विश्वरूप विष्णु एवं मार्कण्डेय-दर्शन

श्लोक 1 (padma.1.39.1)

भीष्म उवाच। कथितं वामनस्यैव माहात्म्यं विस्तरेण वै। पुनस्तस्यैव माहात्म्यमन्यद्विष्णोरतो वद।

bhīṣma uvāca kathitaṁ vāmanasyaiva māhātmyaṁ vistareṇa vai punastasyaiva māhātmyamanyadviṣṇorato vada

भीष्म ने कहा -- वामन का माहात्म्य विस्तारपूर्वक कहा गया। अब उसी विष्णु का दूसरा माहात्म्य कहिए।

श्लोक 2 (padma.1.39.2)

पद्मं कथमभूद्देव नाभौ येनाभवज्जगत्। कथं च वैष्णवी सृष्टिः पद्ममध्येऽभवत्पुरा।

padmaṁ kathamabhūddeva nābhau yenābhavajjagat kathaṁ ca vaiṣṇavī sṛṣṭiḥ padmamadhye'bhavatpurā

हे देव, नाभि से कमल कैसे उत्पन्न हुआ, जिससे जगत् बना? और पूर्वकाल में उस कमल के भीतर वैष्णवी सृष्टि कैसे हुई?

श्लोक 3 (padma.1.39.3)

कथं पाद्मे महाकल्पेऽभवत्पद्ममयं जगत्। जलार्णवगतस्येह नाभौ जातं जलानुगं।

kathaṁ pādme mahākalpe'bhavatpadmamayaṁ jagat jalārṇavagatasyeha nābhau jātaṁ jalānugaṁ

पद्म महाकल्प में जगत् कमलमय कैसे हुआ? जलसमुद्र में स्थित उस देव की नाभि से जो जलानुगामी उत्पन्न हुआ, वह बताइए।

श्लोक 4 (padma.1.39.4)

प्रभावं पद्मनाभस्य स्वपतः सागरांभसि। पुष्करे तु कथं जाता देवा ॠषिगणाः पुरा।

prabhāvaṁ padmanābhasya svapataḥ sāgarāṁbhasi puṣkare tu kathaṁ jātā devā ṝṣigaṇāḥ purā

समुद्र-जल में सोए हुए पद्मनाभ का प्रभाव, और पूर्वकाल में पुष्कर में देवता और ऋषिगण कैसे उत्पन्न हुए, यह बताइए।

श्लोक 5 (padma.1.39.5)

एतदाख्याहि निखिलं योगं योगविदां पते। कथं निर्मितवांस्तत्र चैतं लोकं सनातनम्।

etadākhyāhi nikhilaṁ yogaṁ yogavidāṁ pate kathaṁ nirmitavāṁstatra caitaṁ lokaṁ sanātanam

हे योगविदों के स्वामी, यह संपूर्ण योग कहिए -- उन्होंने वहाँ यह सनातन लोक कैसे रचा।

श्लोक 6 (padma.1.39.6)

कथमेकार्णवे शून्ये नष्टे स्थावरजंगमे। भूगोलके प्रदग्धे तु प्रणष्टोरगराक्षसे।

kathamekārṇave śūnye naṣṭe sthāvarajaṁgame bhūgolake pradagdhe tu praṇaṣṭoragarākṣase

जब एक ही सूना समुद्र था, चराचर नष्ट हो चुका था, भूमंडल जल चुका था, नाग-राक्षस समाप्त हो चुके थे,

श्लोक 7 (padma.1.39.7)

नष्टानलानिलाकाशे नष्टधर्मे महीतले। केवले गह्वरीभूते महाभूतविपर्यये।

naṣṭānalānilākāśe naṣṭadharme mahītale kevale gahvarībhūte mahābhūtaviparyaye

अग्नि-वायु-आकाश नष्ट हो चुके थे, पृथ्वी पर धर्म नष्ट हो चुका था, केवल एक गह्वर-सा शेष था, महाभूतों का यह विपर्यय हुआ था,

श्लोक 8 (padma.1.39.8)

किं नु विश्वपतिः साक्षान्महातेजा महाद्युतिः। आस्ते यथाध्याननिष्ठो विधिमास्थाय योगवित्।

kiṁ nu viśvapatiḥ sākṣānmahātejā mahādyutiḥ āste yathādhyānaniṣṭho vidhimāsthāya yogavit

तब विश्वपति साक्षात् महातेजस्वी, महाद्युतिमान, योगविद्, अपनी विधि के अनुसार ध्यानस्थ की भाँति कैसे स्थित रहते थे?

श्लोक 9 (padma.1.39.9)

शृण्वतः परया भक्त्या ब्रह्मन्नेतदशेषतः। वक्तुमर्हसि धर्मज्ञ यशो नारायणात्मकम्।

śṛṇvataḥ parayā bhaktyā brahmannetadaśeṣataḥ vaktumarhasi dharmajña yaśo nārāyaṇātmakam

हे ब्रह्मन्, मैं परम भक्तिपूर्वक सुन रहा हूँ; हे धर्मज्ञ, यह नारायण संबंधी यश मुझसे पूर्णरूप से कहिए।

श्लोक 10 (padma.1.39.10)

श्रद्धिनः सूपविष्टस्य भगवन्वक्तुमर्हसि। पुलस्त्य उवाच। नारायणस्य यशसः श्रवणे या तव स्पृहा।

śraddhinaḥ sūpaviṣṭasya bhagavanvaktumarhasi pulastya uvāca nārāyaṇasya yaśasaḥ śravaṇe yā tava spṛhā

हे भगवन्, श्रद्धापूर्वक बैठे हुए मुझसे यह कहना चाहिए। पुलस्त्य ने कहा -- नारायण के यश को सुनने की जो तुम्हारी उत्कंठा है,

श्लोक 11 (padma.1.39.11)

सद्वंशान्वयपूतस्य न्याय्यं कुरुकुलोद्वह। शृणुष्वादिपुराणेषु देवेभ्यश्च यथा श्रुति।

sadvaṁśānvayapūtasya nyāyyaṁ kurukulodvaha śṛṇuṣvādipurāṇeṣu devebhyaśca yathā śruti

हे कुरुकुलोद्वह, यह सद्वंश में जन्मे शुद्धात्मा के लिए ही उचित है। सुनो, जैसा आदिपुराणों में और देवताओं से,

श्लोक 12 (padma.1.39.12)

ब्राह्मणानां च वदतां श्रुत्वा वै सुमहात्मनाम्। यथा च तपसा दृष्ट्वा बृहस्पति समद्युतिः।

brāhmaṇānāṁ ca vadatāṁ śrutvā vai sumahātmanām yathā ca tapasā dṛṣṭvā bṛhaspati samadyutiḥ

और सुमहात्मा ब्राह्मणों के कथन से सुना गया है, तथा जैसा तपस्या से बृहस्पति-तुल्य तेजस्वी ने साक्षात् देखा था,

श्लोक 13 (padma.1.39.13)

पराशरसुतः श्रीमान्गुरुर्द्वैपायनोऽब्रवीत्। तत्तेऽहं कथयिष्यामि यथाभक्ति यथाश्रुति।

parāśarasutaḥ śrīmāngururdvaipāyano'bravīt tatte'haṁ kathayiṣyāmi yathābhakti yathāśruti

उन श्रीमान् पराशरपुत्र गुरु द्वैपायन (व्यास) ने कहा था। वही मैं तुम्हें भक्ति और श्रुति के अनुसार कहूँगा।

श्लोक 14 (padma.1.39.14)

यद्विज्ञातं मया सम्यगृषिमार्गेण सत्तम। कः समुत्सहते ज्ञातुं परं नारायणात्मकम्।

yadvijñātaṁ mayā samyagṛṣimārgeṇa sattama kaḥ samutsahate jñātuṁ paraṁ nārāyaṇātmakam

हे सत्तम, ऋषिमार्ग से मैंने जो भलीभाँति जाना है -- नारायण-संबंधी परम तत्त्व को कौन जानने का साहस कर सकता है?

श्लोक 15 (padma.1.39.15)

विश्वावितारं ब्रह्मायं न वेदयति तत्वतः। तत्कर्मविश्वदेवा न तद्रहस्यं महर्षिषु।

viśvāvitāraṁ brahmāyaṁ na vedayati tatvataḥ tatkarmaviśvadevā na tadrahasyaṁ maharṣiṣu

यह ब्रह्मा भी विश्व के आधार को तत्त्वतः नहीं जानते; विश्वदेवता भी उस कर्म को नहीं जानते, वह रहस्य महर्षियों में भी नहीं है।

श्लोक 16 (padma.1.39.16)

स इज्यस्सर्वयज्ञानां स तत्त्वं तत्त्वदर्शिनाम्। अध्यात्ममध्यात्मविदां नरकं च विकर्मिणाम्।

sa ijyassarvayajñānāṁ sa tattvaṁ tattvadarśinām adhyātmamadhyātmavidāṁ narakaṁ ca vikarmiṇām

वे ही समस्त यज्ञों के पूज्य हैं, वे ही तत्त्वदर्शियों के लिए तत्त्व हैं; अध्यात्मवेत्ताओं के लिए अध्यात्म, और दुष्कर्मियों के लिए नरक हैं।

श्लोक 17 (padma.1.39.17)

अधिदैवं च तद्दैवमधिदैवतसंज्ञितम्। अधिभूतं च तद्भूतं परं च परमार्थिनाम्।

adhidaivaṁ ca taddaivamadhidaivatasaṁjñitam adhibhūtaṁ ca tadbhūtaṁ paraṁ ca paramārthinām

वे ही अधिदैव कहलाने वाली वह देवता हैं; वे ही अधिभूत नामक वह तत्त्व हैं, और परमार्थियों के लिए परम तत्त्व हैं।

श्लोक 18 (padma.1.39.18)

स यज्ञो वेदनिर्दिष्टस्तत्तपः कवयो विदुः। यः कर्त्ता कारको बुद्धिर्यतः क्षेत्रज्ञ एव च।

sa yajño vedanirdiṣṭastattapaḥ kavayo viduḥ yaḥ karttā kārako buddhiryataḥ kṣetrajña eva ca

वे ही वेदविहित यज्ञ हैं, कवि लोग उन्हें ही तप जानते हैं; वे कर्ता, कारक, बुद्धि हैं, और उन्हीं से क्षेत्रज्ञ (जीवात्मा) भी है।

श्लोक 19 (padma.1.39.19)

प्रणवः पुरुषः शास्ता एकश्चेति विभाव्यते। प्राणः पंचविधश्चैव ध्रुवमक्षरमेव च।

praṇavaḥ puruṣaḥ śāstā ekaśceti vibhāvyate prāṇaḥ paṁcavidhaścaiva dhruvamakṣarameva ca

वे प्रणव, पुरुष, शासक और एक -- इस प्रकार माने जाते हैं; वे पंचविध प्राण, ध्रुव और अक्षर भी हैं।

श्लोक 20 (padma.1.39.20)

