस्यागस्त्येन कथितश्चेतिहासः पुरातनः। पुलस्त्य उवाच। रघुवंशे समुत्पन्नो रामो नाम महाबलः।

yasyāgastyena kathitaścetihāsaḥ purātanaḥ pulastya uvāca raghuvaṁśe samutpanno rāmo nāma mahābalaḥ

—जिसे अगस्त्य ने वह पुरातन इतिहास कहा था? पुलस्त्य ने कहा — रघुवंश में महाबली राम नामक (राजा) उत्पन्न हुए।

श्लोक 12 (padma.1.35.12)

देवकार्यं कृतं तेन लंकायां रावणो हतः। पृथिवीं राज्यसंस्थस्य ऋषयोऽभ्यागता गृहे।

devakāryaṁ kṛtaṁ tena laṁkāyāṁ rāvaṇo hataḥ pṛthivīṁ rājyasaṁsthasya ṛṣayo'bhyāgatā gṛhe

उन्होंने देवकार्य किया, लंका में रावण का वध किया। राज्य पर स्थित उनकी पृथ्वी में ऋषिगण घर पर पधारे।

श्लोक 13 (padma.1.35.13)

प्राप्तास्ते तु महात्मानो राघवस्य निवेशनम्। प्रतीहारस्ततो राममगस्त्यवचनाद्द्रुतम्।

prāptāste tu mahātmāno rāghavasya niveśanam pratīhārastato rāmamagastyavacanāddrutam

वे महात्मा राघव के निवास तक पहुँचे। तब द्वारपाल ने अगस्त्य के वचन से शीघ्र राम को—

श्लोक 14 (padma.1.35.14)

आवेदयामास ऋषीन्प्राप्तास्तांश्च त्वरान्वितः। दृष्ट्वा रामं द्वारपालः पूर्णचंद्रमिवोदितम्।

āvedayāmāsa ṛṣīnprāptāstāṁśca tvarānvitaḥ dṛṣṭvā rāmaṁ dvārapālaḥ pūrṇacaṁdramivoditam

—ऋषियों के आगमन की सूचना दी, त्वरा से। द्वारपाल ने राम को पूर्णचंद्र के समान उदित देखकर—

श्लोक 15 (padma.1.35.15)

कौसल्यासुत भद्रं ते सुप्रभाताद्य शर्वरी। द्रष्टुमभ्युदयं तेद्य सम्प्राप्तो रघुनंदन।

kausalyāsuta bhadraṁ te suprabhātādya śarvarī draṣṭumabhyudayaṁ tedya samprāpto raghunaṁdana

'हे कौसल्यासुत! तुम्हारा कल्याण हो, आज की रात्रि सुप्रभात हुई। हे रघुनंदन! तुम्हें आज तुम्हारे उदय का दर्शन कराने पहुँचे हैं—'

श्लोक 16 (padma.1.35.16)

अगस्त्यो मुनिभिः सार्धं द्वारि तिष्ठति ते नृप। श्रुत्वा प्राप्तान्मुनीन्रामस्तान्भास्करसमद्युतीन्।

agastyo munibhiḥ sārdhaṁ dvāri tiṣṭhati te nṛpa śrutvā prāptānmunīnrāmastānbhāskarasamadyutīn

'—हे राजन्! अगस्त्य मुनियों सहित तुम्हारे द्वार पर खड़े हैं।' सूर्य के समान तेजस्वी उन मुनियों के आने की बात सुनकर राम ने—

श्लोक 17 (padma.1.35.17)

प्राह वाक्यं तदा द्वास्थं प्रवेशय त्वरान्वितः। किमर्थं तु त्वया द्वारि निरुद्धा मुनिसत्तमाः।

prāha vākyaṁ tadā dvāsthaṁ praveśaya tvarānvitaḥ kimarthaṁ tu tvayā dvāri niruddhā munisattamāḥ

—द्वारपाल से तब यह वचन कहा: 'शीघ्रता से उन्हें प्रवेश कराओ। तुमने द्वार पर मुनिश्रेष्ठों को क्यों रोक रखा है?'

श्लोक 18 (padma.1.35.18)

रामवाक्यान्मुनींस्तांस्तु प्रावेशयद्यथासुखम्। दृष्ट्वा तु तान्मुनींन्प्राप्तान्प्रत्युवाच कृतांजलि।

rāmavākyānmunīṁstāṁstu prāveśayadyathāsukham dṛṣṭvā tu tānmunīṁnprāptānpratyuvāca kṛtāṁjali

राम के वचन से उसने उन मुनियों को सुखपूर्वक प्रवेश कराया। उन आगत मुनियों को देखकर, हाथ जोड़कर, राम ने प्रत्युत्तर दिया।

श्लोक 19 (padma.1.35.19)

रामोऽभिवाद्य प्रणत आसनेषु न्यवेशयत्। ते तु कांचनचित्रेषु स्वास्तीर्णेषु सुखेषु च।

rāmo'bhivādya praṇata āsaneṣu nyaveśayat te tu kāṁcanacitreṣu svāstīrṇeṣu sukheṣu ca

राम ने अभिवादन करके, नत होकर, उन्हें आसनों पर बिठाया। वे सुशोभित मुनिश्रेष्ठ, स्वर्ण-चित्रित, सुख-आसीन—

श्लोक 20 (padma.1.35.20)

कुशोत्तरेषु चासीनाः समंतान्मुनिपुंगवाः। पाद्यमाचमनीयं च ददौ चार्घ्यं पुरोहितः।

kuśottareṣu cāsīnāḥ samaṁtānmunipuṁgavāḥ pādyamācamanīyaṁ ca dadau cārghyaṁ purohitaḥ

—कुशा से बने उत्तम आसनों पर चारों ओर बैठे। पुरोहित ने पाद्य, आचमनीय तथा अर्घ्य दिया।

श्लोक 21 (padma.1.35.21)

रामेण कुशलं पृष्टा ऋषयः सर्व एव ते। महर्षयो वेदविद इदं वचनमब्रुवन्।

rāmeṇa kuśalaṁ pṛṣṭā ṛṣayaḥ sarva eva te maharṣayo vedavida idaṁ vacanamabruvan

राम द्वारा कुशल पूछे जाने पर वे सभी ऋषि, वेद के ज्ञाता महर्षि, यह वचन बोले।

श्लोक 22 (padma.1.35.22)

