पतिव्रतोपाख्यान

श्लोक 1 (padma.1.51.1)

नरोत्तम उवाच- त्रिदशानां च देवानामन्येषां जगदीश्वरः। प्रभुः कर्ता च हर्त्ता च गोप्ता भर्त्ता पिता प्रसूः

narottama uvāca tridaśānāṁ ca devānāmanyeṣāṁ jagadīśvaraḥ prabhuḥ kartā ca harttā ca goptā bharttā pitā prasūḥ

नरोत्तम ने कहा — त्रिदश देवों और अन्य लोकों के भी जो जगदीश्वर हैं, प्रभु, कर्ता, हर्ता, रक्षक, भर्ता, पिता और उत्पत्ति-कारण हैं —

श्लोक 2 (padma.1.51.2)

अस्माकं वाक्श्रमो विष्णोः कथनेनैव युज्यते। किंतु कौतूहलं मेऽस्ति पिपासा वा क्षुधापि वा

asmākaṁ vākśramo viṣṇoḥ kathanenaiva yujyate kiṁtu kautūhalaṁ me'sti pipāsā vā kṣudhāpi vā

विष्णु के विषय में कथन से हमारी वाणी की थकान भी मिट जाती है। किंतु मुझे एक कौतूहल है, मानो प्यास या भूख हो —

श्लोक 3 (padma.1.51.3)

कृतं पृच्छति येनैव वक्तव्यं तत्प्रियेण हि। अतीतं चैव जानाति कथं नाथ पतिव्रता

kṛtaṁ pṛcchati yenaiva vaktavyaṁ tatpriyeṇa hi atītaṁ caiva jānāti kathaṁ nātha pativratā

जो हो चुका है उसे पूछने पर प्रिय व्यक्ति को ही उत्तर देना चाहिए। हे नाथ! पतिव्रता अतीत को कैसे जानती है,

श्लोक 4 (padma.1.51.4)

किं वा तस्यां प्रभावं च वक्तुमर्हस्यशेषतः। भगवानुवाच- कथितं मे पुरा वत्स पुनः कौतूहलं द्विज

kiṁ vā tasyāṁ prabhāvaṁ ca vaktumarhasyaśeṣataḥ bhagavānuvāca kathitaṁ me purā vatsa punaḥ kautūhalaṁ dvija

और उसका क्या प्रभाव है, यह सब मुझे बताइए। भगवान ने कहा — हे वत्स! मैंने तुम्हें पहले ही बता दिया था; हे द्विज! फिर से कौतूहल हुआ है।

श्लोक 5 (padma.1.51.5)

कथयिष्यामि तत्सर्वं यत्ते मनसि वर्तते। पतिव्रता पतिप्राणा सदा पत्युर्हिते रता

kathayiṣyāmi tatsarvaṁ yatte manasi vartate pativratā patiprāṇā sadā patyurhite ratā

जो कुछ तुम्हारे मन में है, वह सब मैं बताऊँगा। पतिव्रता, जिसका जीवन ही पति है, सदा पति के हित में तत्पर रहती है।

श्लोक 6 (padma.1.51.6)

देवानामपि साऽऽराध्या मुनीनां ब्रह्मवादिनां। धवस्यैकस्य या नारी लोके पूज्यतमा स्मृता

devānāmapi sā''rādhyā munīnāṁ brahmavādināṁ dhavasyaikasya yā nārī loke pūjyatamā smṛtā

वह देवताओं और ब्रह्मवादी मुनियों द्वारा भी आराधनीय है। जो स्त्री एक ही पति की होती है, वही संसार में सबसे अधिक पूज्य मानी गई है।

श्लोक 7 (padma.1.51.7)

तस्या संमानने गुर्वी निभृता न भविष्यति। मध्यदेशे पुरा तात नगरी चातिशोभना

tasyā saṁmānane gurvī nibhṛtā na bhaviṣyati madhyadeśe purā tāta nagarī cātiśobhanā

उसके सम्मान का महत्व छिपा नहीं रहेगा। हे तात! प्राचीन काल में मध्यदेश में एक अत्यंत सुंदर नगरी थी,

श्लोक 8 (padma.1.51.8)

तस्यां च ब्रह्मजातीया सेव्या नाम्नी पतिव्रता। तस्या धवोऽभवत्कुष्ठी पूर्वकर्मविरोधतः

tasyāṁ ca brahmajātīyā sevyā nāmnī pativratā tasyā dhavo'bhavatkuṣṭhī pūrvakarmavirodhataḥ

जिसमें ब्राह्मण-जाति की सेव्या नामक एक पतिव्रता स्त्री रहती थी। पूर्वकर्म के विरोध से उसका पति कुष्ठरोगी हो गया था।

श्लोक 9 (padma.1.51.9)

गलद्व्रणास्य पत्युश्च नित्यं चर्यापरायणा। यद्यन्मनोरथं तस्य शक्त्या सा कुरुते भृशम्

galadvraṇāsya patyuśca nityaṁ caryāparāyaṇā yadyanmanorathaṁ tasya śaktyā sā kurute bhṛśam

उसके पति के घाव बहते रहते थे, फिर भी वह नित्य उसकी सेवा में तत्पर रहती थी; उसकी जो-जो इच्छा होती, वह अपनी शक्ति से पूरी करती थी।

श्लोक 10 (padma.1.51.10)

अर्चयेद्देववन्नित्यं स्नेहं कुर्यादमत्सरा। कदाचित्पथि गच्छंतीं वेश्यां परमसुंदरीम्

arcayeddevavannityaṁ snehaṁ kuryādamatsarā kadācitpathi gacchaṁtīṁ veśyāṁ paramasuṁdarīm

वह उसे नित्य देवता के समान पूजती और बिना ईर्ष्या के स्नेह करती थी। एक बार मार्ग में जाते हुए एक अत्यंत सुंदर वेश्या को,

श्लोक 11 (padma.1.51.11)

दृष्ट्वाऽतीवाभवन्मोहान्मन्मथाविष्टचेतनः। निश्श्वस्य सुतरां दीर्घं ततस्तु विमनाऽभवत्

dṛṣṭvā'tīvābhavanmohānmanmathāviṣṭacetanaḥ niśśvasya sutarāṁ dīrghaṁ tatastu vimanā'bhavat

देखकर वह मोहवश काम से आविष्ट-चित्त हो गया। गहरी साँस लेकर वह उदास हो गया।

श्लोक 12 (padma.1.51.12)

श्रुत्वा गृहाद्विनिःसृत्य साध्वी पप्रच्छ तं पतिं। उन्मनास्त्वं कथं नाथ निःश्वासस्ते कथं विभो

śrutvā gṛhādviniḥsṛtya sādhvī papraccha taṁ patiṁ unmanāstvaṁ kathaṁ nātha niḥśvāsaste kathaṁ vibho

यह सुनकर घर से निकलकर साध्वी ने अपने पति से पूछा — हे नाथ! आप उदास क्यों हैं? हे विभो! आप क्यों साँस ले रहे हैं?

