गरुड़ोत्पत्ति

श्लोक 1 (padma.1.47.1)

नारद उवाच। तव प्रसादतो ज्ञातो विप्रः पुण्यतमश्च यः। यथा जानामि देवेश क्रियया ब्राह्मणाधमम्

nārada uvāca tava prasādato jñāto vipraḥ puṇyatamaśca yaḥ yathā jānāmi deveśa kriyayā brāhmaṇādhamam

नारद ने कहा — आपकी कृपा से मैंने जान लिया कि कौन विप्र सबसे अधिक पुण्यशाली है। हे देवेश! अब मैं यह जानना चाहता हूँ कि किस आचरण से ब्राह्मणाधम कहलाता है।

श्लोक 2 (padma.1.47.2)

ब्रूहि शीघ्रं सुरश्रेष्ठ यदि प्रीतिं मयीच्छसि। ब्रह्मोवाच। स्नानैर्दशविधैर्मुक्तस्तथैव तर्पणादिभिः

brūhi śīghraṁ suraśreṣṭha yadi prītiṁ mayīcchasi brahmovāca snānairdaśavidhairmuktastathaiva tarpaṇādibhiḥ

हे सुरश्रेष्ठ! यदि मुझसे प्रेम चाहते हैं तो शीघ्र बताइए। ब्रह्मा ने कहा — जो दस प्रकार के स्नानों से रहित है, तथा तर्पण आदि से भी रहित है,

श्लोक 3 (padma.1.47.3)

संध्यासंयमहीनश्च स एव ब्राह्मणाधमः। देवपूजाव्रतैर्मुक्तो वेदविद्यादिभिस्तथा

saṁdhyāsaṁyamahīnaśca sa eva brāhmaṇādhamaḥ devapūjāvratairmukto vedavidyādibhistathā

संध्या और संयम से रहित है, वही ब्राह्मणाधम है। देव-पूजा और व्रतों से रहित, तथा वेद-विद्या आदि से भी रहित,

श्लोक 4 (padma.1.47.4)

सत्यशौचादिभिश्चैव योगज्ञानाग्नितर्पणैः। पंचस्नानानानि विप्राणां कीर्तितानि महर्षिभिः

satyaśaucādibhiścaiva yogajñānāgnitarpaṇaiḥ paṁcasnānānāni viprāṇāṁ kīrtitāni maharṣibhiḥ

सत्य-शौच आदि से, तथा योग-ज्ञान और अग्नि-तर्पण से भी रहित। महर्षियों ने विप्रों के पाँच स्नान कहे हैं —

श्लोक 5 (padma.1.47.5)

आग्नेयं वारुणं ब्राह्मं वायव्यं दिव्यमेव च। आग्नेयं भस्मना स्नानमद्भिर्वारुणमुच्यते

āgneyaṁ vāruṇaṁ brāhmaṁ vāyavyaṁ divyameva ca āgneyaṁ bhasmanā snānamadbhirvāruṇamucyate

आग्नेय, वारुण, ब्राह्म, वायव्य तथा दिव्य। आग्नेय स्नान भस्म से किया जाता है, वारुण जल से कहलाता है,

श्लोक 6 (padma.1.47.6)

आपोहिष्ठेति वै ब्राह्मं वायव्यं गोरजः स्मृतम्। अद्भिरातपवर्षाभिर्दिव्यं स्नानमुदाहृतम्

āpohiṣṭheti vai brāhmaṁ vāyavyaṁ gorajaḥ smṛtam adbhirātapavarṣābhirdivyaṁ snānamudāhṛtam

ब्राह्म स्नान 'आपोहिष्ठा' मंत्र से होता है, वायव्य गोरज से माना जाता है; दिव्य स्नान जल, धूप और वर्षा से कहा गया है।

श्लोक 7 (padma.1.47.7)

एतैस्तु मंत्रतः स्नानात्तीर्थानां फलमाप्नुयात्। तुलसीपत्रसंलग्नं सालग्रामशिलांबु च

etaistu maṁtrataḥ snānāttīrthānāṁ phalamāpnuyāt tulasīpatrasaṁlagnaṁ sālagrāmaśilāṁbu ca

इन मंत्रों से स्नान करने पर तीर्थों का फल प्राप्त होता है। तुलसी-पत्र से स्पर्शित जल, तथा शालग्राम-शिला का जल,

श्लोक 8 (padma.1.47.8)

गवां शृंगोदकं चैव विप्रपादोदकं च यत्। गुरूणामेव मुख्यानां पूतात्पूतमिति स्मृतिः

gavāṁ śṛṁgodakaṁ caiva viprapādodakaṁ ca yat gurūṇāmeva mukhyānāṁ pūtātpūtamiti smṛtiḥ

गायों के सींगों का जल, तथा विप्र के चरणों का जल — और श्रेष्ठ गुरुओं का चरण-जल तो 'पवित्र से भी पवित्र' कहा गया है।

श्लोक 9 (padma.1.47.9)

त्याग तीर्थादिभिर्यज्ञैर्व्रतहोमादिभिस्तथा। यत्फलं लभते धीरः स्नानैरेतैस्तु तत्फलम्

tyāga tīrthādibhiryajñairvratahomādibhistathā yatphalaṁ labhate dhīraḥ snānairetaistu tatphalam

त्याग, तीर्थ, यज्ञ, व्रत और होम आदि से धीर पुरुष जो फल पाता है, वही फल इन स्नानों से मिलता है।

श्लोक 10 (padma.1.47.10)

तर्पणैश्च विनिर्मुक्तः पितॄणामेव नित्यशः। पितृहा नरकं याति संध्याहीनस्तु विप्रहा

tarpaṇaiśca vinirmuktaḥ pitṝṇāmeva nityaśaḥ pitṛhā narakaṁ yāti saṁdhyāhīnastu viprahā

जो सदा पितरों के तर्पण से रहित है, वह पितृघाती होकर नरक जाता है; और जो संध्या से रहित है, वह ब्राह्मणघाती है।

श्लोक 11 (padma.1.47.11)

मंत्रव्रतविहीनश्च वेदविद्यागुणैरपि। यज्ञदानादिभिर्मुक्तो ब्राह्मणश्चाधमाधमः

maṁtravratavihīnaśca vedavidyāguṇairapi yajñadānādibhirmukto brāhmaṇaścādhamādhamaḥ

मंत्र और व्रत से रहित, वेद-विद्या के गुणों से भी रहित, यज्ञ-दान आदि से रहित ब्राह्मण अधमों में भी अधम है।

श्लोक 12 (padma.1.47.12)

यज्ञार्थका देवलका नाक्षत्रा ग्रामयाजकाः। परदाररता नित्यं पंचैते ब्राह्मणाधमाः

yajñārthakā devalakā nākṣatrā grāmayājakāḥ paradāraratā nityaṁ paṁcaite brāhmaṇādhamāḥ

यज्ञ के लिए धन कमाने वाले, देवल (मंदिर-पुजारी जो पूजा बेचते हैं), नक्षत्र-ज्ञानरहित, ग्राम-याजक, तथा सदा परायी स्त्री में रत — ये पाँच ब्राह्मणाधम हैं।

श्लोक 13 (padma.1.47.13)

मंत्रसंस्कारहीनाश्च शुचिसंयमवर्जिताः। मोघाशिनो दुरात्मानो ब्राह्मणाश्चाधमाधमाः

maṁtrasaṁskārahīnāśca śucisaṁyamavarjitāḥ moghāśino durātmāno brāhmaṇāścādhamādhamāḥ

मंत्र और संस्कार से रहित, शुचिता और संयम से वर्जित, व्यर्थ भोजन करने वाले, दुरात्मा ब्राह्मण अधमों में भी अधम हैं।

श्लोक 14 (padma.1.47.14)

अपि स्तेयरता मूढाः सर्वधर्मविवर्जिताः। उन्मार्गगामिनो नित्यं ब्राह्मणाश्चाधमाधमाः

api steyaratā mūḍhāḥ sarvadharmavivarjitāḥ unmārgagāmino nityaṁ brāhmaṇāścādhamādhamāḥ

चोरी में रत मूर्ख, समस्त धर्म से वर्जित, सदा कुमार्गगामी ब्राह्मण अधमों में भी अधम हैं।

श्लोक 15 (padma.1.47.15)

श्राद्धादिकर्मरहिता गुरुसेवाविवर्जिताः। अमंत्रा भिन्नमर्यादा एते सर्वाधमाधमाः

śrāddhādikarmarahitā gurusevāvivarjitāḥ amaṁtrā bhinnamaryādā ete sarvādhamādhamāḥ

श्राद्ध आदि कर्मों से रहित, गुरु-सेवा से वर्जित, मंत्रहीन, मर्यादा तोड़ने वाले — ये सब अधमों में भी अधम हैं।

श्लोक 16 (padma.1.47.16)

असंभाष्या इमे दुष्टास्सर्वे निरयगामिनः। अमेध्यास्ते दुराचारा अपूज्याश्च समंततः

asaṁbhāṣyā ime duṣṭāssarve nirayagāminaḥ amedhyāste durācārā apūjyāśca samaṁtataḥ

ये सभी दुष्ट बात करने योग्य भी नहीं हैं, सभी नरकगामी हैं। वे अपवित्र, दुराचारी और चारों ओर से अपूज्य हैं।

श्लोक 17 (padma.1.47.17)

खड्गोपजीविकाः प्रेष्या गोवाहनरता द्विजाः। कारुवृत्युपजीवाश्च गणवार्द्धषिकाश्च ये

khaḍgopajīvikāḥ preṣyā govāhanaratā dvijāḥ kāruvṛtyupajīvāśca gaṇavārddhaṣikāśca ye

तलवार से जीविका चलाने वाले, सेवक, पशु हाँकने में रत द्विज, शिल्प-वृत्ति से जीविका चलाने वाले, तथा ब्याज पर उधार देने वाले,

श्लोक 18 (padma.1.47.18)

बालापण्याभिचाराश्च अंत्यजाश्रयमाश्रिताः। कृतघ्नाश्च गुरुघ्नाश्च एते सर्वाधमाः स्मृताः

bālāpaṇyābhicārāśca aṁtyajāśrayamāśritāḥ kṛtaghnāśca gurughnāśca ete sarvādhamāḥ smṛtāḥ

बालिकाओं का विक्रय और अभिचार-कर्म करने वाले, अंत्यजों की शरण लेने वाले, कृतघ्न और गुरुद्रोही — ये सब सर्वाधम माने गए हैं।

श्लोक 19 (padma.1.47.19)

ये चैवान्ये हताचाराः पाषंडा धर्मनिंदकाः। दूषकादेव भेदानामेते ब्रह्मद्विषो द्विजाः

ye caivānye hatācārāḥ pāṣaṁḍā dharmaniṁdakāḥ dūṣakādeva bhedānāmete brahmadviṣo dvijāḥ

और जो भी अन्य नष्ट-आचार, पाखंडी, धर्म-निंदक हैं, वे अपने भेद-दोष के कारण ही ब्रह्म-द्वेषी द्विज कहलाते हैं।

श्लोक 20 (padma.1.47.20)

तथापि ब्राह्मणश्चैव न हंतव्यः कदाचन। एनं हत्वा द्विजश्रेष्ठ ब्रह्महा पुरुषो भवेत्

tathāpi brāhmaṇaścaiva na haṁtavyaḥ kadācana enaṁ hatvā dvijaśreṣṭha brahmahā puruṣo bhavet

फिर भी ब्राह्मण को कभी नहीं मारना चाहिए। हे द्विजश्रेष्ठ! इसे मारकर मनुष्य ब्रह्महत्यारा बन जाता है।

श्लोक 21 (padma.1.47.21)

अंत्यजातिषु म्लेच्छेषु तथा चांडालजातिषु। पतितो वान्नयोनिभ्यां न हंतव्यः कथंचन

aṁtyajātiṣu mleccheṣu tathā cāṁḍālajātiṣu patito vānnayonibhyāṁ na haṁtavyaḥ kathaṁcana

अंत्यज जाति में, म्लेच्छों में, चांडाल जाति में, या पतित हुए या निम्न योनि से जन्मे ब्राह्मण को भी किसी प्रकार नहीं मारना चाहिए।

श्लोक 22 (padma.1.47.22)

सर्वजातिस्त्रियं गत्वा सर्वाभक्ष्यस्य भक्षणात्। द्विजत्वं न विनश्येत पुण्याद्विप्रो भवेत्पुनः

sarvajātistriyaṁ gatvā sarvābhakṣyasya bhakṣaṇāt dvijatvaṁ na vinaśyeta puṇyādvipro bhavetpunaḥ

सभी जाति की स्त्री से संबंध रखने पर, या सभी अभक्ष्य वस्तुओं के भक्षण से भी, द्विजत्व नष्ट नहीं होता — पुण्य से विप्र पुनः विप्र बन जाता है।

श्लोक 23 (padma.1.47.23)

नारद उवाच। ईदृशं दुष्कृतं कृत्वा पश्चात्पुण्यं समाचरेत्। कां गतिं यात्यसौ विप्रः सर्वलोकपितामह

nārada uvāca īdṛśaṁ duṣkṛtaṁ kṛtvā paścātpuṇyaṁ samācaret kāṁ gatiṁ yātyasau vipraḥ sarvalokapitāmaha

नारद ने कहा — ऐसा दुष्कृत्य करके फिर पुण्य-आचरण करने वाला वह विप्र किस गति को प्राप्त होता है, हे सर्वलोक-पितामह?

