तारकामय-संग्राम: और्वाग्नि एवं कालनेमि-वध

श्लोक 1 (padma.1.41.1)

पुलस्त्य उवाच। आदित्या वसवो रुद्रा अश्विनौ च महाबलौ। सबलाः सानुगाश्चैव संनह्यन्त यथाक्रमम्।

pulastya uvāca ādityā vasavo rudrā aśvinau ca mahābalau sabalāḥ sānugāścaiva saṁnahyanta yathākramam

पुलस्त्य ने कहा -- आदित्यगण, वसुगण, रुद्रगण और महाबली दोनों अश्विनीकुमार, अपने-अपने बल और अनुयायियों सहित यथाक्रम सुसज्जित हुए।

श्लोक 2 (padma.1.41.2)

पुरुहूतश्च पुरतो लोकपालः सहस्रदृक्। ग्रामणीः सर्वदेवानामारुरोह वरद्विपम्।

puruhūtaśca purato lokapālaḥ sahasradṛk grāmaṇīḥ sarvadevānāmāruroha varadvipam

पुरुहूत (इंद्र), लोकपालों में अग्रणी, सहस्रनेत्र, सब देवताओं के अगुआ, अपने श्रेष्ठ गजराज पर आरूढ़ हुए।

श्लोक 3 (padma.1.41.3)

सव्ये चास्य रथः पार्श्वे पक्षिप्रवरकेतनः। सुरारुचक्रचरणो हैमच्छत्रपरिष्कृतः।

savye cāsya rathaḥ pārśve pakṣipravaraketanaḥ surārucakracaraṇo haimacchatrapariṣkṛtaḥ

उनके बाईं ओर उनका रथ था, श्रेष्ठ पक्षी के चिह्न वाला, देवताओं की-सी चमकीली कीलियों वाला, स्वर्णछत्र से सुसज्जित,

श्लोक 4 (padma.1.41.4)

देवगंधर्वयक्षौघैरनुयातः सहस्रशः। दीप्तिमद्भिश्च स्वर्गस्थैर्ब्रह्मर्षिभिरभिष्टुतः।

devagaṁdharvayakṣaughairanuyātaḥ sahasraśaḥ dīptimadbhiśca svargasthairbrahmarṣibhirabhiṣṭutaḥ

देव-गंधर्व-यक्षों की सहस्रों सेनाओं द्वारा अनुगमित, स्वर्गवासी दीप्तिमान ब्रह्मर्षियों द्वारा स्तुत,

श्लोक 5 (padma.1.41.5)

वज्रविस्फारितोद्भूतैर्विद्युदिंद्रायुधप्रभैः। युक्तं बलाहकगणैः पर्वतैरिव कामगैः।

vajravisphāritodbhūtairvidyudiṁdrāyudhaprabhaiḥ yuktaṁ balāhakagaṇaiḥ parvatairiva kāmagaiḥ

वज्र की चमक से उत्पन्न, बिजली और इंद्रधनुष की-सी कांति वाले मेघसमूहों से युक्त, मानो इच्छानुसार चलने वाले पर्वत।

श्लोक 6 (padma.1.41.6)

यमारूढः स भगवान्पर्येति सकलं जगत्। हविर्दानेषु गायंति विप्रा मखमुखेस्थिताः।

yamārūḍhaḥ sa bhagavānparyeti sakalaṁ jagat havirdāneṣu gāyaṁti viprā makhamukhesthitāḥ

उस पर आरूढ़ वे भगवान् संपूर्ण जगत् का भ्रमण करते हैं; हवि के दान में यज्ञमुख में स्थित विप्रगण उनका गान करते हैं।

श्लोक 7 (padma.1.41.7)

स्वर्गसंग्रामयातेषु देवतूर्यनिनादिषु। सेंद्रं तमुपनृत्यंति शतशो ह्यप्सरोगणाः।

svargasaṁgrāmayāteṣu devatūryaninādiṣu seṁdraṁ tamupanṛtyaṁti śataśo hyapsarogaṇāḥ

स्वर्ग-संग्राम की ओर बढ़ते हुए, देव-तुरहियों के गूँजते हुए, इंद्र सहित उनके चारों ओर सैकड़ों अप्सरागण नाचने लगे।

श्लोक 8 (padma.1.41.8)

केतुना नागराजेन राजमानो यथा रविः। युक्तो हयसहस्रेण मनोमारुतरंहसा।

ketunā nāgarājena rājamāno yathā raviḥ yukto hayasahasreṇa manomārutaraṁhasā

गजराज की ध्वजा से सूर्य के समान सुशोभित, मन और वायु के वेग वाले सहस्र अश्वों से युक्त,

श्लोक 9 (padma.1.41.9)

सम्यग्रथवरो भाति युक्तो मातलिना तदा। कृत्स्नः परिवृतो मेरुर्भास्करस्येव तेजसा।

samyagrathavaro bhāti yukto mātalinā tadā kṛtsnaḥ parivṛto merurbhāskarasyeva tejasā

मातलि द्वारा संचालित वह श्रेष्ठ रथ भलीभाँति सुशोभित हुआ; मानो संपूर्ण मेरु सूर्य के तेज से घिरा हो।

श्लोक 10 (padma.1.41.10)

यमस्तु दंडमुद्यम्य कालयुक्तं च मुद्गरं। तस्थौ सुरगणानीके दैत्यानां चैव दर्शयन्।

yamastu daṁḍamudyamya kālayuktaṁ ca mudgaraṁ tasthau suragaṇānīke daityānāṁ caiva darśayan

यम भी दंड और काल से युक्त मुद्गर उठाकर देवसेना की पंक्ति में खड़े होकर उसे दैत्यों को दिखा रहे थे।

श्लोक 11 (padma.1.41.11)

चतुर्भिः सागरैर्युक्तो लेलिहानैश्च पन्नगैः। शंखमुक्तांगदधरो बिभ्रत्तोयमयं वपुः।

caturbhiḥ sāgarairyukto lelihānaiśca pannagaiḥ śaṁkhamuktāṁgadadharo bibhrattoyamayaṁ vapuḥ

चार समुद्रों और लपलपाती जिह्वा वाले सर्पों से युक्त, शंख-मोती-कंकण धारण किए, जलमय शरीर धारण करते हुए,

श्लोक 12 (padma.1.41.12)

कालपाशान्समाविध्य हयैः शशिकरोपमैः। वाय्वीरितजलाकारैः कुर्वन्लीलाः सहस्रशः।

kālapāśānsamāvidhya hayaiḥ śaśikaropamaiḥ vāyvīritajalākāraiḥ kurvanlīlāḥ sahasraśaḥ

काल के पाशों को घुमाते हुए, चंद्रकिरण-सम अश्वों पर, वायु से हिलते जल के आकार वाले, सहस्रों लीलाएँ करते हुए,

श्लोक 13 (padma.1.41.13)

पांडुरोद्धूतवसनः प्रवालरुचिरांगदः। मणिश्यामोत्तमवपुर्हारकेणार्चितोदरः।

pāṁḍuroddhūtavasanaḥ pravālarucirāṁgadaḥ maṇiśyāmottamavapurhārakeṇārcitodaraḥ

उज्ज्वल श्वेत वस्त्र धारण किए, मूँगे-सी सुंदर भुजाओं वाले, नीलमणि-सम श्याम उत्तम शरीर वाले, हार से सुशोभित उदर वाले,

श्लोक 14 (padma.1.41.14)

वरुणः पाशधृङ्मध्ये देवानीकस्य तस्थिवान्। युद्धवेलामभिलषन्भिन्नवेल इवार्णवः।

varuṇaḥ pāśadhṛṅmadhye devānīkasya tasthivān yuddhavelāmabhilaṣanbhinnavela ivārṇavaḥ

वरुण, पाश हाथ में लिए, देवसेना के मध्य खड़े हुए, युद्ध की बेला की कामना करते हुए, मानो तट तोड़ता समुद्र।

श्लोक 15 (padma.1.41.15)

यक्षराक्षससैन्येन गुह्यकानां गणैरपि। युक्तश्च शंखपद्माभ्यां निधीनामधिपः प्रभुः।

yakṣarākṣasasainyena guhyakānāṁ gaṇairapi yuktaśca śaṁkhapadmābhyāṁ nidhīnāmadhipaḥ prabhuḥ

यक्ष-राक्षस सेना और गुह्यकगणों से युक्त, शंख और पद्म निधियों से संपन्न वे निधियों के स्वामी प्रभु,

श्लोक 16 (padma.1.41.16)

राजराजेश्वरःश्रीमान्गदापाणिरदृश्यत। विमानयोधी धनदो विमाने पुष्पके स्थितः।

rājarājeśvaraḥśrīmāngadāpāṇiradṛśyata vimānayodhī dhanado vimāne puṣpake sthitaḥ

श्रीमान् राजराजेश्वर हाथ में गदा लिए दिखाई दिए; धनद (कुबेर) विमानयोद्धा होकर पुष्पक विमान में स्थित थे।

श्लोक 17 (padma.1.41.17)

स राजराजः शुशुभे यक्षेशो नरवाहनः। पूर्वपक्षे सहस्राक्षः पितृराजश्च दक्षिणे।

sa rājarājaḥ śuśubhe yakṣeśo naravāhanaḥ pūrvapakṣe sahasrākṣaḥ pitṛrājaśca dakṣiṇe

वे राजराज, यक्षपति, नरवाहन सुशोभित हुए; पूर्व पक्ष में सहस्राक्ष (इंद्र) और दक्षिण में पितृराज (यम),

श्लोक 18 (padma.1.41.18)

वरुणः पश्चिमे पक्ष उत्तरे नरवाहनः। चतुःपक्षाश्च चत्त्वारो लोकपाला महाबलाः।

varuṇaḥ paścime pakṣa uttare naravāhanaḥ catuḥpakṣāśca cattvāro lokapālā mahābalāḥ

पश्चिम पक्ष में वरुण और उत्तर में नरवाहन (कुबेर); इस प्रकार चारों पक्षों में चार महाबली लोकपाल थे,

श्लोक 19 (padma.1.41.19)

आत्मदिक्षुचरंतश्चतस्यदेवबलस्यते। सूर्यः सप्ताश्वयुक्तेन रथेनानिलगामिना।

ātmadikṣucaraṁtaścatasyadevabalasyate sūryaḥ saptāśvayuktena rathenānilagāminā

उस देवसेना के अपनी-अपनी दिशाओं में विचरते हुए। सूर्य, सात अश्वों से जुते, वायु-सम वेगवान् रथ से,

श्लोक 20 (padma.1.41.20)

श्रिया जाज्वल्यमानेन दीप्यमानैश्च रश्मिभिः। उदयास्तमयौ चक्रे मेरुपर्यन्तगामिना।

śriyā jājvalyamānena dīpyamānaiśca raśmibhiḥ udayāstamayau cakre meruparyantagāminā

श्री से प्रज्वलित, दीप्त किरणों से युक्त होकर, मेरु की सीमा तक जाते हुए उदय और अस्त करते हुए,

श्लोक 21 (padma.1.41.21)

त्रिदिव द्वारचक्रेण तपसा लोकमव्ययम्। सहस्ररश्मियुक्तेन भ्राजमानेन तेजसा।

tridiva dvāracakreṇa tapasā lokamavyayam sahasraraśmiyuktena bhrājamānena tejasā

स्वर्ग के द्वार-चक्र से, अपने तप से अव्यय लोक को, सहस्र किरणों से युक्त, चमकते तेज से,

श्लोक 22 (padma.1.41.22)

चचार मध्ये देवानां द्वादशात्मा दिवाकरः। सोमः श्वेतहयो भाति स्यंदने शीतरश्मिमान्।

cacāra madhye devānāṁ dvādaśātmā divākaraḥ somaḥ śvetahayo bhāti syaṁdane śītaraśmimān

बारह रूपों वाले सूर्य देवताओं के मध्य विचरण करने लगे। सोम श्वेत अश्वों से युक्त होकर, शीतल किरणों वाले, अपने रथ में सुशोभित हुए,

श्लोक 23 (padma.1.41.23)

हिमतोयप्रपूर्णाभिर्भाभिराह्लादयञ्जगत्। तमृक्षयोगानुगतं शिशिरांशुं द्विजेश्वरम्।

himatoyaprapūrṇābhirbhābhirāhlādayañjagat tamṛkṣayogānugataṁ śiśirāṁśuṁ dvijeśvaram

हिमजल से परिपूर्ण किरणों से जगत् को आह्लादित करते हुए, नक्षत्रों के योग से युक्त, शीतकिरण, द्विजेश्वर,

श्लोक 24 (padma.1.41.24)

शशच्छायांकिततनुं नैशस्य तमसः क्षयम्। ज्योतिषामीश्वरं व्योम्नि रसदं प्रभुमव्ययम्।

śaśacchāyāṁkitatanuṁ naiśasya tamasaḥ kṣayam jyotiṣāmīśvaraṁ vyomni rasadaṁ prabhumavyayam

शशकलंकित शरीर वाले, रात्रि के अंधकार को नष्ट करने वाले, आकाश में ज्योतियों के स्वामी, रसदाता, अव्यय प्रभु,

श्लोक 25 (padma.1.41.25)

ओषधीनां पवित्राणां निधानममृतस्य च। जगतः परमं भागं सौम्यं सर्वमयं रसम्।

oṣadhīnāṁ pavitrāṇāṁ nidhānamamṛtasya ca jagataḥ paramaṁ bhāgaṁ saumyaṁ sarvamayaṁ rasam

पवित्र ओषधियों और अमृत के निधान, जगत् के परम अंश, सौम्य, सर्वमय रस --

श्लोक 26 (padma.1.41.26)

ददृशुर्दानवाः सोमं हिमप्रहरणं स्थितम्। यः प्राणः सर्वभूतानां पंचधा भिद्यते नृषु।

dadṛśurdānavāḥ somaṁ himapraharaṇaṁ sthitam yaḥ prāṇaḥ sarvabhūtānāṁ paṁcadhā bhidyate nṛṣu

दानवों ने सोम को हिम-अस्त्रधारी स्थित देखा -- जो सब प्राणियों का प्राण है, मनुष्यों में पाँच प्रकार में विभक्त होता है,

श्लोक 27 (padma.1.41.27)

सप्तस्कंधगतो लोकांस्त्रीन्दधार चकार च। यमाहुरग्निकर्त्तारं सर्वप्रभवमीश्वरम्।

saptaskaṁdhagato lokāṁstrīndadhāra cakāra ca yamāhuragnikarttāraṁ sarvaprabhavamīśvaram

सात स्कंधों में स्थित होकर तीनों लोकों को धारण किया और रचा; जिसे अग्नि का रचयिता, सर्वप्रभव ईश्वर कहते हैं,

श्लोक 28 (padma.1.41.28)

सप्तस्वरगता यस्य योनिर्गीर्भिरुदीर्यते। यं वदंति चलं भूतं यं वदंत्यशरीरिणम्।

saptasvaragatā yasya yonirgīrbhirudīryate yaṁ vadaṁti calaṁ bhūtaṁ yaṁ vadaṁtyaśarīriṇam

जिसकी उत्पत्ति सातों स्वरों में स्थित है और वाणी से प्रकट होती है, जिसे चंचल भूत कहते हैं, जिसे अशरीरी कहते हैं,

श्लोक 29 (padma.1.41.29)

यमाहुराकाशगमं शीघ्रगं शब्दयोनिजम्। स वायुः सर्वभूतायुरुद्धतः स्वेन तेजसा।

yamāhurākāśagamaṁ śīghragaṁ śabdayonijam sa vāyuḥ sarvabhūtāyuruddhataḥ svena tejasā

जिसे आकाशगामी, शीघ्रगामी, शब्द से उत्पन्न कहते हैं -- वह वायु, सब प्राणियों का जीवन, अपने ही तेज से उद्धत,

श्लोक 30 (padma.1.41.30)

ववौ प्रव्यथयन्दैत्यान्प्रतिलोमं सतोयदः। मारुतो देवगंधर्वैर्विद्याधरगणैः सह।

vavau pravyathayandaityānpratilomaṁ satoyadaḥ māruto devagaṁdharvairvidyādharagaṇaiḥ saha

प्रतिकूल दिशा में मेघों सहित बहते हुए दैत्यों को व्यथित करने लगा; वह मारुत देव-गंधर्वों और विद्याधरगणों सहित,

श्लोक 31 (padma.1.41.31)

चिक्रीड रश्मिभिश्शुभ्रैर्निर्मुक्तैरिव पन्नगैः। सृजंतः सर्पपतयस्तीव्रं रोषमयं विषम्।

cikrīḍa raśmibhiśśubhrairnirmuktairiva pannagaiḥ sṛjaṁtaḥ sarpapatayastīvraṁ roṣamayaṁ viṣam

अपनी उज्ज्वल किरणों से क्रीड़ा करने लगा, मानो केंचुल छोड़े हुए सर्प; और सर्पराजों ने तीव्र क्रोधयुक्त विष उगला।

श्लोक 32 (padma.1.41.32)

शरभूता विलग्नाश्च चेरुर्व्यात्तानना दिवि। पर्वताश्च शिलाशृंगैः शतशाखैश्च पादपैः।

śarabhūtā vilagnāśca cerurvyāttānanā divi parvatāśca śilāśṛṁgaiḥ śataśākhaiśca pādapaiḥ

बाणरूप बने वे आकाश में मुख फाड़े चिपके हुए विचरण करने लगे; और पर्वत भी अपने शिलाशिखरों और सैकड़ों शाखा वाले वृक्षों से,

श्लोक 33 (padma.1.41.33)

उपतस्थुः सुरगणान्प्रहर्तुं दानवं बलम्। यः स देवो हृषीकेशः पद्मनाभस्त्रिविक्रमः।

upatasthuḥ suragaṇānprahartuṁ dānavaṁ balam yaḥ sa devo hṛṣīkeśaḥ padmanābhastrivikramaḥ

दानवसेना पर प्रहार करने के लिए देवगणों के सामने उपस्थित हुए। और वे देव हृषीकेश, पद्मनाभ, त्रिविक्रम,

श्लोक 34 (padma.1.41.34)

युगांते कृष्णवर्त्मा च विश्वस्य जगतः प्रभुः। सर्वयोनिः समधुहा हव्यभुक्क्रतुसंस्थितः।

yugāṁte kṛṣṇavartmā ca viśvasya jagataḥ prabhuḥ sarvayoniḥ samadhuhā havyabhukkratusaṁsthitaḥ

जो युगांत में कृष्णवर्त्मा (अग्नि) हैं, विश्व-जगत् के स्वामी, सबकी योनि, मधुसूदन, हविष्य के भोक्ता, यज्ञ में स्थित,

श्लोक 35 (padma.1.41.35)

भूम्यम्बुव्योमभूतात्मा श्यामः शांतिकरोरिहा। अविघ्नममरादीनां चक्रे चक्रगदाधरः।

bhūmyambuvyomabhūtātmā śyāmaḥ śāṁtikarorihā avighnamamarādīnāṁ cakre cakragadādharaḥ

पृथ्वी-जल-आकाशमय आत्मा, श्याम, शांतिकर्ता -- चक्रगदाधारी उन प्रभु ने अमरों आदि के लिए निर्विघ्नता की,

श्लोक 36 (padma.1.41.36)

सव्येनालभ्य महतीं सर्वायुधविनाशिनीं। करेण कालीं वपुषा शत्रुकालप्रदां गदां।

savyenālabhya mahatīṁ sarvāyudhavināśinīṁ kareṇa kālīṁ vapuṣā śatrukālapradāṁ gadāṁ

बाईं भुजा से सर्वायुधनाशिनी वह विशाल, कालरूपी, शत्रुओं के लिए काल देने वाली गदा को ग्रहण कर,

श्लोक 37 (padma.1.41.37)

शेषैर्भुजैः प्रदीप्ताभैर्भुजगारिध्वजः प्रभुः। दधारायुधजालानि शार्ङ्गादीनि महाबलः।

śeṣairbhujaiḥ pradīptābhairbhujagāridhvajaḥ prabhuḥ dadhārāyudhajālāni śārṅgādīni mahābalaḥ

शेष प्रज्वलित भुजाओं से भुजगारि-ध्वज (गरुड़ध्वज) महाबली प्रभु ने शार्ङ्ग आदि आयुधों के समूह को धारण किया,

श्लोक 38 (padma.1.41.38)

स कश्यपस्यात्मभवं द्विजं भुजगभोजनम्। भुजगेंद्रेण वदने निविष्टेन विराजितम्।

sa kaśyapasyātmabhavaṁ dvijaṁ bhujagabhojanam bhujageṁdreṇa vadane niviṣṭena virājitam

कश्यप से उत्पन्न, सर्पभक्षी उस द्विज (गरुड़) पर, जिसके मुख में सर्पराज पकड़ा हुआ सुशोभित था,

श्लोक 39 (padma.1.41.39)

अमृतारंभसंयुक्तं मंदराद्रिमिवोच्छितम्। देवासुरविमर्देषु बहुशो दृष्टविक्रमम्।

amṛtāraṁbhasaṁyuktaṁ maṁdarādrimivocchitam devāsuravimardeṣu bahuśo dṛṣṭavikramam

अमृत लाने में सहायक, मंदराचल के समान ऊँचे, देव-असुर संघर्षों में जिसका पराक्रम बार-बार देखा गया था,

श्लोक 40 (padma.1.41.40)

महेंद्रेणामृतस्यार्थे वज्रेण कृतलक्षणम्। विचित्रपत्रवसनं धातुमंतमिवाचलम्।

maheṁdreṇāmṛtasyārthe vajreṇa kṛtalakṣaṇam vicitrapatravasanaṁ dhātumaṁtamivācalam

महेंद्र के वज्र से अमृत के लिए चिह्नित, विचित्र पंखों वाले वस्त्र से युक्त, मानो धातुओं से भरा पर्वत,