कुशलं ते महाबाहो सर्वत्र रघुनंदन। त्वां तु दिष्ट्या कुशलिनं पश्यामो हतविद्विषम्।

kuśalaṁ te mahābāho sarvatra raghunaṁdana tvāṁ tu diṣṭyā kuśalinaṁ paśyāmo hatavidviṣam

'हे महाबाहो, हे रघुनंदन! सर्वत्र कुशल है। सौभाग्य से तुम्हें कुशल तथा शत्रुओं का नाश करने वाला देखकर—'

श्लोक 23 (padma.1.35.23)

हृता सीतातिपापेन रावणेन दुरात्मना। पत्नी ते रघुशार्दूल तस्या एवौजसा हतः।

hṛtā sītātipāpena rāvaṇena durātmanā patnī te raghuśārdūla tasyā evaujasā hataḥ

'—अत्यंत पापी दुरात्मा रावण द्वारा हरी गई तुम्हारी पत्नी सीता, हे रघुशार्दूल! उसी के लिए बल से उसे मार डाला गया—'

श्लोक 24 (padma.1.35.24)

असहायेन चैकेन त्वया राम रणे हतः। यादृशं ते कृतं कर्म तस्य कर्ता न विद्यते।

asahāyena caikena tvayā rāma raṇe hataḥ yādṛśaṁ te kṛtaṁ karma tasya kartā na vidyate

'—हे राम! तुमने अकेले, बिना सहायता के, युद्ध में उसे मार डाला। तुमने जो कर्म किया है, उसका कर्ता अन्य कोई विद्यमान नहीं है।'

श्लोक 25 (padma.1.35.25)

इह संभाषितुं प्राप्ता दृष्ट्वा पूताः स्म सांप्रतम्। दर्शनात्तव राजेंद्र सर्वे जातास्तपस्विनः।

iha saṁbhāṣituṁ prāptā dṛṣṭvā pūtāḥ sma sāṁpratam darśanāttava rājeṁdra sarve jātāstapasvinaḥ

'यहाँ बातचीत करने के लिए आए, तुम्हें देखकर अब हम पवित्र हो गए हैं। हे राजेंद्र! तुम्हारे दर्शन से सभी तपस्वी बन गए हैं।'

श्लोक 26 (padma.1.35.26)

रावणस्य वधात्तेद्य कृतमश्रुप्रमार्जनम्। दत्वा पुण्यामिमां वीर जगत्यभयदक्षिणाम्।

rāvaṇasya vadhāttedya kṛtamaśrupramārjanam datvā puṇyāmimāṁ vīra jagatyabhayadakṣiṇām

'रावण के वध से आज तुमने आँसू पोंछ दिए हैं। हे वीर! इस जगत् को अभयदान की यह पुण्य दक्षिणा देकर—'

श्लोक 27 (padma.1.35.27)

दिष्ट्या वर्धसि काकुत्स्थ जयेनामितविक्रम। दृष्टस्संभाषितश्चासि यास्यामश्चाश्रमान्स्वकान्।

diṣṭyā vardhasi kākutstha jayenāmitavikrama dṛṣṭassaṁbhāṣitaścāsi yāsyāmaścāśramānsvakān

'—हे काकुत्स्थ! सौभाग्य से, अपार पराक्रम वाले, तुम विजय से बढ़ रहे हो। तुम्हारे दर्शन और वार्तालाप हो चुके, अब हम अपने-अपने आश्रमों को जाएँगे।'

श्लोक 28 (padma.1.35.28)

अरण्यं ते प्रविष्टस्य मया चेंद्रशरासनम्। अर्पितं चाक्षयौ तूणौ कवचं च परंतप।

araṇyaṁ te praviṣṭasya mayā ceṁdraśarāsanam arpitaṁ cākṣayau tūṇau kavacaṁ ca paraṁtapa

'तुम्हारे वन-प्रवेश के समय मैंने ही तुम्हें इंद्र का धनुष अर्पित किया था, हे परंतप, तथा दो अक्षय तूणीर और कवच भी।'

श्लोक 29 (padma.1.35.29)

भूयोप्यागमनं कार्यमाश्रमे मे रघूद्वह। एवमुक्त्वा तु ते सर्वे मुनयोंतर्हिताऽभवन्।

bhūyopyāgamanaṁ kāryamāśrame me raghūdvaha evamuktvā tu te sarve munayoṁtarhitā'bhavan

'हे रघूद्वह! तुम्हें पुनः भी मेरे आश्रम में आना होगा।' ऐसा कहकर वे सभी मुनि अंतर्धान हो गए।

श्लोक 30 (padma.1.35.30)

गतेषु मुनिमुख्येषु रामो धर्मभृतां वरः। चिंतयामास तत्कार्यं किं स्यान्मे मुनिनोदितम्।

gateṣu munimukhyeṣu rāmo dharmabhṛtāṁ varaḥ ciṁtayāmāsa tatkāryaṁ kiṁ syānme muninoditam

मुख्य मुनियों के चले जाने पर धर्मात्माओं में श्रेष्ठ राम विचार करने लगे कि मुनि द्वारा कहा गया वह कार्य क्या हो सकता है।

श्लोक 31 (padma.1.35.31)

भूयोप्यागमनं कार्यमाश्रमे रघुनंदन। अवश्यमेव गंतव्यं मयाऽगस्त्यस्य सन्निधौ।

bhūyopyāgamanaṁ kāryamāśrame raghunaṁdana avaśyameva gaṁtavyaṁ mayā'gastyasya sannidhau

'हे रघुनंदन! मुझे फिर आश्रम में आना है — अवश्य ही मुझे अगस्त्य के समीप जाना चाहिए।'

श्लोक 32 (padma.1.35.32)

श्रोतव्यं देवगुह्यं तु कार्यमन्यच्च यद्वदेत्। एवं चिंतयतस्तस्य रामस्यामिततेजसः।

śrotavyaṁ devaguhyaṁ tu kāryamanyacca yadvadet evaṁ ciṁtayatastasya rāmasyāmitatejasaḥ

'देवताओं का रहस्य मुझे सुनना है, तथा वह अन्य कार्य भी जो वे बताएँगे।' अपार तेजस्वी राम के इस प्रकार विचार करते हुए—

श्लोक 33 (padma.1.35.33)

करिष्ये नियतं धर्मं धर्मो हि परमा गतिः। सुतवर्षसहस्राणि दश राज्यमकारयत्।

kariṣye niyataṁ dharmaṁ dharmo hi paramā gatiḥ sutavarṣasahasrāṇi daśa rājyamakārayat