श्लोक 13 (padma.1.51.13)

ब्रूहि मे यच्च कर्तव्यमकर्तव्यं च यत्प्रियम्। दयितं ते करिष्यामि त्वमेको मे गुरुः प्रियः

brūhi me yacca kartavyamakartavyaṁ ca yatpriyam dayitaṁ te kariṣyāmi tvameko me guruḥ priyaḥ

मुझे बताइए जो कर्तव्य या अकर्तव्य आपको प्रिय हो। मैं आपकी इच्छा पूरी करूँगी, आप ही मेरे प्रिय गुरु हैं।

श्लोक 14 (padma.1.51.14)

अभीष्टं वद मे नाथ यथाशक्ति करोम्यहम्। इत्युक्ते तामुवाचेदं वृथा किं भाषसे प्रिये

abhīṣṭaṁ vada me nātha yathāśakti karomyaham ityukte tāmuvācedaṁ vṛthā kiṁ bhāṣase priye

हे नाथ! अपनी इच्छा बताइए, मैं यथाशक्ति करूँगी। यह कहे जाने पर उसने उससे कहा — प्रिये! व्यर्थ क्यों बोलती हो?

श्लोक 15 (padma.1.51.15)

न शक्ता त्वं न चैवाहं मोघं वक्तुं न युज्यते। प्रष्टुं नाधिकरोषीति यथा दीर्घतरोः फलम्

na śaktā tvaṁ na caivāhaṁ moghaṁ vaktuṁ na yujyate praṣṭuṁ nādhikaroṣīti yathā dīrghataroḥ phalam

न तुम समर्थ हो, न मैं; व्यर्थ बोलना उचित नहीं है। तुम्हें पूछने का अधिकार नहीं, जैसे कोई ऊँचे वृक्ष का फल चाहता है —

श्लोक 16 (padma.1.51.16)

भूमौ स्थित्वा तु खर्वात्मा समुद्धर्तुं प्रवांछति। तथा मे रमणी लोभान्मोहाद्यदभिवांछितम्

bhūmau sthitvā tu kharvātmā samuddhartuṁ pravāṁchati tathā me ramaṇī lobhānmohādyadabhivāṁchitam

भूमि पर खड़ा बौना उसे तोड़ने की इच्छा करे। वैसे ही, हे रमणी! मेरी लोभ और मोहवश जो इच्छा है,

श्लोक 17 (padma.1.51.17)

दंपत्योरपि दुःसाध्यमपयानं वदाम्यहम्। पतिव्रतोवाच- ज्ञात्वा तु त्वन्मनोवृत्तं शक्ताहं कार्यसाधने

daṁpatyorapi duḥsādhyamapayānaṁ vadāmyaham pativratovāca jñātvā tu tvanmanovṛttaṁ śaktāhaṁ kāryasādhane

दंपती के लिए भी दुःसाध्य है, वह असंभव है, यही मैं कहता हूँ। पतिव्रता ने कहा — आपके मन की स्थिति जानकर मैं इस कार्य को सिद्ध करने में समर्थ हूँ।

श्लोक 18 (padma.1.51.18)

आदेशं कुरु मे नाथ कर्तव्यं येन केनचित्। यदि ते दुर्लभं कार्यं कर्तुं शक्नोमि यत्नतः

ādeśaṁ kuru me nātha kartavyaṁ yena kenacit yadi te durlabhaṁ kāryaṁ kartuṁ śaknomi yatnataḥ

हे नाथ! जो भी करना हो, आदेश दीजिए, किसी भी उपाय से। यदि आपका कार्य दुर्लभ भी हो, तो मैं यत्नपूर्वक उसे कर सकती हूँ,

श्लोक 19 (padma.1.51.19)

तदा मे त्वतिकल्याणं फलिष्यति परे त्विह। इत्युक्ते परमः प्रीतः स्थितो वचनमब्रवीत्

tadā me tvatikalyāṇaṁ phaliṣyati pare tviha ityukte paramaḥ prītaḥ sthito vacanamabravīt

तब मुझे इस लोक और परलोक में अत्यंत कल्याण प्राप्त होगा। यह सुनकर वह अत्यंत प्रसन्न होकर बोला —

श्लोक 20 (padma.1.51.20)

पापाभ्यासाच्च पाप्मानं पृच्छतीति विनिश्चयः। पथ्यस्मिन्संप्रगच्छंतीं वेश्यां परमसुंदरीम्

pāpābhyāsācca pāpmānaṁ pṛcchatīti viniścayaḥ pathyasminsaṁpragacchaṁtīṁ veśyāṁ paramasuṁdarīm

पाप के अभ्यास से ही पाप के विषय में पूछा जाता है, यह निश्चित है। इस मार्ग में जाती हुई एक अत्यंत सुंदर वेश्या को,

श्लोक 21 (padma.1.51.21)

सर्वतश्चानवद्यांगीं दृष्ट्वा मे दह्यते मनः। यदि तां त्वत्प्रसादाच्च प्राप्नोमि नवयौवनां

sarvataścānavadyāṁgīṁ dṛṣṭvā me dahyate manaḥ yadi tāṁ tvatprasādācca prāpnomi navayauvanāṁ

सर्वांग-सुंदर देखकर मेरा मन जल रहा है। यदि तुम्हारी कृपा से मुझे वह नवयौवना प्राप्त हो जाए,

श्लोक 22 (padma.1.51.22)

तदा मे सफलं जन्म कुरु साध्वि हितं मम। यदि मां कुष्ठिनं दीनं पूतिगंधं नवव्रणम्

tadā me saphalaṁ janma kuru sādhvi hitaṁ mama yadi māṁ kuṣṭhinaṁ dīnaṁ pūtigaṁdhaṁ navavraṇam

