दक्षयज्ञविध्वंस

श्लोक 1 (padma.1.5.1)

भीष्म उवाच। कथं सती दक्षसुता देहं त्यक्तवती शुभा। दक्षयज्ञस्तु रुद्रेण विध्वस्तः केन हेतुना।

bhīṣma uvāca kathaṁ satī dakṣasutā dehaṁ tyaktavatī śubhā dakṣayajñastu rudreṇa vidhvastaḥ kena hetunā

भीष्म ने कहा — शुभ सती, दक्ष की पुत्री, ने किस प्रकार अपना शरीर त्यागा? और किस कारण से दक्ष का यज्ञ रुद्र द्वारा नष्ट किया गया?

श्लोक 2 (padma.1.5.2)

एतन्मे कौतुकं ब्रह्मन्कथं देवो महेश्वरः। जगामाथ क्रोधवशं त्रिपुरारिर्महायशाः।

etanme kautukaṁ brahmankathaṁ devo maheśvaraḥ jagāmātha krodhavaśaṁ tripurārirmahāyaśāḥ

हे ब्रह्मन्! मुझे यह जिज्ञासा है कि महायशस्वी त्रिपुरारि देव महेश्वर किस प्रकार क्रोध के वशीभूत हो गए।

श्लोक 3 (padma.1.5.3)

पुलस्त्य उवाच। गंगाद्वारे पुरा भीष्म दक्षो यज्ञमथारभत्। तत्र देवासुरगणाः पितरोथ महर्षयः।

pulastya uvāca gaṁgādvāre purā bhīṣma dakṣo yajñamathārabhat tatra devāsuragaṇāḥ pitarotha maharṣayaḥ

पुलस्त्य ने कहा — हे भीष्म! पूर्वकाल में गंगाद्वार में दक्ष ने यज्ञ आरम्भ किया। वहाँ देव-असुरगण, पितरगण तथा महर्षिगण,

श्लोक 4 (padma.1.5.4)

समाजग्मुर्मुदायुक्ताः सर्वे देवाः सवासवाः। नागा यक्षाः सुपर्णाश्च वीरुदोषधयस्तथा।

samājagmurmudāyuktāḥ sarve devāḥ savāsavāḥ nāgā yakṣāḥ suparṇāśca vīrudoṣadhayastathā

वासव सहित सभी देवगण प्रसन्नतापूर्वक एकत्र हुए। नाग, यक्ष, गरुड़गण तथा लताएँ-औषधियाँ भी।

श्लोक 5 (padma.1.5.5)

कश्यपो भगवानत्रिः पुलस्त्यः पुलहः क्रतुः। प्रचेतसोंगिराश्चैव वसिष्ठश्च महातपाः।

kaśyapo bhagavānatriḥ pulastyaḥ pulahaḥ kratuḥ pracetasoṁgirāścaiva vasiṣṭhaśca mahātapāḥ

भगवान् कश्यप, अत्रि, पुलस्त्य, पुलह, क्रतु, प्रचेतागण, अंगिरा तथा महातपस्वी वसिष्ठ —

श्लोक 6 (padma.1.5.6)

तत्र वेदीं समां कृत्वा चातुर्होत्रं न्यवेशयत्। होता वसिष्ठस्तत्रासीदंगिराध्वर्युसत्तमः।

tatra vedīṁ samāṁ kṛtvā cāturhotraṁ nyaveśayat hotā vasiṣṭhastatrāsīdaṁgirādhvaryusattamaḥ

वहाँ समतल वेदी बनाकर चार होताओं की स्थापना की गई। वहाँ वसिष्ठ होता थे, और अंगिरा श्रेष्ठ अध्वर्यु थे,

श्लोक 7 (padma.1.5.7)

बृहस्पतिरथोद्गाता ब्रह्मा वै नारदस्तथा। यज्ञकर्मप्रवृत्तौ तु हूयमानेषु चाग्निषु।

bṛhaspatirathodgātā brahmā vai nāradastathā yajñakarmapravṛttau tu hūyamāneṣu cāgniṣu

बृहस्पति उद्गाता थे, और नारद ब्रह्मा (चौथे होता) थे। यज्ञ-कर्म के आरम्भ होने पर, अग्नियों में आहुतियाँ दी जाने लगीं।

श्लोक 8 (padma.1.5.8)

आगता वसवः सर्व आदित्या द्वादशैव तु। अश्विनौ मरुतश्चैव मनवश्च चतुर्दश।

āgatā vasavaḥ sarva ādityā dvādaśaiva tu aśvinau marutaścaiva manavaśca caturdaśa

सभी वसुगण, बारहों आदित्य, दोनों अश्विनीकुमार, मरुद्गण तथा चौदह मनु आए।

श्लोक 9 (padma.1.5.9)

एवं यज्ञे प्रवृत्ते तु हूयमानेषु चाग्निषु। विभूतिं तां परां तत्र भक्ष्यभोज्यकृतां शुभाम्।

evaṁ yajñe pravṛtte tu hūyamāneṣu cāgniṣu vibhūtiṁ tāṁ parāṁ tatra bhakṣyabhojyakṛtāṁ śubhām

इस प्रकार यज्ञ चलने पर, अग्नियों में आहुतियाँ दी जाने पर, वहाँ भक्ष्य-भोज्य से युक्त वह परम शुभ विभूति,

श्लोक 10 (padma.1.5.10)

आलोक्य सर्वतो भूमिं समंताद्दशयोजनम्। महावेदी कृता तत्र सर्वैस्तत्र समन्वितैः।

ālokya sarvato bhūmiṁ samaṁtāddaśayojanam mahāvedī kṛtā tatra sarvaistatra samanvitaiḥ

चारों ओर दस योजन तक भूमि को देखकर, वहाँ उन सबने मिलकर एक विशाल वेदी बनाई।

श्लोक 11 (padma.1.5.11)

सर्वान्देवान्शक्रमुख्यान्यज्ञे दृष्ट्वा सती शुभा। तदासानुनयं वाक्यं प्रजापतिमभाषत।

sarvāndevānśakramukhyānyajñe dṛṣṭvā satī śubhā tadāsānunayaṁ vākyaṁ prajāpatimabhāṣata

यज्ञ में शक्र आदि सभी देवताओं को देखकर, शुभ सती ने तब प्रजापति (दक्ष) से विनम्र वचन कहे।

श्लोक 12 (padma.1.5.12)

सत्युवाच। ऐरावतं समारूढो देवराजः शतक्रतुः। पत्न्या शच्या सहायातः कृतावासः शतक्रतुः।

satyuvāca airāvataṁ samārūḍho devarājaḥ śatakratuḥ patnyā śacyā sahāyātaḥ kṛtāvāsaḥ śatakratuḥ

सती ने कहा — ऐरावत पर सवार, अपनी पत्नी शची के साथ आए हुए, देवराज शतक्रतु ने यहाँ निवास किया है।

