दण्ड-वृत्तांत एवं यज्ञनिवारण

श्लोक 1 (padma.1.37.1)

पुलस्त्य उवाच। तदद्भुततमं वाक्यं श्रुत्वा च रघुनंदनः। गौरवाद्विस्मयाच्चापि भूयः प्रष्टुं प्रचक्रमे।

pulastya uvāca tadadbhutatamaṁ vākyaṁ śrutvā ca raghunaṁdanaḥ gauravādvismayāccāpi bhūyaḥ praṣṭuṁ pracakrame

पुलस्त्य ने कहा — उस अत्यंत अद्भुत वचन को सुनकर रघुनंदन राम आदरपूर्वक और विस्मयसहित पुनः प्रश्न करने लगे।

श्लोक 2 (padma.1.37.2)

राम उवाच। भगवंस्तद्वनं घोरं यत्रासौ तप्तवांस्तपः। श्वेतो वैदर्भको राजा तदद्भुतमभूत्कथं।

rāma uvāca bhagavaṁstadvanaṁ ghoraṁ yatrāsau taptavāṁstapaḥ śveto vaidarbhako rājā tadadbhutamabhūtkathaṁ

राम ने कहा — हे भगवन्, जिस भयंकर वन में विदर्भ के राजा श्वेत ने तप किया था, वह अद्भुत घटना कैसे हुई?

श्लोक 3 (padma.1.37.3)

विषमं तद्वनं राजा शून्यं मृगविवर्जितं। प्रविष्टस्तप आस्थातुं कथं वद महामुने।

viṣamaṁ tadvanaṁ rājā śūnyaṁ mṛgavivarjitaṁ praviṣṭastapa āsthātuṁ kathaṁ vada mahāmune

वह वन अत्यंत दुर्गम, सूना और मृगों से रहित था — राजा उसमें तप करने के लिए कैसे प्रविष्ट हुए? हे महामुने, यह बताइए।

श्लोक 4 (padma.1.37.4)

समंताद्योजनशतं निर्मनुष्यमभूत्कथं। भवान्कथं प्रविष्टस्तद्येन कार्येण तद्वद।

samaṁtādyojanaśataṁ nirmanuṣyamabhūtkathaṁ bhavānkathaṁ praviṣṭastadyena kāryeṇa tadvada

सौ योजन तक चारों ओर वह मनुष्यरहित कैसे हो गया? आप स्वयं वहाँ किस कारण से प्रविष्ट हुए, वह भी बताइए।

श्लोक 5 (padma.1.37.5)

अगस्त्य उवाच। पुरा कृतयुगे राजा मनुर्दंडधरः प्रभुः। तस्य पुत्रोथ नाम्नासीदिक्ष्वाकुरमितद्युतिः।

agastya uvāca purā kṛtayuge rājā manurdaṁḍadharaḥ prabhuḥ tasya putrotha nāmnāsīdikṣvākuramitadyutiḥ

अगस्त्य ने कहा — पूर्वकाल में सत्ययुग में मनु नामक एक दण्डधारी प्रभावशाली राजा थे। उनका पुत्र इक्ष्वाकु नाम से प्रसिद्ध, अपार तेजस्वी था।

श्लोक 6 (padma.1.37.6)

तं पुत्रं पूर्वजं राज्ये निक्षिप्य भुविसंमतम्। पृथिव्यां राजवंशानां भव राजेत्युवाच ह।

taṁ putraṁ pūrvajaṁ rājye nikṣipya bhuvisaṁmatam pṛthivyāṁ rājavaṁśānāṁ bhava rājetyuvāca ha

उस ज्येष्ठ पुत्र को, जो पृथ्वी में सम्मानित था, राज्य में स्थापित करके उन्होंने कहा — "राजवंशों की पृथ्वी पर तुम राजा बनो।"

श्लोक 7 (padma.1.37.7)

तथेति च प्रतिज्ञातं पितुः पुत्रेण राघव। ततःपरमसंहृष्टः पुनस्तं प्रत्यभाषत।

tatheti ca pratijñātaṁ pituḥ putreṇa rāghava tataḥparamasaṁhṛṣṭaḥ punastaṁ pratyabhāṣata

हे राघव, पुत्र ने पिता से "तथास्तु" कहकर प्रतिज्ञा की। तब अत्यंत हर्षित होकर उन्होंने पुनः उससे कहा —

श्लोक 8 (padma.1.37.8)

प्रीतोस्मि परमोदार कर्मणा ते न संशयः। दंडेन च प्रजा रक्ष न च दंडमकारणम्।

prītosmi paramodāra karmaṇā te na saṁśayaḥ daṁḍena ca prajā rakṣa na ca daṁḍamakāraṇam

"हे परम उदार, मैं तुम्हारे कर्म से प्रसन्न हूँ, इसमें संशय नहीं। दण्ड द्वारा प्रजा की रक्षा करो, परंतु बिना कारण दण्ड मत दो।

श्लोक 9 (padma.1.37.9)

अपराधिषु यो दंडः पात्यते मानवैरिह। स दंडो विधिवन्मुक्तः स्वर्गं नयति पार्थिवम्।

aparādhiṣu yo daṁḍaḥ pātyate mānavairiha sa daṁḍo vidhivanmuktaḥ svargaṁ nayati pārthivam

अपराधियों को यहाँ मनुष्यों द्वारा जो दण्ड दिया जाता है, वह विधिपूर्वक दिया गया दण्ड राजा को स्वर्ग ले जाता है।

श्लोक 10 (padma.1.37.10)

तस्माद्दण्डे महाबाहो यत्नवान्भव पुत्रक। धर्मस्ते परमो लोके कृत एवं भविष्यति।

tasmāddaṇḍe mahābāho yatnavānbhava putraka dharmaste paramo loke kṛta evaṁ bhaviṣyati

इसलिए, हे महाबाहु पुत्र, दण्ड में सदा यत्नशील रहो — इस प्रकार तुम्हारा परम धर्म संसार में पूर्ण होगा।"

श्लोक 11 (padma.1.37.11)

इति तं बहुसंदिश्य मनुः पुत्रं समाधिना। जगाम त्रिदिवं हृष्टो ब्रह्मलोकमनुत्तमम्।

iti taṁ bahusaṁdiśya manuḥ putraṁ samādhinā jagāma tridivaṁ hṛṣṭo brahmalokamanuttamam

इस प्रकार पुत्र को बहुत उपदेश देकर मनु समाधिपूर्वक हर्षित होकर त्रिदिव — परम उत्तम ब्रह्मलोक — को चले गए।

श्लोक 12 (padma.1.37.12)

जनयिष्ये कथं पुत्रानिति चिंतापरोऽभवत्। कर्मभिर्बहुभिस्तैस्तैस्ससुतैस्संयुतोऽभवत्।

janayiṣye kathaṁ putrāniti ciṁtāparo'bhavat karmabhirbahubhistaistaissasutaissaṁyuto'bhavat

"मैं पुत्र कैसे उत्पन्न करूँ" — इस चिंता में इक्ष्वाकु पड़ गए। अनेक कर्मों द्वारा वे पुत्रों सहित हो गए।

श्लोक 13 (padma.1.37.13)

तोषयामास पुत्रैस्स पितॄन्देवसुतोपमैः। सर्वेषामुत्तमस्तेषां कनीयान्रघुनंदन।

toṣayāmāsa putraissa pitṝndevasutopamaiḥ sarveṣāmuttamasteṣāṁ kanīyānraghunaṁdana

हे रघुनंदन, उन्होंने देवपुत्रों के समान पुत्रों से पितरों को संतुष्ट किया; उन सबमें सबसे छोटा पुत्र सबसे श्रेष्ठ था।

श्लोक 14 (padma.1.37.14)

शूरश्च कृतविद्यश्च गुरुश्च जनपूजया। नाम तस्याथ दंडेति पिता चक्रे स बुद्धिमान्।

śūraśca kṛtavidyaśca guruśca janapūjayā nāma tasyātha daṁḍeti pitā cakre sa buddhimān

वह शूरवीर, विद्यावान और जनसाधारण द्वारा पूजित था; बुद्धिमान पिता ने उसका नाम दण्ड रखा।

श्लोक 15 (padma.1.37.15)

भविष्यद्दण्डपतनं शरीरे तस्य वीक्ष्य च। संपश्यमानस्तं दोषं घोरं पुत्रस्य राघव।

bhaviṣyaddaṇḍapatanaṁ śarīre tasya vīkṣya ca saṁpaśyamānastaṁ doṣaṁ ghoraṁ putrasya rāghava

हे राघव, उसके शरीर में भावी दण्डपात के लक्षण देखकर तथा पुत्र के उस भयंकर दोष को भलीभाँति जानकर —

श्लोक 16 (padma.1.37.16)

स विंध्यनीलयोर्मध्ये राज्यमस्य ददौ प्रभुः। स दंडस्तत्र राजाभूद्रम्ये पर्वतमूर्द्धनि।

sa viṁdhyanīlayormadhye rājyamasya dadau prabhuḥ sa daṁḍastatra rājābhūdramye parvatamūrddhani

प्रभु इक्ष्वाकु ने विंध्य और नील पर्वतों के मध्य उसे राज्य दे दिया। वहाँ दण्ड एक रमणीय पर्वतशिखर पर राजा हुआ।

श्लोक 17 (padma.1.37.17)

पुरं चाप्रतिमं तेन निवेशाय तथा कृतम्। नाम तस्य पुरस्याथ मधुमत्तमिति स्वयम्।

puraṁ cāpratimaṁ tena niveśāya tathā kṛtam nāma tasya purasyātha madhumattamiti svayam

उसने वहाँ निवास के लिए एक अनुपम नगर बसाया, जिसका नाम स्वयं उसने मधुमत्त रखा।

श्लोक 18 (padma.1.37.18)

तथादेशेन संपन्नः शूरो वासमथाकरोत्। एवं राजा स तद्राज्यं चकार सपुरोहितः।

tathādeśena saṁpannaḥ śūro vāsamathākarot evaṁ rājā sa tadrājyaṁ cakāra sapurohitaḥ

उस प्रदेश की कृपा से संपन्न होकर वह शूर वहाँ रहने लगा। इस प्रकार वह राजा पुरोहित सहित उस राज्य का शासन करने लगा।

श्लोक 19 (padma.1.37.19)

प्रहृष्ट सुप्रजाकीर्णं देवराजो यथा दिवि। ततः स दंडः काकुत्स्थ बहुवर्षगणायुतम्।

prahṛṣṭa suprajākīrṇaṁ devarājo yathā divi tataḥ sa daṁḍaḥ kākutstha bahuvarṣagaṇāyutam

सुप्रजा से भरा, प्रसन्न, मानो स्वर्ग में देवराज हो — इस प्रकार हे काकुत्स्थ, दण्ड ने बहुत वर्षों तक राज्य किया।

श्लोक 20 (padma.1.37.20)

अकारयत्तु धर्मात्मा राज्यं निहतकंटकं। अथ काले तु कस्मिंश्चिद्राजा भार्गवमाश्रमम्।

akārayattu dharmātmā rājyaṁ nihatakaṁṭakaṁ atha kāle tu kasmiṁścidrājā bhārgavamāśramam

उस धर्मात्मा ने राज्य को कंटकरहित बनाया। एक बार किसी समय राजा भार्गव के आश्रम की ओर गया,

श्लोक 21 (padma.1.37.21)

रमणीयमुपाक्रामच्चैत्रमासे मनोरमे। तत्र भार्गवकन्यां तु रूपेणाप्रतिमां भुवि।

ramaṇīyamupākrāmaccaitramāse manorame tatra bhārgavakanyāṁ tu rūpeṇāpratimāṁ bhuvi

जो चैत्र मास में अत्यंत मनोहर था। वहाँ उसने भार्गव की पुत्री को देखा, जो पृथ्वी पर रूप में अनुपम थी,

श्लोक 22 (padma.1.37.22)

