रामागस्त्यसंवाद

श्लोक 1 (padma.1.36.1)

पुलस्त्य उवाच। ततो देवाः प्रयातास्ते विमानैर्बहुभिस्तदा। रामोप्यनुजगामाशु कुंभयोनेस्तपोवनम्।

pulastya uvāca tato devāḥ prayātāste vimānairbahubhistadā rāmopyanujagāmāśu kuṁbhayonestapovanam

पुलस्त्य ने कहा — तब वे देवगण अनेक विमानों से वहाँ से चले गए। राम भी शीघ्र ही कुंभयोनि (अगस्त्य) के तपोवन की ओर गए।

श्लोक 2 (padma.1.36.2)

उक्तं भगवता तेन भूयोप्यागमनं क्रियाः। पूर्वमेव सभायां च यो मां द्रष्टुं समागतः।

uktaṁ bhagavatā tena bhūyopyāgamanaṁ kriyāḥ pūrvameva sabhāyāṁ ca yo māṁ draṣṭuṁ samāgataḥ

उस भगवान् (अगस्त्य) ने कहा था कि पुनः भी आना है, जो पहले ही सभा में मुझसे मिलने आए थे।

श्लोक 3 (padma.1.36.3)

तदहं देवतादेशात्तत्कार्यार्थे महामुनिं। पश्यामि तं मुनिं गत्वा देवदानवपूजितम्।

tadahaṁ devatādeśāttatkāryārthe mahāmuniṁ paśyāmi taṁ muniṁ gatvā devadānavapūjitam

इसलिए मैं देवताओं के आदेश से, उस कार्य के लिए, महामुनि के पास जाता हूँ; उस देव-दानव-पूजित मुनि को जाकर देखता हूँ।

श्लोक 4 (padma.1.36.4)

उपदेशं च मे तुष्टः स्वयं दास्यति सत्तमः। दुःखी येन पुनर्मर्त्ये न भवामि कदाचन।

upadeśaṁ ca me tuṣṭaḥ svayaṁ dāsyati sattamaḥ duḥkhī yena punarmartye na bhavāmi kadācana

'वह संतुष्ट होकर स्वयं मुझे वह उपदेश देंगे, जिससे मैं फिर कभी दुःखी होकर मर्त्यलोक में न जन्मूँ।'

श्लोक 5 (padma.1.36.5)

पिता दशरथो मह्यं कौसल्या जननी तथा। सूर्यवंशे समुत्पन्नस्तथाप्येवं सुदुःखितः।

pitā daśaratho mahyaṁ kausalyā jananī tathā sūryavaṁśe samutpannastathāpyevaṁ suduḥkhitaḥ

'मेरे पिता दशरथ हैं, और माता कौसल्या; मैं सूर्यवंश में उत्पन्न होकर भी इस प्रकार अत्यंत दुःखी हूँ।'

श्लोक 6 (padma.1.36.6)

राज्यकाले वने वासो भार्यया चानुजेन च। हरणं चापि भार्याया रावणेन कृतं मम।

rājyakāle vane vāso bhāryayā cānujena ca haraṇaṁ cāpi bhāryāyā rāvaṇena kṛtaṁ mama

'राज्य के समय ही मुझे पत्नी और अनुज सहित वन-वास हुआ। मेरी पत्नी का हरण भी रावण द्वारा किया गया।'

श्लोक 7 (padma.1.36.7)

असहायेन तु मया तीर्त्वा सागरमुत्तमम्। रुद्ध्वा तु तां पुरीं सर्वां कृत्वा तस्य कुलक्षयम्।

asahāyena tu mayā tīrtvā sāgaramuttamam ruddhvā tu tāṁ purīṁ sarvāṁ kṛtvā tasya kulakṣayam

'बिना किसी सहायक के मैंने उत्तम सागर को पार किया, उस पूरी नगरी को घेरकर उसके कुल का नाश किया।'

श्लोक 8 (padma.1.36.8)

दृष्टा सीता मया त्यक्ता देवानां तु पुरस्तदा। शुद्धां तां मां तथोचुस्ते मया सीता तथा गृहम्।

dṛṣṭā sītā mayā tyaktā devānāṁ tu purastadā śuddhāṁ tāṁ māṁ tathocuste mayā sītā tathā gṛham

'मैंने सीता को पाकर देवताओं के समक्ष उसे त्याग दिया था; तब उन्होंने कहा कि मैं शुद्ध हूँ, और सीता तथा मुझे घर—'

श्लोक 9 (padma.1.36.9)

समानीता प्रीतिमता लोकवाक्याद्विसर्जिता। वने वसति सा देवी पुरे चाहं वसामि वै।

samānītā prītimatā lokavākyādvisarjitā vane vasati sā devī pure cāhaṁ vasāmi vai

'—प्रसन्नता से घर ले जाया गया, फिर भी लोक-वचन के कारण उसे त्याग दिया गया। वह देवी वन में रहती है, और मैं नगर में रहता हूँ।'

श्लोक 10 (padma.1.36.10)

जातोहमुत्तमे वंशे उत्तमोहं धनुष्मताम्। उत्तमं दुःखमापन्नो हृदयं नैव भिद्यते।

jātohamuttame vaṁśe uttamohaṁ dhanuṣmatām uttamaṁ duḥkhamāpanno hṛdayaṁ naiva bhidyate

'मैं उत्तम वंश में जन्मा, धनुर्धारियों में उत्तम हूँ, फिर भी उत्तम दुःख को प्राप्त हुआ; मेरा हृदय फिर भी नहीं फटता।'

श्लोक 11 (padma.1.36.11)

वज्रसारस्य सारेण धात्राहं निर्मितो ध्रुवम्। इदानीं ब्राह्मणादेशाद्भ्रमामि धरणीतले।

vajrasārasya sāreṇa dhātrāhaṁ nirmito dhruvam idānīṁ brāhmaṇādeśādbhramāmi dharaṇītale

'विधाता ने निश्चय ही मुझे वज्र के सार के सार से बनाया है। अब ब्राह्मण के आदेश से मैं पृथ्वीतल पर भटक रहा हूँ।'

श्लोक 12 (padma.1.36.12)

तपः स्थितस्तु शूद्रोसौ मया पापो निपातितः। देववाक्यात्तु मे भूयः प्राणो मे हृदि संस्थितः।

tapaḥ sthitastu śūdrosau mayā pāpo nipātitaḥ devavākyāttu me bhūyaḥ prāṇo me hṛdi saṁsthitaḥ

'तप में स्थित उस पापी शूद्र को मैंने गिरा दिया। देव-वचन से मेरे हृदय में स्थित प्राण फिर से (शांत हुए)—'

श्लोक 13 (padma.1.36.13)

पश्यामि तं मुनिं वंद्यं जगतोस्य हिते रतम्। दृष्टेन मे तथा दुःखं नाशमेष्यति सत्वरम्।

paśyāmi taṁ muniṁ vaṁdyaṁ jagatosya hite ratam dṛṣṭena me tathā duḥkhaṁ nāśameṣyati satvaram

'—मैं उस पूज्य मुनि को देखता हूँ, जो इस जगत् के हित में रत हैं। उन्हें देखकर मेरा दुःख शीघ्र नष्ट हो जाएगा—'

श्लोक 14 (padma.1.36.14)

उदयेन सहस्रांशोर्हिमं यद्वद्विलीयते। तद्वन्मे दुःखसंप्राप्तिः सर्वथा नाशमेष्यति।

udayena sahasrāṁśorhimaṁ yadvadvilīyate tadvanme duḥkhasaṁprāptiḥ sarvathā nāśameṣyati

'—जैसे सूर्योदय होने पर बर्फ पिघल जाती है, वैसे ही मेरा प्राप्त दुःख सर्वथा नष्ट हो जाएगा।'

श्लोक 15 (padma.1.36.15)

दृष्ट्वा च देवान्संप्राप्तानगस्त्यो भगवानृषिः। अर्घ्यमादाय सुप्रीतः सर्वांस्तानभ्यपूजयत्।

dṛṣṭvā ca devānsaṁprāptānagastyo bhagavānṛṣiḥ arghyamādāya suprītaḥ sarvāṁstānabhyapūjayat

देवताओं को आया हुआ देखकर, भगवान् ऋषि अगस्त्य ने अर्घ्य लेकर प्रसन्नतापूर्वक उन सभी की पूजा की।

श्लोक 16 (padma.1.36.16)

ते तु गृह्य ततः पूजां संभाष्य च महामुनिं। जग्मुस्तेन तदा हृष्टा नाकपृष्ठं सहानुगाः।

te tu gṛhya tataḥ pūjāṁ saṁbhāṣya ca mahāmuniṁ jagmustena tadā hṛṣṭā nākapṛṣṭhaṁ sahānugāḥ

वे तब पूजा ग्रहण कर, महामुनि से वार्तालाप करके, प्रसन्न होकर अपने अनुगामियों सहित स्वर्ग को चले गए।

श्लोक 17 (padma.1.36.17)

गतेषु तेषु काकुत्स्थः पुष्पकादवरुह्य च। अभिवादयितुं प्राप्तः सोगस्त्यमृषिमुत्तमम्।

gateṣu teṣu kākutsthaḥ puṣpakādavaruhya ca abhivādayituṁ prāptaḥ sogastyamṛṣimuttamam