श्लोक 13 (padma.1.5.13)

पापानां यो यमयिता धर्मेणाधर्मिणां प्रभुः। पत्न्या धूमोर्णया सार्द्धमिहायातः स दृश्यते।

pāpānāṁ yo yamayitā dharmeṇādharmiṇāṁ prabhuḥ patnyā dhūmorṇayā sārddhamihāyātaḥ sa dṛśyate

जो पापियों को धर्मानुसार दण्ड देने वाले, अधर्मियों के भी स्वामी हैं, वे (यम) अपनी पत्नी धूमोर्णा के साथ यहाँ आए हुए दिखाई दे रहे हैं।

श्लोक 14 (padma.1.5.14)

यादसां च पतिर्द्देवो वरुणो लोकभावनः। गौर्य्या पत्न्या सहायातः प्रचेता मंडपे त्विह।

yādasāṁ ca patirddevo varuṇo lokabhāvanaḥ gauryyā patnyā sahāyātaḥ pracetā maṁḍape tviha

जलचरों के स्वामी, लोकों के पालक वरुण देव, प्रचेता, अपनी पत्नी गौरी के साथ यहाँ मण्डप में आए हैं।

श्लोक 15 (padma.1.5.15)

सर्वयक्षाधिपो देवः पुत्रो विश्रवसो मुनेः। पत्न्या त्विह समायातः सह देव्या धनाधिपः।

sarvayakṣādhipo devaḥ putro viśravaso muneḥ patnyā tviha samāyātaḥ saha devyā dhanādhipaḥ

सभी यक्षों के स्वामी, मुनि विश्रवा के पुत्र, धनाधिपति (कुबेर) भी अपनी देवी पत्नी सहित यहाँ आए हैं।

श्लोक 16 (padma.1.5.16)

मुखं यः सर्वदेवानां जंतूनामुदरे स्थितः। वेदा यदर्थमुत्पन्नास्सोयं यज्ञमुपागतः।

mukhaṁ yaḥ sarvadevānāṁ jaṁtūnāmudare sthitaḥ vedā yadarthamutpannāssoyaṁ yajñamupāgataḥ

जो सभी देवताओं का मुख हैं, जो समस्त प्राणियों के उदर में स्थित हैं, जिनके लिए वेद उत्पन्न हुए, वे अग्निदेव यज्ञ में पधारे हैं।

श्लोक 17 (padma.1.5.17)

निऋती राक्षसेन्द्रोऽसौ दिक्पतित्वे नियोजितः। स च त्विहागतस्तात पत्न्या सार्द्धं क्रताविह।

niṛtī rākṣasendro'sau dikpatitve niyojitaḥ sa ca tvihāgatastāta patnyā sārddhaṁ kratāviha

राक्षसों के स्वामी वह निर्ऋति, जो दिक्पालत्व में नियुक्त हैं, हे तात! वे भी यहाँ अपनी पत्नी के साथ यज्ञ में आए हैं।

श्लोक 18 (padma.1.5.18)

आयुःप्रदो जगत्यस्मिन्ब्रह्मणा निर्मितः पुरा। प्राणोपानोव्यानउदानस्समानाह्वयस्तथा।

āyuḥprado jagatyasminbrahmaṇā nirmitaḥ purā prāṇopānovyānaudānassamānāhvayastathā

संसार में आयु प्रदान करने वाले, प्राचीनकाल में ब्रह्मा द्वारा रचे गए, प्राण-अपान-व्यान-उदान-समान नामधारी (वायुदेव) —

श्लोक 19 (padma.1.5.19)

एकोनपंचाशत्केन गणेन परिवारितः। यज्ञे प्रजापतिश्चासौ वायुर्देवःसमागतः।

ekonapaṁcāśatkena gaṇena parivāritaḥ yajñe prajāpatiścāsau vāyurdevaḥsamāgataḥ

उनचास (मरुद्गणों) से घिरे हुए, प्रजापति-स्वरूप वायुदेव भी यज्ञ में पधारे हैं।

श्लोक 20 (padma.1.5.20)

द्वादशात्मा ग्रहाध्यक्षःचक्षुषी जगतस्त्विह। पाति वै भुवनं सर्वं देवानां यः परायणः।

dvādaśātmā grahādhyakṣaḥcakṣuṣī jagatastviha pāti vai bhuvanaṁ sarvaṁ devānāṁ yaḥ parāyaṇaḥ

बारह रूप वाले, ग्रहों के अधिपति, जगत् के नेत्रस्वरूप, जो देवताओं के परम आश्रय होकर सम्पूर्ण भुवन की रक्षा करते हैं —

श्लोक 21 (padma.1.5.21)

आयुषश्च वनानां च दिवसानां पतिर्हि यः। संज्ञा पतिरिहायातो भास्करो लोकपावनः।

āyuṣaśca vanānāṁ ca divasānāṁ patirhi yaḥ saṁjñā patirihāyāto bhāskaro lokapāvanaḥ

आयु के, वनों के और दिनों के स्वामी — संज्ञा के पति, लोकपावन भास्कर (सूर्य) यहाँ आए हैं।

श्लोक 22 (padma.1.5.22)

अत्रिवंशसमुद्भूतो द्विजराजो महायशाः। नयनानंदजननो लोकनाथो धरातले।

atrivaṁśasamudbhūto dvijarājo mahāyaśāḥ nayanānaṁdajanano lokanātho dharātale

अत्रिवंश में उत्पन्न, महायशस्वी द्विजराज (चन्द्रमा), नेत्रों को आनन्द देने वाले, पृथ्वी पर लोकनाथ —

श्लोक 23 (padma.1.5.23)

ओषधीनां पतिश्चापि वीरुधामपि सर्वशः। उडुनाथः सपत्नीक इहायातः शशी तव।

oṣadhīnāṁ patiścāpi vīrudhāmapi sarvaśaḥ uḍunāthaḥ sapatnīka ihāyātaḥ śaśī tava

औषधियों और सभी लताओं के भी स्वामी, नक्षत्रों के अधिपति, तुम्हारे दामाद वे चन्द्रमा अपनी पत्नियों सहित यहाँ आए हैं।

श्लोक 24 (padma.1.5.24)

वसवोष्टौ समायाता अश्विनौ च समागतौ। वृक्षो वनस्पतिश्चापि गन्धर्वाप्सरसां गणाः।

vasavoṣṭau samāyātā aśvinau ca samāgatau vṛkṣo vanaspatiścāpi gandharvāpsarasāṁ gaṇāḥ

आठों वसु आ गए, दोनों अश्विनीकुमार भी आए। वृक्ष, वनस्पति, तथा गन्धर्व-अप्सराओं के समूह भी आए।

श्लोक 25 (padma.1.5.25)

