दक्ष-कश्यप-वंश-वर्णन

श्लोक 1 (padma.1.6.1)

भीष्म उवाच। देवानां दानवानां च गंधर्वोरगरक्षसाम्। उत्पत्तिं विस्तरेणेमां गुरो ब्रूहि यथाविधि।

bhīṣma uvāca devānāṁ dānavānāṁ ca gaṁdharvoragarakṣasām utpattiṁ vistareṇemāṁ guro brūhi yathāvidhi

भीष्म ने कहा — हे गुरो! देवताओं, दानवों, गन्धर्वों, नागों और राक्षसों की इस उत्पत्ति को विस्तार से यथाविधि मुझे बताइए।

श्लोक 2 (padma.1.6.2)

पुलस्त्य उवाच। संकल्पाद्दर्शनात्स्पर्शात्पूर्वेषां सृष्टिरुच्यते। दक्षात्प्राचेतसादूर्ध्वं सृष्टिर्मैथुनसंभवा।

pulastya uvāca saṁkalpāddarśanātsparśātpūrveṣāṁ sṛṣṭirucyate dakṣātprācetasādūrdhvaṁ sṛṣṭirmaithunasaṁbhavā

पुलस्त्य ने कहा — पूर्ववर्ती प्राणियों की सृष्टि संकल्प से, दर्शन से और स्पर्श से कही जाती है। प्राचेतस दक्ष से आगे की सृष्टि मैथुन से हुई।

श्लोक 3 (padma.1.6.3)

यथा ससर्ज चैवासौ तथैव शृणु कौरव। यदा तु सृजतस्तस्य देवर्षिगणपन्नगान्।

yathā sasarja caivāsau tathaiva śṛṇu kaurava yadā tu sṛjatastasya devarṣigaṇapannagān

हे कौरव! उन्होंने जिस प्रकार सृष्टि रची, वह सुनो। जब वे देवगण, ऋषिगण और नागों को उत्पन्न कर रहे थे,

श्लोक 4 (padma.1.6.4)

न वृद्धिमगमल्लोकस्तदा मैथुनयोगतः। दक्षः पुत्रसहस्राणि तदासिक्न्यामजीजनत्।

na vṛddhimagamallokastadā maithunayogataḥ dakṣaḥ putrasahasrāṇi tadāsiknyāmajījanat

तब मैथुन-योग से भी लोक की वृद्धि नहीं हुई। तब दक्ष ने असिक्नी में सहस्र पुत्र उत्पन्न किए।

श्लोक 5 (padma.1.6.5)

तांस्तु दृष्ट्वा महाभागान्सिसृक्षून्विविधाः प्रजाः। नारदः प्राह हर्यश्वान्दक्षपुत्रान्समागतान्।

tāṁstu dṛṣṭvā mahābhāgānsisṛkṣūnvividhāḥ prajāḥ nāradaḥ prāha haryaśvāndakṣaputrānsamāgatān

नाना प्रकार की प्रजा उत्पन्न करने के इच्छुक उन महाभाग पुत्रों को देखकर, नारद ने एकत्र हुए हर्यश्व नामक दक्ष-पुत्रों से कहा —

श्लोक 6 (padma.1.6.6)

भुवः प्रमाणं सर्वं तु ज्ञात्वोर्द्धमध एव वा। ततः सृष्टिं विशेषेण कुरुध्वमृषिसत्तमाः।

bhuvaḥ pramāṇaṁ sarvaṁ tu jñātvorddhamadha eva vā tataḥ sṛṣṭiṁ viśeṣeṇa kurudhvamṛṣisattamāḥ

'हे ऋषिश्रेष्ठो! पहले पृथ्वी का सम्पूर्ण प्रमाण — ऊपर और नीचे दोनों — जानकर, फिर विशेष रूप से सृष्टि करो।'

श्लोक 7 (padma.1.6.7)

ते तु तद्वचनं श्रुत्वा प्रयाताः सर्वतोदिशम्। अद्यापि न निवर्त्तंते समुद्रादिव सिंधवः।

te tu tadvacanaṁ śrutvā prayātāḥ sarvatodiśam adyāpi na nivarttaṁte samudrādiva siṁdhavaḥ

वे उस वचन को सुनकर सभी दिशाओं में चले गए। आज भी वे लौटकर नहीं आए, जैसे नदियाँ समुद्र से नहीं लौटतीं।

श्लोक 8 (padma.1.6.8)

हर्यश्वेषु प्रणष्टेषु पुनर्दक्षः प्रजापतिः। वीरिण्यामेव पुत्राणां सहस्रमसृजत्प्रभुः।

haryaśveṣu praṇaṣṭeṣu punardakṣaḥ prajāpatiḥ vīriṇyāmeva putrāṇāṁ sahasramasṛjatprabhuḥ

हर्यश्वों के इस प्रकार नष्ट हो जाने पर, प्रजापति दक्ष ने पुनः वीरिणी में सहस्र पुत्र उत्पन्न किए।

श्लोक 9 (padma.1.6.9)

शबलाश्वा नाम ते च समेताः सृष्टिकर्मणि। नारदोनुगतान्प्राह पुनस्तान्पूर्ववन्मुनिः।

śabalāśvā nāma te ca sametāḥ sṛṣṭikarmaṇi nāradonugatānprāha punastānpūrvavanmuniḥ

वे शबलाश्व नामक पुत्र भी सृष्टि-कार्य में एकत्र हुए, तब नारद मुनि ने उनसे पूर्ववत् पुनः कहा —

श्लोक 10 (padma.1.6.10)