कालः पाकश्च यज्ञश्च यष्टा चाधीतमेव च। उच्यते विविधैर्भावैः स एवायं तु तत्परम्।

kālaḥ pākaśca yajñaśca yaṣṭā cādhītameva ca ucyate vividhairbhāvaiḥ sa evāyaṁ tu tatparam

वे विविध भावों से काल, पाक, यज्ञ, यष्टा (यजमान) और अध्ययन कहलाते हैं; वे ही यह परम तत्त्व हैं।

श्लोक 21 (padma.1.39.21)

स एव भगवान्सर्वं करोति न करोति च। सोस्मिन्कारयते सर्वं स्थानिनां च कृतिः कृता।

sa eva bhagavānsarvaṁ karoti na karoti ca sosminkārayate sarvaṁ sthānināṁ ca kṛtiḥ kṛtā

वे ही भगवान् सब कुछ करते हैं और कुछ नहीं करते भी; वे ही इसमें सब कुछ करवाते हैं, स्थित प्राणियों की कृति भी उन्हीं की की हुई है।

श्लोक 22 (padma.1.39.22)

यजामहे तमेवाद्यं स एवोत्थाननिर्वृतः। यो वक्ता यच्च वक्तव्यं यश्चाहं तद्ब्रवीमि ते।

yajāmahe tamevādyaṁ sa evotthānanirvṛtaḥ yo vaktā yacca vaktavyaṁ yaścāhaṁ tadbravīmi te

हम उन्हीं आदि पुरुष की पूजा करते हैं; वे क्रियाशील होते हुए भी शांत रहते हैं। जो वक्ता है, जो वक्तव्य है, और जो मैं कहता हूँ, वह सब वे ही हैं।

श्लोक 23 (padma.1.39.23)

श्रूयते यच्च वै श्राव्यं यच्चान्यत्परिजल्पितम्। या कथायाश्च श्रुतयो यो धर्मी धर्मतत्परः।

śrūyate yacca vai śrāvyaṁ yaccānyatparijalpitam yā kathāyāśca śrutayo yo dharmī dharmatatparaḥ

जो सुना जाता है और जो सुनने योग्य है, जो अन्य कहा जाता है; जो कथाएँ और श्रुतियाँ हैं, जो धर्मी है, धर्मपरायण है --

श्लोक 24 (padma.1.39.24)

विश्वं विश्वपतिर्यश्च स तु नारायणः स्मृतः। यत्सत्यं यदनृतमादिमध्यभूतं यच्चांत्यं निरवधिकं च यद्भविष्यम्।

viśvaṁ viśvapatiryaśca sa tu nārāyaṇaḥ smṛtaḥ yatsatyaṁ yadanṛtamādimadhyabhūtaṁ yaccāṁtyaṁ niravadhikaṁ ca yadbhaviṣyam

और जो विश्व और विश्वपति है, वे ही नारायण कहे जाते हैं। जो सत्य, जो असत्य, जो आदि-मध्य, जो अंत, जो असीम और जो भविष्य है --

श्लोक 25 (padma.1.39.25)

यत्किंचिच्चरमचरं यदस्ति चान्यत्सर्वं तत्पुरुषवरः प्रधानभूतः। चत्वार्य्याहुः सहस्राणि वर्षाणां तत्कृतं युगम्।

yatkiṁciccaramacaraṁ yadasti cānyatsarvaṁ tatpuruṣavaraḥ pradhānabhūtaḥ catvāryyāhuḥ sahasrāṇi varṣāṇāṁ tatkṛtaṁ yugam

जो कुछ चर-अचर है, और अन्य जो कुछ भी है, वह सब वही श्रेष्ठ पुरुष, वह प्रधानभूत तत्त्व हैं। कहते हैं कि कृतयुग चार हजार वर्षों का है।

श्लोक 26 (padma.1.39.26)

तस्य तावच्छती संध्या द्विगुणा कुरुनंदन। यत्र धर्मश्चतुष्पादस्त्वधर्मः पादविग्रहः।

tasya tāvacchatī saṁdhyā dviguṇā kurunaṁdana yatra dharmaścatuṣpādastvadharmaḥ pādavigrahaḥ

हे कुरुनंदन, उसकी संध्या भी दुगुनी सौ-सौ वर्ष की है। उसमें धर्म चार पैरों पर और अधर्म एक ही पैर पर खंडित होकर टिका रहता है।

श्लोक 27 (padma.1.39.27)

स्वधर्मनिरताः शांता जायंते यत्र मानवाः। विप्रा स्थिता धर्मपरा राजवृत्तिस्थिता नृपाः।

svadharmaniratāḥ śāṁtā jāyaṁte yatra mānavāḥ viprā sthitā dharmaparā rājavṛttisthitā nṛpāḥ

उसमें मनुष्य अपने धर्म में रत, शांत उत्पन्न होते हैं; विप्र धर्मपरायण, राजा राजोचित वृत्ति में स्थित रहते हैं,

श्लोक 28 (padma.1.39.28)

कृष्यामभिरता वैश्याः शूद्रा शुःश्रूषवस्तथा। तदा सत्यं च सत्वं च धर्मश्चैव विवर्धते।

kṛṣyāmabhiratā vaiśyāḥ śūdrā śuḥśrūṣavastathā tadā satyaṁ ca satvaṁ ca dharmaścaiva vivardhate

वैश्य कृषि में रत, शूद्र सेवा में रत रहते हैं; तब सत्य, सत्त्व और धर्म सभी बढ़ते हैं।

श्लोक 29 (padma.1.39.29)

सद्भिराचरितो धर्मो येन लोकः प्रवर्त्तते। एतत्कृतयुगे वृत्तं सर्वेषामेव पार्थिव।

sadbhirācarito dharmo yena lokaḥ pravarttate etatkṛtayuge vṛttaṁ sarveṣāmeva pārthiva

सज्जनों द्वारा आचरित धर्म से ही लोक चलता है -- यही कृतयुग में सबका आचरण था, हे राजन्।

श्लोक 30 (padma.1.39.30)

प्राणिनां धर्मसंज्ञानां नराणां नीचजन्मनाम्। त्रीणिवर्षसहस्राणि त्रेतायुगमिहोच्यते।

prāṇināṁ dharmasaṁjñānāṁ narāṇāṁ nīcajanmanām trīṇivarṣasahasrāṇi tretāyugamihocyate

यह उन धर्मसंज्ञ प्राणियों के लिए है, नीचजन्मा मनुष्यों के लिए नहीं। त्रेतायुग यहाँ तीन हजार वर्ष का कहा जाता है।

श्लोक 31 (padma.1.39.31)

तस्य तावच्छती संध्या द्विगुणा परिकीर्तिता। द्वाभ्यामधर्मः पादाभ्यां त्रिभिर्धर्मो व्यवस्थितः।

tasya tāvacchatī saṁdhyā dviguṇā parikīrtitā dvābhyāmadharmaḥ pādābhyāṁ tribhirdharmo vyavasthitaḥ

उसकी संध्या भी दुगुनी सौ-सौ वर्ष की कही गई है। दो पैरों पर अधर्म और तीन पैरों पर धर्म स्थित रहता है।

श्लोक 32 (padma.1.39.32)

यत्र सत्यं च सत्वं च क्रिया धर्मो विधीयते। त्रेतायां विकृतिं यांति वर्णा लोभेन संयुताः।

yatra satyaṁ ca satvaṁ ca kriyā dharmo vidhīyate tretāyāṁ vikṛtiṁ yāṁti varṇā lobhena saṁyutāḥ

जहाँ सत्य, सत्त्व और क्रिया से धर्म विहित होता है, वहीं त्रेता में वर्ण लोभयुक्त होकर विकृति को प्राप्त होते हैं।

श्लोक 33 (padma.1.39.33)

चातुर्वर्ण्यस्य वै कृत्यं क्षांतिर्दौर्बल्यमेव च। एषा त्रेतायुगगतिर्विचित्रा देवनिर्मिता।

cāturvarṇyasya vai kṛtyaṁ kṣāṁtirdaurbalyameva ca eṣā tretāyugagatirvicitrā devanirmitā

चारों वर्णों का कर्तव्य क्षमा और दुर्बलता ही रह जाता है। यह त्रेतायुग की विचित्र, देवनिर्मित गति है।

श्लोक 34 (padma.1.39.34)

द्वापरं द्विसहस्रं तु वर्षाणां कुरुनन्दन। तस्य तावच्छती सन्ध्या द्विगुणं युगमुच्यते।

dvāparaṁ dvisahasraṁ tu varṣāṇāṁ kurunandana tasya tāvacchatī sandhyā dviguṇaṁ yugamucyate

हे कुरुनंदन, द्वापर दो हजार वर्ष का है; उसकी संध्या भी दुगुनी सौ वर्ष की युग कही जाती है।

श्लोक 35 (padma.1.39.35)

तत्राप्यतीवार्थपराः प्राणिनो रजसा हताः। शठा नैष्कृतिकाः क्षुद्रा जायन्ते कुरुनन्दन।

tatrāpyatīvārthaparāḥ prāṇino rajasā hatāḥ śaṭhā naiṣkṛtikāḥ kṣudrā jāyante kurunandana

हे कुरुनंदन, उसमें भी प्राणी अत्यंत अर्थपरायण, रजोगुण से पीड़ित, शठ, नीच और क्षुद्र उत्पन्न होते हैं।

श्लोक 36 (padma.1.39.36)

द्वाभ्यां धर्मः स्थितः पद्भ्यामधर्मस्त्रिभिरुत्थितः। विपर्ययशतैर्धर्मः क्षयमेति कलौ युगे।

dvābhyāṁ dharmaḥ sthitaḥ padbhyāmadharmastribhirutthitaḥ viparyayaśatairdharmaḥ kṣayameti kalau yuge

दो पैरों पर धर्म स्थित रहता है, तीन पैरों पर अधर्म उठ खड़ा होता है। कलियुग में सैकड़ों विपर्ययों से धर्म क्षय को प्राप्त होता है।

श्लोक 37 (padma.1.39.37)

ब्रह्मण्यभावश्च्यवते तथास्तिक्यं विवर्ज्यते। व्रतोपवासास्त्यज्यंते कलौ वै युगपर्यये।

brahmaṇyabhāvaścyavate tathāstikyaṁ vivarjyate vratopavāsāstyajyaṁte kalau vai yugaparyaye

ब्राह्मणों के प्रति आदर घटता है, आस्तिकता का त्याग होता है; कलियुग के परिवर्तन में व्रत-उपवास त्याग दिए जाते हैं।

श्लोक 38 (padma.1.39.38)

तदा वर्षसहस्रं तु वर्षाणां द्वे शते तथा। यत्राधर्मश्चतुष्पादो धर्मः पादपरिग्रहः।

tadā varṣasahasraṁ tu varṣāṇāṁ dve śate tathā yatrādharmaścatuṣpādo dharmaḥ pādaparigrahaḥ