विद्याधरा भूतसंघा वेताला यक्षराक्षसाः। पिशाचाश्चोग्रकर्माणस्तथान्ये जीवहारकाः।

vidyādharā bhūtasaṁghā vetālā yakṣarākṣasāḥ piśācāścograkarmāṇastathānye jīvahārakāḥ

विद्याधर, भूतगण, वेताल, यक्ष-राक्षस, उग्रकर्मा पिशाच तथा अन्य प्राण-हरण करने वाले प्राणी भी।

श्लोक 26 (padma.1.5.26)

नद्यो नदाः समुद्राश्च द्वीपाश्च सह पर्वतैः। ग्राम्यारण्याश्च पशवो यदिङ्गं यच्च नेङ्गति।

nadyo nadāḥ samudrāśca dvīpāśca saha parvataiḥ grāmyāraṇyāśca paśavo yadiṅgaṁ yacca neṅgati

नदियाँ, नद, समुद्र, पर्वतों सहित द्वीप, ग्रामीण एवं वन्य पशु — जो भी चर और अचर हैं, सभी आए।

श्लोक 27 (padma.1.5.27)

कश्यपो भगवानत्रिर्वसिष्ठश्चापरैः सह। पुलस्त्यः पुलहश्चैव सनकाद्या महर्षयः।

kaśyapo bhagavānatrirvasiṣṭhaścāparaiḥ saha pulastyaḥ pulahaścaiva sanakādyā maharṣayaḥ

भगवान् कश्यप, अत्रि, वसिष्ठ अन्य ऋषियों सहित, पुलस्त्य, पुलह तथा सनक आदि महर्षिगण —

श्लोक 28 (padma.1.5.28)

पुण्या राजर्षयश्चैव पृथिव्यां ये च पार्थिवाः। वर्णाश्चाश्रमिणश्चैव सर्वे ये कर्मकारिणः।

puṇyā rājarṣayaścaiva pṛthivyāṁ ye ca pārthivāḥ varṇāścāśramiṇaścaiva sarve ye karmakāriṇaḥ

पुण्यात्मा राजर्षिगण, तथा पृथ्वी के सभी राजा, चारों वर्ण और आश्रमों के लोग, सभी कर्मकाण्डी —

श्लोक 29 (padma.1.5.29)

किमत्र बहुनोक्तेन ब्राह्मी सृष्टिरिहागता। भगिन्यो भागिनेयाश्च भगिनीपतयस्त्विमे।

kimatra bahunoktena brāhmī sṛṣṭirihāgatā bhaginyo bhāgineyāśca bhaginīpatayastvime

अधिक कहने से क्या लाभ? ब्रह्मा की समस्त सृष्टि यहाँ आ चुकी है। मेरी बहनें, बहनों के पुत्र तथा ये बहनों के पति —

श्लोक 30 (padma.1.5.30)

स्वभार्यासहिताः सर्वे सपुत्रास्सह बांधवाः। त्वया समर्चिताः सर्वे दानमानपरिग्रहैः।

svabhāryāsahitāḥ sarve saputrāssaha bāṁdhavāḥ tvayā samarcitāḥ sarve dānamānaparigrahaiḥ

सभी अपनी-अपनी पत्नियों, पुत्रों तथा बन्धुओं सहित आए हैं। आपने दान-मान-सत्कार से सबका आदर किया है।

श्लोक 31 (padma.1.5.31)

आमंत्रणा मंत्रितानां सर्वेषां मानना कृता। एक एवात्र भगवान्पतिर्मे न समागतः।

āmaṁtraṇā maṁtritānāṁ sarveṣāṁ mānanā kṛtā eka evātra bhagavānpatirme na samāgataḥ

आमंत्रित सभी जनों का न्यौता और सम्मान किया गया है — केवल एक भगवान्, मेरे पति ही यहाँ नहीं आए हैं।

श्लोक 32 (padma.1.5.32)

विना तेन त्विदं सर्वं शून्यवत्प्रतिभाति मे। मन्ये चाहं तु भवता पतिर्मे न निमंत्रितः।

vinā tena tvidaṁ sarvaṁ śūnyavatpratibhāti me manye cāhaṁ tu bhavatā patirme na nimaṁtritaḥ

उनके बिना यह सब कुछ मुझे शून्य के समान प्रतीत होता है। मुझे लगता है कि आपने मेरे पति को आमंत्रित ही नहीं किया।

श्लोक 33 (padma.1.5.33)

विस्मृतस्ते भवेन्नूनं सर्वं शंसतु मे भवान्। पुलस्य उवाच। तस्यास्तदुक्तं वचनं श्रुत्वा दक्षः प्रजापतिः।

vismṛtaste bhavennūnaṁ sarvaṁ śaṁsatu me bhavān pulasya uvāca tasyāstaduktaṁ vacanaṁ śrutvā dakṣaḥ prajāpatiḥ

निश्चय ही आप भूल गए होंगे — आप मुझे सब कुछ सत्य-सत्य बताइए। पुलस्त्य ने कहा — उसके इस वचन को सुनकर प्रजापति दक्ष ने,

श्लोक 34 (padma.1.5.34)

पतिस्नेह समायुक्तां प्राणेभ्योपि गरीयसीम्। अंकमारोप्य तां बालां साध्वीं पतिपरायणाम्।

patisneha samāyuktāṁ prāṇebhyopi garīyasīm aṁkamāropya tāṁ bālāṁ sādhvīṁ patiparāyaṇām

पति के प्रति स्नेह से युक्त, अपने प्राणों से भी अधिक प्रिय, उस साध्वी पतिपरायणा बालिका को गोद में बिठाकर,

श्लोक 35 (padma.1.5.35)

पतिव्रतां महाभागां पतिप्रियहितैषिणीम्। प्राह गंभीरभावेन शृणु वत्से यथातथम्।

pativratāṁ mahābhāgāṁ patipriyahitaiṣiṇīm prāha gaṁbhīrabhāvena śṛṇu vatse yathātatham

पतिव्रता, महाभागा, पति के प्रिय-हित की कामना करने वाली उस पुत्री से गम्भीर भाव से बोले — हे वत्से! यथार्थ सुनो।

श्लोक 36 (padma.1.5.36)

येनाद्य कारणेनेह पतिस्ते न निमंत्रितः। कपालपात्रधृक्चर्मी भस्मावृत तनुस्तथा।

yenādya kāraṇeneha patiste na nimaṁtritaḥ kapālapātradhṛkcarmī bhasmāvṛta tanustathā

जिस कारण से तुम्हारे पति को आज यहाँ आमंत्रित नहीं किया गया, वह यह है — वे कपाल-पात्र और मृगचर्म धारण करते हैं, भस्म से आवृत शरीर वाले हैं।

श्लोक 37 (padma.1.5.37)

शूली मुण्डी च नग्नश्च श्मशाने रमते सदा। विभूत्याङ्गानि सर्वाणि परिमार्ष्टि च नित्यशः।