'मैं नियमित धर्म का पालन करूँगा, क्योंकि धर्म ही परम गति है।' उन्होंने दस हज़ार वर्षों तक राज्य किया—

श्लोक 34 (padma.1.35.34)

ददतो जुह्वतश्चैव जग्मुस्तान्येकवर्षवत्। प्रजाः पालयतस्तस्य राघवस्य महात्मनः।

dadato juhvataścaiva jagmustānyekavarṣavat prajāḥ pālayatastasya rāghavasya mahātmanaḥ

—दान देते और हवन करते हुए, वे वर्ष एक वर्ष के समान बीत गए। उस महात्मा राघव के प्रजा-पालन के समय—

श्लोक 35 (padma.1.35.35)

एतस्मिन्नेव दिवसे वृद्धो जानपदो द्विजः। मृतं पुत्रमुपादाय रामद्वारमुपागतः।

etasminneva divase vṛddho jānapado dvijaḥ mṛtaṁ putramupādāya rāmadvāramupāgataḥ

—इसी दिन एक वृद्ध ग्रामीण ब्राह्मण अपने मृत पुत्र को लेकर राम के द्वार पर आया।

श्लोक 36 (padma.1.35.36)

उवाच विविधं वाक्यं स्नेहाक्षरसमन्वितम्। दुष्कृतं किंतु मे पुत्र पूर्वदेहांतरे कृतम्।

uvāca vividhaṁ vākyaṁ snehākṣarasamanvitam duṣkṛtaṁ kiṁtu me putra pūrvadehāṁtare kṛtam

उसने स्नेह-भरे अक्षरों से युक्त अनेक प्रकार से यह वचन कहा: 'पूर्वजन्म में मैंने न जाने कौन-सा दुष्कर्म किया था—'

श्लोक 37 (padma.1.35.37)

त्वामेकपुत्रं यदहं पश्यामि निधनं गतम्। अप्राप्तयौवनं बालं पंचवर्षं गतायुषम्।

tvāmekaputraṁ yadahaṁ paśyāmi nidhanaṁ gatam aprāptayauvanaṁ bālaṁ paṁcavarṣaṁ gatāyuṣam

'—कि तुम्हें, मेरे इकलौते पुत्र को, मृत्यु को प्राप्त हुआ देख रहा हूँ। यौवन को न पाया हुआ, बालक, पाँच वर्ष की आयु में जीवन खो बैठा—'

श्लोक 38 (padma.1.35.38)

अकाले कालमापन्नं दुःखाय मम पुत्रक। अकृत्वा पितृकार्याणि गतो वैवस्वतक्षयम्।

akāle kālamāpannaṁ duḥkhāya mama putraka akṛtvā pitṛkāryāṇi gato vaivasvatakṣayam

'—असमय काल को प्राप्त, हे मेरे पुत्र, मेरे दुःख के लिए। पितृ-कार्य किए बिना ही वह यम के धाम को चला गया।'

श्लोक 39 (padma.1.35.39)

रामस्य दुष्कृतं व्यक्तं येन ते मृत्युरागतः। बालवध्या ब्रह्मवध्या स्त्रीवध्या चैव राघवम्।

rāmasya duṣkṛtaṁ vyaktaṁ yena te mṛtyurāgataḥ bālavadhyā brahmavadhyā strīvadhyā caiva rāghavam

'यह स्पष्ट है कि राम का कोई दुष्कर्म ही है, जिससे तुझे मृत्यु आई है। बाल-वध, ब्रह्म-वध, स्त्री-वध—'

श्लोक 40 (padma.1.35.40)

प्रवेक्ष्यति न सन्देहः सभार्ये तु मृते मयि। शुश्राव राघवः सर्वं दुःखशोकसमन्वितम्।

pravekṣyati na sandehaḥ sabhārye tu mṛte mayi śuśrāva rāghavaḥ sarvaṁ duḥkhaśokasamanvitam

'—राघव पर निस्संदेह पड़ेगी, यदि मैं अपनी पत्नी सहित मर जाऊँ।' राम ने यह सब दुःख-शोक से भरा वचन सुना।

श्लोक 41 (padma.1.35.41)

निवार्य तं द्विजं रामो वसिष्ठं वाक्यमब्रवीत्। किं मयाद्य च कर्तव्यं कार्यमेवं विधे स्थिते।

nivārya taṁ dvijaṁ rāmo vasiṣṭhaṁ vākyamabravīt kiṁ mayādya ca kartavyaṁ kāryamevaṁ vidhe sthite

उस द्विज को रोककर राम ने वसिष्ठ से यह वचन कहा: 'ऐसी स्थिति में आज मुझे क्या करना चाहिए?'

श्लोक 42 (padma.1.35.42)

प्राणानहं जुहोम्यग्नौ पर्वताद्वा पतेह्यहम्। कथं शुद्धिमहं यामि श्रुत्वा ब्राह्मणभाषितम्।

prāṇānahaṁ juhomyagnau parvatādvā patehyaham kathaṁ śuddhimahaṁ yāmi śrutvā brāhmaṇabhāṣitam

'मैं अग्नि में अपने प्राणों की आहुति दे दूँ, या पर्वत से गिर पड़ूँ। ब्राह्मण के इस वचन को सुनकर मैं किस प्रकार शुद्धि पाऊँ?'

श्लोक 43 (padma.1.35.43)

वसिष्ठस्याग्रतः स्थित्वा राज्ञो दीनस्य नारदः। प्रत्युवाच श्रुतं वाक्यमृषीणां सन्निधौ तदा।

vasiṣṭhasyāgrataḥ sthitvā rājño dīnasya nāradaḥ pratyuvāca śrutaṁ vākyamṛṣīṇāṁ sannidhau tadā

वसिष्ठ के सामने खड़े होकर, उस दीन राजा का सुना हुआ वचन, नारद ने ऋषियों की उपस्थिति में तब प्रत्युत्तर दिया।

श्लोक 44 (padma.1.35.44)

शृणु राम यथाकालं प्राप्तो वै बालसंक्षयः। पुरा कृतयुगे राम सर्वत्र ब्राह्मणोत्तरम्।

śṛṇu rāma yathākālaṁ prāpto vai bālasaṁkṣayaḥ purā kṛtayuge rāma sarvatra brāhmaṇottaram

'हे राम, सुनो — यह बाल-मृत्यु समय के अनुसार ही घटित हुई है। हे राम! पहले सत्ययुग में सर्वत्र ब्राह्मण-प्रधानता थी—'