तब एक हजार दो सौ वर्षों का युग होता है, जिसमें अधर्म चार पैरों पर और धर्म एक ही पैर पर रह जाता है।

श्लोक 39 (padma.1.39.39)

कामिनस्तापसाः क्षुद्रा जायंते यत्र मानवाः। न चावसायिकः कश्चिन्न साधुर्न च सत्यवाक्।

kāminastāpasāḥ kṣudrā jāyaṁte yatra mānavāḥ na cāvasāyikaḥ kaścinna sādhurna ca satyavāk

उसमें मनुष्य कामी, ढोंगी तपस्वी, क्षुद्र उत्पन्न होते हैं; कोई भी स्थिर, साधु या सत्यवादी नहीं रहता।

श्लोक 40 (padma.1.39.40)

नास्तिका ब्राह्मणा भक्ता ज्ञायंते तत्र मानवाः। अहंकारगृहीताश्च प्रक्षीणस्नेहबंधनाः।

nāstikā brāhmaṇā bhaktā jñāyaṁte tatra mānavāḥ ahaṁkāragṛhītāśca prakṣīṇasnehabaṁdhanāḥ

वहाँ नास्तिक लोग भी 'भक्त ब्राह्मण' कहलाते हैं; वे अहंकारग्रस्त होते हैं, उनके स्नेह-बंधन क्षीण हो जाते हैं।

श्लोक 41 (padma.1.39.41)

विप्राः शूद्रसमाचारास्संति सर्वे कलौ युगे। आश्रमाणां विपर्यासः कलौ संप्रति वर्तते।

viprāḥ śūdrasamācārāssaṁti sarve kalau yuge āśramāṇāṁ viparyāsaḥ kalau saṁprati vartate

कलियुग में सभी विप्र शूद्रों जैसा आचरण करते हैं; आश्रमों का विपर्यय कलियुग में सर्वत्र होता है।

श्लोक 42 (padma.1.39.42)

वर्णानां चैव संदेहो युगांते कुरुनंदन। एषा द्वादशसाहस्री युगाख्या पूर्वनिर्मिता।

varṇānāṁ caiva saṁdeho yugāṁte kurunaṁdana eṣā dvādaśasāhasrī yugākhyā pūrvanirmitā

हे कुरुनंदन, युगांत में वर्णों का भी संदेह हो जाता है। यह बारह हजार वर्षों का युग पूर्वकाल में रचा गया था।

श्लोक 43 (padma.1.39.43)

सहस्रयुगपर्यंतं तदहर्ब्राह्ममुच्यते। ततो ह निगते तस्मिन्सर्वेषामेव जीविनाम्।

sahasrayugaparyaṁtaṁ tadaharbrāhmamucyate tato ha nigate tasminsarveṣāmeva jīvinām

हजार युगों तक चलने वाला वह एक ब्राह्म दिन कहलाता है। उसके बीत जाने पर, सभी प्राणियों के --

श्लोक 44 (padma.1.39.44)

शरीरनिर्वृतिं दृष्ट्वा कालः संहारबुद्धिमान्। देवतानां च सर्वेषां ब्राह्मणानां महीपते।

śarīranirvṛtiṁ dṛṣṭvā kālaḥ saṁhārabuddhimān devatānāṁ ca sarveṣāṁ brāhmaṇānāṁ mahīpate

शरीरों का अंत देखकर, संहारबुद्धि वाला काल, हे महीपते, सभी देवताओं और ब्राह्मणों पर,

श्लोक 45 (padma.1.39.45)

दैत्यानां दानवानां च यक्षराक्षसपक्षिणाम्। गंधर्वाणामप्सरसां भुजंगानां च पार्थिव।

daityānāṁ dānavānāṁ ca yakṣarākṣasapakṣiṇām gaṁdharvāṇāmapsarasāṁ bhujaṁgānāṁ ca pārthiva

दैत्यों, दानवों, यक्ष-राक्षस-पक्षियों, गंधर्वों, अप्सराओं और सर्पों पर, हे पार्थिव,

श्लोक 46 (padma.1.39.46)

पर्वतानां नदीनां च पशूनां चैव सत्तम। तिर्यग्योनिगतानां च क्रिमीणां दंशिनां तथा।

parvatānāṁ nadīnāṁ ca paśūnāṁ caiva sattama tiryagyonigatānāṁ ca krimīṇāṁ daṁśināṁ tathā

पर्वतों-नदियों और पशुओं पर भी, हे सत्तम, तथा तिर्यक्-योनि के कीड़ों और दंश देने वालों पर भी --

श्लोक 47 (padma.1.39.47)

सर्वभूतपतिः पंच भूत्वा भूतानि भूतकृत्। जगत्संहरणार्थाय कुरुते वैशसं महत्।

sarvabhūtapatiḥ paṁca bhūtvā bhūtāni bhūtakṛt jagatsaṁharaṇārthāya kurute vaiśasaṁ mahat

समस्त भूतों के स्वामी, भूतकर्ता, पाँच रूप धारण कर, जगत् के संहार के लिए महान् विनाश करते हैं।

श्लोक 48 (padma.1.39.48)

भूत्वा सूर्यश्चक्षुषी आददानो भूत्वा वायुः प्राणिनां प्राणिजातम्। भूत्वा वह्निर्निर्दहन्सर्वलोकान्भूत्वा मेघो भूय उग्रोऽभ्यवर्षत्।

bhūtvā sūryaścakṣuṣī ādadāno bhūtvā vāyuḥ prāṇināṁ prāṇijātam bhūtvā vahnirnirdahansarvalokānbhūtvā megho bhūya ugro'bhyavarṣat

सूर्य बनकर वे नेत्रों को हर लेते हैं, वायु बनकर प्राणियों का प्राण; अग्नि बनकर सब लोकों को जलाते हैं, फिर मेघ बनकर भयंकर वर्षा करते हैं।

श्लोक 49 (padma.1.39.49)

भूत्वा नारायणो योगी सर्वमूर्ति विभावसुः। गभस्तिभिः प्रदीप्ताभिः संशोषयति सागरान्।

bhūtvā nārāyaṇo yogī sarvamūrti vibhāvasuḥ gabhastibhiḥ pradīptābhiḥ saṁśoṣayati sāgarān

सर्वमूर्तिधारी योगी नारायण बनकर, अपनी प्रज्वलित किरणों से समुद्रों को सोख लेते हैं।

श्लोक 50 (padma.1.39.50)

ततः पीत्वार्णवान्सर्वान्नदीकूपांश्च सर्वतः। पर्वतानां च सलिलं सर्वमादाय योगवित्।

tataḥ pītvārṇavānsarvānnadīkūpāṁśca sarvataḥ parvatānāṁ ca salilaṁ sarvamādāya yogavit

फिर सब समुद्रों, नदियों-कुओं, तथा पर्वतों के समस्त जल को पीकर, वह योगविद्,

श्लोक 51 (padma.1.39.51)

भूत्वा चैव स हस्तार्चिर्महीं भित्वा रसातले। रमते जलमादाय पिबन्रसमनुत्तमं।

bhūtvā caiva sa hastārcirmahīṁ bhitvā rasātale ramate jalamādāya pibanrasamanuttamaṁ

हाथों में ज्वाला धारण किए हुए, पृथ्वी को रसातल तक भेदकर, उस जल को लेकर उस अनुत्तम रस को पीते हुए विहार करते हैं।

श्लोक 52 (padma.1.39.52)

मूर्त्तामूर्त्ते तदन्यच्च यदस्ति प्राणिषु ध्रुवं। तत्सर्वमरविंदाक्ष आदत्ते पुरुषोत्तमः।

mūrttāmūrtte tadanyacca yadasti prāṇiṣu dhruvaṁ tatsarvamaraviṁdākṣa ādatte puruṣottamaḥ

मूर्त-अमूर्त और अन्य जो कुछ भी प्राणियों में स्थिर है, वह सब कमलनयन पुरुषोत्तम ग्रहण कर लेते हैं।

श्लोक 53 (padma.1.39.53)

वायुश्च बलवान्भूत्वा विधुन्वानोऽखिलं जगत्। प्राणापानं समासाद्य वायुना क्रमते हरिः।

vāyuśca balavānbhūtvā vidhunvāno'khilaṁ jagat prāṇāpānaṁ samāsādya vāyunā kramate hariḥ

बलवान् वायु बनकर संपूर्ण जगत् को हिलाते हुए, प्राण-अपान को साथ लेकर हरि वायु द्वारा गमन करते हैं।

श्लोक 54 (padma.1.39.54)

ततो देवगणानां च सर्वेषां चैव देहिनाम्। पंचेंद्रियगुणास्सर्वे भूतान्येव च यानि च।

tato devagaṇānāṁ ca sarveṣāṁ caiva dehinām paṁceṁdriyaguṇāssarve bhūtānyeva ca yāni ca

फिर देवगणों और सब देहधारियों के पाँचों इंद्रियों के गुण, तथा जो भी भूत हैं --

श्लोक 55 (padma.1.39.55)

घ्रेयं घ्राणं शरीरं च पृथिवीसंश्रिता गुणाः। लोकयात्रा भगवता मुहूर्तेन विनाशिता।

ghreyaṁ ghrāṇaṁ śarīraṁ ca pṛthivīsaṁśritā guṇāḥ lokayātrā bhagavatā muhūrtena vināśitā

गंध और घ्राण-इंद्रिय तथा शरीर -- ये पृथ्वी-आश्रित गुण हैं, यह सारी लोकयात्रा भगवान् द्वारा क्षणभर में नष्ट कर दी जाती है।

श्लोक 56 (padma.1.39.56)

जिह्वारसश्च स्नेहश्च संश्रिताः सलिले गुणाः। रूपं चक्षुर्विभागश्च नेत्र ज्योतिः श्रिता गुणाः।

jihvārasaśca snehaśca saṁśritāḥ salile guṇāḥ rūpaṁ cakṣurvibhāgaśca netra jyotiḥ śritā guṇāḥ

जिह्वा-रस और स्नेह -- ये जल-आश्रित गुण हैं; रूप और नेत्र-विभाग, नेत्र की ज्योति -- ये अग्नि-आश्रित गुण हैं।

श्लोक 57 (padma.1.39.57)

स्पर्शः प्राणश्च चेष्टा च पवनं संश्रिता गुणाः। शब्दः श्रोत्रे च श्रवणं गगनं संश्रिता गुणाः।

sparśaḥ prāṇaśca ceṣṭā ca pavanaṁ saṁśritā guṇāḥ śabdaḥ śrotre ca śravaṇaṁ gaganaṁ saṁśritā guṇāḥ

स्पर्श-प्राण-चेष्टा -- ये वायु-आश्रित गुण हैं; शब्द, श्रोत्र और श्रवण -- ये आकाश-आश्रित गुण हैं।

श्लोक 58 (padma.1.39.58)

