तारकजय

श्लोक 1 (padma.1.42.1)

भीष्म उवाच। श्रुतः पद्मोद्भवो ब्रह्मन्विस्तरेण त्वयेरितः। समासाद्भवमाहात्म्यमुत्पत्तिं च गुहस्य च

bhīṣma uvāca śrutaḥ padmodbhavo brahmanvistareṇa tvayeritaḥ samāsādbhavamāhātmyamutpattiṁ ca guhasya ca

भीष्म ने कहा — हे ब्राह्मण! आपने मुझे पद्म (पुराण) का विस्तार से वर्णन सुनाया है। अब संक्षेप में भव (शिव) की महिमा और गुह (कार्तिकेय) की उत्पत्ति सुनाइए।

श्लोक 2 (padma.1.42.2)

श्रोतुमिच्छामि ते ब्रह्मन्यथाभूतः कृतं च यत्। तारकश्च कथं भूतो दानवो बलवत्तरः

śrotumicchāmi te brahmanyathābhūtaḥ kṛtaṁ ca yat tārakaśca kathaṁ bhūto dānavo balavattaraḥ

हे ब्राह्मण! मैं यह जानना चाहता हूँ कि यह सब वास्तव में कैसे हुआ, और वह अत्यंत बलवान दानव तारक कैसे उत्पन्न हुआ।

श्लोक 3 (padma.1.42.3)

कार्त्तिकेयेन स ब्रह्मन्कथं ध्वस्तो महासुरः। कथं रुद्रेण मुनयः प्रेषिता मंदरं गिरिम्

kārttikeyena sa brahmankathaṁ dhvasto mahāsuraḥ kathaṁ rudreṇa munayaḥ preṣitā maṁdaraṁ girim

हे ब्राह्मण! वह महासुर कार्तिकेय द्वारा कैसे नष्ट हुआ? और रुद्र ने मुनियों को मंदराचल पर्वत पर कैसे भेजा?

श्लोक 4 (padma.1.42.4)

कथं लब्धा उमा तत्र रुद्रेण परमेष्ठिना। एतदाख्याहि मे सर्वं यथाभूतं महामुने

kathaṁ labdhā umā tatra rudreṇa parameṣṭhinā etadākhyāhi me sarvaṁ yathābhūtaṁ mahāmune

वहाँ परमेष्ठी रुद्र ने उमा को कैसे प्राप्त किया? हे महामुने! यह सब मुझे यथावत् कहिए।

श्लोक 5 (padma.1.42.5)

पुलस्त्य उवाच। कश्यपेन पुरा प्रोक्ता दितिर्दैत्यारणिः शुभा। वज्रसारमयैश्चांगैः पुत्रो देवि भविष्यति

pulastya uvāca kaśyapena purā proktā ditirdaityāraṇiḥ śubhā vajrasāramayaiścāṁgaiḥ putro devi bhaviṣyati

पुलस्त्य ने कहा — प्राचीन काल में कश्यप ने दैत्यों की माता, कल्याणी दिति से कहा — हे देवी! तुम्हें वज्र के समान दृढ़ अंगों वाला पुत्र होगा।

श्लोक 6 (padma.1.42.6)

वज्रांगो नाम पुत्रस्तु भविता धर्मवत्सलः। सा च लब्धवरा देवी सुषुवे वज्रदुश्छिदम्

vajrāṁgo nāma putrastu bhavitā dharmavatsalaḥ sā ca labdhavarā devī suṣuve vajraduśchidam

उस धर्मपरायण पुत्र का नाम वज्रांग होगा। वह वर पाकर देवी ने ऐसे पुत्र को जन्म दिया जिसे वज्र भी भेद नहीं सकता था।

श्लोक 7 (padma.1.42.7)

स जातमात्र एवाभूत्सर्वशास्त्रार्थपारगः। उवाच मातरं भक्त्या मातः किं करवाण्यहम्

sa jātamātra evābhūtsarvaśāstrārthapāragaḥ uvāca mātaraṁ bhaktyā mātaḥ kiṁ karavāṇyaham

वह जन्म लेते ही समस्त शास्त्रों के अर्थ में पारंगत हो गया। उसने भक्तिपूर्वक माता से पूछा — माता! मैं क्या करूँ?

श्लोक 8 (padma.1.42.8)

तस्योवाच ततो हृष्टा दितिर्दैत्याधिपस्य तु। बहवो मे हताः पुत्राः सहस्राक्षेण पुत्रक

tasyovāca tato hṛṣṭā ditirdaityādhipasya tu bahavo me hatāḥ putrāḥ sahasrākṣeṇa putraka

तब प्रसन्न होकर दिति ने उस दैत्यराज-पुत्र से कहा — पुत्र! सहस्राक्ष (इन्द्र) द्वारा मेरे बहुत-से पुत्र मारे गए हैं।

श्लोक 9 (padma.1.42.9)

तेषामपचितिं कर्तुं गच्छ शक्रवधाय तु। बाढमित्येव तां चोक्त्वा जगाम त्रिदिवं बलात्

teṣāmapacitiṁ kartuṁ gaccha śakravadhāya tu bāḍhamityeva tāṁ coktvā jagāma tridivaṁ balāt

उनका बदला लेने के लिए तुम इन्द्र-वध हेतु जाओ। 'अवश्य' कहकर वह बलपूर्वक स्वर्ग को गया।

श्लोक 10 (padma.1.42.10)

बध्वा ततः सहस्राक्षं पाशेनामोघवर्चसा। मातुरंतिकमागच्छद्व्याधः क्षुद्रमृगं यथा

badhvā tataḥ sahasrākṣaṁ pāśenāmoghavarcasā māturaṁtikamāgacchadvyādhaḥ kṣudramṛgaṁ yathā

सहस्राक्ष को अमोघ पाश से बाँधकर वह उसे अपनी माता के समक्ष ले आया, जैसे शिकारी किसी छोटे मृग को लाता है।

श्लोक 11 (padma.1.42.11)

एतस्मिन्नंतरे ब्रह्मा कश्यपश्च महातपाः। आगतौ तत्र यत्रास्तां मातापुत्रावभीतकौ

etasminnaṁtare brahmā kaśyapaśca mahātapāḥ āgatau tatra yatrāstāṁ mātāputrāvabhītakau

इसी बीच महातपस्वी ब्रह्मा और कश्यप वहाँ पहुँचे, जहाँ वह निर्भीक माता-पुत्र थे।

श्लोक 12 (padma.1.42.12)

दृष्ट्वा तु तावुवाचेदं ब्रह्मा कश्यप एव च। मुंचैनं पुत्र देवेंद्रं किमनेन प्रयोजनम्

dṛṣṭvā tu tāvuvācedaṁ brahmā kaśyapa eva ca muṁcainaṁ putra deveṁdraṁ kimanena prayojanam

उन्हें देखकर ब्रह्मा और कश्यप ने कहा — पुत्र! इन्द्र को छोड़ दो, इससे क्या प्रयोजन?

