सदाचार-वर्णन

श्लोक 1 (padma.1.49.1)

नारद उवाच- केनाचारेण विप्रस्य ब्रह्मतेजो विवर्धते। केनाचारेण तस्यैव ब्राह्मं तेजो विनश्यति

nārada uvāca kenācāreṇa viprasya brahmatejo vivardhate kenācāreṇa tasyaiva brāhmaṁ tejo vinaśyati

नारद ने कहा — किस आचार से विप्र का ब्रह्मतेज बढ़ता है? किस आचार से उसी का ब्राह्म-तेज नष्ट होता है?

श्लोक 2 (padma.1.49.2)

ब्रह्मोवाच। शयनीयात्समुत्थाय रात्र्यंशे द्विजसत्तमः। देवांश्चैव स्मरेन्नित्यं तथा पुण्यवतो ध्रुवम्

brahmovāca śayanīyātsamutthāya rātryaṁśe dvijasattamaḥ devāṁścaiva smarennityaṁ tathā puṇyavato dhruvam

ब्रह्मा ने कहा — रात्रि के अंतिम भाग में शय्या से उठकर श्रेष्ठ द्विज को नित्य देवताओं का स्मरण करना चाहिए, तथा निश्चय ही पुण्यवानों का भी।

श्लोक 3 (padma.1.49.3)

गोविंदं माधवं कृष्णं हरिं दामोदरं तथा। नारायणं जगन्नाथं वासुदेवमजं विभुम्

goviṁdaṁ mādhavaṁ kṛṣṇaṁ hariṁ dāmodaraṁ tathā nārāyaṇaṁ jagannāthaṁ vāsudevamajaṁ vibhum

गोविंद, माधव, कृष्ण, हरि तथा दामोदर को, नारायण, जगन्नाथ, वासुदेव, अज, विभु को,

श्लोक 4 (padma.1.49.4)

सरस्वतीं महालक्ष्मीं सावित्रीं वेदमातरम्। ब्रह्माणं भास्करं चन्द्रं दिक्पालांश्च ग्रहांस्तथा

sarasvatīṁ mahālakṣmīṁ sāvitrīṁ vedamātaram brahmāṇaṁ bhāskaraṁ candraṁ dikpālāṁśca grahāṁstathā

सरस्वती, महालक्ष्मी, वेदमाता सावित्री को, ब्रह्मा, सूर्य, चंद्र, दिक्पालों और ग्रहों को,

श्लोक 5 (padma.1.49.5)

शङ्करं च शिवं शंभुमीश्वरं च महेश्वरम्। गणेशं च तथा स्कन्दं गौरीं भागीरथीं शिवाम्

śaṅkaraṁ ca śivaṁ śaṁbhumīśvaraṁ ca maheśvaram gaṇeśaṁ ca tathā skandaṁ gaurīṁ bhāgīrathīṁ śivām

शंकर, शिव, शंभु, ईश्वर तथा महेश्वर को, गणेश और स्कंद को, गौरी, भागीरथी, कल्याणी को,

श्लोक 6 (padma.1.49.6)

पुण्यश्लोको नलो राजा पुण्यश्लोको जनार्दनः। पुण्यश्लोका च वैदेही पुण्यश्लोको युधिष्ठिरः

puṇyaśloko nalo rājā puṇyaśloko janārdanaḥ puṇyaślokā ca vaidehī puṇyaśloko yudhiṣṭhiraḥ

पुण्यश्लोक राजा नल को, पुण्यश्लोक जनार्दन को, पुण्यश्लोका वैदेही को, पुण्यश्लोक युधिष्ठिर को,

श्लोक 7 (padma.1.49.7)

अश्वत्थामा बलिर्व्यासो हनूमांश्च विभीषणः। कृपः परशुरामश्च सप्तैते चीरजीविनः

aśvatthāmā balirvyāso hanūmāṁśca vibhīṣaṇaḥ kṛpaḥ paraśurāmaśca saptaite cīrajīvinaḥ

अश्वत्थामा, बलि, व्यास, हनुमान और विभीषण को, कृप और परशुराम को — ये सात चिरंजीवी हैं।

श्लोक 8 (padma.1.49.8)

एतान्यस्तु स्मरेन्नित्यं प्रातरुत्थाय मानवः। ब्रह्महत्यादिभिः पापैर्मुच्यते नात्र संशयः

etānyastu smarennityaṁ prātarutthāya mānavaḥ brahmahatyādibhiḥ pāpairmucyate nātra saṁśayaḥ

जो मनुष्य प्रातः उठकर इनका नित्य स्मरण करता है, वह ब्रह्महत्या आदि पापों से मुक्त हो जाता है, इसमें कोई संशय नहीं।

श्लोक 9 (padma.1.49.9)

सकृदुच्चरिते तात सर्वयज्ञफलं लभेत्। गवां शतसहस्राणां दानस्य फलमश्नुते

sakṛduccarite tāta sarvayajñaphalaṁ labhet gavāṁ śatasahasrāṇāṁ dānasya phalamaśnute

हे तात! एक बार इसका उच्चारण करने से समस्त यज्ञों का फल मिलता है, और सैकड़ों-हजारों गायों के दान का फल प्राप्त होता है।

श्लोक 10 (padma.1.49.10)

ततश्चापि शुचौ देशे मलमूत्रं परित्यजेत्। दक्षिणाभिमुखो रात्रौ दिवा कुर्यादुदङ्मुखः

tataścāpi śucau deśe malamūtraṁ parityajet dakṣiṇābhimukho rātrau divā kuryādudaṅmukhaḥ

फिर पवित्र स्थान में मल-मूत्र का त्याग करना चाहिए — रात्रि में दक्षिणाभिमुख होकर, दिन में उत्तराभिमुख होकर।

श्लोक 11 (padma.1.49.11)

परतो दंतकाष्ठं च तृणैरुदुंबरादिभिः। अतः परं च संध्यायां संयतश्च द्विजो भवेत्

parato daṁtakāṣṭhaṁ ca tṛṇairuduṁbarādibhiḥ ataḥ paraṁ ca saṁdhyāyāṁ saṁyataśca dvijo bhavet

फिर दांतुन उदुंबर आदि की टहनियों से करनी चाहिए। इसके बाद संध्या के समय द्विज को संयमी होना चाहिए।

श्लोक 12 (padma.1.49.12)

पूर्वाह्णे रक्तवर्णां तु मध्याह्ने शुक्लवर्णिकाम्। सायं सरस्वतीं कृष्णां द्विजो ध्यायेद्यथाविधि

pūrvāhṇe raktavarṇāṁ tu madhyāhne śuklavarṇikām sāyaṁ sarasvatīṁ kṛṣṇāṁ dvijo dhyāyedyathāvidhi

पूर्वाह्न में लाल वर्ण वाली, मध्याह्न में श्वेत वर्ण वाली, और सायं काल में सरस्वती को कृष्ण वर्ण वाली — द्विज को विधिपूर्वक ध्यान करना चाहिए।

श्लोक 13 (padma.1.49.13)

ततः समाचरेत्स्नानं यथाज्ञानेन यत्नतः। अंगं प्रक्षालयित्वा तु मृद्भिः संलेपयेत्ततः

tataḥ samācaretsnānaṁ yathājñānena yatnataḥ aṁgaṁ prakṣālayitvā tu mṛdbhiḥ saṁlepayettataḥ

फिर अपने ज्ञान के अनुसार यत्नपूर्वक स्नान करना चाहिए; अंग धोकर उन पर मिट्टी का लेप करना चाहिए।

श्लोक 14 (padma.1.49.14)

शिरोदेशे ललाटे च नासिकायां हृदि भ्रुवोः। बाह्वोः पार्श्वे तथा नाभौ जान्वोरङ्घ्रिद्वये तथा

śirodeśe lalāṭe ca nāsikāyāṁ hṛdi bhruvoḥ bāhvoḥ pārśve tathā nābhau jānvoraṅghridvaye tathā

सिर, ललाट, नासिका, हृदय, भौंहों के बीच, दोनों बाहों, बगल, नाभि, दोनों घुटनों और दोनों पैरों पर,

श्लोक 15 (padma.1.49.15)

एका लिंगे गुदे तिस्रस्तथा वामकरे दश। उभयोः सप्त दातव्या मृदः शुद्धिमभीप्सता

ekā liṁge gude tisrastathā vāmakare daśa ubhayoḥ sapta dātavyā mṛdaḥ śuddhimabhīpsatā

लिंग पर एक, गुदा पर तीन, बाएँ हाथ पर दस, दोनों हाथों पर सात मिट्टी की मात्रा शुद्धि चाहने वाले को देनी चाहिए।

श्लोक 16 (padma.1.49.16)

अश्वक्रांते रथक्रांते विष्णुक्रांते वसुंधरे। मृत्तिके हर मे पापं यन्मया पूर्वसंचितम्

aśvakrāṁte rathakrāṁte viṣṇukrāṁte vasuṁdhare mṛttike hara me pāpaṁ yanmayā pūrvasaṁcitam

'हे अश्वक्रांता, रथक्रांता, विष्णुक्रांता वसुंधरे! हे मिट्टी! मेरे उस पाप को हर लो, जो मैंने पूर्वकाल में संचित किया है।'

श्लोक 17 (padma.1.49.17)

अनेनैव तु मंत्रेण मृत्तिकां यस्तनौ क्षिपेत्। सर्वपापक्षयस्तस्य शुचिर्भवति मानवः

anenaiva tu maṁtreṇa mṛttikāṁ yastanau kṣipet sarvapāpakṣayastasya śucirbhavati mānavaḥ

इसी मंत्र से जो मनुष्य शरीर पर मिट्टी लगाता है, उसके समस्त पाप क्षय हो जाते हैं और वह पवित्र हो जाता है।

