पंचाख्यान

श्लोक 1 (padma.1.56.1)

श्रीभगवानुवाच- पुरा शर्वः स्त्रियो दृष्ट्वा युवती रूपशालिनीः। गंधर्वकिन्नराणां च मनुष्याणां च सर्वतः

śrībhagavānuvāca- purā śarvaḥ striyo dṛṣṭvā yuvatī rūpaśālinīḥ gaṁdharvakinnarāṇāṁ ca manuṣyāṇāṁ ca sarvataḥ

श्रीभगवान् ने कहा — पूर्वकाल में शर्व (शिव) ने गंधर्वों, किन्नरों और मनुष्यों की सर्वत्र से सुंदरी युवती स्त्रियों को देखा।

श्लोक 2 (padma.1.56.2)

मंत्रेण ताः समाकृष्य त्वतिदूरे विहायसि। तपोव्याजपरो देवस्तासु संगतमानसः

maṁtreṇa tāḥ samākṛṣya tvatidūre vihāyasi tapovyājaparo devastāsu saṁgatamānasaḥ

मंत्र से उन्हें आकर्षित करके, आकाश में अत्यंत दूर, तपस्या के बहाने वे देव उनमें आसक्तचित्त हो गए।

श्लोक 3 (padma.1.56.3)

अतिरम्यां कुटीं कृत्वा ताभिः सह महेश्वरः। क्रीडां चकार सहसा मनोभव पराभवः

atiramyāṁ kuṭīṁ kṛtvā tābhiḥ saha maheśvaraḥ krīḍāṁ cakāra sahasā manobhava parābhavaḥ

अत्यंत रमणीय कुटी बनाकर महेश्वर उनके साथ सहसा क्रीड़ा करने लगे, कामदेव से पराभूत होकर।

श्लोक 4 (padma.1.56.4)

एतस्मिन्नंतरे गौर्याश्चित्तमुद्भ्रांततां गतम्। अपश्यद्ध्यानयोगेन क्रीडंतं जगदीश्वरम्

etasminnaṁtare gauryāścittamudbhrāṁtatāṁ gatam apaśyaddhyānayogena krīḍaṁtaṁ jagadīśvaram

इसी बीच गौरी का चित्त व्याकुल हो उठा। ध्यान-योग से उन्होंने जगदीश्वर को क्रीड़ा करते हुए देख लिया।

श्लोक 5 (padma.1.56.5)

स्त्रीभिरंतर्गतं ज्ञात्वा रोषस्य वशगाभवत्। ततः क्षेमंकरी रूपा भूत्वा च प्रविवेश सा

strībhiraṁtargataṁ jñātvā roṣasya vaśagābhavat tataḥ kṣemaṁkarī rūpā bhūtvā ca praviveśa sā

उसे स्त्रियों के बीच में जानकर वह क्रोध के वशीभूत हो गई। तब वह क्षेमंकरी रूप धारण करके वहाँ प्रविष्ट हुई—

श्लोक 6 (padma.1.56.6)

व्योमैकांतेतिदूरे च कामदेव समप्रभम्। वामातिमध्यगं शुभ्रं पुरुषं पुरुषोत्तमम्

vyomaikāṁtetidūre ca kāmadeva samaprabham vāmātimadhyagaṁ śubhraṁ puruṣaṁ puruṣottamam

—आकाश के एकांत, अत्यंत दूरस्थ प्रदेश में, कामदेव के समान तेजस्वी, स्त्रियों के मध्य स्थित, उज्ज्वल पुरुषोत्तम पुरुष को [देखा]—

श्लोक 7 (padma.1.56.7)

स्त्रीभिः सह समालिग्य प्रक्रीडंतं मुहुर्मुहुः। चुंबंतं निर्भरं देवं हरं रागप्रपीडितम्

strībhiḥ saha samāligya prakrīḍaṁtaṁ muhurmuhuḥ cuṁbaṁtaṁ nirbharaṁ devaṁ haraṁ rāgaprapīḍitam