श्लोक 13 (padma.1.42.13)

अवमानो वधः प्रोक्तः पुत्र संभावितस्य तु। अस्मद्वाक्येन यो मुक्तस्त्वद्धस्तान्मृत एव सः

avamāno vadhaḥ proktaḥ putra saṁbhāvitasya tu asmadvākyena yo muktastvaddhastānmṛta eva saḥ

सम्मानित व्यक्ति के लिए अपमान वध के समान कहा गया है, पुत्र। हमारे वचन से जो छूट जाए, वह तुम्हारे हाथों मरा हुआ ही समझो।

श्लोक 14 (padma.1.42.14)

परस्य गौरवान्मुक्तः शत्रूणां शत्रुराहवे। सजीवन्नेव हि मृतो दिवसे दिवसे पुनः

parasya gauravānmuktaḥ śatrūṇāṁ śatrurāhave sajīvanneva hi mṛto divase divase punaḥ

दूसरे के गौरव से युद्ध में छूटा हुआ शत्रु जीवित रहते हुए भी प्रतिदिन मानो पुनः मरता है।

श्लोक 15 (padma.1.42.15)

एतच्छ्रुत्वा तु वज्रांगः प्रणतो वाक्यमब्रवीत्। न मे कृत्यमनेनास्ति मातुराज्ञा कृता हि मे

etacchrutvā tu vajrāṁgaḥ praṇato vākyamabravīt na me kṛtyamanenāsti māturājñā kṛtā hi me

यह सुनकर वज्रांग ने प्रणाम करते हुए कहा — मुझे इससे कोई प्रयोजन नहीं, मैंने तो केवल माता की आज्ञा का पालन किया है।

श्लोक 16 (padma.1.42.16)

त्वं सुरासुरनाथो वै मान्यश्च प्रपितामहः। करिष्ये त्वद्वचो देव एष मुक्तः शतक्रतुः

tvaṁ surāsuranātho vai mānyaśca prapitāmahaḥ kariṣye tvadvaco deva eṣa muktaḥ śatakratuḥ

आप देवों और असुरों दोनों के स्वामी तथा माननीय प्रपितामह हैं। हे देव! मैं आपका वचन मानता हूँ — शतक्रतु इन्द्र मुक्त हुआ।

श्लोक 17 (padma.1.42.17)

तपसेमेरतिर्देवनिर्विघ्नंतच्चमेभवेत्। त्वत्प्रसादेन भगवन्नित्युक्त्वा विरराम ह

tapasemeratirdevanirvighnaṁtaccamebhavet tvatprasādena bhagavannityuktvā virarāma ha

आपकी कृपा से मेरी रति तप में हो, निर्विघ्न हो — हे भगवन्! ऐसा कहकर वह मौन हो गया।

श्लोक 18 (padma.1.42.18)

तस्मिंस्तूष्णीं स्थिते दैत्ये प्रोवाचेदं पितामहः। ब्रह्मोवाच। तपस्त्वं कुरु मापन्नः सोस्मच्छासनसंस्थितः

tasmiṁstūṣṇīṁ sthite daitye provācedaṁ pitāmahaḥ brahmovāca tapastvaṁ kuru māpannaḥ sosmacchāsanasaṁsthitaḥ

जब वह दैत्य इस प्रकार चुप हो गया, तब पितामह ने यह कहा। ब्रह्मा ने कहा — तुम तप करो, हमारी आज्ञा में स्थित रहकर विपत्तिरहित रहो।

श्लोक 19 (padma.1.42.19)

अनया चित्तशुद्ध्या हि पर्याप्तं जन्मनः फलम्। इत्युक्त्वा पद्मजः कन्यां ससर्जायतलोचनाम्

anayā cittaśuddhyā hi paryāptaṁ janmanaḥ phalam ityuktvā padmajaḥ kanyāṁ sasarjāyatalocanām

इस चित्तशुद्धि से ही तुम्हारे जन्म का फल पूर्ण हो गया। ऐसा कहकर पद्मज (ब्रह्मा) ने विशाल नेत्रों वाली एक कन्या की रचना की।

श्लोक 20 (padma.1.42.20)

तामस्मै प्रददौ देवः पत्न्यर्थे पद्मसंभवः। वरांगीति च नामास्याः कृत्वा यातः पितापहः

tāmasmai pradadau devaḥ patnyarthe padmasaṁbhavaḥ varāṁgīti ca nāmāsyāḥ kṛtvā yātaḥ pitāpahaḥ

पद्मसंभव देव ने उसे पत्नी रूप में उसे दे दिया, उसका नाम वरांगी रखकर वह पितामह वहाँ से चले गए।

श्लोक 21 (padma.1.42.21)

वज्रांगोपि तया सार्द्धं जगाम तपसे वनम्। ऊर्द्ध्वबाहुस्स दैत्येंद्रो चरद्वर्षसहस्रकम्

vajrāṁgopi tayā sārddhaṁ jagāma tapase vanam ūrddhvabāhussa daityeṁdro caradvarṣasahasrakam

वज्रांग भी उसके साथ तप के लिए वन में गया। वह दैत्येंद्र ऊर्ध्वबाहु होकर एक सहस्र वर्ष तक तप करता रहा।

श्लोक 22 (padma.1.42.22)

कालं कमलपत्राक्षः शुद्धबुद्धिर्महातपाः। तावच्चाधोमुखः कालं तावत्पंचाग्निमध्यगः

kālaṁ kamalapatrākṣaḥ śuddhabuddhirmahātapāḥ tāvaccādhomukhaḥ kālaṁ tāvatpaṁcāgnimadhyagaḥ

कमलपत्राक्ष, शुद्धबुद्धि, महातपस्वी वज्रांग उतने ही समय अधोमुख होकर और उतने ही समय पंचाग्नि के मध्य रहा।

श्लोक 23 (padma.1.42.23)

निराहारो घोरतपास्तपोराशिरजायत। ततः सोंतर्जले चक्रे वासं वर्षसहस्रकम्

nirāhāro ghoratapāstaporāśirajāyata tataḥ soṁtarjale cakre vāsaṁ varṣasahasrakam

निराहार रहकर घोर तप करते हुए वह तप की राशि ही बन गया। फिर उसने एक सहस्र वर्ष तक जल के भीतर निवास किया।

श्लोक 24 (padma.1.42.24)

जलांतरं प्रविष्टस्य तस्य पत्नी महाव्रता। तस्यैव तीरे सरसः स्थिताऽसौ मौनमाश्रिता

jalāṁtaraṁ praviṣṭasya tasya patnī mahāvratā tasyaiva tīre sarasaḥ sthitā'sau maunamāśritā

जब वह जल में प्रविष्ट था, तब उसकी महाव्रता पत्नी उसी सरोवर के तट पर मौनव्रत धारण किए स्थित रही।

श्लोक 25 (padma.1.42.25)

निराहारं तपो घोरं प्रविवेश महाद्युतिः। तस्यां तपसि वर्तंत्यामिंद्रश्चक्रे विभीषिकाम्

nirāhāraṁ tapo ghoraṁ praviveśa mahādyutiḥ tasyāṁ tapasi vartaṁtyāmiṁdraścakre vibhīṣikām

उस महातेजस्विनी ने भी निराहार घोर तप में प्रवेश किया। उसके तपस्या में लीन रहते हुए इन्द्र ने उसे भयभीत करने का प्रयत्न किया।

श्लोक 26 (padma.1.42.26)

गत्वा तु मर्कटाकारस्तदाश्रमपदं महत्। ब्रसीं चकर्ष बलवान्गंधाद्यर्चाकरंडकम्

gatvā tu markaṭākārastadāśramapadaṁ mahat brasīṁ cakarṣa balavāngaṁdhādyarcākaraṁḍakam

वानर का रूप धारण करके उस विशाल आश्रम में जाकर उस बलवान ने उसका कुशासन तथा गंध आदि पूजा-सामग्री की टोकरी उलट-पुलट दी।

श्लोक 27 (padma.1.42.27)

ततस्तु सिंहरूपेण भीषयामास भामिनीम्। ततो भुजंगरूपेणाप्यदशच्चरणद्वयम्

tatastu siṁharūpeṇa bhīṣayāmāsa bhāminīm tato bhujaṁgarūpeṇāpyadaśaccaraṇadvayam

फिर सिंह का रूप धारणकर उसने उस स्त्री को भयभीत किया। फिर सर्प का रूप धारण करके उसके दोनों चरणों को डस लिया।

श्लोक 28 (padma.1.42.28)

तपोबलवशात्सा तु नवध्यत्वं जगाम ह। भीषिकाभिरनेकाभिः क्लेशयन्पाकशासनः

tapobalavaśātsā tu navadhyatvaṁ jagāma ha bhīṣikābhiranekābhiḥ kleśayanpākaśāsanaḥ

परंतु तपोबल के कारण वह अक्षत ही रही, यद्यपि इन्द्र अनेक भयंकर रूपों से उसे कष्ट देता रहा।