श्लोक 18 (padma.1.49.18)

ततस्तु वेदपूर्वेण स्नानं कुर्याद्विचक्षणः। नदे नद्यां तथा कूपे पुष्करिण्यां तटाकके

tatastu vedapūrveṇa snānaṁ kuryādvicakṣaṇaḥ nade nadyāṁ tathā kūpe puṣkariṇyāṁ taṭākake

फिर विचक्षण मनुष्य को वेद-मंत्र पूर्वक स्नान करना चाहिए — नद में, नदी में, कुएँ में, पुष्करिणी में, या तालाब में,

श्लोक 19 (padma.1.49.19)

जलराशौ च वप्रे च घटस्नानं तथोत्तरम्। कारयेद्विधिवन्मर्त्यः सर्वपापक्षयाय च

jalarāśau ca vapre ca ghaṭasnānaṁ tathottaram kārayedvidhivanmartyaḥ sarvapāpakṣayāya ca

जलाशय में, या पोखर में, तथा उसके बाद घट-स्नान भी करना चाहिए — मनुष्य को समस्त पापों के क्षय के लिए विधिपूर्वक यह करना चाहिए।

श्लोक 20 (padma.1.49.20)

प्रातःस्नानं महापुण्यं सर्वपापप्रणाशनम्। यः कुर्यात्सततं विप्रो विष्णुलोके महीयते

prātaḥsnānaṁ mahāpuṇyaṁ sarvapāpapraṇāśanam yaḥ kuryātsatataṁ vipro viṣṇuloke mahīyate

प्रातःकाल का स्नान महापुण्यकारी और समस्त पापों का नाशक है। जो विप्र इसे सतत करता है, वह विष्णुलोक में महिमामंडित होता है।

श्लोक 21 (padma.1.49.21)

प्रातः संध्यासमीपे च यावद्दंडचतुष्टयम्। तावत्पानीयममृतं पितॄणामुपतिष्ठते

prātaḥ saṁdhyāsamīpe ca yāvaddaṁḍacatuṣṭayam tāvatpānīyamamṛtaṁ pitṝṇāmupatiṣṭhate

प्रातःकालीन संध्या के समय से चार दंड तक जो जल अर्पित किया जाता है, वह पितरों के लिए अमृत के समान उपस्थित होता है।

श्लोक 22 (padma.1.49.22)

परतो घटिकायुग्मं यावद्यामैकमाह्निकम्। मधुतुल्यं जलं तस्मिन्पितॄणां प्रीतिवर्धनम्

parato ghaṭikāyugmaṁ yāvadyāmaikamāhnikam madhutulyaṁ jalaṁ tasminpitṝṇāṁ prītivardhanam

उसके बाद दो घटिका तक, एक याम (प्रहर) तक, वह जल मधु के समान होता है, पितरों की प्रीति बढ़ाने वाला।

श्लोक 23 (padma.1.49.23)

ततस्तु सार्द्धयामैकं जलं क्षीरमयं स्मृतम्। क्षीरमिश्रं जलं तावद्यावद्दण्डचतुष्टयम्

tatastu sārddhayāmaikaṁ jalaṁ kṣīramayaṁ smṛtam kṣīramiśraṁ jalaṁ tāvadyāvaddaṇḍacatuṣṭayam

फिर डेढ़ याम तक जल दूध के समान माना जाता है; तथा चार दंड तक दूध मिश्रित जल के समान।

श्लोक 24 (padma.1.49.24)

अतः परं च पानीयं यावद्धि प्रहरत्रयम्। तत्परं लोहितं प्रोक्तं यावदस्तंगतो रविः

ataḥ paraṁ ca pānīyaṁ yāvaddhi praharatrayam tatparaṁ lohitaṁ proktaṁ yāvadastaṁgato raviḥ

इसके बाद तीन प्रहर तक जल वैसा ही रहता है; उसके बाद सूर्यास्त तक इसे रक्त के समान कहा गया है।

श्लोक 25 (padma.1.49.25)

चतुर्थप्रहरे स्नाने रात्रौ वा तर्पयेत्पितॄन्। तत्तोयं रक्षसामेव ग्रहणेन विना स्मृतम्

caturthaprahare snāne rātrau vā tarpayetpitṝn tattoyaṁ rakṣasāmeva grahaṇena vinā smṛtam

चतुर्थ प्रहर में या रात्रि में स्नान करके यदि पितरों को तर्पण दिया जाए, तो वह जल राक्षसों का ही माना जाता है, पितरों द्वारा ग्रहण नहीं किया जाता।

श्लोक 26 (padma.1.49.26)

पानीयं सर्वसिर्द्ध्य्थं पुरैव निर्मितं मया। रक्षार्थं तस्य तोयस्य यक्षाश्चैव धुरंधराः

pānīyaṁ sarvasirddhythaṁ puraiva nirmitaṁ mayā rakṣārthaṁ tasya toyasya yakṣāścaiva dhuraṁdharāḥ

यह जल मैंने प्राचीन काल में ही समस्त सिद्धियों के लिए बनाया था; उस जल की रक्षा के लिए भार वहन करने वाले यक्षगण नियुक्त हैं,

श्लोक 27 (padma.1.49.27)

न प्राप्नुवंति पितरो ये च लोकांतरं गताः। दुष्प्राप्यं सलिलं तेषामृते स्वान्मर्त्यवासिनः

na prāpnuvaṁti pitaro ye ca lokāṁtaraṁ gatāḥ duṣprāpyaṁ salilaṁ teṣāmṛte svānmartyavāsinaḥ

जिससे परलोकगत पितरों को यह जल आसानी से न मिले। मृत्युलोक में रहने वाले अपने ही वंशजों के बिना उनके लिए वह जल दुर्लभ है।

श्लोक 28 (padma.1.49.28)

तस्माच्छिष्यैश्च पुत्रैश्च पौत्रदौहित्रकादिभिः। बंधुवर्गैस्तथा चान्यैस्तर्पणीयं पितृव्रतैः

tasmācchiṣyaiśca putraiśca pautradauhitrakādibhiḥ baṁdhuvargaistathā cānyaistarpaṇīyaṁ pitṛvrataiḥ

इसलिए शिष्यों, पुत्रों, पौत्रों, दौहित्रों आदि द्वारा, तथा बंधुजनों और अन्य पितृव्रती लोगों द्वारा तर्पण किया जाना चाहिए।

श्लोक 29 (padma.1.49.29)

नारद उवाच। जलस्य दैवतं ब्रूहि तर्पणस्य विधिं मयि। यथा जानामि देवेश तत्वतो वक्तुमर्हसि

nārada uvāca jalasya daivataṁ brūhi tarpaṇasya vidhiṁ mayi yathā jānāmi deveśa tatvato vaktumarhasi

नारद ने कहा — जल की देवता कौन है, यह बताइए, तथा मुझे तर्पण की विधि बताइए। हे देवेश! जिस प्रकार मैं यथार्थ रूप से जान सकूँ, वैसा बताइए।

श्लोक 30 (padma.1.49.30)

ब्रह्मोवाच। जलस्य देवता विष्णुःस र्वलोकेषु गीयते। जलपूतो भवेद्यस्तु विष्णुस्तच्छंकरो भवेत्

brahmovāca jalasya devatā viṣṇuḥsa rvalokeṣu gīyate jalapūto bhavedyastu viṣṇustacchaṁkaro bhavet

ब्रह्मा ने कहा — जल की देवता विष्णु हैं, ऐसा समस्त लोकों में गाया जाता है। जो जल से पवित्र होता है, वह विष्णु का प्रिय बनता है, यह कल्याणकारी है।

श्लोक 31 (padma.1.49.31)

जलं गंडूषमात्रं तु पीत्वा पूतो भवेन्नरः। विशेषात्कुशसंसर्गात्पीयूषादधिकं जलम्

jalaṁ gaṁḍūṣamātraṁ tu pītvā pūto bhavennaraḥ viśeṣātkuśasaṁsargātpīyūṣādadhikaṁ jalam

एक कुल्ला भर जल पीने से भी मनुष्य पवित्र हो जाता है; विशेष रूप से कुश के संसर्ग से जल अमृत से भी अधिक श्रेष्ठ हो जाता है।

श्लोक 32 (padma.1.49.32)

सर्वदेवालयो दर्भो मयायं निर्मितः पुरा। कुशमूले भवेद्ब्रह्मा कुशमध्ये तु केशवः

sarvadevālayo darbho mayāyaṁ nirmitaḥ purā kuśamūle bhavedbrahmā kuśamadhye tu keśavaḥ

कुश समस्त देवताओं का निवासस्थान है, जिसे मैंने प्राचीन काल में स्वयं बनाया था; कुश की जड़ में ब्रह्मा, मध्य में केशव विराजमान हैं,

श्लोक 33 (padma.1.49.33)

कुशाग्रे शंकरं विद्धि कुश एते प्रतिष्ठिताः। कुशहस्तः सदा मेध्यः स्तोत्रं मंत्रं पठेद्यदि

kuśāgre śaṁkaraṁ viddhi kuśa ete pratiṣṭhitāḥ kuśahastaḥ sadā medhyaḥ stotraṁ maṁtraṁ paṭhedyadi

कुश के अग्रभाग में शंकर को जानो — ये तीनों कुश में प्रतिष्ठित हैं। जिसके हाथ में कुश हो, वह सदा पवित्र होता है; यदि वह स्तोत्र या मंत्र पढ़े,

श्लोक 34 (padma.1.49.34)

सर्वं शतगुणं प्रोक्तं तीर्थे साहस्रमुच्यते। कुशाः काशास्तथा दूर्वा यवपत्राणि व्रीहयः

sarvaṁ śataguṇaṁ proktaṁ tīrthe sāhasramucyate kuśāḥ kāśāstathā dūrvā yavapatrāṇi vrīhayaḥ