मनो बुद्धिश्च चित्तं च क्षेत्रज्ञं चेति संश्रिताः। परेण परमेष्ठी च हृषीकेशमुपाश्रिताः।

mano buddhiśca cittaṁ ca kṣetrajñaṁ ceti saṁśritāḥ pareṇa parameṣṭhī ca hṛṣīkeśamupāśritāḥ

मन, बुद्धि, चित्त और क्षेत्रज्ञ -- ये सब आश्रित हैं; उससे परे परमेष्ठी भी हृषीकेश के आश्रित हैं।

श्लोक 59 (padma.1.39.59)

ततो भगवतस्तस्य रश्मिभिः परिवारिताः। वायुना परिनुन्नाश्च भूमिशाखामुपाश्रिताः।

tato bhagavatastasya raśmibhiḥ parivāritāḥ vāyunā parinunnāśca bhūmiśākhāmupāśritāḥ

फिर उन भगवान् की किरणों से घिरे, वायु द्वारा प्रेरित होकर वे सब मानो पृथ्वी की शाखा के आश्रित होकर --

श्लोक 60 (padma.1.39.60)

तेषां संहरणोद्भूतः पावकः शतधा ज्वलन्। प्रदहन्नखिलं विश्वं वृत्तः संवर्त्तकोऽनलः।

teṣāṁ saṁharaṇodbhūtaḥ pāvakaḥ śatadhā jvalan pradahannakhilaṁ viśvaṁ vṛttaḥ saṁvarttako'nalaḥ

उनके संहार के लिए सैकड़ों रूपों में जलती हुई अग्नि उत्पन्न होती है -- संवर्तक नामक वह अग्नि संपूर्ण विश्व को जलाती है,

श्लोक 61 (padma.1.39.61)

सपर्वतद्रुमान्गुल्मान्लतावल्लीस्तृणानि च। विमानानि च दिव्यानि पुराणि विविधानि च।

saparvatadrumāngulmānlatāvallīstṛṇāni ca vimānāni ca divyāni purāṇi vividhāni ca

पर्वत-वृक्ष-गुल्म, लता-वल्लरी-तृण सहित, दिव्य विमानों और विविध नगरों सहित --

श्लोक 62 (padma.1.39.62)

यानि चाश्रयणीयानि सर्वाण्यप्यदहद्भृशम्। भस्मीकृत्य तु तान्सर्वांल्लोकान्ल्लोकगुरोर्गुरुः।

yāni cāśrayaṇīyāni sarvāṇyapyadahadbhṛśam bhasmīkṛtya tu tānsarvāṁllokānllokagurorguruḥ

जो भी आश्रय लेने योग्य हैं, उन सबको प्रचंडता से जला देती है। उन सब लोकों को भस्म करके वह लोकगुरुओं के गुरु,

श्लोक 63 (padma.1.39.63)

स भूतिं धारयामास युगांते लोकसंभवाम्। सहस्रवृष्टिः शतधा भूत्वा कृष्णो महाघनः।

sa bhūtiṁ dhārayāmāsa yugāṁte lokasaṁbhavām sahasravṛṣṭiḥ śatadhā bhūtvā kṛṣṇo mahāghanaḥ

युगांत में लोकोत्पत्ति के लिए वैभव धारण करते हैं। सैकड़ों धाराओं से वर्षा करने वाला महामेघ श्याम रूप बनकर,

श्लोक 64 (padma.1.39.64)

दिव्यतोयेन हविषा तर्पयामास मेदिनीं। ततः क्षीरनिकाशेन स्वादुना परमांभसा।

divyatoyena haviṣā tarpayāmāsa medinīṁ tataḥ kṣīranikāśena svādunā paramāṁbhasā

दिव्य जल-हविष्य से पृथ्वी को तृप्त करते हैं। फिर क्षीर के समान स्वादिष्ट परम जल से,

श्लोक 65 (padma.1.39.65)

शिशिरेण च पुण्येन महीनिर्वाणमागमत्। तेन तोयेन संपृक्ता पयस्साधर्म्यतो धरा।

śiśireṇa ca puṇyena mahīnirvāṇamāgamat tena toyena saṁpṛktā payassādharmyato dharā

शीतल और पुण्य जल से पृथ्वी को शांति प्राप्त हुई। उस जल से मिलकर पृथ्वी दूध के समान स्वभाव को प्राप्त हुई,

श्लोक 66 (padma.1.39.66)

एकार्णावजलीभूता सर्वसत्वविवर्जिता। महासत्वान्यपि विभुं प्रविष्टान्यमितौजसं।

ekārṇāvajalībhūtā sarvasatvavivarjitā mahāsatvānyapi vibhuṁ praviṣṭānyamitaujasaṁ

एक महासमुद्र के जल में परिणत होकर सर्वप्राणिवर्जित हो गई। महान् प्राणी भी उस सर्वव्यापी, अपार तेजस्वी में प्रविष्ट हो गए।

श्लोक 67 (padma.1.39.67)

नष्टार्कपवनाकाशे सूक्ष्मे जगति संवृते। संशोषमात्मना कृत्वा समुद्राणां च देहिनः।

naṣṭārkapavanākāśe sūkṣme jagati saṁvṛte saṁśoṣamātmanā kṛtvā samudrāṇāṁ ca dehinaḥ

सूर्य-वायु-आकाश नष्ट हो जाने पर, जगत् सूक्ष्म और आवृत हो जाने पर -- उन्होंने स्वयं समुद्रों और देहधारियों को सुखाकर,

श्लोक 68 (padma.1.39.68)

दग्ध्वा संकोच्य च तथा स्वपित्येकः सनातनः। पौराणं रूपमास्थाय स्वपित्यमितविक्रमः।

dagdhvā saṁkocya ca tathā svapityekaḥ sanātanaḥ paurāṇaṁ rūpamāsthāya svapityamitavikramaḥ

जलाकर और समेटकर, वह एकमात्र सनातन देव, अपने पुरातन रूप को धारण कर, वह अमित पराक्रमी सो जाते हैं।

श्लोक 69 (padma.1.39.69)

एकार्णवजलेयायी योगी योगमुपासितः। अनेकानि सहस्राणि युगान्येकार्णवांभसि।

ekārṇavajaleyāyī yogī yogamupāsitaḥ anekāni sahasrāṇi yugānyekārṇavāṁbhasi

उस एक समुद्र के जल पर विचरण करते हुए वह योगी, योग में लीन, अनेक सहस्र युगों तक उसी एक समुद्र के जल पर,

श्लोक 70 (padma.1.39.70)

न चैव कश्चिदव्यक्तं व्यक्तो वेदितुमर्हति। कश्चैष पुरुषो नाम किं योगः कश्च योगवान्।

na caiva kaścidavyaktaṁ vyakto veditumarhati kaścaiṣa puruṣo nāma kiṁ yogaḥ kaśca yogavān

और कोई भी व्यक्त प्राणी उस अव्यक्त को जान नहीं सकता -- यह पुरुष कौन है, यह योग क्या है, यह योगवान् कौन है?

श्लोक 71 (padma.1.39.71)

न पृष्ठे नैवमभितो नैव पार्श्वे न चाग्रतः। कश्चिद्विज्ञायते तस्य दृश्यते देवसत्तमः।

na pṛṣṭhe naivamabhito naiva pārśve na cāgrataḥ kaścidvijñāyate tasya dṛśyate devasattamaḥ

न पीछे, न चारों ओर, न बगल में, न सामने -- उन देवसत्तम को कोई जान नहीं सकता, वे किसी को दिखाई भी नहीं देते।

श्लोक 72 (padma.1.39.72)

नभः क्षितिं पवनमपः प्रकाशनं प्रजापतिं भुवनधरं सुरेश्वरम्। पितामहं श्रुतिनिलयं मुनिं प्रभुं समापयञ्छयनमरोचयत्प्रभुः।

nabhaḥ kṣitiṁ pavanamapaḥ prakāśanaṁ prajāpatiṁ bhuvanadharaṁ sureśvaram pitāmahaṁ śrutinilayaṁ muniṁ prabhuṁ samāpayañchayanamarocayatprabhuḥ

आकाश, पृथ्वी, वायु, जल, प्रकाश -- प्रजापति, भुवनधर, सुरेश्वर, पितामह, श्रुतिनिलय, मुनि, प्रभु को समेटते हुए, उस प्रभु ने शयन को उचित माना।

श्लोक 73 (padma.1.39.73)

एवमेकार्णवीभूते शेते लोके महाद्युतिः। प्रच्छाद्य सलिलेनोर्वीं हंसो नारायणाय ते।

evamekārṇavībhūte śete loke mahādyutiḥ pracchādya salilenorvīṁ haṁso nārāyaṇāya te

इस प्रकार एक समुद्र हो जाने पर, वह महाद्युतिमान लोक में सोए, पृथ्वी को जल से ढककर, नारायण के लिए हंस बनकर --

श्लोक 74 (padma.1.39.74)

महतो रजसो मध्ये महार्णवसमस्य वै। वारिजाक्षो महाबाहुरक्षयं ब्रह्म यद्विदुः।

mahato rajaso madhye mahārṇavasamasya vai vārijākṣo mahābāhurakṣayaṁ brahma yadviduḥ

उस महान् अंधकार के बीच, मानो महासमुद्र-तुल्य -- कमलनयन, महाबाहु, जिन्हें वे अक्षय ब्रह्म जानते हैं,

श्लोक 75 (padma.1.39.75)

आत्मरूपसरूपेण तमसा संवृतः प्रभुः। मनः सात्विकमादाय यत्र तत्सत्वमाहितं।

ātmarūpasarūpeṇa tamasā saṁvṛtaḥ prabhuḥ manaḥ sātvikamādāya yatra tatsatvamāhitaṁ

अपने ही रूप के समान अंधकार से आवृत वह प्रभु, सात्त्विक मन को ग्रहण कर, जिसमें वह सत्त्व स्थापित है,

श्लोक 76 (padma.1.39.76)

यथातथ्यं परं ज्ञानं भूताय ब्रह्मणे ततः। रहस्यं च तथोद्दिष्टं यथोपनिषदां स्मृतम्।

yathātathyaṁ paraṁ jñānaṁ bhūtāya brahmaṇe tataḥ rahasyaṁ ca tathoddiṣṭaṁ yathopaniṣadāṁ smṛtam

उस समय वास्तविक परम ज्ञान भूत ब्रह्मा को दिया गया, और वह रहस्य भी बताया गया, जैसा उपनिषदों में स्मरण किया जाता है।

श्लोक 77 (padma.1.39.77)

पुरुषो यज्ञ इत्येतत्परमं परिकीर्तितम्। यश्चान्यः पुरुषाख्यः स्यात्स एव पुरुषोत्तमः।

puruṣo yajña ityetatparamaṁ parikīrtitam yaścānyaḥ puruṣākhyaḥ syātsa eva puruṣottamaḥ

'पुरुष ही यज्ञ है' -- यही परम सत्य कहा जाता है। और जो कोई अन्य पुरुष कहलाए, वह भी वही पुरुषोत्तम है।

श्लोक 78 (padma.1.39.78)