विचरंतीं वनोद्देशे दंडोऽपश्यदनुत्तमाम्। उत्तुंगपीवरीं श्यामां चंद्राभवदनां शुभाम्।

vicaraṁtīṁ vanoddeśe daṁḍo'paśyadanuttamām uttuṁgapīvarīṁ śyāmāṁ caṁdrābhavadanāṁ śubhām

वन के एक भाग में विचरण करती हुई उस अनुपम कन्या को दण्ड ने देखा — ऊँचे कद वाली, पुष्ट, श्यामवर्णा, चंद्रमुखी, शुभ,

श्लोक 23 (padma.1.37.23)

सुनासां चारुसर्वांगीं पीनोन्नतपयोधराम्। मध्ये क्षामां च विस्तीर्णां दृष्ट्वा तां कुरुते मुदम्।

sunāsāṁ cārusarvāṁgīṁ pīnonnatapayodharām madhye kṣāmāṁ ca vistīrṇāṁ dṛṣṭvā tāṁ kurute mudam

सुंदर नासिका वाली, सर्वांगसुंदरी, उन्नत उरोजों वाली, कटि में क्षीण और विस्तीर्ण — उसे देखकर उसे बड़ा हर्ष हुआ।

श्लोक 24 (padma.1.37.24)

एकवस्त्रां वने चैकां प्रथमे यौवने स्थिताम्। स तां दृष्ट्वात्वधर्मेण अनंगशरपीडितः।

ekavastrāṁ vane caikāṁ prathame yauvane sthitām sa tāṁ dṛṣṭvātvadharmeṇa anaṁgaśarapīḍitaḥ

एकवस्त्रा, वन में अकेली, प्रथम यौवन में स्थित — उसे देखकर वह अधर्मपूर्वक कामबाणों से पीड़ित हो उठा।

श्लोक 25 (padma.1.37.25)

अभिगम्य सुविश्रांतां कन्यां वचनमब्रवीत्। कुतस्त्वमसि सुश्रोणि कस्य चासि सुशोभने।

abhigamya suviśrāṁtāṁ kanyāṁ vacanamabravīt kutastvamasi suśroṇi kasya cāsi suśobhane

उस विश्राम करती कन्या के पास जाकर उसने कहा — "हे सुंदरी, तुम कहाँ से हो और किसकी पुत्री हो, हे शुभे?

श्लोक 26 (padma.1.37.26)

पीडतोहमनंगेन पृच्छामि त्वां सुशोभने। त्वया मेऽपहृतं चित्तं दर्शनादेव सुंदरि।

pīḍatohamanaṁgena pṛcchāmi tvāṁ suśobhane tvayā me'pahṛtaṁ cittaṁ darśanādeva suṁdari

कामदेव से पीड़ित होकर मैं तुमसे पूछता हूँ, हे सुशोभने। तुम्हें देखते ही मेरा चित्त हर लिया गया है, हे सुंदरी।

श्लोक 27 (padma.1.37.27)

इदं ते वदनं रम्यं मुनीनां चित्तहारकम्। यद्यहं न लभे भोक्तुं मृतं मामवधारय।

idaṁ te vadanaṁ ramyaṁ munīnāṁ cittahārakam yadyahaṁ na labhe bhoktuṁ mṛtaṁ māmavadhāraya

तुम्हारा यह मनोहर मुख मुनियों का भी चित्त हर लेता है। यदि मुझे तुम्हारा भोग न मिला, तो मुझे मृत ही समझो।

श्लोक 28 (padma.1.37.28)

त्वया हृता मम प्राणा मां जीवय सुलोचने। दासोस्मि ते वरारोहे भक्तं मां भज शोभने।

tvayā hṛtā mama prāṇā māṁ jīvaya sulocane dāsosmi te varārohe bhaktaṁ māṁ bhaja śobhane

तुमने मेरे प्राण हर लिए हैं, हे सुलोचने, मुझे जीवन दो। हे वरारोहे, मैं तुम्हारा दास हूँ, अपने इस भक्त को स्वीकार करो, हे शोभने।"

श्लोक 29 (padma.1.37.29)

तस्यैवं तु ब्रुवाणस्य मदोन्मत्तस्य कामिनः। भार्गवी प्रत्युवाचेदं वचः सविनयं नृपम्।

tasyaivaṁ tu bruvāṇasya madonmattasya kāminaḥ bhārgavī pratyuvācedaṁ vacaḥ savinayaṁ nṛpam

मद और काम से उन्मत्त होकर इस प्रकार बोलते हुए उस राजा से भार्गवी ने विनयपूर्वक यह वचन कहा —

श्लोक 30 (padma.1.37.30)

भार्गवस्य सुतां विद्धि शुक्रस्याक्लिष्टकर्मणः। अरजां नाम राजेंद्र ज्येष्ठामाश्रमवासिनः।

bhārgavasya sutāṁ viddhi śukrasyākliṣṭakarmaṇaḥ arajāṁ nāma rājeṁdra jyeṣṭhāmāśramavāsinaḥ

"मुझे अक्लिष्टकर्मा भार्गव शुक्र की पुत्री जानो; हे राजेंद्र, मेरा नाम अरजा है, मैं आश्रम में रहने वाली ज्येष्ठा हूँ।

श्लोक 31 (padma.1.37.31)

शुक्रः पिता मे राजेंद्र त्वं च शिष्यो महात्मनः। धर्मतो भगिनी चाहं भवामि नृपनंदन।

śukraḥ pitā me rājeṁdra tvaṁ ca śiṣyo mahātmanaḥ dharmato bhaginī cāhaṁ bhavāmi nṛpanaṁdana

हे राजेंद्र, शुक्र मेरे पिता हैं और तुम उन महात्मा के शिष्य हो; इस प्रकार धर्मतः मैं तुम्हारी बहिन हूँ, हे राजपुत्र।

श्लोक 32 (padma.1.37.32)

एवंविधं वचो वक्तुं न त्वमर्हसि पार्थिव। अन्येभ्योपि सुदुष्टेभ्यो रक्ष्या चाहं सदा त्वया।

evaṁvidhaṁ vaco vaktuṁ na tvamarhasi pārthiva anyebhyopi suduṣṭebhyo rakṣyā cāhaṁ sadā tvayā

हे पार्थिव, तुम्हें ऐसे वचन बोलना उचित नहीं है। अन्य दुष्ट पुरुषों से भी तुम्हें सदा मेरी रक्षा करनी चाहिए।

श्लोक 33 (padma.1.37.33)

क्रोधनो मे पिता रौद्रो भस्मत्वं त्वां समानयेत्। अथवा राजधर्मेणासंबंधं कुरुषे बलात्।

krodhano me pitā raudro bhasmatvaṁ tvāṁ samānayet athavā rājadharmeṇāsaṁbaṁdhaṁ kuruṣe balāt

मेरे पिता क्रोधी और रौद्र हैं, वे तुम्हें भस्म कर सकते हैं; फिर भी तुम राजधर्म का उल्लंघन कर मुझसे बलपूर्वक संबंध चाहते हो।

श्लोक 34 (padma.1.37.34)

पितरं याचयस्व त्वं धर्मदृष्टेन कर्मणा। वरयस्व नृपश्रेष्ठ पितरं मे महाद्युतिम्।

pitaraṁ yācayasva tvaṁ dharmadṛṣṭena karmaṇā varayasva nṛpaśreṣṭha pitaraṁ me mahādyutim

धर्मानुसार कर्म द्वारा मेरे पिता से याचना करो; हे नृपश्रेष्ठ, मेरे महातेजस्वी पिता से मुझे वरण करो।

श्लोक 35 (padma.1.37.35)

अन्यथा विपुलं दुःखं तव घोरं भवेद्ध्रुवम्। क्रुद्धो हि मे पिता सर्वं त्रैलोक्यमभिनिर्दहेत्।

anyathā vipulaṁ duḥkhaṁ tava ghoraṁ bhaveddhruvam kruddho hi me pitā sarvaṁ trailokyamabhinirdahet

अन्यथा तुम्हें निश्चय ही घोर और विपुल दुःख होगा; क्योंकि क्रुद्ध होने पर मेरे पिता संपूर्ण त्रिलोक को भी भस्म कर सकते हैं।"

श्लोक 36 (padma.1.37.36)

ततोऽशुभं महाघोरं श्रुत्वा दंडः सुदारुणम्। प्रत्युवाच मदोन्मत्तः शिरसाभिनतः पुनः।

tato'śubhaṁ mahāghoraṁ śrutvā daṁḍaḥ sudāruṇam pratyuvāca madonmattaḥ śirasābhinataḥ punaḥ

तब यह अशुभ और अत्यंत भयंकर वचन सुनकर मदोन्मत्त दण्ड ने सिर झुकाकर पुनः कहा —

श्लोक 37 (padma.1.37.37)

प्रसादं कुरु सुश्रोणि कामोन्मत्तस्य कामिनि। त्वया रुद्धा मम प्राणा विशीर्यंति शुभानने।

prasādaṁ kuru suśroṇi kāmonmattasya kāmini tvayā ruddhā mama prāṇā viśīryaṁti śubhānane

"हे सुश्रोणि, कामोन्मत्त मुझ पर कृपा करो। तुम्हारे कारण रुके हुए मेरे प्राण नष्ट हुए जा रहे हैं, हे शुभानने।

श्लोक 38 (padma.1.37.38)

त्वां प्राप्य वैरं मेऽत्रास्तु वधो वापि महत्तरः। भक्तं भजस्व मां भीरु त्वयि भक्तिर्हि मे परा।

tvāṁ prāpya vairaṁ me'trāstu vadho vāpi mahattaraḥ bhaktaṁ bhajasva māṁ bhīru tvayi bhaktirhi me parā

तुम्हें पाने के लिए चाहे वैर हो या बड़ा वध ही क्यों न हो — हे भीरु, अपने इस भक्त को स्वीकार करो, तुझमें मेरी परम भक्ति है।"

श्लोक 39 (padma.1.37.39)

एवमुक्त्वा तु तां कन्यां बलात्संगृह्य बाहुना। अन्येन राज्ञा हस्तेन विवस्त्रा सा तथा कृता।

evamuktvā tu tāṁ kanyāṁ balātsaṁgṛhya bāhunā anyena rājñā hastena vivastrā sā tathā kṛtā

ऐसा कहकर उस राजा ने कन्या को बलपूर्वक एक भुजा से पकड़ लिया और दूसरे हाथ से उसे वस्त्रहीन कर दिया।

श्लोक 40 (padma.1.37.40)

अंगमंगे समाश्लेष्य मुखे चैव मुखं कृतम्। विस्फुरंतीं यथाकामं मैथुनायोपचक्रमे।

aṁgamaṁge samāśleṣya mukhe caiva mukhaṁ kṛtam visphuraṁtīṁ yathākāmaṁ maithunāyopacakrame

अंग से अंग मिलाकर, मुख से मुख जोड़कर, उसके छटपटाते रहने पर भी उसने जबरदस्ती उसके साथ संभोग करना आरंभ किया।

श्लोक 41 (padma.1.37.41)

तमनर्थं महाघोरं दंडः कृत्वा सुदारुणम्। नगरं स्वं जगामाशु मदोन्मत्त इव द्विपः।

tamanarthaṁ mahāghoraṁ daṁḍaḥ kṛtvā sudāruṇam nagaraṁ svaṁ jagāmāśu madonmatta iva dvipaḥ

यह अत्यंत भयंकर और घोर अनर्थ करके दण्ड मदमत्त हाथी के समान तुरंत अपने नगर को चला गया।

श्लोक 42 (padma.1.37.42)

भार्गवी रुदती दीना आश्रमस्याविदूरतः। प्रत्यपालयदुद्विग्ना पितरं देवसम्मितम्।

bhārgavī rudatī dīnā āśramasyāvidūrataḥ pratyapālayadudvignā pitaraṁ devasammitam