श्लोक 45 (padma.1.35.45)

अब्राह्मणो न वै कश्चित्तपस्तपति राघव। अमृत्यवस्तदा सर्वे जायंते चिरजीविनः।

abrāhmaṇo na vai kaścittapastapati rāghava amṛtyavastadā sarve jāyaṁte cirajīvinaḥ

'—हे राघव! कोई भी अब्राह्मण तप नहीं करता था। तब सभी अमर, चिरजीवी होते थे।'

श्लोक 46 (padma.1.35.46)

त्रेतायुगे पुनः प्राप्ते ब्रह्मक्षत्रमनुत्तमम्। अधर्मो द्वापरे तेषां वैश्यान्शूद्रांस्तथाविशत्।

tretāyuge punaḥ prāpte brahmakṣatramanuttamam adharmo dvāpare teṣāṁ vaiśyānśūdrāṁstathāviśat

'त्रेतायुग आने पर पुनः ब्रह्म और क्षत्र (दोनों) श्रेष्ठ रहे। द्वापर में अधर्म ने उनमें वैश्यों और शूद्रों को भी घेर लिया।'

श्लोक 47 (padma.1.35.47)

एवं निरंतरं जुष्टमुद्भूतमनृतं पुनः। अधर्मस्य त्रयः पादा एको धर्मस्य चागतः।

evaṁ niraṁtaraṁ juṣṭamudbhūtamanṛtaṁ punaḥ adharmasya trayaḥ pādā eko dharmasya cāgataḥ

'इस प्रकार निरंतर बढ़ता हुआ असत्य पुनः उत्पन्न हुआ। अधर्म के तीन चरण और धर्म का केवल एक चरण शेष रहा।'

श्लोक 48 (padma.1.35.48)

ततः पूर्वे भृशं त्रस्ता वर्णा ब्राह्मणपूर्वकाः। भूयः पादस्तु धर्मस्य द्वितीयः समपद्यत।

tataḥ pūrve bhṛśaṁ trastā varṇā brāhmaṇapūrvakāḥ bhūyaḥ pādastu dharmasya dvitīyaḥ samapadyata

'तब पूर्व-काल में ब्राह्मण-प्रधान वर्ण अत्यंत भयभीत हुए। पुनः धर्म का दूसरा चरण भी उत्पन्न हुआ।'

श्लोक 49 (padma.1.35.49)

तस्मिन्द्वापरसंज्ञे तु तपो वैश्यं समाविशत्। युगत्रयस्य वैधर्म्यं धर्मस्य प्रतितिष्ठति।

tasmindvāparasaṁjñe tu tapo vaiśyaṁ samāviśat yugatrayasya vaidharmyaṁ dharmasya pratitiṣṭhati

'उस द्वापर नामक युग में तप वैश्यों में भी प्रविष्ट हुआ। तीन युगों की धर्म-विरुद्धता धर्म को स्थापित करती है।'

श्लोक 50 (padma.1.35.50)

कलिसंज्ञे ततः प्राप्ते वर्तमाने युगेंतिमे। अधर्मश्चानृतं चैव ववृधाते नरर्षभ।

kalisaṁjñe tataḥ prāpte vartamāne yugeṁtime adharmaścānṛtaṁ caiva vavṛdhāte nararṣabha

'हे नरश्रेष्ठ! कलियुग नामक इस अंतिम युग के आने और वर्तमान होने पर, अधर्म और असत्य दोनों बढ़ गए हैं।'

श्लोक 51 (padma.1.35.51)

भविता शूद्रयोन्यां तु तपश्चर्या कलौ युगे। स ते विषयपर्यंते राजन्नुग्रतरं तपः।

bhavitā śūdrayonyāṁ tu tapaścaryā kalau yuge sa te viṣayaparyaṁte rājannugrataraṁ tapaḥ

'कलियुग में शूद्र-योनि में भी तपश्चर्या होगी। हे राजन्! तुम्हारे राज्य में सुदूर सीमा पर उग्रतम तप—'

श्लोक 52 (padma.1.35.52)

शूद्रस्तपति दुर्बुद्धिस्तेन बालवधः कृतः। यस्याधर्ममकार्यं वा विषये पार्थिवस्य हि।

śūdrastapati durbuddhistena bālavadhaḥ kṛtaḥ yasyādharmamakāryaṁ vā viṣaye pārthivasya hi

'—एक दुर्बुद्धि शूद्र कर रहा है, उसी से बाल-वध हुआ है। जो भी अधर्म तुम्हारे राज्य में—'

श्लोक 53 (padma.1.35.53)

पुरे वा राजशार्दूल कुरुते दुर्मतिर्नरः। क्षिप्रं स नरकं याति यावदाभूतसंप्लवम्।

pure vā rājaśārdūla kurute durmatirnaraḥ kṣipraṁ sa narakaṁ yāti yāvadābhūtasaṁplavam

'—हे राजशार्दूल! नगर में दुर्बुद्धि मनुष्य द्वारा किया जाता है, वह शीघ्र प्रलयकाल तक नरक को जाता है—'

श्लोक 54 (padma.1.35.54)

चतुर्थं तस्य पापस्य भागमश्नाति पार्थिवः। सत्त्वं पुरुषशार्दूल गच्छस्व विषयं स्वकम्।

caturthaṁ tasya pāpasya bhāgamaśnāti pārthivaḥ sattvaṁ puruṣaśārdūla gacchasva viṣayaṁ svakam

'—और उस पाप का चौथा भाग राजा भोगता है। हे पुरुषशार्दूल! सत्त्वयुक्त होकर अपने राज्य में जाओ—'

श्लोक 55 (padma.1.35.55)

दुष्कृतं यत्र पश्येथास्तत्र यत्नं समाचर। एवं ते धर्मवृद्धिश्च बलस्य वर्धनं तथा।

duṣkṛtaṁ yatra paśyethāstatra yatnaṁ samācara evaṁ te dharmavṛddhiśca balasya vardhanaṁ tathā

'—जहाँ भी दुष्कर्म देखो, वहाँ प्रयत्न करो। इस प्रकार, हे नरश्रेष्ठ! तुम्हारे धर्म की वृद्धि तथा बल की वृद्धि—'

श्लोक 56 (padma.1.35.56)