उनके चले जाने पर काकुत्स्थ पुष्पक से उतरकर, अभिवादन करने के लिए उस श्रेष्ठ ऋषि अगस्त्य के पास पहुँचे।

श्लोक 18 (padma.1.36.18)

राजोवाच। सुतो दशरथस्याहं भवंतमभिवादितुम्। आगतो वै मुनिश्रेष्ठ सौम्येनेक्षस्व चक्षुषा।

rājovāca suto daśarathasyāhaṁ bhavaṁtamabhivāditum āgato vai muniśreṣṭha saumyenekṣasva cakṣuṣā

राजा (राम) ने कहा — 'मैं दशरथ का पुत्र हूँ, आपको प्रणाम करने आया हूँ, हे मुनिश्रेष्ठ! मुझे शांत दृष्टि से देखिए।'

श्लोक 19 (padma.1.36.19)

निर्धूतपापस्त्वां दृष्ट्वा भवामीह न संशयः। एतावदुक्त्वा स मुनिमभिवाद्य पुनः पुनः।

nirdhūtapāpastvāṁ dṛṣṭvā bhavāmīha na saṁśayaḥ etāvaduktvā sa munimabhivādya punaḥ punaḥ

'आपके दर्शन से मैं यहाँ पापरहित हो जाऊँगा, इसमें संदेह नहीं।' इतना कहकर उन्होंने मुनि को बार-बार प्रणाम किया।

श्लोक 20 (padma.1.36.20)

कुशलं भृत्यवर्गस्य मृगाणां तनयस्य च। भगवद्दर्शनाकांक्षी शूद्रं हत्वा त्विहागतः।

kuśalaṁ bhṛtyavargasya mṛgāṇāṁ tanayasya ca bhagavaddarśanākāṁkṣī śūdraṁ hatvā tvihāgataḥ

'सेवकों, मृगों तथा उस पुत्र का कुशल हो — मैं भगवान् के दर्शन की इच्छा से, एक शूद्र का वध करके यहाँ आया हूँ।'

श्लोक 21 (padma.1.36.21)

अगस्त्य उवाच। स्वागतं ते रघुश्रेष्ठ जगद्वंद्य सनातन। दर्शनात्तव काकुत्स्थ पूतोहं मुनिभिः सह।

agastya uvāca svāgataṁ te raghuśreṣṭha jagadvaṁdya sanātana darśanāttava kākutstha pūtohaṁ munibhiḥ saha

अगस्त्य ने कहा — 'हे रघुश्रेष्ठ! स्वागत है, हे जगत्पूज्य, हे सनातन! हे काकुत्स्थ! तुम्हारे दर्शन से मैं मुनियों सहित पवित्र हुआ हूँ।'

श्लोक 22 (padma.1.36.22)

त्वत्कृते रघुशार्दूल गृहाणार्घं महाद्युते। स्वागतं नरशार्दूल दिष्ट्या प्राप्तोसि शत्रुहन्।

tvatkṛte raghuśārdūla gṛhāṇārghaṁ mahādyute svāgataṁ naraśārdūla diṣṭyā prāptosi śatruhan

'हे महातेजस्वी, हे रघुशार्दूल! तुम्हारे लिए ही अर्घ्य ग्रहण करो। हे नरशार्दूल! स्वागत है, हे शत्रुहन्, सौभाग्य से तुम पहुँचे हो।'

श्लोक 23 (padma.1.36.23)

त्वं हि नित्यं बहुमतो गुणैर्बहुभिरुत्तमैः। अतस्त्वं पूजनीयो वै मम नित्यं हृदिस्थितः।

tvaṁ hi nityaṁ bahumato guṇairbahubhiruttamaiḥ atastvaṁ pūjanīyo vai mama nityaṁ hṛdisthitaḥ

'तुम सदा अनेक उत्तम गुणों से बहुमूल्य हो। इसलिए तुम मेरे लिए सदा पूजनीय हो, मेरे हृदय में स्थित।'

श्लोक 24 (padma.1.36.24)

सुरा हि कथयंति त्वां शूद्रघातिनमागतं। ब्राह्मणस्य च धर्मेण त्वया वै जीवितः सुतः।

surā hi kathayaṁti tvāṁ śūdraghātinamāgataṁ brāhmaṇasya ca dharmeṇa tvayā vai jīvitaḥ sutaḥ

'देवगण तुम्हें शूद्र-घातक कहकर आए हैं; और तुम्हारे द्वारा धर्मपूर्वक ब्राह्मण का पुत्र जीवित कर दिया गया।'

श्लोक 25 (padma.1.36.25)

उष्यतां चेह भगवः सकाशे मम राघव। प्रभाते पुष्पकेणासि गंतायोध्यां महामते।

uṣyatāṁ ceha bhagavaḥ sakāśe mama rāghava prabhāte puṣpakeṇāsi gaṁtāyodhyāṁ mahāmate

'हे भगवन्! यहाँ मेरे समीप निवास करो, हे राघव! प्रातःकाल पुष्पक से अयोध्या को जाना, हे महामते!'

श्लोक 26 (padma.1.36.26)

इदं चाभरणं सौम्य सुकृतं विश्वकर्मणा। दिव्यं दिव्येनवपुषा दीप्यमानं स्वतेजसा।

idaṁ cābharaṇaṁ saumya sukṛtaṁ viśvakarmaṇā divyaṁ divyenavapuṣā dīpyamānaṁ svatejasā

'हे सौम्य! यह आभूषण, विश्वकर्मा द्वारा सुंदर रूप से बनाया गया, दिव्य, दिव्य रूप में अपने ही तेज से जगमगाता हुआ—'

श्लोक 27 (padma.1.36.27)

प्रतिगृह्णीष्व राजेन्द्र मत्प्रियं कुरु राघव। लब्धस्य हि पुनर्द्दाने सुमहत्फलमुच्यते।

pratigṛhṇīṣva rājendra matpriyaṁ kuru rāghava labdhasya hi punarddāne sumahatphalamucyate

'—हे राजेंद्र! स्वीकार करो, राघव, मुझे प्रिय बनाओ। प्राप्त वस्तु को पुनः दान करने में महान् फल कहा गया है।'

श्लोक 28 (padma.1.36.28)

त्वं हि शक्तः परित्रातुं सेंद्रानपि सुरोत्तमान्। तस्मात्प्रदास्ये विधिवत्प्रतीच्छस्व नरर्षभ।

tvaṁ hi śaktaḥ paritrātuṁ seṁdrānapi surottamān tasmātpradāsye vidhivatpratīcchasva nararṣabha

'तुम इंद्र सहित श्रेष्ठ देवताओं की भी रक्षा करने में समर्थ हो। इसलिए मैं विधिपूर्वक तुम्हें यह दूँगा, हे नरश्रेष्ठ, इसे ग्रहण करो।'

श्लोक 29 (padma.1.36.29)

अथोवाच महाबाहुरिक्ष्वाकूणां महारथः। कृतांजलिर्मुनिश्रेष्ठं स्वं च धर्ममनुस्मरन्।

athovāca mahābāhurikṣvākūṇāṁ mahārathaḥ kṛtāṁjalirmuniśreṣṭhaṁ svaṁ ca dharmamanusmaran

तब इक्ष्वाकुओं में महारथी, महाबाहु राम ने हाथ जोड़कर, अपने धर्म का स्मरण करते हुए, मुनिश्रेष्ठ से यह कहा।

श्लोक 30 (padma.1.36.30)

प्रतिग्रहो वै भगवंस्तव मेऽत्र विगर्हितः। क्षत्रियेण कथं विप्र प्रतिग्राह्यं विजानता।

pratigraho vai bhagavaṁstava me'tra vigarhitaḥ kṣatriyeṇa kathaṁ vipra pratigrāhyaṁ vijānatā

'हे भगवन्! यहाँ आपसे प्रतिग्रह (दान ग्रहण) मेरे लिए निंदित है। हे विप्र! जानते हुए क्षत्रिय द्वारा यह कैसे ग्रहण किया जा सकता है?'