—स्त्रियों के साथ आलिंगन करके बारंबार क्रीड़ा करते हुए, अनवरत चुंबन करते हुए उस देव हर को, राग से अत्यंत पीड़ित—

श्लोक 8 (padma.1.56.8)

वृत्तं क्षेमंकरी दृष्ट्वा निपपाताग्रतस्तदा। तासां केशेषु चाकृष्य चकार चरणाहतिम्

vṛttaṁ kṣemaṁkarī dṛṣṭvā nipapātāgratastadā tāsāṁ keśeṣu cākṛṣya cakāra caraṇāhatim

—यह सब देखकर क्षेमंकरी उसी क्षण उनके सामने गिर पड़ी (आ धमकी); और उन स्त्रियों के केश पकड़कर उन्हें चरणों से प्रहार करने लगी।

श्लोक 9 (padma.1.56.9)

त्रपया पीडितश्शर्वः पराङ्मुखमवस्थितः। केशेष्वाकृष्य रोषात्ताः पातयामास भूतले

trapayā pīḍitaśśarvaḥ parāṅmukhamavasthitaḥ keśeṣvākṛṣya roṣāttāḥ pātayāmāsa bhūtale

लज्जा से पीड़ित शर्व मुख फेरकर खड़े रह गए। उसने क्रोधवश उन स्त्रियों को केश पकड़कर पृथ्वी पर गिरा दिया।

श्लोक 10 (padma.1.56.10)

स्त्रियः सर्वाधरां प्राप्य सहसा विकृताननाः। उमाशापप्रदग्धांगा म्लेच्छानां वशमागताः

striyaḥ sarvādharāṁ prāpya sahasā vikṛtānanāḥ umāśāpapradagdhāṁgā mlecchānāṁ vaśamāgatāḥ

वे स्त्रियाँ तत्काल अधम दशा को प्राप्त हो गईं, उनके मुख विकृत हो गए; उमा के शाप से उनके अंग दग्ध होकर वे म्लेच्छों के वश में जा पड़ीं।

श्लोक 11 (padma.1.56.11)

ताश्चांडालस्त्रियः ख्याता अधवा धवसंयुताः। अद्याप्युमाकृतं शापं सर्वास्ताश्च समश्नुयुः

tāścāṁḍālastriyaḥ khyātā adhavā dhavasaṁyutāḥ adyāpyumākṛtaṁ śāpaṁ sarvāstāśca samaśnuyuḥ

वे चांडाल-स्त्रियों के नाम से विख्यात हुईं, चाहे विधवा हों या सधवा। आज भी वे सब उमा के दिए हुए उस शाप को भोगती हैं।

श्लोक 12 (padma.1.56.12)

अथोमा शतधा रूपं कृत्वेशं संगता तदा। एवं प्रभावं जानीहि कामस्य सततं द्विज

athomā śatadhā rūpaṁ kṛtveśaṁ saṁgatā tadā evaṁ prabhāvaṁ jānīhi kāmasya satataṁ dvija

तब उमा ने अपने रूप को सौ प्रकार से करके ईश के साथ मिलन किया। हे द्विज! इस प्रकार काम का प्रभाव निरंतर जानो।

श्लोक 13 (padma.1.56.13)

ततश्चिरात्तया सार्द्धं गतः कैलासमंदिरं। अतः क्षेमंकरीं दृष्ट्वा येभिनंदंति मानवाः

tataścirāttayā sārddhaṁ gataḥ kailāsamaṁdiraṁ ataḥ kṣemaṁkarīṁ dṛṣṭvā yebhinaṁdaṁti mānavāḥ

तत्पश्चात् दीर्घकाल के बाद वे उनके साथ कैलास-भवन को गए। जो मनुष्य उस क्षेमंकरी का दर्शन कर उनका अभिनंदन करते हैं—