ये च यज्ञकरा विप्रा ये ॠत्विज इति स्मृताः। अस्मादेव पुरा भूता वक्त्रेभ्यः श्रूयते तथा।

ye ca yajñakarā viprā ye ṝtvija iti smṛtāḥ asmādeva purā bhūtā vaktrebhyaḥ śrūyate tathā

जो यज्ञ करने वाले विप्र हैं, जो ऋत्विज कहलाते हैं, वे भी पूर्वकाल में उन्हीं से, उनके मुखों से उत्पन्न हुए, ऐसा सुना जाता है।

श्लोक 79 (padma.1.39.79)

ब्रह्माणं प्रथमं वक्त्रादुद्गातारं च सामगं। होतारं च तथाद्ध्वर्युं बाहुभ्यामसृजत्प्रभुः।

brahmāṇaṁ prathamaṁ vaktrādudgātāraṁ ca sāmagaṁ hotāraṁ ca tathāddhvaryuṁ bāhubhyāmasṛjatprabhuḥ

प्रथम मुख से ब्रह्मा और सामगायक उद्गाता को, तथा भुजाओं से होता और अध्वर्यु को उस प्रभु ने रचा,

श्लोक 80 (padma.1.39.80)

ब्रह्माणं ब्राह्माणाच्छंसि स्तोतारौ चैव सर्वशः। मेढ्राच्च मैत्रावरुणं प्रतिष्ठातारमेव च।

brahmāṇaṁ brāhmāṇācchaṁsi stotārau caiva sarvaśaḥ meḍhrācca maitrāvaruṇaṁ pratiṣṭhātārameva ca

ब्रह्मा से ब्राह्मणाच्छंसी, तथा दोनों स्तोता; और मेढ्र से मैत्रावरुण और प्रतिष्ठाता को,

श्लोक 81 (padma.1.39.81)

उदरात्प्रतिहर्तारं पोतारं चैव पार्थिव। पाणिभ्यामथ चाग्नीध्रमुन्नेतारं च याजुषम्।

udarātpratihartāraṁ potāraṁ caiva pārthiva pāṇibhyāmatha cāgnīdhramunnetāraṁ ca yājuṣam

उदर से प्रतिहर्ता और पोता को, हे पार्थिव, तथा हाथों से आग्नीध्र और यजुष के उन्नेता को,

श्लोक 82 (padma.1.39.82)

अच्छावाकमथोरुभ्यां सुब्रह्मण्यं च सामगम्। एवमेवं स भगवान्षोडशैतान्जगत्पतिः।

acchāvākamathorubhyāṁ subrahmaṇyaṁ ca sāmagam evamevaṁ sa bhagavānṣoḍaśaitānjagatpatiḥ

जंघाओं से अच्छावाक और सामगायक सुब्रह्मण्य को -- इस प्रकार उन जगत्पति भगवान् ने,

श्लोक 83 (padma.1.39.83)

स्वयंभूः सर्वयज्ञानामृत्विजोऽसृजदुत्तमान्। तदा चैष महायोगी पुरुषो यज्ञसंज्ञितः।

svayaṁbhūḥ sarvayajñānāmṛtvijo'sṛjaduttamān tadā caiṣa mahāyogī puruṣo yajñasaṁjñitaḥ

स्वयंभू ने समस्त यज्ञों के इन सोलह उत्तम ऋत्विजों की रचना की। तब यह महायोगी, यज्ञनामक पुरुष,

श्लोक 84 (padma.1.39.84)

वेदाश्चैव तथा सर्वे सहांगोपनिषत्क्रियाः। स्वपित्येकार्णवे चैव यदाश्चर्यमभूत्पुरा।

vedāścaiva tathā sarve sahāṁgopaniṣatkriyāḥ svapityekārṇave caiva yadāścaryamabhūtpurā

समस्त वेदों सहित, अंग-उपनिषद्-क्रियाओं सहित, उस एक समुद्र पर सोते हैं; और पूर्वकाल में वहाँ जो आश्चर्य हुआ,

श्लोक 85 (padma.1.39.85)

श्रूयतां तु तदा विप्रो मार्कंडेयः कुतूहलात्। गीर्णो भगवता तेन कुक्षावासीन्महामुनिः।

śrūyatāṁ tu tadā vipro mārkaṁḍeyaḥ kutūhalāt gīrṇo bhagavatā tena kukṣāvāsīnmahāmuniḥ

वह सुनो -- उस समय विप्र मार्कण्डेय को कुतूहलवश उन भगवान् ने निगल लिया, और वह महामुनि उनके उदर में निवास करने लगा।

श्लोक 86 (padma.1.39.86)

बहुवर्षसहस्रायुस्तस्यैव वरतेजसः। अटंस्तीर्थप्रसंगेन पृथिवीतीर्थगोचरः।

bahuvarṣasahasrāyustasyaiva varatejasaḥ aṭaṁstīrthaprasaṁgena pṛthivītīrthagocaraḥ

अनेक सहस्र वर्षों की आयु वाले, वरतेजस्वी उस मुनि ने तीर्थयात्रा के प्रसंग से पृथ्वी के तीर्थों में विचरण करते हुए,

श्लोक 87 (padma.1.39.87)

आश्रमाणि च पुण्यानि देवतायतनानि च। देशाद्राष्ट्राणि चित्राणि पुराणि विविधानि च।

āśramāṇi ca puṇyāni devatāyatanāni ca deśādrāṣṭrāṇi citrāṇi purāṇi vividhāni ca

पुण्य आश्रमों, देवमंदिरों, विचित्र देशों-राष्ट्रों और विविध नगरों को देखा,

श्लोक 88 (padma.1.39.88)

जपहोमपराः शांतास्तपोभिरमलाः स्मृताः। मार्कंडेयस्ततस्तस्य शनैर्वक्त्राद्विनिर्गतः।

japahomaparāḥ śāṁtāstapobhiramalāḥ smṛtāḥ mārkaṁḍeyastatastasya śanairvaktrādvinirgataḥ

जप-होम में तत्पर, शांत, तपों से निर्मल स्मरण किए जाने वाले लोगों को देखा। फिर मार्कण्डेय उनके मुख से धीरे-धीरे बाहर निकले,

श्लोक 89 (padma.1.39.89)

निष्क्रामन्तं न चात्मानं जानीते देवमायया। निष्क्रम्य तस्य उदरादेकार्णवमथो जगत्।

niṣkrāmantaṁ na cātmānaṁ jānīte devamāyayā niṣkramya tasya udarādekārṇavamatho jagat

देवमाया से यह भी न जानते हुए कि वे स्वयं बाहर निकल रहे हैं। उनके उदर से निकलकर उन्होंने जगत् को एक समुद्र-रूप,

श्लोक 90 (padma.1.39.90)

सर्वतस्तमसाछन्नं मार्कंडेयोन्ववैक्षत। तस्योत्पन्नं भयं तीव्रं व्यत्ययं चात्मजीवितम्।

sarvatastamasāchannaṁ mārkaṁḍeyonvavaikṣata tasyotpannaṁ bhayaṁ tīvraṁ vyatyayaṁ cātmajīvitam

सर्वत्र अंधकार से आवृत देखा। उन्हें तीव्र भय और अपने जीवन के उलट-पुलट का बोध हुआ।

श्लोक 91 (padma.1.39.91)

देवदर्शनसंहृष्टो विस्मयं परमं गतः। सोऽचिंतयदमोघात्मा मार्कंडेयोथ शंकितः।

devadarśanasaṁhṛṣṭo vismayaṁ paramaṁ gataḥ so'ciṁtayadamoghātmā mārkaṁḍeyotha śaṁkitaḥ

देवदर्शन से हर्षित होकर वे परम विस्मय को प्राप्त हुए। वे अमोघात्मा मार्कण्डेय संशयग्रस्त होकर विचार करने लगे --

श्लोक 92 (padma.1.39.92)

किं नु स्याच्चित्तसंमोहः किं नु स्वप्नोनुभूयते। व्यक्तमन्यतरो भाव एतयोर्भविता मम।

kiṁ nu syāccittasaṁmohaḥ kiṁ nu svapnonubhūyate vyaktamanyataro bhāva etayorbhavitā mama

'क्या यह मन का मोह है, या क्या यह स्वप्न अनुभव किया जा रहा है? इन दोनों में से एक भाव मेरा अवश्य होगा।'

श्लोक 93 (padma.1.39.93)

न हि स्वप्नो ह्ययं सत्ययुक्तं यत्सत्यमर्हति। नष्टचंद्रार्कपवनो नष्टपर्वतभूतलः।

na hi svapno hyayaṁ satyayuktaṁ yatsatyamarhati naṣṭacaṁdrārkapavano naṣṭaparvatabhūtalaḥ

'यह स्वप्न तो नहीं हो सकता, क्योंकि जो सत्य है वही सत्य कहलाने योग्य है। यहाँ चंद्र-सूर्य-वायु नष्ट हैं, पर्वत और पृथ्वीतल नष्ट हैं,'

श्लोक 94 (padma.1.39.94)

कतमः स्यादयं लोक इति शोकमुपागतः। ददर्श चापि पुरुषं स्वपंतं पर्वतोपमम्।

katamaḥ syādayaṁ loka iti śokamupāgataḥ dadarśa cāpi puruṣaṁ svapaṁtaṁ parvatopamam

'यह कौन-सा लोक होगा' -- ऐसा सोचकर वे शोकग्रस्त हो गए। तभी उन्होंने एक पर्वत के समान सोए हुए पुरुष को देखा,

श्लोक 95 (padma.1.39.95)

सलिलेऽधमथो मग्नं जीमूतमिव सागरे। तपंतमिव तेजोभिरामुक्तशशिभास्करम्।

salile'dhamatho magnaṁ jīmūtamiva sāgare tapaṁtamiva tejobhirāmuktaśaśibhāskaram

जल में नीचे डूबे हुए, मानो समुद्र में बादल; तेज से तपते हुए, यद्यपि चंद्र-सूर्य से रहित थे,

श्लोक 96 (padma.1.39.96)

गांभीर्यात्सागरमिव भासमानम्मवौजसा। देवं द्रष्टुमिहायातः को भवानिति विस्मयात्।

gāṁbhīryātsāgaramiva bhāsamānammavaujasā devaṁ draṣṭumihāyātaḥ ko bhavāniti vismayāt

गंभीरता में समुद्र-सम, अपने ही तेज से प्रकाशमान -- 'मैं देव को देखने यहाँ आया हूँ, आप कौन हैं' -- विस्मयवश यह कहा।

श्लोक 97 (padma.1.39.97)

तथैव च मुनिः कुक्षिं पुनरेव प्रवेशितः। संप्रविष्टः पुनः कुक्षिं मार्कंडेयः सविस्मयम्।

tathaiva ca muniḥ kukṣiṁ punareva praveśitaḥ saṁpraviṣṭaḥ punaḥ kukṣiṁ mārkaṁḍeyaḥ savismayam