भुवः प्रमाणं सर्वं तु ज्ञात्वा भ्रातॄनथो पुनः। आगत्य च पुनः सृष्टिं करिष्यथ विशेषतः।

bhuvaḥ pramāṇaṁ sarvaṁ tu jñātvā bhrātṝnatho punaḥ āgatya ca punaḥ sṛṣṭiṁ kariṣyatha viśeṣataḥ

'पृथ्वी का सम्पूर्ण प्रमाण जानकर, अपने भाइयों को भी देखकर, फिर लौटकर विशेष रूप से सृष्टि करना।'

श्लोक 11 (padma.1.6.11)

तेपि तेनैव मार्गेण जग्मुर्भ्रात्रनुगास्तदा। ततः प्रभृति न भ्रातुः कनीयान्मार्गमिच्छति।

tepi tenaiva mārgeṇa jagmurbhrātranugāstadā tataḥ prabhṛti na bhrātuḥ kanīyānmārgamicchati

वे भी अपने बड़े भाइयों के पीछे उसी मार्ग से चले गए। उसी समय से कोई छोटा भाई अपने बड़े भाई के मार्ग पर जाना नहीं चाहता,

श्लोक 12 (padma.1.6.12)

अन्वेष्टा दुःखमाप्नोति तेन तत्परिवर्जयेत्। ततस्तेष्वपि नष्टेषु(यु) षष्टिं कन्याः प्रजापतिः।

anveṣṭā duḥkhamāpnoti tena tatparivarjayet tatasteṣvapi naṣṭeṣu(yu) ṣaṣṭiṁ kanyāḥ prajāpatiḥ

क्योंकि खोजने वाला दुःख पाता है, अतः उसे त्याग देना चाहिए। इस प्रकार वे भी नष्ट हो जाने पर, प्रजापति ने साठ कन्याएँ

श्लोक 13 (padma.1.6.13)

वीरिण्यां जनयामास दक्षः प्राचेतसस्तदा। प्रादात्स दश धर्माय कश्यपाय त्रयोदश।

vīriṇyāṁ janayāmāsa dakṣaḥ prācetasastadā prādātsa daśa dharmāya kaśyapāya trayodaśa

प्राचेतस दक्ष ने तब वीरिणी में उत्पन्न कीं। उन्होंने दस धर्म को, तेरह कश्यप को दीं,

श्लोक 14 (padma.1.6.14)

विंशतिसप्त सोमाय चतस्रोरिष्टनेमिने। द्वे चैव भृगुपुत्राय द्वे कृशाश्वाय धीमते।

viṁśatisapta somāya catasroriṣṭanemine dve caiva bhṛguputrāya dve kṛśāśvāya dhīmate

सत्ताईस सोम को, चार अरिष्टनेमि को, दो भृगुपुत्र को, दो बुद्धिमान् कृशाश्व को,

श्लोक 15 (padma.1.6.15)

द्वे चैवांगिरसे प्रादात्तासां नामानि विस्तरात्। शृणु त्वं देवमातॄणां प्रजाविस्तारमादितः।

dve caivāṁgirase prādāttāsāṁ nāmāni vistarāt śṛṇu tvaṁ devamātṝṇāṁ prajāvistāramāditaḥ

और दो अंगिरा को दीं। अब उनके नाम विस्तार से सुनो — पहले देवमाताओं की प्रजा का विस्तार सुनो।

श्लोक 16 (padma.1.6.16)

अरुंधती वसुर्जामिर्लम्बा भानुर्मरुत्वती। संकल्पा च मुहूर्ता च साध्या विश्वा च भामिनी।

aruṁdhatī vasurjāmirlambā bhānurmarutvatī saṁkalpā ca muhūrtā ca sādhyā viśvā ca bhāminī

अरुन्धती, वसु, जामि, लम्बा, भानु, मरुत्वती, संकल्पा, मुहूर्ता, साध्या और भामिनी विश्वा —

श्लोक 17 (padma.1.6.17)

धर्मपत्न्यः समाख्यातास्तासां पुत्रान्निबोध मे। विश्वेदेवास्तु विश्वायाः साध्या साध्यानजीजनत्।

dharmapatnyaḥ samākhyātāstāsāṁ putrānnibodha me viśvedevāstu viśvāyāḥ sādhyā sādhyānajījanat

ये धर्म की पत्नियाँ कही गई हैं; अब मुझसे इनके पुत्रों को जानो। विश्वा से विश्वेदेव उत्पन्न हुए, साध्या ने साध्यगणों को जन्म दिया।

श्लोक 18 (padma.1.6.18)

मरुत्वत्यां मरुत्वंतो वसोस्तु वसवस्तथा। भानोस्तु भानवो जाता मूहूर्त्ताया मुहूर्तजाः।

marutvatyāṁ marutvaṁto vasostu vasavastathā bhānostu bhānavo jātā mūhūrttāyā muhūrtajāḥ

मरुत्वती से मरुत्वन्त, वसु से वसुगण उत्पन्न हुए; भानु से भानुगण जन्मे, मुहूर्ता से मुहूर्त-जात।

श्लोक 19 (padma.1.6.19)

लंबायां घोषनामानो नागवीथी तु जामिजा। पृथिवीतलसंभूतमरुंधत्यामजायत।

laṁbāyāṁ ghoṣanāmāno nāgavīthī tu jāmijā pṛthivītalasaṁbhūtamaruṁdhatyāmajāyata

लम्बा से घोष नामक, जामि से नागवीथी उत्पन्न हुई; अरुन्धती से पृथ्वीतल में व्याप्त सन्तति उत्पन्न हुई।