श्लोक 41 (padma.1.41.41)

स्फीतक्रोधावलंबेन शीतांशुसमतेजसा। भोगिभोगावसक्तेन मणिरत्नेन भास्वता।

sphītakrodhāvalaṁbena śītāṁśusamatejasā bhogibhogāvasaktena maṇiratnena bhāsvatā

प्रबल क्रोध का आश्रय लिए हुए, शीतल किरणों-सम तेज वाले, सर्प के फणों की मणि से देदीप्यमान,

श्लोक 42 (padma.1.41.42)

पक्षाभ्यां चारुपत्राभ्यामावृतं दिवि लीलया। युगांते सेंद्रचापाभ्यां तोयदाभ्यामिवांबरम्।

pakṣābhyāṁ cārupatrābhyāmāvṛtaṁ divi līlayā yugāṁte seṁdracāpābhyāṁ toyadābhyāmivāṁbaram

सुंदर पंखों वाले अपने दोनों पक्षों से मानो लीलापूर्वक आकाश को ढके हुए, युगांत में इंद्रधनुष सहित दो मेघों-सा,

श्लोक 43 (padma.1.41.43)

नीललोहितपीताभिः पताकाभिरलंकृतम्। अरुणावरजं श्रीमानारुह्य समरे प्रभुः।

nīlalohitapītābhiḥ patākābhiralaṁkṛtam aruṇāvarajaṁ śrīmānāruhya samare prabhuḥ

नीले-लाल-पीले पताकाओं से सुशोभित -- उन श्रीमान् प्रभु ने युद्ध में अरुण के छोटे भाई (गरुड़) पर आरूढ़ होकर,

श्लोक 44 (padma.1.41.44)

सुवर्णवर्णवपुषं सुपर्णं खेचरोत्तमम्। तमन्वयुः सुरगणा मुनयश्च समाहिताः।

suvarṇavarṇavapuṣaṁ suparṇaṁ khecarottamam tamanvayuḥ suragaṇā munayaśca samāhitāḥ

सुवर्णवर्ण शरीर वाले, आकाशचारियों में श्रेष्ठ सुपर्ण पर आरूढ़ हुए; उनके पीछे देवगण और एकाग्रचित्त मुनिगण चले।

श्लोक 45 (padma.1.41.45)

गीर्भिः परममंत्राभिस्तुष्टुवुश्च गदाधरम्। तद्वैश्रवणसंश्लिष्टं वैवस्वतपुरःसरम्।

gīrbhiḥ paramamaṁtrābhistuṣṭuvuśca gadādharam tadvaiśravaṇasaṁśliṣṭaṁ vaivasvatapuraḥsaram

श्रेष्ठ मंत्रों से गदाधारी की स्तुति करने लगे -- वैश्रवण (कुबेर) से युक्त, वैवस्वत (यम) को आगे किए,

श्लोक 46 (padma.1.41.46)

वारिराजपरिक्षिप्तं देवराजविराजितम्। पवनाबद्धनिर्घोषं संप्रदीप्त हुताशनम्।

vārirājaparikṣiptaṁ devarājavirājitam pavanābaddhanirghoṣaṁ saṁpradīpta hutāśanam

जलराज (वरुण) से घिरी, देवराज (इंद्र) से सुशोभित, वायु से बँधी गर्जना वाली, प्रज्वलित अग्नि से युक्त,

श्लोक 47 (padma.1.41.47)

विष्णोर्जिष्णोः सहिष्णोश्च भ्राजिष्णोस्तेजसावृतम्। बलं बलवदुद्रिक्ते युद्धाय समवर्तत।

viṣṇorjiṣṇoḥ sahiṣṇośca bhrājiṣṇostejasāvṛtam balaṁ balavadudrikte yuddhāya samavartata

विष्णु, जिष्णु, सहिष्णु, भ्राजिष्णु के तेज से आवृत वह सेना, बलशाली, युद्ध के लिए उमड़ पड़ी।

श्लोक 48 (padma.1.41.48)

स्वस्त्यस्तु देवेभ्य इति बृहस्पतिरभाषत। स्वस्त्यस्तु दैत्येभ्य इति उशना वाक्यमाददे।

svastyastu devebhya iti bṛhaspatirabhāṣata svastyastu daityebhya iti uśanā vākyamādade

'देवताओं का कल्याण हो' -- ऐसा बृहस्पति ने कहा। 'दैत्यों का कल्याण हो' -- ऐसा उशना ने वचन कहा।

श्लोक 49 (padma.1.41.49)

ताभ्यां बलाभ्यां संजज्ञे तुमुलो विग्रहस्तथा। सुराणामसुराणां च परस्परजयैषिणाम्।

tābhyāṁ balābhyāṁ saṁjajñe tumulo vigrahastathā surāṇāmasurāṇāṁ ca parasparajayaiṣiṇām

उन दोनों सेनाओं में देवों और असुरों का, परस्पर विजय चाहने वालों का, वह घोर युद्ध छिड़ गया।

श्लोक 50 (padma.1.41.50)

दानवा दैवतैः सार्द्धं नानाप्रहरणोद्यमाः। समीयुर्युध्यमाना वै पर्वता इव पर्वतैः।

dānavā daivataiḥ sārddhaṁ nānāpraharaṇodyamāḥ samīyuryudhyamānā vai parvatā iva parvataiḥ

दानव देवताओं सहित विविध शस्त्र उठाए हुए, युद्ध करते हुए मिले, मानो पर्वत से पर्वत टकरा रहे हों।

श्लोक 51 (padma.1.41.51)

तत्सुरासुरसंयुक्तं युद्धमत्यद्भुतं बभौ। धर्माधर्मसमायुक्तं दर्पेण विनयेन च।

tatsurāsurasaṁyuktaṁ yuddhamatyadbhutaṁ babhau dharmādharmasamāyuktaṁ darpeṇa vinayena ca

वह देव-असुर संयुक्त युद्ध अत्यंत अद्भुत लगा, धर्म-अधर्म से युक्त, दर्प और विनय दोनों से युक्त।

श्लोक 52 (padma.1.41.52)

ततो हयैः प्रजवितैर्वारणैश्च प्रचोदितैः। उत्पतद्भिश्च गगने सासिहस्तैः समंततः।

tato hayaiḥ prajavitairvāraṇaiśca pracoditaiḥ utpatadbhiśca gagane sāsihastaiḥ samaṁtataḥ

फिर वेगवान् अश्वों और प्रेरित हाथियों से, आकाश में उड़ते हुए, चारों ओर तलवार हाथ में लिए योद्धाओं से,

श्लोक 53 (padma.1.41.53)

क्षिप्यमाणैश्च मुसलैः संपतद्भिश्च सायकैः। चापैर्विस्फार्यमाणैश्च पात्यमानैः सुदारुणैः।

kṣipyamāṇaiśca musalaiḥ saṁpatadbhiśca sāyakaiḥ cāpairvisphāryamāṇaiśca pātyamānaiḥ sudāruṇaiḥ

फेंके जाते मूसलों और गिरते बाणों से, खींचे जाते धनुषों और डाले जाते भयंकर शस्त्रों से,

श्लोक 54 (padma.1.41.54)

तद्युद्धमभवद्घोरं देवदानवसंकुलम्। जगतस्त्रासजननं युगसंवर्तकोपमम्।

tadyuddhamabhavadghoraṁ devadānavasaṁkulam jagatastrāsajananaṁ yugasaṁvartakopamam

वह युद्ध घोर हो गया, देव-दानवों से भरा हुआ, जगत् में त्रास उत्पन्न करने वाला, मानो युगसंहारक अग्नि।

श्लोक 55 (padma.1.41.55)

स्वहस्तमुक्तैः परिघैर्मुद्गरैश्चैव पर्वतैः। दानवास्समरे जघ्नुर्देवानिंद्रपुरोगमान्।

svahastamuktaiḥ parighairmudgaraiścaiva parvataiḥ dānavāssamare jaghnurdevāniṁdrapurogamān

अपने हाथों से फेंके गए परिघों, मुद्गरों और पर्वतों से दानवों ने युद्ध में इंद्र आदि देवताओं को मारा।

श्लोक 56 (padma.1.41.56)

ते वध्यमाना बलिभिर्दानवैर्जितकाशिभिः। विषण्णवदना देवा जग्मुरार्तिं परां मृधे।

te vadhyamānā balibhirdānavairjitakāśibhiḥ viṣaṇṇavadanā devā jagmurārtiṁ parāṁ mṛdhe

जीतते हुए-से दिखने वाले बलशाली दानवों द्वारा मारे जाते हुए देवगण उदास मुख होकर युद्ध में परम पीड़ा को प्राप्त हुए।

श्लोक 57 (padma.1.41.57)

ते चास्त्रशूलमथिताः परिघैर्भिन्नमस्तकाः। भिन्नोरस्का दितिसुतैः स्रवद्रक्ता रणे बहु।

te cāstraśūlamathitāḥ parighairbhinnamastakāḥ bhinnoraskā ditisutaiḥ sravadraktā raṇe bahu

वे अस्त्र-शूलों से पीड़ित, परिघों से सिर फटे, दितिपुत्रों द्वारा वक्ष विदीर्ण किए हुए, युद्ध में बहुत रक्त बहाते हुए,

श्लोक 58 (padma.1.41.58)

सूदिताः शरजालैश्च निर्यत्नाश्च शरैः कृताः। प्रविष्टा दानवीं मायां न शेकुस्ते विचेष्टितम्।

sūditāḥ śarajālaiśca niryatnāśca śaraiḥ kṛtāḥ praviṣṭā dānavīṁ māyāṁ na śekuste viceṣṭitam

बाणजाल से पीड़ित, बाणों से निरुद्यम बना दिए गए, दानवी माया में प्रविष्ट होकर कोई चेष्टा नहीं कर सके।

श्लोक 59 (padma.1.41.59)

उत्तंभितमिवाभाति निष्प्राण सदृशाकृति। बलं सुराणामसुरैर्निष्प्रयत्नायुधं कृतम्।

uttaṁbhitamivābhāti niṣprāṇa sadṛśākṛti balaṁ surāṇāmasurairniṣprayatnāyudhaṁ kṛtam

देवसेना मानो थंभी हुई, प्राणहीन-सी दिखने लगी; असुरों ने उसे शस्त्रहीन, निरुद्यम कर दिया।

श्लोक 60 (padma.1.41.60)

दैत्यचापच्युतान्घोरांश्छित्वा वज्रेण तान्शरान्। शक्रो दैत्यबलं घोरं विवेश बहुलोचनः।

daityacāpacyutānghorāṁśchitvā vajreṇa tānśarān śakro daityabalaṁ ghoraṁ viveśa bahulocanaḥ

दैत्यों के धनुषों से छूटे उन घोर बाणों को वज्र से काटकर, बहुनेत्र शक्र दैत्यसेना के घोर मध्य में प्रविष्ट हुए।

श्लोक 61 (padma.1.41.61)

स दैत्यप्रमुखान्सर्वान्हत्वा दैत्यबलं महत्। तामसेनास्त्रजालेन तमोभूतमथाकरोत्।

sa daityapramukhānsarvānhatvā daityabalaṁ mahat tāmasenāstrajālena tamobhūtamathākarot

उन्होंने सभी प्रमुख दैत्यों को मारकर विशाल दैत्यसेना को तामस अस्त्रजाल से अंधकारमय कर दिया।

श्लोक 62 (padma.1.41.62)

तेऽन्योन्यं नान्वबुध्यंत दैत्यानां वाहनानि च। घोरेण तमसाविष्टाः पुरुहूतस्य तेजसा।

te'nyonyaṁ nānvabudhyaṁta daityānāṁ vāhanāni ca ghoreṇa tamasāviṣṭāḥ puruhūtasya tejasā

पुरुहूत के तेज से घोर अंधकार में डूबे हुए वे एक-दूसरे को और दैत्यों के वाहनों को भी नहीं पहचान सके।

श्लोक 63 (padma.1.41.63)

मायापाशैर्विमुक्तास्तु यत्नवंतः सुरोत्तमाः। शिरांसि दैत्यसंघानां तमोभूतान्यपातयन्।

māyāpāśairvimuktāstu yatnavaṁtaḥ surottamāḥ śirāṁsi daityasaṁghānāṁ tamobhūtānyapātayan

किंतु मायापाशों से मुक्त, यत्नशील श्रेष्ठ देवगणों ने अंधकार में डूबे दैत्यसमूहों के सिर काट डाले।

श्लोक 64 (padma.1.41.64)

अपध्वस्ता विसंज्ञाश्च तमसा नीलवर्चसा। पेतुस्ते दानवास्सद्यश्छिन्नपक्षा इवाद्रयः।

apadhvastā visaṁjñāśca tamasā nīlavarcasā petuste dānavāssadyaśchinnapakṣā ivādrayaḥ

उस नीलकांति अंधकार में मूर्च्छित होकर वे दानव तुरंत गिर पड़े, मानो पंखरहित पर्वत।

श्लोक 65 (padma.1.41.65)

तत्राभिभूतदैत्यैंद्रमंधकारमिवांतरं। दानवं देहसदनं तमोभूतमिवाभवत्।

tatrābhibhūtadaityaiṁdramaṁdhakāramivāṁtaraṁ dānavaṁ dehasadanaṁ tamobhūtamivābhavat

वहाँ इंद्र से पराजित दैत्यसमूह मानो भीतरी अंधकार बन गया, दानवों के शरीरों का वह निवासस्थान अंधकारमय हो गया।

श्लोक 66 (padma.1.41.66)

तथाऽसृजन्महामायां मयस्तां तामसीं दहन्। युगांतोद्योतजननीं सृष्टा मौर्वेण वह्निना।

tathā'sṛjanmahāmāyāṁ mayastāṁ tāmasīṁ dahan yugāṁtodyotajananīṁ sṛṣṭā maurveṇa vahninā

तब मय ने उस अंधकार को जलाती हुई महामाया रची -- युगांत की चमक उत्पन्न करने वाली, और्व की अग्नि से रची गई।

श्लोक 67 (padma.1.41.67)

स ददाह च तां शाक्रीं माया मयविकल्पिता। दैत्याश्चादित्यवपुषा सद्य उत्तस्थुराहवे।

sa dadāha ca tāṁ śākrīṁ māyā mayavikalpitā daityāścādityavapuṣā sadya uttasthurāhave

मय द्वारा रची उस माया ने इंद्र के उस अंधकार को जला डाला; और दैत्य सूर्य-सम शरीर लेकर तुरंत युद्ध में उठ खड़े हुए।

श्लोक 68 (padma.1.41.68)

मायां मौर्वीं समासाद्य दह्यमाना दिवौकसः। भेजिरे चंद्रविषयं शीतांशुसलिलह्रदम्।

māyāṁ maurvīṁ samāsādya dahyamānā divaukasaḥ bhejire caṁdraviṣayaṁ śītāṁśusalilahradam

और्व की अग्नि से उत्पन्न उस माया से जलते हुए देवगण चंद्रमा के प्रदेश में, उनकी शीतल जलमय झील में शरण लेने लगे।

श्लोक 69 (padma.1.41.69)

ते दह्यमाना और्वेण वह्निना नष्टचेतसः। शशंसुर्वज्रिणं देवाः संतप्ताः शरणैषिणः।

te dahyamānā aurveṇa vahninā naṣṭacetasaḥ śaśaṁsurvajriṇaṁ devāḥ saṁtaptāḥ śaraṇaiṣiṇaḥ

और्व की अग्नि से जलते हुए, चेतनाशून्य होकर देवगण संतप्त होकर शरण चाहते हुए इंद्र से पुकार करने लगे।

श्लोक 70 (padma.1.41.70)

संतप्ते मायया सैन्ये हन्यमाने च दानवैः। चोदितो देवराजेन वरुणो वाक्यमब्रवीत्।

saṁtapte māyayā sainye hanyamāne ca dānavaiḥ codito devarājena varuṇo vākyamabravīt

जब माया से संतप्त सेना दानवों द्वारा मारी जा रही थी, तब देवराज से प्रेरित होकर वरुण ने यह वचन कहा --

श्लोक 71 (padma.1.41.71)

पुरा ब्रह्मर्षिजः शक्र तपस्तेपे सुदारुणम्। उर्वः स पूर्वं तेजस्वी सदृशो ब्रह्मणो गुणैः।

purā brahmarṣijaḥ śakra tapastepe sudāruṇam urvaḥ sa pūrvaṁ tejasvī sadṛśo brahmaṇo guṇaiḥ

पूर्वकाल में, हे शक्र, ब्रह्मर्षिकुल में उत्पन्न उर्व नामक एक तेजस्वी मुनि ने अत्यंत घोर तप किया था, जो गुणों में ब्रह्मा के समान थे।

श्लोक 72 (padma.1.41.72)

तं तपंतमिवादित्यं तपसा जगदव्ययं। उपतस्थुर्मुनिगणा देवा देवर्षिभिः सह।

taṁ tapaṁtamivādityaṁ tapasā jagadavyayaṁ upatasthurmunigaṇā devā devarṣibhiḥ saha

उन तप से तपते हुए, सूर्य जैसे, जगत् के लिए अव्यय उन मुनि के पास मुनिगण, देवता और देवर्षि सब उपस्थित हुए।

श्लोक 73 (padma.1.41.73)

हिरण्यकशिपुश्चैव दानवो दानवेश्वरः। ॠषिं विज्ञापयामास पुरा परमतेजसम्।

hiraṇyakaśipuścaiva dānavo dānaveśvaraḥ ṝṣiṁ vijñāpayāmāsa purā paramatejasam

और दानवेश्वर हिरण्यकशिपु ने भी पूर्वकाल में उस परम तेजस्वी ऋषि से विनयपूर्वक निवेदन किया।

श्लोक 74 (padma.1.41.74)

ऊचुर्ब्रह्मर्षयस्ते तु वचनं धर्मसंहितम्। ॠषिवंशेषु भगवंश्छिन्नमूलमिदं कुलं।

ūcurbrahmarṣayaste tu vacanaṁ dharmasaṁhitam ṝṣivaṁśeṣu bhagavaṁśchinnamūlamidaṁ kulaṁ

उन ब्रह्मर्षियों ने धर्मसंगत वचन कहा -- हे भगवन्, ऋषिवंशों में यह आपका कुल मूल से कट चुका है।

श्लोक 75 (padma.1.41.75)

एकस्त्वमनपत्यश्च गोत्रा याऽन्यो न विद्यते। कौमारं व्रतमास्थाय क्लेशमेवानुवर्तसे।

ekastvamanapatyaśca gotrā yā'nyo na vidyate kaumāraṁ vratamāsthāya kleśamevānuvartase

आप अकेले संतानरहित हैं, आपका कोई अन्य गोत्रज नहीं है; कौमार-व्रत का पालन करते हुए आप केवल क्लेश ही उठा रहे हैं।

श्लोक 76 (padma.1.41.76)

बहूनि विप्रगोत्राणि मुनीनां भावितात्मनाम्। एकदेहानि तिष्ठंति विविक्तानि विना प्रजाः।

bahūni vipragotrāṇi munīnāṁ bhāvitātmanām ekadehāni tiṣṭhaṁti viviktāni vinā prajāḥ

भावितात्मा मुनियों के अनेक विप्रगोत्र संतानरहित, एकाकी, पृथक्-पृथक् एक ही शरीर में सिमटे रह जाते हैं।

श्लोक 77 (padma.1.41.77)

एवंभूतेषु सर्वेषु पुत्रैर्मे नास्ति कारणम्। भवांश्च तापसश्रेष्ठः प्रजापति समद्युतिः।

evaṁbhūteṣu sarveṣu putrairme nāsti kāraṇam bhavāṁśca tāpasaśreṣṭhaḥ prajāpati samadyutiḥ

यह सब देखते हुए, हमारे पास पुत्रों के अतिरिक्त कोई उपाय नहीं है; आप तापसों में श्रेष्ठ, प्रजापति-सम तेजस्वी हैं।

श्लोक 78 (padma.1.41.78)

तत्प्रवर्तस्व वंशाय वर्धयात्मानमात्मना। समाधत्स्वोर्जितं तेजो द्वितीयां कुरु वै तनुं।

tatpravartasva vaṁśāya vardhayātmānamātmanā samādhatsvorjitaṁ tejo dvitīyāṁ kuru vai tanuṁ

इसलिए वंश के लिए प्रवृत्त हों, अपने-आप को अपने ही द्वारा बढ़ाएँ; अपने उत्कृष्ट तेज को समाहित कर दूसरा शरीर बनाएँ।

श्लोक 79 (padma.1.41.79)

स एवमुक्तो मुनिभिर्मुनिर्मनसि ताडितः। जगर्ह तानृषिगणान्वचनं चेदमब्रवीत्।

sa evamukto munibhirmunirmanasi tāḍitaḥ jagarha tānṛṣigaṇānvacanaṁ cedamabravīt

मुनियों द्वारा इस प्रकार कहे जाने पर वे मुनि मन में आहत होकर उन ऋषिगणों की निंदा करते हुए यह वचन बोले --

श्लोक 80 (padma.1.41.80)

यथा हि विहितो धर्मो मुनीनां शाश्वतः पुरा। आर्षं हि केवलं कर्म वन्यमूलफलाशिनः।

yathā hi vihito dharmo munīnāṁ śāśvataḥ purā ārṣaṁ hi kevalaṁ karma vanyamūlaphalāśinaḥ

जैसा मुनियों का सनातन धर्म पूर्वकाल से विहित है -- ऋषियों का केवल यही कर्म है कि वे वन्य मूल-फल खाकर रहें।

श्लोक 81 (padma.1.41.81)

ब्रह्मयोनौ प्रसूतस्य ब्राह्मणस्यात्मवर्तिनः। ब्रह्मचर्यं सुचरितं ब्रह्माणमपि चालयेत्।

brahmayonau prasūtasya brāhmaṇasyātmavartinaḥ brahmacaryaṁ sucaritaṁ brahmāṇamapi cālayet