śūlī muṇḍī ca nagnaśca śmaśāne ramate sadā vibhūtyāṅgāni sarvāṇi parimārṣṭi ca nityaśaḥ

त्रिशूलधारी, मुण्डित शिर वाले और नग्न, वे सदा श्मशान में रमण करते हैं। नित्य ही अपने समस्त अंगों में विभूति मलते रहते हैं।

श्लोक 38 (padma.1.5.38)

व्याघ्रचर्मपरीधानो हस्तिचर्मपरिच्छदः। कपालमालं शिरसि खट्वागं च करे स्थितं।

vyāghracarmaparīdhāno hasticarmaparicchadaḥ kapālamālaṁ śirasi khaṭvāgaṁ ca kare sthitaṁ

व्याघ्रचर्म धारण किए, हाथी के चर्म से आच्छादित, सिर पर कपालों की माला, हाथ में खट्वांग धारण किए हुए,

श्लोक 39 (padma.1.5.39)

कट्यां वै गोनसं बध्वा लिंगेऽस्थ्नां वलयं तथा। पन्नगानां तु राजानमुपवीतं च वासुकिम्।

kaṭyāṁ vai gonasaṁ badhvā liṁge'sthnāṁ valayaṁ tathā pannagānāṁ tu rājānamupavītaṁ ca vāsukim

कमर में बड़े सर्प को बाँधकर, लिंग पर हड्डियों का वलय धारण किए, सर्पराज वासुकि को यज्ञोपवीत बनाकर,

श्लोक 40 (padma.1.5.40)

कृत्वा भ्रमति चानेन रूपेण सततं क्षितौ। नग्ना गणाः पिशाचाश्च भूतसंघा ह्यनेकशः।

kṛtvā bhramati cānena rūpeṇa satataṁ kṣitau nagnā gaṇāḥ piśācāśca bhūtasaṁghā hyanekaśaḥ

इसी रूप में वे निरन्तर पृथ्वी पर विचरण करते रहते हैं — नग्न गणों, पिशाचों और अनेकों भूत-समूहों के साथ।

श्लोक 41 (padma.1.5.41)

त्रिनेत्रश्च त्रिशूली च गीतनृत्यरतस्सदा। कुत्सितानि तथान्यानि सदा ते कुरुते पतिः।

trinetraśca triśūlī ca gītanṛtyaratassadā kutsitāni tathānyāni sadā te kurute patiḥ

त्रिनेत्रधारी, त्रिशूलधारी, सदा गीत-नृत्य में रत — तुम्हारे पति सदा इसी प्रकार के अन्य निन्दनीय कार्य करते रहते हैं।

श्लोक 42 (padma.1.5.42)

त्रपाकरो भवेन्मह्यं देवानां संनिधिः कथं। कीदृक्च वसनं तस्य केतनं प्रति नार्हति।

trapākaro bhavenmahyaṁ devānāṁ saṁnidhiḥ kathaṁ kīdṛkca vasanaṁ tasya ketanaṁ prati nārhati

वे मेरे लिए लज्जा का कारण होंगे — देवताओं के मध्य उनकी उपस्थिति कैसे शोभा देगी? उनका वेश भी किसी आदरणीय स्थान के योग्य नहीं है।

श्लोक 43 (padma.1.5.43)

एतैर्दोषैर्मया वत्से लोकानां चैव लज्जया। नाह्वानं तु कृतं तस्य कारणेन मया सुते।

etairdoṣairmayā vatse lokānāṁ caiva lajjayā nāhvānaṁ tu kṛtaṁ tasya kāraṇena mayā sute

हे वत्से! इन्हीं दोषों के कारण और लोक-लज्जा के भय से, हे पुत्री! मैंने इसी कारण उन्हें आमंत्रित नहीं किया।

श्लोक 44 (padma.1.5.44)

यज्ञस्यास्य समाप्तौ तु पूजां कृत्वा त्वया सह। आनीय तव भर्त्तारं त्वया सह त्रिलोचनम्।

yajñasyāsya samāptau tu pūjāṁ kṛtvā tvayā saha ānīya tava bharttāraṁ tvayā saha trilocanam

इस यज्ञ की समाप्ति पर, तुम्हारे साथ पूजा करके, तुम्हारे उन त्रिलोचन पति को यहाँ लाकर,

श्लोक 45 (padma.1.5.45)

त्रैलोक्यस्याधिकां पूजां करिष्यामि च सत्कृतैः। एतत्ते सर्वमाख्यातं त्रपायाः कारणं महत्।

trailokyasyādhikāṁ pūjāṁ kariṣyāmi ca satkṛtaiḥ etatte sarvamākhyātaṁ trapāyāḥ kāraṇaṁ mahat

मैं त्रिलोक से भी अधिक पूजा उचित सत्कारों के साथ करूँगा। यह तुम्हें मेरी लज्जा का सम्पूर्ण महत् कारण बता दिया।

श्लोक 46 (padma.1.5.46)

नात्र मन्युस्त्वया कार्यः सर्वः स्वं भागमर्हति। अन्यजन्मनि यैर्यादृक्कृतं कर्म शुभाशुभम्।

nātra manyustvayā kāryaḥ sarvaḥ svaṁ bhāgamarhati anyajanmani yairyādṛkkṛtaṁ karma śubhāśubham

इसमें तुम्हें क्रोध नहीं करना चाहिए — प्रत्येक व्यक्ति अपने ही भाग का अधिकारी होता है। जिसने अन्य जन्म में जैसा शुभ-अशुभ कर्म किया,

श्लोक 47 (padma.1.5.47)

इह जन्मनि ते तादृक्पुत्रिके भुंजते फलम्। परितापं मा कृथास्त्वं फलं भुंक्ष्व पुराकृतम्।

iha janmani te tādṛkputrike bhuṁjate phalam paritāpaṁ mā kṛthāstvaṁ phalaṁ bhuṁkṣva purākṛtam

इस जन्म में, हे पुत्री! वह वैसा ही फल भोगता है। तुम संताप मत करो — पूर्वकृत कर्म का फल भोगो।

श्लोक 48 (padma.1.5.48)

श्रियं परगतां दृष्ट्वा रूपसौभाग्यशोभनाम्। रूपं च कांतिसौभाग्यं रम्याण्याभरणानि च।

śriyaṁ paragatāṁ dṛṣṭvā rūpasaubhāgyaśobhanām rūpaṁ ca kāṁtisaubhāgyaṁ ramyāṇyābharaṇāni ca

दूसरे की सम्पत्ति को देखकर, जो रूप और सौभाग्य से सुशोभित है — रूप, कान्ति, सौभाग्य तथा सुन्दर आभूषण,

श्लोक 49 (padma.1.5.49)

कुलेमहतिवैजन्मवपुश्चातीवसुंदरम्। पूर्वभाग्यैस्तु लभ्यंते नरैरेतानि सुव्रते।

kulemahativaijanmavapuścātīvasuṁdaram pūrvabhāgyaistu labhyaṁte narairetāni suvrate

उत्तम कुल में जन्म तथा अत्यन्त सुन्दर शरीर — हे सुव्रते! ये सब मनुष्यों को पूर्वजन्म के भाग्य से ही प्राप्त होते हैं।

श्लोक 50 (padma.1.5.50)

मात्मानं परिनिंदेथामाच भाग्यानि सुव्रते। फलं चैवं विधिकृतं दातुं कस्य तु कः क्षमः।

mātmānaṁ pariniṁdethāmāca bhāgyāni suvrate phalaṁ caivaṁ vidhikṛtaṁ dātuṁ kasya tu kaḥ kṣamaḥ

हे सुव्रते! अपने आप को अथवा अपने भाग्य को दोष मत दो। और विधि द्वारा निर्धारित फल को देने में कौन समर्थ है?