उसी प्रकार मुनि पुनः उदर में प्रविष्ट कर दिए गए; मार्कण्डेय विस्मयपूर्वक पुनः उस उदर में प्रविष्ट हो गए।

श्लोक 98 (padma.1.39.98)

तथैव च पुनर्भूयो विजानन्स्वप्नदर्शनम्। स तथैव यथापूर्वं पृथिवीमटते वनम्।

tathaiva ca punarbhūyo vijānansvapnadarśanam sa tathaiva yathāpūrvaṁ pṛthivīmaṭate vanam

उसी प्रकार पुनः इसे स्वप्नदर्शन समझते हुए, वे पहले की भाँति ही पृथ्वी और वन में विचरण करने लगे,

श्लोक 99 (padma.1.39.99)

पुण्यतीर्थजलोपेतं विविधान्याश्रमाणि च। क्रतुभिर्यजमानांश्च समाप्तगुरुदक्षिणैः।

puṇyatīrthajalopetaṁ vividhānyāśramāṇi ca kratubhiryajamānāṁśca samāptagurudakṣiṇaiḥ

पुण्य तीर्थों के जल से युक्त विविध आश्रमों में, गुरुदक्षिणा पूर्ण किए हुए यजमानों के साथ यज्ञ करते हुए लोगों को,

श्लोक 100 (padma.1.39.100)

अपश्यद्देवकुक्षिस्थान्यज्ञस्थान्शतशो द्विजान्। सद्वृत्तमाश्रिताः सर्वे वर्णा ब्राह्मणपूर्वकाः।

apaśyaddevakukṣisthānyajñasthānśataśo dvijān sadvṛttamāśritāḥ sarve varṇā brāhmaṇapūrvakāḥ

उन्होंने देव के उदर में स्थित यज्ञस्थ सैकड़ों द्विजों को देखा; सद्वृत्त का आश्रय लिए सभी वर्ण, ब्राह्मणों को आगे रखकर,

श्लोक 101 (padma.1.39.101)

चत्वार आश्रमाः सम्यग्यथापूर्वं विलोकिता। एवं वर्षशतं साग्रं मार्कंडेयेन धीमता।

catvāra āśramāḥ samyagyathāpūrvaṁ vilokitā evaṁ varṣaśataṁ sāgraṁ mārkaṁḍeyena dhīmatā

चारों आश्रम भी पहले की भाँति भलीभाँति देखे। इस प्रकार सौ से अधिक वर्षों तक बुद्धिमान् मार्कण्डेय,

श्लोक 102 (padma.1.39.102)

चरता पृथिवी सर्वा तत्कुक्षौ हि समीक्ष्यते। ततः कदाचिदथ वै पुनः कुक्षेर्विनिर्गतः।

caratā pṛthivī sarvā tatkukṣau hi samīkṣyate tataḥ kadācidatha vai punaḥ kukṣervinirgataḥ

विचरण करते हुए, उस उदर में ही समस्त पृथ्वी का दर्शन करते रहे। फिर किसी समय वे पुनः उदर से निकले,

श्लोक 103 (padma.1.39.103)

सुप्तं न्यग्रोधशाखाय ांबालमेकं निरीक्ष्य च। तथैवैकार्णवजले नीहारेणावृतांतरे।

suptaṁ nyagrodhaśākhāya āṁbālamekaṁ nirīkṣya ca tathaivaikārṇavajale nīhāreṇāvṛtāṁtare

और वट-शाखा पर सोए हुए एक बालक को देखा, उसी प्रकार उस एक समुद्र के जल में, कोहरे से आवृत भीतरी भाग में,

श्लोक 104 (padma.1.39.104)

अव्यक्तक्रीडिते लोके सर्वभूतविवर्जिते। स मुनिर्विस्मयाविष्टः कौतूहलसमन्वितः।

avyaktakrīḍite loke sarvabhūtavivarjite sa munirvismayāviṣṭaḥ kautūhalasamanvitaḥ

उस अव्यक्तक्रीडा वाले, सर्वभूतरहित लोक में। वह मुनि विस्मयग्रस्त और कुतूहलयुक्त होकर,

श्लोक 105 (padma.1.39.105)

बालमादित्यसंकाशं न शक्नोत्यभिवीक्षितुम्। सोप्यचिंतयदेकांते स्थित्वा सलिलसन्निधौ।

bālamādityasaṁkāśaṁ na śaknotyabhivīkṣitum sopyaciṁtayadekāṁte sthitvā salilasannidhau

उस आदित्यसम बालक को स्पष्ट देख नहीं पा रहे थे। वे भी एकांत में, जल के निकट स्थित होकर सोचने लगे --

श्लोक 106 (padma.1.39.106)

पूर्वदृष्टमिदं मेने शंकितो देवमायया। अगाधे सलिले शेते मार्कंडेयः सविस्मयः।

pūrvadṛṣṭamidaṁ mene śaṁkito devamāyayā agādhe salile śete mārkaṁḍeyaḥ savismayaḥ

'यह पहले देखा हुआ ही है' -- देवमाया से संशयग्रस्त मार्कण्डेय ने विस्मयपूर्वक उस अगाध जल में सोए हुए को देखा।

श्लोक 107 (padma.1.39.107)

पूर्ववत्तमथो द्रष्टुमव्रजत्त्रस्तलोचनः। स तस्मै भगवानाह स्वागतो बाल भो इति।

pūrvavattamatho draṣṭumavrajattrastalocanaḥ sa tasmai bhagavānāha svāgato bāla bho iti

पहले की भाँति उसे देखने के लिए भयभीत नेत्रों से चले। उस भगवान् ने उनसे कहा -- 'स्वागत है, हे बालक!'

श्लोक 108 (padma.1.39.108)

बभाषे मेघतुल्येन स्वरेण पुरुषोत्तमः। मार्कंडेय न भेतव्यमागच्छस्व ममांतिकम्।

babhāṣe meghatulyena svareṇa puruṣottamaḥ mārkaṁḍeya na bhetavyamāgacchasva mamāṁtikam

पुरुषोत्तम मेघतुल्य स्वर में बोले -- 'हे मार्कण्डेय, भयभीत मत हो, मेरे समीप आओ।'

श्लोक 109 (padma.1.39.109)

मार्कंडेय उवाच। को नाम्ना कीर्तयति मां कुर्वन्परिभवं मम। दिव्यवर्षसहस्राख्यं धर्षयंश्चैव मे वयः।

mārkaṁḍeya uvāca ko nāmnā kīrtayati māṁ kurvanparibhavaṁ mama divyavarṣasahasrākhyaṁ dharṣayaṁścaiva me vayaḥ

मार्कण्डेय ने कहा -- 'कौन नाम लेकर मुझे संबोधित करके मेरा अपमान कर रहा है, दिव्य सहस्र वर्षों में गिनी जाने वाली मेरी आयु का भी अनादर करते हुए?

श्लोक 110 (padma.1.39.110)

न ह्येष च सदाचारो देवेष्वपि ममोचितः। मां ब्रह्मापि हि सस्नेहो दीर्घायुरिति भाषते।

na hyeṣa ca sadācāro deveṣvapi mamocitaḥ māṁ brahmāpi hi sasneho dīrghāyuriti bhāṣate

यह देवताओं में भी मेरे लिए उचित सदाचार नहीं है। स्नेहवश ब्रह्मा भी मुझे 'दीर्घायु' कहकर संबोधित करते हैं।

श्लोक 111 (padma.1.39.111)

कस्तपोघोरमासाद्य ममाद्य त्यक्तजीवितः। मार्कंडेयेति मामुक्त्वा मृत्युमीक्षितुमर्हसि।

kastapoghoramāsādya mamādya tyaktajīvitaḥ mārkaṁḍeyeti māmuktvā mṛtyumīkṣitumarhasi

घोर तप प्राप्त कर आज किसने अपना जीवन त्याग दिया है, जो मुझे "मार्कण्डेय" कहकर मृत्यु देखने योग्य हो गया है?'

श्लोक 112 (padma.1.39.112)

एवं प्रक्षुभितः क्रोधान्मार्कंडेयो महामुनिः। तदैनं भगवान्भूयो बभाषे मधुसूदनः।

evaṁ prakṣubhitaḥ krodhānmārkaṁḍeyo mahāmuniḥ tadainaṁ bhagavānbhūyo babhāṣe madhusūdanaḥ

इस प्रकार क्रोध से क्षुब्ध महामुनि मार्कण्डेय से भगवान् मधुसूदन ने पुनः कहा --

श्लोक 113 (padma.1.39.113)

श्रीभगवानुवाच। अहं ते जनको वत्स हृषीकेशः पिता गुरुः। आयुः प्रदाता पौराणः किं मां त्वं नोपसर्पसि।

śrībhagavānuvāca ahaṁ te janako vatsa hṛṣīkeśaḥ pitā guruḥ āyuḥ pradātā paurāṇaḥ kiṁ māṁ tvaṁ nopasarpasi

श्रीभगवान् ने कहा -- 'हे वत्स, मैं तुम्हारा जनक हूँ, हृषीकेश, पिता और गुरु; आयु देने वाला पुरातन। तुम मेरे पास क्यों नहीं आते?'

श्लोक 114 (padma.1.39.114)

मां पुत्रकामः प्रथमं त्वत्पितांगिरसो मुनिः। पूर्वमाराधयामास तपस्तीव्रं समाश्रितः।

māṁ putrakāmaḥ prathamaṁ tvatpitāṁgiraso muniḥ pūrvamārādhayāmāsa tapastīvraṁ samāśritaḥ

पूर्वकाल में तुम्हारे पिता अंगिरस मुनि ने पुत्रकामना से तीव्र तप का आश्रय लेकर मेरी आराधना की थी।

श्लोक 115 (padma.1.39.115)

तं दृष्ट्वा घोरतपसं त्रिदशोत्तमतेजसम्। दत्तवांस्त्वामहं पुत्रं महर्षिममितौजसम्।

taṁ dṛṣṭvā ghoratapasaṁ tridaśottamatejasam dattavāṁstvāmahaṁ putraṁ maharṣimamitaujasam

उस घोरतपस्वी, देवताओं से भी बढ़कर तेजस्वी को देखकर मैंने ही तुम्हें अमित तेजस्वी महर्षि पुत्र के रूप में उन्हें दिया था।

श्लोक 116 (padma.1.39.116)

कस्समुत्सहते चान्यो योगिभूतात्मगात्मकम्। द्रष्टुमेकार्णवगतं क्रीडंतं योगमायया।

kassamutsahate cānyo yogibhūtātmagātmakam draṣṭumekārṇavagataṁ krīḍaṁtaṁ yogamāyayā

योगमाया से इस एक समुद्र में विचरण करते, क्रीड़ा करते हुए मुझ योगात्मक को देखने का साहस अन्य कौन कर सकता है?