श्लोक 29 (padma.1.42.29)

विरराम यदा नैव वज्रांगमहिषी तदा। शैलस्यदुष्टतां मत्वा शापं दातुं समुद्यता

virarāma yadā naiva vajrāṁgamahiṣī tadā śailasyaduṣṭatāṁ matvā śāpaṁ dātuṁ samudyatā

जब वज्रांग की महिषी किसी भी प्रकार निवृत्त नहीं हुई, तब उसने पर्वत को ही दोषी मानकर उसे शाप देने का निश्चय किया।

श्लोक 30 (padma.1.42.30)

तां शापाभिमुखीं दृष्ट्वा शैलः पुरुषविग्रहः। उवाच तां वरारोहां वरांगीं भीतलोचनः

tāṁ śāpābhimukhīṁ dṛṣṭvā śailaḥ puruṣavigrahaḥ uvāca tāṁ varārohāṁ varāṁgīṁ bhītalocanaḥ

उसे शाप देने को उद्यत देखकर मनुष्य-रूपधारी पर्वत ने भयभीत नेत्रों से उस सुंदरी वरांगी से कहा।

श्लोक 31 (padma.1.42.31)

शैल उवाच। नाहं महाव्रते दुष्टः सेव्योहं सर्वदेहिनाम्। विप्रियं ते करोत्येष रुषितः पाकशासनः

śaila uvāca nāhaṁ mahāvrate duṣṭaḥ sevyohaṁ sarvadehinām vipriyaṁ te karotyeṣa ruṣitaḥ pākaśāsanaḥ

पर्वत ने कहा — हे महाव्रते! मैं दोषी नहीं हूँ, मैं तो सभी प्राणियों के सेवन योग्य हूँ। यह क्रुद्ध इन्द्र ही तुम्हारे साथ अनिष्ट कर रहा है।

श्लोक 32 (padma.1.42.32)

एतस्मिन्नंतरे जातः कालो वर्षसहस्रकः। तस्मिन्ज्ञात्वा तु भगवान्काले कमलसंभवः

etasminnaṁtare jātaḥ kālo varṣasahasrakaḥ tasminjñātvā tu bhagavānkāle kamalasaṁbhavaḥ

इसी बीच एक सहस्र वर्ष पूर्ण हो गए। उस समय को जानकर भगवान कमलसंभव (ब्रह्मा)—

श्लोक 33 (padma.1.42.33)

तुष्टः प्रोवाच वज्रांगं तदागत्य जलाशयम्। ब्रह्मोवाच। ददामि सर्वकामं त उत्तिष्ठ दितिनंदन

tuṣṭaḥ provāca vajrāṁgaṁ tadāgatya jalāśayam brahmovāca dadāmi sarvakāmaṁ ta uttiṣṭha ditinaṁdana

—प्रसन्न होकर उस जलाशय में आकर वज्रांग से बोले। ब्रह्मा ने कहा — हे दितिनंदन! मैं तुम्हें सभी कामनाएँ देता हूँ, उठो।

श्लोक 34 (padma.1.42.34)

एवमुक्तस्तदोत्थाय स दैत्येंद्रस्तपोनिधिः। उवाच प्रांजलिर्वाक्यं सर्वलोकपितामहम्

evamuktastadotthāya sa daityeṁdrastaponidhiḥ uvāca prāṁjalirvākyaṁ sarvalokapitāmaham

ऐसा कहे जाने पर तप के भंडार उस दैत्येंद्र ने उठकर हाथ जोड़कर समस्त लोकों के पितामह से यह वचन कहा।

श्लोक 35 (padma.1.42.35)

वज्रांग उवाच। आसुरो मास्तु मे भावः संतु लोका ममाक्षयाः। तपस्यभिरतिर्मेऽस्तु शरीरस्यास्य वर्तनम्

vajrāṁga uvāca āsuro māstu me bhāvaḥ saṁtu lokā mamākṣayāḥ tapasyabhiratirme'stu śarīrasyāsya vartanam

वज्रांग ने कहा — मुझमें आसुरी भाव न हो, मेरे लोक अक्षय हों, मेरी रति तप में हो, तथा इस शरीर का निर्वाह होता रहे।

श्लोक 36 (padma.1.42.36)

एवमस्त्विति तं देवो जगाम स्वकमालयम्। वज्रांगोपि समाप्ते तु तपसि स्थिरसंयमः

evamastviti taṁ devo jagāma svakamālayam vajrāṁgopi samāpte tu tapasi sthirasaṁyamaḥ

'ऐसा ही हो' कहकर वह देव अपने धाम को चले गए। तप पूर्ण होने पर स्थिरसंयमी वज्रांग—

श्लोक 37 (padma.1.42.37)

संगंतुमिच्छन्स्वां भार्यां न ददर्शाश्रमे स्वके। क्षुधाविष्टः स शैलस्य गहनं प्रविवेश ह

saṁgaṁtumicchansvāṁ bhāryāṁ na dadarśāśrame svake kṣudhāviṣṭaḥ sa śailasya gahanaṁ praviveśa ha

—अपनी पत्नी से मिलने की इच्छा से अपने आश्रम में गया, किंतु उसे न पाकर, भूख से व्याकुल होकर वह पर्वत के गहन वन में प्रविष्ट हुआ।

श्लोक 38 (padma.1.42.38)

आदातुं फलमूलानि स च तस्मिन्व्यलोकयत्। रुदन्तीं स्वां प्रियां दीनां तरुप्रच्छादिताननाम्

ādātuṁ phalamūlāni sa ca tasminvyalokayat rudantīṁ svāṁ priyāṁ dīnāṁ tarupracchāditānanām

फल-मूल लेने के लिए वहाँ जाते हुए उसने अपनी दीन प्रिया को, जो वृक्ष के पीछे मुख छिपाए रो रही थी, देखा।

श्लोक 39 (padma.1.42.39)

तां विलोक्य ततो दैत्यः प्रोवाच परिसांत्वयन्। वज्रांग उवाच। केन तेऽपकृतं भद्रे यमलोकं यियासुना

tāṁ vilokya tato daityaḥ provāca parisāṁtvayan vajrāṁga uvāca kena te'pakṛtaṁ bhadre yamalokaṁ yiyāsunā

उसे देखकर उस दैत्य ने सांत्वना देते हुए कहा। वज्रांग ने कहा — हे कल्याणी! किसने तुम्हारा अपकार किया है कि वह यमलोक जाने को उद्यत है?

श्लोक 40 (padma.1.42.40)

कं वा कामं प्रयच्छामि शीघ्रं प्रब्रूहि मानिनि। वरांग्युवाच। त्रासितास्म्यपविद्धास्मि ताडिता पीडितास्मि च

kaṁ vā kāmaṁ prayacchāmi śīghraṁ prabrūhi mānini varāṁgyuvāca trāsitāsmyapaviddhāsmi tāḍitā pīḍitāsmi ca

या मैं तुम्हें कौन-सी इच्छा शीघ्र पूर्ण करूँ, हे मानिनी, कहो। वरांगी ने कहा — मैं भयभीत की गई हूँ, तिरस्कृत की गई हूँ, ताड़ित तथा पीड़ित हुई हूँ।

श्लोक 41 (padma.1.42.41)

रौद्रेण देवराजेन नष्टनाथेव भूरिशः। दुःखस्यांतमपश्यंती प्राणांस्त्यक्तुं व्यवस्थिता

raudreṇa devarājena naṣṭanātheva bhūriśaḥ duḥkhasyāṁtamapaśyaṁtī prāṇāṁstyaktuṁ vyavasthitā

मानो मेरा कोई स्वामी ही न हो, इस प्रकार बार-बार रौद्र देवराज इन्द्र के द्वारा। दुःख का अंत न देखकर मैंने प्राण त्यागने का निश्चय कर लिया था।

श्लोक 42 (padma.1.42.42)