श्लोक 51 (padma.1.5.51)

नास्ति वै बलवान्कश्चिन्नमूढो न च पंडितः। पांडित्यं च बलं चैव जायते पूर्वकर्मणः।

nāsti vai balavānkaścinnamūḍho na ca paṁḍitaḥ pāṁḍityaṁ ca balaṁ caiva jāyate pūrvakarmaṇaḥ

न कोई स्वभावतः बलवान् है, न कोई मूर्ख और न कोई पण्डित। पाण्डित्य और बल दोनों ही पूर्वकर्म से उत्पन्न होते हैं।

श्लोक 52 (padma.1.5.52)

एते देवा दिवं प्राप्ताः शोभमानाः स्थिताश्चिरम्। पुण्येन तपसा चैव क्षेत्रेषुविविधेषुच।

ete devā divaṁ prāptāḥ śobhamānāḥ sthitāściram puṇyena tapasā caiva kṣetreṣuvividheṣuca

ये देवगण स्वर्ग को प्राप्त होकर दीर्घकाल तक शोभायमान होकर वहाँ स्थित हैं — पुण्य से, तप से, तथा विविध तीर्थों से।

श्लोक 53 (padma.1.5.53)

यदेभिरार्जितं पुण्यं तस्यैते फलभागिनः। एवमुक्ता ततः सा तु सती भीष्मरुषान्विता।

yadebhirārjitaṁ puṇyaṁ tasyaite phalabhāginaḥ evamuktā tataḥ sā tu satī bhīṣmaruṣānvitā

जो पुण्य इनके द्वारा अर्जित किया गया, उसी के ये फल-भागी हैं। इस प्रकार कहे जाने पर, सती अत्यन्त क्रोध से भरकर,

श्लोक 54 (padma.1.5.54)

विनिंदमाना पितरं क्रोधेनारुणितेक्षणा। एवमेतद्यथा तात त्वया चोक्तं ममाग्रतः।

viniṁdamānā pitaraṁ krodhenāruṇitekṣaṇā evametadyathā tāta tvayā coktaṁ mamāgrataḥ

क्रोध से लाल हुए नेत्रों से अपने पिता की निन्दा करते हुए बोलीं — हे तात! यह वैसा ही है, जैसा आपने मेरे सम्मुख कहा है।

श्लोक 55 (padma.1.5.55)

सर्वो जनः पुण्यभागी पुण्येन लभते श्रियं। पुण्येन लभते जन्म पुण्ये भोगाः प्रतिष्ठिताः।

sarvo janaḥ puṇyabhāgī puṇyena labhate śriyaṁ puṇyena labhate janma puṇye bhogāḥ pratiṣṭhitāḥ

सभी मनुष्य पुण्य के भागी हैं; पुण्य से ही सम्पत्ति प्राप्त होती है; पुण्य से ही जन्म प्राप्त होता है; भोग पुण्य में ही प्रतिष्ठित हैं।

श्लोक 56 (padma.1.5.56)

तदयं जगतामीशः सर्वेषामुत्तमोत्तमः। स्थानान्येतानि सर्वेषां दत्तान्येतेन धीमता।

tadayaṁ jagatāmīśaḥ sarveṣāmuttamottamaḥ sthānānyetāni sarveṣāṁ dattānyetena dhīmatā

अतः यह जगत् के स्वामी, सबसे श्रेष्ठतम, इस बुद्धिमान् ने ही सबको उनके-उनके स्थान प्रदान किए हैं।

श्लोक 57 (padma.1.5.57)

ये गुणास्तस्य देवस्य वक्तुं जिह्वापि वेधसः। न शक्ता ख्यापने तस्य देवस्य परमेष्ठिनः।

ye guṇāstasya devasya vaktuṁ jihvāpi vedhasaḥ na śaktā khyāpane tasya devasya parameṣṭhinaḥ

उस देव के जो गुण हैं, उन्हें कहने में स्वयं विधाता की जिह्वा भी उस परमेष्ठी देव का पूर्ण वर्णन करने में समर्थ नहीं है।

श्लोक 58 (padma.1.5.58)

भस्मास्थि च कपालानि श्मशाने वसतिस्तथा। गोनसाद्याश्च ये सर्पाः सर्वे ते भूषणीकृताः।

bhasmāsthi ca kapālāni śmaśāne vasatistathā gonasādyāśca ye sarpāḥ sarve te bhūṣaṇīkṛtāḥ

भस्म, हड्डियाँ और कपाल, तथा श्मशान में निवास, बड़े सर्प आदि जो भी सर्प हैं — इन सबको उन्होंने आभूषण बना लिया है।

श्लोक 59 (padma.1.5.59)

भूतप्रेतगणास्तस्य पिशाचा गुह्यकास्तथा। एष धाता विधाता च एष पालयिता दिशः।

bhūtapretagaṇāstasya piśācā guhyakāstathā eṣa dhātā vidhātā ca eṣa pālayitā diśaḥ

भूत-प्रेत गण, पिशाच तथा गुह्यक भी उन्हीं के हैं। यही धाता और विधाता हैं, यही दिशाओं के पालक हैं।

श्लोक 60 (padma.1.5.60)

प्रसादेन च रुद्रस्य प्राप्तस्वर्गः पुरंदरः। यदि रुद्रेस्ति देवत्वं यदि सर्वगतः शिवः।

prasādena ca rudrasya prāptasvargaḥ puraṁdaraḥ yadi rudresti devatvaṁ yadi sarvagataḥ śivaḥ

रुद्र की ही कृपा से इन्द्र को स्वर्ग प्राप्त हुआ। यदि रुद्र में देवत्व है, यदि शिव सर्वव्यापी हैं,

श्लोक 61 (padma.1.5.61)