भविष्यति नरश्रेष्ठ बालस्यास्य च जीवनम्। नारदेनैवमुक्तस्तु साश्चर्यो रघुनंदनः।

bhaviṣyati naraśreṣṭha bālasyāsya ca jīvanam nāradenaivamuktastu sāścaryo raghunaṁdanaḥ

'—और इस बालक का जीवन (पुनः प्राप्त) होगा।' नारद द्वारा इस प्रकार कहे जाने पर आश्चर्यचकित रघुनंदन को—

श्लोक 57 (padma.1.35.57)

प्रहर्षमतुलं लेभे लक्ष्मणं चेदमब्रवीत्। गच्छ सौम्य द्विजश्रेष्ठं समाश्वासय लक्ष्मण।

praharṣamatulaṁ lebhe lakṣmaṇaṁ cedamabravīt gaccha saumya dvijaśreṣṭhaṁ samāśvāsaya lakṣmaṇa

—अतुल हर्ष प्राप्त हुआ, और उन्होंने लक्ष्मण से यह कहा: 'हे सौम्य लक्ष्मण! जाओ, इस श्रेष्ठ द्विज को आश्वासन दो।'

श्लोक 58 (padma.1.35.58)

बालस्य च शरीरं त्वं तैलद्रोण्यां निधापय। गंधैश्च परमोदारैस्तैलैश्चैव सुगंधिभिः।

bālasya ca śarīraṁ tvaṁ tailadroṇyāṁ nidhāpaya gaṁdhaiśca paramodāraistailaiścaiva sugaṁdhibhiḥ

'और बालक के शरीर को तेल की कुंडी में रखो — उत्तम, उदार सुगंधों तथा सुगंधित तेलों से युक्त—'

श्लोक 59 (padma.1.35.59)

यथा न शीर्यते बालस्तथा सौम्य विधीयताम्। यथा शरीरं गुप्तं स्याद्बालस्याक्लिष्टकर्मणः।

yathā na śīryate bālastathā saumya vidhīyatām yathā śarīraṁ guptaṁ syādbālasyākliṣṭakarmaṇaḥ

'—जिससे, हे सौम्य! बालक का क्षय न हो, ऐसी व्यवस्था करो। जिससे निष्पाप कर्म वाले उस बालक का शरीर सुरक्षित रहे—'

श्लोक 60 (padma.1.35.60)

विपत्तिः परिभेदो वा न भवेत्तत्तथा कुरु। तथा संदिश्य सौमित्रं लक्ष्मणं शुभलक्षणम्।

vipattiḥ paribhedo vā na bhavettattathā kuru tathā saṁdiśya saumitraṁ lakṣmaṇaṁ śubhalakṣaṇam

'—कोई विपत्ति या क्षति न हो, ऐसा करो।' सौम्य लक्षणों वाले सौमित्र लक्ष्मण को इस प्रकार आदेश देकर—

श्लोक 61 (padma.1.35.61)

मनसा पुष्पकं दध्यावागच्छेति महायशाः। इंगितं तत्तु विज्ञाय कामगं हेमभूषितम्।

manasā puṣpakaṁ dadhyāvāgaccheti mahāyaśāḥ iṁgitaṁ tattu vijñāya kāmagaṁ hemabhūṣitam

—यशस्वी राम ने मन में पुष्पक विमान का ध्यान करते हुए 'आओ' कहा। उस संकेत को समझकर, इच्छानुसार गति करने वाला, स्वर्ण से सुसज्जित—

श्लोक 62 (padma.1.35.62)

आजगाम मुहूर्तात्तु समीपं राघवस्य हि। सोब्रवीत्प्राञ्जलिर्वाक्यमहमस्मि नराधिप।

ājagāma muhūrtāttu samīpaṁ rāghavasya hi sobravītprāñjalirvākyamahamasmi narādhipa

—वह क्षणभर में राघव के समीप आ गया। उसने हाथ जोड़कर वचन कहा: 'हे नराधिप! मैं—'

श्लोक 63 (padma.1.35.63)

अग्रे तव महाबाहो किंकरः समुपस्थितः। भाषितं सुचिरं श्रुत्वा पुष्पकस्य नराधिप।

agre tava mahābāho kiṁkaraḥ samupasthitaḥ bhāṣitaṁ suciraṁ śrutvā puṣpakasya narādhipa

'—हे महाबाहो! तुम्हारे सामने सेवक के रूप में उपस्थित हूँ।' पुष्पक के इस दीर्घ वचन को सुनकर, हे नराधिप—

श्लोक 64 (padma.1.35.64)

अभिवाद्य महर्षींस्तान्विमानं सोध्यरोहत। धनुर्गृहीत्वा तूणौ च खड्गं चापि महाप्रभम्।

abhivādya maharṣīṁstānvimānaṁ sodhyarohata dhanurgṛhītvā tūṇau ca khaḍgaṁ cāpi mahāprabham

—उन महर्षियों को अभिवादन कर, वह विमान पर आरूढ़ हुए। धनुष, दो तूणीर तथा अत्यंत तेजस्वी खड्ग ग्रहणकर—

श्लोक 65 (padma.1.35.65)

निक्षिप्य नगरे वीरौ सौमित्रि भरतावुभौ। प्रायात्प्रतीचीं त्वरितो विचिन्वन्सुसमाहितः।

nikṣipya nagare vīrau saumitri bharatāvubhau prāyātpratīcīṁ tvarito vicinvansusamāhitaḥ

—नगर में सौमित्र और भरत, दोनों वीरों को छोड़कर, वे शीघ्रता से पश्चिम दिशा को गए, अत्यंत सावधान होकर खोज करते हुए।

श्लोक 66 (padma.1.35.66)

उत्तरामगमत्पश्चाद्दिशं हिमवदाश्रिताम्। पूर्वामपि दिशां गत्वा तथाऽपश्यन्नराधिपः।

uttarāmagamatpaścāddiśaṁ himavadāśritām pūrvāmapi diśāṁ gatvā tathā'paśyannarādhipaḥ

फिर उत्तर दिशा में गए, जो हिमालय के आश्रित है। पूर्व दिशा में भी जाकर वहाँ के राजा ने देखा—

श्लोक 67 (padma.1.35.67)

सर्वां शुद्धसमाचारामादर्शमिव निर्मलाम्। ततो दिशं समाक्रामद्दक्षिणां रघुनंदनः।

sarvāṁ śuddhasamācārāmādarśamiva nirmalām tato diśaṁ samākrāmaddakṣiṇāṁ raghunaṁdanaḥ