श्लोक 31 (padma.1.36.31)

ब्राह्मणेन तु यद्दत्तं तन्मे त्वं वक्तुमर्हसि। सपुत्रो गृहवानस्मि समर्थोस्मि महामुने।

brāhmaṇena tu yaddattaṁ tanme tvaṁ vaktumarhasi saputro gṛhavānasmi samarthosmi mahāmune

'ब्राह्मण द्वारा जो दिया गया हो, उसके विषय में आप ही मुझे कहने योग्य हैं। मैं पुत्रवान्, गृहस्थ, समर्थ हूँ, हे महामुने—'

श्लोक 32 (padma.1.36.32)

आपदा चन चाक्रांतः कथं ग्राह्यः प्रतिग्रहः। भार्या मे सुचिरं नष्टा न चान्या मम विद्यते।

āpadā cana cākrāṁtaḥ kathaṁ grāhyaḥ pratigrahaḥ bhāryā me suciraṁ naṣṭā na cānyā mama vidyate

'—मैं किसी आपत्ति से आक्रांत भी नहीं हूँ; तो फिर यह दान कैसे ग्रहण करने योग्य होगा? मेरी पत्नी बहुत समय से खोई हुई है, मेरी कोई अन्य पत्नी नहीं है—'

श्लोक 33 (padma.1.36.33)

केवलं दोषभागी च भवामीह न संशयः। कष्टां चैव दशां प्राप्य क्षत्रियोपि प्रतिग्रही।

kevalaṁ doṣabhāgī ca bhavāmīha na saṁśayaḥ kaṣṭāṁ caiva daśāṁ prāpya kṣatriyopi pratigrahī

'—मैं केवल दोष का भागी बनूँगा, इसमें संदेह नहीं। कष्ट की दशा को प्राप्त होकर क्षत्रिय भी यदि दान ग्रहण करे—'

श्लोक 34 (padma.1.36.34)

कुर्वन्न दोषमाप्नोति मनुरेवात्र कारणम्। वृद्धौ च मातापितरौ साध्वी भार्या शिशुः सुतः।

kurvanna doṣamāpnoti manurevātra kāraṇam vṛddhau ca mātāpitarau sādhvī bhāryā śiśuḥ sutaḥ

'—तो वह दोष नहीं पाता, यही मनु का कारण है (यही मनु ने कहा है)। वृद्ध माता-पिता, साध्वी पत्नी, शिशु पुत्र—'

श्लोक 35 (padma.1.36.35)

अप्यकार्यशतं कृत्वा भर्तव्या मनुरब्रवीत्। नाहं प्रतीच्छे विप्रर्षे त्वया दत्तं प्रतिग्रहं।

apyakāryaśataṁ kṛtvā bhartavyā manurabravīt nāhaṁ pratīcche viprarṣe tvayā dattaṁ pratigrahaṁ

'—इनका भरण-पोषण सौ अकार्य करके भी करना चाहिए, ऐसा मनु ने कहा है। हे विप्रर्षि! मैं आपके द्वारा दिया गया यह प्रतिग्रह ग्रहण नहीं करता।'

श्लोक 36 (padma.1.36.36)

न च मे भवता कोपः कार्यो वै सुरपूजित।

na ca me bhavatā kopaḥ kāryo vai surapūjita

'और आपको मुझ पर, हे देवपूजित, क्रोध नहीं करना चाहिए।'

श्लोक 37 (padma.1.36.37)

अगस्त्य उवाच। न च प्रतिग्रहे दोषो गृहीते पार्थिवैर्नृप। भवान्वै तारणे शक्तस्त्रैलोक्यस्यापि राघव।

agastya uvāca na ca pratigrahe doṣo gṛhīte pārthivairnṛpa bhavānvai tāraṇe śaktastrailokyasyāpi rāghava

अगस्त्य ने कहा — 'हे राजन्! राजाओं द्वारा ग्रहण किए गए दान में कोई दोष नहीं है। हे राघव! तुम त्रैलोक्य को भी तार सकने में समर्थ हो।'

श्लोक 38 (padma.1.36.38)

तारय ब्राह्मणं राम विशेषेण तपस्विनं। तस्मात्प्रदास्ये विधिवत्प्रतीच्छस्व नराघिप।

tāraya brāhmaṇaṁ rāma viśeṣeṇa tapasvinaṁ tasmātpradāsye vidhivatpratīcchasva narāghipa

'हे राम! विशेष रूप से इस तपस्वी ब्राह्मण को तार दो। इसलिए मैं विधिपूर्वक दूँगा, हे नराधिप! ग्रहण करो।'

श्लोक 39 (padma.1.36.39)

राम उवाच। क्षत्रियेण कथं विप्र प्रतिग्राह्यं विजानता। ब्राह्मणेन तु यद्दत्तं तन्मे त्वं वक्तुमर्हसि।

rāma uvāca kṣatriyeṇa kathaṁ vipra pratigrāhyaṁ vijānatā brāhmaṇena tu yaddattaṁ tanme tvaṁ vaktumarhasi

राम ने कहा — 'हे विप्र! जानते हुए क्षत्रिय द्वारा यह कैसे ग्रहण करने योग्य है? ब्राह्मण द्वारा जो दिया गया हो, उसके विषय में आप ही मुझे बताने योग्य हैं।'

श्लोक 40 (padma.1.36.40)

अगस्त्य उवाच। आसीत्कृतयुगे राम ब्रह्मपूते पुरातने। अपार्थिवाः प्रजाः सर्वाः सुराणां च शतक्रतुः।

agastya uvāca āsītkṛtayuge rāma brahmapūte purātane apārthivāḥ prajāḥ sarvāḥ surāṇāṁ ca śatakratuḥ

अगस्त्य ने कहा — हे राम! पूर्वकाल के पवित्र सत्ययुग में समस्त प्रजाएँ बिना राजा के थीं, और देवताओं में शतक्रतु (इंद्र) थे।

श्लोक 41 (padma.1.36.41)

ताः प्रजा देवदेवेशं राजार्थं समुपागमन्। सुराणां विद्यते राजा देवदेवः शतक्रतुः।

tāḥ prajā devadeveśaṁ rājārthaṁ samupāgaman surāṇāṁ vidyate rājā devadevaḥ śatakratuḥ

वे प्रजाएँ राजा के लिए देवदेवेश के पास गईं। 'देवताओं के लिए देवदेव शतक्रतु राजा हैं—'

श्लोक 42 (padma.1.36.42)

श्रेयसेस्मासु लोकेश पार्थिवं कुरु सांप्रतं। यस्मिन्पूजां प्रयुंजानाः पुरुषा भुंजते महीम्।

śreyasesmāsu lokeśa pārthivaṁ kuru sāṁprataṁ yasminpūjāṁ prayuṁjānāḥ puruṣā bhuṁjate mahīm

'—हे लोकेश! हमारे कल्याण के लिए भी अभी राजा नियुक्त करो, जिसकी पूजा करते हुए मनुष्य पृथ्वी का उपभोग करें।'

श्लोक 43 (padma.1.36.43)

ततो ब्रह्मा सुरश्रेष्ठो लोकपालान्सवासवान्। समाहूयाब्रवीत्सर्वांस्तेजोभागोऽत्र युज्यताम्।

tato brahmā suraśreṣṭho lokapālānsavāsavān samāhūyābravītsarvāṁstejobhāgo'tra yujyatām

तब देवश्रेष्ठ ब्रह्मा ने वासव सहित लोकपालों को बुलाकर उन सबसे कहा: 'यहाँ अपने तेज का भाग दो।'

श्लोक 44 (padma.1.36.44)

ततो ददुर्लोकपालाश्चतुर्भागं स्वतेजसा। अक्षयश्च ततो ब्रह्मा यतो जातोऽक्षयो नृपः।

tato dadurlokapālāścaturbhāgaṁ svatejasā akṣayaśca tato brahmā yato jāto'kṣayo nṛpaḥ

तब लोकपालों ने अपने-अपने तेज का चौथा भाग दिया। फिर ब्रह्मा अक्षय हुए, जिससे अक्षय राजा उत्पन्न हुआ।

श्लोक 45 (padma.1.36.45)

तं ब्रह्मा लोकपालानामंशं पुंसामयोजयत्। ततो नृपस्तदा तासां प्रजानां क्षेमपंडितः।

taṁ brahmā lokapālānāmaṁśaṁ puṁsāmayojayat tato nṛpastadā tāsāṁ prajānāṁ kṣemapaṁḍitaḥ

उस लोकपालों के अंश को ब्रह्मा ने मनुष्यों में संयोजित किया। तब वह राजा उन प्रजाओं के क्षेम में निपुण हुआ।

श्लोक 46 (padma.1.36.46)

तत्रैंद्रेण तु भागेन सर्वानाज्ञापयेन्नृपः। वारुणेन च भागेन सर्वान्पुष्णाति देहिनः।

tatraiṁdreṇa tu bhāgena sarvānājñāpayennṛpaḥ vāruṇena ca bhāgena sarvānpuṣṇāti dehinaḥ

वहाँ ऐंद्र भाग से राजा सबको आज्ञा देता है, वारुण भाग से समस्त प्राणियों का पोषण करता है।

श्लोक 47 (padma.1.36.47)

कौबेरेण तथांशेन त्वर्थान्दिशति पार्थिवः। यश्च याम्यो नृपे भागस्तेन शास्ति च वै प्रजाः।

kaubereṇa tathāṁśena tvarthāndiśati pārthivaḥ yaśca yāmyo nṛpe bhāgastena śāsti ca vai prajāḥ

कौबेर अंश से राजा धन प्रदान करता है, और जो याम्य भाग राजा में है, उसी से वह प्रजाओं पर शासन करता है।

श्लोक 48 (padma.1.36.48)

तत्र चैंद्रेण भागेन नरेन्द्रोसि रघूत्तम। प्रतिगृह्णीष्वाभरणं तारणार्थे मम प्रभो।

tatra caiṁdreṇa bhāgena narendrosi raghūttama pratigṛhṇīṣvābharaṇaṁ tāraṇārthe mama prabho