भार्गवी दीन होकर रोती हुई आश्रम से न अधिक दूर, उद्विग्न होकर देवतुल्य अपने पिता की प्रतीक्षा करने लगी।

श्लोक 43 (padma.1.37.43)

स मुहूर्तादुपस्पृश्य देवर्षिरमितद्युतिः। स्वमाश्रमं शिष्यवृतं क्षुधार्तः सन्यवर्तत।

sa muhūrtādupaspṛśya devarṣiramitadyutiḥ svamāśramaṁ śiṣyavṛtaṁ kṣudhārtaḥ sanyavartata

कुछ ही क्षण में स्नान करके वह अपार तेजस्वी देवर्षि, भूख से पीड़ित, शिष्यों सहित अपने आश्रम को लौटे।

श्लोक 44 (padma.1.37.44)

सोपश्यदरजां दीनां रजसा समभिप्लुताम्। चंद्रस्य घनसंयुक्तां ज्योत्स्नामिव पराजिताम्।

sopaśyadarajāṁ dīnāṁ rajasā samabhiplutām caṁdrasya ghanasaṁyuktāṁ jyotsnāmiva parājitām

उन्होंने अरजा को दुःखी, धूल से लिपटी हुई, मानो घने बादल से आच्छादित चाँदनी की भाँति फीकी पड़ी देखा।

श्लोक 45 (padma.1.37.45)

तस्य रोषः समभवत्क्षुधार्तस्य महात्मनः। निर्दहन्निव लोकांस्त्रींस्तान्शिष्यान्समुवाच ह।

tasya roṣaḥ samabhavatkṣudhārtasya mahātmanaḥ nirdahanniva lokāṁstrīṁstānśiṣyānsamuvāca ha

भूख से पीड़ित उस महात्मा को तीनों लोकों को जलाने वाला-सा क्रोध आ गया; उन्होंने अपने शिष्यों से कहा —

श्लोक 46 (padma.1.37.46)

पश्यध्वं विपरीतस्य दंडस्यादीर्घदर्शिनः। विपत्तिं घोरसंकाशां दीप्तामग्निशिखामिव।

paśyadhvaṁ viparītasya daṁḍasyādīrghadarśinaḥ vipattiṁ ghorasaṁkāśāṁ dīptāmagniśikhāmiva

"देखो, अदूरदर्शी और कुटिल दण्ड पर आने वाली, प्रज्वलित अग्निशिखा के समान भयंकर विपत्ति को।

श्लोक 47 (padma.1.37.47)

यन्नाशं दुर्गतिं प्राप्तस्सानुगश्च न संशयः। यस्तु दीप्तहुताशस्य अर्चिः संस्पृष्टवानिह।

yannāśaṁ durgatiṁ prāptassānugaśca na saṁśayaḥ yastu dīptahutāśasya arciḥ saṁspṛṣṭavāniha

वह अपने अनुयायियों सहित नाश और दुर्गति को प्राप्त होगा, निःसंदेह — क्योंकि उसने प्रज्वलित अग्नि की ज्वाला का ही स्पर्श किया है।

श्लोक 48 (padma.1.37.48)

यस्मात्स कृतवान्पापमीदृशं घोरसंमितम्। तस्मात्प्राप्स्यति दुर्मेधाः पांसुवर्षमनुत्तमम्।

yasmātsa kṛtavānpāpamīdṛśaṁ ghorasaṁmitam tasmātprāpsyati durmedhāḥ pāṁsuvarṣamanuttamam

जिसने ऐसा घोर पाप किया है, वह मूढ़ अवश्य ही अभूतपूर्व धूल की वर्षा प्राप्त करेगा।

श्लोक 49 (padma.1.37.49)

कुराजा देशसंयुक्तः सभृत्यबलवाहनः। पापकर्मसमाचारो वधं प्राप्स्यति दुर्मतिः।

kurājā deśasaṁyuktaḥ sabhṛtyabalavāhanaḥ pāpakarmasamācāro vadhaṁ prāpsyati durmatiḥ

वह कुराजा, अपने राज्य, सेवकों, सेना और वाहनों सहित, पापकर्मी दुर्बुद्धि, वध को प्राप्त होगा।

श्लोक 50 (padma.1.37.50)

समंताद्योजनशतं विषयं चास्य दुर्मतेः। धुनोतु पांसुवर्षेण महता पाकशासनः।

samaṁtādyojanaśataṁ viṣayaṁ cāsya durmateḥ dhunotu pāṁsuvarṣeṇa mahatā pākaśāsanaḥ

इंद्र इस दुर्बुद्धि के राज्य को सौ योजन तक चारों ओर भारी धूल की वर्षा से हिला डालें।

श्लोक 51 (padma.1.37.51)

सर्वसत्वानि यानीह जंगमस्थावराणि वै। सर्वेषां पांसुवर्षेण क्षयः क्षिप्रं भविष्यति।

sarvasatvāni yānīha jaṁgamasthāvarāṇi vai sarveṣāṁ pāṁsuvarṣeṇa kṣayaḥ kṣipraṁ bhaviṣyati

यहाँ जो भी चराचर प्राणी हैं, उन सबका इस धूलवर्षा से शीघ्र ही नाश हो जाएगा।

श्लोक 52 (padma.1.37.52)

दंडस्य विषयो यावत्तावत्सवनमाश्रमम्। पांसुवर्षमिवाकस्मात्सप्तरात्रं भविष्यति।

daṁḍasya viṣayo yāvattāvatsavanamāśramam pāṁsuvarṣamivākasmātsaptarātraṁ bhaviṣyati

जहाँ तक दण्ड का राज्य फैला है, इस आश्रम सहित, सात रात्रि तक अकस्मात् धूलवर्षा होगी।"

श्लोक 53 (padma.1.37.53)

इत्युक्त्वा क्रोधसंतप्तस्तमाश्रमनिवासिनम्। जनं जनपदस्यांते स्थीयतामित्युवाच ह।

ityuktvā krodhasaṁtaptastamāśramanivāsinam janaṁ janapadasyāṁte sthīyatāmityuvāca ha

क्रोध से संतप्त होकर ऐसा कहकर उन्होंने आश्रमवासी लोगों से कहा कि वे राज्य की सीमा से बाहर चले जाएँ।

श्लोक 54 (padma.1.37.54)

उक्तमात्रे उशनसा आश्रमावसथो जनः। क्षिप्रं तु विषयात्तस्मात्स्थानं चक्रे च बाह्यतः।

uktamātre uśanasā āśramāvasatho janaḥ kṣipraṁ tu viṣayāttasmātsthānaṁ cakre ca bāhyataḥ

उशना के कहते ही आश्रमवासी लोगों ने शीघ्र ही उस राज्य से बाहर अपना स्थान बना लिया।

श्लोक 55 (padma.1.37.55)

तं तथोक्त्वा मुनिजनमरजामिदमब्रवीत्। आश्रमे त्वं सुदुर्मेधे वस चेह समाहिता।

taṁ tathoktvā munijanamarajāmidamabravīt āśrame tvaṁ sudurmedhe vasa ceha samāhitā

मुनिजनों से ऐसा कहकर उन्होंने अरजा से कहा — "तुम इस आश्रम में सावधानचित्त होकर रहो, हे दुर्बुद्धिनी।

श्लोक 56 (padma.1.37.56)

इदं योजनपर्यंतमाश्रमं रुचिरप्रभम्। अरजे विरजास्तिष्ठ कालमत्र समाश्शतम्।

idaṁ yojanaparyaṁtamāśramaṁ ruciraprabham araje virajāstiṣṭha kālamatra samāśśatam

यह मनोहर आश्रम एक योजन तक फैला है; हे अरजे, तुम यहाँ सौ वर्षों तक निष्कलंक रहो।"

श्लोक 57 (padma.1.37.57)

श्रुत्वा नियोगं विप्रर्षेररजा भार्गवी तदा। तथेति पितरं प्राह भार्गवं भृशदुःखिता।

śrutvā niyogaṁ viprarṣerarajā bhārgavī tadā tatheti pitaraṁ prāha bhārgavaṁ bhṛśaduḥkhitā

मुनिश्रेष्ठ की आज्ञा सुनकर भार्गवी अरजा अत्यंत दुःखी होकर पिता भार्गव से "तथास्तु" कहकर बोली।

श्लोक 58 (padma.1.37.58)

इत्युक्त्वा भार्गवो वासं तस्मादन्यमुपाक्रमत्। सप्ताहे भस्मसाद्भूतं यथोक्तं ब्रह्मवादिना।

ityuktvā bhārgavo vāsaṁ tasmādanyamupākramat saptāhe bhasmasādbhūtaṁ yathoktaṁ brahmavādinā

यह कहकर भार्गव ने वहाँ से अन्यत्र निवास कर लिया। सात दिन में, जैसा उस ब्रह्मज्ञानी ने कहा था, वैसे ही सब कुछ भस्म हो गया।

श्लोक 59 (padma.1.37.59)

तस्माद्दंडस्य विषयो विंध्यशैलस्य मानुष। शप्तो ह्युशनसा राम तदाभूद्धर्षणे कृते।

tasmāddaṁḍasya viṣayo viṁdhyaśailasya mānuṣa śapto hyuśanasā rāma tadābhūddharṣaṇe kṛte

इस प्रकार, हे मनुष्य, विंध्य पर्वत के निकट दण्ड का राज्य उशना द्वारा शापित हुआ, जब वह अत्याचार किया गया था।

श्लोक 60 (padma.1.37.60)

ततःप्रभृति काकुत्स्थ दंडकारण्यमुच्यते। एतत्ते सर्वमाख्यातं यन्मां पृच्छसि राघव।

tataḥprabhṛti kākutstha daṁḍakāraṇyamucyate etatte sarvamākhyātaṁ yanmāṁ pṛcchasi rāghava

उसी समय से, हे काकुत्स्थ, वह "दण्डकारण्य" कहलाता है। तुमने जो कुछ मुझसे पूछा, हे राघव, वह सब मैंने कह दिया।

श्लोक 61 (padma.1.37.61)

संध्यामुपासितुं वीर समयो ह्यतिवर्तते। एते महर्षयो राम पूर्णकुंभाः समंततः।

saṁdhyāmupāsituṁ vīra samayo hyativartate ete maharṣayo rāma pūrṇakuṁbhāḥ samaṁtataḥ

हे वीर, संध्योपासना का समय बीता जा रहा है। हे राम, ये महर्षिगण चारों ओर पूर्ण कलश लिए खड़े हैं,

श्लोक 62 (padma.1.37.62)

कृतोदका नरव्याघ्र पूजयंति दिवाकरम्। सर्वैरॄषिभिरभ्यस्तैः स्तोत्रैर्ब्रह्मादिभिः कृतैः।

kṛtodakā naravyāghra pūjayaṁti divākaram sarvairṝṣibhirabhyastaiḥ stotrairbrahmādibhiḥ kṛtaiḥ

जल-कर्म करके, हे नरव्याघ्र, ब्रह्मादि द्वारा रचित तथा सब ऋषियों द्वारा अभ्यस्त स्तोत्रों से सूर्य की पूजा कर रहे हैं।

श्लोक 63 (padma.1.37.63)

रविरस्तंगतो राम गत्वोदकमुपस्पृश। ॠषेर्वचनमादाय रामः संध्यामुपासितुम्।

ravirastaṁgato rāma gatvodakamupaspṛśa ṝṣervacanamādāya rāmaḥ saṁdhyāmupāsitum

"हे राम, सूर्य अस्त हो गया है, जाकर जलस्पर्श करो।" ऋषि का यह वचन सुनकर संध्योपासना के लिए राम

श्लोक 64 (padma.1.37.64)

उपचक्राम तत्पुण्यं ससरोरघुनंदनः। अथ तस्मिन्वनोद्देशे रम्ये पादपशोभिते।

upacakrāma tatpuṇyaṁ sasaroraghunaṁdanaḥ atha tasminvanoddeśe ramye pādapaśobhite