श्लोक 117 (padma.1.39.117)

ततः प्रहृष्टहृदयो विस्मयोत्फुल्ललोचनः। मूर्ध्नि बद्धांजलिपुटो मार्कंडेयो माहातपाः।

tataḥ prahṛṣṭahṛdayo vismayotphullalocanaḥ mūrdhni baddhāṁjalipuṭo mārkaṁḍeyo māhātapāḥ

तब हृदय से प्रसन्न, विस्मय से खिले नेत्रों वाले महातपस्वी मार्कण्डेय ने सिर पर हाथ जोड़कर,

श्लोक 118 (padma.1.39.118)

नामगोत्रे तु संप्रोच्य दीर्घायुर्लोकपूजितः। तस्मै भगवते भक्त्या नमस्कारमथाकरोत्।

nāmagotre tu saṁprocya dīrghāyurlokapūjitaḥ tasmai bhagavate bhaktyā namaskāramathākarot

अपना नाम-गोत्र बताकर उस दीर्घायु, लोकपूजित भगवान् को भक्तिपूर्वक प्रणाम किया।

श्लोक 119 (padma.1.39.119)

मार्कंडेय उवाच। इच्छामि तत्त्वतो ज्ञातुमिमां मायां तवानघ। यदेकार्णवमध्यस्थः शेषे त्वं बालरूपवान्।

mārkaṁḍeya uvāca icchāmi tattvato jñātumimāṁ māyāṁ tavānagha yadekārṇavamadhyasthaḥ śeṣe tvaṁ bālarūpavān

मार्कण्डेय ने कहा -- 'हे निष्पाप, मैं आपकी इस माया को तत्त्वतः जानना चाहता हूँ -- कि एक समुद्र के बीच स्थित आप बालरूप में कैसे शयन करते हैं।

श्लोक 120 (padma.1.39.120)

किं संज्ञश्चैव भगवान्लोके विज्ञायसे प्रभो। तर्कयेहं महात्मानं को ह्यन्यः स्थातुमर्हसि।

kiṁ saṁjñaścaiva bhagavānloke vijñāyase prabho tarkayehaṁ mahātmānaṁ ko hyanyaḥ sthātumarhasi

हे प्रभु, आप किस नाम से जगत् में जाने जाते हैं? मैं तर्क करता हूँ, हे महात्मन् -- ऐसा कौन अन्य हो सकता है?'

श्लोक 121 (padma.1.39.121)

श्रीभगवानुवाच। अहं नारायणो ब्रह्मन्सर्वभूतविनाशनः। अहं सहस्रशीर्षास्यः सहस्रपदसंयुतः।

śrībhagavānuvāca ahaṁ nārāyaṇo brahmansarvabhūtavināśanaḥ ahaṁ sahasraśīrṣāsyaḥ sahasrapadasaṁyutaḥ

श्रीभगवान् ने कहा -- 'हे ब्रह्मन्, मैं ही नारायण हूँ, समस्त प्राणियों का संहारक। मैं सहस्रशीर्ष, सहस्रमुख, सहस्रचरणयुक्त हूँ।

श्लोक 122 (padma.1.39.122)

आदित्यवर्णः पुरुषो मुखे ब्रह्ममयो ह्यहम्। अहमग्निर्हव्यवहः सप्तसप्तिभिरन्वितः।

ādityavarṇaḥ puruṣo mukhe brahmamayo hyaham ahamagnirhavyavahaḥ saptasaptibhiranvitaḥ

मैं आदित्यवर्ण पुरुष हूँ, मुख में ब्रह्ममय हूँ; मैं ही सप्त अश्वों से युक्त हव्यवाहक अग्नि हूँ।

श्लोक 123 (padma.1.39.123)

अहमिंद्रपदः शक्र ॠतूनां परिवत्सरः। अहं योगिषु सांख्याख्यो युगांतावर्त एव च।

ahamiṁdrapadaḥ śakra ṝtūnāṁ parivatsaraḥ ahaṁ yogiṣu sāṁkhyākhyo yugāṁtāvarta eva ca

मैं इंद्रपद, शक्र हूँ; ऋतुओं का पूर्ण करने वाला वर्ष हूँ। योगियों में मैं सांख्य कहलाता हूँ, और युगांत का आवर्तन भी मैं ही हूँ।

श्लोक 124 (padma.1.39.124)

अहं सर्वाणि सत्वानि दैवतान्यखिलानि च। भुजगानामहं शेषस्तार्क्ष्योऽहं सर्वपक्षिणाम्।

ahaṁ sarvāṇi satvāni daivatānyakhilāni ca bhujagānāmahaṁ śeṣastārkṣyo'haṁ sarvapakṣiṇām

मैं ही समस्त प्राणी और समस्त देवता हूँ; सर्पों में शेष, और सब पक्षियों में गरुड़ मैं ही हूँ।

श्लोक 125 (padma.1.39.125)

कृतांतः सर्वभूतानां विज्ञेयः कालसंज्ञितः। अहं धर्मस्तपश्चाहं सर्वाश्रमनिवासिनाम्।

kṛtāṁtaḥ sarvabhūtānāṁ vijñeyaḥ kālasaṁjñitaḥ ahaṁ dharmastapaścāhaṁ sarvāśramanivāsinām

मैं समस्त भूतों का अंतकर्ता, काल नाम से जाना जाता हूँ। मैं ही धर्म हूँ, और सब आश्रमवासियों का तप भी मैं ही हूँ।

श्लोक 126 (padma.1.39.126)

अहं दया परोधर्मः क्षीरोदोहं महार्णवः। यत्सत्यं तत्परं त्वेक अहमेव प्रजापतिः।

ahaṁ dayā parodharmaḥ kṣīrodohaṁ mahārṇavaḥ yatsatyaṁ tatparaṁ tveka ahameva prajāpatiḥ

मैं दया, परम धर्म हूँ; मैं क्षीरसागर हूँ। जो सत्य और परम है, वह मैं ही हूँ, मैं ही प्रजापति हूँ।

श्लोक 127 (padma.1.39.127)

अहं सांख्यमहं योगो ह्यहं तत्परमं पदम्। अहमिज्या क्रिया चाहमहं विद्याधिपः स्मृतः।

ahaṁ sāṁkhyamahaṁ yogo hyahaṁ tatparamaṁ padam ahamijyā kriyā cāhamahaṁ vidyādhipaḥ smṛtaḥ

मैं सांख्य हूँ, मैं योग हूँ, मैं ही वह परम पद हूँ। मैं यज्ञ हूँ, क्रिया हूँ, मैं विद्याओं का अधिपति माना जाता हूँ।

श्लोक 128 (padma.1.39.128)

अहं ज्योतिरहं वायुरहं भूमिरहं जलम्। आकाशोहं समुद्राश्च नक्षत्राणि दिशो दश।

ahaṁ jyotirahaṁ vāyurahaṁ bhūmirahaṁ jalam ākāśohaṁ samudrāśca nakṣatrāṇi diśo daśa

मैं ज्योति हूँ, मैं वायु हूँ, मैं भूमि हूँ, मैं जल हूँ। मैं आकाश और समुद्र हूँ, नक्षत्र और दस दिशाएँ हूँ।

श्लोक 129 (padma.1.39.129)

अहं वर्षमहं सोमः पर्जन्योहमहं रविः। अहं पुराणं परमं तथैवाहं परायणम्।

ahaṁ varṣamahaṁ somaḥ parjanyohamahaṁ raviḥ ahaṁ purāṇaṁ paramaṁ tathaivāhaṁ parāyaṇam

मैं वर्षा हूँ, मैं सोम हूँ, मैं पर्जन्य हूँ, मैं सूर्य हूँ। मैं परम पुराण हूँ, और मैं ही अंतिम शरण हूँ।

श्लोक 130 (padma.1.39.130)

भविष्ये चापि सर्वत्र भविष्यत्सर्वसंग्रहः। यत्किंचित्पश्यसे विप्र यच्छृणोषि च किंचन।

bhaviṣye cāpi sarvatra bhaviṣyatsarvasaṁgrahaḥ yatkiṁcitpaśyase vipra yacchṛṇoṣi ca kiṁcana

मैं भविष्य में भी सर्वत्र होने वाली प्रत्येक वस्तु का संग्रह हूँगा। हे विप्र, तुम जो कुछ देखते हो, जो कुछ सुनते हो,

श्लोक 131 (padma.1.39.131)

यच्चानुभवसे लोके तत्सर्वं मामनुस्मर। विश्वं सृष्टं मया पूर्वं सृजेद्यापि च पश्य माम्।

yaccānubhavase loke tatsarvaṁ māmanusmara viśvaṁ sṛṣṭaṁ mayā pūrvaṁ sṛjedyāpi ca paśya mām

और जो कुछ जगत् में अनुभव करते हो, वह सब मुझे ही स्मरण करो। विश्व पहले मेरे द्वारा रचा गया, और अब भी रचा जा रहा है; मुझे ही देखो।

श्लोक 132 (padma.1.39.132)

युगे युगे च रक्षामि मार्कंडेयाखिलं जगत्। तदेतत्कथितं सर्वं मार्कंडेयावधारय।

yuge yuge ca rakṣāmi mārkaṁḍeyākhilaṁ jagat tadetatkathitaṁ sarvaṁ mārkaṁḍeyāvadhāraya

हे मार्कण्डेय, युग-युग में मैं संपूर्ण जगत् की रक्षा करता हूँ। यह सब कहा गया, हे मार्कण्डेय, इसे धारण करो।

श्लोक 133 (padma.1.39.133)

शुश्रूषुरपि धर्मेषु कुक्षौ चरसुखं मम। मम ब्रह्मा शरीरस्थो देवाश्च ॠषिभिः सह।

śuśrūṣurapi dharmeṣu kukṣau carasukhaṁ mama mama brahmā śarīrastho devāśca ṝṣibhiḥ saha

धर्मों की सेवा करने वाले तुमने मेरे ही उदर में सुखपूर्वक विचरण किया; मेरे शरीर में ब्रह्मा और ऋषियों सहित देवता स्थित हैं,

श्लोक 134 (padma.1.39.134)

व्यक्तमव्यक्तयोगं मामवगच्छ मुरद्विषम्। अहमेकाक्षरो मंत्रस्त्र्यक्षरश्च पितामहः।

vyaktamavyaktayogaṁ māmavagaccha muradviṣam ahamekākṣaro maṁtrastryakṣaraśca pitāmahaḥ

मुझे व्यक्त-अव्यक्त के योग रूप, मुरशत्रु समझो। मैं ही एकाक्षर मंत्र (ॐ) और त्र्यक्षर पितामह हूँ,

श्लोक 135 (padma.1.39.135)

परस्त्रिवर्गओंकारः परमात्मप्रदर्शनः। एवमादिपुराणं च वदतेमां महामते।

parastrivargaoṁkāraḥ paramātmapradarśanaḥ evamādipurāṇaṁ ca vadatemāṁ mahāmate

त्रिवर्ग से परे, ॐकार, परमात्मा का प्रदर्शक हूँ।' इस प्रकार यह आदिपुराण, हे महामते, तुमसे कहा जाता है।

श्लोक 136 (padma.1.39.136)