हे रघूत्तम! उसी ऐंद्र भाग से तुम नरेंद्र हो। हे प्रभो! मेरे तारण के हेतु इस आभूषण को ग्रहण करो।

श्लोक 49 (padma.1.36.49)

ततो रामः प्रजग्राह मुनेर्हस्तान्महात्मनः। दिव्यमाभरणं चित्रं प्रदीप्तमिव भास्करं।

tato rāmaḥ prajagrāha munerhastānmahātmanaḥ divyamābharaṇaṁ citraṁ pradīptamiva bhāskaraṁ

तब राम ने उस महात्मा मुनि के हाथ से, सूर्य के समान प्रज्वलित, चित्रमय दिव्य आभूषण को ग्रहण किया।

श्लोक 50 (padma.1.36.50)

प्रतिगृह्य ततोगस्त्याद्राघवः परवीरहा। निरीक्ष्य सुचिरं कालं विचार्य च पुनः पुनः।

pratigṛhya tatogastyādrāghavaḥ paravīrahā nirīkṣya suciraṁ kālaṁ vicārya ca punaḥ punaḥ

शत्रु-वीरों का नाशक राघव उसे अगस्त्य से ग्रहण करके, बहुत देर तक देखते और बार-बार विचार करते रहे।

श्लोक 51 (padma.1.36.51)

मौक्तिकानि विचित्राणि धात्रीफलसमानि च। जांबूनदनिबद्धानि वज्रविद्रुमनीलकैः।

mauktikāni vicitrāṇi dhātrīphalasamāni ca jāṁbūnadanibaddhāni vajravidrumanīlakaiḥ

उसमें आँवले के फल के समान विचित्र मोती जड़े हुए थे, तथा वज्र, मूँगे, नीलम—

श्लोक 52 (padma.1.36.52)

पद्मरागैः सगोमेधैर्वैडूर्यैः पुष्परागकैः। सुनिबद्धं सुविभक्तं सुकृतं विश्वकर्मणा।

padmarāgaiḥ sagomedhairvaiḍūryaiḥ puṣparāgakaiḥ sunibaddhaṁ suvibhaktaṁ sukṛtaṁ viśvakarmaṇā

—पद्मराग, गोमेद, वैडूर्य और पुष्पराग मणियों से युक्त सोने में जड़े हुए थे, सुव्यवस्थित, सुविभक्त, विश्वकर्मा द्वारा सुंदर रूप से बनाए गए।

श्लोक 53 (padma.1.36.53)

दृष्ट्वा प्रीतिसमायुक्तो भूयश्चेदं व्यचिंतयत्। नेदृशानि च रत्नानि मया दृष्टानि कानिचित्।

dṛṣṭvā prītisamāyukto bhūyaścedaṁ vyaciṁtayat nedṛśāni ca ratnāni mayā dṛṣṭāni kānicit

उसे देखकर प्रीतिपूर्वक राघव ने पुनः यह विचार किया: 'ऐसे रत्न मैंने पहले कभी नहीं देखे—'

श्लोक 54 (padma.1.36.54)

उपशोभानि बद्धानि पृथ्वीमूल्यसमानि च। विभीषणस्य लंकायां न दृष्टानि मया पुरा।

upaśobhāni baddhāni pṛthvīmūlyasamāni ca vibhīṣaṇasya laṁkāyāṁ na dṛṣṭāni mayā purā

'—इस प्रकार सुशोभित, इस प्रकार जड़े हुए, पृथ्वी के मूल्य के समान। विभीषण के लंका-राज्य में भी मैंने पहले ऐसे नहीं देखे।'

श्लोक 55 (padma.1.36.55)

इति संचित्य मनसा राघवस्तमृषिं पुनः। आगमं तस्य दिव्यस्य प्रष्टुं समुपचक्रमे।

iti saṁcitya manasā rāghavastamṛṣiṁ punaḥ āgamaṁ tasya divyasya praṣṭuṁ samupacakrame

इस प्रकार मन में विचार करके, राघव ने उस ऋषि से पुनः उस दिव्य वस्तु की उत्पत्ति के विषय में पूछना आरंभ किया।

श्लोक 56 (padma.1.36.56)

अत्यद्भुतमिदं ब्रह्मन्न प्राप्यं च महीक्षिताम्। कथं भगवता प्राप्तं कुतो वा केन निर्मितम्।

atyadbhutamidaṁ brahmanna prāpyaṁ ca mahīkṣitām kathaṁ bhagavatā prāptaṁ kuto vā kena nirmitam

'हे ब्रह्मन्! यह अत्यंत अद्भुत है, राजाओं के लिए भी अप्राप्य है। यह भगवान् को कैसे प्राप्त हुआ, या कहाँ से, किसके द्वारा बनाया गया?'

श्लोक 57 (padma.1.36.57)

कुतूहलवशाच्चैव पृच्छामि त्वां महामते। करतलेस्थिते रत्ने करमध्यं प्रकाशते।

kutūhalavaśāccaiva pṛcchāmi tvāṁ mahāmate karatalesthite ratne karamadhyaṁ prakāśate

'हे महामते! कौतुकवश ही मैं आपसे यह पूछता हूँ।' 'हथेली पर स्थित रत्न, जो हथेली के मध्य को प्रकाशित करता है—'

श्लोक 58 (padma.1.36.58)

अधमं तद्विजानीयात्सर्वशास्त्रेषु गर्हितम्। दिशः प्रकाशयेद्यत्तन्मध्यमं मुनिसत्तम।

adhamaṁ tadvijānīyātsarvaśāstreṣu garhitam diśaḥ prakāśayedyattanmadhyamaṁ munisattama

'—उसे निम्न जानना चाहिए, समस्त शास्त्रों में निंदित। जो चारों दिशाओं को प्रकाशित कर दे, वह मध्यम कहा गया है, हे मुनिश्रेष्ठ।'

श्लोक 59 (padma.1.36.59)

ऊर्ध्वगं त्रिशिखं यत्स्यादुत्तमं तदुदाहृतम्। एतान्युत्तमजातीनि ऋषिभिः कीर्तितानि तु।

ūrdhvagaṁ triśikhaṁ yatsyāduttamaṁ tadudāhṛtam etānyuttamajātīni ṛṣibhiḥ kīrtitāni tu

'जो ऊँचा उठता हुआ, तीन शिखर वाला हो, वह उत्तम कहा गया है। ये उत्तम जातियाँ ऋषियों द्वारा कीर्तित की गई हैं।'

श्लोक 60 (padma.1.36.60)

आश्चर्याणां बहूनां हि दिव्यानां भगवान्निधिः। एवं वदति काकुत्स्थे मुनिर्वाक्यमथाब्रवीत्।

āścaryāṇāṁ bahūnāṁ hi divyānāṁ bhagavānnidhiḥ evaṁ vadati kākutsthe munirvākyamathābravīt

'भगवान् अनेक अद्भुत, दिव्य वस्तुओं के भंडार हैं।' काकुत्स्थ के इस प्रकार कहने पर मुनि ने तब यह वचन कहा।

श्लोक 61 (padma.1.36.61)

अगस्त्य उवाच। शृणु राम पुरावृत्तं पुरा त्रेतायुगे महत्। द्वापरे समनुप्राप्ते वने यद्दृष्टवानहम्।

agastya uvāca śṛṇu rāma purāvṛttaṁ purā tretāyuge mahat dvāpare samanuprāpte vane yaddṛṣṭavānaham

अगस्त्य ने कहा — हे राम! सुनो, यह पुरातन घटना है, पूर्व त्रेतायुग में द्वापर आने पर वन में मैंने जो देखा था।

श्लोक 62 (padma.1.36.62)

आश्चर्यं सुमहाबाहो निबोध रघुनंदन। पुरा त्रेतायुगे ह्यासीदरण्यं बहुविस्तरम्।

āścaryaṁ sumahābāho nibodha raghunaṁdana purā tretāyuge hyāsīdaraṇyaṁ bahuvistaram

हे महाबाहु, हे रघुनंदन! एक महान् आश्चर्य सुनो। पूर्वकाल में त्रेतायुग में एक अत्यंत विस्तृत वन था।

श्लोक 63 (padma.1.36.63)

समंताद्योजनशतं मृगव्याघ्रविवर्जितम्। तस्मिन्निष्पुरुषेऽरण्ये चिकीर्षुस्तप उत्तमम्।

samaṁtādyojanaśataṁ mṛgavyāghravivarjitam tasminniṣpuruṣe'raṇye cikīrṣustapa uttamam

सौ योजन तक चारों ओर मृग-व्याघ्रों से रहित था। उस मनुष्यशून्य वन में उत्तम तप करने की इच्छा से—

श्लोक 64 (padma.1.36.64)

अहमाक्रमितुं सौम्य तदरण्यमुपागतः। तस्यारण्यस्य मध्यं तु युक्तं मूलफलैः सदा।

ahamākramituṁ saumya tadaraṇyamupāgataḥ tasyāraṇyasya madhyaṁ tu yuktaṁ mūlaphalaiḥ sadā

—हे सौम्य! मैं उस वन में गया था। उस वन का मध्य भाग सदा मूल-फलों से समृद्ध था—

श्लोक 65 (padma.1.36.65)