सत्येन तेन ते यज्ञं विध्वंसयतु शंकरः। यद्यस्ति मे तपः किंचित्कश्चिद्धर्मोथवा कृतः।

satyena tena te yajñaṁ vidhvaṁsayatu śaṁkaraḥ yadyasti me tapaḥ kiṁcitkaściddharmothavā kṛtaḥ

तो उसी सत्य से शंकर तुम्हारे इस यज्ञ को नष्ट कर दें! यदि मुझमें कुछ भी तप है, अथवा मैंने कोई धर्म आचरण किया है,

श्लोक 62 (padma.1.5.62)

फलेन तस्य धर्मस्य यज्ञस्ते नाशमर्हति। प्रियाहं यदि देवस्य यदि मां तारयिष्यति।

phalena tasya dharmasya yajñaste nāśamarhati priyāhaṁ yadi devasya yadi māṁ tārayiṣyati

तो उस धर्म के फल से तुम्हारा यह यज्ञ विनाश के योग्य हो। यदि मैं उस देव को प्रिय हूँ, यदि वे मुझे तार देंगे,

श्लोक 63 (padma.1.5.63)

तेन सत्येन ते गर्वः समाप्तिमभिगच्छतु। इत्युक्त्वा योगमास्थाय स्वदेहस्थेन तेजसा।

tena satyena te garvaḥ samāptimabhigacchatu ityuktvā yogamāsthāya svadehasthena tejasā

तो उसी सत्य से तुम्हारा यह अभिमान समाप्त हो जाए! ऐसा कहकर, योग का आश्रय लेकर, अपने शरीर में स्थित तेज से,

श्लोक 64 (padma.1.5.64)

निर्ददाह तदात्मानं सदेवासुरपन्नगैः। किंकिमेतदिति प्रोक्ते गंधर्वगणगुह्यकैः।

nirdadāha tadātmānaṁ sadevāsurapannagaiḥ kiṁkimetaditi prokte gaṁdharvagaṇaguhyakaiḥ

उन्होंने देवों, असुरों तथा नागों के देखते-देखते अपने आप को भस्म कर दिया। गन्धर्वगण और गुह्यकों के 'यह क्या-क्या हुआ' कहते ही,

श्लोक 65 (padma.1.5.65)

गंगाकूले तदा मुक्तो देहो वै क्रुद्धया तया। सौनकं नाम तत्तीर्थं गंगायाः पश्चिमे तटे।

gaṁgākūle tadā mukto deho vai kruddhayā tayā saunakaṁ nāma tattīrthaṁ gaṁgāyāḥ paścime taṭe

उस क्रोधित सती का शरीर तब गंगा के तट पर त्याग दिया गया। वह तीर्थ गंगा के पश्चिमी तट पर 'सौनक' नाम से प्रसिद्ध है।

श्लोक 66 (padma.1.5.66)

श्रुत्वा रुद्रस्तु तद्वार्त्तां पत्न्यानाश सुदुःखितः। हंतुं यज्ञं धीरभवत्देवानामिह पश्यताम्।

śrutvā rudrastu tadvārttāṁ patnyānāśa suduḥkhitaḥ haṁtuṁ yajñaṁ dhīrabhavatdevānāmiha paśyatām

यह समाचार सुनकर रुद्र अपनी पत्नी के लिए अत्यन्त दुःखी हो गए, और देवताओं के देखते-देखते यज्ञ को नष्ट करने के लिए दृढ़ निश्चयी हो गए।

श्लोक 67 (padma.1.5.67)

गणकोटिः समादिष्टा ग्रहा वैनायकास्तथा। भूतप्रेतपिशाचाश्च दक्षयज्ञ विनाशने।

gaṇakoṭiḥ samādiṣṭā grahā vaināyakāstathā bhūtapretapiśācāśca dakṣayajña vināśane

करोड़ों गणों को आदेश दिया गया, ग्रह तथा गणेश के गणों को भी, भूत-प्रेत-पिशाचों को भी, दक्ष के यज्ञ का विनाश करने हेतु।

श्लोक 68 (padma.1.5.68)

तैर्गत्वा विबुधास्सर्वे यज्ञे निर्जित्य नाशिताः। हते यज्ञे तदा दक्षो निरुत्साहो निरुद्यमः।

tairgatvā vibudhāssarve yajñe nirjitya nāśitāḥ hate yajñe tadā dakṣo nirutsāho nirudyamaḥ

वे जाकर यज्ञ में सभी देवताओं को परास्त कर विनष्ट कर दिए। यज्ञ के नष्ट होने पर दक्ष उत्साहहीन और निरुद्यम हो गए,

श्लोक 69 (padma.1.5.69)

उपगम्याब्रवीत्त्रस्तो देवदेवं पिनाकिनम्। न ज्ञातोसि मया देव देवानां प्रभुरीश्वरः।

upagamyābravīttrasto devadevaṁ pinākinam na jñātosi mayā deva devānāṁ prabhurīśvaraḥ

और भयभीत होकर देवाधिदेव पिनाकधारी शिव के पास जाकर बोले — हे देव! मैं आपको देवताओं का प्रभु और ईश्वर नहीं जान सका।

श्लोक 70 (padma.1.5.70)

त्वमस्य जगतोधीशः सुरास्सर्वे त्वया जिताः। कृपां कुरु महेशान गणान्सर्वान्निवर्त्तय।

tvamasya jagatodhīśaḥ surāssarve tvayā jitāḥ kṛpāṁ kuru maheśāna gaṇānsarvānnivarttaya

आप ही इस जगत् के अधीश्वर हैं, सभी देवता आपसे पराजित हैं। हे महेश्वर! कृपा कीजिए, अपने सभी गणों को निवृत्त कीजिए।

श्लोक 71 (padma.1.5.71)

गणैर्नानाविधैर्घोरैर्नानाभूषणभूषितैः। नानावदनदंतौष्ठैर्नाना प्रहरणोद्यतैः।

gaṇairnānāvidhairghorairnānābhūṣaṇabhūṣitaiḥ nānāvadanadaṁtauṣṭhairnānā praharaṇodyataiḥ

नाना प्रकार के भयंकर, नाना आभूषणों से भूषित, नाना मुख-दन्त-ओष्ठ वाले, नाना शस्त्र उठाए गणों से,

श्लोक 72 (padma.1.5.72)

नाना नागेंद्रसंदष्ट जटाभारोपशोभितैः। सुदृढोद्धत दर्पाढ्यैर्घोरैर्घोरनिघातिभिः।

nānā nāgeṁdrasaṁdaṣṭa jaṭābhāropaśobhitaiḥ sudṛḍhoddhata darpāḍhyairghorairghoranighātibhiḥ

नाना नागराजों से लिपटी जटाओं के भार से सुशोभित, अत्यन्त दृढ़ एवं उद्धत गर्व से युक्त, भयंकर, भयंकर प्रहार करने वाले,

श्लोक 73 (padma.1.5.73)