श्लोक 24 (padma.1.47.24)

ब्रह्मोवाच। कृत्वा सर्वाणि पापानि पश्चाद्यस्तु जितेंद्रियः। मुच्यते सर्वपापेभ्यः पुनर्ब्रह्मत्वमर्हति

brahmovāca kṛtvā sarvāṇi pāpāni paścādyastu jiteṁdriyaḥ mucyate sarvapāpebhyaḥ punarbrahmatvamarhati

ब्रह्मा ने कहा — सभी पाप करके भी जो बाद में जितेन्द्रिय हो जाता है, वह सभी पापों से मुक्त होकर पुनः ब्राह्मणत्व का अधिकारी बनता है।

श्लोक 25 (padma.1.47.25)

शृणु पुत्र कथां रम्यां विचित्रां च पुरातनीम्। कस्यचिद्ब्राह्मणस्यापि यौवनाढ्यः सुतोऽभवत्

śṛṇu putra kathāṁ ramyāṁ vicitrāṁ ca purātanīm kasyacidbrāhmaṇasyāpi yauvanāḍhyaḥ suto'bhavat

हे पुत्र! एक रमणीय, विचित्र और प्राचीन कथा सुनो। किसी ब्राह्मण का एक युवावस्था-संपन्न पुत्र था,

श्लोक 26 (padma.1.47.26)

ततो यौवनसंपत्तेर्मोहाच्च पूर्वकर्मणः। चांडालीमगमत्सद्यस्तस्याः प्रियतरोऽभवत्

tato yauvanasaṁpattermohācca pūrvakarmaṇaḥ cāṁḍālīmagamatsadyastasyāḥ priyataro'bhavat

युवावस्था की संपत्ति के मोह से और पूर्वकर्म के कारण, वह शीघ्र ही एक चांडाल स्त्री के पास गया और उसका अत्यंत प्रिय बन गया।

श्लोक 27 (padma.1.47.27)

तस्यामुत्पादितास्तेन पुत्रा दुहितरस्तथा। स्वकुटुंबं परित्यज्य गृहे तस्याश्चिरं स्थितः

tasyāmutpāditāstena putrā duhitarastathā svakuṭuṁbaṁ parityajya gṛhe tasyāściraṁ sthitaḥ

उससे उसने पुत्र और पुत्रियाँ भी उत्पन्न कीं; अपने परिवार को त्यागकर वह उसी के घर में दीर्घकाल तक रहा।

श्लोक 28 (padma.1.47.28)

अन्या भक्ष्यं न चाश्नाति घृणया च सुरां त्यजेत्। तमुवाच सदा सा च भक्षयान्यतरां सुराम्

anyā bhakṣyaṁ na cāśnāti ghṛṇayā ca surāṁ tyajet tamuvāca sadā sā ca bhakṣayānyatarāṁ surām

वह अन्य भोजन नहीं करता था और घृणावश सुरा भी त्याग देता था। वह स्त्री सदा उससे कहती — कुछ सुरा भी पी लो,

श्लोक 29 (padma.1.47.29)

तामुवाच तदा शौचं गदितुं नार्हसि प्रिये। उत्कारो जायते तस्याः श्रवणात्सततं मम

tāmuvāca tadā śaucaṁ gadituṁ nārhasi priye utkāro jāyate tasyāḥ śravaṇātsatataṁ mama

तब उसने उससे कहा — प्रिये! शौच की बात मत करो, इसे सुनते ही मुझे सदा घृणा हो आती है।

श्लोक 30 (padma.1.47.30)

एकदा स मृगान्वेषात्श्रांतः सुप्तो गृहे दिवा। गृहीत्वा सा सुरां तस्य हसित्वा च मुखे ददौ

ekadā sa mṛgānveṣātśrāṁtaḥ supto gṛhe divā gṛhītvā sā surāṁ tasya hasitvā ca mukhe dadau

एक बार वह शिकार से थककर दिन में घर में सो गया। तब उसने सुरा लेकर हँसते हुए उसके मुख में डाल दी।

श्लोक 31 (padma.1.47.31)

ततो विप्रमुखादग्निः प्रजज्वाल समंततः। ज्वाला तु सकुटुबांतामदहच्च गृहं वसु

tato vipramukhādagniḥ prajajvāla samaṁtataḥ jvālā tu sakuṭubāṁtāmadahacca gṛhaṁ vasu

तब उस विप्र के मुख से चारों ओर अग्नि प्रज्वलित हो उठी। उस ज्वाला ने परिवार सहित उसका घर और धन जला डाला।

श्लोक 32 (padma.1.47.32)

हाहा कृत्वा समुत्थाय विललाप तदा द्विजः। विलापांते च जिज्ञासा समारब्धा च तेन हि

hāhā kṛtvā samutthāya vilalāpa tadā dvijaḥ vilāpāṁte ca jijñāsā samārabdhā ca tena hi

'हाय-हाय' करते हुए उठकर वह द्विज विलाप करने लगा। विलाप के अंत में उसने जिज्ञासा आरंभ की —

श्लोक 33 (padma.1.47.33)

कुतश्चाग्निः समुद्भूतो गृहे दाहः कथं मम। ततः खे तमुवाचेदं तेजस्ते ब्राह्मणस्य च

kutaścāgniḥ samudbhūto gṛhe dāhaḥ kathaṁ mama tataḥ khe tamuvācedaṁ tejaste brāhmaṇasya ca

यह अग्नि कहाँ से उत्पन्न हुई, मेरे घर में यह दाह कैसे हुआ? तब आकाश से किसी ने उससे कहा — यह तुम्हारा ही ब्राह्मण-तेज था।

श्लोक 34 (padma.1.47.34)

कथिते तद्यथावृत्ते ब्राह्मणो विस्मयं गतः। विमृश्यार्थमुवाचेदं पुनः खेऽस्य हितं वचः

kathite tadyathāvṛtte brāhmaṇo vismayaṁ gataḥ vimṛśyārthamuvācedaṁ punaḥ khe'sya hitaṁ vacaḥ

जो कुछ हुआ था वह बताए जाने पर ब्राह्मण विस्मित हो गया। विचार करते हुए उसने पुनः पूछा, तब आकाश से उसका हितकारी वचन आया —

श्लोक 35 (padma.1.47.35)

विप्रणष्टं सुतेजस्ते तस्माद्धर्मचरो भव। ततो मुनिवरान्गत्वा पप्रच्छात्महितं द्विजः

vipraṇaṣṭaṁ sutejaste tasmāddharmacaro bhava tato munivarāngatvā papracchātmahitaṁ dvijaḥ

तुम्हारा वह सुतेज नष्ट हो गया है, इसलिए अब धर्माचरण करो। तब वह द्विज श्रेष्ठ मुनियों के पास गया और अपने कल्याण के विषय में पूछा।

श्लोक 36 (padma.1.47.36)

तमूचुर्मुनयः सर्वे दानधर्मं समाचर। ऋषय ऊचुः। पूयंते सर्वपापेभ्यो ब्राह्मणानि यमैर्व्रतैः

tamūcurmunayaḥ sarve dānadharmaṁ samācara ṛṣaya ūcuḥ pūyaṁte sarvapāpebhyo brāhmaṇāni yamairvrataiḥ

सभी मुनियों ने उससे कहा — दान-धर्म का आचरण करो। ऋषियों ने कहा — ब्राह्मण यम और व्रतों से समस्त पापों से पवित्र हो जाते हैं,

श्लोक 37 (padma.1.47.37)

नियमान्शास्त्रदृष्टांश्च पूतत्वार्थमुपाचर। चांद्रायणांश्च कृच्छ्रांश्च तप्तकृच्छ्रान्पुनः पुनः

niyamānśāstradṛṣṭāṁśca pūtatvārthamupācara cāṁdrāyaṇāṁśca kṛcchrāṁśca taptakṛcchrānpunaḥ punaḥ

शास्त्रोक्त नियमों का पालन पवित्रता के लिए करो — चांद्रायण, कृच्छ्र, तथा तप्तकृच्छ्र बार-बार,

श्लोक 38 (padma.1.47.38)

प्राजापत्यांश्च दिव्यांश्च दोषशोषाय सत्वरम्। गच्छ तीर्थानि पूतानि गोविंदाराधनं कुरु

prājāpatyāṁśca divyāṁśca doṣaśoṣāya satvaram gaccha tīrthāni pūtāni goviṁdārādhanaṁ kuru

प्राजापत्य और दिव्य व्रत भी, अपने दोष को शीघ्र दूर करने के लिए। पवित्र तीर्थों में जाओ और गोविंद की आराधना करो।

श्लोक 39 (padma.1.47.39)

क्षयमेष्यंति पापानि न चिरेण समंततः। पुण्यतीर्थप्रभावाच्च गोविंदस्य प्रभावतः

kṣayameṣyaṁti pāpāni na cireṇa samaṁtataḥ puṇyatīrthaprabhāvācca goviṁdasya prabhāvataḥ

तुम्हारे पाप शीघ्र ही, हर प्रकार से क्षय हो जाएँगे — पुण्यतीर्थों के प्रभाव से और गोविंद के प्रभाव से।

श्लोक 40 (padma.1.47.40)

क्षयमेष्यंति पापानि ब्रह्मत्वं प्राप्स्यते भवान्। शृणु तात यथावृत्तं कथयामः पुरातनम्

kṣayameṣyaṁti pāpāni brahmatvaṁ prāpsyate bhavān śṛṇu tāta yathāvṛttaṁ kathayāmaḥ purātanam

तुम्हारे पाप क्षय हो जाएँगे, और तुम ब्राह्मणत्व प्राप्त करोगे। हे तात! सुनो, हम वह प्राचीन कथा यथावत् कहते हैं।

श्लोक 41 (padma.1.47.41)

आहारार्थी पुरा वत्स गरुडो विनतासुतः। पतंगोपि बहिः साक्षादंडान्निस्सृत्य शावकः

āhārārthī purā vatsa garuḍo vinatāsutaḥ pataṁgopi bahiḥ sākṣādaṁḍānnissṛtya śāvakaḥ

हे वत्स! प्राचीन काल में विनतापुत्र गरुड़, पक्षी होते हुए भी, अभी-अभी अंडे से निकला हुआ शिशु, भोजन का इच्छुक,

श्लोक 42 (padma.1.47.42)

क्षुधार्थी मातरं प्राह भक्ष्यं मे दीयतामिति। ततः पर्वतसंकाशं गरुडं च महाबलम्

kṣudhārthī mātaraṁ prāha bhakṣyaṁ me dīyatāmiti tataḥ parvatasaṁkāśaṁ garuḍaṁ ca mahābalam

भूख से पीड़ित होकर माता से बोला — मुझे भोजन दीजिए। तब पर्वत के समान विशाल और महाबली गरुड़ को देखकर,

श्लोक 43 (padma.1.47.43)

दृष्ट्वा माता महाभागा तनयं हृष्टमानसा। क्षुधां ते बाधितुं पुत्र न शक्नोमि समंततः

dṛṣṭvā mātā mahābhāgā tanayaṁ hṛṣṭamānasā kṣudhāṁ te bādhituṁ putra na śaknomi samaṁtataḥ