तो मेरा जन्म सफल हो जाएगा; हे साध्वी! मेरा हित करो। यदि वह सुंदरी, मुझ कुष्ठी, दीन,

श्लोक 23 (padma.1.51.23)

न गच्छति वरारोहा तदा मे निधनं हितम्। श्रुत्वा तेनेरितं वाक्यं साध्वी वचनमब्रवीत्

na gacchati varārohā tadā me nidhanaṁ hitam śrutvā teneritaṁ vākyaṁ sādhvī vacanamabravīt

दुर्गंधयुक्त, नए घावों वाले के पास नहीं आती, तो मेरे लिए मृत्यु ही हितकर है। उसके इन वचनों को सुनकर साध्वी ने कहा —

श्लोक 24 (padma.1.51.24)

यथाशक्ति करिष्यामि स्थिरी भव प्रभोऽधुना। मनसाथ समालोच्य क्षपांते ह्युषसि द्रुतम्

yathāśakti kariṣyāmi sthirī bhava prabho'dhunā manasātha samālocya kṣapāṁte hyuṣasi drutam

मैं यथाशक्ति यह करूँगी, अभी स्थिर रहिए, हे प्रभु! फिर मन में विचार करके, रात्रि के अंत में, प्रातःकाल शीघ्रता से,

श्लोक 25 (padma.1.51.25)

गोमयं सह शोधन्या गृहीत्वा सा ययौ मुदा। संप्राप्य गणिकागेहं शोधयित्वा च चत्वरम्

gomayaṁ saha śodhanyā gṛhītvā sā yayau mudā saṁprāpya gaṇikāgehaṁ śodhayitvā ca catvaram

गोबर और झाड़ू लेकर वह प्रसन्नतापूर्वक चली गई। गणिका के घर पहुँचकर आँगन को साफ कर,

श्लोक 26 (padma.1.51.26)

प्रतोलीं वीथिकां चैव गोमयं प्रददौ मुदा। सा तूर्णमागता गेहे जनस्यालोकने भयात्

pratolīṁ vīthikāṁ caiva gomayaṁ pradadau mudā sā tūrṇamāgatā gehe janasyālokane bhayāt

मुख्य मार्ग और गली में भी प्रसन्नतापूर्वक गोबर लगा दिया। लोगों के देखने के भय से वह शीघ्र घर लौट आई।

श्लोक 27 (padma.1.51.27)

एवं क्रमेण सा साध्वी चरति स्म दिनत्रयम्। अथ सा वारमुख्या च चेटिकाश्चेटकानपि

evaṁ krameṇa sā sādhvī carati sma dinatrayam atha sā vāramukhyā ca ceṭikāśceṭakānapi

इस प्रकार वह साध्वी तीन दिन तक ऐसा करती रही। तब उस मुख्य वेश्या ने अपनी दासियों और सेवकों से पूछा —

श्लोक 28 (padma.1.51.28)

अपृच्छत्कस्य कर्माणि शोभनानि च चत्वरे। मया नोक्तेप्युषः काले कस्य मत्प्रियकारणात्

apṛcchatkasya karmāṇi śobhanāni ca catvare mayā noktepyuṣaḥ kāle kasya matpriyakāraṇāt

यह सुंदर कार्य आँगन में किसका है? मेरे बिना कहे भी प्रातःकाल किसकी मेरे प्रति प्रीति के कारण,

श्लोक 29 (padma.1.51.29)

रुच्यकर्मणि दीप्यंते रथ्या चत्त्वर वीथिकाः। परस्परेण संचिंत्य वारमुख्यां च तेऽब्रुवन्

rucyakarmaṇi dīpyaṁte rathyā cattvara vīthikāḥ paraspareṇa saṁciṁtya vāramukhyāṁ ca te'bruvan

यह सुंदर कार्य से गली, आँगन और मार्ग चमक रहे हैं? आपस में विचार करके उन्होंने मुख्य वेश्या से कहा —

श्लोक 30 (padma.1.51.30)

अस्माभिर्न कृतं भद्रे कर्म चैतत्प्रमार्जनम्। अथ सा विस्मयं गत्वा संचिंत्य रजनीक्षये

asmābhirna kṛtaṁ bhadre karma caitatpramārjanam atha sā vismayaṁ gatvā saṁciṁtya rajanīkṣaye

हे भद्रे! यह सफाई का कार्य हमने नहीं किया है। तब वह विस्मित होकर, रात्रि के अंत में विचार करके,

श्लोक 31 (padma.1.51.31)

तया च दृश्यते सा च तथैव पुनरागता। दृष्ट्वा तां महतीं साध्वीं ब्राह्मणीं च पतिव्रताम्

tayā ca dṛśyate sā ca tathaiva punarāgatā dṛṣṭvā tāṁ mahatīṁ sādhvīṁ brāhmaṇīṁ ca pativratām

उसे देखने लगी, और वह पहले की भाँति ही फिर आई। उस महान साध्वी, ब्राह्मणी, पतिव्रता को देखकर,

श्लोक 32 (padma.1.51.32)

दधार चरणे तस्या हा क्षमस्वेति भाषिणी। आयुर्देहं च संपत्तिर्यशोर्थः कीर्तिरेव च

dadhāra caraṇe tasyā hā kṣamasveti bhāṣiṇī āyurdehaṁ ca saṁpattiryaśorthaḥ kīrtireva ca

उसने उसके चरण पकड़ लिए और 'हा, क्षमा करो' कहने लगी — आयु, शरीर, संपत्ति, यश, अर्थ और कीर्ति —

श्लोक 33 (padma.1.51.33)

एतासां मे विनाशाय स्फुरसीव पतिव्रते। यद्यत्प्रार्थयसे साध्वि नित्यं दास्यामि तद्दृढम्

etāsāṁ me vināśāya sphurasīva pativrate yadyatprārthayase sādhvi nityaṁ dāsyāmi taddṛḍham

इन सबके विनाश के लिए ही मानो तुम आई हो, हे पतिव्रता! तुम जो भी चाहोगी, वह मैं सदा दृढ़तापूर्वक दूँगी,

श्लोक 34 (padma.1.51.34)