तो उसका फल सौ गुना कहा गया है, और तीर्थ में हजार गुना। कुश, काश, दूर्वा, जौ की पत्तियाँ, धान,

श्लोक 35 (padma.1.49.35)

बल्वजाः पुंडरीकाश्च कुशास्सप्त प्रकीर्तिताः। आनुपूर्व्येण मेध्याः स्युः कुशा लोके प्रतिष्ठिताः

balvajāḥ puṁḍarīkāśca kuśāssapta prakīrtitāḥ ānupūrvyeṇa medhyāḥ syuḥ kuśā loke pratiṣṭhitāḥ

बल्वज और पुंडरीक — ये सात कुश (पवित्र घासें) कही गई हैं। क्रम से ये पवित्र हैं और संसार में प्रतिष्ठित हैं।

श्लोक 36 (padma.1.49.36)

विना मंत्रेण यत्स्नानं सर्वं तन्निष्फलं भवेत्। अमृतात्स्वादुतामेति संस्पर्शाच्च तिलस्य च

vinā maṁtreṇa yatsnānaṁ sarvaṁ tanniṣphalaṁ bhavet amṛtātsvādutāmeti saṁsparśācca tilasya ca

बिना मंत्र के किया गया स्नान पूर्णतः निष्फल होता है। तिल के स्पर्श से जल अमृत से भी अधिक मधुर हो जाता है।

श्लोक 37 (padma.1.49.37)

तस्माच्च तर्पयेन्नित्यं पितॄंस्तिलजलैर्बुधः। दशभिश्च तिलैस्तावत्पितॄणां प्रीतिरुत्तमा

tasmācca tarpayennityaṁ pitṝṁstilajalairbudhaḥ daśabhiśca tilaistāvatpitṝṇāṁ prītiruttamā

इसलिए बुद्धिमान को नित्य तिल-मिश्रित जल से पितरों का तर्पण करना चाहिए; केवल दस तिलों से ही पितरों की प्रीति उत्तम हो जाती है।

श्लोक 38 (padma.1.49.38)

अग्निस्तंभभयाद्देवा न चेच्छन्त्यतिविस्तरम्। स्नात्वा यस्तर्पयेन्नित्यं तिलमिश्रोदकैः पितॄन्

agnistaṁbhabhayāddevā na cecchantyativistaram snātvā yastarpayennityaṁ tilamiśrodakaiḥ pitṝn

अत्यधिक विस्तार से देवगण भी संकोच करते हैं। जो स्नान करके नित्य तिल-मिश्रित जल से पितरों का तर्पण करता है,

श्लोक 39 (padma.1.49.39)

नीलपंडविमोक्षेण त्वमावास्या तिलोदकैः। वर्षासु दीपदानेन पितॄणामनृणो भवेत्

nīlapaṁḍavimokṣeṇa tvamāvāsyā tilodakaiḥ varṣāsu dīpadānena pitṝṇāmanṛṇo bhavet

नील बैल के विमोचन से, अमावस्या को तिल-जल से, तथा वर्षा ऋतु में दीप-दान से — पितरों के ऋण से मुक्त हो जाता है।

श्लोक 40 (padma.1.49.40)

वत्सरैकममायां तु तर्पयेद्यस्तिलैः पितृन्। विनायकत्वमाप्नोति सर्वदेवैः प्रपूज्यते

vatsaraikamamāyāṁ tu tarpayedyastilaiḥ pitṛn vināyakatvamāpnoti sarvadevaiḥ prapūjyate

जो एक वर्ष तक अमावस्या को तिलों से पितरों का तर्पण करता है, वह विनायक-पद प्राप्त करता है और समस्त देवताओं द्वारा पूजित होता है।

श्लोक 41 (padma.1.49.41)

युगाद्यासु च सर्वासु यस्तिलैस्तर्पयेत्पितॄन्। उक्तं यद्वाप्यमायां तु तस्माच्छतगुणाधिकम्

yugādyāsu ca sarvāsu yastilaistarpayetpitṝn uktaṁ yadvāpyamāyāṁ tu tasmācchataguṇādhikam

युगादि तिथियों में जो तिलों से पितरों का तर्पण करता है, अमावस्या के लिए कहा गया फल उससे सौ गुना अधिक होता है।

श्लोक 42 (padma.1.49.42)

अयने विषुवे चैव राकामायां तथैव च। तर्पयित्वा पितृव्यूहं स्वर्गलोके महीयते

ayane viṣuve caiva rākāmāyāṁ tathaiva ca tarpayitvā pitṛvyūhaṁ svargaloke mahīyate

अयन, विषुव, तथा पूर्णिमा और अमावस्या पर भी पितृसमूह का तर्पण करके मनुष्य स्वर्गलोक में महिमामंडित होता है।

श्लोक 43 (padma.1.49.43)

तथा मन्वंतराख्यायामन्यस्यां पुण्यसंस्थितौ। ग्रहणे चंद्रसूर्यस्य पुण्यतीर्थे गयादिषु

tathā manvaṁtarākhyāyāmanyasyāṁ puṇyasaṁsthitau grahaṇe caṁdrasūryasya puṇyatīrthe gayādiṣu

उसी प्रकार मन्वंतर के आरंभ में, अन्य पुण्य अवसरों पर, चंद्र-सूर्य ग्रहण में, पुण्य तीर्थों और गया आदि में,

श्लोक 44 (padma.1.49.44)

तर्पयित्वा पितॄन्याति माधवस्य निकेतनम्। तस्मात्पुण्याहकं प्राप्य तर्पयेत्पितृसंचयम्

tarpayitvā pitṝnyāti mādhavasya niketanam tasmātpuṇyāhakaṁ prāpya tarpayetpitṛsaṁcayam

पितरों का तर्पण करके मनुष्य माधव के धाम को प्राप्त होता है। इसलिए पुण्य दिवस पाकर पितृसमूह का तर्पण करना चाहिए।

श्लोक 45 (padma.1.49.45)

तर्पणं देवतानां च पूर्वं कृत्वा समाहितः। अधिकारी भवेत्पश्चात्पितॄणां तर्पणे बुधः

tarpaṇaṁ devatānāṁ ca pūrvaṁ kṛtvā samāhitaḥ adhikārī bhavetpaścātpitṝṇāṁ tarpaṇe budhaḥ

पहले एकाग्रचित्त होकर देवताओं का तर्पण करके, बुद्धिमान तब पितरों के तर्पण का अधिकारी बनता है।

श्लोक 46 (padma.1.49.46)

श्राद्धे भोजनकाले च पाणिनैकेन दापयेत्। उभाभ्यां तर्पणे दद्याद्विधिरेष सनातनः

śrāddhe bhojanakāle ca pāṇinaikena dāpayet ubhābhyāṁ tarpaṇe dadyādvidhireṣa sanātanaḥ

श्राद्ध में भोजन कराते समय एक हाथ से दे; तर्पण में दोनों हाथों से देना चाहिए — यही सनातन विधि है।

श्लोक 47 (padma.1.49.47)

दक्षिणाभिमुखो भूत्वा शुचिस्तु तर्पयेत्पितॄन्। तृप्यतामिति वाक्येन नामगोत्रेण वै पुनः

dakṣiṇābhimukho bhūtvā śucistu tarpayetpitṝn tṛpyatāmiti vākyena nāmagotreṇa vai punaḥ

दक्षिणाभिमुख होकर, पवित्र होकर पितरों का तर्पण करे — 'तृप्त होइए' इस वचन से, फिर नाम-गोत्र से भी।

श्लोक 48 (padma.1.49.48)

अकृष्णैर्यत्तिलैर्मोहात्तर्पयेत्पितृसंचयम्। भूम्यां ददाति यदपो दाता चैव जले स्थितः

akṛṣṇairyattilairmohāttarpayetpitṛsaṁcayam bhūmyāṁ dadāti yadapo dātā caiva jale sthitaḥ

जो मोहवश काले न होने वाले तिलों से पितृसमूह का तर्पण करे, या भूमि पर जल गिराते हुए दाता स्वयं जल में खड़ा हो,

श्लोक 49 (padma.1.49.49)

वृथा तद्दीयते दानं नोपतिष्ठति कस्यचित्। स्थले स्थित्वा जले यस्तु प्रयच्छेदुदकं नरः

vṛthā taddīyate dānaṁ nopatiṣṭhati kasyacit sthale sthitvā jale yastu prayacchedudakaṁ naraḥ

वह दान व्यर्थ ही दिया जाता है, किसी को नहीं पहुँचता। जो मनुष्य भूमि पर खड़े होकर जल की ओर जल अर्पित करता है,

श्लोक 50 (padma.1.49.50)

नोपतिष्ठेत्पितॄणां तु सलिलं तन्निरर्थकम्। आर्द्रवासा जले यस्तु कुर्यादुदकतर्पणम्

nopatiṣṭhetpitṝṇāṁ tu salilaṁ tannirarthakam ārdravāsā jale yastu kuryādudakatarpaṇam

वह जल पितरों तक नहीं पहुँचता, वह निरर्थक है। किंतु जो गीले वस्त्रों में जल में खड़े होकर जल-तर्पण करता है,

श्लोक 51 (padma.1.49.51)

पितरस्तस्य तृप्यंति सहदेवैस्सदानघ। रजकैः क्षालितं वस्त्रमशुद्धं कवयो विदुः

pitarastasya tṛpyaṁti sahadevaissadānagha rajakaiḥ kṣālitaṁ vastramaśuddhaṁ kavayo viduḥ