श्लोक 14 (padma.1.56.14)

तेषां वित्तर्द्धि विभवा भवंतीह परत्र च। कुंकुमारक्तसर्वांगि कुंदेन्दुधवलानने

teṣāṁ vittarddhi vibhavā bhavaṁtīha paratra ca kuṁkumāraktasarvāṁgi kuṁdendudhavalānane

—उन्हें इस लोक और परलोक दोनों में धन, समृद्धि और वैभव प्राप्त होते हैं। हे कुमकुम से रक्त-सर्वांगी, कुंद-चंद्र-सी धवल मुख वाली देवी!

श्लोक 15 (padma.1.56.15)

सर्वमंगलदे देवि क्षेमंकरि नमोस्तु ते। योगिनीसाम्यं तेनैव संमुखा विमुखापि वा

sarvamaṁgalade devi kṣemaṁkari namostu te yoginīsāmyaṁ tenaiva saṁmukhā vimukhāpi vā

हे सर्वमंगलदायिनी देवि! हे क्षेमंकरि! आपको नमस्कार है। योगिनियों के समान, चाहे आप सम्मुख हों अथवा विमुख—

श्लोक 16 (padma.1.56.16)

दृष्ट्वा तां नाभिवंदेद्यस्तस्य युद्धे पराजयः। राजगृहेषु विद्यायां नमस्काराज्जयो भवेत्

dṛṣṭvā tāṁ nābhivaṁdedyastasya yuddhe parājayaḥ rājagṛheṣu vidyāyāṁ namaskārājjayo bhavet

—जो उन्हें देखकर भी वंदन नहीं करता, उसकी युद्ध में पराजय होती है। राजसभा में और विद्या में, नमस्कार से ही विजय प्राप्त होती है।

श्लोक 17 (padma.1.56.17)

एवं कामस्य माहात्म्यं भवो मोहवशं गतः। अयं देवासुराणां च क्षमया प्रभुतां गतः

evaṁ kāmasya māhātmyaṁ bhavo mohavaśaṁ gataḥ ayaṁ devāsurāṇāṁ ca kṣamayā prabhutāṁ gataḥ

इस प्रकार काम का माहात्म्य ऐसा है कि भव (शिव) भी मोह के वशीभूत हो गए। यही देवों और असुरों के, क्षमा के गुण से, प्रभुत्व को प्राप्त हुए—

श्लोक 18 (padma.1.56.18)

अस्यैव सदृशो लोके न भूतो न भविष्यति। रामामङ्कस्थितां रम्यां क्षमातल्पगतेन च

asyaiva sadṛśo loke na bhūto na bhaviṣyati rāmāmaṅkasthitāṁ ramyāṁ kṣamātalpagatena ca

—इनके समान कोई लोक में न हुआ है, न होगा। रमणीय रमा को अपनी गोद में रखकर, क्षमा की शय्या पर स्थित होकर—

श्लोक 19 (padma.1.56.19)

त्यक्त्वैव साधिता लोकास्सुरासुरसुदुर्लभाः। एवं वैष्णवमुख्यश्च सुरासुरगणार्चितः

tyaktvaiva sādhitā lokāssurāsurasudurlabhāḥ evaṁ vaiṣṇavamukhyaśca surāsuragaṇārcitaḥ

—उसे त्यागकर ही उन्होंने देवों और असुरों को भी अत्यंत दुर्लभ लोकों को साधा। इस प्रकार वैष्णवों में श्रेष्ठ, देव-असुर-गणों द्वारा पूजित वह—

श्लोक 20 (padma.1.56.20)

यो नो ददाति भुक्त्यग्र्यं शेषं च स्वयमश्नुते। एवमभ्यासधैर्येण दीर्घकाले सुखंगते

yo no dadāti bhuktyagryaṁ śeṣaṁ ca svayamaśnute evamabhyāsadhairyeṇa dīrghakāle sukhaṁgate