श्लोक 20 (padma.1.6.20)

संकल्पायास्तु संकल्पा वसु सृष्टिं निधारय। ज्योतिष्मतंश्च ये देवा व्यापकाः सर्वतोदिशम्।

saṁkalpāyāstu saṁkalpā vasu sṛṣṭiṁ nidhāraya jyotiṣmataṁśca ye devā vyāpakāḥ sarvatodiśam

संकल्पा से संकल्पगण उत्पन्न हुए — यह वसु-सृष्टि जान लो। जो ज्योतिष्मान् देवगण सभी दिशाओं में व्यापक हैं,

श्लोक 21 (padma.1.6.21)

वसवस्ते समाख्यातास्तेषां नामानि मे शृणु। आपो ध्रुवश्च सोमश्च धरश्चैवानिलोनलः।

vasavaste samākhyātāsteṣāṁ nāmāni me śṛṇu āpo dhruvaśca somaśca dharaścaivānilonalaḥ

वे ही वसु कहे गए हैं; उनके नाम मुझसे सुनो — आप, ध्रुव, सोम, धर, अनिल, अनल,

श्लोक 22 (padma.1.6.22)

प्रत्यूषश्च प्रभासश्च वसवोष्टौ प्रकीर्तिताः। आपस्य पुत्राश्चत्वारः श्रांतो वैतण्ड एव च।

pratyūṣaśca prabhāsaśca vasavoṣṭau prakīrtitāḥ āpasya putrāścatvāraḥ śrāṁto vaitaṇḍa eva ca

प्रत्यूष और प्रभास — ये आठ वसु प्रसिद्ध हैं। आप के चार पुत्र थे — श्रान्त, वैतण्ड,

श्लोक 23 (padma.1.6.23)

अपि शांतो मुनिर्वभ्रुर्यज्ञरक्षाधिकारिणः। ध्रुवस्य कालः पुत्रस्तु वर्चाः सोमादजायत।

api śāṁto munirvabhruryajñarakṣādhikāriṇaḥ dhruvasya kālaḥ putrastu varcāḥ somādajāyata

शान्त-मुनि तथा वभ्रु — ये सभी यज्ञ-रक्षा के अधिकारी। ध्रुव का पुत्र काल था; सोम से वर्चा उत्पन्न हुए,

श्लोक 24 (padma.1.6.24)

द्रविणो हव्यवाहश्च धर पुत्राविमौ स्मृतौ। कल्पांतस्थस्ततः प्राणो रमणः शिशिरोपि च।

draviṇo havyavāhaśca dhara putrāvimau smṛtau kalpāṁtasthastataḥ prāṇo ramaṇaḥ śiśiropi ca

द्रविण और हव्यवाह — ये धर के दो पुत्र स्मरण किए गए हैं; फिर कल्पान्तस्थ, प्राण, रमण तथा शिशिर भी,

श्लोक 25 (padma.1.6.25)

मनोहरो धवश्चाथ शिवो वाथ हरेः सुताः। शिवो मनोजवं पुत्रमविज्ञातगतिप्रदम्।

manoharo dhavaścātha śivo vātha hareḥ sutāḥ śivo manojavaṁ putramavijñātagatipradam

मनोहर, धव तथा शिव — ये अनिल (हरि) के पुत्र थे। शिव ने अज्ञात गति देने वाले मनोजव नामक पुत्र को,

श्लोक 26 (padma.1.6.26)

अवाप चानलः पुत्रानग्निप्रायगुणांस्ततः। तत्र शाखो विशाखश्च निगमेषु स्वयंभुवः।

avāpa cānalaḥ putrānagniprāyaguṇāṁstataḥ tatra śākho viśākhaśca nigameṣu svayaṁbhuvaḥ

तथा अनल ने अग्नि-सदृश गुणों वाले पुत्रों को प्राप्त किया; उनमें से शाख और विशाख शास्त्रों में स्वयंभू कहे गए,

श्लोक 27 (padma.1.6.27)

अपत्यं कृत्तिकानां च कार्तिकेयस्ततः स्मृतः। प्रत्यूषस्य ऋभुः पुत्रो मुनिर्नामाथ देवलः।

apatyaṁ kṛttikānāṁ ca kārtikeyastataḥ smṛtaḥ pratyūṣasya ṛbhuḥ putro munirnāmātha devalaḥ

तथा कृत्तिकाओं की सन्तान कार्तिकेय वहाँ स्मरण किए गए। प्रत्यूष का पुत्र ऋभु और मुनि नामक देवल था,

श्लोक 28 (padma.1.6.28)

विश्वकर्मा प्रभासस्य पुत्रः शिल्पी प्रजापतिः। प्रासादभवनोद्यान प्रतिमा भूषणादिषु।

viśvakarmā prabhāsasya putraḥ śilpī prajāpatiḥ prāsādabhavanodyāna pratimā bhūṣaṇādiṣu

विश्वकर्मा प्रभास के पुत्र थे, शिल्पी, प्रजापति — भवन, उद्यान, प्रतिमा, आभूषण आदि में,

श्लोक 29 (padma.1.6.29)

तटाकारामकूपेषु त्रिदशानां च वर्द्धकिः। अजैकपादहिर्बुध्न्यो विरूपाक्षोथ रैवतः।

taṭākārāmakūpeṣu tridaśānāṁ ca varddhakiḥ ajaikapādahirbudhnyo virūpākṣotha raivataḥ

तालाब, बाग तथा कूपों में, और तीसों देवताओं के भवन-निर्माता। अजैकपाद, अहिर्बुध्न्य, विरूपाक्ष तथा रैवत,