ब्रह्मयोनि में उत्पन्न, आत्मसंयमी ब्राह्मण का सुआचरित ब्रह्मचर्य ब्रह्मा को भी हिला सकता है।

श्लोक 82 (padma.1.41.82)

जनानां वृत्तयस्तिस्रो ये गृहाश्रमवासिनः। अस्माकं च वने वृत्तिर्वनाश्रमनिवासिनां।

janānāṁ vṛttayastisro ye gṛhāśramavāsinaḥ asmākaṁ ca vane vṛttirvanāśramanivāsināṁ

गृहस्थाश्रमवासी लोगों की तीन वृत्तियाँ होती हैं; हम वनाश्रमवासियों की वृत्ति वन में ही है।

श्लोक 83 (padma.1.41.83)

अब्भक्षा वायुभक्षाश्च दंतोलूखलिनस्तथा। अश्मकुट्टादयो यत्र पंचाग्नितपसश्च ये।

abbhakṣā vāyubhakṣāśca daṁtolūkhalinastathā aśmakuṭṭādayo yatra paṁcāgnitapasaśca ye

जल भक्षण करने वाले, वायु भक्षण करने वाले, दाँतों को ओखली बनाने वाले, पत्थर से कूटकर खाने वाले, पंचाग्नि तप करने वाले --

श्लोक 84 (padma.1.41.84)

एते तपसि तिष्ठंतो व्रतैरपि सुदुश्चरैः। ब्रह्मचर्यं पुरस्कृत्य प्रार्थयंति परां गतिम्।

ete tapasi tiṣṭhaṁto vratairapi suduścaraiḥ brahmacaryaṁ puraskṛtya prārthayaṁti parāṁ gatim

ये सब अत्यंत दुष्कर व्रतों सहित तप में स्थित रहकर ब्रह्मचर्य को आगे रखकर परम गति की प्रार्थना करते हैं।

श्लोक 85 (padma.1.41.85)

ब्रह्मचर्याद्ब्रह्मणस्य ब्राह्मणत्वं विधीयते। एवमाहुः परे लोके ब्राह्मचर्यविदो जनाः।

brahmacaryādbrahmaṇasya brāhmaṇatvaṁ vidhīyate evamāhuḥ pare loke brāhmacaryavido janāḥ

ब्रह्मचर्य से ही ब्राह्मण का ब्राह्मणत्व विहित होता है -- ऐसा परलोक में ब्रह्मचर्य के ज्ञाता लोग कहते हैं।

श्लोक 86 (padma.1.41.86)

ब्रह्मचर्ये स्थितो धर्मो ब्रह्मचर्ये स्थितं तपः। ये स्थिता ब्रह्मचर्ये तु ब्राह्मणा दिवि ते स्थिताः।

brahmacarye sthito dharmo brahmacarye sthitaṁ tapaḥ ye sthitā brahmacarye tu brāhmaṇā divi te sthitāḥ

धर्म ब्रह्मचर्य में स्थित है, तप ब्रह्मचर्य में स्थित है; जो ब्रह्मचर्य में स्थित हैं, वे ब्राह्मण स्वर्ग में ही स्थित हैं।

श्लोक 87 (padma.1.41.87)

नास्ति योगं विना सिद्धिर्नास्ति योगं विना यशः। नास्ति लोके यशोमूलं ब्रह्मचर्यात्परंतपः।

nāsti yogaṁ vinā siddhirnāsti yogaṁ vinā yaśaḥ nāsti loke yaśomūlaṁ brahmacaryātparaṁtapaḥ

योग के बिना सिद्धि नहीं, योग के बिना यश नहीं; लोक में ब्रह्मचर्य से बढ़कर यश का मूल नहीं है, हे परंतप।

श्लोक 88 (padma.1.41.88)

यो निगृह्येंद्रियग्रामं भूतग्रामं च पंचकम्। ब्रह्मचर्यं समाधत्ते किमतः परमं तपः।

yo nigṛhyeṁdriyagrāmaṁ bhūtagrāmaṁ ca paṁcakam brahmacaryaṁ samādhatte kimataḥ paramaṁ tapaḥ

जो इंद्रियों के समूह और पंचभूतों के समूह को नियंत्रित कर ब्रह्मचर्य धारण करता है, उससे बढ़कर तप और क्या है?

श्लोक 89 (padma.1.41.89)

अयोगकेशधरणमसंकल्प व्रत क्रिया। अब्रह्मचर्या चर्या च त्रयं स्याद्दंभसंज्ञितं।

ayogakeśadharaṇamasaṁkalpa vrata kriyā abrahmacaryā caryā ca trayaṁ syāddaṁbhasaṁjñitaṁ

बिना योग के जटा धारण करना, बिना संकल्प के व्रत-क्रिया करना, और ब्रह्मचर्य के बिना आचरण -- ये तीनों दंभ कहलाते हैं।

श्लोक 90 (padma.1.41.90)

क्व दाराः क्व च संयोगः क्व च भावविपर्ययः। नन्वियं ब्रह्मणा सृष्टा मनसा मानसी प्रजा।

kva dārāḥ kva ca saṁyogaḥ kva ca bhāvaviparyayaḥ nanviyaṁ brahmaṇā sṛṣṭā manasā mānasī prajā

पत्नी कहाँ, संयोग कहाँ, और स्वभाव का यह विपर्यय कहाँ? क्या यह मानसी प्रजा ब्रह्मा ने मन से नहीं रची थी?

श्लोक 91 (padma.1.41.91)

यद्यस्ति तपसो वीर्यं युष्माकं विजितात्मनाम्। सृजध्वं मानसान्पुत्रान्प्राजापत्येन कर्मणा।

yadyasti tapaso vīryaṁ yuṣmākaṁ vijitātmanām sṛjadhvaṁ mānasānputrānprājāpatyena karmaṇā

यदि तुम विजितात्माओं में तप का बल है, तो प्राजापत्य कर्म से मानस पुत्रों को रचो।

श्लोक 92 (padma.1.41.92)

मनसा निर्मिता योनिराधातव्या तपस्विभिः। नो दारयोगं बीजं च व्रतमुक्तं तपस्विनां।

manasā nirmitā yonirādhātavyā tapasvibhiḥ no dārayogaṁ bījaṁ ca vratamuktaṁ tapasvināṁ

मन से रचित योनि ही तपस्वियों द्वारा धारण की जानी चाहिए; पत्नी-संयोग और बीज तपस्वियों का व्रत नहीं है।

श्लोक 93 (padma.1.41.93)

यदिदं लुप्तधर्माख्यं युष्माभिरिह निर्भयैः। व्याहृतं सद्भिरत्यर्थमसद्भिरिव संमतं।

yadidaṁ luptadharmākhyaṁ yuṣmābhiriha nirbhayaiḥ vyāhṛtaṁ sadbhiratyarthamasadbhiriva saṁmataṁ

यह जो लुप्त-धर्म नामक बात तुमने यहाँ निर्भय होकर कही है, वह सज्जनों को अत्यंत असंगत लगती है, मानो दुर्जनों को ही मान्य हो।

श्लोक 94 (padma.1.41.94)

वपुर्दीप्तांतरात्मानमेष कृत्वा मनोमयं। दारयोगं विना स्रक्ष्ये पुत्रमात्मतनूरुहं।

vapurdīptāṁtarātmānameṣa kṛtvā manomayaṁ dārayogaṁ vinā srakṣye putramātmatanūruhaṁ

इस दीप्त अंतरात्मा शरीर को मनोमय बनाकर, मैं पत्नी-संयोग के बिना, अपने ही शरीर से उत्पन्न पुत्र को रचूँगा।

श्लोक 95 (padma.1.41.95)

एवमात्मानमात्मा मे द्वितीयं जनयिष्यति। प्राजापत्येन विधिना दिधक्षंतमिव प्रजाः।

evamātmānamātmā me dvitīyaṁ janayiṣyati prājāpatyena vidhinā didhakṣaṁtamiva prajāḥ

इस प्रकार मेरी ही आत्मा मेरे दूसरे आत्मा को जन्म देगी, प्राजापत्य विधि से, मानो प्रजाओं को जलाने की इच्छा वाला।

श्लोक 96 (padma.1.41.96)

वरुण उवाच। उर्वस्तु तपसाविष्टो निवेश्योरुं हुताशने। ममंथैकेन दर्भेण पुत्रस्य प्रसवारणिं।

varuṇa uvāca urvastu tapasāviṣṭo niveśyoruṁ hutāśane mamaṁthaikena darbheṇa putrasya prasavāraṇiṁ

वरुण ने कहा -- उर्व, तप में लीन होकर, जांघ को अग्नि में रखकर, एक कुशा से पुत्र-उत्पत्ति की अरणि मथने लगे।

श्लोक 97 (padma.1.41.97)

तस्योरुं सहसा भित्वा वरोऽसौ ह्यग्निरुत्थितः। जगतो दहनाकांक्षी पुत्रोग्निस्समपद्यत।

tasyoruṁ sahasā bhitvā varo'sau hyagnirutthitaḥ jagato dahanākāṁkṣī putrognissamapadyata

उनकी जांघ को अचानक भेदकर वह श्रेष्ठ अग्नि उत्पन्न हुई; जगत् को जलाने की कामना करने वाला अग्निपुत्र प्रकट हुआ।

श्लोक 98 (padma.1.41.98)

उर्वस्योरुं विनिर्भिद्य और्वो नामांतकोऽनलः। दिधक्षुरिव लोकांस्त्रीन्जज्ञे परमकोपनः।

urvasyoruṁ vinirbhidya aurvo nāmāṁtako'nalaḥ didhakṣuriva lokāṁstrīnjajñe paramakopanaḥ

उर्व की जांघ को भेदकर और्व नामक अंतक-सम वह अग्नि उत्पन्न हुआ, मानो तीनों लोकों को जलाने की इच्छा वाला, अत्यंत क्रोधी।

श्लोक 99 (padma.1.41.99)

उत्पद्यमानश्चोवाच पितरं दीनया गिरा। क्षुधा मे बाधते तात जगद्भक्षेत्यजस्व मां।

utpadyamānaścovāca pitaraṁ dīnayā girā kṣudhā me bādhate tāta jagadbhakṣetyajasva māṁ

उत्पन्न होते ही उसने दीन वाणी में पिता से कहा -- हे तात, मुझे भूख सताती है, मुझे जगत् भक्षण करने दो, मुझे छोड़ दो।

श्लोक 100 (padma.1.41.100)

त्रिदिवारोहिभिर्ज्वालैर्जृम्भमाणो दिशो दश। निर्दहन्सर्वभूतानि ववृधे सोंतकोपमः।

tridivārohibhirjvālairjṛmbhamāṇo diśo daśa nirdahansarvabhūtāni vavṛdhe soṁtakopamaḥ

स्वर्ग तक उठती ज्वालाओं से दसों दिशाओं में मुँह फैलाते हुए, सब भूतों को जलाते हुए वह अंतक-सम बढ़ने लगा।

श्लोक 101 (padma.1.41.101)

एतस्मिन्नंतरे ब्रह्मा मुनिमुर्वं समागतः। उवाच वार्यतां पुत्रो जगतस्त्वं दयां कुरु।

etasminnaṁtare brahmā munimurvaṁ samāgataḥ uvāca vāryatāṁ putro jagatastvaṁ dayāṁ kuru

इसी बीच ब्रह्मा मुनि उर्व के पास पहुँचे और बोले -- पुत्र को रोको, जगत् पर दया करो।

श्लोक 102 (padma.1.41.102)

अस्यापत्पस्यते विप्र करिष्ये साह्यमुत्तमं। तथ्यमेतद्वचः पुत्र शृणु त्वं वदतां वर।

asyāpatpasyate vipra kariṣye sāhyamuttamaṁ tathyametadvacaḥ putra śṛṇu tvaṁ vadatāṁ vara

हे विप्र, मैं इसकी विपत्ति देखूँगा, उत्तम सहायता करूँगा; हे पुत्र, यह सत्य वचन है, हे वक्ताओं में श्रेष्ठ, सुनो।

श्लोक 103 (padma.1.41.103)

और्व उवाच। धन्योस्म्यनुगृहीतोस्मि यन्मे त्वं भगवन्शिशोः। मतिमेतां ददासीह परमात्मन्हिताय वै।

aurva uvāca dhanyosmyanugṛhītosmi yanme tvaṁ bhagavanśiśoḥ matimetāṁ dadāsīha paramātmanhitāya vai

और्व ने कहा -- मैं धन्य हूँ, अनुगृहीत हूँ, हे भगवन्, कि आप शिशु मुझे यह मति यहाँ हित के लिए देते हैं, हे परमात्मन्।

श्लोक 104 (padma.1.41.104)

प्रभातकाले संप्राप्ते कांक्षितव्ये समागमे। भगवंस्तर्पितः पुत्रः कैर्हव्यैः प्राप्स्यते सुखम्।

prabhātakāle saṁprāpte kāṁkṣitavye samāgame bhagavaṁstarpitaḥ putraḥ kairhavyaiḥ prāpsyate sukham

प्रभातकाल के आने पर, वांछित संगम होने पर, हे भगवन्, तृप्त पुत्र किन हविष्यों से सुख पाएगा?

श्लोक 105 (padma.1.41.105)

कुत्र चास्य निवासः स्याद्भोजनं तु किमात्मकम्। विधास्यतीह भगवान्वीर्यतुल्यं महौजसः।

kutra cāsya nivāsaḥ syādbhojanaṁ tu kimātmakam vidhāsyatīha bhagavānvīryatulyaṁ mahaujasaḥ

और इसका निवास कहाँ हो, भोजन क्या हो? हे प्रभु, महान् ओज वाले इसके वीर्य के तुल्य ही यह व्यवस्था कीजिए।

श्लोक 106 (padma.1.41.106)

ब्रह्मोवाच। बडवामुखे च वसतिः समुद्रे वै भविष्यति। ममयोनिर्जलं विप्र तच्चामेयं व्रजत्वयं।

brahmovāca baḍavāmukhe ca vasatiḥ samudre vai bhaviṣyati mamayonirjalaṁ vipra taccāmeyaṁ vrajatvayaṁ

ब्रह्मा ने कहा -- बडवामुख में, समुद्र में ही इसका निवास होगा; हे विप्र, जल मेरी ही योनि है, वह अपरिमेय स्थान इसे प्राप्त हो।

श्लोक 107 (padma.1.41.107)

तत्राऽयमास्ते नियतं पिबन्वारिमयं हविः। तद्वारिविस्तरं विप्र विसृजाम्यालयं च तम्।

tatrā'yamāste niyataṁ pibanvārimayaṁ haviḥ tadvārivistaraṁ vipra visṛjāmyālayaṁ ca tam

वहाँ यह सदा जलमय हविष्य पीता हुआ रहेगा; हे विप्र, वह विस्तृत जल और वह निवास मैं इसे प्रदान करता हूँ।

श्लोक 108 (padma.1.41.108)

ततो युगांते भूतानामेष चाहं च पुत्रक। सहितो विचरिष्यावो निष्पुराणकराविह।

tato yugāṁte bhūtānāmeṣa cāhaṁ ca putraka sahito vicariṣyāvo niṣpurāṇakarāviha

फिर युगांत में समस्त प्राणियों का, यह और मैं दोनों मिलकर, पुराने क्रम को समाप्त करने वाले, विचरण करेंगे, हे पुत्रक।

श्लोक 109 (padma.1.41.109)

एषोग्निरंतकाले तु सलिलाशी मया कृतः। दहनः सर्वभूतानां सदेवासुररक्षसाम्।

eṣogniraṁtakāle tu salilāśī mayā kṛtaḥ dahanaḥ sarvabhūtānāṁ sadevāsurarakṣasām

यह अग्नि, अंतकाल में मेरे द्वारा जलपायी बनाया गया, देव-असुर-राक्षसों सहित समस्त प्राणियों का नाशक होगा।

श्लोक 110 (padma.1.41.110)

एवमस्त्विति तं सोग्निः संवृतज्वालमंडलः। प्रविवेशार्णवमुखं नत्वोर्वं पितरं प्रभुम्।

evamastviti taṁ sogniḥ saṁvṛtajvālamaṁḍalaḥ praviveśārṇavamukhaṁ natvorvaṁ pitaraṁ prabhum

'तथास्तु' कहकर वह अग्नि, अपनी ज्वालामंडली को समेटकर, पिता प्रभु उर्व को प्रणाम कर समुद्र के मुख में प्रविष्ट हो गई।

श्लोक 111 (padma.1.41.111)

प्रतियातस्ततो ब्रह्मा ते च सर्वे महर्षयः। और्वस्याग्नेः प्रभावज्ञाः स्वांस्वां गतिमुपागताः।

pratiyātastato brahmā te ca sarve maharṣayaḥ aurvasyāgneḥ prabhāvajñāḥ svāṁsvāṁ gatimupāgatāḥ

फिर ब्रह्मा और वे सभी महर्षि, और्व की अग्नि के प्रभाव को जानकर, अपने-अपने स्थान को लौट गए।

श्लोक 112 (padma.1.41.112)

हिरण्यकशिपुर्दृष्ट्वा तदा तन्महदद्भुतम्। उर्वं प्रणतसर्वांगो वाक्यमेतदुवाच ह।

hiraṇyakaśipurdṛṣṭvā tadā tanmahadadbhutam urvaṁ praṇatasarvāṁgo vākyametaduvāca ha

हिरण्यकशिपु ने उस महान् आश्चर्य को देखकर, सर्वांग से उर्व को प्रणाम कर यह वचन कहा --

श्लोक 113 (padma.1.41.113)

भगवन्नद्भुतमिदं संवृत्तं लोकसाक्षिकम्। तपसा ते मुनिश्रेष्ठ परितुष्टः पितामहः।

bhagavannadbhutamidaṁ saṁvṛttaṁ lokasākṣikam tapasā te muniśreṣṭha parituṣṭaḥ pitāmahaḥ

हे भगवन्, यह अद्भुत घटना लोक-साक्षी होकर घटी है; आपके तप से, हे मुनिश्रेष्ठ, पितामह अत्यंत संतुष्ट हुए हैं।

श्लोक 114 (padma.1.41.114)

अहं तु तव पुत्रस्य तव चैव महाव्रत। भृत्य इत्यवगंतव्यः श्लाघ्यस्त्वमिह कर्मणा।

ahaṁ tu tava putrasya tava caiva mahāvrata bhṛtya ityavagaṁtavyaḥ ślāghyastvamiha karmaṇā

मैं आपके पुत्र का और आपका ही, हे महाव्रत, सेवक समझा जाऊँ; आप कर्म से यहाँ प्रशंसनीय हैं।

श्लोक 115 (padma.1.41.115)

तन्मां पश्य समापन्नं तवैवाराधने रतम्। यदि सीदेन्मुनिश्रेष्ठ तवै वस्यात्पराजयः।

tanmāṁ paśya samāpannaṁ tavaivārādhane ratam yadi sīdenmuniśreṣṭha tavai vasyātparājayaḥ

इसलिए मुझे आपकी ही आराधना में तत्पर समझें; यदि यह क्षीण हो, हे मुनिश्रेष्ठ, तो पराजय आपकी ही होगी।

श्लोक 116 (padma.1.41.116)

उर्व उवाच। धन्योस्म्यनुगृहीतोस्मि यस्य तेऽहं गुरुर्मतः। नास्ति ते तपसानेन भयं चैवेह सुव्रत।

urva uvāca dhanyosmyanugṛhītosmi yasya te'haṁ gururmataḥ nāsti te tapasānena bhayaṁ caiveha suvrata

उर्व ने कहा -- मैं धन्य हूँ, अनुगृहीत हूँ, कि तुम मुझे गुरु मानते हो; हे सुव्रत, इस तप से तुम्हें कोई भय नहीं है।

श्लोक 117 (padma.1.41.117)

तामेव मायां गृह्णीष्व मम पुत्रेण निर्मिताम्। निरिंधिनामग्निमयीं दुःस्पर्शां पावकैरपि।

tāmeva māyāṁ gṛhṇīṣva mama putreṇa nirmitām niriṁdhināmagnimayīṁ duḥsparśāṁ pāvakairapi

मेरे पुत्र द्वारा रची गई वह माया ग्रहण करो -- अग्निरहित होते हुए भी अग्निमय, अग्नि के लिए भी दुःस्पर्श।

श्लोक 118 (padma.1.41.118)

एषा ते स्वस्य वंशस्य वशगारि विनिग्रहे। रक्षिष्यत्यात्मपक्षं च विपक्षं च प्रधक्ष्यति।

eṣā te svasya vaṁśasya vaśagāri vinigrahe rakṣiṣyatyātmapakṣaṁ ca vipakṣaṁ ca pradhakṣyati

यह तुम्हारे वंश के वश में होकर शत्रु के दमन में सहायक होगी; अपने पक्ष की रक्षा करेगी और विपक्ष को भस्म कर देगी।

श्लोक 119 (padma.1.41.119)

वरुण उवाच। एषा दुर्विषहा माया देवैरपि दुरासदा। और्वेण निर्मिता पूर्वं पावकेनोर्वसूनुना।

varuṇa uvāca eṣā durviṣahā māyā devairapi durāsadā aurveṇa nirmitā pūrvaṁ pāvakenorvasūnunā

वरुण ने कहा -- यह दुर्विषह माया देवताओं के लिए भी दुर्लभ है, जो पूर्वकाल में उर्वपुत्र और्व अग्नि द्वारा रची गई थी।

श्लोक 120 (padma.1.41.120)

तस्मिंस्तु व्यथिते दैत्ये निर्वीर्यैषा न संशयः। शापो ह्यस्याः पुरा दत्तः सृष्टा येनैव तेजसा।

tasmiṁstu vyathite daitye nirvīryaiṣā na saṁśayaḥ śāpo hyasyāḥ purā dattaḥ sṛṣṭā yenaiva tejasā