—जो हमें अपने भोजन का सर्वोत्तम अंश देता है, और शेष स्वयं ग्रहण करता है — इस प्रकार अभ्यास और धैर्य से दीर्घकाल में सुख प्राप्त होने पर—

श्लोक 21 (padma.1.56.21)

प्राक्संगमात्स्वभार्यां च दृष्ट्वा मां प्रददौ मुदा। द्वादशाब्दं प्रसंकल्प्य प्राग्भोगो मयि वेशितः

prāksaṁgamātsvabhāryāṁ ca dṛṣṭvā māṁ pradadau mudā dvādaśābdaṁ prasaṁkalpya prāgbhogo mayi veśitaḥ

—मिलन से पहले भी अपनी पत्नी को मुझे देखकर हर्षपूर्वक अर्पित कर दिया था। बारह वर्षों का संकल्प लेकर उसने पहले अपना भोग मुझमें निवेशित किया था।

श्लोक 22 (padma.1.56.22)

तेन तस्य गृहे नित्यं तिष्ठामि गृहरक्षणात्। तथा धात्रीफलस्यापि सदा स्वर समीहते

tena tasya gṛhe nityaṁ tiṣṭhāmi gṛharakṣaṇāt tathā dhātrīphalasyāpi sadā svara samīhate

इसीलिए मैं उसके घर में सदा गृह-रक्षा करते हुए निवास करता हूँ। तथा धात्री-फल (आँवला) की भी वह सदा अपनी वाणी से प्रार्थना करता है।

श्लोक 23 (padma.1.56.23)

तस्मादुक्तो मयान्येषां वैष्णवानां च वैष्णवः। पुरा ये विप्र मे भक्तास्सुरा मत्पथगामिनः

tasmādukto mayānyeṣāṁ vaiṣṇavānāṁ ca vaiṣṇavaḥ purā ye vipra me bhaktāssurā matpathagāminaḥ

इसलिए मैं उसे अन्य वैष्णवों में वैष्णव कहता हूँ। हे विप्र! पूर्वकाल में जो देवगण मेरे भक्त, मेरे मार्ग पर चलने वाले थे—

श्लोक 24 (padma.1.56.24)

तैरेव न कृतं यच्च तदनेन कृतं परम्। तस्माद्वैष्णवसर्वस्वं नाम रम्यं मया कृतम्

taireva na kṛtaṁ yacca tadanena kṛtaṁ param tasmādvaiṣṇavasarvasvaṁ nāma ramyaṁ mayā kṛtam

—उन्होंने भी जो न किया, वह इसने कर दिखाया है। इसलिए मैंने इसका सुंदर नाम 'वैष्णवसर्वस्व' रखा है।

श्लोक 25 (padma.1.56.25)

अस्य वेश्मनि तिष्ठामि मुहूर्तं न चलाम्यहम्। अतो ये चैवमद्भक्तास्तेष्वहं सुलभो द्विज

asya veśmani tiṣṭhāmi muhūrtaṁ na calāmyaham ato ye caivamadbhaktāsteṣvahaṁ sulabho dvija

मैं इसके घर में निवास करता हूँ, एक मुहूर्त भी वहाँ से नहीं हटता। हे द्विज! अतः जो भी मेरे ऐसे भक्त हैं, उनके लिए मैं सुलभ हूँ।

श्लोक 26 (padma.1.56.26)

अस्माकं पदवीं तेभ्यो ह्यद्य दद्मि स्वकारणम्। आवयोर्विप्रसौजन्यं स्वप्नभोज्यादिकं समम्

asmākaṁ padavīṁ tebhyo hyadya dadmi svakāraṇam āvayorviprasaujanyaṁ svapnabhojyādikaṁ samam

मैं आज उन्हें अपना पद स्वयं के कारणवश प्रदान करता हूँ। हम दोनों — विप्र और मुझमें — सौजन्य, स्वप्न में भोजन आदि समान है,