शाकैर्बहुविधाकारैर्नानारूपैः सुकाननैः। तस्यारण्यस्य मध्ये तु पंचयोजनमायतम्।

śākairbahuvidhākārairnānārūpaiḥ sukānanaiḥ tasyāraṇyasya madhye tu paṁcayojanamāyatam

—विविध प्रकार के शाकों से, नाना रूपों वाले सुंदर वनों से युक्त। उस वन के मध्य में पाँच योजन विस्तृत—

श्लोक 66 (padma.1.36.66)

हंसकारंडवाकीर्णं चक्रवाकोपशोभितम्। तत्राश्चर्यं मया दृष्टं सरः परमशोभितम्।

haṁsakāraṁḍavākīrṇaṁ cakravākopaśobhitam tatrāścaryaṁ mayā dṛṣṭaṁ saraḥ paramaśobhitam

—हंस और कारंडव पक्षियों से भरा, चक्रवाकों से सुशोभित, वहाँ मैंने एक अत्यंत सुंदर सरोवर देखा, जो आश्चर्यजनक था।

श्लोक 67 (padma.1.36.67)

विसारिकच्छपाकीर्णं बकपंक्तिगणैर्युतम्। समीपे तस्य सरसस्तपस्तप्तुं गतः पुरा।

visārikacchapākīrṇaṁ bakapaṁktigaṇairyutam samīpe tasya sarasastapastaptuṁ gataḥ purā

फैले हुए कछुओं से भरा, बगुलों की पंक्तियों से युक्त। उस सरोवर के समीप, पूर्वकाल में तप करने के लिए गया हुआ—

श्लोक 68 (padma.1.36.68)

देशं पुण्यमुपेत्यैवं सर्वहिंसाविवर्जितम्। तत्राहमवसं रात्रिं नैदाघीं पुरुषर्षभ।

deśaṁ puṇyamupetyaivaṁ sarvahiṁsāvivarjitam tatrāhamavasaṁ rātriṁ naidāghīṁ puruṣarṣabha

—मैंने वह पवित्र, समस्त हिंसा से रहित स्थान पाया। हे पुरुषश्रेष्ठ! वहाँ मैंने ग्रीष्म ऋतु की एक रात्रि बिताई।

श्लोक 69 (padma.1.36.69)

प्रभाते पुरुत्थाय सरस्तदुपचक्रमे। अथापश्यं शवमहमस्पृष्टजरसं क्वचित्।

prabhāte purutthāya sarastadupacakrame athāpaśyaṁ śavamahamaspṛṣṭajarasaṁ kvacit

प्रातःकाल उठकर मैं उस सरोवर की ओर बढ़ा। वहाँ मैंने कहीं एक शव देखा, जो अभी जरा को प्राप्त नहीं हुआ था—

श्लोक 70 (padma.1.36.70)

तिष्ठंतं परया लक्ष्म्या सरसो नातिदूरतः। तदर्थं चिंतयानोहं मुहूर्तमिव राघव।

tiṣṭhaṁtaṁ parayā lakṣmyā saraso nātidūrataḥ tadarthaṁ ciṁtayānohaṁ muhūrtamiva rāghava

—परम शोभा से युक्त, सरोवर से अधिक दूर नहीं खड़ा। उसके लिए विचार करते हुए मैं, हे राघव, मानो एक मुहूर्त तक—

श्लोक 71 (padma.1.36.71)

अस्य तीरे न वै प्राणी को वाप्येष सुरर्षभः। मुनिर्वा पार्थिवो वापि क्व मुनिः पार्थिवोपि वा।

asya tīre na vai prāṇī ko vāpyeṣa surarṣabhaḥ munirvā pārthivo vāpi kva muniḥ pārthivopi vā

'इस तट पर कोई प्राणी नहीं है — यह कौन है, हे देवश्रेष्ठ (मुझसे स्वयं पूछते हुए)? मुनि है या राजा? कहाँ है वह मुनि या राजा—'

श्लोक 72 (padma.1.36.72)

अथवा पार्थिवसुतस्तस्यैवं संभवः कृतः। अतीतेहनि रात्रौ वा प्रातर्वापि मृतो यदि।

athavā pārthivasutastasyaivaṁ saṁbhavaḥ kṛtaḥ atītehani rātrau vā prātarvāpi mṛto yadi

'—अथवा राजपुत्र, जिसका ऐसा जन्म हुआ हो। बीते दिन में, या रात में, या प्रातःकाल में भी यदि वह मरा हो—'

श्लोक 73 (padma.1.36.73)

अवश्यं तु मया ज्ञेया सरसोस्य विनिष्क्रिया। यावदेवं स्थितश्चाहं चिंतयानो रघूत्तम।

avaśyaṁ tu mayā jñeyā sarasosya viniṣkriyā yāvadevaṁ sthitaścāhaṁ ciṁtayāno raghūttama

'—मुझे अवश्य ही इस सरोवर की यह विशेष घटना जाननी चाहिए।' इस प्रकार, हे रघूत्तम, मैं वहाँ खड़ा विचार कर ही रहा था—

श्लोक 74 (padma.1.36.74)

अथापश्यं मूहूर्तात्तु दिव्यमद्भुतदर्शनम्। विमानं परमोदारं हंसयुक्तं मनोजवम्।

athāpaśyaṁ mūhūrtāttu divyamadbhutadarśanam vimānaṁ paramodāraṁ haṁsayuktaṁ manojavam

—तभी मैंने क्षणभर में एक दिव्य, अद्भुत-दर्शन, परम उदार, हंसों से युक्त, मन के समान वेगवान् विमान देखा।

श्लोक 75 (padma.1.36.75)

पुरस्तत्र सहस्रं तु विमानेप्सरसां नृप। गंधर्वाश्चैव तत्संख्या रमयंति वरं नरम्।

purastatra sahasraṁ tu vimānepsarasāṁ nṛpa gaṁdharvāścaiva tatsaṁkhyā ramayaṁti varaṁ naram

हे राजन्! उसके आगे सहस्रों अप्सराएँ थीं, विमान में; उतने ही गंधर्व भी उस श्रेष्ठ पुरुष को आनंदित कर रहे थे।

श्लोक 76 (padma.1.36.76)

गायंति दिव्यगेयानि वादयंति तथा परे। अथापश्यं नरं तस्माद्विमानादवरोहितम्।

gāyaṁti divyageyāni vādayaṁti tathā pare athāpaśyaṁ naraṁ tasmādvimānādavarohitam

वे दिव्य गीत गा रहे थे, और अन्य लोग वाद्य बजा रहे थे। तब मैंने उस विमान से एक पुरुष को उतरते हुए देखा—

श्लोक 77 (padma.1.36.77)

शवमांसं भक्षयन्तं च स्नात्वा रघुकुलोद्वह। ततो भुक्त्वा यथाकामं स मांसं बहुपीवरम्।

śavamāṁsaṁ bhakṣayantaṁ ca snātvā raghukulodvaha tato bhuktvā yathākāmaṁ sa māṁsaṁ bahupīvaram

—हे रघुकुलोद्वह! स्नान करके शव का मांस खाते हुए। फिर यथेच्छ भोजन करके, वह अत्यंत मोटा मांस—

श्लोक 78 (padma.1.36.78)

अवतीर्य सरः शीघ्रमारुरोह दिवं पुनः। तमहं देवसंकाशं श्रिया परमयान्वितम्।

avatīrya saraḥ śīghramāruroha divaṁ punaḥ tamahaṁ devasaṁkāśaṁ śriyā paramayānvitam

—सरोवर से शीघ्र निकलकर पुनः स्वर्ग की ओर चढ़ गया। उस देवतुल्य, परम शोभा से युक्त पुरुष से मैंने कहा—

श्लोक 79 (padma.1.36.79)

भो भो स्वर्गिन्महाभाग पृच्छामि त्वां कथं त्विदम्। जुगुप्सितस्तवाहारो गतिश्चेयं तवोत्तमा।

bho bho svarginmahābhāga pṛcchāmi tvāṁ kathaṁ tvidam jugupsitastavāhāro gatiśceyaṁ tavottamā

'हे स्वर्गवासी, हे महाभाग! मैं तुमसे पूछता हूँ, यह कैसे संभव है? तुम्हारा आहार घृणित है, फिर भी तुम्हारी यह गति परम उत्तम है।'

श्लोक 80 (padma.1.36.80)

यदि गुह्यं न चैतत्ते कथय त्वद्य मे भवान्। कामतः श्रोतुमिच्छामि किमेतत्परमं वचः।

yadi guhyaṁ na caitatte kathaya tvadya me bhavān kāmataḥ śrotumicchāmi kimetatparamaṁ vacaḥ

'यदि यह तुम्हारा गुप्त रहस्य नहीं है, तो आज मुझे यह बताओ। मैं इच्छापूर्वक सुनना चाहता हूँ, यह परम रहस्य क्या है।'

श्लोक 81 (padma.1.36.81)

को भवान्वद संदेहमाहारश्च विगर्हितः। त्वयेदं भुज्यते सौम्य किमर्थं क्व च वर्तसे।

ko bhavānvada saṁdehamāhāraśca vigarhitaḥ tvayedaṁ bhujyate saumya kimarthaṁ kva ca vartase

'तुम कौन हो, कहो, मेरा संदेह दूर करो — यह घृणित आहार तुम्हारे द्वारा भोगा जाता है, हे सौम्य! किसलिए, और तुम कहाँ रहते हो?'