महाभागा माता ने प्रसन्नचित्त होकर पुत्र से कहा — हे पुत्र! मैं तुम्हारी भूख को हर प्रकार से शांत नहीं कर सकती।

श्लोक 44 (padma.1.47.44)

तव तातस्तपस्तेपे लौहित्यस्योत्तरे तटे। कश्यपो नाम धर्मात्मा साक्षाल्लोकपितामहः

tava tātastapastepe lauhityasyottare taṭe kaśyapo nāma dharmātmā sākṣāllokapitāmahaḥ

तुम्हारे पिता लौहित्य नदी के उत्तरी तट पर तपस्या कर रहे हैं — कश्यप नामक धर्मात्मा, जो साक्षात् लोकपितामह हैं।

श्लोक 45 (padma.1.47.45)

तत्र गच्छस्व पितरं पृच्छ कामं यथा तव। अस्योपदेशतस्तात क्षुधा ते शममेष्यति

tatra gacchasva pitaraṁ pṛccha kāmaṁ yathā tava asyopadeśatastāta kṣudhā te śamameṣyati

वहाँ जाओ, पिता से अपनी इच्छानुसार पूछो। हे तात! उनके उपदेश से तुम्हारी भूख शांत हो जाएगी।

श्लोक 46 (padma.1.47.46)

ततो मातुर्वचः श्रुत्वा वैनतेयो महाबलः। अगमत्पितुरभ्याशं समुहूर्तान्मनोजवः

tato māturvacaḥ śrutvā vainateyo mahābalaḥ agamatpiturabhyāśaṁ samuhūrtānmanojavaḥ

तब माता के वचन सुनकर महाबली वैनतेय मन के समान वेग से एक क्षण में ही पिता के समीप पहुँच गया।

श्लोक 47 (padma.1.47.47)

दृष्ट्वा तातं मुनिश्रेष्ठं ज्वलंतमिव पावकम्। प्रणम्य शिरसा वाक्यमुवाच पितरं खगः

dṛṣṭvā tātaṁ muniśreṣṭhaṁ jvalaṁtamiva pāvakam praṇamya śirasā vākyamuvāca pitaraṁ khagaḥ

अग्नि के समान प्रज्वलित पिता, मुनिश्रेष्ठ को देखकर, पक्षी ने सिर झुकाकर प्रणाम किया और पिता से यह वचन कहा —

श्लोक 48 (padma.1.47.48)

भक्षार्थी समनुप्राप्तः सुतोहं ते महात्मनः। क्षुधया पीडितो नाथ भक्ष्यं मे दीयतां प्रभो

bhakṣārthī samanuprāptaḥ sutohaṁ te mahātmanaḥ kṣudhayā pīḍito nātha bhakṣyaṁ me dīyatāṁ prabho

हे महात्मन्! मैं आपका पुत्र भोजन की खोज में आया हूँ। हे नाथ! भूख से पीड़ित हूँ, हे प्रभु! मुझे भोजन दीजिए।

श्लोक 49 (padma.1.47.49)

ततो ध्यानं समालभ्य ज्ञात्वा तं विनतासुतं। पुत्रस्नेहाद्वचश्चेदं प्रोवाच मुनिसत्तमः

tato dhyānaṁ samālabhya jñātvā taṁ vinatāsutaṁ putrasnehādvacaścedaṁ provāca munisattamaḥ

तब ध्यान लगाकर उसे विनतापुत्र जानकर, पुत्र-स्नेह से मुनिश्रेष्ठ ने यह वचन कहा —

श्लोक 50 (padma.1.47.50)

अनेकशतसाहस्रा निषादाः सरितांपतेः। तीरे तिष्ठंति पापिष्ठास्तान्संभक्ष्य सुखी भव

anekaśatasāhasrā niṣādāḥ saritāṁpateḥ tīre tiṣṭhaṁti pāpiṣṭhāstānsaṁbhakṣya sukhī bhava

समुद्र के तट पर अनेक सैकड़ों-हजारों अत्यंत पापी निषाद रहते हैं; उन्हें खाकर सुखी हो जाओ।

श्लोक 51 (padma.1.47.51)

तीर्थमुत्सादयंति स्म तीर्थकाका दुरासदाः। विना विप्रं निषादेषु भक्षय त्वमलक्षितं

tīrthamutsādayaṁti sma tīrthakākā durāsadāḥ vinā vipraṁ niṣādeṣu bhakṣaya tvamalakṣitaṁ

तीर्थों को नष्ट करने वाले वे दुर्दम्य 'तीर्थ-काक' हैं। निषादों में से, विप्र को छोड़कर, बिना भेदभाव के भक्षण करो।

श्लोक 52 (padma.1.47.52)

इत्युक्तः प्रययौ पक्षी भक्षयामास तांस्ततः। अलक्ष्यभावो विप्रोपि गिलितस्तेन पक्षिणा

ityuktaḥ prayayau pakṣī bhakṣayāmāsa tāṁstataḥ alakṣyabhāvo vipropi gilitastena pakṣiṇā

यह सुनकर पक्षी गया और उन्हें खाने लगा; किंतु अलक्षित होने के कारण एक विप्र भी उस पक्षी द्वारा निगल लिया गया।

श्लोक 53 (padma.1.47.53)

स तस्य गलके गाढं लालगीति द्विजस्तदा। वमितुं गिलितुं चापि न शशाक द्विजोत्तमः

sa tasya galake gāḍhaṁ lālagīti dvijastadā vamituṁ gilituṁ cāpi na śaśāka dvijottamaḥ

वह द्विज तब उसके गले में दृढ़ता से अटक गया; और श्रेष्ठ पक्षी न तो उसे उगल सका, न निगल सका।

श्लोक 54 (padma.1.47.54)

गत्वाथ पितरं प्राह किमेतदिति मे पितः। लग्नं मे गलके सत्वं प्रतिकर्तुं न शक्नुयां

gatvātha pitaraṁ prāha kimetaditi me pitaḥ lagnaṁ me galake satvaṁ pratikartuṁ na śaknuyāṁ

फिर पिता के पास जाकर उसने कहा — हे पिता! यह क्या है? मेरे गले में एक प्राणी अटक गया है, मैं कुछ भी नहीं कर पा रहा।

श्लोक 55 (padma.1.47.55)

तस्य तद्वचनं श्रुत्वा कश्यपस्तमुवाच ह। मयोक्तं ते पुरा वत्स ब्राह्मणोयं न बुध्यसे

tasya tadvacanaṁ śrutvā kaśyapastamuvāca ha mayoktaṁ te purā vatsa brāhmaṇoyaṁ na budhyase

उसका यह वचन सुनकर कश्यप ने उससे कहा — हे वत्स! मैंने तुमसे पहले ही कहा था — क्या तुम नहीं समझते कि यह एक ब्राह्मण है?

श्लोक 56 (padma.1.47.56)

इत्युक्त्वा च मुनिर्धीमान्द्विजं प्राह स धार्मिकः। आगच्छ त्वं ममासन्नं हितं ते प्रवदाम्यहं

ityuktvā ca munirdhīmāndvijaṁ prāha sa dhārmikaḥ āgaccha tvaṁ mamāsannaṁ hitaṁ te pravadāmyahaṁ

यह कहकर वह धीमान् धार्मिक मुनि उस द्विज (गले में फँसे विप्र) से बोले — मेरे निकट आओ, मैं तुम्हारा हित बताता हूँ।

श्लोक 57 (padma.1.47.57)

तमुवाच तदा विप्रः कश्यपं मुनिपुंगवम्। ममैते सुहृदो नित्यं सर्वे संबंधिनः प्रियाः

tamuvāca tadā vipraḥ kaśyapaṁ munipuṁgavam mamaite suhṛdo nityaṁ sarve saṁbaṁdhinaḥ priyāḥ

तब उस विप्र ने मुनिश्रेष्ठ कश्यप से कहा — ये सभी मेरे सदा के मित्र, संबंधी और प्रिय हैं —

श्लोक 58 (padma.1.47.58)

श्वशुराः स्यालकाश्चाप्तास्सबालाश्च तथापरे। एतैः सह प्रयास्यामि निरयं चापि वा शिवम्

śvaśurāḥ syālakāścāptāssabālāśca tathāpare etaiḥ saha prayāsyāmi nirayaṁ cāpi vā śivam

श्वसुर, साले, विश्वस्त जन, बालक और अन्य भी — इन्हीं के साथ मैं जाऊँगा, चाहे नरक में या कल्याणकारी लोक में।

श्लोक 59 (padma.1.47.59)

तस्य तद्वचनं श्रुत्वा विस्मितः कश्यपोऽब्रवीत्। द्विजानां च कुले जातश्चांडालैः पतितो भवान्

tasya tadvacanaṁ śrutvā vismitaḥ kaśyapo'bravīt dvijānāṁ ca kule jātaścāṁḍālaiḥ patito bhavān

उसका यह वचन सुनकर विस्मित कश्यप ने कहा — द्विजों के कुल में जन्मे तुम, चांडालों के साथ पतित हो गए हो।

श्लोक 60 (padma.1.47.60)

पुरुषास्ते प्रतिष्ठंते घोरे च निरये ध्रुवम्। चिराय निष्कृतिस्तेषां नैवास्तीह कथंचन

puruṣāste pratiṣṭhaṁte ghore ca niraye dhruvam cirāya niṣkṛtisteṣāṁ naivāstīha kathaṁcana

ऐसे पुरुष निश्चय ही घोर नरक में प्रतिष्ठित होते हैं; उनका दीर्घकाल तक किसी भी प्रकार प्रायश्चित संभव नहीं होता।

श्लोक 61 (padma.1.47.61)

सर्वांश्चैव दुराचारांश्चांडालान्पापकारिणः। दोषांस्त्यक्त्वा नरः पश्चात्सुखी भवति नान्यथा

sarvāṁścaiva durācārāṁścāṁḍālānpāpakāriṇaḥ doṣāṁstyaktvā naraḥ paścātsukhī bhavati nānyathā

समस्त दुराचारी, पापी चांडालों को — उनके दोषों को त्यागकर ही मनुष्य बाद में सुखी होता है, अन्यथा नहीं।

श्लोक 62 (padma.1.47.62)

अज्ञानाद्यदि वा मोहात्कृत्वा पापं सुदारुणं। ततो धर्मं चरेद्यस्तु स गच्छेत्परमां गतिं

ajñānādyadi vā mohātkṛtvā pāpaṁ sudāruṇaṁ tato dharmaṁ caredyastu sa gacchetparamāṁ gatiṁ

अज्ञान से या मोह से भी यदि अत्यंत भयंकर पाप करके कोई बाद में धर्माचरण करता है, तो वह परम गति को प्राप्त होता है।

श्लोक 63 (padma.1.47.63)

पापकृन्न चरेद्धर्मं पापे कुर्यान्मतिं पुनः। शिलानावं यथारूढः सागरे संनिमज्जति

pāpakṛnna careddharmaṁ pāpe kuryānmatiṁ punaḥ śilānāvaṁ yathārūḍhaḥ sāgare saṁnimajjati

किंतु पापी यदि धर्म का आचरण न करे और पुनः पाप में ही मन लगाए, तो वह पत्थर की नाव पर सवार व्यक्ति की तरह सागर में डूब जाता है।

श्लोक 64 (padma.1.47.64)

कृत्वा सर्वाणि पापानि तथा दुर्गतिसंचयं। उपशांतो भवेत्पश्चात्तं दोषं शमयिष्यति

kṛtvā sarvāṇi pāpāni tathā durgatisaṁcayaṁ upaśāṁto bhavetpaścāttaṁ doṣaṁ śamayiṣyati

समस्त पाप करके और दुर्गति का संचय करके भी, यदि बाद में शांत हो जाए, तो वह दोष शांत हो जाएगा।

श्लोक 65 (padma.1.47.65)

तमुवाच महाप्राज्ञं द्विजं मुनिवरोत्तमम्। यदिमां न जहातीह खगः सर्वांश्च बांधवान्

tamuvāca mahāprājñaṁ dvijaṁ munivarottamam yadimāṁ na jahātīha khagaḥ sarvāṁśca bāṁdhavān