हे निष्पाप! उसके पितर देवताओं सहित सदा तृप्त होते हैं। धोबी द्वारा धोया गया वस्त्र अशुद्ध होता है, ऐसा विद्वान जानते हैं,

श्लोक 52 (padma.1.49.52)

हस्तप्रक्षालने चैव पुनर्वस्त्रं तु शुध्यति। शुष्कवासाः शुचौ देशे स्थाने यत्तर्पयेत्पितॄन्

hastaprakṣālane caiva punarvastraṁ tu śudhyati śuṣkavāsāḥ śucau deśe sthāne yattarpayetpitṝn

किंतु हाथ पुनः धोने से वह वस्त्र शुद्ध हो जाता है। यदि सूखे वस्त्रों में, पवित्र स्थान में पितरों का तर्पण किया जाए,

श्लोक 53 (padma.1.49.53)

ततो दशगुणेनैव तुष्यंति पितरो ध्रुवम्। स्नानं संध्यां च पाषाणे खड्गे वा ताम्रभाजने

tato daśaguṇenaiva tuṣyaṁti pitaro dhruvam snānaṁ saṁdhyāṁ ca pāṣāṇe khaḍge vā tāmrabhājane

तो निश्चय ही पितर केवल दस गुना ही संतुष्ट होते हैं। स्नान और संध्या पत्थर पर, तलवार पर, या ताम्रपात्र में,

श्लोक 54 (padma.1.49.54)

तर्पणं कुरुते यस्तु प्रत्येकं च शताधिकम्। रौप्यांगुलीयं तर्जन्यां धृत्वा यत्तर्पयेत्पितॄन्

tarpaṇaṁ kurute yastu pratyekaṁ ca śatādhikam raupyāṁgulīyaṁ tarjanyāṁ dhṛtvā yattarpayetpitṝn

जो तर्पण करता है, उसका फल प्रत्येक में सौ गुना से अधिक होता है। यदि तर्जनी उंगली में रजत की अंगूठी धारण कर पितरों का तर्पण किया जाए,

श्लोक 55 (padma.1.49.55)

सर्वं च शतसाहस्रगुणं भवति नान्यथा। तथैवानामिकायां तु धृत्वा स्वर्णांगुलीं बुधः

sarvaṁ ca śatasāhasraguṇaṁ bhavati nānyathā tathaivānāmikāyāṁ tu dhṛtvā svarṇāṁgulīṁ budhaḥ

तो संपूर्ण फल एक लाख गुना हो जाता है, अन्यथा नहीं। उसी प्रकार अनामिका उंगली में स्वर्ण की अंगूठी धारण करके बुद्धिमान,

श्लोक 56 (padma.1.49.56)

तर्पयेत्पितृसंदोहं लक्षकोटिगुणं भवेत्। अंगुष्ठदेशिनी मध्ये सव्यहस्तस्य खड्गकम्

tarpayetpitṛsaṁdohaṁ lakṣakoṭiguṇaṁ bhavet aṁguṣṭhadeśinī madhye savyahastasya khaḍgakam

पितरों के समूह का तर्पण करे, तो वह लाख-करोड़ गुना हो जाता है। दाहिने हाथ के अंगूठे और तर्जनी के मध्य कुशा को,

श्लोक 57 (padma.1.49.57)

धृत्वानामिकया रत्नमंजलेरक्षयंफलं। स्नानार्थमभिगच्छंतं देवाः पितृगणैः सह

dhṛtvānāmikayā ratnamaṁjalerakṣayaṁphalaṁ snānārthamabhigacchaṁtaṁ devāḥ pitṛgaṇaiḥ saha

तथा अनामिका उंगली में रत्न धारण करके एक अंजलि जल से भी अक्षय फल मिलता है। स्नान के लिए जाते हुए मनुष्य के पीछे देवगण, पितृगणों सहित,

श्लोक 58 (padma.1.49.58)

वायुभूतानुगच्छंति तृषार्ताः सलिलार्थिनः। निराशास्ते निवर्तंते वस्त्रनिष्पीडनेन च

vāyubhūtānugacchaṁti tṛṣārtāḥ salilārthinaḥ nirāśāste nivartaṁte vastraniṣpīḍanena ca

वायु-रूप में पीछे-पीछे चलते हैं, प्यास से व्याकुल, जल की इच्छा से। वे निराश होकर लौट जाते हैं, वस्त्र निचोड़ने के कारण भी।

श्लोक 59 (padma.1.49.59)

तस्मान्न पीडयेद्वस्त्रमकृत्वा पितृतर्पणम्। तिस्रःकोट्योऽर्धकोटी च यानि लोमानि मानुषे

tasmānna pīḍayedvastramakṛtvā pitṛtarpaṇam tisraḥkoṭyo'rdhakoṭī ca yāni lomāni mānuṣe

इसलिए पितृ-तर्पण किए बिना वस्त्र को (जोर से) नहीं निचोड़ना चाहिए। मनुष्य के शरीर में साढ़े तीन करोड़ रोम हैं,

श्लोक 60 (padma.1.49.60)

स्रवंति सर्वतीर्थानि तस्मान्न परिपीडयेत्। देवाः पिबंति शिरसि श्मश्रुतः पितरस्तथा

sravaṁti sarvatīrthāni tasmānna paripīḍayet devāḥ pibaṁti śirasi śmaśrutaḥ pitarastathā

जिनसे सभी तीर्थ प्रवाहित होते हैं, इसलिए (शरीर को) अत्यधिक पीड़ा नहीं देनी चाहिए। स्नान करते समय देवगण सिर से जल पीते हैं, पितर दाढ़ी से,

श्लोक 61 (padma.1.49.61)

चक्षुषोरपि गंधर्वा अधस्तात्सर्वजंतवः। देवाः पितृगणाः सर्वे गंधर्वा जंतवस्तथा

cakṣuṣorapi gaṁdharvā adhastātsarvajaṁtavaḥ devāḥ pitṛgaṇāḥ sarve gaṁdharvā jaṁtavastathā

आँखों से गंधर्व, और नीचे से समस्त प्राणी। देवगण, पितृगण, गंधर्व और प्राणी — ये सभी,

श्लोक 62 (padma.1.49.62)

स्नानमात्रेण तुष्यंति स्नानात्पापं न विद्यते। नित्यस्नानं च यः कुर्यात्स नरः पुरुषोत्तमः

snānamātreṇa tuṣyaṁti snānātpāpaṁ na vidyate nityasnānaṁ ca yaḥ kuryātsa naraḥ puruṣottamaḥ

स्नान मात्र से तृप्त हो जाते हैं; स्नान से पाप नहीं ठहरता। जो नित्य स्नान करता है, वह पुरुषोत्तम है,

श्लोक 63 (padma.1.49.63)

सर्वपापैर्विनिर्मुक्तो नाकलोकेमहीयते। स्नानं तर्पणपर्यंतं देवा महर्षयो विदुः

sarvapāpairvinirmukto nākalokemahīyate snānaṁ tarpaṇaparyaṁtaṁ devā maharṣayo viduḥ

समस्त पापों से मुक्त होकर वह स्वर्गलोक में महिमामंडित होता है। देवगण और महर्षि जानते हैं कि स्नान तर्पण तक विस्तृत है।

श्लोक 64 (padma.1.49.64)

अतः परं च देवानां पूजनं कारयेद्बुधः। गणेशं पूजयेद्यस्तु विघ्नस्तस्य न जायते

ataḥ paraṁ ca devānāṁ pūjanaṁ kārayedbudhaḥ gaṇeśaṁ pūjayedyastu vighnastasya na jāyate

इसके बाद बुद्धिमान को देवताओं की पूजा करनी चाहिए। जो गणेश की पूजा करता है, उसे कोई विघ्न नहीं होता,

श्लोक 65 (padma.1.49.65)

आरोग्यार्थं च सूर्यं च धर्ममोक्षाय माधवम्। शिवं च कृत्यकामार्थं सर्वकामाय चंडिकाम्

ārogyārthaṁ ca sūryaṁ ca dharmamokṣāya mādhavam śivaṁ ca kṛtyakāmārthaṁ sarvakāmāya caṁḍikām

आरोग्य के लिए सूर्य की, धर्म-मोक्ष के लिए माधव की, कर्तव्य और कामनाओं की सिद्धि के लिए शिव की, तथा सर्व-कामनाओं के लिए चंडिका की पूजा करे।

श्लोक 66 (padma.1.49.66)

देवांस्तु पूजयित्वा तु वैश्वदेवबलिं चरेत्। वह्निकार्यं ततः कृत्वा यज्ञं ब्राह्मणतर्पणम्

devāṁstu pūjayitvā tu vaiśvadevabaliṁ caret vahnikāryaṁ tataḥ kṛtvā yajñaṁ brāhmaṇatarpaṇam

देवताओं की पूजा करके वैश्वदेव बलि करनी चाहिए। फिर अग्नि-कार्य, यज्ञ और ब्राह्मण-तर्पण करना चाहिए।

श्लोक 67 (padma.1.49.67)

देवानां सर्वसत्वानां पुनस्त्रिविष्टपं व्रजेत्। गतागतं स्थिरं कृत्वा कामान्मोक्षं सुखं दिवम्

devānāṁ sarvasatvānāṁ punastriviṣṭapaṁ vrajet gatāgataṁ sthiraṁ kṛtvā kāmānmokṣaṁ sukhaṁ divam

देवताओं और समस्त प्राणियों की सेवा से मनुष्य पुनः स्वर्ग को प्राप्त होता है। आवागमन को स्थिर करके कामनाएँ, मोक्ष, सुख और स्वर्ग प्राप्त करता है।

श्लोक 68 (padma.1.49.68)