सुवर्णं मणिरत्नं वा चेलं वा यन्मनोरथं। तामुवाच ततः साध्वी न मे चार्थे प्रयोजनम्

suvarṇaṁ maṇiratnaṁ vā celaṁ vā yanmanorathaṁ tāmuvāca tataḥ sādhvī na me cārthe prayojanam

स्वर्ण, मणि-रत्न या वस्त्र, जो भी तुम्हारा मनोरथ हो। तब साध्वी ने उससे कहा — मुझे धन का कोई प्रयोजन नहीं है,

श्लोक 35 (padma.1.51.35)

अस्ति कार्यं च ते किञ्चिद्वदामि कुरुषे यदि। तदा मे हृदि संतोषः कृतं सर्वं त्वयाऽधुना

asti kāryaṁ ca te kiñcidvadāmi kuruṣe yadi tadā me hṛdi saṁtoṣaḥ kṛtaṁ sarvaṁ tvayā'dhunā

किंतु तुमसे एक कार्य है; यदि मैं बताऊँ और तुम करो, तो मेरे हृदय को संतोष होगा, मानो अभी तुमने सब कुछ कर दिया हो।

श्लोक 36 (padma.1.51.36)

गणिकोवाच- सत्यं सत्यं करिष्यामि द्रुतं वद पतिव्रते। कुरु मे रक्षणं मातर्द्रुतं कृत्यं च मे वद

gaṇikovāca satyaṁ satyaṁ kariṣyāmi drutaṁ vada pativrate kuru me rakṣaṇaṁ mātardrutaṁ kṛtyaṁ ca me vada

गणिका ने कहा — मैं सत्य-सत्य यह करूँगी, हे पतिव्रता! शीघ्र बताओ। हे माता! मेरी रक्षा करो, शीघ्र मुझे बताओ क्या करना है।

श्लोक 37 (padma.1.51.37)

त्रपया निकृतं वाच्यं तस्यामुक्तं वरं प्रियम्। क्षणं विमृश्य सा वेश्या कृत्वा क्षांतिमुवाच च

trapayā nikṛtaṁ vācyaṁ tasyāmuktaṁ varaṁ priyam kṣaṇaṁ vimṛśya sā veśyā kṛtvā kṣāṁtimuvāca ca

लज्जा से संकुचित होकर भी उसने वह प्रिय बात कह दी। क्षणभर विचार कर वह वेश्या धैर्य धारण कर बोली —

श्लोक 38 (padma.1.51.38)

कुष्ठिनः पूतिगंधस्य संपर्के दुःखिता भृशम्। दिनैकं च करिष्यामि यद्यागच्छति मद्गृहम्

kuṣṭhinaḥ pūtigaṁdhasya saṁparke duḥkhitā bhṛśam dinaikaṁ ca kariṣyāmi yadyāgacchati madgṛham

कुष्ठरोगी, दुर्गंधयुक्त व्यक्ति के संपर्क से मुझे अत्यंत कष्ट होगा; फिर भी एक दिन के लिए मैं यह करूँगी, यदि वह मेरे घर आए।

श्लोक 39 (padma.1.51.39)

पतिव्रतोवाच- आगमिष्यामि ते गेहमद्य रात्रौ च सुंदरि। भुक्तभोग्यं पतिं हृष्टं पुनर्नेष्यामि मद्गृहम्

pativratovāca āgamiṣyāmi te gehamadya rātrau ca suṁdari bhuktabhogyaṁ patiṁ hṛṣṭaṁ punarneṣyāmi madgṛham

पतिव्रता ने कहा — हे सुंदरी! मैं आज रात्रि ही तुम्हारे घर आऊँगी। पति भोग भोगकर प्रसन्न हो जाए, फिर मैं उसे पुनः अपने घर ले जाऊँगी।

श्लोक 40 (padma.1.51.40)

गणिकोवाच- गच्छ शीघ्रं महाभागे स्वगृहं च पतिव्रते। पतिस्ते चार्द्धरात्रे स आगच्छतु च मद्गृहम्

gaṇikovāca gaccha śīghraṁ mahābhāge svagṛhaṁ ca pativrate patiste cārddharātre sa āgacchatu ca madgṛham

गणिका ने कहा — हे महाभागा पतिव्रता! अब शीघ्र अपने घर जाओ; तुम्हारा पति आधी रात को मेरे घर आ जाए।

श्लोक 41 (padma.1.51.41)

बहवो मे प्रियास्संति राजानस्तत्समाश्च ये। एकैको मद्गृहे नित्यं तिष्ठतीह निरंतरम्

bahavo me priyāssaṁti rājānastatsamāśca ye ekaiko madgṛhe nityaṁ tiṣṭhatīha niraṁtaram

मेरे अनेक प्रेमी हैं, राजा और उनके समान लोग; एक-एक करके वे नित्य मेरे घर में निरंतर रहते हैं।

श्लोक 42 (padma.1.51.42)

अद्याहं मे गृहं शून्यं करिष्यामि च त्वद्भयात्। स चागच्छतु ते भर्त्ता स चास्मान्प्राप्य गच्छतु

adyāhaṁ me gṛhaṁ śūnyaṁ kariṣyāmi ca tvadbhayāt sa cāgacchatu te bharttā sa cāsmānprāpya gacchatu

आज तुम्हारे भय (सम्मान) से मैं अपना घर खाली कर दूँगी; तुम्हारा पति आए और हमें प्राप्त कर लौट जाए।

श्लोक 43 (padma.1.51.43)

एतच्छ्रुत्वा तु सा साध्वी गतासौ स्वगृहे तथा। पत्यौ निवेदयामास कृत्यं ते फलितं प्रभो

etacchrutvā tu sā sādhvī gatāsau svagṛhe tathā patyau nivedayāmāsa kṛtyaṁ te phalitaṁ prabho

यह सुनकर वह साध्वी अपने घर गई और पति से कहा — हे प्रभु! आपका कार्य सफल हो गया है।

श्लोक 44 (padma.1.51.44)

अद्य रात्रौ च तद्गेहं गंतुं ख्यातिं करोति सा। प्रभूताः पतयस्तस्यास्तव कालो न विद्यते

adya rātrau ca tadgehaṁ gaṁtuṁ khyātiṁ karoti sā prabhūtāḥ patayastasyāstava kālo na vidyate

आज रात्रि उसके घर जाने की उसने घोषणा की है। उसके अनेक प्रेमी हैं, तुम्हारे लिए कोई निश्चित समय नहीं है।

श्लोक 45 (padma.1.51.45)

विप्र उवाच- कथं यास्यामि तद्गेहं मया गंतुं न शक्यते। एतज्ज्ञात्वा कुतः क्षांतिः कृतं कार्यं कथं भवेत्

vipra uvāca kathaṁ yāsyāmi tadgehaṁ mayā gaṁtuṁ na śakyate etajjñātvā kutaḥ kṣāṁtiḥ kṛtaṁ kāryaṁ kathaṁ bhavet

विप्र ने कहा — मैं उस घर कैसे जाऊँ, मुझसे जाना संभव नहीं है। यह जानकर मुझे धैर्य कैसे हो? कार्य कैसे संपन्न होगा?