उस महाप्राज्ञ, मुनिवरश्रेष्ठ द्विज से गरुड़ ने कहा — यदि यह पक्षी इसे और इसके सभी बंधुओं को यहाँ नहीं छोड़ेगा,

श्लोक 66 (padma.1.47.66)

ततः प्राणं च त्यक्ष्यामि खगे मर्मावघातिनि। नोचेत्त्यजतु मे बंधून्प्रतिज्ञा मे दृढात्मनः

tataḥ prāṇaṁ ca tyakṣyāmi khage marmāvaghātini nocettyajatu me baṁdhūnpratijñā me dṛḍhātmanaḥ

तो हे मर्मघाती पक्षी (गले में फँसे प्राणी को संबोधित करते हुए)! मैं अपना प्राण त्याग दूँगा। अन्यथा यह मेरे बंधुओं को छोड़ दे — यह मेरी दृढ़ प्रतिज्ञा है।

श्लोक 67 (padma.1.47.67)

ततस्तार्क्ष्यमुवाचेदं मुनि र्ब्रह्मवधे भयात्। उद्वमैतान्सविप्रांश्च म्लेछानेतान्समंततः

tatastārkṣyamuvācedaṁ muni rbrahmavadhe bhayāt udvamaitānsaviprāṁśca mlechānetānsamaṁtataḥ

तब मुनि ने ब्रह्महत्या के भय से गरुड़ से कहा — इन विप्र सहित इन सभी म्लेच्छों को चारों ओर उगल दो,

श्लोक 68 (padma.1.47.68)

वनेषु पर्वतान्तेषु दिक्षु तान्पतगेश्वर। उद्ववाम ततः शीघ्रं दोषज्ञः पितुराज्ञया

vaneṣu parvatānteṣu dikṣu tānpatageśvara udvavāma tataḥ śīghraṁ doṣajñaḥ piturājñayā

हे पक्षीश्वर! वनों में, पर्वतों के मध्य, तथा दिशाओं में। तब दोषज्ञ गरुड़ ने पिता की आज्ञा से शीघ्र उन्हें उगल दिया।

श्लोक 69 (padma.1.47.69)

ततः सर्वेऽभवन्व्यक्ता अकेशाः श्मश्रुवर्जिताः। यवना भोजनप्रीताः किंचिच्छ्मश्रुयुताश्च ये

tataḥ sarve'bhavanvyaktā akeśāḥ śmaśruvarjitāḥ yavanā bhojanaprītāḥ kiṁcicchmaśruyutāśca ye

तब वे सभी विभिन्न रूपों में प्रकट हुए — कुछ केशरहित, दाढ़ी-रहित यवन, जो विशेष भोजन के प्रेमी थे, तथा कुछ थोड़ी दाढ़ी वाले भी,

श्लोक 70 (padma.1.47.70)

अग्नौ च नग्नकाः पापा दक्षिणस्यामवाचकाः। घोराः प्राणिवधे प्रीता दुरात्मानो गवाशिनः

agnau ca nagnakāḥ pāpā dakṣiṇasyāmavācakāḥ ghorāḥ prāṇivadhe prītā durātmāno gavāśinaḥ

अग्नि के समक्ष नग्न, पापी, दक्षिण में अस्पष्ट भाषा बोलने वाले, भयंकर, प्राणि-हिंसा में प्रीति रखने वाले, दुरात्मा, गोमांस-भक्षी,

श्लोक 71 (padma.1.47.71)

नैर्ऋते कुवदाः पापा गोब्राह्मणवधोद्यताः। खर्पराः पश्चिमे पूर्वे निवसंति च दारुणाः

nairṛte kuvadāḥ pāpā gobrāhmaṇavadhodyatāḥ kharparāḥ paścime pūrve nivasaṁti ca dāruṇāḥ

नैऋत्य दिशा में अशुद्ध वाणी वाले पापी, गौ और ब्राह्मण की हत्या में तत्पर; पश्चिम में खर्पर, तथा पूर्व में भयंकर लोग निवास करते हैं,

श्लोक 72 (padma.1.47.72)

वायव्यां च तुरुष्काश्च श्मश्रुपूर्णा गवाशिनः। अश्वपृष्ठसमारूढाः प्रयुद्धेष्वनिवर्तिनः

vāyavyāṁ ca turuṣkāśca śmaśrupūrṇā gavāśinaḥ aśvapṛṣṭhasamārūḍhāḥ prayuddheṣvanivartinaḥ

वायव्य दिशा में तुरुष्क, पूर्ण दाढ़ी वाले, गोमांस-भक्षी, अश्वपृष्ठ पर आरूढ़, युद्ध में कभी पीछे न हटने वाले,

श्लोक 73 (padma.1.47.73)

उत्तरस्यां च गिरयो म्लेच्छाः पर्वतवासिनः। सर्वभक्षा दुराचाराः वधबंधरताः किल

uttarasyāṁ ca girayo mlecchāḥ parvatavāsinaḥ sarvabhakṣā durācārāḥ vadhabaṁdharatāḥ kila

उत्तर में पर्वत-निवासी म्लेच्छ, सर्वभक्षी, दुराचारी, वध और बंधन में रत,

श्लोक 74 (padma.1.47.74)

ऐशान्यां निरयास्संति कर्तॄणां वृक्षवासिनः। एते म्लेच्छा स्थिता दिक्षु घोरास्ते शस्त्रपाणयः

aiśānyāṁ nirayāssaṁti kartṝṇāṁ vṛkṣavāsinaḥ ete mlecchā sthitā dikṣu ghorāste śastrapāṇayaḥ

ईशान दिशा में वृक्षवासी 'कर्तृ' जाति के भयंकर लोग हैं। ये सभी म्लेच्छ शस्त्रधारी होकर दिशाओं में स्थित हैं —

श्लोक 75 (padma.1.47.75)

येषां च स्पर्शमात्रेण सचेलो जलमाविशेत्। एतेषां च कलौ देशेप्यकाले धर्मवर्जिते

yeṣāṁ ca sparśamātreṇa sacelo jalamāviśet eteṣāṁ ca kalau deśepyakāle dharmavarjite

जिनके स्पर्शमात्र से वस्त्रसहित जल में प्रवेश करना पड़ता है (शुद्धि के लिए)। और इनके साथ, कलियुग में, धर्महीन असमय में,

श्लोक 76 (padma.1.47.76)

संस्पर्शं च प्रकुर्वंति वित्तलोभात्समंततः। म्लेच्छांस्तान्मोचयित्वा तु क्षुधया परिपीडितः

saṁsparśaṁ ca prakurvaṁti vittalobhātsamaṁtataḥ mlecchāṁstānmocayitvā tu kṣudhayā paripīḍitaḥ

लोग धन के लोभ से चारों ओर संपर्क करते हैं। उन म्लेच्छों को मुक्त करके, भूख से अत्यंत पीड़ित,

श्लोक 77 (padma.1.47.77)

पुनराह द्विजस्तात क्षुधा मे बाधतेतराम्। अवदद्गरुडं तत्र कश्यपः कृपया द्रुतम्

punarāha dvijastāta kṣudhā me bādhatetarām avadadgaruḍaṁ tatra kaśyapaḥ kṛpayā drutam

द्विज ने पुनः कहा — हे तात! मुझे भूख बहुत सता रही है। तब कश्यप ने वहाँ कृपापूर्वक गरुड़ से शीघ्र कहा —

श्लोक 78 (padma.1.47.78)

तिष्ठंतौ विपुलौ तत्र जिघांसू गजकच्छपौ। अप्रमेयौ महासत्वौ सागरस्यैकदेशतः

tiṣṭhaṁtau vipulau tatra jighāṁsū gajakacchapau aprameyau mahāsatvau sāgarasyaikadeśataḥ

वहाँ सागर के एक भाग में एक-दूसरे को मारने की इच्छा से खड़े विशाल, अपरिमेय, महाबली हाथी और कछुआ हैं,

श्लोक 79 (padma.1.47.79)

तावप्सु च द्रुतं वत्स क्षुधां ते वारयिष्यतः। स पितुर्वचनं श्रुत्वा तत्र गत्वाभिपद्य तौ

tāvapsu ca drutaṁ vatsa kṣudhāṁ te vārayiṣyataḥ sa piturvacanaṁ śrutvā tatra gatvābhipadya tau

वे जल में, हे वत्स, शीघ्र ही तुम्हारी भूख शांत कर देंगे। पिता के वचन सुनकर वह वहाँ जाकर उन दोनों को पकड़कर,

श्लोक 80 (padma.1.47.80)

नखैर्भित्वा कूर्मगजौ महासत्वौ महाजवः। खमुत्पपात तौ धृत्वा विद्युद्वेगो महाबलः

nakhairbhitvā kūrmagajau mahāsatvau mahājavaḥ khamutpapāta tau dhṛtvā vidyudvego mahābalaḥ

नखों से हाथी और कछुए, उन दोनों महाबली प्राणियों को विदीर्ण करके, अत्यंत वेगवान् वह उन्हें धारण कर, विद्युत के समान वेग से, महाबली आकाश में उड़ गया।

श्लोक 81 (padma.1.47.81)

आधारतां न गच्छंति नगाश्च मंदरादयः। ततो योजनलक्षे द्वे गत्वा मारुतरंहसा

ādhāratāṁ na gacchaṁti nagāśca maṁdarādayaḥ tato yojanalakṣe dve gatvā mārutaraṁhasā

मंदर आदि पर्वत भी उसका आधार नहीं बन सके। तब दो लाख योजन वायु के वेग से जाकर,

श्लोक 82 (padma.1.47.82)

महत्यां जंबुशाखायां निपपात महाबलः। भग्ना सा सहसा शाखा तां पतंतीं खगेश्वरः

mahatyāṁ jaṁbuśākhāyāṁ nipapāta mahābalaḥ bhagnā sā sahasā śākhā tāṁ pataṁtīṁ khageśvaraḥ

वह महाबली जामुन की एक विशाल शाखा पर उतरा। वह शाखा अचानक टूट गई, और गिरती हुई उस शाखा को पक्षीश्वर ने,

श्लोक 83 (padma.1.47.83)

गोब्राह्मणवधाद्भीतो दधार तरसा बली। धृत्वा तां रुचिरं वेगाद्द्रवंतं खे महाबलम्

gobrāhmaṇavadhādbhīto dadhāra tarasā balī dhṛtvā tāṁ ruciraṁ vegāddravaṁtaṁ khe mahābalam

गौ और ब्राह्मणों की हत्या के भय से, बलपूर्वक शीघ्र थाम लिया। उसे थामकर वह वेगपूर्वक तेजस्वी और महाबली,

श्लोक 84 (padma.1.47.84)

गत्वा विष्णुरुवाचेदं नररूपधरो हरिः। कस्त्वं भ्रमसि चाकाशे किमर्थं पतगेश्वर

gatvā viṣṇuruvācedaṁ nararūpadharo hariḥ kastvaṁ bhramasi cākāśe kimarthaṁ patageśvara

आकाश में जा रहा था कि मनुष्य-रूपधारी हरि विष्णु ने कहा — हे पक्षीश्वर! तुम कौन हो, आकाश में किसलिए घूम रहे हो?