श्लोक 27 (padma.1.56.27)

सायुज्यं च सखित्वं च पश्य भूदेवनांतरम्। ततो मूकादयः सर्वे स्वागता हरिमीश्वरम्

sāyujyaṁ ca sakhitvaṁ ca paśya bhūdevanāṁtaram tato mūkādayaḥ sarve svāgatā harimīśvaram

—साथ ही सायुज्य और सख्यत्व भी। देखो, भूदेव (ब्राह्मण) और मेरे बीच कोई अंतर नहीं है। तत्पश्चात् गूँगे आदि सभी प्राणी हरि, ईश्वर का स्वागत करते हुए—

श्लोक 28 (padma.1.56.28)

गंतुकामा दिवं पुण्यास्सदाराः सपरिच्छदाः। ये च तेषां गृहाभ्याशेप्यात्मनो गृहगोधिकाः

gaṁtukāmā divaṁ puṇyāssadārāḥ saparicchadāḥ ye ca teṣāṁ gṛhābhyāśepyātmano gṛhagodhikāḥ

—स्वर्ग जाने की इच्छा वाले, पुण्यवान्, अपनी पत्नियों और परिवारों सहित, स्वर्ग को जाने लगे; और उनके घरों के निकट रहने वाली उनकी अपनी गृह-गोधिकाएँ (छिपकलियाँ) भी—

श्लोक 29 (padma.1.56.29)

नाना कीटादयो ये च तेषामनुययुः सुराः। व्यास उवाच- एतस्मिन्नंतरे देवाः सिद्धाश्च परमर्षयः

nānā kīṭādayo ye ca teṣāmanuyayuḥ surāḥ vyāsa uvāca- etasminnaṁtare devāḥ siddhāśca paramarṣayaḥ

—तथा नाना प्रकार के कीट आदि, वे सब भी उन देवों के पीछे-पीछे चल पड़े। व्यास जी ने कहा — इसी बीच देवगण, सिद्ध और परमर्षिगण—

श्लोक 30 (padma.1.56.30)

प्रचक्रुः पुष्पवर्षाणि साधुसाध्वित्यनादयन्। देवदुंदुभयो नेदुर्विमानेषु वनेषु च

pracakruḥ puṣpavarṣāṇi sādhusādhvityanādayan devaduṁdubhayo nedurvimāneṣu vaneṣu ca

—पुष्पों की वर्षा करने लगे, 'साधु साधु' कहकर जय-जयकार करने लगे। देव-दुंदुभियाँ विमानों में और वनों में बज उठीं।

श्लोक 31 (padma.1.56.31)

समारुह्य रथं स्वं स्वं हरिवीथीपुरं ययुः। तदद्भुतं समालोक्य विप्रोऽवोचज्जनार्दनम्

samāruhya rathaṁ svaṁ svaṁ harivīthīpuraṁ yayuḥ tadadbhutaṁ samālokya vipro'vocajjanārdanam

अपने-अपने रथ पर आरूढ़ होकर वे सब हरि की वीथी-पुरी को चले गए। उस अद्भुत दृश्य को देखकर विप्र ने जनार्दन से कहा —

श्लोक 32 (padma.1.56.32)

उपदेशं च देवेश ब्रूहि मे मधुसूदन। श्रीभगवानुवाच- गच्छ स्वपितरौ तात शोकविक्लवमानसौ

upadeśaṁ ca deveśa brūhi me madhusūdana śrībhagavānuvāca- gaccha svapitarau tāta śokaviklavamānasau

'हे देवेश! हे मधुसूदन! मुझे भी उपदेश दीजिए।' श्रीभगवान् ने कहा — 'हे तात! जाओ, अपने माता-पिता के पास, जो शोक से व्याकुल-चित्त हैं,

श्लोक 33 (padma.1.56.33)