उस पवित्र सरोवरयुक्त स्थान की ओर चले। तब उस वनप्रदेश में, जो रमणीय, वृक्षों से सुशोभित,

श्लोक 65 (padma.1.37.65)

नदपुण्ये गिरिवरे कोकिलाशतमंडिते। नानापक्षिरवोद्याने नानामृगसमाकुले।

nadapuṇye girivare kokilāśatamaṁḍite nānāpakṣiravodyāne nānāmṛgasamākule

नदी से पवित्र, सर्वश्रेष्ठ पर्वत पर, सैकड़ों कोयलों से सुसज्जित, विविध पक्षियों के कलरव वाले उद्यान में, विविध मृगों से भरे,

श्लोक 66 (padma.1.37.66)

सिंहव्याघ्रसमाकीर्णे नानाद्विजसमावृते। गृध्रोलूकौ प्रवसितौ बहून्वर्षगणानपि।

siṁhavyāghrasamākīrṇe nānādvijasamāvṛte gṛdhrolūkau pravasitau bahūnvarṣagaṇānapi

सिंह-व्याघ्रों से व्याप्त, विविध द्विजों (पक्षियों) से आवृत उस स्थान में — एक गिद्ध और एक उल्लू कई वर्षों से रहते थे।

श्लोक 67 (padma.1.37.67)

अथोलूकस्य भवनं गृध्रः पापविनिश्चयः। ममेदमिति कृत्वाऽसौ कलहं तेन चाकरोत्।

atholūkasya bhavanaṁ gṛdhraḥ pāpaviniścayaḥ mamedamiti kṛtvā'sau kalahaṁ tena cākarot

उल्लू के घर पर पापबुद्धि गिद्ध ने "यह मेरा है" कहकर उससे झगड़ा किया।

श्लोक 68 (padma.1.37.68)

राजा सर्वस्य लोकस्य रामो राजीवलोचनः। तं प्रपद्यावहै शीघ्रं कस्यैतद्भवनं भवेत्।

rājā sarvasya lokasya rāmo rājīvalocanaḥ taṁ prapadyāvahai śīghraṁ kasyaitadbhavanaṁ bhavet

"समस्त लोक के राजा कमलनयन राम हैं; चलो हम शीघ्र उनकी शरण लें कि यह घर किसका होगा।"

श्लोक 69 (padma.1.37.69)

गृध्रोलूकौ प्रपद्येतां जातकोपावमर्षिणौ। रामं प्रपद्यतौ शीघ्रं कलिव्याकुलचेतसौ।

gṛdhrolūkau prapadyetāṁ jātakopāvamarṣiṇau rāmaṁ prapadyatau śīghraṁ kalivyākulacetasau

क्रोधित और असहिष्णु हुए गिद्ध और उल्लू दोनों, कलह से व्याकुलचित्त होकर शीघ्र राम की शरण में गए।

श्लोक 70 (padma.1.37.70)

तौ परस्परविद्वेषौ स्पृशतश्चरणौ तथा। अथ दृष्ट्वा राघवेंद्रं गृध्रो वचनमब्रवीत्।

tau parasparavidveṣau spṛśataścaraṇau tathā atha dṛṣṭvā rāghaveṁdraṁ gṛdhro vacanamabravīt

आपस में द्वेष रखने वाले वे दोनों उनके चरणों को स्पर्श करने लगे। तब रघुवंशेश्वर को देखकर गिद्ध ने कहा —

श्लोक 71 (padma.1.37.71)

सुराणामसुराणां च त्वं प्रधानो मतो मम। बृहस्पतेश्च शुक्राच्च त्वं विशिष्टो महामतिः।

surāṇāmasurāṇāṁ ca tvaṁ pradhāno mato mama bṛhaspateśca śukrācca tvaṁ viśiṣṭo mahāmatiḥ

"देवों और असुरों में मेरी दृष्टि से आप ही प्रधान हैं; हे महामते, आप बृहस्पति और शुक्र से भी विशिष्ट हैं।

श्लोक 72 (padma.1.37.72)

परावरज्ञो भूतानां मर्त्ये शक्र इवापरः। दुर्निरीक्षो यथा सूर्यो हिमवानिव गौरवे।

parāvarajño bhūtānāṁ martye śakra ivāparaḥ durnirīkṣo yathā sūryo himavāniva gaurave

आप प्राणियों के परा-अपर के ज्ञाता हैं, मानो पृथ्वी पर दूसरे इंद्र हों; सूर्य के समान दुर्निरीक्ष्य और हिमवान् के समान गौरवशाली हैं।

श्लोक 73 (padma.1.37.73)

सागरश्चासि गांभीर्ये लोकपालो यमो ह्यसि। क्षांत्या धरण्या तुल्योसि शीघ्रत्वे ह्यनिलोपमः।

sāgaraścāsi gāṁbhīrye lokapālo yamo hyasi kṣāṁtyā dharaṇyā tulyosi śīghratve hyanilopamaḥ

आप गंभीरता में सागर के समान हैं, लोकपाल यम के समान हैं; क्षमा में पृथ्वी के तुल्य और वेग में वायु के समान हैं।

श्लोक 74 (padma.1.37.74)

गुरुस्त्वं सर्वसंपन्नो विष्णुरूपोसि राघव। अमर्षी दुर्जयो जेता सर्वास्त्रविधिपारगः।

gurustvaṁ sarvasaṁpanno viṣṇurūposi rāghava amarṣī durjayo jetā sarvāstravidhipāragaḥ

आप गुरु, सर्वसंपन्न, विष्णुस्वरूप हैं, हे राघव; असहिष्णु, अजेय, विजयी, समस्त अस्त्रविद्या में पारंगत हैं।

श्लोक 75 (padma.1.37.75)

शृणु त्वं मम देवेश विज्ञाप्यं नरपुंगव। ममालयं पूर्वकृतं बाहुवीर्येण वै प्रभो।

śṛṇu tvaṁ mama deveśa vijñāpyaṁ narapuṁgava mamālayaṁ pūrvakṛtaṁ bāhuvīryeṇa vai prabho

हे देवेश, मेरी प्रार्थना सुनिए, हे नरपुंगव। पूर्वकाल में मैंने अपनी भुजाओं के बल से अपना घर बनाया था, हे प्रभु —

श्लोक 76 (padma.1.37.76)

उलूको हरते राजंस्त्वत्समीपे विशेषतः। ईदृशोयं दुराचारस्त्वदाज्ञा लंघको नृप।

ulūko harate rājaṁstvatsamīpe viśeṣataḥ īdṛśoyaṁ durācārastvadājñā laṁghako nṛpa

वह उल्लू, हे राजन्, विशेषतः आपके सामने ही छीन रहा है। यह ऐसा दुराचारी आपकी आज्ञा का उल्लंघन करने वाला है, हे नृप।

श्लोक 77 (padma.1.37.77)

प्राणांतिकेन दंडेन राम शासितुमर्हसि। एवमुक्ते तु गृध्रेण उलूको वाक्यमब्रवीत्।

prāṇāṁtikena daṁḍena rāma śāsitumarhasi evamukte tu gṛdhreṇa ulūko vākyamabravīt

हे राम, इसे प्राणांतक दण्ड देना उचित है।" गिद्ध के ऐसा कहने पर उल्लू ने यह वचन कहा —

श्लोक 78 (padma.1.37.78)

शृणु देव मम ज्ञाप्यमेकचित्तो नराधिप। सोमाच्छक्राच्च सूर्याच्च धनदाच्च यमात्तथा।

śṛṇu deva mama jñāpyamekacitto narādhipa somācchakrācca sūryācca dhanadācca yamāttathā

"हे देव, मेरी बात एकाग्रचित्त होकर सुनिए, हे नराधिप। चंद्र, इंद्र, सूर्य, कुबेर और यम से भी —

श्लोक 79 (padma.1.37.79)

जायते वै नृपो राम किंचिद्भवति मानुषः। त्वं तु सर्वमयो देवो नारायणपरायणः।

jāyate vai nṛpo rāma kiṁcidbhavati mānuṣaḥ tvaṁ tu sarvamayo devo nārāyaṇaparāyaṇaḥ

एक राजा उत्पन्न होता है, हे राम, जो कुछ अंश में मनुष्य होता है; परंतु आप सर्वमय देव हैं, नारायण के परायण हैं।

श्लोक 80 (padma.1.37.80)

प्रोच्यते सोमता राजन्सम्यक्कार्ये विचारिते। सम्यग्रक्षसि तापेभ्यस्तमोघ्नो हि यतो भवान्।

procyate somatā rājansamyakkārye vicārite samyagrakṣasi tāpebhyastamoghno hi yato bhavān

जब कार्य भलीभाँति विचारपूर्वक होता है, तब राजा को चंद्रमा कहा जाता है, हे राजन्, क्योंकि आप संतापों से भलीभाँति रक्षा करते हैं, तमोनाशक हैं।

श्लोक 81 (padma.1.37.81)

दोषे दंडात्प्रजानां त्वं यतः पापभयापहः। दाता प्रहर्ता गोप्ता च तेनेंद्र इव नो भवान्।

doṣe daṁḍātprajānāṁ tvaṁ yataḥ pāpabhayāpahaḥ dātā prahartā goptā ca teneṁdra iva no bhavān

आप प्रजाओं को दण्ड के दोष से पापभय से मुक्त करते हैं; दाता, प्रहर्ता और रक्षक होने से आप इंद्र के समान हैं हमारे लिए।

श्लोक 82 (padma.1.37.82)

अधृष्यः सर्वभूतेषु तेजसा चानलो मतः। अभीक्ष्णं तपसे पापांस्तेन त्वं राम भास्करः।

adhṛṣyaḥ sarvabhūteṣu tejasā cānalo mataḥ abhīkṣṇaṁ tapase pāpāṁstena tvaṁ rāma bhāskaraḥ

आप सब प्राणियों के लिए अजेय और तेज में अग्नि के समान माने जाते हैं; निरंतर पापियों को तपाते रहने से, हे राम, आप सूर्य हैं।

श्लोक 83 (padma.1.37.83)

साक्षाद्वित्तेशतुल्यस्त्वमथवा धनदाधिकः। चित्तायत्ता तु पत्नीश्रीर्नित्यं ते राजसत्तम।

sākṣādvitteśatulyastvamathavā dhanadādhikaḥ cittāyattā tu patnīśrīrnityaṁ te rājasattama

आप साक्षात् कुबेर के तुल्य हैं, अथवा कुबेर से भी अधिक हैं; हे राजसत्तम, राज्यलक्ष्मी सदा पत्नी की भाँति आपके अधीन रहती है।

श्लोक 84 (padma.1.37.84)

धनदस्य तु कोशेन धनदस्तेन वैभवान्। समः सर्वेषु भूतेषु स्थावरेषु चरेषु च।

dhanadasya tu kośena dhanadastena vaibhavān samaḥ sarveṣu bhūteṣu sthāvareṣu careṣu ca

कुबेर तो अपने कोश से ही धनद और वैभवशाली कहलाता है; परंतु आप सब स्थावर-जंगम प्राणियों के प्रति समान हैं।

श्लोक 85 (padma.1.37.85)

शत्रौ मित्रे च ते दृष्टिः समंताद्याति राघव। धर्मेण शासनं नित्यं व्यवहारविधिक्रमैः।

śatrau mitre ca te dṛṣṭiḥ samaṁtādyāti rāghava dharmeṇa śāsanaṁ nityaṁ vyavahāravidhikramaiḥ

हे राघव, शत्रु और मित्र दोनों पर आपकी दृष्टि समान रहती है; आपका शासन सदा धर्म तथा व्यवहारविधि के क्रम से चलता है।

श्लोक 86 (padma.1.37.86)

यस्य रुष्यसि वै राम मृत्युस्तस्याभिधीयते। गीयसे तेन वै राजन्यम इत्यभिविश्रुतः।

yasya ruṣyasi vai rāma mṛtyustasyābhidhīyate gīyase tena vai rājanyama ityabhiviśrutaḥ