श्लोक 30 (padma.1.6.30)

हरश्च बहुरूपश्च त्र्यंबकश्च सुरेश्वरः। सावित्त्रश्च जयंतश्च पिनाकी चापराजितः।

haraśca bahurūpaśca tryaṁbakaśca sureśvaraḥ sāvittraśca jayaṁtaśca pinākī cāparājitaḥ

हर, बहुरूप, त्र्यम्बक, सुरेश्वर, सावित्र, जयन्त, पिनाकी तथा अपराजित —

श्लोक 31 (padma.1.6.31)

एते रुद्रास्समाख्याता एकादश गणेश्वराः। एतेषां मानसानां तु त्रिशूलवरधारिणाम्।

ete rudrāssamākhyātā ekādaśa gaṇeśvarāḥ eteṣāṁ mānasānāṁ tu triśūlavaradhāriṇām

ये ग्यारह गणों के स्वामी रुद्र कहे गए हैं। इन मनोजन्य, त्रिशूल-धारी रुद्रों के,

श्लोक 32 (padma.1.6.32)

कोट्यश्चतुरशीतिस्तु तत्पुत्राश्चाक्षया मताः। दिक्षु सर्वासु ये रक्षां प्रकुर्वन्ति गणेश्वराः।

koṭyaścaturaśītistu tatputrāścākṣayā matāḥ dikṣu sarvāsu ye rakṣāṁ prakurvanti gaṇeśvarāḥ

चौरासी करोड़ पुत्र अक्षय माने गए हैं, जो गणेश्वर सभी दिशाओं में रक्षा करते हैं।

श्लोक 33 (padma.1.6.33)

एते वै पुत्रपौत्राश्च सुरभीगर्भसंभवाः। कश्यपस्य प्रवक्ष्यामि पुत्रपौत्रादि पत्निषु।

ete vai putrapautrāśca surabhīgarbhasaṁbhavāḥ kaśyapasya pravakṣyāmi putrapautrādi patniṣu

ये सब पुत्र-पौत्र सुरभि के गर्भ से उत्पन्न थे। अब मैं कश्यप के पुत्र-पौत्र आदि को उनकी पत्नियों के अनुसार कहूँगा —

श्लोक 34 (padma.1.6.34)

अदितिर्दितिर्दनुश्चैव अरिष्टा सुरसा तथा। सुरभिर्विनता चैव ताम्रा क्रोधवशा इरा।

aditirditirdanuścaiva ariṣṭā surasā tathā surabhirvinatā caiva tāmrā krodhavaśā irā

अदिति, दिति, दनु, अरिष्टा, सुरसा, सुरभि, विनता, ताम्रा, क्रोधवशा, इरा,

श्लोक 35 (padma.1.6.35)

कद्रू खसा मुनिस्तद्वत्तासु पुत्रान्निबोध मे। तुषिता नाम ये देवाश्चाक्षुषस्यांतरे मनोः।

kadrū khasā munistadvattāsu putrānnibodha me tuṣitā nāma ye devāścākṣuṣasyāṁtare manoḥ

कद्रू, खसा तथा मुनि — इनके पुत्रों को मुझसे जानो। तुषित नामक जो देवगण चाक्षुष मन्वन्तर में,

श्लोक 36 (padma.1.6.36)

वैवस्वतेंतरे चैव आदित्या द्वादश स्मृताः। इन्द्रो धाता भगस्त्वष्टा मित्त्रोऽथ वरुणोऽर्यमा।

vaivasvateṁtare caiva ādityā dvādaśa smṛtāḥ indro dhātā bhagastvaṣṭā mittro'tha varuṇo'ryamā

तथा वैवस्वत मन्वन्तर में बारह आदित्य कहे गए हैं — इन्द्र, धाता, भग, त्वष्टा, मित्र, वरुण, अर्यमा,

श्लोक 37 (padma.1.6.37)

विवस्वान्सविता पूषा अंशुमान्विष्णुरेव च। एते सहस्रकिरणा आदित्या दाद्वश स्मृताः।

vivasvānsavitā pūṣā aṁśumānviṣṇureva ca ete sahasrakiraṇā ādityā dādvaśa smṛtāḥ

विवस्वान्, सविता, पूषा, अंशुमान् तथा विष्णु — ये सहस्र-किरण आदित्य बारह कहे गए हैं।

श्लोक 38 (padma.1.6.38)

मारीचात्कश्यपाज्जाताः पुत्त्रास्तेऽदितिनंदनाः। कृशाश्वस्य ऋषेः पुत्रा देवप्रहरणाः स्मृताः।

mārīcātkaśyapājjātāḥ puttrāste'ditinaṁdanāḥ kṛśāśvasya ṛṣeḥ putrā devapraharaṇāḥ smṛtāḥ

मरीचि-वंशज कश्यप से उत्पन्न ये पुत्र अदिति के आनन्दवर्धक हैं। कृशाश्व ऋषि के पुत्र देव-शस्त्रों (के अधिष्ठाता) कहे गए हैं।

श्लोक 39 (padma.1.6.39)

एते देवगणास्तात प्रतिमन्वंतरेषु च। उत्पद्यंते विलीयंते कल्पेकल्पे तथैव च।

ete devagaṇāstāta pratimanvaṁtareṣu ca utpadyaṁte vilīyaṁte kalpekalpe tathaiva ca

हे तात! ये देवगण प्रत्येक मन्वन्तर में उत्पन्न होते और विलीन होते हैं, और इसी प्रकार प्रत्येक कल्प में भी।

श्लोक 40 (padma.1.6.40)