तस्मात्सर्वप्रयत्नेन नित्यं कर्माणि कारयेत्। नारद उवाच। किमर्थं च जलं तात देवाः पितृगणैः सह

tasmātsarvaprayatnena nityaṁ karmāṇi kārayet nārada uvāca kimarthaṁ ca jalaṁ tāta devāḥ pitṛgaṇaiḥ saha

इसलिए सभी प्रयत्नों से नित्य ये कर्म करने चाहिए। नारद ने कहा — हे तात! किस कारण देवगण, पितृगणों सहित,

श्लोक 69 (padma.1.49.69)

न प्राप्नुवंति सर्वज्ञ लभंते मानवा यथा। ब्रह्मोवाच। पुरा सृष्टं मया तोयं सर्वदेवमयामृतम्

na prāpnuvaṁti sarvajña labhaṁte mānavā yathā brahmovāca purā sṛṣṭaṁ mayā toyaṁ sarvadevamayāmṛtam

जल को उस प्रकार प्राप्त नहीं करते जिस प्रकार मनुष्य प्राप्त करते हैं, हे सर्वज्ञ? ब्रह्मा ने कहा — प्राचीन काल में मैंने समस्त देवमय अमृतरूपी जल की रचना की थी,

श्लोक 70 (padma.1.49.70)

तस्यैव रक्षणार्थं च रक्षा यक्षा धनुर्धराः। घ्नंति ते पितरं देवमस्मद्वाक्यान्न मानुषम्

tasyaiva rakṣaṇārthaṁ ca rakṣā yakṣā dhanurdharāḥ ghnaṁti te pitaraṁ devamasmadvākyānna mānuṣam

उसी की रक्षा के लिए धनुर्धारी रक्षक यक्ष नियुक्त किए गए। वे मेरी आज्ञा से पितर और देव को भी रोकते हैं, मनुष्य को नहीं।

श्लोक 71 (padma.1.49.71)

पशवः पक्षिणः कीटा मर्त्यलोके व्यवस्थिताः। मर्त्यजाताश्च देवा ये तथैव मानुषा ध्रुवम्

paśavaḥ pakṣiṇaḥ kīṭā martyaloke vyavasthitāḥ martyajātāśca devā ye tathaiva mānuṣā dhruvam

पशु, पक्षी, कीट मृत्युलोक में स्थित हैं; तथा जो देव मर्त्य रूप में जन्मे, वैसे ही मनुष्य भी निश्चय ही,

श्लोक 72 (padma.1.49.72)

तर्पयित्वा गुरुं नित्यं सुरलोके प्रतिष्ठिताः। अस्नायी च मलं भुंक्ते अजपी पूयशोणितम्

tarpayitvā guruṁ nityaṁ suraloke pratiṣṭhitāḥ asnāyī ca malaṁ bhuṁkte ajapī pūyaśoṇitam

गुरु का नित्य तर्पण करके देवलोक में प्रतिष्ठित होते हैं। बिना स्नान किया हुआ व्यक्ति मल खाता है, बिना जप किया हुआ पीव और रक्त खाता है,

श्लोक 73 (padma.1.49.73)

अकृत्वा तर्पणं नित्यं पितृहा चोपजायते। ब्रह्महत्यासमं पापं देवानामप्यपूजने

akṛtvā tarpaṇaṁ nityaṁ pitṛhā copajāyate brahmahatyāsamaṁ pāpaṁ devānāmapyapūjane

और नित्य तर्पण न करने से पितृहन्ता बन जाता है। देवताओं की अपूजा में भी ब्रह्महत्या के समान पाप होता है।

श्लोक 74 (padma.1.49.74)

सन्ध्याकृत्यमकृत्वा च सूर्यं हंति च पापकृत्। नारद उवाच। ब्राह्मणस्य सदाचारक्रमं ब्रूहि च कर्मणाम्

sandhyākṛtyamakṛtvā ca sūryaṁ haṁti ca pāpakṛt nārada uvāca brāhmaṇasya sadācārakramaṁ brūhi ca karmaṇām

संध्या-कृत्य न करने से पापी सूर्य को भी मानो आहत करता है। नारद ने कहा — ब्राह्मण के सदाचार और कर्मों का क्रम बताइए,

श्लोक 75 (padma.1.49.75)

इतरेषां च वर्णानां प्रवृत्तमखिलं वद। ब्रह्मोवाच। आचाराल्लभते चायुराचाराल्लभते सुखम्

itareṣāṁ ca varṇānāṁ pravṛttamakhilaṁ vada brahmovāca ācārāllabhate cāyurācārāllabhate sukham

तथा अन्य वर्णों के लिए भी जो कुछ प्रचलित है, वह सब बताइए। ब्रह्मा ने कहा — आचार से आयु प्राप्त होती है, आचार से सुख प्राप्त होता है,

श्लोक 76 (padma.1.49.76)

आचारात्स्वर्गं मोक्षं च आचारो हंत्यलक्षणम्। अनाचारो हि पुरुषो लोके भवति निंदितः

ācārātsvargaṁ mokṣaṁ ca ācāro haṁtyalakṣaṇam anācāro hi puruṣo loke bhavati niṁditaḥ

आचार से स्वर्ग और मोक्ष प्राप्त होते हैं; आचार दुर्भाग्य को नष्ट करता है। दुराचारी मनुष्य संसार में निंदित होता है,

श्लोक 77 (padma.1.49.77)

दुःखभागी च सततं व्याधितोल्पायुरेव च। नरके नियतं वासो ह्यनाचारान्नरस्य च

duḥkhabhāgī ca satataṁ vyādhitolpāyureva ca narake niyataṁ vāso hyanācārānnarasya ca

सदा दुःखभागी, रोगी और अल्पायु होता है। दुराचार के कारण मनुष्य का नरक में निश्चित निवास होता है।

श्लोक 78 (padma.1.49.78)

आचाराच्च परं लोकमाचारं शृणु तत्त्वतः। गोमयेन गृहे नित्यं प्रकुर्यादुपलेपनम्

ācārācca paraṁ lokamācāraṁ śṛṇu tattvataḥ gomayena gṛhe nityaṁ prakuryādupalepanam

आचार से परलोक प्राप्त होता है; आचार को यथार्थ रूप से सुनो — घर में नित्य गोबर से लेपन करना चाहिए,

श्लोक 79 (padma.1.49.79)

प्रक्षालयेत्ततः पीठं काष्ठं पात्रं शिलातलम्। भस्मना कांस्यपात्रं तु ताम्रमम्लेनशुद्ध्यति

prakṣālayettataḥ pīṭhaṁ kāṣṭhaṁ pātraṁ śilātalam bhasmanā kāṁsyapātraṁ tu tāmramamlenaśuddhyati

फिर आसन, काष्ठ-पात्र और पत्थर के तल को धोना चाहिए। कांस्य-पात्र भस्म से शुद्ध होता है, ताम्र खट्टे पदार्थों से,

श्लोक 80 (padma.1.49.80)

शिलापात्रं तु तैलेन फालंगो वालकेन तु। स्वर्णरौप्यादिपात्रं तु जलमात्रेण शुध्यति

śilāpātraṁ tu tailena phālaṁgo vālakena tu svarṇaraupyādipātraṁ tu jalamātreṇa śudhyati

पत्थर के पात्र तेल से, तथा कुछ वस्तुएँ विशेष विधियों से; स्वर्ण-रजत आदि के पात्र केवल जल से ही शुद्ध हो जाते हैं।

श्लोक 81 (padma.1.49.81)

अग्निना लोहपात्रं तु पाकप्रक्षालनेन तु। खननाद्दाहनाच्चैव उपलेपन धावनात्

agninā lohapātraṁ tu pākaprakṣālanena tu khananāddāhanāccaiva upalepana dhāvanāt

लोहे का पात्र अग्नि से, पकाकर धोने से शुद्ध होता है; खोदने, जलाने, लीपने और धोने से,

श्लोक 82 (padma.1.49.82)

पर्जन्यवर्षणाच्चैव भूरमेध्या विशुध्यति। तैजस्सानां मणीनां च सर्वस्याश्ममयस्य च

parjanyavarṣaṇāccaiva bhūramedhyā viśudhyati taijassānāṁ maṇīnāṁ ca sarvasyāśmamayasya ca

तथा वर्षा से भी अपवित्र भूमि शुद्ध हो जाती है। तेजस्वी धातुओं, मणियों तथा समस्त पत्थर की वस्तुओं की,

श्लोक 83 (padma.1.49.83)

भस्मभिर्मृत्तिकाभिश्च शुद्धिरुक्ता मया पुरा। शय्या भार्या शिशुर्वस्त्रमुपवीतं कमंडलुः

bhasmabhirmṛttikābhiśca śuddhiruktā mayā purā śayyā bhāryā śiśurvastramupavītaṁ kamaṁḍaluḥ

भस्म और मिट्टी से शुद्धि मैंने पहले ही कही है। शय्या, पत्नी, शिशु, वस्त्र, यज्ञोपवीत, कमंडलु —

श्लोक 84 (padma.1.49.84)

आत्मनः कथिताश्शुद्धा न परेषां कदाचन। न भुंजीतैकवस्त्रेण न स्नायादेकवाससा

ātmanaḥ kathitāśśuddhā na pareṣāṁ kadācana na bhuṁjītaikavastreṇa na snāyādekavāsasā

ये अपने होने पर ही शुद्ध कहे गए हैं, दूसरों के कभी नहीं। एक ही वस्त्र में भोजन नहीं करना चाहिए, एक ही वस्त्र में स्नान नहीं करना चाहिए,

श्लोक 85 (padma.1.49.85)

न धारयेत्परस्यैवं स्नानवस्त्रं कदाचन। संस्कारं केशदंतानां प्रातरेव समाचरेत्

na dhārayetparasyaivaṁ snānavastraṁ kadācana saṁskāraṁ keśadaṁtānāṁ prātareva samācaret