उस दैत्य के व्यथित हो जाने पर यह निर्बल हो जाएगी, इसमें संशय नहीं; क्योंकि जिस तेज ने इसे रचा, उसी ने पूर्वकाल में इसे शाप भी दिया था।

श्लोक 121 (padma.1.41.121)

यद्येषा प्रतिहंतव्या कर्तव्यो भगवान्सुखी। दीयतां मे सखो शक्र तोययोनिर्निशाकरः।

yadyeṣā pratihaṁtavyā kartavyo bhagavānsukhī dīyatāṁ me sakho śakra toyayonirniśākaraḥ

यदि इसे रोकना हो और भगवान् को सुखी करना हो, तो हे मित्र शक्र, मुझे जलजन्मा चंद्रमा दे दो।

श्लोक 122 (padma.1.41.122)

तेनाहं सहसं गम्य यादोभिश्च समावृतः। मायामेतां हनिष्यामि त्वत्प्रसादान्न संशयः।

tenāhaṁ sahasaṁ gamya yādobhiśca samāvṛtaḥ māyāmetāṁ haniṣyāmi tvatprasādānna saṁśayaḥ

उसके साथ शीघ्र जाकर, जलचरों से घिरकर, मैं तुम्हारे प्रसाद से निःसंदेह इस माया का नाश कर दूँगा।

श्लोक 123 (padma.1.41.123)

एवमस्त्वितिसंहृष्टः शक्रस्त्रिदशवर्धनः। संदिदेशाग्रतः सोमं युद्धाय शिशिरायुधम्।

evamastvitisaṁhṛṣṭaḥ śakrastridaśavardhanaḥ saṁdideśāgrataḥ somaṁ yuddhāya śiśirāyudham

'तथास्तु' कहकर देवताओं को बढ़ाने वाले संतुष्ट शक्र ने युद्ध के लिए हिमास्त्रधारी सोम को आगे भेजा।

श्लोक 124 (padma.1.41.124)

गच्छ सोम सहायन्त्वं कुरु पाशधरस्य वै। असुराणां विनाशाय जयार्थं त्रिदिवौकसाम्।

gaccha soma sahāyantvaṁ kuru pāśadharasya vai asurāṇāṁ vināśāya jayārthaṁ tridivaukasām

जाओ, हे सोम, तुम पाशधारी (वरुण) के सहायक बनो, असुरों के विनाश और स्वर्गवासियों की विजय के लिए।

श्लोक 125 (padma.1.41.125)

त्वं मतः प्रतिवीर्यश्च ज्योतिषामपि चेश्वरः। त्वन्मयान्सर्वलोकेषु रसान्वेदविदो विदुः।

tvaṁ mataḥ prativīryaśca jyotiṣāmapi ceśvaraḥ tvanmayānsarvalokeṣu rasānvedavido viduḥ

तुम प्रतिवीर्यशाली और ज्योतियों के भी स्वामी माने जाते हो; वेदविदों को ज्ञात है कि सब लोकों में रस तुम्हारे ही रूप हैं।

श्लोक 126 (padma.1.41.126)

त्वया समो न लोकेस्मिन्विद्यते शिशिरायुधः। क्षयवृद्धीतवाव्यक्तेसागरेचैवचांबरे।

tvayā samo na lokesminvidyate śiśirāyudhaḥ kṣayavṛddhītavāvyaktesāgarecaivacāṁbare

तुम्हारे समान इस लोक में कोई हिमास्त्रधारी नहीं है; तुम्हारा क्षय-वृद्धि समुद्र और आकाश दोनों में स्पष्ट प्रकट होता है।

श्लोक 127 (padma.1.41.127)

प्रवर्तयस्यहोरात्रात्कालं संमोहयन्जगत्। लोकच्छायामयं लक्ष्म तवांकः शशविग्रहः।

pravartayasyahorātrātkālaṁ saṁmohayanjagat lokacchāyāmayaṁ lakṣma tavāṁkaḥ śaśavigrahaḥ

तुम रात-दिन काल को प्रवर्तित करते हो, जगत् को मोहित करते हो; तुम्हारे लक्षण, लोक की छायामय शश-आकृति है।

श्लोक 128 (padma.1.41.128)

न विदुः सोम ते मायां ये च नक्षत्रयोनयः। त्वमादित्यपथादूर्ध्वं ज्योतिषां चोपरिस्थितः।

na viduḥ soma te māyāṁ ye ca nakṣatrayonayaḥ tvamādityapathādūrdhvaṁ jyotiṣāṁ coparisthitaḥ

हे सोम, तुम्हारी माया को नक्षत्रों के उद्गम स्रोत भी नहीं जानते; तुम सूर्यमार्ग से ऊपर, ज्योतियों के भी ऊपर स्थित हो।

श्लोक 129 (padma.1.41.129)

तमः प्रोत्सार्य सहसा भासयस्यखिलं जगत्। शीतभानुर्हिमतनुर्ज्योतिषामधिपः शशी।

tamaḥ protsārya sahasā bhāsayasyakhilaṁ jagat śītabhānurhimatanurjyotiṣāmadhipaḥ śaśī

अंधकार को शीघ्र हटाकर तुम संपूर्ण जगत् को प्रकाशित करते हो -- शीतरश्मि, हिमशरीर, ज्योतियों के अधिपति शशि।

श्लोक 130 (padma.1.41.130)

अपि तत्कालयोगात्मा इज्यो यज्ञरथोऽव्ययः। ओषधीशः क्रियायोनिरपां योनिरनुष्णगुः।

api tatkālayogātmā ijyo yajñaratho'vyayaḥ oṣadhīśaḥ kriyāyonirapāṁ yoniranuṣṇaguḥ

तुम काल-योग से युक्त आत्मा, पूज्य, अव्यय यज्ञरथ हो; तुम ओषधियों के स्वामी, क्रिया की योनि, जल की योनि, अनुष्ण किरण वाले हो।

श्लोक 131 (padma.1.41.131)

शीतांशुरमृताधारश्चपलः श्वेतवाहनः। त्वं कांतिः कांतवपुषां त्वं सोमः सोमपायिनाम्।

śītāṁśuramṛtādhāraścapalaḥ śvetavāhanaḥ tvaṁ kāṁtiḥ kāṁtavapuṣāṁ tvaṁ somaḥ somapāyinām

शीतांशु, अमृत के आधार, चंचल, श्वेत वाहन वाले -- तुम सुंदरों की कांति हो, तुम सोमपायियों के सोम हो।

श्लोक 132 (padma.1.41.132)

सौम्यस्त्वं सर्वभूतानां तिमिरघ्नस्त्वमृक्षराट्। तद्गच्छ त्वं महासेन वरुणेन वरूथिना।

saumyastvaṁ sarvabhūtānāṁ timiraghnastvamṛkṣarāṭ tadgaccha tvaṁ mahāsena varuṇena varūthinā

तुम सब प्राणियों के सौम्य हो, तुम तिमिरनाशक, नक्षत्रों के राजा हो। इसलिए, हे महासेनापति, वरुण की सेना सहित जाओ,

श्लोक 133 (padma.1.41.133)

शमयस्वासुरीं मायां यया दह्यामहे रणे। सोम उवाच। यन्मां वदसि युद्धार्थं देवराजवरप्रद।

śamayasvāsurīṁ māyāṁ yayā dahyāmahe raṇe soma uvāca yanmāṁ vadasi yuddhārthaṁ devarājavaraprada

और उस आसुरी माया को शांत करो जिससे हम युद्ध में जल रहे हैं। सोम ने कहा -- हे देवराज, वरदाता, तुम युद्ध के लिए जो मुझसे कहते हो,

श्लोक 134 (padma.1.41.134)

एष वर्षामि शिशिरं दैत्यमायापकर्षणं। एतान्मे शीतनिर्दग्धान्पश्यस्व हिमवेष्टितान्।

eṣa varṣāmi śiśiraṁ daityamāyāpakarṣaṇaṁ etānme śītanirdagdhānpaśyasva himaveṣṭitān

मैं यह शीतल वर्षा करूँगा, जो दैत्य-माया को हटाने वाली होगी; इन्हें, हिम से जले, बर्फ से लिपटे देखो।

श्लोक 135 (padma.1.41.135)

तथा हिमकरोत्सृष्टाः सपाशा हिमवृष्टयः। वेष्टयंति च तान्दैत्यान्वायुर्मेघगणानिव।

tathā himakarotsṛṣṭāḥ sapāśā himavṛṣṭayaḥ veṣṭayaṁti ca tāndaityānvāyurmeghagaṇāniva

इस प्रकार हिमकर द्वारा छोड़ी गई, पाशों सहित हिमवृष्टि उन दैत्यों को घेरने लगी, मानो वायु मेघसमूहों को।

श्लोक 136 (padma.1.41.136)

तौ पाशशीतांशुधरौ वरुणेंदू महाबलौ। जघ्नतुर्हिमपातैश्च पाशपातैश्च दानवान्।

tau pāśaśītāṁśudharau varuṇeṁdū mahābalau jaghnaturhimapātaiśca pāśapātaiśca dānavān

पाश और शीतकिरण धारण करने वाले वे दोनों महाबली वरुण और चंद्र, हिमपात और पाशपात से दानवों को मारने लगे।

श्लोक 137 (padma.1.41.137)

द्वावंबुनाथौ समरे तौ पाशहिमयोधिनौ। मृधे चेरतुरंभोभिः क्षुब्धाविव महार्णवौ।

dvāvaṁbunāthau samare tau pāśahimayodhinau mṛdhe ceraturaṁbhobhiḥ kṣubdhāviva mahārṇavau

पाश और हिम से युद्ध करते हुए वे दोनों जलपति समर में विचरण करने लगे, मानो दो क्षुब्ध महासमुद्र अपनी लहरों से।

श्लोक 138 (padma.1.41.138)

ताभ्यामापूरितं सर्वं तद्दानवबलं महत्। जगत्संवर्त्तकांभोदैः प्रवर्षैरिव संवृतं।

tābhyāmāpūritaṁ sarvaṁ taddānavabalaṁ mahat jagatsaṁvarttakāṁbhodaiḥ pravarṣairiva saṁvṛtaṁ

उन दोनों से वह विशाल दानवसेना पूर्णतः आवृत हो गई, मानो युगांत के मेघों की वर्षा से ढकी हुई।

श्लोक 139 (padma.1.41.139)

तावुद्यतावंबुनाथौ शशांकवरुणावुभौ। शमयामासतुस्तां तु मायां दैत्येन्द्रनिर्मितां।

tāvudyatāvaṁbunāthau śaśāṁkavaruṇāvubhau śamayāmāsatustāṁ tu māyāṁ daityendranirmitāṁ

उन दोनों उद्यत जलपतियों, चंद्र और वरुण ने, दैत्येंद्र द्वारा रची उस माया को शांत कर दिया।

श्लोक 140 (padma.1.41.140)

शीतांशुजालनिर्दग्धाः पाशैश्चास्कंदिता रणे। न शेकुश्चलितुं दैत्या विशिरस्का इवाद्रयः।

śītāṁśujālanirdagdhāḥ pāśaiścāskaṁditā raṇe na śekuścalituṁ daityā viśiraskā ivādrayaḥ

शीतकिरणजाल से जले और युद्ध में पाशों से बाँधे गए दैत्य हिल न सके, मानो शिखररहित पर्वत।

श्लोक 141 (padma.1.41.141)

शीतांशु निहतास्ते तु दैत्यास्सर्वे निपातिताः। हिमप्लावित सर्वांगानिरूष्माण इवाग्नयः।

śītāṁśu nihatāste tu daityāssarve nipātitāḥ himaplāvita sarvāṁgānirūṣmāṇa ivāgnayaḥ

शीतकिरण द्वारा मारे गए वे सभी दैत्य गिर पड़े, उनके सारे अंग हिम से भीगे हुए, मानो ऊष्माहीन अग्नियाँ।

श्लोक 142 (padma.1.41.142)

तेषां तु दिवि दैत्यानां निपतंति शुभानि वै। विमानानि विचित्राणि निपतंत्युत्पतंति च।

teṣāṁ tu divi daityānāṁ nipataṁti śubhāni vai vimānāni vicitrāṇi nipataṁtyutpataṁti ca

उन दैत्यों के आकाश में विचित्र, शुभ विमान गिरने और उठने लगे।

श्लोक 143 (padma.1.41.143)

तान्पाशहस्तग्रथितान्छादितान्शीतरश्मिभिः। मयो ददर्श मायावी दानवान्दिवि दानवः।

tānpāśahastagrathitānchāditānśītaraśmibhiḥ mayo dadarśa māyāvī dānavāndivi dānavaḥ

पाशों में हाथों सहित बँधे, शीतकिरणों से आच्छादित उन दानवों को मायावी दानव मय ने आकाश में देखा।

श्लोक 144 (padma.1.41.144)

सशैलजालां विततां खड्गपट्टसहासिनीम्। पादपोत्करकूटस्थां कंदराकीर्णकाननां।

saśailajālāṁ vitatāṁ khaḍgapaṭṭasahāsinīm pādapotkarakūṭasthāṁ kaṁdarākīrṇakānanāṁ

पर्वतों के जाल से विस्तृत, तलवारों की झंकार से हँसती हुई, वृक्षों के समूहों के शिखर पर स्थित, गुफाओं से भरे वन वाली,

श्लोक 145 (padma.1.41.145)

सिंहव्याघ्रगणाकीर्णां नदद्भिर्देवयूथपैः। ईहामृगगणाकीर्णां पवनाघूर्णितद्द्रुमाम्।

siṁhavyāghragaṇākīrṇāṁ nadadbhirdevayūthapaiḥ īhāmṛgagaṇākīrṇāṁ pavanāghūrṇitaddrumām

सिंह-व्याघ्रगणों से भरी, गरजते देवयूथपतियों-सी, वन्य मृगों के समूहों से भरी, वायु से हिलते वृक्षों वाली,

श्लोक 146 (padma.1.41.146)

निर्मितां स्वेन पुत्रेण कूजंतीं दिविकामगां। प्रथितां पार्वतीं मायां ससृजे स समंततः।

nirmitāṁ svena putreṇa kūjaṁtīṁ divikāmagāṁ prathitāṁ pārvatīṁ māyāṁ sasṛje sa samaṁtataḥ

अपने पुत्र द्वारा रची गई, कूजती हुई, आकाश में विचरण करती वह प्रसिद्ध पार्वती-माया उसने चारों ओर रच दी।

श्लोक 147 (padma.1.41.147)

सासिशब्दैश्शिलावर्षैः संपतद्भिश्च पादपैः। जघान देवसंघांस्ते दानवानभ्यजीवयत्।

sāsiśabdaiśśilāvarṣaiḥ saṁpatadbhiśca pādapaiḥ jaghāna devasaṁghāṁste dānavānabhyajīvayat

तलवारों की आवाज़, शिलाओं की वर्षा और गिरते वृक्षों से उसने देवसमूहों को मारा और दानवों को पुनर्जीवित किया।

श्लोक 148 (padma.1.41.148)

नैशाकरी वारुणी च माये अंतर्हिते तदा। अभवद्घोरसंचारा पृथिवी पर्वतैरिव।

naiśākarī vāruṇī ca māye aṁtarhite tadā abhavadghorasaṁcārā pṛthivī parvatairiva

चंद्र और वरुण की मायाओं के अंतर्हित हो जाने पर, पृथ्वी मानो पर्वतों से भयंकर संचार वाली हो गई।

श्लोक 149 (padma.1.41.149)

न चारुद्धो द्रुमगणैर्देवो दृश्यत कश्चन। तदपध्वस्तधनुषं भग्नप्रहरणाविलम्।

na cāruddho drumagaṇairdevo dṛśyata kaścana tadapadhvastadhanuṣaṁ bhagnapraharaṇāvilam

वृक्षसमूहों से घिरा हुआ कोई भी देव दिखाई नहीं दे रहा था; तब वह धनुष टूटी, शस्त्रहीन, विकल,

श्लोक 150 (padma.1.41.150)

निष्प्रयत्नं सुरानीकं वर्जयित्वा गदाधरं। स हि युद्धगतः श्रीमानीशो न स्म व्यकंपत।

niṣprayatnaṁ surānīkaṁ varjayitvā gadādharaṁ sa hi yuddhagataḥ śrīmānīśo na sma vyakaṁpata

निरुद्यम देवसेना, गदाधारी को छोड़कर -- क्योंकि वे युद्धरत श्रीमान् ईश किंचित् भी नहीं कँपे।

श्लोक 151 (padma.1.41.151)

सहिष्णुत्वाज्जगत्स्वामी न चुक्रोध गदाधरः। कालज्ञः कालमेघाभः समीक्षन्कालमाहवे।

sahiṣṇutvājjagatsvāmī na cukrodha gadādharaḥ kālajñaḥ kālameghābhaḥ samīkṣankālamāhave

सहनशीलता के कारण जगत्स्वामी गदाधारी क्रुद्ध नहीं हुए; काल के ज्ञाता, काले मेघ-सम, युद्ध में समय की प्रतीक्षा करते हुए,

श्लोक 152 (padma.1.41.152)

देवासुरविमर्दं च द्रष्टुकामस्तदा हरिः। ततो भगवतादिष्टौ रणे पावकमारुतौ।

devāsuravimardaṁ ca draṣṭukāmastadā hariḥ tato bhagavatādiṣṭau raṇe pāvakamārutau

देव-असुर संघर्ष देखने की इच्छा से हरि प्रतीक्षा कर रहे थे। तब भगवान् की आज्ञा से युद्ध में अग्नि और वायु,

श्लोक 153 (padma.1.41.153)

चोदितौ विष्णुवाक्येन ततो मायां व्यकर्षतां। ताभ्यामुद्भ्रांतवेगाभ्यां प्रबुद्धाभ्यां महाहवे।

coditau viṣṇuvākyena tato māyāṁ vyakarṣatāṁ tābhyāmudbhrāṁtavegābhyāṁ prabuddhābhyāṁ mahāhave

विष्णु के वचन से प्रेरित होकर उस माया को चीरने लगे; उन दोनों वेगोन्मत्त, जागृत ने उस महायुद्ध में,

श्लोक 154 (padma.1.41.154)

दग्धा सा पार्वती माया भस्मीभूता ननाश ह। सोनिलोनलसंयुक्तस्सोनलश्चानिलाकुलः।

dagdhā sā pārvatī māyā bhasmībhūtā nanāśa ha sonilonalasaṁyuktassonalaścānilākulaḥ

वह पार्वती-माया जलकर भस्म होकर नष्ट हो गई। वायु से युक्त अग्नि और अग्नि से व्याप्त वायु ने,

श्लोक 155 (padma.1.41.155)

दैत्यसेनां ददहतुर्युगांतेष्विव मूर्च्छितौ। वायुः प्रजवितस्तत्र पश्चादग्निश्च मारुतात्।

daityasenāṁ dadahaturyugāṁteṣviva mūrcchitau vāyuḥ prajavitastatra paścādagniśca mārutāt

युगांत में मानो मूर्च्छित होकर दैत्यसेना को जला डाला; वायु वहाँ शीघ्र गया और उसके पीछे अग्नि भी,

श्लोक 156 (padma.1.41.156)

चेरतुर्दानवानीके क्रीडंतावनलानिलौ। भस्मीभूतेषु भूतेषु प्रपतत्सूत्पतत्सु च।

ceraturdānavānīke krīḍaṁtāvanalānilau bhasmībhūteṣu bhūteṣu prapatatsūtpatatsu ca

दानवसेना में क्रीड़ा करते हुए विचरने लगे; भस्म होते प्राणियों के गिरते-उठते रहने पर,

श्लोक 157 (padma.1.41.157)

दानवानां विमानेषु निपतत्सु समंततः। वातस्कंधापविद्धेषु कृतकर्मणि पावके।

dānavānāṁ vimāneṣu nipatatsu samaṁtataḥ vātaskaṁdhāpaviddheṣu kṛtakarmaṇi pāvake

दानवों के विमानों के चारों ओर गिरते रहने पर, वायु के झोंकों से बिखरे, अपना काम पूरा करती अग्नि के रहते --

श्लोक 158 (padma.1.41.158)

मायावधे प्रवृत्ते तु स्तूयमाने गदाधरे। निष्प्रयत्नेषु दैत्येषु त्रैलोक्ये मुक्तबंधने।

māyāvadhe pravṛtte tu stūyamāne gadādhare niṣprayatneṣu daityeṣu trailokye muktabaṁdhane

माया-वध होने पर, गदाधारी की स्तुति होने पर, दैत्यों के निरुद्यम होने पर, त्रैलोक्य के बंधनमुक्त होने पर,

श्लोक 159 (padma.1.41.159)

प्रहृष्टेषु च देवेषु साधुसाध्विति जल्पिषु। जये दशशताक्षस्य दैत्यानां च पराजये।

prahṛṣṭeṣu ca deveṣu sādhusādhviti jalpiṣu jaye daśaśatākṣasya daityānāṁ ca parājaye

प्रसन्न देवगण 'साधु-साधु' कहते हुए, सहस्राक्ष की विजय और दैत्यों की पराजय पर,

श्लोक 160 (padma.1.41.160)

दिक्षु सर्वासु शुद्धासु प्रवृत्ते धर्मविस्तरे। अपावृते चंद्रपथे स्वस्थानस्थे दिवाकरे।

dikṣu sarvāsu śuddhāsu pravṛtte dharmavistare apāvṛte caṁdrapathe svasthānasthe divākare

सभी दिशाओं के शुद्ध हो जाने पर, धर्म के विस्तार के प्रवृत्त होने पर, चंद्रपथ के खुल जाने पर, सूर्य के स्वस्थान में स्थित होने पर --

श्लोक 161 (padma.1.41.161)