कामरूपैरकांतैश्च सर्वकामसमन्वितैः। अनिवार्यबलैश्चोग्रैर्योगिभिर्योगगामिभिः।

kāmarūpairakāṁtaiśca sarvakāmasamanvitaiḥ anivāryabalaiścograiryogibhiryogagāmibhiḥ

इच्छानुसार रूप धारण करने वाले, कुरूप होते हुए भी सभी कामनाओं से युक्त, अनिवार्य बल वाले उग्र योगियों से, योगगामी गणों से,

श्लोक 74 (padma.1.5.74)

व्यालोलकेसरजटैर्दंष्ट्रोत्कटहसन्मुखैः। करींद्रकरटाटोप पाटवैः सिंहदेहिभिः।

vyālolakesarajaṭairdaṁṣṭrotkaṭahasanmukhaiḥ karīṁdrakaraṭāṭopa pāṭavaiḥ siṁhadehibhiḥ

बिखरी हुई अयाल और जटाओं वाले, दाढ़ों से उग्र हँसते मुखों वाले, कुछ हाथियों के समान बल-गर्व वाले, कुछ सिंह-देह वाले,

श्लोक 75 (padma.1.5.75)

केचित्परमदाघ्राण घूर्णद्दीपसमप्रभैः। विचित्रचित्रवसनैर्द्धीरधीरवारदिभिः।

kecitparamadāghrāṇa ghūrṇaddīpasamaprabhaiḥ vicitracitravasanairddhīradhīravāradibhiḥ

कुछ अत्यन्त मदमत्त, घूमते हुए दीपक के समान कान्तिवाले, विचित्र-विचित्र वस्त्र धारण किए, कुछ धीर तथा कुछ अधीर, समुद्र-सम गर्जना करते,

श्लोक 76 (padma.1.5.76)

मृगव्याघ्रसिंहरुतैस्तरक्ष्वजिनधारिभिः। भुजंगहारवलयकृतयज्ञोपवीतकैः।

mṛgavyāghrasiṁharutaistarakṣvajinadhāribhiḥ bhujaṁgahāravalayakṛtayajñopavītakaiḥ

मृग-व्याघ्र-सिंह की बोली बोलते, लकड़बग्घे का चर्म धारण किए, सर्पों की मालाओं, कंगनों और यज्ञोपवीतों से युक्त,

श्लोक 77 (padma.1.5.77)

शूलासिपट्टिशधरैः परशुप्रासहस्तकैः। वज्रक्रकचकोदंडकालदंडास्त्रपाणिभिः।

śūlāsipaṭṭiśadharaiḥ paraśuprāsahastakaiḥ vajrakrakacakodaṁḍakāladaṁḍāstrapāṇibhiḥ

त्रिशूल, खड्ग, पट्टिश धारण किए, परशु और भाले हाथों में लिए, वज्र, आरी, धनुष तथा कालदण्ड जैसे शस्त्र हाथों में लिए —

श्लोक 78 (padma.1.5.78)

गणेश्वरैः सुदुर्द्धर्षैर्वृतः सूर्यो ग्रहैरिव। देवदेवमहादेव नष्टो यज्ञो दिवं गतः।

gaṇeśvaraiḥ sudurddharṣairvṛtaḥ sūryo grahairiva devadevamahādeva naṣṭo yajño divaṁ gataḥ

ऐसे अत्यन्त दुर्धर्ष गणेश्वरों से घिरे हुए वे ऐसे प्रतीत होते थे जैसे ग्रहों से घिरा सूर्य। (दक्ष ने कहा:) हे देवाधिदेव महादेव! यज्ञ नष्ट होकर स्वर्ग को चला गया —

श्लोक 79 (padma.1.5.79)

मृगरूपधरो भूत्वा भयभीतस्तु शंकर। नमः शङ्खाभदेवाय सगणाय सनंदिने।

mṛgarūpadharo bhūtvā bhayabhītastu śaṁkara namaḥ śaṅkhābhadevāya sagaṇāya sanaṁdine

और अत्यन्त भयभीत होकर, मृग का रूप धारण करते हुए, हे शंकर! (उन्होंने स्तुति की) — शंखवर्ण देव को, गणों और नन्दी सहित, नमस्कार है।

श्लोक 80 (padma.1.5.80)

वृषासनाय सोमाय क्रतुकालांतकाय च। नमो दिक्चर्मवस्त्राय नमस्ते तीव्रतेजसे।

vṛṣāsanāya somāya kratukālāṁtakāya ca namo dikcarmavastrāya namaste tīvratejase

वृषभ-आसन वाले, सोम-धारी, यज्ञ के काल में संहारकर्ता को नमस्कार है। दिशाओं को ही वस्त्र बनाने वाले को नमस्कार, हे तीव्र तेजस्वी! आपको नमस्कार है।

श्लोक 81 (padma.1.5.81)

ब्रह्मणे ब्रह्मदेहाय ब्रह्मण्यायामिताय च। गिरीशाय सुरेशाय ईशानाय नमोनमः।

brahmaṇe brahmadehāya brahmaṇyāyāmitāya ca girīśāya sureśāya īśānāya namonamaḥ

ब्रह्मस्वरूप, ब्रह्मदेह वाले, ब्राह्मणों के हितैषी तथा अपरिमित को, गिरीश को, सुरेश को, ईशान को — बारम्बार नमस्कार है।

श्लोक 82 (padma.1.5.82)

रुद्राय प्रतिवज्राय शिवाय क्रथनाय च। सुरासुराधिपतये यतीनां पतये नमः।

rudrāya prativajrāya śivāya krathanāya ca surāsurādhipataye yatīnāṁ pataye namaḥ

रुद्र को, वज्र के समान प्रतिकार करने वाले को, शिव को तथा संहारकर्ता को — देव-असुरों के अधिपति, यतियों के स्वामी को नमस्कार है।

श्लोक 83 (padma.1.5.83)

धूम्रोग्राय विरूपाय यज्वने घोररूपिणे। विरूपाक्षाशुभाक्षाय सहस्राक्षाय वै नमः।

dhūmrogrāya virūpāya yajvane ghorarūpiṇe virūpākṣāśubhākṣāya sahasrākṣāya vai namaḥ

धूम्रवर्ण, उग्र, विरूप, यज्ञस्वरूप, भयंकर रूप वाले को; विरूपाक्ष, अशुभाक्ष तथा सहस्राक्ष को नमस्कार है।

श्लोक 84 (padma.1.5.84)

मुंडाय चंडमुण्डाय वरखट्वाङ्गधारिणे। कव्यरूपाय हव्याय सर्वसंहारिणे नमः।

muṁḍāya caṁḍamuṇḍāya varakhaṭvāṅgadhāriṇe kavyarūpāya havyāya sarvasaṁhāriṇe namaḥ