हे राम, जिस पर आप रुष्ट होते हैं, उसे मृत्यु कहा जाता है; इसीलिए आप यम के नाम से भी विख्यात होकर गाए जाते हैं।

श्लोक 87 (padma.1.37.87)

यश्चासौ मानुषो भावो भवतो नृपसत्तम। आनृशंस्यपरो राजा सर्वेषु कृपयान्वितः।

yaścāsau mānuṣo bhāvo bhavato nṛpasattama ānṛśaṁsyaparo rājā sarveṣu kṛpayānvitaḥ

हे नृपसत्तम, आपमें जो मानवीय भाव है, वह अनुकंपाशील, सबके प्रति दया से युक्त राजा का भाव है —

श्लोक 88 (padma.1.37.88)

दुर्बलस्य त्वनाथस्य राजा भवति वै बलम्। अचक्षुषो भवेच्चक्षुरमतेषु मतिर्भवेत्।

durbalasya tvanāthasya rājā bhavati vai balam acakṣuṣo bhaveccakṣuramateṣu matirbhavet

दुर्बल और अनाथ का राजा ही बल होता है; वह अंधे की आँख और मतिहीन की बुद्धि बनता है।

श्लोक 89 (padma.1.37.89)

अस्माकमपि नाथस्त्वं श्रूयतां मम धार्मिक। भवता तत्र मंतव्यं यथैते किल पक्षिणः।

asmākamapi nāthastvaṁ śrūyatāṁ mama dhārmika bhavatā tatra maṁtavyaṁ yathaite kila pakṣiṇaḥ

हे धार्मिक, हम पर भी आप ही स्वामी हैं, यह सुनिए। आपको यह विचार करना चाहिए कि ये तो केवल पक्षी हैं।

श्लोक 90 (padma.1.37.90)

योस्मन्नाथः स पक्षींद्रो भवतो विनियोज्यकः। अस्वाम्यं देव नास्माकं सन्निधौ भवतः प्रभो।

yosmannāthaḥ sa pakṣīṁdro bhavato viniyojyakaḥ asvāmyaṁ deva nāsmākaṁ sannidhau bhavataḥ prabho

हमारा जो स्वामी है, वह पक्षिराज है, जो आपके अधीन है; हे प्रभु, आपकी उपस्थिति में हमारा कोई स्वामित्व नहीं है।

श्लोक 91 (padma.1.37.91)

भवतैव कृतं पूर्वं भूतग्रामं चतुर्विधम्। ममालयप्रविष्टस्तु गृध्रो मां बाधते नृप।

bhavataiva kṛtaṁ pūrvaṁ bhūtagrāmaṁ caturvidham mamālayapraviṣṭastu gṛdhro māṁ bādhate nṛpa

आपने ही पूर्वकाल में चार प्रकार के प्राणीसमूह की रचना की थी; परंतु यह गिद्ध मेरे घर में घुसकर मुझे सता रहा है, हे नृप।

श्लोक 92 (padma.1.37.92)

भवान्देवमनुष्येषु शास्ता वै नरपुंगव। एतच्छ्रुत्वा तु वै रामः सचिवानाह्वयत्स्वयम्।

bhavāndevamanuṣyeṣu śāstā vai narapuṁgava etacchrutvā tu vai rāmaḥ sacivānāhvayatsvayam

आप ही देवों और मनुष्यों के शासक हैं, हे नरपुंगव।" यह सुनकर राम ने स्वयं अपने मंत्रियों को बुलाया —

श्लोक 93 (padma.1.37.93)

विष्टिर्जयंतो विजयः सिद्धार्थो राष्ट्रवर्धनः। अशोको धर्मपालश्च सुमंत्रश्च महाबलः।

viṣṭirjayaṁto vijayaḥ siddhārtho rāṣṭravardhanaḥ aśoko dharmapālaśca sumaṁtraśca mahābalaḥ

विष्टि, जयंत, विजय, सिद्धार्थ, राष्ट्रवर्धन, अशोक, धर्मपाल और महाबली सुमंत्र —

श्लोक 94 (padma.1.37.94)

एते रामस्य सचिवा राज्ञो दशरथस्य च। नीतियुक्ता महात्मानः सर्वशास्त्रविशारदाः।

ete rāmasya sacivā rājño daśarathasya ca nītiyuktā mahātmānaḥ sarvaśāstraviśāradāḥ

ये राम और राजा दशरथ के मंत्री थे, नीतिसंपन्न, महात्मा, समस्त शास्त्रों में विशारद,

श्लोक 95 (padma.1.37.95)

सुशांताश्च कुलीनाश्च नये मंत्रे च कोविदाः। तानाहूय स धर्मात्मा पुष्पकादवरुह्य च।

suśāṁtāśca kulīnāśca naye maṁtre ca kovidāḥ tānāhūya sa dharmātmā puṣpakādavaruhya ca

शांतस्वभाव, कुलीन, नीति और मंत्र में कुशल — उन्हें बुलाकर उस धर्मात्मा ने पुष्पक से उतरकर,

श्लोक 96 (padma.1.37.96)

गृध्रोलूकौ विवदंतौ पृच्छति स्म रघूत्तमः। कति वर्षाणि भो गृध्र तवेदं निलयं कृतं।

gṛdhrolūkau vivadaṁtau pṛcchati sma raghūttamaḥ kati varṣāṇi bho gṛdhra tavedaṁ nilayaṁ kṛtaṁ

झगड़ते हुए गिद्ध और उल्लू से रघुश्रेष्ठ ने पूछा — "हे गिद्ध, तूने कितने वर्षों से यह घर बनाया है?

श्लोक 97 (padma.1.37.97)

एतन्मे कौतुकं ब्रूहि यदि जानासि तत्त्वतः। एतच्छ्रुत्वा वचो गृध्रो बभाषे राघवं स्थितं।

etanme kautukaṁ brūhi yadi jānāsi tattvataḥ etacchrutvā vaco gṛdhro babhāṣe rāghavaṁ sthitaṁ

यह मेरी जिज्ञासा है, यदि तुम सत्य जानते हो तो बताओ।" यह सुनकर गिद्ध ने खड़े हुए राघव से कहा —

श्लोक 98 (padma.1.37.98)

इयं वसुमती राम मानुषैर्बहुबाहुभिः। उच्छ्रितैराचिता सर्वा तदाप्रभृति मद्गृहं।

iyaṁ vasumatī rāma mānuṣairbahubāhubhiḥ ucchritairācitā sarvā tadāprabhṛti madgṛhaṁ

"हे राम, यह पृथ्वी जब से महाकाय बहुभुज मनुष्यों से भर गई, तभी से यह मेरा घर है।"

श्लोक 99 (padma.1.37.99)

उलूकस्त्वब्रवीद्रामं पादपैरुपशोभिता। यदैव पृथिवी राजंस्तदाप्रभृति मे गृहं।

ulūkastvabravīdrāmaṁ pādapairupaśobhitā yadaiva pṛthivī rājaṁstadāprabhṛti me gṛhaṁ

उल्लू ने राम से कहा — "यह पृथ्वी जब से वृक्षों से सुशोभित हुई, हे राजन्, तभी से यह मेरा घर है।"

श्लोक 100 (padma.1.37.100)

एतच्छ्रुत्वा तु रामो वै सभासद उवाचह। न सा सभा यत्र न संति वृद्धा वृद्धा न ते ये न वदंति धर्मं।

etacchrutvā tu rāmo vai sabhāsada uvācaha na sā sabhā yatra na saṁti vṛddhā vṛddhā na te ye na vadaṁti dharmaṁ

यह सुनकर राम ने सभासदों से कहा — "वह सभा नहीं जिसमें वृद्ध न हों; और वे वृद्ध नहीं जो धर्म की बात न कहें।

श्लोक 101 (padma.1.37.101)

नासौ धर्मो यत्र न चास्ति सत्यं न तत्सत्यं यच्छलमभ्युपैति। ये तु सभ्याः सभां गत्वा तूष्णीं ध्यायंत आसते।

nāsau dharmo yatra na cāsti satyaṁ na tatsatyaṁ yacchalamabhyupaiti ye tu sabhyāḥ sabhāṁ gatvā tūṣṇīṁ dhyāyaṁta āsate

वह धर्म नहीं जिसमें सत्य न हो; और वह सत्य नहीं जो छल का सहारा ले। जो सभासद सभा में जाकर मौन बैठे रहते हैं,

श्लोक 102 (padma.1.37.102)

यथाप्राप्तं न ब्रुवते सर्वे तेऽनृतवादिनः। न वक्ति च श्रुतं यश्च कामात्क्रोधात्तथा भयात्।

yathāprāptaṁ na bruvate sarve te'nṛtavādinaḥ na vakti ca śrutaṁ yaśca kāmātkrodhāttathā bhayāt

जो यथार्थ न कहकर सब मिथ्यावादी बन जाते हैं; और जो काम, क्रोध अथवा भय से जानी हुई बात नहीं कहता,

श्लोक 103 (padma.1.37.103)

सहस्रं वारुणाः पाशाः प्रतिमुंचंति तं नरं। तेषां संवत्सरे पूर्णे पाश एकः प्रमुच्यते।

sahasraṁ vāruṇāḥ pāśāḥ pratimuṁcaṁti taṁ naraṁ teṣāṁ saṁvatsare pūrṇe pāśa ekaḥ pramucyate

उस पुरुष को वरुण के हजार पाश बाँध लेते हैं; उनमें से एक संवत्सर पूरा होने पर ही एक पाश छूटता है।

श्लोक 104 (padma.1.37.104)

तस्मात्सत्यं तु वक्तव्यं जानता सत्यमंजसा। एतच्छ्रुत्वा तु सचिवा राममेवाब्रुवंस्तदा।

tasmātsatyaṁ tu vaktavyaṁ jānatā satyamaṁjasā etacchrutvā tu sacivā rāmamevābruvaṁstadā

इसलिए जो सत्य जानता है, उसे स्पष्ट सत्य ही बोलना चाहिए।" यह सुनकर मंत्रियों ने राम से कहा —

श्लोक 105 (padma.1.37.105)

उलूकः शोभते राजन्न तु गृध्रो महामते। त्वं प्रमाणं महाराज राजा हि परमा गतिः।

ulūkaḥ śobhate rājanna tu gṛdhro mahāmate tvaṁ pramāṇaṁ mahārāja rājā hi paramā gatiḥ

"हे राजन्, हे महामते, उल्लू का कथन उचित प्रतीत होता है, गिद्ध का नहीं। परंतु आप ही प्रमाण हैं, हे महाराज, क्योंकि राजा ही परम गति है।

श्लोक 106 (padma.1.37.106)

राजमूलाः प्रजाः सर्वा राजा धर्मः सनातनः। शास्ता राजा नृणां येषां न ते गच्छंति दुर्गतिम्।

rājamūlāḥ prajāḥ sarvā rājā dharmaḥ sanātanaḥ śāstā rājā nṛṇāṁ yeṣāṁ na te gacchaṁti durgatim

सारी प्रजा का मूल राजा है; राजा ही सनातन धर्म है। जिन मनुष्यों का शासक राजा है, वे दुर्गति को नहीं प्राप्त होते।

श्लोक 107 (padma.1.37.107)

वैवस्वतेन मुक्ताश्च भवंति पुरुषोत्तमाः। सचिवानां वचः श्रुत्वा रामो वचनमब्रवीत्।

vaivasvatena muktāśca bhavaṁti puruṣottamāḥ sacivānāṁ vacaḥ śrutvā rāmo vacanamabravīt

वे वैवस्वत (यम) से भी मुक्त हो जाते हैं, वे पुरुषोत्तम कहलाते हैं।" मंत्रियों की बात सुनकर राम ने कहा —

श्लोक 108 (padma.1.37.108)