दितिः पुत्रद्वयं लेभे कश्यपादिति नः श्रुतम्। हिरण्यकशिपुं चैव हिरण्याक्षं तथैव च।

ditiḥ putradvayaṁ lebhe kaśyapāditi naḥ śrutam hiraṇyakaśipuṁ caiva hiraṇyākṣaṁ tathaiva ca

दिति ने कश्यप से दो पुत्र प्राप्त किए — ऐसा हमने सुना है — हिरण्यकशिपु तथा हिरण्याक्ष।

श्लोक 41 (padma.1.6.41)

हिरण्यकशिपोस्तद्वज्जातं पुत्रचतुष्टयम्। प्रह्लादश्चानुह्लादश्च संह्लादोह्लाद एव च।

hiraṇyakaśipostadvajjātaṁ putracatuṣṭayam prahlādaścānuhlādaśca saṁhlādohlāda eva ca

हिरण्यकशिपु के भी चार पुत्र उत्पन्न हुए — प्रह्लाद, अनुह्लाद, संह्लाद तथा ह्लाद।

श्लोक 42 (padma.1.6.42)

प्रह्लादपुत्रा आयुष्मान्शिबिर्बाष्कलिरेव च। विरोचनश्चतुर्थस्तु स बलिं पुत्रमाप्तवान्।

prahlādaputrā āyuṣmānśibirbāṣkalireva ca virocanaścaturthastu sa baliṁ putramāptavān

प्रह्लाद के पुत्र आयुष्मान्, शिबि तथा बाष्कलि थे; विरोचन चौथा था, उसने बलि नामक पुत्र प्राप्त किया।

श्लोक 43 (padma.1.6.43)

बलेः पुत्रशतं त्वासीद्बाणज्येष्ठं ततो नृप। धृतराष्ट्रस्तथासूर्य्यो विवस्वानंशुतापनः।

baleḥ putraśataṁ tvāsīdbāṇajyeṣṭhaṁ tato nṛpa dhṛtarāṣṭrastathāsūryyo vivasvānaṁśutāpanaḥ

हे नृप! बलि के सौ पुत्र थे, जिनमें बाण ज्येष्ठ था; धृतराष्ट्र, सूर्य, विवस्वान् तथा अंशुतापन भी,

श्लोक 44 (padma.1.6.44)

निकुम्भनामा गुर्वक्षः कुक्षिर्भौमोथ भीषणः। एवमन्ये तु बहवो बाणोज्येष्ठो गुणाधिकः।

nikumbhanāmā gurvakṣaḥ kukṣirbhaumotha bhīṣaṇaḥ evamanye tu bahavo bāṇojyeṣṭho guṇādhikaḥ

निकुम्भ नामक, गुर्वक्ष, कुक्षि, भौम तथा भीषण; इस प्रकार और भी बहुत से; बाण ही ज्येष्ठ और गुणों में अधिक था।

श्लोक 45 (padma.1.6.45)

बाणस्सहस्रबाहुस्तु सर्वास्त्रगुणसंयुतः। तपसा तोषितो यस्य पुरे वसति शूलधृत्।

bāṇassahasrabāhustu sarvāstraguṇasaṁyutaḥ tapasā toṣito yasya pure vasati śūladhṛt

सहस्रबाहु बाण सभी अस्त्रों के गुणों से युक्त था; जिसकी तपस्या से प्रसन्न होकर त्रिशूलधारी शिव स्वयं उसकी नगरी में निवास करते हैं,

श्लोक 46 (padma.1.6.46)

महाकालत्वमगमत्सार्थ्यं यस्य पिनाकिनः। हिरण्याक्षस्य पुत्रोभूदंधको नामनामतः।

mahākālatvamagamatsārthyaṁ yasya pinākinaḥ hiraṇyākṣasya putrobhūdaṁdhako nāmanāmataḥ

और पिनाकधारी के साथी बनकर महाकाल का पद प्राप्त किया। हिरण्याक्ष का पुत्र अन्धक नाम से हुआ,

श्लोक 47 (padma.1.6.47)

भूतसंतापनश्चैव महानागस्तथैव च। एतेभ्यः पुत्रपौत्राणां कोटयः सप्तसप्ततिः।

bhūtasaṁtāpanaścaiva mahānāgastathaiva ca etebhyaḥ putrapautrāṇāṁ koṭayaḥ saptasaptatiḥ

तथा भूतसन्तापन और महानाग भी। इनसे सतहत्तर करोड़ पुत्र-पौत्र उत्पन्न हुए,

श्लोक 48 (padma.1.6.48)

महाबला महाकाया नानारूपा महौजसः। दनुः पुत्रशतं लेभे कश्यपाद्वरदर्पितम्।

mahābalā mahākāyā nānārūpā mahaujasaḥ danuḥ putraśataṁ lebhe kaśyapādvaradarpitam

महाबली, महाकाय, नाना रूप वाले, महातेजस्वी। दनु ने कश्यप से वरदर्पित सौ पुत्र प्राप्त किए,

श्लोक 49 (padma.1.6.49)

विप्रचित्तिः प्रधानोभूदेषां मध्ये महाबलः। द्विरष्टमूर्द्धा शकुनिस्तथा शंकुशिरोधरः।

vipracittiḥ pradhānobhūdeṣāṁ madhye mahābalaḥ dviraṣṭamūrddhā śakunistathā śaṁkuśirodharaḥ

जिनमें महाबली विप्रचित्ति प्रधान था; द्विरष्टमूर्धा, शकुनि तथा शंकुशिरोधर,

श्लोक 50 (padma.1.6.50)