श्लोक 85 (padma.1.47.85)

विधृत्य महतीं शाखां महांतौ गजकच्छपौ। तमुवाच द्विजस्तस्मिन्नररूपधरं हरिम्

vidhṛtya mahatīṁ śākhāṁ mahāṁtau gajakacchapau tamuvāca dvijastasminnararūpadharaṁ harim

उस विशाल शाखा और महान हाथी-कछुए को थामे हुए, द्विज ने उस मनुष्य-रूपधारी हरि से कहा —

श्लोक 86 (padma.1.47.86)

गरुडोहं महाबाहो खगरूपः स्वकर्मणा। कश्यपस्य मुनेस्सूनुर्विनतागर्भसंभवः

garuḍohaṁ mahābāho khagarūpaḥ svakarmaṇā kaśyapasya munessūnurvinatāgarbhasaṁbhavaḥ

हे महाबाहो! मैं गरुड़ हूँ, अपने कर्म से पक्षी-रूप में हूँ, कश्यप मुनि का पुत्र, विनता के गर्भ से उत्पन्न।

श्लोक 87 (padma.1.47.87)

पश्यैतौ च महासत्वौ भक्षणार्थं मया धृतौ। न धरा च ममाधारो न वृक्षा न च पर्वताः

paśyaitau ca mahāsatvau bhakṣaṇārthaṁ mayā dhṛtau na dharā ca mamādhāro na vṛkṣā na ca parvatāḥ

देखो, ये दो महान प्राणी मैंने भोजन के लिए पकड़े हैं। न पृथ्वी मेरा आधार है, न वृक्ष, न पर्वत —

श्लोक 88 (padma.1.47.88)

अनेकयोजनान्यूर्ध्वं दृष्ट्वा जंबूमहीरुहम्। अपतंतस्य शाखायां सहेमौ परिभक्षितुं

anekayojanānyūrdhvaṁ dṛṣṭvā jaṁbūmahīruham apataṁtasya śākhāyāṁ sahemau paribhakṣituṁ

अनेक योजन ऊपर जामुन का विशाल वृक्ष देखकर, इन दोनों को खाने के लिए उसकी शाखा पर उतरा,

श्लोक 89 (padma.1.47.89)

भग्ना सा सहसा शाखा तां च धृत्वा भ्रमाम्यहम्। कोटिकोटिसहस्राणां ब्राह्मणानां गवां वधात्

bhagnā sā sahasā śākhā tāṁ ca dhṛtvā bhramāmyaham koṭikoṭisahasrāṇāṁ brāhmaṇānāṁ gavāṁ vadhāt

वह शाखा अचानक टूट गई, और उसे थामे हुए मैं भटक रहा हूँ; करोड़ों-करोड़ों हजारों ब्राह्मणों और गायों के वध के भय से,

श्लोक 90 (padma.1.47.90)

भयं तत्र विषादो मे सहसा प्राविशद्बुध। किं करोमि कथं यामि को मे वेगं सहिष्यति

bhayaṁ tatra viṣādo me sahasā prāviśadbudha kiṁ karomi kathaṁ yāmi ko me vegaṁ sahiṣyati

हे बुद्धिमान्! मेरे मन में सहसा भय और विषाद प्रवेश कर गया। मैं क्या करूँ, कहाँ जाऊँ, मेरे वेग को कौन सहन करेगा?

श्लोक 91 (padma.1.47.91)

इत्युक्ते पतगश्रेष्ठं प्रोवाचेदं हरिस्तदा। अस्मद्बाहुं समारुह्य भक्षेमौ गजकच्छपौ

ityukte patagaśreṣṭhaṁ provācedaṁ haristadā asmadbāhuṁ samāruhya bhakṣemau gajakacchapau

यह सुनकर हरि ने तब श्रेष्ठ पक्षी से कहा — मेरी भुजा पर चढ़कर इन हाथी-कछुए को खा लो।

श्लोक 92 (padma.1.47.92)

गरुड उवाच। ममाधारं न गच्छंति सागराश्च नगोत्तमाः। अथ चैवं महासत्वं कथं त्वं धारयिष्यसि

garuḍa uvāca mamādhāraṁ na gacchaṁti sāgarāśca nagottamāḥ atha caivaṁ mahāsatvaṁ kathaṁ tvaṁ dhārayiṣyasi

गरुड़ ने कहा — सागर और श्रेष्ठ पर्वत भी मेरे आधार नहीं बन सकते। फिर मुझ जैसे महान् प्राणी को आप कैसे धारण करेंगे?

श्लोक 93 (padma.1.47.93)

ऋते नारायणादन्यः को मां धारयितुं क्षमः। त्रैलोक्ये कः पुमांस्तिष्ठेद्यो वेगं मे सहिष्यति

ṛte nārāyaṇādanyaḥ ko māṁ dhārayituṁ kṣamaḥ trailokye kaḥ pumāṁstiṣṭhedyo vegaṁ me sahiṣyati

नारायण के अतिरिक्त और कौन मुझे धारण करने में समर्थ है? त्रिलोक में कौन पुरुष मेरा वेग सहन कर खड़ा रह सकता है?

श्लोक 94 (padma.1.47.94)

हरिरुवाच। स्वकार्यमुद्धरेत्प्राज्ञः स्वकार्यं कुरु सांप्रतम्। कृत्वा कार्यं खगश्रेष्ठ विजानीषे च मां ध्रुवम्

hariruvāca svakāryamuddharetprājñaḥ svakāryaṁ kuru sāṁpratam kṛtvā kāryaṁ khagaśreṣṭha vijānīṣe ca māṁ dhruvam

हरि ने कहा — बुद्धिमान को पहले अपना कार्य पूरा करना चाहिए, अभी अपना कार्य करो। हे पक्षीश्रेष्ठ! अपना कार्य करके तुम मुझे निश्चय ही पहचान जाओगे।

श्लोक 95 (padma.1.47.95)

महासत्वं च तं दृष्ट्वा विमृश्य मनसा खगः। एवमस्त्विति चोक्त्वा स पपात ह महाभुजे

mahāsatvaṁ ca taṁ dṛṣṭvā vimṛśya manasā khagaḥ evamastviti coktvā sa papāta ha mahābhuje

उस महान् प्राणी को देखकर, मन में विचार कर, पक्षी ने 'ऐसा ही हो' कहकर उस विशाल भुजा पर उतरकर बैठ गया।

श्लोक 96 (padma.1.47.96)

न चचाल भुजस्तस्य सन्निपाते खगेशितुः। तत्र स्थित्वा स तां शाखां मुमोच पर्वतालये

na cacāla bhujastasya sannipāte khageśituḥ tatra sthitvā sa tāṁ śākhāṁ mumoca parvatālaye

पक्षीश्वर के बैठते ही उसकी भुजा तनिक भी नहीं हिली। वहाँ स्थित होकर उसने उस शाखा को पर्वत-प्रदेश में छोड़ दिया।

श्लोक 97 (padma.1.47.97)

शाखापतनमात्रेण सचराचरकानना। चचाल वसुधा चैव सागराः प्रचकंपिरे

śākhāpatanamātreṇa sacarācarakānanā cacāla vasudhā caiva sāgarāḥ pracakaṁpire

उस शाखा के गिरने मात्र से चराचर वनों सहित पृथ्वी काँप उठी, और सागर भी कंपायमान हो गए।

श्लोक 98 (padma.1.47.98)

ततश्च खादितौ सत्त्वौ सहसा गजकच्छपौ। तृप्तिं न प्राप्तवान्सोपि क्षुधा तस्य न शाम्यति

tataśca khāditau sattvau sahasā gajakacchapau tṛptiṁ na prāptavānsopi kṣudhā tasya na śāmyati

तब उसने हाथी और कछुए, दोनों प्राणियों को तुरंत खा लिया; फिर भी उसे तृप्ति नहीं मिली, उसकी भूख शांत नहीं हुई।

श्लोक 99 (padma.1.47.99)

एतज्ज्ञात्वा तु गोविंदस्तमुवाच खगेश्वरम्। भुजस्य मम मांसं तु भक्षयित्वा सुखी भव

etajjñātvā tu goviṁdastamuvāca khageśvaram bhujasya mama māṁsaṁ tu bhakṣayitvā sukhī bhava

यह जानकर गोविंद ने पक्षीश्वर से कहा — मेरी भुजा का मांस खाकर सुखी हो जाओ।

श्लोक 100 (padma.1.47.100)

इत्युक्ते प्रचुरं मांसं भुजस्य तस्य तेन हि। खादितं क्षुधया पुत्र व्रणं तस्य न विद्यते

ityukte pracuraṁ māṁsaṁ bhujasya tasya tena hi khāditaṁ kṣudhayā putra vraṇaṁ tasya na vidyate

यह कहे जाने पर, हे पुत्र, उसने भूख से उस भुजा का प्रचुर मांस खा लिया; फिर भी उस पर कोई घाव नहीं दिखाई दिया।

श्लोक 101 (padma.1.47.101)

तमुवाच महाप्राज्ञश्चराचरगुरुं हरिम्। कस्त्वं किं वा प्रियं तेद्य करिष्यामि च सांप्रतम्

tamuvāca mahāprājñaścarācaraguruṁ harim kastvaṁ kiṁ vā priyaṁ tedya kariṣyāmi ca sāṁpratam

उस महाप्राज्ञ ने चराचर के गुरु हरि से कहा — आप कौन हैं? और आज आपको क्या प्रिय है, मैं अभी वह करूँगा।

श्लोक 102 (padma.1.47.102)

नारायण उवाच। विद्धि नारायणं मां हि त्वत्प्रियार्थं समागतम्। रूपं स्वं दर्शयामास प्रत्ययार्थं च तस्य वै

nārāyaṇa uvāca viddhi nārāyaṇaṁ māṁ hi tvatpriyārthaṁ samāgatam rūpaṁ svaṁ darśayāmāsa pratyayārthaṁ ca tasya vai

नारायण ने कहा — जान लो कि मैं नारायण हूँ, जो तुम्हारे प्रेम के लिए आया हूँ। और उसे विश्वास दिलाने के लिए उन्होंने अपना स्वरूप दिखाया,

श्लोक 103 (padma.1.47.103)

पीतवस्त्रं घनश्यामं चतुर्भुजमनोहरम्। शंखचक्रगदापद्मधरं सर्वसुरेश्वरम्

pītavastraṁ ghanaśyāmaṁ caturbhujamanoharam śaṁkhacakragadāpadmadharaṁ sarvasureśvaram

पीतवस्त्र धारण किए, घनश्याम, मनोहर चतुर्भुज, शंख-चक्र-गदा-पद्म धारण करने वाला, समस्त देवताओं का ईश्वर।

श्लोक 104 (padma.1.47.104)

तं च दृष्ट्वा गरुत्मांश्च प्रणम्य शिरसा हरिम्। प्रियं किं ते करिष्यामि वद नः पुरुषोत्तम

taṁ ca dṛṣṭvā garutmāṁśca praṇamya śirasā harim priyaṁ kiṁ te kariṣyāmi vada naḥ puruṣottama

उन्हें देखकर गरुड़ ने सिर झुकाकर हरि को प्रणाम किया और कहा — हे पुरुषोत्तम! मैं आपके लिए क्या प्रिय कार्य करूँ, बताइए।

श्लोक 105 (padma.1.47.105)

तमब्रवीन्महातेजा देवदेवेश्वरो हरिः। भव मे वाहनं शूर सखे त्वं सार्वकालिकम्

tamabravīnmahātejā devadeveśvaro hariḥ bhava me vāhanaṁ śūra sakhe tvaṁ sārvakālikam

महातेजस्वी देवदेवेश्वर हरि ने उससे कहा — हे शूर! हे सखा! तुम सदा के लिए मेरा वाहन बन जाओ।

श्लोक 106 (padma.1.47.106)

तमुवाच खगश्रेष्ठो धन्योहं विबुधेश्वर। सफलं जन्म मे नाथ त्वां च दृष्ट्वाद्य मे प्रभो

tamuvāca khagaśreṣṭho dhanyohaṁ vibudheśvara saphalaṁ janma me nātha tvāṁ ca dṛṣṭvādya me prabho

श्रेष्ठ पक्षी ने कहा — हे विबुधेश्वर! मैं धन्य हूँ। हे नाथ, हे प्रभु! आज आपको देखकर मेरा जन्म सफल हो गया।

श्लोक 107 (padma.1.47.107)

प्रार्थयित्वा च पितरावागमिष्यामि तेऽन्तिकम्। प्रीतो विष्णुरुवाचेदं भव त्वमजरामरः

prārthayitvā ca pitarāvāgamiṣyāmi te'ntikam prīto viṣṇuruvācedaṁ bhava tvamajarāmaraḥ

अपने माता-पिता से प्रार्थना करके मैं आपके समीप आऊँगा। प्रसन्न होकर विष्णु ने कहा — तुम अजर-अमर हो जाओ,

श्लोक 108 (padma.1.47.108)

अवध्यः सर्वभूतेभ्यः कर्म तेजश्च मत्समम्। सर्वत्र ते गतिश्चास्तु निखिलं तु सुखं ध्रुवम्

avadhyaḥ sarvabhūtebhyaḥ karma tejaśca matsamam sarvatra te gatiścāstu nikhilaṁ tu sukhaṁ dhruvam

समस्त प्राणियों के लिए अवध्य, कर्म और तेज में मेरे समान बनो। तुम्हारी गति सर्वत्र हो, और तुम्हें निश्चय ही संपूर्ण सुख प्राप्त हो।