श्रूयतामभिधास्यामि पुराणं यदुदाहृतं। द्यौः सचंद्रार्कनक्षत्रा सपर्वतमहीद्रुमम्।

śrūyatāmabhidhāsyāmi purāṇaṁ yadudāhṛtaṁ dyauḥ sacaṁdrārkanakṣatrā saparvatamahīdrumam

"सुनो, मैं एक पुरातन कथा सुनाता हूँ जो कही जाती है — आकाश, चंद्र-सूर्य-नक्षत्रों सहित, पर्वत और वृक्षों सहित पृथ्वी —

श्लोक 109 (padma.1.37.109)

सलिलार्णवसंमग्नं त्रैलोक्यं सचराचरं। एकमेव तदा ह्यासीत्सर्वमेकमिवांबरं।

salilārṇavasaṁmagnaṁ trailokyaṁ sacarācaraṁ ekameva tadā hyāsītsarvamekamivāṁbaraṁ

जलमय समुद्र में डूबा हुआ यह सचराचर त्रैलोक्य उस समय एक ही स्वरूप था, मानो सब कुछ एक आकाश के समान।

श्लोक 110 (padma.1.37.110)

पुनर्भूः सह लक्ष्म्या च विष्णोर्जठरमाविशत्। तां निगृह्य महातेजाः प्रविश्य सलिलार्णवं।

punarbhūḥ saha lakṣmyā ca viṣṇorjaṭharamāviśat tāṁ nigṛhya mahātejāḥ praviśya salilārṇavaṁ

फिर पृथ्वी लक्ष्मी सहित विष्णु के उदर में प्रविष्ट हो गई। उसे ग्रहण करके वह महातेजस्वी जलसमुद्र में प्रविष्ट होकर,

श्लोक 111 (padma.1.37.111)

सुष्वाप हि कृतात्मा स बहुवर्षशतान्यपि। विष्णौ सुप्ते ततो ब्रह्मा विवेश जठरं ततः।

suṣvāpa hi kṛtātmā sa bahuvarṣaśatānyapi viṣṇau supte tato brahmā viveśa jaṭharaṁ tataḥ

वह कृतात्मा बहुत सैकड़ों वर्षों तक सोए रहे। विष्णु के सोने पर तब ब्रह्मा उनके उदर में प्रविष्ट हुए,

श्लोक 112 (padma.1.37.112)

बहुस्रोतं च तं ज्ञात्वा महायोगी समाविशत्। नाभ्यां विष्णोः समुद्भूतं पद्मं हेमविभूषितं।

bahusrotaṁ ca taṁ jñātvā mahāyogī samāviśat nābhyāṁ viṣṇoḥ samudbhūtaṁ padmaṁ hemavibhūṣitaṁ

उसे बहुस्रोत जानकर वह महायोगी उसमें प्रविष्ट हुए। विष्णु की नाभि से सुवर्णभूषित कमल प्रकट हुआ।

श्लोक 113 (padma.1.37.113)

स तु निर्गम्य वै ब्रह्मा योगी भूत्वा महाप्रभुः। सिसृक्षुः पृथिवीं वायुं पर्वतांश्च महीरुहान्।

sa tu nirgamya vai brahmā yogī bhūtvā mahāprabhuḥ sisṛkṣuḥ pṛthivīṁ vāyuṁ parvatāṁśca mahīruhān

वह ब्रह्मा उससे निकलकर, महायोगी और महाप्रभु बनकर, पृथ्वी, वायु, पर्वतों और वृक्षों को रचने की इच्छा से,

श्लोक 114 (padma.1.37.114)

तदंतराः प्रजाः सर्वा मानुषांश्च सरीसृपान्। जरायुजाण्डजान्सर्वान्ससर्ज स महातपाः।

tadaṁtarāḥ prajāḥ sarvā mānuṣāṁśca sarīsṛpān jarāyujāṇḍajānsarvānsasarja sa mahātapāḥ

उनके बीच के सब प्राणी, मनुष्य और सरीसृप, जरायुज और अण्डज सबकी रचना उस महातपस्वी ने की।

श्लोक 115 (padma.1.37.115)

तस्य गात्रसमुत्पन्नः कैटभो मधुना सह। दानवौ तौ महावीर्यौ घोरौ लब्धवरौ तदा।

tasya gātrasamutpannaḥ kaiṭabho madhunā saha dānavau tau mahāvīryau ghorau labdhavarau tadā

उनके शरीर से मधु सहित कैटभ नामक दो महापराक्रमी घोर दानव उत्पन्न हुए, जिन्हें वर प्राप्त था।

श्लोक 116 (padma.1.37.116)

दृष्ट्वा प्रजापतिं तत्र क्रोधाविष्टावुभौ नृप। वेगेन महता भोक्तुं स्वयंभुवमधावतां।

dṛṣṭvā prajāpatiṁ tatra krodhāviṣṭāvubhau nṛpa vegena mahatā bhoktuṁ svayaṁbhuvamadhāvatāṁ

वहाँ प्रजापति (ब्रह्मा) को देखकर हे राजन्, दोनों क्रोधाविष्ट होकर बड़े वेग से स्वयंभू को भक्षण करने के लिए दौड़े।

श्लोक 117 (padma.1.37.117)

दृष्ट्वा सत्वानि सर्वाणि निस्सरन्ति पृथक्पृथक्। ब्रह्मणा संस्तुतो विष्णुर्हत्वा तौ मधुकैटभौ।

dṛṣṭvā satvāni sarvāṇi nissaranti pṛthakpṛthak brahmaṇā saṁstuto viṣṇurhatvā tau madhukaiṭabhau

सब प्राणियों को अलग-अलग निकलते देखकर, ब्रह्मा द्वारा स्तुति किए गए विष्णु ने उन दोनों मधु-कैटभ का वध किया।

श्लोक 118 (padma.1.37.118)

पृथिवीं वर्धयामास स्थित्यर्थं मेदसा तयोः। मेदोगंधा तु धरणी मेदिनीत्यभिधां गता।

pṛthivīṁ vardhayāmāsa sthityarthaṁ medasā tayoḥ medogaṁdhā tu dharaṇī medinītyabhidhāṁ gatā

उनकी मेदा (चर्बी) से उन्होंने पृथ्वी को स्थिरता के लिए बढ़ा दिया। मेदा की गंध से युक्त होने के कारण पृथ्वी 'मेदिनी' कहलाई।

श्लोक 119 (padma.1.37.119)

तस्माद्गृध्रस्त्वसत्यो वै पापकर्मापरालयम्। स्वीयं करोति पापात्मा दण्डनीयो न संशयः।

tasmādgṛdhrastvasatyo vai pāpakarmāparālayam svīyaṁ karoti pāpātmā daṇḍanīyo na saṁśayaḥ

इसलिए वह गिद्ध, जो असत्यवादी है और पापकर्मी होकर दूसरे के घर को अपना बताता है, वह पापात्मा निश्चय ही दण्डनीय है।"

श्लोक 120 (padma.1.37.120)

ततोऽशरीरिणीवाणी अंतरिक्षात्प्रभाषते। मा वधी राम गृध्रं त्वं पूर्वंदग्धं तपोबलात्।

tato'śarīriṇīvāṇī aṁtarikṣātprabhāṣate mā vadhī rāma gṛdhraṁ tvaṁ pūrvaṁdagdhaṁ tapobalāt

तभी आकाश से एक अशरीरी वाणी बोली — "हे राम, इस गिद्ध का वध मत करो; यह पूर्वकाल में तपोबल से शापित होकर जल चुका है।

श्लोक 121 (padma.1.37.121)

पुरा गौतम दग्धोऽयं प्रजानाथो जनेश्वर। ब्रह्मदत्तस्तु नामैष शूरः सत्यव्रतः शुचिः।

purā gautama dagdho'yaṁ prajānātho janeśvara brahmadattastu nāmaiṣa śūraḥ satyavrataḥ śuciḥ

हे नरेश, यह प्रजापालक पूर्वकाल में गौतम द्वारा शापित हुआ था। इसका नाम ब्रह्मदत्त था, वीर, सत्यव्रती और पवित्र।

श्लोक 122 (padma.1.37.122)

गृहमागत्य विप्रर्षेर्भोजनं प्रत्ययाचत। साग्रं वर्षशतं चैव भुक्तवान्नृपसत्तम।

gṛhamāgatya viprarṣerbhojanaṁ pratyayācata sāgraṁ varṣaśataṁ caiva bhuktavānnṛpasattama

यह विप्रर्षि के घर जाकर भोजन माँगता था; हे नृपसत्तम, इसने सौ वर्षों से अधिक वहाँ भोजन किया।

श्लोक 123 (padma.1.37.123)

ब्रह्मदत्तस्य वै तस्य पाद्यमर्घ्यं स्वयं ततः। आत्मनैवाकरोत्सम्यग्भोजनार्थं महाद्युते।

brahmadattasya vai tasya pādyamarghyaṁ svayaṁ tataḥ ātmanaivākarotsamyagbhojanārthaṁ mahādyute

हे महाद्युते, उस ब्रह्मदत्त के लिए उन्होंने स्वयं ही, भोजन के लिए, पाद्य और अर्घ्य विधिवत् अर्पित किया।

श्लोक 124 (padma.1.37.124)

समाविश्य गृहं तस्य आहारे तु महात्मनः। नारीं पूर्णस्तनीं दृष्ट्वा हस्तेनाथ परामृशत्।

samāviśya gṛhaṁ tasya āhāre tu mahātmanaḥ nārīṁ pūrṇastanīṁ dṛṣṭvā hastenātha parāmṛśat

उस महात्मा के भोजन के समय उसके घर में प्रविष्ट होकर, पूर्ण स्तनों वाली एक स्त्री को देखकर, उसने हाथ से उसका स्पर्श कर लिया।

श्लोक 125 (padma.1.37.125)

अथ क्रुद्धेन मुनिना शापो दत्तः सुदारुणः। गृध्रत्वं गच्छ वै मूढ राजा मुनिमथाब्रवीत्।

atha kruddhena muninā śāpo dattaḥ sudāruṇaḥ gṛdhratvaṁ gaccha vai mūḍha rājā munimathābravīt

तब क्रुद्ध मुनि ने भयंकर शाप दिया — 'हे मूढ़, गिद्ध बन जा।' तब राजा ने मुनि से कहा —

श्लोक 126 (padma.1.37.126)

कृपां कुरु महाभाग शापोद्धारो भविष्यति। दयालुस्तद्वचः श्रुत्वा पुनराह नराधिप।

kṛpāṁ kuru mahābhāga śāpoddhāro bhaviṣyati dayālustadvacaḥ śrutvā punarāha narādhipa

'हे महाभाग, कृपा करो, शाप से मुक्ति का उपाय बताओ।' यह सुनकर उस दयालु मुनि ने पुनः राजा से कहा —

श्लोक 127 (padma.1.37.127)

उत्पत्स्यते रघुकुले रामो नाम महायशाः। इक्ष्वाकूणां महाभागो राजा राजीवलोचनः।

utpatsyate raghukule rāmo nāma mahāyaśāḥ ikṣvākūṇāṁ mahābhāgo rājā rājīvalocanaḥ

'रघुकुल में महायशस्वी राम नामक, इक्ष्वाकुओं में महाभाग, कमलनयन राजा उत्पन्न होंगे।

श्लोक 128 (padma.1.37.128)

तेन दृष्टो विपापस्त्वं भविता नरपुंगव। दृष्टो रामेण तच्छ्रुत्वा बभूव पृथिवीपतिः।

tena dṛṣṭo vipāpastvaṁ bhavitā narapuṁgava dṛṣṭo rāmeṇa tacchrutvā babhūva pṛthivīpatiḥ

हे नरपुंगव, उनके द्वारा देखे जाने पर तुम पापरहित हो जाओगे।' राम के द्वारा देखे जाने की बात सुनकर वह पृथ्वीपति रहा।"

श्लोक 129 (padma.1.37.129)