अयोमुखः शंबरश्च कपिलो वामनस्तथा। मरीचिर्मागधश्चैव हरिर्गजशिरास्तथा।

ayomukhaḥ śaṁbaraśca kapilo vāmanastathā marīcirmāgadhaścaiva harirgajaśirāstathā

अयोमुख, शम्बर, कपिल तथा वामन, मरीचि, मागध, हरि तथा गजशिरा,

श्लोक 51 (padma.1.6.51)

निद्राधरश्च केतुश्च केतुवीर्यः शतक्रतुः। इन्द्रमित्रग्रहश्चैव वज्रनाभस्तथैव च।

nidrādharaśca ketuśca ketuvīryaḥ śatakratuḥ indramitragrahaścaiva vajranābhastathaiva ca

निद्राधर, केतु, केतुवीर्य, शतक्रतु, इन्द्रमित्रग्रह तथा वज्रनाभ,

श्लोक 52 (padma.1.6.52)

एकवस्त्रो महाबाहुर्वज्राक्षस्तारकस्तथा। असिलोमा पुलोमा च विकुर्वाणो महासुरः।

ekavastro mahābāhurvajrākṣastārakastathā asilomā pulomā ca vikurvāṇo mahāsuraḥ

एकवस्त्र, महाबाहु, वज्राक्ष, तारक, असिलोमा, पुलोमा तथा महासुर विकुर्वाण,

श्लोक 53 (padma.1.6.53)

स्वर्भानुर्वृषपर्वा च एवमाद्या दनोस्सुताः। स्वर्भानोः सुप्रभा कन्या शची चैव पुलोमजा।

svarbhānurvṛṣaparvā ca evamādyā danossutāḥ svarbhānoḥ suprabhā kanyā śacī caiva pulomajā

स्वर्भानु तथा वृषपर्वा — ये और अन्य दनु के पुत्र थे। स्वर्भानु की पुत्री सुप्रभा थी, और पुलोमा की पुत्री शची,

श्लोक 54 (padma.1.6.54)

उपदानवी मयस्यासीत्तथा मंदोदरी कुहूः। शर्मिष्ठा सुंदरी चैव चंडा च वृषपर्वणः।

upadānavī mayasyāsīttathā maṁdodarī kuhūḥ śarmiṣṭhā suṁdarī caiva caṁḍā ca vṛṣaparvaṇaḥ

मय की पुत्री उपदानवी थी, तथा मन्दोदरी और कुहू; शर्मिष्ठा, सुन्दरी तथा चण्डा वृषपर्वा की पुत्रियाँ थीं।

श्लोक 55 (padma.1.6.55)

पुलोमा कालका चैव वैश्वनरसुते उभे। बह्वपत्यो महासत्वो मारीचस्य परिग्रहः।

pulomā kālakā caiva vaiśvanarasute ubhe bahvapatyo mahāsatvo mārīcasya parigrahaḥ

पुलोमा और कालका, वैश्वानर की दोनों पुत्रियाँ, बहुसंतति वाली, महाबली मरीचि (कश्यप) की पत्नियाँ बनीं।

श्लोक 56 (padma.1.6.56)

तयोः षष्टिसहस्राणि दानवानां पुराभवन्। पौलोमान्कालखंजांश्च मारीचोजनयत्पुरा।

tayoḥ ṣaṣṭisahasrāṇi dānavānāṁ purābhavan paulomānkālakhaṁjāṁśca mārīcojanayatpurā

उन दोनों से पूर्वकाल में साठ हज़ार दानव उत्पन्न हुए; उनसे मरीचि ने पूर्वकाल में पौलोम तथा कालखंज दानवों को उत्पन्न किया,

श्लोक 57 (padma.1.6.57)

अवध्या ये नराणां वै हिरण्यपुरवासिनः। चतुर्मुखाल्लब्धवरा ये हता विजयेन तु।

avadhyā ye narāṇāṁ vai hiraṇyapuravāsinaḥ caturmukhāllabdhavarā ye hatā vijayena tu

जो हिरण्यपुर में निवास करते हुए मनुष्यों के लिए अवध्य थे, चतुर्मुख ब्रह्मा से वर प्राप्त किए हुए थे, जो अन्ततः अर्जुन द्वारा विजय में मारे गए।

श्लोक 58 (padma.1.6.58)

विप्रचित्तिः सिंहिकायां नव पुत्रानजीजनत्। हिरण्यकशिपोर्येवै भागिनेयास्त्रयोदश।

vipracittiḥ siṁhikāyāṁ nava putrānajījanat hiraṇyakaśiporyevai bhāgineyāstrayodaśa

विप्रचित्ति ने सिंहिका में नौ पुत्र उत्पन्न किए, जो हिरण्यकशिपु के भांजे थे — कुल तेरह पुत्र —

श्लोक 59 (padma.1.6.59)

कंसः शंखश्च राजेन्द्र नलो वातापिरेव च। इल्वलो नमुचिश्चैव खसृमश्चांजनस्तथा।

kaṁsaḥ śaṁkhaśca rājendra nalo vātāpireva ca ilvalo namuciścaiva khasṛmaścāṁjanastathā

हे राजेन्द्र! कंस, शंख, नल, वातापि, इल्वल, नमुचि, खसृम तथा अंजन,

श्लोक 60 (padma.1.6.60)

नरकः कालनाभश्च परमाणुस्तथैव च। कल्पवीर्यश्च विख्यातो दनुवंशविवर्द्धनः।

narakaḥ kālanābhaśca paramāṇustathaiva ca kalpavīryaśca vikhyāto danuvaṁśavivarddhanaḥ