श्लोक 82 (padma.1.36.82)

कस्यायमैश्वरोभावः शवत्वेन विनिर्मितः। आहारं च कथं निंद्यं श्रोतुमिच्छामि तत्त्वतः।

kasyāyamaiśvarobhāvaḥ śavatvena vinirmitaḥ āhāraṁ ca kathaṁ niṁdyaṁ śrotumicchāmi tattvataḥ

'किसका यह ऐश्वर्यशाली भाव है, जो शव-रूप में बनाया गया है? यह निंदनीय आहार भी कैसे — मैं यह सब यथार्थ रूप से सुनना चाहता हूँ।'

श्लोक 83 (padma.1.36.83)

श्रुत्वा च भाषितं तत्र मम राम सतां वर। प्रांजलिः प्रत्युवाचेदं स स्वर्गी रघुनंदन।

śrutvā ca bhāṣitaṁ tatra mama rāma satāṁ vara prāṁjaliḥ pratyuvācedaṁ sa svargī raghunaṁdana

हे राम, हे सज्जनश्रेष्ठ! मेरी यह बात सुनकर, वह स्वर्गवासी हाथ जोड़कर, हे रघुनंदन, इस प्रकार उत्तर देने लगा।

श्लोक 84 (padma.1.36.84)

शृणुष्वाद्य यथावृत्तं ममेदं सुखदुःखजम्। कामो हि दुरितक्रम्यः शृणु यत्पृच्छसे द्विज।

śṛṇuṣvādya yathāvṛttaṁ mamedaṁ sukhaduḥkhajam kāmo hi duritakramyaḥ śṛṇu yatpṛcchase dvija

'सुनो, आज मैं यह अपना सुख-दुःखजनक वृत्तांत यथावत् कहता हूँ। हे द्विज! जो तुम पूछते हो — यह इच्छा-भाव अत्यंत दुष्कर है, सुनो—'

श्लोक 85 (padma.1.36.85)

पुरा वैदर्भको राजा पिता मे हि महायशाः। वासुदेव इति ख्यातस्त्रिषु लोकेषु धार्मिकः।

purā vaidarbhako rājā pitā me hi mahāyaśāḥ vāsudeva iti khyātastriṣu lokeṣu dhārmikaḥ

'—पूर्वकाल में विदर्भ का राजा, मेरा अत्यंत यशस्वी पिता, वासुदेव नाम से विख्यात, तीनों लोकों में धार्मिक था।'

श्लोक 86 (padma.1.36.86)

तस्य पुत्रद्वयं ब्रह्मन्द्वाभ्यां स्त्रीभ्यामजायत। अहं श्वेत इति ख्यातो यवीयान्सुरथोऽभवत्।

tasya putradvayaṁ brahmandvābhyāṁ strībhyāmajāyata ahaṁ śveta iti khyāto yavīyānsuratho'bhavat

'हे ब्रह्मन्! उसके दो पुत्र दो पत्नियों से उत्पन्न हुए। मैं श्वेत नाम से विख्यात हुआ, छोटा सुरथ हुआ।'

श्लोक 87 (padma.1.36.87)

पितर्युपरते तस्मिन्पौरा मामभ्यषेचयन्। तत्राहंकारयन्राज्यं धर्मे चासं समाहितः।

pitaryuparate tasminpaurā māmabhyaṣecayan tatrāhaṁkārayanrājyaṁ dharme cāsaṁ samāhitaḥ

'उस पिता के देहांत होने पर, नगरवासियों ने मेरा राज्याभिषेक किया। वहाँ मैंने राज्य किया, और धर्म में सदा स्थिर रहा।'

श्लोक 88 (padma.1.36.88)

एवं वर्षसहस्राणि बहूनि समुपाव्रजन्। मम राज्यं कारयतः परिपालयतः प्रजाः।

evaṁ varṣasahasrāṇi bahūni samupāvrajan mama rājyaṁ kārayataḥ paripālayataḥ prajāḥ

'इस प्रकार अनेक हजार वर्ष बीत गए। मैं राज्य करता हुआ, प्रजा का पालन करता हुआ—'

श्लोक 89 (padma.1.36.89)

सोहं निमित्ते कस्मिंश्चिद्वैराग्येण द्विजोत्तम। मरणं हृदये कृत्वा तपोवनमुपागमम्।

sohaṁ nimitte kasmiṁścidvairāgyeṇa dvijottama maraṇaṁ hṛdaye kṛtvā tapovanamupāgamam

'—किसी कारण से, हे द्विजोत्तम, वैराग्य के कारण, मृत्यु को हृदय में रखकर, मैं तपोवन में आ गया।'

श्लोक 90 (padma.1.36.90)

सोहं वनमिदं रम्यं भृशं पक्षिविवर्जितम्। प्रविष्टस्तप आस्थातुमस्यैव सरसोंतिके।

sohaṁ vanamidaṁ ramyaṁ bhṛśaṁ pakṣivivarjitam praviṣṭastapa āsthātumasyaiva sarasoṁtike

'मैं इस अत्यंत सुंदर, पक्षी-शून्य वन में प्रविष्ट हुआ, इसी सरोवर के समीप, तप में स्थित होने के लिए।'

श्लोक 91 (padma.1.36.91)

राज्येऽभिषिच्य सुरथं भ्रातरं तं नराधिपम्। इदं सरः समासाद्य तपस्तप्तं सुदारुणम्।

rājye'bhiṣicya surathaṁ bhrātaraṁ taṁ narādhipam idaṁ saraḥ samāsādya tapastaptaṁ sudāruṇam

'अपने भाई सुरथ राजा को राज्य पर अभिषिक्त करके, इस सरोवर को पाकर मैंने अत्यंत भीषण तप किया।'

श्लोक 92 (padma.1.36.92)

दशवर्षसहस्राणि तपस्तप्त्वा महावने। शुभं तु भवनं प्राप्तो ब्रह्मलोकमनामयम्।

daśavarṣasahasrāṇi tapastaptvā mahāvane śubhaṁ tu bhavanaṁ prāpto brahmalokamanāmayam

'महावन में दस हज़ार वर्षों तक तप करके, मैंने शुभ, रोगरहित ब्रह्मलोक को प्राप्त किया।'

श्लोक 93 (padma.1.36.93)

स्वर्गस्थमपि मां ब्रह्मन्क्षुत्पिपासे द्विजोत्तम। अबाधेतां भृशं चाहमभवं व्यथितेंद्रियः।

svargasthamapi māṁ brahmankṣutpipāse dvijottama abādhetāṁ bhṛśaṁ cāhamabhavaṁ vyathiteṁdriyaḥ

'हे द्विजोत्तम, हे ब्रह्मन्! स्वर्ग में स्थित होते हुए भी मुझे भूख-प्यास ने अत्यंत पीड़ा पहुँचानी शुरू कर दी, और मैं इंद्रियों में व्यथित हो गया।'

श्लोक 94 (padma.1.36.94)

ततस्त्रिभुवनश्रेष्ठमवोचं वै पितामहम्। भगवन्स्वर्गलोकोऽयं क्षुत्पिपासा विवर्जितः।

tatastribhuvanaśreṣṭhamavocaṁ vai pitāmaham bhagavansvargaloko'yaṁ kṣutpipāsā vivarjitaḥ

'तब मैंने त्रिभुवन-श्रेष्ठ पितामह से कहा: हे भगवन्! यह स्वर्गलोक तो भूख-प्यास से रहित है—'

श्लोक 95 (padma.1.36.95)

कस्येयं कर्मणः पक्तिः क्षुत्पिपासे यतो हि मे। आहारः कश्च मे देव ब्रूहि त्वं श्रीपितामह।

kasyeyaṁ karmaṇaḥ paktiḥ kṣutpipāse yato hi me āhāraḥ kaśca me deva brūhi tvaṁ śrīpitāmaha

'—यह किस कर्म का पाक (परिणाम) है, कि मुझे भूख-प्यास हो रही है? हे देव, हे श्रीपितामह! मेरा आहार क्या है, यह बताइए।'

श्लोक 96 (padma.1.36.96)

ततः पितामहः सम्यक्चिरं ध्यात्वा महामुने। मामुवाच ततो वाक्यं नास्ति भोज्यं स्वदेहजम्।

tataḥ pitāmahaḥ samyakciraṁ dhyātvā mahāmune māmuvāca tato vākyaṁ nāsti bhojyaṁ svadehajam

'हे महामुने! तब पितामह ने भली-भाँति, दीर्घकाल तक ध्यान करके, मुझसे यह वचन कहा: तुम्हारे लिए तुम्हारे अपने शरीर से उत्पन्न भोज्य के अतिरिक्त कुछ नहीं है—'

श्लोक 97 (padma.1.36.97)

ॠते ते स्वानि मांसानि भक्षय त्वं तु हि नित्यशः। स्वशरीरं त्वया पुष्टं कुर्वता तप उत्तमम्।