पुत्रं मे तारकं देहि तस्माद्दुःखमहार्णवात्। एवमुक्तस्तु दैत्येंद्रः कोपव्याकुललोचनः

putraṁ me tārakaṁ dehi tasmādduḥkhamahārṇavāt evamuktastu daityeṁdraḥ kopavyākulalocanaḥ

मुझे इस दुःखरूपी महासागर से पार उतारने वाला पुत्र तारक दे दो। ऐसा कहे जाने पर वह दैत्येंद्र क्रोध से व्याकुल नेत्रों वाला होकर—

श्लोक 43 (padma.1.42.43)

शक्तोपि देवराजस्य प्रतिकर्तुं महासुरः। तप एव पुनश्चर्तुं व्यवस्यत महाबलः

śaktopi devarājasya pratikartuṁ mahāsuraḥ tapa eva punaścartuṁ vyavasyata mahābalaḥ

—देवराज से प्रतिशोध लेने में समर्थ होते हुए भी, उस महाबली महासुर ने पुनः तप करने का ही निश्चय किया।

श्लोक 44 (padma.1.42.44)

ज्ञात्वा तस्य तु संकल्पं ब्रह्मा क्रूरतरं पुनः। आजगाम त्वरायुक्तो यत्रासौ दितिनंदनः

jñātvā tasya tu saṁkalpaṁ brahmā krūrataraṁ punaḥ ājagāma tvarāyukto yatrāsau ditinaṁdanaḥ

उसके पहले से भी अधिक कठोर संकल्प को जानकर ब्रह्मा शीघ्रतापूर्वक वहाँ आए जहाँ वह दितिनंदन था।

श्लोक 45 (padma.1.42.45)

ब्रह्मोवाच। किमर्थं पुत्र भूयस्त्वं कर्तुं नियममुद्यतः। तदहं ते पुनर्दद्मि कांक्षितं पुत्रमोजसा

brahmovāca kimarthaṁ putra bhūyastvaṁ kartuṁ niyamamudyataḥ tadahaṁ te punardadmi kāṁkṣitaṁ putramojasā

ब्रह्मा ने कहा — पुत्र! तुम पुनः व्रत धारण करने को क्यों उद्यत हो? मैं ही तुम्हें अपने सामर्थ्य से वांछित पुत्र पुनः दे देता हूँ।

श्लोक 46 (padma.1.42.46)

वज्रांग उवाच। उत्थितेन मया दृष्टा समाधानात्त्वदाज्ञया। त्रासितेंद्रेण मामाह सा वरांगी सुतार्थिनी

vajrāṁga uvāca utthitena mayā dṛṣṭā samādhānāttvadājñayā trāsiteṁdreṇa māmāha sā varāṁgī sutārthinī

वज्रांग ने कहा — मैं समाधि से उठकर आपकी आज्ञा से देख पाया कि इन्द्र से भयभीत, पुत्र चाहने वाली वह वरांगी मुझसे बोली—

श्लोक 47 (padma.1.42.47)

पुत्रं मे तारकं देहि तुष्टो मे त्वं पितामह। ब्रह्मोवाच। अलं ते तपसा वीर मा क्लेशे दुस्तरे विश

putraṁ me tārakaṁ dehi tuṣṭo me tvaṁ pitāmaha brahmovāca alaṁ te tapasā vīra mā kleśe dustare viśa

—'मुझे दुःख से पार उतारने वाला पुत्र तारक दो, आप मुझ पर प्रसन्न हैं, हे पितामह।' ब्रह्मा ने कहा — हे वीर! तप बहुत हुआ, इस दुस्तर कष्ट में मत पड़ो।

श्लोक 48 (padma.1.42.48)

पुत्रस्तु तारको नाम भविष्यति महाबलः। देवसीमंतिनीनां तु धम्मिल्लक विमोक्षकः

putrastu tārako nāma bhaviṣyati mahābalaḥ devasīmaṁtinīnāṁ tu dhammillaka vimokṣakaḥ

तुम्हारा पुत्र तारक नाम का, अत्यंत बलवान होगा — देवपत्नियों के केशपाश को खोलने वाला (अर्थात् उन्हें विधवा करने वाला)।

श्लोक 49 (padma.1.42.49)

इत्युक्तो दैत्यनाथस्तु प्रणम्य प्रपितामहम्। गत्वा तां नंदयामास महिषीं कर्शितांतराम्

ityukto daityanāthastu praṇamya prapitāmaham gatvā tāṁ naṁdayāmāsa mahiṣīṁ karśitāṁtarām

यह सुनकर दैत्यनाथ ने प्रपितामह को प्रणाम किया और जाकर अपनी क्षीणहृदया महिषी को आनंदित किया।

श्लोक 50 (padma.1.42.50)

तौ दंपती कृतार्थौ तु जग्मतुः स्वाश्रमं तदा। आहितं तु तदा गर्भं वरांगी वरवर्णिनी

tau daṁpatī kṛtārthau tu jagmatuḥ svāśramaṁ tadā āhitaṁ tu tadā garbhaṁ varāṁgī varavarṇinī

वे दोनों दंपती कृतार्थ होकर अपने आश्रम को गए। तब सुंदरी वरांगी ने गर्भ धारण किया।

श्लोक 51 (padma.1.42.51)

पूर्णं वर्षसहस्रं तु दधारोदर एव हि। ततो वर्षसहस्रांते वरांगी सा प्रसूयत

pūrṇaṁ varṣasahasraṁ tu dadhārodara eva hi tato varṣasahasrāṁte varāṁgī sā prasūyata

उसने उसे पूरे एक सहस्र वर्ष तक अपने उदर में धारण किया। फिर सहस्र वर्ष के अंत में वरांगी ने उसे जन्म दिया।

श्लोक 52 (padma.1.42.52)

जायमाने तु दैत्ये तु तस्मिन्लोकभयंकरे। चचाल सर्वा पृथिवी प्रोद्भूताश्च महार्णवाः

jāyamāne tu daitye tu tasminlokabhayaṁkare cacāla sarvā pṛthivī prodbhūtāśca mahārṇavāḥ

जब वह लोक-भयंकर महादैत्य उत्पन्न हो रहा था, तब समस्त पृथ्वी काँप उठी और महासागर उमड़ पड़े।

श्लोक 53 (padma.1.42.53)

चेलुर्धराधराश्चापि ववुर्वाताश्च भीषणाः। जेपुर्जप्यं मुनिवरा नेदुर्व्यालमृगा अपि

celurdharādharāścāpi vavurvātāśca bhīṣaṇāḥ jepurjapyaṁ munivarā nedurvyālamṛgā api

पर्वत भी हिल गए, भयंकर वायु चलने लगी, श्रेष्ठ मुनि जप करने लगे, और वन्य पशु-पक्षी भी गरज उठे।

श्लोक 54 (padma.1.42.54)

जहौ कांतिश्चंद्रसूर्यौ नीहारच्छादिता दिशः। जाते महासुरे तस्मिन्सर्वे चापि महासुराः

jahau kāṁtiścaṁdrasūryau nīhāracchāditā diśaḥ jāte mahāsure tasminsarve cāpi mahāsurāḥ

सूर्य और चंद्र की कांति फीकी पड़ गई, दिशाएँ कुहरे से आच्छादित हो गईं। उस महासुर के जन्म पर सभी महासुर—

श्लोक 55 (padma.1.42.55)

आजग्मुर्हर्षितास्तत्र तथा चासुरयोषितः। जगुर्हर्षसमाविष्टा ननृतुश्चाप्सरोगणाः

ājagmurharṣitāstatra tathā cāsurayoṣitaḥ jagurharṣasamāviṣṭā nanṛtuścāpsarogaṇāḥ

—हर्षित होकर वहाँ आए, तथा असुर-स्त्रियाँ भी आईं। हर्ष से भरकर वे गीत गाने लगीं और अप्सराओं के समूह नृत्य करने लगे।

श्लोक 56 (padma.1.42.56)

ततो महोत्सवे जाते दानवानां महाद्युते। विषण्णमनसो देवाः सहेंद्रा अभवंस्तदा

tato mahotsave jāte dānavānāṁ mahādyute viṣaṇṇamanaso devāḥ saheṁdrā abhavaṁstadā