श्लोक 46 (padma.1.51.46)

पतिव्रतोवाच- स्वपृष्ठस्थमहं कृत्वा नेष्यामि तद्गृहं प्रति। सिद्धे ह्यर्थे नयिष्यामि पुनस्ते नैव वर्त्मना

pativratovāca svapṛṣṭhasthamahaṁ kṛtvā neṣyāmi tadgṛhaṁ prati siddhe hyarthe nayiṣyāmi punaste naiva vartmanā

पतिव्रता ने कहा — मैं आपको अपनी पीठ पर बिठाकर उस घर ले जाऊँगी। कार्य सिद्ध होने पर उसी मार्ग से पुनः वापस ले आऊँगी।

श्लोक 47 (padma.1.51.47)

द्विज उवाच- कल्याणि त्वत्कृतेनैव सर्वं मे कृत्यमेष्यति। इदानीं यत्कृतं कर्म स्त्रीजनैरपि दुःसहम्

dvija uvāca kalyāṇi tvatkṛtenaiva sarvaṁ me kṛtyameṣyati idānīṁ yatkṛtaṁ karma strījanairapi duḥsaham

द्विज ने कहा — हे कल्याणी! तुम्हारे किए से ही मेरा सब कार्य पूर्ण होगा। इस बीच, एक ऐसा कर्म हुआ था जो स्त्रियों के लिए भी असह्य था —

श्लोक 48 (padma.1.51.48)

तस्मिंश्च नगरे रम्ये नित्यं च धनिनो गृहे। पौरेश्च प्रचुरं वित्तं हृतं राज्ञा श्रुतं तदा

tasmiṁśca nagare ramye nityaṁ ca dhanino gṛhe paureśca pracuraṁ vittaṁ hṛtaṁ rājñā śrutaṁ tadā

उस रमणीय नगर में, धनवानों के घरों में और नगरवासियों से भी नित्य प्रचुर धन चोरी होता रहा; राजा ने यह सुना।

श्लोक 49 (padma.1.51.49)

श्रुत्वा सर्वान्निशाचारानाहूय नृपती रुषा। जीवितुं यदि वो वांछा चोरं मामद्य दास्यथ

śrutvā sarvānniśācārānāhūya nṛpatī ruṣā jīvituṁ yadi vo vāṁchā coraṁ māmadya dāsyatha

यह सुनकर राजा ने क्रोध से सभी रात्रि-प्रहरियों को बुलाकर कहा — यदि तुम जीना चाहते हो, तो आज ही मुझे चोर सौंप दो।

श्लोक 50 (padma.1.51.50)

गृहीत्वा तु नृपस्याज्ञां यत्तैर्जिघृक्षयाकुलैः। चारैश्चोरो गृहीतस्तैर्बलाच्चैव नृपाज्ञया

gṛhītvā tu nṛpasyājñāṁ yattairjighṛkṣayākulaiḥ cāraiścoro gṛhītastairbalāccaiva nṛpājñayā

राजा की आज्ञा पाकर पकड़ने के लिए व्याकुल उन गुप्तचरों ने राजाज्ञा से बलपूर्वक एक 'चोर' को पकड़ लिया —

श्लोक 51 (padma.1.51.51)

नगरोपांतदेशे च वृक्षमूले घने वने। समाधिस्थोमहातेजामांडव्योमुनिपुंगवः

nagaropāṁtadeśe ca vṛkṣamūle ghane vane samādhisthomahātejāmāṁḍavyomunipuṁgavaḥ

नगर के बाहरी भाग में, घने वन में एक वृक्ष की जड़ में, समाधिस्थ, महातेजस्वी, मुनियों में श्रेष्ठ मांडव्य,

श्लोक 52 (padma.1.51.52)

व्यातिष्ठद्वह्निसंकाशो योगिनां प्रवरो मुनिः। अंतर्नाडीगतो वायुः किंचिन्न प्रतिभाति च

vyātiṣṭhadvahnisaṁkāśo yogināṁ pravaro muniḥ aṁtarnāḍīgato vāyuḥ kiṁcinna pratibhāti ca

अग्नि के समान तेजस्वी, योगियों में श्रेष्ठ मुनि, जिनकी वायु नाड़ियों के भीतर लीन थी, कोई हलचल प्रतीत नहीं होती थी।

श्लोक 53 (padma.1.51.53)

तं ब्रह्मतुल्यं तिष्ठन्तं दृष्ट्वा दुष्टा महामुनिम्। चोरोयमद्भुताकारो धूर्तस्तिष्ठति कानने

taṁ brahmatulyaṁ tiṣṭhantaṁ dṛṣṭvā duṣṭā mahāmunim coroyamadbhutākāro dhūrtastiṣṭhati kānane

ब्रह्मा के समान उस महामुनि को बैठा देखकर दुष्टों ने कहा — यह विचित्र रूप वाला धूर्त चोर वन में बैठा है।

श्लोक 54 (padma.1.51.54)

एवमुक्त्वा तु तं पापा बबन्धुर्मुनिसत्तमम्। नोक्ताश्च नेक्षितास्तेन पुरुषा अतिदारुणाः

evamuktvā tu taṁ pāpā babandhurmunisattamam noktāśca nekṣitāstena puruṣā atidāruṇāḥ

ऐसा कहकर उन पापियों ने उस मुनिश्रेष्ठ को बांध लिया; उस अत्यंत भयंकर पुरुषों को उन्होंने न कुछ कहा, न देखा।

श्लोक 55 (padma.1.51.55)