श्लोक 109 (padma.1.47.109)

संमिलतु द्रुतं सर्वं यत्ते मनसि वर्तते। यथेष्टं प्रीतिमाहारमकष्टेन प्रलप्स्यसे

saṁmilatu drutaṁ sarvaṁ yatte manasi vartate yatheṣṭaṁ prītimāhāramakaṣṭena pralapsyase

तुम्हारे मन में जो कुछ भी है वह शीघ्र पूर्ण हो। तुम बिना किसी कष्ट के इच्छानुसार प्रिय भोजन प्राप्त करोगे,

श्लोक 110 (padma.1.47.110)

व्यसनान्मातरं सद्यो मोचयिष्यसि नान्यथा। एवमुक्त्वा हरिः सद्यस्तत्रैवांतरधीयत

vyasanānmātaraṁ sadyo mocayiṣyasi nānyathā evamuktvā hariḥ sadyastatraivāṁtaradhīyata

और शीघ्र ही अपनी माता को विपत्ति से मुक्त कराओगे, अन्य किसी उपाय से नहीं। ऐसा कहकर हरि तत्काल वहीं अंतर्ध्यान हो गए।

श्लोक 111 (padma.1.47.111)

तार्क्ष्योपि पितरं गत्वा कथयच्चाखिलं ततः। स तच्छ्रुत्वा प्रहृष्टात्मा तनयं पुनरब्रवीत्

tārkṣyopi pitaraṁ gatvā kathayaccākhilaṁ tataḥ sa tacchrutvā prahṛṣṭātmā tanayaṁ punarabravīt

तार्क्ष्य (गरुड़) भी पिता के पास जाकर उन्हें सब कुछ बता आया। यह सुनकर वे अत्यंत प्रसन्नचित्त होकर पुत्र से पुनः बोले —

श्लोक 112 (padma.1.47.112)

धन्योहं च खगश्रेष्ठ धन्या ते जननी शिवा। धन्यं क्षेत्रं कुलं चैव यस्य पुत्रस्त्वमीदृशः

dhanyohaṁ ca khagaśreṣṭha dhanyā te jananī śivā dhanyaṁ kṣetraṁ kulaṁ caiva yasya putrastvamīdṛśaḥ

हे श्रेष्ठ पक्षी! मैं धन्य हूँ, तुम्हारी कल्याणी माता भी धन्य है। धन्य है वह क्षेत्र और कुल जिसका ऐसा पुत्र तुम हो।

श्लोक 113 (padma.1.47.113)

यस्य पुत्रः कुले जातो वैष्णवः पुरुषोत्तमः। कुलकोटिं समुद्धृत्य विष्णुसायुज्यतां व्रजेत्

yasya putraḥ kule jāto vaiṣṇavaḥ puruṣottamaḥ kulakoṭiṁ samuddhṛtya viṣṇusāyujyatāṁ vrajet

जिस कुल में विष्णु का भक्त, पुरुषोत्तम-स्वरूप पुत्र जन्म लेता है, वह करोड़ों कुल-पीढ़ियों का उद्धार करके विष्णु का सायुज्य प्राप्त करता है।

श्लोक 114 (padma.1.47.114)

विष्णुं यः पूजयेन्नित्यं विष्णुं ध्यायेत गायति। जपेन्मंत्रं सदा विष्णोः स्तोत्रं तस्य पठिष्यति

viṣṇuṁ yaḥ pūjayennityaṁ viṣṇuṁ dhyāyeta gāyati japenmaṁtraṁ sadā viṣṇoḥ stotraṁ tasya paṭhiṣyati

जो नित्य विष्णु की पूजा करता है, विष्णु का ध्यान करता है और गान करता है, सदा विष्णु के मंत्र का जप करता है और उनके स्तोत्र का पाठ करता है,

श्लोक 115 (padma.1.47.115)

प्रसादं च भजेन्नित्यमुपवासं हरेर्दिने। क्षयाच्च सर्वपापानां मुच्यते नात्र संशयः

prasādaṁ ca bhajennityamupavāsaṁ harerdine kṣayācca sarvapāpānāṁ mucyate nātra saṁśayaḥ

और नित्य उनकी कृपा में लीन रहकर हरि के दिन (एकादशी) उपवास करता है — समस्त पापों के क्षय से वह मुक्त हो जाता है, इसमें संशय नहीं।

श्लोक 116 (padma.1.47.116)

यस्य तिष्ठति गोविंदो मानसे च सदैव हि। स एव च लभेद्दास्यं सपुण्यैः पुरुषोत्तमः

yasya tiṣṭhati goviṁdo mānase ca sadaiva hi sa eva ca labheddāsyaṁ sapuṇyaiḥ puruṣottamaḥ

जिसके मन में गोविंद सदा विराजमान रहते हैं, वही पुण्यों सहित पुरुषोत्तम की दासता को प्राप्त करता है।

श्लोक 117 (padma.1.47.117)

जन्मकोटिसहस्रेभ्यः कृत्वा सत्कर्मसंचयम्। क्षयाच्च सर्वपापानां विष्णोः किंकरतां व्रजेत्

janmakoṭisahasrebhyaḥ kṛtvā satkarmasaṁcayam kṣayācca sarvapāpānāṁ viṣṇoḥ kiṁkaratāṁ vrajet

हजारों करोड़ों जन्मों तक सत्कर्मों का संचय करके, तथा समस्त पापों के क्षय से, मनुष्य विष्णु की सेवा को प्राप्त होता है।

श्लोक 118 (padma.1.47.118)

धन्योसौ मानवो लोके विष्णोस्सादृश्यमाव्रजेत्। नित्यः सुरवरैः पूज्यो लोकनाथोऽच्युतोऽव्ययः

dhanyosau mānavo loke viṣṇossādṛśyamāvrajet nityaḥ suravaraiḥ pūjyo lokanātho'cyuto'vyayaḥ

संसार में वह मनुष्य धन्य है जो विष्णु के सादृश्य को प्राप्त होता है — नित्य, श्रेष्ठ देवताओं द्वारा पूज्य, लोकनाथ, अच्युत, अविनाशी।

श्लोक 119 (padma.1.47.119)

सुप्रसन्नो भवेद्यस्य स एव पुरुषोत्तमः। तपोभिर्बहुभिर्धर्मैर्मखैर्नानाविधैरपि

suprasanno bhavedyasya sa eva puruṣottamaḥ tapobhirbahubhirdharmairmakhairnānāvidhairapi

जिससे वे प्रसन्न हो जाएँ, वही वास्तव में पुरुषोत्तम को पाता है। अनेक तपस्याओं, धर्मों और नाना प्रकार के यज्ञों से भी,

श्लोक 120 (padma.1.47.120)

विष्णुर्न लभ्यते देवैस्त्वयासौ विप्र लभ्यते। सपत्नीव्यसनाद्धोरान्मातरं ते प्रमोचय

viṣṇurna labhyate devaistvayāsau vipra labhyate sapatnīvyasanāddhorānmātaraṁ te pramocaya

देवता भी विष्णु को नहीं पाते, किंतु हे विप्र (पक्षी)! तुमने उन्हें पा लिया है। अब अपनी माता को सौत की भयंकर विपत्ति से मुक्त कराओ।

श्लोक 121 (padma.1.47.121)

ततो यास्यसि देवेशं कृत्वा मातुः प्रतिक्रियाम्। गृहीत्वा जनकस्याज्ञां लब्ध्वा विष्णोर्वरं महत्

tato yāsyasi deveśaṁ kṛtvā mātuḥ pratikriyām gṛhītvā janakasyājñāṁ labdhvā viṣṇorvaraṁ mahat

फिर माता का प्रतिकार करके तुम देवेश (विष्णु) के पास जाना, पिता की आज्ञा लेकर, विष्णु का महान वर प्राप्त करके।

श्लोक 122 (padma.1.47.122)

अंबापार्श्वं गतो हृष्टस्तां प्रणम्याग्रतः स्थितः। विनतोवाच। अभवद्भोजनं तेऽद्य पुत्र दृष्टः पितापि च

aṁbāpārśvaṁ gato hṛṣṭastāṁ praṇamyāgrataḥ sthitaḥ vinatovāca abhavadbhojanaṁ te'dya putra dṛṣṭaḥ pitāpi ca

वह प्रसन्नतापूर्वक माता के पास जाकर, उन्हें प्रणाम कर सामने खड़ा हुआ। विनता ने कहा — पुत्र! आज तुम्हें भोजन मिला और पिता के भी दर्शन हुए?

श्लोक 123 (padma.1.47.123)

किमर्थं वा विलंबस्ते चिंतया व्यथिता ह्यहम्। स मातुर्वचनं श्रुत्वा गरुडः प्रहसन्निव

kimarthaṁ vā vilaṁbaste ciṁtayā vyathitā hyaham sa māturvacanaṁ śrutvā garuḍaḥ prahasanniva

तुम्हें विलंब क्यों हुआ? मैं चिंता से व्याकुल थी। माता के वचन सुनकर गरुड़ ने मुस्कुराते हुए,

श्लोक 124 (padma.1.47.124)

कथयामास वृत्तांतं सा श्रुत्वा विस्मिताऽभवत्। कथं च दुःष्करं कर्म शिशुभावात्त्वया कृतम्

kathayāmāsa vṛttāṁtaṁ sā śrutvā vismitā'bhavat kathaṁ ca duḥṣkaraṁ karma śiśubhāvāttvayā kṛtam

पूरा वृत्तांत सुनाया। यह सुनकर वह विस्मित हो गई — बालकावस्था में ही तुमने यह दुष्कर कार्य कैसे कर लिया?

श्लोक 125 (padma.1.47.125)

धन्याहं मे कुलं धन्यं यस्त्वं विष्णुसखोऽभवः। लब्ध्वा वरं महात्मानं दृष्ट्वा मे हृष्यते मनः

dhanyāhaṁ me kulaṁ dhanyaṁ yastvaṁ viṣṇusakho'bhavaḥ labdhvā varaṁ mahātmānaṁ dṛṣṭvā me hṛṣyate manaḥ

मैं धन्य हूँ, मेरा कुल धन्य है, कि तुम विष्णु के मित्र बन गए। यह महान वर पाकर और तुम्हें देखकर मेरा मन प्रफुल्लित हो रहा है।

श्लोक 126 (padma.1.47.126)

पौरुषेण त्वया वत्स उद्धृतं मे कुलद्वयम्। सुपर्ण उवाच। मातः किं ते करिष्यामि प्रियमेव तदुच्यताम्

pauruṣeṇa tvayā vatsa uddhṛtaṁ me kuladvayam suparṇa uvāca mātaḥ kiṁ te kariṣyāmi priyameva taducyatām

हे वत्स! तुमने अपने पौरुष से मेरे दोनों कुलों का उद्धार कर दिया। सुपर्ण ने कहा — हे माता! आपके लिए क्या करूँ, प्रिय बताइए,

श्लोक 127 (padma.1.47.127)

कार्यं कृत्वाथ यास्यामि पार्श्वं नारायणस्य च। एतच्छ्रुत्वा तु सा प्राह गरुडं विनता सती

kāryaṁ kṛtvātha yāsyāmi pārśvaṁ nārāyaṇasya ca etacchrutvā tu sā prāha garuḍaṁ vinatā satī

कार्य पूर्ण करके फिर मैं नारायण के पास जाऊँगा। यह सुनकर सती विनता ने गरुड़ से कहा —

श्लोक 128 (padma.1.47.128)

महद्दुःखं च मे चास्ति कुरु तात प्रतिक्रियाम्। भगिनी मे सपत्नी सा पणितहं तया पुरा

mahadduḥkhaṁ ca me cāsti kuru tāta pratikriyām bhaginī me sapatnī sā paṇitahaṁ tayā purā

मुझे एक महान दुःख है, हे तात! उसका प्रतिकार करो। मेरी बहन ही मेरी सौत है, मैंने पूर्वकाल में उससे शर्त लगाई थी,

श्लोक 129 (padma.1.47.129)

तस्या दास्यमहं प्राप्ता कस्तारयति मामितः। कृष्णं कृत्वा विषैरश्वं तस्याः पुत्रैर्महोरगैः

tasyā dāsyamahaṁ prāptā kastārayati māmitaḥ kṛṣṇaṁ kṛtvā viṣairaśvaṁ tasyāḥ putrairmahoragaiḥ