दानवों के इस महोत्सव के होने पर, इन्द्र सहित देवगण उस समय खिन्नमन हो गए।

श्लोक 57 (padma.1.42.57)

वरांगी तु सुतं दृष्ट्वा हर्षेणापूरिता तदा। बहुमेने च दैत्येंद्रो विजातं तं तदा तया

varāṁgī tu sutaṁ dṛṣṭvā harṣeṇāpūritā tadā bahumene ca daityeṁdro vijātaṁ taṁ tadā tayā

वरांगी अपने पुत्र को देखकर हर्ष से परिपूर्ण हो गई, और दैत्येंद्र ने उसके द्वारा जन्मे उस पुत्र को अत्यंत महत्व दिया।

श्लोक 58 (padma.1.42.58)

जातमात्रस्तु दैत्येंद्रस्तारकश्चोग्रविक्रमः। अभिषिक्तो सुरैर्मुख्यैः कुजंभमहिषादिभिः

jātamātrastu daityeṁdrastārakaścogravikramaḥ abhiṣikto surairmukhyaiḥ kujaṁbhamahiṣādibhiḥ

जन्म लेते ही उग्रविक्रमी दैत्येंद्र तारक का कुजंभ, महिष आदि प्रमुख असुरों ने अभिषेक कर दिया।

श्लोक 59 (padma.1.42.59)

सर्वासुरमहाराज्ये पृथिवीतुलनक्षमे। स तु प्राप्तमहाराज्यस्तारको नृपसत्तम

sarvāsuramahārājye pṛthivītulanakṣame sa tu prāptamahārājyastārako nṛpasattama

समस्त असुरों के महाराज्य पर, जो पृथ्वी के तुल्य विशाल था, वह तारक महाराज्य प्राप्तकर श्रेष्ठ राजाओं में गण्य हुआ।

श्लोक 60 (padma.1.42.60)

उवाच दानवश्रेष्ठो युक्तियुक्तमिदं वचः। तारक उवाच। शृणुध्वमसुराः सर्वे वाक्यं मम महाबलाः

uvāca dānavaśreṣṭho yuktiyuktamidaṁ vacaḥ tāraka uvāca śṛṇudhvamasurāḥ sarve vākyaṁ mama mahābalāḥ

उस दानवश्रेष्ठ ने युक्तियुक्त यह वचन कहा। तारक ने कहा — हे महाबली असुरो! सब मेरी बात सुनो।

श्लोक 61 (padma.1.42.61)

वंशक्षयकरा देवाः सर्वेषामेव दानवाः। अस्माकं जातिधर्मेण विरूढं वैरमक्षयम्

vaṁśakṣayakarā devāḥ sarveṣāmeva dānavāḥ asmākaṁ jātidharmeṇa virūḍhaṁ vairamakṣayam

देव सभी दानवों के वंश का नाश करने वाले हैं; हमारी जन्मगत प्रकृति के कारण यह वैर अक्षय रूप से बढ़ा हुआ है।

श्लोक 62 (padma.1.42.62)

वयं तपश्चरिष्यामः सुराणां निग्रहाय तु। स्वबाहुबलमाश्रित्य सर्व एव न संशयः

vayaṁ tapaścariṣyāmaḥ surāṇāṁ nigrahāya tu svabāhubalamāśritya sarva eva na saṁśayaḥ

हम अपने बाहुबल के आश्रय से देवों को दबाने के लिए तप करेंगे, इसमें कोई संशय नहीं।

श्लोक 63 (padma.1.42.63)

तच्छ्रुत्वा संमतं कृत्वा पारियात्रं ययौ गिरिं। निराहारः पंचतपाः पत्रभुग्वारिभोजनः

tacchrutvā saṁmataṁ kṛtvā pāriyātraṁ yayau giriṁ nirāhāraḥ paṁcatapāḥ patrabhugvāribhojanaḥ

यह सुनकर, उनकी सहमति पाकर वह पारियात्र पर्वत को गया, और निराहार रहकर पंचाग्नि तप करते हुए पहले पत्ते और फिर केवल जल का आहार लिया।

श्लोक 64 (padma.1.42.64)

शतंशतं समानां तु तपांस्येतान्यथाकरोत्। एवं तु कर्शिते देहे तपोराशित्वमागते

śataṁśataṁ samānāṁ tu tapāṁsyetānyathākarot evaṁ tu karśite dehe taporāśitvamāgate

उसने प्रत्येक तप सौ-सौ वर्षों तक किया। इस प्रकार शरीर के क्षीण होकर तप की राशि बन जाने पर—

श्लोक 65 (padma.1.42.65)

ब्रह्मागत्याह दैत्येंद्रं वरं वरय सुव्रत। स वव्रे सर्वभूतेभ्यो न मे मृत्युर्भवेदिति

brahmāgatyāha daityeṁdraṁ varaṁ varaya suvrata sa vavre sarvabhūtebhyo na me mṛtyurbhavediti

—ब्रह्मा आकर उस दैत्येंद्र से बोले — हे सुव्रत! वर माँगो। उसने माँगा कि किसी भी प्राणी से उसकी मृत्यु न हो।

श्लोक 66 (padma.1.42.66)

तमुवाच ततो ब्रह्मा देहिनां मरणं ध्रुवम्। यतस्ततोपि वरय मृत्युं यस्मान्न शंकसे

tamuvāca tato brahmā dehināṁ maraṇaṁ dhruvam yatastatopi varaya mṛtyuṁ yasmānna śaṁkase

तब ब्रह्मा ने उससे कहा — देहधारियों की मृत्यु निश्चित है; अतः जिससे तुम्हें भय न हो, उसी से मृत्यु का वरण करो।

श्लोक 67 (padma.1.42.67)

ततः संचिंत्य दैत्येंद्रः शिशोर्वै सप्तवासरात्। वव्रे महासुरो मृत्युं मोहितो ह्यवलेपतः

tataḥ saṁciṁtya daityeṁdraḥ śiśorvai saptavāsarāt vavre mahāsuro mṛtyuṁ mohito hyavalepataḥ

तब विचार कर उस दैत्येंद्र महासुर ने, अभिमान से मोहित होकर, केवल सात दिन के शिशु से मृत्यु का वर माँगा।

श्लोक 68 (padma.1.42.68)

जगामोमित्युदाहृत्य ब्रह्मा दैत्यो निजं गृहम्। अथाह मंत्रिणस्तूर्णं बलं मे संप्रयुज्यताम्

jagāmomityudāhṛtya brahmā daityo nijaṁ gṛham athāha maṁtriṇastūrṇaṁ balaṁ me saṁprayujyatām

'ॐ, ऐसा ही हो' कहकर ब्रह्मा अपने धाम को गए और दैत्य भी अपने घर गया। फिर उसने मंत्रियों से कहा — शीघ्र मेरी सेना संगठित करो।

श्लोक 69 (padma.1.42.69)

यदि वो मत्प्रियं कार्यं निग्राह्याः सुरसत्तमाः। निगृहीतेषु मे प्रीतिर्जायते चातुलाऽसुराः

yadi vo matpriyaṁ kāryaṁ nigrāhyāḥ surasattamāḥ nigṛhīteṣu me prītirjāyate cātulā'surāḥ

यदि तुम्हें मेरा प्रिय करना है तो श्रेष्ठ देवों को दबाओ। उनके दमन में ही मुझे अतुल प्रसन्नता होगी, हे असुरो!