प्रवृत्तिस्थेषु भूतेषु नृषु चारित्रवत्सु च। अभिन्नबंधने मृत्यौ हूयमाने हुताशने।

pravṛttistheṣu bhūteṣu nṛṣu cāritravatsu ca abhinnabaṁdhane mṛtyau hūyamāne hutāśane

प्राणियों के अपने-अपने आचरण में स्थित होने पर, मनुष्यों के सच्चरित्र होने पर, मृत्यु के अपने अटूट बंधन में बँधे रहने पर, यज्ञाग्नि में आहुति दिए जाने पर,

श्लोक 162 (padma.1.41.162)

यज्ञशोभिषु देवेषु स्वर्गमार्गं दिशत्सु च। लोकपालेषु सर्वेषु दिक्षु संधानवर्तिषु।

yajñaśobhiṣu deveṣu svargamārgaṁ diśatsu ca lokapāleṣu sarveṣu dikṣu saṁdhānavartiṣu

यज्ञ में शोभायमान देवताओं के स्वर्गमार्ग दिखाने पर, सभी लोकपालों के अपनी-अपनी दिशाओं में स्थिर रहने पर,

श्लोक 163 (padma.1.41.163)

भावे तपसि सिद्धानामभावे पापकर्मणाम्। देवपक्षे प्रमुदिते दैत्यपक्षे विषीदति।

bhāve tapasi siddhānāmabhāve pāpakarmaṇām devapakṣe pramudite daityapakṣe viṣīdati

सिद्धों में तप की उपस्थिति और पापकर्मियों में उसके अभाव होने पर, देवपक्ष के प्रमुदित और दैत्यपक्ष के विषण्ण होने पर,

श्लोक 164 (padma.1.41.164)

त्रिपादविग्रहे धर्मेऽधर्मे पादपरिग्रहे। अपावृत्ते महाद्वारे वर्तमाने च सत्पथे।

tripādavigrahe dharme'dharme pādaparigrahe apāvṛtte mahādvāre vartamāne ca satpathe

धर्म के तीन पैरों पर पुनः स्थापित होने और अधर्म के एक पैर तक सिमट जाने पर, महाद्वार के खुल जाने और सत्पथ के प्रवृत्त होने पर,

श्लोक 165 (padma.1.41.165)

लोकेषु धर्मवृत्तेषु प्रवृत्तेष्वाश्रमेषु च। प्रजारक्षणयुक्तेषु राजमानेषु राजसु।

lokeṣu dharmavṛtteṣu pravṛtteṣvāśrameṣu ca prajārakṣaṇayukteṣu rājamāneṣu rājasu

लोकों के धर्माचरण में प्रवृत्त होने और आश्रमों के प्रचलित होने पर, राजाओं के प्रजारक्षण में तत्पर होकर सुशोभित होने पर,

श्लोक 166 (padma.1.41.166)

प्रशांतेषु च लोकेषु शांते तमसि दानवे। अग्निमारुतयोस्तस्मिन्वृत्ते संग्रामकर्मणि।

praśāṁteṣu ca lokeṣu śāṁte tamasi dānave agnimārutayostasminvṛtte saṁgrāmakarmaṇi

लोकों के शांत होने पर, दानव द्वारा फैलाए अंधकार के शांत होने पर, अग्नि और वायु का वह संग्रामकर्म संपन्न होने पर --

श्लोक 167 (padma.1.41.167)

तन्मया विमला लोकास्ताभ्यां जयकृतक्रियाः। तीव्रं दैत्यभयं श्रुत्वा मारुताग्निकृतं महत्।

tanmayā vimalā lokāstābhyāṁ jayakṛtakriyāḥ tīvraṁ daityabhayaṁ śrutvā mārutāgnikṛtaṁ mahat

उन दोनों से लोक निर्मल हो गए और विजय संपन्न हुई। किंतु वायु-अग्नि द्वारा किए गए दैत्यों के उस तीव्र, महान् भय को सुनकर,

श्लोक 168 (padma.1.41.168)

कालनेमीति विख्यातो दानवः प्रत्यदृश्यत। भास्कराकारमुकुटः शिंजिताभरणांगदः।

kālanemīti vikhyāto dānavaḥ pratyadṛśyata bhāskarākāramukuṭaḥ śiṁjitābharaṇāṁgadaḥ

कालनेमि नामक विख्यात एक दानव प्रकट हुआ -- सूर्य जैसे मुकुट वाला, झंकृत आभूषणों और अंगदों वाला,

श्लोक 169 (padma.1.41.169)

मंदराद्रिप्रतीकाशो महारजतसंवृतः। शतप्रहरणोदग्रः शतबाहुः शताननः।

maṁdarādripratīkāśo mahārajatasaṁvṛtaḥ śatapraharaṇodagraḥ śatabāhuḥ śatānanaḥ

मंदराचल-सा, चाँदी से आवृत, सौ अस्त्रों वाला, सौ भुजाओं वाला, सौ मुखों वाला,

श्लोक 170 (padma.1.41.170)

शतशीर्षः स्थितः श्रीमान्शतशृंग इवाचलः। कक्षे महति संवृद्धो निदाघ इव पावकः।

śataśīrṣaḥ sthitaḥ śrīmānśataśṛṁga ivācalaḥ kakṣe mahati saṁvṛddho nidāgha iva pāvakaḥ

सौ सिरों वाला, श्रीमान्, मानो सौ शिखरों वाला पर्वत, विशाल वन में बढ़ती ग्रीष्म-अग्नि के समान बढ़ता हुआ,

श्लोक 171 (padma.1.41.171)

धूम्रकेशो हरिश्मश्रुर्दंतुरो विकटाननः। त्रैलोक्यांतरविस्तारं धारयन्विपुलं वपुः।

dhūmrakeśo hariśmaśrurdaṁturo vikaṭānanaḥ trailokyāṁtaravistāraṁ dhārayanvipulaṁ vapuḥ

धूम्रकेश, तांबई दाढ़ी वाला, दंतुर, विकट मुख वाला, त्रैलोक्य जितना विस्तृत विशाल शरीर धारण करता हुआ,

श्लोक 172 (padma.1.41.172)

बाहुभिस्तुलयन्व्योम क्षिपन्पद्भ्यां महीधरान्। ईरयन्मुखनिःश्वासैर्वृष्टिकारान्बलाहकान्।

bāhubhistulayanvyoma kṣipanpadbhyāṁ mahīdharān īrayanmukhaniḥśvāsairvṛṣṭikārānbalāhakān

भुजाओं से आकाश को तौलता हुआ, पैरों से पर्वतों को फेंकता हुआ, मुख के निःश्वासों से वर्षाकारी मेघों को उड़ाता हुआ,

श्लोक 173 (padma.1.41.173)

तिर्यगायतरक्ताक्षं मंदरोदग्रवर्चसाम्। दिधक्षंतमिवायांतं सर्वान्देवगणान्मृधे।

tiryagāyataraktākṣaṁ maṁdarodagravarcasām didhakṣaṁtamivāyāṁtaṁ sarvāndevagaṇānmṛdhe

तिरछी फैली लाल आँखों वाला, मंदर-सी विशाल कांति वाला, मानो युद्ध में सब देवगणों को जलाने आता हुआ,

श्लोक 174 (padma.1.41.174)

तर्जयंतं सुरगणांश्छादयंतं दिशो दश। संवर्तकाले हृषितं दृष्टं मृत्युमिवोत्थितम्।

tarjayaṁtaṁ suragaṇāṁśchādayaṁtaṁ diśo daśa saṁvartakāle hṛṣitaṁ dṛṣṭaṁ mṛtyumivotthitam

देवसमूहों को धमकाता, दसों दिशाओं को ढकता, प्रलयकाल में हर्षित होकर उठे मृत्यु-सा दिखता हुआ,

श्लोक 175 (padma.1.41.175)

सुतलेनोच्छ्रयवता विपुलांगुलिपर्वणा। लंबाभरणपूर्णेन किंचिच्चलितकर्मणा।

sutalenocchrayavatā vipulāṁguliparvaṇā laṁbābharaṇapūrṇena kiṁciccalitakarmaṇā

ऊँची चौड़ी अँगुलियों की गाँठों वाले, लटकते आभूषणों से भरे, कुछ हिलते हुए,

श्लोक 176 (padma.1.41.176)

उच्छ्रितेनाग्रहस्तेन दक्षिणेन वपुष्मता। दानवान्देवनिहतान्ब्रुवन्तं तिष्ठतेति च।

ucchritenāgrahastena dakṣiṇena vapuṣmatā dānavāndevanihatānbruvantaṁ tiṣṭhateti ca

अपने उठे दाहिने विशाल हाथ से देवों द्वारा गिराए गए दानवों से 'खड़े रहो' कहता हुआ,

श्लोक 177 (padma.1.41.177)

तं कालनेमिं समरे द्विषतां कालनेमिनम्। वीक्षंते स्म सुराः सर्वे भयविह्वललोचनाः।

taṁ kālanemiṁ samare dviṣatāṁ kālaneminam vīkṣaṁte sma surāḥ sarve bhayavihvalalocanāḥ

उस युद्ध में शत्रुओं के लिए साक्षात् काल-सम कालनेमि को देखकर सब देवगण भय से विह्वल नेत्रों वाले हो गए।

श्लोक 178 (padma.1.41.178)

तं वीक्षंते स्म भूतानि ग्रसंतं कालनेमिनम्। त्रिविक्रमं विक्रमं तं नारायणमिवापरम्।

taṁ vīkṣaṁte sma bhūtāni grasaṁtaṁ kālaneminam trivikramaṁ vikramaṁ taṁ nārāyaṇamivāparam

सभी प्राणियों ने उस निगलते हुए कालनेमि को देखा, मानो त्रिविक्रम-सम पराक्रमी, मानो दूसरा नारायण।

श्लोक 179 (padma.1.41.179)

सोभ्युच्छ्रयं पुनः प्राप्तो मारुताघूर्णितांबरः। प्रक्रामदसुरो योद्धुं त्रासयन्सर्वदेवताः।

sobhyucchrayaṁ punaḥ prāpto mārutāghūrṇitāṁbaraḥ prakrāmadasuro yoddhuṁ trāsayansarvadevatāḥ

अपनी ऊँचाई फिर से पाकर, अपने ही श्वास से आकाश को हिलाते हुए वह असुर युद्ध के लिए बढ़ा, सब देवताओं को भयभीत करते हुए।

श्लोक 180 (padma.1.41.180)

समेयिवान्सुरेंद्रेण परिष्वक्तो भ्रमन्रणे। कालनेमिर्बभौ दैत्यः सविष्णुरिव मंदरः।

sameyivānsureṁdreṇa pariṣvakto bhramanraṇe kālanemirbabhau daityaḥ saviṣṇuriva maṁdaraḥ

देवेंद्र से भिड़कर, समर में भ्रमण करते हुए, दैत्य कालनेमि मानो विष्णु सहित मंदर पर्वत की भाँति सुशोभित हुआ।

श्लोक 181 (padma.1.41.181)

अथ विव्यथिरे देवाः सर्वे शक्रपुरोगमाः। कालनेमिनमायांतं दृष्ट्वा कालमिवापरम्।

atha vivyathire devāḥ sarve śakrapurogamāḥ kālaneminamāyāṁtaṁ dṛṣṭvā kālamivāparam

तब शक्र सहित सभी देवगण, कालनेमि को दूसरे काल-सा आता देखकर व्याकुल हो उठे।

श्लोक 182 (padma.1.41.182)

दानवाननुपिप्रीषुः कालनेमिर्महासुरः। व्यवर्धत महातेजास्तपांते जलदो यथा।

dānavānanupiprīṣuḥ kālanemirmahāsuraḥ vyavardhata mahātejāstapāṁte jalado yathā

दानवों को प्रसन्न करने की इच्छा वाला महातेजस्वी महासुर कालनेमि, ग्रीष्म के अंत में मेघ की भाँति बढ़ने लगा।

श्लोक 183 (padma.1.41.183)

तं त्रैलोक्यांतरगतं दृष्ट्वा ते दानवेश्वराः। उत्तस्थुरपरिश्रांताः पीत्वेवामृतमुत्तमम्।

taṁ trailokyāṁtaragataṁ dṛṣṭvā te dānaveśvarāḥ uttasthurapariśrāṁtāḥ pītvevāmṛtamuttamam

त्रैलोक्य के अंतराल में व्याप्त उसे देखकर वे दानवेश्वर, मानो उत्तम अमृत पीकर, थकान भूलकर उठ खड़े हुए।

श्लोक 184 (padma.1.41.184)

ते वीतभयसंत्रासा मयतारपुरोगमाः। तारकामयसंग्रामे सततं जितकाशिनः।

te vītabhayasaṁtrāsā mayatārapurogamāḥ tārakāmayasaṁgrāme satataṁ jitakāśinaḥ

भय-त्रास से मुक्त, मय और तार को आगे किए, तारकामय युद्ध में सतत विजयी-से दिखने वाले वे दानवगण,

श्लोक 185 (padma.1.41.185)

रेजुरायोधनगता दानवा युद्धकांक्षिणः। मंत्रमभ्यसतां तेषां व्यूहं च परिधावताम्।

rejurāyodhanagatā dānavā yuddhakāṁkṣiṇaḥ maṁtramabhyasatāṁ teṣāṁ vyūhaṁ ca paridhāvatām

युद्धेच्छु होकर रणभूमि में सुशोभित हुए; मंत्रणा करते और व्यूह में दौड़ते हुए उन्हें देखने वालों को,

श्लोक 186 (padma.1.41.186)

प्रेक्षतां चाभवत्प्रीतिर्दानवं कालनेमिनम्। ये तु तत्र मयस्यासन्मुख्या युद्धपुरस्सराः।

prekṣatāṁ cābhavatprītirdānavaṁ kālaneminam ye tu tatra mayasyāsanmukhyā yuddhapurassarāḥ

दानव कालनेमि को देखकर प्रसन्नता हुई। और जो वहाँ मय के मुख्य युद्धकारी साथी थे,

श्लोक 187 (padma.1.41.187)

ते तु सर्वे भयं त्यक्त्वा हृष्टा योद्धुमुपस्थिताः। मयस्तारो वराहश्च हयग्रीवश्च दानवः।

te tu sarve bhayaṁ tyaktvā hṛṣṭā yoddhumupasthitāḥ mayastāro varāhaśca hayagrīvaśca dānavaḥ

वे सब भय त्यागकर हर्षित होकर युद्ध के लिए उपस्थित हुए -- मय, तार, वराह और दानव हयग्रीव,

श्लोक 188 (padma.1.41.188)

विप्रचित्तिसुतः श्वेतः खरलंबावुभावपि। अरिष्टो बलिपुत्रश्च किशोराख्यस्तथैव च।

vipracittisutaḥ śvetaḥ kharalaṁbāvubhāvapi ariṣṭo baliputraśca kiśorākhyastathaiva ca

विप्रचित्ति का पुत्र श्वेत, तथा खर और लंब दोनों, बलि का पुत्र अरिष्ट, और किशोर नामक भी,

श्लोक 189 (padma.1.41.189)

सुर्भानुश्चामरप्रख्यश्चक्रयोधी महासुरः। एतेऽस्त्रवेदिनः सर्वे सर्वे तपसि सुस्थिताः।

surbhānuścāmaraprakhyaścakrayodhī mahāsuraḥ ete'stravedinaḥ sarve sarve tapasi susthitāḥ

सूर्भानु, अमर-सम चक्रयोद्धा महासुर -- ये सभी अस्त्रवेत्ता, सभी तप में सुस्थित,

श्लोक 190 (padma.1.41.190)

दानवाः कृतिनो जग्मुः कालनेमिनमुद्धतम्। ते गदाभिस्सुगुर्वीभिश्चक्रैरथपरश्वधैः।

dānavāḥ kṛtino jagmuḥ kālaneminamuddhatam te gadābhissugurvībhiścakrairathaparaśvadhaiḥ

सिद्धिप्राप्त दानव उद्धत कालनेमि के पास गए -- वे भारी गदाओं, चक्रों और परशुओं से,

श्लोक 191 (padma.1.41.191)

कालकल्पैश्च मुसलैः क्षेपणीयैश्च मुद्गरैः। अश्मभिश्चास्त्रसदृशैस्तथा शैलैश्च दारुणैः।

kālakalpaiśca musalaiḥ kṣepaṇīyaiśca mudgaraiḥ aśmabhiścāstrasadṛśaistathā śailaiśca dāruṇaiḥ

काल जैसे मूसलों, फेंकने योग्य मुद्गरों, अस्त्र-सम पत्थरों और भयंकर शिलाओं से,

श्लोक 192 (padma.1.41.192)

पट्टिशैर्भिंडिपालैश्च परिघैश्चोत्तमायसैः। घातिनीभिश्च गुर्वीभिः शतघ्नीभिस्तथैव च।

paṭṭiśairbhiṁḍipālaiśca parighaiścottamāyasaiḥ ghātinībhiśca gurvībhiḥ śataghnībhistathaiva ca

पट्टिशों, भिंडिपालों, उत्तम लोहे के परिघों, भारी घातक शतघ्नियों से भी,

श्लोक 193 (padma.1.41.193)

युगैर्यंत्रैश्च निर्मुक्तैर्लांगलैरुग्रताडितैः। दोर्भिरायतमानैश्च पाशैश्च परिघादिभिः।

yugairyaṁtraiśca nirmuktairlāṁgalairugratāḍitaiḥ dorbhirāyatamānaiśca pāśaiśca parighādibhiḥ

जुए, यंत्रों से छूटे बाणों, उग्रता से प्रहार करते हलों, फैली हुई भुजाओं, पाशों और परिघादि से,

श्लोक 194 (padma.1.41.194)

भुजंगवक्त्रैर्लेलिहानैर्विसर्पद्भिश्च सायकैः। वज्रैः प्रहरणीयैश्च दीप्यमानैश्च तोमरैः।

bhujaṁgavaktrairlelihānairvisarpadbhiśca sāyakaiḥ vajraiḥ praharaṇīyaiśca dīpyamānaiśca tomaraiḥ

सर्पमुख जैसे लपलपाते, रेंगते बाणों से, वज्रों-सी घातक और दीप्त तोमरों से,

श्लोक 195 (padma.1.41.195)

विकोशैरसिभिस्तीक्ष्णैः शूलैश्च शितनिर्मलैः। दैत्यैः संदीप्यमानैश्च प्रगृहीतशरासनैः।

vikośairasibhistīkṣṇaiḥ śūlaiśca śitanirmalaiḥ daityaiḥ saṁdīpyamānaiśca pragṛhītaśarāsanaiḥ

म्यान से निकली तीक्ष्ण तलवारों और तीखे उज्ज्वल शूलों से -- दीप्त दैत्यगण, धनुष हाथ में लिए,

श्लोक 196 (padma.1.41.196)

ततः पुरस्कृत्य तदा कालनेमिनमाहवे। सा दीप्तशस्त्रप्रवरा दैत्यानां रुरुचे चमूः।

tataḥ puraskṛtya tadā kālaneminamāhave sā dīptaśastrapravarā daityānāṁ ruruce camūḥ

तब कालनेमि को आगे कर उस युद्ध में, दीप्त श्रेष्ठ शस्त्रों वाली वह दैत्यसेना सुशोभित हुई।

श्लोक 197 (padma.1.41.197)

यैर्निमीलितसर्वांगा वनालीवांबुदागमे। देवतानामपि चमूर्मुमुदे शक्रपालिता।

yairnimīlitasarvāṁgā vanālīvāṁbudāgame devatānāmapi camūrmumude śakrapālitā

जिनसे वर्षाकाल में वनपंक्ति-सी सिकुड़ी हुई देवसेना भी, शक्र द्वारा रक्षित होकर, हर्षित हो उठी।

श्लोक 198 (padma.1.41.198)

उपेता शिशिरोष्णाभ्यां तेजोभ्यां चंद्रसूर्ययोः। वायुवेगवती सौम्या तारागणपताकिनी।

upetā śiśiroṣṇābhyāṁ tejobhyāṁ caṁdrasūryayoḥ vāyuvegavatī saumyā tārāgaṇapatākinī

चंद्र-सूर्य के शीतल-उष्ण तेजों से युक्त, वायु-सी वेगवती, सौम्य, तारागणों की पताकाओं वाली,

श्लोक 199 (padma.1.41.199)

तोयदा बद्धवसना ग्रहनक्षत्रहासिनी। यमेंद्रधनदैर्गुप्ता वरुणेन च धीमता।

toyadā baddhavasanā grahanakṣatrahāsinī yameṁdradhanadairguptā varuṇena ca dhīmatā

मेघों से वस्त्रधारी, ग्रह-नक्षत्रों से हँसती हुई, यम-इंद्र-कुबेर द्वारा रक्षित, बुद्धिमान् वरुण द्वारा भी,

श्लोक 200 (padma.1.41.200)

सा प्रदीप्ताग्निपवना नारायणपरायणा। सासमुद्रौघसदृशी दीप्यमाना महाचमूः।

sā pradīptāgnipavanā nārāyaṇaparāyaṇā sāsamudraughasadṛśī dīpyamānā mahācamūḥ

अग्नि-वायु से प्रज्वलित, नारायण-परायण वह महासेना, समुद्र की बाढ़-सी दीप्त होती हुई,

श्लोक 201 (padma.1.41.201)

रराजास्त्रवती भीमा यक्षगंधर्वशालिनी। तयोश्चम्वोस्तदानीं तु बभूव स समागमः।

rarājāstravatī bhīmā yakṣagaṁdharvaśālinī tayoścamvostadānīṁ tu babhūva sa samāgamaḥ

अस्त्रधारी, भयंकर, यक्ष-गंधर्वों से सुशोभित होकर चमक उठी। तब उन दोनों सेनाओं का वह संगम हुआ --

श्लोक 202 (padma.1.41.202)

द्यावापृथिव्योस्संयोगो यथा स्याद्युगपर्यये। तद्युद्धमभवद्घोरं देवदानवसंकुलं।

dyāvāpṛthivyossaṁyogo yathā syādyugaparyaye tadyuddhamabhavadghoraṁ devadānavasaṁkulaṁ