और मैं उसकी दासी बन गई हूँ — इससे मुझे कौन मुक्त कराएगा? उसके पुत्रों, महासर्पों ने विष से घोड़े को काला कर दिया था,

श्लोक 130 (padma.1.47.130)

उषःकालेऽवदत्सा च अश्वोयं कृष्णतां व्रजेत्। ततोहमवदं तत्र सदा चायं रुचासितः

uṣaḥkāle'vadatsā ca aśvoyaṁ kṛṣṇatāṁ vrajet tatohamavadaṁ tatra sadā cāyaṁ rucāsitaḥ

उषःकाल में उसने कहा कि यह घोड़ा काला हो जाएगा। तब मैंने कहा कि यह सदा से श्वेत ही है,

श्लोक 131 (padma.1.47.131)

मिथ्या ते वचनं मातः प्रतिज्ञां साऽकरोत्तदा। ततोहमब्रुवं कद्रूं शपथं नागमातरम्

mithyā te vacanaṁ mātaḥ pratijñāṁ sā'karottadā tatohamabruvaṁ kadrūṁ śapathaṁ nāgamātaram

हे माता! तुम्हारा वचन असत्य है — तब उसने प्रतिज्ञा कर ली। तब मैंने नागमाता कद्रू को शपथ दी —

श्लोक 132 (padma.1.47.132)

यदीमं कृष्णताभ्येति हरेरश्वमहं तदा। कृता भवामि ते दासीत्यहमेतत्तदाऽवदम्

yadīmaṁ kṛṣṇatābhyeti hareraśvamahaṁ tadā kṛtā bhavāmi te dāsītyahametattadā'vadam

यदि हरि का यह घोड़ा काला हो जाए, तो मैं तुम्हारी दासी बन जाऊँगी — मैंने उस समय यही कहा था।

श्लोक 133 (padma.1.47.133)

ततस्तस्मिन्हरेरश्वे कृते कृष्णे च कृत्रिमैः। तस्याः पुत्रैश्च धूर्तैश्च दासीत्वमगमं तदा

tatastasminhareraśve kṛte kṛṣṇe ca kṛtrimaiḥ tasyāḥ putraiśca dhūrtaiśca dāsītvamagamaṁ tadā

तब कपटपूर्वक उसके पुत्रों-धूर्तों द्वारा हरि के उस घोड़े को काला बना दिए जाने पर, मैं दासत्व को प्राप्त हुई।

श्लोक 134 (padma.1.47.134)

यस्मिन्काले ह्यभीष्टञ्च तस्या द्रव्यं ददाम्यहम्। तस्मिन्काले ह्यदासीत्वं यास्यामि कुलनंदन

yasminkāle hyabhīṣṭañca tasyā dravyaṁ dadāmyaham tasminkāle hyadāsītvaṁ yāsyāmi kulanaṁdana

जिस समय मैं उसकी अभीष्ट वस्तु उसे दे दूँगी, हे कुलनंदन! उसी समय मैं दासत्व से मुक्त हो जाऊँगी।

श्लोक 135 (padma.1.47.135)

गरुड उवाच। पृच्छ शीघ्रं च मातस्तां करिष्यामि प्रतिक्रियाम्। भक्षयिष्यामि तान्नागान्प्रतिज्ञामे यथार्थतः

garuḍa uvāca pṛccha śīghraṁ ca mātastāṁ kariṣyāmi pratikriyām bhakṣayiṣyāmi tānnāgānpratijñāme yathārthataḥ

गरुड़ ने कहा — हे माता! शीघ्र उससे पूछो, मैं उसका प्रतिकार करूँगा। मैं उन नागों को खा जाऊँगा, यह मेरी सच्ची प्रतिज्ञा है।

श्लोक 136 (padma.1.47.136)

ततः कद्रूमुवाचेदं विनता दुःखिता सती। अभीष्टं वद कल्याणि येन मुच्येय कृच्छ्रतः

tataḥ kadrūmuvācedaṁ vinatā duḥkhitā satī abhīṣṭaṁ vada kalyāṇi yena mucyeya kṛcchrataḥ

तब दुःखी सती विनता ने कद्रू से कहा — हे कल्याणी! अपनी अभीष्ट वस्तु बताओ, जिससे मैं इस कष्ट से मुक्त हो सकूँ।

श्लोक 137 (padma.1.47.137)

अब्रवीत्सा दुराचारा पीयूषं दीयतामिति। एतच्छ्रुत्वा तु वचनमभवत्सा च निष्प्रभा

abravītsā durācārā pīyūṣaṁ dīyatāmiti etacchrutvā tu vacanamabhavatsā ca niṣprabhā

उस दुराचारिणी ने कहा — मुझे अमृत दे दिया जाए। यह वचन सुनकर वह निस्तेज हो गई।

श्लोक 138 (padma.1.47.138)

ततः शनैरुपागम्य तनयं प्राह दुःखिता। अमृतं प्रार्थयत्पापा तात किं वा करिष्यसि

tataḥ śanairupāgamya tanayaṁ prāha duḥkhitā amṛtaṁ prārthayatpāpā tāta kiṁ vā kariṣyasi

तब धीरे-धीरे पुत्र के पास आकर दुःखी होकर उसने कहा — हे तात! उस पापिणी ने अमृत माँगा है, अब तुम क्या करोगे?

श्लोक 139 (padma.1.47.139)

श्रुत्वा वाक्यं गरुत्मांश्च महाक्रोधसमन्वितः। अमृतं चानयिष्यामि मातर्मा विमुखी भव

śrutvā vākyaṁ garutmāṁśca mahākrodhasamanvitaḥ amṛtaṁ cānayiṣyāmi mātarmā vimukhī bhava

यह वचन सुनकर गरुड़ महाक्रोध से भर गया — मैं अमृत ला दूँगा, हे माता! उदास मत होओ।

श्लोक 140 (padma.1.47.140)

एवमुक्त्वा तु तरसा स गतः पितुरंतिकम्। अमृतं चानयिष्यामि मातुरर्थेऽधुनाऽनघ

evamuktvā tu tarasā sa gataḥ pituraṁtikam amṛtaṁ cānayiṣyāmi māturarthe'dhunā'nagha

यह कहकर वह तीव्रता से पिता के पास गया — हे निष्पाप! अब मैं माता के लिए अमृत ले आऊँगा।

श्लोक 141 (padma.1.47.141)

स तस्य वचनं श्रुत्वा मुनिः प्राह खगेश्वरम्। सत्यलोकस्य वै चोर्ध्वे विश्वकर्मविनिर्मिता

sa tasya vacanaṁ śrutvā muniḥ prāha khageśvaram satyalokasya vai cordhve viśvakarmavinirmitā

उसका वचन सुनकर मुनि ने पक्षीश्वर से कहा — सत्यलोक से भी ऊपर, विश्वकर्मा द्वारा निर्मित,

श्लोक 142 (padma.1.47.142)

पुरी चास्ति सभा रम्या देवानां हित हेतवे। वह्निप्राकारदुर्लभ्या दुर्धर्षा चासुरैः सुरैः

purī cāsti sabhā ramyā devānāṁ hita hetave vahniprākāradurlabhyā durdharṣā cāsuraiḥ suraiḥ

देवताओं के हित के लिए एक नगरी और रमणीय सभा है, जो अग्नि की प्राकार-दीवार के कारण दुर्लभ है, तथा असुरों और देवों दोनों के लिए भी दुर्धर्ष है।

श्लोक 143 (padma.1.47.143)

रक्षार्थं निर्मितो देवः सुरैस्तत्र महाबलः। यं यं पश्यति वीरः स स एव भस्मतां व्रजेत्

rakṣārthaṁ nirmito devaḥ suraistatra mahābalaḥ yaṁ yaṁ paśyati vīraḥ sa sa eva bhasmatāṁ vrajet

वहाँ रक्षा के लिए देवों ने एक महाबली देव की रचना की है, जिसे भी वह वीर देख लेता है, वही भस्म हो जाता है।

श्लोक 144 (padma.1.47.144)

सुपर्ण उवाच। नारायणाद्वरो लब्धो मया च मुनिसत्तम। भयं नास्तीह मे तात सुरासुरगणादपि

suparṇa uvāca nārāyaṇādvaro labdho mayā ca munisattama bhayaṁ nāstīha me tāta surāsuragaṇādapi

सुपर्ण ने कहा — हे मुनिश्रेष्ठ! मुझे नारायण से वर प्राप्त है। हे तात! मुझे देव-असुर गणों से भी कोई भय नहीं है।

श्लोक 145 (padma.1.47.145)

एममुक्त्वा गरुत्मान्स उद्धृत्य सागराज्जलम्। जगामाकाशमाविश्य खगश्चोर्ध्वं मनोजवः

emamuktvā garutmānsa uddhṛtya sāgarājjalam jagāmākāśamāviśya khagaścordhvaṁ manojavaḥ

यह कहकर गरुत्मान ने सागर से जल लेकर आकाश में प्रवेश किया, और मन के समान वेगवान वह पक्षी ऊपर की ओर उड़ चला।

श्लोक 146 (padma.1.47.146)

पक्षवातेन तस्यैव रजः समुद्गतं बहु। तस्यांतिकं न च त्यक्तमगमत्तस्य तच्च यः

pakṣavātena tasyaiva rajaḥ samudgataṁ bahu tasyāṁtikaṁ na ca tyaktamagamattasya tacca yaḥ

उसके पंखों के वेग से बहुत सी धूल उठी। उसके निकट वह (रक्षक अग्नि-देव) डटा रहा और उसके पास पहुँच गया,

श्लोक 147 (padma.1.47.147)

गत्वा चंचूजलेनापि वह्निं निर्वापयद्बली। रजोभिः परिपूर्णाक्षो न सुरस्तं च पश्यति

gatvā caṁcūjalenāpi vahniṁ nirvāpayadbalī rajobhiḥ paripūrṇākṣo na surastaṁ ca paśyati

किंतु बलवान गरुड़ ने वहाँ जाकर चोंच के जल से ही अग्नि को बुझा दिया। धूल से भरी आँखों वाला वह देव उसे देख नहीं सका।

श्लोक 148 (padma.1.47.148)

जघान रक्षिवर्गांस्तानमृतं चाहरद्बली। आनयंतं च पीयूषं खगं गत्वा शतक्रतुः

jaghāna rakṣivargāṁstānamṛtaṁ cāharadbalī ānayaṁtaṁ ca pīyūṣaṁ khagaṁ gatvā śatakratuḥ

उसने उन रक्षकों को मार डाला और अमृत ले लिया। अमृत लाते हुए उस पक्षी के पास इन्द्र भी गए,

श्लोक 149 (padma.1.47.149)

ऐरावतं समारूढो वाक्यमेतदुवाच ह। खगरूपधरः कस्त्वं पीयूषं हरसे बलात्

airāvataṁ samārūḍho vākyametaduvāca ha khagarūpadharaḥ kastvaṁ pīyūṣaṁ harase balāt

ऐरावत पर सवार होकर उन्होंने यह वचन कहा — हे पक्षी-रूपधारी! तुम कौन हो, जो बलपूर्वक अमृत हरण करते हो?