श्लोक 70 (padma.1.42.70)

तारकस्य वचः श्रुत्वा ग्रसनो नाम दानवः। सेनानीर्दैत्यराजस्य सज्जं चक्रे बलं च तत्

tārakasya vacaḥ śrutvā grasano nāma dānavaḥ senānīrdaityarājasya sajjaṁ cakre balaṁ ca tat

तारक के वचन सुनकर ग्रसन नामक दानव, जो दैत्यराज का सेनापति था, ने उस सेना को सन्नद्ध किया।

श्लोक 71 (padma.1.42.71)

आहत्य भेरीं गंभीरां दैत्यानाहूय सत्वरः। दशकोटीश्वरा दैत्या दैत्यानां चंडविक्रमाः

āhatya bherīṁ gaṁbhīrāṁ daityānāhūya satvaraḥ daśakoṭīśvarā daityā daityānāṁ caṁḍavikramāḥ

गंभीर भेरी बजाकर तथा त्वरित होकर दैत्यों को बुलाकर — दस-दस करोड़ के स्वामी, प्रचंड पराक्रमी दैत्य आए।

श्लोक 72 (padma.1.42.72)

तेषामग्रेसरो जंभः कुजंभोनंतरोऽसुरः। महिषः कुंजरो मेघः कालनेमिर्निमिस्तथा

teṣāmagresaro jaṁbhaḥ kujaṁbhonaṁtaro'suraḥ mahiṣaḥ kuṁjaro meghaḥ kālanemirnimistathā

उनमें अग्रणी था जंभ, उसके बाद कुजंभ; फिर महिष, कुंजर, मेघ, कालनेमि तथा निमि।

श्लोक 73 (padma.1.42.73)

मंथनो जंभकः शुम्भो दैत्येंद्रा दशनायकाः। अन्ये च शतशस्तत्र पृथिवीतुलनक्षमाः

maṁthano jaṁbhakaḥ śumbho daityeṁdrā daśanāyakāḥ anye ca śataśastatra pṛthivītulanakṣamāḥ

मंथन, जंभक और शुंभ — ये दैत्येंद्र दस सेनानायक थे, और सैकड़ों अन्य भी वहाँ पृथ्वी के तुल्य पराक्रमी थे।

श्लोक 74 (padma.1.42.74)

गरुडानां सहस्रेण चक्राष्टकविभूषितः। सकूबरपरीवारश्चतुर्योजनविस्तृतः

garuḍānāṁ sahasreṇa cakrāṣṭakavibhūṣitaḥ sakūbaraparīvāraścaturyojanavistṛtaḥ

सहस्र गरुड़ों से युक्त, आठ चक्रों से सुशोभित, पूरे परिवार सहित, चार योजन विस्तृत—

श्लोक 75 (padma.1.42.75)

स्यंदनस्तारकस्यासीत्व्याघ्रसिंहखरार्वभिः। युक्ता रथास्तु ग्रसन जंभकौ जंभकुंभिनां

syaṁdanastārakasyāsītvyāghrasiṁhakharārvabhiḥ yuktā rathāstu grasana jaṁbhakau jaṁbhakuṁbhināṁ

—ऐसा तारक का रथ था। ग्रसन तथा जंभक के रथ बाघ, सिंह तथा गधों से युक्त थे, और अन्य जंभकुंभि (हाथी) आदि से।

श्लोक 76 (padma.1.42.76)

मेघस्य द्वीपिभिर्युक्तः कूष्मांडैः कालनेमिनः। पर्वताभश्चतुर्दंष्ट्रो निमेश्चैव महागजः

meghasya dvīpibhiryuktaḥ kūṣmāṁḍaiḥ kālaneminaḥ parvatābhaścaturdaṁṣṭro nimeścaiva mahāgajaḥ

मेघ का रथ चीतों से युक्त था, कालनेमि का कूष्मांडों से; निमि पर्वताकार, चार दाँतों वाले महागज पर सवार था।

श्लोक 77 (padma.1.42.77)

शतहस्ततुरंगस्थो मंथनो नाम दैत्यराट्। जंभकस्तूष्ट्रमारूढो गिरींद्राभं महाबलः

śatahastaturaṁgastho maṁthano nāma daityarāṭ jaṁbhakastūṣṭramārūḍho girīṁdrābhaṁ mahābalaḥ

मंथन नामक दैत्यराज सौ हाथ ऊँचे घोड़े पर सवार था; महाबली जंभक पर्वतराज-सम विशाल ऊँट पर आरूढ़ था।

श्लोक 78 (padma.1.42.78)

शुंभो मेषं समारूढोऽन्येप्येवं चित्रवाहनाः। प्रचंडाश्चित्रवर्माणः कुंडलोष्णीषभूषिताः

śuṁbho meṣaṁ samārūḍho'nyepyevaṁ citravāhanāḥ pracaṁḍāścitravarmāṇaḥ kuṁḍaloṣṇīṣabhūṣitāḥ

शुंभ मेढ़े पर सवार था, अन्य भी इसी प्रकार विविध वाहनों पर — प्रचंड, चित्रवर्ण कवचधारी, कुंडल तथा उष्णीष से सुसज्जित।

श्लोक 79 (padma.1.42.79)

तद्बलं दैत्यसिंहस्य भीमरूपं व्यजायत। प्रमत्तमत्तमातंगतुरंगरथसंकुलम्

tadbalaṁ daityasiṁhasya bhīmarūpaṁ vyajāyata pramattamattamātaṁgaturaṁgarathasaṁkulam

उस दैत्यसिंह की सेना अत्यंत भयंकर रूप धारण कर उन्मत्त गजों, अश्वों तथा रथों से भरी हुई प्रतीत हुई।

श्लोक 80 (padma.1.42.80)

प्रतस्थेऽमरयुद्धाय बहुपत्तिपताकिकम्। एतस्मिन्नंतरे वायुर्देवदूतोऽसुरालये

pratasthe'marayuddhāya bahupattipatākikam etasminnaṁtare vāyurdevadūto'surālaye

अनेक पैदल सैनिकों तथा पताकाओं सहित वह देवों से युद्ध हेतु प्रस्थित हुई। इसी बीच देवदूत वायु असुरों के आवास में—

श्लोक 81 (padma.1.42.81)

दृष्ट्वा तद्दानवबलं जगामेंद्रस्य शंसितुं। स गत्वा तु सभां दिव्यां महेंद्रस्य महात्मनः

dṛṣṭvā taddānavabalaṁ jagāmeṁdrasya śaṁsituṁ sa gatvā tu sabhāṁ divyāṁ maheṁdrasya mahātmanaḥ

—उस दानव-सेना को देखकर इन्द्र को सूचित करने गया। वह महात्मा महेंद्र की दिव्य सभा में पहुँचा।

श्लोक 82 (padma.1.42.82)

शशंस मध्ये देवानां तत्कार्यं समुपस्थितम्। तच्छ्रुत्वा देवराजस्तु निमीलितविलोचनः

śaśaṁsa madhye devānāṁ tatkāryaṁ samupasthitam tacchrutvā devarājastu nimīlitavilocanaḥ

उसने देवों के मध्य वह उपस्थित प्रसंग सुनाया। यह सुनकर देवराज ने नेत्र मूँदकर—

श्लोक 83 (padma.1.42.83)

बृहस्पतिमुवाचेदं वाक्यं काले महाभुजः। इंद्र उवाच। संप्राप्नोति विमर्दोयं देवानां दानवैः सह

bṛhaspatimuvācedaṁ vākyaṁ kāle mahābhujaḥ iṁdra uvāca saṁprāpnoti vimardoyaṁ devānāṁ dānavaiḥ saha

—समय पर बृहस्पति से यह वचन कहा। इन्द्र ने कहा — देवों तथा दानवों के बीच यह संघर्ष अब उपस्थित हो गया है।

श्लोक 84 (padma.1.42.84)

कार्यं किमत्र तद्ब्रूहि नीत्युपायोपबृंहितम्। एतच्छ्रुत्वा तु वचनं महेंद्रस्य गिरां पतिः

kāryaṁ kimatra tadbrūhi nītyupāyopabṛṁhitam etacchrutvā tu vacanaṁ maheṁdrasya girāṁ patiḥ

यहाँ क्या करणीय है, वह नीति और उपाय सहित मुझे बताइए। इन्द्र के इस वचन को सुनकर वाणी के स्वामी बृहस्पति—

श्लोक 85 (padma.1.42.85)