ततो राजा उवाचेदं संप्राप्तस्तस्करो मया। उपांते च पथिद्वारे कुरुध्वं घोरदण्डनम्

tato rājā uvācedaṁ saṁprāptastaskaro mayā upāṁte ca pathidvāre kurudhvaṁ ghoradaṇḍanam

तब राजा ने कहा — मुझे चोर मिल गया है; नगर के बाहरी मार्ग के द्वार पर इसे घोर दंड दो।

श्लोक 56 (padma.1.51.56)

मांडव्यश्च मुनिस्तत्र पथिशूले च कीलितः। पायुदेशे च तैर्दत्तं शूलं यावच्च मस्तकम्

māṁḍavyaśca munistatra pathiśūle ca kīlitaḥ pāyudeśe ca tairdattaṁ śūlaṁ yāvacca mastakam

मुनि मांडव्य को वहाँ मार्ग के किनारे शूल पर चढ़ा दिया गया। उन्होंने गुदा-प्रदेश से मस्तक तक शूल घुसा दिया।

श्लोक 57 (padma.1.51.57)

व्यथां स च न जानाति शूले विद्धतनुर्यमात्। अन्यैरपि कृतो दण्डः कृतस्तैस्तु मनोहितः

vyathāṁ sa ca na jānāti śūle viddhatanuryamāt anyairapi kṛto daṇḍaḥ kṛtastaistu manohitaḥ

शूल से बिंधे शरीर वाले वे मृत्यु से परे होने के कारण कोई पीड़ा नहीं जानते थे। अन्य लोगों द्वारा भी दंड दिया गया, जो जानबूझकर किया गया।

श्लोक 58 (padma.1.51.58)

एतस्मिन्नंतरे रात्रावंधकारे घनोन्नते। स्वपतिं पृष्ठतः कृत्वा प्रययौ सा पतिव्रता

etasminnaṁtare rātrāvaṁdhakāre ghanonnate svapatiṁ pṛṣṭhataḥ kṛtvā prayayau sā pativratā

इसी बीच, रात्रि के घने अंधकार में, अपने पति को पीठ पर बिठाकर वह पतिव्रता चल पड़ी।

श्लोक 59 (padma.1.51.59)

मांडव्यस्य तनौ सङ्गात्कुष्ठिनो गंध आगतः। भग्नः समाधिस्तस्यैवं कुष्ठिसंसर्गतो ध्रुवम्

māṁḍavyasya tanau saṅgātkuṣṭhino gaṁdha āgataḥ bhagnaḥ samādhistasyaivaṁ kuṣṭhisaṁsargato dhruvam

मांडव्य के शरीर के निकट होने से कुष्ठरोगी की गंध वहाँ पहुँची। इस प्रकार कुष्ठी के संसर्ग से उनकी समाधि निश्चय ही भंग हो गई।

श्लोक 60 (padma.1.51.60)

मांडव्य उवाच- एवं येनाधुना कृच्छ्रं कारितं गात्रवेदनम्। स एव भस्मतां यातु प्रोदिते च विरोचने

māṁḍavya uvāca evaṁ yenādhunā kṛcchraṁ kāritaṁ gātravedanam sa eva bhasmatāṁ yātu prodite ca virocane

मांडव्य ने कहा — जिसने अभी मुझे यह कष्टकारी शारीरिक पीड़ा दी है, सूर्योदय होते ही वह भस्म हो जाए।

श्लोक 61 (padma.1.51.61)

मांडव्येनैवमुक्तस्स पपात धरणीतले। ततः पतिव्रता चाह ब्रध्नो नोदयतु ध्रुवं

māṁḍavyenaivamuktassa papāta dharaṇītale tataḥ pativratā cāha bradhno nodayatu dhruvaṁ

मांडव्य के इस प्रकार कहने पर वह (पति) धरती पर गिर पड़ा। तब पतिव्रता ने कहा — सूर्य निश्चय ही उदय न हो।

श्लोक 62 (padma.1.51.62)

दिनत्रयं गृहं नीत्वा शापाद्वेश्मगता ततः। शयनीये स्थितं रम्ये धृत्वाऽतिष्ठत्पतिव्रता

dinatrayaṁ gṛhaṁ nītvā śāpādveśmagatā tataḥ śayanīye sthitaṁ ramye dhṛtvā'tiṣṭhatpativratā

तीन दिन तक घर ले जाकर, शाप के कारण घर में जाकर, पतिव्रता ने उसे रमणीय शय्या पर धारण कर रखा।

श्लोक 63 (padma.1.51.63)

शप्त्वा तं च मुनिश्रेष्ठो गतो देशमभीष्टकम्। सूरो नोदयते लोके यावच्चैव दिनत्रयम्

śaptvā taṁ ca muniśreṣṭho gato deśamabhīṣṭakam sūro nodayate loke yāvaccaiva dinatrayam

उसे शाप देकर मुनिश्रेष्ठ अपने इच्छित स्थान को चले गए। तीन दिनों तक संसार में सूर्य उदय नहीं हुआ।

श्लोक 64 (padma.1.51.64)

निखिलं व्यथितं दृष्ट्वा त्रैलोक्यं सचराचरम्। शतक्रतुं पुरस्कृत्य गता देवाः पितामहम्

nikhilaṁ vyathitaṁ dṛṣṭvā trailokyaṁ sacarācaram śatakratuṁ puraskṛtya gatā devāḥ pitāmaham

चराचर सहित संपूर्ण त्रैलोक्य को व्यथित देखकर देवगण इन्द्र को आगे कर पितामह के पास गए।

श्लोक 65 (padma.1.51.65)

वृत्तं न्यवेदयन्सर्वं पद्मयोनौ दिवौकसः। कारणं च न जानीमस्त्वं तु योग्यं विधेहि नः

vṛttaṁ nyavedayansarvaṁ padmayonau divaukasaḥ kāraṇaṁ ca na jānīmastvaṁ tu yogyaṁ vidhehi naḥ

स्वर्गवासियों ने पद्मयोनि ब्रह्मा को पूरी घटना बताई — हम कारण नहीं जानते, आप हमारे लिए उचित उपाय कीजिए।

श्लोक 66 (padma.1.51.66)

ब्रह्मोवाच- पतिव्रताया यद्वृत्तं मांडव्यस्य मुनेश्च यत्। यथा नोदयते ब्रध्नो धाता देवेष्ववेदयत्

brahmovāca pativratāyā yadvṛttaṁ māṁḍavyasya muneśca yat yathā nodayate bradhno dhātā deveṣvavedayat