गृध्रत्वं त्यज्य वै शीघ्रं दिव्यगंधानुलेपनः। पुरुषो दिव्यरूपोऽसौ बभाषे तं नराधिपं।

gṛdhratvaṁ tyajya vai śīghraṁ divyagaṁdhānulepanaḥ puruṣo divyarūpo'sau babhāṣe taṁ narādhipaṁ

वह गिद्धत्व त्यागकर, दिव्य सुगंध से अनुलिप्त, दिव्यरूपधारी पुरुष बनकर उस राजा (राम) से बोला —

श्लोक 130 (padma.1.37.130)

साधु राघव धर्मज्ञ त्वत्प्रसादादहं विभो। विमुक्तो नरकाद्घोरादपापस्तु त्वया कृतः।

sādhu rāghava dharmajña tvatprasādādahaṁ vibho vimukto narakādghorādapāpastu tvayā kṛtaḥ

"साधु, हे राघव, हे धर्मज्ञ! आपकी कृपा से, हे प्रभु, मैं घोर नरक से मुक्त हो गया और आपने मुझे पापरहित बना दिया।"

श्लोक 131 (padma.1.37.131)

विसर्जितं मया गार्ध्यं नररूपी महीपतिः। उलूकं प्राह धर्मज्ञ स्वगृहं विश कौशिक।

visarjitaṁ mayā gārdhyaṁ nararūpī mahīpatiḥ ulūkaṁ prāha dharmajña svagṛhaṁ viśa kauśika

"मैंने गिद्धरूप त्याग दिया है" — यह कहकर वह मनुष्यरूपी राजा उल्लू से बोला, "हे धर्मज्ञ, हे कौशिक, अपने घर में प्रवेश करो।"

श्लोक 132 (padma.1.37.132)

अहं संध्यामुपासित्वा गमिष्ये यत्र वै मुनिः। अथोदकमुपस्पृश्य संध्यामन्वास्य पश्चिमां।

ahaṁ saṁdhyāmupāsitvā gamiṣye yatra vai muniḥ athodakamupaspṛśya saṁdhyāmanvāsya paścimāṁ

"मैं संध्योपासना करके वहाँ जाऊँगा जहाँ मुनि हैं।" फिर जलस्पर्श करके पश्चिम दिशा में संध्योपासना करके,

श्लोक 133 (padma.1.37.133)

आश्रमं प्राविशद्रामः कुंभयोनेर्महात्मनः। तस्यागस्त्यो बहुगुणं फलमूलं च सादरं।

āśramaṁ prāviśadrāmaḥ kuṁbhayonermahātmanaḥ tasyāgastyo bahuguṇaṁ phalamūlaṁ ca sādaraṁ

राम कुम्भयोनि महात्मा अगस्त्य के आश्रम में गए। अगस्त्य ने उन्हें आदरपूर्वक अनेक गुणों वाले फल-मूल,

श्लोक 134 (padma.1.37.134)

रसवंति च शाकानि भोजनार्थमुपाहरत्। सभुक्तवान्नरव्याघ्रस्तदन्नममृतोपमम्।

rasavaṁti ca śākāni bhojanārthamupāharat sabhuktavānnaravyāghrastadannamamṛtopamam

तथा रसयुक्त शाक भोजन के लिए अर्पित किए। उस नरव्याघ्र ने वह अमृततुल्य अन्न ग्रहण किया।

श्लोक 135 (padma.1.37.135)

प्रीतश्च परितुष्टश्च तां रात्रिं समुपावसत्। प्रभाते काल्यमुत्थाय कृत्वाह्निकमरिंदम।

prītaśca parituṣṭaśca tāṁ rātriṁ samupāvasat prabhāte kālyamutthāya kṛtvāhnikamariṁdama

प्रसन्न और संतुष्ट होकर उन्होंने वह रात्रि वहीं व्यतीत की। हे अरिंदम, प्रातःकाल शीघ्र उठकर नित्यकर्म करके,

श्लोक 136 (padma.1.37.136)

ॠषिं समभिचक्राम गमनाय रघूत्तमः। अभिवाद्याब्रवीद्रामो महर्षिं कुंभसंभवम्।

ṝṣiṁ samabhicakrāma gamanāya raghūttamaḥ abhivādyābravīdrāmo maharṣiṁ kuṁbhasaṁbhavam

रघुश्रेष्ठ ऋषि के पास गमन के लिए गए। प्रणाम करके राम ने कुम्भसंभव महर्षि से कहा —

श्लोक 137 (padma.1.37.137)

आपृच्छे साधये ब्रह्मन्ननुज्ञातुं त्वमर्हसि। धन्योस्म्यनुगृहीतोस्मि दर्शनेन महामुने।

āpṛcche sādhaye brahmannanujñātuṁ tvamarhasi dhanyosmyanugṛhītosmi darśanena mahāmune

"हे ब्रह्मन्, मैं जाने की अनुमति माँगता हूँ, आप मुझे अनुज्ञा दीजिए। हे महामुने, आपके दर्शन से मैं धन्य और अनुगृहीत हुआ हूँ।

श्लोक 138 (padma.1.37.138)

दिष्ट्या चाहं भविष्यामि पावनात्मा महात्मनः। एवं ब्रुवति काकुत्स्थे वाक्यमद्भुतदर्शनं।

diṣṭyā cāhaṁ bhaviṣyāmi pāvanātmā mahātmanaḥ evaṁ bruvati kākutsthe vākyamadbhutadarśanaṁ

सौभाग्य से मैं इस महात्मा के दर्शन से पवित्रात्मा बनूँगा।" इस प्रकार काकुत्स्थ के इस अद्भुत वचन को सुनकर,

श्लोक 139 (padma.1.37.139)

उवाच परमप्रीतो बाष्पनेत्रस्तपोधनः। अत्यद्भुतमिदं वाक्यं तव राम शुभाक्षरं।

uvāca paramaprīto bāṣpanetrastapodhanaḥ atyadbhutamidaṁ vākyaṁ tava rāma śubhākṣaraṁ

वह परम प्रसन्न तपोधन, अश्रुपूरित नेत्रों से बोले — "हे राम, तुम्हारा यह वचन अत्यंत अद्भुत और शुभाक्षर है —

श्लोक 140 (padma.1.37.140)

पावनं सर्वभूतानां त्वयोक्तं रघुनंदन। मुहूर्तमपि राम त्वां मैत्रेणेक्षंति ये नराः।

pāvanaṁ sarvabhūtānāṁ tvayoktaṁ raghunaṁdana muhūrtamapi rāma tvāṁ maitreṇekṣaṁti ye narāḥ

हे रघुनंदन, तुमने जो कहा वह सब प्राणियों को पवित्र करने वाला है। जो मनुष्य क्षणभर भी तुम्हें मैत्रीभाव से देखते हैं,

श्लोक 141 (padma.1.37.141)

पावितास्सर्वसूक्तैस्ते कथ्यंते त्रिदिवौकसः। ये च त्वां घोरचक्षुर्भिरीक्षंते प्राणिनो भुवि।

pāvitāssarvasūktaiste kathyaṁte tridivaukasaḥ ye ca tvāṁ ghoracakṣurbhirīkṣaṁte prāṇino bhuvi

वे सब सूक्तों से पवित्र होकर स्वर्गवासी कहलाते हैं। और पृथ्वी पर जो प्राणी तुम्हें द्वेषदृष्टि से देखते हैं,

श्लोक 142 (padma.1.37.142)

ते हता ब्रह्मदंडेन सद्यो नरकगामिनः। ईदृशस्त्वं रघुश्रेष्ठ पावनः सर्वदेहिनां।

te hatā brahmadaṁḍena sadyo narakagāminaḥ īdṛśastvaṁ raghuśreṣṭha pāvanaḥ sarvadehināṁ

वे ब्रह्मदण्ड से मारे जाकर तुरंत नरकगामी होते हैं। हे रघुश्रेष्ठ, तुम ऐसे ही सब प्राणियों के पवित्र करने वाले हो।

श्लोक 143 (padma.1.37.143)

कथयंतश्च लोकास्त्वां सिद्धिमेष्यंति राघव। गच्छस्वानातुरोऽविघ्नं पंथानमकुतोभयः।

kathayaṁtaśca lokāstvāṁ siddhimeṣyaṁti rāghava gacchasvānāturo'vighnaṁ paṁthānamakutobhayaḥ

जो लोक तुम्हारी कथा कहते हैं, वे सिद्धि प्राप्त करेंगे, हे राघव। जाओ, निर्विघ्न, निर्भय होकर अपने मार्ग पर बढ़ो।

श्लोक 144 (padma.1.37.144)

प्रशाधि राज्यं धर्मेण गतिस्तु जगतां भवान्। एवमुक्तस्तु मुनिना प्राञ्जलि प्रग्रहो नृपः।

praśādhi rājyaṁ dharmeṇa gatistu jagatāṁ bhavān evamuktastu muninā prāñjali pragraho nṛpaḥ

धर्मपूर्वक राज्य का शासन करो, तुम्हीं संसार की गति हो।" मुनि के ऐसा कहने पर, हाथ जोड़े हुए राजा ने

श्लोक 145 (padma.1.37.145)

अभिवादयितुं चक्रे सोऽगस्त्यमृषिसत्तमम्। अभिवाद्य मुनिश्रेष्ठंस्तांश्च सर्वांस्तपोधिकान्।

abhivādayituṁ cakre so'gastyamṛṣisattamam abhivādya muniśreṣṭhaṁstāṁśca sarvāṁstapodhikān

अगस्त्य ऋषिश्रेष्ठ को प्रणाम किया। उस मुनिश्रेष्ठ तथा अन्य सब तपोधनों को प्रणाम करके,

श्लोक 146 (padma.1.37.146)

अथारोहत्तदाव्यग्रः पुष्पकं हेमभूषितम्। तं प्रयांतं मुनिगणा आशीर्वादैस्समंततः।

athārohattadāvyagraḥ puṣpakaṁ hemabhūṣitam taṁ prayāṁtaṁ munigaṇā āśīrvādaissamaṁtataḥ

वे तत्पर होकर स्वर्णभूषित पुष्पक पर आरूढ़ हुए। जाते हुए उन्हें मुनिगणों ने चारों ओर से आशीर्वादों द्वारा,

श्लोक 147 (padma.1.37.147)

अपूपुजन्नरेंद्रं तं सहस्राक्षमिवामराः। ततोऽर्धदिवसे प्राप्ते रामः सर्वार्थकोविदः।

apūpujannareṁdraṁ taṁ sahasrākṣamivāmarāḥ tato'rdhadivase prāpte rāmaḥ sarvārthakovidaḥ

देवताओं के इंद्र के समान उस नरेंद्र को पूजित किया। फिर मध्याह्न होने पर सर्वार्थकोविद राम,

श्लोक 148 (padma.1.37.148)

अयोध्यां प्राप्य काकुत्स्थः पद्भ्यां कक्षामवातरत्। ततो विसृज्य रुचिरं पुष्पकं कामवाहितं।

ayodhyāṁ prāpya kākutsthaḥ padbhyāṁ kakṣāmavātarat tato visṛjya ruciraṁ puṣpakaṁ kāmavāhitaṁ

अयोध्या पहुँचकर काकुत्स्थ पैरों से अंतःपुर में उतरे। फिर मनोवेगगामी सुंदर पुष्पक को विसर्जित करके,

श्लोक 149 (padma.1.37.149)

कक्षांतराद्विनिष्क्रम्य द्वास्थान्राजाऽब्रवीदिदं। लक्ष्मणं भरतं चैव गच्छध्वं लघुविक्रमाः।

kakṣāṁtarādviniṣkramya dvāsthānrājā'bravīdidaṁ lakṣmaṇaṁ bharataṁ caiva gacchadhvaṁ laghuvikramāḥ

अंतःपुर से निकलकर राजा ने द्वारपालों से कहा — "शीघ्रगामी होकर लक्ष्मण और भरत के पास जाओ।

श्लोक 150 (padma.1.37.150)