वक्त्रं यातो भगवतो मार्कंडेयो महामुनिः। ततो भगवतः कुक्षिं प्रविष्टो मुनिसत्तमः।

vaktraṁ yāto bhagavato mārkaṁḍeyo mahāmuniḥ tato bhagavataḥ kukṣiṁ praviṣṭo munisattamaḥ

महामुनि मार्कण्डेय भगवान् के मुख में गए; फिर वे मुनिसत्तम भगवान् के उदर में पुनः प्रविष्ट हुए,

श्लोक 137 (padma.1.39.137)

तस्यासम्मुखमेकान्ते शुश्रूषुर्हंसमव्ययम्। यदक्षयं विविधमुपाश्रितं तु तन्महार्णवे व्यपगतचंद्रभास्करे।

tasyāsammukhamekānte śuśrūṣurhaṁsamavyayam yadakṣayaṁ vividhamupāśritaṁ tu tanmahārṇave vyapagatacaṁdrabhāskare

उस अव्यय हंस के सामने एकांत में सेवारत रहते हुए, जो अक्षय, विविध रूपों में आश्रित, चंद्र-सूर्यरहित उस महासमुद्र में स्थित थे।

श्लोक 138 (padma.1.39.138)

शनैश्चरन्प्रभुरथ हंससंज्ञितः सृजन्जगद्विहरति कालपर्यये। अथ चैवं शुचिर्भूत्वा वरयामास वै तपः।

śanaiścaranprabhuratha haṁsasaṁjñitaḥ sṛjanjagadviharati kālaparyaye atha caivaṁ śucirbhūtvā varayāmāsa vai tapaḥ

वह प्रभु धीरे-धीरे विचरते, हंस नाम से, जगत् की रचना करते हुए काल के क्रम में विहार करते हैं; फिर इस प्रकार शुद्ध होकर उन्होंने तप का वरण किया।

श्लोक 139 (padma.1.39.139)

छादयित्वात्मनो देहं पयसांबुजसंभवः। ततो महात्मातिबलो मर्त्यलोकविसर्जने।

chādayitvātmano dehaṁ payasāṁbujasaṁbhavaḥ tato mahātmātibalo martyalokavisarjane

अपने शरीर को जल में छिपाकर, कमल से उत्पन्न वह महात्मा अति बलशाली, मर्त्यलोक की मुक्ति के लिए,

श्लोक 140 (padma.1.39.140)

महतां चैव भूतानां विश्वो विश्वमचिंतयत्। तस्य चिंतयमानस्य नियते संस्थितेर्णवे।

mahatāṁ caiva bhūtānāṁ viśvo viśvamaciṁtayat tasya ciṁtayamānasya niyate saṁsthiterṇave

उस सर्वव्यापी ने महान् भूतों और संपूर्ण विश्व का चिंतन किया। इस प्रकार चिंतन करते हुए, उस नियत-स्थित समुद्र में,

श्लोक 141 (padma.1.39.141)

निराकाशे तोयमये सूक्ष्मे जगति संक्षये। ईशः संक्षोभयामास सोर्णवं सलिलं गतः।

nirākāśe toyamaye sūkṣme jagati saṁkṣaye īśaḥ saṁkṣobhayāmāsa sorṇavaṁ salilaṁ gataḥ

आकाशरहित, जलमय, सूक्ष्म प्रलयकालीन जगत् में, ईश्वर ने उस जल में प्रविष्ट होकर उस समुद्र को क्षुब्ध कर दिया।

श्लोक 142 (padma.1.39.142)

अथांतरादपां सूक्ष्ममथ च्छिद्रमभूत्पुरा। शब्दं प्रति ततो भूतो मारुतश्छिद्रसंभवः।

athāṁtarādapāṁ sūkṣmamatha cchidramabhūtpurā śabdaṁ prati tato bhūto mārutaśchidrasaṁbhavaḥ

फिर जल की सूक्ष्मता के भीतर से पूर्वकाल में एक छिद्र उत्पन्न हुआ; उस छिद्र से शब्द के प्रति उत्तर में वायु उत्पन्न हुआ।

श्लोक 143 (padma.1.39.143)

संलब्ध्वांतरसंक्षोभं व्यवर्धत समीरणः। नभस्वता बलवता वेगाद्विक्षोभितोर्णवः।

saṁlabdhvāṁtarasaṁkṣobhaṁ vyavardhata samīraṇaḥ nabhasvatā balavatā vegādvikṣobhitorṇavaḥ

अंतःक्षोभ पाकर वह वायु बढ़ने लगा; उस बलवान् वायु के वेग से समुद्र अत्यंत क्षुब्ध हो गया।

श्लोक 144 (padma.1.39.144)

तस्यार्णवस्य क्षुब्धस्य तस्मिन्नंभसि मथ्यतः। कृष्णवर्त्मा समभवत्प्रभुर्वैश्वानरो महान्।

tasyārṇavasya kṣubdhasya tasminnaṁbhasi mathyataḥ kṛṣṇavartmā samabhavatprabhurvaiśvānaro mahān

उस क्षुब्ध समुद्र में, उस जल के मथे जाने पर, कृष्णवर्त्मा महान् वैश्वानर अग्नि उत्पन्न हुआ।

श्लोक 145 (padma.1.39.145)

ततः संशोषयामास पावकः सलिलं बहु। समस्तजलधिश्छिद्रमभवद्विसृतं नभः।

tataḥ saṁśoṣayāmāsa pāvakaḥ salilaṁ bahu samastajaladhiśchidramabhavadvisṛtaṁ nabhaḥ

फिर उस अग्नि ने बहुत सारे जल को सुखा दिया; समस्त समुद्र एक छिद्र बन गया, और आकाश फैल गया।

श्लोक 146 (padma.1.39.146)

आत्मतेजोभवाः पुण्या आपोमृतरसोपमाः। आकाशं छिद्रसंभूतं वायुराकाशसंभवः।

ātmatejobhavāḥ puṇyā āpomṛtarasopamāḥ ākāśaṁ chidrasaṁbhūtaṁ vāyurākāśasaṁbhavaḥ

अपने ही तेज से उत्पन्न पवित्र जल, अमृत रस के समान; आकाश उस छिद्र से उत्पन्न हुआ, और वायु आकाश से उत्पन्न हुआ।

श्लोक 147 (padma.1.39.147)

अथ संघर्षसम्भूतं पावकं चास्य संभवम्। दृष्ट्वा पितामहो देवो महाभूतविभावनः।

atha saṁgharṣasambhūtaṁ pāvakaṁ cāsya saṁbhavam dṛṣṭvā pitāmaho devo mahābhūtavibhāvanaḥ

फिर घर्षण से उत्पन्न उस अग्नि और उसकी उत्पत्ति को देखकर, महाभूतों को प्रकट करने वाले देव पितामह ने,

श्लोक 148 (padma.1.39.148)

दृष्ट्वा भूतानि भगवान्लोकसृष्ट्यर्थमुत्तमम्। ब्रह्मणो जन्मसहितं बहुरूपो ह्यचिंतयत्।

dṛṣṭvā bhūtāni bhagavānlokasṛṣṭyarthamuttamam brahmaṇo janmasahitaṁ bahurūpo hyaciṁtayat

उन भूतों को देखकर, लोकसृष्टि के परम प्रयोजन से, बहुरूपी उन भगवान् ने ब्रह्मा के जन्म का भी चिंतन किया।

श्लोक 149 (padma.1.39.149)

चतुर्युगानां संख्यातं सहस्रं युगपर्यये। यत्पृथिव्यां द्विजेंद्राणां तपसा भावितात्मनाम्।

caturyugānāṁ saṁkhyātaṁ sahasraṁ yugaparyaye yatpṛthivyāṁ dvijeṁdrāṇāṁ tapasā bhāvitātmanām

चार युगों के हजार गिने जाने पर एक महायुग होता है; उस काल में पृथ्वी पर तप से भावित आत्मा वाले द्विजेंद्रों में से,

श्लोक 150 (padma.1.39.150)

बहुजन्मविशुद्धात्मा ब्रह्मणो हरिरुच्यते। ज्ञानं दृष्ट्वा तु विश्वात्मा योगिनां याति योग्यताम्।

bahujanmaviśuddhātmā brahmaṇo harirucyate jñānaṁ dṛṣṭvā tu viśvātmā yogināṁ yāti yogyatām

जिनकी आत्मा बहुजन्मों से विशुद्ध हुई है, वह हरि का ब्रह्मत्व कहलाता है। ज्ञान को देखकर वह विश्वात्मा योगियों की योग्यता को प्राप्त होता है।

श्लोक 151 (padma.1.39.151)

तं योगवंतं विज्ञाय संपूर्णैश्वर्यमुत्तमम्। पदे ब्रह्मणि विश्वस्य न्ययोजयत योगवित्।

taṁ yogavaṁtaṁ vijñāya saṁpūrṇaiśvaryamuttamam pade brahmaṇi viśvasya nyayojayata yogavit

उस योगयुक्त, संपूर्ण उत्तम ऐश्वर्य से युक्त को पहचानकर, उस योगविद् ने उसे विश्व के ब्रह्मपद में नियुक्त किया।

श्लोक 152 (padma.1.39.152)

ततस्तस्मिन्महातोये महेशो हरिरच्युतः। जलक्रीडां च विधिवत्स चक्रे सर्वलोककृत्।

tatastasminmahātoye maheśo hariracyutaḥ jalakrīḍāṁ ca vidhivatsa cakre sarvalokakṛt

फिर उस महान् जल में, अच्युत महेश हरि ने, समस्त लोकों के कर्ता ने, विधिपूर्वक जल-क्रीड़ा की।

श्लोक 153 (padma.1.39.153)

पद्मं नाभ्युद्भवं चैकं समुत्पादितवांस्ततः। सहस्त्रवर्णं विरजं भास्कराभं हिरण्मयम्।

padmaṁ nābhyudbhavaṁ caikaṁ samutpāditavāṁstataḥ sahastravarṇaṁ virajaṁ bhāskarābhaṁ hiraṇmayam

उन्होंने अपनी नाभि से उत्पन्न एक कमल प्रकट किया, सहस्र वर्णों वाला, निर्मल, सूर्यसम, स्वर्णमय,

श्लोक 154 (padma.1.39.154)

हुताशनज्वलितशिखोज्जवलप्रभं समुत्थितं शरदमलार्कतेजसम्। विराजते कमलमुदारवर्चसं महात्मनस्तनुरुह चारुशैवलम्।

hutāśanajvalitaśikhojjavalaprabhaṁ samutthitaṁ śaradamalārkatejasam virājate kamalamudāravarcasaṁ mahātmanastanuruha cāruśaivalam

प्रज्वलित अग्निशिखा-सम उज्ज्वल प्रभा वाला, उदित शरदऋतु के निर्मल सूर्य के तेज-सम -- वह उदार कांतिमान कमल, उस महात्मा के शरीर से उगा, सुंदर शैवाल-सा सुशोभित है।