और दूसरे का स्नान-वस्त्र कभी नहीं पहनना चाहिए। केश और दांतों का संस्कार प्रातःकाल में ही करना चाहिए।

श्लोक 86 (padma.1.49.86)

गुरूणां च नमस्कारं नित्यमेव समाचरेत्। हस्तपादे मुखे चैव पंचार्द्रो भोजनं चरेत्

gurūṇāṁ ca namaskāraṁ nityameva samācaret hastapāde mukhe caiva paṁcārdro bhojanaṁ caret

गुरुजनों को नित्य ही प्रणाम करना चाहिए। हाथ, पैर और मुख धोकर 'पंचार्द्र' होकर भोजन करना चाहिए।

श्लोक 87 (padma.1.49.87)

पंचार्द्रकस्तु भुंजानः शतं वर्षाणि जीवति। देवतानां गुरोराज्ञां स्नातकाचार्ययोरपि

paṁcārdrakastu bhuṁjānaḥ śataṁ varṣāṇi jīvati devatānāṁ gurorājñāṁ snātakācāryayorapi

जो पंचार्द्र होकर भोजन करता है, वह सौ वर्ष जीता है। देवताओं, गुरु की आज्ञा, स्नातक और आचार्य की,

श्लोक 88 (padma.1.49.88)

नाक्रामेत्कामतश्छायां विप्रस्य दीक्षितस्य च। गोगणं देवतं विप्रं घृतं मधु चतुष्पथम्

nākrāmetkāmataśchāyāṁ viprasya dīkṣitasya ca gogaṇaṁ devataṁ vipraṁ ghṛtaṁ madhu catuṣpatham

छाया को जानबूझकर नहीं लांघना चाहिए, न ही विप्र या दीक्षित की। गोसमूह, देवता, विप्र, घृत, मधु और चौराहे की,

श्लोक 89 (padma.1.49.89)

प्रदक्षिणं प्रकुर्वीत प्रख्यातांश्च वनस्पतीन्। गोविप्रावग्निविप्रौ च विप्रौ द्वौ दंपती तथा

pradakṣiṇaṁ prakurvīta prakhyātāṁśca vanaspatīn goviprāvagniviprau ca viprau dvau daṁpatī tathā

तथा प्रसिद्ध वृक्षों की भी प्रदक्षिणा करनी चाहिए। गाय और विप्र के बीच, अग्नि और विप्र के बीच, दो विप्रों के बीच, तथा दंपती के बीच —

श्लोक 90 (padma.1.49.90)

तयोर्मध्ये न गच्छेत स्वर्गस्थोपि पतेद्ध्रुवम्। उच्छिष्टो न स्पृशेदग्निं ब्राह्मणं दैवतं गुरुम्

tayormadhye na gaccheta svargasthopi pateddhruvam ucchiṣṭo na spṛśedagniṁ brāhmaṇaṁ daivataṁ gurum

इनके बीच से नहीं जाना चाहिए; स्वर्गवासी भी ऐसा करने पर निश्चय ही गिर जाता है। जूठे मुख वाला व्यक्ति अग्नि, ब्राह्मण, देवता या गुरु को स्पर्श न करे,

श्लोक 91 (padma.1.49.91)

स्वशीर्षं पुष्पवृक्षं च यज्ञवृक्षमधार्मिकम्। त्रीणि तेजांसि नोच्छिष्ट उदीक्षेत कदाचन

svaśīrṣaṁ puṣpavṛkṣaṁ ca yajñavṛkṣamadhārmikam trīṇi tejāṁsi nocchiṣṭa udīkṣeta kadācana

न अपने सिर को, न पुष्पवृक्ष को, न यज्ञवृक्ष को, न अधार्मिक व्यक्ति को। जूठे मुख वाला तीन तेजस्वी वस्तुओं को कभी न देखे —

श्लोक 92 (padma.1.49.92)

सूर्याचंद्रमसावेवं नक्षत्राणि च सर्वशः। नेक्षेद्विप्रं गुरुं देवं राजानं यतिनां वरम्

sūryācaṁdramasāvevaṁ nakṣatrāṇi ca sarvaśaḥ nekṣedvipraṁ guruṁ devaṁ rājānaṁ yatināṁ varam

सूर्य और चंद्रमा को, तथा नक्षत्रों को भी सर्वथा नहीं। विप्र, गुरु, देवता, राजा, यतियों में श्रेष्ठ,

श्लोक 93 (padma.1.49.93)

योगिनं देवकर्माणं धर्माणां कथकं द्विजम्। नदीनां च प्रतीरे च पत्युश्च सरितां तथा

yoginaṁ devakarmāṇaṁ dharmāṇāṁ kathakaṁ dvijam nadīnāṁ ca pratīre ca patyuśca saritāṁ tathā

योगी, देवकर्म करने वाले, धर्मकथा कहने वाले द्विज को भी न देखे। नदियों के तट पर और सरिताओं के स्वामी (सागर) के पास भी,

श्लोक 94 (padma.1.49.94)

यज्ञवृक्षस्य मूले च उद्याने पुष्पवाटके। शरीरस्य मलत्यागं न कुर्याज्जीवने तथा

yajñavṛkṣasya mūle ca udyāne puṣpavāṭake śarīrasya malatyāgaṁ na kuryājjīvane tathā

यज्ञवृक्ष की जड़ में, उद्यान में, फूलों की क्यारी में — शरीर के मल का त्याग वहाँ या जीवों के पास नहीं करना चाहिए।

श्लोक 95 (padma.1.49.95)

विप्रस्यायतने गोष्ठे रम्ये राजपथेषु च। न क्षौरं कारयेद्धीरः कुजस्याह्नि कदाचन

viprasyāyatane goṣṭhe ramye rājapatheṣu ca na kṣauraṁ kārayeddhīraḥ kujasyāhni kadācana

विप्र के घर में, गोशाला में, रमणीय स्थान या राजमार्गों में भी नहीं। धीर पुरुष को मंगलवार के दिन कभी बाल नहीं कटवाने चाहिए,

श्लोक 96 (padma.1.49.96)

मलं न धारयेद्दंते नखं न वदने क्षिपेत्। तैलाभ्यंगं न कुर्वीत वासरे रविभौमयोः

malaṁ na dhārayeddaṁte nakhaṁ na vadane kṣipet tailābhyaṁgaṁ na kurvīta vāsare ravibhaumayoḥ

दांतों में मैल नहीं रखना चाहिए, नाखून मुख में नहीं डालना चाहिए। रविवार और मंगलवार के दिन तेल-मालिश नहीं करनी चाहिए।

श्लोक 97 (padma.1.49.97)

स्वगात्रासनयोर्वाद्यं गुरोरेकासनादनम्। न हरेच्छ्रोत्रियस्वं च देवस्यापि गुरोरपि

svagātrāsanayorvādyaṁ gurorekāsanādanam na harecchrotriyasvaṁ ca devasyāpi gurorapi

अपने शरीर या आसन पर वाद्य बजाना, गुरु के साथ एक ही आसन पर भोजन करना (वर्जित है)। श्रोत्रिय, देवता, या गुरु के धन का हरण नहीं करना चाहिए,

श्लोक 98 (padma.1.49.98)

राज्ञस्तपस्विनां चैव पंगोरंधस्य योषितः। पंथा देयो ब्राह्मणाय गोभ्यो राजभ्य एव च

rājñastapasvināṁ caiva paṁgoraṁdhasya yoṣitaḥ paṁthā deyo brāhmaṇāya gobhyo rājabhya eva ca

राजा, तपस्वियों, लंगड़े, अंधे, या स्त्री के धन का भी नहीं। मार्ग ब्राह्मण को, गायों को, तथा राजा को देना चाहिए,

श्लोक 99 (padma.1.49.99)

रोगिणे भारतप्ताय गुर्विण्यै दुर्बलाय च। विवादं न च कुर्वीत नृप विप्र चिकित्सकैः

rogiṇe bhārataptāya gurviṇyai durbalāya ca vivādaṁ na ca kurvīta nṛpa vipra cikitsakaiḥ

रोगी को, बोझ ढोने वाले को, गर्भवती को, तथा दुर्बल को भी। राजा, विप्र और चिकित्सकों से विवाद नहीं करना चाहिए।

श्लोक 100 (padma.1.49.100)

ब्राह्मणं गुरुपत्नीं च दूरतः परिवर्जयेत्। पतितं कुष्ठसंयुक्तं चांडालं च गवाशिनम्

brāhmaṇaṁ gurupatnīṁ ca dūrataḥ parivarjayet patitaṁ kuṣṭhasaṁyuktaṁ cāṁḍālaṁ ca gavāśinam

ब्राह्मण और गुरु-पत्नी से भी दूर रहकर विवाद टालना चाहिए। पतित, कुष्ठरोगी, चांडाल, गोमांस-भक्षी,

श्लोक 101 (padma.1.49.101)

निर्धूतं ज्ञानहीनं च दूरतः परिवर्जयेत्। स्त्रियं दुष्टां च दुर्वृत्तामपवाद प्रदायिनीम्

nirdhūtaṁ jñānahīnaṁ ca dūrataḥ parivarjayet striyaṁ duṣṭāṁ ca durvṛttāmapavāda pradāyinīm

निर्धन और ज्ञानहीन से भी दूर रहना चाहिए। दुष्ट, दुराचारी, निंदा फैलाने वाली स्त्री,

श्लोक 102 (padma.1.49.102)

कुकर्मकारिणीं दुष्टां सदैव कलहप्रियाम्। प्रमत्तामधिकांगीञ्च निर्लज्जां बाह्यचारिणीम्

kukarmakāriṇīṁ duṣṭāṁ sadaiva kalahapriyām pramattāmadhikāṁgīñca nirlajjāṁ bāhyacāriṇīm