मानो युगांत में द्यौ और पृथ्वी का संयोग हो; वह युद्ध घोर हो गया, देव-दानवों से भरा हुआ,

श्लोक 203 (padma.1.41.203)

क्षमापराक्रमपरं सदर्पविनयस्यदं। निश्चक्रमुर्बलाभ्यां तु भीमाभ्यां च सुराऽसुराः।

kṣamāparākramaparaṁ sadarpavinayasyadaṁ niścakramurbalābhyāṁ tu bhīmābhyāṁ ca surā'surāḥ

क्षमा और पराक्रम दोनों से युक्त, दर्प और विनय दोनों को उत्पन्न करता हुआ; देव-असुर अपनी दोनों भयंकर सेनाओं सहित निकल पड़े,

श्लोक 204 (padma.1.41.204)

पूर्वापराभ्यां संरब्धाः सागराभ्यामिवांबुदाः। ताभ्यां बलाभ्यां संहृष्टाश्चेरुस्ते देवदानवाः।

pūrvāparābhyāṁ saṁrabdhāḥ sāgarābhyāmivāṁbudāḥ tābhyāṁ balābhyāṁ saṁhṛṣṭāśceruste devadānavāḥ

पूर्व-पश्चिम समुद्रों से उठे मेघों की भाँति क्रुद्ध; उन दोनों सेनाओं सहित हर्षित होकर वे देव-दानव विचरने लगे,

श्लोक 205 (padma.1.41.205)

वनाभ्यां पार्वतीयाभ्यां पुष्पिताभ्यां यथा नगाः। समाजघ्नुस्तथा भेरीः शंखान्दध्मुरनेकशः।

vanābhyāṁ pārvatīyābhyāṁ puṣpitābhyāṁ yathā nagāḥ samājaghnustathā bherīḥ śaṁkhāndadhmuranekaśaḥ

मानो पर्वतीय पुष्पित वनों सहित पर्वत। इस प्रकार उन्होंने भेरियाँ बजाईं और अनेक शंख फूँके,

श्लोक 206 (padma.1.41.206)

ब्रह्मांडं च भुवं चैव दिशश्च समपूरयन्। ज्याघाततलनिर्घोष धनुषां कूजितानि च।

brahmāṁḍaṁ ca bhuvaṁ caiva diśaśca samapūrayan jyāghātatalanirghoṣa dhanuṣāṁ kūjitāni ca

जिससे ब्रह्मांड, पृथ्वी और दिशाएँ भर गईं; धनुषों की डोरी के तल की झनझनाहट और गुंजार,

श्लोक 207 (padma.1.41.207)

दुंदुभीनां च निर्ह्रादो दैत्यमंतर्दधुः स्वनम्। तेऽन्योन्यमभिसंपेतुर्यातयंतः परस्परम्।

duṁdubhīnāṁ ca nirhrādo daityamaṁtardadhuḥ svanam te'nyonyamabhisaṁpeturyātayaṁtaḥ parasparam

और दुंदुभियों की गड़गड़ाहट ने दैत्यों की ध्वनि को भी दबा दिया। वे एक-दूसरे पर टूट पड़े, परस्पर पीड़ा देते हुए,

श्लोक 208 (padma.1.41.208)

बभंजुर्बाहुभिर्बाहु युद्धमन्ये युयुत्सवः। देवानामशनीर्घोराः परिघांश्चोत्तमायुधान्।

babhaṁjurbāhubhirbāhu yuddhamanye yuyutsavaḥ devānāmaśanīrghorāḥ parighāṁścottamāyudhān

युद्ध में भुजा से भुजा तोड़ते हुए, अन्य युद्धेच्छु होकर; देवताओं की भयंकर विद्युत् और परिघ जैसे उत्तम अस्त्र,

श्लोक 209 (padma.1.41.209)

निस्त्रिंशान्ससृजुः संख्ये गदागुर्वीश्च दानवाः। गदानिपातैर्भग्नांगा बाणैश्च शकलीकृताः।

nistriṁśānsasṛjuḥ saṁkhye gadāgurvīśca dānavāḥ gadānipātairbhagnāṁgā bāṇaiśca śakalīkṛtāḥ

तलवारें और भारी गदाएँ दानवों ने उस युद्ध में चलाईं; गदाओं के प्रहार से टूटे अंगों वाले, बाणों से खंडित,

श्लोक 210 (padma.1.41.210)

परिपेतुर्भृशं केचित्पुनः केचित्तु जघ्निरे। ततो रथैश्च तुरगैर्विमानैश्च पदातिभिः।

paripeturbhṛśaṁ kecitpunaḥ kecittu jaghnire tato rathaiśca turagairvimānaiśca padātibhiḥ

कुछ अत्यंत गिर पड़े, कुछ ने फिर से प्रहार किया; फिर रथों, अश्वों, विमानों और पैदल सैनिकों से,

श्लोक 211 (padma.1.41.211)

समीयुस्तेतिसंरब्धा रोषादन्योन्यमाहवे। संवर्त्तमानास्समरे संदष्टौष्टपुटाननाः।

samīyustetisaṁrabdhā roṣādanyonyamāhave saṁvarttamānāssamare saṁdaṣṭauṣṭapuṭānanāḥ

अत्यंत क्रुद्ध होकर वे युद्ध में क्रोधवश एक-दूसरे से भिड़ गए, समर में घूमते हुए, होंठ दाँतों से दबाए हुए --

श्लोक 212 (padma.1.41.212)

रथा रथैर्नियुध्यंते पादाताश्च पदातिभिः। तेषां रथानां तुमुलः सशब्दः शब्दवाहिनाम्।

rathā rathairniyudhyaṁte pādātāśca padātibhiḥ teṣāṁ rathānāṁ tumulaḥ saśabdaḥ śabdavāhinām

रथ रथों से लड़ने लगे, पैदल सैनिक पैदल सैनिकों से; उन ध्वनि करने वाले रथों का वह तुमुल शोर,

श्लोक 213 (padma.1.41.213)

नभो निदद्ध्वानयथा नभस्ये जलदस्वनैः। बभंजिरे रथान्केचित्केचित्संमृदिता रथैः।

nabho nidaddhvānayathā nabhasye jaladasvanaiḥ babhaṁjire rathānkecitkecitsaṁmṛditā rathaiḥ

आकाश में मेघों की गड़गड़ाहट-सा गूँज उठा; कुछ ने रथों को तोड़ा, कुछ रथों से ही कुचले गए।

श्लोक 214 (padma.1.41.214)

संबाधमन्ये संप्राप्ता न शेकुश्चलितुं रथाः। अन्योन्य मध्ये समरे दोर्भ्यामुत्क्षिप्य दंशिताः।

saṁbādhamanye saṁprāptā na śekuścalituṁ rathāḥ anyonya madhye samare dorbhyāmutkṣipya daṁśitāḥ

कुछ रथ भीड़ में फँसकर हिल नहीं सके; परस्पर एक-दूसरे को युद्ध के बीच भुजाओं से उठाकर, कवच पहने,

श्लोक 215 (padma.1.41.215)

संह्रादमाणास्सबला जघ्नुस्तत्रासि चर्मिणः। अस्त्रैरन्ये विनिर्भिन्ना रक्तं वेमुर्हतायुधि।

saṁhrādamāṇāssabalā jaghnustatrāsi carmiṇaḥ astrairanye vinirbhinnā raktaṁ vemurhatāyudhi

अपनी सेना सहित गरजते हुए, वहाँ तलवार-ढाल से लड़ने लगे; अन्य अस्त्रों से विदीर्ण होकर, मारे जाते हुए, युद्ध में रक्त उगलने लगे।

श्लोक 216 (padma.1.41.216)

क्षरज्जलानां सदृशा जलदानां समागताः। अन्योन्यबाणवर्षेण युद्धदुर्दिनमाबभौ।

kṣarajjalānāṁ sadṛśā jaladānāṁ samāgatāḥ anyonyabāṇavarṣeṇa yuddhadurdinamābabhau

जलधाराओं जैसे मेघों की भाँति एकत्र होकर, परस्पर बाणों की वर्षा से वह युद्ध दुर्दिन-सा प्रतीत हुआ।

श्लोक 217 (padma.1.41.217)

एतस्मिन्नंतरे क्रुद्धः कालनेमिस्स दानवः। अवर्धत समुद्रौघैः पूर्यमाण इवांबुदः।

etasminnaṁtare kruddhaḥ kālanemissa dānavaḥ avardhata samudraughaiḥ pūryamāṇa ivāṁbudaḥ

इसी बीच वह क्रुद्ध दानव कालनेमि, मेघ की भाँति समुद्र की बाढ़ से भरता हुआ, बढ़ने लगा।

श्लोक 218 (padma.1.41.218)

तस्य विद्युल्लतापीडाः प्रदीप्ताशनिवर्षिणः। गात्रैर्नगगिरिप्रख्यैर्विनिपेतुर्बलाहकाः।

tasya vidyullatāpīḍāḥ pradīptāśanivarṣiṇaḥ gātrairnagagiriprakhyairvinipeturbalāhakāḥ

उसके पर्वतों-सी विशाल भुजाओं से बिजली की लताओं जैसे दीप्त वज्रवर्षी बादल गिरने लगे।

श्लोक 219 (padma.1.41.219)

क्रोधान्निश्वसतस्तस्य भ्रूभेदस्वेदवर्षिणः। साग्निस्फुलिंगाः प्रतता मुखान्निश्चेरुरर्चिषः।

krodhānniśvasatastasya bhrūbhedasvedavarṣiṇaḥ sāgnisphuliṁgāḥ pratatā mukhānniścerurarciṣaḥ

क्रोध से निःश्वास लेते हुए, भौंहों की सिकुड़न से पसीना बहाते हुए उसके मुख से अग्निस्फुलिंगों सहित फैली हुई ज्वालाएँ निकलने लगीं।

श्लोक 220 (padma.1.41.220)

तिर्यगूर्ध्वं च गगने ववृधुस्तस्य बाहवः। पर्वतादिव निष्क्रांताः पंचास्या इव पन्नगाः।

tiryagūrdhvaṁ ca gagane vavṛdhustasya bāhavaḥ parvatādiva niṣkrāṁtāḥ paṁcāsyā iva pannagāḥ

आकाश में तिरछी और ऊपर की ओर उसकी भुजाएँ बढ़ने लगीं, मानो पर्वत से निकले पाँच फणों वाले सर्प।

श्लोक 221 (padma.1.41.221)

सोऽस्त्रजालैर्बहुविधैर्धनुर्भिः परिघैरपि। दिव्यमाकाशमावव्रे पर्वतैरुच्छ्रितैरिव।

so'strajālairbahuvidhairdhanurbhiḥ parighairapi divyamākāśamāvavre parvatairucchritairiva

उसने विविध अस्त्रजालों, धनुषों और परिघों से दिव्य आकाश को ढक दिया, मानो ऊँचे पर्वतों से।

श्लोक 222 (padma.1.41.222)

सोनिलोद्भूतवसनस्तस्थौ संग्रामलालसः। संध्यातपग्रस्तशिलः साक्षान्मेरुरिवाचलः।

sonilodbhūtavasanastasthau saṁgrāmalālasaḥ saṁdhyātapagrastaśilaḥ sākṣānmerurivācalaḥ

अपने ही उठाए वायु से हिलते वस्त्रों वाला, युद्धेच्छु वह खड़ा हुआ, मानो संध्या के प्रकाश से रंगी शिलाओं वाला साक्षात् मेरु पर्वत।

श्लोक 223 (padma.1.41.223)

ऊरुवेगप्रमथितैः शृंगशैलाग्रपादपैः। अपातयद्देवगणान्वज्रेणेव महागिरीन्।

ūruvegapramathitaiḥ śṛṁgaśailāgrapādapaiḥ apātayaddevagaṇānvajreṇeva mahāgirīn

अपनी जांघों के वेग से टूटे पर्वतशिखरों और वृक्षों से उसने देवगणों को गिरा दिया, मानो वज्र से महापर्वतों को।

श्लोक 224 (padma.1.41.224)

बाहुभिश्च सनिस्त्रिंशैश्छिन्नभिन्नशिरोरुहाः। न शेकुश्चलितुं देवाः कालनेमिहता युधि।

bāhubhiśca sanistriṁśaiśchinnabhinnaśiroruhāḥ na śekuścalituṁ devāḥ kālanemihatā yudhi

तलवारधारी भुजाओं से केश कटे-फटे देवगण कालनेमि से मारे जाकर युद्ध में हिल नहीं सके।

श्लोक 225 (padma.1.41.225)

मुष्टिभिर्निहताः केचित्केचिच्च द्विदलीकृताः। यक्षगंधर्वपतगाः समहोरगकिन्नराः।

muṣṭibhirnihatāḥ kecitkecicca dvidalīkṛtāḥ yakṣagaṁdharvapatagāḥ samahoragakinnarāḥ

कुछ मुट्ठियों से मारे गए, कुछ दो टुकड़ों में बँट गए -- यक्ष-गंधर्व-पक्षी, महोरग और किन्नर सभी,

श्लोक 226 (padma.1.41.226)

तेन वित्रासिताः पेतुः समरे कालनेमिना। न शेकुर्यत्नवंतोपि यत्नं कर्तुं विचेतसः।

tena vitrāsitāḥ petuḥ samare kālaneminā na śekuryatnavaṁtopi yatnaṁ kartuṁ vicetasaḥ

कालनेमि से भयभीत होकर युद्ध में गिर पड़े; यत्नशील होते हुए भी वे विचेतस होकर कोई यत्न न कर सके।

श्लोक 227 (padma.1.41.227)

तेन शक्रः सहस्राक्षोऽस्पंदितः शरबंधनैः। निष्प्रयत्नः कृतः संख्ये चलितुं न शशाक ह।

tena śakraḥ sahasrākṣo'spaṁditaḥ śarabaṁdhanaiḥ niṣprayatnaḥ kṛtaḥ saṁkhye calituṁ na śaśāka ha

उससे सहस्राक्ष शक्र भी बाणों से बँधकर स्तब्ध हो गए; निरुद्यम कर दिए गए, समर में हिल न सके।

श्लोक 228 (padma.1.41.228)

निर्जलांभोदसदृशो निर्जलार्णवसप्रभः। निर्व्यापारः कृतस्तेन विपाशो वरुणो मृधे।

nirjalāṁbhodasadṛśo nirjalārṇavasaprabhaḥ nirvyāpāraḥ kṛtastena vipāśo varuṇo mṛdhe

जलरहित मेघ-सम, जलरहित समुद्र-सम, उसने वरुण को उस समर में पाशरहित, निष्क्रिय कर दिया।

श्लोक 229 (padma.1.41.229)

रणे वैश्रवणस्तेन परीतः कालरूपिणा। विलपन्लोकपालेशस्त्याजितो धनदः क्रियां।

raṇe vaiśravaṇastena parītaḥ kālarūpiṇā vilapanlokapāleśastyājito dhanadaḥ kriyāṁ

काल-सम उस दानव से घिरे वैश्रवण भी उस युद्ध में विलाप करते हुए, लोकपालेश धनद अपना कार्य त्यागने को विवश हुए।

श्लोक 230 (padma.1.41.230)

यमः सर्वहरस्तेन मृत्युप्रहरणो रणे। याम्यामवस्थां संत्यज्य भीतः स्वां दिशमाविशत्।

yamaḥ sarvaharastena mṛtyupraharaṇo raṇe yāmyāmavasthāṁ saṁtyajya bhītaḥ svāṁ diśamāviśat

मृत्युरूपी शस्त्र धारण करने वाले, सर्वहारी यम भी उससे भयभीत होकर, अपनी दक्षिण दिशा त्यागकर अपने ही स्थान में समा गए।

श्लोक 231 (padma.1.41.231)

सलोकपालानुत्सार्य हृत्वा तेषां च कर्म तत्। दिक्षु सर्वासु देहं स्वं चतुर्धा विदधे तदा।

salokapālānutsārya hṛtvā teṣāṁ ca karma tat dikṣu sarvāsu dehaṁ svaṁ caturdhā vidadhe tadā

लोकपालों को हटाकर, उनका कार्यभार छीनकर, उसने अपने शरीर को चारों दिशाओं में चार रूपों में विभक्त कर दिया।

श्लोक 232 (padma.1.41.232)

स नक्षत्रपथं गत्वा दिव्यं स्वर्भानुदर्शितं। जहार लक्ष्मीं सोमस्य यच्चास्य विषयं महत्।

sa nakṣatrapathaṁ gatvā divyaṁ svarbhānudarśitaṁ jahāra lakṣmīṁ somasya yaccāsya viṣayaṁ mahat

स्वर्भानु द्वारा दिखाए दिव्य नक्षत्रपथ में जाकर उसने सोम की लक्ष्मी और उनका विशाल क्षेत्र छीन लिया।

श्लोक 233 (padma.1.41.233)

चालयामास दीप्तांशुं धर्मद्वारा सभास्करं। शासनं चास्य विषयं जहार दिनकर्म च।

cālayāmāsa dīptāṁśuṁ dharmadvārā sabhāskaraṁ śāsanaṁ cāsya viṣayaṁ jahāra dinakarma ca

उसने दीप्तकिरण सूर्य को, धर्मद्वार सहित, हिला दिया; उसका शासन, उसका क्षेत्र और दिन का कार्य भी छीन लिया।

श्लोक 234 (padma.1.41.234)

सोग्निं देवमुखं जित्वा चकारात्ममुखाश्रयं। वायुं च तरसा जित्वा चकारात्मवशानुगं।

sogniṁ devamukhaṁ jitvā cakārātmamukhāśrayaṁ vāyuṁ ca tarasā jitvā cakārātmavaśānugaṁ

देवमुख अग्नि को जीतकर उसने उसे अपने ही मुख का आश्रित बना लिया, और वायु को भी शीघ्रता से जीतकर अपने वश में कर लिया।

श्लोक 235 (padma.1.41.235)

स समुद्रात्समानीय समस्ताः सरितो बलात्। चकाराभिसुखावीर्या देहभूताश्च सिंधवः।

sa samudrātsamānīya samastāḥ sarito balāt cakārābhisukhāvīryā dehabhūtāśca siṁdhavaḥ

उसने समुद्र से सब नदियों को बलपूर्वक खींचकर अपने वश में कर लिया और सिंधुओं को अपने शरीर का अंग बना डाला।

श्लोक 236 (padma.1.41.236)

अपः स्ववशगाः कृत्वा दिविजायाश्च भूमिजाः। छादयामास जगतीं सुगुप्तां धरणीधरैः।

apaḥ svavaśagāḥ kṛtvā divijāyāśca bhūmijāḥ chādayāmāsa jagatīṁ suguptāṁ dharaṇīdharaiḥ

स्वर्ग और पृथ्वी दोनों के जलों को वश में करके उसने पर्वतों से सुरक्षित पृथ्वी को अपने आवरण से ढक दिया।

श्लोक 237 (padma.1.41.237)

स स्वयंभूरिवाभाति महाभूतपतिर्महान्। सर्वलोकमयो दैत्यः सर्वलोकभयावहः।

sa svayaṁbhūrivābhāti mahābhūtapatirmahān sarvalokamayo daityaḥ sarvalokabhayāvahaḥ

वह स्वयंभू-सा दिखने लगा, महाभूतों का महान् स्वामी, सर्वलोकमय दैत्य, सर्वलोक-भयदायक।

श्लोक 238 (padma.1.41.238)

स लोकपालैकवपुश्चंद्रसूर्यग्रहात्मवान्। पावकानिलसंभूतो रराज युधि दानवः।

sa lokapālaikavapuścaṁdrasūryagrahātmavān pāvakānilasaṁbhūto rarāja yudhi dānavaḥ

लोकपालों जैसे एकमात्र शरीर वाला, चंद्र-सूर्य-ग्रहरूपी आत्मा वाला, अग्नि-वायु से उत्पन्न वह दानव युद्ध में सुशोभित हुआ।

श्लोक 239 (padma.1.41.239)

पारमेष्ठ्ये स्थितः स्थाने लोकानां प्रभवोपमे। तं तुष्टुवुर्दैत्यगणा देवा इव पितामहं।

pārameṣṭhye sthitaḥ sthāne lokānāṁ prabhavopame taṁ tuṣṭuvurdaityagaṇā devā iva pitāmahaṁ

लोकों के उद्गम-सम परमेष्ठी पद पर स्थित उसे दैत्यगणों ने स्तुत किया, मानो देवगण पितामह को।

श्लोक 240 (padma.1.41.240)

पंच तं नाभ्यवर्तंत विपरीतेन कर्मणा। वेदो धर्मः क्षमा सत्यं श्रीश्च नारायणाश्रया।

paṁca taṁ nābhyavartaṁta viparītena karmaṇā vedo dharmaḥ kṣamā satyaṁ śrīśca nārāyaṇāśrayā

पाँच वस्तुएँ ही उसके विपरीत कर्म के कारण उसकी ओर नहीं मुड़ीं -- वेद, धर्म, क्षमा, सत्य और नारायण-आश्रित श्री।

श्लोक 241 (padma.1.41.241)

स तेषामनुपस्थानात्सक्रोधो दानवेश्वरः। वैष्णवं पदमन्विच्छन्स गतो देवतायतः।

sa teṣāmanupasthānātsakrodho dānaveśvaraḥ vaiṣṇavaṁ padamanvicchansa gato devatāyataḥ

उनकी अनुपस्थिति से क्रुद्ध होकर वह दानवेश्वर, वैष्णव पद को खोजते हुए, उन देव के धाम को गया।

श्लोक 242 (padma.1.41.242)