ब्रह्मा ने कहा — पतिव्रता और मुनि मांडव्य के साथ जो हुआ, तथा सूर्य क्यों उदय नहीं होता, यह विधाता ने देवताओं को बताया।

श्लोक 67 (padma.1.51.67)

ततो देवा विमानैश्च पुरस्कृत्य प्रजापतिम्। गतास्तदंतिकं विप्र तूर्णं सर्वे च भूतलम्

tato devā vimānaiśca puraskṛtya prajāpatim gatāstadaṁtikaṁ vipra tūrṇaṁ sarve ca bhūtalam

फिर देवगण अपने विमानों में प्रजापति को आगे कर, हे विप्र! सभी शीघ्र ही उसके निकट, भूतल पर गए,

श्लोक 68 (padma.1.51.68)

तेषां श्रिया विमानानां मुनीनां किरणैस्तथा। शतसूर्यमिवाभाति नान्यत्र च गृहोदरे

teṣāṁ śriyā vimānānāṁ munīnāṁ kiraṇaistathā śatasūryamivābhāti nānyatra ca gṛhodare

और उन विमानों की शोभा तथा मुनियों की किरणों से वह स्थान सौ सूर्यों के समान चमकने लगा — किंतु यह प्रकाश उस घर के भीतर के अलावा और कहीं नहीं फैला।

श्लोक 69 (padma.1.51.69)

हा हतास्मि कथं सूरो मद्गृहे समुपस्थितः। अदृश्यंत तया देवा विमानैर्हंससन्निभैः

hā hatāsmi kathaṁ sūro madgṛhe samupasthitaḥ adṛśyaṁta tayā devā vimānairhaṁsasannibhaiḥ

'हाय, मैं नष्ट हुई! मेरे घर सूर्य कैसे आ गए?' उसने हंस के समान विमानों में देवताओं को देखा।

श्लोक 70 (padma.1.51.70)

एतस्मिन्नंतरे ब्रह्मा तामुवाच पतिव्रताम्। अखिलानां च देवानां द्विजानां च गवां तथा

etasminnaṁtare brahmā tāmuvāca pativratām akhilānāṁ ca devānāṁ dvijānāṁ ca gavāṁ tathā

इसी बीच ब्रह्मा ने उस पतिव्रता से कहा — समस्त देवताओं, द्विजों, तथा गायों के —

श्लोक 71 (padma.1.51.71)

यथैव निधनं तेषां कथं ते परिरोचते। मातः क्रोधं त्यजस्वाद्य सूर्यस्योदयनं प्रति

yathaiva nidhanaṁ teṣāṁ kathaṁ te parirocate mātaḥ krodhaṁ tyajasvādya sūryasyodayanaṁ prati

विनाश जैसा प्रभाव यह होगा — तुम्हें यह कैसे अच्छा लग सकता है? हे माता! आज सूर्योदय के प्रति अपना क्रोध त्याग दो।

श्लोक 72 (padma.1.51.72)

पतिव्रतोवाच- सर्वलोकानतिक्रम्य पतिरेको गुरुर्मम। अस्य मृत्युर्मुनेश्शापादुदिते च विरोचने

pativratovāca sarvalokānatikramya patireko gururmama asya mṛtyurmuneśśāpādudite ca virocane

पतिव्रता ने कहा — संसार के सभी लोगों से बढ़कर मेरा पति ही मेरा गुरु है। सूर्य के उदय होने पर मुनि के शाप से उसकी मृत्यु निश्चित है;

श्लोक 73 (padma.1.51.73)

तेनैव कारणेनैष मया शप्तो दिवाकरः। न कोपान्न च मोहाच्च लोभात्कामान्न मत्सरात्

tenaiva kāraṇenaiṣa mayā śapto divākaraḥ na kopānna ca mohācca lobhātkāmānna matsarāt

इसी कारण मैंने सूर्य को शाप दिया है — न क्रोध से, न मोह से, न लोभ से, न काम से, न ईर्ष्या से।

श्लोक 74 (padma.1.51.74)

ब्रह्मोवाच- एकस्य निधनेनैव त्रैलोक्यस्य हितं भवेत्। ततस्ते चाधिकं पुण्यं मातरेवं भविष्यति

brahmovāca ekasya nidhanenaiva trailokyasya hitaṁ bhavet tataste cādhikaṁ puṇyaṁ mātarevaṁ bhaviṣyati

ब्रह्मा ने कहा — एक के विनाश से ही त्रैलोक्य का हित होगा। इससे, हे माता! तुम्हें और भी अधिक पुण्य प्राप्त होगा।

श्लोक 75 (padma.1.51.75)

सा चोवाच विधिं तत्र देवानामग्रतः सती। पतिं त्यक्त्वा च मे सत्यं शिवं मे नानुरोचते

sā covāca vidhiṁ tatra devānāmagrataḥ satī patiṁ tyaktvā ca me satyaṁ śivaṁ me nānurocate

उस सती ने वहाँ देवताओं के सामने विधाता से कहा — पति को त्यागकर, सत्य कहती हूँ, मुझे कोई कल्याण नहीं भाता।

श्लोक 76 (padma.1.51.76)

ब्रह्मोवाच- उदिते च खगे सौम्ये पत्यौ ते भस्मतां गते। स्वस्थेभूते च त्रैलोक्ये करिष्यामि हितं तव

brahmovāca udite ca khage saumye patyau te bhasmatāṁ gate svasthebhūte ca trailokye kariṣyāmi hitaṁ tava

ब्रह्मा ने कहा — सौम्य सूर्य के उदय होने और तुम्हारे पति के भस्म हो जाने पर, त्रैलोक्य के स्वस्थ होने पर, मैं तुम्हारा हित करूँगा।

श्लोक 77 (padma.1.51.77)

भस्मनः पुरुषो भाव्यः कामदेवसमप्रभः। गुणैः सर्वैर्युतो भर्ता रतिवत्त्वं च सर्वदा

bhasmanaḥ puruṣo bhāvyaḥ kāmadevasamaprabhaḥ guṇaiḥ sarvairyuto bhartā rativattvaṁ ca sarvadā

भस्म से एक पुरुष उत्पन्न होगा, कामदेव के समान तेजस्वी, समस्त गुणों से युक्त पति, और तुम सदा रति के समान होगी।