कुकर्म करने वाली, सदा कलहप्रिय, प्रमत्त, अत्यधिक शृंगार करने वाली, निर्लज्ज, बाहर घूमने वाली,

श्लोक 103 (padma.1.49.103)

व्ययशीलामनाचारां दूरतः परिवर्जयेत्। मलिनां नाभिवंदेत गुरुपत्नीं कदाचन

vyayaśīlāmanācārāṁ dūrataḥ parivarjayet malināṁ nābhivaṁdeta gurupatnīṁ kadācana

अपव्ययी और दुराचारी स्त्री से दूर रहना चाहिए। मलिन गुरु-पत्नी को कभी प्रणाम नहीं करना चाहिए,

श्लोक 104 (padma.1.49.104)

न स्पृशेत्तां च मेधावी स्पृष्ट्वा स्नानेन शुद्ध्यति। स तया सह केलिं च वर्जयेच्च सदैव हि

na spṛśettāṁ ca medhāvī spṛṣṭvā snānena śuddhyati sa tayā saha keliṁ ca varjayecca sadaiva hi

और बुद्धिमान को उसे स्पर्श नहीं करना चाहिए; स्पर्श होने पर स्नान से शुद्ध होना चाहिए। उसके साथ हास-परिहास सदा त्यागना चाहिए,

श्लोक 105 (padma.1.49.105)

शृणुयाच्च वचो नूनं न पश्येच्च गुरोः स्त्रियम्। वधूं पुत्रस्य भ्रातुश्च स्वपुत्रीं युवतीं ध्रुवम्

śṛṇuyācca vaco nūnaṁ na paśyecca guroḥ striyam vadhūṁ putrasya bhrātuśca svaputrīṁ yuvatīṁ dhruvam

उसकी बात सुननी चाहिए, किंतु गुरु-पत्नी को देखना नहीं चाहिए। पुत्र या भाई की वधू को, तथा अपनी युवा पुत्री को भी निश्चय ही,

श्लोक 106 (padma.1.49.106)

अन्यां च गुरुपत्नीं च नेक्षेत्स्पर्शं न कारयेत्। ताभिः सह कथालापं तथा भ्रूभंगदर्शनम्

anyāṁ ca gurupatnīṁ ca nekṣetsparśaṁ na kārayet tābhiḥ saha kathālāpaṁ tathā bhrūbhaṁgadarśanam

अन्य स्त्री और गुरु-पत्नी को कामदृष्टि से न देखे, न स्पर्श करे। उनके साथ वार्तालाप, भौंहें टेढ़ी करना दिखाना,

श्लोक 107 (padma.1.49.107)

कलहं निस्त्रपां वाणीं सदैव परिवर्जयेत्। न दद्याच्च सदा पादं तुषांगारास्थिभस्मसु

kalahaṁ nistrapāṁ vāṇīṁ sadaiva parivarjayet na dadyācca sadā pādaṁ tuṣāṁgārāsthibhasmasu

कलह और निर्लज्ज वाणी को सदा त्याग देना चाहिए। भूसी, अंगारे, हड्डी, राख,

श्लोक 108 (padma.1.49.108)

कार्पासास्थिषु निर्माल्ये चितिकाष्ठे चितौ गुरौ। शुष्कं मीनं न भक्षेत पूतिगंधिममेध्यकम्

kārpāsāsthiṣu nirmālye citikāṣṭhe citau gurau śuṣkaṁ mīnaṁ na bhakṣeta pūtigaṁdhimamedhyakam

कपास के बीज, निर्माल्य, चिता की लकड़ी, चिता, या गुरु पर पैर कभी नहीं रखना चाहिए। सूखी मछली, दुर्गंधयुक्त, अपवित्र वस्तुएँ नहीं खानी चाहिए,

श्लोक 109 (padma.1.49.109)

विघसं चान्यदुच्छिष्टं पाकार्थं च परस्य च। न स्थातव्यं न गंतव्यं क्षणमप्यसता सह

vighasaṁ cānyaducchiṣṭaṁ pākārthaṁ ca parasya ca na sthātavyaṁ na gaṁtavyaṁ kṣaṇamapyasatā saha

जूठन और अन्य का उच्छिष्ट, तथा दूसरे के लिए पकाया अन्न भी नहीं। दुष्ट व्यक्ति के साथ क्षणभर भी न रुकें, न जाएँ,

श्लोक 110 (padma.1.49.110)

न तिष्ठेच्च क्षणं धीरो दीपच्छाये कलिद्रुमे। अस्पृश्यैस्सह चालापं पतितैः कुपितैः सह

na tiṣṭhecca kṣaṇaṁ dhīro dīpacchāye kalidrume aspṛśyaissaha cālāpaṁ patitaiḥ kupitaiḥ saha

और धीर पुरुष को दीपक की छाया में या अशुभ वृक्ष के नीचे क्षणभर भी नहीं रुकना चाहिए। अस्पृश्यों, पतितों और क्रोधितों के साथ वार्तालाप,

श्लोक 111 (padma.1.49.111)

न कुर्यात्क्षणमात्रं तु कृत्वा गच्छेच्च रौरवम्। कनिष्ठं नाभिवंदेत पितृव्यं मातुलं तथा

na kuryātkṣaṇamātraṁ tu kṛtvā gacchecca rauravam kaniṣṭhaṁ nābhivaṁdeta pitṛvyaṁ mātulaṁ tathā

क्षणमात्र के लिए भी नहीं करनी चाहिए; करने पर रौरव नरक में जाना पड़ता है। छोटे को पहले प्रणाम नहीं करना चाहिए; चाचा और मामा के प्रति,

श्लोक 112 (padma.1.49.112)

उत्थाय चासनं दद्यात्कृतांजल्यग्रतः स्थितः। तैलाभ्यक्तं तथोच्छिष्टमार्द्रवस्त्रं च रोगिणम्

utthāya cāsanaṁ dadyātkṛtāṁjalyagrataḥ sthitaḥ tailābhyaktaṁ tathocchiṣṭamārdravastraṁ ca rogiṇam

उठकर आसन देना चाहिए, हाथ जोड़कर सामने खड़ा होना चाहिए। जो तेल लगाए हो, जूठा हो, गीले वस्त्र में हो, रोगी हो,

श्लोक 113 (padma.1.49.113)

पारावारगतोद्विग्नं वहंतं नाभिवादयेत्। यज्ञस्यांतर्गतं नष्टं क्रीडंतं स्त्रीजनैः सह

pārāvāragatodvignaṁ vahaṁtaṁ nābhivādayet yajñasyāṁtargataṁ naṣṭaṁ krīḍaṁtaṁ strījanaiḥ saha

नदी पार करते हुए चिंतित हो, या बोझ ढो रहा हो — ऐसे व्यक्ति से अभिवादन न कराएँ। यज्ञ के भीतर रत, नष्ट/भ्रष्ट, स्त्रियों के साथ क्रीड़ारत,

श्लोक 114 (padma.1.49.114)

बालक्रीडागतं चापि पुष्पयुक्तं कुशैर्युतम्। शिरः प्रावृत्य कर्णौ वा अप्सु मुक्तशिखोपि वा

bālakrīḍāgataṁ cāpi puṣpayuktaṁ kuśairyutam śiraḥ prāvṛtya karṇau vā apsu muktaśikhopi vā

बालक्रीड़ा में लगा हुआ, पुष्पों से युक्त, कुशा से युक्त, सिर या कान ढका हुआ, या जल में शिखा खोले हुए,

श्लोक 115 (padma.1.49.115)

अकृत्वा पादयोः पूजां नाचामेद्दक्षिणामुखः। उपवीतविहीनश्च नग्नको मुक्तकच्छकः

akṛtvā pādayoḥ pūjāṁ nācāmeddakṣiṇāmukhaḥ upavītavihīnaśca nagnako muktakacchakaḥ

पैरों की पूजा (धुलाई) किए बिना, दक्षिणाभिमुख होकर आचमन नहीं करना चाहिए। यज्ञोपवीत-रहित, नग्न, वस्त्र खुला हुआ,

श्लोक 116 (padma.1.49.116)

एकवस्त्रपिधानश्च आचांतो नैव शुध्यति। मध्यमाभिर्मुखं पूर्वं तिसृभिः समुपस्पृशेत्

ekavastrapidhānaśca ācāṁto naiva śudhyati madhyamābhirmukhaṁ pūrvaṁ tisṛbhiḥ samupaspṛśet

एक ही वस्त्र से ढका हुआ — ऐसा व्यक्ति आचमन करने पर भी शुद्ध नहीं होता। मध्यमा उंगलियों से पहले मुख को तीन बार स्पर्श करे,

श्लोक 117 (padma.1.49.117)

अंगुष्ठदेशिनीभ्यां च नासां च तदनंतरम्। अंगुष्ठानामिकाभ्यां च चक्षुषी समुपस्पृशेत्

aṁguṣṭhadeśinībhyāṁ ca nāsāṁ ca tadanaṁtaram aṁguṣṭhānāmikābhyāṁ ca cakṣuṣī samupaspṛśet

अंगूठे और तर्जनी से नासिका को, उसके बाद अंगूठे और अनामिका से दोनों नेत्रों को स्पर्श करे,

श्लोक 118 (padma.1.49.118)

कनिष्ठांगुष्ठतश्श्रोत्रे नाभिमंगुष्ठकेन तु। तलेन हृदयं न्यस्य सर्वाभिर्मस्तकोपरि

kaniṣṭhāṁguṣṭhataśśrotre nābhimaṁguṣṭhakena tu talena hṛdayaṁ nyasya sarvābhirmastakopari