ṝte te svāni māṁsāni bhakṣaya tvaṁ tu hi nityaśaḥ svaśarīraṁ tvayā puṣṭaṁ kurvatā tapa uttamam

'—तुम्हें अपना ही मांस सदा खाना होगा। उत्तम तप करते हुए तुमने ही अपने शरीर को पुष्ट किया है।'

श्लोक 98 (padma.1.36.98)

नादत्तं जायते तात श्वेत पश्य महीतले। आग्रहाद्भिक्षमाणाय भिक्षापि प्राणिने पुरा।

nādattaṁ jāyate tāta śveta paśya mahītale āgrahādbhikṣamāṇāya bhikṣāpi prāṇine purā

'हे तात, हे श्वेत! जो नहीं दिया गया, वह पृथ्वीतल पर (फिर) प्राप्त नहीं होता, देखो। पहले किसी आग्रहपूर्वक भीख माँगने वाले प्राणी को भिक्षा भी—'

श्लोक 99 (padma.1.36.99)

न हि दत्ता गृहे भ्रांत्या मोहादतिथये तदा। तेन स्वर्गगतस्यापि क्षुत्पिपासे तवाधुना।

na hi dattā gṛhe bhrāṁtyā mohādatithaye tadā tena svargagatasyāpi kṣutpipāse tavādhunā

'—भ्रांतिवश या मोहवश उस समय अतिथि को घर में नहीं दी गई थी। उसी के कारण, स्वर्ग को प्राप्त होकर भी, तुम्हें अभी भूख-प्यास होती है।'

श्लोक 100 (padma.1.36.100)

स त्वं प्रपुष्टमाहारैः स्वशरीरमनुत्तमम्। भक्षयस्व च राजेंद्र सा ते तृप्तिर्भविष्यति।

sa tvaṁ prapuṣṭamāhāraiḥ svaśarīramanuttamam bhakṣayasva ca rājeṁdra sā te tṛptirbhaviṣyati

'तुम आहारों से पुष्ट अपने ही अनुपम शरीर को खाओ, हे राजेंद्र, और वही तुम्हारी तृप्ति होगी।'

श्लोक 101 (padma.1.36.101)

एवमुक्तस्ततो देवं ब्रह्माणमहमुक्तवान्। भक्षिते च स्वके देहे पुनरन्यन्न मे विभो।

evamuktastato devaṁ brahmāṇamahamuktavān bhakṣite ca svake dehe punaranyanna me vibho

'इस प्रकार कहे जाने पर मैंने तब देव ब्रह्मा से कहा: अपने ही शरीर को खा लेने पर, हे प्रभो, मेरे लिए फिर अन्य कुछ भी नहीं है—'

श्लोक 102 (padma.1.36.102)

क्षुधानिवारणं नैव देहस्यास्य विनौदनं। खादामि ह्यक्षयं देव प्रियं मे न हि जायते।

kṣudhānivāraṇaṁ naiva dehasyāsya vinaudanaṁ khādāmi hyakṣayaṁ deva priyaṁ me na hi jāyate

'—भूख का निवारण तो होगा ही नहीं, शरीर का प्रक्षालन (शमन) भी नहीं होगा। हे देव! मैं अक्षय (शरीर) खाता रहूँगा, फिर भी मुझे कोई प्रियता प्राप्त नहीं होगी।'

श्लोक 103 (padma.1.36.103)

ततोब्रवीत्पुनर्ब्रह्मा तव देहोऽक्षयः कृतः। दिनेदिने ते पुष्टात्मा शवः श्वेत भविष्यति।

tatobravītpunarbrahmā tava deho'kṣayaḥ kṛtaḥ dinedine te puṣṭātmā śavaḥ śveta bhaviṣyati

'तब ब्रह्मा ने पुनः कहा: तुम्हारा शरीर अक्षय बना दिया गया है। हे श्वेत! दिन-प्रतिदिन पुष्ट होता हुआ यह शव तुम्हारा (शरीर) बनता रहेगा।'

श्लोक 104 (padma.1.36.104)

यावद्वर्षशतं पूर्णं स्वमांसं खाद भो नृप। यदागच्छति चागस्त्यः श्वेतारण्यं महातपाः।

yāvadvarṣaśataṁ pūrṇaṁ svamāṁsaṁ khāda bho nṛpa yadāgacchati cāgastyaḥ śvetāraṇyaṁ mahātapāḥ

'हे राजन्! सौ वर्ष पूर्ण होने तक अपना मांस खाओ। जब महातपस्वी अगस्त्य इस श्वेत-वन में आएँगे—'

श्लोक 105 (padma.1.36.105)

भगवानतिदुर्धर्षस्तदा कृच्छ्राद्विमोक्ष्यसे। स हि तारयितुं शक्तः सेंद्रानपि सुरासुरान्।

bhagavānatidurdharṣastadā kṛcchrādvimokṣyase sa hi tārayituṁ śaktaḥ seṁdrānapi surāsurān

'—वह अत्यंत दुर्धर्ष भगवान्, तब तुम कष्ट से मुक्त हो जाओगे। वे इंद्र सहित देव-दानवों को भी तार सकने में समर्थ हैं—'

श्लोक 106 (padma.1.36.106)

आहारं कुत्सितं चेमं राजर्षे किं पुनस्तव। सुरकार्यं महत्तेन सुकृतं तु महात्मना।

āhāraṁ kutsitaṁ cemaṁ rājarṣe kiṁ punastava surakāryaṁ mahattena sukṛtaṁ tu mahātmanā

'—हे राजर्षि! इस घृणित आहार से, तुम्हारी तो बात ही क्या! उन महात्मा द्वारा देवताओं का महान् कार्य पूर्ण किया गया है—'

श्लोक 107 (padma.1.36.107)

उदधिं निर्जलं कृत्वा दानवाश्च निपातिताः। विंध्यश्चादित्यविद्वेषाद्वर्धमानो निवारितः।

udadhiṁ nirjalaṁ kṛtvā dānavāśca nipātitāḥ viṁdhyaścādityavidveṣādvardhamāno nivāritaḥ

'—समुद्र को जल-रहित बनाकर, दानवों को गिराया गया; तथा आदित्य के प्रति विद्वेष से बढ़ता हुआ विंध्य पर्वत रोका गया।'

श्लोक 108 (padma.1.36.108)

लंबमाना मही चैषा गुरुत्वेनाधिवासिता। दक्षिणा दिग्दिवं याता त्रैलाक्यं विषमस्थितम्।

laṁbamānā mahī caiṣā gurutvenādhivāsitā dakṣiṇā digdivaṁ yātā trailākyaṁ viṣamasthitam

'यह लटकती हुई पृथ्वी अपने भार से एक ओर झुक गई थी; दक्षिण दिशा स्वर्ग की ओर बढ़ गई थी, त्रैलोक्य असमान हो गया था—'

श्लोक 109 (padma.1.36.109)

मया गत्वा सुरैः सार्द्धं प्रेषितो दक्षिणां दिशम्। समां कुरु महाभाग गुरुत्वेन जगत्समम्।

mayā gatvā suraiḥ sārddhaṁ preṣito dakṣiṇāṁ diśam samāṁ kuru mahābhāga gurutvena jagatsamam

'—मुझे भेजकर, देवताओं सहित उन्हीं (अगस्त्य) द्वारा दक्षिण दिशा की ओर जाकर: हे महाभाग! अपने गुरुत्व से जगत् को समान करो, ऐसा कहा गया था।'

श्लोक 110 (padma.1.36.110)

एवं च तेन मुनिना स्थित्वा सर्वा धरा समा। कृता राजेंद्र मुनिना एवमद्यापि दृश्यते।

evaṁ ca tena muninā sthitvā sarvā dharā samā kṛtā rājeṁdra muninā evamadyāpi dṛśyate

'इस प्रकार उस मुनि द्वारा वहाँ स्थित होकर, सारी पृथ्वी समान बना दी गई थी, हे राजेंद्र! उस मुनि द्वारा — यह आज भी वैसे ही दिखाई देता है।'

श्लोक 111 (padma.1.36.111)

सोहं भगवत श्रुत्वा देवदेवस्य भाषितम्। भुंजे च कुत्सिताहारं स्वशरीरमनुत्तमम्।

sohaṁ bhagavata śrutvā devadevasya bhāṣitam bhuṁje ca kutsitāhāraṁ svaśarīramanuttamam

'हे भगवन्! देवदेव के इस वचन को सुनकर, मैं अपने ही अनुपम शरीर का यह निंदित आहार भोगता रहा।'

श्लोक 112 (padma.1.36.112)

पूर्णं वर्षशतं चाद्य भोजनं कुत्सितं च मे। क्षयं नाभ्येति तद्विप्र तृप्तिश्चापि ममोत्तमा।

pūrṇaṁ varṣaśataṁ cādya bhojanaṁ kutsitaṁ ca me kṣayaṁ nābhyeti tadvipra tṛptiścāpi mamottamā

'आज पूरे सौ वर्ष हुए, हे विप्र! और मेरा निंदित भोजन क्षय को प्राप्त नहीं होता, तथा मेरी तृप्ति भी उत्तम है।'

श्लोक 113 (padma.1.36.113)

तं मुनिं कृच्छ्रसन्तप्तश्चिंतयामि दिवानिशम्। कदा वै दर्शनं मह्यं स मुनिर्दास्यते वने।

taṁ muniṁ kṛcchrasantaptaściṁtayāmi divāniśam kadā vai darśanaṁ mahyaṁ sa munirdāsyate vane

'कष्ट से संतप्त होकर मैं उस मुनि का दिन-रात चिंतन करता हूँ — कब वह मुनि मुझे वन में दर्शन देंगे?'