—समस्त शुद्ध आचार वाली, दर्पण के समान निर्मल भूमि को। तत्पश्चात् रघुनंदन दक्षिण दिशा की ओर बढ़े।

श्लोक 68 (padma.1.35.68)

शैलस्य उत्तरे पार्श्वे ददर्श सुमहत्सरः। तस्मिन्सरसि तप्यंतं तापसं सुमहत्तपः।

śailasya uttare pārśve dadarśa sumahatsaraḥ tasminsarasi tapyaṁtaṁ tāpasaṁ sumahattapaḥ

पर्वत के उत्तरी भाग में उन्होंने एक विशाल सरोवर देखा। उस सरोवर में महान् तप करते हुए एक तापस को—

श्लोक 69 (padma.1.35.69)

ददर्श राघवो भीमं लंबमानमधोमुखं। तमुपागम्य काकुत्स्थस्तप्यमानं तु तापसम्।

dadarśa rāghavo bhīmaṁ laṁbamānamadhomukhaṁ tamupāgamya kākutsthastapyamānaṁ tu tāpasam

—भीषण, नीचे मुँह करके लटके हुए, राघव ने देखा। उस तप करते हुए तापस के पास जाकर काकुत्स्थ ने—

श्लोक 70 (padma.1.35.70)

उवाच राघवो वाक्यं धन्यस्त्वममरप्रभ। कस्यां योनौ तपोवृद्धिर्वर्तते दृढनिश्चय।

uvāca rāghavo vākyaṁ dhanyastvamamaraprabha kasyāṁ yonau tapovṛddhirvartate dṛḍhaniścaya

—यह वचन कहा: 'हे अमर-तेज! तुम धन्य हो। किस योनि में यह दृढ़-निश्चयी तप-वृद्धि विद्यमान है?'

श्लोक 71 (padma.1.35.71)

अहं दाशरथी रामः पृच्छामि त्वां कुतूहलात्। कोर्थो व्यवसितस्तुभ्यं स्वर्गलोकोथ वेतरः।

ahaṁ dāśarathī rāmaḥ pṛcchāmi tvāṁ kutūhalāt kortho vyavasitastubhyaṁ svargalokotha vetaraḥ

'मैं दशरथ-पुत्र राम हूँ, कौतुकवश तुमसे पूछता हूँ। स्वर्गलोक या अन्य कुछ — तुम्हारे तप का प्रयोजन क्या निश्चित किया गया है?'

श्लोक 72 (padma.1.35.72)

किमर्थं तप्यसे वा त्वं श्रोतुमिच्छामि तापस। ब्राह्मणो वासि भद्रं ते क्षत्रियो वाथ दुर्जयः।

kimarthaṁ tapyase vā tvaṁ śrotumicchāmi tāpasa brāhmaṇo vāsi bhadraṁ te kṣatriyo vātha durjayaḥ

'हे तापस! किस लिए तुम तप करते हो, यह मैं सुनना चाहता हूँ। तुम्हारा कल्याण हो — क्या तुम ब्राह्मण हो, या दुर्जय क्षत्रिय हो—'

श्लोक 73 (padma.1.35.73)

वैश्यस्तृतीयवर्णो वा शूद्रो वा सत्यमुच्यताम्। तपः सत्यात्मकं नित्यं स्वर्गलोकपरिग्रहे।

vaiśyastṛtīyavarṇo vā śūdro vā satyamucyatām tapaḥ satyātmakaṁ nityaṁ svargalokaparigrahe

'—अथवा तीसरा वर्ण वैश्य, या शूद्र? यह सत्य कहो। स्वर्गलोक की प्राप्ति में सदा सत्यात्मक तप—'

श्लोक 74 (padma.1.35.74)

सात्विकं राजसं चैव तच्च सत्यात्मकं तपः। जगदुपकारहेतुर्हि सृष्टं तद्वै विरिंचिना।

sātvikaṁ rājasaṁ caiva tacca satyātmakaṁ tapaḥ jagadupakāraheturhi sṛṣṭaṁ tadvai viriṁcinā

'—सात्विक तथा राजस, दोनों ही सत्यात्मक तप हैं। जगत् के उपकार का हेतु यह विरिंचि द्वारा सृजित किया गया है।'

श्लोक 75 (padma.1.35.75)

रौद्रं क्षत्रियतेजोजं तत्तु राजसमुच्यते। परस्योत्सादनार्थाय तच्चासुरमुदाहृतम्।

raudraṁ kṣatriyatejojaṁ tattu rājasamucyate parasyotsādanārthāya taccāsuramudāhṛtam

'जो क्षत्रिय-तेज से उत्पन्न, रौद्र तप है, वह राजस कहा जाता है। जो दूसरे के नाश के लिए किया जाता है, वह आसुर कहा गया है।'

श्लोक 76 (padma.1.35.76)

अंगानि निह्नुते यो वा असृग्दिग्धानि भागशः। पंचाग्निंसाधयेद्वापि सिद्धिं वा मृत्युमेव वा।

aṁgāni nihnute yo vā asṛgdigdhāni bhāgaśaḥ paṁcāgniṁsādhayedvāpi siddhiṁ vā mṛtyumeva vā

'जो अपने अंगों को छिपाता है, या रक्त से लिप्त अंगों वाला होता है, या पंचाग्नि साधता है, चाहे सिद्धि के लिए या मृत्यु के लिए—'

श्लोक 77 (padma.1.35.77)

आसुरो ह्येष ते भावो न च मे त्वं द्विजो मतः। सत्यं ते वदतः सिद्धिरनृते नास्ति जीवितम्।

āsuro hyeṣa te bhāvo na ca me tvaṁ dvijo mataḥ satyaṁ te vadataḥ siddhiranṛte nāsti jīvitam

'—यह आसुर भाव है, और मुझे तुम द्विज प्रतीत नहीं होते। सत्य कहने वाले की सिद्धि होती है, असत्य में जीवन नहीं होता।'

श्लोक 78 (padma.1.35.78)

तस्य तद्भाषितं श्रुत्वा रामस्याक्लिष्टकर्मणः। अवाक्शिरास्तथा भूतो वाक्यमेतदुवाच ह।

tasya tadbhāṣitaṁ śrutvā rāmasyākliṣṭakarmaṇaḥ avākśirāstathā bhūto vākyametaduvāca ha

निष्पाप कर्मी राम की यह बात सुनकर, सिर नीचे किए हुए वह, इस प्रकार यह वचन बोला।

श्लोक 79 (padma.1.35.79)