कनिष्ठा और अंगूठे से दोनों कानों को, केवल अंगूठे से नाभि को, हथेली से हृदय को, तथा सभी उंगलियों से मस्तक को,

श्लोक 119 (padma.1.49.119)

बाहूचाग्रेण संस्पृश्य ततः शुद्धो भवेन्नरः। अनेनाचमनं कृत्वा मानवः प्रयतो भवेत्

bāhūcāgreṇa saṁspṛśya tataḥ śuddho bhavennaraḥ anenācamanaṁ kṛtvā mānavaḥ prayato bhavet

और अंगुलियों के अग्रभाग से भुजाओं को स्पर्श करके मनुष्य शुद्ध होता है। इस प्रकार आचमन करके मनुष्य संयमी बन जाता है,

श्लोक 120 (padma.1.49.120)

सर्वपापैर्विनिर्मुक्तः स्वर्गं चाक्षयमश्नुते। प्राणस्त्रिपुटशृंग्या च व्यानोपानश्च मुद्रया

sarvapāpairvinirmuktaḥ svargaṁ cākṣayamaśnute prāṇastripuṭaśṛṁgyā ca vyānopānaśca mudrayā

समस्त पापों से मुक्त होकर अक्षय स्वर्ग प्राप्त करता है। प्राण त्रिपुट-मुद्रा से, तथा व्यान और अपान विशेष मुद्राओं से,

श्लोक 121 (padma.1.49.121)

समानस्तु समस्ताभिरुदानस्तर्जनीं विना। नागः कूर्मश्च कृकरो देवदत्तो धनंजयः

samānastu samastābhirudānastarjanīṁ vinā nāgaḥ kūrmaśca kṛkaro devadatto dhanaṁjayaḥ

समान सभी उंगलियों से, उदान तर्जनी को छोड़कर संतुष्ट होता है। नाग, कूर्म, कृकर, देवदत्त और धनंजय —

श्लोक 122 (padma.1.49.122)

उपप्रीणंतु ते प्रीता येभ्यो भूमौ प्रदीयते। शयनं चार्द्रपादेन शुष्कपादेन भोजनम्

upaprīṇaṁtu te prītā yebhyo bhūmau pradīyate śayanaṁ cārdrapādena śuṣkapādena bhojanam

ये सभी प्राण-वायु उस जल से प्रसन्न होते हैं जो भूमि पर अर्पित किया जाता है। गीले पैर से शयन, और सूखे पैर से भोजन (वर्जित है)।

श्लोक 123 (padma.1.49.123)

नांधकारे च शयनं भोजनं नैव कारयेत्। पश्चिमे दक्षिणे चैव न कुर्याद्दंतधावनम्

nāṁdhakāre ca śayanaṁ bhojanaṁ naiva kārayet paścime dakṣiṇe caiva na kuryāddaṁtadhāvanam

अंधकार में शयन और भोजन नहीं करना चाहिए। पश्चिम या दक्षिण दिशा में मुख करके दांतुन नहीं करनी चाहिए।

श्लोक 124 (padma.1.49.124)

उत्तरे पश्चिमे चैव न स्वपेद्धि कदाचन। स्वप्नादायुः क्षयं याति ब्रह्महा पुरुषो भवेत्

uttare paścime caiva na svapeddhi kadācana svapnādāyuḥ kṣayaṁ yāti brahmahā puruṣo bhavet

उत्तर या पश्चिम में सिर करके कभी नहीं सोना चाहिए। ऐसी नींद से आयु क्षीण होती है और मनुष्य ब्रह्महत्यारे के समान बन जाता है।

श्लोक 125 (padma.1.49.125)

न कुर्वीत ततः स्वप्नं शस्तं च पूर्वदक्षिणम्। आयुष्यं प्राङ्मुखो भुंक्तेऽयशस्यं दक्षिणामुखः

na kurvīta tataḥ svapnaṁ śastaṁ ca pūrvadakṣiṇam āyuṣyaṁ prāṅmukho bhuṁkte'yaśasyaṁ dakṣiṇāmukhaḥ

इसलिए ऐसी नींद नहीं लेनी चाहिए; पूर्व और दक्षिण की ओर सिर करके सोना प्रशस्त है। पूर्वाभिमुख होकर भोजन करने से आयु मिलती है, दक्षिणाभिमुख होकर करने से अपयश मिलता है,

श्लोक 126 (padma.1.49.126)

श्रियं प्रत्यङ्मुखो भुंक्ते यशो भुङ्क्त उदङ्मुखः। प्राच्यां नरो लभेदायुर्याम्यां प्रेतत्वमश्नुते

śriyaṁ pratyaṅmukho bhuṁkte yaśo bhuṅkta udaṅmukhaḥ prācyāṁ naro labhedāyuryāmyāṁ pretatvamaśnute

पश्चिमाभिमुख होकर भोजन करने से श्री (समृद्धि) मिलती है, उत्तराभिमुख होकर करने से यश मिलता है। पूर्व दिशा में मनुष्य आयु पाता है, दक्षिण दिशा में प्रेतत्व प्राप्त करता है,

श्लोक 127 (padma.1.49.127)

वारुणे च भवेद्रोगी आयुर्वित्तं तथोत्तरे। देवानामेकभुक्तं तु द्विभुक्तं स्यान्नरस्य च

vāruṇe ca bhavedrogī āyurvittaṁ tathottare devānāmekabhuktaṁ tu dvibhuktaṁ syānnarasya ca

पश्चिम दिशा में रोगी होता है, उत्तर दिशा में आयु और धन पाता है। देवताओं के लिए एक बार भोजन, मनुष्य के लिए दो बार भोजन उचित है,

श्लोक 128 (padma.1.49.128)

त्रिभुक्तं प्रेतदैत्यस्य चतुर्थं कौणपस्य तु। निरामिषं हविर्देवा मत्स्यमांसादि मानुषाः

tribhuktaṁ pretadaityasya caturthaṁ kauṇapasya tu nirāmiṣaṁ havirdevā matsyamāṁsādi mānuṣāḥ

तीन बार भोजन प्रेत-दैत्यों के लिए, चौथी बार भोजन पिशाचों के लिए है। देवता निरामिष हविष्य ग्रहण करते हैं, मनुष्य मछली-मांस आदि,

श्लोक 129 (padma.1.49.129)

पूतिपर्युषितं दुष्टमन्ये भुंजंत्यनावृताः। स्वर्गस्थितानामिह जीवलोके चत्वारि तेषां हृदये च संति

pūtiparyuṣitaṁ duṣṭamanye bhuṁjaṁtyanāvṛtāḥ svargasthitānāmiha jīvaloke catvāri teṣāṁ hṛdaye ca saṁti

सड़ा-बासी, दूषित भोजन अन्य निर्वस्त्र प्राणी खाते हैं। इस जीवलोक में स्वर्ग-स्थित लोगों के चार गुण उनके हृदय में विद्यमान होते हैं —

श्लोक 130 (padma.1.49.130)

दानं प्रशस्तं मधुरा च वाणी देवार्चनं ब्राह्मणतर्पणं च। कार्पण्यवृत्तिस्वजनेषु निंदा कुचेलता नीचजनेषु भक्तिः

dānaṁ praśastaṁ madhurā ca vāṇī devārcanaṁ brāhmaṇatarpaṇaṁ ca kārpaṇyavṛttisvajaneṣu niṁdā kucelatā nīcajaneṣu bhaktiḥ

प्रशस्त दान, मधुर वाणी, देव-अर्चन, और ब्राह्मण-तर्पण। तथा (विपरीत लक्षण) — अपने ही जनों के प्रति कृपणता, निंदा, फूहड़पन, और नीच लोगों के प्रति भक्ति,

श्लोक 131 (padma.1.49.131)

अतीव रोषः कटुका च वाणी नरस्य चिह्नं नरकागतस्य। नवनीतोपमा वाणी करुणा कोमलं मनः

atīva roṣaḥ kaṭukā ca vāṇī narasya cihnaṁ narakāgatasya navanītopamā vāṇī karuṇā komalaṁ manaḥ

अत्यंत क्रोध और कटु वाणी — यह नरकगामी मनुष्य के चिह्न हैं। मक्खन के समान वाणी, करुणा, कोमल मन —

श्लोक 132 (padma.1.49.132)

धर्मबीजप्रसूतानामेतत्प्रत्यक्ष लक्षणम्। दयादरिद्रहृदयं वचः क्रकच कर्कशम्

dharmabījaprasūtānāmetatpratyakṣa lakṣaṇam dayādaridrahṛdayaṁ vacaḥ krakaca karkaśam

यह धर्म-बीज से उत्पन्न लोगों का प्रत्यक्ष लक्षण है। दया-रहित हृदय, आरी के समान कर्कश वाणी —

श्लोक 133 (padma.1.49.133)

पापबीजप्रसूतानामेतत्प्रत्यक्ष लक्षणम्। श्रावयेच्छृणुयाद्वापि सदाचारादिकं नरः

pāpabījaprasūtānāmetatpratyakṣa lakṣaṇam śrāvayecchṛṇuyādvāpi sadācārādikaṁ naraḥ

यह पाप-बीज से उत्पन्न लोगों का प्रत्यक्ष लक्षण है। जो मनुष्य इस सदाचार आदि की कथा को सुनाता या सुनता है,

श्लोक 134 (padma.1.49.134)

आचारादेः फलं लब्ध्वा पापात्पूतोऽच्युतो दिवि

ācārādeḥ phalaṁ labdhvā pāpātpūto'cyuto divi

आचार आदि का फल पाकर, पाप से पवित्र होकर, स्वर्ग में अच्युत (अविनाशी) बन जाता है।