स ददर्श सुपर्णस्थं शंखचक्रगदाधरं। दानवानां विनाशाय भ्रामयंतं गदां शुभां।

sa dadarśa suparṇasthaṁ śaṁkhacakragadādharaṁ dānavānāṁ vināśāya bhrāmayaṁtaṁ gadāṁ śubhāṁ

उसने सुपर्ण पर बैठे, शंख-चक्र-गदाधारी, दानवों के विनाश के लिए अपनी शुभ गदा घुमाते हुए उन्हें देखा,

श्लोक 243 (padma.1.41.243)

सजलांभोदसदृशं विद्युत्सदृशवाससं। आरूढं स्वर्णपत्राढ्यं खेचरं काश्यपं खगं।

sajalāṁbhodasadṛśaṁ vidyutsadṛśavāsasaṁ ārūḍhaṁ svarṇapatrāḍhyaṁ khecaraṁ kāśyapaṁ khagaṁ

जलभरे मेघ-सम, बिजली-सी चमकते वस्त्रों वाले, स्वर्णपंखों से युक्त काश्यप-पक्षी (गरुड़) पर आरूढ़,

श्लोक 244 (padma.1.41.244)

दुष्टदैत्यविनाशाय दृष्ट्वा खस्थमिवस्थितं। दानवो विष्णुमक्षोभ्यं बभाषे क्षुब्धमानसः।

duṣṭadaityavināśāya dṛṣṭvā khasthamivasthitaṁ dānavo viṣṇumakṣobhyaṁ babhāṣe kṣubdhamānasaḥ

दुष्ट दैत्यों के विनाश के लिए आकाश में मानो अडिग स्थित देखकर, वह दानव क्षुब्धमन होकर विष्णु से बोला --

श्लोक 245 (padma.1.41.245)

अयं स रिपुरस्माकं पूर्वेषां प्राणनाशनः। अर्णवावासिनश्चैव मधोश्च कैटभस्य च।

ayaṁ sa ripurasmākaṁ pūrveṣāṁ prāṇanāśanaḥ arṇavāvāsinaścaiva madhośca kaiṭabhasya ca

'यही हमारे पूर्वजों का प्राणनाशक शत्रु है, समुद्रवासी मधु और कैटभ का भी शत्रु।'

श्लोक 246 (padma.1.41.246)

अयं स रिपुरस्माकमसमः किल कथ्यते। अनेकसंयुगेनेन दानवा बहवो हताः।

ayaṁ sa ripurasmākamasamaḥ kila kathyate anekasaṁyugenena dānavā bahavo hatāḥ

'यही हमारा वह असमान शत्रु कहा जाता है, जिसने अनेक युद्धों में बहुत से दानवों को मारा है।'

श्लोक 247 (padma.1.41.247)

अयं स निर्घृणो लोके स्त्रीबालनिरपत्त्रपः। येन दानवनारीणां सीमंतोद्वरणं कृतम्।

ayaṁ sa nirghṛṇo loke strībālanirapattrapaḥ yena dānavanārīṇāṁ sīmaṁtodvaraṇaṁ kṛtam

'यही वह निर्दयी है, जो लोक में स्त्री-बालक के प्रति भी लज्जारहित है, जिसने दानवनारियों का सौभाग्य उजाड़ा है।'

श्लोक 248 (padma.1.41.248)

अयं स विष्णुर्देवानां वैकुंठश्च दिवौकसाम्। अनंतो भोगिनां मध्ये स्वयंभूश्च स्वयंभुवः।

ayaṁ sa viṣṇurdevānāṁ vaikuṁṭhaśca divaukasām anaṁto bhogināṁ madhye svayaṁbhūśca svayaṁbhuvaḥ

'यही वह देवताओं का विष्णु, स्वर्गवासियों का वैकुंठ, सर्पों में अनंत और स्वयंभू में स्वयंभू है।'

श्लोक 249 (padma.1.41.249)

अयं स नाथो देवानामस्माभिर्विप्रकृष्यते। अस्य क्रोधं समासाद्य हिरण्यकशिपुर्हतः।

ayaṁ sa nātho devānāmasmābhirviprakṛṣyate asya krodhaṁ samāsādya hiraṇyakaśipurhataḥ

'यही वह देवताओं का स्वामी है, जिसे हम अब खींच रहे हैं। इसी के क्रोध से टकराकर हिरण्यकशिपु मारा गया था।'

श्लोक 250 (padma.1.41.250)

अस्यच्छायामुपाश्रित्य देवा मखमुखे स्थिताः। आज्यं महर्षिभिर्दत्तमश्नुवंति त्रिधा हुतम्।

asyacchāyāmupāśritya devā makhamukhe sthitāḥ ājyaṁ maharṣibhirdattamaśnuvaṁti tridhā hutam

'इसी की छाया का आश्रय लेकर देवगण यज्ञ के अग्रभाग में स्थित होकर महर्षियों द्वारा दिया घृत तीन प्रकार से हुत ग्रहण करते हैं।'

श्लोक 251 (padma.1.41.251)

अयं स निधने हेतुः सर्वेषाममरद्विषाम्। अस्य चक्रप्रविष्टानि कुलान्यस्माकमाहवे।

ayaṁ sa nidhane hetuḥ sarveṣāmamaradviṣām asya cakrapraviṣṭāni kulānyasmākamāhave

'यही सब देवशत्रुओं के विनाश का कारण है; इसी के चक्र में हमारे कुल युद्ध में प्रविष्ट हो चुके हैं।'

श्लोक 252 (padma.1.41.252)

अयं स किल युद्धेषु सुरार्थे त्यक्तजीवितः। स विभुस्तेजसा युक्तं चक्रं क्षिपति शत्रुषु।

ayaṁ sa kila yuddheṣu surārthe tyaktajīvitaḥ sa vibhustejasā yuktaṁ cakraṁ kṣipati śatruṣu

'यही वह है, जो युद्धों में देवताओं के लिए प्राण त्याग देता है; यह विभु अपने तेजयुक्त चक्र को शत्रुओं पर फेंकता है।'

श्लोक 253 (padma.1.41.253)

अयं स कालो दैत्यानां कालभूते मयि स्थिते। अतिक्रांतस्य कालस्य फलं प्राप्स्यति केशवः।

ayaṁ sa kālo daityānāṁ kālabhūte mayi sthite atikrāṁtasya kālasya phalaṁ prāpsyati keśavaḥ

'यही दैत्यों का काल है; परंतु काल-स्वरूप मेरे रहते, केशव अब उस बीते हुए काल का फल पाएगा।'

श्लोक 254 (padma.1.41.254)

दिष्ट्येदानीं समक्षं मे विष्णुरेष समागतः। निष्पिष्टो बहुना संख्ये मय्येव प्रणशिष्यति।

diṣṭyedānīṁ samakṣaṁ me viṣṇureṣa samāgataḥ niṣpiṣṭo bahunā saṁkhye mayyeva praṇaśiṣyati

'सौभाग्य से यह विष्णु अब मेरे सामने आ गया है; इस युद्ध में बहुत पीसा जाकर यह मुझी में नष्ट हो जाएगा।'

श्लोक 255 (padma.1.41.255)

यास्याम्यपचितिं दिष्ट्या पूर्वेषामद्य संयुगे। इमन्नारायणं हत्वा दानवानां भयावहम्।

yāsyāmyapacitiṁ diṣṭyā pūrveṣāmadya saṁyuge imannārāyaṇaṁ hatvā dānavānāṁ bhayāvaham

'सौभाग्य से आज मैं इस युद्ध में पूर्वजों का ऋण चुकाऊँगा, इस दानवभय-कारक नारायण को मारकर।'

श्लोक 256 (padma.1.41.256)

क्षिप्रमेव हनिष्यामि रणेऽमरगणानहम्। जात्यंतरगतोप्येष बाधते दानवान्मृधे।

kṣiprameva haniṣyāmi raṇe'maragaṇānaham jātyaṁtaragatopyeṣa bādhate dānavānmṛdhe

'मैं शीघ्र ही युद्ध में अमरगणों को मार डालूँगा। यह अनेक जन्म लेकर भी दानवों को युद्ध में सताता रहता है।'

श्लोक 257 (padma.1.41.257)

एषोऽनंतः पुरा भूत्वा पद्मनाभ इति श्रुतः। जघानैकार्णवे घोरे तावुभौ मधुकैटभौ।

eṣo'naṁtaḥ purā bhūtvā padmanābha iti śrutaḥ jaghānaikārṇave ghore tāvubhau madhukaiṭabhau

'यही अनंत पूर्वकाल में पद्मनाभ कहलाकर उस घोर एक समुद्र में मधु-कैटभ दोनों का वध कर चुका है।'

श्लोक 258 (padma.1.41.258)

द्विधाभूतं वपुः कृत्वा सिंहस्यार्द्धं नरस्य च। पितरं मे जघानैको हिरण्यकशिपुं पुरा।

dvidhābhūtaṁ vapuḥ kṛtvā siṁhasyārddhaṁ narasya ca pitaraṁ me jaghānaiko hiraṇyakaśipuṁ purā

'सिंह और नर के आधे-आधे शरीर धारण कर इसी ने अकेले पूर्वकाल में मेरे पिता हिरण्यकशिपु को मारा था।'

श्लोक 259 (padma.1.41.259)

शुभं गर्भमधत्तैनमदितिर्देवतारणिः। त्रीन्लोकानाजहारैकः क्रममाणस्त्रिभिः क्रमैः।

śubhaṁ garbhamadhattainamaditirdevatāraṇiḥ trīnlokānājahāraikaḥ kramamāṇastribhiḥ kramaiḥ

'देवताओं की अरणि अदिति ने इसे शुभ गर्भ में धारण किया; इसी ने अकेले तीनों लोकों को तीन डगों से नाप कर छीन लिया।'

श्लोक 260 (padma.1.41.260)

भूयस्त्विदानीं संप्राप्ते संग्रामे तारकामये। मया सह समागम्य स देवो विनशिष्यति।

bhūyastvidānīṁ saṁprāpte saṁgrāme tārakāmaye mayā saha samāgamya sa devo vinaśiṣyati

'अब पुनः इस तारकामय युद्ध में मुझसे भिड़कर वह देव नष्ट हो जाएगा।'

श्लोक 261 (padma.1.41.261)

एवमुक्त्वा बहुविधं क्षिप्रं नारायणं रणे। वाग्भिरप्रतिरूपाभिर्युद्धमेवाभ्यरोचयत्।

evamuktvā bahuvidhaṁ kṣipraṁ nārāyaṇaṁ raṇe vāgbhirapratirūpābhiryuddhamevābhyarocayat

युद्ध में इस प्रकार अनेक प्रकार से नारायण को शीघ्र फटकारते हुए, उसने अनुचित वचनों से उन्हें केवल युद्ध के लिए उकसाया।

श्लोक 262 (padma.1.41.262)

क्षिप्यमाणोऽसुरेंद्रेण न चुकोप गदाधरः। क्षमाबलेन महता सस्मितं चेदमब्रवीत्।

kṣipyamāṇo'sureṁdreṇa na cukopa gadādharaḥ kṣamābalena mahatā sasmitaṁ cedamabravīt

असुरेंद्र द्वारा फटकारे जाने पर भी गदाधारी क्रुद्ध नहीं हुए; अपने महान् क्षमाबल से मुस्कुराते हुए यह वचन कहा --

श्लोक 263 (padma.1.41.263)

अल्पं दर्पबलं दैत्य स्थिरमक्रोधजं बलम्। हतस्त्वं दर्पजैर्दोषैर्हित्वा यो भाषसे क्षमाम्।

alpaṁ darpabalaṁ daitya sthiramakrodhajaṁ balam hatastvaṁ darpajairdoṣairhitvā yo bhāṣase kṣamām

'हे दैत्य, दर्प से उत्पन्न बल अल्प है, क्रोधरहित से उत्पन्न बल ही स्थिर होता है। तुम दर्पजनित दोषों से ही नष्ट हो, जो क्षमा को छोड़कर बोलते हो।'

श्लोक 264 (padma.1.41.264)

अधमस्त्वं मम मतो धिगेतत्तव वाग्बलम्। के तत्र पुरुषाः संति यत्र गर्जंति योषितः।

adhamastvaṁ mama mato dhigetattava vāgbalam ke tatra puruṣāḥ saṁti yatra garjaṁti yoṣitaḥ

'मैं तुम्हें अधम मानता हूँ; तुम्हारे इस वाग्बल को धिक्कार है। वहाँ कैसे पुरुष हैं, जहाँ स्त्रियाँ ही गरजती हैं?'

श्लोक 265 (padma.1.41.265)

अहं त्वां दैत्य पश्यामि पूर्वेषां मार्गगामिनम्। प्रजापतिं कृतं सेतुं त्यक्त्वा कः स्वस्तिमान्भवेत्।

ahaṁ tvāṁ daitya paśyāmi pūrveṣāṁ mārgagāminam prajāpatiṁ kṛtaṁ setuṁ tyaktvā kaḥ svastimānbhavet

'हे दैत्य, मैं तुम्हें अपने पूर्वजों के ही मार्ग पर चलते देखता हूँ। प्रजापति द्वारा बनाई सीमा को त्यागकर कौन कल्याण पा सकता है?'

श्लोक 266 (padma.1.41.266)

अद्य त्वां नाशयिष्यामि देवव्यापारघातकम्। स्वेषु स्वेषु च स्थानेषु स्थापयिष्यामि देवताः।

adya tvāṁ nāśayiṣyāmi devavyāpāraghātakam sveṣu sveṣu ca sthāneṣu sthāpayiṣyāmi devatāḥ

'आज मैं तुम्हें, देवताओं के कार्य को नष्ट करने वाले को, समाप्त कर दूँगा; और देवताओं को उनके-उनके स्थान में पुनः स्थापित करूँगा।'

श्लोक 267 (padma.1.41.267)

एवं ब्रुवति वाक्यं तु मृधे श्रीवत्सधारिणि। जहास दानवः क्रोधाद्धस्तांश्चक्रेण सायुधान्।

evaṁ bruvati vākyaṁ tu mṛdhe śrīvatsadhāriṇi jahāsa dānavaḥ krodhāddhastāṁścakreṇa sāyudhān

श्रीवत्सधारी के इस प्रकार वचन कहने पर वह दानव क्रोध से हँस पड़ा, चक्रधारी उन हाथों को देखकर।

श्लोक 268 (padma.1.41.268)

स बाहुशतमुद्यम्य सर्वायुधगणान्रणे। क्रोधाद्विगुणरक्ताक्षो विष्णोर्वक्षस्य पातयत्।

sa bāhuśatamudyamya sarvāyudhagaṇānraṇe krodhādviguṇaraktākṣo viṣṇorvakṣasya pātayat

उसने अपनी सौ भुजाओं को उठाकर, सभी अस्त्रों सहित, क्रोध से दुगुनी लाल आँखों वाला होकर, विष्णु के वक्षस्थल पर प्रहार किया।

श्लोक 269 (padma.1.41.269)

दानवाश्चापि समरे मयतारपुरोगमाः। उद्यतायुधनिस्त्रिंशा विष्णुमभ्यद्रवन्रणे।

dānavāścāpi samare mayatārapurogamāḥ udyatāyudhanistriṁśā viṣṇumabhyadravanraṇe

और मय-तार को आगे किए हुए दानवगण भी उठाए हुए तलवारों और शस्त्रों सहित युद्ध में विष्णु पर टूट पड़े।

श्लोक 270 (padma.1.41.270)

स ताड्यमानोऽतिबलैर्दैत्यैः सर्वायुधोद्यतैः। न चचाल ततो युद्धे कंप्यमान इवाचलः।

sa tāḍyamāno'tibalairdaityaiḥ sarvāyudhodyataiḥ na cacāla tato yuddhe kaṁpyamāna ivācalaḥ

अत्यंत बलशाली दैत्यों द्वारा सभी शस्त्र उठाकर मारे जाने पर भी वे युद्ध में विचलित नहीं हुए, मानो कँपता-सा दिखने वाला पर्वत।

श्लोक 271 (padma.1.41.271)

संयुक्तश्च सुपर्णेन कालनेमिर्महासुरः। सर्वप्राणेन महतीं गदामुद्यम्य बाहुभिः।

saṁyuktaśca suparṇena kālanemirmahāsuraḥ sarvaprāṇena mahatīṁ gadāmudyamya bāhubhiḥ

सुपर्ण से जुड़े महासुर कालनेमि ने अपनी सारी शक्ति से, भुजाओं से भारी गदा उठाकर,

श्लोक 272 (padma.1.41.272)

घोरां ज्वलंतीं मुमुचे संरब्धो गरुडोपरि। कर्मणा तेन दैत्यस्य विष्णुर्विस्मयमागमत्।

ghorāṁ jvalaṁtīṁ mumuce saṁrabdho garuḍopari karmaṇā tena daityasya viṣṇurvismayamāgamat

क्रोध में भरकर उसे घोर जलती गदा गरुड़ पर फेंक दी। दैत्य के इस कर्म से विष्णु को विस्मय हुआ।

श्लोक 273 (padma.1.41.273)

तदा तेन सुपर्णस्य पातिता मूर्ध्नि सा गदा। सुपर्णं व्यथितं दृष्ट्वा क्षतं च वपुरात्मनः।

tadā tena suparṇasya pātitā mūrdhni sā gadā suparṇaṁ vyathitaṁ dṛṣṭvā kṣataṁ ca vapurātmanaḥ

उसकी वह गदा सुपर्ण के सिर पर आ गिरी। सुपर्ण को व्यथित और अपने शरीर को क्षत देखकर,

श्लोक 274 (padma.1.41.274)

क्रोधसंरक्तनयनो वैकुंठश्चक्रमाददे। व्यवर्द्धत च वेगेन सुपर्णेन समं विभुः।

krodhasaṁraktanayano vaikuṁṭhaścakramādade vyavarddhata ca vegena suparṇena samaṁ vibhuḥ

क्रोध से लाल नेत्रों वाले वैकुंठ ने चक्र उठा लिया; वे प्रभु सुपर्ण सहित वेगपूर्वक बढ़ने लगे।

श्लोक 275 (padma.1.41.275)

भुजाश्चास्य व्यवर्धंत व्याप्तवंतो दिशो दश। विदिशश्चैव खं चापि गां चैव प्रतिपूरयन्।

bhujāścāsya vyavardhaṁta vyāptavaṁto diśo daśa vidiśaścaiva khaṁ cāpi gāṁ caiva pratipūrayan

उनकी भुजाएँ बढ़कर दसों दिशाओं में व्याप्त हो गईं, विदिशाओं, आकाश और पृथ्वी को भी पूरी तरह भर दिया।

श्लोक 276 (padma.1.41.276)

ववृधे स पुनर्लोकान्क्रांतुकाम इवौजसा। तं जयाय सुरेंद्राणां वर्द्धमानं नभस्तले।

vavṛdhe sa punarlokānkrāṁtukāma ivaujasā taṁ jayāya sureṁdrāṇāṁ varddhamānaṁ nabhastale

वे मानो लोकों को लाँघने की इच्छा से अपने ओज से पुनः बढ़ने लगे। देवेंद्रों की विजय के लिए आकाश में बढ़ते हुए उन्हें,

श्लोक 277 (padma.1.41.277)

ॠषयः सह गंधर्वास्तुष्टुवुर्मधुसूदनम्। सद्यां किरीटेन लिखन्शिरसा भास्वरेण च।

ṝṣayaḥ saha gaṁdharvāstuṣṭuvurmadhusūdanam sadyāṁ kirīṭena likhanśirasā bhāsvareṇa ca

गंधर्वों सहित ऋषियों ने मधुसूदन की स्तुति की, जिनका दीप्त किरीट सहित मस्तक मानो आकाश को छू रहा था।

श्लोक 278 (padma.1.41.278)

पद्भ्यामाक्रम्यवसुधां दिशः प्रच्छाद्य बाहुभिः। सहस्रकरतुल्याभं सहस्रारमरिक्षयम्।

padbhyāmākramyavasudhāṁ diśaḥ pracchādya bāhubhiḥ sahasrakaratulyābhaṁ sahasrāramarikṣayam

पैरों से पृथ्वी को दबाते, भुजाओं से दिशाओं को ढकते हुए उन्होंने सहस्र हाथों के समान कांतिमान, सहस्र आरों वाला, शत्रुनाशक चक्र लिया,

श्लोक 279 (padma.1.41.279)

दीप्ताग्निसदृशं घोरंदर्शनेन सुदर्शनम्। सुवर्णरेणुपर्यंतं वज्रनाभं भयावहं।

dīptāgnisadṛśaṁ ghoraṁdarśanena sudarśanam suvarṇareṇuparyaṁtaṁ vajranābhaṁ bhayāvahaṁ

प्रज्वलित अग्नि-सा, देखने में घोर परंतु सुदर्शन, स्वर्णरेणु से घिरा, वज्रनाभ, भयावह,

श्लोक 280 (padma.1.41.280)

मेदोस्थिमज्जरुधिरैः सिक्तं दानवसंभवैः। अद्वितीयं प्रहरणं क्षुरपर्यंतमंडलम्।

medosthimajjarudhiraiḥ siktaṁ dānavasaṁbhavaiḥ advitīyaṁ praharaṇaṁ kṣuraparyaṁtamaṁḍalam

दानवों के मेद-अस्थि-मज्जा-रक्त से सिंचित, अद्वितीय अस्त्र, छुरे-सी तीखी धार वाला मंडल,

श्लोक 281 (padma.1.41.281)

स्रग्दाममालानिचितं कामगं कामरूपिणं। स्वयं स्वयंभुवा सृष्टं भयदं सर्वविद्विषाम्।

sragdāmamālānicitaṁ kāmagaṁ kāmarūpiṇaṁ svayaṁ svayaṁbhuvā sṛṣṭaṁ bhayadaṁ sarvavidviṣām

फूलों की मालाओं से सजा, इच्छानुसार गति और रूप धारण करने वाला, स्वयं स्वयंभू द्वारा रचा गया, सब शत्रुओं के लिए भयदायक --