नरक, कालनाभ, परमाणु तथा प्रसिद्ध कल्पवीर्य, जो दनु-वंश को बढ़ाने वाला था।

श्लोक 61 (padma.1.6.61)

संह्लादस्य तु दैत्यस्य निवातकवचाः कुले। अवध्याः सर्वदेवानां गंधर्वोरगराक्षसाम्।

saṁhlādasya tu daityasya nivātakavacāḥ kule avadhyāḥ sarvadevānāṁ gaṁdharvoragarākṣasām

दैत्य संह्लाद के कुल में निवातकवच हुए, जो देवों, गन्धर्वों, नागों और राक्षसों — सभी के लिए अवध्य थे,

श्लोक 62 (padma.1.6.62)

ये हता बलमाश्रित्य अर्जुनेन रणाजिरे। षट्कन्या जनयामास ताम्रा मारीचवीर्यतः।

ye hatā balamāśritya arjunena raṇājire ṣaṭkanyā janayāmāsa tāmrā mārīcavīryataḥ

किन्तु अपने बल का आश्रय लेकर भी अर्जुन द्वारा युद्ध-भूमि में मारे गए। ताम्रा ने मरीचि (कश्यप) के वीर्य से छह कन्याएँ उत्पन्न कीं —

श्लोक 63 (padma.1.6.63)

शुकीं श्येनीं च भासीं च सुगृध्रीं गृध्रिकां शुचिम्। शुकी शुकानुलूकांश्च जनयामास धर्मतः।

śukīṁ śyenīṁ ca bhāsīṁ ca sugṛdhrīṁ gṛdhrikāṁ śucim śukī śukānulūkāṁśca janayāmāsa dharmataḥ

शुकी, श्येनी, भासी, सुगृध्री, गृध्रिका तथा शुचि। शुकी ने विधिपूर्वक तोतों और उल्लुओं को जन्म दिया;

श्लोक 64 (padma.1.6.64)

श्येनी श्येनांश्च भासी च कुररानप्यजीजनत्। गृध्री गृध्रान्सुगृध्री च पारावतविहंगमान्।

śyenī śyenāṁśca bhāsī ca kurarānapyajījanat gṛdhrī gṛdhrānsugṛdhrī ca pārāvatavihaṁgamān

श्येनी ने बाजों को, भासी ने भी कुरर पक्षियों को जन्म दिया; गृध्री ने गीधों को, सुगृध्री ने कबूतरों और अन्य पक्षियों को,

श्लोक 65 (padma.1.6.65)

हंस सारस कारंड प्लवान्शुचिरजीजनत्। एते ताम्रासुताः प्रोक्ता विनताया निशामय।

haṁsa sārasa kāraṁḍa plavānśucirajījanat ete tāmrāsutāḥ proktā vinatāyā niśāmaya

शुचि ने हंस, सारस, कारण्ड तथा प्लव पक्षियों को जन्म दिया। ये ताम्रा की सन्तान कही गईं; अब विनता की सन्तान सुनो।

श्लोक 66 (padma.1.6.66)

गरुडः पतगश्रेष्ठोऽरुणश्चेशः पतत्रिणाम्। सौदामिनी तथा कन्या येयं नभसि विश्रुता।

garuḍaḥ patagaśreṣṭho'ruṇaśceśaḥ patatriṇām saudāminī tathā kanyā yeyaṁ nabhasi viśrutā

गरुड़, पक्षियों में श्रेष्ठ, तथा अरुण, पक्षियों के स्वामी; और सौदामिनी नामक एक कन्या, जो आकाश में विश्रुत है (बिजली)।

श्लोक 67 (padma.1.6.67)

संपातिश्च जटायुश्च अरुणस्य सुतावुभौ। संपातिपुत्रो बभ्रुश्च शीघ्रगश्चातिविश्रुतः।

saṁpātiśca jaṭāyuśca aruṇasya sutāvubhau saṁpātiputro babhruśca śīghragaścātiviśrutaḥ

सम्पाति और जटायु अरुण के दोनों पुत्र थे। सम्पाति के पुत्र बभ्रु तथा अत्यन्त विश्रुत शीघ्रग थे।

श्लोक 68 (padma.1.6.68)

जटायोः कर्णिकारश्च शतगामी च विश्रुतौ। तेषामसंख्यमभवत्पक्षिणां पुत्रपौत्रकम्।

jaṭāyoḥ karṇikāraśca śatagāmī ca viśrutau teṣāmasaṁkhyamabhavatpakṣiṇāṁ putrapautrakam

जटायु के पुत्र कर्णिकार तथा शतगामी विश्रुत थे। इन पक्षियों के पुत्र-पौत्र असंख्य हो गए।

श्लोक 69 (padma.1.6.69)

सुरसायां सहस्रं तु सर्पाणामभवत्पुरा। सहस्रशिरसां कद्रूः सहस्रं प्राप सुव्रता।

surasāyāṁ sahasraṁ tu sarpāṇāmabhavatpurā sahasraśirasāṁ kadrūḥ sahasraṁ prāpa suvratā

सुरसा में पूर्वकाल में एक सहस्र सर्प उत्पन्न हुए; सुव्रता कद्रू ने सहस्र-सहस्र सिरों वाले सहस्र सर्प प्राप्त किए।

श्लोक 70 (padma.1.6.70)

प्रधानास्तेषु विख्याता ष्षड्विंशतिररिन्दम। शेषवासुकिकर्कोट शंखैरावतकंबलाः।

pradhānāsteṣu vikhyātā ṣṣaḍviṁśatirarindama śeṣavāsukikarkoṭa śaṁkhairāvatakaṁbalāḥ