स्वागतं ते नृपश्रेष्ठ चिराद्दृष्टोसि राघव। पुत्रभूतोस्मि ते चाहं पितृभूतोसि मेनघ।

svāgataṁ te nṛpaśreṣṭha cirāddṛṣṭosi rāghava putrabhūtosmi te cāhaṁ pitṛbhūtosi menagha

'हे नृपश्रेष्ठ! तुम्हारा स्वागत है। हे राघव! बहुत दिनों बाद तुम्हारा दर्शन हुआ। मैं तुम्हारे पुत्र समान हूँ, हे निष्पाप, तुम मेरे पिता समान हो—'

श्लोक 80 (padma.1.35.80)

अथवा नैतदेवं हि सर्वेषां नृपतिः पिता। सत्वमर्च्योऽसि भो राजन्वयं ते विषये तपः।

athavā naitadevaṁ hi sarveṣāṁ nṛpatiḥ pitā satvamarcyo'si bho rājanvayaṁ te viṣaye tapaḥ

'—अथवा नहीं, ऐसा नहीं है, राजा सबका पिता होता है। हे राजन्! तुम पूज्य हो; हम तुम्हारे राज्य में तप—'

श्लोक 81 (padma.1.35.81)

चरामस्तत्रभागोस्ति पूर्वं सृष्टः स्वयंभुवा। न धन्याः स्मो वयं राम धन्यस्त्वमसि पार्थिव।

carāmastatrabhāgosti pūrvaṁ sṛṣṭaḥ svayaṁbhuvā na dhanyāḥ smo vayaṁ rāma dhanyastvamasi pārthiva

'—करते हैं, वहाँ हमारा भाग है, पूर्वकाल में स्वयंभू द्वारा सृजित। हे राम! हम धन्य नहीं हैं, तुम, हे राजन्, धन्य हो—'

श्लोक 82 (padma.1.35.82)

यस्य ते विषये ह्येवं सिद्धिमिच्छंति तापसाः। तपसा त्वं मदीयेन सिद्धिमाप्नुहि राघव।

yasya te viṣaye hyevaṁ siddhimicchaṁti tāpasāḥ tapasā tvaṁ madīyena siddhimāpnuhi rāghava

'—जिनके राज्य में इस प्रकार तपस्वी सिद्धि की इच्छा करते हैं। हे राघव! मेरे तप से भी तुम सिद्धि प्राप्त करो।'

श्लोक 83 (padma.1.35.83)

यदेतद्भवता प्रोक्तं योनौ कस्यां तु ते तपः। शूद्रयोनिप्रसूतोहं तप उग्रं समास्थितः।

yadetadbhavatā proktaṁ yonau kasyāṁ tu te tapaḥ śūdrayoniprasūtohaṁ tapa ugraṁ samāsthitaḥ

'जो आपने पूछा, किस योनि में यह मेरा तप है — मैं शूद्र-योनि से उत्पन्न होकर उग्र तप में स्थित हूँ।'

श्लोक 84 (padma.1.35.84)

देवत्वं प्रार्थये राम स्वशरीरेण सुव्रत। न मिथ्याहं वदे भूप देवलोकजिगीषया।

devatvaṁ prārthaye rāma svaśarīreṇa suvrata na mithyāhaṁ vade bhūpa devalokajigīṣayā

'हे राम! अपने ही शरीर से देवत्व की कामना करता हूँ, हे सुव्रत। हे राजन्! मैं मिथ्या नहीं कहता, देवलोक की विजय की इच्छा से—'

श्लोक 85 (padma.1.35.85)

शूद्रं मां विद्धि काकुत्स्थ शंबूकं नाम नामतः। भाषतस्तस्य काकुत्स्थः खड्गं तु रुचिरप्रभं।

śūdraṁ māṁ viddhi kākutstha śaṁbūkaṁ nāma nāmataḥ bhāṣatastasya kākutsthaḥ khaḍgaṁ tu ruciraprabhaṁ

'—हे काकुत्स्थ! मुझे शूद्र जानो, शंबूक नाम से पहचानो।' उसके ऐसा बोलते ही काकुत्स्थ ने चमकीले तेज वाले खड्ग को—

श्लोक 86 (padma.1.35.86)

निष्कृष्य कोशाद्विमलं शिरश्चिच्छेद राघवः। तस्मिन्शूद्रे हते देवाः सेन्द्राश्चाग्निपुरोगमाः।

niṣkṛṣya kośādvimalaṁ śiraściccheda rāghavaḥ tasminśūdre hate devāḥ sendrāścāgnipurogamāḥ

—म्यान से निकालकर, निर्मल तलवार से राघव ने उसका सिर काट दिया। उस शूद्र के मारे जाने पर, इंद्र सहित अग्नि आदि देवगण ने—

श्लोक 87 (padma.1.35.87)

साधुसाध्विति काकुत्स्थं प्रशशंसुर्मुहुर्मुहुः। पुष्पवृष्टिश्च महती देवानां सुसुगंधिनी।

sādhusādhviti kākutsthaṁ praśaśaṁsurmuhurmuhuḥ puṣpavṛṣṭiśca mahatī devānāṁ susugaṁdhinī

—'साधु, साधु' कहकर बार-बार काकुत्स्थ की प्रशंसा की। और देवताओं की अत्यंत सुगंधित महान् पुष्प-वृष्टि—

श्लोक 88 (padma.1.35.88)

आकाशाद्विप्रमुक्ता तु राघवं सर्वतोकिरत्। सुप्रीताश्चाब्रुवन्देवा रामं वाक्यविदांवरम्।

ākāśādvipramuktā tu rāghavaṁ sarvatokirat suprītāścābruvandevā rāmaṁ vākyavidāṁvaram

—आकाश से छोड़ी गई, राघव पर चारों ओर बरसी। अत्यंत प्रसन्न देवताओं ने वाक्य-विदों में श्रेष्ठ राम से कहा—

श्लोक 89 (padma.1.35.89)

सुरकार्यमिदं सौम्य कृतं ते रघुनंदन। गृहाण च वरं राम यमिच्छसि महाव्रत।

surakāryamidaṁ saumya kṛtaṁ te raghunaṁdana gṛhāṇa ca varaṁ rāma yamicchasi mahāvrata

'हे सौम्य, हे रघुनंदन! तुमने यह देवकार्य कर दिया। हे राम! हे महाव्रत! जो चाहो, वर माँगो—'