इत्युवाच महाभागो बृहस्पतिरुदारधीः। बृहस्पतिरुवाच। सामपूर्वा श्रुता नीतिश्चतुरंगा पताकिनी

ityuvāca mahābhāgo bṛhaspatirudāradhīḥ bṛhaspatiruvāca sāmapūrvā śrutā nītiścaturaṁgā patākinī

—उस उदारबुद्धि महाभाग ने यह कहा। बृहस्पति ने कहा — नीति साम को प्रथम रखकर सुनी गई है, यह चतुरंगिणी पताका के समान चार अंगों वाली है।

श्लोक 86 (padma.1.42.86)

जिगीषतां सुरश्रेष्ठ स्थितिरेषा सनातनी। सामभेदस्तथा दानं दंडश्चांगचतुष्टयम्

jigīṣatāṁ suraśreṣṭha sthitireṣā sanātanī sāmabhedastathā dānaṁ daṁḍaścāṁgacatuṣṭayam

हे सुरश्रेष्ठ! विजय चाहने वालों के लिए यह सनातन व्यवस्था है — साम, भेद, दान तथा दंड, ये चार उपाय हैं।

श्लोक 87 (padma.1.42.87)

न सांत्वगोचरे लुब्धानभेद्यास्त्वेकधर्मिणः। न दानमत्त्र संसिद्ध्यै प्रसह्यैवापहारिणाम्

na sāṁtvagocare lubdhānabhedyāstvekadharmiṇaḥ na dānamattra saṁsiddhyai prasahyaivāpahāriṇām

लोभियों पर साम का प्रयोग नहीं चलता, एकधर्मी लोगों में भेद नहीं डाला जा सकता, और बलपूर्वक छीनने वालों पर दान भी सिद्धि नहीं देता।

श्लोक 88 (padma.1.42.88)

एकोभ्युपायो दंडोऽत्र भवतां यदि रोचते। एवमुक्तः सहस्राक्ष एवमेतदुवाच ह

ekobhyupāyo daṁḍo'tra bhavatāṁ yadi rocate evamuktaḥ sahasrākṣa evametaduvāca ha

यहाँ यदि आपको स्वीकार हो तो केवल दंड ही एक उपाय है। ऐसा कहे जाने पर सहस्राक्ष इन्द्र ने यह कहा।

श्लोक 89 (padma.1.42.89)

कर्त्तव्यतां च संचिंत्य प्रोवाचामरसंसदि। इंद्र उवाच। अवधानेन मे वाचं शृणुध्वं नाकवासिनः

karttavyatāṁ ca saṁciṁtya provācāmarasaṁsadi iṁdra uvāca avadhānena me vācaṁ śṛṇudhvaṁ nākavāsinaḥ

करणीय कर्तव्य पर विचार करके उसने देवसभा में यह कहा। इन्द्र ने कहा — हे स्वर्गवासियो! ध्यानपूर्वक मेरी बात सुनो।

श्लोक 90 (padma.1.42.90)

भवंतो यज्ञभोक्तारो दिव्यात्मानो हि सान्वयाः। स्वे महिम्नि स्थिता नित्यं जगतः पालने रताः

bhavaṁto yajñabhoktāro divyātmāno hi sānvayāḥ sve mahimni sthitā nityaṁ jagataḥ pālane ratāḥ

आप सब यज्ञभोक्ता, दिव्यात्मा तथा उत्तम वंशज हैं; अपनी महिमा में सदा स्थित, संसार के पालन में सदा रत हैं।

श्लोक 91 (padma.1.42.91)

क्रियतां समरोद्योगः सैन्यं संयोज्यतां मम। आह्रियंतां च शस्त्राणि पूज्यंतां शस्त्रदेवताः

kriyatāṁ samarodyogaḥ sainyaṁ saṁyojyatāṁ mama āhriyaṁtāṁ ca śastrāṇi pūjyaṁtāṁ śastradevatāḥ

युद्ध की तैयारी की जाए, मेरी सेना संगठित की जाए, अस्त्र लाए जाएँ तथा अस्त्र-देवताओं की पूजा की जाए।

श्लोक 92 (padma.1.42.92)

वाहनानि विमानानि योजयद्ध्वं ममेश्वराः। यमं सेनापतिं कृत्वा शीघ्रमेव दिवौकसः

vāhanāni vimānāni yojayaddhvaṁ mameśvarāḥ yamaṁ senāpatiṁ kṛtvā śīghrameva divaukasaḥ

हे ईश्वरो! वाहन तथा विमान जोतिए। यम को सेनापति बनाकर, हे स्वर्गवासियो, शीघ्र चलें।

श्लोक 93 (padma.1.42.93)

इत्युक्तास्समनह्यंत देवानां ये प्रधानतः। वाजिनामयुतेनाजौ हेमघंटा परिष्कृतम्

ityuktāssamanahyaṁta devānāṁ ye pradhānataḥ vājināmayutenājau hemaghaṁṭā pariṣkṛtam

यह कहे जाने पर देवों में जो प्रमुख थे, वे सन्नद्ध हो गए। दस सहस्र अश्वों से युक्त, स्वर्णघंटाओं से सुसज्जित रथ पर—

श्लोक 94 (padma.1.42.94)

नानाश्चर्यगुणोपेतं संप्राप्तं देवदानवैः। रथं मातलिना युक्तं देवराजस्य दुर्जयम्

nānāścaryaguṇopetaṁ saṁprāptaṁ devadānavaiḥ rathaṁ mātalinā yuktaṁ devarājasya durjayam

—अनेक अद्भुत गुणों से युक्त, देव-दानवों द्वारा प्राप्त, मातलि द्वारा संचालित देवराज का वह अजेय रथ था।

श्लोक 95 (padma.1.42.95)

यमो महिषमास्थाय सेनाग्रे समवर्त्तत। चंडकिंकरवृंदेन सर्वतः परिवारितः

yamo mahiṣamāsthāya senāgre samavarttata caṁḍakiṁkaravṛṁdena sarvataḥ parivāritaḥ

यम भैंसे पर सवार होकर सेना के अग्रभाग में स्थित हुए, चारों ओर से प्रचंड किंकरों के समूह से घिरे हुए।

श्लोक 96 (padma.1.42.96)

कल्पकालोद्गतज्वाला पूरितोम्बरगोचरः। हुताशनस्त्वजारूढः शक्तिहस्तो व्यवस्थितः

kalpakālodgatajvālā pūritombaragocaraḥ hutāśanastvajārūḍhaḥ śaktihasto vyavasthitaḥ

प्रलयकाल की अग्नि के समान ज्वालाओं से आकाश को भरने वाला अग्निदेव मेढ़े पर सवार, हाथ में शक्ति लिए स्थित हुआ।

श्लोक 97 (padma.1.42.97)

पवनोऽङकुशहस्तश्च विस्तारित महाजवः। भुजगेंद्रसमारूढो जलेशो भगवान्स्वयम्

pavano'ṅakuśahastaśca vistārita mahājavaḥ bhujageṁdrasamārūḍho jaleśo bhagavānsvayam

हाथ में अंकुश लिए, अत्यंत वेगवान वायु फैल गया; तथा भगवान जलेश (वरुण) स्वयं नागराज पर सवार हुए।

श्लोक 98 (padma.1.42.98)

नरयुक्ते रथे देवो राक्षसेशो वियच्चरः। तीक्ष्णखड्गयुतो भीमः समरे समवस्थितः

narayukte rathe devo rākṣaseśo viyaccaraḥ tīkṣṇakhaḍgayuto bhīmaḥ samare samavasthitaḥ

राक्षसों के स्वामी, आकाशचारी देव मनुष्ययुक्त रथ में, तीक्ष्ण खड्ग धारण किए, युद्ध में भयंकर रूप से स्थित हुए।

श्लोक 99 (padma.1.42.99)

महासिंहरथे देवो धनाध्यक्षो गदायुधः। चंद्रादित्यावश्विनौ च चतुरंगबलान्विताः

mahāsiṁharathe devo dhanādhyakṣo gadāyudhaḥ caṁdrādityāvaśvinau ca caturaṁgabalānvitāḥ