मुण्डित, चण्डमुण्ड-स्वरूप, श्रेष्ठ खट्वांग-धारी को; पितरों को अर्पित हविष्य-स्वरूप, देवताओं को अर्पित हविष्य-स्वरूप, सर्वसंहारकर्ता को नमस्कार है।

श्लोक 85 (padma.1.5.85)

भक्तानुकंपिनेत्यर्थं रुद्रजाप्यस्तुताय च। विरूपाय सुरूपाय रूपाणां शतकारिणे।

bhaktānukaṁpinetyarthaṁ rudrajāpyastutāya ca virūpāya surūpāya rūpāṇāṁ śatakāriṇe

भक्तों पर अनुकम्पा करने वाले को, रुद्र-जप द्वारा स्तुत को; विरूप और सुरूप, सैकड़ों रूप धारण करने वाले को,

श्लोक 86 (padma.1.5.86)

पंचास्याय शुभास्याय चंद्रास्याय नमो नमः। वरदाय वरार्हाय कूर्माय च मृगाय च।

paṁcāsyāya śubhāsyāya caṁdrāsyāya namo namaḥ varadāya varārhāya kūrmāya ca mṛgāya ca

पंचमुख, शुभमुख, चन्द्रमुख को — बारम्बार नमस्कार है। वरदाता, वर के योग्य, कूर्म-रूप तथा मृग-रूप वाले को,

श्लोक 87 (padma.1.5.87)

लीलालकशिखंडाय कमंडलुधराय च। विश्वनाम्नेथ विश्वाय विश्वेशाय नमोनमः।

līlālakaśikhaṁḍāya kamaṁḍaludharāya ca viśvanāmnetha viśvāya viśveśāya namonamaḥ

लीलापूर्ण जटा-शिखण्डी को, कमण्डलुधारी को; विश्व ही जिनका नाम है, विश्वस्वरूप, विश्वेश को — बारम्बार नमस्कार है।

श्लोक 88 (padma.1.5.88)

त्रिनेत्रत्राणमस्माकं त्रिपुरघ्नविधीयतां। वाङ्मनः कायभावैस्तु प्रपन्नस्य महेश्वर।

trinetratrāṇamasmākaṁ tripuraghnavidhīyatāṁ vāṅmanaḥ kāyabhāvaistu prapannasya maheśvara

हे त्रिनेत्र! हमारी रक्षा हो, हे त्रिपुरघातक! वाणी, मन और शरीर से आपकी शरण में आए हुए इस भक्त की रक्षा कीजिए, हे महेश्वर!

श्लोक 89 (padma.1.5.89)

एवं स्तुतस्तदा देवो दक्षेणापन्नदेहिना। दिव्येनानेन स्तोत्रेण भृशमाराधितस्तदा।

evaṁ stutastadā devo dakṣeṇāpannadehinā divyenānena stotreṇa bhṛśamārādhitastadā

इस प्रकार पीड़ित शरीर वाले दक्ष द्वारा स्तुति किए गए देव, इस दिव्य स्तोत्र से अत्यन्त प्रसन्न होकर तब,

श्लोक 90 (padma.1.5.90)

समग्रं ते यज्ञफलं मया दत्तं प्रजापते। सर्वकामप्रसिर्द्ध्य्थंफलंप्राप्स्यस्यनुत्तमम्।

samagraṁ te yajñaphalaṁ mayā dattaṁ prajāpate sarvakāmaprasirddhythaṁphalaṁprāpsyasyanuttamam

बोले — हे प्रजापते! तुम्हारे यज्ञ का सम्पूर्ण फल मेरे द्वारा लौटा दिया गया; सर्वकामनाओं की सिद्धि हेतु तुम्हें सर्वोत्तम फल प्राप्त होगा।

श्लोक 91 (padma.1.5.91)

एवमुक्तो भगवता प्रणम्याथ सुरेश्वरम्। जगाम स्वनिकेतं तु गणानामेव पश्यताम्।

evamukto bhagavatā praṇamyātha sureśvaram jagāma svaniketaṁ tu gaṇānāmeva paśyatām

भगवान् द्वारा इस प्रकार कहे जाने पर, देवेश्वर को प्रणाम करके, गणों के देखते-देखते ही दक्ष अपने निवास को चले गए।

श्लोक 92 (padma.1.5.92)

पत्न्याः शोकेन वै देवो गंगाद्वारे तदास्थितः। तां सतीं चिंतयानस्तु क्व नु सामेप्रियागता।

patnyāḥ śokena vai devo gaṁgādvāre tadāsthitaḥ tāṁ satīṁ ciṁtayānastu kva nu sāmepriyāgatā

अपनी पत्नी के शोक से देव तब गंगाद्वार में ही स्थित रहे, उस सती का चिन्तन करते हुए — कहाँ गई मेरी प्रिया?

श्लोक 93 (padma.1.5.93)

तस्य शोकाभिभूतस्य नारदो भवसंन्निधौ। सा ते सती या देवेश भार्या प्राणसमामृता।

tasya śokābhibhūtasya nārado bhavasaṁnnidhau sā te satī yā deveśa bhāryā prāṇasamāmṛtā

शोक से अभिभूत उन शिव के समीप नारद ने कहा — हे देवेश! वह आपकी सती पत्नी, जो प्राणों के समान प्रिय थी,

श्लोक 94 (padma.1.5.94)

हिमवद्दुहिता सा च मेनागर्भसमुद्भवा। जग्राह देहमन्यं सा वेदवेदार्थवेदिनी।

himavadduhitā sā ca menāgarbhasamudbhavā jagrāha dehamanyaṁ sā vedavedārthavedinī

वे हिमवान् की पुत्री बनीं, मेना के गर्भ से उत्पन्न होकर; वेद और वेदार्थ की ज्ञाता वे देवी ने दूसरा शरीर धारण कर लिया है।

श्लोक 95 (padma.1.5.95)

श्रुत्वा देवस्तदा ध्यानमवतीर्णामपश्यत। कृतकृत्यमथात्मानं कृत्वा देवस्तदास्थितः।

śrutvā devastadā dhyānamavatīrṇāmapaśyata kṛtakṛtyamathātmānaṁ kṛtvā devastadāsthitaḥ

यह सुनकर देव ने ध्यान में उतरी हुई उस देवी को देखा। और अपने आपको कृतकृत्य मानकर देव वहीं स्थित रहे।

श्लोक 96 (padma.1.5.96)

संप्राप्तयौवना देवी पुनरेव विवाहिता। एवं हि कथितं भीष्म यथा यज्ञो हतः पुरा।

saṁprāptayauvanā devī punareva vivāhitā evaṁ hi kathitaṁ bhīṣma yathā yajño hataḥ purā

युवावस्था को प्राप्त हुई वह देवी पुनः विवाहित हुईं। हे भीष्म! इस प्रकार यह कथा कही गई कि पूर्वकाल में यज्ञ किस प्रकार नष्ट हुआ।