श्लोक 90 (padma.1.35.90)

त्वत्कृतेन हि शूद्रोऽयं सशरीरोऽभ्यगाद्दिवं। देवानां भाषितं श्रुत्वा राघवः सुसमाहितः।

tvatkṛtena hi śūdro'yaṁ saśarīro'bhyagāddivaṁ devānāṁ bhāṣitaṁ śrutvā rāghavaḥ susamāhitaḥ

'—तुम्हारे कर्म से ही यह शूद्र सशरीर स्वर्ग को गया।' देवताओं के इस वचन को सुनकर, अत्यंत एकाग्रचित्त राघव ने—

श्लोक 91 (padma.1.35.91)

उवाच प्राञ्जलिर्वाक्यं सहस्राक्षं पुरंदरम्। यदि देवाः प्रसन्ना मे वरार्हो यदि वाप्यहम्।

uvāca prāñjalirvākyaṁ sahasrākṣaṁ puraṁdaram yadi devāḥ prasannā me varārho yadi vāpyaham

—हाथ जोड़कर सहस्राक्ष इंद्र से यह वचन कहा: 'यदि देवगण मुझ पर प्रसन्न हैं, यदि मैं वर पाने योग्य हूँ—'

श्लोक 92 (padma.1.35.92)

कर्मणा यदि मे प्रीता द्विजपुत्रः स जीवतु। वरमेतद्धि भवतां कांक्षितं परमं हि मे।

karmaṇā yadi me prītā dvijaputraḥ sa jīvatu varametaddhi bhavatāṁ kāṁkṣitaṁ paramaṁ hi me

'—यदि मेरे कर्म से तुम प्रसन्न हो, तो वह द्विज-पुत्र जीवित हो जाए। यही तुम्हारा वर मेरे लिए परम वांछित है।'

श्लोक 93 (padma.1.35.93)

ममापराधाद्बालोऽसौ ब्राह्मणस्यैकपुत्रकः। अप्राप्तकालः कालेन नीतो वैवस्वत क्षयम्।

mamāparādhādbālo'sau brāhmaṇasyaikaputrakaḥ aprāptakālaḥ kālena nīto vaivasvata kṣayam

'मेरे ही अपराध से यह ब्राह्मण का इकलौता पुत्र, असमय ही काल द्वारा यमलोक ले जाया गया।'

श्लोक 94 (padma.1.35.94)

तं जीवयत भद्रं वो नानृती स्यामहं गुरोः। द्विजस्य संश्रुतो ह्यर्थो जीवयिष्यामि ते सुतम्।

taṁ jīvayata bhadraṁ vo nānṛtī syāmahaṁ guroḥ dvijasya saṁśruto hyartho jīvayiṣyāmi te sutam

'उसे जीवित कर दो, तुम्हारा कल्याण हो; मैं गुरु के प्रति असत्यवादी न बनूँ। द्विज को दिया गया वचन पूर्ण करके, मैं तुम्हारे पुत्र को जीवित करूँगा—'

श्लोक 95 (padma.1.35.95)

मदीयेनायुषा बालं पादेनार्द्धेन वा सुराः। जीवेदयं वरो मह्यं वरकोट्यधिको वृतः।

madīyenāyuṣā bālaṁ pādenārddhena vā surāḥ jīvedayaṁ varo mahyaṁ varakoṭyadhiko vṛtaḥ

'—हे देवगण! अपनी ही आयु के आधे भाग से भी, यदि बालक जीवित हो जाए, यह मेरा वर, मुझे करोड़ों वरों से भी अधिक वांछित है।'

श्लोक 96 (padma.1.35.96)

राघवस्य तु तद्वाक्यं श्रुत्वा विबुधसत्तमाः। प्रत्यूचुस्ते महात्मानं प्रीताः प्रीतिसमन्विताः।

rāghavasya tu tadvākyaṁ śrutvā vibudhasattamāḥ pratyūcuste mahātmānaṁ prītāḥ prītisamanvitāḥ

राघव के इस वचन को सुनकर, वे श्रेष्ठ देवगण, अत्यंत प्रसन्न होकर उस महात्मा को यह उत्तर देने लगे।

श्लोक 97 (padma.1.35.97)

निर्वृतो भव काकुत्स्थ ब्राह्मणस्यैकपुत्रकः। जीवितं प्राप्तवान्भूयः समेतश्चापि बंधुभिः।

nirvṛto bhava kākutstha brāhmaṇasyaikaputrakaḥ jīvitaṁ prāptavānbhūyaḥ sametaścāpi baṁdhubhiḥ

'हे काकुत्स्थ! तुम शांत हो जाओ। ब्राह्मण का इकलौता पुत्र फिर से जीवन पा चुका है, और अपने बंधुओं से भी मिल चुका है।'

श्लोक 98 (padma.1.35.98)

यस्मिन्मुहूर्ते काकुत्स्थ शूद्रोयं विनिपातितः। तस्मिन्मुहूर्ते सहसा जीवेन समयुज्यत।

yasminmuhūrte kākutstha śūdroyaṁ vinipātitaḥ tasminmuhūrte sahasā jīvena samayujyata

'हे काकुत्स्थ! जिस मुहूर्त में यह शूद्र गिराया गया, उसी मुहूर्त में वह सहसा जीवन से युक्त हो गया।'

श्लोक 99 (padma.1.35.99)

स्वस्ति प्राप्नुहि भद्रं ते साधयामः परंतपः। अगस्त्यस्याश्रमपदे द्रष्टारः स्म महामुनिम्।

svasti prāpnuhi bhadraṁ te sādhayāmaḥ paraṁtapaḥ agastyasyāśramapade draṣṭāraḥ sma mahāmunim

'कल्याण प्राप्त करो, तुम्हारा भला हो। हम, हे परंतप, अगस्त्य के आश्रम-पद पर उस महामुनि को देखने जाते हैं।'

श्लोक 100 (padma.1.35.100)

स तथेति प्रतिज्ञाय देवानां रघुनंदनः। आरुरोह विमानं तं पुष्पकं हेमभूषितम्।

sa tatheti pratijñāya devānāṁ raghunaṁdanaḥ āruroha vimānaṁ taṁ puṣpakaṁ hemabhūṣitam

देवताओं से 'ऐसा ही होगा' कहकर प्रतिज्ञा करके, रघुनंदन उस स्वर्णभूषित पुष्पक विमान पर आरूढ़ हुए।