समाराध्य प्रयत्नेन मद्गृहं प्राप्स्यसेऽचिरात्। पितृमातृसमा देवा न तिष्ठंति सुरालये

samārādhya prayatnena madgṛhaṁ prāpsyase'cirāt pitṛmātṛsamā devā na tiṣṭhaṁti surālaye

—और प्रयत्नपूर्वक उनकी आराधना करके तुम शीघ्र ही मेरे धाम को प्राप्त करोगे। माता-पिता देवताओं के समान हैं, वे देवालय में निवास नहीं करते—

श्लोक 34 (padma.1.56.34)

याभ्यां सुगर्हितं देहं शिशुत्वे पालितं सदा। अज्ञानदोषसहितं प्रपुष्टं चापि वर्धितम्

yābhyāṁ sugarhitaṁ dehaṁ śiśutve pālitaṁ sadā ajñānadoṣasahitaṁ prapuṣṭaṁ cāpi vardhitam

—जिन्होंने अत्यंत लज्जास्पद इस देह का शिशु-अवस्था में सदा पालन किया, अज्ञान के दोषों सहित इसे पोषित और वर्धित किया,

श्लोक 35 (padma.1.56.35)

याभ्यां तयोस्समं नास्ति त्रैलोक्ये सचराचरे। ततो देवगणास्सर्वे पंचभिस्तैर्मुदान्विताः

yābhyāṁ tayossamaṁ nāsti trailokye sacarācare tato devagaṇāssarve paṁcabhistairmudānvitāḥ

—उन दोनों के समान त्रैलोक्य में चराचर सहित कोई नहीं है।' तत्पश्चात् वे समस्त देवगण, उन पाँचों के साथ हर्षित होकर—

श्लोक 36 (padma.1.56.36)

माधवं संस्तुवंतश्च गतास्ते हरिमंदिरम्। खचितां च पुरीं रम्यां विश्वकर्मविनिर्मिताम्

mādhavaṁ saṁstuvaṁtaśca gatāste harimaṁdiram khacitāṁ ca purīṁ ramyāṁ viśvakarmavinirmitām

—माधव की स्तुति करते हुए हरि-मंदिर को गए, जो विश्वकर्मा द्वारा निर्मित, मणि-जटित, रमणीय नगरी थी,

श्लोक 37 (padma.1.56.37)

रत्नाढ्यामिष्टसंपूर्णां कल्पवृक्षादिभिर्युताम्। शातकुम्भमयैर्गेहैस्सर्वरत्नैस्सकर्बुराम्

ratnāḍhyāmiṣṭasaṁpūrṇāṁ kalpavṛkṣādibhiryutām śātakumbhamayairgehaissarvaratnaissakarburām

—रत्नों से समृद्ध, समस्त इष्ट वस्तुओं से परिपूर्ण, कल्पवृक्ष आदि से युक्त; सोने के भवनों वाली, सब रत्नों से चित्रित—

श्लोक 38 (padma.1.56.38)

वज्रवैडूर्यसोपानां स्वर्णदीतोयसंयुताम्। गीतवाद्यादिसंपूर्णां सर्वदुर्गसमाकुलाम्

vajravaiḍūryasopānāṁ svarṇadītoyasaṁyutām gītavādyādisaṁpūrṇāṁ sarvadurgasamākulām

—वज्र और वैडूर्य की सीढ़ियों वाली, स्वर्ण-नदी के जल से युक्त; गीत-वाद्य आदि से परिपूर्ण, समस्त दुर्गों (रक्षा-स्थलों) से घिरी हुई,

श्लोक 39 (padma.1.56.39)

कोकिलालापबहुलां सिद्धगंधर्वसेविताम्। रूपाढ्यैः सुजनैः पूर्णां प्रयांतीमिव खे पुरीम्

kokilālāpabahulāṁ siddhagaṁdharvasevitām rūpāḍhyaiḥ sujanaiḥ pūrṇāṁ prayāṁtīmiva khe purīm