ममागमनमाख्याय समानयत मा चिरम्। श्रुत्वाथ भाषितं द्वास्था रामस्याक्लिष्टकर्मणः।

mamāgamanamākhyāya samānayata mā ciram śrutvātha bhāṣitaṁ dvāsthā rāmasyākliṣṭakarmaṇaḥ

मेरे आगमन की सूचना देकर उन्हें बिना विलंब लाओ।" अक्लिष्टकर्मा राम की यह बात सुनकर द्वारपाल,

श्लोक 151 (padma.1.37.151)

गत्वा कुमारावाहूय राघवाय न्यवदेयन्। द्वास्थैः कुमारावानीतौ राघवस्य निदेशतः।

gatvā kumārāvāhūya rāghavāya nyavadeyan dvāsthaiḥ kumārāvānītau rāghavasya nideśataḥ

जाकर दोनों कुमारों को बुलाकर राघव को सूचित किया। राघव की आज्ञा से द्वारपालों ने दोनों कुमारों को ले आए।

श्लोक 152 (padma.1.37.152)

दृष्ट्वा तु राघवः प्राप्तौ प्रियौ भरतलक्ष्मणौ। समालिंग्य तु रामस्तौ वाक्यं चेदमुवाच ह।

dṛṣṭvā tu rāghavaḥ prāptau priyau bharatalakṣmaṇau samāliṁgya tu rāmastau vākyaṁ cedamuvāca ha

अपने प्रिय भरत और लक्ष्मण को आया हुआ देखकर राघव ने दोनों का आलिंगन करके यह वचन कहा —

श्लोक 153 (padma.1.37.153)

कृतं मया यथातथ्यं द्विजकार्यमनुत्तमं। धर्महेतुमतो भूयः कर्तुमिच्छामि राघवौ।

kṛtaṁ mayā yathātathyaṁ dvijakāryamanuttamaṁ dharmahetumato bhūyaḥ kartumicchāmi rāghavau

"मैंने द्विजों का श्रेष्ठ कार्य यथार्थ रूप से संपन्न कर लिया है। हे राघवो, धर्म के हेतु मैं अब और भी कुछ करना चाहता हूँ —

श्लोक 154 (padma.1.37.154)

भवद्भ्यामात्मभूताभ्यां राजसूयं क्रतूत्तमं। सहितो यष्टुमिच्छामि यत्र धर्मश्च शाश्वतः।

bhavadbhyāmātmabhūtābhyāṁ rājasūyaṁ kratūttamaṁ sahito yaṣṭumicchāmi yatra dharmaśca śāśvataḥ

आत्मस्वरूप तुम दोनों के साथ मिलकर मैं राजसूय, सर्वोत्तम यज्ञ, करना चाहता हूँ, जिसमें सनातन धर्म है।

श्लोक 155 (padma.1.37.155)

पुष्करस्थेन वै पूर्वं ब्रह्मणा लोककारिणा। शतत्रयेण यज्ञानामिष्टं षष्ट्याधिकेन च।

puṣkarasthena vai pūrvaṁ brahmaṇā lokakāriṇā śatatrayeṇa yajñānāmiṣṭaṁ ṣaṣṭyādhikena ca

पूर्वकाल में पुष्कर में स्थित लोकसृष्टिकर्ता ब्रह्मा ने तीन सौ साठ यज्ञ किए थे।

श्लोक 156 (padma.1.37.156)

इष्ट्वा हि राजसूयेन सोमो धर्मेण धर्मवित्। प्राप्तः सर्वेषु लोकेषु कीर्तिस्थानमनुत्तमम्।

iṣṭvā hi rājasūyena somo dharmeṇa dharmavit prāptaḥ sarveṣu lokeṣu kīrtisthānamanuttamam

राजसूय यज्ञ धर्मपूर्वक करके धर्मज्ञ सोम ने समस्त लोकों में सर्वोत्तम कीर्तिस्थान प्राप्त किया।

श्लोक 157 (padma.1.37.157)

इष्ट्वा हि राजसूयेन मित्रः शत्रुनिबर्हणः। मुहूर्तेन सुशुद्धेन वरुणत्वमुपागतः।

iṣṭvā hi rājasūyena mitraḥ śatrunibarhaṇaḥ muhūrtena suśuddhena varuṇatvamupāgataḥ

राजसूय यज्ञ करके शत्रुनाशक मित्र ने अत्यंत शुद्ध मुहूर्त में वरुणपद प्राप्त किया।

श्लोक 158 (padma.1.37.158)

तस्माद्भवंतौ संचिंत्य कार्येस्मिन्वदतं हि तत्। भरत उवाच। त्वं धर्मः परमः साधो त्वयि सर्वा वसुंधरा।

tasmādbhavaṁtau saṁciṁtya kāryesminvadataṁ hi tat bharata uvāca tvaṁ dharmaḥ paramaḥ sādho tvayi sarvā vasuṁdharā

इसलिए तुम दोनों भलीभाँति विचार करके इस कार्य में अपना मत कहो।" भरत ने कहा —

श्लोक 159 (padma.1.37.159)

प्रतिष्ठिता महाबाहो यशश्चामितविक्रम। महीपालाश्च सर्वे त्वां प्रजापतिमिवामराः।

pratiṣṭhitā mahābāho yaśaścāmitavikrama mahīpālāśca sarve tvāṁ prajāpatimivāmarāḥ

"हे साधो, तुम्हीं परम धर्म हो; हे महाबाहु, तुम्हीं पर सारी पृथ्वी और अपार यश प्रतिष्ठित हैं।

श्लोक 160 (padma.1.37.160)

निरीक्षंते महात्मानो लोकनाथ तथा वयं। प्रजाश्च पितृवद्राजन्पश्यंति त्वां महामते।

nirīkṣaṁte mahātmāno lokanātha tathā vayaṁ prajāśca pitṛvadrājanpaśyaṁti tvāṁ mahāmate

समस्त महात्मा राजा तुम्हें उसी प्रकार देखते हैं जैसे देवता प्रजापति को देखते हैं, हे लोकनाथ; और हम भी वैसे ही देखते हैं।

श्लोक 161 (padma.1.37.161)

पृथिव्यां गतिभूतोसि प्राणिनामिह राघव। सत्वमेवंविधं यज्ञं नाहर्त्तासि परंतप।

pṛthivyāṁ gatibhūtosi prāṇināmiha rāghava satvamevaṁvidhaṁ yajñaṁ nāharttāsi paraṁtapa

हे राजन्, हे महामते, प्रजा तुम्हें पिता के समान मानती है; हे राघव, इस पृथ्वी पर तुम प्राणियों की गति हो।

श्लोक 162 (padma.1.37.162)

पृथिव्यां सर्वभूतानां विनाशो दृश्यते यतः। श्रूयते राजशार्दूल सोमस्य मनुजेश्वर।

pṛthivyāṁ sarvabhūtānāṁ vināśo dṛśyate yataḥ śrūyate rājaśārdūla somasya manujeśvara

हे परंतप, ऐसे स्वभाव वाले तुम्हें यह यज्ञ नहीं करना चाहिए, क्योंकि पृथ्वी पर सब प्राणियों का विनाश होते देखा गया है।

श्लोक 163 (padma.1.37.163)

ज्योतिषां सुमहद्युद्धं संग्रामे तारकामये। तारा बृहस्पतेर्भार्या हृता सोमेनकामतः।

jyotiṣāṁ sumahadyuddhaṁ saṁgrāme tārakāmaye tārā bṛhaspaterbhāryā hṛtā somenakāmataḥ

हे राजशार्दूल, हे मनुजेश्वर, सुना जाता है कि सोम के कारण तारका-प्रसंग में ज्योतियों का महायुद्ध हुआ था —

श्लोक 164 (padma.1.37.164)

तत्र युद्धं महद्वृत्तं देवदानवनाशनम्। वरुणस्य क्रतौ घोरे संग्रामे मत्स्यकच्छपाः।

tatra yuddhaṁ mahadvṛttaṁ devadānavanāśanam varuṇasya kratau ghore saṁgrāme matsyakacchapāḥ

बृहस्पति की पत्नी तारा को सोम ने काममोहवश हर लिया था। वहाँ देव-दानवों का नाश करने वाला महायुद्ध हुआ।

श्लोक 165 (padma.1.37.165)

निवृत्ते राजशार्दूल सर्वे नष्टा जलेचराः। हरिश्चंद्रस्य यज्ञांते राजसूयस्य राघव।

nivṛtte rājaśārdūla sarve naṣṭā jalecarāḥ hariścaṁdrasya yajñāṁte rājasūyasya rāghava

हे राजशार्दूल, वरुण के भयंकर यज्ञ में हुए संग्राम में मत्स्य और कच्छप — युद्ध समाप्त होने पर सभी जलचर नष्ट हो गए।

श्लोक 166 (padma.1.37.166)

आडीबकंमहद्युद्धं सर्वलोकविनाशनम्। पृथिव्यां यानि सत्वानि तिर्यग्योनिगतानि वै।

āḍībakaṁmahadyuddhaṁ sarvalokavināśanam pṛthivyāṁ yāni satvāni tiryagyonigatāni vai

हे राघव, हरिश्चंद्र के राजसूय यज्ञ के अंत में सर्वलोकविनाशक महायुद्ध हुआ था।

श्लोक 167 (padma.1.37.167)

दिव्यानां पार्थिवानां च राजसूये क्षयः श्रुतः। स त्वं पुरुषशार्दूल बुद्ध्या संचिंत्य पार्थिव।

divyānāṁ pārthivānāṁ ca rājasūye kṣayaḥ śrutaḥ sa tvaṁ puruṣaśārdūla buddhyā saṁciṁtya pārthiva

पृथ्वी पर जो तिर्यक्-योनि के प्राणी हैं, तथा दिव्य और पार्थिव प्राणियों का भी — राजसूय में विनाश सुना गया है।

श्लोक 168 (padma.1.37.168)

प्राणिनां च हितं सौम्यं पूर्णधर्मं समाचर। भरतस्य वचः श्रुत्वा राघवः प्राह सादरम्।

prāṇināṁ ca hitaṁ saumyaṁ pūrṇadharmaṁ samācara bharatasya vacaḥ śrutvā rāghavaḥ prāha sādaram

इसलिए हे पुरुषशार्दूल, हे पार्थिव, बुद्धिपूर्वक विचार करके प्राणियों के हित तथा सौम्य पूर्ण धर्म का ही आचरण करो।"

श्लोक 169 (padma.1.37.169)

प्रीतोस्मि तव धर्मज्ञ वाक्येनानेन शत्रुहन्। निवर्तिता राजसूयान्मतिर्मे धर्मवत्सल।

prītosmi tava dharmajña vākyenānena śatruhan nivartitā rājasūyānmatirme dharmavatsala

भरत के वचन सुनकर राघव ने आदरपूर्वक कहा — "हे धर्मज्ञ, हे शत्रुहन्, तुम्हारे इस वचन से मैं प्रसन्न हूँ।

श्लोक 170 (padma.1.37.170)

पूर्णं धर्मं करिष्यामि कान्यकुब्जे च वामनम्। स्थापयिष्याम्यहं वीर सा मे ख्यातिर्दिवं गता।

pūrṇaṁ dharmaṁ kariṣyāmi kānyakubje ca vāmanam sthāpayiṣyāmyahaṁ vīra sā me khyātirdivaṁ gatā

हे धर्मवत्सल, मेरा मन राजसूय से निवृत्त हो गया है। मैं अब कान्यकुब्ज में वामन की स्थापना करके पूर्ण धर्म करूँगा —

श्लोक 171 (padma.1.37.171)

भविष्यति न संदेहो यथा गंगा भगीरथात्।

bhaviṣyati na saṁdeho yathā gaṁgā bhagīrathāt

मैं इसे स्थापित करूँगा, हे वीर; मेरी वह कीर्ति स्वर्ग तक पहुँचेगी — निःसंदेह वैसे ही जैसे भगीरथ के कारण गंगा।"