श्लोक 78 (padma.1.51.78)

यथापूज्यो हरिर्दैवैर्यथा लक्ष्मीश्च पूजिता। तथैव दंपती स्वर्गे तस्मान्मद्वचनं कुरु

yathāpūjyo harirdaivairyathā lakṣmīśca pūjitā tathaiva daṁpatī svarge tasmānmadvacanaṁ kuru

जैसे हरि देवताओं द्वारा पूज्य हैं, जैसे लक्ष्मी पूजित हैं, वैसे ही तुम दोनों दंपती स्वर्ग में पूजित होंगे; इसलिए मेरा वचन मानो।

श्लोक 79 (padma.1.51.79)

पतिव्रतोवाच- पत्युर्मे निधने ब्रह्मन्विधवा लोकनिंदिता। कांस्तु लोकान्गमिष्यामि भग्ना चारामलीमसा

pativratovāca patyurme nidhane brahmanvidhavā lokaniṁditā kāṁstu lokāngamiṣyāmi bhagnā cārāmalīmasā

पतिव्रता ने कहा — हे ब्रह्मन्! पति के निधन पर विधवा संसार में निंदित होती है। मैं टूटी हुई, मलिन होकर किन लोकों में जाऊँगी?

श्लोक 80 (padma.1.51.80)

ब्रह्मोवाच- अतस्ते नास्ति दोषो वै न मृतस्ते धवोऽधुना। अस्माकं वचनेनैव कुष्ठी मन्मथतां व्रजेत्

brahmovāca ataste nāsti doṣo vai na mṛtaste dhavo'dhunā asmākaṁ vacanenaiva kuṣṭhī manmathatāṁ vrajet

ब्रह्मा ने कहा — इसलिए इसमें कोई दोष नहीं है, तुम्हारा पति अभी मरेगा नहीं। हमारे वचन से ही कुष्ठी काम-देव के समान बन जाएगा।

श्लोक 81 (padma.1.51.81)

वदत्येवंविधौ सा च विमृश्य क्षणमेव च। बाढमुक्तवती सा च ततस्सूर्योदयोऽभवत्

vadatyevaṁvidhau sā ca vimṛśya kṣaṇameva ca bāḍhamuktavatī sā ca tatassūryodayo'bhavat

यह इस प्रकार कहे जाने पर वह क्षणभर विचार कर 'ठीक है' कहती हुई सहमत हो गई, तब सूर्योदय हुआ।

श्लोक 82 (padma.1.51.82)

अभवद्भस्मरूपोऽसौ मुनिशापप्रपीडितः। भस्मनो मध्यतो जातो द्विजो मन्मथपीडितः

abhavadbhasmarūpo'sau muniśāpaprapīḍitaḥ bhasmano madhyato jāto dvijo manmathapīḍitaḥ

मुनि के शाप से पीड़ित वह भस्म-रूप हो गया; भस्म के मध्य से एक द्विज उत्पन्न हुआ, जो अब कामदेव जैसा तेजस्वी था।

श्लोक 83 (padma.1.51.83)

दृष्ट्वा विस्मयपमापन्नाः सर्वे ते पुरवासिनः। मुदिता देवसंघाश्च जनः स्वस्थतरोऽभवत्

dṛṣṭvā vismayapamāpannāḥ sarve te puravāsinaḥ muditā devasaṁghāśca janaḥ svasthataro'bhavat

यह देखकर सभी नगरवासी विस्मित हो गए; देवगण प्रसन्न हो उठे और लोग अधिक स्वस्थ हो गए।

श्लोक 84 (padma.1.51.84)

विमानेनार्कवर्णेन स्वर्लोकादागतेन च। पतिना सह सा साध्वी सुरैः सार्द्धं गता दिवम्

vimānenārkavarṇena svarlokādāgatena ca patinā saha sā sādhvī suraiḥ sārddhaṁ gatā divam

स्वर्गलोक से आए सूर्य के समान वर्ण वाले विमान में, पति के साथ वह साध्वी देवताओं सहित स्वर्ग को गई।

श्लोक 85 (padma.1.51.85)

एवं पतिव्रता यस्माच्छुभा चैव तु मत्समा। तेन वृत्तं च जानाति भूतं भव्यं प्रवर्तनम्

evaṁ pativratā yasmācchubhā caiva tu matsamā tena vṛttaṁ ca jānāti bhūtaṁ bhavyaṁ pravartanam

इस प्रकार पतिव्रता, जो शुभ और मेरे समान है, इसीलिए भूत, भविष्य और वर्तमान के व्यवहार को जानती है।

श्लोक 86 (padma.1.51.86)

य इदं श्रावयेल्लोके पुण्याख्यानमनुत्तमम्। तस्य पापं क्षयं याति जन्मजन्मकृतं च यत्

ya idaṁ śrāvayelloke puṇyākhyānamanuttamam tasya pāpaṁ kṣayaṁ yāti janmajanmakṛtaṁ ca yat

जो इस उत्तम पुण्य-आख्यान को संसार में सुनाता है, उसके जन्म-जन्मांतर में किए गए पाप क्षय हो जाते हैं,

श्लोक 87 (padma.1.51.87)

अक्षयं लभते स्वर्गं विबुधैः संप्रयुज्यते। ब्राह्मणो लभते वेदं जन्मजन्मसु बाडव

akṣayaṁ labhate svargaṁ vibudhaiḥ saṁprayujyate brāhmaṇo labhate vedaṁ janmajanmasu bāḍava

वह अक्षय स्वर्ग प्राप्त करता है और विद्वानों से जुड़ता है। हे बाडव! ब्राह्मण जन्म-जन्मांतर में वेद प्राप्त करता है,

श्लोक 88 (padma.1.51.88)

सकृच्छृणोति यः पूतो दुष्कृतौघाद्विमुच्यते। सुरालयमवाप्नोति स्वर्गाद्भ्रष्टो धनी भवेत्

sakṛcchṛṇoti yaḥ pūto duṣkṛtaughādvimucyate surālayamavāpnoti svargādbhraṣṭo dhanī bhavet

जो पवित्र होकर एक बार भी इसे सुनता है, वह दुष्कर्मों के समूह से मुक्त हो जाता है। वह देवलोक प्राप्त करता है, और स्वर्ग से पतित होने पर भी धनवान बनता है।