श्लोक 150 (padma.1.47.150)

अप्रियं सर्वदेवानां कृत्वा जीवे रतिः कथम्। विशिखैरग्निसंकाशैर्नयामि यममंदिरम्

apriyaṁ sarvadevānāṁ kṛtvā jīve ratiḥ katham viśikhairagnisaṁkāśairnayāmi yamamaṁdiram

समस्त देवताओं का अप्रिय करके तुम्हें जीवन में रति कैसे है? मैं अग्नि के समान बाणों से तुम्हें यम के धाम भेजता हूँ।

श्लोक 151 (padma.1.47.151)

श्रुत्वा वाक्यं हरेः कोपादुवाच स महाबलः। नयामि तव पीयूषं दर्शयस्व पराक्रमम्

śrutvā vākyaṁ hareḥ kopāduvāca sa mahābalaḥ nayāmi tava pīyūṣaṁ darśayasva parākramam

इन्द्र का यह वचन सुनकर वह महाबली क्रोध से बोला — मैं तुम्हारा अमृत ही ले जा रहा हूँ, अपना पराक्रम दिखाओ।

श्लोक 152 (padma.1.47.152)

एतच्छ्रुत्वा महाबाहुर्जघान विशिखैः शितैः। यथामेरुगिरेः शृंगं तोयवर्षेण तोयदः

etacchrutvā mahābāhurjaghāna viśikhaiḥ śitaiḥ yathāmerugireḥ śṛṁgaṁ toyavarṣeṇa toyadaḥ

यह सुनकर उस महाबाहु ने तीक्ष्ण बाणों से उस पर प्रहार किया, जैसे मेघ मेरु पर्वत के शिखर पर जलवृष्टि करता है।

श्लोक 153 (padma.1.47.153)

नखैरशनिसंकाशैर्बिभेद गरुडो गजम्। मातलि च रथं चक्रं तथा देवान्पुरस्सरान्

nakhairaśanisaṁkāśairbibheda garuḍo gajam mātali ca rathaṁ cakraṁ tathā devānpurassarān

गरुड़ ने वज्र के समान नखों से हाथी (ऐरावत) को बींध डाला, तथा मातलि, रथ, चक्र और आगे खड़े देवताओं को भी।

श्लोक 154 (padma.1.47.154)

व्यथितोसौ महाबाहुर्मातलिर्गजपुंगवः। विमुखाः पक्षवातेन सर्वे देवगणास्तदा

vyathitosau mahābāhurmātalirgajapuṁgavaḥ vimukhāḥ pakṣavātena sarve devagaṇāstadā

वह महाबाहु मातलि और श्रेष्ठ हाथी दोनों व्यथित हो गए। उसके पंखों के वेग से समस्त देवगण तब पीछे हट गए।

श्लोक 155 (padma.1.47.155)

ततस्तु कोपितो जिष्णुर्जघानकुलिशेन तम्। कुलिशस्यावपातेन न च क्षुब्धो महाखगः

tatastu kopito jiṣṇurjaghānakuliśena tam kuliśasyāvapātena na ca kṣubdho mahākhagaḥ

तब क्रोधित इन्द्र ने उस पर वज्र से प्रहार किया; किंतु वज्र गिरने पर भी वह महापक्षी विचलित नहीं हुआ।

श्लोक 156 (padma.1.47.156)

स्वं मोघं भिदुरं दृष्ट्वा हरिर्भीतोऽभवत्तदा। संनिवृत्य ततो युद्धात्तत्रैवांतरधीयत

svaṁ moghaṁ bhiduraṁ dṛṣṭvā harirbhīto'bhavattadā saṁnivṛtya tato yuddhāttatraivāṁtaradhīyata

अपने अस्त्र को व्यर्थ और भोंथरा हुआ देखकर इन्द्र तब भयभीत हो गए। युद्ध से हटकर वे वहीं अंतर्ध्यान हो गए।

श्लोक 157 (padma.1.47.157)

सुतरामपिगच्छंतं वेगाद्भूतलमागतः। अब्रवीत्स सुरश्रेष्ठः सर्वदेवगणाग्रतः

sutarāmapigacchaṁtaṁ vegādbhūtalamāgataḥ abravītsa suraśreṣṭhaḥ sarvadevagaṇāgrataḥ

गरुड़ वेग से पृथ्वीतल पर उतर आया। तब उस श्रेष्ठ देवता (इन्द्र) ने समस्त देवगणों के सम्मुख कहा —

श्लोक 158 (padma.1.47.158)

शक्र उवाच। यदि दास्यसि पीयूषमिदानीं नागमातरि। भुजगाश्चामराः सर्वे क्रियंते हि ध्रुवं तया

śakra uvāca yadi dāsyasi pīyūṣamidānīṁ nāgamātari bhujagāścāmarāḥ sarve kriyaṁte hi dhruvaṁ tayā

इन्द्र ने कहा — यदि तुम अभी नागमाता को अमृत दे दोगे, तो सभी सर्प निश्चय ही उसके द्वारा अमर बना दिए जाएँगे।

श्लोक 159 (padma.1.47.159)

प्रतिज्ञा ते भवेन्नष्टा न फलं जीवितस्य ते। तस्मादिदं हरिष्यामि संमतेन तवानघ

pratijñā te bhavennaṣṭā na phalaṁ jīvitasya te tasmādidaṁ hariṣyāmi saṁmatena tavānagha

तुम्हारी प्रतिज्ञा (माता की रक्षा) व्यर्थ हो जाएगी, और तुम्हारे जीवन का फल नहीं मिलेगा। इसलिए, हे निष्पाप! तुम्हारी सहमति से मैं इसे वापस ले लूँगा।

श्लोक 160 (padma.1.47.160)

गरुत्मानुवाच। यस्मिन्काले ह्यदासी सा माता मे दुःखिता सती। विदिता सर्वलोकेषु हरेऽमृतं हरिष्यसि

garutmānuvāca yasminkāle hyadāsī sā mātā me duḥkhitā satī viditā sarvalokeṣu hare'mṛtaṁ hariṣyasi

गरुत्मान ने कहा — जिस समय मेरी दुःखी सती माता दासत्व से मुक्त हो जाए — यह समस्त लोकों में विदित हो जाने पर — हे हरि! तब तुम अमृत ले लेना।

श्लोक 161 (padma.1.47.161)

एवमुक्त्वा महावीर्यो गत्वोवाच प्रसूं तदा। आनीतममृतं मातस्तस्या एव प्रदीयताम्

evamuktvā mahāvīryo gatvovāca prasūṁ tadā ānītamamṛtaṁ mātastasyā eva pradīyatām

यह कहकर महापराक्रमी गरुड़ माता के पास जाकर बोला — हे माता! मैं अमृत ले आया हूँ, इसे उसी को दे दिया जाए।

श्लोक 162 (padma.1.47.162)

प्रोत्फुल्लहृदया सा च दृष्ट्वा पुत्रं सहामृतम्। तामाहूयामृतं दत्वा चादासीतां तदा गता

protphullahṛdayā sā ca dṛṣṭvā putraṁ sahāmṛtam tāmāhūyāmṛtaṁ datvā cādāsītāṁ tadā gatā

पुत्र को अमृत सहित देखकर उसका हृदय प्रफुल्लित हो उठा। उसने कद्रू को बुलाकर अमृत दे दिया, और तब दासत्व से मुक्त हो गई।

श्लोक 163 (padma.1.47.163)

तृणकाष्ठानि भूतानि पशवश्च सरीसृपाः। दृष्ट्वा सविस्मयास्सर्वे देवा महर्षयस्तदा

tṛṇakāṣṭhāni bhūtāni paśavaśca sarīsṛpāḥ dṛṣṭvā savismayāssarve devā maharṣayastadā

तृण, काष्ठ, प्राणी, पशु और सरीसृप — यह सब देखकर समस्त देवगण और महर्षि उस समय विस्मित हो गए।

श्लोक 164 (padma.1.47.164)

मोचयित्वा तु तामंबां गरुडः सुष्ठुतां गतः। एतस्मिन्नंतरे शक्रो जहार सहसा सुधाम्

mocayitvā tu tāmaṁbāṁ garuḍaḥ suṣṭhutāṁ gataḥ etasminnaṁtare śakro jahāra sahasā sudhām

माता को मुक्त कराकर गरुड़ की भूरि-भूरि प्रशंसा हुई। इसी बीच इन्द्र ने अचानक अमृत उठा लिया,

श्लोक 165 (padma.1.47.165)

निधाय गरलं तत्र तया चानुपलक्षितः। प्रहृष्टहृदया कद्रूः पुत्रानाहूय संभ्रमात्

nidhāya garalaṁ tatra tayā cānupalakṣitaḥ prahṛṣṭahṛdayā kadrūḥ putrānāhūya saṁbhramāt

और उसके स्थान पर विष रखकर, उसके द्वारा (कद्रू द्वारा) पहचाना न जाकर चला गया। प्रसन्नहृदया कद्रू ने संभ्रम से अपने पुत्रों को बुलाकर,

श्लोक 166 (padma.1.47.166)

तेषां मुखे ददौ हृष्टा क्ष्वेडं चामृतलक्षणम्। तानुवाच प्रसूः पुत्रान्युष्माकं च कुले सदा

teṣāṁ mukhe dadau hṛṣṭā kṣveḍaṁ cāmṛtalakṣaṇam tānuvāca prasūḥ putrānyuṣmākaṁ ca kule sadā

उनके मुख में प्रसन्नतापूर्वक अमृत-चिह्नित विष रख दिया। माता ने पुत्रों से कहा — तुम्हारे कुल में सदा

श्लोक 167 (padma.1.47.167)

मुखे तिष्ठन्त्वमी दैवा बिंदवश्चस्तनिर्वृताः। महर्षयस्ततो देवाः सिद्धगंधर्वमानुषाः

mukhe tiṣṭhantvamī daivā biṁdavaścastanirvṛtāḥ maharṣayastato devāḥ siddhagaṁdharvamānuṣāḥ

मुख में ये दैवी बूँदें तृप्तिदायक बनी रहें। तब महर्षि, देवगण, सिद्ध, गंधर्व और मनुष्य,

श्लोक 168 (padma.1.47.168)

ऊचुःस्सन्तु कुले मातरस्माकं च प्रसादतः। नागैर्विसर्जिता देवाः ससिद्धा मुनयस्तथा

ūcuḥssantu kule mātarasmākaṁ ca prasādataḥ nāgairvisarjitā devāḥ sasiddhā munayastathā

बोले — हे माता! ऐसी ही कृपा हमारे कुल में भी हो! नागों द्वारा विदा किए गए देवगण, सिद्धों और मुनियों सहित,

श्लोक 169 (padma.1.47.169)

जग्मुः स्वमालयं हृष्टा नागाः प्रमुदिताः स्थिताः। एतस्मिन्नंतरे नागांश्चखाद गरुडो बलात्

jagmuḥ svamālayaṁ hṛṣṭā nāgāḥ pramuditāḥ sthitāḥ etasminnaṁtare nāgāṁścakhāda garuḍo balāt

प्रसन्नतापूर्वक अपने-अपने धाम को चले गए; नाग भी प्रमुदित होकर वहीं रहे। इसी बीच गरुड़ बलपूर्वक नागों को खाने लगा,

श्लोक 170 (padma.1.47.170)

दिक्षु पलायिताः शेषाः पर्वतेषु वनेषु च। सागरेषु च पाताले बिलेषु तरुकोटरे

dikṣu palāyitāḥ śeṣāḥ parvateṣu vaneṣu ca sāgareṣu ca pātāle bileṣu tarukoṭare

और शेष नाग पर्वतों, वनों, सागरों, पाताल, बिलों, वृक्षों के कोटरों की ओर दिशाओं में भाग गए,

श्लोक 171 (padma.1.47.171)

निभृतेषु निकुञ्जेषु स्थिताः सर्पाश्च निर्वृताः। भुजगास्तस्य भक्ष्याश्च सदैव विधिनिर्मिताः

nibhṛteṣu nikuñjeṣu sthitāḥ sarpāśca nirvṛtāḥ bhujagāstasya bhakṣyāśca sadaiva vidhinirmitāḥ

और गुप्त कुंजों में जाकर सर्प संतुष्ट होकर रहने लगे; क्योंकि विधाता ने उन्हें सदा उसका ही भक्ष्य बनाया है।

श्लोक 172 (padma.1.47.172)

स खादयित्वा नागांश्च संभाष्य पितरावथ। विबुधान्पूजयित्वा तु जगाम हरिमव्ययम्

sa khādayitvā nāgāṁśca saṁbhāṣya pitarāvatha vibudhānpūjayitvā tu jagāma harimavyayam

नागों को खाकर, फिर माता-पिता से बातचीत करके, देवताओं की पूजा करके वह अविनाशी हरि के पास चला गया।

श्लोक 173 (padma.1.47.173)

यः पठेच्छृणुयाद्वापि सुपर्णचरितं शुभम्। सर्वपापविनिर्मुक्तः सुरलोके महीयते

yaḥ paṭhecchṛṇuyādvāpi suparṇacaritaṁ śubham sarvapāpavinirmuktaḥ suraloke mahīyate

जो सुपर्ण के इस शुभ चरित्र को पढ़ता या सुनता है, वह समस्त पापों से मुक्त होकर देवलोक में महिमामंडित होता है।