हे अरिन्दम! इनमें छब्बीस प्रधान और प्रसिद्ध हुए — शेष, वासुकि, कर्कोट, शंख, ऐरावत, कम्बल,

श्लोक 71 (padma.1.6.71)

धनंजय महानील पद्माश्वतर तक्षकाः। एलापत्र महापद्म धृतराष्ट्र बलाहकाः।

dhanaṁjaya mahānīla padmāśvatara takṣakāḥ elāpatra mahāpadma dhṛtarāṣṭra balāhakāḥ

धनंजय, महानील, पद्म, अश्वतर, तक्षक, एलापत्र, महापद्म, धृतराष्ट्र, बलाहक,

श्लोक 72 (padma.1.6.72)

शंखपाल महाशंख पुष्पदंष्ट्रं शुभाननाः। शंखरोमा च नहुषो रमणः पणिनस्तथा।

śaṁkhapāla mahāśaṁkha puṣpadaṁṣṭraṁ śubhānanāḥ śaṁkharomā ca nahuṣo ramaṇaḥ paṇinastathā

शंखपाल, महाशंख, पुष्पदंष्ट्र, शुभानन, शंखरोमा, नहुष, रमण तथा पणिन्,

श्लोक 73 (padma.1.6.73)

कपिलो दुर्मुखश्चापि पतंजलिमुखास्तथा। एषामनंतमभवत्सर्वेषां पुत्रपौत्रकम्।

kapilo durmukhaścāpi pataṁjalimukhāstathā eṣāmanaṁtamabhavatsarveṣāṁ putrapautrakam

कपिल, दुर्मुख, तथा पतंजलि आदि। इन सबके पुत्र-पौत्र अनन्त हो गए।

श्लोक 74 (padma.1.6.74)

प्रायशो यत्पुरादग्धं जनमेजयमंदिरे। रक्षोगणं क्रोधवशा सुनामानमजीजनत्।

prāyaśo yatpurādagdhaṁ janamejayamaṁdire rakṣogaṇaṁ krodhavaśā sunāmānamajījanat

जो अधिकांश जनमेजय के (सर्प-यज्ञ) मन्दिर में जल गया, वह यही वंश था। क्रोधवशा ने राक्षस-गण को तथा सुनामा को जन्म दिया,

श्लोक 75 (padma.1.6.75)

दंष्ट्रिणां नियुतं तेषां भीमसेनादगात्क्षयम्। दंष्ट्रि गोमायु काकादीन्महिषीर्गोवराङ्गनाः।

daṁṣṭriṇāṁ niyutaṁ teṣāṁ bhīmasenādagātkṣayam daṁṣṭri gomāyu kākādīnmahiṣīrgovarāṅganāḥ

तथा उनमें से दंष्ट्रियों (दाढ़ वाले प्राणियों) के एक नियुत (लाख) को, जो भीमसेन द्वारा नष्ट हुए — दंष्ट्री, गोमायु, कौवे आदि; भैंसें, तथा श्रेष्ठ गौएँ,

श्लोक 76 (padma.1.6.76)

सुरभिर्जनयामास कश्यपात्त्त्रितयं पुरा। मुनिर्मुनीनां च गणं गणमप्सरसां तथा।

surabhirjanayāmāsa kaśyapātttritayaṁ purā munirmunīnāṁ ca gaṇaṁ gaṇamapsarasāṁ tathā

सुरभि ने पूर्वकाल में कश्यप से तीन प्रकार की सन्तान उत्पन्न कीं। मुनि ने मुनियों के गण को, तथा अप्सराओं के गण को,

श्लोक 77 (padma.1.6.77)

तथा किन्नरगंधर्वानरिष्टा जनयद्बहून्। तृणवृक्षलता गुल्ममिरा सर्वमजीजनतत्।

tathā kinnaragaṁdharvānariṣṭā janayadbahūn tṛṇavṛkṣalatā gulmamirā sarvamajījanatat

तथा अनेक किन्नरों और गन्धर्वों को भी जन्म दिया; अरिष्टा ने बहुतों को जन्म दिया। इरा ने सभी तृण, वृक्ष, लता और झाड़ियों को उत्पन्न किया।

श्लोक 78 (padma.1.6.78)

खसा तु यक्षरक्षांसि जनयामास कोटिशः। एते कश्यपदायादाः शतशोथ सहस्रशः।

khasā tu yakṣarakṣāṁsi janayāmāsa koṭiśaḥ ete kaśyapadāyādāḥ śataśotha sahasraśaḥ

खसा ने यक्षों और राक्षसों को करोड़ों की संख्या में उत्पन्न किया। ये सब कश्यप के वंशज हैं, सैकड़ों और सहस्रों की संख्या में।

श्लोक 79 (padma.1.6.79)

एष मन्वंतरे भीष्म सर्गः स्वारोचिषे स्मृतः। ततस्त्वेकोनपंचाशन्मरुतः कश्यपाद्दितिः। जनयामास धर्मज्ञ सर्वानमरवल्लभान्।

eṣa manvaṁtare bhīṣma sargaḥ svārociṣe smṛtaḥ tatastvekonapaṁcāśanmarutaḥ kaśyapādditiḥ janayāmāsa dharmajña sarvānamaravallabhān

हे भीष्म! यह स्वारोचिष मन्वन्तर में हुई सृष्टि कही गई है। तत्पश्चात् हे धर्मज्ञ! दिति ने कश्यप से उनचास मरुतों को उत्पन्न किया, जो सभी देवताओं के प्रिय थे।