श्लोक 282 (padma.1.41.282)

दधार रोषेणाविष्टं नित्यमाहवदर्पितं। क्षेपणाद्यस्य मुह्यंति लोकाः सस्थाणुजंगमाः।

dadhāra roṣeṇāviṣṭaṁ nityamāhavadarpitaṁ kṣepaṇādyasya muhyaṁti lokāḥ sasthāṇujaṁgamāḥ

उन्होंने उसे धारण किया, जो क्रोध से भरा, सदा युद्ध के लिए तत्पर रहता है, जिसके फेंकने मात्र से स्थावर-जंगम सब लोक मूर्च्छित हो जाते हैं,

श्लोक 283 (padma.1.41.283)

क्रव्यादानि च भूतानि तृप्तिं यांति महामृधे। तमप्रतिमकर्माणं समानं सूर्यवर्चसा।

kravyādāni ca bhūtāni tṛptiṁ yāṁti mahāmṛdhe tamapratimakarmāṇaṁ samānaṁ sūryavarcasā

और महासमर में मांसभक्षी प्राणी तृप्ति पाते हैं। उस अप्रतिम कर्म वाले, सूर्यतुल्य तेजस्वी चक्र को,

श्लोक 284 (padma.1.41.284)

चक्रमुद्यम्य समरे कोपदीप्तो गदाधरः। प्रणष्टं दानवं तेजः कुर्वाणं स्वेन तेजसा।

cakramudyamya samare kopadīpto gadādharaḥ praṇaṣṭaṁ dānavaṁ tejaḥ kurvāṇaṁ svena tejasā

युद्ध में क्रोध से दीप्त गदाधारी ने उठाकर, अपने ही तेज से दानव के नष्ट होते तेज पर छोड़ा,

श्लोक 285 (padma.1.41.285)

चिच्छेद बाहूंस्तेनैव समरे कालनेमिनः। तच्च वक्त्रशतं घोरं साग्निचूर्णाट्टहासि वै।

ciccheda bāhūṁstenaiva samare kālaneminaḥ tacca vaktraśataṁ ghoraṁ sāgnicūrṇāṭṭahāsi vai

और उसी से युद्ध में कालनेमि की भुजाओं को काट डाला; और वह घोर सौ मुखों वाला, अग्नि-सी चिंगारियों सहित अट्टहास करने वाला मुख भी,

श्लोक 286 (padma.1.41.286)

तस्य दैत्यस्य चक्रेण प्रममाथ बलाद्धरिः। सच्छिन्नबाहुर्विशिरानप्राकंपत दानवः।

tasya daityasya cakreṇa pramamātha balāddhariḥ sacchinnabāhurviśirānaprākaṁpata dānavaḥ

उस दैत्य को हरि ने चक्र से बलपूर्वक कुचल दिया; भुजाएँ कटी, सिर विहीन वह दानव किंचित् भी नहीं कँपा।

श्लोक 287 (padma.1.41.287)

कबंधावस्थितः संख्ये विशाखइव पादपः। तंवितत्य महापक्षौ वायोः कृत्वा समं जवम्।

kabaṁdhāvasthitaḥ saṁkhye viśākhaiva pādapaḥ taṁvitatya mahāpakṣau vāyoḥ kṛtvā samaṁ javam

युद्ध में कबंध बनकर खड़ा वह, मानो शाखारहित वृक्ष; अपने विशाल पंखों को फैलाकर, वायु के समान वेग से,

श्लोक 288 (padma.1.41.288)

उरसा ताडयामास गरुडः कालनेमिनं। स तस्य देहोभिमुखो विबाहुः खात्परिभ्रमन्।

urasā tāḍayāmāsa garuḍaḥ kālaneminaṁ sa tasya dehobhimukho vibāhuḥ khātparibhraman

गरुड़ ने कालनेमि को अपने वक्ष से आघात किया। उसका वह भुजाहीन शरीर, गरुड़ की ओर मुड़ा हुआ, आकाश से भ्रमण करता हुआ,

श्लोक 289 (padma.1.41.289)

निपपात दिवं त्यक्त्वा क्षोभयन्धरणीतलम्। तस्मिन्निपतिते दैत्ये देवाः सर्षिगणास्तथा।

nipapāta divaṁ tyaktvā kṣobhayandharaṇītalam tasminnipatite daitye devāḥ sarṣigaṇāstathā

स्वर्ग को त्यागकर, पृथ्वी को कँपाते हुए गिर पड़ा। उस दैत्य के गिरने पर देवगण और ऋषिगण,

श्लोक 290 (padma.1.41.290)

साधुसाध्विति वैकुंठं समेताः प्रत्यपूजयन्। अपरे ये तु दैत्या वै युद्धे दृष्टपराक्रमाः।

sādhusādhviti vaikuṁṭhaṁ sametāḥ pratyapūjayan apare ye tu daityā vai yuddhe dṛṣṭaparākramāḥ

एकत्र होकर 'साधु-साधु' कहते हुए वैकुंठ की पूजा करने लगे। किंतु जो अन्य दैत्य युद्ध में पराक्रम दिखा चुके थे,

श्लोक 291 (padma.1.41.291)

ते सर्वे बाहुभिर्व्याप्ता न शेकुश्चलितुं रणे। कांश्चित्केशेषु जग्राह कांश्चित्कंठेष्वपीडयत्।

te sarve bāhubhirvyāptā na śekuścalituṁ raṇe kāṁścitkeśeṣu jagrāha kāṁścitkaṁṭheṣvapīḍayat

वे सब भुजाओं से जकड़े गए, युद्ध में हिल नहीं सके; किन्हीं को केशों से पकड़ा गया, किन्हीं का गला दबाया गया,

श्लोक 292 (padma.1.41.292)

चकर्त कस्यचिद्वक्त्रं मध्ये गृह्णात्तथापरम्। ते गदाचक्रनिर्दग्धा गतसत्वा गतासवः।

cakarta kasyacidvaktraṁ madhye gṛhṇāttathāparam te gadācakranirdagdhā gatasatvā gatāsavaḥ

किसी का मुख काट डाला गया, किसी को मध्य से पकड़ लिया गया; वे गदा-चक्र से जले हुए, बलहीन, प्राणहीन होकर,

श्लोक 293 (padma.1.41.293)

गगनाद्भ्रष्टसर्वांगा निपेतुर्धरणीतले। तेषु सर्वेषु दैत्येषु हतेषु पुरुषोत्तमः।

gaganādbhraṣṭasarvāṁgā nipeturdharaṇītale teṣu sarveṣu daityeṣu hateṣu puruṣottamaḥ

आकाश से सारे अंग टूटकर पृथ्वी पर गिर पड़े। उन सब दैत्यों के मारे जाने पर पुरुषोत्तम ने,

श्लोक 294 (padma.1.41.294)

शक्रप्रियं ततः कृत्वा कृतकर्मगदाधरः। तस्मिन्विमर्दे संवृत्ते संग्रामे तारकामये।

śakrapriyaṁ tataḥ kṛtvā kṛtakarmagadādharaḥ tasminvimarde saṁvṛtte saṁgrāme tārakāmaye

शक्र को प्रसन्न कर, अपना कार्य पूर्ण कर लिया, वह गदाधारी। उस तारकामय युद्ध में यह संघर्ष संपन्न होने पर,

श्लोक 295 (padma.1.41.295)

तं च देशं जगामाशु ब्रह्मा लोकपितामहः। सर्वैर्ब्रह्मर्षिभिः सार्द्धं गंधर्वाप्सरसांगणैः।

taṁ ca deśaṁ jagāmāśu brahmā lokapitāmahaḥ sarvairbrahmarṣibhiḥ sārddhaṁ gaṁdharvāpsarasāṁgaṇaiḥ

लोकपितामह ब्रह्मा उस स्थान पर शीघ्र पधारे, सभी ब्रह्मर्षियों तथा गंधर्व-अप्सराओं के समूहों सहित।

श्लोक 296 (padma.1.41.296)

देवदेवं हरिं देवः पूजयन्वाक्यमब्रवीत्। कृतं देव महत्कर्म सुराणां शल्यमुद्धृतम्।

devadevaṁ hariṁ devaḥ pūjayanvākyamabravīt kṛtaṁ deva mahatkarma surāṇāṁ śalyamuddhṛtam

उन देव ने देवदेव हरि की पूजा करते हुए यह वचन कहा -- 'हे देव, महान् कार्य संपन्न हुआ, देवताओं का शल्य निकाल दिया गया।'

श्लोक 297 (padma.1.41.297)

निधनेन च दैत्यानां वयं च परितोषिताः। योऽयं त्वया हतो विष्णो कालनेमिर्महासुरः।

nidhanena ca daityānāṁ vayaṁ ca paritoṣitāḥ yo'yaṁ tvayā hato viṣṇo kālanemirmahāsuraḥ

'दैत्यों के विनाश से हम भी संतुष्ट हुए हैं। हे विष्णु, तुमने जिस इस महासुर कालनेमि को मारा है --'

श्लोक 298 (padma.1.41.298)

त्वामेतस्य ॠते ह्यस्मिन्शास्ता कश्चिन्न विद्यते। एष देवान्परिभवन्लोकांश्च सचराचरान्।

tvāmetasya ṝte hyasminśāstā kaścinna vidyate eṣa devānparibhavanlokāṁśca sacarācarān

'उसे तुम्हारे अतिरिक्त वश में करने वाला और कोई नहीं था। यह देवताओं और चराचर सहित लोकों को तिरस्कृत करते हुए,'

श्लोक 299 (padma.1.41.299)

ॠषीणां कदनं कृत्वा मामपि प्रतिगर्जति। तदनेन त्वदीयेन परितुष्टोस्मि कर्मणा।

ṝṣīṇāṁ kadanaṁ kṛtvā māmapi pratigarjati tadanena tvadīyena parituṣṭosmi karmaṇā

'ऋषियों का संहार कर मुझे भी ललकारता था। इसलिए मैं तुम्हारे इस कर्म से संतुष्ट हूँ।'

श्लोक 300 (padma.1.41.300)

यदयं कालकल्पस्ते कालनेमिर्निपातितः। तदागच्छस्व भद्रं ते गच्छाम दिवमुत्तमाम्।

yadayaṁ kālakalpaste kālanemirnipātitaḥ tadāgacchasva bhadraṁ te gacchāma divamuttamām

'चूँकि यह काल-सम कालनेमि तुम्हारे द्वारा गिरा दिया गया है, इसलिए आओ, तुम्हारा कल्याण हो, हम श्रेष्ठ स्वर्ग को चलें।'

श्लोक 301 (padma.1.41.301)

ब्रह्मर्षयस्त्वां तत्रस्थाः प्रतीक्षंते सदो गताः। कं चाहं तव दास्यामि वरं वरभृतां वर।

brahmarṣayastvāṁ tatrasthāḥ pratīkṣaṁte sado gatāḥ kaṁ cāhaṁ tava dāsyāmi varaṁ varabhṛtāṁ vara

'वहाँ स्थित ब्रह्मर्षिगण सभा में जाकर तुम्हारी प्रतीक्षा कर रहे हैं। और मैं तुम्हें क्या वर दूँ, हे वरदाताओं में श्रेष्ठ?'

श्लोक 302 (padma.1.41.302)

स्वस्थानस्थेषु देवेषु तेषां च वरदो भवान्। निर्यातमेतत्त्रैलोक्यं स्फीतं निहतकंटकम्।

svasthānastheṣu deveṣu teṣāṁ ca varado bhavān niryātametattrailokyaṁ sphītaṁ nihatakaṁṭakam

'देवताओं के अपने-अपने स्थान में स्थित हो जाने पर तुम ही उनके वरदाता बनो। यह समृद्ध त्रैलोक्य, कंटकरहित होकर पुनः प्राप्त हुआ है --'

श्लोक 303 (padma.1.41.303)

अस्मिन्नेव मृधे विष्णो शक्राय सुमहात्मने। एवमुक्तो भगवता ब्रह्मणा हरिरव्ययः।

asminneva mṛdhe viṣṇo śakrāya sumahātmane evamukto bhagavatā brahmaṇā hariravyayaḥ

'--इसी युद्ध में, हे विष्णु, महात्मा शक्र को।' भगवान् ब्रह्मा के ऐसा कहने पर अव्यय हरि ने,

श्लोक 304 (padma.1.41.304)

देवान्शक्रमुखान्सर्वानुवाच शुभया गिरा। विष्णुरुवाच। श्रूयतां त्रिदशास्सर्वे यावंतोऽत्र समागताः।

devānśakramukhānsarvānuvāca śubhayā girā viṣṇuruvāca śrūyatāṁ tridaśāssarve yāvaṁto'tra samāgatāḥ

शक्र आदि सभी देवताओं से शुभ वाणी में कहा। विष्णु ने कहा -- 'यहाँ जितने भी देवगण एकत्र हुए हैं, वे सब सुनें।'

श्लोक 305 (padma.1.41.305)

सुपर्णसहितैस्तत्र पुरस्कृत्य पुरंदरं। अस्माभिः समरे सर्वैः कालनेमिमुखा हताः।

suparṇasahitaistatra puraskṛtya puraṁdaraṁ asmābhiḥ samare sarvaiḥ kālanemimukhā hatāḥ

'वहाँ सुपर्ण सहित, पुरंदर को आगे कर, हम सभी ने मिलकर युद्ध में कालनेमि आदि को मारा है।'

श्लोक 306 (padma.1.41.306)

दानवा विक्रमोपेताः शक्रादपि महत्तराः। अस्मिन्महति संग्रामे द्वावेव तु विनिस्सृतौ।

dānavā vikramopetāḥ śakrādapi mahattarāḥ asminmahati saṁgrāme dvāveva tu vinissṛtau

'पराक्रमी दानव, शक्र से भी बढ़कर, इस महायुद्ध में केवल दो ही बचकर निकल पाए हैं।'

श्लोक 307 (padma.1.41.307)

विरोचनस्तु दैतेयः स्वर्भानुश्च महाबलः। स्वां दिशं भजतां शक्रो दिशं वरुण एव च।

virocanastu daiteyaḥ svarbhānuśca mahābalaḥ svāṁ diśaṁ bhajatāṁ śakro diśaṁ varuṇa eva ca

'दैत्य विरोचन और महाबली स्वर्भानु। अब शक्र अपनी दिशा को धारण करें, और वरुण भी अपनी दिशा को,'

श्लोक 308 (padma.1.41.308)

याम्यां यमः पालयतामुत्तरां च धनाधिपः। ॠक्षैः सह सदा योगं गच्छतां चंद्रमास्तथा।

yāmyāṁ yamaḥ pālayatāmuttarāṁ ca dhanādhipaḥ ṝkṣaiḥ saha sadā yogaṁ gacchatāṁ caṁdramāstathā

'यम दक्षिण की रक्षा करें, और धनाधिप उत्तर की; चंद्रमा भी सदा नक्षत्रों के साथ योग में रहें,'

श्लोक 309 (padma.1.41.309)

अयमृतुमुखं सूर्यो भजतामयनैः सह। आज्यभागाः प्रवर्तंतां सदस्यैरभिपूजिताः।

ayamṛtumukhaṁ sūryo bhajatāmayanaiḥ saha ājyabhāgāḥ pravartaṁtāṁ sadasyairabhipūjitāḥ

'यह सूर्य ऋतुओं के मुख्य भाग को अयनों सहित धारण करें; घृतभाग सभासदों द्वारा सम्मानित होकर प्रवृत्त हों,'

श्लोक 310 (padma.1.41.310)

हूयंतामग्नयो विप्रैर्वेददृष्टेन कर्मणा। देवाश्च बलिहोमेन स्वाध्यायेन महर्षयः।

hūyaṁtāmagnayo viprairvedadṛṣṭena karmaṇā devāśca balihomena svādhyāyena maharṣayaḥ

'विप्रों द्वारा वेददृष्ट कर्म से अग्नियाँ हुत की जाएँ; देवताओं की बलिहोम से, महर्षियों की स्वाध्याय से,'

श्लोक 311 (padma.1.41.311)

श्राद्धेन पितरश्चैव तुष्टिं यांतु यथासुखम्। वायुश्चरतु मार्गस्थस्त्रिधा दीप्यतु पावकः।

śrāddhena pitaraścaiva tuṣṭiṁ yāṁtu yathāsukham vāyuścaratu mārgasthastridhā dīpyatu pāvakaḥ

'और पितरों की श्राद्ध से यथासुख तृप्ति हो। वायु अपने मार्ग में चले, अग्नि त्रिविध रूप से प्रज्वलित हो,'

श्लोक 312 (padma.1.41.312)

त्रयोवर्णाश्च लोकांस्त्रीस्तपर्पयंत्वात्मजैर्गुणैः। क्रतवः संप्रवर्तंतां दीक्षणीयैर्द्विजातिभिः।

trayovarṇāśca lokāṁstrīstaparpayaṁtvātmajairguṇaiḥ kratavaḥ saṁpravartaṁtāṁ dīkṣaṇīyairdvijātibhiḥ

'तीनों वर्ण अपने-अपने गुणों से तीनों लोकों को तृप्त करें; दीक्षायोग्य द्विजातियों द्वारा यज्ञ पुनः प्रवृत्त हों,'

श्लोक 313 (padma.1.41.313)

दक्षिणाश्चोपपद्यंतां याज्ञिकैश्च पृथक्पृथक्। गाश्च सूर्यो रसान्सोमो वायुः प्राणांश्च प्राणिषु।

dakṣiṇāścopapadyaṁtāṁ yājñikaiśca pṛthakpṛthak gāśca sūryo rasānsomo vāyuḥ prāṇāṁśca prāṇiṣu

'दक्षिणाएँ याज्ञिकों द्वारा पृथक्-पृथक् दी जाएँ; सूर्य गौओं को, सोम रसों को, वायु प्राणियों में प्राणों को,'

श्लोक 314 (padma.1.41.314)

तर्पयन्तः प्रवर्तंतामेते सोम्यैः स्वकर्मभिः। यथावदनुपूर्वेण महेंद्रमलयोद्भवाः।

tarpayantaḥ pravartaṁtāmete somyaiḥ svakarmabhiḥ yathāvadanupūrveṇa maheṁdramalayodbhavāḥ

'तृप्त करते हुए अपने-अपने सौम्य कर्मों से यथाक्रम प्रवृत्त हों; और महेंद्र-मलय से उत्पन्न नदियाँ,'

श्लोक 315 (padma.1.41.315)

त्रैलोक्यमातरः सर्वाः समुद्रं यांतु सिंधवः। दैत्येभ्यस्त्यज्यतां भीश्च शांतिं व्रजत देवताः।

trailokyamātaraḥ sarvāḥ samudraṁ yāṁtu siṁdhavaḥ daityebhyastyajyatāṁ bhīśca śāṁtiṁ vrajata devatāḥ

'त्रैलोक्य की माताएँ सभी सिंधुएँ समुद्र की ओर बहें। दैत्यों का भय त्याग दिया जाए, देवगण शांति को प्राप्त हों।'

श्लोक 316 (padma.1.41.316)

स्वस्ति वोऽस्तु गमिष्यामि ब्रह्मलोकं सनातनं। स्वगृहे स्वर्गलोके वा संग्रामे वा विशेषतः।

svasti vo'stu gamiṣyāmi brahmalokaṁ sanātanaṁ svagṛhe svargaloke vā saṁgrāme vā viśeṣataḥ

'तुम्हारा कल्याण हो, मैं अब सनातन ब्रह्मलोक को जाऊँगा। अपने घर में, स्वर्गलोक में, या विशेषतः युद्ध में भी --'

श्लोक 317 (padma.1.41.317)

विश्वस्तैश्च न गंतव्यं नित्यं क्षुद्रा हि दानवाः। छिद्रेषु प्रहरंत्येते न तेषां संस्थितिर्ध्रुवा।

viśvastaiśca na gaṁtavyaṁ nityaṁ kṣudrā hi dānavāḥ chidreṣu praharaṁtyete na teṣāṁ saṁsthitirdhruvā

'--निश्चिंत होकर कभी नहीं जाना चाहिए, क्योंकि दानव सदा क्षुद्र होते हैं। वे छिद्रों (कमजोरियों) पर ही प्रहार करते हैं, उनकी स्थिति कभी स्थिर नहीं होती।'

श्लोक 318 (padma.1.41.318)

सौम्यानां निजभावानां भवतामार्जवे मनः। एवमुक्त्वा सुरगणान्विष्णुस्सत्यपराक्रमः।

saumyānāṁ nijabhāvānāṁ bhavatāmārjave manaḥ evamuktvā suragaṇānviṣṇussatyaparākramaḥ

'अपने सौम्य स्वभाव में तुम्हारा मन सरलता में लगा रहे।' इस प्रकार सुरगणों से कहकर सत्यपराक्रमी विष्णु,

श्लोक 319 (padma.1.41.319)

जगाम ब्रह्मणा सार्द्धं ब्रह्मलोकं महायशाः। देवानां महतीं प्रीतिमुत्पाद्य भगवान्प्रभुः।

jagāma brahmaṇā sārddhaṁ brahmalokaṁ mahāyaśāḥ devānāṁ mahatīṁ prītimutpādya bhagavānprabhuḥ

ब्रह्मा के साथ महायशस्वी ब्रह्मलोक को गए -- वे भगवान् प्रभु, देवताओं में महान् प्रीति उत्पन्न करके।

श्लोक 320 (padma.1.41.320)

एतदाश्चर्यमभवत्संग्रामे तारकामये। दानवानां च विष्णोश्च यन्मां त्वं परिपृच्छसि।

etadāścaryamabhavatsaṁgrāme tārakāmaye dānavānāṁ ca viṣṇośca yanmāṁ tvaṁ paripṛcchasi

तारकामय युद्ध में दानवों और विष्णु के बीच यह जो आश्चर्यजनक घटना हुई, वही तुमने मुझसे पूछा है।