श्लोक 114 (padma.1.36.114)

एवं मे चिंतयानस्य गतं वर्षशतन्त्विह। सोगस्त्यो हि गतिर्ब्रह्मन्मुनिर्मे भविता ध्रुवं।

evaṁ me ciṁtayānasya gataṁ varṣaśatantviha sogastyo hi gatirbrahmanmunirme bhavitā dhruvaṁ

'इस प्रकार विचार करते हुए मेरे यहाँ सौ वर्ष बीत गए। हे ब्रह्मन्! वही अगस्त्य मुनि निश्चय ही मेरी गति होंगे—'

श्लोक 115 (padma.1.36.115)

न गतिर्भविता मह्यं कुंभयोनिमृते द्विजम्। श्रुत्वेत्थं भाषितं राम दृष्ट्वाहारं च कुत्सितम्।

na gatirbhavitā mahyaṁ kuṁbhayonimṛte dvijam śrutvetthaṁ bhāṣitaṁ rāma dṛṣṭvāhāraṁ ca kutsitam

'—उस कुंभयोनि द्विज के अतिरिक्त मेरे लिए कोई अन्य गति नहीं होगी।' हे राम! यह वचन सुनकर, तथा उस घृणित आहार को देखकर—

श्लोक 116 (padma.1.36.116)

कृपया परया युक्तस्तं नृपं स्वर्गगामिनम्। करोम्यहं सुधाभोज्यं नाशयामि च कुत्सितम्।

kṛpayā parayā yuktastaṁ nṛpaṁ svargagāminam karomyahaṁ sudhābhojyaṁ nāśayāmi ca kutsitam

—परम करुणा से युक्त होकर, स्वर्गगामी उस राजा के लिए मैंने कहा: 'मैं तुम्हारे इस भोजन को अमृत-भोज्य बना दूँगा, और इस घृणित को नष्ट कर दूँगा।'

श्लोक 117 (padma.1.36.117)

चिन्तयन्नित्यवोचं तमगस्त्यः किं करिष्यति। अहमेतत्कुत्सितं ते नाशयामि महामते।

cintayannityavocaṁ tamagastyaḥ kiṁ kariṣyati ahametatkutsitaṁ te nāśayāmi mahāmate

यह सोचते हुए मैंने उससे कहा: 'अगस्त्य और क्या करेंगे? मैं तुम्हारे इस घृणित को नष्ट कर देता हूँ—'

श्लोक 118 (padma.1.36.118)

ईप्सितं प्रार्थयस्वास्मान्मनः प्रीतिकरं परम्। स स्वर्गी मां ततः प्राह कथं ब्रह्मवचोन्यथा।

īpsitaṁ prārthayasvāsmānmanaḥ prītikaraṁ param sa svargī māṁ tataḥ prāha kathaṁ brahmavaconyathā

'—अपनी वांछित, मन को प्रसन्न करने वाली सर्वोत्तम इच्छा हमसे माँगो।' वह स्वर्गवासी तब मुझसे बोला: 'ब्रह्मा के वचन को अन्यथा कैसे—'

श्लोक 119 (padma.1.36.119)

कर्तुं मुने मया शक्यं न चान्यस्तारयिष्यति। ॠते वै कुंभयोनिं तं मैत्रावरुणसंभवम्।

kartuṁ mune mayā śakyaṁ na cānyastārayiṣyati ṝte vai kuṁbhayoniṁ taṁ maitrāvaruṇasaṁbhavam

'—हे मुने, मेरे द्वारा किया जा सकता है? कोई अन्य मुझे नहीं तार सकता, उस मैत्रावरुण-संभव कुंभयोनि के सिवा।'

श्लोक 120 (padma.1.36.120)

अपृष्टोपि मया ब्रह्मन्नेवमूचे पितामहः। एवं ब्रुवाणं तं श्वेतमुक्तवानहमस्मि सः।

apṛṣṭopi mayā brahmannevamūce pitāmahaḥ evaṁ bruvāṇaṁ taṁ śvetamuktavānahamasmi saḥ

'हे ब्रह्मन्! मुझसे बिना पूछे भी पितामह ने ऐसा ही कहा था।' इस प्रकार कहते हुए उस श्वेत से मैंने यह कहा—

श्लोक 121 (padma.1.36.121)

आगतस्तव भाग्येन दृष्टोहं नात्र संशयः। ततः स्वर्गी स मां ज्ञात्वा दंडवत्पतितो भुवि।

āgatastava bhāgyena dṛṣṭohaṁ nātra saṁśayaḥ tataḥ svargī sa māṁ jñātvā daṁḍavatpatito bhuvi

—'तुम्हारे सौभाग्य से मैं यहाँ आया हूँ, तुम्हें देखा गया है, इसमें संदेह नहीं।' तब उस स्वर्गवासी ने मुझे पहचानकर, भूमि पर दंडवत् गिरकर—

श्लोक 122 (padma.1.36.122)

तमुत्थाप्य ततो रामाब्रवं किं ते करोम्यहम्। राजोवाच। आहारात्कुत्सिताद्ब्रह्मंस्तारयस्वाद्य दुष्कृतात्।

tamutthāpya tato rāmābravaṁ kiṁ te karomyaham rājovāca āhārātkutsitādbrahmaṁstārayasvādya duṣkṛtāt

—उसे उठाकर मैंने कहा: 'हे राजन्! मैं तुम्हारे लिए क्या करूँ?' राजा ने कहा — 'हे ब्रह्मन्! इस घृणित दुष्कृत आहार से आज मुझे तार दो—'

श्लोक 123 (padma.1.36.123)

येन लोकोऽक्षयः स्वर्गो भविता त्वत्कृतेन मे। ततः प्रतिग्रहो दत्तो जगद्वंद्य नृपेण हि।

yena loko'kṣayaḥ svargo bhavitā tvatkṛtena me tataḥ pratigraho datto jagadvaṁdya nṛpeṇa hi

'—जिससे मुझे यह अक्षय स्वर्ग-लोक तुम्हारे किए हुए से प्राप्त हो।' तब उस जगत्पूज्य राजा ने प्रतिग्रह-दान दिया।

श्लोक 124 (padma.1.36.124)

भवान्मामनुगृह्णातु प्रतीच्छस्व प्रतिग्रहम्।

bhavānmāmanugṛhṇātu pratīcchasva pratigraham

'आप मुझ पर अनुग्रह करें, यह प्रतिग्रह ग्रहण करें।'

श्लोक 125 (padma.1.36.125)

कृता मतिस्तारणाय न लोभाद्रघुनंदन। गृहीते भूषणे राम मम हस्तगते तदा।

kṛtā matistāraṇāya na lobhādraghunaṁdana gṛhīte bhūṣaṇe rāma mama hastagate tadā

हे रघुनंदन! मेरा विचार तारने के लिए ही था, लोभ से नहीं। हे राम! जब वह आभूषण मेरे हाथ में उसके द्वारा दे दिया गया—

श्लोक 126 (padma.1.36.126)

मानुषः पौर्विको देहस्तदा नष्टोस्य भूपते। प्रणष्टे तु शरीरे च राजर्षिः परया मुदा।

mānuṣaḥ paurviko dehastadā naṣṭosya bhūpate praṇaṣṭe tu śarīre ca rājarṣiḥ parayā mudā

—तभी उसका पूर्व मानव-शरीर नष्ट हो गया, हे राजन्। शरीर के नष्ट होने पर, वह राजर्षि, परम प्रसन्नता से—

श्लोक 127 (padma.1.36.127)

मयोक्तोसौ विमानेन जगाम त्रिदिवं पुनः। तेन मे शक्रतुल्येन दत्तमाभरणं शुभं।

mayoktosau vimānena jagāma tridivaṁ punaḥ tena me śakratulyena dattamābharaṇaṁ śubhaṁ

—मेरे द्वारा भेजे जाने पर विमान द्वारा पुनः स्वर्ग को चले गए। उन्होंने मुझे, इंद्र के समान, यह शुभ आभूषण दिया था।

श्लोक 128 (padma.1.36.128)

तस्मिन्निमित्ते काकुत्स्थ दत्तमद्भुतकर्मणा। श्वेतो वैदर्भको राजा तदाभूद्गतकल्मषः।

tasminnimitte kākutstha dattamadbhutakarmaṇā śveto vaidarbhako rājā tadābhūdgatakalmaṣaḥ

हे काकुत्स्थ! उसी अवसर पर, अद्भुत कर्म वाले उस व्यक्ति द्वारा दिया गया यह — विदर्भ के राजा श्वेत तब सभी पापों से मुक्त हो गए थे।