धनाध्यक्ष (कुबेर) गदा धारण कर महासिंह-रथ पर, तथा चंद्र, सूर्य और दोनों अश्विनीकुमार भी चतुरंगिणी सेना सहित आए।

श्लोक 100 (padma.1.42.100)

सेनान्यो देवराजस्य दुर्जया भुवनत्रये। कोटयस्तास्त्रयस्त्रिंशद्देवदेवनिकायिनाम्

senānyo devarājasya durjayā bhuvanatraye koṭayastāstrayastriṁśaddevadevanikāyinām

देवराज इन्द्र की तीनों लोकों में अजेय सेनाएँ इतनी थीं — देवगणों की तैंतीस करोड़ सेनाएँ।

श्लोक 101 (padma.1.42.101)

हिमाचलाभे सितचारुचामरे सुवर्णपद्मामलसुंदरस्रजि। कृताभिरामो ज्वलकुंकुमांकुरे कपोललीलालिकदंबसंकुले

himācalābhe sitacārucāmare suvarṇapadmāmalasuṁdarasraji kṛtābhirāmo jvalakuṁkumāṁkure kapolalīlālikadaṁbasaṁkule

हिमालय के समान श्वेत, सुंदर श्वेत चामरों से युक्त, स्वर्णकमल की निर्मल सुंदर माला से सुसज्जित, प्रज्वलित कुंकुम-अंकुर से मनोहर, गंडस्थल पर लीलापूर्वक भ्रमरों के झुंड से भरे हुए—

श्लोक 102 (padma.1.42.102)

स्थितस्तदैरावणनाम कुंजरे महामनाश्चित्रविभूषणांबरः। विशालवज्रः सुवितानभूषितः प्रकीर्णकेयूरभुजंगमंडलः

sthitastadairāvaṇanāma kuṁjare mahāmanāścitravibhūṣaṇāṁbaraḥ viśālavajraḥ suvitānabhūṣitaḥ prakīrṇakeyūrabhujaṁgamaṁḍalaḥ

—ऐरावत नामक गजराज पर स्थित, महामनस्वी, विचित्र आभूषण तथा वस्त्रों से युक्त, विशाल वज्रधारी, सुंदर वितान से सुशोभित, भुजाओं पर सर्पाकार केयूर बिखेरे हुए—

श्लोक 103 (padma.1.42.103)

सहस्रदृग्वंदितपादपल्लवस्त्रिविष्टपे शोभत पाकशासनः। तुरंग मातंग कुलौघसंकुला सितातपत्त्रद्ध्वजशालिनी च

sahasradṛgvaṁditapādapallavastriviṣṭape śobhata pākaśāsanaḥ turaṁga mātaṁga kulaughasaṁkulā sitātapattraddhvajaśālinī ca

—सहस्रनेत्रों द्वारा वंदित चरण-कमलों वाले पाकशासन (इन्द्र) स्वर्ग में शोभायमान हुए; तथा वहाँ अश्व, गज-समूहों से व्याप्त, श्वेत छत्र-ध्वजाओं से सुशोभित—

श्लोक 104 (padma.1.42.104)

बभूव सा दुर्जयपत्तिसंतता विभाति नानायुधयोधदुस्तरा। ततोश्विनौ च मरुतः ससाध्याः सपुरंदराः

babhūva sā durjayapattisaṁtatā vibhāti nānāyudhayodhadustarā tatośvinau ca marutaḥ sasādhyāḥ sapuraṁdarāḥ

—वह दुर्जय पैदल सेना नाना अस्त्रधारी योद्धाओं से दुस्तर होकर शोभायमान हुई। तब दोनों अश्विनीकुमार, मरुद्गण, साध्यगण तथा इन्द्र सहित—

श्लोक 105 (padma.1.42.105)

यक्षराक्षसगंधर्वा दिव्य नानास्त्रपाणयः। जघ्नुर्दैत्येश्वरं सर्वे संभूय तु महाबलाः

yakṣarākṣasagaṁdharvā divya nānāstrapāṇayaḥ jaghnurdaityeśvaraṁ sarve saṁbhūya tu mahābalāḥ

—यक्ष, राक्षस तथा गंधर्व, दिव्य विविध अस्त्र हाथों में लिए, सभी महाबली मिलकर दैत्यराज पर प्रहार करने लगे।

श्लोक 106 (padma.1.42.106)

न चैवास्त्राण्यसज्जंत गात्रे वज्राचलोपमे। अथो रथादवप्लुत्य तारको दानवाधिपः

na caivāstrāṇyasajjaṁta gātre vajrācalopame atho rathādavaplutya tārako dānavādhipaḥ

परंतु वज्रपर्वत के समान उसके शरीर पर अस्त्र नहीं टिक सके। तब दानवाधिप तारक रथ से कूदकर—

श्लोक 107 (padma.1.42.107)

जघान कोटिशो देवान्करपार्ष्णिभिरेव च। हतशेषाणि सैन्यानि देवानां विप्र दुद्रुवुः

jaghāna koṭiśo devānkarapārṣṇibhireva ca hataśeṣāṇi sainyāni devānāṁ vipra dudruvuḥ

—करोड़ों देवों को केवल हाथ और एड़ी के प्रहार से मार गिराया। हे विप्र! देवों की शेष सेना भाग खड़ी हुई।

श्लोक 108 (padma.1.42.108)

दिशो भीतानि संत्यज्य रणोपकरणानि च। दृष्ट्वा तान्विद्रुतान्देवांस्तारको वाक्यमब्रवीत्

diśo bhītāni saṁtyajya raṇopakaraṇāni ca dṛṣṭvā tānvidrutāndevāṁstārako vākyamabravīt

भयभीत होकर दिशाओं में युद्ध-सामग्री त्यागकर भाग गए। उन्हें भागते हुए देखकर तारक ने यह वचन कहा।

श्लोक 109 (padma.1.42.109)

मा वधिष्ठ सुरान्दैत्या वज्रांगाय च मंदिरे। शीघ्रमानीय दर्श्यंतां बद्धान्पश्यत्वयं सुरान्

mā vadhiṣṭha surāndaityā vajrāṁgāya ca maṁdire śīghramānīya darśyaṁtāṁ baddhānpaśyatvayaṁ surān

हे दैत्यो! देवों को मत मारो, अपितु उन्हें बाँधकर शीघ्र वज्रांग के भवन में लाकर दिखाओ, ताकि वे इन बंधे हुए देवों को देखें।

श्लोक 110 (padma.1.42.110)

लोकपालांस्ततो दैत्यो बद्ध्वा चेंद्रमुखान्रणे। सरुद्रान्सुदृढैः पाशैः पशुपालः पशूनिव

lokapālāṁstato daityo baddhvā ceṁdramukhānraṇe sarudrānsudṛḍhaiḥ pāśaiḥ paśupālaḥ paśūniva

तब दैत्य ने इन्द्र आदि लोकपालों तथा रुद्रों सहित सबको रणभूमि में दृढ़ पाशों से बाँध लिया, जैसे गोपाल पशुओं को बाँधता है।

श्लोक 111 (padma.1.42.111)

स भूयो रथमास्थाय जगाम स्वकमालयं। सिद्धगंधर्वसंघुष्टं विपुलाचलमस्तकम् स्तूयमानो दितिसुतैरप्सरोभिः सुसेवितः।

sa bhūyo rathamāsthāya jagāma svakamālayaṁ siddhagaṁdharvasaṁghuṣṭaṁ vipulācalamastakam stūyamāno ditisutairapsarobhiḥ susevitaḥ

वह पुनः रथ पर आरूढ़ होकर, सिद्धों तथा गंधर्वों से गुंजायमान अपने विशाल पर्वत-शिखर स्थित निवास को गया, दिति-पुत्रों द्वारा स्तुति किया जाता हुआ, अप्सराओं द्वारा सेवित।