—कोकिलों के कलरव से मुखरित, सिद्धों और गंधर्वों द्वारा सेवित; सुंदर सज्जनों से परिपूर्ण वह नगरी मानो आकाश में विचरण करती हुई-सी थी।

श्लोक 40 (padma.1.56.40)

ततः स्थित्वाऽच्युताः सर्वे सर्वलोकोर्ध्वतो भृशम्। द्विजोपि पितरौ गत्वा समाराध्य प्रयत्नतः

tataḥ sthitvā'cyutāḥ sarve sarvalokordhvato bhṛśam dvijopi pitarau gatvā samārādhya prayatnataḥ

तत्पश्चात् अच्युत के वे सब भक्त वहाँ स्थित होकर समस्त लोकों से अत्यंत ऊपर पहुँच गए। वह द्विज भी अपने माता-पिता के पास जाकर, प्रयत्नपूर्वक उनकी आराधना करके—

श्लोक 41 (padma.1.56.41)

अचिरेणैव कालेन सकुटुंबो हरिं ययौ। पंचाख्यानमिदं पुण्यं मया ते समुदाहृतम्

acireṇaiva kālena sakuṭuṁbo hariṁ yayau paṁcākhyānamidaṁ puṇyaṁ mayā te samudāhṛtam

—थोड़े ही समय में अपने परिवार सहित हरि को प्राप्त हो गया। यह पवित्र पंचाख्यान मैंने तुम्हें कह सुनाया है।

श्लोक 42 (padma.1.56.42)

यः पठेच्छृणुयाद्वापि तस्य नास्तीह दुर्गतिः। ब्रह्महत्यादिभिः पापैर्न लिप्येत कदाचन

yaḥ paṭhecchṛṇuyādvāpi tasya nāstīha durgatiḥ brahmahatyādibhiḥ pāpairna lipyeta kadācana

जो इसे पढ़ता या सुनता है, उसकी दुर्गति कभी नहीं होती। वह ब्रह्महत्या आदि पापों से कभी भी लिप्त नहीं होता।

श्लोक 43 (padma.1.56.43)

गवां कोटिप्रदानेन यत्फलं लभते नरः। तत्फलं समवाप्नोति पंचाख्यानावगाहनात्

gavāṁ koṭipradānena yatphalaṁ labhate naraḥ tatphalaṁ samavāpnoti paṁcākhyānāvagāhanāt

करोड़ों गायों के दान से जो फल मनुष्य को प्राप्त होता है, वही फल इस पंचाख्यान के अवगाहन (गहन पठन) से प्राप्त हो जाता है।

श्लोक 44 (padma.1.56.44)

स्नानेन पुष्करे नित्यं भागीरथ्यां च सर्वदा। यत्फलं तदवाप्नोति सकृच्छ्रवणगोचरात्

snānena puṣkare nityaṁ bhāgīrathyāṁ ca sarvadā yatphalaṁ tadavāpnoti sakṛcchravaṇagocarāt

पुष्कर में और सदैव भागीरथी में नित्य स्नान करने से जो फल मिलता है, वही फल इसे एक बार भी सुनने मात्र से प्राप्त हो जाता है।

श्लोक 45 (padma.1.56.45)

दुःस्वप्नं नाशयेत्क्षिप्रं तथारोग्यं प्रयच्छति। लक्ष्म्यारोग्यकरं चैव तस्माच्छ्रोतव्यमेव हि

duḥsvapnaṁ nāśayetkṣipraṁ tathārogyaṁ prayacchati lakṣmyārogyakaraṁ caiva tasmācchrotavyameva hi

यह दुःस्वप्न को शीघ्र नष्ट कर देता है, तथा आरोग्य भी प्रदान करता है। यह लक्ष्मी और आरोग्य दोनों देने वाला है, इसलिए इसे अवश्य ही सुनना चाहिए।